@1A [DD] #, ,RGYA GAR SKAD DU, TZA TU:SHA TA KA SH'ASTR'A K'A RI K'A N'A MA, BOD SKAD DU, BSTAN BCOS BZHI BRGYA PA ZHES BYA BA'I TSIG LE'UR BYAS PA, 'PHAGS PA 'JAM DPAL LA PHYAG 'TSAL [DD] LO; ,GANG LA 'JIG RTEN GSUM MNGA' BDAG ,RANG NYID 'CHI BDAG BYED PO MED, ,YONG NGES RNAL BZHIN GNYID LOG NA, ,DE LAS MA RUNGS GZHAN CI YOD, ,'CHI BAR BYA PHYIR SKYES GYUR CING, ,GZHAN DBANG 'GRO BA'I NGANG CAN LA, ,'CHI BA BYA BA LTAR SNANG STE, ,GSON PA BYA BA MIN LTAR RO, ,KHYOD KYIS 'DAS DUS THUNG NGU LTAR, ,MTHONG ZHING MA 'ONGS GZHAN DU NA, ,KHYOD MNYAM MI MNYAM LTAR SEMS DE, ,GSAL BAR 'JIGS PA'I 'O DOD 'DRA, ,GZHAN DAG LA YANG SPYI MTHUN PHYIR, ,KHYOD LA 'CHI BA'I 'JIGS MED NA, , GCIG LA GNOD GANG DE PHRAG DOG ,SGO NAS SDUG BSNGAL SKYED 'GYUR RAM, ,NAD BCOS RGA BA GSO BYA DES, ,DE DAG LA KHYOD MI 'JIGS MOD, ,CHAD PA PHYI MA BCOR MED PAS, , @2A *, ,KHYOD CHES GSAL BAR DE LA 'JIGS, ,GSAD PAR BYA BA'I PHYUGS RNAMS LTAR, ,'CHI BA KUN GYI THUN MONG ZHING, ,GZHAN YANG 'CHI BAR SNANG GYUR NA, ,KHYOD LA 'CHI BDAG 'JIGS CIS MED, ,DUS LA NGES PA MED PA'I PHYIR, ,BDAG RTAG SNYAM DU SEMS NA NI, ,NAM ZHIG DUS NA 'CHI BDAG GIS, ,KHYOD LA GNOD PA BYED PAR 'GYUR, ,MA 'ONGS PA YI DON LTA ZHING, ,GSON PA ZAD PA MA YIN NA,, BDAG NYID 'TSONG LA BDAG NYID NI, ,RNAM DPYOD LDAN ZHES SU ZHIG SMRA, ,BDAG NYID GTA' MAR BZHAG BYAS TE, ,SDIG LAS CI YI PHYIR NA BYED, ,NGES PAR KHYOD NI MKHAS RNAMS LTAR, ,BDAG LA 'DOD CHAGS BRAL BAR ZAD, ,SU LA'ANG GSON PA ZHES BYA BA, ,SEMS KYI SKAD CIG LAS GZHAN MED, ,SKYE BOS DE NGES MI RIG PA, ,DES NA BDAG NYID SHES PA DKON, ,KHYOD RING GSON PA LA DGA' ZHING, ,RGAN NYID LA KHYOD MI DGA' NA, ,AE MA KHYOD SPYOD SKYE BO NI, ,'DRA LA DAM PA LTA BUR SNANG, ,KHYOD RANG 'CHI LA MYA NGAN NA, ,BU SOGS RNAMS PHYIR CI STE YIN, ,RANG NYID SPYO BYA SMRA BO NI, ,CI LTA BUR NA SMAD MI @2B 'GYUR, ,GANG TSE 'GA' ZHIG MA BCOL BAR, ,RANG NYID BUR GYUR DE YI TSE, ,MA DRIS NYID DU DE 'GRO BA, ,RIGS PAR MI 'GYUR MA YIN NO, ,GTI MUG PHYIR NA BU YI NI, ,RNAM PAR RTOG PA MED PAR ZAD, ,'DI YI 'GRO BAR SPRO BA NYID, ,RGAS PAS STON PAR BYED PAR 'GYUR, ,JI LTAR PHA LA BU SDUG PA, ,DE LTAR DE LA SKYE MA YIN, ,'JIG RTEN 'DI NI 'OG TU 'GRO, ,DE PHYIR MTHO RIS KYANG RNYED DKA', ,GANG TSE RJES SU MI MTHUN PA, ,'GA' YANG SDUG CES BYA YOD MIN, ,DE TSE CHAGS PA 'TSONG DANG NI; ,'DRA BA 'BA' ZHIG SKYE BAR ZAD, ,BRAL BAS BSKYED PA'I SDUG BSNGAL NI, ,MI RNAMS SNYING LAS MYUR LDOG STE, ,CHAGS LA'ANG SDUG BSNGAL BRAL BA YIS, ,MTSON PA'I MI BRTAN PA NYID LTOS, ,GNOD PAS GZIR BA BYAS ZIN KYANG, ,YON TAN MED SNYAM SHES BZHIN DU, ,KHYOD BDAG NYID LA PHYI 'CHOS 'GYUR, ,DE YANG BDAG LA MI RIGS SO, ,SDUG BSNGAL RNAM PAR 'GED LTA BUR, ,'JIG RTEN 'DI NI YONGS SU 'KHYAM, ,SDUG BSNGAL GYUR PA'I SKYE BO LA, ,SDUG BSNGAL 'GED PAS CI ZHIG BYA, ,GANG GI 'DU BA DGA' YIN DE'I, ,'BRAL BA CI LTAR DGA' MA YIN, ,'DU BA DANG NI 'BRAL BA DAG ,LHAN CIG RGYU BAR SNANG MIN NAM, ,'DAS LA THOG MA YOD MIN LA, ,MA 'ONGS THA MA YOD MIN NA, ,CIS NA KHYOD KYIS 'DU MTHONG ZHING, ,RING POR GYUR KYANG BRAL BA MIN, ,SKAD CIG LA SOGS DUS DE RNAMS, ,NGES PAR DGRA DANG 'DRAR 'GYUR TE, ,DES NA DGRAR GYUR DE DAG LA, ,RNAM KUN KHYOD 'DOD CHAGS MI BYA, ,BLO NGAN BRAL BA'I 'JIGS PA YIS, ,KHYIM NAS NGES PAR MI 'BYUNG NA, ,MKHAS PA SU ZHIG NGES PAR NI, ,BYA DGOS CHAD PAS BYED PAR 'GYUR, ,KHYOD 'DI BYAS NAS GSAL BAR NI, ,NAGS SU 'GRO BYA SNYAM SEMS NA, ,GANG ZHIG BYAS KYANG GTANG BYA BA, ,DE BYAS YON TAN CI ZHIG YOD, ,BDAG NI 'CHI'O SNYAM SEMS PA, ,GANG LA NGES PAR @3A *, ,YOD GYUR PA, ,DE NI CHAGS PA YONGS BTANG PHYIR, ,'CHI BDAG LA YANG GA LA 'JIGS, ,BYANG CHUB SEMS DPA'I RNAL 'BYOR SPYOD PA BZHI BRGYA PA LAS RTAG PAR 'DZIN PA SPANG BA'I THABS BSTAN PA STE RAB TU BYED PA DANG PO'O,, ,, LUS NI DGRA LTAR MTHONG MOD KYI, ,DE LTA NA YANG DE BSRUNG BYA, ,KHRIMS LDAN YUN RING 'TSO BA NI, ,DE LAS BSOD NAMS CHEN PO BYED, ,MI RNAMS SDUG BSNGAL LUS NYID LAS, ,SKYE ZHING BDE BA GZHAN LAS NA, ,SDUG BSNGAL KUN GYI SNOD GYUR PA, ,KHOG PA LA KHYOD CI STE GUS, ,GANG TSE BDE BA SDUG BSNGAL LTAR, ,SHAS CHER MI LA MI 'BYUNG NA, ,DE LTAR SDUG BSNGAL CHEN PO DE, ,CHUNG NGO SNYAM DU SEMS BYED DAM, ,'JIG RTEN BDE LA MNGON PHYOGS SHING, ,BDE GYUR DAG KYANG RNYED DKA' STE, ,DES NA SKYE BO 'JIG 'DI LA, ,SDUG BSNGAL RJES SU SNYEGS PA 'DRA, ,SDUG BSNGAL 'DOD PAS RNYED 'GYUR GYI, ,'DOD PAS BDE BA GA LA YIN, ,KHYOD CIS DKON PA LA GUS SHING, ,MOD LA CI STE KHYOD MI 'JIGS, ,BDE BAR GYUR PA'I LUS PO NI, ,SDUG BSNGAL SNOD DU 'GYUR BA DE, ,LUS LA GUS DANG DGRA LA GUS, ,DE DAG GNYIS NI MTSUNGS PAR SNANG, ,LUS NI SHIN TU 'GOR BAS KYANG, ,BDE BA'I BDAG TU MI 'GYUR TE, ,RANG BZHIN GZHAN GYIS ZIL GNON CES, ,BYA BA RIGS PA MA YIN NO, ,MCHOG LA YID KYI SDUG BSNGAL TE, ,THA MA RNAMS LA LUS SKYES SO, ,SDUG BSNGAL GNYIS KYIS 'JIG RTEN 'DI, ,NYIN RE NYIN RE 'JOMS PAR BYED, ,BDE BA RTOG PA'I DBANG GYUR CING, ,RTOG PA SDUG BSNGAL DBANG GYUR PA, ,DE PHYIR KUN NA SDUG BSNGAL LAS, ,SHIN TU STOBS LDAN CI YANG MED, ,JI LTA JI LTAR DUS 'GRO BA, ,DE LTA DE LTAR SDUG BSNGAL 'PHEL, ,DE PHYIR BDE BA LUS 'DI YI, ,GZHAN PO LTA BUR SNANG BAR 'GYUR, ,SDUG BSNGAL GYI NI RGYU MANG PO, ,NAD RNAMS DANG GZHAN SNANG GYUR PA, ,DE SNYED DU NI MI RNAMS LA, , @3B BDE BA'I RGYU DAG SNANG MA YIN, ,'PHEL BZHIN PA YI BDE BA LAS, ,JI LTAR BZLOG PA MTHONG GYUR PA, ,DE LTAR SDUG BSNGAL 'PHEL BZHIN LAS, ,BZLOG PA YOD PA MA YIN NO, ,RKYEN DANG LHAN CIG BDE BA LAS, ,BZLOG PA MTHONG GI SDUG BSNGAL LA, , RKYEN RNAMS NYID DANG LHAN CIG TU, ,BZLOG PA YOD PA MA YIN NO, ,KHYOD 'CHI BZHIN LA DUS SONG ZHING, ,'GRO BA DANG NI 'GROR 'GYUR NA, ,'CHI BZHIN PA NI BDE 'GYUR ZHES, ,RNAM PA KUN TU RIGS MA YIN, ,LUS CAN RNAMS LA BKRES SOGS KYI; ,GNOD PA RTAG TU YOD GYUR NA, ,GNOD BZHIN PA NI BDE'O ZHES, ,RNAM PA KUN TU RIGS MA YIN, ,NUS PA MED PAS 'BYUNG KUN LA, ,TSOGS PA ZHES BYA SKYE 'GYUR TE, ,'GAL BA RNAMS LA BDE'O ZHES, ,RNAM PA KUN TU MI RIGS SO, , GRANG SOGS RNAMS LA PHYIR 'CHOS PA, ,RTAG TU YOD PA MA YIN NA, ,BRLAG BZHIN PA NI BDE'O ZHES, ,RNAM PA KUN TU RIGS MA YIN, ,'BAD STZOL MED PAR SPYOD PA ZHES, ,BYA 'GA'ANG SA STENGS YOD MIN NA, ,LAS BYED BDE BA YIN NO ZHES, ,RNAM PA KUN TU MI RIGS SO, ,'DI DANG GZHAN DU BDAG NYID NI, ,RTAG TU SDIG LAS BSRUNG BAR BYA, ,NGAN 'GRO YOD NA BDE BA ZHES, ,RNAM PA KUN TU RIGS MA YIN, ,GZHON PA SOGS LA MI RNAMS KYI, ,BDE BA RTAG TU YOD MIN TE, ,DANG POR GANG LA RTZOM MED PA; ,DE LA MTHAR 'PHEL GA LA YOD, ,GSER GYI SNOD DU SKYUG PA LA, ,JI LTAR 'GA' ZHIG DGAR 'GYUR BA, ,DE BZHIN SDUG BSNGAL PHYIR BCOS PA, ,BDE'O SNYAM DU SEMS PAR BYED, ,BRTZAMS PAS SKYES PA LDOG 'GYUR NA, ,SDUG BSNGAL RTZOM PA'ANG BDE CI YOD, ,DE PHYIR THUB PAS SKYE 'JIG DAG ,SDUG BSNGAL YIN ZHES GSUNGS PA SNYAM, ,SO SO'I SKYE BOS SDUG BSNGAL NI, ,BDE BAS G-YOGS LTAR MI MTHONG NA, ,GANG GIS SDUG BSNGAL SGRIB 'GYUR BA, ,BDE BA ZHES BYA CI YANG MED, ,KHYOD SDUG CHAGS @4A *, ,BRAL MED DO ZHES, ,SO SO'I SKYE BO BSTAN BYA DES, ,NGES PAR DE BZHIN GSHEGS RNAMS KYIS, ,GTI MUG KUN GYI THA MAR GSUNGS, ,MI RTAG PA LA NGES PAR GNOD, ,GANG LA GNOD YOD DE BDE MIN, ,DE PHYIR MI RTAG GANG YIN PA, ,THAMS CAD SDUG BSNGAL ZHES BYAR 'GYUR, ,RNAL 'BYOR SPYOD PA BZHI BRGYA PA LAS BDE BAR 'DZIN PA SPANG BA'I THABS BSTAN PA STE RAB TU BYED PA GNYIS PA'O,, ,,YUL NI SHIN TU RING POS KYANG, ,YUL LA MUR THUG YOD MIN TE, ,SMAN PA NGAN LTAR KHYOD YUL LA, , NGAL BA 'BRAS BU MED PA 'BYUNG, ,BSTEN PAR BYED PA 'GA' ZHIG LA, ,SA SRED LDOG PA MED JI BZHIN, ,BSTEN BZHIN PA YI MI RNAMS LA, ,'DOD RE 'PHEL BA'ANG DE BZHIN NO, ,BUD MED KUN LA 'KHRIG PA LA, ,THA DAD CUNG ZAD YOD MIN ZHING, ,GZUGS GZHAN GYI YANG LONGS SPYOD NA, ,KHYOD LA MO MCHOG GIS CI BYED, ,GANG LA GANG YID 'ONG 'GYUR BA, ,DE NI DE YIS 'TSENGS PAR RLOM, ,KHYI SOGS RNAMS LA'ANG THUN MONG PAS, ,BLO GROS NGAN PA KHYOD CI CHAGS, ,KHYED LA YAN LAG KUN MDZES MO, ,GANG DE SNGAR KUN THUN MONG NA, ,DE RNYED KHYOD LA NGO MTSAR LTAR, ,JI LTAR YANG NI 'GYUR BA MIN, ,YON TAN LDAN PA SDUG PA DANG, ,BZLOG PA LA NI BZLOG MTHONG NAS, ,RNAM PAR GNAS MED SNGA MA 'AM, ,CIG SHOS LAS NI GANG ZHIG BDEN, ,BLUN PO'I 'DOD CHAGS YON TAN DANG, , LDAN PA 'BA' ZHIG LA MI SKYE, ,RGYU MED PA LAS 'JUG RNAMS KYI, ,LDOG PA RGYU LAS GA LA ZHIG ,JI SRID GZHAN SHES MA GYUR NA, ,DE SRID DE NI KHYO LA SDUG ,NAD NGAN DANG MTSUNGS BUD MED NI, ,RTAG TU RKYEN LAS BSRUNG BAR BYA, ,DAR MAR RANG GIS BYAS PA GANG, , DE NI RGAN POR MI 'DOD NA, ,JI LTA BUR NA GROL BA RNAMS, ,DE LA SHIN TU GDUNG MI 'GYUR, ,MA CHAGS PA LA BDE MED CING, ,DE YANG BLUN MIN LA MED NA, ,GANG YID RTAG TU PHYIR PHYOGS PA, ,DE YI BDE BA CI 'DRA ZHIG ,KHYOD LA GUS BZHIN RTAG PAR NI, ,MO DANG LHAN @4B CIG PHRAD PA MED, ,'DI NGA GZHAN GYI MA YIN ZHES, ,YONGS 'DZIN 'DI KO CI ZHIG YIN, ,GAL TE 'DOD CHAGS BDE YIN NA, ,BUD MED DAG GIS DGOS MED 'GYUR, ,BDE BA DOR BYA ZHES BYA BAR, ,JI LTAR YANG NI MA MTHONG NGO, ,BUD MED LHAN CIG SBYOR NA YANG, , BDE BA GZHAN LAS SKYE 'GYUR NA, ,DE RGYU MDZA' MO NYID YIN ZHES, ,BLUN PO MIN PA SU ZHIG 'DZIN, ,MDZE BO 'PHRUG BZHIN 'DOD CHAGS KYIS, ,MDONGS PAS 'DOD PA'I SKYON MI MTHONG, ,CHAGS BRAL RNAMS LA MDZE PHO LTAR, ,CHAGS CAN SDUG BSNGAL LDAN PAR SNANG, ,MGON MED BKRES PAS NYEN RNAMS LA, ,MU GER BYA BA GANG 'BYUNG BA, ,DE NI BUD MED PHRAD PA'I TSE, ,SEMS CAN KUN GYI G-YO BA YIN, ,DREGS PA YIS NI KHA CIG LA, ,BSHANG KHANG LA YANG CHAGS SKYE ZHING, ,BUD MED LA LA LA CHAGS PA, ,'GA' ZHIG 'GA' LA PHRAG DOG BYED, ,MI GTZANG PA LA GTI MUG NI, ,'BYUNG ZHING KHRO BA 'BYUNG RIGS KYI, ,RNAM PA KUN TU 'DOD CHAGS NI, ,'BYUNG BAR RIGS PA MA YIN NO, ,MI RNAMS MA GTOGS MI GTZANG BA'I, ,SNOD NI SMAD PAR 'BYUNG 'GYUR NA, ,GANG LA MI GTZANG 'BYUNG 'GYUR BA, ,DE NI SMAD PAR CIS MI SEMS, ,DNGOS PO GTZANG BA THAMS CAD KYI, ,THA MA GANG DU DMIGS GYUR PA, ,DE LA GTZANG BA YOD DO ZHES, ,BLO LDAN MI NI SU ZHIG SMRA, ,GANG ZHIG BSHANG KHANG NANG 'DUG CING, ,DE MED PAR NI MI GNAS PAR, , MI GTZANG BA YI SRIN DE LA, ,RMONGS LAS DREGS PA SKYE BAR ZAD, ,THABS GANG GIS KYANG LUS KYI NI, ,NANG PHUGS GTZANG BAR MI 'GYUR NA, ,KHYOD NI NANG LA 'BAD BYED PA, ,DE LTAR PHYI ROL LA MA YIN, ,GAL TE MDZE CAN BZHIN DE LTAR, ,GCIN CAN KUN LA MTSUNGS MIN NA, ,MDZE CAN JI BZHIN GCIN CAN DE, ,DE LTAR MI KUN GYIS SPONG 'GYUR, ,YAN LAG NYAMS PA 'GA' ZHIG NI, ,SNA YI TSAB MAS DAG 'GYUR LTAR, ,MI GTZANG PHYIR 'CHOS ME TOG LA, ,SOGS PA 'DOD CHAGS DE BZHIN 'DOD, ,GANG DU 'DOD @5A *, ,CHAGS BRAL SKYE BA, ,DE GTZANG ZHES BYAR MI RIGS LA, ,NGES PAR 'DOD CHAGS RGYUR GYUR BA'I, ,DNGOS DE GANG NA'ANG YOD MA YIN, ,MDOR NA MI RTAG MI GTZANG DANG, ,SDUG BSNGAL BA DANG BDAG MED CES, ,BYA BA BZHI PO THAMS CAD NI, ,GCIG NYID LA NI SRID PAR 'GYUR, ,BYANG CHUB SEMS DPA'I RNAL 'BYOR SPYOD PA BZHI BRGYA PA LAS GTZANG BAR 'DZIN PA PHYIN CI LOG SPANG BA'I THABS BSTAN PA STE RAB TU BYED PA GSUM PA'O,, ,,BDAG GAM BDAG GI SNYAM DREGS PA, ,SRID PAR DAM PA SU LA 'GYUR, ,GANG PHYIR LUS CAN THAMS CAD LA, ,YUL RNAMS THAMS CAD MTSUNGS PHYIR RO, ,TSOGS BRAN DRUG CHOS STABS GYUR PA, ,KHYOD KYI DREGS PA CI ZHIG YIN, ,GANG NGAM DE RU BYA BA NI, ,DBANG DU BYAS LA RAG LAS 'GYUR, ,JI LTAR GSO BYA 'THOB THOB PA, ,RJE BO GTONG POR SEMS DE BZHIN, ,RJE BO SBYIN BYA BYIN BYAS NAS, ,BDAG NI GTONG BA PO SNYAM RLOM, ,GZHAN RNAMS KYIS NI SDUG BSNGAL GNAS, ,KHYOD LA PHYIN CI LOG TU DRAN, ,GZHAN GYI LAS KYIS 'TSO KHYOD KYI, ,DGA' BA GANG GIS BSKYED PAR 'GYUR, ,'JIG RTEN GYI NI BSRUNG PO DANG, ,BSRUNG BYAR SA BDAG SNANG GYUR NA, ,CI STE GCIG GIS DREGS YOD CING, ,CI STE GZHAN GYI DREGS BRAL MIN, ,RIGS KUN NANG NAS RANG LAS LA, ,DGA' BAS 'TSO RNAMS RNYED PA DKA', ,GAL TE KHYOD LA MI DGER 'GYUR, ,DES NA KHYOD LA 'GRO BZANG DKON, ,GZHAN GYIS BSKUL TE BYED PA GANG, ,DE NI SA STENGS BLUN ZHES BYA, ,KHYOD DANG MTSUNGS PA'I GZHAN DBANG GZHAN, ,'GA' YANG YOD PA MA YIN NO, ,BSRUNG BA NGA LA RAG LAS ZHES, ,'JIG RTEN LA NI GLA LEN ZHING, ,RANG NYID KYIS KYANG SDIG BYED NA, ,DE MTSUNGS BRTZE MED SU ZHIG YOD, ,SKYE BO SDIG TO BYED RNAMS LA, ,GAL TE BRTZE BA BYA MIN NA, ,BYIS PA SO SO'I SKYE BO NI, ,THAMS CAD BSRUNG BYAR MI 'GYUR RO, ,BDAG NYID DGA' BA SKYED PA YI, RGYU NI @5B GANG DU MED MI 'GYUR, ,LUNG LA SOGS PA'I RGYU RNAMS KYIS, ,BSOD NAMS MIN PA'ANG 'JIG YOD MIN, ,YANG DAG SRUNG BYED CES BYA BA, ,GAL TE SA BDAG CHOS YIN NA, ,NYON MONGS GZO MKHAN RNAMS LA YANG, ,CI STE CHOS SU 'GYUR MA YIN, ,'JIG RTEN SA BDAG RAG LAS KYI, ,SA BDAG DE NI SMAD DE DPER, ,DAM PAS 'JIG RTEN KUN GYI MA, ,SRID PA YI NI SRID PA BZHIN, ,BLUN MIN RGYAL SRID MI THOB LA, ,BLUN LA BRTZE BA YOD MIN NA, ,BSRUNG PO YIN YANG MI YI BDAG ,BRTZE BA MED LA CHOS MI GNAS, , DRANG SRONG RNAMS KYI SPYOD PA KUN, ,MKHAS PAS BYED PA MA YIN TE, ,GANG GI PHYIR NA DE DAG LA, ,DMAN 'BRING KHYAD 'PHAGS YOD PHYIR RO, ,SNGAR GYI SA BDAG DGE RNAMS KYIS, ,'JIG RTEN BU LTAR BSKYANGS PA DE, ,RTZOD DUS CHOS LA BRTEN RNAMS KYIS, ,DENG SANG RI DAGS DGON PAR BYAS, ,GLAGS SU BSNUN PA'I RGYAL PO LA, ,GAL TE SDIG PA YOD MIN NA, ,RKUN PO GZHAN RNAMS LA YANG DE, ,DANG PO NYID DU YOD MA YIN, ,CHANG SOGS DAG LA BDOG PA KUN, ,YONGS GTONG MCHOD PA MA YIN NA, ,G-YUL NGOR BDAG KYANG YONGS GTONG PA, ,MCHOD PA SNYAM DU SEMS SAM CI, ,RGYAL PO 'JIG RTEN MGON KHYOD LA, ,MGON 'GA' YOD PA MA YIN NA, ,MGON NYID DE YIS BDAG NYID NI, ,MA BTANG SU ZHIG DGA' BAR 'GYUR, ,RGYAL PO SHI BAR GYUR PA LA'ANG, , GRAGS PAS YON TAN 'GA' MI 'BYUNG, ,KHYOD YON MED DANG KHYI 'TSED LA, ,GRAGS PA CHEN PO CI STE MED, ,GANG TSE KUN GYI DBANG PHYUG NYID, ,BSOD NAMS KYIS BSKYED DE YI TSE, ,'DI NI DBANG PHYUG RTEN MIN ZHES, ,BRJOD PA RNYED PA MA YIN NO, ,'TSO BA'I THABS SO COG LA YANG, ,'JIG RTEN NA NI RIGS ZHES BSNYAD, ,DES NA SEMS CAN THAMS CAD LA, ,RIGS LAS DBYE BA YOD MA YIN, ,'DAS DUS SHIN TU RING BA DANG, ,MI MO RNAMS YID G-YO BA STE, ,DE PHYIR RGYAL RIGS ZHES BYA BA, ,RIGS LAS 'GA' @6A *, ,YANG YOD MA YIN, ,GAL TE LAS KYIS DMANGS RIGS KYANG, ,RGYAL RIGS ZHES BYAR 'GYUR NA NI, ,LAS KYIS DMANGS KYANG BRAM ZER NI, ,GANG GIS 'GYUR BA MIN PAR SEMS, ,RGYAL PO SDIG LA DBANG PHYUG LTAR, ,'GED PA YOD PA MA YIN NA, ,GZHAN GYI DON DU MKHAS PA NI, ,SU ZHIG PHYI MAR 'JOMS PAR BYED, ,DBANG PHYUG GIS BSKYED NGA RGYAL NI, ,MNYAM DANG KHYAD PAR 'PHAGS PA YI, ,PHA ROL NUS LDAN BLTA BYA STE, ,DAM PA'I SNYING LA MI GNAS SO, ,RNAL 'BYOR SPYOD PA BZHI BRGYA BA LAS BDAG TU 'DZIN PA SPANG BA'I THABS BSTAN PA STE RAB TU BYED PA BZHI PA'O,, ,,SANGS RGYAS RNAMS KYI G-YO BA NI, ,RGYU MED 'GA' YANG YOD MIN TE, ,DBUGS KYANG SEMS CAN RNAMS LA NI, ,SMAN SLAD KHO NAR YANG DAG 'BYUNG, ,'JIG RTEN KUN LA 'CHI BDAG SGRA, ,JI LTAR 'JIGS PA SKYED 'GYUR BA, ,DE BZHIN KUN MKHYEN SGRA 'DI NI, ,'CHI BDAG LA YANG 'JIGS PA BSKYED, ,THUB LA MDZAD DANG MDZAD MIN DANG, ,GSUNG BYA GSUNG BYA MIN MNGA' BA, ,DES NA KUN MKHYEN KUN MKHYEN NI, ,MIN ZHES BYA LA RGYU CI YOD, ,SEMS MA RTOGS PA 'GRO SOGS LA, ,GANG PHYIR BSOD NAMS LA SOGS PA, ,MA MTHONG DE PHYIR LAS KUN LA, ,YID NI DON POR BSGRUB PAR BYA, ,BSAM PAS BYANG CHUB SEMS DPA' LA, ,DGE 'AM 'ON TE MI DGE RUNG, ,THAMS CAD DGE LEGS NYID 'GYUR TE, ,GANG PHYIR YID DE'I DBANG GYUR PHYIR, ,BYANG CHUB SEMS DPA' SEMS DANG PO, ,SA STENGS SKYE BO THAMS CAD NI, ,'KHOR LOS SGYUR BA NYID 'GYUR BA, ,DE DAG BSOD NAMS LAS KHYAD 'PHAGS, ,RIN CHEN RANG BZHIN MCHOG RTEN NI, , 'JIG RTEN RNYED MTHO 'GAS BYAS PA, ,DE BAS SEMS BSKYED BCUG 'DUL PO, ,MCHOG TU BKRABS PAR BRJOD PA YIN, ,DE LA PHAN 'DOD BLA MA YIS, ,SLOB MA LA NI SI ZHU BYA, ,GANG PHYIR NGES PHAN MI SHES PA, ,DE PHYIR SLOB MA ZHES BYA'O, ,BRO YANG @6B 'BYUNG POS BZUNG BA LA, ,SMAN PA 'KHRUG PA MIN PA LTAR, ,THUB PA NYON MONGS DGRAR GZIGS KYI, ,NYON MONGS DANG 'BREL GANG ZAG MIN, ,GANG ZHIG GANG GANG LA DGA' BA, ,DE YIS DE DE SNGAR DPYAD BYA, ,NYAMS PAR GYUR PA DAM CHOS KYI, ,SNOD NI CIS KYANG MA YIN NO, ,JI LTAR MA NI KHYAD PAR DU, ,NAD THEBS BU LA GDUNG 'GYUR BA, ,DE BZHIN BYANG CHUB SEMS DPA'I BRTZE, ,DAM PA MIN LA KHYAD PAR DU'O, ,LA LA'I SLOB MAR 'GYUR BA STE, ,LA LA YI NI BLA MAR 'GYUR, ,THABS RIGS SNA TSOGS THABS KYIS NI, ,MA RTOGS SEMS CAN RTOGS PAR BYED, ,JI LTAR SMAN PA MKHAS GYUR PAS, ,NAD PA SGRUB MED DKON DE BZHIN, ,BYANG CHUB SEMS DPA'I STOBS RNYED NAS, ,GDUL BYA MA YIN SHIN TU DKON, ,BYANG CHUB SEMS DPA'I YUL DU NI, ,GAL TE 'GA' ZHIG MA BSKUL BAS, ,NGAN SONG 'GRO BAR 'GYUR NA DE, ,BLO LDAN GZHAN GYI SMAD BYAR 'GYUR, ,GANG ZHIG NYEN PA GZHAN DAG LA, ,SNYING BRTZE LEGS ZHES MI 'DOD PA, ,DE RJES BRTZE BAS MGON MED PA, ,DAG LA JI LTAR SBYIN PA GTONG, ,'GRO LA PHAN PHYIR GANG ZHIG LA, ,'JIG RTEN SRID DU GNAS YOD PA, ,DA LA SOR GNAS DAG PHUNG NA, ,SDANG LA BSAM THAG CI ZHIG YOD, ,GANG LA SKYE BA THAMS CAD DU, ,MNGON SHES LNGA CHAR YANG YOD PA, ,DE YI DMAN PAR DMAN LTA'I DNGOS, ,'DI NI SHIN TU BYA DKA' BA'O, ,THABS KYIS KUN TSE BSOD NAMS GANG, ,SHIN TU YUN RING BSAGS PA DE, ,THAMS CAD MKHYEN PA'I GZHAL BYA YANG, ,MIN ZHES DE BZHIN GSHEGS PAS GSUNGS, ,'CHI DANG CHOS DANG SRID PA GZHAN, ,SBYIN PA'I SGRA YIS GSAL BYED PA, ,DE PHYIR BYANG CHUB SEMS DPA' LA, ,SBYIN PA'I SGRA NI RTAG TU SNYAN, ,'DIR PHYIN PA YI SBYIN PA LAS, ,'BRAS BU CHEN PO 'BYUNG 'GYUR ZHES, ,LEN DANG YONGS SU GTONG BA NI, ,TSONG SPOGS BZHIN DU SMAD PAR 'GYUR, ,GANG LA SNGAR BYAS SDIG PA YANG, , @7A *, ,YOD NYID YOD PA MA YIN PA, ,DGE BA'I LAS CAN DE LA NI, ,BSGRUB MIN ZHES BYA YOD MA YIN, ,RLABS CHEN YID CAN DE LA NI, ,'DI NA'ANG GNOD PA YOD MIN TE, ,DES NA DE LA SRID PA DANG, ,MYA NGAN 'DAS LA KHYAD PAR MED, ,GANG LA KUN TSE SEMS DBANG NI, ,NYID LAS SKYE BA YOD GYUR PA, ,DE KO RGYU CIS 'JIG RTEN NI, ,KUN GYI MNGA' BDAG 'GYUR MA YIN, ,PHUL 'GRO LAS CHES PHUL 'GRO BA, ,'GA' ZHIG 'JIG RTEN 'DIR YANG SNANG, ,DES NA BSAM MI KHYAB MTHU YANG, ,NGES PAR YOD CES RTOGS PAR GYIS, ,BLUN LA SHIN TU ZAB CHOS LA, ,SKRAG PA SKYE BA JI LTA BA, ,DE BZHIN ZHAN LA SHIN TU NI, ,RMAD BYUNG CHOS LA SKRAG PA SKYE, ,RNAL 'BYOR SPYOD PA BZHI BRGYA PA LAS BYANG CHUB SEMS DPA'I SPYOD PA BSTAN PA STE RAB TU BYED PA LNGA PA'O,, ,, BDE BAS 'DOD CHAGS 'BEL 'GYUR ZHING, ,SDUG PAS KHRO BA 'PHEL 'GYUR NA, ,CIS BDE DKA' THUB CAN MIN ZHING, ,SDUG PA DKA' THUB CAN CIS YIN, ,'DOD CHAGS LAS NI SDUD PA STE, ,KHRO BA'I LAS NI RTZOD PA'O, ,'BYUNG BA KUN LA RLUNG BZHIN DU, , GTI MUG LAS NI GSOS 'DEBS SO, ,MA PHRAD PA LAS 'DOD CHAGS NI, ,SDUG BSNGAL SPUNGS MED LAS KHRO SDUG ,YONGS MI SHES LAS GTI MUG STE, ,DE DAG GIS DE DAG MI RTOGS, ,JI LTAR BDAG NA LA MKHRIS DANG, ,LHAN CIG PHRAD PA MED MTHONG BA, ,DE BZHIN KHROL 'DOD CHAGS DANG, ,LHAN CIG PHRAD PA MED PAR MTHONG, ,'DOD CHAGS BRAN BZHIN BKOL BYA STE, ,GANG PHYIR MI PHANGS DE'I SMAN PHYIR, ,KHRO LA RJE BO BZHIN LTA STE, ,DE'I SMAN PHANGS PA YIN PHYIR RO, ,DANG POR GTI MUG YANG DAG 'BYUNG, ,BAR DU KHRO BO 'BYUNG 'GYUR ZHING, ,PHYIS NI 'DOD CHAGS 'BYUNG BA STE, ,NYIN LA RIM PA GSUM DU'O, ,'DOD CHAGS MDZA' MIN MDZA' 'DRA BA, ,DES DE LA KHYOD MI 'JIGS TE, ,MI PHAN MDZA' BO KHYAD PAR DU, ,SKYES BUS SPANG BAR BYA MIN NAM, ,'DOD CHAGS @7B RGYU LAS SKYE 'GYUR ZHING, ,RKYEN LAS KYANG NI SKYE BA STE, ,'DOD CHAGS RKYEN LAS SKYE BA GANG, ,DE NI SGRUB SLA CIG SHOS MIN, ,KHRO BA BRTAN ZHING NGES PAR NI, ,MI DGE NYES CHEN BYED PA STE, ,DE LTAR RNAM KUN DBYE SHES PAS, ,NYON MONGS RNAM MTHAR BYED PAR 'GYUR, , LUS LA LUS DBANG JI BZHIN DU, ,GTI MUG KUN LA GNAS GYUR TE, ,DE PHYIR NYON MONGS THAMS CAD KYANG, ,GTI MUG BCOM PAS BCOM PAR 'GYUR, ,RTEN CING 'BREL PAR 'BYUNG BA NI, ,MTHONG NA GTI MUG 'BYUNG MI 'GYUR, ,DE PHYIR 'BAD PAS KUN GYIS 'DIR, ,GTAM DE KHO NA BSNYAD PAR BYA, ,RTAG TU SA 'DZIN SOGS DGA' LA, ,GTONG PO ZA PO GTZANG ZHING 'GYUR, ,DE 'DRA LA SOGS MTSAN NYID RNAMS, ,'DOD CHAGS CAN GYI MI LA SNANG, ,SANGS RGYAS RNAMS KYIS CHAGS CAN LA, ,ZAS DANG CHOS GOS GTZUG LAG KHANG, ,DGE LEGS SPANGS PA THAMS CAD DANG, ,RTAG TU BLA MA'I THAD GNAS GSUNGS, ,NUS MED LA KHROS BDAG NYID LA, ,MDOG MI SDUG PA 'BA' ZHIG BYED, ,NUS PA GANG LA'ANG BRTZE MED PA, ,DE NI THA CHAD CES BYAR BRJOD, , YID DU MI 'ONG BA YI SGRA, ,SNGAR BYAS SDIG MTHAR BYED PAR BRJOD, ,RMONGS SHING DAM PA MA YIN PA, ,BDAG NYID RNAM PAR DAG MI 'DOD, ,SNYAN PA YID DU MI 'ONG BA, ,NGO BO NYID KYIS GNOD MI BYED, ,DE PHYIR RNAM RTOG LAS BYUNG BA, ,GZHAN LAS YIN NO SNYAM DU RLOM, ,JI LTAR GSHIB PO LA NI, ,CHAD PAR BYA BA MNGON BRJOD PA, ,DE BZHIN SNYAN PAR SMRA PO LA, ,MCHOD PAR BYA BA CIS MI 'GYUR, ,KHYOD KYIS SMAD BYA MA SMRAS KYANG, ,GAL TE GZHAN GYIS SHES NA NI, ,SMRA PO LA KHRO MI RIGS NA, ,YANG DAG MIN SMRA LA CI SMOS, , DMAN LAS MI SNYAN ZHES BYA BA, ,NGES PAR 'BYUNG BA MA YIN TE, ,DE PHYIR DMAN BYUNG MI SNYAN PA, ,YAN GAR NYUNG ZAD LTA BUR SNANG, ,GZHAN GNOD BYAS PAS BDAG LA NI, ,YON TAN CUNG ZAD KYANG MED NA, ,KHYOD KHRO YON TAN MED PA LA, ,GUS PA ZHEN PA RKYANG BAR @8A *, ,ZAD; ,GAL TE BZOD PAS 'BAD MED PAR, ,BSOD NAMS CHEN PO THOB 'GYUR NA, ,GANG ZHIG DE LA GEGS BYED PA, ,DE MTSUNGS BLUN PO SU ZHIG YOD, ,KHRO BA ZHES BYA KHYAD PAR DU, ,STOBS LDAN DAG LA SKYE MI 'GYUR, ,DES NA GZHAN 'DZOMS KHRO BA LA, ,CI NAS KHYOD GUS GYUR TA RE, ,GANG ZHIG KHRO GNAS LA BZOD PA, ,DE LA BSGOM PA SKYE BAR 'GYUR, ,YON TAN GNAS LA 'JIGS ZHES PA, ,KHYOD KYI BLUN PA 'BA' ZHIG YIN, ,SU ZHIG KHYAD BSAD MTHAR BYAS NAS, ,'JIG RTEN PHA ROL 'GRO BA YOD, ,DE PHYIR BDAG NI SDIG PA BAS, ,BRNYAS PA LEGS SO SNYAM DU SEMS, ,GANG GIS RNAM SHES GNAS LA SOGS, ,YANG DAG TU NA RNAM SHES PA, ,DE YOD NA NI NYON MONGS RNAMS, ,NAM YANG BLO GROS LA MI GNAS, ,RNAL 'BYOR SPYOD PA BZHI BRGYA PA LAS NYON MONGS PA SPANG BA'I THABS BSTAN PA STE RAB TU BYED PA DRUG PA'O,, ,,SDUG BSNGAL RGYA MTSO 'DI LA MTHA', ,RNAM PA KUN TU'ANG YOD MIN NA, ,BYIS KHYOD 'DIR NI BYING BA LA, ,'JIGS PA CIS NA SKYE MI 'GYUR, ,LANG TSO RGYAB TU BYUNG GYUR NAS, ,SLAR YANG MDUN DU 'BYUNG BAR 'GYUR, ,GNAS KYANG 'JIG RTEN 'DI LA NI, ,'GROS KYIS 'GRAM PA LTA BUR MNGON, ,SRID PAR KHYOD LA RANG 'DOD KYIS, ,'GRO BA GZHAR YANG YOD MIN NA, ,GZHAN GYI DBANG DANG 'JIGS MED PAR, , BLO DANG LDAN PAR SU ZHIG 'GYUR, ,MA 'ONGS THA MA YOD MIN ZHING, ,GUN TSE'ANG SO SO'I SKYE BO STE, ,KHYOD 'DAS JI LTAR DE BZHIN DU, ,DE YANG MI 'GYUR DE LTAR BYOS, ,NYAN PO MNYAN BYA 'CHAD PO RNAMS, ,'BYUNG BA SHIN TU RNYED DKA' STE, ,DES NA MDOR NA 'KHOR PA NI, ,MTHAR MED MA YIN MTHA' BCAS MIN, ,PHAL MO CHER NA MI RNAMS NI, ,DAM PA MA YIN PHYOGS YONGS 'DZIN, ,DES NA SO SO'I SKYE BO RNAMS, ,PHAL CHER NGES PAR NGAN 'GROR 'GRO, ,SA STENGS SDIG PA'I RNAM SMIN NI, ,CO 'DRI KHO NA YAN PAR @8B MTHONG, ,DES NA SRID PA GSOD GNAS DANG, ,MTSUNGS PAR DAM PA RNAMS LA SNANG, ,RNAM SHES GNAS PA MED PA LAS, ,GAL TE SMYON PAR 'GYUR NA NI, ,SRID GNAS SMYON PA MA YIN ZHES, ,MKHAS PA SU ZHIG SMRA BAR 'GYUR, ,'GRO LA SOGS PA'I SDUG BSNGAL DAG ,BZLOG LA NYAMS PA MTHONG GYUR TE, ,DES NA LAS KUN ZAD PA LA, ,BLO GROS LDAN PAS BLO BSKYED DO, ,GANG TSE 'BRAS BU GCIG GI YANG, ,THOG MA'I RGYU NI SNANG MIN PA, ,DE TSE GCIG LA YANG RGYAS PAR, ,MTHONG NAS GANG LA 'JIGS MI 'BYUNG, ,'BRAS BU THAMS CAD NGES PAR NI, ,'GRUB PAR 'GYUR BA MA YIN ZHING, ,GRUB LA NGES PAR MTHAR 'GYUR NA, ,DE YI DON DU CI STE 'JOMS, ,LAS NI 'BAD PAS BYED 'GYUR ZHING, ,BYAS ZIN 'BAD PA MED PAR 'JIG ,DE LTAR GYUR KYANG KHYOD LA KO, ,LAS LA CHAGS BRAL 'GA' YOD MIN, ,'DAS LA BDE BA YOD MIN ZHING, ,MA 'ONGS PA LA'ANG YOD MIN LA, ,DA BYUNG BA'ANG 'GRO NYID DE, ,KHYOD KYI NGAL 'DI GANG PHYIR YIN, ,MKHAS PA RNAMS LA MTHO RIS KYANG, ,DMYAL BA DANG MTSUNGS 'JIGS SKYED 'GYUR, ,RNAM PA KUN TU DE RNAMS LA, ,SRID GANG 'JIGS PA MI SKYED DKON, ,GAL TE BYIS PA'ANG RNAM KUN TU, ,'KHOR BA'I SDUG BSNGAL SHES GYUR NA, ,SKAD CIG DE LA SEMS DANG NI, ,LHAN CIG GTAN TU 'JIG PAR 'GYUR, ,SEMS CAN RLOM PA CAN MIN DKON, ,RLOM CAN SNYING RJE LDAN PA MED, ,DES NA SNANG NAS SNANG BAR NI, ,'GRO BA SHIN TU RNYED DKAR GSUNGS, ,'DI NA YUL LOG GYUR PA LA, ,YUL NI DMIGS PAR GRAGS GYUR TE, ,PHYIN CI LOG TU GYUR PA'I CHOS, ,RGYU CI ZHIG GIS YANG DAG 'DOD, ,BSOD NAMS 'BRAS BU PHRUG PA STE, ,DE GZHAN LAS YI BSRUNG BYA NA, ,RTAG TU GZHAN LAS BSRUNG BYA GANG, ,DE NI JI LTAR BDAG GIR 'GYUR, ,'JIG RTEN TSUL LUGS GANG DANG GANG, ,DE DANG DE LA CHOS RJES 'JUG ,DE YI PHYIR NA CHOS PAS KYANG, ,'JIG RTEN STOBS LDAN LTA BUR @9A *,,SNANG, ,YUL NI DGE BAS YID 'ONG NA, ,YUL DE'ANG NGAN PAR BRTZI BA YIN, ,GANG ZHIG BTANG PA SHIS GYUR PA, ,DE GRUB PA YIS CI ZHIG DGOS, ,GANG LA BKA' LUNG DGOS MED PA, ,DE LA CHOS DON MED PAR 'GYUR, ,GANG YANG BKA' LUNG DON GNYER NYID, ,DE NI SKYE NANG BLUN ZHES BYA, ,MA 'ONGS PA YI 'BRAS MTHONG NAS, ,CHOS 'DOD CHAGS PAS KHYOD CHAGS NA, ,MA 'ONGS MTHA' NYID MTHONG GYUR NA, ,'JIGS PA MED DAM CI ZHIG BYED, ,GLA BA LTA BU'I BSOD NAMS NI, ,RNAM KUN RNGAN PA DANG MTSUNGS 'GYUR, ,GANG DAG DGE BA'ANG MI 'DOD PA, ,DE DAG MI DGE JI LTAR BYED, ,GANG GIS 'GRO BA 'KHRUL 'KHOR GYI, ,TSOGS 'DRA SGYU MA'I SKYES BU LTAR, ,MTHONG PAR GYUR PA DE DAG CHES, ,GSAL BAR GO 'PHANG DAM PAR 'GRO ,GANG DAG LA NI 'KHOR BA NA, ,YUL RNAMS KYIS KYANG DGA' MED PA, ,DE DAG LA 'DIR RNAM KUN TU, ,DGA' BA 'THAD PA MA YIN NYID, ,RNAL 'BYOR SPYOD PA BZHI BRGYA PA LAS ME NYID KYIS 'DOD PA'I LONGS SPYOD LA ZHEN PA SPANG BA'I THAMS BSTAN PA STE RAB TU BYED PA BDUN PA'O,, ,,JI LTAR MI MTHUN MI RNAMS LA, ,MDZA' BA YUN RING MI GNAS PA, ,DE BZHIN KUN LA SKYON SHES LA, ,'DOD CHAGS YUN RING MI GNAS SO, ,LA LA DE NYID LA CHAGS TE, ,LA LA DE NYID LA SDANG ZHING, ,LA LA DE NYID LA RMONGS PA, ,DE PHYIR 'DOD PA DON MED PA'O, ,RTOG PA MED PAR 'DOD CHAGS LA, ,SOGS LA YOD NYID YOD MIN NA, ,YANG DAG DON DANG RTOG PA ZHES, ,BLO DANG LDAN PA SU ZHIG 'DZIN, ,'GA' LA'ANG GANG DANG LHAN CIG TU, ,BCINGS PA ZHES BYA YOD MIN TE, ,GZHAN DANG LHAN GCIG BCINGS PA LA, ,BRAL NGAR RIGS PA MA YIN NO, ,BSOD NAMS CHUNG NGU CHOS 'DI LA, ,THE TSOM ZA BAR YANG MI 'GYUR, ,THE TSOM ZA BA TZAM ZHIG GIS, ,SRID PA HRUL POR BYAS PAR 'GYUR, ,CHOS GANG ZHIG LA THUB PA YIS, ,THAR PA'I BAR DU 'PHEL BAR @9B NYID, ,GSUNGS DER GANG LA GUS MED PA, ,DE NI GSAL BAR BLO LDAN MIN, ,BDAG NI MYA NGAN 'DA' 'GYUR ZHES, ,STONG MIN STONG LTAR MTHONG MIN TE, ,LOG LTAS MYA NGAN MI 'DA' BAR, ,DE BZHIN GSHEGS PA RNAMS GSUNG NGO, ,GANG LAS 'JIG RTEN BSTAN 'BYUNG BA, ,DE LAS 'JUG PA GSUNGS PA STE, ,GANG LAS DON DAM BSNYAD 'BYUNG BA, ,DE LAS LDOG PA GSUNGS PA'O, ,KUN YOD MA YIN CI BYA ZHES, ,KHYOD LA 'JIGS PA SKYE 'GYUR GRANG, ,GAL TE BYA BA YOD NA NI, ,CHOS 'DI ZLOG BYED MI 'GYUR RO, ,KHYOD LA RANG PHYOGS CHAGS YOD CING, ,GZHAN GYI PHYOGS LA MI DGA' NA, ,MYA NGAN 'DAS BAR MI 'GRO STE, ,GNYIS SPYOD ZHI BAR YOD MI 'GYUR, ,BYED MED MYA NGAN 'DA' 'GYUR ZHING, ,BYED PAS YANG SRID 'GYUR TE DES, ,BSAM KHREL MED PAS MYA NGAN LAS, ,'DAS PA THOB SLA CIG SHOS MIN, ,GANG LA 'DI SKYO YOD MIN PA, ,DE LA ZHI GUS GA LA YOD, ,RANG KHYIM LAS BZHIN SRID PA NI, ,'DI NAS 'BYUNG BA'ANG BYA BAR DKA', ,LA LA SDUG BSNGAL ZIL MNAN CING, ,'CHI BAR 'DOD PA DAG SNANG STE, ,DE TSE DE DAG GTI MUG PHYIR, ,GO 'PHANG DAM PAR MI 'GROR ZAD, ,SBYIN PA DMAN PA LA GSUNGS SHING, ,'BRING LA TSUL KHRIMS GSUNGS PA STE, ,MCHOG LA ZHI BA GSUNGS GYUR PA, ,DES NA RTAG TU MCHOG TU BYOS, ,BSOD NAMS MIN PA DANG POR BZLOG ,BAR DU BDAG NI BZLOG PA DANG; ,PHYI NAS LTA BA KUN BZLOG PA, ,GANG GIS SHES DE MKHAS PA YIN, ,DNGOS PO GCIG GI LTA PO GANG, ,DE NI KUN GYI LTA POR BSHAD, ,GCIG GI STONG NYID GANG YIN PA, ,DE NI KUN GYI STONG PA NYID, ,CHOS CHAGS DE BZHIN GSHEGS RNAMS KYIS, ,MTHO RIS 'DOD PA RNAMS LA GSUNGS, ,THAR PA 'DOD RNAMS LA DE NYID, ,SMAD 'GYUR GZHAN DU SMOS CI DGOS, ,BSOD NAMS 'DOD PAS STONG PA NYID, ,KUN TSE BRJOD PAR BYA MIN TE, ,GNAS MIN GNAS LA SBYAR BA'I SMAN, ,DUG TU 'GYUR BA MA YIN NAM, ,JI LTAR @10A *, ,KLA KLO SKAD GZHAN GYIS, ,GZUNG BAR MI NUS DE BZHIN DU, ,'JIG RTEN PA YI MA GTOGS PA, ,'JIG RTEN GZUNG BAR NUS MA YIN, ,YOD DANG MED DANG YOD MED DANG, ,GNYI GA MIN ZHES KYANG BSTAN TE, ,NAD KYI DBANG GIS THAMS CAD KYANG; ,SMAN ZHES BYA BAR 'GYUR MIN NAM, ,YANG DAG MTHONG NA GNAS MCHOG LA, ,CUNG ZAD MTHONG NA BZANG 'GRO STE, ,DE PHYIR NANG BDAG BSAM PA LA, ,MKHAS PAS RTAG TU BLO GROS BSKYED, ,DE NYID SHES PAS GAL TE 'DIR, ,MYA NGAN 'DAS PA MA THOB KYANG,, SKYE BA PHYI MAR 'BAD MED PAR, ,NGES PAR THOB 'GYUR LAS BZHIN NO, ,BSAMS BZHIN PA NI BYA BA NI, ,KUN LA GRUB PA SHIN TU DKON, ,'DI NA 'ANG MYANG 'DAS MED MIN GYI, ,SBYOR DANG GROL RNAMS RNYED PAR DKA', ,LUS LA YON TAN MED THOS NAS, ,'DOD CHAGS YUN RING MI GNAS TE, ,LAM DE NYID KYIS THAMS CAD KYANG, ,ZAD PAR 'GYUR BA MA YIN NAM, ,JI LTAR SA BON MTHA' MTHONG ZHING, ,DE LA THOG MA YOD MIN LTAR, ,DE BZHIN RGYU NI MA TSANG PHYIR, ,SKYE BA'ANG 'BYUNG BAR MI 'GYUR RO, ,RNAL 'BYOR SPYOD PA BZHI BRGYA PA LAS SLOB MA YONGS SU SBYANG BA STE RAB TU BYED PA BRGYAD PA'O,, ,,THAMS CAD 'BRAS BU'I DON SKYE BA, ,DES NA RTAG YOD MIN DE'I PHYIR, ,THUB PA MA GTOGS JI LTA'I DNGOS, ,DE BZHIN GSHEGS PA YOD MA YIN, ,GANG ZHIG GANG NA NAM DU YANG, ,MA BRTEN PAR NI YOD NYID MED, ,DES NA NAM YANG GANG ZHIG TU'ANG, ,RTAG PA 'GA' YANG YOD MA YIN, ,RGYU MED PAR NI DNGOS PO MED, ,RGYU LDAN RTAG PA YOD MIN PA, ,DES NA RGYU MED LAS GRUB NI, ,DE NYID MKHYEN PAS GRUB MIN GSUNGS, MI RTAG BYAS PAR MTHONG GYUR NAS, ,MA BYAS GAL TE RTAG NA NI, ,BYAS LA YOD PA NYID MTHONG NAS, ,RTAG PA YOD NYID MIN PAR 'GYUR, ,MKHA' LA SOGS RNAMS RTAG GO ZHES, ,SO SO'I SKYE BO DAG GIS RTOG ,MKHAS PA RNAMS KYIS DE DAG LA, ,'JIG RTEN @10B PAS KYANG DON MA MTHONG, ,PHYOGS ZHES BYA BA PHYOGS CAN NI, ,KUN LA GNAS PA MA YIN TE, ,DE PHYIR PHYOGS CAN LA PHYOGS NI, ,GZHAN YANG SHIN TU GSAL BAR YOD, ,GANG ZHIG YOD NA DNGOS PO LA, ,'JUG DANG LDOG PA'ANG DMIGS PAR 'GYUR, , DE NI GZHAN GYI DBANG 'GYUR TE, ,DES NA 'BRAS BUR YANG 'GYUR RO, ,'BRAS BUR MED PAR RGYU LA NI, ,RGYU NYID YOD PA MA YIN TE, ,DE YI PHYIR NA RGYU RNAMS KUN, ,'BRAS BU NYID DU THAL BAR 'GYUR, ,RGYU NI RNAM PAR 'GYUR BA NA, ,GZHAN GYI RGYU RU 'GYUR BA STE, , GANG LA RNAM PAR 'GYUR YOD PA, ,DE NI RTAG CES BYAR YOD MIN, ,RTAG PA GANG GI RGYU YIN PA'I, ,DNGOS DE MA BYUNG BA LAS SKYE, ,RANG NYID 'BYUNG BAR GYUR DE LA, ,RGYU NI LOG PAR 'GYUR BA STE, ,DNGOS PO RTAG PA LAS SKYES PA, ,CI LTA BUR NA MI RTAG 'GYUR, , NAM YANG RGYU DANG 'BRAS BU GNYIS, ,MTSAN NYID MI MTHUN MTHONG MA YIN, ,GANG GI PHYOGS 'GA' RGYU YIN ZHING, ,PHYOGS 'GA' RGYU MA YIN DES NA, ,DE NI SNA TSOGS 'GYUR NA KO, ,SNA TSOGS RTAG PAR MI RIGS SO, ,RGYU YI ZLUM PO GANG YIN PA, ,DE NI 'BRAS BU LA YOD MIN, ,DES NA BDAG NYID KUN SBYOR BA, ,RDUL PHRAN RNAMS LA MI 'THAD DO, ,RDUL PHRAN GCIG GI GNAS GANG YIN, ,DE NI GZHAN GYI YANG MI 'DOD, ,DE PHYIR RGYU DANG 'BRAS BU GNYIS, ,BONG TSOD MNYAM PAR 'DOD MA YIN, ,GANG LA SHAR GYI PHYOGS YOD PA, ,DE LA SHAR GYI CHA YANG YOD, ,GANG GI RDUL LA PHYOGS YOD NA, ,DES RDUL RDUL PHRAN MIN PAR BSNYAD, ,MDUN GYIS LEN CING RGYAB KYIS NI, ,GTONG BAR GYUR NA DE DAG GNYIS, ,GANG LA YOD PA MA YIN PA, ,DE NI 'GRO BOR YANG MI 'GYUR,, GANG LA DANG PO YOD MIN ZHING, ,GANG ZHIG LA DKYIL YOD MIN LA, ,GANG LA THA MA YOD MIN PA, ,MNGON MED DE NI GANG GIS MTHONG, ,'BRAS BU YIS NI RGYU BSHIG PA, ,DES NA RGYU NI RTAG MA YIN, ,YANG NA GANG NA RGYU YOD PA, ,DE NA 'BRAS BU YOD MA YIN, , @11A *, ,THOGS LDAN DNGOS PO RTAG PA NI, ,GANG DU 'ANG SNANG BA MA YIN TE, ,DES NA NAM YANG SANGS RGYAS RNAMS, ,RDUL PHRAN RTAG PA NYID MI GSUNG, ,'CHING DANG BCINGS DANG THABS LAS GZHAN, ,THAR PA GAL TE YOD NA NI, ,DE LAS CI YANG MI SKYE STE, ,DES NA DE THAR ZHES MI BRJOD, ,MYA NGAN 'DAS LA PHUNG PO RNAMS, ,YOD MIN GANG ZAG SRID MA YIN, ,GANG DU MYA NGAN 'DAS GYUR PA, ,MA MTHONG DER MYANG 'DAS GANG ZHIG ,SRID DANG BRAL LA THAR PA'I TSE, ,SHES YOD YON TAN CI ZHIG YOD,, SHES MED PA YI YOD PA YANG, ,GSAL BAR YOD PA MIN DANG MTSUNGS, ,THAR PAR BDAG GCIG YOD NA NI, ,SHES YOD SA BON SRID PA YOD, ,DE MED NA NI SRID PA LA, ,BSAM PA'ANG YOD PA MA YIN NO, ,SDUG BSNGAL LAS THAR MI RNAMS LA, ,GZHAN LA YOD PA MIN PAR NGES, ,DE PHYIR RNAM PA KUN DU 'ANG BDAG ,ZAD PA LEGS ZHES BYA BAR BRJOD, ,'JIG RTEN PA 'DI NYID BLA YI, ,DON DAM RNAM KUN MA YIN TE, ,'JIG RTEN PA LA CUNG ZAD YOD, ,DAM PA'I DON LA YOD MA YIN, ,RNAL 'BYOR SPYOD PA BZHI BRGYA PA LAS DNGOS PO RTAG PA DGAG PA BSGOM PA BSTAN PA STE RAB TU BYED PA DGU PA'O,, ,,GANG TSE NAD BDAG BUD MED MIN, ,SKYES MIN MA NING MA YIN PA, ,DE TSE MI SHES 'BA' ZHIG LAS, ,KHYOD BDAG PHO'O SNYAM DU SEMS, ,GANG TSE 'BYUNG BA THAMS CAD LA, ,PHO MO MA NING YOD MIN PA, ,DE TSE CI STE DE DAG NYID, ,BRTEN NAS PHO MO MA NING YIN, ,KHYOD KYI BDAG GANG NGA'I BDAG MIN, ,NGES DE BDAG MIN MA NGES PHYIR, ,DNGOS PO MI RTAG PA RNAMS LA, ,RTOG PA SKYE BAR 'GYUR MIN NAM, ,SKYE DANG SKYE BAR SKYES BU NI, ,LUS BZHIN RNAM PAR 'GYUR PAR 'GYUR, ,KHYOD KYI DE LA LUS LAS GZHAN, ,NYID DANG RTAG NYID MI RIGS SO, ,REG DANG MI LDAN DNGOS PO LAS, ,BSKUL BA ZHES BYA MI SKYE STE, ,DE PHYIR LUS KYI G-YO BA LA, ,SROG NI BYED PA POR MI 'GYUR, , @11B MI 'TSE PA DANG BDAG RTAG PA, ,'DI LA RGYU NI CI YOD SNYAM, ,RNAM PA KUN TU 'ANG SHING SRIN LAS, ,RDO RJE BSRUNG BYAR MI 'GYUR RO, ,SKYE BA DRAN PA YOD PA'I PHYIR, ,GAL TE KHYOD KYI BDAG RTAG NA, ,SNGON BYAS PA YIN RMA MTHONG NAS, ,KHYOD KYI LUS KO CIS MI RTAG ,SEMS PA CAN DANG LDAN BDAG KYANG, ,GAL TE SHES PO NYID YIN NA, ,DE YIS SEMS PA CAN SEMS PA, ,MIN ZHING SKYES BU'ANG RTAG MI 'GYUR, ,BDE BA LA SOGS DANG LDAN SROG ,BDE SOGS BZHIN DU SNA TSOGS MTHONG, ,DE PHYIR BDE BA LA SOGS BZHIN, ,RTAG PA NYID DU'ANG MI RUNG NGO, ,GAL TE SHES PA YOD RTAG NA, ,BYED PA LOG PAR 'GYUR PA STE, ,GAL TE ME NI RTAG 'BYUNG NA, ,BUD SHING GIS DON YOD MI 'GYUR, ,RDZAS NI BYA BA JI BZHIN DU, ,'JIG PA'I BAR DU G-YO BA MED, , NGES NA SKYES BU YOD SHES PA, ,YOD PA MED CES BYAR MI RIGS, ,GZHAN DU SHES PA YOD PA'I KHAMS, ,MTHONG ZHING GZHAN DU SHES YOD DE, ,LCAGS KYI ZHU NYID BZHIN DE'I PHYIR, ,SKYES BU RNAM PAR 'GYUR BAR 'GYUR, ,SHES YOD YID TZAM ZHIG LA STE, ,SKYES BU NAM MKHA' BZHIN DU CHE, ,DE PHYIR DE YI NGO BO NI, ,SHES PA YOD NYID MIN LTAR MTHONG, ,GAL TE KUN LA BDAG YOD NA, ,GZHAN GYIS DE CIS NGAR MI RTOG ,DE NYID KYIS NI DE NYID LA, ,SGRIB CES BYA BAR MI 'THAD DO, ,GANG GI YON TAN BYED PO DANG, RNAM KUN SHES YOD MA YIN PA, ,DE DAG DANG NI SMYON PA LA, ,KHYAD PAR CI YANG YOD MA YIN, ,YON TAN RNAMS KYIS RNAM KUN TU, ,KHYIM LA SOGS DAG BYED SHES KYI, ,ZA BA RNAM PAR MI SHES PA, ,'DI LAS MI RIGS GZHAN CI YOD, , BYA BA DANG LDAN RTAG PA MED, ,KUN TU SONG LA BYA BA MED, ,BYA BA MED PA MED DANG MTSUNGS, ,BDAG MED LA KHYOD CIS MI DGA', ,LA LAR KUN TU SONG BAR MTHONG, ,LA LAR SKYES BU LUS TZAM ZHIG ,LA LAR RDUL TZAM ZHIG MTHONG STE, ,SHES RAB CAN @12A *, ,GYIS MED PAR MTHONG, ,RTAG LA GNOD PA GA LA YOD, ,GNOD MED THAR PA GA LA YOD, ,DES NA GANG GI BDAG RTAG PA, ,DE LA THAR PA MI RIGS SO, ,GAL TE BDAG CES BYA YOD NA, ,BDAG MED SNYAM PA MI RIGS SHING, ,DE NYID RIG PA NGES PA LAS, ,MYA NGAN 'DAS 'GYUR ZHES BYA'ANG BRDZUN, ,GAL TE GROL BA YOD NYID NA, ,DE NI SNGAR YANG MED PA MED, ,MI LDAN PA LA GANG MTHONG BA, ,DE NI RANG BZHIN ZHES BYAR BSHAD, ,GAL TE MI RTAG CHAD NA NI, ,DA DUNG RTZVA SOGS CI STE YOD,, 'DI NI GAL TE BDEN 'GYUR NA, ,SU LA'ANG GTI MUG KYANG MI 'BYUNG, ,BDAG NI YOD PAR GYUR NA'ANG GZUGS, ,GZHAN LAS 'BYUNG BAR SNANG GYUR LA, ,GZHAN LAS GNAS PAR SNANG GYUR ZHING, ,GZHAN LAS RNAM PAR 'JIG PAR SNANG, ,JI LTAR SA BON BYAS PA LAS, ,MYU GU BYAS PA SKYE 'GYUR PA; ,DE BZHIN MI RTAG THAMS CAD NI, ,MI RTAG DAG LAS 'BYUNG BAR 'GYUR, ,GANG PHYIR DNGOS PO 'JUG 'GYUR BA, ,DES NA CHAD PAR MI 'GYUR ZHING, ,GANG PHYIR DNGOS PO LDOG 'GYUR BA, ,DES NA RTAG PAR MI 'GYUR RO, ,RNAL 'BYOR SPYOD PA BZHI BRGYA PA LAS BDAG DGAG PA BSGOM PA BSTAN PA STE RAB TU BYED PA BCU PA'O,, ,,MA 'ONGS BUM LA DA LTAR BA'I, ,BUM YOD MA YIN 'DAS PA MED, ,GANG PHYIR DE GNYIS MA 'ONGS PA, ,DE PHYIR MA 'ONGS YOD MA YIN, ,GAL TE ZHIG PA MA 'ONGS PA'I, , NGO BOR MA 'ONGS LA YOD NA, ,MA 'ONGS BDAG NYID DU YOD GANG, ,DE NI CI LTAR 'DAS PAR 'GYUR, ,GANG GI PHYIR NA MA 'ONGS DNGOS, ,MA 'ONGS BDAG TU GNAS 'GYUR BA, ,DE YI PHYIR NA DA LTAR BAR, ,'GYUR TE MA 'ONGS NYID MI SRID, ,MA 'ONGS PA YOD 'DAS PA YOD, ,DA LTAR BA YOD CI ZHIG MED, ,GANG GI DUS KUN YOD NYID PA, ,DE YI MI RTAG NYID GANG LAS, ,'DAS PA LAS NI 'DAS GYUR PA, ,CI YI PHYIR NA 'DAS PAR 'GYUR, ,'DAS PA LAS NI MA 'DAS PA, ,CI YI PHYIR NA 'DAS PAR 'GYUR, , @12B GAL TE MA 'ONGS SKYES YOD NA, ,JI LTAR DA LTAR BAR MI 'GYUR, ,CI STE DE LA SKYE MED NA, ,MA 'ONGS RTAG PAR 'GYUR RAM CI, ,SKYE BA MED KYANG 'JIG PA LAS, ,GAL TE MA 'ONGS MI RTAG NA, ,'DAS LA 'JIG PA YOD MIN TE, ,DE NI RTAG PAR CIS MI RTOG ,'DAS PA DANG NI DA LTAR BA, ,'DI NI MI RTAG 'GYUR MIN LA, ,DE DAG LAS GZHAN RNAM PA NI, ,GSUM PA'ANG DE LA YOD MA YIN, ,DNGOS PO GANG ZHIG PHYIS SKYE BA, ,DE NI GAL TE SNGAR YOD NA, ,DE YI PHYIR NA PHYVA SMRA BA, ,RNAMS KYI PHYOGS NI LOG MI 'GYUR, ,GANG ZHIG 'BYUNG BAR BYED PA STE, ,SNGAR YOD CES BYAR MI RIGS TE, ,GAL TE YOD PA SKYE PA SKYE 'GYUR NA, ,SKYES ZIN PA YANG 'BYUNG BAR 'GYUR, ,MA 'ONGS PA YI DNGOS MTHONG NA, ,DNGOS PO MED PA CIS MI MTHONG, ,GANG LA MA 'ONGS YOD 'GYUR BA, ,DE LA RING BA YOD MA YIN, ,GAL TE BYAS PA MED KYANG CHOS, ,YOD NA NGES SDOM DON MED 'GYUR, ,CI STE CUNG ZAD BYED NA YANG, ,'BRAS BU YOD PA MI SRID DO, ,MI RTAG YIN NA JI LTA BUR, ,'BRAS BU YOD CES BYA BAR 'GYUR, ,GANG LA THOG MA MTHA' YOD PA, , DE NI 'JIG RTEN MI RTAG BRJOD, ,BSGRIM PA MED PAR THAL 'GYUR TE, ,GROL LA MA 'ONGS YOD MA YIN, ,DE LTA YIN NA CHAGS MED BAR, ,'DOD CHAGS KYANG NI 'BYUNG BAR 'GYUR, ,'BRAS BU YOD NYID GANG 'DOD DANG, ,'BRAS BU MED NYID GANG 'DOD LA, , KHYIM GYI DON DU KA BA LA, ,SOGS PA'I RGYAN NI DON MED 'GYUR, ,DNGOS RNAMS YONGS SU 'GYUR BA YANG, ,YID KYIS KYANG NI 'DZIN MI 'GYUR, ,DE LTA NA YANG DA LTAR BA, ,YOD PAR MI MKHAS RNAMS KYIS RTOG ,GNAS MED DNGOS PO GA LA ZHIG ,MI RTAG PAS GNAS GA LA YOD, ,GAL TE DANG POR GNAS GYUR NA, ,THA MAR RNYINGS PAR MI 'GYUR RO, ,JI LTAR RNAM SHES GCIG GIS NI, ,DON GNYIS RNAM PAR MI SHES PA, ,DE BZHIN RNAM SHES GNYIS KYIS NI, ,DON GCIG RNAM PAR MI SHES SO, ,GAL TE @13A *, ,DUS LA GNAS YOD NA, ,GNAS PA DUS SU MI 'GYUR RO, ,CI STE GNAS MED NA GNAS PA, ,MED PAR MTHA' YANG YOD MA YIN, ,GAL TE MI RTAG DNGOS GZHAN NA, ,DNGOS PO MI RTAG PAR MI 'GYUR, ,GCIG NA MI RTAG NYID GANG YIN, ,DE NYID DNGOS TE GA LA GNAS, ,MI RTAG NYID GAR STOBS CHUNG DER, ,GNAS PA STOBS CHUNG MA YIN NA, ,PHYI NAS DE DAG NGES PAR GO ,BZLOG PAR CI YIS MTHONG BAR 'GYUR, ,GAL TE MI RTAG STOBS CHUNG MIN, ,DNGOS PO KUN LA YOD NA NI, ,KUN LA GNAS PA MED PA'AM, ,YANG NA THAMS CAD MI RTAG MIN, ,GAL TE RTAG TU MI RTAG NYID, ,YOD NA RTAG TU GNAS YOD MIN, ,YANG NA RTAG PAR GYUR ZIN NAS, ,PHYI NAS MI RTAG PAR 'GYUR RO, ,GAL TE GNAS PA MI RTAG DANG, ,LHAN CIG DNGOS PO LA YOD NA, ,MI RTAG LOG PAR 'GYUR BA'AM, ,YANG NA GNAS PA BRDZUN PAR 'GYUR, ,MTHONG ZIN DNGOS PO MI SNANG ZHING, ,SLAR YANG SEMS SKYE MIN DES NA, ,DRAN PA ZHES BYA LOG PA YI, ,DON LA LOG PA KHO NA 'BYUNG, ,RNAL 'BYOR SPYOD PA BZHI BRGYA PA LAS DUS DGAG PA BSGOM PA BSTAN PA STE RAB TU BYED PA BCU GCIG PA'O,, ,,GZUR GNAS BLO LDAN DON GNYER BA'I, ,NYAN PO SNOD CES BYA BAR BSHAD, ,SMRA BO YON TAN RNAM GZHAN DU, ,MI 'GYUR NYAN PO LA YANG MIN, ,SRID DANG SRID THABS ZHI BA YI, , THABS DANG DE BZHIN ZHI GSUNGS TE, ,'JIG RTEN YONGS SU MI SHES GANG, ,DE NI THUB PA'I LTA BUR MNGON, ,THAMS CAD BTANG BAS MYA NGAN LAS, ,'DA' BAR YA MTSAN CAN KUN 'DOD, ,KUN SUN 'BYIN LA DE DAG NI, ,MI DGAR 'GYUR BA RGYU CI ZHIG , GANG ZHIG GTONG THABS MI SHES DE, ,CI ZHIG GTONG PAR BYED PAR 'GYUR, ,DES NA NGES PAR THUB PA YIS, ,GZHAN DU ZHI BA MED CES GSUNGS, ,SANGS RGYAS KYIS GSUNGS LKOG GYUR LA, ,GANG ZHIG THE TSOM SKYE 'GYUR BA, ,DE YIS STONG PA NYID BSTEN TE,, @13B 'DI NYID KHO NAR YID CHES BYA, ,GANG GIS 'JIG RTEN 'DI MTHONG DKA', ,DE NI GZHAN LA BLUN PA NYID, ,GANG DAG DE RJES 'GRO DE DAG ,SHIN TU YUN RINGS BSLUS PAR 'GYUR, ,MYA NGAN 'DAS PAR RANG 'GRO GANG, ,DE NI SHIN TU BYA DKA' BYED, ,'DREN PA'I SLAD BZHIN DAM PA NI, ,MA YIN YID 'GRO SPRO MA YIN, ,MA MTHONG SKRAG PA MI RTZOM STE, ,MTHONG NA RNAM KUN DE LDOG 'GYUR, ,DES NA NGES PAR CUNG ZAD CIG ,SHES LA SKRAG PA BRJOD PAR BYA, ,BYIS RNAMS NGES PA KHO NAR NI, ,'JUG BYED CHOS LA GOMS PA STE, ,DE DAG GOMS PA MED PA YIS, ,LDOG BYED CHOS LA 'JIGS PAR 'GYUR, ,GANG ZHIG GTI MUG 'BA' ZHIG GIS, ,BSGRIBS SHING DE NYID GEGS BYED PA, ,DE LA DGE LEGS 'GRO BA YANG, ,MED NA THAR PA GA LA YOD, ,TSUL KHRIMS LAS NI NYAMS BLA YI, ,LTA LAS CIS KYANG MA YIN TE, ,TSUL KHRIMS KYIS NI MTHO RIS 'GRO, ,LTA BAS GO 'PHANG MCHOG TU 'GYUR, ,DAM PA MIN LA BDAG 'DZIN MCHOG ,BDAG MED STON PA MA YIN TE, ,GCIG NI NGAN 'GRO NYID 'GRO LA, ,THA MAL MA YIN ZHI NYID DU'O, ,ZHI SGO GNYIS PA MED PA DANG, ,LTA BA NGAN RNAMS 'JIG BYED CING, ,SANGS RGYAS KUN GYI YUL 'GYUR LA, ,BDAG MED CES NI BYA BAR BRJOD, ,CHOS 'DI YI NI MING LAS KYANG, ,DAM PA MIN PA 'JIGS PA SKYE, ,ZHAN LA 'JIGS PA MI SKYED PA'I,, STOBS LDAN ZHES BYA GANG ZHIG MTHONG, ,CHOS 'DI DE BZHIN GSHEGS RNAMS KYIS, ,RTZOD PA'I CHED DU MA GSUNGS TE, ,DE LTA'ANG 'DIS NI GZHAN SMRA RNAMS, ,SREG STE ME YIS BUD SHING BZHIN, ,CHOS 'DI GANG GIS SHES GYUR PA, ,DE NI GZHAN LA MI DGA' STE; ,DES NA BDAG LA CHOS 'DI NI, ,'JIGS PA'I SGO DANG 'DRA BAR SNANG, ,DE NYID DU BDAG MED SNYAM DU, ,DE LTAR GANG LA DGONGS GNAS PA, ,DE NI YOD PAS GA LA DGA', ,MED PAS 'JIGS PAR GA LA 'GYUR, ,DON MIN SA BON GYUR PA YI, ,MU @14A *, ,STEGS CAN MANG MTHONG NAS NI, ,CHOS 'DOD PA YI SKYE BO LA, ,SU ZHIG SNYING BRTZE SKYE MI 'GYUR, ,SH'AKYA GOS MED BRAM ZE STE, ,GSUM PO RNAMS KYIS CHOS YID DANG, ,MIG DANG RNA BA YIS 'DZIN PA, ,DE PHYIR THUB PA'I GZHUNG LUGS SMRA, , JI LTAR BRAM ZE RNAMS LA CHOS, ,PHAL CHER PHYI 'CHOS BRJOD PA LTAR, ,DE BZHIN GCER BU RNAMS LA CHOS, ,PHAL CHER BLUN PA BRJOD PA YIN, ,JI LTAR RIGS PA BLANGS PA LAS, ,BRAM ZER GUS PA SKYE BA LTAR, ,DE BZHIN NYON MONGS BLANGS PA LAS, ,GCER BU PA LA BRTZE BAR 'GYUR, ,SDUG BSNGAL LAS KYI RNAM SMIN PHYIR, ,JI LTAR CHOS SU MI 'GYUR BA, ,DE BZHIN SKYE BA LAS KYI NI, ,RNAM SMIN YIN PHYIR CHOS MA YIN, ,CHOS NI MDOR NA MI 'TSE BAR, ,DE BZHIN GSHEGS PA RNAMS KYIS GSUNGS, ,STONG NYID MYA NGAN 'DAS PA STE, ,'DIR NI DE GNYIS 'BA' ZHIG GO, ,RANG PHYOGS 'JIG RTEN THAMS CAD LA, ,SKYES SA BZHIN DU SDUG 'GYUR NA, ,DE YI LDOG PAR BYED PA'I RGYU, ,KHYOD LA GANG GIS SDUG PAR 'GYUR, ,RIGS PA'I DON NI GZHAN LAS KYANG, ,BLO LDAN LEGS PA 'DOD PAS BLANG, ,NYI MA SA STENGS MIG LDAN LA, ,KUN GYI SPYI THUN MA YIN NAM, ,RNAL 'BYOR SPYOD PA BZHI BRGYA PA LAS LTA BA DGAG PA BSGOM PA BSTAN PA STE RAB TU BYED PA BCU GNYIS PA'O,, ,,GZUGS MTHONG TSE NA BUM PA NI, ,THAMS CAD KHO NA MTHONG MI 'GYUR, ,BUM PA MNGON SUM ZHES BYA BA'ANG, ,DE NYID RIG PA SU ZHIG SMRA, ,RNAM PAR DPYAD PA 'DI NYID KYIS, ,BLO MCHOG LDAN PAS DRI ZHIM DANG, ,MNGAR DANG 'JAM PA THAMS CAD DAG ,SO SOR DGAG PAR BYA BA YIN, ,GAL TE GZUGS MTHONG BA YIS DE, ,THAMS CAD MTHONG BAR 'GYUR NA NI, ,MA MTHONG PA YIS GZUGS MTHONG BA, ,MTHONG BA MIN PAR CIS MI 'GYUR, ,GZUGS NI 'BA' ZHIG KHO NA LA, ,MNGON SUM NYID NI YOD MA YIN, ,GANG PHYIR DE LA PHA ROL GYI, ,CHA DANG TSU ROL DBUS YOD PHYIR, @14B RDUL LA CHA SHAS YOD MED CES, ,DPYAD PA DER YANG 'JUG PAR 'GYUR, ,DE PHYIR BSGRUB PAR BYA BA YIS, ,BSGRUB BYA 'GRUB PAR MI 'THAD DO, ,KUN KYANG YAN LAG TU GYUR NAS, ,SLAR YANG YAN LAG CAN DU 'GYUR, ,DE PHYIR YI GE BRJOD PA YANG, ,'DI LA YOD PA MA YIN NO, ,GAL TE MDOG LAS DBYIBS GZHAN NA, ,JI LTA BUR NA DBYIBS 'DZIN 'GYUR, ,'ON TE GZHAN MIN NA LUS KYIS, ,MDOG KYANG CI STE 'DZIN MI 'GYUR, ,GZUGS NI LTA ZHIG MA GTOGS PAR, ,GZUGS KYI RGYU NI MI SNANG NGO, ,GAL TE DE LTAR 'GYUR NA NI, ,GNYI GA YANG NI MIG NYID KYIS, ,'DZIN PAR CI YI PHYIR MI 'GYUR, ,SA NI BRTAN ZHES BYA BAR MTHONG, ,DE YANG LUS KYIS 'DZIN PAR 'GYUR, ,DES NA RAG PA 'BA' ZHIG NI, ,SA'O ZHES NI BYA BAR BRJOD, ,BLTA BYAR SKYES PAS BUM PA NI; ,'DI LA YON TAN 'GAR MI 'GYUR, ,DES NA BLTA BYA NYID SKYE LTAR, ,YOD PA'I NGO BO'ANG YOD MA YIN, ,MIG NI 'BYUNG GYUR SNA DE BZHIN, ,MIG GIS MTHONG GI GZHAN GYIS MIN, ,DES NA NGES PAR LAS RNAM SMIN, ,THUB PAS BSAM MI KHYAB PAR GSUNGS,, RKYEN MA TSANG PHYIR SHES PA NI, ,LTA BA'I SNGA ROL YOD MA YIN, ,'ON TE PHYIS NA SHES DON MED, ,GSUM PA BYED PA DON MED 'GYUR, ,MIG DE 'GROS DANG LDAN GYUR NA, ,THAG RING YUN RING GIS MTHONG 'GYUR, ,HA CANG NYE DANG CHES RING DU, ,GZUGS DE GSAL BAR CI STE MIN, ,GAL TE GZUGS MTHONG MIG 'GRO NA, ,SONG BAS YON TAN 'GA' YANG MED, ,YANG NA BLTA BYAR 'DOD PA NI, ,NGES ZHES BYA BA BRDZUN PAR 'GYUR, ,MIG MA SONG BAR 'DZIN NA NI, ,'GRO BA 'DI KUN MTHONG 'GYUR TE, ,GANG LA 'GRO BA YOD MIN PA, ,DE LA RING MED BSGRIBS PA'ANG MED, ,DNGOS PO KUN GYI RANG BZHIN NI, ,DANG POR BDAG LA SNANG 'GYUR NA, ,MIG NI MIG NYID KYIS 'DZIN PAR, ,CI YI PHYIR NA 'GYUR MA YIN, ,MIG LA RNAM SHES YOD MIN ZHING, ,RNAM SHES LA YANG LTA MED @15A *, ,LA; ,GNYI GA GZUGS LA YOD MIN NA, ,DE DAG GIS GZUGS JI LTAR MTHONG, ,GAL TE SMRA ZHING SGRA 'GRO NA, ,GANG GIS SMRA BA POR MI 'GYUR, ,'ON TE MI SMRA BAR 'GRO NA'ANG, ,GANG GIS DE LA SHES PA SKYED, ,GAL TE PHRAD DE SGRA 'DZIN NA, , SGRA YI DANG PO GANG GIS 'DZIN, ,SGRA NI RKYANG PAR MI 'ONG NA, ,RING BU JI LTAR 'DZIN PAR 'GYUR, ,JI SRID SGRA THOS MA GYUR PA, ,DE YI BAR DU SGRAR MI 'GYUR, ,SGRA MED PA YANG MTHAR SGRA NYID, ,'GYUR NA DE NI MI RIGS SO, ,DBANG PO RNAMS DANG BRAL SEMS KYIS,, SONG STE'ANG CI ZHIG BYED PAR 'GYUR, ,DE LTA YIN DANG SROG 'DI NI, ,RTAG TU YID MED CI STE MIN, ,SNGAR MTHONG PA YI DON GANG ZHIG ,YID KYIS SMIG RGYU LTAR 'DZIN PA, ,DE NI CHOS KUN RNAM GZHAG LA, ,'DU SHES PHUNG PO ZHES BYA'O, ,MIG DANG GZUGS LA BRTEN NAS YID, ,SGYU MA BZHIN DU SKYE BAR 'GYUR, ,GANG LA YOD PA NYID YOD DE, ,SGYU MA ZHES BYAR MI RIGS SO, ,GANG TSE MKHAS PA SA STENGS NA, ,NGO MTSAR MIN PA 'GA' MED PA, ,DE TSE DBANG RTOGS DE 'DRA LA, ,YA MTSAN ZHES BYA CI ZHIG YOD, ,MGAL ME'I 'KHOR LO SPRUL PA DANG, ,RMI LAM SGYU MA CHU ZLA DANG, ,KHUG RNA NANG GI BRAG CA DANG, ,SMIG RGYU SPRIN DANG SRID PA MTSUNGS, ,RNAL 'BYOR SPYOD PA BZHI BRGYA PA LAS DBANG PO DANG DON DGAG PA BSGOM PA BSTAN PA STE RAB TU BYED PA BCU GSUM PA'O,, ,,DNGOS PO GANG ZHIG GZHAN 'GA' LA'ANG, ,RAG LAS PAR NI MI 'GYUR NA, ,DE YI BDAG NYID 'GRUB 'GYUR NA, ,DE NI GANG NA'ANG YOD MA YIN, ,GZUGS NYID BUM ZHES GCIG MA YIN, ,GZUGS LDAN BUM GZHAN YOD MIN LA, ,BUM PA LA GZUGS YOD MIN ZHING,, GZUGS LA BUM PA YOD MA YIN, ,GNYIS MTSAN MI MTHUN MTHONG NAS NI, ,GAL TE DNGOS LAS BUM GZHAN NA, ,MA YIN DE LTAR DNGOS PO YANG, ,BUM PA LAS GZHAN CIS MI 'GYUR, ,GAL TE GCIG BUM MI 'DOD NA, ,BUM PA'ANG GCIG PU MI 'GYUR RO, , @15B LDAN 'DI MTSUNGS PA'ANG MA YIN PA, ,DES KYANG GCIG TU MI 'GYUR RO, ,GANG TSE RDZAS CI TZAM GZUGS NA, ,DE TSE GZUGS CHEN CI STE MIN, ,GAL TE PHYIR RGOL GZHAN MIN NA, ,GZHUNG LUGS BSNYAD PAR BYA BAR 'GYUR, ,MTSAN NYID KYIS KYANG MTSAN GZHI NI, , GANG DU GRUB PA YOD MIN PA, ,DER NI GRANGS SOGS THA DAD PAR, ,DNGOS PO YOD PA MA YIN NO, ,MTSAN NYID RNAMS DANG SO SO NI, ,MIN PHYIR BUM PA GCIG MA YIN, ,RE RE'I BUM PA MED NA NI, ,MANG NYID 'THAD PAR MI 'GYUR RO, ,REG LDAN REG DANG MI LDAN DANG,, LHAN CIG SBYOR BA ZHES BYA MED, ,DE PHYIR GZUGS SOGS RNAMS SBYOR BA, ,RNAM PA KUN TU RIGS MA YIN, ,GZUGS NI BUM PA'I YAN LAG STE, ,DES NA RE ZHIG DE BUM MIN, ,GANG PHYIR YAN LAG CAN MED PA, ,DES NA YAN LAG KYANG YOD MIN, ,GZUGS RNAMS KUN LA GZUGS NYID NI, ,MTSAN NYID MI MTHUN MA YIN NA, ,GCIG LA BUM PA YOD 'GYUR ZHING, ,GZHAN DAG LA MIN RGYU CI ZHIG ,RO SOGS DAG LAS GZUGS GZHAN ZHING, ,BUM LAS MIN ZHES KHYOD 'DOD NA, ,DE RNAMS MED PAR RANG MED GANG, ,DE GZUGS LAS GZHAN JI LTAR MIN, ,BUM PA LA NI RGYU YOD MIN, ,RANG NYID 'BRAS BUR MI 'GYUR TE, ,DE PHYIR GZUGS SOGS LAS GZHAN DU, ,BUM PA 'GA' YANG YOD MA YIN, ,BUM PA RGYU LAS GRUB 'GYUR ZHING, ,RGYU NI GZHAN LAS GRUB 'GYUR NA, ,GANG LA RANG LAS GRUB MED PA, ,DE YIS GZHAN PO JI LTAR SKYED, ,'PHROD PA 'DUS PAR GYUR KYANG GZUGS, ,DRI NYID DU NI MI 'THAD DE, ,DES NA BUM PA BZHIN TSOGS PA, ,GCIG NYID DU NI MI RIGS SO, ,JI LTAR GZUGS SOGS MA GTOGS PAR, ,BUM PA YOD PA MA YIN PA, ,DE BZHIN RLUNG LA SOGS PA NI, ,MA GTOGS GZUGS KYANG YOD MA YIN, ,TSA BA ME NYID DU 'GYUR TE, ,TSA BA MIN PA JI LTAR BSREG ,DES NA BUD SHING ZHES BYA BA, ,YOD MIN DE MED ME YOD MIN, ,GAL TE ZIL MNAN TSA BA YANG, ,DE YANG CI STE @16A *, ,MER MI 'GYUR, ,'ON TE MI TSA NA DNGOS GZHAN, ,DE LA YOD CES BYAR MI RUNG, ,GAL TE RDUL LA SHING MED NA, ,DES NA SHING MED ME YOD DO, ,GAL TE DE LA SHING YOD NA, ,GCIG GI BDAG CAN RDUL YOD MIN, ,DNGOS PO GANG GANG YONGS BTAGS PA; ,DE DANG DE LA GCIG NYID MED, ,GANG GIS GCIG KYANG YOD MIN PA, ,DES NA DU MA DAG KYANG MED, ,GAL TE GANG NA DNGOS DE RNAMS, ,MED DER GCIG YOD CES 'DOD NA, ,GANG GIS KUN LA GSUM NYID YOD, ,DES NA GCIG NYID YOD MA YIN, ,YOD DANG MED DANG YOD MED DANG, ,YOD MED MIN ZHES BYA BA'I TSUL, ,'DI NI MKHAS PA GCIG NYID SOGS, ,DAG LA RTAG TU SBYAR BAR BYA, ,JI LTAR RGYUN LA BLTA NYES NA, ,RTAG PA YOD CES BYAR 'GYUR BA, ,DE BZHIN TSOGS LA BLTA NYES PA, ,DNGOS PO YOD CES BYA BAR 'GYUR, ,GANG LA BRTEN NAS 'BYUNG YOD PA, ,DE NI RANG DBANG MI 'GYUR RO, ,'DI KUN RANG DBANG MED PA STE, ,DES NA BDAG NI YOD MA YIN, ,'BRAS BU MED PAR DNGOS PO NI, ,KUN LA 'DU BA YOD MA YIN, ,'BRAS BU'I DON DU 'DU BA GANG, ,DE NI 'PHAGS LAM 'DUS PA'O, ,SRID PA'I SA BON RNAM SHES TE, ,YUL RNAMS DE YI SPYOD YUL LO, ,YUL LA BDAG MED MTHONG NAS NI, ,SRID PA'I SA BON 'GAG PAR 'GYUR, ,RNAL 'BYOR SPYOD PA BZHI BRGYA PA LAS MTHAR 'DZIN PA DGAG PA BSGOM PA BSTAN PA STE RAB TU BYED PA BCU BZHI PA'O,, ,,THA MAR MED PA SKYE BAR 'GYUR, ,DES NA MED PA GA LA SKYE, ,YOD PA GDOD NAS SKYE 'GYUR BA, ,DES NA YOD PA GA LA SKYE, ,'BRAS BU YIS NI RGYU BSHIG PA, ,DES NA MED PA SKYE MI 'GYUR, ,GRUB PA LAS SGRUB YOD MA YIN, ,DE PHYIR YOD PA MI SKYE'O, ,DE TSE SKYE BA YOD MIN ZHING, ,GZHAN TSE SKYE BA YOD MA YIN, ,DE TSE GZHAN TSE MI SKYE NA, ,NAM ZHIG SKYE BA YOD PAR 'GYUR, ,DE LA DE YI DNGOS PO RU, ,JI LTAR SKYE BA YOD MIN LTAR, ,DE BZHIN GZHAN GYI DNGOS POR YANG, ,DE LA SKYE BA YOD MA YIN,, @16B THOG MA BAR DANG THA MA RNAMS, ,SKYE BA'I SNGA ROL SRID MA YIN, ,GNYIS GNYIS DAG NI MED PA RU, ,JI LTAR RE RE RTZOM PAR 'GYUR, ,GZHAN GYI DNGOS PO MED PAR NI, ,BDAG GI DNGOS PO 'BYUNG BA MED, ,DE YI PHYIR NA 'DAS GZHAN NI, ,GNYIS LAS 'BYUNG BA YOD MA YIN, ,SNGON DANG PHYIS DANG CIG CAR CES, ,BRJOD PA NYID DU MI NUS PA, ,DE PHYIR SKYE DANG BUM PA LA, ,CIG CAR 'BYUNG BA YOD MA YIN, ,SNGAR SKYES PA YI PHYIR NA NI, ,SNGAR SKYES RNYINGS PAR MI 'GYUR ZHING, ,PHYI NAS KUN TU SKYES PA YANG, ,PHYI NAS SKYES PAR MI 'GYUR RO, ,DA LTAR BA YI DNGOS PO NI, ,DE NYID LAS 'BYUNG MA YIN ZHING, ,MA 'ONGS LAS 'BYUNG YOD MIN LA, ,'DAS PA LAS KYANG YOD MA YIN, ,SKYES PA LA NI 'ONG BA DANG, ,DE BZHIN 'GAGS LA 'GRO BA MED, ,DE LTA YIN NA JI LTA BUR, ,SRID PA SGYU MA 'DRA MA YIN, ,SKYE DANG GNAS DANG 'JIG PA RNAMS, ,CIG CAR 'BYUNG BA YOD MIN ZHING, ,RIMS KYIS 'BYUNG BA'ANG YOD MIN NA, ,NAM ZHIG 'BYUNG BA YOD PAR 'GYUR, ,SKYE LA SOGS PA THAMS CAD LA, ,SLAR YANG THAMS CAD 'BYUNG BA STE, ,DE PHYIR 'JIG PA SKYE 'DRA ZHING, ,GNAS PA 'JIG DANG 'DRA BAR SNANG, ,MTSAN LAS MTSAN GZHI GZHAN ZHE NA, ,MTSAN GZHI MI RTAG NYID GANG LAS, ,YANG NA BZHI KA'ANG YOD PA YI, ,NGO BOR GSAL BAR YOD MA YIN, ,DNGOS PO DNGOS LAS MI SKYE STE, ,DNGOS PO DNGOS MED LAS MI SKYE, , DNGOS MED DNGOS MED MI SKYE STE, ,DNGOS MED DNGOS LAS MI SKYE'O, ,DNGOS PO DNGOS POR MI 'GYUR TE, ,DNGOS MED DNGOS POR MI 'GYUR RO, ,DNGOS MED DNGOS MED MI 'GYUR TE, ,DNGOS PO DNGOS MED MI 'GYUR RO, ,SKYE BZHIN PA NI BYED SKYES PHYIR, ,SKYE BZHIN PA NI SKYE MI 'GYUR, ,YANG NA THAMS CAD SKYE BZHIN PA, ,NYID NI YIN PAR THAL BAR 'GYUR, ,SKYE BZHIN PA YI BDAG NYID DU, ,BYA BA SKYE BZHIN PAR MI 'GYUR, ,SKYE BZHIN PA YI BDAG NYID DU, ,MI BYA'ANG SKYE BZHIN PAR MI 'GYUR, ,GANG GI GNYIS PO PHAR MED PAR,, @17A *, ,SRID PA YOD PA MA YIN PA, ,DE LA SKYE BZHIN PO MED DE, ,GANG PHYIR DE LA'ANG BAR YOD PHYIR, ,GANG GI PHYIR NA SKYE BZHIN PA, ,'GAGS PAS SKYES PA SKYE 'GYUR BA, ,DE YI PHYIR NA SKYE BZHIN PA, ,GZHAN YANG YOD PA'I NGO BOR SNANG, ,GANG TSE SKYES PA DE YI TSE, ,SKYE BZHIN PA LA SRID PA MED, ,GANG TSE SKYES PA SKYE BZHIN NA, ,DE TSE CI PHYIR SKYE BAR 'GYUR, ,SKYE BZHIN PA NI MA SKYES PA, ,KHO NA SKYE ZHES BYA BAR GRAG ,KHYAD PAR MED PHYIR DE YI TSE, ,BUM PA MED PAR CIS MI RTOG ,SKYE BZHIN PA NI MA RDZOGS KYANG, ,MA SKYES PA LAS PHYI ROL GYUR, ,DE LTA'ANG GANG PHYIR SKYES PA LAS, ,PHYI ROL GYUR PHYIR MA SKYES TE, ,SKYE BZHIN PA SNGAR MA BYUNG YANG, ,PHYI NAS YOD PA YIN PAR GRAG ,DES KYANG MA SKYES PA SKYE STE, ,MA BYUNG ZHES BYA SKYE MA YIN, ,RDZOGS PA YOD CES BYAR 'GYUR LA, ,MA BYAS PA NI MED CES BRJOD, ,GANG GI TSE NA SKYE BZHIN PA, ,MED PA DE TSE GANG DER BRJOD, ,GANG TSE RGYU NI MA GTOGS PAR, ,'BRAS BU YOD PA MA YIN PA, ,DE YI TSE NA 'JUG PA DANG, ,LDOG PA 'THAD PA NYID MI 'GYUR, , RNAL 'BYOR SPYOD PA BZHI BRGYA PA LAS 'DUS BYAS KYI DON DGAG PA BSGOM PA BSTAN PA STE RAB TU BYED PA BCO LNGA PA'O,, ,,RGYU 'GA' ZHIG GIS STONG PA YANG, ,STONG PA MIN PA LTA BUR SNANG, ,RAB TU BYED PA THAMS CAD KYIS, ,'DI NI SO SOR 'GOG PAR BYED; ,GANG TSE SMRA PO BRJOD BYA NA'ANG, ,STONG PA ZHES BYAR MI RUNG NGO, ,GANG ZHIG RTEN NAS KUN 'BYUNG BA, ,DE NI GSUM LA'ANG YOD MA YIN, ,GAL TE STONG PA'I NYES PA YIS, ,STONG PA MA YIN 'GRUB 'GYUR NA, ,MI STONG NYES PAS STONG PA NYID, ,CI STE 'GRUB PAR 'GYUR MA YIN, ,GZHAN GYI PHYOGS NI BZLOG PA DANG, ,RANG GI PHYOGS NI BSGRUB PA STE, ,GAL TE SUN 'BYIN BYED PHYOGS GCIG ,DGA' NA SGRUB BYED LA CIS MIN, ,GAL TE YONGS SU BRTAGS PA NA, ,MED GANG DE PHYOGS MI 'GYUR NA, ,DES NA @17B GCIG NYID LA SOGS GSUM, ,KUN KYANG PHYOGS MA YIN PAR 'GYUR, ,GANG DU MNGON SUM GYIS BUM DER, ,STONG PA'I GTAN TSIGS DON MED 'GYUR, ,'DI NA GZHUNG LUGS LAS BYUNG BA'I, ,GTAN TSIGS YOD MIN GZHAN DU YOD, ,MI STONG MED PAR STONG PA NI, ,GANG LAS 'BYUNG BA NYID DU 'GYUR, ,JI LTA BUR NA CIG SHOS NI, ,MED PAR GNYEN PO 'BYUNG BAR 'GYUR, ,GAL TE PHYOGS NYID DU 'GYUR NA, ,PHYOGS MED PHYOGS KYI NGO BOR 'GYUR, ,DE LTAR PHYOGS MED NYID MED NA, ,GANG ZHIG MI MTHUN PHYOGS SU 'GYUR, ,GAL TE DNGOS PO YOD MIN NA, ,ME NI TSA BAR CI LTAR 'GYUR, ,TSA BA ME YANG YOD MIN ZHES, ,GONG NYID DU NI BZLOG PAR BYAS, ,DNGOS PO MTHONG NAS DNGOS PO NI, ,MED PA ZHES BYA BZLOG 'GYUR NA, ,DE LTAR PHYOGS NI BZHI CHAR LA; ,NYES PA SPANGS PA GANG ZHIG MTHONG, ,RDUL PHRAN LA YANG YOD PA'I DNGOS, ,GANG DU MED DER JI LTAR 'BYUNG, ,SANGS RGYAS RNAMS LA MED NYID KYANG, ,DE NYID PHYIR NA MA 'BREL PA'O, ,GAL TE KUN LA GNYIS MIN NA, ,GZHAN GANG ZHIG LA YOD DNGOS YOD, ,GAL TE KHYOD LA'ANG DE RIGS NA, ,BRGAL PA GZHAN PO CI STE BYED, ,DNGOS PO KUN GYI DNGOS MED LA, ,RNAM PAR DBYE BA MI RIGS TE, ,RDZAS RNAMS KUN LA GANG MTHONG BA, ,DE NI RNAM DBYER MI 'GYUR RO, ,MED PHYIR GZHAN GYI PHYOGS LA LAN, , BRJOD PA MIN PAR GRAGS NA NI, ,GTAN TSIGS KYIS BZLOG RANG PHYOGS KYANG, ,CI YI PHYIR NA SGRUB MI 'GYUR, ,SUN 'BYIN BYED PA'I GTAN TSIGS RNYED, ,SLA ZHES 'JIG RTEN BRJOD NA YANG, ,GZHAN GYI PHYOGS LA SKYON BRJOD PA, ,NYID DU CI YI PHYIR MI NUS, , YOD CES BYA BA TZAM ZHIG GIS, ,GAL TE DE NYID DNGOS YOD NA, ,MED CES BYA BA TZAM ZHIG GIS, ,MED PAR YANG NI CIS MI 'GYUR, ,GANG PHYIR YOD BDOG CES MING BTAGS, ,DE PHYIR MED PAR MI 'GYUR NA, ,GANG PHYIR YOD CES MING BYAS PA, ,DE PHYIR YOD @18A *, ,PAR MI 'GYUR RO, ,GAL TE THAMS CAD 'JIG RTEN PAS, ,BRJOD PAS 'JIG RTEN PA YOD NA, ,DNGOS GANG DE NYID DU YOD PA, ,DE NI 'JIG RTEN PAR CIS 'GYUR, ,GAL TE DNGOS KUN MED PA'I PHYIR, ,MED PA NYID DU 'GYUR NA NI, , DE LTA YIN DANG PHYOGS RNAMS KUN, ,DNGOS PO MED PAR MI RIGS SO, ,DNGOS PO MED PHYIR DNGOS MED LA, ,SRID PA YOD PAR MI 'GYUR RO, ,DNGOS PO MED PAR DNGOS PO NI, ,MED PAR GANG LAS 'GRUB PAR 'GYUR, ,STONG PA GTAN TSIGS LAS 'GYUR PA, , DE PHYIR STONG PAR MI 'GYUR NA, ,DAM BCA' GTAN TSIGS LAS GZHAN NI, ,MA YIN DES NA GTAN TSIGS MED, ,GANG PHYIR STONG PA'I DPE YOD PA, ,DES NA STONG PAR MI 'GYUR NA, ,BYA ROG JI LTA DE BZHIN DU, ,BDAG KYANG NAG CES BRJOD NUS SAM, ,GAL TE RANG BZHIN GYIS DNGOS YOD, ,STONG MTHONG YON TAN CI ZHIG YOD, ,RTOG PAS MTHONG BA 'CHING BA STE, ,DE NI 'DI RU DGAG PAR BYA, ,GCIG YOD GCIG MED CES BYA BA, ,DE MIN 'JIG RTEN PA YANG MIN, ,DES NA 'DI YOD 'DI MED CES, ,BRJOD PA NYID DU NUS MA YIN, ,YOD DANG MED DANG YOD MED CES, ,GANG LA PHYOGS NI YOD MIN PA, ,DE LA YUN NI RING PO NA'ANG, ,GLAN KA BRJOD PAR NUS MA YIN, ,RNAL 'BYOR SPYOD PA BZHI BRGYA PA LAS SLOB DPON DANG SLOB MA RNAM PAR GTAN LA DBAB PA BSTAN PA STE RAB TU BYED PA BCU DRUG PA'O,, ,,SLOB DPON 'PHAGS PA LHA'I ZHAL SNGA NAS MDZAD PA, BYANG CHUB SEMS DPA'I RNAL 'BYOR SPYOD PA BZHI BRGYA PA'I TSIG LE'UR BYAS PA RDZOGS SO,, ,,KHA CHE'I GRONG KHYER DPE MED KYI DBUNG RIN CHEN SBAS PA'I KUN DGA' RA BAR, RGYA GAR GYI MKHAN PO SU SMRA DZ'A NA DANG, BOD KYI LO TZTSA BA PA TSA BA NYI MA GRAGS KYIS BSGYUR CING ZHUS TE GTAN LA PHAB PA,, ,,SARBA MANGGA LAm,, ,, @18B [blank page] @19A [blank page] @19B *, ,RGYA GAR SKAD DU, SA KHA LI TA PRA MARDA NA YUKT'A HE TU SIDDHI N'A MA, BOD SKAD DU, 'KHRUL PA BZLOG PA'I RIGS PA GTAN TSIGS GRUB PA ZHES BYA BA, 'JAM DPAL GZHON NUR GYUR PA LA PHYAG 'TSAL LO, ,STON PA 'JIG RTEN SGRON MA DANG, ,NYON MONGS NAD SEL BDUD RTZI'I CHOS, ,SLOB DANG MI SLOB LA SOGS LA, ,SGO GSUM DANG BAS PHYAG 'TSAL TE, ,SNYIGS MA LNGA YI 'JIG RTEN 'DIR, ,'GRO LA PHAN PHYIR LAM BSHAD PA, ,BDUD DANG BDUD LA PHYOGS PA DAG ,LAM LA LOG PAR LTA BA'I PHYIR, ,RANG GI LTA BAS BDEN LAM NYAMS, ,NOR BA'I LAM LA LAM DU 'DOD, ,YANG DAG PA LA LOG RTZOD PA, ,DE DAG BSAL PHYIR BSHAD PAR BYA, ,SDOM NI, YOD LA MED PAR 'KHRUL DANG MI RTAG NYID LA NGES PAR 'KHRUL, ,MED LA YOD PAR 'KHRUL DANG RTAG PA NYID DU NGES PAR 'KHRUL, ,'KHRUL LAS 'KHRUL PA SLU ZHING BSLUS PAS 'KHRUL PA'I 'KHRUL PA SGRUB, ,'KHRUL PA'I DBANG GIS YANG DAG DON LA 'KHRUL TE RGYU LA 'KHRUL, ,DE 'KHRUL RKYEN GYIS 'BRAS BU NGAN SONG GSUM DU RTAG TU 'KHRUL, ,'KHRUL DANG MA 'KHRUL SHES PAS 'KHRUL PA BSAL PHYIR MA 'KHRUL TE, ,'KHRUL PA DAG LA BSTAN PHYIR 'KHRUL PA MED PAR BSHAD PAR BYA, ,'KHRUL PA'I SKYON DANG MA 'KHRUL YON TAN SHES PHYIR 'KHRUL 'DI BRTAG ,DE LA YOD PA LA MED PAR 'KHRUL PA NI KHA CIG NA RE, MA SHI BAR DU BDE BAR 'TSO, ,SHI NAS DE YI SPYOD YUL MED, ,LUS KYANG THAL BA BZHIN SONG NAS, ,SLAR 'TSO BAR LTAG LA 'GYUR, ,DE PHYIR SNGA PHYI YOD MA YIN, ,TSE 'DI NYID LA BDE BA'I PHYIR, ,LHA MCHOD 'DRE SRIN MNAN BYAS NA, ,BTZAN PHYUG MTHU STOBS 'GRUB PAR 'GYUR; ,DE LA CHOS 'DI PA NA RE, NYI MA NYI MA NYI MA'I GRANGS, ,SA BON MYU GU RGYU 'BRAS DE, ,GOMS PA'I DBANG GIS NU ZHO'O, ,GCIG 'GAL SKYE BA DPAG TU MED, ,DPAL DANG GZI BYIN LONGS SPYOD PHYIR, ,LHA KLU GNOD SBYIN SRIN PO BGEGS, ,DE DAG MCHOD MNAN PHAN NA LHA, ,RANG NYID 'DOD BZHIN GRUB PAR RIGS, ,YANG GZHAN KHA CIG NA RE, PHYI NANG SKYE MCHED CHOS RNAMS THAMS CAD NI, ,NGO BO NYID LAS GRUB PA GZHAN LAS MIN, ,SRAN ZLUM SKYER TSER GZANG RINGS RNO BA DANG, ,RMA BYA'I MJUG MA MGRIN PA'I TSOGS BKRA DANG, ,NYI SHAR CHU RNAMS THUR DU 'BAB PA RNAMS, ,NGO BO NYID LAS GRUB STE @20A *, ,RGYU YOD MIN, ,DE LA CHOS 'DI PA NA RE, GAL TE NAM MKHA' RTEN MED LA, ,SRAN DANG CHER SOGS YOD NA NI, ,RGYU MED NGO BO NYID MTHONG NA, ,DE DAG SA SOGS BRTEN NAS SKYE, ,CHU YANG GYEN DU THUR 'BAB CING, ,NYI MA PHYOGS BZHIR 'DRAR SHAR NA, ,RGYU MED NGO BO NYID BDEN NA, ,CHU NI SA YI SHUGS KYIS 'BAB, ,RI RAB JI BZHIN NYI MA 'KHOR, ,YANG GZHAN KHA CIG NA RE, SKYE BA PO NI SHES PA YOD MIN TE, ,BDAG GI BDE SDUG LEN LA RANG DBANG MED, ,DBANG PHYUG GIS NI YANG NA G-YANG SA 'AM, ,YANG NA MTHO RIS DAG TU SKYE BAR BYED, ,'DI LA CHOS 'DI PA NA RE, SA GZHI BZANG NGAN MTHO RIS NGAN SONG GI ,SA BON DGE SDIG NAS DANG GRO 'DRA BA, ,BYED PA DBANG PHYUG 'DRA BA'I MIS BTAB NA, ,SKYE BAR 'DRA YANG GRO NAS SO SOR SMIN, ,DE 'DRAR DBANG PHYUG MI DBANG DGE SDIG DBANG, YANG KHA CIG NA RE, DPER NA RDZA MA BE'U BZHIN DU, ,MTHO RIS NGAN SONG GAR 'GRO BA, ,RIG PA'I RGYAL PO RANG DBANG CHE, ,RGYU RKYEN GZHAN LA BRTEN MI DGOS, ,DE LA CHOS 'DI PA NA RE, BYE'U BZHIN RANG DBANG YOD PA YANG, ,YUL LA THOGS PA MED NA LTA, ,MTHO RIS NGAN SONG BYE'U BZHIN NA, ,DE NI YUL LA THOGS PA YOD, ,DE BZHIN DGE SDIG YUL GYIS KYANG, ,RIG PA'I RGYAL PO RANG DBANG MED, ,DE PHYIR MTHO RIS NGAN SONG GI ,GAR 'GRO DGE SDIG GNYIS KYI DBANG, ,DE LA MI RTAG PA NYID LA NGES PAR 'KHRUL PA NI KHA CIG NA RE, 'DI NA RGYAN THOGS BZA' BTUNG LDAN PA DANG, ,'KHOR DANG BZHON PA GNAS DANG SMRA TSIG DANG, ,CI BSAM CI SGRUB DE DAG PHA ROL NA, ,DE BZHIN BYED DE 'DI DAG THAMS CAD RTAG , DE LA CHOS 'DI PA NA RE, 'DI LA CI BYED PHA ROL NA YANG DE BZHIN RTAG NA NI, ,DPER NA DBYAR DRO DGUN GRANG STON SMIN DPYID SKYE GCIG TU RTAG RIGS NA, ,'DI LTAR 'DI DAG MI RTAG CI PHYIR GLING BZHI'I NYI MA'I DBANG GIS 'GYUR, ,DE BZHIN SEMS CAN 'DI DAG PHA ROL MI RTAG LAS KYIS BSGYUR, ,YANG KHA CIG NA RE, PHA BU SPUN DANG CHUNG MA GNYEN RNAMS NI, ,'DI NA JI BZHIN PHA ROL DE BZHIN TE, ,NYE MDZA' 'DI DAG RTAG TU 'GROGS PAR NGES, ,BRAM ZE SMRA LA MKHAS PAS DE SKAD ZER, ,DE LA CHOS 'DI PA NA RE, DPER NA S'A LU'I SNYE MA LA, ,LHAN CIG 'BRAS BU MANG SMIN YANG, ,LA LA SA BON LA LA BTZOS, ,SA @20B BON RNAMS KYANG PHYOGS MTSAMS 'THOR, ,LHAN CIG SMIN PA GANG YANG MED, ,DE BZHIN NYE MDZA' 'DI DAG KYANG, ,PHA BU CHUNG MA SPUN MA NGES, ,GZHAN YANG MTHO RIS NGAN SONG DU, ,NAS DANG RIGS KYANG MA NGES SO, ,DE LA MED PA LA YOD PAR 'KHRUL PA NI, KHA CIG NA RE, SKYES BU KUN GYI BYED PA PO, ,BDE SDUG MYONG BA'I SHES MTHONG BA, ,DE YOD DES NI THAMS CAD BYED, ,RTAG PA GCIG PU SHES PA'O, ,DE LA CHOS 'DI PA NA RE, DPER NA THAG PA LA NI SBRUL DU 'KHRUL PA BZHIN, ,CHOS 'DI THAG PA 'DRAL BA DAG TU MTHONG, ,DE LA SBRUL MED DE BZHIN CHOS LA BDAG MED DE, ,MTHONG BA MA DAG SHES BZHIN MU STEGS BDAG TU RMONGS, ,YANG KHA CIG NA RE, SA CHU ME RLUNG 'BYUNG BA'I DNGOS PO 'DI, ,RTAG TU YOD DE 'DI DAG MED MI SRID, ,RANG BZHIN MI 'GYUR MI TSA CHU GRANG BZHIN, ,SA SRA RLUNG G-YO 'DI DAG RTAG PAR NGES, ,'DI LA CHOS 'DI PA NA RE, SA SOGS 'BYUNG BA BZHI PO 'DI DAG NI, , PHRA RAB RDUL LAS GRUB PAS RAGS PA MIN, ,PHYOGS CHA DRUG GIS PHRA RAB DE YANG MED, ,'JIG PA GSUM GYIS DNGOS PO 'DI MI RTAG ,YANG KHA CIG NA RE, DBANG PHYUG TSANGS PA KHYAB 'JUG DANG, ,PHYA DANG SRID PA RNAMS KYIS BSKOS, ,TSE ZAD LUS GZUGS 'DUG GNAS DAG ,BYED PA POS BYAS PHYIR MI DRANG, ,DE LA CHOS 'DI PA NA RE, DBANG PHYUG LA SOGS BYED PA POS, ,THAMS CAD BYED PA'I MTHU YOD NA, ,GZHAN DAG DE LTAR BYAS PA BAS, ,BDAG NYID LEGS PAR BYA BA'I 'OS, ,BYED PA PO NYID MI RTAG LA, ,SKYE SHI SDUG BSNGAL DPAG MED NA, ,DES BYAS BDEN PAR GA LA 'GYUR, ,RGYA MTSO'I RIN CHEN 'OD SNANG LA, ,BYED PA'I MTHU LTA GA LA YOD, ,DE LA RTAG PA NYID DU 'KHRUL PA NI, KHA CIG NA RE, 'GRO BA RIGS LNGA'I RGYUD LA YANG, ,'KHOR BA RTAG PA BZHIN DU 'DOD, ,LHA NI LHAR SKYE MI NI MIR SKYE STE, ,BZHI PO GZHAN YANG DE BZHIN SKYE, ,DE LA CHOS 'DI PA NA RE, 'GRO BA RIGS LNGA DE LTAR SO SOR NGES NAS NI, ,MANG YANG MANG ZHING NYUNG YANG NYUNG RTAG RIGS 'OS NA, ,MANG YANG NYUNG ZHING NYUNG YANG MANG STE MI RTAG PAS, ,DGE SDIG LAS KYI RKYEN GYIS SO SOR SKYE BAR RIGS, ,YANG KHA CIG NA RE, KHA DOG DKAR PO LA SOGS LA, ,KHA DOG DKAR PO LA SOGS SKYE, ,DRAN PA GSAL DANG MI @21A *, ,GSAL DANG, ,GRUM PO DAG LA'ANG DE BZHIN SKYE, ,DE LA CHOS 'DI PA NA RE, DPER NA GSER DANG DNGUL SOGS LA, ,SENG GE RTA DANG GLANG LA SOGS, ,MI MTHUN PA DAG BLUGS BYAS NA, ,LUGS DPE MTHUN DANG 'DRA BA BZHIN, ,SEMS RGYUD DRI ZA MI GCIG KYANG, ,'DOD PA CHAGS PA'I RKYEN GYIS NI, ,KHA DOG LUS GZUGS DRAN SHES DAG ,LUGS DPE BZHIN DU DE MTHUN NO, ,DE LA 'KHRUL PAS 'KHRUL PA BSLU BA NI KHA CIG NA RE, TSANGS PAR GYUR NA GZI BRJID CHE, ,DBANG PHYUG THOB NA MTHU STOBS CHE, ,BRGYA BYIN KHYAB 'JUG DE BZHIN TE, ,SLU DANG DE BZHIN SMAN RNAMS BDE, ,DE PHYIR DE DAG THOB PA'I THABS, ,GANG DAG SNA TSOGS YOD PA DAG ,BYA BA SLA BA CIS SMOS TE, ,DKA' BA DAG KYANG BYA BAR 'OS, ,DE LA CHOS 'DI PA NA RE, DPER NA SGYU MA'I SPRUL PA LA, ,SGYU MA MI SHES BDEN MTHONG NAS, ,SGYU MA'I SPRUL PAS DE BSLU ZHING, ,'KHRUL PA YOD MED RTAG SOGS LA, ,SGYU MA BZHIN DU DE 'KHRUL BAS, ,SKYE BO RNAMS LA THAMS CAD BSLUS, ,LTA BA NGAN PA'I DBANG SONG BAS, ,YOD MED RTAG CHAD MTHA' LA GNAS, ,DE LA 'KHRUL PAS 'KHRUL PA'I 'KHRUL PA BSGRUB PA NI, KHA CIG NA RE, MI LNGA BSTEN PAS TSANGS PA 'GRUB, ,DBYUG GU GSUM PAS DBANG PHYUG CHE, ,BYA YI DKA' THUB RTOGS 'DOD RIGS, ,KHYI YI BRTUL ZHUGS SMIN DRUG 'KHOR, ,NANG PAR BSRUNG BA DUS NGES PA'O, ,DE LA CHOS 'DI PA NA RE, ME DANG DBYUG GU'I DKA' THUB NI, ,LTA BA 'KHRUL PA'I DKA' THUB STE, ,DPER NA RI DVAGS KHA SKOM ZER, ,CHU 'DOD SMIG RGYU SNYEG PA 'DRA, ,DE LA 'KHRUL PA'I DBANG GIS YANG DAG PA'I DON LA 'KHRUL PA NI, ,THAMS CAD RTAG PAR RTOG PA BZHI, ,KHA CIG RTAG PAR RTOG PA BZHI, ,RGYU MED SMRA BA RNAM PA GNYIS, ,MTHA' LA RTOG PA BZHI DANG NI, ,LHA MI SPONG BAR RTOG PA BZHI, ,BCO BRGYAD DE DAG SNGON GYI MTHUD, ,'DU SHES CAN RTOG BCU DRUG DANG, ,'DU SHES MED PAR RTOG PA BRGYAD, ,'DU SHES YOD MIN MED MIN BRGYAD, ,CHAD PAR LTA BDUN MTHAR LTA LNGA, ,BZHI BCU RTZA BZHI PHYI MA'I MTHA', ,DRUG CU RTZA GNYIS BDEN PAR LTA, ,DE DAG BDEN PA'I DON LA 'KHRUL, ,DE LA RGYU LA 'KHRUL PA NI, ,KHA CIG NA RE, DUS KYIS @21B 'BYUNG BA RNAM SMIN BYED, ,DUS KYIS SKYE DGU RNAMS 'BYIN BYED, ,DUS KYIS GNYID LOG SAD PAR BYED, ,DUS KYIS SKYE ZHING DUS KYIS 'CHI, ,DUS LAS 'DA' BAR DKA' BA'O, ,DE LA CHOS 'DI PA NA RE, DUS KYIS THAMS CAD BYED NA GO ,NAM MKHA' LTA BUR RTEN MED LA, ,SA BON 'BRAS BU SKYE BAR RIGS, ,'GRO BA RIGS LNGA'I 'KHOR BA YANG, ,PHA MED MA LA BU SKYE ZHING, ,MA MED PHA LA'ANG DE BZHIN TE, ,RGYU RKYEN MED NA DUS DBANG NYAMS, ,KHA CIG NA RE, PHA NI BA SBRA RNAMS KYI GZHI, ,CHU SHEL CHU RNAMS JI BZHIN DU, ,BLAG SHA YAL GA RNAMS JI BZHIN, ,SKYES BU LUS CAN KUN GYI RGYU; ,DE LA CHOS 'DI PA NA RE, THAG PA SBRUL DU 'KHRUL PA LTAR, ,SKYES BU 'KHRUL PAS MING BTAGS PA, ,RANG MA GRUB PA GZHAN GYI RGYU, ,SKYES BU DE YIS JI LTAR BYED, ,YANG KHA CIG NA RE, DE TZAM NYI SHU LNGA SHES SHING, ,RAL PA'AM SPYI BO GTZUG PHUD KYIS, ,CHA LUGS GANG DU GNAS PA NI, , GROL 'GYUR 'DI LA THE TSOM MED, ,DE LA CHOS 'DI PA NA RE, DE LTAR GRANGS SHES MTHO RIS 'GYUR NA NI, ,RDO SHING BGRANGS PAS GSER SOGS SNANG 'GYUR 'OS, ,GRANGS SHES RDO SHING 'DRA LA MTHO RIS GSER BZHIN TE, ,KUN RDZOB RIGS PAR 'GAL NA DON DU SMOS CI DGOS, ,DE NI BKRES PAS NGA BGRANGS ZER BA 'DRA, ,YANG KHA CIG NA RE, LUS CAN 'DI DAG SKYES PA NI, ,RGYU LAS MA BYUNG RANG SKYES TE, ,DPER NA SPANG KHA'I SHA MO LA, ,SA BON RGYU NI MED BZHIN NO, ,DE LA CHOS 'DI PA NA RE, DE NYID DPE LAS BDAG GIS BZUNG, ,SA LA BRTEN NAS RLAN GYIS BSKYED, ,RGYU MED MA YIN YOD PA BZHIN, , RGYU RKYEN LAS KYIS BSKYED PAR RIGS, ,DE LA 'KHRUL PA'I RKYEN GYIS 'BRAS BU NGAN SONG GSUM DU 'KHRUL PA NI, 'KHRUL PA'I DBANG GIS DBEN MA MTHONG, ,RGYU 'BRAS MI BSLU LAS MA SHES, ,NYON MONGS LNGA LA MNGON ZHEN NAS, ,SKYE GNAS BZHI PO'I GNAS SU SKYE, ,BYOL SONG MNGAL DANG SGO NGA DANG, , DROD GSHER LAS SKYES YI DVAGS NI, ,MNGAL SKYES DMYAL BA RDZUS TE SKYE, ,KHA DOG RIGS GZUGS GRANG MED KYANG, ,GNYIS DANG BZHI PA MED PA DANG, ,RKANG MED RIGS DANG RNAM BZHIR BSDU, ,GCIG LA GCIG GIS 'TSE GYUR PAS, ,BSRUNG PHYIR GAB DANG SNYOG PA'I PHYIR, ,'BROS DANG BKOL @22A *, ,SPYAD BRDEG BTZOG DANG, ,BSAD DANG GSOD DANG GSOD 'GYUR PHYIR, ,SDUG BSNGAL DPAG MED MYONG BA YIN, ,KHAB MIG KHA DANG RTA RNGA'I MGRIN, ,LTO BA RI YI GTOS TZAM NYID, ,RKANG LAG THUR MA BZHIN DU PHRA, ,SHING RTA 'KHOL 'DRA DUD PA 'THUL, ,YID DU 'ONG BA'I ZAS DANG SKOM, ,BKOD PA BLTAS NAS LAG BSNYABS PAS, ,RAB 'JIGS SKYES BU GO CHA CAN, ,MTSON RNON DBYIG PA THOGS PA YIS, ,RGYAB NAS RDUL BZHIN 'GYUR MTHONG NAS, ,LEN PA'I DBANG MED BKRES GDUNGS 'GYUR, ,LA LAS BZA' BTUNG KHAR BCUG NA, ,ME LCER 'BAR ZHING 'TSIG 'GYUR TE, ,LA LAR RNAG KHRAG DRI NGA YANG, ,MI RNYED LUS LAS BTZAGS LAS 'DON, ,LA LAS BZA' BTUNG MI MTHONG ZHING, ,MI THOS PHYOGS BCUR RGYUG PAR 'GYUR, ,MNAR MED RAB TSA TSA BA DANG, ,NGU 'BOD CHE DANG NGU 'BOD NYID, ,BSDUS 'JOMS THIG NAG YANG SOS BRGYAD, ,CHU BUR CAN DANG CHU BAR RDOL, ,SO THAMS AA CHU KYI HUD ZER, ,AUTPALA LTA BU PADMA GNYIS, ,LUS DANG SGRA 'GYUR MING BTAGS BRGYAD, ,NYI TSE NYE 'KHOR GCIG BCU DRUG ,NYES SPYAD RNAM SMIN MA ZAD PAR, ,DE DAG 'CHI BAR MI 'GYUR TE, ,BRIS MTHONG BSHAD THOS KLAGS DRAN YANG, ,'JIGS SKYE NYAMS MYONG CI ZHIG SMOS, ,'JIG RTEN KHAMS RNAMS SDUG BSNGAL GANG, ,MTHONG BA'I CHOS LA YOD DO COG ,GCIG TU BSDUS PAS DMYAL BA YI, ,SDUG BSNGAL GANG CHUNG 'BUM GYI CHAR, ,MI PHOD CUNG ZAD DE MI MTSUNGS SO, ,DE KUN MA RIG LTA LAS BYUNG, ,DE PHYIR NGAN SONG GSUM DU 'KHRUL, ,DE LA 'KHRUL PA MED PAR BSHAD PAR BYA BA NI, RGYU RKYEN YAN LAG BCU GNYIS PO, ,TSE GSUM RIGS GSUM YAN LAG LNGA, ,NYI MA JI BZHIN 'GRO BZHIN TE, ,SHING RTA'I 'PHANG LO BZHIN DU 'KHOR, ,NYES PA BCU GNYIS SRID RTZA RNAMS, ,DANG PO BKAG BAS KUN BKAG CING, ,RGYU 'BRAS YANG DAG BDEN SHES DANG, ,YANG DAG GYUR PA BCU GNYIS RNYED, ,THAR PA'I LAM LA DE GNAS PHYIR, ,YON TAN DPAG MED THOB PA YIN, ,'DI LA DGE BA GANG YOD DES, ,LAM LNGAR 'KHOR BA'I SEMS CAN RNAMS, ,CHOS NYID SHES NAS NYES SPANGS TE, ,BDE BA'I LAM LNGAR BGROD PAR SHOG ,'KHRUL BA BZLOG @22B PA'I RIGS PA GTAN TSIGS GRUB PA ZHES BYA BA, SLOB DPON 'PHAGS PA LHAS MDZAD PA RDZOGS SO,, ,,RGYA GAR GYI MKHAN PO SARBA DZNY'A DE BA DANG, ZHU CHEN GYI LO TZ'A BA BANDE DPAL BRTZEGS KYIS BSGYUR CING ZHUS TE GTAN LA PHAB PA'O,, #, ,RGYA GAR SKAD DU, HA ST'A BHA BA PRA KA RA nA K'A RI K'A, BOD SKAD DU, RAB TU BYED PA LAG PA'I TSAD KYI TSIG LE'UR BYAS PA, BCOM LDAN 'DAS NGAG GI DBANG PO LA PHYAG 'TSAL LO, ,THAG PA LA NI SBRUL SNYAM 'DZIN, ,THAG PAR MTHONG NA DON MED DO, ,DE'I CHA MTHONG NA DE LA YANG, ,SBRUL BZHIN SHES PA 'KHRUL PA YIN,, BRTAGS PA'I DNGOS PO THAMS CAD LA, ,RANG GI NGO BO BRTAGS PA NA, ,KUN RDZOB SHES PA'I SPYOD YUL NI, ,JI SNYED YOD PA GZHAN LAS BRTAGS, ,CHA MED BRTAG PAR BYA MIN PHYIR, ,THA MA YANG NI MED PAR MTSUNGS, ,DE PHYIR MKHAS PAS 'KHRUL BA TZAM, ,YANG DAG DON DU MIN PAR BRTAG ,'KHRUL NA DE YANG MA DAG PHYIR, ,JI LTAR SNANG NA DE LTAR MED, ,DON YOD MA YIN SNANG BA NI, ,JI LTAR DE YI BDAG NYID 'GYUR, ,GANG ZHIG ZHIB MO'I BLO YIS NI, ,THAMS CAD BTAGS PA KHO NAR SHES, ,BLO LDAN DE NI CHAGS LA SOGS, ,BDE BAR SBRUL GYIS SKRAG BZHIN SPONG, , 'JIG RTEN PA YI DON RTOGS PAS, ,'JIG RTEN BZHIN DU BSGRUB PAR BYA, ,KUN NAS NYON MONGS SPONG 'DOD PAS, ,DAM PA'I DON GYIS BTZAL BAR BYA, ,RAB TU BYED PA LAG PA'I TSAD KYI TSIG LE'UR BYAS PA, SLOB DPON 'PHAGS PA LHAS MDZAD PA RDZOGS SO,, ,, #, ,RGYA GAR SKAD DU, HAST'A BHA BA BRiTTI, BOD SKAD DU, LAG PA'I TSAD KYI 'GREL PA, 'PHAGS PA 'JAM DPAL YE SHES SEMS DPA' LA PHYAG 'TSAL LO, ,KHAMS GSUM PA THA SNYAD TZAM LA YANG DAG PA'I DON DU KUN TU RTOG PA'I PHYIR DE KHO NA NYID KYI DON KHONG DU MA CHUD PA'I SEMS CAN RNAMS LA, DNGOS PO'I RANG BZHIN RAB TU RNAM PAR DBYE BA'I SGO NAS PHYIN CI MA LOG PA'I SEMS YANG DAG PAR BSGRUB PA'I PHYIR 'DI BRTZAM MO, ,THAG PA LA NI SPRUL SNYAM 'DZIN, ,THAG PAR MTHONG NA DON MED DO, ,'DI NA YUL HA CANG BSKAL PA MA YIN PA'ANG 'OD TZAM SNANG BA ZHIG NA THAG PA'I @23A *, ,GZUGS SPYI'I CHOS TZAM ZHIG DMIGS PAS 'KHRUL PAS THAG PA LA 'DI NI SBRUL KHO NA'O ZHES NGES PAR 'DZIN PA'I NGO BO'I SHES PA SKYE STE, KHYAD PAR GYI RANG GI NGO BO KHONG DU MA CHUD PA'I PHYIR RO, ,DE'I KHYAD PAR NGES PAR 'DZIN PA NA JI LTA BA BZHIN DU MA YIN PAR KUN TU RTOG PAS RAB TU SPRO BA NYID KYI PHYIR SHES PA DE YANG 'KHRUL PA'I SHES PA DON MED PA KHO NAR 'GYUR RO, ,DE YI CHA MTHONG DE LA YANG, ,SBRUL BZHIN SHES PA 'KHRUL PA YIN, ,THAG PA DE LA YANG CHA SHAS SU PHYE NAS BRTAGS PA NA THAG PA'I RANG GI NGO BO MI DMIGS TE, DE MA DMIGS NA THAG PAR DMIGS PA YANG SBRUL LO SNYAM PA'I BLO BZHIN DU 'KHRUL PA TZAM 'BA' ZHIG TU ZAD DO, ,YANG JI LTAR THAG PA'I SHES PA 'KHRUL PA YIN PA DE BZHIN DU CHA SHAS DE YANG DUM BU DANG NYA GA MA LA SOGS PA DE DAG LA BRTAGS NA DE'I RANG GI NGO BO NGES PAR MI ZIN TO, ,DE NGES PAR MA ZIN PAS DE LA DMIGS PA'I RNAM PA CAN GYI BLO YANG THAG PA'I BLO BZHIN DU 'KHRUL PA TZAM KHO NA'O, ,BRTAGS PA'I DNGOS PO THAMS CAD LA, ,RANG GI NGO BO BRTAGS PA NA, ,KUN RDZOB SHES PA'I SPYOD YUL NI, ,JI SNYED YOD PA GZHAN LAS BRTAGS, ,JI LTAR CHA SHAS LA SOGS PA'I DBYE BAS THA DAD PA'I THAG PA LA SOGS PA LA BRTAGS NA RANG GI NGO BO MI DMIGS PAS THAG PA LA SOGS PA'I BLO YANG SBRUL LO SNYAM PA'I BLO BZHIN DU 'KHRUL PA TZAM DU ZAD PA DE BZHIN DU RDZA MA DANG POR BU LA SOGS PA BRTAGS PA'I YOD PA THAMS CAD KYANG NGOS CHU LA SOGS PA LA LTOS PA YIN PAS THA SNYAD PA'I SHES PA'I YUL BUM PA LA SOGS PA RAB TU DBYE BA'I MTHAR THUG PA DANG BCAS PA JI SNYED PA 'DI DAG NI GZHAN LAS THA SNYAD BTAGS PA KHO NA YIN GYI DON DAM PAR NI MA YIN NO, ,CHA MED BRTAG PAR BYA MED PHYIR, ,THA MA YANG NI MED PAR MTSUNGS, ,GANG YANG BRTAGS PA'I DNGOS PO THAMS CAD KYI THA MA RDUL PHRA RAB KYI RDZAS CHA MED PA GCIG PU DE YANG DMIGS PAR BYA BAR MI NUS PA'I PHYIR NAM MKHA'I ME TOG GI PHRENG BA DANG, RI BONG GI RVA LA SOGS PA BRTAG PAR BYA BA MA YIN PA'I RANG GI NGO BO DAG DANG MTSUNGS PAS DE YANG DNGOS PO MED PA NYID DU 'GRUB BO, ,JI STE YANG JI LTAR NA BRTAG @23B PAR BYA BA MA YIN PA'I MTSAN NYID KYI GTAN TSIGS DE RDUL PHRA RAB KYI RDZAS YOD PA DE NYID GCIG TU MED DO ZHES SHES PAR NUS SHE NA, GANG GI PHYIR YOD PA NI PHYOGS CHA THA DAD PA'I PHYIR, DPER NA YOD PA BUM PA DANG SNAM BU DANG, SHING RTA LA SOGS PA'I RDZAS RNAMS NI SHAR DANG NUB DANG BYANG DANG STENG LA SOGS PA PHYOGS CHA THA DAD PA'I PHYIR CHA SHAS THA DAD PA DAG SNANG BA LTAR RDUL PHRA RAB KYI RDZAS KYANG YOD PAR 'GYUR BA GDON MI ZA BAR PHYOGS CHA THA DAD PA'I PHYIR, SHAR DANG NUB DANG STENG LA SOGS PA'I CHA SHAS THA DAD PAR KHAS BLANG BAR BYA'O, ,CHA SHAS THA DAD PA YIN NA NI RDUL PHRA RAB KYI RDZAS GCIG TU MI 'GRUB BO, ,RDZAS KYI DBYE BA MANG PO SNANG BA'I PHYIR GCIG NYID YOD PA MA YIN NA NI RDUL PHRA RAB MI DMIGS PAS RDUL PHRA RAB RDZAS SU SMRA BA 'DI THONG SHIG ,DE PHYIR MKHAS PAS 'KHRUL PA TZAM, ,YANG DAG DON DU MIN PAR RTAG ,GANG GI PHYIR DE LTAR KHAMS GSUM PA 'KHRUL PA TZAM YIN PA DE'I PHYIR MKHAS PA LEGS PA THOB PAR 'DOD PAS 'DI LA YANG DAG PA'I DON DU BRTAG PAR MI BYA'O, ,GAL TE 'DI SNYAM DU BUM PA LA SOGS PA PHYI ROL GYI DNGOS PO DE DAG NI, NGO BO NYID MI RTOGS PA'I PHYIR MED PA LAS KUN TU BRTAGS PA YIN PA BDEN NO; ,DE DAG LA DMIGS PA'I RNAM PA CAN 'KHRUL PA'I SHES PA 'DI NI YOD DE, DPER NA SGYU MA'I SKYES BU DANG DRI ZA'I GRONG KHYER LA SOGS PA MED KYANG DE DAG LA DMIGS PA'I RNAM PA CAN GYI SHES PA LTA BU'O ZHES BYA BA 'DOD DO ZHE NA, 'KHRUL NA DE YANG MA DAG PHYIR, ,JI LTAR SNANG BA DE LTAR MED; ,DON YOD MA YIN SNANG BA NI, ,JI LTAR DE YI BDAG NYID 'GYUR, ,'KHRUL PA DE YANG RDZAS KYI RANG GI NGO BO GANG YIN PA DE SHES PA YIN NA RDZAS DE NI RANG GI NGO BO NYID DE LTA BUR YOD PA MA YIN TE, 'DI NI BSHAD ZIN TO, ,DON MED NA YANG RANG GI NGO BOS NI NUS PA MED PAS MA DAG PAR 'GYUR RO, ,MA DAG PA'I PHYIR 'KHRUL PA'I NGO BO NYID DE LTA BUR YOD DO ZHES BYA BAR JI LTAR SHES, 'DI LTAR 'JIG RTEN NA YANG SA BON LA SOGS PA SKYED PAR BYED PA MED NA, BSKYED PAR BYA BA MYU GU LA SOGS PA YOD DO ZHES BYA BA'I CHOS DE LTA BU YANG MA MTHONG NGO, ,DE NYID KYI PHYIR BDAG NI SGYU @24A *, ,MA'I SKYES BU'I DPE YANG MA GRUB PAR 'CHAD DO, ,GANG ZHIG ZHIB MO'I BLO YIS NI, ,THAMS CAD BRTAGS PA KHO NAR SHES, ,BLO LDAN DES NI CHAGS LA SOGS, ,BDE BAR SBRUL GYIS SKRAG BZHIN SPONG, ,'DI SKAD BSHAD PA'I RNAM PAS BRTAGS BA TZAM DU YOD PA'I KHAMS GSUM PA 'DI LA GANG ZHIG BUM PA LA SOGS PA RAGS PA'I BLO BSAL TE, ZHIB MO'I BLOS RDZAS SU MED PA THA SNYAD TZAM YIN PAR NGES PAR 'DZIN PA DE NI JI LTAR THAG PA LA SBRUL LO SNYAM PA'I SHES PAS KUN NAS BSLANG BA'I 'JIGS PAS DE'I KHYAD PAR RNAM PAR DPYAD NAS THAG PAR NGES PA NI, SBRUL GYIS SKRAG PA MED PA BZHIN DU DES KYANG 'DOD CHAGS LA SOGS PA SKYED PAR BYED PA'I DNGOS PO NYID DAG LA YONGS SU BRTAGS PAS, 'DOD CHAGS LA SOGS PA NYON MONGS PA'I DRA BA RNAMS BDE BAR DKA' BA MED PAR RING POR MI THOGS PA KHO NAR SPONG BAR 'GYUR RO; ,'JIG RTEN PA YI DON RTOGS PAS, ,'JIG RTEN BZHIN DU BSGRUB PAR BYA, ,KUN NAS NYON MONGS SPONG 'DOD PAS, ,DAM PA'I DON GYIS BTZAL BAR BYA, ,JI LTAR 'JIG RTEN PA'I BUM PA LA SOGS PA'I DON LA YOD PA'I NGO BOR RTOG PAS 'DI NI BUM PA'O, ,SNAM BU'O, ,SHING RTA'O ZHES THA SNYAD 'DOGS PA DE BZHIN DU SNGON GYI SGRUB PAS THA SNYAD DU BYA'O, ,DE'I 'OG TU 'DOD CHAGS LA SOGS PA NYON MONGS PA SPONG BAR 'DOD PA RNAMS KYIS, JI SKAD BSHAD PA'I DON DAM PA'I MTSAN NYID KYI DNGOS PO RNAMS LA YONGS SU BTZAL BAR BYA STE, DE LTAR DNGOS PO RNAMS LA YONGS SU TSOL BA NA 'DI'I 'DOD CHAGS LA SOGS PA'I NYON MONGS PA'I DRI MA PHYIS MI SKYE BAR 'GYUR RO, ,RAB TU BYED PA LA PHA PA'I TSAD KYI 'GRES PA SLOB DPON 'PHAGS PA'I LHAS MDZAD PA RDZOGS SO,, ,,RGYA GAR GYI MKHAN PO D'A NA SH'I LA DANG, LO TZ'A BA DGE SLONG DPAL SKYONG BZANG POS BSGYUR CING, ZHU CHEN GYI LO TZ'A BA DGE SLONG DPAL BRTZEGS RAKshI TAS ZHUS NAS GTAN LA PHAB PA'O,, #, ,RGYA GAR SKAD DU, BHA MA GHA T'A MA DHY'A N'A MA, BOD SKAD DU, DBU MA 'KHRUL PA 'JOMS PA ZHES BYA BA, SLOB DPON 'PHAGS @24B PA KLU SGRUB LA PHYAG 'TSAL LO, ,GANG GIS DE NYID RAB BRTAG MIN, ,RNAM SHES BYA MIN GZHI MA YIN, ,MTSON MIN BRTAG MIN RIG BYA MIN, ,SKYE 'JIG MED CING BDE BA DANG, ,RNAM BRTAG MA YIN SNANG BA MED, ,MTSAN MA MED CING GSAL BYED MED, ,GNYIS MIN GNYIS MED MA YIN DANG, ,ZHI DANG BLO 'JUG RNAM SPANGS PA, ,YI GE MED PA YI GE YIS, ,THUGS RJE NYID KYIS STON MDZAD PA'I, ,STON PA MA NOR NYID GSUNG BA, ,DE LA GUS PAR PHYAG 'TSAL LO, ,GANG GIS BDEN GNYIS MKHYEN GYUR CING, ,RMI LAM LTA BU'I KUN RDZOB LA, ,THUGS RJES CHAGS PA MI MNGA' BA'I, ,KLU SGRUB LA YANG PHYAG 'TSAL LO, ,BCOM LDAN 'DAS KYIS THEG PA CHEN PO LAS, GANG MA MTHONG BA NYID DE KHO NA NYID MTHONG BA'O ZHES GSUNGS PA DE'I DON BSHAD PAR BYA STE, 'DI LTA STE DPER NA, RLUNG DANG, MKHRIS PA DANG, BAD KAN DANG, 'DUS PA LA SOGS PA'I SKYON MI MNYAM PA SHAS CHEN POS, RAB RIB MTHUG POR GYUR PA LA SKRA SHAD DANG, SBRANG MA DANG, SBRANG BU LA SOGS PA YANG DAG PA MA YIN PA DAG RGYUN DU SNANG NGO, ,DE SMAN PA MKHAS PAS RAB RIB SEL BA'I MIG SMAN RENG BUR LEGS PAR SBYAR BA YANG DAG PAR BSTEN PAS; SKYON GYI MTHU NYAMS SHING, RAB RIB DANG BRAL TE MIG RNAMS PAR DAG CING DRI MA MED PA LA, SNGAR MTHONG BA'I SKRA SHAD LA SOGS PA DAG MI SNANG BA DE BZHIN DU, RNAL 'BYOR PA MKHAS PA YANG SNGON THOG MA MED PA'I DUS NAS BSAGS PA'I SKYON NYON MONGS PA DANG, SHES BYA'I SGRIB PAS BLO GROS KYI MIG BSGRIBS PA'I TSE NA, RANG GI RNAM PAR RTOG PAS SGRO BTAGS PA GZUGS LA SOGS PA'I DNGOS PO'I NGO BO NYID DANG, MTSAN NYID DANG MTSAN NYID KYI GZHI DANG, RGYU DANG, 'BRAS BU DANG, GCIG PA NYID DANG, THA DAD PA NYID DANG, GNYI GA NYID DANG, YOD PA DANG, MED PA DANG, RTAG PA DANG, CHAD PA DANG, KUN NAS NYON MONGS PA DANG, RNAM PAR BYANG BA DANG, 'KHOR BA DANG, MYA NGAN LAS 'DAS PA LA SOGS PA RTOG PA'I RNAM PA DPAG TU MED PA'I BYE BRAG THA DAD PAS, THA DAD PAR GYUR PA'I DNGOS PO RNAMS RNAM PA DU MAR SNANG NGO, ,DES CHOS THAMS CAD KYI NGO BO @25A *, ,NYID DMIGS SU MED PA'I BDAG NYID STONG PA NYID MTHONG BA'I MIG SNA NA YONGS SU BSTEN PAS 'DOD CHAGS LA SOGS PA'I SKYON SHAS CHEN PO'I RAB RAB KYI LING THOG ZHI BAR GYUR CING, RNAM PA THAMS CAD MKHYEN PA NYID KYI YE SHES RNAM PAR MI RTOG PA SKAD CIG GCIG GIS CHOS THAMS CAD MKHYEN PA SKYES PA'I DUS NA CI YANG MI GZIGS TE, SANGS RGYAS KYI SPYAN BSGRIBS PA MED CING THOGS PA MED PAS SHES BYA THAMS CAD LAG MTHIL DU SKYU RU RA'I 'BRAS BU BZHAG PA BZHIN DU, SKAD CIG GCIG LA GZIGS TE, SKAD CIG MA GCIG GIS MNGON PAR RDZOGS PAR 'TSANG RGYA BA'I PHYIR RO, ,MNGON SUM DU GZIGS PA RNAM PAR RTOG PA DANG, PHYIN CI LOG MI MNGA' BA BRNYES PA'I PHYIR RO, ,GZHAN YANG DPER NA GNYID LOG PA'I RMI LAM NA MED BZHIN DU YANG GNYID KYI DBANG GIS BU MCHOG TU YID DU 'ONG BA, ZUR PHUD MDZES PAS MGO BRGYAN PA GZHON ZHING SKAD SNYAN PA DES PA SMRA BA DAG DANG, GZHAN YANG BUD MED SKRA MDOG SNGO ZHING SNUM BAG CAN GYIS MGO BRGYAN PA, MIG AUTPALA'I 'DAB MA LTA BU YID 'PHROG PA DANG LDAN PA, SO'I 'OD ZER GSAL BAS BZHIN MDANGS DRI MA MED PA BZANG PO GSAL BAR SNANG BA, NU MA ZLUM LA 'BUR BA ZUNG GIS BRANG GI NU 'JING LEGS PAR BRGYAN PA, LUS DANG YAN LAG 'JAM ZHING MDZES LA GZHON SHA CHAGS PA DAG DANG, GZHAL MED KHANG PU SHU NYAMS DGA' BA YANG THOG MDZES PA, GZHAL MED KHANG KHYER SDUG PA GDUNG PHYAM PA SNOL MAR BTANG BA, KA BA'I PHRENG BAS KHYAMS LA SOGS PA MDZES PAR BYAS PA, GNAS DANG KHANG BZANGS RGYUD MO DANG, PHYIR STUG POR 'BREL PA, YANG THOG DANG GRONG KHYER DU LDAN PA DAG DANG, DE LTA BU LA SOGS PA SKYED MOS TSAL DANG, 'BRAS BU DANG, ME TOG GI SHING LJON PA'I TSOGS SBRENGS PA DAG DANG, RI BO DAG LA RI DVAGS KYI RIGS SNA TSOGS PA RNAM PAR RGYU BA, BYA'I TSIGS MTHA' YAS PA SGRA SKAD SNYAN PA 'BYIN PA, NAGS TSAL GYI PHRENG BA MDZES PA STUG PO SBRENGS PA, SPO MTHON PO DANG LDAN PA DANG, RGYAL PO LA SOGS PA DPUNG GI TSOGS SHING RTA MANG PO DANG, @25B GLANG PO CHE DREGS PA DANG, RTA BZANG PO DANG, DMAG MI RUNG BA BKRABS PA RGYAL MTSAN CAN MANG PO DKRIGS PA DANG LDAN PA DANG DE LTA BU LA SOGS PA'I DNGOS PO DAG RMI LAM DU MTHONG BAR GYUR PA NA, THAMS CAD LA YANG DAG PA'I 'DU SHES 'BYUNG BAR 'GYUR RO, ,DE NAS GNYID SAD TZAM NA DES CI YANG MI MTHONG STE, RMI LAM NA SNANG BA'I DNGOS PO RNAMS NI YANG DAG PA MA YIN PA'I PHYIR RO, ,DE BZHIN DU RNAL 'BYOR PA YANG SNGON MI SHES PA'I GNYID KYIS BLO GROS RNAM PAR RMONGS PA'I TSE NA KUN RDZOB KYI DNGOS PO KHA DOG DANG, DBYIBS DANG, KHA GDONG DANG, RKANG PA DANG, LAG PA DANG, SPYOD TSUL DANG, CHA LUGS DPAG TU MED PA DANG, KHAMS DANG, 'GRO BA DANG, SKYE GNAS RNAM PA SNA TSOGS THA DAD PAS THA DAD PAR GYUR PA, SEMS CAN DANG, YUL DANG, LHA DANG, MI LA SOGS PA DAG MTHONG BA DANG, THOS PA DANG, BSNAMS PA DANG, MYANGS PA DANG, REG PA DANG, BSAMS PA RGYUN MI 'CHAD PAR NYE BAR BSTEN CING SHES PAR BYAS PA DAG GANG GI TSE BLO GROS KYI MIG BYE BAR GYUR CING MA RIG PA'I BAG CHAGS KYI GNYID DANG BRAL BAR GYUR NAS SAD PA DANG 'DRA BAR BDE BAR GSHEGS PA'I YE SHES DRI MA MED PA SHAR BAR GYUR PA DE'I TSE NA CI YANG MI GZIGS TE, DNGOS PO'I NGO BO NYID MA DMIGS PA'I PHYIR RO, ,YANG DPER NA 'GA' ZHIG MTSAN MO SPRIN STUG PO SKAR MA'I TSOGS KYI SNANG BA'I CHA YANG BSGRIBS PA'I MUN KHROD NA 'JIGS PAS KUN NAS BSLANG ZHING, MI BDEN PA'I RNAM PAR RTOG PA'I BLOS BSGRUBS PA'I 'BYUNG PO YANG DAG PA MA YIN PA RAL PA CAN MIG DMAR SER BGRAD PA LTA BU DANG LDAN PA, LAG SOR GYI SEN MO RING ZHING RTZUB PA'I LAG PA BRKYANG ZHING RDEG PAR GZO BA 'JIGS SU RUNG BA DAG MTHONG BA LAS, DES NYI MA'I DKYIL 'KHOR SHAR BA NA MUN PA MA LUS PAR BSAL TE, PHYOGS DANG PHYOGS MTSAMS GSAL BAR SNANG BA'I TSE NA 'JIGS SHING SKRAG PA DANG BRAL TE YANG DAG PA MA YIN PA'I 'BYUNG PO CI YANG MI MTHONG BA DE BZHIN DU, 'DIR YANG SEMS CAN SRID PA'I MTSAN MO MA RIG PA'I MUN PAS SHES PA'I SNANG BA BSGRIBS PA'I MUN KHROD NA YANG DAG PA MA YIN PA'I RNAM PAR RTOG PAS BLO GROS @26A *, ,DKRUGS PA DAG GIS NANG DANG, PHYI ROL GYI DNGOS PO DON DAM PA MA YIN PA YUL DANG, YUL CAN GYI NGO BO NYID DU NGES PAR GNAS PA 'JIGS SU RUNG BA DAG MTHONG NGO, ,DE NYID KYIS STONG PA NYID DANG, MTSAN MA MED PA DANG, SMON PA MED PA SHES PA'I YANG DAG PA'I YE SHES KYI NYI MA SHAR NAS, MI SHES PA'I BAG CHAGS DANG MTSAMS SBYOR BA'I NYON MONGS PA THAMS CAD BSAL BA'I TSE NA SEMS DANG SEMS LAS BYUNG BA'I SPYOD YUL DANG BCAS PA RNAMS DNGOS PO DANG NGO BO NYID DU MI GZIGS SHING MI DMIGS TE, BLA NA MED PA'I YE SHES SHAR BA NA, DBUGS PHYIN PA CHEN PO THOB PA'I PHYIR RO, ,DE LTAR RIGS PAS KUN RDZOB TU CHOS THAMS CAD RMI LAM DANG, SKRA SHAD 'DZINGS PA DANG, MI 'PHRUL LTA BUR BSTAN LA, DON DAM PAR DE DAG DNGOS PO MED PA DANG, 'OD GSAL BA DANG, SNANG BA MED PA DANG, SPROS PA DANG BRAL BAR BSTAN NAS, DA NI LUNG GIS KYANG DE LTA BU STON TE, SLOB DPON GYI ZHAL NAS, RAB RIB BRAL BAR GYUR PA'I MIG ,RNAM DAG DRI MA MED PA LA, ,SKRA DANG SBRANG BU ZLA GNYIS DANG, ,RMA BYA'I MDONGS DAG MI SNANG LTAR, ,MKHAS PA NYON MONGS SHES BYA YI; ,SGRIB MUN RAB RIB BRAL GYUR CING, ,YANG DAG MKHYEN SPYAN DRI MED LA'ANG, ,DE BZHIN CI YANG SNANG BA MED, ,DPER NA GNYID LOG GNYID DBANG GIS, ,BU DANG BUD MED GZHAL MED KHANG, ,GNAS LA SOGS PA MTHONG GYUR PA, ,SAD NAS DE YIS MI MTHONG LTAR, ,DE BZHIN KUN RDZOB SHES PA DAG ,BLO GROS MIG NI BYE GYUR CING, ,MI SHES GNYID DANG BRAL GYUR NAS, ,SAD PA'I TSE NA MI GZIGS SO, ,DPER NA MTSAN MO MUN KHROD NA, ,'BYUNG PO YANG DAG MIN MTHONG BA, ,NYI MA SHAR ZHING MIG BYE'I TSE, ,SNANG BAR GYUR PA MA YIN LTAR, ,DE BZHIN MKHAS PAS YANG DAG GI ,SHES PA'I NYI MAS MI SHES PA'I, ,BAG CHAGS MA LUS BCOM PA'I TSE, ,SEMS DANG SEMS BYUNG YUL MI GZIGS, ,ZHES GSAL POR GSUNGS SO, ,DE BAS NA MDO SDE DU MA NAS LUNG BSTAN PA'I 'PHAGS PA KLU SGRUB KYI RJES SU 'BRANG BAR BYA'O, ,DNGOS 'DZIN @26B GDON GYIS ZIN GYUR CING, ,MA RIG GNYID KYIS LDONGS PA YI, ,SEMS CAN RNAMS LA 'PHAGS PA LHAS, ,BDEN PA GNYIS PO GSAL BAR BSHAD, ,DBU MA 'KHRUL PA 'JOMS PA ZHES BYA BA, SLOB DPON CHEN PO A'ARYA DE BAS MDZAD PA RDZOGS SO,, ,,RGYA GAR GYI MKHAN PO D'I PAm KA RA SHR'I DZNY'A NA DANG, LO TZ'A BA DGE SLONG TSUL KHRIMS RGYAL BAS BSGYUR CING ZHUS PA, 'DZAM BU'I GLING GI RGYAL PO SU KHA TZAR+YAS N'A LEN TRA'I GTZUG LAG KHANG CHEN POR GSOL BA BTAB NAS MDZAD DO ZHES THOS SO,, #, ,RGYA GAR SKAD DU, DZNY'A NA S'A RA SA MU TZTSA YA N'A MA, BOD SKAD DU, YE SHES SNYING PO KUN LAS BTUS PA ZHES BYA BA, SANGS RGYAS LA PHYAG 'TSAL LO, ,DPAL MGON BLA MA LA BTUD NAS, ,BYIS RNAMS SDUG BSNGAL ZHI BYA'I PHYIR, ,YE SHES SNYING PO KUN LAS BTUS, ,'PHAGS PA LHA YIS SBYAR BA'O, ,DNGOS DANG DNGOS MED LAS GROL ZHING, ,DNGOS DANG DNGOS MED RAB LDAN PA, ,'GYUR BA MED PAR GROL BA'I MCHOG ,YID KYI RANG BZHIN GROL BA'I GNAS, ,GANG YIN DE LA BSAM GTAN GYIS, ,RTOG SEMS 'KHOR LO 'DZIN BYED PA, ,'GRO DANG DNGOS PO'I NGO BO RNAMS, ,RIG PA'I MING DU DE BRJOD DO, ,DNGOS MED STONG PA MKHA' 'DRA BA, ,YOD PA RNAM PAR SPANGS PA NI, ,DE NYID MCHOG DE THAR 'DOD RNAMS, ,'KHRUL DANG RMONGS CHEN GNAS YIN NO, ,RE ZHIG DNGOS GANG YOD NA NI, ,RNAM PAR 'JIG PA'I GNAS LA GNAS, ,DNGOS PO RNAMS NI MED NA YANG, ,STONG PA NYID LAS SKYE BAR 'GYUR, ,DE PHYIR PHYOGS NI GNYIS PO YANG, ,SKEMS SHING YONGS SU SKEMS PA NI, ,MKHAS PA'I GO 'PHANG MCHOG PHRA BA, ,BLA MA'I ZHAL LA GNAS PA'O, ,GANG YOD DE KUN 'DI RNAMS 'JIG ,GANG MED DE YANG 'BRAS BU MED, ,DES NA GNYIS KYI DBUS MI GNAS, ,RAB PHRA MKHAS PA GANG GIS RTOGS, ,DE KHO NA NYID RIN CHEN MCHOG ,DNGOS PO MED PA NYI TSE LA, ,RMONGS PA RNAMS NI NYE BAR GNAS, ,KHONG MYAGS DMAN PA'I GNAS LA NI, ,BLUN PO DE DAG 'DI NA GNAS, ,DE NYID DAM PA MKHA' 'DRA LA, ,GANG DAG SEMS NI RAB RMONGS PA, ,DE DAG CHOS @27A *, ,CAN NAM MKHA' LA, ,MCHOG TU RMONGS PA DAG TU 'GYUR, ,DNGOS PO NYAMS SU MYONG BA YANG, ,ZAD GNAS YIN PAS RTEN MED DE, ,CUNG ZAD DUS KYI BDE THOB KYI, ,RNAM PAR GROL BAR MI BRJOD DO, ,DE PHYIR DNGOS YOD MI BYA ZHING, ,DNGOS PO MED PA'I YID KYANG SPANGS, ,KUN MKHYEN GO 'PHANG 'DOD RNAMS KYIS, ,DE BZHIN BAR DU'ANG GNAS MI BYA, ,DBANG PHYUG LA SOGS YON TAN 'DOD, ,GRANGS CAN SMRA RNAMS YON TAN MED, ,CHANGS PA 'DOD PA BRAM ZE RNAMS, ,'DI RNAMS DE NYID RNAM GSUM GNAS, ,SER SKYA RNAMS NI STONG PA'I TSUL; ,DBANG PO THUB RNAMS NAM MKHA'I TSUL, ,ZAD BYED RGYAL BA'I GZUGS BRNYAN RNAMS, ,DAD PAS 'BAD DE GZHOL BA'O, ,DBANG PO LNGA DANG NYER LDAN PA'I, ,BDAG YOD BRAM ZE MCHOG RNAMS SO, ,LAS MED THAR PA MED KYANG RUNG, ,GZHUNG NGAN RGYANG 'PHEN PA YI GZHUNG, , DBANG PHYUG PA YI BSTAN PA LA, ,LHO BYANG NUB TU GNAS PA STE, ,DE YANG NUS CAN MNYAM SBYOR BAR, ,BYED CING MIG NI 'DZUMS LTA BA'O, ,ZLA BA'I GRUB MTHA' PA RTAG TU, ,'PHROG PO LA NI GUS GZHOL BA, ,SNYING GA'I PAD MA'I RLUNG GI NI, ,RNAL 'BYOR LDAN PA'ANG SGOM PAR BYED, ,RNAL 'BYOR LDAN PA GZHAN 'GAS KYANG, ,DE KHO NA ZHES RTOGS SHING GNAS, ,BDEN PA GANG YIN DE NYON ZHES, ,SGRUB BO SLOB MA LA SMRA STE, ,DBUGS RGYU BA DANG RAB RTOG MED, ,YID NI GAR SHI BDEN PA'O, ,DE NYID MCHOG DE'ANG GSUNGS PA NI, ,BDAG NI DNGOS LA RJES RMONGS PA, ,GAL TE YE SHES MI SHES NA, ,YE SHES SHIN TU THAL BAR 'GYUR, ,BDEN DANG TING 'DZIN LAM 'DI NI, ,SRID GANG YIN PAR SLAR 'CHING NGO, ,SANGS RGYAS CHOS NI RNAM PA BZHIR, ,YID 'DOD RNAMS KYIS SNGON MTHONG DE, ,BYE BRAG SMRA LA SOGS PA'I LAM, ,BSHAD PAS DE NYID SGRUB PA'O, ,NAM MKHA' 'GOG PA GNYIS DAG STE, ,'DUS MA BYAS GSUM PO NI RTAG ,'DUS BYAS BDAG GIS KUN STONG LA, ,BYED PA PO MED SKAD CIG MA, ,MIG LAS SKYE BLO RNAM MED CING, ,MNGON SUM RIG PA RDUL GYI TSOGS, ,BLO LDAN ZHES BYA KHA CHE YI, ,BYE BRAG SMRA BA'I GZHUNG DU BSHAD, ,MTHONG BA @27B DBANG PO'I YUL MIN TE, ,SHES PA RNAM PA BCAS PA SKYE, ,NAM MKHA' MO GSHAM BU 'DRA LA, ,'GOG PA NAM MKHA' DANG 'DRA'O, ,'DUS BYAS BEMS PO YOD MIN LA, ,DUS GSUM DAG KYANG KHAS MI LEN, ,BSAGS PA'I GZUGS MED MIN ZHES PA, ,MDO SDE PA NI MKHAS RNAMS SO, ,CHA SHAS CAN ZHES BYA MED CING, ,PHRA RAB RDUL RNAMS MED PA DANG, ,SO SOR SNANG BA DMIGS MED DANG, ,NYAMS SU MYONG BA RMI LAM 'DRA, ,GZUNG DANG 'DZIN PA LAS GROL BA'I, ,RNAM SHES DAM PA'I DON DU YOD, ,BLO MTSO'I PHA ROL PHYIN PA YI, ,RNAL 'BYOR SPYOD PA'I GZHUNG DU BSGRAGS, ,RNAM SHES DAM PA'I DON LDAN PA, ,DE YANG BRTEN RNAMS MI 'DOD DE, ,GCIG DANG DU MA'I RANG BZHIN DANG, ,BRAL PHYIR NAM MKHA'I PADMA BZHIN, ,YOD MIN MED MIN YOD MED MIN, ,GNYIS KA'I BDAG NYID KYANG MIN PAS, ,MTHA' BZHI LAS GROL DBU MA PA, ,MKHAS PA RNAMS KYI DE KHO NA'O, ,CHOS LA 'BAD PA MED NA NI, ,GANG PHYIR DE NYID MI 'GRUB PA, ,DE PHYIR MKHAS PAS NAN TAN GYIS, ,CHOS LA LEGS PAR BLTA BAR BYA, ,'JIG RTEN MGON GYIS GSUNGS PA YANG, ,MCHOG TU BRTZAM BYA MIN PA LA, ,PHYAG BYAS NAS NI BRTZAMS LA 'JUG ,GANG GANG NYAN PA GUS PAS SO, ,BSREGS BCAD BDAR BA'I GSER BZHIN DU, ,DGE SLONG DAG GAM MKHAS RNAMS KYIS, ,YONGS SU BRTAGS LA NGA YI BKA', ,BLANG BAR BYA YI GUS PHYIR MIN, ,DES NA 'BAD PAS BLA MA NI, ,YANG DANG YANG DU MCHOD BYA ZHING, ,GANG PHYIR SEMS NI BRTAN GYUR CES, ,NYE BAR BSTAN PA YONGS SU DRI, ,GANG TSE SEMS NI SEMS MED PA, ,RTOG PA KUN NAS GSAL BYED PA, ,DE TSE SEMS NI GAR SONG DANG, ,GAR GNAS MTHONG BAR MI 'GYUR RO, ,SEMS NI YONGS SU SHES PA LAS, ,'GRO BA SHES PAR 'GYUR BA'ANG YIN, ,DE PHYIR 'BAD PA'I TSUL RNAMS NI, ,SNA TSOGS PA YI SEMS GOMS BYA, ,YID NI GANG DANG GAR 'GRO BA, ,DE DAG NYID DU SBYAR SHES BYA, ,GANG DU G-YO ZHING 'GRO BYED PA, ,THAMS CAD DE YI RANG BZHIN NO, ,'DI NI BAG CHAGS BCAS PA YIS, , @28A *, ,BAG CHAGS KYIS NI KHRID CING KHYER, ,SEMS KYI 'JUG PA 'GOG PA YIS, ,BAG CHAGS LAS NI BKRI ZHING BKYER, ,GANG DANG GANG GIS MI RNAMS KYI, ,YID NI YANG DAG SBYOR 'GYUR BA, ,SNA TSOGS GZUGS CAN NOR BU BZHIN, ,RANG BZHIN DE DANG DER 'GYUR RO, ,GZHUNG 'DI BYAS PAS BSOD NAMS GANG, ,BZANG PO BDAG GIS BSKYED PA DES, ,'JIG RTEN MA LUS SANGS RGYAS KYI, ,YE SHES LA NI GZHOL BAR SHOG ,YE SHES SNYING PO KUN LAS BTUS PA ZHIS BYA BA, SLOB DPON CHEN PO 'PHAGS PA LHA'I ZHAL SNGA NAS KYIS MDZAD PA RDZOGS SO,, ,,RGYA GAR GYI MKHAN PO KRishnA PA DANG, LO TZ'A BA DGE SLONG CHOS KYI SHES RAB KYIS BSGYUR CING ZHUS TE GTAN LA PHAB PA'O,, #, ,RGYA GAR SKAD DU, DZNY'A NA S'A RA SA MU TZTSA YA N'A MA BHA NA DA NA, BOD SKAD DU, YE SHES SNYING PO KUN LAS BTUS PA ZHES BYA BA'I BSHAD SBYAR, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,RGYAL BZHI BAR GSHEGS NAS 'DZAM GLING NYAMS DGA' 'DIR, ,RGYAL BA'I RIGS DANG 'GRO BA'I MIG GCIG DRI MED GANG, ,'PHAGS PA KLU SGRUB ZHABS KYI SLOB MA MCHOG ,'PHAGS PA LHA ZHES BYA LA GUS PAS PHYAG 'TSAL LO, ,RAB TU BSDUS PAS RTOGS DKA' YE SHES SNYING POS BSDUS, ,CUNG ZAD DBYE PHYIR BDAG GIS 'DIR NI 'BAD PAR BYA, ,YANG DAG PAR RDZOGS PA'I SANGS RGYAS SH'AKYA THUB PA'I ZHAL SNGA NAS GZHAN DANG NYID KYI GRUB PA'I MTHA' RAB TU MANG PO ZHIG SDE SNOD GSUM GYI TSUL DU BSDUS TE BSTAN ZIN MOD KYI, 'ON KYANG BLO DANG MI LDAN PA DAG GIS DE DAG KHONG DU CHUD PAR MA NUS PAS DE DAG GI PHYIR SLOB DPON GYI ZHAL SNGA NAS, GZHUNG NYUNG DUS DON MA LUS PAR BSDUS PA, DPAL MGON BLA MA LA BTUS NAS, ,ZHES GSUNGS SOGS PA'I GZHUNG 'DI BRTZAM PA MDZAD DE, 'DIR TSIGS SU BCAD PA DANG POS NI PHYAG 'TSAL BA DANG, GZHUNG GI MING DON DANG LDAN PA DANG, GZHUNG BRTZAMS PA'I DGOS PA DANG, NYID KYI MTSAN DAG BSTAN TO, ,DE NAS TSIGS SU BCAD PA GNYIS KYIS YE SHES SNYING PO'I @28B MCHOG DE JI LTAR BSGOM PA YON TAN DANG BCAS TE BSTAN TO, ,DE NAS TSIGS SU BCAD PA GCIG GIS DE RTOGS PAR DKA' BA BSTAN TO, ,DE NAS TSIGS SU BCAD PA GCIG GIS RTOGS PAR DKA' BA'I RGYU BSTAN TO, ,DE NAS TSIGS SU BCAD PA GCIG GIS RTOGS PAR DKA' BA DE BLA MA'I MAN NGAG GIS RTOGS PAR 'GYUR BA BSTAN TO, ,DE NAS RTZA BA LNGA'I TSIGS SU BCAD PA GCIG GIS DE RTOGS PA'I BDAG NYID DE'I CHE PA BSTAN TO, ,DE NAS NI CHAD PAR LTA BA'I NYES PA RTZA BA BZHI BSTAN TO, ,DE NAS NI YANG DNGOS POR 'KHRUL PA'I NYES PA BSTAN PA'I TSIGS SU BCAD PA GNYIS SO, ,DE NAS YE SHES SNYING PO MCHOG GI RANG BZHIN BSTAN PA'I TSIGS SU BCAD PA GCIG GO, ,DE NAS TSIGS SU BCAD PA BRGYAD KYIS GZHAN GYI YE SHES SNYING PO BSTAN TO, ,DE NAS TSIGS SU BCAD PA DGUS NI YE SHES SNYING PO MCHOG DE JI LTAR RGYUD LA BSKYED PA YON TAN DANG BCAS PA BSTAN TO, ,DE NAS DGE BA YONGS SU BSNGO BA'I TSIGS SU BCAD PA GCIG GIS TE, 'DI NI GZHUNG 'DI'I LUGS SO, ,DA NI TSIG GI DON BSTAN TE, SLOB DPON GYI ZHAL SNGA NAS DAM PA'I SPYOD PA CAN DU BDAG NYID BSTAN PA DANG, BLA MA LA GUS PAR BSTAN PA DANG, GZHUNG SBYAR BA YANG NGES PAR 'GRUB PAR BYA BA'I PHYIR DANG PO, DPAL MGON BLA MA LA BTUD DE, ,ZHES BYA BA SMOS SO, ,'JIG RTEN LAS 'DAS PA'I BSOD NAMS DANG, YE SHES KYI TSOGS GNYIS NI DPAL TE LDAN PA ZHES BYA BA'I DON TO, ,DPAL DE DANG LDAN PA ZHES LDAN PA'I RTEN BSDUS PA'I MING NGO, ,YANG NA DPAL NI SKAL BA BZANG PO STE, DE'I RANG BZHIN ZHES BYA BA'I DON TO, ,DAM PA'I GNAS SU KHRID PAR BYED PA NI MGON TE, SKAD KYI DBYINGS LA LTOS PA'I TSE, ,SKAD KYI DBYINGS YANG STOBS LDAN YANG, ,NYE BAR SGYUR BAS ZIL GNON TE, ,GANGG'A'I CHU NI MNGAR MOD KYI, ,RGYA MTSO'I CHU NI JI BZHIN NO, ,ZHES 'DON PAS SO, ,YANG NA MGON DANG SKYOB PA DANG SKYABS DAG GIS PHAN 'DOGS PA'I PHYIR DE SKAD CES BYA'O, ,BLA MA ZHES BYA BA NI, YON TAN RIN PO CHE'I GTER DU GYUR PAS NA BLA MA ZHES BYA STE, DE LA BTUD DE ZHES BYA BA NI PHYAG @29A *, ,BYAS TE'O, ,DE NAS NI YE SHES SNYING PO KUN LAS BTUS, ,'PHAGS PA LHA YIS SBYAR BA'O, ,ZHES BYA BAR 'BREL TO, ,'DIR BLA MA'I KHYAD PAR NGES PAR MA BZUNG BA'I PHYIR 'DI GANG GI YON TAN DU GZUNG BAR BYA ZHE NA, 'DI NI 'PHAGS PA KLU SGRUB KHO NA'I YON TAN DU SBYAR TE, YON TAN 'DI DAG 'DI LA 'BYOR PA'I PHYIR DANG, DE NI SLOB DPON 'DI'I BLA MA YIN PA'I YANG PHYIR RO, ,DE LTAR NA SANGS RGYAS DANG BYANG CHUB SEMS DPA' BDAG NYID CHE BA SLOB DPON 'PHAGS PA KLU SGRUB KYI YANG PHYAG GI GNAS DAG YOD PA MA YIN NAM, JI LTAR DE DAG LA PHYAG 'TSAL BA SPANGS TE SLOB DPON 'DI LA GUS PAR MDZAD CE NA, 'DI NI YON TAN CAN YIN PA'I PHYIR DANG, PHAN 'DOGS PA'I PHYIR DANG, BLA MA LA GUS PA'I PHYIR TE, DE LA YON TAN GYI ZHING DAM PAR GYUR PA NI JI SKAD DU 'PHAGS PA RNGA BO CHE CHEN PO'I MDO DANG, 'PHAGS PA SPRIN CHEN PO'I MDO LA SOGS PA LAS BSTAN TE, 'DI LTAR SLOB DPON 'DI NI 'DAS PA'I BSKAL PA GRANGS MED PA BSKAL PA YANGS SHING CHES YANGS PA DE'I TSE BSKAL PA ZHIG LA YANG DAG PAR RDZOGS PA'I SANGS RGYAS SGRA GCAN ZHES BYA BA ZHIG BYUNG BA DE LA SLOB DPON 'DI 'KHOR LOS SGYUR BA'I RGYAL POR GYUR PAS BYANG CHUB TU THUGS BSKYED CING, GANG GI TSE BCOM LDAN 'DAS MAR ME MDZAD BYON PA'I DUS DE'I TSE YANG SLOB DPON 'DI 'KHOR LOS SGYUR BA'I RGYAL PO'I SRAS SU GYUR PAS DGE BA'I RTZA BA BSKYED PA NA, DE BZHIN GSHEGS PA DES 'DI SKAD DU RIGS KYI BU KHYOD MA 'ONGS PA'I DUS BSKAL PA GRANGS MED PA DAG 'DAS TE, BSKAL PA BZANG PO ZHES BYA BA'I SANGS RGYAS STONG YONGS SU MYA NGAN LAS 'DAS NAS NGAN 'GRO'I BSKAL PA DRUG CU RTZA GNYIS 'DAS TE, DE NAS YANG RANG RGYAL BA 'BUM MYA NGAN LAS 'DAS SHING, GZHAN YANG MGON PO BRGYAD MYA NGAN LAS 'DAS PA NAS ZHING DE NYID DU DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS YE SHES 'BYUNG GNAS 'OD CES BYA BAR 'GYUR RO ZHES LUNG BSTAN CING, SH'AKYA'I DBANG PO BZHUGS PA'I TSE YANG SLOB DPON 'DI LI TZTSA B'I GZHON NU 'JIG RTEN THAMS CAD KYIS MTHONG NA @29B DGA' BA ZHES BYA BAR GYUR CING, BCOM LDAN 'DAS KYIS 'DI SKAD DU KHYE'U 'DI NI NGA YONGS SU MYA NGAN LAS 'DAS TE LO BRGYAD CU LON PA NA, LHO PHYOGS KYI RGYUD DU CHU BO MU RUN DE ZHES BYA BA LA BRTEN PA'I GRONG KHYER DMAG GIS MI TSUGS PA ZHES BYA BA DANG NYE BA'I GRONG KHYER PHRENG BA CHEN PO ZHES BYA BAR; DKAR PO RI ZHES BYA BA'I RIGS RGYUD DER SKYES NAS NGA'I MING 'DZIN PA'I DGE SLONG ZHIG TU 'GYUR TE, LO BRGYA'I BAR DU NGA'I BSTAN PA RGYAS PAR BYAS SHING, SA RAB TU DGA' BA BSGRUBS NAS PHYIS SA BRGYAD PA THOB PA'I 'OG TU TSE'I DUS BYAS NAS BDE BA CAN GYI 'JIG RTEN GYI KHAMS DER SKYES TE, RNAM PAR SMIN PA'I LUS DER BZHAG STE SPRUL PA'I LUS KYIS NI, BYANG CHUB SEMS DPA' BYAMS PA LA CHOS NYAN PAR BYED DO ZHES LUNG BSTAN CING, DER 'DUS PA'I 'KHOR RNAMS KYIS KYANG, KYE MA 'JIG RTEN KUN MTHONG DGA', ,BRTAN PO DGE SLONG GZUGS GYUR NAS, ,BSTAN PA RING ZHIG 'DZIN BYED CING, ,CHOS RNGA CHEN PO BRDUNG BAR 'GYUR, ,DE NI MYA NGAN YONGS 'DAS NAS, ,DE 'OG 'JIG RTEN STONGS 'GYUR TE, ,CHOS SMRA DE NI 'DAS GYUR NAS, ,DE 'DRA GZHAN NI 'GA' MI 'BYUNG, ,DGE SLONG DE 'DRA RNYED DKA' STE, ,SNANG BA RIM GYIS NYAMS PAR 'GYUR, ,'DI LTAR DE NI LHO PHYOGS SU, ,'BYUNG BA'I THA MA GCIG YIN NO, ,ZHES BSTOD PA SMRAS PA LTA BU'O, ,DE NI 'DI'I YON TAN GYI BDAG NYID CHE BA'O, ,PHAN 'DOGS NUS PA JI LTA BU ZHE NA, SLOB DPON 'DI NI GSO BA RIG PA LA SOGS PA RIG PA'I GNAS LNGAS 'DUL BA RNAMS LEGS PAR SMIN PAR BYAS SHING, KHYAD PAR DU 'PHAGS PA SHES RAB KYI PHA ROL TU PHYIN PA MUN PA NA GNAS PA'I GSER GYI GAR BU LTA BU DBU MA RTZA BA'I SHES RAB LA SOGS PAS GSAL POR BYAS NAS PHAN PA CHEN PO BYAS TE, DE BAS NA 'PHAGS PA LANG KAR GSHEGS PA LAS KYANG, BDE GSHEGS MYA NGAN 'DAS 'OG TU, ,TSUL RNAMS 'DZIN PAR 'GYUR BA DE, ,DUS DAG 'DAS NAS 'BYUNG BA NI, ,BLO GROS CHEN PO KHYOD SHES BYOS, ,LHO PHYOGS BHE TA'I YUL DU NI, ,DGE SLONG DPAL LDAN CHER GRAGS PA, ,DE MING KLU ZHES BOD PA STE, ,YOD DANG MED @30A *, ,PA'I PHYOGS 'JIG PA, ,NGA YI THEG PA 'JIG RTEN DU, ,BLA MED THEG CHEN RAB BSHAD NAS, ,RAB TU DGA' BA'I SA BSGRUBS TE, ,BDE BA CAN DU DE 'GRO'O, ,ZHES GSUNGS TE, DE LTAR NA SANGS RGYAS DANG BYANG CHUB SEMS DPA' GZHAN NI YON TAN GYIS GTZO BOR GYUR KYANG PHAN 'DOGS PAS NI MA YIN LA, SLOB DPON 'PHAGS PA KLU SGRUB KYI ZHAL SNGA NAS NI ZHING DAM PAR BZHAG PA GNYI GA MNGA' BA'I PHYIR 'DI NYID LA PHYAG 'TSAL BAR RIGS SHING, BDAG BDE LEGS SU 'DOD PA DAG GIS 'DI'I LUGS LA BRTEN PAR RIGS PAS NA; 'PHAGS PA KLU SGRUB ZHABS KYI LAM LAS NI, ,PHYI ROL GYUR LA ZHI BA MNGON MTHONG MED, ,KUN RDZOB DE NYID BDEN LAS DE NYAMS TE, ,DE LAS NYAMS PAS THAR PA GRUB PA'ANG MED, ,CES BSHAD DO, ,YANG MKHAS PA DAG GIS 'PHAGS PA MI PHAM PA BYANG CHUB PAR GYUR PA'I TSE LA SOGS PAR SLOB DPON GYI ZHAL SNGA NAS DANG, PHRAD PAR SMON LAM GUS PAR BTAB PA DAG NI NGES PAR DE LTA BUR 'GYUR BAR SHES PAR BYA STE, CHOS RNAMS THAMS CAD RKYEN BZHIN TE, ,'DUN PA'I RTZA LA RAB TU BRTEN, ,GANG GIS SMON LAM CI BTAB PA, ,DE DANG 'DRA BA'I 'BRAS BU 'THOB, ,CES GSUNGS PA'I PHYIR RO, ,BLA MA LA GUS PA'I PHYIR ZHES BYA BA NI, RANG GI DGE BA'I BSHES GNYEN BTANG STE GZHAN LA PHYAG 'TSAL BA NI DE LA MA GUS PA'I CHAR GTOGS PA'I PHYIR DE SPANG PA DANG, BLA MA LA GUS PA'I BYANG CHUB SEMS DPA' NI, NGES PAR BLA MA DAM PA LAS GUD NA GUS PAR BYA BA GZHAN MI DMIGS PA'I PHYIR RO ZHES NGO BO NYID KYIS 'PHEN PA'O, ,ZHAR LA BYUNG BAS CHOG GO, ,DE LTAR BLA MA LA BTUD NAS GZHUNG SBYOR BA'I DON CI ZHIG GZIGS SHE NA, DE'I PHYIR, BYIS RNAMS SDUG BSNGAL ZHI BYA'I PHYIR, ,ZHES SMOS TE, GANG DAG GRUB PA'I MTHA' RAB 'BYAMS KHONG DU CHUD PAR BYA BA'I MTHU MED PA DE DAG NI SHES PA PHRA BAS NA BYIS PA STE, DPER NA SKRA LA PHRA BAS NA BAL ZHES BRJOD PA BZHIN NO, ,BYIS PA DE RNAMS KYI SDUG BSNGAL NI, SDUG BSNGAL GSUM DANG BRGYAD DE, SDUG BSNGAL DE LAS GZHAN @30B PA'I GNAS SU GYUR PA'I PHYIR SKYE BA'I SDUG BSNGAL DANG, NA TSOD 'GYUR BA SDUG BSNGAL BA'I PHYIR RGA BA'I SDUG BSNGAL DANG, KHAMS RNAMS 'GYUR BA SDUG BSNGAL BA'I PHYIR NA BA'I SDUG BSNGAL DANG, SROG 'GYUR BA'I SDUG BSNGAL BA NYID KYI PHYIR 'CHI BA'I SDUG BSNGAL DANG, PHRAD PA SDUG BSNGAL BA NYID KYI PHYIR MI SDUG PA DANG PHRAD PA'I SDUG BSNGAL TE, LNGA PO 'DI DAG NI 'GYUR BA'I SDUG BSNGAL ZHES BYA'O, ,GNAS NGAN LEN SDUG BSNGAL BA'I PHYIR MDOR NA NYE BAR LEN PA'I PHUNG PO LNGA SDUG BSNGAL ZHES BYA BA 'DI NI 'DU BYED KYI SDUG BSNGAL LO, ,BRAL BA SDUG BSNGAL BA'I PHYIR SDUG PA DANG BRAL BA'I SDUG BSNGAL DANG, RE BA 'BRAS BU MED PA SDUG BSNGAL BA'I PHYIR 'DOD PA BTZAL TE MA RNYED PA'I SDUG BSNGAL DAG NI SDUG BSNGAL GYI SDUG BSNGAL NYID DO, ,'DI LA SDUG BSNGAL DANG PO DANG THA MA NI KUN RDZOB TU SDUG BSNGAL BA YIN LA, SDUG BSNGAL BAR MA NI DON DAM PAR SDUG BSNGAL BA'O, ,YANG NA SDUG BSNGAL GYI SDUG BSNGAL NI TSOR BA SDUG BSNGAL BA STENG NA SONG BA DAG LA SHAS CHE'O, ,'DU BYED KYI SDUG BSNGAL NI SKAD CIG RE RER 'JIG CING 'BYUNG BA DANG, LAS KYIS DU BA PA STE MI RNAMS LA SHAS CHE'O, ,'GYUR BA'I SDUG BSNGAL NI SDUG PA DANG BRAL BA'I RAB TU GDUNG BA STE, 'DI NI LHA RNAMS LA SHAS CHE BAS NA, ME TOG RAB TU RNYINGS SHING LUS RDUL 'THON PA DANG, ,GOS RNYINGS SMRE SHING NYE DU RNAMS LA BLTA BA YIS, ,LHA RNAMS 'CHI BAS RAB TU SDUG BSNGAL GANG YIN PA, ,'TSO BA CHU BUR LTA BUR G-YO BA'I MI LA MED, ,CES BSHAD DO, ,DE DAG NI 'OD SNGAR BAS CHUNG BA DANG, GOS DANG, RGYAN DAG DMAN PA DANG, GOS DANG, RGYAN CHA DAG ME TOG DANG, 'BRAS BU'I SHING LAS MI 'BYUNG BA DANG, LUS LA DRI MA CHAGS PA DANG, MIG MI 'DZUMS PA STE NYE BA'I 'CHI LTAS LNGA DANG, LUS KYI KHA DOG MI SDUG PAR 'GYUR BA DANG, RANG GI STAN LA 'DUG MI TSUGS PA DANG, ME TOG GI PHRENG BA RNYINGS PA DANG, GOS LA DRI MA CHAGS PA DANG, LUS LAS RDUL SNGON MED PA DAG 'BYUNG STE, 'CHI LTAS LNGA MTHONG BA NA RAB TU BZOD PAR DKA' BA'I SDUG BSNGAL LUS BYE MA TSA BA'I NANG @31A *, ,DU MAR SAR 'JU BA LTAR 'BYUNG BA'I PHYIR RO, ,DE LTAR BYIS PA RNAMS KYI SDUG BSNGAL DE LTA BU DAG ZHI BAR BYA BA'I PHYIR ZHES BYA BA NI SLOB PA'I DUS PHAL BA'I TSE NI KHA CIG LEGS PAR BRAL BA DANG, KHA CIG BSRAB PAR BYA BA'I PHYIR DANG, BYANG CHUB KYI SEMS DANG PO MTHONG NAS NI, LEGS PAR MA LUS PA ZHI BAR BYA BA'I PHYIR TE, DE LTAR NA ZHI BAR BYA BA'I PHYIR NI CI RIGS SU BRAL BAR BYA BA'I PHYIR RO, ,'DIR SLOB DPON GYI ZHAL SNGA NAS GZHUNG 'DI SBYAR BAS SDUG BSNGAL DE DAG ZHI BAR JI LTAR 'GYUR ZHE NA, GZHUNG 'DI'I RJES SU 'BRANGS TE LTA BA NGAN PA RNAMS SPANGS NAS RNAM PAR MI RTOG PA'I YE SHES BSKYED PAS, RNAM PAR RTOG PA'I DGRA'I DPUNG BCOM PAS 'DOD CHAGS LA SOGS PA'I RANG BZHIN SHES PAS LAS DMAN PA MI RTZOM LA, DE'I BAG CHAGS SPANGS SHING MA BSGOMS PAS, NGES PAR SDUG BSNGAL DE DAG ZHI BAR 'GYUR TE, JI SKAD DU, CHOS RNAMS RAB TU RNAM 'BYED MED PAR NYON MONGS RNAMS, ,GANG PHYIR NYE BAR ZHI BAR BYA BA'I THABS MED LA, ,NYON MONGS PAS KYANG 'JIG RTEN SRID MTSO 'DIR 'KHYAMS TE, ,DE BAS DE PHYIR 'DI NI STON PAS GSUNGS ZHES GRAG ,CES BSHAD LA, YANG 'PHAGS PA N'A G'A RDZU NA'I ZHAL SNGA NAS KYANG, KUN RDZOB NYON MONGS LAS KYIS BSKYED, ,LAS NI SEMS LAS BYUNG BA STE, ,SEMS KYANG BAG CHAGS RNAMS KYIS BSGOS, ,BAG CHAGS BRAL BAS BDE BA'O, ,BDE BA'I SEMS KYIS ZHI 'GYUR ZHING, ,ZHI BA'I SEMS NI MI RMONGS SO, ,MA RMONGS PAS NI DE NYID RIG ,DE NYID RIG PAS THAR PA THOB, ,CES GSUNGS TE, DE BAS NA 'DIS NI BRGYUD PA'I DBANG GIS SDUG BSNGAL ZHI BAR 'GYUR TE, SANGS RGYAS RNAMS NI 'BYUNG BA BDE, ,ZHES BYA BA BZHIN NO, ,DE LTAR NA RTZA BA GCIG PO 'DIS NI BSTAN BCOS 'DI'I DGONGS PA LA SOGS PA BSTAN TO, ,JI LTAR SBYAR BA'I GZHUNG BSTAN BCOS LU SNANG BA'I YID KYI RNAM PAR SHES PA 'KHOR DANG BCAS PA NI RJOD PAR BYED PA'O, ,DES YANG DAG PAR BSTAN PA'I DON RNAMS NI BRJOD PAR BYA BA STE, 'DI GNYIS PHAN 'DOGS PAR PHAN TSUN GNAS PA NI 'BREL PA'O, ,'BREL PA YOD PAS @31B DON DNGOS DANG BRGYUD PA KHONG DU CHUD PA NI DGOS PA STE, SNGAR BSTAN PA'I TSUL GYIS SDUG BSNGAL DANG BRAL ZHING BDE BA CHEN PO'I MTHA'I BAR DU THOB NAS 'KHOR BA JI SRID DU BZHUGS PA'I SANGS RGYAS NYID NI DGOS PA'I DGOS PA'O, ,DE LTAR DGOS PA'I DGOS PA NI DNGOS PO KHO NAR SMOS LA, LHAG MA RNAMS NI DON GYI DBANG GIS BSTAN PAR BYA STE, DES NA PHYIR ZHES BYA BA NI DGOS PA LA SOGS PA YOD PA'I PHYIR SBYAR BA'O ZHES BYA BAR YANG GNAS SO, ,CI ZHIG SBYAR ZHE NA, YE SHES SNYING PO KUN LAS BTUS PA SBYAR RO, ,YE SHES NI RTOG GE'I LTA BA JI SNYED PAS TE, JI SKAD DU, SEMS NI YUL DANG 'BREL PA STE, ,RTOG GE DAG LA YE SHES 'JUG ,SNANG BA MED DANG BYE BRAG LA, ,SHES RAB YANG DAG RAB TU 'JUG ,CES GSUNGS PA BZHIN NO, ,DE LTA NA YA MTSAN CAN DGU BCU RTZA DRUG DAG LAS 'PHROS PA'I CHOS 'DI PA LA RTZOD PA SMRA BA SUM BRGYA DRUG CU RTZA GSUM DAG GI LTA BA DANG; CHOS 'DI PA'I GRUB PA'I MTHA' SDE BZHI RNAM PA BCO BRGYAD DU GYES PA LA SOGS PA THAMS CAD 'DIR STON TAM ZHE NA, DE'I PHYIR SNYING PO ZHES SMOS TE, RANG DANG GZHAN GYI LTA BA LAS GANG DANG GANG GCES SHING NGES PAR KHONG DU CHUD PAR BYA DGOS PA DE DAG TZAM ZHIG 'DIR STON ZHES PA STE; DE BAS NA KUN LAS BTUS PA ZHES SMOS KYI, KUN BKOD PA ZHES BYA BA LA SOGS PA'I TSIG MA GSUNGS SO, ,GZHAN DAG LAS NI YE SHES KUN LAS BTUS PA'I SNYING PO SBYAR ZHES 'DON CING, SNYING PO NI DON MED PA'I BDEN PA GTAN LA PHAB PA'O ZHES 'DOD DO, ,'DI SU ZHIG GIS SBYAR ZHE NA, DE'I PHYIR 'PHAGS PA LHAS SBYAR BA'O ZHES SMOS TE, ,'DI SA BRGYAD PA MI G-YO BA BRNYES PA'I PHYIR 'PHAGS PA'O, ,DE NYID RAB TU MDZES PA'I PHYIR LHA DANG 'DRA BAS NA LHA STE, GANG GI TSE MCHOG SREG LA SOGS PA BTUL NAS, SLAR DPAL GYI RI LA BLA MA'I SPYAN SNGAR GSHEGS PA'I LAM DU SKYES BU ZHIG SLOB DPON 'DI'I SPYAN PADMA'I 'DAB MA GZHON NU LTA BU LA CHAGS PAS BSTOD PA NA DE'I SRID PA ZHI BAR BYA BA'I PHYIR RO, ,SOR MO'I RTZE MOS SPYAN G-YAS PA PHYUNG NAS DE LA GNANG STE, DE NAS 'PHAGS PA KLU SGRUB LA JI LTAR GYUR PA BSNYAD PA NA 'PHAGS PA MA @32A *, ,DGYES TE, KHYOD NI ZHAR BA GLEN PA'O ZHES SPYOS TE, DE NAS BZUNG STE K'A N'A'I RIGS ZHES GRAGS SO ZHES PA DANG, YUL GYI BZANG MO THAMS CAD CHAGS PA'I DBANG GIS RANG RANG GI BU SLOB DPON LTA BU BTZAS SO ZHES GRAGS PA'I PHYIR RO, ,SBYAR BA'O ZHES BYA BA NI DGOD PA'O ZHES BYA BA'I DON TE, RTZA BA 'DIS NI DAD PAS RJES SU 'BRANG BA RNAMS DGA' BA'I PHYIR ZHES BSTAN PAR 'GYUR RO, ,BDAG NYID CHEN PO 'DI LTA BUS 'OG MA'I SLOB MAR GNAS PA NI MA 'ONGS PA'I BYANG CHUB SEMS DPA' RNAMS BLA MA LA GUS PAR BRTEN PAR BYA BA'I PHYIR DANG, GANG GI DANG POR YONGS SU SMIN PAR BYAS PA'I DGE BA'I BSHES GNYEN DE DAG NI SANGS RGYAS KYI SA BAS KYANG, SO SO'I SKYE BO'I SA PA DAG LA NYIN LAN GSUM MTSAN LAN GSUM DU PHYAG BTZAL BAR BYA ZHING BSKOR BA BYA BA'I PHYIR RO, ,DE LA SLOB DPON 'PHAGS PA KLU SGRUB KYI ZHAL SNGA NAS GANG GI TSE RGYAL PO MTHAR 'GRO ZHON GYI BU'I PHYIR NYID KYI TSE YONGS SU GTANG BA NA, SLOB DPON 'PHAGS PA LHA 'DIS KYANG DE LTAR BTANG STE, DUS GCIG TU BDE BA CAN DU GSHEGS SO, ,GZHUNG BKOD PA GANG ZHE NA, DNGOS DANG DNGOS MED LAS GROL ZHING, ,DNGOS DANG DNGOS MED RAB LDAN PA, ,'GYUR BA MED PA GROL BA'I MCHOG ,YID KYI RANG BZHIN GROL BA'I GNAS, ,GANG YIN DE LA BSAM GTAN GYIS, ,RTOG SEMS 'KHOR LO 'DZIN BYED PA, ,'GRO DANG DNGOS PO'I NGO BO RNAMS, ,RIG PA'I MING DU DE BRJOD DO, ,ZHES BYA BA LA SOGS PA GSUNGS TE, DE LA DNGOS PO LAS GROL BA NI RTAG PAR 'DOD PA LA SOGS PA BYIS PAS JI LTAR BRTAGS PAS DBEN PA STE, RIGS KYI BU DE LA DON DAM PA NI GANG LA SEMS RGYU BA YANG MED NA YI GE RNAMS LTA SMOS KYANG CI DGOS ZHES GSUNGS PAS DNGOS PO RNAMS BKAG PA STE, DNGOS PO NI YOD PA'I MING GZHAN YIN PA'I PHYIR RO, ,DNGOS MED LAS GROL ZHING ZHES BYA BA NI 'JIG RTEN RGYANG 'PHEN PA SHIN TU MED PAR ZHEN PAS LAS DANG 'BRAS BU THAL BAR RLOG PA LA SOGS PA'I LTA BA DNGOS MED DE, DE LA 'GROL BA NI KUN RDZOB TU DNGOS PO RNAMS SGYU MA TZAM DU MNGON SUM DU GYUR PA'I PHYIR MED PA LAS GROL BA NYID @32B DU GRUB STE, GROL BA NI DES DBEN PA NYID DO, ,DE BAS NA DNGOS DANG DNGOS MED RAB LDAN PA, ,ZHES BYA BA 'DI LEGS PAR GRUB STE, KUN RDZOB TU DNGOS PO DANG RAB TU LDAN PA YIN LA, DON DAM PAR NI DNGOS PO MED PA DANG RAB TU LDAN PA STE, DON DAM PAR DNGOS PO MED PA'I MTSAN NYID DANG LDAN PAR BSTAN PA 'DI YANG THA SNYAD DU YIN GYI YANG DAG PAR NI MED PAR BRTAG TU YANG MED DE, SKYE BA LA SOGS BKAG PA YANG, ,YANG DAG PA DANG MTHUN PHYIR 'DOD, ,DGAG BYA YOD PA MA YIN PAS, ,YANG DAG TU NA BKAG MED BSAL, ,ZHES BSHAD LA, YANG DE YANG KUN RDZOB KYI BDEN PA LA GNAS NAS DON DAM PA'I BDEN PA'I YUL LA DGAG PAR BYA BA YIN GYI, DON DAM PA NYID DU BRJOD PA MED PA'I PHYIR DGAG PA'I THA SNYAD KYANG MED DO ZHES BSTAN PA LTA BU'O, ,GAL TE DON DAM PAR YOD PA DANG, MED PA GNYIS KA LAS DBEN NA CI'I PHYIR MED PA KHO NAS DE PHAL CHER BSTAN CE NA, 'DI NI BYIS PA RNAMS THOG MA MED PA'I 'KHOR BA NAS YOD PA LA MNGON PAR ZHEN PAS, DE BSAL BA LA CHES 'BAD PA'I PHYIR DGAG PA GTZO CHER MDZAD PAS, GANG ZHIG YOD PA MA YIN DE NI MED CES BYA, ,BYIS PA RNAMS KYIS DE RTAGS YOD DANG MED PA BYED, ,YOD DANG MED PA 'DI GNYIS MED PA'I CHOS YIN TE, ,BYANG CHUB SEMS DPA' GANG ZHIG 'DI SHES NGES PAR 'BYUNG, ,ZHES BYA BA LA SOGS PA MED PA'I BSNGAGS PA MDZAD PAS BSTAN TO, ,DE LTAR YOD PA'I MNGON PAR ZHEN PA LOG PA NA YANG MED PA'I MNGON PAR ZHEN PAR JI LTAR MI 'GYUR ZHE NA, DE NI MA YIN TE YOD PA BRDZUN PAR SHES PA DE'I GROGS LTOS PAS BZHAG PA'I MED PA BRDZUN PA YIN PAR SHES PA NGES PAR 'BYUNG STE, ,DE LTAR NA, GANG TSE GANG NI MED DO ZHES, ,BRTAGS PA'I DNGOS PO ME DMIGS PA, ,DE TSE CUNG ZAD MED DO ZHES, ,RTOG PA GNYIS KYIS SPANG BAR 'GYUR, ,ZHES BSHAD PA NYID DO, ,DE LTAR NA RTZA BA GNYIS PO DNGOS NI, ,'JIG RTEN MKHYEN PAS GZHAN LA MA GSAN PAR, ,BDEN PA GNYIS PO 'DI DAG NYID KYIS GZIGS, ,KUN RDZOB GANG YIN DE BZHIN DON DAM STE, ,BDEN PA GSUM PA GZHAN NI YOD @33A *, ,MA YIN; ,ZHES GSUNGS PAS BDEN PA GNYIS LEGS PAR BSTAN PAS 'JUG PA'I LAM MA NOR BA THOG MA NYID DU BSTAN PA MDZAD PAR SHES PAR BYA STE, JI SKAD DU, TSUL GNYIS SHING RTA ZHON NAS SU, ,RIGS PA'I SRAB SKYOGS 'JUG BYED PA, ,DE DAG DE PHYIR JI BZHIN DON, ,THEG PA CHEN PO PA NYID 'THOB, ,CES BSHAD PA BZHIN NO, ,DA NI BDEN PA GNYIS KYI SHING RTA LA ZHON NAS SHES RAB KYI MIG RNAM PAR DAG PAS DON DAM PA'I BDEN PA MTHONG BAR BYA BA'I PHYIR, 'GYUR BA MED PA GROL BA'I MCHOG ,CES BYA BA LA SOGS PA GSUNGS TE, RANG BZHIN GYIS 'OD GSAL BA'I SEMS NI DON DAM PAR 'PHEL 'GRIB MDZAD PAS NA 'GYUR BA MED PA'O, ,DE LTAR RANG GI SEMS 'GYUR BA MED PA DE NYID MU STEGS BYED DANG, 'PHAGS PA NYAN THOS LA SOGS PA'I THAR PA BAS RGYU'I DUS NA DMIGS PA LA SOGS PAS DAM PA YIN LA, 'BRAS BU'I DUS NA YANG DAM PAR 'GRUB PA DANG, LAS CHEN POR DAM PAR 'GYUR PA'I PHYIR, GROL BA'I MCHOG NYID DE, GSANG BA'I BDAG PO DE LA BYANG CHUB GANG ZHE NA, RANG GI SEMS YANG DAG PA JI LTA BA BZHIN SHES PA STE, DE YANG BLA NA MED PA YANG DAG PAR RDZOGS PA'I BYANG CHUB BO ZHES GSUNGS PA LTA BU'O, ,JI LTAR KHONG DU CHUD PAR 'GYUR ZHE NA, DE PHYIR YID KYI RANG BZHIN GROL BA'I GNAS, ,ZHES BYA BA LA SOGS PA SMOS TE, SEMS KYI RANG BZHIN KHO NA THAR PA'I GNAS YIN PAR BSTAN TE, GNAS KYI SGRA NI RGYUR BLTA BAR BYA STE, 'BRAS BU 'BYUNG BA'I GNAS ZHES PA'O, ,DE LTAR YANG GSUNGS PA, SEMS NI YE SHES 'BYUNG BA'I RGYU, ,SANGS RGYAS GZHAN DU MI BLTA'O, ,ZHES PA DANG, YANG GSUNGS PA, GSANG BA'I BDAG PO BYANG CHUB DANG THAMS CAD MKHYEN PA NYID NI RANG GI SEMS LAS YONGS SU BTZAL BAR BYA'O ZHES BYA BA LTA BU'O, ,JI LTAR RGYU YIN ZHE NA, GANG YIN DE LA BSAM GTAN GYIS, ,RTOG SEMS 'KHOR LO 'DZIN BYED PA, ,DE NI GROL BA'I GNAS SO ZHES KHONG NAS DBYUNG STE, SEMS KYI YANG DAG PA JI LTA BA GANG YIN PA DE LA 'DZIN PAR BYED PA ZHES KYANG SBYAR RO, ,GANG GIS GANG NYID 'DZIN CE NA, ,BSAM GTAN GYIS, RTOG @33B SEMS 'KHOR LO 'DZIN BYED PA, ,ZHES SMOS TE, BSAM GTAN NI TING NGE 'DZIN DANG BCAS BAS TE DES 'DZIN TO, ,RTOG PA'I RANG BZHIN GYI SEMS SAM, RTOG PA DANG BCAS PA'I SEMS NI RTOG SEMS TE, DE NYID YANG DANG YANG DU YUL LA 'JUG PA DANG LDOG PAR BYED PAS 'KHOR LO STE, DE 'DZIN PAR BYED DO, ,JI LTAR 'DZIN PAR NI 'OG NAS 'CHAD PAR BYED DO, ,DE NI YON TAN BSTAN PA'I PHYIR, 'GRO DANG DNGOS PO'I NGO BO RNAMS, ,RIGS PA'I MING DU DE BRJOD DO, ,ZHES SMOS TE, KUN RDZOB TU NI KYE RGYAL BA'I SRAS DAG KHAMS GSUM PO 'DI DAG NI SEMS TZAM STE, DUS GSUM YANG SEMS TZAM MO ZHES GSUNGS PAS, RANG GI SEMS SHES PAS MA LUS PA SHES PA YIN LA, DON DAM PAR NI, DNGOS GCIG DNGOS PO KUN GYI NGO BO NYID, ,DNGOS KUN DNGOS PO GCIG GI NGO BO NYID, ,GANG GIS DNGOS GCIG DE BZHIN NYID DU MTHONG, ,DE YIS DNGOS KUN DE BZHIN NYID DU MTHONG, ,ZHES GSUNGS PAS NA 'DI 'THAD PAR 'GYUR RO, ,'GRO BA NI SEMS CAN NO, ,DNGOS PO NI SNOD KYI 'JIG RTEN NYID DE, NGO BO RNAMS ZHES BYA BA NI GNYIS KA LA SBYAR RO, ,RIG PA NI RTOGS PA STE, DE LA RIG PAR BRJOD PAR RIGS KYI, GZHAN LA MA YIN PAS NA MING DU DE KHO NA BRJOD DO ZHES DGONGS SO, ,DA NI NAN TAN DANG BRAL BA RNAMS LA DE RTOGS PAR DKA' BA STON PA, DNGOS MED STONG PA MKHA' 'DRA BA, ,ZHES BYA BA LA SOGS PA SMOS TE, DNGOS PO KUN RDZOB KYI BDEN PA YANG DAG PA DANG, YANG DAG PA MA YIN PA DAG MED PA NI DON DAM PA STE, 'DIS NI DON DAM PA KUN RDZOB KYI BDEN PA LAS BZLOG PA'I RANG BZHIN DU STON TO, ,DE LTAR NA DE NI STONG PA'I RANG BZHIN DU GRUB BO, ,DA NI RI BONG GI RVA LA SOGS PA LTAR SHIN TU MED PAR RTOG PA DGAG CING RANG BZHIN GYIS 'OD GSAL BA'I NGO BO DE BSTAN PA'I PHYIR MKHA' 'DRA BA, YOD PA RNAM PAR SPANGS PA NI ZHES SNOS TE, MKHA' NI NAM MKHA'O, ,DE NYID CI ZHIG ,GANG STENG NA SNGON POR SNANG BA'AM ZHE NA, DE NI MA YIN TE, DE KHA DOG GI KHYAD PAR NYID KYI PHYIR DPER MI RUNG NGO, ,'O NA GANG LAS BU GA NAM MKHA'I KHAMS ZHES BYA, SNANG DANG MUN PA DAG YIN LO, ,ZHES SMRAS @34A *, ,PA'AM ZHE NA, 'DI YANG MI 'DOD DE, KHA DOG GI KHYAD PAR NYID LA NAM MKHAR BRTAGS PAS DPER MI BYED DO, ,DE LA NAM MKHA' ZHES PA 'DI GANG ZHE NA, 'DI RJES SU DPAG BTZAM GYIS YID CHES PAR BYA BA GO 'BYED PA'I BDAG NYID DO, ,DES NA DNGOS PO YOD PA YANG MA YIN LA, SHIN TU MED PA YANG MA YIN PA STE, GAL TE SHIN TU MED NA 'DIS GO 'BYED PA'I NUS PA YANG MED DE, MED PA NI NUS PA THAMS CAD DANG BRAL BA'I PHYIR RI BONG GI RVA DANG MTSUNGS SO, ,GAL TE RI BONG GI RVA MED PA YANG GO 'BYED PA NYID DE, RVA MED PA'I PHYOGS MGO'I RVA'I GNAS SU THUR MA BTZUGS PA LA SOGS PA NUS SO ZHE NA, DE YANG NAM MKHA' NYID KYIS TE, ,RI BONG GI RVA MED PA NYID YOD PAS GO 'BYED PA NI MA YIN NO, ,DE BAS NA NAM MKHA' NYID GO 'BYED PA YIN TE, GSANG BA'I BDAG PO 'DI LTA STE, DPER NA NAM MKHA'I KHAMS NI SEMS CAN YANG MA YIN, SROG KYANG MA YIN, SHED CAN YANG MA YIN, SHED LAS SKYES PA YANG MA YIN, BYED PA PO YANG MA YIN, TSOR BA PO YANG MA YIN, GZUNG BA YANG MA YIN, 'DZIN PA YANG MA YIN ZHING, RTOG PA DANG RNAM PAR RTOG PA THAMS CAD DANG BRAL MOD KYI, 'ON KYANG SEMS CAN GYI KHAMS MA LUS PA RNAMS 'GRO BA DANG 'ONG BA LA SOGS PA THAMS CAD BYED DE, 'DI LA NI THE TSOM MED DO ZHES GSUNGS PA LTA BU'O, ,'DI YANG MED PA YANG MA YIN LA, SKYE BO RNAMS KYIS MNGON SUM GYIS MI SOD PAS NA RAB TU ZAB PAS, MA BRTAGS PA'I DUS NA YOD PA DANG MED PA GANG YIN PA NYID LA YANG DAG PAR BRTAGS PA'I TSE RNAM PAR RTOG PA GANG GIS KYANG RIG PAR MI NUS PAS DON DAM PA'I BDEN PA NYID DE, JI SKAD DU, 'PHAGS PA KLU SGRUB KYI ZHAL SNGA NAS, MTSAN NYID MED CING SKYE BA MED, ,TSIG GI LAM MIN 'DUS MA BYAS, ,BYANG CHUB SEMS DANG NAM MKHA' DANG, BYANG CHUB RNAMS NI GNYIS MED NYID, ,CES BSHAD CING, YANG GZHAN LAS, GSANG BA'I BDAG PO CHOS THAMS CAD KYANG MTSAN NYID MED PA 'DI LTA STE, NAM MKHA'I MTSAN NYID DO ZHES GSUNGS TE, 'DI NI DPER BRJOD PA'I NAM MKHA' YIN LA, DE DANG 'DRA BA NI BYIS PA RNAMS LA BSTAN PA'I PHYIR @34B SMOS KYI, RIGS PA'I LAM DU ZHUGS PA RNAMS KYIS NI MING THA DAD MOD KYI DON 'DRA BA'I NGO BO NYID GCIG PAR STON PA'I SGRA KHONG DU CHUD PAR BYA'O, ,DES NA SNGAR BSTAN PA'I TSUL GYIS KUN RDZOB TU YOD PA RNAM PAR SPANGS PA ZHES BYA BA 'DI GRUB BO, ,DON DAM PAR NI MED PA YANG SPANGS LA GNYIS KA MA YIN PA YANG SPANGS SO, ,DE NI DE NYID MCHOG STE MU STEGS BYED KYI DE KHO NA NYID NYI SHU RTZA LNGAR BSTAN CING, DE NYID NYI SHU LNGAR SHES NA, ,RAL PA'AM MGO REG GTZUG PHUD KYIS, ,BSTI GNAS GANG DU DGA' BA DER, ,GROL 'GYUR 'DI LA THE TSOM MED, ,CES SMRA BA LA SOGS PA STE, DE DAG PAS 'DI MCHOG NYID DE 'DI NI MI BSLU BA'I PHYIR RO, ,THAR 'DOD RNAMS ZHES BYA BA NI, ,PHYI ROL PA DANG, CHOS 'DI PA 'KHOR BA LAS 'BYUNG BAR SPRO BA RNAMS SO, ,'KHRUL DANG RMONGS CHEN GNAS YIN NO, ,ZHES BYA BA LA GANG DANG PO NYID DU BLO RANG BZHIN DANG 'GAL BAR SKYES PA NI 'KHRUL PA STE; DE'I 'OG TU LOG PA LA YANG DAG PAR 'DZIN PA NI MNGON PAR ZHEN PA NGAN PA BSTAN PAR GYUR PAS NA RMONGS CHEN NO, ,DE DAG GI RGYU NI GNAS YIN NO ZHES BYA BA STE, 'DIR 'KHRUL PA'I RGYU NI DNGOS POR GYUR BA GZHAN BYED PA PO LTA BU CI YANG MED DE, JI LTAR NAM MKHA' GO 'BYED PA MA YIN PA 'BYED PA PO GZHAN SU YANG MED PA LTA BU STE, DON 'DI NI 'OG NYID NAS, DE NYID DAM PA MKHA' 'DRA LA, ,GANG DAG SEMS NI RAB RMONGS PA, ,DE DAG CHOS CAN NAM MKHA' LA, ,MCHOG TU RMONGS PA DAG TU 'GYUR, ,ZHES SMOS PAS GSAL BAR MDZAD PA NYID DO, ,DA NI DE LTAR ZAB CING RTOGS PAR DKA' BA DE'I 'THAD PA BSTAN PA'I PHYIR, RE ZHIG DNGOS GANG YOD NA NI, ,RNAM PAR 'JIG PA'I GNAS LA GNAS, ,ZHES BYA BA LA SOGS PA SMOS TE, 'DIS NI YOD PA DANG MED PA GNYIS KA RIGS PAS GNOD PAS NA 'KHRUL PA RNAMS SPONG DGOS SO ZHES STON PAR MDZOD DO, ,RE ZHIG CES BYA BA NI DON RIM GYIS STON PA'I TSIG NYID DE, RIM PA YANG THOG MAR DNGOS PO YOD PA'I NYES PA BSTAN CING, DE NAS MED PA'I NYES PA STON LA, DE NAS DBU MA'I LTA BA STON PA'O, ,DNGOS GANG NI BYIS PAS BRTAGS PA KHO NA LTAR RO, ,DE LTAR YOD NA NI STE YOD @35A *, ,PAR RTOG NA NI NYES PA 'DI 'BYUNG STE, RNAM PAR 'JIG PA'I GNAS SKAD CIG RE RE LA 'JIG PA DANG MTHAR RGYUN CHAD PA'I GNAS LA DE DAG GNAS PAR 'GYUR BA NI MI RIGS PAR 'GYUR RO, ,GAL TE DE NA MED DO ZHE NA, DNGOS PO RNAMS NI MED NA YANG, ,STONG PA NYID LAS SKYE PAR 'GYUR TE, DE LTAR NA RTAG TU YOD PA'AM MED PAR 'GYUR TE, RGYU LA RAG LAS PA MED PA'I PHYIR RO, ,DE NI BLA MA'I LUNG GIS 'KHRUL PA DE SEL BAR STON PAS DE PHYIR ZHES BYA BA LA SOGS PA SMOS TE, BLA MA'I LUNG GIS LOG PAR 'DZIN PA SUN 'BYIN PA'I RIGS PA SHES PAR 'GYUR BA DE PHYIR YOD PA DANG, MED PA'I PHYOGS GNYIS LAS YOD PA'I PHYOGS SKEMS SHING MED PA'I PHYOGS KYANG YONGS SU SKEMS PA NI MKHAS PA RNAMS KYIS BGROD PAR BYA BA'I GO 'PHANG MCHOG TU PHRA BA'I LTA BA DE BLA MA'I ZHAL NA GNAS PA'O, ,DE'I PHYIR, CHOS LA 'BAD PA MED NA NI, ,GANG PHYIR DE NYID MI 'GRUB PA, ,DE PHYIR MKHAS PAS NAN TAN GYIS, ,CHOS LA LEGS PAR BLTA BAR BYA, ,'JIG RTEN MGON GYIS GSUNGS PA YANG, ,MCHOG TU BRTZAM BYA MIN PA LA'ANG, ,PHYAG BYAS NAS NI BRTZAMS LA 'JUG ,GANG GANG NYAN PA GUS PAS SO, ,BSREGS BCAD BDAR BA'I GSER BZHIN DU, ,DGE SLONG DAG GAM MKHAS RNAMS KYIS, ,YONGS SU BRTAGS LA NGA YI BKA', ,BLANG BAR BYA YI GUS PHYIR MIN, ,DE BAS 'BAD PAS BLA MA NI, ,YANG DANG YANG DU MCHOD BYA ZHING, ,GANG PHYIR SEMS NI BRTAN GYUR PAS, ,NYE BAR BRTAN PA YONGS SU DRI, ,ZHES 'CHAD PAR 'GYUR BA YANG SBYAR RO, ,DE NI JI LTA BA NYID RTOGS PA'I BDAG NYID CHE BA STON TE, GANG YOD DE KUN 'DI RNAMS 'JIG ,GANG MED DE YANG 'BRAS BU MED PAS GNYIS KA LTAR MI 'THAD CING, DES NA GNYIS KYI DBUS NA GNAS TE, DBU MA'I LTA BA, RAB PHRA MKHAS PA GANG GIS RTOGS, , DE NYID DE KHO NA NYID RIN CHEN MCHOG STE, 'DI YANG KUN RDZOB TU YIN GYI DON DAM PAR NI, YOD CES MED CES GNYIS KA MTHA', ,DAG DANG MA DAG 'DI YANG MTHA', ,DE BAS MTHA' GNYIS RNAMS SPANGS TE, ,MKHAS PAS DBUS LA'ANG GNAS MI BYED, ,CES BSTAN PA'I PHYIR RO, ,DE NI DBU MA'I @35B BSTAN BCOS RNAMS NI DGAG PA GTZO CHE BA'I PHYIR DGAG PA LA BRTEN NAS, CHOS LA SGRA JI BZHIN PAR 'DZIN PA'I CHOS 'DI PA DAG DANG, 'JIG RTEN RGYANG 'PHEN PA'I LTA BA BSAL BA'I PHYIR, DNGOS PO MED PA NYI CHE LA, ,RMONGS PA RNAMS NI NYE BAR GNAS, ,KHONG MYAGS DMAN PA'I GNAS LA NI; ,BLUN PO DE DAG 'DI NA GNAS, ,ZHES SMOS TE, 'DIR DNGOS PO MED PA NYI TSE LA NYE BAR GNAS PA'I RMONGS PA RNAMS NI GSUM STE, 'JIG RTEN PHA ROL DANG SKYE BA SNGA MA SUN 'BYIN PA'I 'JIG RTEN RGYANG 'PHEN PA DANG, SANGS RGYAS KYIS KUN TU BZANG PO LA RNAM PAR MI RTOG PA'I YE SHES KUN RDZOB TU MI GNAS PAR SMRA BA, 'BRAS BU LA SKUR BA 'DEBS PA RNAMS DANG, DON DAM PAR RANG BZHIN MED PA'I PHYIR KUN RDZOB NYID DU YANG SDIG PA SPYOD PAS GNOD PA MED DO ZHES CHOS LA SGRA JI BZHIN DU 'DZIN PA'I LTA BA CAN RNAMS SO, ,DE LA DANG PO'I DBANG DU BYAS TE, DE NI DNGOS PO MED PA SKYE BA DANG, CHAD NAS YANG MI 'BYUNG BAR SGRUB PA'I RJES SU DPAG PA MED PA'I PHYIR DANG, RJES SU DPAG PA DANG GRAGS PAS NI KHYOD LA GNOD PAR 'GYUR BA'I PHYIR DANG, RTAG PAR THAMS CAD LAS THAMS CAD SKYE BAR THAL BA'I PHYIR DANG, RTAG TU YOD PA'AM MED PA ZHIG TU 'GYUR BA'I PHYIR ZHES BYA BA'I GNOD PA YOD DO, ,GNYIS PA LA YANG, NYON MONGS ZAD PA'I DGE SLONG GI ,'KHOR BA GAL TE RNAM LDOG NA, ,RDZOGS PA'I SANGS RGYAS RNAMS KYIS KYANG, ,CI PHYIR DE YI RTZOM MI BSHAD, ,RTZOM PA YOD NA NGES PAR YANG, ,LTA BAR 'GYUR BA YONGS SU 'DZIN, ,ZHES BRJOD PA'I NYES PA BTEG STE BZHAG PA LTAR GNAS LA, GAL TE BDAG GCIG MED PAR GYUR PA NI, ,DE YI SPYOD YUL ZHI BA STONG PA MED, ,RANG BYUNG RDUL RNAMS SHIN TU BSAL BA YI, ,BDE GSHEGS RNAMS KYI SKU YANG JI LTAR 'BYUNG, ,ZHES GSUNGS PA YANG JI LTAR DANG, 'DIR BDAG NI RNAM PAR MI RTOG PA'I YE SHES LA BYA BAR NGES SO, ,GSUM PA LA YANG ME LA SOGS PA DON DAM PAR RANG BZHIN MED MOD KYI, KUN RDZOB TU TSAB LA SOGS PA MNGON SUM DU GYUR PA SUS BZLOG PAR NUS TE DE'I PHYIR, RI RAB TZAM DU GYUR PA YI, ,BDAG TU LTA BAS MI GNOD KYI, ,STONG NYID LTA BAS GNOD PA NI, ,NGA RGYAL MI BDEN @36A *, ,BRTAGS PAS SO, ,ZHES GSUNGS PA, YANG STONG PA NYID LA BLTA NYES NA, ,SHES RAB CHUNG LDAN PHUNG 'GYUR TE, ,JI LTAR SBRUL BZUNG NYES PA DANG, ,RIG SNGAGS LOG PAR BSGRUBS PA BZHIN, ,ZHES BSTAN TO, ,DE BZHIN DU THEG PA CHEN PO LAS BYANG CHUB SEMS DPA' CHOS LA SGRA JI LTA BAR 'DZIN PA LA CHAD PAR LTA BA NYI SHU RTZA BRGYAD 'BYUNG BAR GSUNGS PA 'DI LTA STE, MTSAN MAR 'DZIN PAR LTA BA DANG, LTA BA LA LTA BA MA YIN PAR LTA BA DANG, THA SNYAD LA SKUR PA 'DEBS PA'I LTA BA DANG, KUN NAS NYON MONGS PA LA SKUR PA 'DEBS PA'I LTA BA DANG, DE KHO NA NYID LA SKUR PA 'DEBS PA'I LTA BA DANG, SBYOR BA SEL BA'I LTA BA DANG, YONGS SU 'DZIN PA'I LTA BA DANG, SGYUR BA'I LTA BA DANG, NGES PAR 'BYUNG BA MA YIN PA'I LTA BA DANG, KHA NA MA THO BA MED PAR LTA BA DANG, 'BYUNG BAR LTA BA DANG, SGRIB PA'I LTA BA DANG, BRNYAS PA'I LTA BA DANG; RAB TU 'KHRUGS PA'I LTA BA DANG, BSOD NAMS MA YIN PA 'PHEL BA'I LTA BA DANG, LOG PAR LTA BA DANG, NGAL BA 'BRAS BU MED PA'I LTA BA DANG, 'PHAL BAR LTA BA DANG, BSLU BA'I LTA BA DANG, KHAS MI LEN PA'I LTA BA DANG, G-YO BA'I LTA BA DANG, CHAD PAS BCAD PA'I LTA BA DANG, BKUR STI BYED PA'I LTA BA DANG, BKUR BA'I LTA BA DANG, RMONGS PA BRTAN PA'I LTA BA DANG, MI SMRA BA'I LTA BA DANG, RTZA BA'I LTA BA DANG, LTA BA CHEN PO DANG, MNGON PA'I NGA RGYAL GYI LTA BA'O, ,DE LTAR CHAD PAR LTA BA GSUM PO DE DAG NI SA BON RUL BA DANG 'DRA BAS NA, KHONG MYAGS DMAN PA'I GNAS LA NI, ,BLUN PO RNAM PA GSUM PO DE DAG 'DI NA GNAS, ,ZHES GSUNGS SO, ,GANG ZAG LOG PAR LTA BAS LEGS SPYAD KYANG, ,THAMS CAD RNAM PAR SMIN PA MI ZAD LDAN, ,ZHES BSHAD PAS NA LTA BA LOG PA DE NYID DMAN PA'I GNAS SO, ,BLUN PO NI RMONGS PA'O, ,DE LTA NA DNGOS PO YOD PAR BZUNG NGAM ZHE NA, DE NYID DAM PA MKHA' 'DRA LA, ,ZHES BYA BA LA SOGS PA SMOS TE, DE NYID DAM PA MKHA' 'DRA BA'I DON NI BSHAD ZIN TO, ,DE LA RNAL 'BYOR PA GANG DAG GI SEMS RMONGS PA NI RNAL 'BYOR SPYOD PA BA'I BAR DU'O, ,DE DAG GI 'KHRUL PA'I GZHI CE ZHE NA, CHOS CAN NAM MKHA' @36B LA ZHES SMOS TE, 'DIR CHOS 'KHRUL PA'I SHES PAS BRTAGS PA DANG BCAS PA'O, ,DE DAG GI CHOS CAN NI NAM MKHA' ZHES SNGAR BSTAN PA NYID DE, DE LTAR NA CHOS DANG CHOS CAN 'DI DAG NI DE'I BDAG NYID KYI 'BREL BA'O, ,CHOS CAN DE LA MCHOG TU RMONGS PA DAG TU 'GYUR BA NI CHOS KHONG DU MA CHUD PAS PHYOGS BSLAD PA'I MI LTAR GYUR PA'O, ,'DIR RANG BZHIN BRTZAN PAR BYA STE, CHOS NYID DE NYID CHOS CAN DU BRJOD CING, GZHAN DU MNGON PAR ZHEN PA BRTZAN PAR BYA STE BZLOG PAR BSTAN TO, ,DE LTAR MCHOG TU RMONGS PA'I PHYIR NA SBYIN PA LA SOGS PA'I 'BRAS BU MTHO RIS LA SOGS PA'I BDE BA'I DNGOS PO NYAMS SU MYONG BA YANG, SKYE BA LNGA BRGYA LA SOGS PAR SPYAD NAS SLAR YANG ZAD PA'I GNAS YIN PAS NA RTAG PA'I RTEN MED DE, DES NA 'KHOR BA THA MA MED PA'I DBANG DU BYAS NAS SRID PA'I RTZE MO'I TSE BSKAL PA BRGYAD KHRI BZHI STONG THUB PAS, 'JIG RTEN PA YI DGE BA LA, ,SRID RTZE'I SEMS DPA' 'BRAS BU CHE, ,ZHES BSTAN PA'I 'BRAS BU YANG CUNG ZAD KYI DUS SU BDE BA 'THOB KYI, NYON MONGS PA'I RGYUD LAS RNAM PAR GROL BAR MI BRJOD DO, ,DE YANG JI LTAR 'PHAGS PA KLU SGRUB KYI ZHAL SNGA NAS, BRGYA BYIN 'JIG RTEN MCHOD 'OS GYUR NAS NI, ,LAS KYI DBANG GIS PHYIR YANG SA STENGS LHUNG, ,'KHOR LOS SGYUR BA NYID DU GYUR NAS NI, ,'KHOR BA NYID DU YANG BRAN NYID DU 'GYUR, ,MTHO RIS BU MO'I NU MA RKED PA LA, ,REG PA'I BDE BA YUN RING MYONG NAS KYANG, ,DMYAL BAR 'THAG GCOD DBAD PA'I 'KHRUL 'KHOR GYI, ,REG PA SHIN TU MI BZAD BSTEN 'TSAL LO, ,RKANG PA'ANG REG PAS NE MAS PAR BDE BZOD PA'I, ,LHUN PO'I SPO LA YUN RINGS GNAS NAS NI, ,SLAR YANG ME MUR RO MYAGS RGYU BA YI, ,SDUG BSNGAL MI BZAD PHOG SNYAM BGYID 'TSAL LO, ,MTHO RIS BU MOS 'BRENGS [*'BRENG?] SHING DGA' BA DANG, ,RNAM PAR MDZES TSAL SON PAS RTZES NAS SLAR; ,'DAB MA RAL GRI 'DRA TSAL NAGS RNAMS KYIS, ,RKANG LAG RNA BA SNA GCOD THOB PAR 'GYUR, ,DAL GYIS 'BAB PAR LHA YI BU MO NI, ,GDOD MDZES GSER GYI PADMA LDAN ZHUGS NAS, ,SLAR YANG DMYAL BA'I CHU BO RAB MED PA, ,TSA SGO BZOD BLAG CHU BOR 'JUG 'TSAL LO, ,LHA YUL 'DOD @37A *, ,BDE SHIN TU CHEN PO DANG, ,TSANGS NYID CHAGS BRAL BDE BA THOB NAS SLAR, ,MNAR MED ME YI BUD SHING GYUR PA YIS, ,SDUG BSNGAL RGYUN MI 'CHAD PA BSTEN 'TSAL LO, ,NYI MA ZLA BA NYID THOB RANG LUS KYI, ,'OD KYIS 'JIG RTEN MTHA' DAG SNANG BYAS TE, ,SLAR YANG MUN NAG SMAG TU PHYIN GYUR NAS, ,RANG GI LAG PA BRKYANG PA'ANG MI MTHONG 'GYUR, ,DE LTAR NONGS PAR 'GYUR 'TSAL BSOD NAMS KYI, ,MAR ME'I SNANG BA RNAM GSUM RAB BZHES SHIG ,CES GSUNGS PA YIN NO, ,'O NA CI ZHIG GIS GROL BAR BRJOD CE NA, DE'I PHYIR YE SHES SNYING PO MCHOG GI RANG BZHIN 'DI NYID GROL BAR BSTAN PA'I PHYIR DE PHYIR ZHES BYA BA LA SOGS PA GSUNGS TE, SNGAR YOD PA LA SOGS PA NYES PA CHEN POR BSTAN PA DE'I PHYIR RTAG PAR 'DZIN PA LA SOGS PA'I DNGOS PO YOD PAR MI BYA ZHING, 'JIG RTEN RGYANG 'PHEN PA LA SOGS PA LTAR DNGOS PO MED PA'I YID KYANG SPANGS TE, DE LTA NA BAR DU GNAS PAR BYA'O SNYAM PA LA, KUN MKHYEN TE SANGS RGYAS KYI GO 'PHANG THOB PAR 'DOD PA RNAMS KYIS YOD PA DANG, MED PA LA GNAS PAR MI BYA BA DE BZHIN DU DE GNYIS KYI BAR DU YANG GNAS PAR MI BYA STE, MTHA' LAS 'DAS PA STONG PA NYID CES GSUNGS PA'I PHYIR DBUS NI MTHA' LA LTOS PA YIN LA, MTHA' MED PAR NI DE MI SRID PA'I PHYIR TE, DE LTAR NA GANG LA YANG MI GNAS PA NI GROL BA YIN NO, ,DE LTAR PHYOGS SNGA MA DANG PHYI MA'I TSUL GYIS YE SHES SNYING PO MCHOG DE BSTAN NAS, DA NI YE SHES THA DAD PA'I SNYING PO KUN LAS BTUS PA PHYI ROL PA'I LUGS STON PAS BZHED NAS, ZHI BA LA SOGS YON TAN 'DOD, ,CES BYA BA LA SOGS PA SMOS TE, GANG DAG LHA CHEN PO ZHI BA LA LHAR 'DZIN PA DE DAG NI ZHI BA PA STE SANGS RGYAS BZHIN NO, ,SOGS ZHES BYA BA NI DUS RGYUR 'DOD PA LA SOGS PA STE, DE DAG NI ZHI BA LA SOGS PA'I YON TAN SNA TSOGS SU SNANG BAR 'DOD DE, JI SKAD DU, DBANG PHYUG RGYUR SMRA BA DAG GIS DBANG PHYUG GI YON TAN, PHRA BA DANG, YANG BA DANG, MCHOD PAR BYA BA DANG, BDAG POR GYUR PA DANG, DBANG DU GYUR PA DANG, GANG YANG PHYIN PA DANG, 'DOD DGUR LDAN PA DANG, DGA' MGUR GNAS PA DAG @37B STON TE, GANG ZHIG PHRAR GYUR GCIG PU SKYE GNAS 'DUG ,DE YIS 'DI KUN SKYE ZHING 'JIG PAR BYED, ,DE NI DBANG LDAN LHA MCHOG LHA MCHOD BYA, ,YON TAN BYED PA SHIN TU ZHI BA 'THOB, ,SKYE BA PO 'DI SHES PA YOD MIN TE, ,BDAG GI BDE SDUG DAG LA RANG DBANG MED, ,DBANG PHYUG GIS BTANG YANG NA G-YANG SA'AM, ,MTHO RIS DAG TU 'GRO BA KHO NAR 'GYUR, ,ZHES SMRA ZHING, LAG PA DAG DANG RKANG PA DANG, ,MIG DANG GDONG DANG LUS RNAMS KYIS, ,MANG PO BYED CING 'JIG BYED PAS, ,DES NA PHRA RAB BRJOD PA YIN, ,MKHA' DANG RLUNG DANG SA DANG NI, ,CHU DANG ME DAG GNAS BYED CING, ,SDUD PA DANG NI RGYAS BYED PAS, ,DES NA YANG BAR BRJOD PA YIN, ,'BYUNG PO KUN LA DBANG BYED CING, ,GNAS PA DAG DANG RGYU BA DAG ,GANG DANG GANG 'DOD DE BYED PAS, ,DES NA BDAG POR GYUR CES BYA, ,BDAG LA RAG LUS RANG DBANG CAN, ,'GA' LA'ANG 'JIGS PA YOD MIN TE, ,THAMS CAD DBANG DU GYUR PAS NA, ,DES NA DBANG DU GYUR CES BYA, ,YUL DANG BZA' BA BCA' BA DANG, ,GZHAN YANG YID KYIS GANG BSAMS PA, ,YID KYI NGES 'GRO MI SDUD PAS, ,DES NA GAR YANG PHYIN CES BYA, ,'JIG RTEN GSUM NA MCHOG CES SHING, ,GNAS PA DAG DANG RGYU BA DANG, ,'BYUNG PO KUN GYIS BRJOD PAS NA, ,DES NA MCHOD PAR BYA BA YIN, ,SNYING STOBS RDUL DANG MUN PA GSUM, ,DE DAG GANG LA GNAS GYUR PA, ,MIG PHYE TZAM GYIS BYED 'GYUR BAS, ,DES NA 'DOD DGUR LDAN ZHES BYA, ,THAR PA'AM YANG NA LHA YI LUS, ,GANG DU BDAG NYID 'DOD PA DAG ,THAMS CAD 'DOD PAS THOB 'GYUR BA, ,DES NA DGA' MGUR GNAS SHES BYA, ,ZHES BYA BAS RNAM PAR 'CHAD CING DE LTAR THAMS CAD ZHI BAS BYAS PAR 'DOD DO, ,DUS KYI YON TAN SMRA BA DAG KYANG, GANG ZHIG ZHANG PO NOR LHA STE, ,GANG PHA NOR RGYAL YIN PA DE'I; ,'JIGS MED KHRO BO'ANG BSAD GYUR PAS, ,DUS NI 'DA' BAR DKA' BA YIN, ,ZHES BYA BA DANG, YANG SMRAS PA, 'BYUNG BA RNAMS NI DUS KYIS 'BYIN, ,SKYE DGU RNAMS SDANG DUS KYIS BYED, ,DUS KYIS GNYID LOG SAD BYED PAS, ,DUS NI 'DA' BAR DKA' BA YIN, ,ZHES BYA BA @38A *, ,DANG; YANG SMRAS PA, BSRUNG BA SUM RTZEG 'OBS NI RGYA MTSO DANG, ,DMAG MI SRIN PO NOR NI GNOD SBYIN SBYOR, ,GANG GI BSTAN BCOS PA SANGS TSAD MNYAM PA'I, ,SGRA SGROGS BU DE'ANG DUS KYI DBANG GIS NYAMS, ,ZHES BYA BA LA SOGS PA DUS KHO NA'I YON TAN DU THAMS CAD SMRA'O, ,DE BZHIN DU CHU LHA DANG, RNAM THOS KYI BU DANG, SRED MED KYI BU DANG, NYI MA DANG, ZLA BA LA SOGS PA'I YON TAN DU'ANG SMRA BAR BYED DO, ,GRANGS CAN SMRA RNAMS YON TAN MED, ,CES BYA BA LA, 'DI DAG DNGOS PO 'BYUNG BA'I RGYU GRANGS NGES PAR SMRA BAS NA GRANGS CAN TE GRANGS KYIS BCAD PA'I RGYU LAS SKYE BAR SMRA BA RNAMS SO, ,DE DAG NI LHA'I YON TAN MI 'DOD PAS NA YON TAN MED PA STE, MA YIN PAR DGAG PA'O, ,JI LTA ZHE NA, GRANGS CAN DAG NA RE, RANGS DANG MGU DANG KUN DGA' DANG, ,BDE ZHING ZHI BA'I SEMS NYID DAG ,DES DGA' YANG NI SNANG 'GYUR BA, ,DE DAG SNYING STOBS YON TAN NO, ,MI DGA' YONGS SU GDUNG BA DANG, ,MYA NGAN 'DOD DANG MI BZOD DAG ,GANG DU SNANG BA'I GTAN TSIGS KYI, ,DE DAG RDUL NI RTAGS SU 'DOD, ,RMONGS DANG DE BZHIN GTI MUG DANG, ,BAG MED GNYID DANG G-YEL BA DAG ,LAN 'GA' YANG NI SNANG GYUR PA, ,DE DAG MUN PA'I YON TAN 'DOD, ,CES BYA BAS YON TAN GSUM KHAS BLANGS TE, DE DAG CHA MNYAM PA MI GSAL ZHING, RTAGS MED PA NI GTZO BA'O, ,ZHES BYA LA, DE LAS CUNG ZAD TZAM DANG, 'GYUR BA TZAM GYI NGO BO CHEN PO SKYE'O, ,DE LAS RAB TU GSAL BA'I NGA RGYAL SKYE BA NI RNAM PAR 'GYUR BA LAS GYUR PA DANG, RDUL LAS GYUR PA DANG, 'BYUNG BA LAS GYUR PA'O, ,DE LA DANG PO NI SNYING STOBS SHES CHE BA STE, DE LAS MIG DANG, RNA BA DANG, SNA DANG, LCE DANG, LUS DANG, YID DANG, NGAG DANG, RKANG PA DANG, LAG PA DANG, 'PHONGS DANG, MDOMS KYI DBANG PO STE BCU GCIG SKYE LA, DE DAG KYANG MIG LA SOGS PA LNGA NI BLO'I DBANG PO'O, ,NGAG LA SOGS PA LNGA NI LAS KYI DBANG PO STE, YID NI GNYIS KAR 'GYUR BA'O, ,GNYIS PA NI MUN PA SHES CHE BA STE, DE LAS NI SGRA DANG, REG DANG, RO DANG, GZUGS DANG, DRI DE TZAM STE, DE TZAM LNGA @38B SKYE'O; ,DE TZAM LNGA LAS 'BYUNG BA LNGA SKYE'O, ,NGA RGYAL GSUM BRDUL LAS GYUR PA G-YO BA SHES CHE BA NI SNGA MA GNYIS KA'I BDAG NYID DO, ,DE LA CHEN PO DANG NGA RGYAL DANG DE TZAM RNAMS NI GTZO BO DANG, 'GYUR BA GNYIS KA YIN NO, ,CHA MNYAM PA NI RTZA BA'I RANG BZHIN KHO NA YIN TE, 'GYUR BA NI MA YIN NO, ,RIM PA DES 'BYUNG BA CHEN PO LNGA DANG, DBANG PO BCU GCIG DANG, GTZO BO DANG, CHEN PO DANG, NGA RGYAL DANG, DE TZAM LNGA SKYES BU DANG BCAS PA NI DE KHO NA NYID NYI SHU RTZA LNGA STE, 'DI MI SHES PA NI 'KHOR BA NYID YIN LA GANG GIS 'DI SHES PAR 'DOD PAS NA SNGAR DE NYID NYI SHU RTZA LNGA SHES PA ZHES BYA BA LA SOGS PA SMRAS SO, ,'DI NI RANG BZHIN RGYUR SMRA BA ZHES KYANG BYA'O, ,TSANGS PA 'DOD PA BRAM ZE RNAMS, ,ZHES BYA BA LA BSKAL PA DANG PO'I TSE PHYI ROL DU DGA' BA THOB PA'AM, TSANGS PA'I BUR KHAS LEN PA RNAMS NI BRAM ZE STE, DE RNAMS THAMS CAD TSANGS PAS SPRUL PAR 'DOD PA NI JI SKAD DU, RIG BYED LAS, DBANG PO SHIN TU MI RIG PA'I, ,YE SHES NYI MA PA YI GZHUNG, ,DGA' BA TZAM DU RIG PA NI, ,LEGS LDAN SMRA BA SGRUB PA PO, ,NUS CAN DANG 'DUS RAB BSKYOD PA, ,NUS CAN DU BCAS MTHA' MA YI, ,BDE BA GANG DE TSANGS DE NYID, ,BDE BA DE NI TSANGS PAR BSHAD, ,SDUG BSNGAL RNAMS DANG PHRAD MED LAS, ,DE LAS BDE BA RGYUN MI 'CHAD, ,DGA' BA TSANGS PA'I TSUL YIN TE, ,DE YANG THAR PAR MNGON PAR BRJOD, ,GANG GANG CUNG ZAD CI SNANG BA, ,DE DE TSANGS PA ZHES BSHAD DE, ,SEMS KYI TSANGS PA NYID GNAS KYI, ,DE LAS GZHAN DU 'GYUR BA MED, ,GANG GIS CHAGS BCAS SEMS KYIS KYANG, ,MYA NGAN 'DAS PA THOB BYED PA'I, ,DGA' BA'I LTA BA GCIG PU LAS, ,LTA BA GZHAN GYIS CI ZHIG BYA, ,CHOS DANG CHOS MA YIN PA SPANGS, ,BDEN DANG BRDZUN PA GNYIS SPANGS NAS, ,SPANG BYA GANG YIN DE SPANGS PA'O; ,ZHES BSHAD LA, YANG RIG BYED LAS BSHAD PA, BU GCIG TSANGS PA MCHOG TU BDEN, ,RIG PA'I DBANG PHYUG PHA MTHA' MED, ,'BA' ZHIG YOD PA NYID SMRA BA, ,DE YANG ZHAGS PAR RAB TU BRJOD, ,CES SO, ,GZHAN YANG MU STEGS BYED BYE BRAG PA GANG DAG 'DI DAG CES 'JIG @39A *, ,RTEN 'DI ZHIG PA DANG, SA DANG CHU DANG ME DANG RLUNG GI RDUL PHRA RAB RNAMS PHYOGS CHA MED CING RTAG PA DAG SO SO NA 'KHOD PA LAS, GANG GI TSE DBANG PHYUG CHEN PO DE SEMS CAN DANG SNOD 'BYIN PA 'DOD PA DANG, SEMS CAN GYI LAS KYI MTHUS DANG PO RDUL PHRA RAB GNYIS SBYAR TE DE NI RLUNG GI RDUL PHRA RAB GNYIS TE, DE NAS YANG RDUL PHRA RAB GSUM PA ZHIG DE LA 'BYAR BAS NA RDUL PHRA RAB GNYIS KYI RDUL PHRA MO ZHES BYA ZHING, DE NAS SE GOL GTOGS PA TZAM GYIS RDUL PHRA RAB RNAMS PHRAD DE TSOGS NAS, RLUNG GI DKYIL 'KHOR CHEN PO RTZOM PA GRUB STE, RIM PA DES, CHU DANG, SA DANG, ME'I DKYIL 'KHOR GRUB PAR GYUR CING, DE'I DBUS SU TSANGS PA'I SGO NGA CHEN PO 'OD 'BAR ZHING GSAL BAS GNAS PA DE SMIN CING RDOL BA LAS 'JIG RTEN GYI MES PO CHEN PO PADMA'I MNGAL NAS BYUNG BA PADMA LA 'DUG PA, GDONG BZHI PA ZHIG BYUNG STE, DES 'JIG RTEN THAMS CAD SPRUL PA'O ZHES ZER BA YANG TSANGS PA 'DOD PA STE, DE DAG NI 'DI RNAMS SO, ,DE NYID RNAM PA GSUM DU GNAS PA NI, ,TSANGS PA NYID NA 'JIG RTEN 'BYIN, ,SKYE DGU SDUD PA DRAG PO STE, ,SKYES BU NYID NA BTANG SNYOMS SO, ,RANG 'BYUNG GNAS SKABS GSUM DU GNAS, ,ZHES BYA BA'O, ,GZHAN DAG NI DANG PO DBANG PHYUG GI YON TAN BRGYAD DANG; GNYIS PA GTZO BO'I YON TAN GSUM DANG, GSUM PA RANG 'BYUNG GI GNAS SKABS GSUM NI DE NYID GSUM ZHES RTOG CING, YANG GZHAN DAG NI JI LTAR SANGS RGYAS KYI CHOS RNAM PA BZHIR 'CHAD PA LTAR 'DAS MA THAG PA 'DI GSUM GYIS KYANG, PHYI ROL PA MA LUS PA BSDUS PA NI DE NYID GSUM STE, 'OG MA GSUM NI 'DAS PA GSUM LAS PHYE BA'O ZHES RTOG PA NI BDAG GIS KHONG DU MA CHUD PAS MKHAS PA RNAMS KYIS LEGS PAR BRTAG PAR RIGS SO, ,DRANG SRONG CHEN PO SER SKYA'I SLOB MA SER SKYA PA RNAMS NI DNGOS PO THAMS CAD STONG PA'I TSUL LAS BYUNG BAR LTA STE, STONG PA NYID BYED PA PO GCIG TU YOD PAR RTOG PA NI, JI SKAD DU, GSANG BA'I BDAG PO GZHAN YANG KHYAD PAR DU RTOGS PAS JI SKAD DU YONGS SU BSGRAGS PA'I KHYAD PAR DE DANG DE DAG PA KHYAD PAR DU GNAS PA RNAMS LA 'BA' ZHIG PA NYID KYI DON DU BLO SKYE ZHING, DE YANG YOD DO ZHES STONG PA NYID KHO NA LA DNGOS POR SEMS TE, @39B GSANG BA'I BDAG PO DE DAG GIS NI STONG PA NYID RAB TU MI SHES SO ZHES GSUNGS PA LTA BU'O, ,GANG DAG YUL GYIS 'JIGS PAS DBANG PO'I SGO SDOM PA DE DAG NI DBANG PO THUB RNAMS TE, DE DAG NI DBANG PO THAMS CAD NAM MKHA'I YON TAN DU 'DOD PAS NA NAM MKHA'I TSUL LO, ,'DI DAG NI BYE BRAG PA'I KHYAD PAR KHA CIG STE, DE DAG GI SGRA LA SOGS PA NAM MKHA'I YON TAN DU SMRAS PAS SO, ,GANG GANG RANG GI SGRA NYIN GCIG BZHIN DU ZAD PAR PHYI BAS THAR PA THOB PAR 'DOD PA NI ZAD BYED PA STE, DE DAG NI LHA CHEN PO RGYAL BA MNYES PAR BYAS PAS KYANG THAR PA SBYIN PAR 'DOD PAS NA, RGYAL BA'I GZUGS BRNYAN RNAMS LA MCHOD PA DANG, PHYAG LA SOGS PA BYA BA'I PHYIR DANG, DAD PAS 'BAD DE GZHOL BA'O, ,BRAM ZE RNAMS LA KHO BO CAG MCHOG GO ZHES SMRA BA NI BRAM ZE MCHOG RNAMS TE, DE DAG NI DANG POR RIG BYED TSAD MAR BYED DE, GANG ZHIG RIG BYED LAS MI SMRA, ,GANG ZHIG RIG BYED LAS MI SNANG, ,THAMS CAD MED PAR BRJOD BYA STE, ,RIG BYED 'DRA BA'I THOS PA MED, ,CES BYA BA LA SOGS PAS SO, ,DE LTAR TSAD MAR GYUR PA'I RIG BYED LAS NI, CHEN PO GNYIS MDOG MUN MDUN GNAS, ,SKYES BU DE NI KHO BOS RIG ,DE RTOGS 'CHI BA'I 'JIGS MED DE; ,THAR PHYIR DE LAS LAM GZHAN MED, ,CES SMRAS PAS NA DE LTA BU'I DBANG PO LNGA DANG NYE BAR LDAN PA'I BDAG YOD PA DANG, GZHAN YANG SGRA RTZE 'BUM GYI CHA TZAM DANG, SHEL SGONG DAG PA LTA BU'I BDAG MTHE BONG GI CHA DANG PO TZAM MAM, YUNGS 'BRU TZAM MAM, RI RAB TZAM BSTAN PAR MI NUS PA THAMS CAD DU KHYAB PA'AM, LUS MED PAR RTOG PA RNAMS KYANG, BDAG YOD PAR 'DOD PA'O ZHES BSDU BAR BYA'O, ,DRANG SRONG CHEN PO 'JIG RTEN MIG CES BYA BAS CHAD PAR LTA BA'I GZHUNG 'BUM PHRAG BYAS TE, DE'I RJES SU 'BRANG BA RNAMS NI LAS MED PA STE, RGYU LA SKUR BA 'DEBS SHING THAR PA MED PA STE, 'BRAS BU LA SKUR BA 'DEBS PA'O, ,'DIR THAR PA NI MTHO RIS LA YANG BYA STE, NGAN SONG LAS THAR BAS SO, ,KYANG RUNG ZHES BYA BA NI RE RES KYANG LOG PAR LTA BAR 'GYUR ZHES DBYE BA'I PHYIR RO, ,DE DAG NI GRUB PA'I MTHA' MA LUS PA'I NANG NAS SMAD PAS NA GZHUNG NGAN TE, 'JIG @40A *, ,RTEN PA'I YANG DAG PA'I LTA BA LAS GUD DU SONG BAS NA RGYANG PHAN PA STE, AA YO TI NI SONG BA DANG BRAL BA DANG 'GRO BA'I DON TO, ,DE DAG GI GRUB PA'I MTHA' NI GZHUNG NGO, ,YANG 'DIR 'JIG RTEN RGYANG PHAN PA NI RNAM PA GSUM STE, RNAM PAR RTOG PA LA SPYOD PA THAMS CAD BSDUS PA'I DBANG DU BYAS TE NI, JI SRID SEMS NI 'JUG PA'I BAR DE SRID 'JIG RTEN RGYANG PHAN PA ZHES GSUNGS SO, ,'JIG RTEN GYI GSANG TSIG GI DBANG DU BYAS TE NI, MA 'ONGS PA'I DUS NA DGE SLONG DAG 'KHOR GYI DBUS NA SENG GE'I KHRI LA 'DUG STE, 'JIG RTEN RGYANG PHAN PA'I GZHUNG 'CHAD CING, DE'I BSNGAGS PA SMRA BAR BYED DO ZHES GSUNGS PA STE, GZHUNG GANG DAG 'DOD CHAGS DANG BRAL BAR MI 'GYUR, YID 'BYUNG BAR MI 'GYUR ZHING, NAM YANG DNGOS POR 'DZIN PA LAS MI 'BRAL BA GCIG PU'I GSANG TSIG RNAMS TE, SH'A RI'I BU DGE SLONG GANG DAG 'JIG RTEN RGYANG PHAN PA'I GTAM LHUR LEN PA SANGS RGYAS KYI GSUNG SPANGS NAS GZHAN MU STEGS CAN GYI GSANG TSIG SMRA BA DE DAG NI 'KHOR GYI NANG DU DONG NAS DE DAG CHOS KYI SGRAS 'KHOR DGA' BAR BYED DE, SKYES BU DE DAG DAM PA MA YIN PA DE LTA BU DE DAG NI DGE SLONG RUL BA ZHES BYA'O ZHES GSUNGS PAS BKAG PAS SO, ,CHAD PAR LTA BA'I DBANG DU BYAS TE 'DIR BRJOD PA 'DI NYID DO, ,GANG DAG DBANG PHYUG STE PHYUGS BDAG CHEN PO'I CHOS SPYOD PA DE DAG NI DBANG PHYUG PA'I BSTAN PA LA SPYOD PA STE, DBANG PHYUG GIS SGRA BSGRAGS PA'I RGYUD LA SOGS PA LA CHOS SU 'DU SHES PA RNAMS SO, ,DE DAG LA NI LHO DANG BYANG DANG NUB TU KHA BLTAS PAR GNAS PA STE, DE DAG NI BRTUL ZHUGS SO, ,DE RNAMS NI GZHAN YANG YID DU 'ONG BA'I LHA MO AU MA LA SOGS PA CHAGS PA SKYED PAR NUS PA CAN RNAMS DANG GNYIS KYIS GNYIS SPROD PAS MNYAM PAR SBYOR BAR BYED CING, PHAN TSUN STEG PAR JI LTAR NA CHUD DAG SKYES PA YID DU 'ONG BA LA, STEG PA'I MIG CUNG ZAD 'DZUMS PAR LTA BA LTAR MIG GIS CUNG ZAD 'DZUMS PAR BLTA BA'O, ,DON 'DI NI DBANG PHYUG GIS SGRA BSGRAGS PA'I RGYUD LAS GSAL BAR BSTAN TE, LHA MO RIN CHEN GNAS 'DI NI DBANG PHYUG DRAG DANG NUS CAN MCHOG ,ZUNG GYUR DE NI PHAN TSUN LAS, ,LTE BAR CHU NI SON PA STE, ,MTSON BYA MTSON BYED LAS @40B NGES GROL, ,TSIG TU BRJOD PA SPANGS PA STE, ,DBANG PHYUG NUS CAN MNYAM SBYOR LAS, ,RMAD DU BYUNG BA'I BDE BA SKYE, ,GUS PA'I TSUL GYIS BSGOMS PA YIS, ,YANG DAG TU NA DNGOS PO MED, ,NUS CAN YANG NI STONG NYID LTA, ,SGRO 'DOGS THAMS CAD 'JOMS PA'O, ,ZHES SO, ,YANG SME BRTZEGS ZHES BYA BA'I RGYUD LAS KYANG, DBANG PHYUG NUS CAN MNYAM SBYOR BAS, ,MCHOG TU BDE BA GNYIS MED CHOS, ,RIN CHEN NANG DU GNAS PA LAS, ,DBANG PHYUG MED CING NUS CAN MED, ,CES BSHAD DE, 'KHRIG PA GRUB PA NI THAR PA YIN LA, DE BSGRUB PAR NUS PA'I LHA MO SHA KA TI ZHES PHYI ROL PA'I SGRA LAS GRAGS SO, ,GANG DAG BLA MA ZLA BA'I GRUB MTHA' 'DZIN PA DE DAG NI ZLA BA'I GRUB MTHA' PA STE, DE DAG RTAG TU LHA CHEN PO 'PHROG PA LA GUS PAS MCHOD PAS MCHOD PA LA SOGS PA'I LAS LA GZHOL BA YANG DBANG PO RTUL TE, AOm ZHES BRJOD CING SRED MED KYI BU RJES SU DRAN PAR BYAS NAS MTHO RIS 'THOB CES ZER TE, DE NI LHA'I GTZO BOR LTA STE, 'DI SKAD DU, NGA NI SBYIN BYED ZA BA BO, ,NGA NI ZAS DANG SKYE DGU'I BDAG ,BRAM ZE'I LUS SU NGA GNAS NAS, ,ZA BYED SBYIN PAR BYED PA PO, ,ZHES BYA BA DANG, YANG, GANG DAG LHA GZHAN DAD BYED CING, ,DAD LDAN BRTZON PAR BYED PA DAG ,DE DAG NGA SNGON 'GRO BYAS NAS, ,BSTEN PAR BYED DE KUN TI'I BU, ,ZHES DE NYID KYIS SMRAS PA TSAD MAR BYED DO, ,GZHAN DAG NI 'DIR 'PHROG PA'I DON DBANG PHYUG LA SBYAR TE, PHRA ZHING BSAM GYIS MI KHYAB RAB SRAB BYED PA 'DUN BYED KUN RIG PA, ,RNAL 'BYOR GOMS PAS THONG BA'I BLO CAN BSAM GTAN PA YI BSAM GTAN YUL, ,NYI MA ZLA BAS CHU ME RLUNG PHYOGS DANG NAM MKHA'I LUS CAN TE, ,ZHI BA'I BDE DGA' 'GRUB PAR 'DOD PA RNAMS KYIS DBANG PHYUG RTAG TU BSGOM, ,ZHES SMRAS PA SBYOR RO, ,DE NI DE DAG GI NANG GI RNAL 'BYOR BSTAN PA'I PHYIR, SNYING GA'I PADMA'I RLUNG GI NI, ,RNAL 'BYOR LDAN PA'ANG SGOM PAR BYED, ,CES SMOS TE, BDAG NYID LHA'I SBYOR BA LA GNAS PA'I SNYING GA'I DBUS SU PADMA RNAM PAR BSAMS LA, DE'I DBUS NAS BYUNG BA'I RLUNG SNA BUG DANG KHA NAS BYUNG BA THUNG NGU DANG BA'I MTHIL NAS DVAGS LA, BUM PA CAN ZHES BYA BA'I MAN DAG PA SGRUB PAS DBUGS @41A *, ,BSKAL PA'I BAR DU MI 'CHI BA'I RLUNG GI RNAL 'BYOR LDAN PA'ANG SGOM PAR BYED CES PA STE, 'DI DAG LA NI DGAG PA TZAM LAS YAN LAG DRUG PA'I RLUNG GI TING NGE 'DZIN NI MED DO, ,DE LTAR RLUNG DGAG PAR 'JUG PA'I RNAM PAR SHES PA CHAD PA 'DI LA PHYI ROL PA DANG, CHOS 'DI PA KHA CIG LAS THOS PA MA BSKYED PA 'GA' KHO NAS YANG DAG PA'I YE SHES SU BZUNG BA SRID PAS DE DAG DGAG PA'I PHYIR, RNAL 'BYOR LDAN PA GZHAN 'GAS KYANG, ,DE KHO NA ZHES RTOGS SHING GNAS, ,BDAG GIS RTOGS PA 'BA' ZHIG TU MA ZAD DE, GZHAN YANG LAM DER 'DREN PA YI, ,BDEN PA GANG YIN DE YIN NYON, ,ZHES SGRUB BO SLOB MA LA SMRAS TE, BDEN PA DE GANG ZHE NA, DBUGS RGYU BA DANG RAB RTOG MED, ,YID NI GAR SHI BDEN PA'O, ,ZHES SMRA STE, SHI BA NI RGYUN CHAD PA'O, ,DE DAG GIS BSTAN PA'I YE SHES MCHOG DE YANG SUN DBYUNG BAR GSUNGS PA NI 'DI LTA STE, BDAG NI DNGOS LA RJES RMONGS PAS, ,GAL TE YE SHES KYI MTSAN NYID YUL GANG YIN PA MI SHES PA YIN NA, DE'I SHING NI YE SHES YIN PAR THAL BAR 'GYUR BA GNOD PA CAN GYI TSAD MA YOD DO, ,DES NA DE DAG GI BDEN PA DANG TING NGE 'DZIN GYI LAM 'DI NI LEGS PAR GROL BA MA YIN TE, SRID PA GANG YIN BSLAR 'CHING NGO; ,DE BAS NA THOS PA CHUNG BA'I TING NGE 'DZIN RNYED PA NI BDUD KYI LAS SO ZHES GSUNGS PAS SLOB DPON GYIS KYANG THOS PA LA NAN NYAN DU BYA BAR 'CHAD DO, ,'DI LTAR YANG DAG PAR RDZOGS PA'I SANGS RGYAS KO SAN TI'I DGE SLONG BUDDHA MA TI'I RJES SU 'BRANGS NAS, BSKAL PA DANG PO'I TSE 'DZAM BU'I GLING LTA BA'I LHA RNAMS LA BRTEN TE, SKYES PA'I PHYI ROL PA'I LTA BA 'DI DAG KYANG KHONG DU CHUD PAR BYAS LA DE BZLOG PAR BYA'I RNAM PAR SDANG BAR BYA BA NI MA YIN TE, 'PHAGS PA SOR MO'I PHRENG BA LA PHAN PA ZHES BYA BA THEG PA CHEN PO'I MDO LAS, 'JAM DPAL DE LTAR 'JIG RTEN PA'I TSUL KHRIMS DANG SPYOD PA DANG BYA BA'I CHO GA THAMS CAD KYANG SANGS RGYAS KYI SPRUL PA'O ZHES GSUNGS PA'I PHYIR DANG, DE DAG SNYING RJE'I YUL DU GYUR PA'I PHYIR TE, ,DE PHYIR LOG PAR BSTAN PA YI, ,GRUB MTHA' 'CHAL BA'I BLO CAN LA, ,RE LUGS RJES 'JUG BLO CAN RNAMS, ,SNYING RJE NYID NI RAB TU SKYE, ,ZHES BSHAD PA'I PHYIR RO, ,DA NI @41B CHOS 'DI PA'I YE SHES SNYING PO BSTAN PA'I PHYIR, SANGS RGYAS CHOS NI RNAM BZHIR ZHES BYA BA LA SOGS PA SMOS TE, CHOS NI BSTAN PA'AM, SGRUB BA'AM, YANG NA BSTAN PA'I CHOS SO, ,LUS DANG NGAG GIS GROL BA MI 'THAD KYI GROL BA DANG, 'CHING BA'I SEMS KYI DBANG LAS SO ZHES 'DOD PA RNAMS NI YID 'DOD RNAMS TE, DE RNAMS KYIS SNGON SANGS RGYAS KYIS GSUNGS PA DANG, YANG DAG PAR BSDUS PA NA RNAM PA BZHIR MTHONG STE, BZHI GANG ZHE NA, 'OG NAS 'CHAD PA BYE BRAG TU SMRA BA LA SOGS PA'I LAM JI SKAD DU BSHAD PAS, RANG RANG GI 'BRAS BU DE KHO NA NYID SGRUB PA'O ZHES TSIG RNAM PAR SBYAR RO, ,DE LTAR MDOR BSTAN NAS, DA NI RGYAS PAR STON PA, NAM MKHA' ZHES BYA BA LA SOGS PA SMOS TE, KHA CHE BYE BRAG TU SMRA BA GANG DAG NAM MKHA' LA SOGS PA, 'DUS MA BYAS GSUM DU SMRA ZHING DE DAG KYANG RTAG PAR 'DOD DE, DE DAG NI, ZAG MED LAM GYI BDEN PA DANG, ,'DUS MA BYAS RNAMS GSUM YANG STE, ,NAM MKHA' DANG NI 'GOG PA GNYIS, ,DE LA NAM MKHA' MI SGRIB PA, ,SO SOR BRTAGS PAS 'GOG PA GANG, ,BRAL BA'O SO SO SO SO YIN, ,SKYE LA GTAN DU GEGS BYED PA, ,'GOG GZHAN SO SOR BRTAGS MIN PAS, ,ZHES SMRA ZHING DE DAG RTAG PAR KHAS LEN PA'O, ,YUL DBUS KYI BYE BRAG TU SMRA BA DAG NI 'DUS MA BYAS BZHIR 'DOD PAS, ,GAL TE DE LTA YIN NA NYAN THOS BYE BRAG TU SMRA BA KHO BO CAG GI PHYOGS LA YANG SKYE BA MED PA LA SOGS PA'I KHYAD PAR DANG LDAN PA'I RTEN CING 'BREL PAR 'BYUNG BA 'DUS MA BYAS NYID YOD PAR GRUB STE, 'DI LTAR 'DUS MA BYAS BZHI PO DAG NI KHO BO CAG GI PHYOGS LA YANG RDZAS SU YOD PAR 'DOD PA'I PHYIR TE, BZHI GANG ZHE NA, NAM MKHA' DANG, SO SOR BRTAGS PA MA YIN PA'I 'GOG PA DANG, SO SOR BRTAGS PA'I 'GOG PA DANG, DE BZHIN NYID DO ZHES RTZOD PA SMRA STE, 'DI DAG GI DE BZHIN NYID NI JI LTA BA YIN MOD KYI SNYING RJE DANG BRAL BAR ZAD DO; ,'DUS MA BYAS PA NI 'DUS BYAS TE, 'DUS MA BYAS MA RTOGS PA RGYU DANG RKYEN 'DUS PA LAS BYUNG BA 'BRAS BU LNGAR GTOGS PA RNAMS SO, ,DE DAG SNGAR BSTAN PA'I BDAG GIS KUN TU STONG LA, ,DE'I PHYIR BYED PA PO LAS LAS MA GTOGS PA MED DE, LAS LAS 'JIG RTEN SNA TSOGS SKYE, ,LAS NI SEMS @42A *, ,PA DANG DES BYAS, ,SEMS PA YID KYI LAS YIN NO, ,DES BSKYED LUS DANG NGAG GI LAS, ,ZHES BSTAN TO, ,YANG 'DUS BYAS DE DAG NI BYED PA PO MED PA 'BA' ZHIG TU MA ZAD KYI RTAG PA LAS DBEN PAS SKAD CIG MA'O, ,DNGOS PO RNAMS SKAD CIG MAR SGRUB PA NI MDO SDE RGYAN LAS SHES PAR BYA'O, ,GZHAN YANG MIG LA SOGS PA'I DBANG PO DAG LAS SKYES PA'I BLO STE, RNAM PAR SHES PA DAG LA RIGS MI 'DRA BA DANG, RDUL PHRA RAB KYI RNAM PA MED CING BLO DANG DBANG PO DE DAG GIS MNGON SUM DU RIG PA GZUGS LA SOGS PA NI RDUL PHRA RAB BSKOR BA'I TSOGS SU GNAS PAR 'DOD DE, 'DI LTA BU NI PHYI ROL PA LA LTOS TE BLO DANG LDAN PA ZHES BYA BAR BGRANG BA NUB PHYOGS KHA CHE'I YUL NA GNAS PA'I BYE BRAG TU SMRA BA'I GZHUNG DU BSHAD DE, 'DI DAG 'DAS PA DANG MA 'ONGS PA'I RGYUR KHAS LEN CING DUS GSUM DAG RDZAS KYI BYE BRAG TU SMRA BA'AM, BYE BRAG TU BSHAD PA CHEN PO'I GZHUNG DANG MTHUN PAR SMRA BAS NA DE DAG LA DE SKAD CES BYA'O, ,GRUB PA'I MTHA' PHAL CHER 'DRA BAS NA YUL DBUS KYI BYE BRAG TU SMRA BA'I LOGS SU GZHUNG MA BSTAN NO, ,DA NI MDO SDE PA'I GRUB MTHA' BSTAN PAR BZHED NAS, MTHONG BA DBANG PO'I YUL MIN TE, ,ZHES BYA BA LA SOGS PA SMOS TE, MIG LA SOGS PAS MNGON SUM DU MTHONG BA'I GZUGS LA SOGS PA'I RNAM PAR SHES PAS GZUNG BA YIN GYI, MIG LA SOGS PA'I DBANG PO'I YUL NI MA YIN TE, CI'I PHYIR ZHE NA, MIG LA SOGS PA'I RNAM PAR SHES PA DE DAG NYID YUL GYI RNAM PA DANG BCAS PAR SKYE BA'I PHYIR TE, BEMS PO SNANG DU MI RUNG PHYIR, ,SHES PA RNAM PA BCAS PA SKYE, ,ZHES BSTAN PAS SO; ,DE LTAR NA MDO SDE PA 'DI DAG NI SHES DAG PA'I DRUNG GI TSON GYI KHA DOG TU GYUR PA LA SKYES BU LTA BA'I TSE SHEL DANG TSON GANG YIN PA DE GNYIS DE'I MIG GIS GZUNG BA NA SHEL NYID NI MNGON SUM GYIS GZUNG BA MA YIN LA, TSON NI GZUGS BRNYAN GYIS GZUNG BA YIN PAS SKYES BUS GZUNG BA GNYIS GZUNG BA LTAR MNGON SUM GYI SNANG BA 'DI NI SHES PA KHO NA'I RNAM PA YIN LA, SHES PA KHA DOG DANG DBYIBS SU SNANG BA'I GZHI NI LOGS NYID NA RDUL PHRA RAB KYI TSOGS PAR MED PA MA REG PA DAG GI NGO BOR 'DOD PAS GZUNG BA GNYIS SU SMRA'O, ,NAM MKHA' MO GSHAM BU 'DRA LA, ,ZHES BYA BA LA SOGS PAS NI 'DUS MA BYAS @42B BRTAGS PA'I YOD PAR BSTAN TE, BRTAGS PA'I YOD PA NI MING TZAM STE, MING YANG SGRA SPYI'I RNAM PA STE RANG GI MTSAN NYID NI MA YIN NO, ,DE BZHIN DU 'DI DAG NI DUS GSUM DANG LDAN PA MA YIN PA'I 'DU BYED RNAMS KYANG BRTAGS PA TZAM DU 'DOD LA, DNGOS PO RNAMS SHES PA DANG BEMS PO 'DRES PAR SNANG GI ,RE RE ZHIG SNANG BAR MI NUS PAS NA, 'DUS BYAS BEMS PO YOD MIN LA, ,DUS GSUM DAG KYANG KHAS MI LEN, ,ZHES SMOS SO, ,BEMS PO NI 'DUS NAS BYAS PAR MI 'THAD DE, DE DAG LA 'DU BA'I RNAM PAR RTOG PA MED PA'I PHYIR DPER NA RDUL DANG RDUL LTA BU'O ZHES BYA BA'I DON TO, ,GZHAN YANG CI RIGS SU SBYAR RO, ,SHES PA RNAM PA DANG BCAS PAR SKYE NA DE'I TSE RNAL 'BYOR SPYOD PA DAG DANG KHYAD PAR CI ZHIG YOD CE NA, DE'I KHYAD PAR YANG BSAGS PA'I GZUGS MED MIN ZHES SMOS TE, RNAM PAR SHES PA LAS GUD NA RDUL PHRA RAB BSAGS PA GONG BU'I GZUGS MED PA NI MIN NO ZHES 'DOD PA STE, 'DI NI SGO DRUG PA DANG, 'PHAGS PA BZANG PO SPYOD PA LA SOGS PA'I MDO SDE RNAMS SGRA JI LTA BAR KHAS LEN CING, MDO SDE DE DAG GI RJES SU 'JUG PAS NA MDO SDE PA STE, MING GZHAN DPES STON PA LA MKHAS PAS NA DPES STON PA'O, ,DE DAG NI BYE BRAG TU SMRA BA LA SOGS PA BAS BLO ZHIB PAS NA MKHAS RNAMS SO ZHES BYA BA STE; 'DI LTAR DGE BA YANG DAG PAR RDZOGS PA'I BYANG CHUB TU BSNGO BA DANG, SMON LAM GYIS MYA NGAN LAS 'DA' BA'I NYAN THOS YIN PAS LO BRGYAD KHRIS SLAR LDANG BA'I PHYIR MKHAS PA'O, ,BYE BRAG TU SMRA BA DAG NI ZHI BA'I DBYINGS DER BSKAL PA GRANGS MED PA BYE BA KHRAG KHRIG BRGYA PHRAG DU MAR 'DA' BAR BYED DE, TING NGE 'DZIN GYI LUS THOB NAS, ,BSKAL PA'I BAR DU DE MI SAD, ,CES GSUNGS PAS SO, ,DE'I PHYIR 'DI DAG NI THEG PA CHEN PO BA ZHES KYANG BRJOD DE, LUS DANG SNYING RJE CHEN PO DAG DANG LDAN PA'I PHYIR RO, ,DA NI RNAL 'BYOR SPYOD PA PA'I LTA BA BSTAN PA'I PHYIR, RDUL PHRA RAB BSAGS PA'I GONG BU RDUL PHRA RAB KYI CHA SHAS CAN ZHES BYA BA MED CING, DE BZHIN DU DE'I RGYU DE RTZOM PA, PHRA RAB RDUL RNAMS MED PA DANG, ,ZHES SMOS TE, SEMS LAS GZHAN NA ZHES BYA BA NI MIG GI LHAG MA'O, ,CI'I PHYIR NA, DRUG GIS CIG CAR SBYAR BA NA, ,PHRA RAB RDUL CHA DRUG TU 'GYUR, ,DRUG PO DAG NI GO GCIG NA, ,GONG BU RDUL PHRAN TZAM DU @43A *, ,'GYUR; ,ZHES BYA BA LA SOGS PA'I GNOD PA YOD PA'I PHYIR RO, ,GZHAN YANG MTSAN NYID THA DAD PAR BRTAGS PA SRA BA LAS GSHER BA DANG, DE LAS TSA BA LA SOGS PA SO SOR SNANG BA DAG KYANG RIGS PAS RNAM PAR LTA BA RNAMS LA DE LTAR SO SOR DMIGS SU MED DE, BUD MED KYI NI LUS GCIG LA, ,KUN RGYU 'DOD LDAN KHYI RNAMS KYIS, ,RO DANG 'DOD BYA BZA' BA ZHES, ,RNAM PA GSUM DU RTOG PAR BYED, ,CES BYA BA LA SOGS PAS MTSAN NYID MA NGES PA'I GNOD PA YOD PA'I PHYIR RO, ,DE LTA NA SO SOR SNANG BA MNGON SUM DU NYAMS SU MYONG BA 'DI JI LTAR BRTAG CE NA, DE'I PHYIR NYAMS SU MYONG BA TSA BA DANG GSHER BA LA SOGS PA DAG NI RMI LAM 'DRA ZHES SMOS TE, RMI LAM NYID NA MED PAR NGES PA'I BUD MED KHONG DU MID PA LA SOGS PA DANG 'DRA STE, RNAM PAR SHES PA DE NYID SO SOR SNANG BA'O, ,DE LTA NA RMI LAM LTAR THAMS CAD 'KHRUL PA'AM ZHE NA, MA YIN TE, GZUNG DANG 'DZIN PA LAS GROL BA'I, ,RNAM SHES DAM PA'I DON DU YOD, ,CES SMOS TE, 'DOD CES BYA BA KHONG NAS DBYUNG NGO, ,DE LA GZUNG ZHES BYA BA NI RNAM PAR SHES PA LAS MA GTOGS PA'I DBANG PHYUG GIS SPRUL PA NAS RDUL PHRA RAB BSAGS PA'I BAR RO, ,'DZIN PA NI BEMS PO'AM, 'DRES PA'I YUL 'DZIN PAR BYED PA'I SHES PA STE, DE DAG LAS GROL BA'I RNAM SHES NI GZUNG BA SEMS KYI RNAM PA 'BA' ZHIG TU 'DOD CING 'DZIN PA'ANG GZUNG BA LAS THA MI DAD PA STE, DE LTAR NA RANG GI KHYAD PAR SHES PA NI RNAM PAR SHES PA ZHES MING YANG RIGS PAR 'GYUR RO, ,RNAM PA NI KHYAD PAR NYID DU DRANG NGO, ,DE DAM PA'I DON DU YOD PAR 'DOD PA NI RANG GI MNGON PAR ZHEN PAS 'DIR RIGS PAS GNOD PAR MI NUS PAS NA DON RNAMS LAS 'DI KHO NA DAM PA'O ZHES RTOGS PA TZAM SNYING POR 'GYUR GYI, RANG GI NGO BOS NI MA YIN NO, ,DE DAG NI PHYI ROL GYI DON LA MNGON PAR ZHEN PA MA LUS PA BCOM PAS NA BLO MTSO PHA ROL PHYIN PA'I ZHES SMOS TE, BLO NI SHES RAB STE DES SHES BYA'I RGYA MTSO'I PHA ROL TU PHYIN PA'AM, YANG NA BLO NYID 'KHRUL PA'I 'JIGS PA CHU SRIN 'DZIN KHRIS DKRUGS PA LA SOGS PA LTAR NYAM NGA BA YIN PA'I PHYIR MTSO LTA BU YIN LA, 'DI DAG GIS MDO SDE PA'I BAR GYI 'KHRUL PA'I 'JIGS PA DANG BCAS PA MTSO'I PHA ROL TU PHYIN PAS NA PHA ROL TU PHYIN PA STE, DE DAG NYID, KYE @43B RGYAL BA'I SRAS DAG KHAMS GSUM PA 'DI DAG NI SEMS TZAM STE, DUS GSUM YANG SEMS TZAM MO ZHES GSUNGS PA'I LUNG GI DON DNGOS PO DANG MTHUN PA LTAR, TSUL BZHIN YID LA BYED PAS SPYOD PAS NA RNAL 'BYOR SPYOD PA STE, YO NI SHAM NA, SHI KA RANG YOG ZHES BSTAN PA'O, ,DE DAG GI GZHUNG NI GRUB PA'I MTHA' STE BSGRAGS PA NI BSTAN PA'O, ,'DIR RNAL 'BYOR SPYOD PA NI RNAM PA GNYIS TE, RNAM PA DANG BCAS PA DANG, RNAM PA MED PA'O, ,DE LA RNAM PA DANG BCAS PA NI SLOB DPON PHYOGS KYI GLANG PO LA SOGS PA DAG GI 'DOD PA STE, RNAM PA GZHAN GYI DBANG DU STON PAS JI SKAD DU, NANG GI SHES BYA'I NGO BO NI, ,PHYI ROL LTAR SNANG GANG YIN DE, ,DON MIN ZHES BYA BA LA SOGS PA STE RNAM PAR SHES PA'I TSOGS DRUG TU SMRA BA'O, ,RNAM PA DE MED PA NI SLOB DPON 'PHAGS PA THOGS MED LA SOGS PA STE, DE DAG RNAM PA KUN TU BRTAGS PA RAB RIB CAN GYIS SKRA SHAD LA SOGS PA LTAR SMRA BAS, DON NI DON DU GRUB 'GYUR NA, ,MI RTOG YE SHES MED PAR 'GYUR, ,DE MED PAS NA SANGS RGYAS NYID, ,THOB PAR 'THAD PA MA YIN NO, ,DE DE BZHIN DU, MI RTOG YE SHES RGYU BA LA, ,DON KUN SNANG BA MED PHYIR YANG, ,DON MED KHONG DU CHUD PAR BYA, ,DE MED PAS NA RNAM RIG MED, ,CES BRJOD CING RNAM PAR SHES PA'I TSOGS BRGYAD DANG, KHA CIG GCIG PUR SMRA BA STE, ,GCIG PU NYID NI RNAM PA DANG BCAS BDAG LA YANG KHA CIG GO, ,DA NI THEG PA CHEN PO DBU MA PA'I GZHUNG STON PAR BZHED NAS, RNAM SHES DAM PA'I DON LDAN PA, ,ZHES BYA BA LA SOGS PA GSUNGS TE, SNGAR BSTAN PA LTAR RNAM PAR SHES PA RIGS PAS MI GNOD PAS DAM PA'I DON GYI MTSAN NYID DANG LDAN PA DE YANG KHO BO CAG DBU MA PA SHIN TU ZHI BA PA'I RIGS PAS 'JAL BA LA MKHAS PA BLO RAB TU BRTAN PA RNAMS DON DAM PAR YOD PAR MI 'DOD DE, CI'I PHYIR ZHE NA, SHES PA DE GCIG DANG DU MA'I RANG BZHIN DANG BRAL BA'I PHYIR DPER NA, NAM MKHA'I PADMA BZHIN TE; 'DIR RNAM SHES DAM PA'I DON LDAN PA NI CHOS CAN NO, ,DON DAM PAR MI 'DOD PA NI BSGRUB PAR BYA BA'I CHOS SO, ,GCIG DANG DU MA BRAL BA'I PHYIR, ,ZHES BYA BA NI PHYOGS KYI CHOS TE, KHYAB PAR BYED PA MI DMIGS PA'I GTAN TSIGS SO, ,NAM MKHA'I PADMA BZHIN ZHES BYA BA NI MTHUN PA'I DPE STE, @44A *, ,SLOB DPON GYI ZHAL SNGA NAS RNAL 'BYOR SPYOD PA LA THUG GI BAR DU SBYOR BA'I TSIG GIS PHYOGS SNGA MA SNGA MA PHYI MA PHYI MAS SUN DBYUNG BA MDZAD PA NI, RTA CANG SHES LTA BUR GYUR PA'I DBU MA PA BCOM LDAN 'DAS KUN TU BZANG PO'I DGE 'DUN DU BGRANG BA RNAMS NI DANG POR, GANG YOD DE KUN 'DI RNAMS 'JIG ,CES BYA BA LA SOGS PA PHYOGS DANG PHYOGS KYI CHOS TZAM MAM, DPE'I CHOS TZAM SMOS PAS GO BA LA DGONGS LA, DE LAS GZHAN PA DAG GI PHYIR NI 'DIR SBYOR BA'I TSIG BSDUS PA MDZAD PAR SHES PAR BYA'O, ,'O NA DBU MA PA DE DAG CI ZHIG KHAS LEN ZHE NA, CI YANG KHAS LEN PA MA YIN TE; YOD MIN MED MIN YOD MED MIN, ,GNYIS KA'I BDAG NYID KYANG MIN PAS, ,MTHA' BZHI LAS GROL DBU MA PA, ,MKHAS PA RNAMS KYI DE KHO NA'O, ,ZHES SMOS TE, RNAL 'BYOR SPYOD PA PA'I MTHAR THUG PA NI YOD PA STE, DE YANG 'DOD PA MIN LA, 'JIG RTEN RGYANG PHAN PA LA SOGS PA NI MED PA STE DE YANG 'DOD PA MIN TE, GAL TE DE DAG GNYI GA DANG BRAL BA'I BDAG NYID DO ZHE NA, YOD MED MIN ZHES SMOS TE, PHUNG PO GSUM PAR 'GYUR BA'I PHYIR RO, ,DE LTAR NA GNYI GA GCIG PAR KHAS LEN NO ZHE NA, GNYIS KA'I BDAG NYID KYANG MIN PAS ZHES BYA BA SMOS TE, NYES PA GNYIS KAR THAL BAR 'GYUR BA'I PHYIR RO, , PHYOGS PHYI MA GNYIS NI RNAM PAR RTOG PA SRID PA DGAG PA STE, JI LTAR SLOB DPON BHA BYA'I ZHAL SNGA NAS PHYOGS RNAM PAR BRTAGS SU ZIN NA YANG MI RIGS PA BRJOD PAR BYA BA'I PHYIR DE YONGS SU BZUNG BAS NYES PA MED DO ZHES BRJOD PA LTA BU'O, ,DE LTAR NA MTHA' BZHI PO JI SKAD BSTAN PA LAS GROL TE, DE DAG SPANGS PA NI MTHA' RNAMS SPANGS PAS KUN RDZOB KYI BDEN PAR DBU MA PA STE DE DAG NI, YOD DANG MED DANG YOD MED CES, ,KHAS MI LEN PA GANG YIN PA, ,DE LA NAN TAN LDAN PAS KYANG, ,CIR YANG KLAN KA BYA MI NUS, ,ZHES BYA BA'I TSUL GYIS GRUB PA'I MTHA' SMRA BA SUS KYANG BRJOD DU MED PA'I BLO DANG LDAN PAS NA MKHAS PA RNAMS TE, DE RNAMS KYI DE KHO NA'O ZHES BYA BA NI JI LTAR BCAL TE, GZHAG PAR YANG MI 'GYUR ZHING, DE 'JAL BA YANG PHYIN CI MA LOG PAS NA GNYI GA SLU BA MED PAS DE KHO NA GRUB KYI GZHAN NI MA YIN NO, ,'DIR DBU MA PA DE DAG KYANG KUN RDZOB RNAM PAR GZHAG PA GNYIS TE, SNANG BA LA MI 'JAL @44B BA NI SLOB DPON BHA BYA BA LA SOGS PA DANG, SNANG BA'I DNGOS PO JI LTA BA MA YIN GYI NANG GI SHES PA KHO NA SNA TSOGS SU SNANG BAR SMRA BA SLOB DPON ZHI BA 'TSO LA SOGS PA'O, ,CHOS LA ZHES BYA BA LA SOGS PA NI BSLAB PA LA 'JUG PAR BYA BA STE, SNGAR BSTAN PA LTAR 'KHRUL PA'I GNAS GRUB PA'I MTHA' RAB 'BYAM DAG DANG, GZHAN YANG RTAG PAR SMRA BA BZHI DANG, YANG RTAG PAR SMRA BA GZHAN BZHI DANG, MTHAR SMRA BA BZHI DANG, KUN 'BYUNG BA RGYUR SMRA BA GNYIS DANG, TSIG 'KHRUL PA BZHI DANG, 'DU SHES SU SMRA BA BCU DRUG DANG, 'DU SHES YOD PA MA YIN PAR SMRA BA BRGYAD DANG, 'DU SHES YOD PA YANG MA YIN MED PA YANG MA YIN PAR SMRA BA BRGYAD DANG, MTHONG BA'I CHOS LA YID 'BYUNG BAR SMRA BA LNGA DANG, CHAD PAR SMRA BA BDUN ZHES BYA BA 'JIG TSOGS LA LTA BA DRUG CU RTZA GNYIS DAG RTZOD PA'I DUS SNYIGS MA LNGA DANG LDAN PA 'DIR GNAS LA, DE DAG KYANG CHOS LAS THOS PA LA SOGS PA'I 'BAD PA MED NA NI, GANG PHYIR DE NYID MI 'GRUB PA, ,DE PHYIR MKHAS PAS NAN TAN GYIS, ,CHOS LA LEGS PAR BLTA BAR BYA, ,ZHES BYA BA LA SOGS PA GSUNGS TE GO SLA'O, ,BSREG PA LA SOGS PA SLOB DPON NYID KYI ZHAL SNGA NAS, GZHAN DU, DON GANG LUNG DANG RIGS PA YIS, ,LEGS PAR MNGON PAR BRJOD PA DANG, ,SNGA PHYI 'GAL BA MED PA DE, ,DAM PA RNAMS KYIS YONGS SU GZUNG, ,ZHES BSTAN PA'O, ,KHA CIG NI MNGON SUM DANG RJES SU DPAG PA DANG LUNG GI TSAD MA DAG TU SMRA BAR BYED DO, ,GUS PHYIR MIN PA NI GANG ZAG GI RJES SU 'BRANG BA DGAG PA'I PHYIR RO, ,BSREG PA LA SOGS PA YANG TSONG DPON GSER SPYOD LTA BU'I BLA MA LA RAG LAS PAS NA, DES NA 'BAD PA BLA MA NI, ,ZHES BYA BA LA SOGS PA SMRAS TE, GANG ZHIG BDEN PA GNYIS JI LTA BA BZHIN SHES PAS LTA BA PHYIN CI MA LOG PA DANG, SNYING RJE DANG LDAN PA DANG, THABS LA MKHAS PA DANG, LE LO SPANGS PA STE CHOS BZHI DANG LDAN PA DE NI BLA MA'O, ,YONGS SU DRI BA NI SA BCU'I BAR DU DE LA RAG LAS PAS NA CHOS NYID KHO NAS SO, ,SEMS KYI YANG DAG PA JI LTA BA SHES PA NI DE SONG BA DANG GNAS PA MI DMIGS TE, DE GNYIS SNGAR BSTAN PA LTAR MA LUS PAR SHES PA YIN PAS BLA MA'I LUNG GIS SEMS SHES PA'I TSUL LA RNAM PA DU MAR GOMS PAR BYA'O ZHES BYA BA @45A *, ,NI GANG TSE SEMS NI ZHES BYA BA LA SOGS PAS BSTAN TE, JI LTAR NA GOMS PAR BYA ZHE NA, YID NI GANG DANG GAR 'GRO BA, ,ZHES BYA BA LA SOGS PA SMOS PAS RTOG SEMS 'KHOR LO DE, JI LTAR GZUNG BA STON TE, JI LTAR MTHONG DANG THOS PA KUN, ,'DI LA DGAG PAR BYA MIN GYI; ,GANG PHYIR SDUG BSNGAL RGYUR GYUR PA, ,BDEN PA NYID DU RTOG PA BZLOG ,CES BSTAN PA DANG, YANG DAG LTA BAS PHRA RAB KYI, ,NGO BO YANG NI MI SHES SO, ,DE PHYIR RANG BZHIN MED SMRA BA'I, ,SNANG BA BSAL PHYIR MA YIN NO, ,ZHES BYA BA LA SOGS PA'I TSUL GYIS DNGOS PO KUN RDZOB PA RNAMS THAMS CAD SPROS PA MED PA'I RANG BZHIN TE, DE'I BDAG NYID DU SHES PAR BYA'I SA BRGYAD PA'I BYANG CHUB SEMS DPA' LTAR NI THOG MA NAS MTHONG BA MI SRID CING, MTHONG BA NA YANG DE DOR TE BDEN PA GNYIS SU DBYER MED PA'I NGO BO KHONG DU CHUD PAR BYA BA'I PHYIR RO, ,DE LTAR NA 'PHAGS PA RNAM PAR MI RTOG PA LA 'JUG PA'I GZUNGS LAS BYANG CHUB SEMS DPA' MNYAM PAR GZHAG PA'I YE SHES PAS NI, CHOS THAMS CAD NAM MKHA'I DKYIL LTA BUR MTHONG BAR GSUNGS PA DE LA THAMS CAD DU DMIGS PAR NI RJES LAS THOB PAS SGYU MA LA SOGS PA LTAR SNANG BA BSTAN TO, ,DA NI SLOB DPON GYI ZHAL SNGA NAS KUN RDZOB TU RNAL 'BYOR SPYOD PA PA DAG LAS, RNAM PA MED PA DANG, RNAM PA MTHUN PAR STON PA SEMS 'DI NI BAG CHAGS DANG BCAS PAS SNA TSOGS SU SNANG LA, JI LTAR SNANG BA NYID NI BAG CHAGS KYIS NI SEMS CAN DU BGRANG BA LA KHRID CING DE MA YIN PA LA KHYER ZHES BYA BA LA SOGS PA GSUNGS TE, DE LTAR SNANG BA LA NYES PA MED PA'I PHYIR SEMS KYI 'JUG PA THA MAL PA'I RNAM PAR RTOG PA 'GOG PAS SGYU MA LTAR RTOGS PAS BAG CHAGS LAS NI BKRI ZHING BKYER GYI SNANG BA RNAMS KYIS SKRAG STE DE DAG BSAL BAR NI MI BYA'O, ,DE LTAR NA SANGS RGYAS KYIS LA YANG BYIN GYIS BRLABS PA'I SNANG BA RAB 'BYAM 'BYUNG GI RNAL 'BYOR SPYOD PA PA RNAM PA MED PAR SMRA BA LTAR DE SPANGS PAS CI ZHIG BYA, DE'I 'BRAS BU NI, GANG DANG GANG YIN DE DAG GIS, ,ZHES BYA BA LA SOGS PA GSUNGS TE, SNANG BA MA BSAL BA'I MTHU LAS ZHES BYA BA'I DON TO, ,SNA TSOGS GZUGS CAN NOR BU NI CHU SHEL DAG PA STE, RKYEN JI LTA BU'I KHA DOG GI GZUGS @45B SU SNANG DU RUNG BA'I PHYIR RO, ,BSOD NAMS NI SGRIB PA DAG PAR BYED PA'I YE SHES KYI TSOGS DANG PHAN PA'I BSAM PA STE, DES NA BZANG PO GANG ZHE NA, BSOD NAMS KYI TSOGS NYI TSE LAS KHYAD PAR DU DBYE BA'I PHYIR RO, ,SANGS RGYAS KYI YE SHES NI YE SHES RNAM PA BZHI STE, DE DAG THOB PAR BYA BA'I PHYIR 'BAD PAS GZHOL BAR SHOG CIG CES BYA BA'I DON TO, ,GZHAN PHAN 'DOD PAS BSDUS PA PHYE, ,NYES SMRAS DE 'DIR BDAG GIS 'KHRUL, ,DE PHYIR 'PHAGS PA LA MI SMAD, ,BDAG LA MKHAS RNAMS BZOD PAR MDZOD, ,'DI YIS DGE BA DRI MED STON ZLA 'DRA BA GANG YIN DES,, BDAG NI 'PHAGS PA KLU SGRUB 'PHAGS PA LHA YI ZHABS BCAS DANG, ,MYUR DU LEGS PHRAD DE DAG GSUNG GI BDUD RTZIS NGOMS BYAS TE, ,RIM GYIS 'GRO BA 'DREN PHYIR GCIG TU 'GRO LA PHAN PHYIR GYUR, ,YE SHES SNYING PO KUN LAS BTUS PA'I BSHAD SBYAR SLOB DPON BYANG CHUB BZANG PO'I ZHAL SNGA NAS MDZAD PA RDZOGS SO,, ,,RGYA GAR GYI MKHAN PO SH'ANTI BHA DRA DANG, LO TZ'A BA DGE SLONG CHOS KYI SHES RAB KYIS BSGYUR CING ZHUS TE GTAN LA PHAB PA'O,,#, ,RGYA GAR SKAD DU, PRADZNY'A PRA D'I PA M'U LA MA DHY'A MI KA PRiTTI, BOD SKAD DU, DBU MA'I RTZA BA'I 'GREL PA SHES RAB SGRON MA, BAM PO DANG PO, ,DKON MCHOG GSUM LA PHYAG 'TSAL LO, ,'JAM DPAL GZHON NUR GYUR PA LA PHYAG 'TSAL LO, ,SLOB DPON 'PHAGS PA KLU SGRUB LA PHYAG 'TSAL LO, ,SLOB DPON BTZUN PA LEGS LDAN 'BYED LA PHYAG 'TSAL LO, ,GANG GIS CHOS KYI DE NYID RNAM RTOG LEGS BRAL BA, ,SPROS PA KUN ZHI BLO NGAN RAB RIB KUN 'JOMS CAN, ,TSIG GI YUL MA YIN YANG DE NYID SGRO BTAGS NAS, ,SA KUN 'BYOR PHYIR BSTAN PA DE LA PHYAG 'TSAL LO, ,SLOB DPON GYI ZHAL SNGA NAS KYI TSIG LE'UR BYAS PA DAG KHO NAS RJES SU DPAG PA DANG, SUN DBYUNG BA'I GSAL PA DANG, DE KHO NA DAG BSTAN PA DANG, LTA BA NGAN PA'I DRA BA ZHI BAR BYED PA DANG LDAN PA SHES RAB KYI PHA ROL TU PHYIN PA'I TSUL BKA' STZAL MOD KYI, TSANGS PA MTSUNGS PAR SPYOD PA RNAMS LAS KHA CIG GIS MI RTOGS PAS, DE'I PHYIR DE DAG GIS RTOGS PAR BYA BAR 'DOD NAS LUNG JI LTA BA BZHIN DU @46A *, ,DBU MA'I BSTAN BCOS BSHAD PAR BYA'O, ,DE LA BSTAN BCOS KYI 'GREL PA SMRAS PA, 'DI LA BCOM LDAN 'DAS THUGS RJE DAM PAS SPRO BA RAB TU BSKYED PA'I BLO GROS MNGA' BA, BSKAL PA BYE BA KHRAG KHRIG 'BUM PHRAG DPAG TU MED PAR, BSOD NAMS DANG YE SHES KYI TSOGS GZHAL DU MED PA'I KHUR BZHES PAR MDZAD PA NA GZHAN LA PHAN PA SKYE BA DANG, RJES SU 'BREL PA'I THUGS RANG GI SROG DANG 'BRAL BA'I SDUG BSNGAL GYIS KYANG YONGS SU MI SKYO BA MNGA' BAS 'JIG RTEN SKYE BA DANG, 'GAG PA DANG, CHAD PA DANG, RTAG PA DANG, 'ONG BA DANG, 'GRO BA DANG, THA DAD PA DANG, GCIG PA LA SOGS PA SPROS PA'I DRA BA THIBS POR 'KHYAMS SHING SNANG BA MED PA LA GZIGS NAS, SHES RAB KYIS SHES BYA'I RGYA MTSO MNGON PAR BSRUBS TE, CHOS THAMS CAD KYI DE KHO NA'I BDUD RTZI SPROS PA'I DRA BA MTHA' DAG DANG LEGS PAR BRAL BA, GZHAN GYI DRING MI 'JOG PA, RNAM PAR MI RTOG PA BRNYES NAS, THEG PA MCHOG GIS 'GRO BA RNAMS LA RTEN CING 'BREL PAR 'BYUNG BA'I RIN PO CHE DAM PA SKYE BA DANG NA TSOD DANG, RIGS DANG, YUL DANG, DUS LAS 'DA' BA MED PA, MU STEGS BYED DANG, NYAN THOS DANG, RANG SANGS RGYAS THAMS CAD DANG THUN MONG MA YIN PA KUN RDZOB DANG DON DAM PA'I BDEN PA LA BRTEN NAS, SKYE BA DANG SKYE BA MED PA LA SOGS PA'I BRJOD PA DAG GIS BKA' STZAL TO, ,SLOB DPON GYIS KYANG DE BZHIN GSHEGS PA'I TSUL SKYE BA MED PA LA SOGS PA'I TSIG GIS RAB TU BSTAN PA MA NOR BAR DE BZHIN NYID THUGS SU CHUD NAS DGYES PA'I SHUGS DRAG PO YANG DAG PAR SKYES PAS, JI LTAR THUGS SU CHUD PA'I TSUL GYIS BCOM LDAN 'DAS LA MNGON PAR BSTOD DE, BSTAN BCOS MDZAD PAR BZHED NAS, THUGS RJE NYID KYI CHUS BRLAN PA'I THUGS MNGA' BAS SKYE BO RJES SU DPAG PA GTZOR 'DZIN CING KHONG DU CHUD PAR 'DOD PAS RTOGS PAR BZHED NAS, GANG GIS RTEN CING 'BREL PAR 'BYUNG, ,'GAG PA MED PA SKYE MED PA, ,CHAD PA MED PA RTAG MED PA, ,'ONG BA MED PA 'GRO MED PA, ,THA DAD DON MIN DON GCIG MIN, ,SPROS PA NYER ZHI ZHI BSTAN PA, ,RDZOGS PA'I SANGS RGYAS SMRA RNAMS KYI, ,DAM PA DE LA PHYAG 'TSAL LO, ,ZHES BYA BA GSUNGS SO, , @46B GANG GIS ZHES BYA BA NI SGRA SPYI YIN YANG 'DIS NI THUN MONG MA YIN PA'I KHYAD PAR DANG LDAN PA'I RTEN CING 'BREL PAR 'BYUNG BA STON PAR MDZAD PA NYID KYIS BRJOD PAR BZHED PA'I PHYIR BCOM LDAN 'DAS KHO NA DANG SBYAR RO, ,RTEN CING 'BREL PAR 'BYUNG ZHES BYA BA NI GANG GI PHYIR, KHYAD PAR BSTAN KYANG KHYAD PAR GYI GZHI'I MING MA BSTAN NA DE MI RTOGS PAS DE BSTAN PA YIN NO, ,RTEN CING 'BREL PAR 'BYUNG ZHES BYA BA LA, KHA CIG NA RE RTEN CING ZHES BYA BA'I TSIG GI PHRAD NI ZLOS PA'I DON YIN PA'I PHYIR DANG, 'BREL PAR ZHES BYA BA NI PHRAD PA'I DON YIN PA'I PHYIR DANG, 'BYUNG BA ZHES BYA BA'I SGRA NI SKYE BA'I DON YIN PA'I PHYIR RTEN CING 'BREL PAR 'BYUNG BA STE, DE DANG DE LA RTEN CING PHRAD NAS 'BYUNG BA'O ZHE'O, ,GZHAN DAG NA RE SO SO 'JIG PA DANG LDAN PA RNAMS KYI 'BYUNG BA NI RTEN CING 'BREL PAR 'BYUNG BA'O ZHE'O, ,GZHAN MA YIN PA NI DE YANG MI RUNG STE, MIG DANG GZUGS RNAMS LA BRTEN NAS MIG GI RNAM PAR SHES PA 'BYUNG NGO ZHES GSUNGS PA 'DI LA DON GNYI GA MED PA'I PHYIR RO, ,'O NA GANG YIN ZHE NA, 'DI YOD NA 'DI 'BYUNG LA 'DI SKYES PA'I PHYIR 'DI SKYE BA STE ZHES BYA BA RKYEN 'DI DANG LDAN PA NYID KYI DON NI, RTEN CING 'BREL PAR 'BYUNG BA'I DON TO ZHES ZER RO, ,'DIR KHA CIG NA RE, GAL TE 'BYUNG BA'I SNGA ROL DU 'BRAS BU RKYEN DANG PHRAD NAS PHYIS 'BYUNG NA NI DE'I RTEN CING 'BREL PAR 'BYUNG BA ZHES BYA BAR 'GYUR BA ZHIG NA, 'BYUNG BA'I SNGA ROL DU 'BRAS BU RKYEN DANG MI 'PHRAD DE MED PA'I PHYIR RO, ,DE LTA BAS NA RTEN CING 'BREL PAR 'BYUNG BA'I SGRA MI 'GRUB PO, ,GAL TE RTEN CING 'BREL PAR ZHES BYA BA DANG, 'BYUNG ZHES BYA BA GNYIS DUS GCIG TU KHAS LEN PAS NYES PA MED DO ZHE NA YANG RTEN CING 'BREL PAR 'BYUNG BA'I SGRA LA BYA BA GNYIS DUS GCIG NA MED DE, PAR ZHES BRJOD PA'I PHYIR DPER NA KHRU BYAS TE BZA' ZHES BYA BA BZHIN NO, ,BYED PA PO MED PAR YANG GZHI MED PA'I BYA BA MI RUNG STE, MED PA'I PHYIR MO GSHAM GYI BU 'GRO BA BZHIN NO, ZHES ZER RO, ,DE NI BZANG PO MA YIN TE, 'BRAS BU MED PA 'BYUNG BA'I MTSAN NYID KYI BYA BA KHAS LEN NA NI, RANG LA MA NGES PA'I PHYIR RO, ,YOD PA LAS 'BYUNG BA'I PHYOGS LA YANG YOD PA'I GTAN TSIGS KYI DON MA GRUB PA'I PHYIR RO, ,BYED PA PO GCIG DANG LDAN PA'I BYA BA GNYIS DUS GCIG NA YANG YOD DE, PAR @47A *, ,ZHES BRJOD PA'I PHYIR DPER NA KHA GDANGS TE NYAL ZHES BYA BA DANG, LAM KHYAB PAR BYAS TE 'GRO'O ZHES BYA BA BZHIN TE, MA NGES PA'I PHYIR RO, ,BYED PA PO YOD PA DANG MED PA LA YANG JI SKAD SMOS PA'I SKYON DU 'GYUR BA'I PHYIR RO, ,GZHAN LA YANG GRAGS PA'I GTAN TSIGS BRJOD NA NI HA CANG THAL BAR 'GYUR BA'I PHYIR RO, ,DE BSTAN PA NI LAS YIN TE, 'GAG PA MED PA SKYE MED PA, ,CHAD PA MED PA RTAG MED PA, ,'ONG BA MED PA 'GRO MED PA, ,THA DAD DON MIN DON GCIG MIN, ,ZHES BYA BA YIN NO, ,DE LA TSIG GI DON RTOGS PA MED PAR NGAG DANG RAB TU BYED PA DANG BSTAN BCOS KYI DON MI RTOGS PAS DE'I PHYIR DANG PO KHO NAR TSIG GI DON BRJOD PAR BYA'O, ,KHA CIG NA RE TSIG LA SOGS PA'I DON RNAMS NI NGAG LA SOGS PA'I DON LA PHAN PA BYED PA NYID YIN GYI TSIG GI PHYOGS GCIG NI LAM DU 'GRO BA BZHIN NO ZHES SO, ,GZHAN MA YIN PA NI TSIG LA SOGS PA NI 'DU BYED BSKYED PAS BSTAN BCOS KYI DON YAN LAG MA LUS PA KHONG DU CHUD PA LA PHAN PA BYED PA NYID DU RIGS KYI SNGAR BRTAGS PA NI MI RIGS SO ZHES ZER RO, ,'GAG PA ZHES BYA BA NI 'JIG PA'O, ,SKYE ZHES BYA BA NI 'BYUNG BA'O, ,CHAD PA ZHES BYA BA NI RGYUN CHAD PA'O, ,RTAG PA ZHES BYA BA NI DUS THAMS CAD DU GNAS PA'O, ,'ONG BA ZHES BYA BA NI TSUR 'ONG BA'O, ,'GRO ZHES BYA BA NI PHAR 'GRO BA'O, ,THA DAD CES BYA BA NI DON THA DAD PA'O, ,DON GCIG CES BYA BA NI DON THA MI DAD PA STE, GZHAN MA YIN PA ZHES BYA BA GANG YIN PA'O, ,DE LA 'GAG PA MED PA ZHES BYA BA NI 'DI LA 'GAG PA YOD PA MA YIN PA'O, ,DON GCIG MIN ZHES BYA BA'I BAR DU YANG 'DI LA YANG DON GCIG PA YOD PA MA YIN PA'O, ,DE LA KHA CIG NA RE 'GAG PA DANG SKYE BA DANG THA DAD PA NYID DANG, GCIG PA NYID BKAG PA NI DON DAM PAR RO, ,CHAD PA DANG RTAG PA BKAG PA NI THA SNYAD DU'O, ,'GRO BA DANG 'ONG BA BKAG PA NI GNYI GAR RO ZHE'O, ,GZHAN MA YIN PA NI 'DIR THAMS CAD DON DAM PAR BKAG STE, NGES PAR GZUNG BA'I PHYIR RO, ,GZHAN DU YANG MI 'GAL TE, KHYAD PAR GYI GZHI'I KHYAD PAR JI SKAD BSTAN PA LA 'GAL BA MED PA'I PHYIR DANG, MDZAD PA POS BSTAN PA NYID KYIS BZHED PA MCHOG YIN PA'I PHYIR RO ZHES ZER RO, ,SPROS PA NYER ZHI ZHES BYA BA NI BRJOD PA'I BDAG NYID MNGON PAR ZHEN @47B PA ZHI BA'I PHYIR RO, ,ZHI ZHES BYA BA NI GNOD PA THAMS CAD DANG BRAL BA'I PHYIR RAM, NGO BO NYID KYIS STONG PA'I PHYIR RO, ,BSTAN PA ZHES BYA BA NI BKA' STZAL PA'O, ,RDZOGS PA'I SANGS RGYAS ZHES BYA BA NI BCOM LDAN 'DAS TE, CHOS DANG GANG ZAG BDAG MED PA NYID YANG DAG PA PHYIN CI MA LOG PAR THUGS SU CHUD PA'I PHYIR RO, ,SMRA RNAMS KYI ZHES BYA BA NI SMRA BA NYAN THOS DANG, RANG SANGS RGYAS DANG, BYANG CHUB SEMS DPA' RNAMS KYI STE, RTEN CING 'BREL PAR 'BYUNG BA PHYIN CI MA LOG PAR STON PAR BYED PA NYID KYIS MTHO RIS DANG BYANG GROL THOB PAR BYED PA'I LAM NYE BAR STON PAR BYED PA'I PHYIR RO, ,DAM PA ZHES BYA BA NI MCHOG STE; JI SKAD SMOS PA'I KHYAD PAR PHYIN CI MA LOG PA DANG LDAN PA'I RTEN CING 'BREL PAR 'BYUNG BA GSUNGS PA'I PHYIR RO, ,DE'I PHYIR DE LA PHYAG 'TSAL LO ZHES BYA BA NI 'DUD PAR BYA BA'O, ,'DIR KHA CIG NA RE, GAL TE RTEN CING 'BREL PAR 'BYUNG NA NI JI LTAR SKYE BA MED PA YIN, JI STE SKYE BA MED NA NI RTEN CING 'BREL PAR 'BYUNG ZHES BYAR YANG MI RUNG BAS RANG GI TSIG DANG 'GAL ZHING DAM BCAS PA'I SKYON DU 'GYUR TE, DE NYID KYIS DE'I DON LA SKUR BA BTAB PA'I PHYIR, DPER NA SMRAS PA THAMS CAD BRDZUN PA ZHES BYA BA LTA BU'O ZHES ZER RO, ,DE LA GAL TE RTEN CING 'BREL PAR 'BYUNG BA THAMS CAD SKYE BA MED PA ZHES DAM 'CHA' BAR BYED NA NI SKYON DER YANG 'GYUR BA ZHIG NA, THAMS CAD CES BYA BA'I SGRAS KUN RDZOB PA'I RTEN CING 'BREL PAR 'BYUNG BA KHAS MA BLANGS PA BSDUS PA'I PHYIR DANG, DON DAM PAR RTEN CING 'BREL PAR 'BYUNG BA YOD PAR KHAS BLANGS NAS, DE LA SKUR BA GDAB PA MA BYAS PAS DE'I PHYIR GTAN TSIGS KYI DON MA GRUB PA NYID DO, ,DPER NA SBYIN PA LA SOGS PA DON DAM PAR DGE BA MA YIN YANG 'KHOR BA SDUD PA LAS DGE BA RNAMS ZHES BRJOD PA DANG, RNAM PAR SHES PA BDAG TU KHAS BLANGS NAS DON DAM PAR RNAM PAR SHES PA BDAG MA YIN NO ZHES DAM BCAS PA LA DAM BCAS PA'I SKYON DU MI 'GYUR BA LTA BU DANG; DPER NA SPRUL PA'I SKYES BU SKYE BA LA SKYES BU'I NGO BO NYID DU SKYE BA MED PA DE BZHIN DU, SGYU MA DANG SMIG RGYU LTA BU'I NANG GI SKYE MCHED KYI BDAG NYID SKYE BA YANG KUN RDZOB TU YIN GYI DON DAM PAR MA YIN PAS NYES PA MED DO, ,GZHAN DAG NA RE SKYE BA'I 'OG TU 'GAG PA DGAG PAR RIGS TE, DE SNGON DU 'GRO BA CAN YIN PA'I @48A *, ,PHYIR CHAD PA BZHIN NO ZHES ZER RO, ,'KHOR BA LA THOG MA MED PA'I PHYIR 'GAG PA SNGON DU 'GRO BA CAN GYI SKYE BA YANG PHYIS DGAG PAR KHAS MA BLANGS PAS GTAN TSIGS MA NGES PA'I SKYON YOD DO, ,'GAG PA NI SKYE BA'I RIM PA LA MI LTOS PA'I PHYIR DANG, DON BRTAG PA YIN PA'I PHYIR DANG, TSIG GZHAN DU BYAS NA YANG THAL BA MTSUNGS PAR NYE BAR GNAS PA'I PHYIR NYES PA MED DO, ,RANG GI SDE PA DAG LAS KHA CIG BSTAN BCOS BRTZAM PA DGAG PAR 'DOD PA DAG NA RE, RTEN CING 'BREL PAR 'BYUNG BA SKYE BA MED PA LA SOGS PA'I KHYAD PAR DANG LDAN PA NI 'DUS MA BYAS YIN PA'I PHYIR KHO BO CAG GI PHYOGS LA YANG GRUB PAS RTEN CING 'BREL PAR 'BYUNG BA NI, NYAN THOS DANG THUN MONG MA YIN PA NYID MA YIN TE, DE'I PHYIR BSTAN BCOS BRTZAM PA RIGS PA MA YIN NO ZHES ZER RO, ,RTEN CING 'BREL PAR 'BYUNG BA SKYE BA MED PA LA SOGS PA'I KHYAD PAR DANG LDAN PA NI DGAG PA'I TSUL GYIS STON PA'I PHYIR DANG, RTEN CING 'BREL PAR 'BYUNG BA 'DUS MA BYAS YOD PA NYID DU STON PA LA NI RJES SU DPAG PA MED PA'I PHYIR RO, ,RKYEN NGES PA LAS SKYE BA DE 'DUS MA BYAS NYID DU RTOG NA SKYE BA BKAG PA NYID KYI PHYIR DE'I CHOS NYID MI SRID PA'I PHYIR RO, ,SKYE BA NI 'DUS MA BYAS MIN TE, RGYU DANG LDAN PA'I PHYIR GNAS PA BZHIN NO, ,RJES SU DPAG PA LAS DE MED PAS MI RIGS PA MA YIN NO, ,RANG GI SDE PA DAG LAS GZHAN DAG 'DI SKAD CES SKYE BA MED PA NI DE LAS GZHAN SKYE BA MED PA'I PHYIR TE, DBANG PHYUG MA YIN PA BZHIN NO, ,'GAG PA MED PA NI MU STEGS BYED KYIS YONGS SU BRTAGS PA'I 'GAG PA MED PA'I PHYIR TE, BDAG MED PA BZHIN NO, ,CHAD PA MED PA DANG, RTAG PA MED PA NI RGYU LA BRTEN TE 'BRAS BU SKYE ZHING, 'BRAS BU SKYE BA NA RGYU 'GAG PA'I PHYIR RO, ,'ONG BA MED PA DANG, 'GRO BA MED PA NI SKYES PA'I YUL NYID DU 'JIG PA'I PHYIR RO, ,DON THA DAD PA MA YIN PA DANG, DON GCIG PA MA YIN PA NI DE NYID DANG GZHAN DU BRJOD PAR BYA BA NYID MA YIN PA'I PHYIR TE, NOR BU'AM BUD SHING NGAM NYI MA DANG PHRAD PA LAS BYUNG BA'I ME BZHIN NO, ,DE LTA BU'I RTEN CING 'BREL PAR 'BYUNG BA NI GSUNG RAB KYI TSUL YIN PAS NYAN THOS DANG THUN MONG MA YIN PA NYID MA YIN PA NYID DE, DE'I PHYIR BSTAN BCOS BRTZAM MI DGOS SO ZHES ZER RO, ,SKYE BA NYID SKYE BA MED PA'I NGO BO NYID KHO NAR STON PAS, RTEN CING @48B 'BREL PAR 'BYUNG BA SKYE BA MED PA LA SOGS PA'I KHYAD PAR DANG LDAN PA KHAS LEN PA'I PHYIR, DE NI KHYAD PAR SHIN TU CHE BAS DE'I PHYIR BSTAN BCOS BRTZAM MI DGOS PA MA YIN NO, ,SLOB DPON GYIS RTEN CING 'BREL PAR 'BYUNG BA SKYE BA MED PA LA SOGS PA THUN MONG MA YIN PA'I KHYAD PAR DANG LDAN PA DE KHO NA STON PAR MDZAD PA NYID KYIS BCOM LDAN 'DAS LA MNGON PAR BSTOD NAS, SKYE BA MED PA BSTAN NAS 'GAG PA MED PA LA SOGS PA KHYAD PAR BSTAN SLA BAR DGONGS PA NA SKYE BA MED PA DANG POR BSTAN PAR BZHED NAS, GZHAN GYIS YONGS SU BRTAGS PA'I SKYE BA RNAM PAR RTOG PA MNGON SUM DU MDZAD DO, 'DI LTAR SKYE BAR SMRA BA DAG LAS KHA CIG NI DNGOS PO RNAMS BDAG LAS SKYE'O ZHES ZER, GZHAN DAG NI GZHAN LAS SO ZHES ZER, KHA CIG NI GNYIS LAS SO ZHES ZER, GZHAN DAG NI RGYU MED PA LAS SO ZHES ZER BA DAG RIGS PA DANG LUNG DAG GIS BRTAGS PA NA SKYE BA RNAM PA THAMS CAD DU 'THAD PA MI BZOD PAR RANG LA NGES PA'I DBANG GIS; BDAG LAS MA YIN GZHAN LAS MIN, ,GNYIS LAS MA YIN RGYU MED MIN, ,DNGOS PO GANG DAG GANG NA YANG, ,SKYES BA NAM YANG YOD MA YIN, ,ZHES BYA BA GSUNGS TE, 'DI NI DAM BCAS PA'I SPYI BKOD PA YIN NO, ,DE LA RE ZHIG BDAG LAS MA YIN ZHES BYA BA CI ZHIG CE NA, SKYES PA NAM YANG YOD MA YIN, ,ZHES BYA BA LA SOGS PA STE, RE RE DANG SBYAR BAR BYA'O, ,BDAG LAS ZHES BYA BA NI BDAG NYID LAS ZHES BYA BA'I THA TSIG GO, ,DAM BCAS PA TZAM GYIS BSAMS PA'I TSIG GI DON MI 'GRUB PAS, 'DIR PHYOGS KYI CHOS NI YOD PA NYID YIN PAR GZUNG STE, 'DI LTAR BDAG LAS ZHES BYA BA NI BDAG NYID YOD PA LA SNYAD GDAGS PA'I PHYIR RO, ,DPE NI BSGRUB PAR BYA BA DANG, SGRUB PA'I CHOS KYI DBANG GIS TE BSGRUB PAR BYA BA DANG, SGRUB PA'I CHOS GRAGS PA DANG LDAN PA'I CHOS CAN GYI DPE YIN PA'I PHYIR RO, ,BDAG LAS MA YIN ZHES BYA BA'I DGAG PA 'DI NI MED PAR DGAG PA'I DON DU LTA BAR BYA STE, DGAG PA GTZO CHE BA'I PHYIR DANG, 'DI LTAR RTOGS PA MA LUS PA'I DRA BA DGAG PAS RNAM PAR MI RTOG PA'I YE SHES SHES BYA'I YUL MA LUS PA DANG LDAN PA 'GRUB PAR DGONGS PA'I PHYIR RO, ,MA YIN PA DGAG PA YONGS SU BZUNG NA NI DE SGRUB PA GTZO CHE BA'I PHYIR CHOS RNAMS MA SKYES SO ZHES SGRUB PAS SKYE BA @49A *, ,MED PA STON PA'I PHYIR MDZAD PA'I MTHA' DANG BRAL BAR 'GYUR TE, LUNG LAS GZUGS KYI SKYE BA MED PA LA SPYOD NA SHES RAB KYI PHA ROL TU PHYIN PA LA SPYOD PA MA YIN NO ZHES 'BYUNG BA'I PHYIR RO, ,'DIR DNGOS PO RNAMS BDAG LAS SKYE BA MED PA KHO NA'O ZHES NGES PAR GZUNG BAR BYA'O, ,GZHAN DU NGES PAR GZUNG NA BDAG KHO NA LAS SKYE BA MED DE, 'O NA CI ZHE NA, BDAG DANG GZHAN LAS SKYE'O ZHES BYA BAR NGES PAR 'GYUR BAS DE YANG MI BZHED DE, MDZAD PA'I MTHA' DANG BRAL BA'I PHYIR RO, ,'DIR SBYOR BA'I TSIG TU 'GYUR BA NI DON DAM PAR NANG GI SKYE MCHED RNAMS BDAG LAS SKYE BA MED PAR NGES TE, YOD PA'I PHYIR DPER NA SHES PA YOD PA NYID BZHIN NO, ,GAL TE GTAN TSIGS YOD PA NYID NI MI MTHUN PA'I PHYOGS LAS LDOG PA MA BSTAN PAS, GTAN TSIGS NYID MA YIN NO ZHE NA, MED PA KHO NA'I PHYIR DE LA LDOG PA MED PAS 'DI DANG THAMS CAD LA NYES PA MED DO, ,'DIR GRANGS CAN DAG LAS KHA CIG PHYIR ZLOG PAR BYED DE; DAM BCAS PA 'DI'I DON GANG YIN, CI BDAG LAS ZHES BYA BA 'BRAS BU'I BDAG NYID LAS SAM, 'ON TE RGYU'I BDAG NYID LAS DES CIR 'GYUR, GAL TE 'BRAS BU'I BDAG NYID LAS NA NI GRUB PA BSGRUB BO, ,'ON TE RGYU'I BDAG NYID LAS NA NI DON 'GAL BA NYID DE, SKYE BA CAN THAMS CAD NI RGYU'I BDAG NYID DU YOD PA KHO NA LAS SKYE BA'I PHYIR RO ZHE NA, DE NI BZANG PO MA YIN TE, BDAG LAS SKYE BA TZAM DGAG PA'I PHYIR RO, ,RGYU'I BDAG NYID LAS NA YANG BDAG DANG GZHAN DU GYUR PA LAS KYANG SKYE BSEL BA'I PHYIR RO, ,SHES PA YOD PA NYID NI NUS PA'I MTSAN NYID DANG LDAN PA YONGS SU GZUNG BA'I PHYIR YANG NYES PA MED DO, ,'DI LAS GZHAN NI DNGOS PO RNAMS BDAG GI BDAG NYID LAS SKYE BA MED DE, DE DAG GI SKYE BA DON MED PA NYID DU 'GYUR BA'I PHYIR DANG, SKYE BA THUG PA MED PAR 'GYUR BA'I PHYIR RO ZHES RNAM PAR BSHAD PAR BYED DO, ,DE NI RIGS PA MA YIN TE, GTAN TSIGS DANG DPE MA BRJOD PA'I PHYIR DANG, GZHAN GYIS SMRAS PA'I NYES PA MA BSAL PA'I PHYIR DANG, GLAGS YOD PA'I TSIG YIN PA'I PHYIR TE, SKABS KYI DON LAS BZLOG PAS BSGRUB PAR BYA BA DANG, DE'I CHOS BZLOG PA'I DON MNGON PAS DNGOS PO RNAMS GZHAN LAS SKYE BAR 'GYUR BA DANG, SKYE BA 'BRAS BU DANG BCAS PA NYID DU 'GYUR BA DANG, SKYE BA THUG PA YOD PAR 'GYUR BA'I PHYIR MDZAD @49B PA'I MTHA' DANG 'GAL BAR 'GYUR RO, ,GZHAN DAG NA RE DNGOS PO RNAMS BDAG LAS SKYE BA MED PA ZHES BYA BA DE RIGS PA MA YIN TE, PHYOGS SNGA MA RANG DGAR SBYAR BA LA SEL BA'I PHYIR, RI BONG GI RVA LAS 'JIG RTEN GSUM SKYE BA SEL BA BZHIN NO ZHES ZER RO, ,NUS PA DANG GSAL BA NI BDAG NYID THA MI DAD PA'I PHYIR BDAG GI BDAG NYID BZHIN TE, DE LAS SKYE BA NI BDAG LAS SKYE BA ZHES BYA BA YIN PAS PHYOGS SNGA MA GRUB BO, ,PHYOGS RNAMS RNAM PAR BRTAGS SU ZIN NA YANG MI RIGS PA BRJOD PAR BYA BA'I PHYIR DE YONGS SU BZUNG BAS NYES PA MED DO, ,DE LTAR NA RE ZHIG DNGOS PO RNAMS BDAG LAS SKYE BA MED DO, ,GZHAN LAS MIN ZHES BYA BA YANG CI ZHIG CE NA, DNGOS PO GANG DAG GANG NA YANG, ,SKYE BA NAM YANG YOD MA YIN, ,ZHES BYA BA'I SKABS YIN NO, ,GZHAN LAS ZHES BYA BA NI PHA ROL LAS ZHES BYA BA'I THA TSIG GO, ,DGAG PA'I DON RGYAS PA DANG BCAS PA NI SNGA MA BZHIN NO, ,'DIR YANG GZHAN GYI BDAG NYID CHOS NYID YIN PAS PHYOGS KYI CHOS MNGON NO, ,DPE NI DE'I DBANG GIS SO, ,'DIR SBYOR BA'I TSIG NI DON DAM PAR NANG GI SKYE MCHED RNAMS DE DAG GI RKYEN GZHAN DAG LAS SKYE BA MED DE, GZHAN YIN PA'I PHYIR, DPER NA BUM PA BZHIN NO, ,YANG NA DON DAM PAR GZHAN BRJOD PAR 'DOD PA MIG LA SOGS PA NANG GI SKYE MCHED 'GRUB PAR BYED PA DAG RKYEN MA YIN PAR NGES TE, GZHAN YIN PA'I PHYIR DPER NA RGYU SPUN LA SOGS PA BZHIN NO, ,JI STE GZHAN YIN PA'I PHYIR ZHES BYA BA DE GTAN TSIGS SU MI RUNG STE, DAM BCAS PA'I DON GYI PHYOGS GCIG YIN PA'I PHYIR DPER NA SGRA RTAG STE, SGRA YIN PA'I PHYIR RO ZHES BYA BA BZHIN NO ZHE NA, DE NI BZANG PO MA YIN TE, SNYAN TSIG GI SGRA MI RTAG STE, SGRA YIN PA'I PHYIR DPER NA RNGA BO CHE'I SGRA BZHIN NO ZHES BYA BAS DAM BCAS PA'I DON GYI PHYOGS GCIG GTAN TSIG NYID DU GRUB PA MTHONG BAS GTAN TSIGS MA NYES PA NYID DO, ,BYE BRAG DAG LAS GZHAN RDUL PHRA RAB KHO NA LAS RDUL PHRA MO GNYIS LA SOGS PA'I RIM GYIS SA DANG, CHU DANG ME DANG RLUNG GI RNAM GRANGS CHA SHAS CAN GYI RDZAS SKYE BA 'GRUB PA MNGON PAR 'DOD PA DAG GIS PHYIR ZLOG PAR BYED DE, GZHAN YIN PA'I PHYIR ZHES BYA BA'I GTAN TSIGS KYI DON YON TAN YIN PAR RTOG NA NI, DON RANG LA MA GRUB PA NYID DO, ,DE LAS GZHAN PA'I DON YIN PAR RTOG NA NI GRAGS @50A *, ,PA'I GNOD PAR 'GYUR RO ZHE'O, ,DE NI BZANG PO MA YIN TE, GZHAN GYI BLO'I RGYU SPYI BO'I CHOS GRUB PA KHO NA STE, GTAN TSIGS NYID SPYIR BRJOD PA'I PHYIR DANG, DE YON TAN NYID DAM GZHAN NYID YIN PAR SEMS PA YANG SEMS PA GZHAN YIN PA'I PHYIR RO, ,GRAGS PA'I GNOD PAR YANG MI 'GYUR TE, DAM BCAS PA KHYAD PAR CAN YIN PA'I PHYIR RO, ,DON DAM PAR SA'I RDUL PHRA RAB DAG SA ZHES BYA BA'I RDZAS RTZOM PAR BYED PA MA YIN TE, RDUL PHRA RAB YIN PA'I PHYIR DPER NA ME'I RDUL PHRA RAB DAG BZHIN NO, ,DE BZHIN DU ME'I RDUL PHRA RAB DAG KYANG ME'I RDZAS RTZOM PAR BYED PA MA YIN TE ZHES BYA BA LA SOGS PA YANG BRJOD PAR BYA'O, ,CHOS MNGON PA LA GZHAN DAG NA RE, GZHAN NYID CES BYA BA GAL TE 'BRAS BU'I NUS PAS STONG PA NYID LA BYA NA NI GTAN TSIGS KYI DON MA GRUB PA NYID DO, ,GAL TE DES MI STONG PA NYID LA BYA NA NI DPE SGRUB PA'I CHOS DANG MI LDAN PAR 'GYUR RO ZHES ZER RO, ,GZHI GZHAN LA LTOS PA GZHAN NYID KYI BLO BSKYED PA SPYI'I CHOS SPYIR BRJOD PA'I PHYIR, LTAG CHOD DE NI MA GRUB PA LTAR SNANG BA DANG, SGRUB PA DANG MI LDAN PA LTAR SNANG BA YIN NO, ,GZHAN DAG NA RE, DON DAM PAR PHYI DANG NANG GI SKYE MCHED RNAMS KHAS MA BLANGS PA'I PHYIR CHOS CAN MA GRUB PAS GZHI MA GRUB PA'I PHYIR KHYOD KYI DON MA GRUB PA NYID KYI SKYON DU 'GYUR RO ZHES ZER RO, ,THA SNYAD DU DE'I GZHI BUM PA DANG MIG LA SOGS PA SKYE MCHED RNAMS DANG, GZHAN NYID KHAS BLANGS PA'I PHYIR JI SKAD SMRAS PA'I SKYON MI 'THAD PAS DE NI RIGS PA MA YIN NO, ,'DI LA GZHAN NI DNGOS PO RNAMS GZHAN LAS KYANG SKYE BA MED PA STE, CI'I PHYIR ZHE NA, THAMS CAD LAS THAMS CAD SKYE BAR THAL BAR 'GYUR BA'I PHYIR RO ZHES RNAM PAR BSHAD PA BYED DO, ,DES NA DE LA GLAGS YOD PA'I TSIG YIN PA'I PHYIR BSGRUB PAR BYA BA DANG, SGRUB PA BZLOG PA BYAS NA DNGOS PO RNAMS BDAG GAM GNYIS SAM RGYU MED PA LAS SKYE BAR 'GYUR BA DANG, 'GA' ZHIG LAS 'GA' ZHIG SKYE BAR 'GYUR BA'I PHYIR PHYOGS SNGA MA DANG 'GAL BAR 'GYUR RO, ,GZHAN DU NA YANG THAMS CAD LAS THAMS CAD SKYE BAR THAL BAR 'GYUR BA'I PHYIR RO ZHES BYA BA DE LA SGRUB PA DANG SUN DBYUNG BA GNYIS MED PA'I PHYIR, DE NI DON 'BREL BA MED PA YIN TE, DPER NA, GLA SGANG SLO TRES SGYU RUR DAG RIMS LA PHAN, ,SMAD 'TSONG RNAMS LA SNYING DU SDUG PA 'GA' YANG MED, ,SMYIG @50B PA'I SKYIG MA MDE'U DAG NI LCI ZHING KHA BAG YOD, ,ZLA BA'I 'OD ZER DAG NI TSA BA'I DUS NA BSIL, ,ZHES BYA BA LTA BUR 'GYUR RO, ,DES NA DE LTAR DNGOS PO RNAMS GZHAN LAS SKYE BA MED DO, ,GRANGS CAN DAG NI BYED RGYU RNAM PAR PHYE BA DANG, RNAM PAR MA PHYE BAS SA LA SOGS PA DANG, SA BON GYI MTSAN NYID DAG LAS 'BRAS BU MYU GU ZHES BYA BA SKYE'O ZHES SMRA ZHING GNYIS LAS SKYE BAR SEMS PAS DE'I PHYIR DE DAG LA GNYIS LAS MA YIN ZHES BYA BA 'DI BKA' STZAL TE, BDAG DANG GZHAN GNYIS LAS MA YIN, ,ZHES BYA BA'I THA TSIG GO, ,DGAG PA'I DON NI SNGA MA BZHIN NO, ,CI ZHIG CE NA, DNGOS PO GANG DAG GANG NA YANG; ,SKYES PA NAM YANG YOD MA YIN, ,ZHES BYA BA'I SKABS YIN NO, ,CI'I PHYIR ZHE NA, PHYOGS GNYIS KAR BSTAN PA'I SGRUB PA DAG GIS GTAD KHUNGS SU CHUD PAR 'GYUR BA'I PHYIR DANG, GNYIS LAS SKYE BAR STON PA'I RJES SU DPAG PA MED PA'I PHYIR YANG NGO ZHES BYA BAR YANG DGONGS SO, ,GCER BUR RGYU BA PA'I PHYOGS DGAG PA'I PHYIR YANG, GNYIS LAS MA YIN ZHES BYA BA LA SOGS PA 'DI BKA' STZAL TE, 'DI LTAR DE DAG NI GSER GYI SOR GDUB NI GSER DANG, ME LA SOGS PA LAS BDAG DANG GZHAN LAS SKYE BAR SMRA BA'I PHYIR RO, ,DE'I PHYIR DE LTAR GNYIS LAS MA YIN NO, ,DA NI RGYU MED MIN ZHES BYA BA BRJOD PAR BYA STE, RGYU MED PAR ZHES BYA BA'I THA TSIG GO, ,CI ZHIG CE NA, DNGOS PO GANG DAG GANG NA YANG, ,SKYES PA NA MA YANG YOD MA YIN, ,ZHES BYA BA'I SKABS YIN NO, ,CI'I PHYIR ZHE NA, DE STON PA'I RJES SU DPAG PA MED PA'I PHYIR DANG, RJES SU DPAG PA DANG, GRAGS PA'I GNOD PAR 'GYUR BA'I SKYON YOD PA'I PHYIR YANG NGO ZHES BYA BAR DGONGS SO, ,DE LA RJES SU DPAG PA'I GNOD PA NI KUN RDZOB TU KHAS BLANGS PA NANG GI SKYE MCHED KYI DNGOS PO RNAMS RGYU MED PA LAS SKYE BA MED DE, SPYI DANG KHYAD PAR NYID DANG LDAN PA'I PHYIR, DPER NA MYU GU BZHIN NO, ,GRAGS PA'I GNOD PA NI 'JIG RTEN 'DI NA YOD PA GANG YIN PA DE NI RGYU LAS SKYE BAR GRAGS TE, DPER NA RGYU SPUN DAG LAS SNAM BU DANG, RTZI RKYANG DAG LAS SA BA MA SKYE BA LA SOGS PA BZHIN NO, ,YANG NA RGYU MED CES BYA BA NI RGYU NGAN PA STE, CHUNG MA MED PA ZHES BYA BA LA SOGS PA BZHIN NO, ,RGYU NGAN PA GANG ZHE NA, NGO BO NYID DANG, DBANG PHYUG DANG, SKYES BU DANG, GTZO BO DANG, DUS DANG, SRED MED @51A *, ,KYI BU LA SOGS PA STE, YANG DAG PA MA YIN PA'I PHYIR RO, ,DNGOS PO RNAMS RGYU MED PA DE LAS SKYE BA MED DE, DE LAS SKYE BAR STON PA'I RJES SU DPAG PA MED PA'I PHYIR DANG, RJES SU DPAG PA'I GNOD PAR 'GYUR BA'I PHYIR YANG NGO ZHES BYA BAR DGONGS SO, ,DE LA RE ZHIG NGO BO NYID DU SMRA BA DAG NA RE, NANG GI SKYE MCHED RNAMS NGO BO NYID LAS SKYE BAR DAM BCA' STE, LUS SNA TSOGS 'GRUB PA'I PHYIR DPER NA PADMA DAG GI KHA DOG DANG, DBYIBS DANG, LO MA DANG, CHU BA DANG, 'DAB MA DANG, ZE BA DANG, SNYING PO MDZES PA LTA BU DANG, RMA BYA DAG GI MGRIN PA'I PHYOGS RIN PO CHE MTHON KA CHEN PO DANG, AAN DA RNYIL LTAR MTHON MTHING DU 'DUG LA, MJUG SGRO'I TSOGS DAG GI MDONGS BKRA ZHING 'TSER BAG YOD PA BZHIN NO ZHES ZER RO, ,DES NA DE LA DAM BCAS PA'I DON DE GAL TE KUN RDZOB TU NANG GI SKYE MCHED KUN RDZOB PA'I SHES PA'I SPYOD YUL RNAMS BYED PA PO RANG DBANG CAN GYI BYA BA LA MI LTOS PA'I PHYIR DANG, SUS KYANG MA BYAS PA KHO NA'I PHYIR; RKYEN NGES PA LAS SKYE BA YIN NA NI GRUB PA LA SGRUB BO, ,JI STE DON DAM PAR NA NI DPE MED DE, DON DAM PAR PADMA LA SOGS PA SKYE BAR KHAS MA BLANGS PA'I PHYIR RO, ,RGYU MED PAR SMRA BA DAG KHO BO'I PHYOGS NI THAMS CAD RGYU MED PA LAS 'GRUB PAR 'DOD LA, BSGRUB PAR BYA BA NI GTAN TSIGS KYIS 'GRUB PAR 'DOD NA NI PHYOGS SNGA MA DANG 'GAL LO, ,JI STE RGYU YOD PAR SMRA BA LA GTAN TSIGS MED PAR BSTAN PAR MI NUS PAS KLA KLO LA KLA KLO'I SKAD BZHIN TE, DES NA GTAN TSIGS SBYAR KYANG PHYOGS SNGA MA'I GNOD PA MED DO ZHE NA, SKAD GZHAN DU BSGYUR KYANG JI LTAR RTOGS PA'I RTAGS KHO NAS RTAGS CAN GYI DON STON PA'I PHYIR DPER NA KLA GROL PHYOGS 'DI NA DU BA LAS ME YOD DO ZHES STON PAR BYED PA DE LA RTAGS RTOGS PA SKYE BA'I THABS THA DAD PA BZHIN PAS DE NI LAN DU MI RUNG NGO, ,'JUG STOBS CAN DAG NA RE MER MER PO DAG DANG MYU GU LA SOGS PA NI RKYEN MED PA LAS SKYE LA BUM PA LA SOGS PA RKYEN DANG BCAS PA LAS SKYE BAS, NGO BO NYID LAS SKYE BA MA YIN PA'I PHYIR DNGOS PO THAMS CAD NGO BO NYID LAS SKYE BA MED DO ZHES BYA BA'I GRUB PA LA SGRUB BO ZHES ZER RO, ,THAMS CAD LAS THAMS CAD SKYE BA BGAG PA'I PHYIR DE NI RIGS PA MA YIN NO, ,DE LTAR RE ZHIG NGO BO NYID LAS SKYE BA MED DO, ,DBANG PHYUG RGYUR 'DOD PA DAG NA RE, GANG ZHIG PHRAR GYUR GCIG PU SKYE GNAS 'DUG ,DE YIS @51B 'DI KUN SKYE ZHING 'JIG PAR BYED, ,DE NI DBANG DAG MCHOG SBYIN LHA MCHOD BYA, ,YON TAN BYED PA SHIN TU ZHI BA THOB, ,SKYE BA PO 'DI SHES PA YOD MIN TE, ,BDAG GI BDE SDUG BDAG LA RANG DBANG MED, ,DBANG PHYUG GIS BTANG YANG NAG YANG SA'AM, ,MTHO RIS DAG TU 'GRO BA KHO NAR 'GYUR, ,ZHES ZER RO, ,DE NI DAM BCAS PA TZAM STE, DBANG PHYUG NI KUN RDZOB TU YANG 'GRO BA MTHA' DAG SKYE BA'I RGYU YIN PAR MI RUNG STE, LA LA'I DGA' BA DANG, YONGS SU GDUNG BA'I RGYU YIN PA'I PHYIR DPER NA BA LANG RDZI BZHIN NO, ,YANG NA 'GRO BA NI RGYU BYED PA PO DBANG PHYUG CES BYA BA GCIG PU DANG LDAN PA MA YIN PAR NGES TE, GZHAL BYA YIN PA'I PHYIR DPER NA DBANG PHYUG BZHIN PAS KUN RDZOB TU YANG DNGOS PO RNAMS DE LAS SKYE BA MED DO, ,DBANG PHYUG RGYU YIN NA YANG 'BRAS BU BDAG GI BDAG NYID DAM, GZHAN DU GYUR PA'AM, GNYI GAR GYUR PA ZHIG 'GYUR GRANG NA, GANG YANG RUNG BA GCIG TU RTOG NA YANG DGAG PA SNGAR SMRAS PA'I PHYIR DANG, YOD PA DANG MED PA SKYE BA YANG 'GOG PAR 'GYUR BA'I PHYIR DON DAM PAR DNGOS PO RNAMS DBANG PHYUG LAS SKYE BA MED DO, ,JI STE SEMS CAN DANG SNOD DU BGRANG BA'I 'JIG RTEN SNA TSOGS KYI RGYU'I LAS DBANG PHYUG CES BYA STE, GNAS PA DANG, 'BYUNG BA DANG, 'JIG PA DANG, BDE BA DANG, SDUG BSNGAL BA DANG, YAR SKYE BA DANG, MAR 'BRI BA SKYED PAR BYED PA'I PHYIR RO ZHE NA YANG THA SNYAD KYI PHYOGS LA NI GRUB PA LA SGRUB PA YIN NO, ,DON DAM PAR NI MA YIN TE, DON DAM PAR LAS KYI SKYE BA YANG KHAS MA BLANGS PA'I PHYIR RO, ,SKYES BU RGYUR 'DOD PA DAG KYANG SKYES BU NYID 'GRO BA MTHA' DAG SKYE BA'I RGYU YIN NO ZHES DAM BCAS NAS, PA NI BA SGRA RNAMS KYI BZHIN; ,CHU SHEL CHU RNAMS KYI BZHIN DANG, ,BLAG SHA YAL GA RNAMS KYI BZHIN, ,DE NI LUS CAN KUN GYI RGYU, ,DE BZHIN DU SKYES BU NYID NI BYUNG BA GANG YIN PA DANG, 'BYUNG BA GANG YIN PA 'DI THAMS CAD KYI'O ZHES BYA BA LA SOGS PA DANG, DE BZHIN DU DE NI G-YO BAR BYED PA DANG, DE NI G-YO BAR MI BYED PA DANG; DE NI THAG RING BA DANG, DE NI THAG NYE BA DANG, DE NI BAR MA DANG, DE NI GNYI GA DANG, DE NI PHYI ROL THAMS CAD KYI'O ZHES BYA BA LA SOGS PA'O ZHE NA, 'DIR 'GAG PA NI DBANG PHYUG RGYUR 'DOD PA DAG GI BZHIN DU BYA'O, ,LHAG PAR YANG BRJOD PAR BYA STE, LHAS BYIN GYI BDAG NI LHAS BYIN GYI LUS DANG, DBANG @52A *, ,PO'I RGYU MA YIN TE, BDAG YIN PA'I PHYIR DPER NA MCHOD SBYIN GYI BDAG BZHIN NO, ,YANG NA MCHOD SBYIN GYI LUS DANG, DBANG PO'I TSIGS KYI BYED PA PO NI MCHOD SBYIN GYI BDAG MA YIN TE, BDE BA DANG, SDUG BSNGAL DANG, SHES PA SKYE BA'I RGYU YIN PA'I PHYIR DPER NA, LHAS BYIN GYI LUS DANG DBANG PO'I TSOGS BZHIN NO, ,YANG NA BCINGS PA'I BDAG NI, KUN GYI RGYU MA YIN TE, BDAG YIN PA'I PHYIR GROL BA'I BDAG BZHIN PAS, CHOS KYI RANG GI NGO BO BSAL BAS RANG GI DAM BCAS PA'I SKYON DU 'GYUR RO, ,GAL TE GTAN TSIGS KYI DON BDAG YIN PA'I PHYIR ZHES BYA BA DAM BCAS PA'I DON GYI PHYOGS GCIG YIN PA'I PHYIR MA GRUB BO ZHE NA, LAN BTAB ZIN PAS NYES PA MED DO, ,GANG DAG 'DI LTAR KHO BO CAG GI BDAG NI GCIG PU KHO NA YIN TE, DE LA BUM PA LA SOGS PA'I NAM MKHA' THA DAD PAR NYE BAR GDAGS PA BZHIN DU, DU MA NYID DU NYE BAR BRTAGS PAS DES NA, DPE MED PA'I PHYIR RJES SU DPAG PA'I GNOD PA YANG MED LA, DAM BCAS PA'I SKYON DU YANG MI 'GYUR RO ZHES ZER NA, DE NI BZANG PO MA YIN TE, NAM MKHA' NI MA SKYES PAS NAM MKHA'I ME TOG BZHIN DU, DNGOS PO NYID MED PA KHO NA'I PHYIR GCIG PA NYID DU GRUB PA NI TSIG TZAM DU ZAD PA'I PHYIR DANG, THA SNYAD DU YANG SPYIR KHAS BLANGS PA'I BDAG GCIG PA NYID DU STON PA'I RJES SU DPAG PA MED PA'I PHYIR RO, ,CI STE BCINGS PA'I BDAG NI GROL BA'I BDAG LAS GZHAN MA YIN TE, BDAG YIN PA'I PHYIR GROL BA'I BDAG BZHIN NO ZHE NA, PHUNG PO'I LHAG MA MED PA'I MYA NGAN LAS 'DAS PA'I DBYINGS NA GROL BA'I BDAG YOD PA NYID DANG, GCIG PA NYID MA GRUB PA'I PHYIR JI SKAD SMRAS PA'I SKYON MED PAR MI 'GYUR RO, ,DPYAD PA RGYAS PA NI BDAG BRTAG PA'I RAB TU BYED PAR MDZAD PAR 'GYUR RO, ,RANG BZHIN RGYUR 'DOD PA DAG NI TSANGS PA LA SOGS PA MYU GU'I MTHAR THUG PA CAN GYI GSAL BA RNAMS SKYE BA'I RGYU RANG BZHIN YIN PAR KHAS BLANGS NAS, DE DAG NA RE, NANG GI BYE BRAG RNAMS KYI RGYU NI BDE BA DANG, SDUG BSNGAL DANG, GTI MUG YIN PAR NGES TE, DE DANG LDAN PA'I PHYIR 'DI LTAR 'JIG RTEN NA YANG GANG ZHIG GANG DANG LDAN PAR GYUR PA DE NI DE'I RGYU CAN YIN PAR SHES TE, DPER NA TZAN DAN GYI ZHOGS MA DANG, GYO MO DANG, SNOD DANG, RGYAN LA SOGS PA BZHIN NO, ,DE BZHIN DU NANG GI BYE BRAG RNAMS KYANG BDE BA DANG, @52B SDUG BSNGAL DANG, GTI MUG DANG LDAN PAS DE'I PHYIR JI SKAD SMRAS PA'I GTAN TSIGS KYIS NA NANG GI BYE BRAG RNAMS KYI RGYU NI BDE BA DANG, SDUG BSNGAL DANG GTI MUG YIN NO, ,GZUGS DANG, 'DU SHES DANG, 'DU BYED DANG, RNAM PAR SHES PA'I MTSAN NYID KYI PHUNG PO RNAMS KYANG BDE BA DANG, SDUG BSNGAL DANG, GTI MUG GI NGO BO NYID YIN PAR GZUNG BAR BYA STE, PHUNG PO YIN PA'I PHYIR TSOR BA'I PHUNG PO BZHIN PAS DE'I PHYIR GTAN TSIGS KYI DON MA GRUB PA YANG MA YIN NO ZHES ZER RO, ,DE LA 'DIR TZAN DAN LA SOGS PA DON DAM PAR MA GRUB PAS DPE MED DO, ,THA SNYAD DU YANG GTI MUG NI 'DU BYED KYI PHUNG POR GTOGS PAS DPE MA GRUB BO, ,BDE BA DANG, SDUG BSNGAL DAG LAS GZHAN PA SHES PA YOD PA NYID MA YIN PA'I CHOS RNAMS NI BDE BA DANG, SDUG BSNGAL GYI NGO BO NYID MA YIN PAR NGES TE, GZHAL BYA YIN PA'I PHYIR DPER NA SHES PA BZHIN PAS DE'I PHYIR DE NI RJES SU DPAG PAS KYANG RIGS PA MA YIN NO, ,SHES PA SPYIR GRUB PA KHO NA LAS DPE NYID BLANGS PAS DPE MED PA YANG MA YIN NO, ,GTZO BO NI CHEN PO LA SOGS PA DE KHO NA'I RGYU MA YIN TE, MI GSAL BA'I PHYIR DPER NA SKYES BU BZHIN PAS RANG BZHIN RGYUR 'DOD PA DAG GI RANG GI RJES SU DPAG PA LA GNOD DO, ,JI STE MI GSAL BA'I PHYIR ZHES BYA BA GTAN TSIGS KYI DON GAL TE GSAL BA'I SNGON ROL GYI GNAS SKABS LA BYA NA NI DPE SGRUB PA'I CHOS DANG MI LDAN PA'I SKYON DU 'GYUR LA, GAL TE SHES PA YOD PA NYID LA BYA NA NI GTAN TSIGS KYI DON MI 'GRUB BO ZHE NA, DE NI BZANG PO MA YIN TE, GTAN TSIGS SPYIR BRJOD PA'I PHYIR RAM, BYE BRAG TU BRJOD NA YANG MJUG SDUD PA'I PHYIR GCIG TU BYED PA'I PHYIR LTAG CHOD DE NI MA GRUB PA LTAR SNANG BA YIN NO, ,RANG BZHIN DANG, DUS DANG, SRED MED KYI BU RGYUR 'DOD PA DAG SPYIR DGAG PA YANG DBANG PHYUG BZHIN DU BLTA BAR BYA'O, ,DES NA DE LTAR DNGOS PO RNAMS RGYU MED PA LAS KYANG SKYE BA MED DO, ,GRANGS CAN DAG LAS KHA CIG NA RE, BDAG LAS MA YIN GZHAN LAS MIN, ,GNYIS LAS MA YIN RGYU MED MIN, ,DNGOS PO GANG DAG GANG NA YANG, ,SKYES PA NAM YANG YOD MA YIN, ,ZHES BYA BA LA SOGS PA SMRAS PA GANG YIN PA DE MA SKYES PA NI BDEN MOD KYI, 'ON KYANG GSAL BAR BYED DO ZHES ZER RO, ,DE DAG LA 'DI SKAD CES DRI BAR BYA STE, GANG DAG CIG JI LTAR GSAL BAR BYED, GAL TE DPER NA @53A *, ,MAR MES BUM PA LA SOGS PA BZHIN NO ZHE NA, BUM PA LA SOGS PA MA SKYES PA DAG MAR ME MA SKYES PAS JI LTAR GSAL BAR BYED, RTA'I RVA MA SKYES PA NI NAM YANG GSAL BAR BYAR MI RUNG NGO, ,THA SNYAD KYI BDEN PA'I LUGS RNAM PAR GZHAG PA'I PHYIR DE DAG YOD PAR KHAS BLANGS NA YANG SMRA BAR BYA STE, MAR MES BUM PA LA CI ZHIG BYED, GAL TE GZUNG BAR BYED NA NI DE SNGON MED PAS DE NYID BYED PA YIN NO, ,'ON TE MIG GI RNAM PAR SHES PA'I GZUNG BA NYID DU BYED NA NI MUN PA DANG BCAS PA NA SNGON MED PAS DE NYID BYED PA YIN NO, ,JI STE BUM PA BZUNG BA LA BAR CHAD BYED PA'I MUN PA SEL BAR BYED NA YANG DE NYID BYED PA YIN NO, ,'ON TE GZUNG BA YIN NA NI DE NYID SNANG BA YIN PAS YANG MAR MES CI ZHIG BYA, KHO BO CAG GI PHYOGS LA BUM PA ZHES BYA BA YANG 'BYUNG BA DANG, 'BYUNG BA LAS GYUR PA'I TSOGS YIN TE, MAR ME BYUNG BA NA SNANG BA DANG LHAN CIG TU SKYE BAS DE'I PHYIR THA SNYAD DU YANG DNGOS PO RANG GI RGYU LAS RGYUN GYIS 'BYUNG BA'I BYED PA'I RGYU NYID YIN TE, SNANG BA DANG LHAN CIG TU 'BYUNG BA'I RGYU YIN PA'I PHYIR GSAL BAR BYED PA NYID YIN PAR BSAMS SO, ,DON DAM PAR NI SKYE BA DGAG PA BZHIN DU GSAL BA DGAG PA YANG MTSUNGS TE, MI GSAL BA NI GSAL BAR MI BYED DE, CHEN PO LA SOGS PA MI GSAL BA'I PHYIR DPER NA NAM MKHA'I ME TOG BZHIN NO, ,DES NA DE LTAR GSAL BA YANG BZANG PO MA YIN NO, ,'DI LA GZHAN NI DNGOS PO RNAMS RGYU MED PA LAS KYANG SKYE BA MED DE, RTAG TU THAMS CAD LAS THAMS CAD SKYE BAR THAL BA LA SOGS PAR 'GYUR BA'I PHYIR RO ZHES RNAM PAR BSHAD PA BYED DO, ,DE LA YANG GLAGS YOD PA'I TSIG YIN PA'I PHYIR GAL TE, BSGRUB PAR BYA BA DANG, SGRUB PA BZLOG PA'I TSIG GI DON MNGON PAR 'DOD NA DES 'DI SKAD BSTAN PAR 'GYUR TE, DNGOS PO RNAMS RGYU LAS SKYE BAR 'GYUR BA DANG, LAN 'GA' KHA CIG LAS KHA CIG SKYE BAR 'GYUR BA DANG, RTZOM PA 'BRAS BU DANG BCAS PA NYID DU 'GYUR BA'I PHYIR DE NI MI RIGS TE, SNGAR SMRAS PA'I SKYON DU 'GYUR PA'I PHYIR RO, ,JI STE GZHAN DU NA YANG DON 'BREL PA MED PA YIN TE, SNGA MA BZHIN NO, ,DES NA DE LTAR RGYU MED PA LAS KYANG MA YIN NO, ,DNGOS PO GANG DAG GANG NA YANG, ,SKYES PA NAM YANG YOD MA YIN, ,ZHES BYA BA NI SO SOR SBYAR BAR BYA'O, ,GANG DAG CES BYA BA NI KUN NAS NYON MONGS PA DANG, RNAM PAR BYANG BA'I @53B DNGOS PO DAG GO, ,GANG NA YANG ZHES BYA BA NI RANG GI MDZAD PA'I MTHA' DANG, SO SO'I RGYUD GRUB PA DAG NA YANG NGO, ,NAM YANG ZHES BYA BA NI LAN 'GA' YANG NGO, ,DE'I PHYIR RTEN CING 'BREL PAR 'BYUNG BA SKYE BA MED PA LA SOGS PA MU STEGS BYED LA SOGS PA DANG THUN MONG MA YIN PA'I KHYAD PAR DANG LDAN PA 'GRUB BO, ,DA NI RANG GI SDE PA DAG GIS SMRAS PA, RKYEN RNAM BZHI STE RGYU DANG NI, ,DMIGS PA DANG NI DE MA THAG ,BDAG PO YANG NI DE BZHIN TE, ,STON PAS MDO SDE DANG CHOS MNGON PA'I BSTAN BCOS LAS, RANG DANG GZHAN GYI GZHUNG LUGS DANG, LHA YUL DANG, SA'I STENG DAG TU BKA' STZAL TO, ,RKYEN LNGA PA NI YOD MA YIN; ,SDE PA GZHAN GYIS YONGS SU BRTAGS PA'I RKYEN MDUN DU SKYES PA DANG, YOD PA DANG, MED PA RNAMS KYANG 'DI DAG NYID DU 'DUS PA'I PHYIR RO, ,DE LA RGYU'I RKYEN NI LHAN CIG 'BYUNG BA DANG, SKAL BA MNYAM PA DANG MTSUNGS PAR LDAN PA DANG, KUN TU 'GRO BA DANG, RNAM PAR SMIN PA ZHES BYA BA NI RGYU LNGA PO DAG GO, ,DMIGS PA'I RKYEN NI CHOS THAMS CAD DO, ,DE MA THAG PA'I RKYEN NI SEMS DANG SEMS LAS BYUNG BA SKYES PA RNAMS LAS THA MA MA GTOGS PA'O, ,BDAG PO'I RKYEN NI BYED PA'I RGYU STE, BZHI PO GZHAN DU GYUR PA DE DAG KHO NA LAS SKYE BAR 'DOD DO, ,DE LA BSTAN BCOS BYED PAS DNGOS PO RNAMS GZHAN LAS SKYE BA MED DE ZHES DAM BCAS PAR GYUR PA GANG YIN PA DE NI KHAS BLANGS PA LA GNOD PAR 'GYUR RO, ,DE'I PHYIR BSHAD PA, DNGOS PO RNAMS KYI RANG BZHIN NI, ,RKYEN LA SOGS PA YOD MA YIN, ,ZHES BYA BA LA SOGS PA STE, DNGOS PO RNAMS KYI ZHES BYA BA NI MIG LA SOGS PA RNAMS KYI'O, , RANG BZHIN NI ZHES BYA BA NI RANG GI BDAG NYID DO, ,RKYEN LA SOGS PA ZHES BYA BA NI KHU CHU DANG KHRAG LA SOGS PA LA'O, ,SOGS PA ZHES BYA BA'I SGRA'I SBYOR BAS NI TSOGS DANG DBANG PHYUG LA SOGS PA GZHAN YANG BSDU'O, ,YOD PA MA YIN ZHES BYA BA NA DGAG PA'O, ,DE MED PA'I PHYIR RKYEN DE DAG SU'I GZHAN DU 'GYUR, DE YOD DU ZIN NA YANG DE LAS SKYE BA MED DE, RJES SU DPAG PA'I GNOD PA SMRAS ZIN PA'I PHYIR DE LA GNOD PAR MI 'GYUR RO, ,GANG DAG SGRUB PA'I DON YANG DAG PA MA YIN PAR TSOD DPAGS SU BRTAGS NAS KHO BO CAG NI DNGOS PO RNAMS GZHAN DAG LAS SKYE BA KHO NA YIN NO ZHES NI NGES PAR MI 'DZIN GYI, GANG DAG SKYE BA DE DAG NI @54A *, ,GZHAN KHO NA LAS YIN GYI, BDAG LAS MA YIN PAR NGES PAR 'DZIN PAS DES NA RKYEN MA YIN PA DAG LAS GZHAN NYID YOD DU ZIN KYANG SKYE BA MED DO ZHES ZER NA DE LAS GAL TE TSIG DE BDAG LAS SKYE BA DGAG PA LHUR LEN PA YIN NA NI 'DOD PA SGRUB PA YIN NO, ,'ON TE MA SKYES PA RNAMS GZHAN LAS SKYE BAR STON PA LHUR LEN PA YIN NA NI, DE LTA NA YANG BRGAL ZHING BRTAG PA MTSUNGS PA'I SKYON DU 'GYUR BA'I PHYIR, DE YANG MI RUNG NGO, ,JI STE GZHAN LAS SKYE BA MED PA KHO NA'O ZHES BYA BA DE LAS GZHAN SKYE BA DGAG PA YIN NA NI DPE SGRUB PA YIN NO, ,DE LTA NA DES NI MIG LA SOGS PA KHU CHU DANG KHRAG LA SOGS PA RKYEN RNAMS LA MED PA NYID DANG, MIG LA SOGS PA'I RKYEN RNAMS KYANG DE DAG GIS STONG PA NYID KYI CHOS SMRAS PA YIN NO, ,BDAG GI DNGOS PO YOD MIN NA, ,GZHAN GYI DNGOS PO YOD MA YIN, ,RKYEN LA SOGS PA LA BDAG GI DNGOS PO YOD PA MA YIN NA'O, ,GZHAN GYI DNGOS PO NI GZHAN DAG LAS 'BYUNG NGO, ,'BYUNG BA NI SKYE BA STE RKYEN RNAMS LA MED DO, ,DES NI BSGRUB PAR BYA BA'I DON BSTAN TO, ,DE LTAR NA 'DIR YANG SNGA MA BZHIN DU DPE MNGON PAS 'BRAS BU DANG, RKYEN PHYOGS SU BYAS PA LAS SBYOR BA'I TSIG GNYIS SU 'GYUR TE, DON DAM PAR MIG LA SOGS PA SKYE MCHED RNAMS KHU CHU DANG KHRAG LA SOGS PA RKYEN RNAMS LAS SKYE BA MED DE, DE DAG LA MED PA'I PHYIR DPER NA BUM PA BZHIN NO, ,DE BZHIN DU DON DAM PAR KHU CHU DANG KHRAG LA SOGS PA'I RKYEN RNAMS MIG LA SOGS PA'I SKYE MCHED RNAMS SKYED PAR BYED PA MA YIN TE, DE DAG GIS STONG PA'I PHYIR DPER NA THAG BZANGS LA SOGS PA BZHIN NO, ,DE BAS NA BCOM LDAN 'DAS KYIS DON DAM PAR DNGOS PO RNAMS RGYU LA SOGS PA RKYEN BZHI PO DAG LAS SKYE BA MED PAR BKA' STZAL BA MED PAR SHES PAR BYA'O, ,RGYU MED PA DANG, RGYU MI MTHUN PAR SMRA BAS BLO GROS DKRUGS PA'I SKYE BO LA RJES SU THUGS BRTZE BAS THA SNYAD KYI BDEN PA JI LTAR GNAS PA BSTAN PA'I PHYIR DANG, RGYU DANG, DMIGS PA DANG; DE MA THAG PA DANG, BDAG PO'I RKYEN RNAMS BKA' STZAL PAR SHES PAR BYA STE, DE'I PHYIR KHAS BLANGS PA LA GNOD PAR MI 'GYUR RO, ,YANG NA GZHAN DU RNAM PAR BRTAG STE GANG DAG DNGOS PO RNAMS GZHAN LAS SKYE'O ZHES STON PAR BYED PA DE DAG GI PHYIR YANG 'DI DPYAD PAR BYA'O, ,'DI LA, RKYEN RNAM BZHI @54B STE RGYU DANG NI, ,DMIGS PA DE NI DE MA THAG ,BDAG PO YANG NI DE BZHIN TE, ,ZHES BYA BA DE DAG DNGOS PO SKYED PAR BYED PA YIN PAR 'DOD PA DANG, SDE PA GZHAN DAG GIS YONGS SU BRTAGS PA DANG, BYE BRAG PA LA SOGS PAS YONGS SU BRTAGS PA, MING THA DAD PA GANG DAG YIN PA DE DAG KYANG MTSAN NYID KYIS DE DAG NYID DU 'DUS PAS DE'I PHYIR, RKYEN LNGA PA NI YOD MA YIN, ,ZHES NGES PAR BYA STE BRJOD DO, ,DON DAM PAR DE DAG GZHAN NYID YIN PA KHO NAR MI RIGS SO, ,JI LTA ZHE NA, DE'I PHYIR, DNGOS PO RNAMS KYI RANG BZHIN NI, ,RKYEN LA SOGS PA YOD MA YIN, ,ZHES BYA BA GSUNGS TE, DNGOS PO RNAMS KYI ZHES BYA BA NI, NANG GI DANG, CHA PHRA BA DANG, RAGS PA RNAMS KYI'O, ,RANG BZHIN NI ZHES BYA BA NI RANG GI BDAG NYID DO, ,RKYEN LA SOGS PA LA ZHES BYA BA NI RE ZHIG RKYEN SO SO DANG 'DUS PA DAG LA'O, ,SOGS LA ZHES BYA BA'I SGRAS NI RGYU DANG BYED RGYU THUN MONG DANG, THUN MONG MA YIN PA TSOGS PA DANG GZHAN DAG LA YANG NGO, ,YOD PA MA YIN ZHES BYA BA NI YOD PA MA YIN NO ZHES BYA BA'I THA TSIG GO, ,GANG GI TSE JI LTAR ZHE NA, SKYE BA'I SNGON ROL NA THA SNYAD DANG DON DAM PAR RO, ,BDAG GI DNGOS PO YOD MIN NA, ,GZHAN GYI DNGOS PO YOD MA YIN, ,ZHES BYA BA NI BDAG GI DNGOS PO SKYE BAR 'DOD PA NA DE NYID YOD PA MA YIN NA; RKYEN RNAMS LA GZHAN GYI DNGOS PO GZHAN NYID YOD PAR JI LTAR 'GYUR BAS GZHAN NYID YOD PA MA YIN PA KHO NA STE, GZHAN GYI RGYU MTSAN MED PA'I PHYIR RO ZHES BYA BAR DGONGS SO, ,JI STE DNGOS PO SKYE BAR 'DOD PA BLO LA RNAM PAR BZHAG NAS RKYEN DE DAG GZHAN DU GYUR PA YIN TE, LTOS PA'I DBANG GIS SO ZHE'AM, GZHAN NYID DANG LDAN PAS SO ZHES THA SNYAD 'DOGS NA DE NI THA SNYAD TZAM DU ZAD DE, DE DAG LA GZHAN GYI DNGOS PO NYID MED PAS 'DI LA MNGON PAR ZHEN PAR MI BYA'O, ,THA SNYAD DU GZHAN NYID YOD DU ZIN KYANG, DON DAM PAR DE LAS SKYE BA MED PAR SNGAR BSTAN ZIN TO, ,GRANGS CAN DAG PHYIR ZLOG PAR BYED DE, ,DNGOS PO'I NGO BO NYID NI RKYEN RNAMS LA CHA PHRA BA'I BDAG NYID DU YOD PA KHO NA YIN LA, DE YANG PHYIS GSAL BAR BYED PAR KHAS BLANGS PAS, 'BRAS BU GSAL BAR MA GYUR KYANG RKYEN RNAMS GZHAN NYID DU GRUB PA'I PHYIR DE NI MI GNOD DO ZHE NA, DE NI BZANG PO MA YIN TE, 'JIG RTEN NA GRAGS PA BUM PA @55A *, ,LA SOGS PA DAG GI BDAG NYID CHA PHRA BA BSTAN DKA' BA'I PHYIR DANG, GSAL BA'I LAN YANG BTAB ZIN PA'I PHYIR RO, ,GRANGS CAN DAG LAS GZHAN DAG NA RE GAL TE 'BRAS BU'I NUS PAS STONG PA'I RKYEN GZHAN DAG LAS 'BRAS BU SKYE BA MED PAR SGRUB PA LA SGRUB BO, ,'ON TE SKYE BA MED PA KHO NA'O ZHE NA NI THER ZUG TU GNAS PAR SMRA BAR KHAS BLANGS PA'I PHYIR PHYOGS SNGA MA LA GNOD DO ZHES ZER RO, ,DE NI BZANG PO MA YIN TE, RNAM PA THAMS CAD DU SKYE BA 'GOG PA'I PHYIR RO, ,THER ZUG TU GNAS PA YANG MA YIN TE, DNGOS PO MA SKYES PA'I THA SNYAD DU YANG YOD PA NYID DU KHAS BLANGS PA'I PHYIR RO,, ,,DBU MA RTZA BA'I 'GREL PA SHES RAB SGRON MA, BAM PO GNYIS PA, GZHAN DAG NA RE, RKYEN RNAMS KHO NAS 'BRAS BU SKYED PAR BYED PA MA YIN TE, 'DI LTAR RNAM PAR SHES PA SKYE BA'I BYA BA MIG DANG, GZUGS DANG, SNANG BA DANG, NAM MKHA' DANG, YID LA BYED PA'I RKYEN RNAMS KYIS RKYEN DANG LDAN PAS DE SKYED PAR 'DOD DO, ,KHO BO CAG GIS DE YANG YOD PAR SMRA BAR NUS TE, DON DAM PAR RNAM PAR SHES PA SKYE BA'I BYA BA RANG GI 'BRAS BU SKYED PAR BYED PA YIN TE, RKYEN DANG LDAN PA'I PHYIR DPER NA 'BRAS CHAN BTZO BA'I BYA BA PHRU BA DANG, CHU DANG, 'BRAS THUG PO CHE DANG; ME DANG, BUD SHING GI RKYEN DANG LDAN PA BZHIN NO, ,DES NA RJES SU DPAG PA SNGAR SMRAS PA RNAMS LA RTOG GE PHYI MAS GNOD PAR 'GYUR RO ZHES ZER RO, ,'DIR BSHAD PA, BYA BA RKYEN DANG LDAN MA YIN, ,GANG GI PHYIR JI SKAD SMRAS PA'I DE'I RTOG GE PHYI MAS DE LA GNOD PAR 'GYUR BA 'BRAS CHAN BTZO BA'I BYA BA KHO BO CAG DON DAM PAR KHAS MI LEN PAS PHA ROL PO'I SGRUB PA DPE MCHAD BA'I SKYON DU 'GYUR RO, ,YANG NA, BYA BA RKYEN DANG LDAN MA YIN, ,ZHES BYA BA NI DON DAM PAR RNAM PAR SHES PA SKYED PA'I BYA BA RKYEN DANG LDAN PA MA YIN TE, 'BRAS BU YOD PA DANG, MED PA SKYE BA PHYIS 'GOG PAR 'GYUR BA'I PHYIR RO; ,DON DAM PAR DE SKAD BRJOD NA NI BYA BAS SKYES PA'I PHYIR, GTAN TSIGS KYI DON MA GRUB PA NYID DO, ,SPYIR DE SKAD BRJOD NA YANG DON 'GAL BA NYID DE, RNAM PAR SHES PA'I BDAG NYID SKYE BA'I BYA BA RKYEN DANG LDAN PA NYID NI KUN RDZOB TU SHES PA'I YUL YIN TE, MED NA MI 'BYUNG BA'I PHYIR RO, ,'DI LA @55B GZHAN NI GZHAN GYI DNGOS PO RNAMS BDAG DANG, GZHAN LA SOGS PA LAS SKYE'O ZHES BYA BA 'DIS KHO BO CAG LA CI BYA STE, 'DI LTAR MIG LA SOGS PA NI MIG GI RNAM PAR SHES PA SKYE BA'I BYA BA'I RKYEN YIN TE, DPER NA PHRU BA LA SOGS PA BTZO BA'I BYA BA'I RKYEN YIN PA BZHIN NO ZHES DNGOS PO SKYE BAR BSTAN PA DE DGAG PA'I PHYIR, BYA BA RKYEN DANG LDAN MA YIN, ,ZHES BYA BA 'DI GSUNGS TE, RNAM PAR SHES PA SKYES PA DANG MA SKYES PA DANG, SKYE BZHIN PA LA RNAM PAR SHES PA SKYED PA'I BYA BA MI 'THAD PA'I PHYIR RO ZHES RNAM PAR BSHAD PAR BYED DO, ,DE NI RIGS PA MA YIN TE, PHYOGS SNGA MA DANG PHYI MA GNYIS KA DAM BCAS PA TZAM DU ZAD PA'I PHYIR RO, ,'DIR SUN PHYUNG BA'I DON SGRO BTAGS NAS SMRAS PA, GAL TE BYA BA MA SKYES PA'I PHYIR BYA BA RKYEN DANG LDAN PA MED PAS DPE MED DU ZIN KYANG RE ZHIG BYA BA NI YOD PAS DE'I PHYIR JI LTAR RJES SU 'GRO BA YOD PA DE LTAR RJES SU DPAG PA SMRA BAR BYA STE, RNAM PAR SHES PA SKYED PA'I BYA BA NI RANG GI 'BRAS BU SKYED PAR BYED PA YIN TE, BYA BA YIN PA'I PHYIR DPER NA 'BRAS CHAN BTZO BA'I BYA BA BZHIN NO, ,'DIR BSHAD PA, RKYEN DANG MI LDAN BYA BA MED, ,RKYEN DANG MI LDAN PA NYID KYIS KHYAD PAR CAN DU MA BYAS PA'I BYA BA 'BA' ZHIG KYANG MED DE, SNGA MA BZHIN PAS SMRAS MA THAG PA'I SKYON DE NYID DU 'GYUR RO, ,GZHAN DAG NI TSIGS SU BCAD PA'I DON GZHAN DU SMRA STE, GANG GI PHYOGS LA SKYE BA'I BYA BA RNAM PAR SHES PA'I BDAG NYID DU GYUR PA YIN PA DE'I PHYIR, BYA BA RKYEN DANG LDAN MA YIN, ,ZHES BYA BA 'DI GSUNGS TE, RNAM PAR SHES PA SKYE BA'I BYA BA NI RNAM PAR SHES PA BZHIN DU MED PA'I PHYIR MED PA LA LDAN PA'I DON GYI RKYEN KYANG MI RIGS PA'I PHYIR RO, ,GANG GI PHYOGS LA BDAG NYID DU GYUR PA MA YIN PA NGO BO NYID KYIS GRUB PA DE'I PHYIR NI, RKYEN DANG MI LDAN BYA BA MED, ,CES BYA BA GSUNGS TE, RKYEN DANG MI LDAN PAS RANG NYID MED PA'I PHYIR RO ZHES ZER RO, ,KHA CIG NA RE RKYEN RNAMS GCIG LA GCIG PHAN 'DOGS PAS, DE MA THAG PA'I SKAD CIG LA 'BRAS BU BSKYED NUS PA'I BYA BA BDAG NYID THOB PA'I SKAD CIG GIS DNGOS PO SKYE BAR 'DOD PA SKYED PA THA SNYAD DU MA BTANG BAS MED PA NYID MA YIN LA, LDAN PA'I DON GYI RKYEN KYANG MI RIGS PA MA YIN PA DANG, DAM BCAS PA TZAM GYIS GZHAN GYI PHYOGS DAM BCAS PA TZAM SUN 'BYIN PAR BYED PAS DE NI @56A *, ,DON MA YIN NO ZHE'O, ,SKYE BAR SMRA BA GZHAN DAG GZHAN GYIS PHYIR ZLOG PAR BYED DE, MIG LA SOGS PA NI MIG GI RNAM PAR SHES PA SKYED PAR BYED PA KHO NA YIN TE, BYA BA DANG LDAN PA'I PHYIR DPER NA SA BON DANG, SA DANG, CHU DANG, ME DANG, RLUNG LA SOGS PA MYU GU SKYED PAR BYED PA BZHIN NO, ,DES NA RJES SU DPAG PA SNGAR SMRAS PA RNAMS LA RTOG GE PHYI MAS GNOD PAR MI 'GYUR RO ZHES ZER RO, ,'DIR BSHAD PA, BYA BA MI LDAN RKYEN MA YIN, ,'DI LA DON DAM PAR SKYE BA BKAG PA'I PHYIR BYA BA MED PAS SA BON LA SOGS PA RKYEN RNAMS DE DANG LDAN PA MA YIN LA, BYA BA DANG MI LDAN PA RNAMS NI RKYEN DU MI RUNG BAS DE DAG RKYEN NYID DU MA GRUB PA'I PHYIR DPE MA TSANG BAS RTOG GE PHYI MAS GNOD PAR MI 'GYUR RO, ,'DIR SMRAS PA, DON DAM PAR 'BRU LA SOGS PA LA BYA BA DANG LDAN PA NYID YOD PA KHO NA YIN TE, KUN RDZOB TU DE LTAR KHAS BLANGS PA'I PHYIR GANG KUN RDZOB TU JI LTAR KHAS LEN PA DE NI DON DAM PAR YANG DE BZHIN TE, DPER NA RI BONG GI RVA MED PA BZHIN NO, ,KHYED KYANG KUN RDZOB TU 'BRU LA SOGS PA LA BYA BA DANG LDAN PA NYID KHAS LEN PAS DE'I PHYIR DPE GRUB PAS 'DOD PA GRUB BO, ,'DIR BSHAD PA, BYA BA LDAN NAM 'ON TE NA, ,MA YIN ZHES BYA BA'I SKABS YIN NO, ,DE LTA NA YANG RKYEN RNAMS BYA BA DANG LDAN PAR MI 'GRUB STE, THA SNYAD DU YANG RI BONG GI RVA LA BYA BA DANG LDAN PA NYID MA GRUB PA'I PHYIR RO, ,DON DAM PAR RI BONG GI RVA YANG MED PA NYID DU MA GRUB PA'I PHYIR, JI SKAD SMRAS PA'I SKYON MED PA MA YIN NO, ,CI STE YANG GRANGS CAN DAG PHYIR ZLOG PAR BYED DE, RI BONG GI RVA'I MED PA NI DNGOS PO YOD PA KHO NA YIN TE ZHES BSTAN PA'I PHYIR DANG, KHYAD PAR GYI GZHI YIN PA'I PHYIR, GZUGS DANG AUTPALA SNGON PO BZHIN NO ZHE NA, DE NI BZANG PO MA YIN TE, DON DAM PAR GZUGS DANG AUTPALA SNGON PO GNYIS KYI YOD PA NYID DANG, KHYAD PAR GYI GZHI NYID MA GRUB PAS DPE MA TSANG BA'I PHYIR RO, , CI STE KHO BO CAG GIS KHYED LA GZUGS LA SOGS PA YOD PAR STON MI NUS PA DE BZHIN DU, KHYED KYIS KYANG KHO BO CAG LA GZUGS LA SOGS PA MED PAR STON MI NUS PAR 'DRA BAS SKYON MTSUNGS SO ZHE NA, DE LTA MA YIN TE, SKYE BA BKAG PA KHO NAS SKYE BA MED PA DANG LDAN PAS DNGOS PO NYID BKAG PA'I PHYIR DANG, DNGOS @56B PO MED PAR LTA BA SPANGS PAR 'DOD PA YANG STON PAR MI BYED PA'I PHYIR DNGOS PO DANG DNGOS PO MED PAR LTA BA'I MTHA' GNYIS SU MA LHUNG BA RNAMS DNGOS PO DANG DNGOS PO MED PAR LTA BA'I MTHA' GNYIS SU LHUNG BA RNAMS DANG MI 'DRA BAS SKYON MTSUNGS PAR THAL BAR GA LA 'GYUR, DNGOS PO DANG DNGOS PO MED PAR STON PA'I RJES SU DPAG PA MED PA KHO NA'I PHYIR DE BSGRUB PAR MI 'DOD PAS KHO BO CAG GI 'DOD PA KHO NA 'GRUB PAR 'GYUR GYI, RANG GI PHYOGS SGRUB PA NI MA YIN NO, ,YANG NA SKYE BAR SMRA BA DAG LA DRI BAR BYA STE, 'BRAS BU SKYE BA'I SNGON ROL NA RKYEN RNAMS BYA BA DANG MI LDAN PA NYID YIN NAM BYA BA DANG LDAN PA NYID YIN DE LA GAL TE BRTAG PA SNGA MA LTAR 'DOD NA, 'DIR BSHAD PA, BYA BA MI LDAN RKYEN MA YIN, ,'BRAS BU SKYED PAR BYED PA YI, ,ZHES BYA BA'I TSIG GI LHAG MA'O, ,BYA BA MI LDAN ZHES BYA BA NI BRJOD PAR 'DOD PA'I 'BRAS BU BSKYED PA'I BYA BAS STONG PA'O, ,GANG DAG JI SKAD BSTAN PA DE DAG NI DE SKYED PAR BYED PA MA YIN TE; DES STONG PA'I PHYIR DPER NA DE LAS GZHAN PA BZHIN NO ZHES DE BSTAN ZIN TO, ,'ON TE BYA BA DANG LDAN PA NYID YIN NO ZHE NA, 'DIR BSHAD PA, BYA BA LDAN NAM 'ON TE NA, ,MA YIN ZHES BYA BA'I SKABS YIN NO, ,'ON TE NA ZHES BYA BA'I SGRA NI RNAM PAR BRTAG PA'I DON TO, ,'DI LA RKYEN RNAMS BYA BA DANG LDAN PA NYID DU NI 'BRAS BU SKYED PAS BSTAN PA YIN NA, DE YANG 'BRAS BU SKYE BA LA MNGON DU PHYOGS PAR MA GYUR PA LA NI MI 'DOD PAS DE'I PHYIR GTAN TSIGS KYI DON MA GRUB PA NYID DO, ,MDO SDE PA DAG NA RE, 'BRAS BU SKYE BA'I DUS KHO NA RKYEN BYA BA DANG LDAN PA RNAMS GCIG LA GCIG PHAN 'DOGS PAS RKYEN NYID DU KHAS BLANGS PA'I PHYIR, GTAN TSIGS KYI DON MA GRUB PA YANG MA YIN LA, RTOG GE PHYI MA MED PA YANG MA YIN NO ZHES ZER RO, ,'DIR BSHAD PA, 'DI DAG LA BRTEN SKYE BAS NA, ,DE PHYIR 'DI DAG RKYEN ZHES GRAG ,'BRAS BU LA SOGS PA 'DI DAG LA BRTEN NAS 'BRAS BU SKYE BAS NA DE'I PHYIR 'BRAS BU LA SOGS PA 'DI DAG KHYED DON DAM PAR RKYEN YIN PAR 'DOD CES GRAG GO, ,GRAG CES BYA BA'I SGRA'I SBYOR BA NI 'DIR SLOB DPON MI BZHED PAR STON PA YIN NO, ,DE'I PHYIR, JI SRID MI SKYE DE SRID DU, ,'DI DAG RKYEN MIN JI LTAR MIN, ,'BRAS BU JI SRID DU MI SKYE BA DE SRID DU 'BRAS BU LA SOGS PA 'DI DAG @57A *, ,RKYEN MA YIN PAR YANG JI LTAR MI 'GYUR TE, 'DI DAG LA RKYEN NYID MED DO ZHES BYA BA'I TSIG GI DON TO, ,DPER NA JI SRID DU MI KLOG PA DE SRID DU MKHAS PA MA YIN PAR JI LTAR MI 'GYUR ZHES BYA BA BZHIN NO, ,JI STE 'DI SKAD CES KHO BO CAG 'BRAS BU SKYE BA'I SNGON ROL NA RKYEN RNAMS RKYEN NYID DU KHAS MI LEN PAS DE'I PHYIR DE MI GNOD DO ZHE NA, MI GNOD PA MA YIN TE, GANG GI PHYIR 'DIR RKYEN RNAMS 'BRAS BU SKYE BA'I SNGON ROL DU RKYEN MA YIN PA NYID DU BSTAN PAS 'BRAS BU SKYE BA'I DUS NA YANG RKYEN MA YIN PA NYID DU BSTAN BCOS MDZAD PA STON PAR BZHED DO, ,JI LTA ZHE NA, DON DAM PAR 'BRAS BU LA SOGS PA NI MYU GU SKYE BA'I DUS NA RKYEN GYI NGO BO NYID MA YIN TE, DE NYID DANG GZHAN NYID DU BRJOD PAR BYA BA MA YIN PA'I PHYIR DPER NA SKAD CIG SNGA MA LA DE DAG NYID BZHIN NO, ,'DIS NI DNGOS PO RNAMS BDAG DANG GZHAN DANG GNYIS LAS SKYE BA MED DO ZHES BYA BA DE LA GANG DAG 'DI SKAD CES DE NI GRUB PA LA SGRUB PA YIN TE, 'BRAS BU DANG RGYU GNYIS KYANG DE NYID DANG GZHAN NYID DU BRJOD PAR BYA BA MA YIN PA'I PHYIR TE, BRJOD PAR BYA BA MA YIN DU ZIN KYANG DE DAG 'BRAS BU SKYED PAR BYED PA KHO NA YIN NO ZHES ZER BA DE DAG KYANG DE BZHIN DU DGAG PAR BYA'O, ,SKYE BAR SMRA BA DAG YANG PHYIR ZLOG PAR BYED DO, ,DON DAM PAR DE DAG GI RKYEN RNAMS NI NANG GI SKYE MCHED RNAMS SKYED PAR BYED PA KHO NA YIN TE, RKYEN YIN PA'I PHYIR DPER NA 'BRAS BU LA SOGS PAS MYU GU SKYED PAR BYED PA BZHIN NO, ,GANG SKYED PAR BYED PA MA YIN PA DE LA NI RKYEN NYID MED DE, DPER NA RI BONG GI RVA BZHIN NO ZHES ZER RO, ,'DIR BSHAD PA, 'DI LA GAL TE DON DAM PAR RKYEN ZHIG YIN PAR GYUR NA, YOD PA'AM MED PA ZHIG YIN GRANG, DE DAG GNYI GA'I YIN PAR YANG RIGS PAS MI RUNG STE, DE'I PHYIR, MED DAM YOD PA'I DON LA YANG, ,RKYEN NI RUNG BA MA YIN TE, ,ZHES BYA BA GSUNGS TE, 'DI NI DAM BCAS PA GNYIS BSTAN PA YIN NO, ,DE LA MED PA'I RKYEN DU JI LTAR MI RUNG BA DE STON PA NI, MED NA GANG GIS RKYEN DU 'GYUR, ,ZHES BYA BA YIN TE, 'DI NA NAM MKHA' ME TOG LA SOGS PA MED PA GANG GI RKYEN MA LU TA'I LHUG MA DAG YIN PAR SHES PAR BYA STE, DE DAG NI NAM MKHA'I ME TOG DANG RI BONG GI RVA GANG GI RKYEN KYANG MA YIN NO ZHES @57B BYA BA'I TSIG GI DON TO, ,DE NI CHOS MTHUN PA'I DPER BSTAN PA YIN NO, ,'BRAS BU MED NA RKYEN GYI CHOS NI 'BRAS BU MED PA NYID YIN LA, 'BRAS BU'I CHOS KYANG MED PA NYID YIN NO, ,DE'I PHYIR RJES SU DPAG PA NI DON DAM PAR 'BRAS BU LA SOGS PA LA RKYEN GYI NGO BO NYID MED DE, DE DAG GI 'BRAS BU MED PA'I PHYIR; DPER NA NAM MKHA'I ME TOG MED PA'I PHYIR NAM MKHA' BZHIN NO, ,DE BZHIN DU DON DAM PAR 'BRAS BU LA SOGS PA YANG MYU GU'I RKYEN MA YIN TE, MED PA'I PHYIR DPER NA NAM MKHA'I ME TOG BZHIN NO, ,YANG NA GANG DAG 'DI SKAD CES MED PA SKYE BAR NI MI 'DOD KYI SKYE BA CAN NI SKYE BAR 'DOD PA, SNGA NA MED PA'I PHYIR RO ZHES ZER BA DE DAG GI PHYIR, MED NA GANG GI RKYEN DU 'GYUR, ,ZHES GSUNGS TE, SKYE BA'I SNGON ROL NA MED PA'I MTSAN NYID KYI BUM PA DANG SNAM BU DANG, SAB MA LA SOGS PA MED PA NYID YIN NA YANG MED PA GANG GI RKYEN DU 'BRAS BU LA SOGS PA 'DOD DE, GANG GI PHYIR YANG MI 'GYUR RO ZHES BYA BA'I TSIG GI DON TO, ,DE'I PHYIR YANG DE KHONG DU CHUD PA KHO NAR BYED NUS TE, DON DAM PAR 'BRAS BU LA SOGS PA NI MYU GU'I RKYEN MA YIN TE, SKYE BA'I SNGON ROL NA MED PA'I PHYIR DPER NA BUM PA LA SOGS PA BZHIN NO, ,PHYOGS GNYIS PA LA YANG, YOD NA RKYEN GYIS CI ZHIG BYA, ,ZHES BYA BA YIN TE, YOD NA YANG MYU GU RANG GI BDAG NYID KYIS YOD PA LA NI THA SNYAD DU YANG 'BRAS BU LA SOGS PA RKYEN YIN PAR MI 'DOD DE, SKYED PA'I BYED PA LA MI LTOS PA'I PHYIR DPER NA SKYES PA DE NYID DAM BUM PA LA SOGS PA GZHAN BZHIN NO ZHES BYA BAR DGONGS SO, ,DE'I PHYIR GTAN TSIGS KYI DON MA GRUB PA NYID DO, ,GRANGS CAN DAG LAS GANG DAG YOD PA DE NI RKYEN RNAMS KYIS GSAL BAR BYED PA'I PHYIR DANG, RAGS PA NYID DU BYED PA'I PHYIR, ,YOD NA RKYEN GYIS CI ZHIG BYA, ,ZHES BYA BA DE MI RIGS SO ZHES ZER NA, DE DAG GI GSAL BA YANG BSAL ZIN PA'I PHYIR DANG, RAGS PA NYID KYANG YOD PA DANG; ,MED PA NYID LA JI SKAD BSTAN PA'I SKYON DU 'GYUR PA'I PHYIR DE NI GYI NA'O, ,MDO SDE PA DAG NA RE, MED DAM YOD PA'I DON LA YANG, ,RKYEN NI RUNG BA MA YIN TE, ,ZHES BYA BA NI BDEN NA, 'ON KYANG 'BRAS BU SKYE BA LA MNGON DU PHYOGS PA'I TSE NA, RKYEN RNAMS GCIG LA GCIG PHAN DOGS PA LA @58A *, ,BRTEN NAS 'BRAS BU BSKYED NUS PA'I BDAG NYID THOS PA DAG DON DAM PAR RKYEN NYID DU KHAS LEN PAS DE'I TSE NA 'BRAS BU SKYE BZHIN PA'I PHYIR NI MED PA MA YIN LA, MA SKYES PA'I PHYIR NI YOD PA MA YIN PAS DE'I PHYIR KHO BO CAG GI PHYOGS LA JI SKAD SMRAS PA'I BSGRUB PA'I GNOD PA MED DO ZHES ZER RO, ,'DIR BSHAD PA, BRTAG PA DE LA YANG, MED DAM YOD PA'I DON LA YANG, ,RKYEN NI RUNG BA MA YIN TE, ,ZHES BYA BA YIN TE, YOD PA DANG MED PA NYID DU BRJOD PAR BYA BA MA YIN PA NI RNAM PA GNYIS KA MA YIN PA'I PHYIR, DE LAS GZHAN PA BZHIN NO ZHES BYA BAR DGONGS SO, ,'DI LA YOD PA DANG MED PA NYID DU BRJOD PAR BYA BA MA YIN PAR 'DOD PA GANG YIN PA DE NI MED PA YANG MA YIN, YOD PA YANG MA YIN PAS, DON DAM PAR MIG LA SOGS PAR DE DAG MIG GI RNAM PAR SHES PA DANG, MYU GU DE DAG GI RKYEN MA YIN PAR SHES PAR BYA STE, DE DAG GI 'BRAS BU YOD PA DANG MED PA NYID DU BRJOD PAR BYA BA MA YIN PA'I PHYIR, DPER NA DE LAS GZHAN PA BZHIN PAS DE NI LAN MA YIN NO, ,THA SNYAD DU YOD PA LA SOGS PA'I NGO BO NYID DANG BRAL BA'I DNGOS PO SKYE BA YANG 'GRUB BO, ,JI STE YANG RNAM PA GNYIS SU SMRA BA DAG 'BRAS BU YOD PA DANG MED PA'I RKYEN NYID DU KHAS LEN PA'I PHYIR JI SKAD SMRAS PA'I SKYON MED DO ZHES ZER NA DE DAG KYANG PHYOGS GNYIS KAR BSTAN PA'I SGRUB PAS RNAM PA GNYIS SU SMRA BA BSTZAL BA'I PHYIR DBUGS MI SBYIN TO, ,DE LTAR RE ZHIG RKYEN RNAMS SPYIR DGAG PA BSTAN NAS, DE DAG KHYAD PAR DU DGAG PA'I RNAM PA 'DOD PAS 'DI BSHAD DO, ,RE ZHIG RGYU'I RKYEN GYI DBANG DU BYAS NAS, 'DI LA RKYEN RNAMS SPYI YIN YANG BSKYED PAR BYA BA SKYED PA'I RKYEN GANG YIN PA DE RKYEN DU 'DOD DO, ,'O NA BSKYED PAR BYA BA SKYE BA NI TSOGS PA LA RAG LAS PA'I PHYIR BSKYED PA NYID NI GCIG PU MA YIN NO ZHE NA SKYE BA DGAG PA'I PHYIR DE MI 'THAD PA NI 'DOD MOD KYI, 'ON KYANG THA SNYAD PA'I RGYU RNAM PAR GZHAG PA KHAS BLANGS NAS DON DAM PA'I RGYU'I RGYU NYID JI LTAR MI 'THAD PA DE LTAR BSHAD PAR BYA'O, ,'DI LA RGYU NI 'DI YIN TE, ,YOD PA'AM MED PA'AM, YOD MED CIG SGRUB PA YIN PAR 'DOD GRANG NA, DE YANG, GANG TSE CHOS NI YOD PA DANG, ,MED DANG YOD MED MI SGRUB PA, ,DE YI @58B TSE NA DON DAM PAR, ,JI LTAR SGRUB BYED RGYU ZHES BYA, ,DE NI SGRUB PAR BYED PA MA YIN PA KHO NA STE, YOD PA'I PHYIR DANG, MED PA'I PHYIR BDAG DANG, GZHAN BZHIN DU RJES SU DPAG PA'I GNOD PAR 'GYUR BA'I PHYIR DANG, PHYOGS GNYI GA'I SKYON DU 'GYUR BA'I PHYIR RO ZHES BYA BAR DGONGS SO, ,DE LTAR RGYU'I RGYU NYID MI 'THAD PA'I PHYIR DE YANG MI 'THAD DO, ,RGYU'I RGYU NYID NI BSKYED PAR BYA BA MNGON PAR BSGRUB PAS BSTAN PA YIN NA, YOD PA LA SOGS PA'I MTSAN NYID KYI BDAG NYID KYIS MNGON PAR SGRUB PAR MI BYED PA'I PHYIR RGYU CAN RGYU LAS SKYE BA NI, THA SNYAD PA YIN LA, RGYU YANG DE DANG 'DRA BA KHO NAR 'GYUR BAS GRUB BO, ,YANG NA RANG GI SDE PA DAG YANG PHYIR ZLOG PAR BYED DE, NANG GI SKYE MCHED RNAMS SKYED PAR BYED PA RGYU LA SOGS PA NI YOD PA KHO NA YIN TE, DE LTAR DE BZHIN GSHEGS PAS GSUNGS PA'I PHYIR DANG GANG DE BZHIN GSHEGS PAS JI SKAD GSUNGS PA DE NI DE BZHIN TE, DPER NA MYA NGAN LAS 'DAS PA NI ZHI BA'O ZHES BYA BA BZHIN NO, ,DE LTAR YANG BCOM LDAN 'DAS KYIS RGYU NI SGRUB PAR BYED PA'O, ,DMIGS PA NI SEMS DANG SEMS LAS BYUNG BA RNAMS KYI DMIGS PA'O, ,DE MA THAG PA NI SEMS DANG SEMS LAS BYUNG BA 'GAGS MA THAG PA RNAMS LAS THA MA MA GTOGS PA'O, ,BDAG PO NI GANG YOD NA GANG 'BYUNG BA DE YIN NO ZHES GSUNGS PAS, DE LTAR RGYU LA SOGS PA RKYEN RNAMS RKYEN GYI NGO BO NYID DU YOD PA'I PHYIR, GTAN TSIGS GRUB PAS 'DOD PA'I DON NYAMS PAR MI 'GYUR RO ZHES ZER RO, ,'DIR BSHAD PA, KUN RDZOB TU DE LTAR KHAS BLANGS PA'I PHYIR DANG, DPE'I SKYON BRJOD PAS LAN BTAB ZIN PA'I PHYIR DE NI RIGS PA MA YIN NO, ,YANG BRGAL ZHING BRTAG PAR BYA STE, 'DIR KHYOD KYI GTAN TSIGS KYI DON DU 'DOD PA GANG YIN, DE BZHIN GSHEGS PAS KUN RDZOB TU DE SKAD GSUNGS PA'I PHYIR RAM, 'ON TE DON DAM PAR GSUNGS PA'I PHYIR GAL TE KUN RDZOB TU NA NI RANG LA DON MA GRUB PA NYID DO, ,'ON TE DON DAM PAR NA NI, ,GANG TSE TSE 'DI YOD PA DANG, ,MED DANG YOD MED MI BSGRUB PA, ,DE'I TSE 'BRAS BU YOD PA DANG MED PA DANG, GNYI GA'I BDAG NYID KYI RKYEN BSTZAL BA'I PHYIR, JI LTAR SGRUB BYED RGYU ZHES BYA, ,DE LTA YIN NA MI RIGS SO, ,DE NI SGRUB PAR BYED PA'I RGYU MA YIN PA KHO NA'O ZHES BYA BA'I TSIG GI DON TO, ,DE'I PHYIR @59A *, ,DON DAM PAR BSGRUB PAR BYA BA DANG, SGRUB PAR BYED PA NYID MA GRUB PA'I PHYIR GTAN TSIGS KYI DON MA GRUB PA NYID DANG, DON 'GAL BA NYID DO, ,GZHAN DAG NA RE, DBU MA'I BSTAN BCOS LA GZHUNG MI GZUGS PA'I RNAM PA YONGS SU BZUNG BAS NGO BO NYID MED PA NYID BSTAN PAR BYA BA YIN PAS DE LA DGAG PAR BYA BA NI GNYIS TE, RJOD PA LA MNGON PAR ZHEN PA DANG, BRJOD PAR BYA BA LA MNGON PAR ZHEN PA'O, ,DE LA SKYE BA BKAG PAS NI BRJOD PAR BYA BA LA MNGON PAR ZHEN PA BKAG GO, ,RJOD PA LA MNGON PAR ZHEN PA DGAG PA'I RNAM PA 'DOD PAS, GANG TSE CHOS NI YOD PA DANG, , MED DANG YOD MED MI BSGRUB PA, ,JI LTAR SGRUB BYED RGYU ZHES BYA, ,DE LTA YIN NA MI RIGS SO, ,ZHES BYA BA 'DI GSUNGS SO, ,'DI LA BSDUS PA'I DON NI SGRUB PAR BYED PA'I PHYIR RGYUR 'DOD NA, DE YANG 'BRAS BU YOD PA DANG MED PA DANG, GNYI GA'I BDAG NYID LA YANG MI SRID PAS RGYUR BRJOD PA LA 'JUG PA'I BYED RGYU MED PA'I PHYIR, RGYU'I RGYU NYID MI RIGS PAS DNGOS PO RNAMS SKYE BA KHO NA YIN TE, RGYU YOD PA'I PHYIR RO ZHES SMRAS PA GANG YIN PA DE MA GRUB BO ZHES ZER RO, ,GZHAN DAG NA RE DON DAM PAR DNGOS PO RNAMS SKYE BA KHO NA YIN TE, RGYU YOD PA'I PHYIR RO ZHES SMRAS PA NI DNGOS PO YOD PA DANG, MED PA DANG, GNYI GA'I BDAG NYID MNGON PAR SGRUB PAR MI BYED PA'I PHYIR RGYU'I MTSAN NYID MI 'THAD PAS GTAN TSIGS KYI DON MA GRUB PA NYID DO ZHES ZER RO, ,DE NI BZANG PO MA YIN TE, LAN BTAB ZIN PA'I PHYIR RO, ,DE LTAR RE ZHIG RGYU'I RKYEN GYI RKYEN NYID MI RIGS SO, ,DE NI DMIGS PA'I RKYEN GYI RKYEN NYID KYANG JI LTAR MA RIGS PA DE LTAR DPYAD PAR BYA STE, YIN PA'I CHOS 'DI DMIGS PA NI, ,MED PA KHO NAR NYI BAR BSTAN, ,ZHES BYA BA LA, YIN PA'I ZHES BYA BA NI GYUR PA'I ZHES BYA BA'I THA TSIG GO, ,CHOS ZHES BYA BA NI RANG GI MTSAN NYID 'DZIN PA'I PHYIR RO, ,'DI ZHES BYA BA NI MIG GI RNAM PAR SHES PA LA SOGS PA BRO LA BZHAG PA BSTAN PA'O, ,DMIGS PA ZHES BYA BA NI DE DAG DMIGS PAR BYA BA YIN PA STE, DMIGS PA NI GZUNG BA ZHES BYA BA'I DON GANG YIN PA'O, ,DMIGS PA MED PA KHO NA ZHES BYA BA NI, DMIGS PA MED PA NYID DU'O, ,JI LTAR DMIGS PA MED CE NA, DON DAM PAR DE DAG SKYE BA BKAG PA'I PHYIR RO, , @59B SKYE BZHIN PA LA YANG DMIGS PA MED DE, SKYE BZHIN PA'I PHYIR GZUGS BZHIN NO, ,DE'I PHYIR DE LTAR YIN PA'I CHOS 'DI DMIGS PA MED PA KHO NAR NYE BAR BSTAN TO, ,DMIGS PA DANG BCAS PA ZHES BYA BA NI THA SNYAD KYI BDEN PA'I LUGS RNAM PAR GZHAG PA'I PHYIR TE, DMIGS PA GANG GIS SKYE BA NA, ,DER SNANG BA SKYE BA'I PHYIR DMIGS PA DANG BCAS PA ZHES BYA'I, NOR CAN BZHIN DU DUS GCIG KHO NAR 'BREL PA'I PHYIR NI MA YIN NO, ,DE'I PHYIR, DE LTAR CHOS NI DMIGS MED NA, ,ZHES BYA BA NI DON DAM PAR DMIGS PAR BYED PA MED PA'I PHYIR RO, ,'GA' ZHIG GIS DMIGS PAR BYED PA MA YIN PA'I DMIGS PA NYID YONGS SU BRTAGS PA YANG MI 'THAD PA'I PHYIR, DMIGS PA YOD PAR GA LA 'GYUR, ,'DI LA DMIGS PA MED PA KHO NA YIN NO ZHES BYA BA'I TSIG GI DON TE, DPER NA MTSAMS MED PA BYED PA LA MNGON PAR RTOGS PA YOD PAR GA LA 'GYUR ZHES BYA BA BZHIN NO, ,DE LTA NA YANG GTAN TSIGS DE NYID KYI DON MA GRUB PA NYID DANG, DON 'GAL BA NYID DO, ,GZHAN DAG YANG RNAM PAR BRTAG PA MTSUNGS PAR LTAG CHOD SBYOR BAR BYED DE, GZUGS NI DMIGS PA MED PA YIN TE, GZUGS KYI PHUNG POR GTOGS PA'I PHYIR RO ZHES BYA BA GANG YIN PA NI BSTAN BCOS LAS KYANG DMIGS PA MED PA'I CHOS RNAMS GANG ZHE NA; GZUGS DANG MYA NGAN LAS 'DAS PA'O ZHES 'BYUNG BAR RIGS NA SEMS DANG SEMS LAS BYUNG BA RNAMS LA DMIGS PA MED PA NYID DU KHAS LEN PA GANG YIN PAS NI DMIGS PA DANG BCAS PA'I CHOS RNAMS GANG ZHE NA, 'DI LTA STE, SEMS DANG SEMS LAS BYUNG BA RNAMS SO ZHES 'BYUNG BA DE KHAS LEN PAS MI RIGS SO ZHE NA, DE NI RIGS PA MA YIN TE, DPE BSGRUB PA'I PHYIR RO, ,'BYUNG BA LAS GYUR PA MA YIN PA NYID GTAN TSIGS SU BRJOD NA YANG DPE MED PA'I PHYIR RO, ,GAL TE GZUNG BA NI DMIGS PA'O ZHES DE DAG GI DON LA RTOG NA YANG SEMS DANG SEMS LAS BYUNG BA'I GZUNG PA NYID 'GOG PAR 'GYUR BA'I PHYIR TE, JI SKAD GSUNGS PA'I TSUL NYID KYIS DON DAM PAR RNAM PAR SHES PA DMIGS PAR BYED PA NYID DU KHAS MA BLANGS PA'I PHYIR RO, ,BCOM LDAN 'DAS KYIS KYANG RAB KYI RTZAL GYIS RNAM PAR GNON PA GZHAN YANG BYANG CHUB SEMS DPA' DE LTAR SPYOD NA GZUGS LA MI DMIGS SO, ,BYANG CHUB DANG LDAN PA'I @60A *, ,BAR LA MI DMIGS SO, ,DE CI'I PHYIR ZHE NA, RAB KYI RTZAL GYIS RNAM PAR GNON PA CHOS THAMS CAD NI DMIGS PA MED DE, GANG LA 'DI DAG GI DMIGS PAR 'GYUR BA'I GZUNG BA'I CHOS RNAMS LA CUNG ZAD KYANG MED PA'I PHYIR RO, ,RAB KYI RTZAL GYIS RNAM PAR GNON PA 'DI LTAR GZUGS NI GZUGS KYI SPYOD YUL MA YIN LA RNAM PAR SHES PA'I BAR YANG RNAM PAR SHES PA'I SPYOD YUL MA YIN NO, ,RAB KYI RTZAL GYIS RNAM PAR GNON PA SPYOD YUL MA YIN PA'I PHYIR GZUGS KYIS GZUGS MI SHES MI MTHONG NGO, ,RNAM PAR SHES PA'I BAR GYIS KYANG RNAM PAR SHES PA MI SHES MI MTHONG NGO; ,GZUGS DANG, TSOR BA DANG, 'DU SHES DANG, 'DU BYED DANG, RNAM PAR SHES PA RNAMS MI SHES MI MTHONG BA GANG YIN PA 'DI NI SHES RAB KYI PHA ROL TU PHYIN PA'O ZHES GSUNGS SO, ,DE LTAR DMIGS PA'I RKYEN KYANG BRTAGS ZIN TO, ,DA NI DE MA THAG PA'I RKYEN GYI SKABS SU BAB PAS DE BRTAG PAR BYA'O; ,'DI LA DON DAM PAR CHOS THAMS CAD RNAM PA THAMS CAD DU BKAG PA'I PHYIR CHOS RNAMS MA SKYES SO ZHES DE BSTAN ZIN PAS DE'I PHYIR, CHOS RNAMS SKYES PA MA YIN NA, ,'GAG PA 'THAD PAR MI 'GYUR RO, ,MA SKYES PA'I PHYIR MGO GNYIS PA DGAG PA BZHIN NO, ,DES CIR 'GYUR ZHE NA, DE PHYIR DE MA THAG MI RIGS, ,DON DAM PAR TE, DE NYID DON DAM PAR MA GRUB PA NYID DANG DON 'GAL BA NYID DO, ,YANG NA SPYIR SKYE BA KHAS BLANGS NA YANG BSHAD PAR BYA STE, 'DI LA DE MA THAG PA NI 'DI YIN TE, SEMS DANG SEMS LAS BYUNG BA'I TSOGS 'GAG PA DE DE MA THAG PA'I RKYEN YIN PAR 'DOD NA DE YANG TSOGS SKYE BAR 'DOD PA'I RKYEN NYID DU MI RIGS TE, 'GAG PA'I PHYIR RNAM PAR SHES PA 'GAGS NAS YUN RING DU LON PA BZHIN NAM, GZUGS BZHIN NO, ,DE LA NI, 'GAGS NA RKYEN YANG GANG ZHIG YIN, ,DE NI RKYEN DU MI SRID PA KHO NA YIN TE, 'GAGS PAS NI DNGOS PO SKYE BAR 'DOD PA LA PHAN 'DOGS PAR MI NUS PA'I PHYIR RO ZHES BYA BAR DGONGS SO, ,KYANG ZHES BYA BA'I SGRA NI DE MA THAG PA'I RKYEN NYID MA YIN PA DANG, SPYI'I RKYEN KYANG MA YIN NO ZHES DGAG PA BSDU BA'I PHYIR RO, ,CI STE RGYU DANG RKYEN SO SOR NGES PA'I DBANG GIS DNGOS PO SKYE BZHIN PA NA 'GAG BZHIN PAS GO SKABS 'BYED PAS @60B PHAN 'DOGS PA'I PHYIR DANG, GAL TE DE LAS GZHAN PA 'DAS PA'I SKAD CIG DAG GIS BAR DU MCHOD PA'I PHYIR DE MA THAG PA'I RKYEN NYID 'GRUB PAS NYES PA MED DO ZHE NA, GZUGS CAN MA YIN PA RNAMS YUL NA MI GNAS PA'I PHYIR DANG, DRUG PO 'DAS MA THAG PA YI, ,RNAM SHES GANG YIN DE YID DE, ,ZHES BYA BAS 'GAGS MA THAG PA'I YID RKYEN NYID YIN PA'I PHYIR LAN DU MI RUNG NGO, ,'GAG BZHIN PA RKYEN NYID DU RTOG NA YANG KHA CIG NA RE, DUS MNYAM PA'I PHYIR DE MA THAG PA'I RKYEN DU MI RUNG NGO ZHE'O, ,GZHAN DAG NI TSIGS SU BCAD PA'I PHYED 'OG MA, DE PHYIR DE MA THAG MI RIGS, , 'GAGS NA RKYEN KYANG GANG ZHIG YIN, ,ZHES BYA BA NI MA SKYES PA LA YANG BYA STE, KYANG ZHES BYA BA'I SGRA NI 'DIR MA SKYES PA LA LTOS PAR BLTA BAR BYA'O, ,SA BON DANG MYU GU ZHIG PA DANG, MA SKYES PA GNYIS NI MED PA'I PHYIR SA BON DANG MYU GU 'GAGS PA DANG SKYE BA GNYIS RGYU MED PAR THAL BAR 'GYUR RO ZHES RNAM PAR BSHAD PA BYED DO, ,DE NI BZANG PO MA YIN TE, GAL TE DON DE 'DOD NA 'GAGS PA'I 'GAG PA LA RGYU MED PAS RNAM PAR MI GNAS PA DE LAS SKYE BAR 'DOD PA SKYE BAR RTOG NA 'GAG PA DANG SKYE BA GNYIS LA RGYU MED PA NYID DU 'GYUR LA, BZLOG PA LAS NI JI SKAD SMRAS PA'I SKYON MED DO, ,DE'I TSE GLAGS YOD PA'I TSIG YIN PA'I PHYIR BSGRUB PAR BYA BA DANG, SGRUB PA BZLOG PA'I TSIG GI DON MNGON PAS CIR 'GYUR ZHE NA, 'GAGS PA NI RKYEN MA YIN TE, RGYU CAN YIN PA'I PHYIR RO, ,SKYE BA YANG SEMS DANG SEMS LAS BYUNG BA'I TSOGS MA ZHIG PA'I RGYU DANG LDAN PA YIN TE, RGYU CAN YIN PA'I PHYIR RO, ,DE YANG RIGS PA MA YIN TE, SNGA MA LA NI GTAN TSIGS MI 'GRUB PA'I PHYIR RO, ,PHYI MA LA NI PHYOGS SNGA MA DANG 'GAL BA'I PHYIR TE, THAMS CAD LAS SKYE BA BKAG PA'I PHYIR RO, ,DE LTAR NA TSIGS SU BCAD PA DES KYANG DE MA THAG PA'I RKYEN BSTZAL BA'I PHYIR GTAN TSIGS DE NYID DON MA GRUB PA NYID KYI SKYON NAM, DON 'GAL BA NYID KYI SKYON DU 'GYUR RO, ,DE LTAR DE MA THAG PA'I RKYEN KYANG DPYAD ZIN TO, ,DA NI BDAG PO'I RKYEN GYI SKABS SU BAB PAS DE DPYAD PAR BYA'O, ,KHYED NI GANG YOD NA GANG 'BYUNG BA DE BDAG POR 'DOD DO, ,'DIR KHO BO CAG GI PHYOGS LA NI DON DAM PAR SKYE BA MED PAR BSTAN PAS DNGOS PO RNAMS RANG GI BDAG NYID MA THOB CING, SGYU MA @61A *, ,BZHIN DU NGO BO NYID KYIS STONG PA DE'I PHYIR 'DI LTAR, DNGOS PO RANG BZHIN MED RNAMS KYI, ,YOD PA GANG PHYIR YOD MIN NA, ,YOD PA NYID MA YIN NA'O, ,DON DAM PA 'BA' ZHIG TU YANG MA ZAD KYI, JI LTAR 'JIG RTEN GYI THA SNYAD DU YANG STE, RGYU NYI TSE YOD DU ZIN KYANG 'BRAS BU SKYE BAR KHAS MA BLANGS PA'I PHYIR, 'DI YOD PAS NI 'DI 'BYUNG ZHES, ,BYA BA DE NI 'THAD MA YIN, ,DE'I PHYIR KHYED LA GTAN TSIGS KYI SKYON DE NYID RJES SU 'BRANG NGO, ,GANG DAG DE DAG YOD PAR STON PA NA KUN RDZOB TU DE LTAR KHAS BLANGS PA'I PHYIR DPER NA MYA NGAN LAS 'DAS PA NI ZHI BA'O ZHES BYA BA LTA BU'O ZHE NA, DE DAG GI DPE'I SKYON SNGA MA BZHIN NO, ,'DUS BYAS MI RTAG PA LA SOGS PA'I NYES PAS SKYON CHAGS PA LAS 'DUN PA BZLOG NAS, DE LA NYE BAR 'DUN PAR BYA BA'I PHYIR MYA NGAN LAS 'DAS PA NI ZHI BAR BSTAN PA YANG THA SNYAD KYI BDEN PAR GTOGS PA YIN GYI, DON DAM PAR DE YOD PA NI MA YIN NO, ,BCOM LDAN 'DAS KYIS KYANG RNAM PAR RTOG PAS SGRO BTAGS NAS, GDUL BA'I SKYE BO CHOS ZAB MO LA MOS PA RNAMS YANG DAG PAR DBUGS DBYUNG BA'I PHYIR ZHI BA LA SOGS PA'I YON TAN DAG GIS MYA NGAN LAS 'DAS PA YANG DAG PAR BSNGAGS PA MDZAD PA YANG THA SNYAD KYI BDEN PA KHAS BLANGS PA'I PHYIR RO, ,DON DAM PAR NI MYA NGAN LAS 'DAS PA YANG YOD PA NYID LA SOGS PA'I NGO BO NYID KYIS STONG PA'I PHYIR DPE MED PAS GTAN TSIGS MA GRUB STE, DE MED PAS 'DOD PA'I DON MI 'GRUB BO, ,DE LTAR RKYEN NYID BKAG TU ZIN KYANG, YANG GZHAN DAG PHYIR ZLOG PAR BYED DE, DON DAM PAR MIG LA SOGS PA NANG GI SKYE MCHAD DAG SGRUB PAR BYED PA'I RKYEN RNAMS YOD PA KHO NA YIN TE, DE RNAMS KYI 'BRAS BU SKYE BA'I PHYIR DPER NA MYU GU SGRUB PAR BYED PA'I RKYEN 'BRAS BU LA SOGS PA BZHIN NO, ,GANG MED PA DE LA NI RKYEN YANG MED DE, DPER NA RUS SBAL GYI SPU'I GOS BZHIN NO ZHE NA, DE DAG LA 'DI SKAD CES DRI BAR BYA STE, CI KHYED KYI RKYEN SO SO BA DANG 'DUS PA DAG LA 'BRAS BU'I BDAG NYID KYIS YOD DAM, 'ON TE MED, DE LAS CIR 'GYUR, GAL TE YOD NA PHYOGS DE'I LAN NI, YOD NA RKYEN GYIS CI ZHIG BYA, ,ZHES LAN BTAB ZIN TO, ,JI STE MED NA DE'I LAN YANG, ,MED NA GANG GIS RKYEN DU 'GYUR, ,ZHES LAN BTAB ZIN TO, ,'ON @61B KYANG YANG BSHAD PAR BYA STE, GANG GI TSE, RKYEN RNAMS SO SO 'DUS PA LA, ,'BRAS BU DE NI MED PA NYID, ,DE'I TSE, RKYEN RNAMS LA NI GANG MED PA, ,DE NI RKYEN LAS JI LTAR SKYE, ,DON DAM PAR 'BRAS BU SKYE BA MED PA KHO NA STE, RKYEN RNAMS LA MED DO ZHES BYA BA'I TSIG GI DON TO, ,RGYU SPUN DAG LAS ZHO JI LTAR 'BYUNG STE DE DAG LA ZHO MED PA'I PHYIR RO, ,JI STE 'BRAS BU LA SOGS PA LAS MYU GU LA SOGS PA MED BZHIN DU YANG SKYE BA THA SNYAD KYI YAN LAG TU GYUR PA BYIS PA'I BLO CAN SPYI'I SPYOD YUL DU GYUR PA MTHONG NAS DON DAM PAR YANG MIG LA SOGS PA NANG GI SKYE MCHED RNAMS SKYE BAR 'DOD DO ZHE NA DE'I PHYIR BSHAD PA; JI STE DE NI MED PAR YANG, ,RKYEN DE DAG LAS SKYE 'GYUR NA, ,'O NA LTA, RKYEN MIN LAS KYANG 'BRAS BU NI, ,CI YI PHYIR NA SKYE MI 'GYUR, ,DES NA 'DI LA GLAGS YOD PA'I TSIG YIN PA'I PHYIR RKYEN MA YIN PA DAG LAS 'BRAS BU MED PA MI SKYE BA BZHIN DU, RKYEN RNAMS LAS KYANG MI SKYE BAR NGES TE, DPER NA GAL TE SGRA BYAS PA RTAG NA BUM PA BYAS PA YANG CI'I PHYIR MI RTAG CES BYA BA LTA BU'O, ,DE SKAD SMRAS NA SGRA NI MI RTAG STE, ,BYAS PA'I PHYIR BUM PA BZHIN NO ZHES BYA BA'I DON DE RTOGS PAR 'GYUR RO, ,DES NA 'DIR SBYOR BA'I TSIG NI DON DAM PAR MYU GUS STONG PA'I 'BRAS BU LA SOGS PA LAS DE SKYE BAR MI 'THAD DE; 'BRAS BU YIN PA'I PHYIR DPER NA ZHO BZHIN NO, ,DE'I PHYIR JI SKAD SMRAS PA'I SKYON MED PA MA YIN NO, ,'DIR SMRAS PA, DON DAM PAR NANG GI DNGOS PO RNAMS KYI RKYEN RNAMS YOD PA KHO NAR BZUNG STE, DE DAG LAS BYUNG BA'I PHYIR DPER NA BUM PA BZHIN NO ZHES BYA BA NI DE DAG LAS GYUR PA'I PHYIR ZHES BYA BA'I THA TSIG GO, ,GYUR PA LA BYUNG BA ZHES BRJOD PA'I PHYIR DPER NA BUM PA NI 'JIM PA LAS BYUNG BA'O ZHES BYA BA BZHIN NO, ,'DIR BSHAD PA, 'BRAS BU RKYEN LAS BYUNG YIN NA, ,RKYEN LAS GYUR PA YIN NA'O, ,RKYEN RNAMS RANG LAS BYUNG MA YIN, ,RKYEN GYI NGO BO NYID MA YIN NO ZHES BYA BA'I THA TSIG GO, ,NGO BO NYID LA BYUNG BA ZHES BRJOD PA'I PHYIR DPER NA BRAM ZE'I SNYING NI MAR LAS BYUNG BA BZHIN NO ZHES BYA BA LTA BU'O, ,RKYEN RNAMS JI LTAR RKYEN GYI NGO BO NYID MA YIN PA DE LTAR NI SNGAR BSTAN ZIN PA DE'I PHYIR, RANG BYUNG MIN LAS 'BRAS BU GANG, ,DE NI JI LTAR RKYEN LAS BYUNG, ,DON DAM PAR 'BRAS BU RKYEN LAS BYUNG BA @62A *, ,MA YIN NO ZHES BYA BA'I TSIG GI DON TO, ,DPER NA GAL TE BA R'A TA GZHON NU NAS TSANGS PAR SPYOD PA YIN NA BHA BA RA TA JI LTAR DE'I BU YIN ZHES ZER BA LTA BU STE, SGYU MA MKHAN GYIS SPRUL PA'I 'JIM PA'I GONG BU DE'I NGO BO NYID KYIS STONG PA LAS SKYES PA'I BUM PA NI MKHAS PA RNAMS KYIS THA SNYAD DU YANG, DE LAS GYUR PA YIN NO ZHES RTOGS PAR MI BZOD PAS, DE PHYIR RKYEN LAS BYUNG MA YIN, ,DE'I PHYIR 'BRAS BU RKYEN LAS BYUNG BA MA YIN NO, ,DES NA DPE MED DE, BSGRUB PAR BYA BA DANG, SGRUB PA'I CHOS MA TSANG BA'I PHYIR SNGA MA BZHIN DU GTAN TSIGS KYI DON MA GRUB PA NYID DAM, DON 'GAL BA NYID DU 'GYUR RO, ,'DIR GZHAN GYIS SUN PHYUNG BA'I DON SGRO BTAGS NAS SMRAS PA, GAL TE 'BRAS BU RKYEN LAS BYUNG BA MED PAS RJES SU DPAG PA MED PAR BSTAN DU ZIN KYANG, 'BRAS BU NI 'BRAS BU'I NGO BO NYID MI 'DOR BAS DE MA BKAG PA'I PHYIR GZHAN GYIS KYANG BRJOD PAR NUS TE, DON DAM PAR NANG GI SKYE MCHED RNAMS KYI RKYEN RNAMS YOD PA KHO NA YIN TE, 'BRAS BU YIN PA'I PHYIR DPER NA MYU GU LA SOGS PA BZHIN NO, ,'DIR BSHAD PA, RKYEN MIN LAS BYUNG 'BRAS BU NI, ,YOD MIN, RKYEN MA YIN PA LAS GYUR PA'I 'BRAS BU NI THA SNYAD DU YANG RTOGS PAR MI NUS NA, DON DAM PAR LTA SMOS KYANG CI DGOS, 'DIR SMRAS PA, GAL TE DON DAM PAR RKYEN RNAMS RKYEN GYI NGO BO NYID KYIS STONG NA, 'O NA NI RKYEN RNAMS RKYEN MA YIN PA'I NGO BO NYID KYIS MI STONG PAR KHAS BLANGS PA YIN PAS DES NA RKYEN MA YIN PA GRUB PAS 'DOD PA 'GRUB BO, ,DE NI BZANG PO MA YIN TE, KHO BO CAG GIS RKYEN MA YIN TE ZHES BYA BA NI RKYEN GYI NGO BO NYID DGAG PA TZAM BSTAN PA YIN TE, MED PAR DGAG PA'I DON GYI DGAG PA YONGS SU BZUNG BA'I PHYIR RKYEN MA YIN PA'I NGO BO NYID NI MI STON TO, ,SBYOR BA RNAM PAR DBYE BA BYAS NAS RKYEN MIN ZHES BYA BA DANG, RKYEN DU GA LA 'GYUR ZHES BYA BA BSHAD DE, RKYEN MA YIN PA RNAMS RKYEN GYI NGO BO NYID DU MI 'GYUR RO ZHES BYA BA'I TSIG GI DON TO, ,YANG NA JI SKAD BSTAN PA'I TSUL GYIS 'BRAS BU YOD PA DANG, MED PA SKYE BA BSTZAL PAS, DE'I PHYIR 'BRAS BU MED PAS NA, ,RKYEN MIN RKYEN DU GA LA 'GYUR, ,DE'I BDAG NYID MA YIN PA'I RKYEN 'THAD PA MED PA RNAMS RKYEN DU GA LA 'GYUR TE, MI 'GYUR BA KHO NA YIN NO @62B ZHES BYA BA'I TSIG GI DON TO, ,DE'I BLO DANG SGRA 'JUG PA'I RGYU MTSAN CAN DE DAG GI 'BRAS BU MED PA KHO NA'I PHYIR RO ZHES BYA BAR DGONGS SO, ,'DIR, RKYEN RNAM BZHI STE RGYU DANG NI, ,DMIGS PA DANG NI DE MA THAG ,BDAG PO YANG NI DE BZHIN TE, ,ZHES BYA BA MAN CHAD GZHAN GYIS SMRAS PA'I RKYEN RNAMS KYI NGO BO NYID DANG, BYE BRAG BSTZAL BA'I DBANG GIS DE MJUG BSDUS TE, 'DIR RAB TU BYED PA'I DON NI SKYE BA MED PA BSTAN PA YIN PAS, DE'I PHYIR RTEN CING 'BREL PAR 'BYUNG BA SKYE BA MED PA'I KHUNG, GANG ZHIG RKYEN LAS SKYE BA DE MA SKYES, ,DE LA NGO BO NYID KYIS SKYE BA MED, ,GANG ZHIG RKYEN LA LTOS PA DE STONG GSUNGS, ,GANG GIS STONG NYID SHES TE BAG YOD YIN, ,ZHES BYA BA DANG, DE BZHIN DU, GANG LA CUNG ZAD SKYE MED CING, ,'GAG PA'ANG CUNG ZAD YOD MIN PA, ,'GRO BA DBEN MTHONG DE LA NI, ,YOD PA NYID DANG MED NYID MED, ,CES BYA BA DANG, DE BZHIN DU, DE BZHIN GSHEGS PA RTAG TU SKYE MED CHOS, ,CHOS RNAMS THAMS CAD BDE BAR GSHEGS DANG 'DRA, ,ZHES BYA BA DANG, DE BZHIN DU 'JAM DPAL DE'I PHYIR, KHYOD KYIS RNAM GRANGS DES KYANG 'DI LTAR RIG PAR BYA STE, SKYE BA MED PA DANG 'GAG PA MED PA ZHES BYA BA DE NI DE BZHIN GSHEGS PA'I TSIG BLA DAGS YIN NO ZHES BYA BA DANG; DE BZHIN DU GANG DU SRED PA THAMS CAD 'GAG PA DE NI SKYE BA MED PA'O, ,GANG SKYE BA MED PA DE NI BYANG CHUB BO, ,'JIG RTEN NI SKYE BA LA MNGON PAR ZHE NA TE, 'DI LA SANGS RGYAS 'BYUNG BA YANG MED LA, MYA NGAN LAS 'DAS PA YANG MED DO ZHES BYA BA DANG, DE BZHIN DU, GANG GIS PHUNG PO SKYE MED CING, , 'BYUNG BA MED PAR YONGS SHES PA, ,DE DAG 'JIG RTEN SPYOD 'GYUR YANG, ,'JIG RTEN 'DI NA GNAS PA MIN, ,ZHES BYA BA LA SOGS PA GSUNGS PA DE DAG GRUB PA YIN NO, ,SLOB DPON LEGS LDAN BYED KYIS NYE BAR SBYAR BA, DBU MA'I RTZA BA'I 'GREL PA SHES RAB SGRON MA LAS, RKYEN BRTAG PA ZHES BYA BA STE RAB TU BYED PA DANG PO'O,, ,,DA NI RTEN CING 'BREL PAR 'BYUNG BA 'ONG BA MED PA DANG, 'GRO BA MED PA'I KHYAD PAR DANG LDAN PA BSTAN PAR BYED PA'AM, RAB TU BYED PA DANG POR DNGOS PO THAMS CAD SKYE BA MED PAR BSTAN PA'I MI MTHUN PA'I PHYOGS BSTZAL BAR BYED PA'I DBANG GIS RAB TU BYED PA @63A *, ,GNYIS PA BRTZAM MO, ,GZHAN DAG NI SLOB MA SKYE BA MED PA'I RIGS PA THOB PAS DAD PA SKYES PA 'JIG RTEN LA GRAGS PA'I 'GRO BA DANG 'ONG BA DGAG PA NYAN 'DOD PA'I DON DU RAB TU BYED PA GNYIS PA BRTZAM MO ZHES RJOD PAR BYED DO, ,GZHAN MA YIN PA NA RE DE NI RIGS PA MA YIN TE, TSAD MA LTAR SNANG BAS SEMS PHYIN CI LOG TU GYUR PA NI DE SKAD 'DRI BAR MI RIGS PA'I PHYIR TE, DE NI 'GRO BA YOD PAR BSTAN PA'I PHYIR DANG, SKYE BA YOD PAR BSTAN PA'I PHYIR, RJES SU DPAG PA SMRA BAR 'GYUR BA'I RIGS SO, ,TSAD MA LTAR SNANG BAS SEMS RMONGS PAR GYUR PA YANG DON DAM PAR 'GRO BA MED PA ZHES BYA BA DE JI LTAR RIGS TE, 'DRI BA TSUL DANG MTHUN PA MA YIN PA'I PHYIR RO, ,MI SHES PA'I 'DRI BA YIN PAR BRTAGS NA NI BSTAN BCOS PHAL PA'I SPYOD YUL YIN PAR 'GYUR BA'I PHYIR RO ZHE'O, ,'JIG RTEN NA NI PHAL CHER BYA BA MANG PO'I THA SNYAD KYI DBANG GIS BYA BA'I DNGOS PO LA MNGON PAR ZHEN PAS MNGON PAR ZHEN PA'I ZUG RNGU DE BSAL BA'I PHYIR 'GRO BA'I MTSAN NYID KYI BYA BA GCIG BSTZAL NA, BYA BA LHAG MA DAG BSTZAL PA YANG SLA BAS, DE'I PHYIR PHYOGS SNGA MA NYE BAR GZHAG GO, ,'DI LA SKABS KYI DON GYI MI MTHUN PA'I PHYOGS SU GYUR PA SNANG STE, NANG GI DNGOS PO RNAMS SKYES PA KHO NA YIN TE, DE DAG GI YUL DANG LDAN PA'I THA SNYAD BYED PA'I PHYIR RO, ,'DI LA GANG MI SKYE BA NI DE DAG GI YUL DANG LDAN PA'I THA SNYAD MI BYED DE, DPER NA MO GSHAM GYI BU 'GRO BAR MI BYED PA BZHIN NO, ,LHAS BYIN DANG KHYAB 'JUG BSHES GNYEN NI DE LTAR 'GRO BAR BYED PA MA YIN PAS, DE'I PHYIR NANG GI DNGOS PO RNAMS SKYE BA KHO NA YIN NO; ,PHYOGS SNGA MA NYE BAR BZHAG PA BSTZAL BA'I PHYIR 'DI BSHAD DE, GAL TE SBYIN PA DANG, TSUL KHRIMS DANG, BSAM GTAN LA SOGS PA'I SGRUB PAR GYUR PA SKYE BA DANG, 'GRO BA DANG 'ONG BA 'JIG RTEN LA GRAGS PA DAG SGRUB NA NI GRUB PA LA SGRUB PA YIN NO, ,'ON TE DON DAM PAR RNAL 'BYOR PA MNYAM PAR GZHAG PA SHES RAB KYI MIG GIS DNGOS PO RNAMS KYI YANG DAG PA JI LTA BA BZHIN NYID MTHONG BA'I SKYE BA DANG 'GRO BA DANG, 'ONG BA DAG YOD PAR SGRUB NA NI DE DAG GI YUL DANG LDAN PA'I THA SNYAD BYED PA'I PHYIR RO ZHES BYA BA'I GTAN TSIGS KYI DON MA GRUB PA NYID DE, 'GRO BA YANG SKYE BA DGAG PA KHO NA BZHIN DU DGAG @63B PAS 'GRO BA BKAG PA'I PHYIR RO, ,SPYI'I RNAM PA GNYIS KA'I PHYOGS LA GRAGS PA GTAN TSIGS SU RTOGS NA YANG RJES SU 'GRO BA MED PA'I PHYIR DANG, MI MTHUN PA'I PHYOGS 'BA' ZHIG LA DE RJES SU 'GRO BA'I PHYIR GTAN TSIGS KYI DON 'GAL BA NYID DO, ,YANG BSHAD PA, 'DI LA GAL TE DON DAM PAR 'GRO BA YOD PAR GYUR NA DE SONG BA'AM MA SONG BA'AM, BSGOM PA LA YOD PAR 'GYUR GRANG NA, DE LA YANG, RE ZHIG SONG LA 'GRO MED DE, ,DE LA 'GRO BA'I BYA BA 'DAS ZIN PA'I PHYIR RO, ,DON DE NI GZHAN DAG LA YANG GRAGS PAS BSGRUB PAR MI BYA'O, ,DE SMOS PA NI GZHAN 'DOD PA'I DPE NYID DU BZHED PA'I PHYIR RO; ,DE'I CHOS NI LAM NYID YIN LA, MA SONG BA'I YANG DE DANG 'DRA BAS, DE'I PHYIR, MA SONG BA LA'ANG 'GRO BA MED, ,LAM YIN PA'I PHYIR SONG BA'I LAM BZHIN NO ZHES BYA BAR DGONGS SO, ,YANG NA MA SONG BA ZHES BYA BA NI 'GRO BA'I BYA BA MA BRTZAMS PA STE DE'I CHOS NI MA SONG BA NYID YIN NO, ,DPE NI BSGRUB PAR BYA BA DANG, SGRUB PA'I CHOS KYI DBANG GIS TE, ,GNYI GA LA GRAGS PA'I CHOS DANG LDAN PA'I CHOS CAN 'GRO BAR MI 'DOD PA'I LAM YIN NO, ,'DIR RJES SU DPAG PA NI MA SONG BA LA 'GRO BA MED DE MA SONG BA YIN PA'I PHYIR DPER NA DE LAS GZHAN PA 'GRO BAR MI 'DOD PA'I LAM BZHIN NO, ,'DI LA 'UG PA PA DAG NA RE, CI MA SONG BA DE LA LHAS BYIN 'GRO BA'I BYA BA MA SKYES PAS 'GRO BA MED PAR STON TAM, 'ON TE 'GRO BA'I BYA BA SKYES PAS 'GRO BA MED PAR STON, DES CI RA 'GYUR, GAL TE BRTAG PA SNGA MA LTAR 'DOD NA NI GRUB PA LA SGRUB PA YIN NO, ,'ON TE BRTAG PA PHYI MA LTAR 'DOD NA NI GTAN TSIGS KYI DON 'GAL BA NYID YIN PAS DES NA GTAN TSIGS SNGA MA'I DON MA GRUB PA NYID MA YIN NO, ,GAL TE RDZAS LAS GZHAN PA'I 'GRO BA MA GRUB PAS DE RIGS PA MA YIN NO ZHE NA, LHAS BYIN 'GRO BA DANG LDAN PA YIN NO SNYAM PA'I BLO GROS KYI YUL NI LHAS BYIN GYI BDAG NYID LAS GZHAN PA'I TSIG GI DON DANG LDAN PA YIN TE, DES PA SKYE BA'I PHYIR DPER NA LHAS BYIN DBYUG PA DANG LDAN PA YIN NO SNYAM PA'I BLO GROS KYI YUL BZHIN NO ZHES ZER RO, ,DE LA 'DIR GAL TE LHAS BYIN KHYAD PAR GANG YANG RUNG BA DANG LDAN PA LA BLO GROS KYI YUL NYID LHAS BYIN GYI BDAG NYID LAS GZHAN PA'I TSIG GI DON DANG LDAN PA YIN PAR STON NA NI, THA @64A *, ,SNYAD DU SGRUB PA LA BSGRUB PA YIN TE, 'DI LTAR LHAS BYIN ZHES BYA BA 'DU BYED KYI TSOGS YUL GZHAN DU SKYE BA'I MTSAN NYID KYI KHYAD PAR DANG LDAN PA LA 'DI 'GRO BA DANG LDAN NO SNYAM PA'I BLO GROS 'DI KHAS BLANGS PA'I PHYIR RO, ,JI STE LHAS BYIN 'GRO BA ZHES BYA BA'I TSIG GI DON DANG LDAN PA YIN NO ZHE NA NI DPE MED PAR 'GYUR RO, ,JI STE GZHAN DU NA YANG THA SNYAD DU YANG DON 'GAL BA NYID YIN NA DON DAM PAR LTA SMOS KYANG CI DGOS TE, DE'I PHYIR JI SKAD SMRAS PA'I SKYON LDOG PA MED DO, ,RANG GI SDE PA DAG LAS KHA CIG NA RE, 'DUN PA'I RGYU LAS BYUNG BA'I RTZOL BAS BSKYED PA'I RLUNG GI KHAMS LAS 'BYUNG BA DANG, 'BYUNG BA LAS GYUR PA'I TSOGS LUS ZHES BYA BA YUL GZHAN DU BAR CHAD MED PAR SKYE BA BYUNG BA LAS 'GRO BA ZHES BYA'O, ,DE'I PHYIR 'GRO BA DON GZHAN DU GYUR PA MED DE, SKYE BA'I YUL NYID DU SKYE BAR BYED PA 'JIG PA'I PHYIR ME LCE LA SOGS PA BZHIN DU 'GRO BA 'KHRUL PA YIN PAS 'GRO BA DON GZHAN DU KHAS MI LEN TO; ,DON DAM PAR YANG 'GRO BA MED PAS DON DAM PAR YANG 'GRO BA 'GOG PA NI GRUB PA LA SGRUB PA YIN NO ZHES ZER RO, ,SKYE BA BKAG PAS JI SKAD SMRAS PA'I SGRUB PA MI 'GRUB PA'I PHYIR DANG, ME LCE LA SOGS PA BZHIN DU 'GRO BA 'KHRUL PA YIN NO ZHES BYA BA'I SHES PA DE YANG 'KHRUL PA YIN PA'I PHYIR DANG, 'GRO BA PO DANG, 'GRO BA GNYIS GZHAN NYID MA YIN PA YANG 'GOG PAR 'GYUR BA'I PHYIR DE YANG SKYE BO MKHAS PA'I YID MGU BAR BYED PA MA YIN NO, ,GRANGS CAN DAG NA RE, MA SONG BA LA RDUL SHAS CHE ZHING BYA BA BYED PA LA 'JUG PA GSAL BAR GYUR PA NA 'GRO'O ZHES ZER RO, ,DE DAG GI YANG GSAL BA BKAG PA'I PHYIR 'GRO BA MI 'GRUB PAS RTOG PA TZAM DU ZAD DO, ,CI STE YANG 'GRO BA SMRA BA DAG JI SKAD BSHAD PA'I SKYON GYIS 'JIGS PAS BSGOM PA LA 'GRO BA YOD PAR DAM BCAS NA, JI SKAD BSHAD PA'I SKYON MED DO SNYAM NA SLOB DPON GYIS DON DE NGES PAR MDZAD NAS SONG BA DANG, MA SONG BA DAG DANG GTOGS PAR BGOM PA MED PA NYID KYIS BSHAD PA, SONG DANG MA SONG MA GTOGS PAR, ,BGOM PA SHES PAR MI 'GYUR RO, ,GZUNG DU MED DO ZHES BYA BA'I THA TSIG GO , ,JI LTAR DE MED CE NA, 'DI LA BGOM PA DE NA SONG BA'AM, MA SONG BA'AM GANG CUNG ZAD SONG DANG MA SONG BA GNYI GA ZHIG YIN GRANG NA @64B PHYOGS GNYI GAR BSTAN PA'I RJES SU DPAG PA'I GNOD PAR 'GYUR BA'I PHYIR RO, ,'DIR SMRAS PA, BGOM PA MED PA MA YIN TE, ,'DI LTAR, GANG NA G-YO BA DE NA 'GRO, ,DE YANG GANG GIS BGOM PA LA, ,G-YO BA SONG MIN MA SONG MIN, ,DE PHYIR BGOM LA 'GRO BA YOD, ,DE LA PHYOGS GANG NA RKANG PA 'DEGS PA DANG, 'JOG PA'I MTSAN NYID KYI G-YO BA SNANG BA DE NA 'GRO BA YOD DE, G-YO BA DE YANG GANG GI PHYIR BGOM PA LA SNANG GI ,G-YO BA DE SONG BA LA YANG MI SNANG, MA SONG BA LA YANG MI SNANG BA DE'I PHYIR BGOM PA LA 'GRO BA YOD DO, ,DES NA DE LTAR BGOM PA YOD PAS 'GRO BA 'GRUB PA'I PHYIR 'DOD PA GRUB BO, ,DE'I PHYIR DE LTAR JI SKAD SMRAS PA'I TSUL GYIS NA BGOM PA SHES PAR MI 'GYUR RO ZHES BSHAD PA, GANG YIN PA DE RIGS PA MA YIN ZHING, PHYOGS GNYI GAR BSTAN PA'I RJES SU DPAG PA'I GNOD PAR YANG MI 'GYUR RO ZHE'O, ,GZHAN DAG NI GANG GI ZHES BYA BA 'GRO BA'O ZHES ZER RO, ,KHA CIG NA RE, DE NI RIGS PA MA YIN TE, DE'I PHYIR ZHES BYA BA'I SGRA'I ZLA MED PA'I PHYIR DANG, BYA BA'I GZHI 'KHRUL PA MED PA'I PHYIR DANG, SONG BA DANG MA SONG BA'I 'GRO BA PO'I 'GRO BA DGAG PA BSTAN PA'I PHYIR RO ZHE'O, ,'DIR BSHAD PA, BGOM LA 'GRO BA YOD PAR NI, ,JI LTA BUR NA 'THAD PAR 'GYUR, ,GANG GI TSE DMIGS KYIS BSAL BA DANG, MA BSAL BA'I NGO BO NYID KHAS BLANGS SU ZIN KYANG DE LA 'GRO BA YOD PAR MI 'THAD DE, LAM YIN PA'I PHYIR DPER NA SONG BA'I LAM BZHIN NO ZHES BYA BAR DGONGS SO, ,YANG NA, BGOM LA 'GRO BA YOD PAR NI, ,JI LTA BUR NA 'THAD PAR 'GYUR, ,ZHES BYA BA NI BRGAL ZHING BRTAG PA MTSUNGS PA'I PHYIR RO ZHES BYA BAR DGONGS TE, BGOM PA LA 'GRO BA YOD PAR BRTAG NA BRGAL ZHING BRTAG PA MTSUNGS PA 'DIR 'GYUR TE, G-YO BA SONG BA'AM, MA SONG BA'AM, DE GNYIS DANG MI 'DRA BA'I CHOS GANG LA YOD CE NA, DE LA YANG SKYON BSHAD ZIN TO, ,YANG NA, BGOM LA 'GRO BA YOD PAR NI; ,JI LTA BUR NA 'THAD PAR 'GYUR, ,ZHES BYA BA NI, DON DAM PA'I 'GRO BA YOD PAR STON PA'I RJES SU DPAG PA MED PA'I PHYIR, GANG TSE 'GRO BA MED PA YI, ,BGOM PA 'THAD PA MED PHYIR RO, ,RTA BCING BA DANG MTHUN PA'I PHYIR RO ZHES BYA BAR YANG DGONGS TE, 'DI LA JI LTAR RTA BCING BA DANG MTHUN PA @65A *, ,NYID YIN ZHE NA, BGOM PA GANG YIN, G-YO BA GANG NA BA'O, ,G-YO BA GANG NA, BGOM PA NA'O ZHES BYA BAS GANG YANG RUNG BA DMIGS KYIS MA BSAL BA'I PHYIR RO, ,CI STE THOG MA MED PA NAS THA SNYAD DU GRAGS PA'I BGOM PA KHAS BLANGS NAS DE LA DON DAM PA BA'I 'GRO BA YOD PAR 'DOD NA, DE LTA NA YANG 'DI LA 'GRO BA'I BYA BA GCIG PU ZHIG YOD PA DE NI BGOM PA ZHES BYA BA DE LA NYE BAR SBYAR BA'I MTHU CAN YIN PAS BGOM PA LA 'GRO BA YOD DO ZHES BYA BA'I 'GRO BA GZHAN DE GANG ZHIG YOD, DE LA PHA ROL POS NANG GI DNGOS PO RNAMS SKYES PA KHO NA YIN TE, DE DAG GI YUL DANG LDAN PA'I THA SNYAD BYED PA'I PHYIR RO ZHES SMRAS PA GANG YIN PA DE MA GRUB STE, GTAN TSIGS KYI DON MA GRUB PA'I PHYIR RO, ,DPE YANG MA GRUB STE, DON DAM PAR LHAS BYIN MA GRUB PA'I PHYIR RO, ,CI STE 'GRO BA'I BYA BA NI BGOM PA ZHES BYA BA DE LA YONGS SU RDZOGS PA NYID MA YIN LA, 'DI LTAR DE NI KHO BO CAG 'GRO BA'I SGRAR BRJOD PAS DES NA DE YOD PA'I PHYIR, GTAN TSIGS KYI DON MA GRUB PA NYID MA YIN NO ZHE NA, 'DIR BSHAD PA, GANG GIS BGOM LA 'GRO YOD PA, ,DE YI BGOM LA 'GRO MED PAR, ,THAL BAR 'GYUR TE GANG GI PHYIR, ,BGOM PA KHONG DU CHUD PHYIR RO, ,SMRAS PA GANG GI BGOM PA LA 'GRO BA YOD PA DE'I PHYOGS LA 'GRO BA LA 'GRO BA YOD KYANG BGOM PA LA 'GRO BA MED PAR THAL BAR 'GYUR TE, CI'I PHYIR ZHE NA, GANG GI PHYIR BGOM PA ZHES BYA BA, DE LA 'GRO BA'I BYED PA YONGS SU MA RDZOGS SHING, MA ZHUGS PAR KHONG DU CHUD CING SHES PAR 'GYUR BA'I PHYIR RO, ,DE NI MI 'DOD DE BGOM PA ZHES BYA BA DE 'GRO BA DANG BCAS PAR 'DOD PAS DES NA 'GRO BA'I BYED PAS DE LA DON BYAS ZIN PA'I PHYIR 'GRO BA GZHAN MI 'THAD PAS JI SKAD BSHAD PA'I SKYON LDOG PA MED DO, ,CI STE JI SKAD BSHAD PA'I SKYON GYI NYEN YONGS SU SPANG BAR 'DOD PAS BGOM PA 'GRO BA DANG LDAN PAR 'DOD CING, 'GRO BA NYID 'GRO BA YIN NO ZHE NA, DE LTA NA YANG; BGOM LA 'GRO BA YOD NA NI, ,'GRO BA GNYIS SU THAL 'GYUR TE, ,GANG GIS BGOM PA DE DANG NI, ,DE LA 'GRO BA GANG YIN PA'O, ,DON DAM PA PA'I 'GRO BA DANG LDAN PA'I BGOM PA LA 'GRO BA YOD PAR RTOG NA NI 'GRO BA GNYIS SU THAL BAR 'GYUR TE, 'GRO BA GANG GIS BGOM PA DE BGOM PA @65B ZHES BYA BAR GYUR BA DANG, 'GRO BA GANG GIS BGOM PA DE LA THA SNYAD PA'I 'GRO BA YOD PAR 'GYUR BA GANG YIN PA'O, ,DE LTAR NA, 'GRO BA GNYIS SU THAL 'GYUR NA, ,'GRO BA PO YANG GNYIS SU 'GYUR, ,CI'I PHYIR ZHE NA, GANG PHYIR 'GRO PO MED PAR NI, ,'GRO BA 'THAD PAR MI 'GYUR PHYIR, , ZHES BYA BA'I TSIG GI LHAG MA'O, ,DE YANG MI 'DOD PAS, DE'I PHYIR JI SKAD BSHAD PA'I SKYON GYI DRI MA NGES PAR BSAL BAR 'DOD PAS THA SNYAD PA'I 'GRO BA GCIG KHO NA KHAS LEN CING DE LA LTOS PAS 'GRO BA PO DANG BGOM PA 'GRUB TU ZIN KYANG, DON DAM PA PA'I 'GRO BA YANG MI 'THAD PAS DE DAG GI YUL DANG LDAN PA'I THA SNYAD BYED PA'I PHYIR RO ZHES BYA BA GTAN TSIGS KYI DON MA GRUB PA NYID KYI PHYIR DANG, DPE MED PA'I PHYIR NANG GI DNGOS PO RNAMS SKYES PA KHO NA YIN TE ZHES BYA BA MI 'GRUB CING, RTEN CING 'BREL PAR 'BYUNG BA 'ONG BA MED PA DANG, 'GRO BA MED PA'I KHYAD PAR DANG LDAN PA GRUB BO, ,SGRA PA DAG NA RE 'GRO BA NI GCIG TU ZAD DE, DE NYID KHO BO CAG RANG RANG GI NGO BO NYID KYIS 'GRO BAR BRJOD CING, DE GZHI GANG NA YOD PA DE NI BGOM PA YIN LA, 'GRO BA PO GANG YIN PA DE NI BYED PA PO YIN PAS DE'I PHYIR 'GRO BA PO DANG 'GRO BA GNYIS SU THAL BAR MI 'GYUR RO ZHES ZER RO, ,DE NI RIGS PA MA YIN TE, DON DAM PAR 'GRO BA'I SKYE BA BKAG PA'I PHYIR DANG, BGOM PA MED PAS 'GRO BA MED PA'I PHYIR DANG, 'DU BYED KYI TSOGS YUL GZHAN DU SKYES PA LA 'GRO BA PO NYID DU THA SNYAD 'DOGS PA'I PHYIR DANG, BGOM PA YANG BRTAGS ZIN PA'I PHYIR RO,, ,,DBU MA'I RTZA BA'I 'GREL PA SHES RAB SGRON MA, BAM PO GSUM PA, GZHAN DAG NA DE 'GRO BA YOD PA KHO NAR SHES PAR BYA STE, DE'I GZHI YOD PA'I PHYIR RO, ,'DI NA GANG LA GZHI MED PA DE NI YOD PA MA YIN TE, DPER NA MO GSHAM GYI BU'I 'GYEL BA DANG, 'GRO BA LA SOGS PA BZHIN NO, ,'GRO BA'I GZHI 'GRO BA PO DE SHAR MA YOD PAS DE LTAR GZHI YOD PA'I PHYIR 'GRO BA YOD PAS GTAN TSIGS GRUB PA'I PHYIR, NANG GI SKYE MCHED RNAMS SKYE BA KHO NA YIN ZHING 'GRO BA DANG 'ONG BA LA SOGS PA YANG 'GRUB BO ZHES ZER RO, ,'DIR BSHAD PA, GAL TE 'GRO PO MED GYUR NA, ,'GRO BA 'THAD PAR MI 'GYUR TE, ,'GRO BA MED NA 'GRO BA PO, ,YOD PA NYID @66A *, ,DU GA LA 'GYUR, ,GTAN TSIGS BRJOD PA MED NA 'GRO BA MI 'GRUB PAS JI SKAD BSHAD PA'I SKYON MED PAR MI 'GYUR RO SNYAM NAS 'GRO BA PO MED NA 'GRO BA YOD PA MA YIN PAS, 'GRO BA'I GZHI 'GRO BA PO LA BRTEN NAS GZHI YOD PA'I PHYIR RO ZHES GTAN TSIGS BRJOD PAR GYUR NA DE LTA NA, GAL TE 'GRO PO MED GYUR NA, ,'GRO BA 'THAD PAR MI 'GYUR TE, ,ZHES BYA BA MA YIN NAM, 'GRO BA DE YANG MI 'THAD DO ZHES DPYAD ZIN TO, ,DE'I PHYIR, 'GRO BA MED NA 'GRO BA PO, ,YOD PA NYID DU GA LA 'GYUR, ,'GRO BA PO NYID KYI RGYU MED PA'I PHYIR RO ZHES BYA BAR DGONGS SO, ,GA LA ZHES BYA BA'I SGRA NI YID MI CHES PA STE, 'GRO BA PO MED DO ZHES BYA BA'I TSIG GI DON TO, ,RGYAS PAR NI SNGA MA BZHIN NO, ,'GRO BA PO MA GRUB PAS GZHI YOD PA'I PHYIR RO ZHES BYA BA'I GTAN TSIGS KYI DON MA GRUB NYID DAM, DON 'GAL BA NYID DO, ,'DIR SMRAS PA, 'O NA 'GRO BA GRUB PAR BYA BA'I RJES SU DPAG PA GZHAN 'DI NYON CIG ;'GRO BA YOD PA KHO NAR NGES TE, DES DE DANG LDAN PA'I THA SNYAD YOD PA'I PHYIR RO, ,'DI NA GANG MED PA LA NI DES DE DANG LDAN PAR MI STON TE, DPER NA RI BONG RA CAN ZHES MI STON PA BZHIN NO, ,LHAS BYIN 'GRO BA PO ZHES 'GRO BAS DE DANG LDAN PA'I THA SNYAD 'DI YOD PAS DES NA 'GRO BA YOD PA'I PHYIR BSAMS PA'I DON 'GRUB BO, ,'DIR BSHAD PA, 'DI LA LHAS BYIN 'GRO BA PO ZHES BYA BA'I THA SNYAD 'DI DON DAM PAR 'GRO BA PO'I YIN PAR 'DOD DAM, 'GRO BA PO MA YIN PA'I YIN PAR 'DOD, DE LA RE ZHIG 'GRO BA PO MI 'GRO STE, RE ZHIG CES BYA BA'I SGRA NI RIM PA LA LTOS PA'O, ,'GRO BA PO MI 'GRO STE ZHES BYA BA NI, DAM BCA' BA NYE BAR GZHAG PA'O, ,BDAG GI TSIG TU BSTAN PA NI 'DI LTAR GANG DAG SGRA TZAM GYI RJES SU 'BRANG BA, CHOS RAB TU 'BYED PA LA MI MKHAS PA, LTA BA NGAN PAS BLO GROS NYAMS PAR GYUR PA, TSUL KHRIMS DANG, BSAM GTAN DANG, SHES RAB LA RGYAB KYIS PHYOGS PA, RANG YANG LAM GOL BAR ZHUGS SHING, GZHAN DAG KYANG, GSANG TSIG SGRA DANG YIG 'BRUS NYAMS GYUR NA, ,LOG PAR SBYAR BAS DE YI DON MI STON, ,RDO RJE'I TSIG DES MCHOD SBYIN BYED BRLAG STE, ,DBANG PO'I DGRA PO SGRA YIS BRLAG PA BZHIN, ,ZHES BYA BA DANG, LHA MA YIN DE DAG GIS HE LA YO HE LA YA ZHES SMRAS PA @66B NA ZA'I GYIS NON PAR GYUR PA DANG, MI BSGRUB PA TSIG ZUR CHAG SMRAS NAS TSIG LDAN MA'I SGRUB MCHOD SPYOD SEL CAN SPYOD PAR BYED PA LA SOGS PA DANG, SGRA GCIG LEGS PAR SBYAR NA YANG LEGS PA BYED PA RNAMS KYI 'JIG RTEN DU 'GRO BAR BYED DO ZHES BYA BA DANG, 'DI SKAD CES GZHAN GYI TSIG CAN DANG, BDAG GI TSIG CAN DANG, GNYI GA'I TSIG CAN GYI SKAD KYI BYINGS NGES PAR GNAS PA'I RANG GI NGO BO RNAMS NI RJES SU SMRA BA KHO NAR ZAD PAS BDAG GI TSIG CAN NYID KYI BRDAR GDAGS SU MI RUNG NGO ZHES ZER BAS DER 'DZUD PAR BYED PA DAG DE LA MNGON PAR ZHEN PA SPANG BA'I PHYIR RO, ,DE DAG LA 'DI SKAD CES BRJOD PAR BYA STE, GZHAN GYI TSIG CAN GYI SKAD KYI BYINGS DAG NI, GZHAN GYI TSIG CAN GYI NGO BO NYID DAG MA YIN TE, GNYI GA'I TSIG CAN NYID MA YIN PA DANG, SKAD KYI BYINGS YIN PA'I PHYIR BDAG GI TSIG CAN BZHIN NO, ,BDAG GI TSIG CAN GYI SKAD KYI BYINGS DAG LA YANG DE SKAD BRJOD PAR BYA'O, ,DE BZHIN DU GNYI GA'I TSIG CAN GYI SKAD KYI BYINGS DAG KYANG GNYI GA'I TSIG CAN GYI NGO BO NYID DAG MA YIN TE, SKAD KYI BYINGS YIN PA'I PHYIR DE LAS GZHAN BZHIN NO, ,NGES PAR SMRA BA DAG LA NI KHYAD PAR CAN GYIS SBYAR BA'I SGRA'I RJES SU SMRA BA'I PHYIR DANG, SBYOR BA RNAM PAR DBYE BA LA SOGS PA'I RIM GYI 'GRO BA DAG GIS TSIG CAN NYID DU 'GRUB PAS KUN RDZOB TU GNOD PA MED DO ZHES BRJOD PAR BYA'O, ,'GRO BA PO MI 'GRO STE ZHES BYA BA 'DI LA, 'GRO BA PO NI BYA BA DANG LDAN PA'I PHYIR DE'I CHOS NI BYA BA DANG LDAN PA NYID YIN NO, ,DPE NI BSGRUB PAR BYA BA DANG, SGRUB PA'I CHOS KYI DBANG GIS TE, DE LAS GZHAN PA YIN NO, ,'DIR SBYOR BA'I TSIG NI DON DAM PAR 'GRO BA PO MI 'GRO STE, BYA BA DANG LDAN PA'I PHYIR SDOD PA PO BZHIN TE, DE LTAR RE ZHIG 'GRO BA PO MI 'GRO'O, ,GZHAN DAG NA RE, 'GRO BA PO MA YIN PA 'GRO BAS KHO BO CAG LA SGRUB PA DES MI GNOD DO ZHES ZER RO, ,'DIR BSHAD PA, 'GRO BA PO MIN 'GRO BA MIN, ,GANG GI TSE THA SNYAD DU 'GRO BA DANG LDAN PAR GRAGS PA'I 'GRO BA PO YANG 'GRO BAR MI 'THAD PA DE'I TSE, 'GRO BA PO MA YIN PA 'GRO BAS STONG PA NI MI 'GRO BA KHO NA YIN TE, 'GRO BA DANG BRAL BA'I PHYIR RO ZHES BYA BAR DGONGS SO, ,GAL TE 'GRO BA PO MA YIN NA NI JI LTAR 'GRO ,'ON TE 'GRO NA NI 'GRO BA PO MA YIN PA ZHES BYAR MI RUNG NGO, ,YANG NA, 'GRO BA PO MIN 'GRO BA MIN, ,ZHES BYA BA NI, CHOS MTHUN @67A *, ,PA'I DPE NYE BAR GZHAG PA YIN NO, ,'DI LA 'GRO BA DANG MI LDAN PA NYID KYIS 'GRO BA PO MA YIN PA NI BSGRUB PAR BYA BA YIN PAR SHES PAR BYA STE, 'GRO BA PO MIN 'GRO BA MIN, ,ZHES BYA BA'I DBANG DU BYAS PA'I PHYIR RO, ,'GRO BA PO MA YIN PA'I CHOS NI, 'GRO BA DANG BRAL BA NYID YIN PAS SGRUB PA'I CHOS MNGON NO, ,DE'I PHYIR SBYOR BA'I TSIG NI DON DAM PAR 'GRO BA PO MA YIN PA YANG MI 'GRO STE, 'GRO BA DANG BRAL BA'I PHYIR DE LAS GZHAN PA BZHIN NO, ,GZIGS ZAN PA'I PHYOGS DAG DANG, RANG GI SDE PA DAG LA YANG DE BZHIN DU BRJOD PAR BYA'O, ,GRANGS CAN DAG GRUB PA LA SGRUB PA'I SKYON NYE BAR 'DOGS PA DAG LA BRGAL ZHING BRTAG PAR BYA STE, 'GRO BA PO MA YIN PA DE GANG YIN, GAL TE 'GRO BA MI GSAL BA'O ZHE NA NI, RJES SU DPAG PA'I GNOD PA JI SKAD BSHAD PA NYID BRJOD PAR BYA'O, ,GAL TE 'GRO BA PO'I SNGON ROL GYI GNAS SKABS SO ZHE NA NI RANG GI RJES SU DPAG PA LA GNOD DE, 'GRO BA PO'I SNGON ROL GYI GNAS SKABS NA SDOD PA PO LA SOGS PA'I GZUGS 'CHANG BA RNAMS KYANG 'GRO BA PO MA YIN PA'I PHYIR RO, ,GAL TE 'GRO BA PO MED PA'O ZHE NA NI PHYOGS SNGA MA LA GNOD DE, 'GRO BA PO MA YIN PA'I SGRAS 'GRO BA PO MED PAR KHAS MA BLANGS PA'I PHYIR RO, ,GZHAN DAG NA RE RNAM GRANGS LAS 'GRO BA PO DANG, 'GRO BA PO MA YIN PA'I 'GRO BA KHAS BLANGS PA LA JI SKAD BSHAD PA'I SKYON LDOG GO ZHES ZER RO, ,'DIR BSHAD PA SLOB DPON GYIS 'GRO BA PO DANG, 'GRO BA PO MA YIN PA 'TSOL BA'I RANG BZHIN GZHAN NI 'GRO BA'I BYA BA DANG MI LDAN ZHING MED PA NYID KYIS BSHAD PA, 'GRO PO 'GRO PO MIN LAS GZHAN, ,GSUM PA GANG ZHIG 'GRO BAR 'GYUR, , DE LTA BU DE NI MED PA KHO NA YIN NO ZHES BYA BAR DGONGS TE, 'GRO BA PO YIN PAR YANG 'GYUR LA, 'GRO BA PO MA YIN PAR YANG 'GYUR BA DE NI BSTAN PAR DKA' BA'I PHYIR RO, ,'DI LA RNAM GRANGS KYI TSUL GYI THA MA LAG DAG GIS DGAG PA MI MTHUN PA'I SKYON DU 'GYUR BAS, GDON MI ZA BAR 'GA' ZHIG LA LTOS NAS 'GRO BA POR 'GYUR LA, 'GA' ZHIG LA LTOS NAS 'GRO BA PO MA YIN PAR 'GYUR RO ZHES RNAM GNYIS SU SMRA BA YONGS SU GZUNG BAR BYA YIN NO, ,DE'I TSE YANG 'GRO BA PO DANG, 'GRO BA PO MA YIN PA'I PHYOGS SU BSTAN PA'I RJES SU DPAG PA'I GNOD PAR 'GYUR BAS 'DOD PA'I DON MI 'GRUB BO, ,CI STE BYA BA DANG LDAN PA NYID CES @67B BYA BA NI MTHUN PA'I PHYOGS LA KHYAB PA MA YIN PA'I PHYIR GTAN TSIGS KYI DON MA GRUB PA NYID DO ZHE NA, DE NI BZANG PO MA YIN TE, BYA BA DANG LDAN PA NYID NI MI 'GRO BA KHO NA LO ZHES NGES PAR GZUNG BA'I PHYIR TE, DPER NA BRTZAL MA THAG TU 'BYUNG BA NYID NI MI RTAG KHO NA'O ZHES NGES PAR BZUNG BAS KHYAB PA MA YIN YANG PHYOGS KYI CHOS GTAN TSIGS NYID DU 'DOD PA'I PHYIR RO, ,BYA BA DANG LDAN PA NYID LA YANG 'GRO BA DGAG PA'I PHYIR GTAN TSIGS KYI DON MA GRUB PA NYID MA YIN NO, ,'DIS 'GRO BA DANG BRAL BA NYID GTAN TSIGS YIN PAR YANG LAN BTAB PA YIN NO, ,CI STE SDOD PA PO NI 'GRO BA PO MA YIN PAR YANG 'GYUR LA, 'GRO BA POR YANG 'GYUR BAS SDOD PA PO KHAS BLANGS PAS DPE MED DE, BSGRUB PAR BYA BA CHOS KYI PHYOGS GCIG DANG MI LDAN PA'I PHYIR RO ZHE NA, BSGRUB PAR BYA BA'I CHA GNYI GA LA GRAGS PAS SDOD PA PO DPER RUNG BA'I PHYIR SKYON MED DO, ,DE'I PHYIR GAL TE DE LTA NA 'DI LA 'GRO ZHES BYA BA'I THA SNYAD 'GA' YANG MI 'THAD PAS DES NA DE DANG LDAN PA'I THA SNYAD YOD PA'I PHYIR RO ZHES BYA BA'I GTAN TSIGS KYI DON MA GRUB PA NYID DO, ,DPE YANG MED DE BSGRUB PAR BYA BA CHOS DANG MI LDAN PA'I PHYIR RO, ,GTAN TSIGS KYI DON 'GAL BA NYID KYANG YIN NO, ,'DIR SMRAS PA, 'GRO BA PO 'GRO'O ZHES BRJOD PA MTHONG STE, MTHONG BA LAS CHES LHAG PA GZHAN MED PAS GTAN TSIGS LA SOGS PA MA GRUB PA MA YIN NO, ,'DIR BSHAD PA, BDEN MOD KYI DE NI THA SNYAD DU GTOGS PA'I BLO GROS KYIS MTHONG BA YIN NO, ,DE NYID DON DAM PAR BRTAG PAR BYA STE, CI MTHONG BA DE JI LTAR MTHONG BA DE BZHIN NAM, 'ON TE GZHAN ZHIG YIN, DE LA RE ZHIG DE BZHIN NO ZHE NA NI, SHES PAR BYAR MI NUS TE, JI LTA ZHE NA, RE ZHIG 'GRO'O 'GRO'O ZHES, ,JI LTAR 'THAD PA NYID DU 'GYUR, ,MI 'THAD PA NYID DO ZHES BYA BA'I TSIG GI DON TE DPER NA G-YUL NGOR 'PHROS PA LA GZHOL BA JI LTAR DPA' BO YIN ZHES BYA BA BZHIN NO, ,JI LTAR MI 'THAD CE NA, DE STON PAR BYED PA NI, 'GRO BA MED NA 'GRO BA PO, ,NAM YANG 'THAD PAR MI 'GYUR RO, ,'GRO BA JI LTAR MED PA DE LTAR NI DANG PO KHO NAR, RE ZHIG SONG LA 'GRO MED DE, ,ZHES BYA BA LA SOGS PA DANG, 'GRO BA SKYE BA DGAG PA DER BSTAN ZIN TO, ,YANG NA, RE ZHIG 'GRO PO MI 'GRO STE, ,ZHES BYA BA NI DAM BCAS PA NYE BAR BZHAG PA YIN LA, RE ZHIG 'GRO PO @68A *, ,'GRO'O ZHES, ,JI LTAR 'THAD PA NYID DU 'GYUR, ,ZHES BYA BA LA SOGS PA NI DE STON PAR BYED PA YIN TE, JI SKAD BSHAD PA BZHIN DU RNAM PAR BSHAD PAR BYA'O, ,DE'I PHYIR DE LTAR DON DAM PAR 'GRO BA MED PA BZHIN DU 'GRO BA PO YANG DAG PA MA YIN YANG SGRO BTAGS NAS 'GRO BA PO 'GRO'O ZHE NA, GANG GI PHYOGS LA 'GRO BA PO, ,'GRO BA DE LA 'GRO MED PA'I, ,'GRO PO YIN PAR THAL 'GYUR TE, ,'GRO PO 'GRO BAR 'DOD PHYIR RO, ,SMRA BA GANG GI PHYOGS LA 'GRO BA PO 'GRO BAR 'DOD PA DE LA 'GRO BA MED PA'I 'GRO BA PO YIN PAR THAL BAR 'GYUR TE, CI'I PHYIR ZHE NA, 'DI LTAR 'GRO BA PO 'GRO BAR 'DOD PA'I PHYIR TE, 'DI LTAR 'GRO BA MED NA 'GRO BA PO LA 'GRO BA DE DANG LDAN PA'I PHYIR RO ZHES BYA BAR DGONGS SO, ,YANG NA 'GRO BA GCIG PU ZHIG YOD PA DE DAG NI 'GRO'O ZHES BYA BA DE LA YONGS SU RDZOGS PAR BYAS PA'I PHYIR RO, ,CI STE SKYON DE YONGS SU SPANG BAR 'DOD PAS 'GRO BA PO DON DAM PA PA'I 'GRO BA DANG LDAN PAR 'DOD NA DE LTA NA YANG, GAL TE 'GRO PO 'GRO GYUR NA, ,'GRO BA GNYIS SU THAL 'GYUR TE, ,GANG GIS 'GRO POR MNGON PA DANG, ,'GRO POR GYUR NAS GANG 'GRO BA'O, ,GAL TE 'GRO BA PO GANG 'GRO BA DANG LDAN PAR GYUR NA 'GRO BA GNYIS SU THAL BAR 'GYUR TE, JI LTA ZHE NA, 'GRO BA GANG GIS 'GRO BA PO ZHES BYA BAR MNGON PA DANG 'GRO BA POR GYUR NAS 'GRO BA'I 'GRO BA GANG YIN PA'O, ,DE LTA NA, 'GRO BA GNYIS SU THAL 'GYUR NA, ,'GRO BA PO YANG GNYIS SU 'GYUR, ,GANG PHYIR 'GRO PO MED PAR NI, ,'GRO BA 'THAD PAR MI 'GYUR PHYIR, ,ZHES BYA BA'I SKYON 'DI YANG YOD DE, BYA BA NI GZHI LA RAG LAS PA'I PHYIR RO ZHES BYA BAR DGONGS SO, ,'GRO BA MED PA'I 'GRO BA PO NYID DANG, 'GRO BA GNYIS DANG, 'GRO BA PO GNYIS SU 'GYUR BA DE YANG MI 'DOD DE, JI LTAR 'DOD CE NA, 'GRO BA PO LA 'GRO BA YOD PA DANG, 'GRO BA YANG GCIG KHO NA DANG 'GRO BA PO YANG GCIG KHO NAR 'DOD DO, ,DE YANG KUN RDZOB TU 'GRUB KYANG DON DAM PAR MI 'GRUB PAS DPE MED PA'I PHYIR PHA ROL POS SMRAS PA'I SGRUB PA MI 'GRUB BO, ,PHYIR RGOL BA DAG 'GRO BA NI YOD PA KHO NA YIN TE, DE'I RTZOM PA YOD PA'I PHYIR RO, ,'DI NA GANG MED PA DE LA NI RTZOM PA MED DE, DPER NA NAM MKHA'I ME TOG GI PHRENG BA LA RTZOM PA MED PA BZHIN NO, ,SDOD @68B PAR GYUR PA LA NI RAB TU G-YO BA'I MTSAN NYID KYI 'GRO BA RTZOM PA YOD PAS, DE'I PHYIR 'GRO BA YOD PA KHO NA'O ZHE NA, 'DIR BYA GAG TSON SNA TSOGS DANG LDAN PA NYID KHA DOG GZHAN DU BSGYUR TE, NYE BAR 'JOG PA BZHIN DU, SNGAR LAN BTAB ZIN PA NYID TSIG GZHAN GYIS NYE BAR BZHAG PAS 'DI LTA STE, SLOB DPON GYIS 'DIR 'GRO BA'I RTZOM PA DE NYID CI SONG BA'AM, MA SONG BA'AM, 'ON TE BGOM PA LA YOD CES KHYOD LA BRGAL ZHING BRTAGS NA SNGA MA BZHIN DU RNAM PA THAMS CAD MI 'THAD PAR BSTAN PAR BZHED PAS BSHAD PA, SONG LA 'GRO BA'I RTZOM MED DE, ,DE LA 'GRO BA'I BYA BA 'DAS ZIN PA'I PHYIR RO, ,MA SONG BA LA'ANG 'GRO RTZOM MED, ,MA SONG BA 'GRO BAS STONG PA LA 'GRO BA MED PA'I PHYIR RO, ,BGOM LA RTZOM PA YOD MA YIN, ,SONG BA DANG MA SONG BA MA GTOGS PAR BGOM PA RTAG TU MED PA'I PHYIR RO, ,GANG DU 'GRO BA RTZOM PAR BYED, ,'O NA GANG GIS JI SKAD SMRAS PA'I GTAN TSIGS 'GRUB PAS 'DOD PA'I DON 'GRUB PAR 'GYUR BA DE DA SMROS SHIG ,DES NA 'DIS SONG BA DANG, MA SONG BA DANG, BGOM PA DAG LA RTZOM PA MED PAR BSTAN TO ZHES BYA BA'I TSIG GI DON TO, ,DE LTAR NA 'DIR SBYOR BA'I TSIG DAG TU 'GYUR BA NI SONG BA LA 'GRO BA'I RTZOM PA MED DE, LAM YIN PA'I PHYIR DPER NA MA SONG BA'I LAM BZHIN NO, ,YANG NA MA SONG BA LA 'GRO BA'I RTZOM PA MED DE, MA SONG BA'I PHYIR DPER NA 'GRO BAR 'DOD PA LAS GZHAN PA'I MA SONG BA BZHIN NO, ,DE BZHIN DU BGOM PA LA YANG 'GRO BA'I RTZOM PA MI 'THAD DE, LAM YIN PA'I PHYIR DPER NA, DE LAS GZHAN PA BZHIN NO, ,DE'I PHYIR DE LTAR RTZOM PA MED PAS, RTZOM PA'I GTAN TSIGS KYI DON MA GRUB PA NYID DANG, THUN MONG MA YIN PA NYID DO, ,RGYAS PAR NI SNGA MA BZHIN NO, ,'DIR SMRAS PA, 'O NA 'GRO BA RNAM PA GZHAN GYIS YOD PAR SHES PAR BYA STE, RANG GI GNAS SKABS LAS GZHAN DU 'GYUR BA DANG LDAN PA'I DNGOS PO LA BRJOD PA KHYAD PAR CAN 'JUG PA'I RGYU YOD PA'I PHYIR RO, ,'DI NA GANG MED PA DE LA NI RANG GI GNAS SKABS LAS GZHAN DU GYUR PA DANG LDAN PA'I DNGOS PO LA BRJOD PA KHYAD PAR CAN 'JUG PA'I RGYU MED DE, DPER NA, DMUS LONG MIG GI RNAM PAR SHES PA DANG BRAL BA LA DMUS LONG GIS MTHONG NGO, ,DMUS LONG LTA'O, ,LTA BAR 'GYUR RO ZHES BRJOD PA KHYAD PAR CAN 'JUG PA'I RGYU @69A *, ,MED PA BZHIN NO, ,'GRO BA RANG GI GNAS SKABS LAS GZHAN DU GYUR PA DANG LDAN PA'I DNGOS PO LA NI BRJOD PA KHYAD PAR CAN 'JUG PA'I RGYU NYID YOD DE, GANG DU DE ZHUGS ZIN PA DE NI SONG BA YIN LA, GANG DU DE 'JUG PA DE NI BGOM PA YIN, GANG DU DE MA ZHUGS PA DE NI MA SONG BA YIN PAS DE'I PHYIR JI SKAD SMRAS PA'I GTAN TSIGS KYI MTHU NYID KYIS 'GRO BA YOD PA KHO NA YIN PAS SKABS KYI DON 'GRUB BO, ,'DIR BSHAD PA, GANG GI PHYIR 'GRO BA'I SKYE BA YOD PAR GYUR NA NI GANG DU DE ZHUGS ZIN PA DE NI SONG BA YIN LA, GANG DU DE 'JUG PA DE NI BGOM PA YIN, GANG DU DE MA ZHUGS PA DE NI MA SONG BA YIN NO ZHES BYA BAR YANG 'GYUR BA ZHIG NA 'GRO BA YANG MED DO ZHES BSTAN ZIN TO, ,'GRO BA YOD PAR GYUR NA YANG, ,'GRO BA RTZOM PA'I SNGA ROL NA, ,GANG DU 'GRO BA RTZOM 'GYUR BA, ,BGOM PA MED CING SONG BA MED, ,MA SONG 'GRO BA GA LA YOD, ,'GRO BA RTZOM PA'I SNGA ROL NA, ,GANG DU 'GRO BA RTZOM PAR 'GYUR PA'I BGOM PA MED CING 'GRO BAS STONG NGO, ,SONG BA YANG MED DE, 'GRO BA DANG MI LDAN PA LA DE MI 'THAD DO ZHES BYA BAR DGONGS SO, ,DE LTAR 'GRO BAS STONG NA 'GRO BA MI 'THAD PAR STON PA'I RJES SU DPAG PA SNGAR BSTAN PA DAG YOD PAS DAM BCAS PA LA RJES SU DPAG PAS GNOD PA'I PHYIR MA SONG BA LA 'GRO BA GA LA YOD DE 'GRO BA MED DO ZHES BYA BA'I THA TSIG GO, ,DE'I PHYIR DE LTAR GANG GI TSE DON DAM PAR 'GRO BA'I RNAM PAR RTOG PA JI LTAR YANG MI SRID PA DE'I TSE, 'GRO RTZOM RNAM PA THAMS CAD DU, ,SNANG BA MED PA NYID YIN NA, ,SONG BA CI ZHIG BGOM PA CI, ,MA SONG CI ZHES RNAM PAR BRTAG ,NYID YIN NA ZHES BYA BA'I SGRA NI NGES PAR GZUNG BA'I DON TE, 'DIR SNANG BA MED PA NYID YIN NA ZHES BYA BAR BLTA BAR BYA'O, ,GZHAN DU NA 'GRO BA NYID KYI YIN GYI, ,GZHAN GYI MA YIN PAR SHES PAR 'GYUR RO, ,RAB RIB CAN SGRA DANG SBRANG BU DANG, SBRANG BU MA CHU RINGS LA SOGS PA YANG DAG PA MA YIN PA LA RNAM PAR RTOG PA DANG 'DRA'O, ,'GRO BA MED PA'I PHYIR BUS SKRA 'GRENG GI MDUNG THUNG BZHIN DU KHYOD LA SKYON DE NYID RJES SU 'BRANG NGO, ,GZHAN DAG NA RE DON DAM PAR 'GRO BA YOD PA KHO NA YIN TE, MI MTHUN PA YOD PA'I PHYIR RO, ,'DI NA GANG DANG GANG LA MI MTHUN PA YOD PA DE DANG DE YOD PAR SNANG STE, DGER NA SNANG BA'I MI MTHUN PA MUN PA YOD PA BZHIN NO, ,'GRO @69B BA LA YANG MI MTHUN PA SDOD PA YOD PAS DE'I PHYIR 'GRO BA YOD PA KHO NA'O ZHES ZER RO, ,'DIR BSHAD PA, DE YANG KHYOD LA BRGAL ZHING BRTAG PA YOD DE KHYOD SDOD PA SU'I YIN PAR SEMS CI 'GRO BA PO'I YIN NAM 'ON TE 'GRO BA PO MA YIN PA'I YIN, DE LA GAL TE 'GRO BA PO'I YIN SNYAM NA, RE ZHIG 'GRO BA PO MI SDOD DE, RE ZHIG CES BYA BA'I SGRA NI RIM PA LA LTOS PA'O, ,'GRO BA PO MI SDOD DE ZHES BYA BA NI DAM BCA' BA NYE BAR GZHAG PA'O, ,'GRO BA PO'I CHOS NI BYA BA DANG LDAN PA NYID YIN PAS, PHYOGS KYI CHOS MNGON NO, ,DPE NI DE'I DBANG GIS TE, 'GRO BA PO 'GRO BA MA NYAMS PA YIN NO, ,'DIR RJES SU DPAG PA NI DON DAM PAR 'GRO BA PO SDOD PAR MI 'THAD DE, 'GRO BA'I BYA BA DANG LDAN PA'I PHYIR LHAS BYIN 'GRO BA MA NYAMS PA BZHIN NO, ,CI STE 'GRO BA PO MA YIN PA'I YIN NO SNYAM NA, 'GRO BA PO MIN SDOD PA MIN, ,'GRO BA DANG BRAL BA LA NI THA SNYAD DU YANG 'GRO BA LDOG PA MI 'THAD PAS DE MI SRID PA'I PHYIR RO ZHES BYA BAR DGONGS SO, ,CI STE LEGS PAR MA ZIN PA'I GDON GYIS BRLAMS PA'I DBANG GIS GZHAN ZHIG SDOD PAR SEMS NA GROGS SO, ,'GRO PO 'GRO PO MIN LAS GZHAN, ,GSUM PA GANG ZHIG SDOD PAR 'GYUR, ,DE DA SMROS SHIG 'GA' YANG SDOD PAR MI 'THAD DO ZHES BYA BA'I TSIG GI DON TO, ,YANG NA, RE ZHIG 'GRO PO SDOD DO ZHES, ,JI LTAR 'THAD PA NYID DU 'GYUR, ,'GRO BA MED NA 'GRO BA PO, ,NAM YANG 'THAD PAR MI 'GYUR RO, ,BYA BA GNYIS DUS GCIG TU 'GAL BAS MI SRID PA'I PHYIR RO ZHES BYA BAR DGONGS SO, ,DE LTAR NA TSIG DES NI SDOD PA PO 'GRO BA DANG BRAL BA NYID DU BSTAN PAS 'GRO BA PO SDOD DO ZHES BYA BA'I THA SNYAD MI SRID PAR BSTAN TO, ,GAL TE RDZA MKHAN BZHIN DU DUS GSUM GYI NUS PA'I GNAS SKABS YOD PA'I PHYIR 'GRO BA DANG BRAL BA YANG 'GRO BA PO NYID DU 'GRUB PAS SKYON MED DO ZHE NA, NYE BAR GDAGS PA KHAS BLANGS PA'I PHYIR KHAS BLANGS PA NYAMS PAS DES NA SNGA MA BZHIN DU GTAN TSIGS DANG PO'I SKYON YOD PAR THAL BAR 'GYUR RO, ,YANG NA SUN DBYUNG BA'I LAM GZHAN YANG YOD DE, 'DI LA SDOD PA DE SONG BA LAS SAM, MA SONG BA LAS SAM, BGOM PA LAS LDOG PA LA BRTAG GRANG NA, DE LA, BGOM LAS SDOD PAR MI 'GYUR TE, ,SONG DANG MA SONG LAS KYANG MIN, ,BGOM PA LAS SDOD PAR MI 'GYUR TE, RJES SU DPAG PA SNGAR BSTAN PAS 'GRO BA DANG LDAN PA LA SDOD @70A *, ,PA MI 'THAD PA'I PHYIR RO, ,GAL TE SONG BA LAS DE 'GRUB BO ZHE NA, SONG BA LAS KYANG DE 'GRUB PA MI RIGS TE, SONG BA 'GRO BA MED PA LA 'GRO BA LDOG PA'I SDOD PA MED PA'I PHYIR RO, ,'O NA MA SONG BA LAS SDOD PA 'GRUB PAR 'GYUR RO SNYAM NA, DE YANG MI 'THAD DE, 'GRO BA MED PA LA LDOG PA MI SRID PA'I PHYIR RO, ,DE LTA BAS NA MA SONG BA LAS KYANG SDOD PAR MI 'GYUR RO, ,DE LTA NA GTAN TSIGS KYI DON MA GRUB PA NYID DANG, RJES SU 'GRO BA YANG MED DE, DON DAM PAR SNANG BA DANG MUN PA GNYIS MI MTHUN PA NYID YIN PAR KHAS MA BLANGS PA'I PHYIR RO, ,YANG NA DON 'GAL BA NYID KYANG YIN NO, ,GANG DAG SDOD PA NI YOD PA KHO NA YIN TE, MI MTHUN PA YOD PA'I PHYIR DANG, RTZOM PA YOD PA'I PHYIR DANG, DE LAS LDOG PAS DNGOS PO SKYE BA'I PHYIR RO ZHES ZER BA DE DAG LA, 'GRO BA DANG NI 'JUG PA DANG, ,LDOG PA YANG NI 'GRO DANG MTSUNGS, ,ZHES BRJOD PAR BYA STE, JI LTAR 'GRO BA'I MI MTHUN PA 'GRO BA PO DANG, 'GRO BA PO MA YIN PA DANG, DE LAS GZHAN PA LA MI 'THAD PA DANG, 'GRO BA'I RTZOM PA YANG SONG BA DANG, MA SONG BA DANG, BGOM PA LA MI 'THAD PA DANG 'GRO BA'I LDOG PA YANG SONG BA DANG MA SONG BA DANG BGOM PA LA MI MTHUN PA DE BZHIN DU SDOD PA'I MI MTHUN PA YANG SDOD PA PO DANG, SDOD PA PO MA YIN PA DANG, DE LAS GZHAN PA LA MI 'THAD PA DANG, SDOD PA'I 'JUG PA YANG BSDAD PA DANG, MA BSDAD PA DANG, SDOD PA LA MI 'THAD PA DANG, SDOD PA'I LDOG PA YANG BSDAD PA DANG, MA BSDAD PA DANG, SDOD PA LA MI 'THAD PA DE LTAR RJES SU DPAG PA RGYAS PAR BYA'O, ,TSIG MANGS KYIS DOGS PA'I PHYIR DANG, ,DON BSHAD ZIN PA'I PHYIR SPROS PA'I SGO NAS MA BSHAD DE, 'ON KYANG PHYOGS TZAM ZHIG BSHAD PAR BYA'O, ,SDOD PA PO MI 'GRO STE, 'GRO BA DANG BRAL BA'I PHYIR SDOD PA MA NYAMS PA'I SDOD PA PO GZHAN BZHIN NO, ,BSDAD PA LA SDOD PA'I 'JUG PA MED DE, BSDAD ZIN PA'I PHYIR DPER NA BSDAD NAS YUN RING DU LON PA BZHIN NO, ,BSDAD PA LAS SDOD PA MI LDOG STE, 'GRO BA MED PA'I PHYIR, DPER NA, SDOD PA MA NYAMS PA GZHAN BZHIN NO, ,DE BZHIN DU LHAG MA RNAMS LA YANG RJES SU DPAG PA'I SBYOR BA CI RIGS PAR BYA'O, ,DE'I PHYIR DE LTAR SDOD PA MA GRUB PA'I PHYIR JI SKAD BSHAD PA'I SKYON LAS NGES PAR THAR PA MED DO, ,'DIR SMRAS PA, KHYED NA @70B RE, 'GRO BA PO YANG MED LA 'GRO BA YANG MED DO ZHES ZER BAS TZEE TRA 'GRO'O ZHES 'JIG RTEN LA GRAGS PA SEL BAR BYED PA'I PHYIR GRAGS PA'I GNOD PAR 'GYUR TE, DPER NA, 'JIG RTEN LA RI BONG CAN ZLA BA NYID DU GRAGS BZHIN DU ZLA BA MA YIN PA SEL BAR BYED PA BZHIN NO, ,BSHAD PA, 'DIR GTAN TSIGS KYI DON GANG YIN, CI 'JIG RTEN LA GRAGS PA SEL BAR BYED PA'I PHYIR RAM, 'ON TE BSTAN BCOS LA GRAGS PA SEL BAR BYED PA'I PHYIR, DES CIR 'GYUR, 'JIG RTEN LA GRAGS PA SEL BAR BYED PA'I PHYIR RO ZHE NA NI GTAN TSIGS KYI DON MA GRUB PA NYID DE, DON DAM PAR RO ZHES DAM BCAS PA'I KHYAD PAR NYE BAR BLANGS PA KHO NA'I PHYIR, 'JIG RTEN LA GRAGS PA'I 'GRO BA PO DANG, 'GRO BA'I THA SNYAD MA SPANGS PA'I PHYIR RO, ,GAL TE RANG GI BSTAN BCOS LA GRAGS PA SEL BAR BYED PA'I PHYIR DE GRAGS PA'I GNOD PAR 'GYUR RO ZHE NA NI, KHAS BLANGS PA LA GNOD PAR 'GYUR RO ZHES BRJOD PAR BYA BA'I RIGS TE, DE YANG KHO BO CAG LA GNAS MI RNYED DE, DON DAM PAR 'GRO BA PO DANG, 'GRO BA GNYIS YOD PAR KHAS MA BLANGS PA'I PHYIR DANG, DE DAG MI 'THAD PAR YANG SNGAR BSTAN ZIN PA'I PHYIR RO, ,YANG BSHAD PA, DON DAM PAR 'GRO BA PO DANG 'GRO BA GRUB PAR GYUR NA, NGES PAR GCIG PA NYID DANG, GZHAN PA NYID DU 'GYUR GRANG NA DE YANG MI 'THAD DO, ,JI LTA ZHE NA, DE NYID BRTAG PAR BYA STE, 'GRO BA DE DANG 'GRO BA PO, ,DE NYID CES KYANG BYAR MI RUNG, ,'GRO BA DANG NI 'GRO BA PO, ,GZHAN NYID CES KYANG BYAR MI RUNG, ,DE NI DAM BCA' BA GNYIS NYE BAR GZHAG PA'O, ,JI LTAR MI RUNG ZHE NA, GAL TE 'GRO BA GANG YIN PA, ,DE NYID 'GRO BO YIN GYUR NA, ,BYED PA PO DANG LAS NYID KYANG, ,GCIG PA NYID DU THAL BAR 'GYUR, ,DE LTAR NA 'DIR GLAGS YOD PA'I TSIG YIN PA'I PHYIR, SKABS KYI DON DGAG PA NUS SHING BZLOG PA'I DON GSAL BA'I TSIG GI DON TO, ,DPER NA GAL TE SPRA RTAG NA BUM PA YANG RTAG PA NYID DU THAL BAR 'GYUR TE BUM PA BYAS PA MI RTAG PA NI RTAG PA NYID DU MI 'DOD DE, DE'I PHYIR SGRA NI MI RTAG STE, BYAS PA'I PHYIR DPER NA BUM PA BZHIN NO ZHES BYA BA LTA BU'O, ,DE'I PHYIR 'DIR TSIG GI DON GYI DBANG GIS SBYOR BA'I TSIG NI DON DAM PAR 'GRO BA PO DANG 'GRO BA GCIG PA NYID MA YIN TE, BYED PA PO DANG LAS YIN PA'I PHYIR DPER NA GCOD PA PO DANG GCAD @71A *, ,PA BZHIN NO, ,'GRO BA PO DANG 'GRO BA GCIG PA NYID MA YIN NO ZHES BSHAD KYANG DE GNYIS GZHAN PA NYID DU BSTAN PA MA YIN NO, ,GZHAN DAG NI DAM BCAS PA'I DON RNAM PAR BRTAGS NA GCIG LA GCIG NUS PAS STONG PA NYID KYI MTSAN NYID KYI GZHAN PA NYID GCOD PA PO DANG, BCAD PA LA MED PA'I PHYIR DPE MED DO ZHES ZER RO, ,DE NI BZANG PO MA YIN TE, GCIG PA NYID TZAM DGAG PA'I PHYIR DANG, DE YANG GCOD PA PO DANG BCAD PA'I GSAL BA THA DAD PA'I PHYIR GRAGS PA KHO NA'O, ,GCIG LA GCIG NUS PAS STONG PA NYID KYI MTSAN NYID KYANG DAM BCAS PA'I DON KHAS BLANGS NAS RTOGS PAR BYA BA DANG, RTOGS PAR BYED PA KUN RDZOB TU GCIG LA GCIG NUS PAS STONG PA'I PHYIR GRUB PA DAG KHO NA DPE NYID DU 'DOD PA'I PHYIR DPE MED PA MA YIN NO, ,CI STE YANG DON DAM PAR GCOD PA PO DANG, BCAD PA GZHAN PA NYID MA YIN TE, DPAG TU YOD PA'I PHYIR BCAD PA'I RANG GI BDAG NYID BZHIN PAS DE'I PHYIR 'GAL BA 'KHRUL PA MED PA'I GNOD PAR 'GYUR RO ZHE NA, DE YANG RIGS PA MA YIN TE, BCAD PA'I RANG GI BDAG NYID GZHAN PA NYID MA YIN PAR MA GRUB PA'I PHYIR 'GAL BA 'KHRUL PA MED PA'I GNOD PAR MI 'GYUR BA'I PHYIR RO, ,'GAL BA 'KHRUL PA MED PA'I GNOD PA YOD DU ZIN NA YANG GCIG PA NYID DANG THA DAD PA NYID KYI MTHA' GNYIS LA ME 'CHEL BAS DON DAM PAR NI SGRUB PA STON PAR 'DOD PA'I PHYIR 'DOD PA 'GRUB BO, ,THA SNYAD DU GCIG PA NYID SGRUB NA NI GRAGS PA'I GNOD PAR 'GYUR RO, ,CI STE YANG DAM BCA' BA'I DON SGRO BTAGS NAS 'GRO BA PO DANG, 'GRO BA GCIG PA NYID MA YIN NO ZHES BSHAD PAS, 'GRO BA PO DANG 'GRO BA GZHAN PA NYID DU BSTAN PA YIN PAS KHAS BLANGS PA LA GNOD PAR 'GYUR RO ZHES RGOL NA DE YANG DE NYID KYIS LAN BTAB ZIN TO, ,GANG DAG JI SKAD BSHAD PA'I SKYON YONGS SU SPANG BAR 'DOD PAS GZHAN PA NYID KYI PHYOGS LA BRTEN PA DE DGAG PA'I PHYIR DAM BCA' BA NYE BAR BZHAG PA GNYIS PA RAB TU BSGRUB PA BSTAN PAR BYA STE, 'DU BYED KYI TSIGS DANG RGYU RKYEN SO SOR NGES PA YOD NA 'BYUNG BA NGO BO NYID THA DAD DU BYA BA'I GZHIR GYUR PA THOG MA MED PA'I DUS NAS 'JUG PA'I SPROS PA'I BAG CHAGS DANG, SA BON DANG, RGYU LAS BYUNG BA YANG DAG PA MA YIN PA KUN RTOG PA'I DBANG GIS YUL GZHAN DU BAR CHAD MED PAR SKYE BA LA, GAL TE 'GRO DANG 'GRO BA PO, , @71B GZHAN PA NYID DU RNAM BRTAG NA, ,RNAM PAR RTOG PA BYED NA NI, ,'GA' YANG BZLOG PAR BYA BA MA YIN TE, MI 'DOD PA THOB PA NYID KYIS GNOD PAR 'GYUR RO, ,CI LTAR ZHE NA 'DI LA 'GRO BA DANG 'GRO BA PO GZHAN PA NYID DU KHAS LEN NA, 'GRO PO MED PA'I 'GRO BA DANG, ,'GRO BA MED PA'I 'GRO BAR 'GYUR, , GZHAN YIN PA'I PHYIR, DPER NA, BUM PA DANG, SNAM BU RTEN DANG BRTEN PA'I DNGOS POS RTEN PA MED PA LTA BUR 'GYUR BAR DGONGS SO, ,GZHAN PA NYID DU SMRA BA YANG 'GRO BA PO MED PA'I 'GRO BA DANG, 'GRO BA MED PA'I 'GRO BA PO MI 'DOD DO, ,GLAGS YOD PA'I SGO DES PHYOGS KYI CHOS NI 'GRO BA PO DANG, 'GRO BA LTOS PA DANG BCAS PA NYID YIN LA BSGRUB PAR BYA BA CHOS NI GZHAN PA MA YIN PA NYID YIN, DPE NI DE'I DBANG GIS BSGRUB PAR BYA BA DANG, SGRUB PA'I CHOS GRAGS PA DANG LDAN PA'I CHOS CAN YIN PAR BSTAN TO, ,'DIR SBYOR BA'I TSIG NI DON DAM PAR 'GRO BA PO LAS 'GRO BA GZHAN PA NYID MA YIN PAR SHES PAR BYA STE, BRJOD PA KHYAD PAR CAN 'JUG PA'I LTOS PA DANG BCAS PA'I PHYIR DPER NA, 'GRO BA RANG GI BDAG NYID BZHIN NO, ,DE BZHIN DU DON DAM PAR 'GRO BA LAS KYANG 'GRO BA PO GZHAN PA NYID MA YIN PAR NGES PAR GZUNG BAR BYA STE, BRJOD PA KHYAD PAR CAN 'JUG PA'I LTOS PA DANG BCAS PA'I PHYIR DPER NA 'GRO BA PO'I RANG GI BDAG NYID BZHIN NO, ,MI MTHUN PA'I PHYOGS LAS LDOG PA MA BSTAN PA NI DE MED PA'I PHYIR, DE LAS LDOG PA 'GRUB PA'I PHYIR RO, ,GAL TE RTEN DANG BRTEN PAR BCAS PA'I 'BREL PA RAB TU MA GRUB PA DAG LA LTOS PA DANG BCAS PA NYID MA GRUB PA'I PHYIR PHYOGS KYI PHYOGS GCIG LA MA KHYAB PA NYID YIN NO ZHE NA, DE DAG LA YANG THA NA 'DI NI GZHAN NO, ,'DI YANG GZHAN NO ZHES BRJOD PA KHYAD PAR CAN 'JUG PA GDON MI ZA BAR YOD PAS LTOS PA DANG BCAS PA NYID YIN PA'I PHYIR, SKYON MED DO, ,GANG DAG LA GZHAN MA YIN PA RNAM PAR BCAD PAS SAM GZHAN NYID DANG LDAN PA'I PHYIR GZHAN NYID YIN PA DE DAG LA YANG, DE LA LTOS NAS 'DI NI GZHAN NO, ,'DI YANG GZHAN NO ZHES BRJOD PA KHYAD PAR CAN 'JUG PA GDON MI ZA BAR YOD PAS LTOS PA DANG BCAS PA NYID YIN PA'I PHYIR, GTAN TSIGS KYI DON MA GRUB PA NYID MED DO, ,RJES SU DPAG PA JI SKAD BSTAN PA NYID KYIS GZHAN NYID MA GRUB PA'I PHYIR MI MTHUN PA'I PHYOGS MED PAS MA NGES PA @72A *, ,NYID KYANG MA YIN NO, ,GRAGS PA'I GNOD PA YANG MED DE, ,DE KHO NA DPYAD PA NI SHING RTA MKHAN LA SOGS PA BLO MA SBYANGS PA DAG GI DBANG DU MA BYAS PA'I PHYIR DANG, SNGAR BSTAN ZIN PA'I PHYIR RO, ,CI STE YANG 'GRO BA LAS 'GRO BA PO GZHAN PA NYID YIN TE, THA SNYAD YOD PA'I PHYIR DPER NA LHAS BYIN GYI RTA ZHES BYA BA BZHIN NO SNYAM NA, DE YANG BZANG PO MA YIN TE, 'GRO BA PO'I RANG GI BDAG NYID CES BYA BA, 'GRO BA PO LA GRUB PAS PHYOGS KYI PHYOGS GCIG LA MA GRUB PA'I PHYIR DANG, 'GRO BA PO'I RANG GI BDAG NYID KYIS RANG LA YANG MA NGES PA NYID YIN PA'I PHYIR RO, ,LHAS BYIN DANG, RTA YANG GZHAN PA NYID DU MA GRUB PA'I PHYIR DPE YANG MED PA'I PHYIR RO, ,DES BLO THA DAD PA'I PHYIR ZHES BYA BA LA SOGS PA'I GTAN TSIGS DAG GI LAN KYANG BTAB PA YIN NO, ,CI STE YANG BLO RNON PO'I BLO LA 'GRO BA PO LHAS BYIN ZHES BYA BA'I SGRA GANG YIN PA DE NI RANG GI BDAG NYID LAS, GZHAN PA'I TSIG GI DON DANG 'BREL PA'I YUL YIN TE, 'JUG PA DANG LDOG PA YOD PA'I PHYIR DPER NA LA BA SNGON PO ZHES BYA BA'I SGRA BZHIN NO, ,SGRA GANG LA JI SKAD SMOS PA'I RNAM PA MED PA DE LA NI 'JUG PA DANG LDOG PA MED DE, DPER NA YOD PA NYID KYI SGRA JI BZHIN NO SNYAM DU SEMS NA DE LAS GZHAN PA NYID YIN PAR RJES SU DPOG NA RTEN DANG, BRTEN PAR 'BREL BA MED PAS 'GRO BA PO DANG, 'GRO BA'I 'BREL PA BSAL BA'I PHYIR RJES SU DPAG PA LA GNOD DO, ,MI MTHUN PA RANG GI BDAG NYID LAS GZHAN PA'I TSIG GI DON DANG MA 'BREL PA GZHAN DAG LA YANG LHAS BYIN LHAS BYIN ZHES BYA BA'I SGRA 'JUG PA DANG LDOG PA YOD PAS GTAN TSIGS MA NGES PA NYID YIN NO, ,KHYAD PAR DU SMOS NA YANG GTAN TSIGS KYI DON MA GRUB PA NYID YIN NO, ,LA BA SNGON PO ZHES BYA BA'I SGRA JI SKAD SMOS PA'I YUL YIN PA YANG DON DAM PAR MA GRUB PA'I PHYIR RO, ,DES 'GRO BA LAS 'GRO BA PO GZHAN PA NYID YIN NO SNYAM PA'I BLO'I PHYOGS LA YANG GTAN TSIGS DANG DPE'I SKYON GYIS LAN BTAB PA YIN NO, ,CI STE GCIG PA NYID DGAG PA'I PHYIR RJES SU DPAG PA BSTAN PAS GZHAN PA NYID DGAG PA'I RJES SU DPAG PA BSTAN PA RNAMS BSAL BA'I PHYIR GZHAN PA NYID DGAG PA YANG MI 'GRUB BO SNYAM NA GNYI GA DGAG PA'I RJES SU DPAG PA BSTAN PA'I MTHUS GCIG PA NYID DANG, GZHAN PA NYID DGAG PAS DE'I YUL CAN GYI BLOS SKYE BA @72B MED PA BSTAN PAR 'DOD PA'I PHYIR SKYON MED DO, ,DE'I PHYIR DE LTAR 'GRO BA LAS 'GRO BA PO GZHAN PA NYID MA YIN PAR BSTAN PA LA, PHA ROL POS GZHAN PA MA YIN PA NYID YIN NO ZHES DAM BCAS PA'I DON LOG PAR BRTAGS NAS KHAS BLANGS PA LA GNOD PA NYE BAR BRTAGS PA'I GNOD PA MED DO, ,CI STE YANG GZHAN ZHIG RTOG PA ZHI BA MOS 'GRO BA PO'I RANG GI BDAG NYID RANG LAS GZHAN PA NYID MA YIN PAR MA GRUB PA'I PHYIR DPE MED PAR STON PAR BYED NA DE YANG BZANG PO MA YIN TE, 'GRO BA PO'I RANG GI BDAG NYID GZHAN PA NYID KYI NGO BO NYID KYIS STONG PAR RAB TU GRUB PA NYID KYIS DPE NYID DU BRJOD PAS SKYON MED DO, ,DE'I PHYIR DE LTAR GZIGS ZAN DAG GIS RANG GI GRUB PA'I MTHA'I SKYON SBA BAR 'DOD PAS, SGRUB PA SBYAR BA NI KHO BO CAG LA MI GNOD DO, ,'DIR GZHAN DAG NA RE, 'GRO BA MED DO ZHES BYA BA'I SKABS BOR NAS 'GRO BA PO DANG 'GRO BA GCIG PA NYID DANG, GZHAN PA NYID MA YIN NO ZHES DAM 'CHA' BAR BYED PA DE NI SKABS BOR BA DANG, LTAG CHOD YIN NO ZHES ZER RO, ,'DIR BSHAD PA, GANG DAG DNGOS PO GCIG PA DANG, ,DNGOS PO GZHAN PA NYID DU NI, ,'GRO BA PO DANG 'GRO BA GCIG PA NYID DANG, GZHAN PA NYID DU GRUB PAR GYUR NA DE GNYIS YOD PA NYID DU SHES PAR 'GYUR BA ZHIG NA, GANG GI TSE JI SKAD BSHAD PA'I RNAM PAS GCIG PA NYID DANG, GZHAN PA NYID DU, GRUB PAR GYUR PA YOD MIN PA, ,DE GNYIS GRUB PA JI LTAR YOD, ,DE'I PHYIR DE LTAR DE'I DNGOS PO NYID DGAG PAR 'DOD PA'I PHYIR SKABS BOR BA YANG MA YIN LA, GCIG PA NYID LA SOGS PAR YONGS SU RTOG PA NYID BKAG PA'I PHYIR LTAG CHOD KYANG MA YIN NO, ,GZHAN DAG NA RE GCIG PA NYID DANG, GZHAN PA NYID DU NGES PAR BZUNG BAR MI NUS SU ZIN KYANG 'GRO BA PO DANG, 'GRO BA 'GRUB PAS JI SKAD BSHAD PA'I SKYON MED DO ZHES ZER RO, ,DE LA YANG LAN DE NYID YIN TE, GANG DAG DNGOS PO GCIG PA DANG, ,DNGOS PO GZHAN PA NYID DU NI, ,DE GNYIS THA SNYAD DU NI YOD PA NYID DU SHES PAR NUS KYI KHYED NI DON DAM PAR 'DOD PAS GAL TE GCIG PA NYID DANG, GZHAN PA NYID DU, GRUB PAR GYUR PA YOD MIN PA, ,DE GNYIS GRUB PA JI LTAR YOD, ,MED PA NYID DE GCIG PA NYID DANG, GZHAN PA NYID DU MED PA LA NI YOD PA NYID DU STON PA'I RJES SU DPAG PA MED PA'I PHYIR RO ZHES BYA BAR DGONGS SO, ,MKHAS PAR RLOS @73A *, ,PA GZHAN DAG NI DON DAM PAR 'GRO BA PO MI 'GRO STE, BYA BA DANG LDAN PA'I PHYIR SDOD PA PO BZHIN TE ZHES BYA BA DANG, DE BZHIN DU DON DAM PAR 'GRO BA PO SDOD PAR MI 'THAD DE, 'GRO BA'I BYA BA DANG LDAN PA'I PHYIR LHAS BYIN 'GRO BA MA NYAMS PA BZHIN NO ZHES RJES SU DPAG PA SNGAR BSTAN PA DAG LA SKYON 'DOGS PAR BYED DE, SPYI'I DON GANG YIN, BYA BA DANG LDAN PAS BYA BA GZHAN MI BYED DAM, 'ON TE BYA BA GANG DANG LDAN PA DE MI BYED PA YIN, DE LA GAL TE BRTAG PA SNGA MA LTAR 'DOD NA NI DPE MED DE, DE LAS GZHAN PA'I BYA BA BYED PA'I PHYIR RO, ,'ON TE BRTAG PA PHYI MA LTAR 'DOD NA NI, DE LTA NA YANG DON 'GAL BA NYID YIN TE, SMRA BA PO TSIG SMRA BAR BYED CING, GCOD PA PO SHING GCOD PAR BYED PA DANG, DE DANG LDAN PA NYID KYIS DE BYED PA'I PHYIR RO ZHE NA, DE LA 'DIR DPE MED PA MA YIN TE, DE LAS GZHAN PA'I BYA BA'I BYED PA PO 'GRO BA'I BYED PA PO NYID DU MA GRUB PA SDOD PA PO LA SOGS PA DPE NYID DU 'DOD PA'I PHYIR JI SKAD BSHAD PA'I SKYON LDOG PA MED DO, ,DON 'GAL BA NYID KYANG MA YIN TE, 'DI LTAR, 'GRO BA GANG GIS 'GRO BOR MNGON, ,'GRO BA DES NI DE 'GRO MIN, ,'GRO BA GANG GIS 'GRO BA PO, ,ZHES BYA BAR MNGON PA'I 'GRO BA PO DE NI 'GRO BA PO DE 'GRO BAR BYED PA MA YIN NO ZHES BYA BA'I THA TSIG GO, ,DON DAM PAR GZHAN PA NYID MA YIN PA'I PHYIR, RANG GI BDAG NYID BZHIN PAS RANG GI RJES SU DPAG PA LA GNOD DO, ,GZHAN PA NYID MA YIN PAR SMRA BA RNAMS LA GRAGS PA'I GNOD PAR YANG 'GYUR TE, GANG ZHIG GANG DU 'GRO BAR 'GYUR, ,RANG GI BDAG NYID LAS THA DAD PAR GYUR PA'O ZHES 'JIG RTEN LA GRAGS PA'I PHYIR RO, ,YANG NA, 'GRO BA GANG GIS 'GRO POR MNGON, ,'GRO BA DE NI DE 'GRO MIN, ,JI LTA ZHE NA, GANG PHYIR 'GRO BA'I SNGA ROL MED, ,'GRO BA'I SNGA ROL NI 'GRO BA'I SNGON ROL NA STE, 'GRO BA SKYE BA'I SNGA ROL NA, ,ZHES BYA BA'I THA TSIG GO , ,'GRO BA PO GANG RUNG GI BDAG NYID KYIS GNAS PA 'GRO BA'I RGYUR GYUR PA'AM 'GRO BAR BYED CING 'GRO BO ZHES BYA BA'I THA SNYAD GDAGS PA LA BRTEN PAR 'GYUR BA 'GA' YANG MED DO, ,'DI LTAR THA SNYAD DU NI 'DUN PA'I RGYU LAS BYUNG BA'I RTZOL BAS BSKYED PA'I RLUNG GI KHAMS KYI DBANG GIS 'DU BYED KYI TSOGS YUL GZHAN DU DUS THA DAD PA MED PAR SKYE BA BYUNG BA NI 'GRO BA PO @73B YIN LA, DE SKAD CIG SNGA MA LAS MTSAN NYID MI 'DRA BA 'BYUNG BA GANG YIN PA DE NI 'GRO BA YIN NO, ,YANG DAG PAR NI RGYU LA BYED PA PO'I THA SNYED 'DOGS PA LAS DE BYED PA PO NYID DU YANG MI 'DOD DE, 'DI LTAR, GANG ZHIG GANG DU 'GRO BAR 'GYUR, ,RANG GI BDAG NYID LA MA YIN TE, RANG GI BDAG NYID LA BYED PA NYID MI 'THAD PA'I PHYIR RO, ,DE LTAR RE ZHIG RANG GI SDE PA DAG LA, 'GRO BA GANG GIS 'GRO POR MNGON, ,'GRO BA DE NI DE 'GRO MIN, ,ZHES BYA BA YIN NO, ,GRANGS CAN GYI PHYOGS LA YANG SA LA SOGS PA LUS KYI RNAM PAR GNAS PA'I KHYAD PAR CAN DAG LA RDUL SHAS CHE BAR GYUR PA NI 'GRO BA YIN LA, DE DANG LDAN ZHING DE'I BDAG NYID DU GYUR PA BYA BA BYED PA'I GNAS KYI TSOGS NI 'GRO BA PO YIN NO ZHE NA, DE YANG, GANG PHYIR 'GRO BA'I SNGA ROL MED, ,'GRO BA'I SNGA ROL NA DE'I BDAG NYID MED PA YIN TE, SDOD PA NA YANG 'GRO'O ZHES BYA BAR THAL BAR GYUR NA MI RUNG BA'I PHYIR RO, ,GANG GI TSE 'GRO BA SNANG BAR GYUR PA DE'I TSE NA DE'I RGYU YIN PAR YANG MI RUNG STE, GANG ZHIG GANG DU 'GRO BAR 'GYUR, ,DE NYID KYIS DE MI BYED DO, ,ZHES BYA BAR DGONGS SO, ,GANG LA SKYE BA'I KHYAD PAR SKYED PAR BYED PA LA MYU GU SKYE'O, ,BDAG NYID MKHAS PAR BYED DO ZHES BRJOD PA DE YANG RTOG PAS SGRO BTAGS PA STE, MA SKYES PA LA BYA BA MI SRID PA'I PHYIR RO, ,JI LTAR 'GRO BA'I BDAG NYID DU GYUR PA 'GRO BA MI 'THAD PA DE BZHIN DU SMRA BA PO TSIG SMRA BAR BYED CING, GCOD PA PO SHING GCOD PAR BYED PA ZHES BYA BA DE LA YANG RANG GI BDAG NYID LA BYA BA BYED PAR MI 'THAD DE, GANG GI PHYIR 'DIR YANG 'DUN PA'I RGYU LAS BYUNG BA'I RTZOL BAS BSKYED PA'I GNAS DANG BYUNG BA'I RGYU LAS NGAG GI 'DU BYED KYI TSOGS YI GE DANG NGAG DANG TSIG CES BYA BA SMRA BA PO LAS RANG BZHIN THA MI DAD PA SKAD CIG SNGA MA LAS MTSAN NYID MI 'DRA BA KHYAD PAR GANG GIS SMRA BA PO ZHES BRJOD PA 'BYUNG ZHING, DE'I RGYU NI SMRA BA PO YIN PAS SMRA BA PO TSIG SMRA BAR BYED DO ZHE NA, DE YANG MI RUNG STE, GANG PHYIR SMRA BA'I SNGA ROL MED, GANG ZHIG CI ZHIG SMRA BAR 'GYUR, ,DES GCOD PA PO SHING GCOD PAR BYED PA ZHES BYA BA'I LAN KYANG BTAB PA YIN NO, ,DE'I PHYIR DE LTAR DPE YANG DNGOS BZHIN DU MA GRUB PAS DON 'GAL BA NYID KYI SKYON GYI GNAS MED PAR MI 'GYUR BAR RIGS SO, ,GZHAN DAG NI, GANG PHYIR 'GRO BA'I SNGON ROL MED, ,CES BYA BA DE LA 'GRO @74A *, ,BA SKYE BA'I SNGA ROL NA 'GRO BA PO 'GRO BA DANG BRAL BA NI 'GRO BA PO NYID DU MI 'THAD PA'I PHYIR 'GRO BA PO 'GRO'O ZHES BYA BA'I THA SNYAD MI SRID PAS 'GRO BA PO 'GRO'O ZHES BYA BAR MI RIGS SO ZHES ZER RO, ,DE NI RIGS PA MA YIN TE, 'GRO BA PO MI 'GRO'O ZHES BYA BA DES DON BSTAN ZIN PA'I PHYIR RO, ,BYE BRAG PA DAG GIS SMRAS PA, 'GRO BA GANG GIS 'GRO POR MNGON, ,'GRO BA DE NI DE 'GRE MIN, ,ZHES BYA BA NI BDEN MOD KYI, 'ON KYANG DE LAS DE GZHAN PA NYID YIN PAS KHO BO CAG LA JI SKAD BSHAD PA'I RNAM PA'I GNOD PAS GNOD PAR MI 'GYUR RO, ,KHO BO CAG NI RDZAS KYI BLO DANG, LAS KYI BLO GZHAN PA NYID DU GRUB STE, YUL THA DAD PA'I PHYIR DPER NA BA LANG GI BLO DANG BA MEN GYI BLO GZHAN PA NYID BZHIN NO, ,GANG GZHAN PA NYID MA YIN PA DE LA NI YUL THA DAD PA MED DE, DPER NA BA LANG GI BLO RANG LAS GZHAN PA NYID MA YIN PA BZHIN NO, ,'DIR BSHAD PA, JI LTAR, 'GRO BA GANG GI 'GRO POR MNGON, ,'GRO BA DE NI DE 'GRO MIN, ,DE MI RIGS PA'I PHYIR RO ZHES BYA BA DE BZHIN DU, 'GRO BA GANG GIS 'GRO POR MNGON, ,DE LAS GZHAN PA DE 'GRO MIN, ,DE LAS GZHAN PA NYID BKAG PA'I PHYIR DANG, DE STON PA'I RJES SU DPAG PA MED PA'I PHYIR DANG, GANG YANG GANG DANG LHAN CIG GZHAN PA NYID DU MI 'THAD PAR KHAS BLANGS PA'I PHYIR DANG, DPE YANG MA GRUB PA'I PHYIR RO ZHES BYA BAR DGONGS SO, ,YANG NA, 'GRO BA GANG GIS 'GRO POR MNGON, ,DE LAS GZHAN PA DE 'GRO MIN, ,ZHES BYA BA NI, ,DAM BCA' BA NYE BAR GZHAG PA YIN NO, ,GAL TE CI'I PHYIR ZHE NA, GANG PHYIR 'GRO PO GCIG PU LA, ,'GRO BA GNYIS SU MI 'THAD DO, ,DES NI 'GRO BA PO'I CHOS 'GRO BA GNYIS DANG MI LDAN PA NYID BSTAN TO, ,'DIR RJES SU DPAG PA NI DON DAM PAR RANG LAS GZHAN PA'I 'GRO BA NI 'GRO BA PO 'GRO BAR BYED PA MA YIN TE, 'GRO BA GNYIS DANG MI LDAN PA'I PHYIR DPER NA SDOD PA PO BZHIN NO, ,GZHAN DAG NA RE, GANG PHYIR 'GRO PO GCIG BU LA, ,'GRO BA GNYIS SU MI 'THAD DO, ,GANG GI PHYIR 'GRO PA PO GCIG PU LA GANG GI 'GRO BA PO ZHES BYA BAR MNGON PA DANG, 'GRO BA POR GYUR NAS GANG 'GRO BAR 'GYUR BA'I 'GRO BA GNYIS MI 'THAD PA DE'I PHYIR DE LAS GZHAN PA'I 'GRO BA YANG 'GRO BA PO 'GRO BAR BYED PA MA YIN NO ZHES ZER RO, ,KHA CIG NA RE, DE @74B NI RIGS PA MA YIN TE, 'GRO BA'I RGYU GCIG KHO NA YOD PAR KHAS BLANGS PAS DE DANG LDAN PA'I PHYIR 'GRO BA PO 'GRO'O ZHES BYA BAR 'GRUB PA'I PHYIR DANG, GZHAN PA NYID MA BKAG PA'I PHYIR DANG, RE ZHIG 'GRO BA PO 'GRO'O ZHES, ,JI LTAR 'THAD PA NYID DU 'GYUR, ,ZHES BYA BA DE DANG KHYAD PAR MED PA'I PHYIR RO ZHE'O, ,GZEGS ZAN PA DAG GIS SMRAS PA, 'GRO BA NI GCIG KHO NA STE, DE NI 'GRO BA PO LAS GZHAN PA NYID YIN LA, DE DANG LDAN PA'I PHYIR 'GRO BA PO LA 'GRO BA PO ZHES THA SNYAD GDAGS SU RUNG NGO, ,'GRO BA'I RGYU YIN PA'I PHYIR DE BYED PA NA 'GRO'O ZHES BYA BA STE, DPER NA MAR ME SNANG BA'I RGYU YIN PAS SNANG BAR BYED DO ZHES BYA BA BZHIN PAS, GANG PHYIR 'GRO PO GCIG PU LA, ,'GRO BA GNYIS SU MI 'THAD DO, ,ZHES BYA BA DE RIGS PA MA YIN NO, ,DE NI BZANG PO MA YIN TE, GTAN TSIGS JI SKAD SMOS PA BSGRUB PA'I PHYIR DANG, DON DAM PAR 'GRO BA BKAG PA'I PHYIR DANG, MED PA LAS SKYE BA BKAG PA'I PHYIR RO, ,YANG NA 'GRO BA PO NI 'GRO BA DANG LDAN PA'I RGYU MA YIN PAR SHES TE, BLO DANG SGRAS KHYAD PAR CAN 'JUG PA'I RGYU YIN PA'I PHYIR DPER NA LAS BZHIN PAS RJES SU DPAG PA'I GNOD PAR 'GYUR BA'I PHYIR RO, ,'GRO BA PO NI DE DANG LDAN PA DON MED PA'I PHYIR RO, ,'GRO BA PO MA YIN PA YANG 'GRO BA PO MA YIN PA NYID KYI PHYIR SDOD PA PO BZHIN DU DE DANG MI LDAN PA'I PHYIR RO, ,'DIR RJES SU DPAG PA DRI BA'AM SMRA BAR RIGS TE, SMRA BA THAMS CAD NI RANG GI GZHUNG SMRA BA LA DPA' BA YIN PAS TSIG LA NI ZAD PA MED DO, ,DE'I PHYIR DE LTAR RIGS PAS DPYAD NA, 'GRO PO MIN PAR GYUR PA NI, ,'GRO RNAM GSUM DU 'GRO MI BYED, ,DE MA YIN PAR GYUR PA YANG, ,'GRO RNAM GSUM DU 'GRO MI BYED, ,YIN DANG MA YIN GYUR PA YANG, ,'GRO RNAM GSUM DU 'GRO MI BYED, ,'GRO PO YIN PAR GYUR PA ZHES BYA BA NI 'GRO BA PO GANG 'GRO BA DANG LDAN PA STE, 'GRO BA YOD PA ZHES BYA BA'I THA TSIG GO, ,'GRO'O ZHES BYA BA NI 'GRONG BAR BYA BA'O, ,RNAM GSUM DU ZHES BYA BA NI SONG BA DANG, MA SONG BA DANG, BGOM PAR RO, ,DE MA YIN PAR GYUR PA YANG ZHES BYA BA NI 'GRO BA PO GANG 'GRO BA DANG BRAL BA'O, ,YIN PA DANG MA YIN PAR GYUR PA YANG ZHES BYA BA NI, 'GRO BA PO DANG, 'GRO BA DANG LDAN PA YANG YIN LA, 'GRO BA DANG BRAL BA YANG @75A *, ,YIN PA'O, ,DE LA RE ZHIG 'GRO BA PO YIN PAR GYUR PA NI 'GRO BA RNAM PA GSUM DU 'GRO BAR MI BYED DE, BYA BA DANG LDAN PA'I PHYIR DE LAS GZHAN PA BZHIN NO, ,DE MA YIN PAR GYUR PA YANG 'GRO BA RNAM PA GSUM DU 'GRO BAR MI BYED DE, 'GRO BA DANG BRAL BA'I PHYIR SDOD PA PO BZHIN NO, ,YIN PA DANG MA YIN PAR GYUR PA YANG 'GRO BA RNAM PA GSUM DU 'GRO BAR MI BYED DE, PHYOGS GNYI GAR BSTAN PA'I RJES SU DPAG PA DAG GIS GNOD PAR 'GYUR BA'I PHYIR RO, ,DE BZHIN DU 'GRO BA PHYOGS SU BYAS PA LA YANG GTAN TSIGS DANG DPE'I SBYOR BA CI RIGS PAR BYA'O, ,DE'I PHYIR DE LTAR RIGS PA DANG LUNG DAG GIS RNAM PA THAMS CAD DU YONGS SU BRTAGS NA, 'GRO BA LA SOGS PA RNAM PA GSUM PO DAG JI LTAR YANG MI SRID PA, DE PHYIR 'GRO DANG 'GRO PO DANG, ,BGROD PAR BYA BA'ANG YOD MA YIN, ,ZHES BYA BA NI 'BAD PA'I 'BRAS BU JI SKAD BSTAN PA'I DBANG GIS MJUG BSDU BA'O, ,SLOB DPON GYIS BYA BA DANG BYED PA PO LHAG MA DGAG PA YANG PHYOGS 'DIS BSTAN TO, ,DE LA 'DIR RAB TU BYED PA'I DON NI 'GRO BA NGO BO NYID MED PA NYID BSTAN PAS RTEN CING 'BREL PAR 'BYUNG BA 'ONG BA MED PA DANG, 'GRO BA MED PA'I KHYAD PAR DANG LDAN PA BSTAN PA YIN NO, ,DE'I PHYIR GANG LA 'GRO BA MED PA DANG, 'ONG BA MED PA DE NI 'PHAGS PA RNAMS KYI 'GRO BA'O ZHES BYA BA DANG, RIGS KYI BU DE BZHIN GSHEGS PA LA NI 'ONG BA'AM 'GRO MED DO ZHES BYA BA DANG, 'DI LA 'ONG DANG 'GRO BA GANG YANG MED, ,CHOS RNAMS THAMS CAD NAM MKHA' JI BZHIN NO, ,ZHES BYA BA DANG, DE BZHIN DU GANG LA 'GRO BAR BYA BA'AM, 'ONG BAR BYA BA RDUL PHRAN TZAM YANG MED PA DE NI BYANG CHUB SEMS DPA'I SHES RAB KYI PHA ROL TU PHYIN PA STE, DE LA 'ONG BA DANG 'GRO BA MI SNANG NGO, ,RAB KYI RTZAL GYIS RNAM PAR GNON PA GZUGS LA 'ONG BA DANG, 'GRO BA MI SNANG NGO, ,TSOR BA DANG, 'DU SHES DANG, 'DU BYED RNAMS DANG, RNAM PAR SHES PA LA 'ONG BA DANG 'GRO BA MI SNANG NGO, GANG GZUGS DANG, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA'I 'ONG BA DANG, 'GRO BA MI SNANG BA DE NI SHES RAB KYI PHA ROL TU PHYIN PA'O ZHES BYA BA LA SOGS PA GSUNGS PA DE DAG GRUB PA YIN NO, ,SLOB DPON LEGS LDAN BYED KYIS NYE BAR SBYAR BA, DBU MA'I RTZA BA'I 'GREL PA SHES RAB SGRON @75B MA LAS, SONG BA DANG, MA SONG BA DANG, BSGOM PA BRTAG PA ZHES BYA BA STE, RAB TU BYED PA GNYIS PA'O,, ,,DBU MA'I RTZA BA'I 'GREL PA SHES RAB SGRON MA, BAM PO BZHI PA, DE LA DA NI SKYE BA MI MTHUN PA'I PHYOGS KYI KHYAD PAR DGAG PAS SKYE MCHED RNAMS NGO BO NYID MED PA NYID DU BSTAN PA'I DON GYI DBANG GIS RAB TU BYED PA GSUM PA BRTZAM MO, ,YANG NA 'GRO BA MI MTHUN PA'I PHYOGS DGAG PAS SKYE MCHED RNAMS STONG PA NYID DU BSTAN PA'I PHYIR RAB TU BYED PA GSUM PA BRTZAM MO, ,GANG GI TSE DANG PO LTAR NA BRTAG PA DE'I TSE MI MTHUN PA'I PHYOGS NYE BAR BZHAG PA NI, DON DAM PAR NANG GI SKYE MCHED RNAMS SKYE BA KHO NAR GZUNG BAR BYA STE, YUL SO SOR NGES PA'I PHYIR RO, ,'DI NA GANG SKYE BA MED PA DE LA NI YUL SO SOR NGES PA MED DE, DPER NA MO GSHAM GYI BU'I SKYE MCHED RNAMS LA YUL SO SOR NGES PA MED PA BZHIN NO, ,NANG GI SKYE MCHED RNAMS LA NI YUL SO SOR NGES PA 'DI LTA BU YOD DE, 'DI LTA STE, LTA BA DANG, NYAN PA DANG, SNOM PA DANG, MYONG BAR BYED PA DANG, REG PAR BYED PA DANG, YID RNAMS KYI YUL GZUGS DANG, SGRA DANG, DRI DANG, RO DANG, ,REG BYA DANG, CHOS RNAMS YIN PAR GO RIMS BZHIN NO, ,DE'I PHYIR GTAN TSIGS JI SKAD SMOS PAS NANG GI SKYE MCHED RNAMS SKYE BA KHO NAR GZUNG BAR BYA'O, ,GANG GI TSE GNYIS PA LTAR BRTAG PA DE'I TSE NI, DE PHYIR 'GRO DANG 'GRO PO DANG, ,BGROD PAR BYA BA'ANG YOD MA YIN, ,ZHES BSHAD PA'I PHYIR, PHA ROL PO DAG NA RE, 'GRO BA YOD PA NYID DU SHES PAR BYA STE, BYA BA'I 'BRAS BU YIN PA'I PHYIR, ,GZUGS LA LTA BA LA SOGS PA BZHIN NO ZHES ZER RO, ,PHYOGS GNYI GA'I LAN DU BSHAD PA, LTA DANG NYAN DANG SNOM PA DANG, ,MYONG BAR BYED DANG REG BYED YID, ,DBANG PO DRUG PO DE DAG GI ,SPYOD YUL BLTA BAR BYA LA SOGS, ,LTA ZHES BYA BA NI LTA BAR BYED PA'I PHYIR RO, ,LHAG MA RNAMS LA YANG DE BZHIN NO, ,DBANG PO ZHES BYA BA NI GZUGS LA SOGS PA GZUNG BA'I PHYIR TSOGS DE LA DBANG PO DANG, BDAG PO NYID BYED PA'I PHYIR RO, ,DRUG PO ZHES BYA BA NI SO SO'I MING SMOS PA NYID KYIS GRANGS KYANG RAB TU GRUB MOD KYI, DE NGES PAR GSUNG BA NI THA SNYAD DU YANG DE DAG LAS GZHAN PA'I GZUGS LA SOGS PA LA DMIGS PAR BYED PA'I BYED PA PO MED PAR SHES PAR BYA BA'I PHYIR RO, ,DE DAG GI ZHES BYA BA NI DBANG PO @76A *, ,DRUG PO DE DAG GI'O, ,SPYOD YUL ZHES BYA BA NI YUL TE DE DAG LA MTHUN YOD PA NYID CES BYA BA'I THA TSIG GO , ,BLTA BAR BYA BA LA SOGS PA ZHES BYA BA NI BLTA BAR BYA BA DANG, MNYAN PAR BYA BA DANG, BSNAM PAR BYA BA DANG, MYANG BAR BYA BA DANG, REG PAR BYA BA DANG, BSAM PAR BYA BA DAG GO, , YUL CAN DANG, YUL SO SOR NGES PA DE YANG THA SNYAD PA YIN GYI DON DAM PA NI MA YIN PAS, GTAN TSIGS MI MTHUN PA'I PHYOGS 'BA' ZHIG LA YOD PAS DON 'GAL BA NYID DO, ,DON DAM PAR JI LTAR MIG LA SOGS PA YUL CAN DANG, YUL GYI DNGOS POR MI 'THAD PA DE LTAR 'DI BSHAD PAR BYA STE, RE ZHIG MIG GI DBANG PO GCIG BU'I DBANG DU MDZAD NAS, LTA BA RANG GI BDAG NYID NA, ,DE NI DE LA MI LTA NYID, ,LTA BA ZHES BYA BA NI LTA BAR BYED PA'I PHYIR TE, MIG GI DBANG PO ZHES BYA'O, ,RANG GI BDAG NYID NA ZHES BYA BA NI, RANG GI NGO BO NYID YIN NA'O, ,DE NI DE LA MI LTA NYID, ,CES BYA BA LA, CI'I PHYIR LTA BAR MI BYED PA NYID YIN ZHE NA, PHYOGS DE NI TSIG GI DON 'OG NAS 'BYUNG BAS GSAL BAR BYED DO, ,CI'I PHYIR ZHE NA, DE NI DE LA MI LTA BA'I PHYIR TE, DE NI GRAGS PA YIN NO ZHES BYA BAR DGONGS SO, ,NYID CES BYA BA'I SGRA NI NGES PAR GZUNG BA'I DON TE, 'DIR LTA BAR MI BYED PA NYID CES BYA BAR BLTA BAR BYA'I GZHAN DU NA GZHAN LA LTA BAR BYED PA ZHES BYA BAR SHES PAR 'GYUR RO, ,CI STE DE LTA NA KHYOD KYIS CI ZHIG BSGRUB PAR 'GYUR TE, GANG GI TSE MIG RANG GI BDAG NYID LA LTA BAR MI BYED DO ZHES SMRAS PA'I TSE, GZHAN DU GYUR PA GZUGS LA LTA BAR BYED DO ZHES KHAS LEN TO ZHE NA, KHYED 'DOD PA GANG YIN PA DE YANG, GANG TSE BDAG LA MI LTA BA,, DE GZHAN DAG LA JI LTAR LTA, ,MIG GZUGS LA LTA BAR BYED PA'I MTHU NYID MED DO ZHES BYA BA'I TSIG GI DON TE, DE LA 'DIR TSIG LE'UR BYAS PA'I PHYED GONG MAS NI MIG RANG GI BDAG NYID LA LTA BAR MI BYED PA'I CHOS BSTAN LA, PHYED 'OG MAS NI BSGRUB PAR BYA BA CHOS GZUGS LA LTA BAR MI BYED PA BSTAN TO, ,DE'I PHYIR BSGRUB PAR BYA BA DANG, SGRUB PA'I CHOS NYE BAR GZHAG PAS SBYOR BA'I TSIG TU 'DOD PA NI DON DAM PAR MIG GI DBANG PO NI GZUGS LA LTA BAR MI BYED PA NYID DE, RANG GI BDAG NYID LA LTA BAR MI BYED PA'I PHYIR, DPER NA RNA BA LA SOGS PA BZHIN NO, ,YANG NA PHYED GONG MAS NI MIG GI DBANG PO GZUNG BA NYID @76B MA YIN PAR BSTAN NAS, MIG GI DBANG PO RANG GI BDAG NYID CHOS MTHUN PA'I DPE NYID DU NYE BAR BZHAG LA, PHYED 'OG MAS NI MIG GI DBANG PO GZUGS LA LTA BAR MI BYED PAR BSTAN PAS BSGRUB PAR BYA BA CHOS GZUGS MIG GI DBANG PO'I YUL MA YIN PA NYID BSTAN TO, ,'DIR DE'I DBANG GIS SBYOR BA'I TSIG NI DON DAM PAR GZUGS MIG GI DBANG PO'I YUL MA YIN TE, BSAGS PA'I PHYIR DPER NA MIG GI DBANG PO'I BDAG NYID BZHIN NO, ,RANG GI BDAG NYID LA LTA BAR MI BYAD PA DANG, BSAGS PA NI MTSAN NYID KYI SGRA'I TSUL NYE BAR GZUNG BA'I PHYIR TE, GTAN TSIGS THOGS PA DANG BCAS PA NYID DANG, 'BYUNG BA LAS GYUR PA NYID DANG, RGYUR BYAS PA'I GZUGS NYID DANG, GZUGS KYI PHUNG POR GTOGS PA NYID LA SOGS PA DAG GI PHYIR RO ZHES KYANG PHYOGS GNYI GA LA RJES SU DPAG PA DAG BRJOD PAR BYA'O, ,'DIR KHA CIG NA RE, MIG RANG GI BDAG NYID LA LTA BAR MI BYED PA NI BSTAN DU MED PA YIN PA'I PHYIR RUNG MOD KYI, GZUGS NI BSTAN DU YOD PA YIN PAS DE'I PHYIR DE LA LTA BAR BYED DO ZHES ZER RO, ,DE LA RGYU GZHAN DES KHO BO CAG GIS SMRAS PA'I GTAN TSIGS DANG DPE BSGRUB PA'I PHYIR GNOD PA MED DO, ,CHOS MNGON PA PA DAG NA RE, GAL TE KHYAD PAR MED PA'I MIG GZUGS LA LTA BAR MI BYED PA NYID CES ZER NA, DE NI GRUB PA LA SGRUB PA YIN TE, PHYOGS NI DE DANG MTSUNGS PA'I MIG LTA BAR MI BYED PA YIN PA'I PHYIR RO, ,'ON TE MIG GZUGS RNAMS LA LTA BAR MI BYED PA BSTAN PA MTSUNGS PA LA BYA'O ZHES ZER NA NI DE LTA NA KHAS BLANGS PA LA GNOD PAR 'GYUR TE, CHOS MNGON PA LAS, RTEN MTSUNGS MIG NI GZUGS RNAMS LTA, ,DER RTEN RNAM PAR SHES PA MIN, ,ZHES GSUNGS PA'I PHYIR RO ZHES ZER RO, ,DE LA 'DIR BRTEN PA MTSUNGS PA'I MIG NYID PHYOGS SU BYAS PA'I PHYIR RO, ,GRUB PA LA SGRUB PA YANG MA YIN LA, KHAS BLANGS PA LA GNOD PAR YANG MI 'GYUR TE, MIG NI GZUGS LA MI LTA ZHING, ,YID NI CHOS RNAMS MI SHES TE, ,GANG LA 'JIG RTEN MI 'JUG PA, ,DE NI DAM PA'I BDEN PA'O, ,ZHES GSUNGS PA'I PHYIR RO, ,DON DAM PAR MIG GZUGS LA LTA BAR BYED PAR KHAS MA BLANGS PA'I PHYIR DANG, RJES SU DPAG PA RGYAS PA JI SKAD BSTAN PA'I PHYIR DE GRUB PAS DON DAM PAR BRTEN PA MTSUNGS PA'I MIG NI GZUGS LA LTA BAR MI BYED DE, MIG @77A *, ,GI DBANG PO YIN PA'I PHYIR DPER NA DE DANG MTSUNGS PA BZHIN NO, ,YANG NA DBANG PO GZUGS CAN YIN PA'I PHYIR RNA BA BZHIN NO ZHES BKAG PA'I PHYIR RO, ,GRAGS PA'I GNOD PAR YANG MI 'GYUR TE, DAM BCAS PA KHYAD PAR CAN NYE BAR BZUNG BA NYID KYIS DE MA SPANGS PA'I PHYIR DANG; LAN BTAB ZIN PA'I PHYIR RO, ,KHA CHE BA DAG NA RE, MIG NI LTA BAR BYED PA NYID DE, LTA BA'I BYED PA PO YIN PA'I PHYIR RO ZHE'O, ,KHA CIG NA RE, DE NI RIGS PA MA YIN TE, DAM BCAS PA'I DON GYI PHYOGS GCIG YIN PA'I PHYIR DANG, RJES SU 'GRO BA MED PA'I PHYIR DANG, DGAG PA SMRAS ZIN PA'I PHYIR RO ZHE NA, GZHAN DAG NA RE KHA CHE BA DAG GIS SMRAS PA NI RIGS PA MA YIN TE, SKAD CIG MAR SMRA BA RNAMS LA NI SKAD CIG YIN PAS BYA BA MI 'THAD PA'I PHYIR RO, ,SKAD CIG MA MA YIN PAR SMRA BA RNAMS LA YANG DE NYID DE LAS GZHAN PA NYID DU MI 'THAD PA'I PHYIR RO ZHE'O, ,MDO SDE PA DAG NA RE, 'DU BYED RNAMS LA BYA BA MED PA'I PHYIR MIG KYANG LTA BAR MI BYED LA, GZHAN YANG MA YIN TE, 'O NA CI ZHE NA, MDO SDE LAS MIG DANG GZUGS RNAMS LA BRTEN NAS MIG GI RNAM PAR SHES PA SKYE'O ZHES GSUNGS PAS KHYED MIG LTA BAR MI BYED DO ZHES ZER BA NI GRUB PA KHO NA LA SGRUB PA YIN NO ZHE'O, ,SKYE BA BKAG PA KHO NAS MIG GI RNAM PAR SHES PA MI 'THAD PA'I PHYIR GRUB PA LA SGRUB PA MA YIN NO, KHAS BLANGS PA LA GNOD PAR MI 'GYUR TE, THA SNYAD KYI BDEN PA DANG RJES SU MTHUN PA'I MDO SDE'I DON KHAS BLANGS PA'I PHYIR DANG, DON DAM PAR MDO SDE'I DON LA RIGS PA MED PA'I PHYIR RO, ,MIG DANG GZUGS KYI SKYE MCHED KYI SKYE BA BKAG PA'I PHYIR DANG; MIG DANG GZUGS DAG GI LTA BA PO DANG, LTA BA NYID BKAG PA'I PHYIR DE'I KHYAD PAR MI SRID PAS CHOG MOD KYI, 'ON KYANG NYAN PA'I SKYE BO'I BLO GROS DBYE BAR 'DOD PAS PHYOGS TZAM ZHIG BSHAD PAR BYA'O, ,LTA BA RANG GI BDAG NYID NA, ,DE NI DE LA MI LTA NYID, ,CES BYA BAS SNGA MA BZHIN DU RANG GI BDAG NYID LA LTA BAR MI BYED PA NYID PHYOGS KYI CHOS SU BSTAN NAS, GANG TSE BDAG LA MI LTA BA, ,DE GZHAN DAG LA JI LTAR LTA, ,ZHES BYA BA 'DIS BSGRUB PAR BYA BA CHOS NYE BAR GZHAG PA'I PHYIR GZHAN GYIS YONGS SU BRTAG PA'I RNAM PAR RTOG PA GZHAN BSAL BAR 'DOD PAS SBYOR BA'I TSIG DAG BYA'O, ,DE LA GANG DAG MIG NI MA PHRAD @77B PA 'DZIN PA'O ZHES ZER BA DE DAG GI PHYIR LTA BAR BYED PA NI SHES PA'I DON YIN PA'I PHYIR DPER NA RGYAL PO DAG GIS RTOG CHEN DAG LAS SHES PA BZHIN TE, RANG GI BDAG NYID LA LTA BAR MI BYED PA'I PHYIR RO, ,GTAN TSIGS KYI DON NI RANG GI BDAG NYID MI SHES PA YIN NO, ,DON DAM PAR MIG NI YUL MA PHRAD PA 'DZIN PA MA YIN TE, RANG GI BDAG NYID LA LTA BAR MI BYED PA'I PHYIR DPER NA SNA LA SOGS PA BZHIN NO, ,DE BZHIN DU DON DAM PAR GZUGS NI MIG GI DBANG PO YUL MA PHRAD PAR 'DZIN PA'I GZUNG BA MA YIN TE, 'BYUNG BA LAS GYUR PA YIN PA'I PHYIR DPER NA DRI LA SOGS PA BZHIN NO, ,RANG GI BDAG NYID LA LTA BAR MI BYED PA DANG, 'BYUNG BA LAS GYUR PA NI MTSAN NYID KYI SGRA'I TSUL NYE BAR BZUNG BA'I PHYIR TE, GTAN TSIGS THOGS PA DANG BCAS PA NYID LA SOGS PA DAG GI PHYIR RO ZHES KYANG PHYOGS GNYI GA LA RJES SU DPAG PA DAG BRJOD PAR BYA ZHING SBYOR BA'I TSIG CI RIGS PA RGYAS PAR BYA'O, ,YANG NA DON DAM PAR MIG NI YUL MA PHRAD PA 'DZIN PA YIN PAR MI 'DOD DE, DA LTAR GYI YUL MNGON SUM PA YIN PA'I PHYIR DPER NA SNA TSOGS PA BZHIN NO, ,CI STE MIG NI YUL MA PHRAD PA 'DZIN PA YIN TE, GZUGS BAR DU CHOD PA 'DZIN PA'I PHYIR DANG, RTZOL PA THA DAD PA MED PA DANG, DUS THA DAD PA MED PAR 'DZIN PA'I PHYIR DANG, RANG LAS LHAG PA'I YUL 'DZIN PA'I PHYIR DANG, DPER NA YID BZHIN NO ZHE NA, DE YANG BZANG PO MA YIN TE, 'DI LA MA PHRAD PA 'DZIN PA NI GZUGS BAR DU CHOD PA 'DZIN PA'I DON YIN LA, GZUGS BAR DU CHOD PA 'DZIN PA'I PHYIR ZHES BYA BA'I DON KYANG DE NYID YIN PAS DAM BCAS PA'I PHYIR DON GYI PHYOGS GCIG YIN PA'I PHYIR DANG, RTZOL BA THA DAD PA MED PA DANG, DUS THA DAD PA MED PAR 'DZIN PA'I PHYIR ZHES BYA BA YANG MA GRUB PA'I PHYIR RO, ,GTAN TSIGS GRUB TU ZIN NA YANG RJES SU 'GRO BA MI 'GRUB STE, DON DAM PAR YID KYANG MA PHRAD PA 'DZIN PA NYID DU MA GRUB PA'I PHYIR RO, ,YANG NA DON 'GAL BA NYID KYANG YIN NO, , GRANGS CAN DAG MIG NI YUL DANG MA PHRAD PA 'DZIN PA MA YIN TE ZHES BYA BA DE NI GRUB PA LA SGRUB PA YIN NO ZHES ZER NA, MIG YUL MA PHRAD PA 'DZIN PA NYID KYI CHOS STONG PA NYID DU BSTAN PAS YUL PHRAD PA 'DZIN PA YIN NO ZHES BSGRUB PA'I TSUL GYIS MA BSTAN PA'I PHYIR GNAS MA YIN PA LA DBUGS 'BYIN TO ZHES BRJOD PAR @78A *, ,BYA'O, ,GZHAN YANG MIG NI YUL PHRAD PA 'DZIN PA YIN PAR MI 'DOD DE, DBANG PO YIN PA'I PHYIR DPER NA YID BZHIN NO, ,SNA LA SOGS PA DAG GIS MA NGES PA NYID KYANG MA YIN TE, DE DAG KYANG 'OG NAS DE DANG 'DRA BA KHO NAR STON PA'I PHYIR RO, ,PHRAD PA 'DZIN PA ZHES BYA BA'I DON KYANG GANG YIN, GAL TE GNAS NAS YUL GYI PHYOGS SU SONG STE 'DZIN PAR BYED PA'O ZHE NA, DON DAM PAR MIG GI 'JUG PA NI, MIG GI RNAM PAR SHES PA'I RNAM GRANGS KYI GNAS NAS PHYI ROL DU MI 'GRO STE, 'JUG PA YIN PA'I PHYIR DPER NA SNA LA SOGS PA'I DBANG PO'I 'JUG PA BZHIN NO, ,DE BZHIN DU DON DAM PAR GZUGS NI MIG GI DBANG PO YUL PHRAD PA 'DZIN PA'I GZUNG BA MA YIN TE, RGYU CAN YIN PA'I PHYIR DPER NA SGRA LA SOGS PA BZHIN NO, ,JI STE PHYOGS GNYI GAR BSTAN PA'I RJES SU DPAG PA RGYAS PA DAG GI PHYOGS GCIG GI GCIG BRTZAL BA'I PHYIR GANG YANG RUNG BA LA MA GRUB PA YIN NO ZHE NA, GNYI GA MED PA'I PHYIR MI SGRUB PAR 'DOD PA GRUB BO, ,GANG DAG LA MIG GI 'OD ZER YUL GYI PHYOGS SU SONG STE, YUL 'DZIN PAR BYED DO SNYAM PA'I BLO GROS YOD PA DE DAG LA YANG 'DI SKAD CES BRJOD PAR BYA STE, THA SNYAD DU YANG MIG GI DBANG PO NI 'OD ZER DANG BCAS PA MA YIN PAR SHES PAR BYA STE, GZUGS DMIGS PA'I RGYU YIN PA'I PHYIR DPER NA GZUGS BZHIN NO, ,GAL TE MIG GI DBANG PO NI 'OD ZER DANG BCAS PA KHO NA YIN TE, MIG GI DBANG PO YIN PA'I PHYIR DPER NA, BYI BA LA SOGS PA MTSAN MO RGYU BA'I MIG BZHIN NO ZHE NA, DE NI RIGS PA MA YIN TE, MIG GI DBANG PO NI BSTAN DU MED PA'I PHYIR DANG, DE'I GNAS 'OD ZER DANG BCAS PA NYID YIN DU ZIN NA YANG DPE MA GRUB PA'I PHYIR DANG, 'GAL BA 'KHRUL PA MED PA'I GNOD PA YOD PA'I PHYIR RO, ,DPYAD PA RNAM PAR 'PHROS PAS CHOG GI SKABS NYID KYI DBANG DU BYA'O, ,LTA BA RANG GI BDAG NYID NA, ,DE NI DE LA MI LTA NYID, ,GANG TSE BDAG LA MI LTA BA, ,DE GZHAN BDAG LA JI LTAR LTA, ,ZHES BYA BA 'DI LA KHA CIG NA RE, 'DI LA DNGOS PO RNAMS KYI NGO BO NYID NI RANG GI BDAG NYID LA MTHONG NA, DE DANG LDAN PAS GZHAN GYI BDAG NYID LA YANG DMIGS PAR 'GYUR TE, DPER NA CHU LA RLAN MTHONG NA DE DANG LDAN PAS SA LA YANG DMIGS PA DANG, ME LA TSA BA MTHONG NA DE DANG LDAN @78B PAS CHU LA YANG DMIGS PA DANG, SNA MA'I ME TOG LA DRI ZHIM PA NYID MTHONG NA DE DANG LDAN PAS, GOS LA YANG DMIGS PA LTA BU YIN NA, DNGOS PO GANG RANG GI BDAG NYID LA MI SNANG BA DE GZHAN GYI BDAG NYID LA JI LTAR DMIGS PAR 'GYUR TE, 'DI LTAR SNA MA'I ME TOG LA DRI NGA BA NYID MA MTHONG NA GOS LA YANG DMIGS PAR MI 'GYUR BA LTA BU'O, ,DE'I PHYIR GAL TE LTA BA RANG GI BDAG NYID LA LTA BAR BYED NA NI, DES NA GZUGS LA LTA BAR BYED PAS LTA BA'O ZHES BYA BA DE 'THAD PAR 'GYUR BA ZHIG NA, LTA BA NA RANG GI BDAG NYID LA LTA BAR MI BYED DO, ,GANG RANG GI BDAG NYID LA LTA BAR MI BYED PA DE GZHAN DAG LA JI LTAR LTA BAR BYED DE, DE BAS NA GZUGS LA LTA BAR BYED PAS LTA BA'O ZHES BYA BA DE MI 'THAD DO, ,SLOB DPON 'PHAGS PA LHAS KYANG, DNGOS PO KUN GYI RANG BZHIN NI, ,THOG MAR BDAG LA SNANG GYUR NA, ,MIG NYID LA YANG MIG GIS NI, ,CI YI PHYIR NA 'DZIN MI 'GYUR, , ZHES GSUNGS SO ZHES ZER RO, ,DE LA 'DIR RANG GI SDE PA DAG NA RE, LTA BA GZUGS DMIGS PA DE GAL TE JI LTAR MIG LA MED PA DE BZHIN DU GZUGS LA YANG MED DO ZHE NA NI GRUB PA LA SGRUB PA YIN TE, DE LTAR YANG, DE NI MIG DANG GZUGS LA MED, ,DE GNYIS BYAR NA'ANG YOD MA YIN, ,GANG DU DE NI GNAS 'GYUR BA, ,DE YOD MA YIN DE MED MIN, ,ZHES GSUNGS PA'I PHYIR RO ZHE'O, ,KHA CIG NA RE, JI STE RANG GI BDAG NYID LA LTA BAR BYED PA'I NUS PA MED DO ZHE NA NI, SNA MA'I ME TOG DAG DE'I DPER MI RUNG STE, SNA MA'I ME TOG DAG LA CHOGS PA'I DBANG GIS DRI ZHIM PA NYID DAG 'BYUNG BA'I PHYIR ME TOG DANG PHRAD PAS 'BRU MAR DRI ZHIM PA NYID DU 'GYUR BA BZHIN NO, ,GZUGS LA LTA BAR BYED PA'I BYA BA YANG SUS KYANG KHAS MA BLANGS PAS DE 'GOG PA YANG MI 'THAD PA'I PHYIR RO, ,CI STE BDAG NYID LA 'DZIN PAR MI BYED PA BZHIN DU GZHAN DAG LA YANG 'DZIN PAR MI BYED PAR SGRUB NA NI DE LTA NA YANG DPES MI NUS TE, ,ME DANG SNA MA'I ME TOG DAG RANG DANG GZHAN GYI BDAG NYID LA 'DZIN PAR MI BYED PA'I PHYIR RO, ,DE LTA BAS NA DE NI RIGS PA MIN NO ZHE'O, ,DE'I PHYIR DE LTAR MIG LTA BAR MA GRUB PAS SKYE BA YANG MA GRUB, 'GRO BA YANG MA GRUB STE, DPE MED PA'I PHYIR RO, ,YANG NA GTAN TSIGS 'GAL BA @79A *, ,NYID KYANG YIN NO, ,'DIR SMRAS PA, KHYOD BSGRUB PA'I DON SGRO BTAGS NAS MIG GZUGS LA LTA BAR MI BYED DE, RANG GI BDAG NYID LTA BAR MI BYED PA'I PHYIR RO ZHES ZER BA NI 'DI SKAD CES GAL TE DE LA RANG GI BDAG NYID LA NUS PA MED NA, DE LA GZHAN GYI BDAG NYID LA YANG DE MED PAR BSTAN PA YIN NO, ,DE LTA NA YANG MA NGES PA NYID YIN TE, ME LA RANG GI BDAG NYID LA SREG PAR BYED PA'I NUS PA NYID MED DU ZIN KYANG GZHAN GYI BDAG NYID LA SREG PAR BYED NUS PA NYID YOD PA'I PHYIR RO, ,'DIR BSHAD PA, LTA BA RAB TU BSGRUB PA'I PHYIR, ,ME YI DPES NI NUS MA YIN, ,MIG NI LTA BA'I NGO BO NYID YIN NO ZHES BYA BA'I DON DE RAB TU BSGRUB PA'I PHYIR GTAN TSIGS MA NGES PA NYID KYI SKYON BRJOD PA STE, DON DAM PAR ME NI SREG PAR BYED PA NYID DU MA GRUB PA'I PHYIR DANG, THA SNYAD DU YANG LTA BA'I NGO BO NYID DU MA GRUB PA'I PHYIR RO ZHES BYA BAR DGONGS SO, ,YANG NA, LTA BA RAB TU BSGRUB PA'I PHYIR, ,ME YI DPES NI NUS MA YIN, ,GTAN TSIGS KYI SKYON BRJOD PA'I PHYIR TE, ME'I NGO BO NYID RANG DANG GZHAN GYI BDAG NYID SNANG BAR BYED PA DE NI GZHAN GYI PHYOGS LA YANG MED PA'I PHYIR DANG, THA SNYAD DU YANG SREG PAR BYED PA'I NGO BO NYID DU MA GRUB PA'I PHYIR RO ZHES BYA BAR DGONGS SO, ,SREG PA ZHES BYA BA YANG MES BYAS PA'I BUD SHING 'GYUR BA YIN PAS, ,DE'I PHYIR ME'I NGO BO NYID MA YIN NO, ,GZHAN YANG, LTA BA RAB TU BSGRUB PA'I PHYIR, ,ME YI DPES NI NUS MA YIN, ,SONG DANG MA SONG BSGOM PA YIS, ,DE NI LTA BCAS LAN BTAB BO, ,LTA BCAS ZHES BYA BA NI LTA BA DANG BCAS PA'O, ,GANG ZHE NA, ME'I DPE DE'O, ,CI ZHIG BYAS SHE NA, LAN BTAB BO, ,GANG GIS SHE NA, SONG BA DANG, MA SONG BA DANG, BSGOM PA DAG GIS TE, JI LTAR SNGAR DON DAM PAR SONG BA DANG, MA SONG BA DANG, BSGOM PA DAG LA 'GRO BA MED DE, SONG ZIN PA'I PHYIR DANG, MA SONG BA'I PHYIR DANG, SONG BA DANG, MA SONG BA MA GTOGS PAR BSGOM PA SHES PAR MI 'GYUR BA'I PHYIR RO ZHES BSHAD PA DE BZHIN DU DON DAM PAR MES KYANG BUD SHING BSREGS PA DANG, MA BSREGS PA DANG, SREG PA DAG SREG PAR MI BYED DE, BSREGS PA'I PHYIR DANG, MA BSREGS PA'I PHYIR DANG, BSREGS PA DANG, MA BSREGS PA MA GTOGS @79B PAR BSREG PA SHES PAR MI 'GYUR BA'I PHYIR RO ZHES BYA BA DANG, DE BZHIN DU DON DAM PAR MIG KYANG GZUGS BLTAS PA DANG, MA BLTAS PA DANG, BLTA BA DAG LA LTA BAR MI BYED DE, BLTAS PA'I PHYIR DANG, MA BLTAS BA'I PHYIR DANG, BLTAS PA DANG, MA BLTAS PA MA GTOGS PAR BLTA BA SHES PAR MI 'GYUR BA'I PHYIR RO ZHES GO RIMS BZHIN DU SBYOR BA'I TSIG DAG BRJOD PAR BYA'O, ,'DI LA GZHAN DAG NI PHA ROL POS ME BZHIN DU LTA BA LA SOGS PA 'GRUB STE, DPER NA ME NI SREG PAR BYED PA YIN YANG, GZHAN DAG SREG PAR BYED PA NYID YIN GYI RANG GI BDAG NYID SREG PAR BYED PA NI MA YIN NO, ,DE BZHIN DU LTA BA YANG LTA BAR BYED PA YIN YANG, GZHAN DAG LA LTA BAR BYED PA NYID YIN GYI, RANG GI BDAG NYID LA LTA BAR BYED PA NI MA YIN NO ZHES SMRAS PA'I LAN DU, LTA BA RAB TU BSGRUB PA'I PHYIR, ,ME YI DPES NI NUS MA YIN, ,SONG DANG MA SONG BSGOM PA YIS, ,DE NI LTA BCAS LAN BTAB BO, ,DE YANG GZHAN SREG PAR MI BYED PA'I PHYIR RO ZHES ZER RO, ,GZHAN DAG NA RE DE NI RIGS PA MA YIN TE, DPE TZAM GYIS PHYOGS SNGA MA SHIN TU SNYING PO MA YIN PAS DE 'GOG PA'I RIGS PA MA YIN PA'I PHYIR RO ZHE'O, ,GZHAN DAG GIS SMRAS PA, MIG LA LTA BA'I BYA BA YOD PA KHO NA YIN TE, SGRA'I BSTAN BCOS LAS DE LTAR BSTAN PA'I PHYIR RO, ,'DI NA SGRA'I BSTAN BCOS LAS BYED PA PO LA BYA BA'I RKYEN BRJOD NAS LTA BA BYA BA BYED PAS LTA BA ZHES BYA STE, DER GANG CI BSTAN PA DE NI DE BZHIN TE, DPER NA BYED PA PO LA BYA BA'I RKYEN BRJOD NAS THUGS SU CHUD PAR MDZAD PA'AM, THUGS SU CHUD PAR GYUR PAS SANGS RGYAS ZHES BYA BA BZHIN NO, ,'DIR BSHAD PA, SGRUB PA DE THA SNYAD KYI BDEN PA'I KHONGS SU NI YOD MOD KYI, DON DAM PAR NI MED DO, ,JI LTA ZHE NA, 'DI NYID DU MIG LTA BA BKAG PA'I PHYIR DANG, DE'I SKYE BA BKAG PA'I PHYIR LTA BA DANG BRAL BA YIN PAS, GANG TSE CUNG ZAD MI LTA BA, ,LTA BAR BYED PA MA YIN NO, ,GANG GI TSE GTAN PA'AM, KHRE'U 'AM CUNG ZAD LA YANG LTA BAR MI BYED PA DE'I TSE LTA BAR BYED PA MA YIN NO, ,DE'I PHYIR, LTA BAS LTA BAR BYED CES BYAR, ,DE NI JI LTAR RIGS PAR 'GYUR, ,LTA BAS LTA BAR BYED CES BYA BA DE JI LTAR RIGS PAR 'GYUR TE, DE NI MI RIGS PA KHO NA'O ZHES BYA @80A *, ,BA'I TSIG GI DON TO, ,DE'I PHYIR, LTA BA LTA NYID MA YIN TE, ,LTA BA MIN PA MI LTA NYID, ,LTA BA'I NUS PAS STONG PA'I PHYIR, ,BONG BA LA SOGS PA BZHIN NO, ,ZHES BYA BAR DGONGS SO, ,DES NA DON DAM PAR SGRA'I BSTAN BCOS LAS LTA BA'I SGRA DANG, SANGS RGYAS KYI SGRA BSTAN PA MI RUNG BA KHO NA STE, DPE MED PA'I PHYIR RO, ,MDZAD PA'I MTHA' DANG MI 'GAL TE, ,DON DAM PAR BCOM LDAN 'DAS KYANG NGO BO NYID MED PA'I PHYIR DANG, 'OG NAS KYANG, DE BZHIN GSHEGS PA'I DNGOS NYID GANG, ,DE NI 'GRO 'DI'I NGO BO NYID, ,DE BZHIN GSHEGS PA DNGOS NYID MED, ,'GRO 'DI NGO BO NYID MED DO, ,ZHES 'BYUNG BA'I PHYIR RO, ,YANG NA GZHAN DU BRTAGS TE, 'DI LA DE LTA BA YIN PA LA BYED PA PO BYA BA'I RKYEN BRJOD NAS LTA BAR BYED PAS LTA BA ZHES BYA BA'AM, LTA BA MA YIN PA LA BYED PA PO LA BYA BA'I RKYEN BRJOD NAS LTA BAR BYED PAS LTA BA ZHES BYA, DES CIR 'GYUR, GAL TE DE LTA BA MA YIN PA LA BYA NA NI, GANG TSE CUNG ZAD MI LTA BA, ,LTA BAR BYED PA MA YIN NO, ,'O NA CI ZHE NA, LTA BAR BYED PA NYID NI LTA BAR BYED PA YIN NO, ,DES NA MIG LTA BA'I BYA BA SKYES PAS LTA BAR BYED DE, DE LTA NA GTAN TSIGS DANG DPE'I SKYON DE NYID YOD DO, ,GAL TE DE LTA BA'I BYA BA BYED PA PO YIN PA'I PHYIR LTA BAR BYED PA NYID YIN NO ZHE NA, DE'I TSE DE LTA BA YIN NA LTA BA'I BYA BA DON MED PA NYID DE, DE'I PHYIR, LTA BAS LTA BAR BYED CES BYAR, ,DE NI JI LTAR RIGS PAR 'GYUR, ,MI RIGS PA KHO NA YIN TE, LTA BA'I BYA BA DANG LDAN PA'I PHYIR RO ZHES BYA BA'I TSIG GI DON TO, ,JI STE DE LTA BA MA YIN PA LA BYA NA YANG, GANG TSE CUNG ZAD MI LTA BA, ,LTA BAR BYED PA MA YIN NO, ,DE'I TSE DE LTA BA'I NGO BO NYID MA YIN NA, BONG BA LA SOGS PA BZHIN DU LTA BA'I BYA BA DANG BRAL BA YIN PAS LTA BA MA YIN PA YANG LTA BAR MI BYED PA NYID DO, ,DE'I PHYIR DE LTAR GNYI GA YANG LTA BA'I BYA BA DANG MI LDAN PA'I PHYIR, LTA BA LTA NYID MA YIN TE, ,LTA BA MIN PA MI LTA NYID, ,CI STE DGAG PA GNYIS YOD NA, SKABS KYI DON GO BAS DE'I PHYIR MIG LTA BA'I BYA BA SKYES PAS LTA BAR BYED DO ZHE NA, DE NI BZANG PO MA YIN TE, YOD PA DANG NI MED PA'I RKYEN DGAG PA BZHIN DU YOD PA DANG, MED PA'I RGYU NYID BKAG PA'I PHYIR RO, ,PHYIS 'BYUNG BA'I TSUL GYIS LTAS NYID DU NYE @80B BAR BRTAGS NAS, DE LTA BA YIN PAR RTOGS NA NI THA SNYAD KYI BDEN PA RAB TU BSGRUB PA'I PHYIR 'DOD PA NYAMS SO, ,YANG NA PHA ROL PO NA RE MIG LTA BA'I BYA BA SKYES PAS LTA BAR BYED PAR SMRA STE, BYA BA'I THA SNYAD YOD PA'I PHYIR RO, ,GANG LA LTA BA'I BYA BA MA SKYES PA DE NI LTA BAR BYED DO ZHES MI BRJOD DE, DPER NA RNA BA BZHIN NO, ,MIG LA NI LTA BA'I BYA BA YOD PAS MIG LTA BAR BYED DO ZHES THA SNYAD 'DOGS SO ZHES ZER BA LA, SLOB DPON GYIS BSHAD PA, DE LTAR NA, LTA BA LTA NYID MA YIN TE, ,PHA ROL POS DON DAM PAR LTA BA PO 'GA' ZHIG LA LTA BA'I BYA BA SKYES PAR MA BSTAN PA'I PHYIR DANG, LTA BA LA LTA BA'I BYA BA SKYES PA'I SNGON ROL NA, LTA BA NYID DU MA GRUB PA'I PHYIR RO ZHES BYA BAR DGONGS SO, ,SNGON LTA BA MA YIN PA LAS PHYIS LTA BA'I BYA BA DANG LDAN PAR 'GYUR BA NI BSTAN DKA' BA'I PHYIR, LTA BA MIN PA MI LTA NYID, ,DE LTA NA GTAN TSIGS KYI DON MA GRUB PA NYID DAM, DON 'GAL BA NYID YIN PAS; DAM BCAS PA NYAMS SO, ,'DIR GRANGS CAN DANG, BYE BRAG PA DAG GIS SMRAS PA, 'DIS LTA BAR BYED PAS LTA BA STE, BYED PA LA BYA BA'I RKYEN BRJOD PA'I PHYIR RO, ,BYED PA DE GANG GI YIN PA DE NI LTA BA PO STE, DE YANG DES LTA BAR BYED DO, ,DPER NA GCOD PA PO STA RES SHING GCAD PAR BYA BA SHING GCOD PAR BYED KYI STA RE NYID GCOD PAR MI BYED PA BZHIN TE, DES NA MIG GIS LTA BAR MI BYED DO ZHES BYA BA DE NI GRUB PA LA SGRUB PA YIN NO, ,BYED PA DAG LA BYED PA PO YOD DE, BYED PA YIN PA'I PHYIR DPER NA STA RE LA SOGS PA DAG LA GCOD PA PO YOD PA BZHIN NO, ,'DIR BSHAD PA, LTA BA NYID KYIS LTA BA PO, ,RNAM PAR BSHAD PAR SHES PAR BYA, ,RNAM PAR BSHAD PAR SHES PAR BYA BA ZHES BYA BA LAN BTAB PAR SHES PAR BYA'O, ,GANG GIS SHE NA, LTA BA NYID KYIS SO, ,GANG GI ZHE NA, LTA BA PO'I STE, LTA BA PO NYID DU RNAM PAR RTOG PA DGAG PA YANG 'DRA BA'I PHYIR RO ZHES BYA BAR DGONGS SO; ,JI LTAR DER MIG GI CHOS RANG GI BDAG NYID LA LTA BAR MI BYED PA YIN PA DE BZHIN DU 'DIR BDAG GI CHOS KYANG RANG GI BDAG NYID LA LTA BAR MI BYED PA YIN TE, GANG GI PHYIR BDAG NI RANG GI BDAG NYID LA LTA BAR BYED PA MI 'THAD DE, RANG GI BDAG NYID LA 'JUG PA 'GAL BA'I PHYIR RO, ,'DI LTAR RAL @81A *, ,GRI'I SO DE NYID KYIS RAL GRI'I SO DE NYID GCOD PAR MI BYED PA BZHIN NO, ,DE LTAR RJES SU DPAG PA NI DON DAM PAR BDAG KYANG LTA BA PO MA YIN TE, RANG GI BDAG NYID LA LTA BAR MI BYED PA'I PHYIR DPER NA RNA BA BZHIN NO, ,PHA ROL POS GTAN TSIGS KYI DON MA GRUB PA NYID DU DOGS PA'I DUG GIS BSLAD DU YANG MI RUNG NGO, ,GANG LA LAR BDAG GIS BDAG LA LTA BAR BYED DO ZHES BSHAD PA DER NI, YID PHAN 'DOGS PA YIN PA'I PHYIR, BDAG GIS ZHES BYA BA'I SGRAR SGRO BTAGS NAS THA SNYAD DU DE SKAD BSHAD PA YIN NO, ,'DIR RANG GI BDAG NYID LA LTA BAR MI BYED PA NI MTSAN NYID KYI SGRA'I TSUL NYE BAR GZUNG BA'I PHYIR TE, GTAN TSIGS DNGOS PO NYID DANG, SHES BYA NYID DANG, BRJOD PAR BYA BA NYID LA SOGS PA DAG GI PHYIR RNA BA LA SOGS PA BZHIN NO ZHE 'AM, SGRA LA SOGS PA BZHIN NO ZHE'AM, BDAG GI BDAG NYID BZHIN NO ZHES GTAN TSIGS DANG, DPE'I RJES SU DPAG PA DAG KYANG RGYAS PAR BRJOD PAR BYA'O, ,DE LTAR NA DON DAM PAR BDAG NI GZUGS LA LTA BAR MI BYED DE, DNGOS PO YIN PA'I PHYIR DPER NA RNA BA LA SOGS PA BZHIN NO ZHE NA, DE BZHIN DU DON DAM PAR BDAG NI GZUGS LA LTA BAR MI BYED DE, SHES BYA YIN PA'I PHYIR DPER NA SGRA LA SOGS PA BZHIN NO; ,DE BZHIN DU DON DAM PAR BDAG NI GZUGS LA LTA BAR MI BYED DE, BRJOD PAR BYA BA YIN PA'I PHYIR DPER NA BDAG GI BDAG NYID BZHIN NO, ,GZUGS LA YANG DE BZHIN DU CI RIGS PAR BRJOD PAR BYA'O, ,DAM BCAS PA LA SOGS PA'I SKYON YANG MED DE, THA SNYAD KYI BDEN PA'I DBANG DU BYAS PA'I PHYIR DANG; SPYIR KHAS BLANGS PA'I BDAG PHYOGS SU BYAS PA'I PHYIR DANG, DE'I CHOS BSTAN PA'I PHYIR DANG, DPE NYID DU YANG DE NYE BAR GZHAG PA'I PHYIR RO, ,DE LTAR NA DON DAM PAR STA RE LA SOGS PA MA GRUB PAS DPE YANG MED PA'I PHYIR GRUB PA LA SGRUB PA MA YIN NO, ,'DIR KHA CIG NA RE, LTA BA PO LTA BAR MI BYED DO ZHES BYA BA NI DE NYID KYIS DON DE LA SKUR BA BTAB PA'I PHYIR, DAM BCAS PA'I SKYON DU 'GYUR RO ZHES ZER RO, ,'DIR RTEN CING 'BREL BAR 'BYUNG BA SKYE BA MED DO ZHES BYA BAS LAN BTAB ZIN PA'I PHYIR YANG PHYIR BZLAS MI DGOS SO, ,GZHAN YANG 'DI LA LTA BA PO DE LTA BA PO'I NGO BO NYID YIN NAM @81B 'ON TE LTA BA PO'I NGO BO NYID MA YIN, DE LA GAL TE LTA BA PO'I NGO BO NYID YIN TE, JI LTAR GRANGS CAN DAG NA RE SKYES BU'I NGO BO NYID NI SHES PA YOD PA NYID DO ZHES ZER BA LTA BU'O ZHE NA, DE LA GAL TE DE'I LTA BA PO'I NGO BO NYID YIN NA NGO BO NYID NI MA BYAS PA'I PHYIR, LTA BA MED PAR YANG LTA BA POR 'GYUR RO, ,CI STE GCOD PA PO DE LA STA RE MED NA GCOD PA PO NYID DU MI 'THAD PA DE BZHIN DU DE YANG LTA BA MA SPANGS PA'I PHYIR, LTA BA PO NYID DU BLTA BAR BYA'O ZHE NA, DE LTA NA BDAG PO NYID NI THA SNYAD PA YIN TE, GCOD PA PO THA SNYAD PA YIN PA'I PHYIR RO, ,DE LTAR RTOG NA, MA SPANGS LTA PO YOD MIN TE, ,LTA BA MA SPANGS NA DE LTA BA PO NYID DU KHAS BLANGS PA'I PHYIR RO ZHES BYA BA'I TSIG GI LHAG MA'O, ,'DI NA LTA BA DANG LDAN PA'I SNGON ROL DANG LTA BA DANG BRAL BA'I 'OG NA LTA BA MED PAS LTA BA MED NA BLTA BAR BYA BA LA LTA BA YANG MED PA'I PHYIR, LTA BA PO NYID DU MI 'THAD PAS LTA BA PO MED DE, LTA BA PO'I NGO BO NYID MA YIN NO ZHES BYA BA'I THA TSIG GO, ,ME BZHIN DU YANG DE MI 'GRUB STE, BUD SHING MED PAR ME MI 'GRUB PA'I PHYIR RO, ,YANG NA GAL TE LTA BA PO YOD NA LTA BA PO YIN NO ZHE NA YANG GRANGS CAN DAG GIS YONGS SU BRTAGS PA'I LTA BA PO MED DO ZHES BYA BA'I TSIG GI LHAG MA STE, 'DI LA GZUGS DMIGS SHING LTA BAR BYED PAS LTA BA PO'O ZHES RJES SU DPAG PA YIN NA, GZUGS DMIGS PA DE YANG, MIG DANG, GZUGS DANG, SNANG BA DANG, NAM MKHA' DANG, YID LA BYED PA DAG YOD NA YOD PA YIN PAS DE'I PHYIR, LHAS BYIN ZHES BYA BA'I TSOGS DE DAG DANG LDAN PA LA LTA BA PO ZHES GDAGS KYI DE LAS GZHAN NI MED DO, ,DE LAS GZHAN PA YONGS SU BRTAGS PA'I YOD PA NYID CIG YOD DU ZIN NA YANG, LONG BA'I RGYUD LA GZUGS DMIGS PA MED PA'I PHYIR RO, ,BYED PA'I RGYU DAG LA BYED PA POR THA SNYAD GDAGS TE, MAR ME BZHIN DU RIGS PA NYID YIN NO, ,DPER NA MAR ME LA SEMS PA MED KYANG SNANG BA'I RGYU YIN PA'I PHYIR SNANG BAR BYED PA YIN NO ZHES ZER BA BZHIN TE, DE'I PHYIR THA SNYAD DU YANG MED DO, ,CI STE LTA BA PO'I NGO BO NYID MA YIN TE, JI LTAR BYE BRAG PA DAG NA RE BZHI'I SBYOR BA LAS GZUGS SHES PA SKYES PA NA LTA BAR BYED DO ZHES ZER BA LTA BU'O ZHE NA, DE LTA NA YANG SKYON DE NYID YOD DE, MA GRAGS PA'I YOD PAS DE LA DE BRTAG PA @82A *, ,MI 'THAD PA'I PHYIR RO, ,THUN MONG DU KHAS BLANGS NAS DE YOD DO ZHE NA, YANG BSHAD PA, LTA BA SPANGS PAR GYUR KYANG NGO, ,CI ZHIG CE NA, LTA BA PO YOD MIN TE, ,ZHES BYA BA'I SKABS YIN TE, LTA BA'I NUS PA SPANGS PAR GYUR NA, DE'I NGO BO NYID MA YIN PA'I PHYIR RO, ,DON DAM PAR DE GZUGS LA LTA BAR BYED PAR MI 'THAD DE, MIG LAS GZHAN YIN PA'I PHYIR DPER NA BUM PA BZHIN NO, ,DE LTAR NA PHYOGS GNYIS KA LA YANG, LTA BA PO NYID MA GRUB BO, ,YANG NA LTA BA PO'I NGO BO NYID DU YONGS SU BRTAGS NA YANG, MA SPANGS LTA PO YOD MIN TE, ,LTA BA SPANGS PAR GYUR KYANG NGO, , LTA BA DANG BCAS SAM, LTA BA MED KYANG RUNG STE, LTA BA PO'I NGO BO NYID MED DO ZHES BYA BAR DGONGS SO, ,GAL TE RE ZHIG LTA BA PO DE MIG YOD NA LTA BAR BYED DO ZHES BYA BA DE LTAR 'DOD NA, DE LTA NA GZUGS DMIGS PA 'GRUB PA NI MIG YOD NA YOD PA'I PHYIR ME YOD NA BSREG PA NYID BZHIN PAS LTA BA PO NYID THA SNYAD PA STE, MIG NYID YIN PAR 'DOD PAR BYA'O, ,CI STE LTA BA MED KYANG LTA BA PO YIN NO ZHES BYAR NI LONG BA'I RGYUD LA GZUGS DMIGS PA MED PA'I PHYIR DE LTA BA PO NYID YIN PAR MI RIGS SO, ,'DIR SMRAS PA, LTA BA'I BYA BA YOD PA NYID NI LTA BA PO YIN PAR SHES PAR BYA STE, DE LA BYED PA DANG, LAS YOD PA'I PHYIR RO, ,'DI NA GANG LA BYA BA MED PA DE LA NI BYED PA DANG LAS MED DE, DPER NA NAM MKHA'I ME TOG BZHIN NO, ,LTA BA PO DE LA NI BYED PA LTA BA DANG LAS BLTA BAR BYA BA YOD PAS DE'I PHYIR LTA BA'I BYA BA YOD PA NYID NI LTA BA PO YIN PAR SHES PAR BYA'O, ,'DIR BSHAD PA, DON DAM PAR LTA BA RNAM PA THAMS CAD DU BKAG PA'I PHYIR DANG, LTA BA MED NA LTA BA PO YANG MI 'THAD DE, LTA BA MED NA KHYOD KYI NI, ,BLTA BYA LTA BA GA LA YOD, ,GANG GIS KYANG LTA BAR MI BYED PA LA BLTA BAR BYA BA MI RIGS PA'I PHYIR DANG, 'DIS LTA BAR BYED PA'I LTA BA PO MED PA KHO NA'I PHYIR BYED PA YANG MI RIGS PA'I PHYIR RO ZHES BYA BAR DGONGS SO, ,DES NA KHYOD KYI BYED PA DANG LAS YOD PA'I PHYIR RO ZHES BYA BA'I GTAN TSIGS KYI DON MA GRUB PA NYID DAM, DON 'GAL BA NYID YIN NO, ,RANG GI SDE PA DAG LAS, KHA CIG NA RE, RGYU DANG RKYEN GZHAN GYI DBANG DANG G-YO BA MED PA'I 'DU BYED DAG LA MIG LTA BAR MI BYED DO ZHES BYA BA DANG, @82B DE LAS GZHAN PA'I BDAG LTA BA PO MED DO ZHES BYA BA GANG YIN PA DE NI RIGS KYI, BLTA BAR BYA BA DANG, LTA BA DAG MED DO ZHES BYA BA NI MI 'DOD DE, DE DAG GI 'BRAS BU RNAM PAR SHES PA LA SOGS PA BZHI YOD PA'I PHYIR RO, ,GANG MED PA DE LA NI, 'BRAS BU RNAM PAR SHES PA DANG, REG PA DANG, TSOR BA DANG, SRED PA ZHES BYA BA DAG MED DE, DPER NA DMUS LONG GI MIG BZHIN NO, ,BLTA BAR BYA BA DANG LTA BA DAG LA NI 'BRAS BU RNAM PAR SHES PA LA SOGS PA BZHI YOD PAS, DE'I PHYIR BLTA BAR BYA BA DANG, LTA BA DAG YOD DO ZHES ZER RO, ,'DIR BSHAD PA, GAL TE JI SKAD BSTAN PA'I TSUL GYIS BLTA BAR BYA BA DANG, LTA BA RAB TU MA GRUB PAR BSTAN PA DE'I TSE, BLTA BYA LTA BA MED PA'I PHYIR, ,RNAM PAR SHES LA SOGS PA BZHI, ,YOD MIN, RKYEN MED PA'I PHYIR RO ZHES BYA BAR DGONGS SO, ,DE'I PHYIR DE DAG MA GRUB PAS MA GRUB NA BLTA BAR BYA BA DANG, LTA BA YANG 'GRUB PAR MI RIGS TE, DPE YANG MED PA'I PHYIR RO, ,GANG DAG 'DI SKAD CES DON DAM PAR RNAM PAR SHES PA LA SOGS PA DAG YOD PA NYID DE DE DAG GI 'BRAS BU NYE BAR LEN PA LA SOGS PA DAG YOD PA'I PHYIR RO ZHES ZER BA DE DAG LA BSHAD PAR BYA STE, NYE BAR LEN PA LA SOGS PA, ,JI LTA BUR NA YOD PAR 'GYUR, ,DE DAG KYANG RNAM PAR SHES PA LA SOGS PA BZHIN DU MA GRUB PA'I PHYIR RO ZHES BYA BAR DGONGS SO, ,NYE BAR LEN PA ZHES BYA BA NI, NYE BAR BLANG BAR BYA BA DAG STE, 'DOD PA DANG, TSUL KHRIMS DANG, BRTUL ZHUGS MCHOG TU 'DZIN PA DANG, BDAG TU SMRA BA DANG, LTA BA ZHES BYA BA DAG GO, ,SOGS PA ZHES BYA BA NI GANG DAG GI DANG POR DE DAG BSTAN PA STE, DE DAG KYANG SRID PA DANG SKYE BA DANG RGA SHI DAG GO, ,DE'I PHYIR KHYOD LA SKYON DE NYID YOD DO, ,DA NI PHA ROL POS RAB TU BYED PA'I DANG POR NYAN PA LA SOGS PA DANG, SGRA LA SOGS PA DANG NYID DU NYE BAR BZHAG PA DAG JI SKAD BSTAN PA'I TSUL GYIS 'DRA BAR BSTAN PAR BZHED NAS; LTA DANG NYAN DANG SNOM PA DANG, ,MYONG BAR BYED DANG REG BYED YID, ,NYAN PA PO DANG MNYAN LA SOGS, ,RNAM PAR BSHAD PAR SHES PAR BYA, ,ZHES BYA BA GSUNGS SO, ,NYAN PA DANG, SNOM PA DANG, MYONG BAR BYED PA DANG, REG PAR BYED PA DANG, YID DANG, NYAN PA PO DANG, MNYAN PAR BYA @83A *, ,BA LA SOGS PA DAG GI LAN KYANG BTAB PAR SHES PAR BYA'O, ,GANG GIS SHE NA, LTA BA NYID KYIS TE, LTA BA DGAG PA BZHIN DU NYAN PA LA SOGS PA DAG DGAG PA YANG CI RIGS PAR RJES SU DANG GA PA RGYAS PAR SPROS PA DANG BCAS PA BSTAN PAR BYA'O, ,DES NA RAB TU BYED PA RTZOM PA NAS RNAM PAR RTOG PAR BYED PA'I SKYE BA YANG MA GRUB LA 'GRO BA YANG MA GRUB BO, ,DE LA 'DIR RAB TU BYED PA'I DON NI PHA ROL POS SMRAS PA'I SGRUB PA'I SKYON BRJOD PAS SKYE MCHED RNAMS STONG PA NYID DU BSTAN PA YIN NO, ,DE'I PHYIR NANG GI SA'I KHAMS GANG YIN PA DANG, PHYI ROL GYI SA'I KHAMS GANG YIN PA DE NI GNYIS SU MED PA'I DON TE, DE YANG DE BZHIN GSHEGS PAS SHES RAB DANG YE SHES KYIS GNYIS SU MED PA DANG, GNYIS SU DBYER MED PA DANG, MTSAN NYID GCIG PA 'DI LTA STE, MTSAN NYID MED PAR MNGON PAR RDZOGS PAR SANGS RGYAS SO ZHES BYA BA DANG, DE BZHIN DU BU MO KHAMS DAG JI LTAR BLTA BAR BYA, BU MOS SMRAS PA, 'JAM DPAL 'DI LTA STE, DPER NA 'JIG RTEN GSUM BSKAL PA'I MES BSREGS PA NA THAL BA YANG MED PA LTAR RO ZHES BYA BA DANG, DE BZHIN DU, MIG NI GZUGS LA MI LTA ZHING, ,YID NI CHOS RNAMS MI SHES TE, ,GANG LA 'JIG RTEN MI 'JUG PA, ,DE NI DAM PA'I BDEN PA'O, ,ZHES BYA BA DANG, DE BZHIN DU CHOS THAMS CAD NI SHES PAR MI BYED, LTA BAR MI BYED DE, DE NI CHOS SMRA BA LA YANG DMIGS PAR MI BYED, SEMS PAR MI BYED, RLOM PAR MI BYED DO ZHES BYA BA DANG, DE BZHIN DU SRING MO MIG NI GZUGS LA LTA BAR MI BYED, RNAM PAR SHES PAR MI BYED DE, BYANG CHUB KYANG MIG DANG GZUGS DANG BRAL BA NYID DO, ,RNA BA DANG, SNA DANG, LCE DANG, LUS DANG, YID GANG CHOS RNAMS 'DZIN PAR MI BYED RNAM PAR SHES PAR MI BYED DE, BYANG CHUB KYANG YID DANG CHOS DANG BRAL BA NYID DO ZHES BYA BA LA SOGS PA DANG, DE BZHIN DU RAB KYI RTZAL GYIS RNAM PAR GNON PA GZUGS NI GZUGS KYI SPYOD YUL MA YIN NO, ,TSOR BA DANG, 'DU SHES DANG, 'DU BYED RNAMS DANG, ,RNAM PAR SHES PA YANG RNAM PAR SHES PA'I SPYOD YUL MA YIN NO, ,RAB KYI RTZAL GYIS RNAM PAR GNON PA SPYOD YUL ZHES BYA BA NI GZUGS KYIS GZUGS MI SHES MI MTHONG BA @83B DANG; TSOR BA DANG, 'DU SHES DANG, 'DU BYED RNAMS DANG, RNAM PAR SHES PAS RNAM PAR SHES PA MI SHES MI MTHONG BA'O, ,GZUGS MI SHES MI MTHONG, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA MI SHES MI MTHONG BA GANG YIN PA DE NI SHES RAB KYI PHA ROL TU PHYIN PA'O ZHES BYA BA LA SOGS PA GSUNGS PA DE DAG GRUB PA YIN NO, ,SLOB DPON LEGS LDAN BYED KYIS NYE BAR SBYAR BA, DBU MA'I RTZA BA'I 'GREL PA SHES RAB SGRON MA LAS, SKYE MCHED BRTAG PA ZHES BYA BA STE, RAB TU BYED PA GSUM PA'O,, ,,DA NI SKYE MCHED YOD PA NYID MI MTHUN PA'I PHYOGS KYI KHYAD PAR DGAG PAS PHUNG PO RNAMS NGO BO NYID MED PA NYID DU BSTAN PA'I DON GYI DBANG GIS RAB TU BYED PA BZHI BA BRTZAM MO, ,RAB TU BYED PA BSTAN MA THAG PA'I MJUG TU, LTA BAS NYAN DANG SNOM PA DANG, ,MYONG BAR BYED DANG REG BYED YID, ,NYAN PA PO DANG MNYAN LA SOGS, ,RNAM PAR BSHAD PAR SHES PAR BYA, ,ZHES BSHAD PA'I PHYIR RANG GI SDE PA DAG NA RE, DON DAM PAR SKYE MCHED RNAMS YOD PA KHO NA YIN TE, PHUNG POS BSDUS PA'I PHYIR RO, ,'DI NA GANG YOD PA MA YIN PA DE NI GZUGS LA SOGS PA'I PHUNG POS MA BSDUS TE, DPER NA NAM MKHA'I ME TOG BZHIN NO, ,NANG GI SKYE MCHED RNAMS LA NI PHUNG POS BSDUS PA YOD DE, 'DI LTA STE, GZUGS CAN BCU NI GZUGS KYI PHUNG POS BSDUS LA, CHOS KYI SKYE MCHED NI PHUNG PO GSUM DANG, GZUGS KYI PHUNG PO'I PHYOGS GCIG GIS BSDUS, YID KYI SKYE MCHED NI RNAM PAR SHES PA'I PHUNG POS BSDUS SO, ,DE'I PHYIR GTAN TSIGS JI SKAD SMOS PAS DON DAM PAR NANG GI SKYE MCHED RNAMS YOD PA NA YIN NO ZHES ZER RO, ,'DIR BSHAD PA, 'DI LA GZUGS NI MDOR BSDU NA RNAM PA GNYIS TE, 'BYUNG BA'I GZUGS DANG, 'BYUNG BA LAS GYUR PA'I GZUGS SO, ,DUS LA SOGS PA'I DBYE BAS THA DAD PA DE DAG THAMS CAD GCIG TU BSDUS NAS GZUGS KYI PHUNG PO ZHES BYA'O, ,DE LA RE ZHIG PHA ROL PO'I GTAN TSIGS NYID DU MIG LA SOGS PA BSDUS PAR 'DOD PA'I PHYIR DANG, BSTAN SLA BA'I PHYIR GZUGS LAS BRTZAMS TE BSAM PAR BYA'O, ,GZUGS KYI RGYU NI MA GTOGS PAR, ,GZUGS NI DMIGS PAR MI 'GYUR RO, ,GZUGS ZHES BYA BA NI @84A *, ,GZUGS SU RUNG BA'O, ,DE'I RGYU NI GZUGS KYI RGYU STE, DE GANG ZHE NA, SA LA SOGS PA 'BYUNG BA CHEN PO BZHI PO DAG GO, ,DE DAG MA GTOGS PAR ZHES BYA BA NI, DE DAG BSTZAL NA'O, ,GZUGS NI DMIGS PAR MI 'GYUR RO, ,ZHES BYA BA NI DON DAM PAR RO, ,'O NA CI ZHE NA, THA SNYAD GDAGS PA'I PHYIR, GZUGS KYI RGYU 'BYUNG BA CHEN PO BZHI PO DAG LA BRTEN NAS GZUGS ZHES 'DOGS PAR BYED DO, ,DE LTAR NA 'DIS GZUGS KYIS BSGRUB PAR BYA BA CHOS SA LA SOGS PAR 'DUS PA TZAM NYID DANG, GZUGS KYI BSGRUB PA'I CHOS RANG GI RGYU MA BZUNG NA DE'I BLO MED PA BSTAN TO, ,DPE NI DE'I DBANG GIS TE, DMAG DANG NAGS TSAL LA SOGS PA DAG YIN NO, ,'DIR RJES SU DPAG PA NI DON DAM PAR GZUGS RDZAS SU YOD PA MA YIN TE, RANG GI RGYU MA BZUNG NA DE'I BLO MED PA'I PHYIR RO, ,'DI NA GANG RANG GI RGYU MA BZUNG NA DE'I BLO MED PA NI RDZAS SU YOD PA MA YIN TE, DPER NA DMAG LA SOGS PA BZHIN NO, ,DE BZHIN DU GZUGS KYANG RANG GI RGYUS LA SOGS PA DAG MA BZUNG NA, GZUGS KYI BLO MED PAS RDZAS SU YOD PA MA YIN NO, ,YANG NA SBYOR BA'I LAM GZHAN YANG YOD DE, DON DAM PAR GZUGS KYI BLO NI DNGOS PO RDZAS SU YOD PA'I YUL CAN MA YIN TE, BLO YIN PA'I PHYIR DPER NA NAGS TSAL LA SOGS PA'I BLO BZHIN NO, ,YANG NA SBYOR BA'I LAM GZHAN YANG YOD DE, DON DAM PAR GZUGS KYI ZHES BYA BA'I SGRA 'DI NI TSIG GI DON RDZAS SU YOD PA'I YUL CAN MA YIN TE, SGRA YIN PA'I PHYIR DPER NA DMAG LA SOGS PA'I SGRA BZHIN NO, ,RNAM PAR SHES PA DANG, SEMS LAS BYUNG BA DAG KYANG BSGRUB PAR BYA BA DANG, RIGS MTHUN PA NYID KYIS DE BZHIN DU DGAG PAR BYA BA YIN PA'I PHYIR, GTAN TSIGS MA NGES PA NYID MA YIN NO, ,GAL TE GZUGS NI DON DAM PAR YOD PA YIN TE, DE ZHIG KYANG DE'I BLO MI 'JIG PA'I PHYIR RO, ,'DI NA GANG ZHIG NA DE'I BLO 'JIG PA DE NI KUN RDZOB TU YOD PA YIN TE, DPER NA BUM PA BZHIN NO, ,GZUGS SNGON PO LA SOGS PA DAG NI ZHIG KYANG DE'I BLO DE LTAR MI 'JIG PAS DE'I PHYIR GZUGS NI RDZAS SU YOD PA YIN NO ZHE NA, DE NI BZANG PO MA YIN TE, RJES SU 'GRO BA MED PA'I PHYIR RO, ,DE LTAR RE ZHIG RGYUR BYAS PA'I GZUGS BRTAGS ZIN TO, ,DA NI 'BYUNG BA'I GZUGS KYI @84B DBANG DU BYAS TE BSHAD PAR BYA'O, ,RGYUR BYAS PA'I GZUGS NI YOD PA KHO NA YIN TE, DE'I RGYU YOD PA'I PHYIR RO, ,'DI NA GANG MED PA DE LA NI RGYU GZUNG DU MED DE, DPER NA NAM MKHA'I ME TOG BZHIN NO, ,RGYUR BYAS PA'I GZUGS LA NI RGYU SA LA SOGS PA DE DAG YOD PAS DE'I PHYIR RGYUR BYAS PA'I GZUGS NI YOD PA KHO NA YIN NO ZHE NA, DE'I PHYIR BSHAD PA, GZUGS ZHES BYA BA MA GTOGS PAR, ,GZUGS KYI RGYU YANG MI SNANG NGO, ,'DI LA RGYUR BYAS PA'I GZUGS KYI MTSAN NYID GZUGS DANG, SGRA DANG, DRI DANG, RO DANG, REG BYA MA GTOGS PAR GZUGS KYI RGYU SA LA SOGS PA DAG KYANG MI SNANG ZHING GZUNG DU MED DO, ,'DIR YANG 'BYUNG BA'I GZUGS KYI BSGRUB PAR BYA BA CHOS GZUGS LA SOGS PA 'DUS PA TZAM NYID DANG, SGRUB PA'I CHOS GZUGS LA SOGS PA MI SNANG NA SA LA SOGS PA DE DAG KYANG MI SNANG BAR BSTAN TO, ,DE'I PHYIR DE'I DBANG GIS DPE YANG MNGON NO, ,DE LA 'DIR RE ZHIG SA'I DBANG DU BYAS TE SBYOR BA'I TSIG BYA'O, ,'DUS PA TZAM NYID KYANG, DON DAM PAR MI STON PA'I PHYIR RO, ,'DIR BSTAN BCOS MDZAD PAS 'DUS PA TZAM NYID BSTAN PAS, RDZAS SU YOD PA NYID DGAG PA KHO NA BSTAN TE, DE DAG PA NI DON CHE BA'I PHYIR RO, ,JI LTAR DE DON CHE BA NYID YIN ZHE NA, 'DI LTAR THA SNYAD DU BRTEN NAS 'DOGS PAR BYED PA GANG YIN PA DE NI, DON DAM PAR RDZAS SU YOD PA MA YIN PA'I PHYIR SKYE BA MED PAS NGO BO NYID MED PA NYID GRUB PA'I PHYIR RO, ,'PHAGS PA LANG KAR GSHEGS PA'I MDO LAS, GANG PHYIR 'DUS PA MA GTOGS PAR, ,BLO YIS DNGOS PO GZUNG DU MED, ,DE PHYIR STONG DANG MA SKYES DANG, ,RANG BZHIN MED PAR DU SMRA'O, ,'DI LA RKYEN GYIS CUNG ZAD KYANG, ,SKYE BA DANG NI DGAG PA MED, ,SKYE BA DANG NI 'GAG PA YANG, ,RKYEN RNAMS KHO NA 'BA' ZHIG GO, ,ZHES BYA BA LA SOGS PA JI SKAD GSUNGS PA LTA BU'O, ,'DIR SBYOR BA'I TSIG NI DON DAM PAR SA NI RDZAS SU YOD PA MA YIN PAR SHES PAR BYA STE, DE'I RGYU MI SNANG NA DE MI SNANG BA'I PHYIR RO, ,GANG RGYU MI SNANG NA DE MI SNANG BA DE NI DON DAM PAR RDZAS SU YOD PA MA YIN TE, DPER NA DMAG LA SOGS PA BZHIN NO, ,DE BZHIN DU, BLO DANG SGRA'I PHYOGS LA YANG CI RIGS PAR BRJOD PAR BYA'O, ,YANG NA GZUGS KYI RGYUS LA SOGS PA DE DAG MA GTOGS @85A *, ,PAR DE DAG LAS GZHAN PA'I GZUGS DMIGS SU MED DE, RANG GI RGYU MA BZUNG NA DE GZUNG DU MED PA NI GZUGS KYI CHOS YIN NO, ,'DIR SBYOR BA'I TSIG NI DON DAM PAR GZUGS NI RANG GI TSOGS PA'I YAN LAG DAG LAS GZHAN MA YIN TE, DE MA BZUNG NA DE'I BLO MED PA'I PHYIR, DPER NA SA LA SOGS PA'I RANG GI BDAG NYID BZHIN NO, ,'DIR BYA BA LA GNAS PA YIN PAR BSAMS BAS MA BZUNG BA BLO'I CHOS YIN PA'I PHYIR, GTAN TSIGS KYI DON MA GRUB PA NYID MA YIN NO, ,GRANGS CAN DAG NA RE, GZUGS LA SOGS PA DAG LAS SA LA SOGS PA DAG GZHAN MA YIN PAS, DE NI GRUB PA LA SGRUB PA YIN NO ZHES ZER RO, ,DE NI BZANG PO MA YIN TE, GZHAN NYID DGAG PAS GZHAN MA YIN PA NYID DU STON PAR MI BYED PA'I PHYIR DANG, PHA ROL PO 'DOD PA'I GZHAN MA YIN PA NYID KYANG KHAS MA BLANGS PA'I PHYIR RO, ,BYE BRAG PA DAG GTAN TSIGS MA NGES PA NYID DU RGOL BAR BYED DE, MAR MED MA BZUNG YANG DE LAS GZHAN PA YOD NA BUM PA LA DE'I BLO YOD PA'I PHYIR RO ZHE NA, DE YANG BZANG PO MA YIN TE, DE'I BLO MED PA KHO NA'I PHYIR RO ZHES NGES PAR BZUNG BA'I PHYIR DANG, MAR ME MED KYANG NOR BU DANG, 'OD ZER DANG, SMAN DANG ZLA BA DANG, NYI MA'I SNANG BA YOD NA DE'I BLO YOD PAS, DE'I MI MTHUN PA'I PHYOGS LA BSGRUB PA'I CHOS MED PA'I PHYIR MA NGES PA NYID MA YIN NO, ,RANG GI TSOGS PA'I YAN LAG DAG LAS GZHAN MA YIN TE ZHES DAM BCAS PA KHYAD PAR CAN NYE BAR BZUNG BA'I PHYIR MAR ME NI BUM PA'I RANG GI TSOGS PA'I YAN LAG MA YIN NO, ,'OG NAS GANG YANG GANG DANG LHAN CIG TU GZHAN PA NYID DU MI 'THAD DO ZHES STON PAS MI MTHUN PA'I PHYOGS MED PA'I PHYIR, DON DAM PAR MAR ME LAS BUM PA GZHAN NYID DU MA GRUB PA'I PHYIR YANG MA NGES PA NYID MA YIN NO, ,GAL TE DMAG LA SOGS PA YAN LAG CAN GYI RDZAS DAG LA, RTZOM PA YOD PA'I PHYIR SA LA SOGS PA DAG RDZAS SU YOD PA NYID MA YIN PAR RAB TU SGRUB PA'I RDZAS SU DPAG PA DAG GIS DPE MA GRUB BO ZHE NA, DMAG GI YAN LAG DAG NI DMAG CES BYA BA YAN LAG CAN GYI RDZAS RTZOM PAR BYED PA MA YIN TE, YAN LAG YIN PA'I PHYIR, DPER NA, SHING GI YAN LAG RTZA BA DANG, SDONG PO DANG, YAL GA DANG, YAL GA PHRA MO LA @85B SOGS PA DAG BZHIN NO, ,YANG NA GLANG PO CHE DAG LA YONGS SU RDZOGS PA DE'I YAN LAG GANG YIN PA DE NI SHING RTA DANG RTA LA SOGS PA DAG RTZOM PAR BYED PA MA YIN TE, DE LA MED PA'I PHYIR DPER NA RGYU SPUN LA SOGS PA BZHIN PAS DPE MED PA MA YIN NO, ,DE BZHIN DU, GZUGS ZHES BYA BA MA GTOGS PAR; ,GZUGS KYI RGYU YANG MI SNANG NGO, ,ZHES BYA BA 'DI LA YANG SNGA MA BZHIN DU BSGRUB PAR BYA BA DANG, SGRUB PA'I CHOS DAG NYE BAR SBYAR NAS, RJES SU DPAG PA RGYAS PAR BRJOD PAR BYA'O, ,JI LTAR GZUGS SA LA SOGS PA DAG LAS GZHAN MA YIN PA DE BZHIN DU, SA LA SOGS PA DAG GZUGS LAS GZHAN MA YIN PA YANG MA YIN TE, 'OG NAS GZHAN MA YIN PA NYID KYANG 'GOG PA'I PHYIR DANG, GZHAN MA YIN PA NYID KYIS 'O MA YANG ZHO NYID DU 'GYUR BA'AM, ZHO YANG 'O MA NYID DU 'GYUR NA MI RUNG BA'I PHYIR RO, ,DE'I PHYIR, GCIG PA NYID DANG GZHAN NYID DU, ,JI LTAR BYIS PAS RNAM BRTAGS LTAR, ,DNGOS PO GZHAN PA MA YIN DANG, ,TSOGS LAS GZHAN PA'ANG GANG NA'ANG MED, ,CES GSUNGS PA DE GRUB PA YIN NO, ,DE'I PHYIR DE LTAR SKYE MCHED RNAMS RAB TU BSGRUB PA'I PHYIR GTAN TSIGS PHUNG POS BSDUS PA'I PHYIR RO ZES SMRAS PA'I DON MA GRUB PA NYID DAM, DON 'GAL BA NYID YIN NO, ,GZUGS KYI RGYU MA GTOGS PAR YANG GZUGS YOD DO ZHES SHES PAR BYAR MI NUS TE, 'ON KYANG RNAM PAR RTOG NA, GZUGS KYI RGYU NI MA GTOGS PAR, ,GZUGS NA GZUGS NI RGYU MED PAR, ,THAL BAR 'GYUR TE, GZUGS KYI RGYU ZHES BYA BA NI GZUGS KYI YOD PA NYID KYI RGYU STE, BAR GYI TSIG MI MNGON PA'I PHYIR MI'I RGYU BZHIN NO, ,DE MA GTOGS PAR ZHES BYA BA NI GZUGS KYI RGYU MA GTOGS PAR TE, GZUGS YOD PA NYID DU STON PA'I RGYU MED PAR ZHES BYA BAR DGONGS SO, ,GZUGS NA ZHES BYA BA NI DAM BCAS PA TZAM LAS RNAM PA DE LTA BU DE 'DOD NA'O, ,GZUGS NI RGYU MED PAR THAL BAR 'GYUR TE ZHES BYA BA NI 'THAD PA MED PAR ZHES BYA BA'I THA TSIG GO, ,DE YANG MI 'DOD PAS JI SKAD SMRAS PA'I SKYON LDOG PA MED DO, ,RGYU MED PAR GANG DAG DNGOS PO THAMS CAD RGYU MED PA KHO NA LAS SKYE BAR KHAS BLANGS PA'I PHYIR, GZUGS 'GRUB PA YANG DE DAG DANG 'DRA'O ZHES ZER NA, DE LA BSHAD PA, @86A *, ,GAL TE 'GA' ZHIG JI SKAD SMRAS PA'I RNAM PA LTA BUR GYUR NA NI DE YANG RUNG BA ZHIG NA, DON GANG YANG, RGYU MED PA NI GANG NA'ANG MED, ,DE YANG DPE MED PA'I PHYIR SMRA BA DE LA YANG GRUB PA MED DO, ,KHO BOS DANG PO NYID DU YANG RGYU MED PAR SMRA BA DAG BSAL ZIN PAS DE NI BDEN PA MA YIN NO; ,GANG DAG GRANGS CAN DAG GI TSUL LA MKHAS SU RE BAS, 'DI SKAD CES KHYOD KYIS SA LA SOGS PA DAG GZUGS LA SOGS PA DAG LAS GZHAN MA YIN NO ZHES SMRAS PAS, DE DAG GZHAN MA YIN PA NYID DU KHAS BLANGS PA YIN PAS DES NA DON DAM PAR SA LA SOGS PA DAG RDZAS SU YOD PAR SHES PAR BYAR NUS TE, GZUGS LA SOGS PA DAG LAS GZHAN NYID MA YIN PA'I PHYIR, DPER NA GZUGS LA SOGS PA'I RANG GI BDAG NYID BZHIN NO ZHES ZER NA JI SKAD PA STAN PA'I TSUL GYIS GZHAN MA YIN PA NYID MA GRUB PA'I PHYIR GTAN TSIGS KYI DON MA GRUB PA NYID YIN NO, ,DPE YANG MED DE, GZUGS LA SOGS PA'I RANG GI BDAG NYID BSAL BA'I PHYIR RO, ,GZHAN DAG NA RE, DON DAM PAR SA LA SOGS PA DAG YOD PA KHO NA YIN TE, DE DAG GI 'BRAS BU YOD PA'I PHYIR RO, ,'DI NA GANG MED PA DE LA NI 'BRAS BU GZUNG DU MED DE, DPER NA NAM MKHA'I ME TOG BZHIN NO, ,SA LA SOGS PA DAG LA NI 'BRAS BU GZUGS LA SOGS PA DAG YOD PAS DE'I PHYIR SA LA SOGS PA DAG YOD PA KHO NA YIN NO ZHES ZER RO, ,'DIR BSHAD PA, GAL TE GZUGS NI MA GTOGS PAR, ,GZUGS KYI RGYU ZHIG YOD NA NI, ,'BRAS BU MED PA'I RGYUR 'GYUR TE, ,'BRAS BU MED PA'I RGYU MED DO, ,KHO BO'I PHYOGS LA GAL TE GZUGS MA GTOGS PAR GZUGS KYI RGYU SA LA SOGS PA ZHIG YOD NA NI DES NA 'BRAS BU MED PA'I RGYUR 'GYUR TE, 'BRAS BU GZUGS LA SOGS PA'I MTSAN NYID KYIS 'BRAS BU MED PA'I RGYUR 'GYUR BA'I PHYIR RO, ,GZHAN YIN PA'I PHYIR RTZI SKYANG LA SOGS PA BZHIN NO, ,'BRAS BU MED PA'I RGYU MED DO ZHES BYA BA NI, DE YANG GZUGS LA SOGS PA 'DUS PA'I BDAG NYID YIN PA'I PHYIR RO ZHES BYA BAR DGONGS SO, ,DE'I PHYIR RGYU BZHIN DU 'BRAS BU YANG MA GRUB PA'I PHYIR DE DAG GI 'BRAS BU YOD PA'I PHYIR RO ZHES SNGAR SMRAS PA'I GTAN TSIGS KYI DON MA GRUB PA NYID KYI SKYON YOD DO, ,SPYIR GRAGS PA'I GTAN TSIGS NYID DU BRJOD NA NI DON @86B 'GAL BA NYID YIN NO, ,SUN DBYUNG BA'I LEN GZHAN YANG YOD DE, 'DI LA GZUGS KYI RGYU ZHIG BRTAGS NA GZUGS YOD PA'AM, MED PA LA BRTAG GRANG NA, GNYI GA LA YANG MI 'THAD PAR BSHAD PA, GZUGS YOD NA YANG GZUGS KYI NI, ,RGYU YANG 'THAD PAR MI 'GYUR NYID, ,YOD PA'I PHYIR DPER NA BUM PA DANG SNAM BU YOD PA BZHIN NO, ,CI STE MED NA YANG, GZUGS MED NA YANG GZUGS KYI NI, ,RGYU YANG 'THAD PAR MI 'GYUR NYID, SA LA SOGS PA 'DOD PA STE, ,SKYE BA'I SNGON ROL NA MED PA'I PHYIR DE LAS GZHAN PA BZHIN NO ZHES BYA BAR DGONGS SO, ,'DIR SKYE BA MED PA'I RAB TU BYED PAR BSTAN PA'I SUN DBYUNG BA RJES SU BZLAS PAS, SUN DBYUNG BA BRJOD PAR RIG PAR BYA'O, ,RGYU MED PAR SMRA BA DAG RGYU MED PA KHO NA'O ZHES ZER BA DE DAG GI PHYIR BSHAD PA, RGYU MED PA YI GZUGS DAG NI, ,'THAD PAR MI RUNG RUNG MA YIN, ,KUN RDZOB TU YANG DE KHAS MA BLANGS PA'I PHYIR RO ZHES BYA BAR DGONGS SO, ,YANG NA BYE BRAG TU SMRA BA DAG MA 'ONGS PA'I GZUGS KYANG YOD DO ZHES ZER BAS DE DAG GI PHYIR BSHAD PA, RGYU MED PA YI GZUGS DAG NI, ,'THAD PAR MI RUNG RUNG MA YIN, ,MA 'ONGS PA SKYE BA'I RGYU MA BLANGS PA DAG NYID KYI DNGOS PO MA THOB PA NI THA SNYAD DU YANG YOD PAR MI 'GRUB PA'I PHYIR RO ZHES BYA BAR DGONGS SO, ,GANG GI PHYIR DE LTAR 'BYUNG BA DANG, 'BYUNG BA LAS GYUR PA'I BDAG NYID KYI GZUGS RNAM PA THAMS CAD DU MI 'THAD PA, DE PHYIR GZUGS KYI RNAM PAR RTOG ,'GA' YANG RNAM PAR BRTAG MI BYA, ,MKHAS PA CHOS KYI DE KHO NA RNAM PAR RTOG PA DANG, LEGS PAR BRAL BAR RTOGS PAR 'DOD PA YANG DAG PA'I SHES PA'I MIG YANG DAG PAR BYE BAS GZUGS RDZAS SU YOD PA DANG, RGYU LAS GZHAN PA DANG, RGYU LAS GZHAN PA MA YIN PA DANG, DE DAG LA SOGS PA KHA DOG DANG, DBYIBS KYI DBYE BA LA SOGS PA YUL GYI RNAM PAR RTOG PA MANG PO BU MA BTZAS PA'I RMI LAM NA BU'I GZUGS DANG SPYOD PA LA SOGS PA'I YUL DAG PA THONG NAS SAD PA LTA BU DAG LA RNAM PAR BRTAG PAR MI BYA'O, ,DE'I PHYIR DE LTAR GZUGS KYI RGYU MI 'THAD PA'I PHYIR JI SKAD SMRAS PA'I SKYON DANG MA BRAL LO,, ,,DBU MA'I RTZA BA'I 'GREL PA SHES RAB SGRON MA, BAM PO LNGA PA, YANG GZHAN YANG 'DI NA RGYU'I YON TAN SNGA NA YOD PA'I @87A *, ,RIM GYIS 'BRAS BU LA YANG YON TAN MTHONG BA'I MTSAN NYID KYI GANG DAG 'BRAS BU RGYU DANG 'DRA'O ZHES ZER BA DE DAG GI PHYIR BSHAD PA, 'BRAS BU RGYU DANG 'DRA BA ZHES, ,BYA BA 'THAD PA MA YIN TE, ,'BRAS BU RGYU DANG 'DRA BAR BSTAN PA 'THAD PA MA YIN TE, RGYU DE 'BRAS BU MA YIN PA NYID DO ZHES BYA BA'I THA TSIG GO, ,'DIR NI BSGRUB PAR BYA BA CHOS SMRA BAR 'DOD PA'I RGYU, RGYU MA YIN PA NYID DANG, SGRUB PA'I CHOS 'DRA BAR BSTAN PA NYE BAR BZHAG GO, ,DPE NI DE'I DBANG GIS TE, RGYUD THA DAD PA'I RDZAS YIN PA BZHIN NO, ,'DIR SBYOR BA'I TSIG NI DON DAM PAR SMRA BAR 'DOD PA'I RGYU, RGYU SPUN SNGON PO NI LA BA SNGON PO'I RGYU MA YIN TE, 'DRA BA'I PHYIR DPER NA DE LAS GZHAN PA'I LA BA SNGON PO BZHIN NO, ,'DIR GRANGS CAN DAG NA RE DE LAS GZHAN PA'I LA BA SNGON PO LA YANG SMRA BAR 'DOD PA'I LA BA SNGON PO'I RGYU MED PAR MA GRUB PA'I PHYIR DPE MED DO ZHES ZER RO, ,DE NI BZANG PO MA YIN TE, DA LTAR DE 'BYUNG BA'I RGYU NI DNGOS PO MA YIN PAR GRUB PA NYID DPE NYID DU 'DOD PA'I PHYIR DANG, DGAG PA 'DI NI SGRA GANG DANG LHAN CIG SBYOR BAR BYED PA DE'I BRJOD PAR BYA BA DON DGAG PA KHO NAS MTHU NYE BAR ZAD PA YIN TE, DE NA DE'I KHYAD PAR MI STON PA'I PHYIR, BRAM ZE MA YIN NO ZHES BYA BA BZHIN PAS SKYON MED DO, ,RANG GI SDE PA DAG NI 'BRAS BU RGYU DANG 'DRA BA DANG MI 'DRA BAR YANG SMRA BAS SKAD CIG MA SNGA MA MTSAN NYID 'DRA BA LAS SKAD CIG MA PHYI MA SKYE BA LA LTOS NAS, DPER NA MAR ME DANG CHU'I RGYUN LA SOGS PA DAG LA NI RGYU'I SKAD CIG MA DANG 'DRA BA'I PHYIR, 'DRA BA YIN NO, ,SKAD CIG MA SNGA MA MTSAN NYID MI 'DRA BA LAS SKAD CIG MA PHYI MA SKYED PA LA LTOS NAS, DPER NA SHING DANG 'O MA DANG DE LA SOGS PA'I THAL BA DANG, ZHO LA SOGS PA DAG LA NI RGYU'I SKAD CIG MA DANG MI 'DRA BA'I PHYIR MI 'DRA BA YIN NO ZHE NA, DE LA 'BRAS BU RGYU DANG 'DRA BA GANG YIN PA DE NI RJES SU DPAG PA JI SKAD BSTAN PA NYID KYIS DGAG ZIN TO, ,'BRAS BU RGYU DANG MI 'DRA BA GANG YIN PA DE'I DBANG DU BYAS TE BSHAD PA, 'BRAS BU RGYU DANG MI 'DRA ZHES, ,BYA BA'ANG 'THAD PA MA YIN NO, ,'DIR YANG BSGRUB PAR BYA BA'I CHOS MYU GU SMRA BAR 'DOD PA'I RGYU'I 'BRAS BU MA YIN PA NYID DANG, SGRUB PA'I CHOS MI 'DRA BAR BSTAN PA NYE BAR BZHAG GO, ,DES NA YAN LAG LHAG @87B MA YANG SNGA MA BZHIN DU MNGON NO, ,'DIR RJES SU DPAG PA NI DON DAM PAR MYU GU NI SMRA BAR 'DOD PA'I RGYU'I 'BRAS BU MA YIN TE, MI 'DRA BA'I PHYIR DPER NA GYO MO LA SOGS PA BZHIN NO, ,CI STE YANG 'BRU NI MYU GU'I RGYU KHO NA YIN TE, DE YOD NA 'BYUNG BA'I PHYIR RAM, DES THA SNYAD 'DOGS PA'I PHYIR DPER NA RNGA BO CHE'I SGRA 'AM NAS KYI MYU GU BZHIN NO ZHE NA, DE NI BZANG PO MA YIN TE, SKYE BA CAN RNAMS KYI SKYE BA RNAM PA THAMS CAD DU BKAG PAS DPE MA GRUB PA'I PHYIR SGRUB PA MTSANG BA'I SKYON YOD DO, ,GANG DAG 'DI SKAD CES MIG LA SOGS PA'I 'BRAS BU NI MIG GI RNAM PAR SHES PA LA SOGS PA MI 'DRA BA YIN PA'I PHYIR MI 'DRA BA ZHES BYA BA'I GTAN TSIG MA NGES PA NYID DO ZHES ZER NA, DE YANG BZANG PO MA YIN TE, MIG GI RNAM PAR SHES PA LA SOGS PA YANG BSGRUB PAR BYA BA DANG, RIGS MTHUN PA NYID KYIS DE BZHIN DU DGAG PAR BYA BA YIN PA'I PHYIR MI MTHUN PA'I PHYOGS MED PAS MA NGES PA NYID KYI SKABS MED DO, , YANG NA SMRA BAR 'DOD PA SA LA SOGS PA DAG RGYU MA YIN PAS GZUGS MA GRUB PA'I PHYIR DE DAG GI 'BRAS BU YOD PA'I PHYIR RO ZHES BYA BA'I GTAN TSIGS KYI DON MA GRUB PA NYID DAM, DON 'GAL BA NYID YIN NO ZHES JI SKAD BSTAN PA'I TSUL DANG 'DRA'O, ,BYE BRAG TU SMRA BA DAG NA RE, 'BRAS BU NI RGYU DANG 'DRA BA YANG YIN LA, MI 'DRA BA YANG YIN TE, BYED PA'I RGYUS 'DUS BYAS KYI BYED PA'I RGYU NI THAMS CAD YIN PAR KHAS BLANGS PA'I PHYIR DPE MED DO ZHES ZER RO, ,DE NI BZANG PO MA YIN TE, RIGS MTHUN PA BSKYED PA'I RGYU THUN MONG MA YIN PA LA SOGS PA'I KHYAD PAR CAN GYI SGRUB PAR BYED PA NYID 'GOG PAR 'DOD PA'I PHYIR RO, ,DE LTAR NA GZHUNG GI TSOGS DES 'BYUNG BA'I GZUGS DANG, RGYUR BYAS PA'I GZUGS BKAG PAS GZUGS KYI PHUNG PO MI SRID PAR BSTAN TO, ,DA NI GZUGS BKAG PA BZHIN DU TSO RAB LA SOGS PA DAG DGAG PA YANG RIM PA MTSUNGS PAR BSTAN PAR BYA STE, TSOR DANG 'DU SHES 'DU BYED DANG, ,SEMS DANG DNGOS PO THAMS CAD KYANG, ,RNAM PA DAG NI THAMS CAD DU, ,GZUGS NYID KYIS NI RIM PA MTSUNGS, ,GZUGS DGAG PA BZHIN DU TSOR BA LA SOGS PA DAG DGAG PA YANG RIM PA MTSUNGS PA'I PHYIR RO ZHES BYA BAR DGONGS SO, ,JI LTAR DON DAM PAR GZUGS RDZAS SU YOD PA MA YIN TE, RANG GI RGYU MA @88A *, ,BZUNG NA DE'I BLO MED PA'I PHYIR, DPER NA DMAG LA SOGS PA BZHIN NO ZHES BSTAN PA DE BZHIN DU DON DAM PAR, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA DAG KYANG RDZAS SU YOD PA MA YIN TE, RANG GI RGYU MA BZUNG NA DE'I BLO MED PA'I PHYIR, DPER NA DMAG LA SOGS PA BZHIN NO ZHES RGYAS PAR KHONG DU CHUD PAR BYA'O, ,TSOR BA LA SOGS PA DAG GI RGYU NI, REG PA DANG, MIG DANG, GZUGS DANG, SNANG BA DANG, NAM MKHA' DANG, YID LA BYED PA LA SOGS PA DAG YIN PAR CI RIGS PAR BRJOD PAR BYA'O, ,JI LTAR DON DAM PAR GZUGS NI RANG GI TSOGS PA'I YAN LAG DAG LAS GZHAN MA YIN TE, DE MA BZUNG NA DE'I BLO MED PA'I PHYIR, DPER NA SA LA SOGS PA'I RANG GI BDAG NYID BZHIN NO ZHES BYA BAS DON DAM PAR GZUGS RANG GI RGYU DAG LAS GZHAN MA YIN PAR BSTAN PA DE BZHIN DU 'DIR YANG DON DAM PAR TSOR BA LA SOGS PA DAG RANG GI RGYU DAG LAS GZHAN MA YIN PAR BRJOD PAR BYA'O, ,'DIR SUN 'BYIN PA DANG, SUN 'BYIN PA'I LAN DAG KYANG SNGA MA BZHIN NO, ,DNGOS PO THAMS CAD KYANG ZHES BYA BA NI PHUNG PO LAS GZHAN PA 'DUS BYAS KYI CHOS MED MOD KYI, DE DAG GI BYE BRAG DAG DGAG PA BRJOD PAR BZHED PAS NYE BAR BZHAG STE, YONGS SU BRTAG PA'I BUM PA DANG, SNAM BU LA SOGS PA DAG RDZAS SU YOD PA NYID DANG, GZHAN PA NYID DGAG PA'I PHYIR RO, ,'DIR YANG SNGA MA BZHIN DU SBYOR BA'I TSIG DAG CI RIGS PAR BRJOD PAR BYA'O, ,DE LTAR PHUNG PO RNAMS MA GRUB PA'I PHYIR PHUNG POS BSDUS PA ZHES BYA BA'I GTAN TSIGS KYI DON MA GRUB PA NYID DANG, DPE MED DO, ,JI LTA ZHE NA, 'DI LTA STE, GZUGS LA SOGS PA'I PHUNG POS BSDUS PA DAG DON DAM PAR YOD DO ZHES BYA BA MED PA'I PHYIR RO, ,YANG NA GTAN TSIGS KYI DON 'GAL BA NYID KYANG YIN TE, PHUNG POS BSDUS PA NI THA SNYAD KHO NAR YOD PA YIN PA'I PHYIR RO, ,DE LTAR RIGS PA DES NA; STONG PA NYID KYIS BRTZAD BYAS TSE, ,GANG ZHIG LAN 'DEBS SMRA BYED PA, ,DE YI THAMS CAN LAN BTAB MIN, ,BSGRUB PAR BA DANG MTSUNGS PAR 'GYUR, ,DE KHO NA BRTAG PA'I MTSAN NYID LA DNGOS PO 'GA' ZHIG GI DON DAM PA BA'I NGO BO NYID BRTAG PA BRTZAM PA NA STONG PA NYID KYIS DON DAM PAR SKYE MCHED @88B RNAMS SKYE BA MED PA DANG, RDZAS SU YOD PA MA YIN PAR TSAD MA YONGS SU BZUNG STE, BRTZAD CING 'GYED PA BYAS PA'I TSE, ,GANG ZHIG RTOG GE PHYI MA NYE BAR BZHAG PAS LAN 'DEBS SHING SMRA BAR BYED PA DE'I DE DAG THAMS CAD NI LAN BTAB PA MA YIN TE, BSGRUB PAR BYA BA DANG MTSUNGS PAR 'GYUR BA'I PHYIR RO, , DE STON PA'I GTAN TSIGS DANG, DPE DE DAG BSGRUB PAR BYA BA DANG MTSUNGS PAR MA GRUB PA'I PHYIR, RTOG GE PHYI MA MI 'GRUB BO ZHES BYA BAR DGONGS SO, ,DE BZHIN DU, STONG PA NYID KYIS BSHAD BYAS TE, ,GANG ZHIG SKYON 'DOGS SMRA BYED PA, ,DE YI THAMS CAD SKYON BRTAGS MIN, ,BSGRUB PAR BYA DANG MTSUNGS PAR 'GYUR, ,PHUNG PO DANG, KHAMS DANG, SKYE MCHED DAG NGO BO NYID MED PA NYID DU BSTAN PA NA STONG PA NYID KYIS SBYOR BA RNAM PAR DBYE BA BYAS TE, RNAM PAR BSHAD PA'I TSE GANG ZHIG TSAD MA LOG PAS BLO GROS BSLAD PA NYID KYIS PHUNG PO LA SOGS PA DAG YOD PA KHO NA YIN TE, BDEN PA LA SOGS PAS BSDUS PA'I PHYIR RO ZHES BYA BA LA SOGS PAS SKYON 'DOGS SHING SMRA BAR BYED PA DE'I DE DAG THAMS CAD KYANG SKYON BRTAGS SHING SUN 'BYIN PA MA YIN TE, BSGRUB PAR BYA BA DANG MTSUNGS PAR 'GYUR BA'I PHYIR RO ZHES BYA BA'I TSIG GI LHAG MA'O, ,JI LTA ZHE NA, SUN DBYUNG BA DANG 'DRA BA'I PHYIR, ,BSGRUB PAR BYA BA MA GRUB PA NYID DANG SPYIR MTSUNGS TE, DNGOS PO GCIG LA GANG LTA BA, ,DE NI KUN LA'ANG LTA BAR 'DOD, ,GCIG GI STONG NYID GANG YIN PA, ,DE NYID KUN GYI STONG PA NYID, ,CES GANG GSUNGS SO, ,DE LA 'DIR RAB TU BYED PA'I DON NI SKYE MCHED RNAMS YOD PAR STON PA NYE BAR BZHAG PA'I SGRUB PA'I SKYON BRJOD PAS, PHUNG PO RNAMS NGO BO NYID MED PA NYID DU BSTAN PA YIN NO, ,DE'I PHYIR RAB KYI RTZAL GYIS RNAM PAR GNON PA PHUNG PO LNGA PO DAG GI MNGON PAR 'GRUB PAR GTOGS PA STON PA GANG YIN PA DE NI, SHES RAB KYI PHA ROL TU PHYIN PA MA YIN NO, ,RAB KYI RTZAL GYIS RNAM PAR GNON PA GZUGS NGO BO NYID DANG BRAL BA NI GZUGS SO, ,DE BZHIN DU TSOR BA DANG, 'DU SHES DANG, 'DU BYED RNAMS DANG, RNAM PAR SHES PA NGO BO NYID DANG BRAL BA NI RNAM PAR SHES PA'O, ,GZUGS DANG, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA DAG GI NGO BO NYID DANG BRAL BA GANG YIN PA DE NI @89A *, ,SHES RAB KYI PHA ROL TU PHYIN PA'O, ,RAB KYI RTZAL GYIS RNAM PAR GNON PA GZUGS NGO BO NYID MED PA NI GZUGS SO, ,DE BZHIN DU TSOR BA DANG, 'DU SHES DANG, 'DU BYED RNAMS DANG, RNAM PAR SHES PA NGO BO NYID MED PA NI RNAM PAR SHES PA'O, ,GZUGS DANG, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA DAG GI NGO BO NYID MED PA GANG YIN PA DE NI SHES RAB KYI PHA ROL TU PHYIN PA'O ZHES BYA BA DANG, DE BZHIN DU, NGAS NI 'JIG RTEN PHUNG PO BSTAN, ,DE LA 'JIG RTEN GNAS BAR GYUR, ,MKHAS PA DE LA MI GNAS PA, ,'JIG RTEN CHOS KYIS MI GOS SO, ,'JIG RTEN NAM MKHA'I MTSAN NYID DE, ,NAM MKHA' LA YANG MTSAN NYID MED, ,DE PHYIR DE YI DE BRTAGS PAS, ,'JIG RTEN CHOS KYIS MI GOS SO, ,ZHES BYA BA DANG, DE BZHIN DU BYANG CHUB SEMS DPAS, GZUGS DANG, SGRA DANG, DRI DANG, RO DANG, REG BYA DANG, CHOS LA GNAS TE SBYIN PA SBYIN PAR MI BYA'O ZHES BYA BA DANG, DE BZHIN DU, SRID PA GSUM NI BRTAGS PA TZAM, ,NGO BO NYID KYIS DNGOS PO MED, ,BRTAGS PA DNGOS PO'I RANG BZHIN DU, ,NGAN RTOG RNAMS NI RTOG PAR BYED, ,BLO YIS RNAM PAR BRTAG BYAS NA, ,NGO BO NYID NI GZUNG DU MED, ,DE PHYIR DE DAG BRJOD MED DANG, ,NGO BO NYID NI MED PAR BSTAN, , ZHES BYA BA LA SOGS PA GSUNGS PA DE DAG GRUB PA YIN NO, ,SLOB DPON LEGS LDAN BYED KYIS NYE BAR SBYAR BA, DBU MA'I RTZA BA'I 'GREL PA SHES RAB SGRON MA LAS PHUNG PO BRTAG PA ZHES BYA BA STE, RAB TU BYED PA BZHI PA'O,, ,,DA NI STONG PA NYID KYI MI MTHUN PA'I PHYOGS KYI KHYAD PAR DGAG PAS KHAMS RNAMS NGO BO NYID MED PA NYID DU BSTAN PA'I DON GYI DBANG GIS RAB TU BYED PA LNGA PA BRTZAM MO, ,RAB TU BYED PA BSTAN MA THAG TU, ,GZUGS ZHES BYA BA MA GTOGS PAR, ,GZUGS KYI RGYU YANG MI SNANG NGO, ,ZHES BSHAD PA'I PHYIR RE ZHIG RANG GI SDE BA DAG NA RE, 'DI LA BCOM LDAN 'DAS KYIS RGYAL PO CHEN PO KHAMS DRUG PO 'DI DAG NI SKYES BU'O ZHES GSUNGS PAS KHAMS DRUG PO, ,SA DANG, CHU DANG, ME DANG, RLUNG DANG, NAM MKHA' DANG, RNAM PAR SHES PA ZHES BYA BA DAG GI MTSAN NYID SLA BA DANG, GSHER BA DANG, TSA BA DANG G-YO BA DANG, SKABS 'BYED PA DANG, RNAM PAR SHES PAR BYED PA @89B DAG BSTAN TO, ,NAM MKHA'I ME TOG LA SOGS PA LTA BU MED PA DAG NI SKYES BU'I RGYU NYID DU MA BSTAN PAS DE'I PHYIR, SLOB DPON GYIS SA LA SOGS PA DAG LA YANG GZUGS KYI RGYU MED DO ZHES DAM BCA' BA BYAS PA DE NI KHAS BLANGS PA LA GNOD PAR 'GYUR RO, ,GAL TE DE BZHIN GSHEGS PAS THA SNYAD DU KHAMS DRUG PO DAG SKYES BU'O ZHES BSTAN PAR KHAS BLANGS PAS NYES PA MED DO ZHE NA, DON DAM PAR BSTAN PAR KHAS BLANGS PA'I PHYIR NYES PA MED PA MA YIN NO, ,GAL TE DE MA GRUB PA'I PHYIR RIGS PA MA YIN NO ZHE NA, MA GRUB PA MA YIN TE, DON DAM PAR SA LA SOGS PA KHAMS RNAMS YOD PA KHO NA YIN TE DE DAG GI MTSAN NYID YOD PA'I PHYIR RO, ,'DI LA BCOM LDAN 'DAS KYIS GANG DON DAM PAR MED DO ZHES GSUNGS PA DE LA NI MTSAN NYID MED DE, DPER NA NAM MKHA'I ME TOG BZHIN NO, ,SA LA SOGS PA DAG LA NI SRA BA NYID LA SOGS PA'I MTSAN NYID DAG YOD PAS DE LTAR DE DAG GI MTSAN NYID YOD PA'I PHYIR SA LA SOGS PA KHAMS RNAMS YOD PA KHO NA YIN NO ZHES ZER RO, ,DE LA 'DIR NAM MKHA'I NGO BO NYID STONG PA NYID KYIS BSTAN SLA BA'I PHYIR DANG, DE YOD PA MA YIN PAR BSTAN PAS KHAMS LHAG MA RNAMS DGAG PA YANG SLA BA'I PHYIR, SLOB DPON GYIS NAM MKHA'I KHAMS KHO NA'I DBANG DU MDZAD DE BSHAD PA, NAM MKHA'I MTSAN NYID SNGA ROL NA, ,NAM MKHA' CUNG ZAD YOD MA YIN, ,DBYER MED PA'I PHYIR RO ZHES BYA BAR DGONGS SO, ,'DI LA BYE BRAG TU SMRA BA DAG NAM MKHA' NI MI SGRIB PA KHO NAR STON PAS MI SGRIB PA NYID NAM MKHA' YIN LA, DE YANG YOD PA NYID DU SGRUB PAS MI SGRIB PA YOD PA NYID KYIS BSGRUB PAR BYA BA DANG SGRUB PA MI 'GRUB STE, DPER NA SGRA MI RTAG STE, MI RTAG PA'I PHYIR RO ZHES BYA BA DE BZHIN DU 'DIR YANG NAM MKHA' YOD DE, NAM MKHA' YIN PA'I PHYIR RO ZHES BYA BAR SMRAS PAR 'GYUR RO, ,YANG NA GANG DAG DBU MA'I BSTAN BCOS KYI TSUL LA SDANG BA DAG 'DI SKAD CES GANG DAG GI PHYIR, RIM MA MA CIG CAR DE MI 'THAD PAR 'GYUR BA'I MTSAN NYID KYI GZHI DANG, MTSAN NYID DAG GZHAN NYID YIN PAR KHAS MI LEN TE, SKYES BU CHEN PO'I MTSAN RNAMS LAS SKYES BU CHEN PO GZHAN YIN PAR MI RIGS PA BZHIN NO, ,'DI LA DE MTSON PAR BYA BA YIN PAS MTSAN NYID DE, LAS LA BYA BA'I RKYEN BRJOD PA'I PHYIR RO @90A *, ,ZHES SMRA'O ZHES ZER RO, ,DE DAG GI DE LTAR KHAS BLANGS PA NYID LA YANG, NAM MKHA'I MTSAN NYID SNGA ROL NA, ,NAM MKHA' CUNG ZAD YOD MA YIN, ,NAM MKHA' NYID MTSAN NYID YIN NA DE NYID KYIS DE BSGRUB PA'I PHYIR NYE BAR SBYOR BAR BYED PA NI GTAN TSIGS SU MI RUNG STE, DON MA GRUB PA'I PHYIR DES NA GANG GIS CI ZHIG SGRUB PAR 'GYUR, CI STE YANG THA SNYAD DU YOD PA'I NAM MKHA' NI MI SGRIB PA NYID YIN PAR GRAGS SO ZHE NA, DE BSTAN PA'I PHYIR GTAN TSIGS MI 'DOD DO, ,DON DAM PAR NI MA GRAGS PAS DE LTAR BSTAN PA LA RAB TU 'BAD PAR BYA'O ZHE NA, DE LA YANG GTAN TSIGS KYI SKYON DANG DPE'I SKYON YOD DE, DAM BCAS PA TZAM LA GNAS PAR ZAD DO, ,YANG NA BYE BRAG TU SMRA BA DANG, BYE BRAG PA DAG NAM MKHA' NI RDZAS SU YOD PA DANG, 'DUS MA BYAS SO ZHES ZER BAS DE DAG GI PHYIR BSHAD PA, NAM MKHA'I MTSAN NYID SNGA ROL NA, ,NAM MKHA' CUNG ZAD YOD MA YIN, ,RDZAS SU GYUR PA'O ZHES DAM BCA' BA NYE BAR BZHAG PA YIN NO, ,DE SKYE BA MED PAR PHYOGS GNYI GA LA GRAGS PA NI CHOS YIN NO, ,DPE NI DE'I DBANG GIS TE, RI BONG GI RVA LA SOGS PA DAG YIN NO, ,'DIR RJES SU DPAG PA NI, DON DAM PAR NAM MKHA' RDZAS SU YOD PA MA YIN TE, SKYE BA MED PA'I PHYIR DPER NA RI BONG GI RVA BZHIN NO, ,DE BZHIN DU RGYU MED PA'I PHYIR DANG, 'BRAS BU MED PA'I PHYIR DANG, YOD PA MA YIN PA'I PHYIR RO ZHES BYA BA LA SOGS PA'I GTAN TSIGS DAG KYANG BRJOD PAR BYA'O, ,GANG DAG NAM MKHA' NI SGRA'I MTSAN NYID DO ZHES ZER BA DE DAG LA YANG, SGRA NYID NAM MKHA' YIN PAS GTAN TSIGS KYI SKYON SNGA MA BZHIN NO, ,'DIR KHA CIG NA RE GAL TE DON 'DI BSTAN BCOS BYED PA'I BSAM PA YIN PAR GYUR NA DE LTA NA BSTAN BCOS BYED PAS NAM MKHA'I MTSAN NYID LAS GZHAN DU GYUR PA'I NAM MKHA' CUNG ZAD YOD PA MA YIN ZHES SMRAS PA KHO NAR 'GYUR RO ZHES ZER RO, ,SNGA PHYI MI SRID PAR BSTAN PA KHO NAS GZHAN NYID DGAG PA 'GRUB PA'I PHYIR DE NI MI GNOD DO, ,BYE BRAG PA DAG GI MTSAN NYID KYI GZHI DANG, MTSAN NYID DAG GZHAN NYID DU DAM BCA' BAS DE DAG GI GZHAN NYID YIN NA LAN 'GA' SNGA PHYIR YANG 'GYUR TE, GZHAN YIN PA'I PHYIR DPER NA @90B BUM PA DANG, SNAM BU DAG BZHIN PAS DE'I PHYIR BSHAD PA, GAL TE MTSAN LAS SNGA GYUR NA, ,MTSAN NYID MED PAR THAL BAR 'GYUR, ,MTSAN NYID MED PA NI MTSAN NYID YOD PA MA YIN PA STE, DE SMRA BAR 'DOD PA'I MTSAN NYID KYI GZHI NYID DU MA GYUR PAR ZHES BYA BA'I THA TSIG GO, ,GAL TE MTSAN LAS SNGA GYUR NA, ,ZHES BYA BA 'DIS DE'I CHOS DUS THA DAD PA NYID BSTAN TO, ,'DIR RJES SU DPAG PA NI NAM MKHA' NI SMRA BAR 'DOD PA'I MTSAN NYID KYI GZHI MA YIN TE, DE BAS DUS SNGA NA YOD PA'I PHYIR DPER NA DE LAS GZHAN PA BZHIN NO, ,YANG NA, MTSAN NYID MED PAR THAL BAR 'GYUR, ,ZHES BYA BA NI MTSAN NYID LA MED PA NI MTSAN NYID MED PA STE, DE LA MTSAN NYID KYI GZHI NYID MED PAR ZHES BYA BA'I THA TSIG GO, ,GAL TE MTSAN LAS SNGA GYUR NA, ,ZHES BYA BA NI NAM MKHA' ZHES BYA BA'I SKABS YIN TE, 'DIS NI DE'I CHOS MTSAN NYID KYI GZHI LAS MTSAN NYID GZHAN PA NYID BSTAN TO, , 'DIR RJES SU DPAG PA NI SMRA BAR BYED PA'I MTSAN NYID KYIS MTSAN NYID KYI GZHI NAM MKHA' MTSON MI NUS TE, GZHAN YIN PA'I PHYIR DPER NA DE LAS GZHAN PA BZHIN NO, ,PHA ROL PO'I NI RANG GI RJES SU DPAG PA LA GNOD DO, ,MTSAN NYID KYI GZHI DANG, MTSAN NYID DAG LA MTSAN NYID MED PA NYID DU MI 'DOD PAS; GZHAN NYID DU RNAM PAR RTOG PA YANG SPANG BAR BYA BA YIN NO, ,CI STE YANG DBYUG PAS MA BZLOG PA'I PHYIR, KUN RDZOB PA'I GTAN TSIGS BRJOD NA, GTAN TSIGS KYI DON MA GRUB PA NYID MA YIN YANG DON 'GAL BA NYID BZLOG DKA' BAS, DE'I PHYIR MTSAN NYID DON GZHAN DANG, DON GZHAN MA YIN PAR GYUR PA MA GRUB PA'I PHYIR, NAM MKHA' MTSAN NYID MED PA ZHES BYA BAR GYUR TO ZHE NA, DE MTSAN NYID MED PA'I DNGOS PO NYID YIN PAR YANG SHES PAR MI NUS TE, 'DI LTAR, MTSAN NYID MED PA'I DNGOS PO NI, ,'GA' YANG GANG NA'ANG YOD MA YIN, ,DON DAM PA PA'I DNGOS PO GZHAN GYI PHYOGS DANG, BDAG CAG GI PHYOGS GANG NA YANG 'GRUB PA MED DO, ,GANG DAG MTSAN NYID KYI GZHI NAM MKHA' NI YOD PA KHO NA YIN TE, DE LA MTSAN NYID 'JUG PA'I PHYIR RO ZHES ZER NA, DE YANG RIGS PA MA YIN PAR NGES PAR BZUNG STE, MTSAN NYID MED PA'I DNGOS MED NA, ,MTSAN NYID GANG DU 'JUG PAR 'GYUR, ,GZHI @91A *, ,MED PA'I PHYIR GZHI JI BZHIN DU GTAN TSIGS MI 'GRUB STE YUL MED PA LA GTAN TSIGS 'JUG PA MI 'GRUB PA'I PHYIR GTAN TSIGS KYI DON MA GRUB PA NYID KYI SKYON DU 'GYUR RO, ,YANG NA GZHAN MA YIN PA NYID KYI PHYOGS LA NI, MTSAN NYID KYI GZHI DANG, MTSAN NYID DAG GZHAN MA YIN PA NYID YIN NA DE NYID KYIS DE MTSON PAR BYAR MI RUNG STE, DE LAS GZHAN PA'I MTSAN NYID MED PA'I PHYIR, NAM MKHA' LA MTSAN NYID KYI GZHI MED DO, ,GZHI GZHAN NYID KYI PHYOGS LA YANG SMRA BAR 'DOD PA'I MTSAN NYID NI MTSAN NYID KYI GZHI'I MTSAN NYID MA YIN TE, GZHAN YIN PA'I PHYIR DE LAS GZHAN BZHIN NO, ,MTSAN NYID MED PA'I PHYIR, DES KYANG NAM MKHA' LA MTSAN NYID MED DE, MTSAN NYID MED PA'I DNGOS PO NAM MKHA' ZHES BYA BA MED NA MTSAN NYID GANG DU 'JUG PAR 'GYUR TE, DE 'JUG PA MI GRUB PA NYID DO ZHES BYA BA'I THA TSIG GO, ,GZHAN YANG MTSAN NYID KYI GZHI LA 'JUG PA ZHES BYA BA'I GTAN TSIGS DE'I DON NI 'DI LA MTSAN NYID 'DI MTSAN NYID KYI GZHI'I CHOS YOD PA NYID LA SOGS PA MED NA MI 'BYUNG BA DES MTSAN NYID KYI GZHI SHES PAR 'GYUR BA YIN NA, GANG GI TSE KHO BO CAG GI PHYOGS LA, MTSAN NYID MED LA MTSAN NYID NI, ,MI 'JUG MTSAN NYID BCAS LA MIN, , DE'I TSE MED PA LA NI MTSAN NYID MI 'GRUB PA'I PHYIR DANG MTSAN NYID DANG BCAS PA'I DNGOS PO YANG MI 'GRUB PA'I PHYIR RO ZHES BYA BAR DGONGS SO, ,JI SKAD BSTAN PA'I RNAM PA DANG, MTSAN NYID MI 'DRA BA'I MTSAN NYID KYI GZHI YANG MI 'GRUB PA'I PHYIR, MTSAN BCAS MTSAN NYID MED PA LAS, ,GZHAN LA'ANG 'JUG PAR MI 'GYUR RO, ,DE'I PHYIR DE LTAR DON DAM PAR DNGOS PO 'GAL BA LA MTSAN NYID 'JUG PAR MA GRUB PA'I PHYIR DANG, DPE MED PA'I PHYIR KHYOD KYI 'DOD PA'I DON MA GRUB BO, ,YANG NA MTSAN NYID MED PA NAM MKHA'I ME TOG LA SOGS PA DAG LA MTSAN NYID DE MED PA'I PHYIR MI 'JUG PA DE NI GRAGS PA YIN NO; ,DA NI MTSAN NYID BCAS LA MIN, ,ZHES BYA BA MTSAN NYID DANG BCAS PA LA MTSAN NYID MI 'JUG GO ZHES BYA BA'I SKABS DE NI DAM BCA' BA NYE BAR BZHAG PA YIN NO, ,DE'I CHOS NI MTSAN NYID GANG GIS MTSON NA MTSAN NYID DANG BCAS PA ZHES BYA BA'I MTSAN NYID YIN NO, ,DPE NI DE'I DBANG GIS, DE @91B LAS GZHAN PA'I MTSAN NYID DAG YIN NO, ,'DIR RJES SU DPAG PA NI DON DAM PAR MI SGRIB PA NI NAM MKHA'I MTSAN NYID MA YIN TE, MTSAN NYID YIN PA'I PHYIR DPER NA SRA BA LA SOGS PA DAG BZHIN NO, ,RNAM PA GNYIS SU SMRA BA DAG RNAM GRANGS LAS MTSAN NYID DANG BCAS PA DANG, MTSAN NYID MED PA LA MTSAN NYID 'JUG PAS NYES PA MED DO ZHE NA, DE DGAG PA'I PHYIR YANG BSHAD PA, MTSAN BCAS MTSAN NYID MED PA LAS, ,GZHAN LA'ANG 'JUG PAR MI 'GYUR RO, ,GNYI GA'I BDAG NYID KYI DNGOS PO MI SRID PA'I PHYIR DANG, LTOS PA'I NGES PA YANG ME DANG BUD SHING RTAG PA'I RAB TU BYED PA LAS 'OG NAS 'GOG PAR 'GYUR BA'I PHYIR DANG, PHYOGS GNYI GAR BSTAN PA'I SKYON NYIS 'GYUR DU 'BYUNG BA'I PHYIR, DE YANG RIGS PA MA YIN NO, ,GZHAN DAG NI, MTSAN NYID MED LA MTSAN NYID NI, ,MI 'JUG CES BYA BA 'DI LA, DE LTAR GANG GI PHYIR MTSAN NYID MED PA'I DNGOS PO 'GA' YANG YOD PA MA YIN PA DE'I PHYIR MTSAN NYID MED PA'I DNGOS PO MED NA GZHI MED PA LA MTSAN NYID 'JUG PAR MI 'THAD DO, ,MTSAN NYID BCAS LA MIN ZHES BYA BA 'DI LA YANG MTSAN NYID DANG BCAS PA'I DNGOS PO LA YANG MTSAN NYID 'JUG PA MI 'THAD DE, DGOS PA MED PA'I PHYIR RO ZHES ZER RO, ,DE NI RIGS PA MA YIN TE, MTSAN NYID YOD NA DE DANG LDAN PA LA MED PA NYID MI 'THAD PA'I PHYIR DANG, DE BZHIN DU MTSAN NYID KYI GZHI YOD PA'I PHYIR RO, ,MTSAN NYID DANG BCAS PA'I DNGOS PO GRUB PA LA YANG PHA ROL PO DRAN PAR BYA BA'I PHYIR MTSAN NYID KYI GZHI LA MTSAN NYID DU 'JUG PA 'GAL BA MED PA'I PHYIR DES MI NUS SO, , DE'I PHYIR DE LTAR MTSAN NYID KYI GZHI LA MTSAN NYID KYIS 'JUG PA MI 'THAD PAS, MTSAN NYID 'JUG PA MA YIN NA, ,MTSAN GZHI 'THAD PAR MI 'GYUR RO, ,ZHES BSTAN PA'I DON GYI DBANG GIS MJUG BSDUS SO, ,'DIR MKHAS SU RE BA'I MNGON PA'I NGA RGYAL CAN KHA CIG RANG GI PHYOGS KYI SKYON BRJOD PA PA RNAGS PAR MI BZOD PA NA 'DI SKAD CES NAM MKHA' YOD PA YIN TE, MTSAN NYID YOD PA'I PHYIR RO ZHES SMRA BA NA, KHYED KYI MTSAN NYID KYI GZHI DANG MTSAN NYID DAG SNGA PHYIR SGRO BTAGS NAS GTAN TSIGS KYI DON MA GRUB PA NYID DU BRJOD PA NI DPER NA SGRA NI MI RTAG STE, BYAS PA'I PHYIR RO ZHES SMRAS PA LA, GAL TE SGRA SKYES @92A *, ,PA'I SNGA ROL NA, BYAS PA NYID YOD NA NI SGRA LA 'KHRUL PA YOD PA'I PHYIR GTAN TSIGS SU RUNG NGO, ,'ON TE SGRA SKYES PA'I SNGON ROL NA BYAS PA NYID MED DE, PHYIS YOD NA NI GTAN TSIGS KYI DON MA GRUB PA NYID DO ZHES ZER BA DE'I TSIG DE RIGS PA DANG LDAN PA MA YIN TE, MA GRUB PA LTAR SNANG BA NYID DU BRJOD PA'I PHYIR RO ZHES BYA BA DE BZHIN DU KHYED KYIS, NAM MKHA'I MTSAN NYID SNGA ROL NA, ,NAM MKHA' CUNG ZAD YOD MA YIN, ,ZHES BYA BA LA SOGS PAS GTAN TSIGS JI SKAD SMRAS PA SUN 'BYIN PAR 'DOD PAS MTSAN NYID YOD PA 'GOG PAR BYED PA'I TSIG DE YANG LEGS PAR SMRAS PA MA YIN NO ZHES ZER RO, ,'DIR BSHAD PA, MTSAN NYID KYANG DE NYID DANG, GZHAN LA SOGS PA'I KHYAD PAR GYI MTSAN NYID KYI GZHI'I KHONGS SU GTOGS PA YIN LA, MTSAN NYID KYI GZHI'I SKYE MCHED DE DAG GI DON DAM PA BA'I YOD PA NYID NI DON DAM PAR BRTZAL PAS DE'I PHYIR MTSAN NYID KYI GZHI MI 'THAD NA MTSAN NYID KYANG MI SRID PAS DE DGAG PA'I PHYIR NI 'BAD PA MI RTZOM MO, ,'DI SKAD CES MTSAN NYID KYI GZHI DANG, MTSAN NYID DAG SNGA PHYIR SGRO BTAGS NAS ZHES BYA BA LA SOGS PA GANG SMRAS PA DE LA YANG NYON CIG DANG, SNGA PHYI MI SRID PAR BSTAN PA KHO NAS GZHAN NYID DGAG PA BSTAN PA'I PHYIR MA GRUB PA LTAR SNANG BA NYID MA YIN NO, ,CI STE GANG LA GZHAN NYID YIN YANG MED NA MI 'BYUNG BA'I MTSAN NYID KYIS 'BREL PA DE NI GTAN TSIGS YIN PAS DES NA GZHAN YIN PA'I PHYIR GTAN TSIGS KYI DON MA GRUB PA NYID DU BRJOD PA YANG MA GRUB PA LTAR SNANG BA NYID YIN NO ZHE NA, DE NI BZANG PO MA YIN TE, DON DAM PAR GZHAN NYID DANG, ME MED NA MI 'BYUNG BA'I MTSAN NYID KYI 'BREL PA MA GRUB PAS DE LA MNGON PAR ZHEN PA YANG SPANG BAR 'DOD PA'I PHYIR RO, ,SGRUB PA DE THA SNYAD KYI BDEN PAR GTOGS PA'I DNGOS PO BSTAN PA'I PHYIR, THA SNYAD DANG RJES SU MTHUN PA NI YIN NO, ,ZHAR LA BSHAD PAS CHOG GO, ,'DIR SMRAS PA, DON DAM PAR NAM MKHA' YOD PA KHO NA YIN TE, MTSAN NYID YIN PA'I PHYIR RO, ,'DI NA GANG YANG MED PA DE NI MTSAN NYID YIN PAR MI 'DOD DE, DPER NA NAM MKHA'I ME TOG BZHIN NO, ,NAM MKHA' NI MTSAN NYID YIN TE, RGYAL PO CHEN PO KHAMS DRUG PO 'DI DAG NI SKYES BU'O ZHES GSUNGS PAS DE'I PHYIR DE NI YOD PA KHO NA YIN NO, , @92B BSHAD PA, MTSAN NYID KYI GZHI MI 'THAD DO ZHES BSTAN ZIN PAS DE'I PHYIR, MTSAN GZHI 'THAD PA MA YIN NA, ,MTSAN NYID KYANG NI YOD MA YIN, ,MTSAN NYID KYANG MTSAN NYID KYI GZHI'I KHONGS SU GTOGS PA'I PHYIR DE BZHIN DU MI 'GRUB PA'I PHYIR DANG, DPE YANG MED PA'I PHYIR RO ZHES BYA BAR DGONGS SO; ,GANG GI PHYIR DE LTAR SHES RAB KYIS NYE BAR BRTAGS NA MTSAN NYID KYI GZHI DANG, MTSAN NYID DAG MI 'THAD PA DE'I PHYIR BSTAN BCOS MDZAD PAS, DE PHYIR MTSAN GZHI YOD MIN TE, ,MTSAN NYID YOD PA NYID MA YIN, ,ZHES MJUG BSDU BA MDZAD DE, DE STON PA'I RJES SU DPAG PA MED PA'I PHYIR DANG, DE MED PAR STON PA'I RJES SU DPAG PA YOD PA'I PHYIR RO ZHES BYA BAR DGONGS SO, ,BYE BRAG TU SMRA BDAG GIS SMRAS PA, NAM MKHA' NI DNGOS PO YIN TE, YUL DE LA 'DUN PA'I 'DOD CHAGS SPONG BA'I PHYIR, DPER NA GZUGS BZHIN NO, ,YANG NA SNYOMS PAR 'JUG PA'I DMIGS PA YIN PA'I PHYIR DPER NA; RNAM PAR SHES PA LA SOGS PA BZHIN NO, ,YANG NA 'DUS MA BYAS YIN PA'I PHYIR DPER NA MYA NGAN LAS 'DAS PA BZHIN NO, ,'DIR BSHAD PA, 'DI LA DON DAM PAR NAM MKHA' DE DNGOS PO NYID DU 'DOD NA, MTSAN NYID KYI GZHI'AM, MTSAN NYID YIN GRANG NA, MTSAN NYID KYI GZHI DANG, MTSAN NYID DE DAG JI LTAR MI SRID PA DE LTAR NI SNGAR BSTAN ZIN PAS, DES NA GANG GI PHYIR KHO BO CAG GI PHYOGS LA, MTSAN GZHI MTSAN NYID MA GTOGS PA'I, ,DNGOS PO YANG NI YOD MA YIN, ,DE'I PHYIR DPE MA BSTAN PAR BSGRUB PAR BYA BA 'GRUB PA MED DO, ,MYA NGAN LAS 'DAS PA DANG, GZHAN GANG YANG RUNG BA DAG KYANG DNGOS PO NYID DU GRUB PA MED PA'I PHYIR RO, ,'DIS NI SDE PA GZHAN DAG GI BSGRUB PA NAM MKHA' YOD PA KHO NA YIN TE, GZUGS YONGS SU CHAD PA'I PHYIR DANG, 'DUS MA BYAS YIN PA'I PHYIR RO ZHES BYA BA DAG LA YANG SKYON GYIS LAN BTAB PA YIN TE, GTAN TSIGS KYI DON MA GRUB PA NYID KYANG BRJOD PAR BYA'O, ,MDO SDE PA DAG GIS SMRAS PA, NAM MKHA' DNGOS PO NYID NI MA YIN TE, 'O NA CI ZHE NA, KHO BO CAG LA DE NI THOGS PA DANG BCAS PA'I RDZAS KYI DNGOS PO MED PA TZAM YIN NO, ,SNYOMS PAR 'JUG PA'I DMIGS PA YIN PA'I PHYIR ZHES BYA BA DANG, YUL DE LA 'DUN PA'I 'DOD @93A *, ,CHAGS SPONG BA'I PHYIR ZHES BYA BA DES DNGOS PO MED PA'I NGO BO NYID SEL BAR BYED PA YIN MOD KYI, 'ON KYANG DE DAG NAM MKHA' LA RTOG PAR BYED PA DE DAG DGAG PA'I PHYIR, DGAG PA CHES GSAL BA BRJOD PAR BZHED PA DE NYID BSHAD PA, GZUGS KYI RGYU NI MA GTOGS PAR, ,GZUGS NI DMIGS PAR MI 'GYUR RO, ,ZHES BYA BAS DE BSTAN ZIN PAS DE'I PHYIR, DNGOS PO YOD PA MA YIN NA, ,DNGOS MED GANG GI YIN PAR 'GYUR, ,THOGS PA DANG BCAS PA'I GZUGS ZHES BYA BA'I DNGOS PO YOD PA MA YIN NA KHYED KYIS NAM MKHA' ZHES BYA BAR BRTAGS PA GANG YIN PA'I DNGOS PO MED PA DE GANG GI YIN PAR 'GYUR TE, DE STON PA'I RJES SU DPAG PA YOD PA MA YIN PAS DON DE RAB TU MI 'GRUB BO, ,YANG NA GZHAN DU BRTAG STE, PHA ROL POS SMRAS PA, NAM MKHA' DNGOS PO YIN TE ZHES BYA BA'I DON DE BSTAN PAR MI NUS TE, KHYOD KYIS, MTSAN GZHI MTSAN NYID MA GTOGS PA'I, ,DNGOS PO YANG NI YOD MA YIN, ,ZHES BYA BAS DPE MED PA DANG DPE BSGRUBS SU ZIN KYANG BSGRUB PAR BYA BA DANG, SGRUB PA MI 'GRUB PA KHO NAR 'GYUR RO ZHES SMRAS PA DE'I PHYIR, KHO BOS DE NYID BSGRUB PAR BYA STE, GZUGS LA SOGS PA LA DNGOS PO YOD PA KHO NA YIN TE, LTOS PAS DE DAG MED PA YOD PA'I PHYIR RO, , 'DI NA GANG YOD PA DE LA NI LTOS PAS DNGOS PO MED PA YOD DE, DPER NA GZUGS LA RO NYID MED PA BZHIN NO, ,GANG MED PA DE LA NI LTOS PAS DNGOS PO MED PA MED DE, DPER NA RTA'I RVA BZHIN NO, ,GTAN TSIGS KYI DON MA GRUB PA NYID KYANG MA YIN TE, 'DI LTAR KHYOD KYIS LAN CIG MA YIN PAR PHUNG PO DANG, KHAMS DANG, SKYE MCHED DAG PHUNG PO LA SOGS PA NYID KYIS MED PA NYID DU BRJOD PAS, DE'I PHYIR LTOS PAS DE DAG MED PA YOD PA'I PHYIR DNGOS PO YOD PA KHO NA YIN NO, ,'DIR BSHAD PA, KHO BOS GZUGS LA SOGS PA'I DNGOS PO YOD PA NYID DGAG PA BYAS PAR ZAD KYI, DE DAG MED PAR MA BSTAN PAS, , DE'I PHYIR GZUGS ZHES BYA BA'I DNGOS PO YOD PA MA YIN NA GANG RO NYID MED PAR 'GYUR TE, DE MED PA'I PHYIR DPE MA GRUB PAS 'DOD PA'I DON GRUB PA MED DO, ,GZHAN DAG GIS SMRAS PA, DNGOS PO DANG DNGOS PO MED PA DAG NI YOD PA KHO NA YIN TE, DE DAG SHES PA YOD PA'I PHYIR RO, ,'DI NA GANG LA SHES @93B PA YOD PA DE NI YOD DE, DPER NA CHOS NYID BZHIN NO, ,'DIR BSHAD PA, PHA ROL PO'I YID LA BSAM PAS BRTAGS PA'I DNGOS PO DANG, DNGOS PO MED PAR SHES PA DE YANG DNGOS PO'AM, DNGOS PO MED PA ZHIG YIN GRANG NA, DE GNYI GA DGAG PA YANG BSTAN ZIN PAS DE DAG SHES PA YOD PAR MI 'GRUB BO, ,DNGOS PO DANG DNGOS PO MED PA DANG MI MTHUN PA'I SHES PA GZHAN ZHIG YOD PAR RTOG NA, DE YANG MI RUNG STE, DE'I PHYIR BSHAD PA, DNGOS DANG DNGOS MED MI MTHUN CHOS, ,GANG GIS DNGOS DANG DNGOS MED SHES, ,DE NI YOD PA MA YIN PA NYID DO ZHES BYA BA'I TSIG GI DON TO, ,GAL TE RNAM GRANGS KYI TSUL SMRA BA DAG GIS BRTAGS PA'I DNGOS PO DANG DNGOS PO MED PA DANG, MI MTHUN PA DE DAG SHES PA YOD PA'I PHYIR NYES PA MED DO ZHE NA, DE NI RIGS PA MA YIN TE, GCIG LA BDAG NYID MI MTHUN PA GNYIS MI SRID PA'I PHYIR DANG, LTOS PA MI 'THAD PA'I PHYIR DANG, DE STON PA'I RJES SU DPAG PA MED PA'I PHYIR RO ZHES BYA BAR DGONGS SO, ,GANG GI PHYIR DE LTAR DPYAD NA, NAM MKHA' 'THAD PA MI BZOD PA, ,DE PHYIR NAM MKHA' DNGOS PO MIN, ,DNGOS MED MA YIN MTSAN GZHI MIN, ,MTSAN NYID MA YIN ZHES PHA ROL POS SMRAS PA'I DNGOS PO NYID LA SOGS PA STON PA'I SGRUB PA SUN 'BYIN PA BSAL BA'I DBANG GIS MJUG BSDUS SO, ,KHAMS LNGA PO, ,GZHAN GANG DAG KYANG NAM MKHA' MTSUNGS, ,KHAMS ZHES BYA BA'I DON NI 'BYUNG KHUNGS KYI DON TE, GSER GYI 'BYUNG KHUNGS BZHIN DU NAM MKHA' LA SOGS PA DAG KYANG SDUG BSNGAL DANG YID MI BDE BA LA SOGS PA DAG GI 'BYUNG KHUNGS SU GYUR PA DAG YIN NO, ,YANG NA KHAMS ZHES BYA BA'I DON NI BYED PA MED PAR RANG GI MTSAN NYID 'DZIN PA'I DON TO, ,LNGA PO ZHES BYA BA NI SA DANG, CHU DANG, ME DANG, RLUNG DANG, RNAM PAR SHES PA ZHES BYA BA DAG GO, ,GZHAN ZHES BYA BA NI NAM MKHA'I 'OG TU DGAG PAR BYA BA YIN PA'I PHYIR RO, ,GANG DAG KYANG NAM MKHA' MTSUNGS ZHES BYA BA NI KHAMS LNGA PO GZHAN GANG DAG YIN PA DE DAG KYANG NAM MKHA' DANG MTSUNGS PAR DGAG PAR BYA BA STE, JI LTAR SNGAR, NAM MKHA'I MTSAN NYID SNGA ROL NA, ,NAM MKHA' CUNG ZAD YOD MA YIN, ,ZHES BYA BA NAS BRTZAMS TE, DE PHYIR NAM MKHA' DNGOS PO MIN, , @94A *, ,DNGOS MED MA YIN MTSAN GZHI MIN, ,MTSAN NYID MA YIN ZHES BYA BA'I BAR GYIS NAM MKHA' DGAG PA BSTAN PA DE BZHIN DU 'DIR YANG, SA SOGS MTSAN NYID SNGA ROL NA, ,SA SOGS CUNG ZAD YOD MA YIN, ,ZHES BYA BA NAS BRTZAMS TE, DE PHYIR SA SOGS DNGOS PO MIN, ,DNGOS MED MA YIN MTSAN GZHI MIN, ,MTSAN NYID MA YIN ZHES BYA BA'I BAR DU RGYA CHER BRJOD PAR BYA ZHING SA LA SOGS PA'I KHAMS LNGA PO GZHAN GANG DAG YIN PA DE DAG KYANG NAM MKHA' DANG DGAG PA MTSUNGS PA'I PHYIR 'DRA BAR BSTAN PAR BYA'O, ,BCOM LDAN 'DAS KYI GSUNG RAB LA KHAMS DE DAG DE LTAR YOD PAR BSTAN PA NI DE DAG BSTAN PAS, GDUL BYA'I SKYE BO'I RJES SU THUGS BRTZE BAS THA SNYAD DU GRAGS PA'I THA SNYAD KYI BDEN PAR GTOGS PA YIN GYI, DON DAM PAR NI KHAMS RNAMS YOD PA MA YIN NO, ,KHAMS RNAMS YOD PA'I PHYIR KHAS BLANGS PA LA GNOD PA YANG MED LA, SKYE MCHED RNAMS 'GRUB PAR YANG MI 'GYUR RO, ,YANG NA KHA CIG NA RE, KHYOD KYIS DON DAM PAR DNGOS PO THAMS CAD LA SKUR BA BTAB PA'I PHYIR LOG PA'I LTA BA DNGOS PO THAMS CAD LA SKUR BA 'DEBS PA'I TSUL CAN RJES SU BRJOD PAS, BCOM LDAN 'DAS KYI GSUNG RAB LTAR BCOS PAS 'JIG RTEN RGYANG PHAN PA'I 'DOD PA BSGRUB PAR BYAS PA'I PHYIR 'DI NI BCOM LDAN 'DAS KYI BKA' MA YIN PAS SPANG BAR BYA BA YIN NO ZHES ZER RO, ,DE LA 'DIR PHA ROL PO DAG NI SKYON CHA MA MNYAM PAS RAB RIB SKYES PA DAG ,SKRA SHAD DANG, SBRANG BU DANG, SBRANG BU MCHU RINGS LA SOGS PA YANG DAG PA MA YIN PA DAG SEL BAR BYED PA DANG 'DRA STE, 'DI LTAR KHO BOS NI SKYE MCHED RNAMS KYI YOD PA NYID DGAG PA SMRAS PA NA NGO BO NYID YOD PA DGAG PA BYAS PAR ZAD KYI DNGOS PO MED PA NYID DU NI MA SMRAS TE, MDO SDE LAS, JI SRID SEMS KYI SPYOD YUL BA, ,YOD MED GNYIS KYI MTHAR YANG 'GYUR, ,SPYOD YUL 'GAGS PAR GYUR NA NI, ,SEMS KYANG YANG DAG 'GAG PAR 'GYUR, ,ZHES BYA BA DANG, DE BZHIN DU DNGOS POR MA LHUNG BA NI DNGOS PO MED PAS, CHOS 'GA' YANG DNGOS PO MED PAR MI BYED DO ZHES BYA BA LA SOGS PA JI SKAD GSUNGS PA LTA BU'O, ,DE BZHIN DU SLOB DPON NYID KYIS KYANG GZHAN DAG TU, 'DI NI YOD NYID 'GOG PA STE, ,MED NYID YONGS SU @94B 'DZIN PA MIN, ,NAG PO MIN ZHES SMRAS PA NA, ,DKAR PO YIN ZHES MA BRJOD BZHIN, ,ZHES GSUNGS SO, ,DE'I PHYIR RNAM PA DE GNYI GA YANG LTA BA NGAN PA KHO NA YIN TE, MKHAS PA SPROS PA MA LUS PA NYE BAR ZHI BA'I BDE BA 'DOD PA'I BGEGS YIN PA'I PHYIR RO, ,JI LTA ZHE NA, 'DI LA DON DAM PAR 'DOD PA DANG, GZUGS DANG, GZUGS MED PA NA SPYOD PA DANG, 'JIG RTEN LAS 'DAS PA DANG, DGE BA DANG, MI DGE BA DANG, LUNG DU MA BSTAN PA DAG GAL TE TSUL GANG GIS THA SNYAD GDAGS SU RUNG BA DES BDAG NYID THOB PA'I NGO BO NYID YIN PAR GYUR NA DE'I PHYIR DGE BA DANG, MI DGE BA'I CHOS RNAMS SKYED PA DANG MI SKYED PA'I PHYIR 'BAD PA DON MED PA NYID DU 'GYUR TE, YOD PA'I PHYIR DPER NA BUM PA DANG, SNAM BU YOD PA BZHIN PAS BDE BA DANG LDAN PA RNAMS KYANG BDE BA'I KHYAD PAR NYAMS PA MED PA DANG, SDUG BSNGAL DANG LDAN PA RNAMS KYANG SDUG BSNGAL GYI KHYAD PAR NYAMS PA MED PAR 'GYUR TE, RTZIG PA LA BRIS PA'I RI MO BZHIN DU SROG CHAGS RNAMS KYI NA TSOD DANG BONG TSOD DANG, SPYOD LAM GYI KHYAD PAR DAG LA SKYED DBRI MED PAR 'GYUR RO, ,CI STE KHAMS GSUM PA DANG, 'JIG RTEN LAS 'DAS PA DANG, DGE BA DANG, MI DGE BA DANG, LUNG DU MA BSTAN PA DAG NGO BO NYID MED PA YIN PAR GYUR NA, DE LTA NA YANG DGE BA DANG MI DGE BA'I CHOS RNAMS SKYED PA DANG, MI SKYED PA'I PHYIR 'BAD PA DON MED PA NYID DU 'GYUR TE, MED PA'I PHYIR DPER NA RI BONG GI RVA RNON POR BYA BA'I PHYIR 'BAD PA BZHIN PAS, THA SNYAD CHAD PAR 'GYUR RO, ,DE'I PHYIR 'DI BSHAD DE, LTA BA NGAN PA'I RAB RIB KYIS BLO GROS KYI MIG NYAMS PA, BLO CHUNG GANG DAG DNGOS RNAMS LA, ,YOD PA NYID DANG MED NYID DU, ,LTA BA DES NI BLTA BYA BA, ,NYE BAR ZHI BA ZHI MI MTHONG, ,BLO CHUNG NGU GANG DAG RAB RIB CAN DBANG PO NYAMS PAS ZLA BA GNYIS LA SOGS PA YANG DAG PA MA YIN PA MTHONG BA BZHIN DU DNGOS PO RNAMS LA YOD PA NYID DANG, MED PA NYID DU LTA BA DE DAG GIS NI DON DAM PA'I BDEN PA SHIN TU CHE PHRA BA 'PHAGS PA'I SHES RAB KYI SPYAN GYI SPYOD YUL BLTA BAR BYA BA ZHI ZHING ZHI BA MI MTHONG NGO ZHES BYA BA'I THA TSIG GO, ,BLTA BAR BYA BA NYE BAR ZHI BA ZHES BYA BA NI 'DI LA BLTA BAR BYA BA MTSAN MA THAMS CAD MI SNANG BAR GYUR PA'I PHYIR RO, ,ZHI ZHES BYA BA NI GNOD PA THAMS CAD DANG BRAL BA'I PHYIR TE, MDO @95A *, ,SDE LAS, GANG GIS GANG LA SKYE RNAMS KYI, ,YOD PAR SGRUB PA MED NYID 'GYUR, ,LTA NGAN SKYE BAR SMRA BA YIS, ,YOD PA DANG NI MED PAR BSTAN, ,ZHES JI SKAD GSUNGS PA LTA BU'O, ,MKHAS PA GANG STONG PA NYID LA LTA BA DANG, SGOM PA'I MIG SMAN DANG LDAN PAS, BLO GROS KYI MIG GI SKYON DANG BRAL BAR GYUR PA BLO GROS KYI MIG YANG DAG PAR BYE BA DES NI DNGOS PO RNAMS KYI JI LTA BA NYID MTHONG STE, BCOM LDAN 'DAS KYI, GANG TSE 'JIG RTEN YOD MIN ZHING, ,MED MIN YOD MIN MI MTHONG BA, ,DE TSE SEMS NI RNAM LDOG CING, ,BDAG MED NYID KYANG RTOGS PAR 'GYUR, ,ZHES JI SKAD GSUNGS PA DANG; DE BZHIN DU, 'OD SRUNGS YOD CES BYA BA 'DI NI MTHA' GCIG GO, ,MED CES BYA BA 'DI YANG MTHA' GCIG GO ZHES BYA BA LA SOGS PA JI SKAD GSUNGS PA LTA BU'O, ,DE LA 'DIR RAB TU BYED PA'I DON NI SA LA SOGS PA KHAMS RNAMS YOD PAR STON PA'I GTAN TSIGS NYID YOD PA'I PHYIR RO ZHES BYA BA NYE BAR BZHAG PA DE'I SKYON BRJOD PAS KHAMS RNAMS NGO BO NYID MED PA NYID DU BSTAN PA YIN NO, ,DE'I PHYIR NANG GI SA'I KHAMS GANG YIN PA DANG, PHYI ROL GYI SA'I KHAMS GANG YIN PA DE NI GNYIS SU MED PA'I DON TO, ,DE YANG DE BZHIN GSHEGS PAS SHES RAB DANG YE SHES KYIS GNYIS SU MED PA DANG, GNYIS SU DBYER MED PA DANG; MTSAN NYID GCIG PA 'DI LTA STE, MTSAN NYID MED PAR MNGON PAR RDZOGS PAR SANGS RGYAS SO ZHES BYA BA DANG, DE BZHIN DU BU MO KHAMS DAG JI LTAR BLTA BAR BYA, BU MOS SMRAS PA, 'JAM DPAL 'DI LTA STE, DPER NA 'JIG RTEN GSUM BSKAL PAS BSREGS PA NA THAL BA YANG MED PA LTAR RO ZHES BYA BA DANG, DE BZHIN DU GZUGS MED PA DANG, BSTAN DU MED PA DANG, GNAS MED PA DANG, SNANG BA MED PA DANG, RNAM PAR RIG PA MED PA GANG YIN PA DE LA MNGON PAR ZHEN PAR MI BYA'O ZHES BYA BA DANG, DE BZHIN DU, SHA RA DVA TI'I BU CHOS THAMS CAD NI CHAGS PA MED PA'I MTSAN NYID DE, GANG CHOS GANG GI MTSAN NYID YIN PA DE NI DE'I MTSAN NYID MED PA YIN PAS, CHOS 'GA' YANG MTSAN NYID MNGON PAR SGRUB PA'I PHYIR, NYE BAR MI GNAS SO ZHES BYA BA DANG, DE BZHIN DU, DES NI 'JIG RTEN PHUNG PO BSTAN, ,DE LA 'JIG RTEN GNAS PAR GYUR, ,MKHAS PA DE LA MI GNAS PA, ,'JIG RTEN CHOS @95B KYIS MI GOS SO, ,'JIG RTEN NAM MKHA'I MTSAN NYID DE, ,NAM MKHA' LA YANG MTSAN NYID MED, ,DE PHYIR DE YIS DE RTOGS PAS, ,'JIG RTEN CHOS KYIS MI GOS SO, ,ZHES BYA BA DANG, DE BZHIN DU SHA RA DVA TI'I BU CHOS THAMS CAD KYI MTSAN NYID MED PA NYID DANG, YONGS SU GRUB PA MED PA NYID GANG YIN PA DE NI CHAGS PA MED PA NYID CES BYA'O ZHES BYA BA LA SOGS PA GSUNGS PA DE DAG GRUB PA YIN NO, ,SLOB DPON LEGS LDAN BYED KYIS NYE BAR SBYAR BA, DBU MA'I RTZA BA'I 'GREL PA SHES RAB SGRON MA LAS, KHAMS BRTAG PA ZHES BYA BA STE, RAB TU BYED PA LNGA PA'O,, ,,DA NI STONG PA NYID KYI MI MTHUN PA'I PHYOGS KYI KHYAD PAR DGAG PAS 'DOD CHAGS DANG, CHAGS PA DANG, ZHE SDANG DANG, SDANG BA LA SOGS PA DAG NGO BO NYID MED PA NYID DU BSTAN PAR BZHED PA'I DBANG GIS RAB TU BYED PA DRUG PA BRTZAM MO, ,'DIR SMRAS PA, DON DAM PAR PHUNG PO DANG KHAMS DANG SKYE MCHED DAG YOD PA KHO NA YIN TE, BCOM LDAN 'DAS KYIS DE DAG LA BRTEN NAS KUN NAS NYON MONGS PA DANG, NYES DMIGS BSTAN PA'I PHYIR RO, ,'DI NA GANG MED PA DE LA NI BCOM LDAN 'DAS KYIS DE LA BRTEN NAS, KUN NAS NYON MONGS PA DANG, NYES DMIGS MA BSTAN TE, DPER NA RUS SBAL GYI SPU DAG BZHIN NO, ,BCOM LDAN 'DAS KYIS PHUNG PO LA SOGS PA DAG LA BRTEN NAS, CHAGS PAS CHOS RNAMS MI SHES SHING, ,CHAGS PAS CHOS RNAMS MI MTHONG STE, ,MI GANG 'DOD CHAGS STEN BYED PA, ,DE TSE MUN PA MUN NAG 'GYUR, ,SDANG BAS CHOS RNAMS MI SHES SHING, ,SDANG BAS CHOS RNAMS MI MTHONG STE, ,MI GANG ZHE SDANG STEN BYED PA, ,DE TSE MUN PA MUN NAG 'GYUR, ,RMONGS PAS CHOS RNAMS MI SHES SHING, ,RMONGS PAS CHOS RNAMS MI MTHONG STE, ,MI GANG GTI MUG STEN BYED PA, ,DE TSE MUN PA MUN NAG 'GYUR, ,ZHES KUN NAS NYON MONGS PA DANG, NYES DMIGS BSTAN PAS, DE'I PHYIR GTAN TSIGS JI SKAD SMOS PA'I 'THAD PAS PHUNG PO DANG, KHAMS DANG, SKYE MCHED DAG YOD PA KHO NA YIN NO, ,'DIR BSHAD PA, 'DU BYED KYI TSOGS 'DOD CHAGS LA SOGS PA'I 'JUG PA SHAS CHE BA LA BRTEN NAS 'DOD CHAGS LA SOGS PA DANG, DE DAG GI NYES DMIGS KYI SKYON BSTAN PA, SGYU MA DANG, SMIG RGYU DANG, RMI @96A *, ,LAM DANG, DRI ZA'I GRONG KHYER LTA BU DE DAG NI THA SNYAD PAR YOD PA YIN GYI, DON DAM PA BAR NI MA YIN NO, ,DE'I PHYIR DE DAG NYID BRTAG PAR BYA STE, 'DI LA KHYOD CHAGS PA 'DOD CHAGS KYI SNGA ROL NA'AM, PHYIS SAM, 'DOD CHAGS DANG CHAGS PA DAG LHAN CIG NA YOD PA'AM, 'DOD CHAGS CHAGS PA'I SNGA ROL NA'AM, PHYIS SAM, 'DOD CHAGS DANG CHAGS PA DAG LHAN CIG NA YOD PAR 'DOD GRANG NA, DE LA RE ZHIG ,GAL TE 'DOD CHAGS SNGA ROL NA, ,'DOD CHAGS MED PA'I CHAGS YOD NA, ,GAL TE 'DOD CHAGS KYI SNGA ROL NA CHAGS PA, 'DOD CHAGS MED PA ZHIG YOD PAR GYUR NA ZHES BYA BA'I TSIG GI LHAG MA'O, ,'DOD CHAGS DANG CHAGS PA DANG, LHAG PAR CHAGS PA ZHES BYA BA DAG NI RNAM GRANGS TE, DE MED CING MA GTOGS PA 'DOD CHAGS LA MI LTOS PA ZHIG YOD PAR GYUR NA'O, ,SMIN PA MED PAR 'BRAS BU SMIN PA NYID MI 'THAD PA LTAR CHAGS PA NYID MI 'THAD PA NI MA YIN NO, , BRTAG PA 'DI LA CIR 'GYUR ZHE NA, DE LA BRTEN NAS 'DOD CHAGS YOD, ,CHAGS PA DE LA BRTEN NAS 'DOD CHAGS YOD PAR 'GYUR TE, CHAGS PA 'DI'I 'DOD CHAGS NI 'DI'O ZHES BYA BAR 'GYUR RO, ,'O NA DE LTA NA 'DOD CHAGS MED KYANG DE CHAGS PA NYID YIN PAR 'GYUR RO, ,CHAGS YOD 'DOD CHAGS YOD PAR 'GYUR, ,CHAGS PA YIN NA DE LA 'DOD CHAGS SKYE BA DON MED PA NYID DU 'GYUR BAS DE NI MI 'DOD DO, ,DE LTAR NA 'DIR GLAGS YOD PA'I TSIG YIN PA'I PHYIR, SKABS KYI DON LAS BZLOG PAS RJES SU DPAG PA NI CHAGS PA NI 'DOD CHAGS MED NA, MI 'BYUNG BA'I TSUL CAN YIN TE, LTOS PA DANG BCAS PA'I PHYIR DPER NA 'DOD CHAGS KYI RANG GI BDAG NYID BZHIN NO, ,'DIR SMRAS PA, CHOS MNGON PA'I MTSAN NYID LAS, KUN 'GRO ZHES BYA RANG GI SAR, ,NYON MONGS CAN GYI SNGAR KUN 'GRO, ,ZHES 'BYUNG BAS CHAGS PA NYID 'DOD CHAGS KYI RGYU YIN PA'I PHYIR NYES PA MED DO, ,BSHAD PA, CHAGS PA YOD PAR GYUR NA YANG, ,'DOD CHAGS YOD PAR GA LA 'GYUR, ,'DI LTAR MA CHAGS PA LA 'DOD CHAGS SKYE BA NA CHAGS PA ZHES BRJOD PA'I RKYEN LA BRTEN PA YIN GYI, DE 'DOD CHAGS GANG GIS CHAGS PAR GYUR PA LA CHAGS PA ZHES BRJOD PA DE NYID KYIS CHAGS PAR GYUR LA, 'DOD CHAGS @96B SKYE BA DON MED PA NYID KYI PHYIR DANG, DE STON PA'I RJES SU DPAG PA MED PA'I PHYIR RO, ,GAL 'GYUR ZHES BYA BA NI MI SRID PA STE, CHAGS PA YOD PAR GYUR NA YANG, ,'DOD CHAGS YOD PAR GA LA 'GYUR, ,ZHES BYA BAR DGONGS SO, ,YANG NA LHAS BYIN CHAGS PA NI LHAS BYIN GYI RGYUD LA 'DOD CHAGS GANG SKYE BA DE'I MNGON SUM GYI RGYU MA YIN TE, CHAGS PA YIN PA'I PHYIR MCHOD SBYIN CHAGS PA BZHIN NO, ,GAL TE DE NI MI SRID DE, ,CHAGS PA RGYUD THA DAD PA DANG, ,THA DAD PA MA YIN PA'I 'DOD CHAGS KYI RGYU MA YIN PA NYID PHYOGS SU BYED NA GRUB PA LA SGRUB PA DANG, DON 'GAL BA NYID YIN NO ZHE NA, DE NI BZANG PO MA YIN TE, CHAGS PA RGYUD THA DAD PA MA YIN PA'I 'DOD CHAGS KYI RGYU MA YIN PA NYID PHYOGS SU BYAS PA'I PHYIR GRUB PA LA SGRUB PA YANG MA YIN LA, BSGRUB PAR BYA BA DANG, RIGS MTHUN PA NYID KYIS BSGRUB PAR BYA BA BZHIN DU MI MTHUN PA'I PHYOGS 'GOG PA'I PHYIR DON 'GAL BA NYID KYANG MA YIN NO, ,CI STE MCHOD SBYIN CHAGS PAS 'DOD CHAGS BSGRUB PA NYE BAR PHUL BAS LHAS BYIN GYI RGYUD LA 'DOD CHAGS SKYE BA'I RGYU NYID DU KHAS BLANGS PA'I PHYIR DANG, BYED PA'I RGYUS GZHAN GYI RGYUD KYI CHAGS PA YANG GZHAN GYI RGYUD LA 'DOD CHAGS SKYE BA'I RGYU YIN PA'I PHYIR DPE MED DO ZHE NA, DE YANG RIGS PA MA YIN TE, RGYU THUN MONG MA YIN PA NYID KYIS 'GOG PA'I PHYIR DANG, 'DOD CHAGS SGRUB PA ME TOG DANG BYUG PA LA SOGS PA DAG NI 'DOD PA'I RNAM PAR RTOG PA'I RGYU YIN PA'I PHYIR DANG, BSGRUB PAR BYA BA KHYAD PAR CAN YIN PA'I PHYIR DE NI SUN 'BYIN PA LTAR SNANG BA YIN NO, ,CI STE CHAGS PA'I SNGON ROL NA 'DOD CHAGS YOD PAR 'DOD NA DE LTA NA YANG, CHAGS PA LA YANG 'DOD CHAGS NI, ,YOD DANG MED KYANG RIM PAR MTSUNGS, ,DGAG PA'I THABS 'OG NAS 'BYUNG NGO ZHES BYA BA'I THA TSIG GO , ,JI LTA ZHE NA, DE NYID BSHAD PA, GAL TE CHAGS PA'I SNGA ROL NA, ,CHAGS MED 'DOD CHAGS YOD NA NI, ,GAL TE CHAGS PA'I SNGA ROL NA 'DOD CHAGS CHAGS PA MED PA ZHIG YOD PAR GYUR NA CHAGS PA MED PAR 'GYUR RO, ,GZHAN YANG, DE LA BRTEN NAS CHAGS PA YOD, ,CHAGS PA MED PA'I 'DOD CHAGS DE LA BRTEN NAS CHAGS PA YOD PAR 'GYUR TE, 'DOD CHAGS 'DIS 'DOD CHAGS SO ZHES BYA BAR 'GYUR RO, ,DE @97A *, ,LTA NA SKYON 'DIR 'GYUR TE, 'DI LA CHAGS PAR BYED PAS 'DOD CHAGS SO ZHES DNGOS PO SGRUB PA YIN NA DNGOS PO NI GZHI LA RAG LAS PA'I PHYIR GZHI'I SNGON ROL NA MED DE DPER NA CHOS PA 'BRAS CAN GYI SNGA ROL NA MED PA BZHIN NO, ,CHAGS PA LA MI LTOS PAR 'DOD CHAGS YOD PAR 'DOD NA NI; 'DOD CHAGS YOD NA CHAGS YOD 'GYUR, ,DE NI MI 'DOD DE, CHOS PA NYID LA MI LTOS PAR CHOS PA SKYE BA MI 'THAD PA BZHIN NO, ,'DIR YANG GLAGS YOD PA'I TSIG YIN PA'I PHYIR SKABS KYI DON LAS BZLOG PAS RJES SU DPAG PA NI 'DOD CHAGS NI CHAGS PA MED NA MI 'BYUNG BA'I TSUL CAN YIN TE, LTOS PA DANG BCAS PA'I PHYIR DPER NA CHAGS PA'I RANG GI BDAG NYID BZHIN NO, ,GAL TE PHA MED PAR YANG BU LA SOGS PA YOD PA'I PHYIR MA NGES PA NYID DO ZHE NA, DE NYID KYI PHYIR DE YANG BKAG ZIN PAS DE NI MI GNOD DO, ,'DIR SMRAS PA, 'DOD CHAGS KYI SKAD CIG MA SNGAR 'BYUNG BA'I TSUL CAN CHAGS PA'I SKAD CIG MA SKYE BAR 'DOD PA MED PA NYID CHAGS PA'I SKAD CIG MA PHYI MA SKYE BAR 'DOD PA'I RGYU NYID DU KHAS BLANGS PA'I PHYIR NYES PA MED DO, ,BSHAD PA, 'DOD CHAGS YOD PAR GYUR NA YANG, ,CHAGS PA YOD PAR GA LA 'GYUR, ,YOD PAR MI 'GYUR BA NYID DE, ,'DOD CHAGS KYI SKAD CIG MA DUS THA DAD PA NYID KYIS CHAGS PA'I SKAD CIG MA PHYI MA 'BYUNG BA CHAGS PA NYID DU BYED PAR MI 'GRUB PA'I PHYIR DPER NA CHOS PA GZHAN GYIS GZHAN CHOS PA NYID DU MI 'THAD PA BZHIN TE, 'DOD CHAGS KYI SKAD CIG MA 'DAS PAS DA LTAR CHAGS PA NYID DU BYED PAR MI 'THAD PA'I PHYIR RJES SU DPAG PA'I GNOD PAR 'GYUR RO ZHES BYA BAR DGONGS SO; ,JI LTAR DES GNOD PAR 'GYUR ZHE NA, LHAS BYIN GYI 'DOD CHAGS NI LHAS BYIN CHAGS PA NYID KYI RGYU MA YIN TE, 'DOD CHAGS YIN PA'I PHYIR DPER NA RGYUD THA DAD PA'I 'DOD CHAGS BZHIN NO, ,'DOD CHAGS LA YANG CHAGS PA NI, ,YOD DAM MED KYANG RIM PAR MTSUNGS, ,'DIR SNGA PHYIR RNAM PAR BRTAG , PA LA KLAN KA'I SKABS MED DE, GTAN TSIGS LTAR SNANG BAR MA BSTAN PA'I PHYIR RO,, ,,DBU MA'I RTZA BA'I 'GREL PA SHES RAB SGRON MA, BAM PO DRUG PA, CI STE SKYON DER NA MI RUNG NGO SNYAM NAS 'DOD CHAGS DANG CHAGS PA GNYIS LHAN CIG NYID DU SKYE BAR 'DOD NA DE LA YANG NYON CIG ,'DOD @97B CHAGS DANG NI CHAGS PA DAG ,LHAN CIG NYID DU SKYE MI RIGS, ,CI'I PHYIR ZHE NA, BRTAG PA DE LA, 'DI LTAR 'DOD CHAGS CHAGS PA DAG ,PHAN TSUN LTOS PA MED PAR 'GYUR, ,CHAGS PA 'DI'I 'DOD CHAGS NI 'DI'O, ,'DOD CHAGS 'DIS NI 'DI CHAGS PAR 'GYUR RO ZHES LTOS PA MED PA'I PHYIR DE NI MI 'DOD DO, ,DE GNYIS NI LTOS PA DANG BCAS PA NYID DU 'DOD DE, 'DIR PHYOGS KYI CHOS KYI DBANG GIS RJES SU DPAG PA NI 'DOD CHAGS DANG CHAGS PA DAG LA LHAN CIG GI DNGOS PO MED DE, LTOS PA DANG BCAS PA'I PHYIR DPER NA SA BON DANG MYU GU DAG BZHIN NO, ,'DIR BYE BRAG TU SMRA BA DAG GIS SMRAS PA; GTAN TSIGS KYI DE GANG YIN, CI SKYE BA LA LTOS PA DANG BCAS PA'I PHYIR RAM, 'ON TE BRJOD PA KHYAD PAR CAN BRTEN PA LA LTOS PA DANG BCAS PA'I PHYIR YIN, DE DAG GAL TE SKYE BA LA LTOS PA DANG BCAS PA'I PHYIR RO ZHE NA NI, SEMS DANG SEMS KYI RJES SU 'JUG PA DAG LHAN CIG 'BYUNG BA RNAMS KYANG LHAN CIG 'BYUNG BA'I RGYUS RGYU YIN PA'I PHYIR DANG, MAR ME DANG, 'ON KYANG LHAN CIG TU BYUNG BA'I PHYIR MA NGES PA NYID DO, ,GAL TE BRJOD PA KHYAD PAR CAN BSTEN PA LA, LTOS PA DANG BCAS PA'I PHYIR RO ZHE NA, YANG BA LANG GI RVA LHAN CIG 'BYUNG BA'I GNYIS LA YANG 'DI NI G-YON PA'O, ,'DI NI G-YAS PA'O ZHES BRJOD PA KHYAD PAR CAN BSTEN PA MTHONG BAS DE LTA NA YANG MA NGES PA NYID YIN NO, ,TSOGS PA'I DBANG KHO NA LAS SEMS DANG SEMS KYI RJES SU 'JUG PA DAG DANG, MAR ME'I 'OD DANG BCAS PA DAG 'BYUNG BAS THA SNYAD DU YANG LHAN CIG GI DNGOS POR KHAS MA BLANGS PA'I PHYIR DANG, BA LANG GI RVA GNYIS KYANG DON DAM PAR MA GRUB PA'I PHYIR, JI SKAD SMRAS PA'I SKYON MED DO, ,YANG GZHAN YANG 'DI LA 'DOD CHAGS DANG CHAGS PA DAG GCIG PA NYID LA LHAN CIG NYID DU BRTAG GAM, THA DAD PA NYID LA LHAN CIG NYID DU BRTAG GRANG NA, DE LA RE ZHIG GAL TE GCIG PA NYID LHAN CIG NYID DU RTOG NA, GCIG NYID LHAN CIG NYID MED DE, ,DE NI DAM BCA' BA NYE BAR BZHAG PA'O, ,DE NYID DE DANG LHAN CIG MIN, ,LHAN CIG NYID NI GNYIS LA YOD PA'I PHYIR RO ZHES BYA BAR DGONGS SO, ,DES NA DE NI CHOS MTHUN PA DE'I DPE'I TSIG KYANG YIN NO, ,'DIR RJES SU DPAG PA NI 'DOD CHAGS NI CHAGS PA DANG LHAN CIG @98A *, ,TU MI SKYE STE, GCIG NYID YIN PA'I PHYIR DPER NA 'DOD CHAGS DE NYID KYI RANG GI BDAG NYID BZHIN PAS RANG GI RJES SU DPAG PA LA GNOD DO, ,GAL TE SLOB DPON GYI YAN LAG RDZOGS PAR MA BRJOD PA'I PHYIR, SGRUB PA MA TSANG BA NYID KYI SKYON YOD DO ZHE NA, DE NI BZANG PO MA YIN TE, SLOB DPON GYI TSIG DAG NI DON GYI TSIG DAG YIN PA'I PHYIR DANG, DON GYI TSIG DAG GIS NI DON CHEN PO DAG SKYED PAR BYED DE, TSIG NYUNG DU NYID YIN YANG SBYOR BA'I TSIG DU MA DAG 'GRUB PA'I PHYIR RO, ,SBYOR BA'I TSIG DAG LA NI MA TSANG BA NYID DU YANG 'GYUR RO, ,YANG NA MI 'GYUR TE, DE LA YANG GANG GI TSE RAB TU BYED PA'AM, GRUB PA'I MTHA' LAS CUNG ZAD LA LA LA GRAGS PA YIN NA'O, ,CI STE THA DAD PA NYID LA LHAN CIG NYID DU RTOG NA, DE LTA NA YANG GANG GI TSE 'GAL BA MED PA'I GCIG PA NYID LA LHAN CIG NYID MED PA'I TSE, JI STE THA DAD NYID YIN NA, ,LHAN CIG NYID DU JI LTAR 'GYUR, ,THA DAD PA NYID LA LHAN CIG NYID YOD PA MA YIN PA NYID DE, RJES SU DPAG PA'I GNOD PAR 'GYUR BA'I PHYIR DANG, THA DAD PA NYID LA LHAN CIG NYID YOD PAR STON PA'I RJES SU DPAG PA MED PA'I PHYIR RO ZHES BYA BAR DGONGS SO, ,'DIR YANG DAM BCA' BA NYE BAR BZHAG PA'O, ,PHYOGS KYI CHOS NI THA DAD PA NYID LA LHAN CIG NYID MED PAS PHYOGS BRTAG PA LAS THA DAD PA NYID YIN TE, DPER NA BYAS PA NYID YIN NA MI RTAG PA BZHIN NO, ,'DIR SMRA BAR 'DOD PA'I DON BSTAN PA'I DBANG GIS RJES SU DPAG PA NI DON DAM PAR 'DOD CHAGS DANG CHAGS PA DAG LA LHAN CIG NYID MED DE, THA DAD PA'I PHYIR DPER NA 'DOD CHAGS DANG 'DOD CHAGS DANG BRAL BA DAG BZHIN PAS RJES SU DPAG PA'I GNOD PAR 'GYUR RO, ,YANG GZHAN YANG, GAL TE GCIG PU LHAN CIG NA, ,GROGS MED PAR YANG DE 'GYUR RO, ,'DOD CHAGS DANG CHAGS PA DAG LHAN CIG NYID DU ZHES BYA BA'I SKABS YIN NO, ,'DOD CHAGS DANG CHAGS PA DAG GROGS MED PAR LHAN CIG NYID DU MI 'DOD DE, 'DIS NI 'DOD CHAGS DANG CHAGS PA DAG GI LHAN CIG NYID DGAG PAR BYA BA'I CHOS LTOS PA DANG BCAS PA NYID KYANG BSTAN TO, ,DE'I PHYIR RJES SU DPAG PA NI DON DAM PAR 'DOD CHAGS DANG CHAGS PA DAG GCIG PA NYID NI LHAN CIG NYID MA YIN TE, LTOS PA DANG BCAS PA'I PHYIR DPER NA @98B 'DOD CHAGS KYI RANG GI BDAG NYID BZHIN NO, ,'DI LA GZHAN DAG NI GAL TE RE ZHIG 'DOD CHAGS DANG CHAGS PA DAG GCIG PA NYID YIN YANG LHAN CIG NYID DU 'GYUR NA NI DE LTA NA GROGS MED PAR YANG LHAN CIG NYID DU 'GYUR RO, ,JI LTA ZHE NA, 'DI LA GCIG NI GCIG PU LA SNYEGS TE, DE NA BA LANG GCIG DANG, RTA GCIG CES BYA BA'I GCIG NYID NI, BA LANG LA YANG SNYEGS RTA LA YANG SNYEGS PAS GANG DANG GANG NA GCIG PA NYID YOD PA DE DANG DE NA LHAN CIG NYID YOD CING, BA LANG GCIG PU NYID DANG RTA CIG PU NYID LA GROGS MED PAR YANG LHAN CIG NYID YOD PAR THAL BAR 'GYUR TE, DE LTAR NA LHAN CIG NYID DU BRTAG PA DON MED PAR 'GYUR RO ZHES ZER RO, ,KHA CIG NA RE DE NI RIGS PA MA YIN TE, GLAGS YOD PA SGRUB PA DANG, SUN 'BYIN PA'I KHONGS SU MA GTOGS PA'I PHYIR DANG, DE DAG SMRA BAR 'DOD PAS DE DAG NYID BRJOD PAR BYA BA YIN NA DE DAG MA BRJOD PA'I PHYIR RO ZHES ZER RO, ,DE BZHIN DU, GAL TE THA DAD LHAN CIG NA, ,GROGS MED PAR YANG DER 'GYUR RO, ,'DOD CHAGS DANG CHAGS PA DAG LHAN CIG NYID DU ZHES BYA BA'I SKABS YIN NO, ,'DOD CHAGS DANG CHAGS PA GROGS MED PAR LHAN CIG NYID DU MI 'DOD DE, 'DIS KYANG 'DOD CHAGS DANG CHAGS PA DAG GI LHAN CIG NYID DGAG PAR BYA BA'I CHOS LTOS PA DANG BCAS PA NYID KYANG BSTAN TO, ,DE'I PHYIR RJES SU DPAG PA NI DON DAM PAR 'DOD CHAGS DANG CHAGS PA DAG THA DAD PA NYID LA LHAN CIG NYID YOD PAR MI 'DOD DE, LTOS PA DANG BCAS PA'I PHYIR DPER NA RGYU DANG 'BRAS BU DAG BZHIN NO, ,'DI LA YANG GZHAN DAG NI JI STE YANG THA DAD PA NYID YIN YANG LHAN CIG NYID DU 'GYUR NA NI, DE LTA NA YANG GROGS MED PAR YANG LHAN CIG NYID DU 'GYUR RO, ,JI LTA ZHE NA, 'DI LA BA LANG LAS KYANG RTA THA DAD LA, RTA LAS KYANG BA LANG THA DAD PAS, GANG DANG GANG NA THA DAD PA NYID YOD PA DE DANG DE NA LHAN CIG NYID YOD CING, BA LANG THA DAD PA NYID DANG RTA THA DAD PA NYID LA GROGS MED PAR YANG LHAN CIG NYID YOD PAR THAL BAR 'GYUR TE, DE LTA NA YANG LHAN CIG NYID DU RTOG PA DON MED PAR 'GYUR RO ZHES ZER RO, ,KHA CIG NA RE, DE YANG RIGS PA MA YIN TE, SNGAR LAN BTAB PA BZHIN NO ZHES ZER RO, ,YANG GZHAN YANG, GAL TE THA DAD LHAN CIG NA, ,'DOD CHAGS CHAGS PA CI ZHIG YIN, ,LHAN CIG NYID @99A *, ,KYIS SO, ,DE NI DE DAG LA LHAN CIG NYID MED DE, THA DAD PA'I PHYIR DPER NA 'DOD CHAGS DANG 'DOD CHAGS DANG BRAL BA DAG BZHIN PAS RJES SU DPAG PA'I GNOD PAR 'GYUR RO ZHES BSTAN ZIN TO, ,YANG BSHAD PA, THA DAD NYID DU 'GRUB GYUR NA, ,THA DAD NYID DU ZHES BYA BA NI, PHAN TSUN MI LTOS PA NYID DU'O, ,NYID DU ZHES BYA BA NI BDAG NYID THOB PAR RO, ,DES NA DES GNYIS LHAN CIG 'GYUR, ,KHYOD KYI BLO GROS KYIS, GAL TE 'DOD CHAGS CHAGS PA DAG ,THA DAD NYID DU 'GRUB GYUR NA, ,DE GNYIS LHAN CIG NYID DU NI, ,CI YI PHYIR NA YONGS SU RTOG ,'DOD CHAGS DANG CHAGS PA DE GNYIS ZHES BYA BAR SNYEGS SO, ,CI STE, CHAGS PA 'DI'I 'DOD CHAGS NI 'DI'O, ,'DOD CHAGS 'DIS NI 'DI CHAGS PAR GYUR TO ZHES LTOS PA'I MTSAN NYID KYI DGOS PA YOD DO ZHE NA, DES NI 'DOD CHAGS DANG, CHAGS PA DAG THA DAD PA NYID DGAG PA'I GTAN TSIGS LTOS PA DANG BCAS PA'I PHYIR ZHES BSTAN PA DE LA ZHE 'GRAS PA'I BLOS KYANG DON MA GRUB PA NYID DU BRTAG PAR MI NUS SO, ,GZHAN YANG KHO BOS, GAL TE 'DOD CHAGS SNGA ROL NA, ,'DOD CHAGS MED PA'I CHAGS YOD NA, ,ZHES BYA BA LA SOGS PAS 'DOD CHAGS DANG CHAGS PA DAG LA THA DAD PA NYID MI SRID PAR BSTAN PA DANG, KHYOD KYIS 'DOD CHAGS DANG CHAGS PA DAG RAB TU SGRUB PA'I PHYIR DE GNYIS LHAN CIG LA BRTEN TO, ,DE LA YANG KHO BOS, 'DOD CHAGS DANG NI CHAGS PA DAG ,LHAN CIG NYID DU SKYE MI RIGS, ,ZHES BYA BA LA SOGS PAS BKAG STE, LHAN CIG NYID DE YANG LTOS PA DANG BCAS PA'I PHYIR MI 'DOD PAS, GCIG NYID LHAN CIG NYID MED DE, ,DE NYID DE DANG LHAN CIG MIN, ,ZHES BYA BAS GCIG NYID YIN PA'I PHYIR LHAN CIG NYID BKAG PA DANG, YANG KHYOD KYIS DE RAB TU BSGRUB PA'I PHYIR THA DAD PA NYID DU KHAS MA BLANGS PAS, THA DAD GRUB PAR MA GYUR PAS, ,DE PHYIR LHAN CIG 'DOD BYED DAM, ,LHAN CIG RAB TU BSGRUB PA'I PHYIR, ,THA DAD NYID DU YANG 'DOD DAM, ,GANG GI TSE, THA DAD DNGOS PO MA GRUB PAS, ,LHAN CIG DNGOS PO 'GRUB MI 'GYUR, ,DE'I TSE TSE DANG LDAN PA, THA DAD DNGOS PO GANG ZHIG LA, ,LHAN CIG DNGOS PO 'DOD PAR BYED, ,DE JI SMROS SHIG ,CI RIM GYIS SKYE BA'I THA DAD PA NYID GANG YIN PA LA'AM, 'ON TE @99B LHAN CIG SKYE BA'I THA DAD PA NYID GANG YIN PA LA, LHAN CIG GI DNGOS POR 'DOD PAR BYED, DE LA GAL TE RIM GYIS SKYE BA'I THA DAD PA NYID LA ZHES BYA BAR NI MI 'THAD DE, DE NI THA DAD PA'I PHYIR DPER NA, 'DOD CHAGS DANG 'DOD CHAGS BRAL BA DAG BZHIN NO ZHES SNGAR BSTAN ZIN TO, ,'ON TE LHAN CIG SKYE BA'I THA DAD PA NYID LA'O ZHE NA, DE YANG LTOS PA DANG BCAS PA'I PHYIR, DPER NA RGYU DANG 'BRAS BU DAG BZHIN NO ZHES SNGAR BSTAN ZIN TO, ,GANG GI PHYIR DE LTAR 'DOD CHAGS DANG CHAGS PA DAG LHAN CIG NYID DANG LHAN CIG NYID MA YIN PA GRUB PA MED PA DE'I PHYIR, MJUG BSDU BAR BYA STE, DE LTAR 'DOD CHAGS CHAGS PA DANG, ,LHAN CIG LHAN CIG MIN MI 'GRUB, ,DPYAD PA SNGAR BSTAN PA BZHIN DU SBYAR TE MJUG BSDU BA'O, ,JI LTAR BSTAN PA'I TSUL BZHIN DU CHOS THAMS CAD KYANG LHAN CIG NYID DANG LHAN CIG NYID MA YIN PAR 'GRUB PA MED PAR NGES PAR BZUNG STE, 'DRA BAR BSTAN PA'I PHYIR, 'DOD CHAGS BZHIN DU CHOS RNAMS KUN, ,LHAN CIG LHAN CIG MIN MI 'GYUR, ,'DOD CHAGS BZHIN DU ZHE SDANG DANG GTI MUG LA SOGS PA PHYI DANG NANG GI CHOS THAMS CAD KYANG LHAN CIG NYID DANG LHAN CIG NYID MA YIN PAR 'GRUB PA MED DO, ,DE'I PHYIR DE LTAR DON DAM PAR 'DOD CHAGS LA SOGS PA MA GRUB PAS PHA ROL PO DAG GIS RAB TU BYED PA'I DANG POR DE DAG LA BRTEN NAS KUN NAS NYON MONGS PA DANG NYES DMIGS BSTAN PA'I PHYIR ZHES GANG SMRAS PA'I GTAN TSIGS DE'I DON MA GRUB PA NYID DO, ,KUN RDZOB TU 'DIR GTAN TSIGS NYID BRJOD NA NI DON 'GAL BA NYID DO, ,DE LA 'DIR RAB TU BYED PA'I DON NI PHA ROL POS SMRAS PA'I GTAN TSIGS KYI SKYON BRJOD PAS 'DOD CHAGS DANG CHAGS PA LA SOGS PA DAG NGO BO NYID MED PA NYID DU BSTAN PA YIN NO, ,DE'I PHYIR 'JAM DPAL 'DOD CHAGS MED DO, ,'DOD CHAGS SU GDAGS PA MED DO, ,ZHE SDANG MED DO, ,ZHE SDANG DU GDAGS PA MED DO, ,GTI MUG MED DO, ,GTI MUG TU GDAGS PA MED DO, ,'DOD CHAGS NI BYANG CHUB BO, ,ZHE SDANG NI BYANG CHUB BO, ,GTI MUG NI BYANG CHUB BO, ,JI LTAR YANG DAG PAR ZHUGS PA YIN ZHE NA, GANG GI TSE NA 'DOD CHAGS ZAD PAR BYA BA'I PHYIR MA ZHUGS, ZHE SDANG ZAD PAR BYA BA'I PHYIR MA ZHUGS, GTI MUG ZAD PAR BYA BA'I PHYIR MA ZHUGS PA DE'I TSE NA YANG DAG PAR @100A *, ,ZHUGS PA YIN NO, ,'DAS PA'I SEMS NI CHAGS PAR MI BYED, MA 'ONGS PA'I SEMS KYANG CHAGS PAR MI BYED DE, 'DAS ZIN PA'I PHYIR DANG, MA 'ONGS PA'I PHYIR RO, ,DA LTAR GYI SEMS KYANG CHAGS PAR MI BYED DE, DA LTAR NI GNAS PA MED PA'I PHYIR RO ZHES BYA BA LA SOGS PA DANG, DE BZHIN DU RAB KYI RTZAL GYIS RNAM PAR GNON PA GZUGS NI 'DOD CHAGS KYI CHOS CAN NAM, 'DOD CHAGS DANG BRAL BA'I CHOS CAN MA YIN NO, ,TSOR BA DANG, 'DU SHES DANG, 'DU BYED RNAMS DANG, RNAM PAR SHES PA YANG 'DOD CHAGS KYI CHOS CAN NAM, 'DOD CHAGS DANG BRAL BA'I CHOS CAN MA YIN NO, ,GZUGS 'DOD CHAGS KYI CHOS NYID MA YIN PA DANG, 'DOD CHAGS DANG BRAL BA'I CHOS NYID MA YIN PA, GANG YIN PA DE NI SHES RAB KYI PHA ROL TU PHYIN PA'O, ,TSOR BA DANG, 'DU SHES DANG, 'DU BYED RNAMS DANG, RNAM PAR SHES PA 'DOD CHAGS KYI CHOS NYID MA YIN PA DANG, 'DOD CHAGS DANG BRAL BA'I CHOS NYID MA YIN PA GANG YIN PA DE NI SHES RAB KYI PHA ROL TU PHYIN PA'O, ,GZUGS NI ZHE SDANG GI CHOS CAN NAM, ZHE SDANG DANG BRAL BA'I CHOS CAN MA YIN NO, ,TSOR BA DANG, 'DU SHES DANG, 'DU BYED RNAMS DANG, RNAM PAR SHES PA YANG ZHE SDANG GI CHOS CAN NAM, ZHE SDANG DANG BRAL BA'I CHOS CAN MA YIN NO, ,GZUGS ZHE SDANG GI CHOS NYID MA YIN PA DANG, ZHE SDANG DANG BRAL BA'I CHOS NYID MA YIN PA GANG YIN PA DE NI SHES RAB KYI PHA ROL TU PHYIN PA'O, ,TSOR BA DANG, 'DU SHES DANG, 'DU BYED RNAMS DANG, RNAM PAR SHES PA YANG ZHE SDANG GI CHOS NYID MA YIN PA DANG, ZHE SDANG DANG BRAL BA'I CHOS NYID MA YIN PA GANG YIN PA DE NI SHES RAB KYI PHA ROL TU PHYIN PA'O, ,GZUGS NI GTI MUG GI CHOS CAN NAM, GTI MUG DANG BRAL BA'I CHOS CAN MA YIN NO, ,TSOR BA DANG, 'DU SHES DANG, 'DU BYED RNAMS DANG, RNAM PAR SHES PA YANG GTI MUG GI CHOS CAN NAM, GTI MUG DANG BRAL BA'I CHOS CAN MA YIN NO, ,GZUGS NI GTI MUG GI CHOS NYID MA YIN PA DANG, GTI MUG DANG BRAL BA'I CHOS NYID MA YIN PA GANG YIN PA DE NI SHES RAB KYI PHA ROL TU PHYIN PA'O, ,TSOR BA DANG, 'DU SHES DANG, 'DU BYED RNAMS DANG, RNAM PAR SHES PA GTI MUG GI CHOS NYID MA YIN PA DANG, GTI MUG DANG BRAL BA'I CHOS NYID MA @100B YIN PA GANG YIN PA DE NI SHES RAB KYI PHA ROL TU PHYIN PA'O, ,RAB KYI RTZAL GYIS RNAM PAR GNON PA, GZUGS NI KUN NAS NYON MONGS PAR 'GYUR BA'AM, RNAM PAR BYANG BAR 'GYUR BA MA YIN NO, ,TSOR BA DANG, 'DU SHES DANG, 'DU BYED RNAMS DANG, RNAM PAR SHES PA YANG KUN NAS NYON MONGS PAR 'GYUR PA'AM, RNAM PAR BYANG BAR 'GYUR BA MA YIN NO, ,GZUGS KUN NAS NYON MONGS PA DANG, RNAM PAR BYANG BAR MI 'GYUR BA GANG YIN PA DE NI SHES RAB KYI PHA ROL TU PHYIN PA'O, ,TSOR BA DANG, 'DU SHES DANG, 'DU BYED RNAMS DANG, RNAM PAR SHES PA KUN NAS NYON MONGS PA DANG, RNAM PAR BYANG BAR MI 'GYUR BA GANG YIN PA DE NI SHES RAB KYI PHA ROL TU PHYIN PA'O ZHES BYA BA LA SOGS PA GSUNGS PA DE DAG GRUB PA YIN NO, ,SLOB DPON LEGS LDAN BYED KYIS NYE BAR SBYAR BA, DBU MA'I RTZA BA'I 'GREL PA SHES RAB SGRON MA LAS, 'DOD CHAGS DANG CHAGS PA BRTAG PA ZHES BYA BA STE, RAB TU BYED PA DRUG PA'O,, ,, DA NI STONG PA NYID KYI MI MTHUN PA'I PHYOGS KYI KHYAD PAR DGAG PAS PHUNG PO LA SOGS PA DAG NGO BO NYID MED PA NYID DU BSTAN PA'I DON GYI DBANG GIS RAB TU BYED PA BDUN PA BRTZAM MO, ,'DIR SMRAS PA, DON DAM PAR 'DUS BYAS PHUNG PO DANG, KHAMS DANG SKYE MCHED DAG LA 'DUS BYAS KYI NGO BO NYID DAG YOD PA KHO NAR GZUNG BAR BYA STE, SKYE BA LA SOGS PA 'DUS BYAS KYI MTSAN NYID DAG DANG LDAN PA'I PHYIR RO, ,'DI NA GANG MED PA DE LA NI 'DUS BYAS KYI MTSAN NYID DANG LDAN PAR MI BZUNG STE, DPER NA RI BONG GI RVA BZHIN NO, ,PHUNG PO LA SOGS PA DAG LA NI SKYE BA LA SOGS PA 'DUS BYAS KYI MTSAN NYID DAG DANG LDAN PA YOD PAS DE'I PHYIR, GTAN TSIGS KYI MTHU JI SKAD SMOS PAS, BLO GROS KYI 'DU BYED BSKYED PA DAG NI 'DUS BYAS KYI PHUNG PO LA SOGS PA DAG LA 'DUS BYAS KYI NGO BO NYID DAG YOD PA KHO NAR SMRA'O, ,'DIR BSHAD PA, 'DI LA KHYED SKYE BA LA SOGS PA 'DUS BYAS KYI MTSAN NYID NYID DU 'DOD PA DE DAG CI 'DUS BYAS DAG YIN NAM; 'ON TE 'DUS MA BYAS DAG YIN, GAL TE DE DAG 'DUS BYAS DAG YIN NO ZHE NA, DE LA RE ZHIG SKYE BA'I DBANG DU BYAS TE BSHAD PA, GAL TE SKYE BA 'DUS BYAS NA, ,DE LA MTSAN NYID GSUM LDAN 'GYUR, ,MTSAN NYID GSUM DANG LDAN PAR 'GYUR BA NI, MTSAN NYID GSUM PO DAG TSOGS PAR 'GRUB @101A *, ,PA STE, CHAD PA GSUM DANG LDAN PA BZHIN NO, ,DE'I PHYIR DON DAM PAR SKYE BA LA SOGS PA LA, 'DUS BYAS NYID NI 'DUS BYAS KYI MTSAN NYID YIN PAR MI 'DOD DE, 'DUS BYAS YIN PA'I PHYIR DPER NA MTSAN NYID KYI GZHI BZHIN NO, ,GAL TE MTSAN NYID KYI GZHI YANG MTSAN NYID KYI GZHI GZHAN MTSON PAR BYED PA'I MTSAN NYID YIN PA'I PHYIR MA NGES PA NYID DO ZHE NA, MTSAN NYID KYI GZHI NI MTSAN NYID KYI GZHI GZHAN LA, 'DUS BYAS NYID DU MTSON PAR BYED PA NYID MA YIN PA'I PHYIR, MI MTHUN PA'I PHYOGS MED PAS MA NGES PA NYID MA YIN NO, ,GAL TE SKYE BA LA SOGS PA DAG 'DUS BYAS NYID YIN DU ZIN NA, YANG SKYED PAR BYED PA DANG, GNAS PAR BYED PA DANG, 'JIG PAR BYED PA'I PHYIR 'DUS BYAS KYI MTSAN NYID NYID YIN NO ZHE NA, DE NI RJES SU 'GRO BA MED PA'I PHYIR DAM BCAS PA TZAM DU ZAD DO, ,SKYE BA NI SKYE BA YIN LA GNAS PA NI GNAS PA YIN, 'JIG PA NI 'JIG PA YIN PA LAS SKYE BA LA SOGS PA DAG GI BYA BA NYID LA SKUR PA BTAB STE, DE DAG BYED PA PO NYID DU KHAS BLANGS PA'I PHYIR RO, ,THA SNYAD DU YANG BYED PA PO NYID YIN NA SKYE BA NI 'DUS BYAS KYI MTSAN NYID MA YIN TE, SKYED PAR BYED PA YIN PA'I PHYIR, DPER NA, PHA BU'I MTSAN NYID MA YIN PA BZHIN NO, ,DE BZHIN DU GNAS PA YANG 'DUS BYAS KYI MTSAN NYID MA YIN TE, GNAS PAR BYED PA YIN PA'I PHYIR DPER NA, ZAS LUS GNAS PAR BYED PA YIN PA'I PHYIR, LUS KYI MTSAN NYID MA YIN PA BZHIN NAM, BRAN MO BUM PA THOGS PA BUM PA 'JOG PAR BYED PA YIN PA'I PHYIR, BUM PA'I MTSAN MA YIN PA BZHIN NO, ,DE BZHIN DU 'JIG PA YANG 'DUS BYAS KYI MTSAN NYID MA YIN TE, 'JIG PAR BYED PA YIN PA'I PHYIR DPER NA, THO BA 'JOMS PAR BYED PA YIN PA'I PHYIR BUM PA'I MTSAN NYID MA YIN PA BZHIN NO, ,DE'I PHYIR DE LTAR SKYE BA LA SOGS PA DAG 'DUS BYAS KYI MTSAN NYID NYID YIN PAR MA GRUB PA'I PHYIR, GTAN TSIGS KYI DON MA GRUB PA NYID MNGON 'GAL BA NYID YIN NO, ,DE LTA BAS NA JI SKAD SMOS PA'I SKYON YONGS SU SPANG BAR 'DOD PAS SKYE BA 'DUS BYAS YIN NO ZHES BYA BA DE LTAR SHES PAR MI BYA'O, ,DE LTAR RE ZHIG SKYE BA 'DUS BYAS YIN NA 'DUS MA BYAS KYI MTSAN NYID DU MI 'THAD PA'I SKYON BSTAN ZIN TO, ,JI SKAD SMOS PA'I SKYON YONGS SU SPANG BAR @101B 'DOD PAS, CI STE SKYE BA 'DUS MA BYAS ZHES BYA BAR 'DOD NA, JI LTAR 'DUS BYAS MTSAN NYID YIN, ,SKYE BA LA 'DUS BYAS KYI MTSAN NYID MED DE, 'DUS MA BYAS NA RANG NYID YOD PA MA YIN PA'I PHYIR RO ZHES BYA BAR DGONGS SO, ,YANG NA 'DUS MA BYAS KYI CHOS NI 'DUS MA BYAS KYI CHOS NYID YIN PAS, DON DAM PAR SKYE BA 'DUS MA BYAS KYI MTSAN NYID DU 'GYUR BAR 'OS PA MA YIN TE, 'DUS MA BYAS YIN PA'I PHYIR DPER NA NAM MKHA' BZHIN PAS RANG GI RJES SU DPAG PA LA GNOD DO, ,SKYE BA NI MTSAN NYID KYI SGRA'I TSUL NYE BAR BZUNG BA'I PHYIR, GNAS PA DANG, 'JIG PA GNYIS KYANG NYE BAR BLANGS PA YIN TE, 'DUS BYAS KYI MTSAN NYID DU SMRA BAR 'DOD PA'I PHYIR RO, ,DE GNYIS KYANG DE BZHIN DU DGAG PA YIN PAS YANG DE GNYIS DGAG PA BRJOD MI DGOS SO, ,YANG GZHAN YANG 'DI LA SKYE BA LA SOGS PA 'DI DAG 'DUS BYAS KYI MTSAN NYID DU BRTAG PAR BYA NA DE DAG SO SO 'AM, 'DUS PA LA BRTAG GRANG NA, DE LA RE ZHIG ,SKYE LA SOGS GSUM SO SO YIS, ,'DUS BYAS MTSAN NYID BYA BAR NI, ,NUS MIN, SKYE BA LA SOGS PA GSUM PO DAG SO SO NI 'DUS BYAS KYI MTSAN NYID BYA BAR MI NUS TE, 'DI LTAR LKOG SHAL LA SOGS PA MTSAN NYID 'DUS PA DAG GIS MTSAN NYID KYI GZHI MTSON PAR NUS PA'I PHYIR RO ZHES BYA BAR DGONGS SO, ,SKYE BA LA SOGS PA DAG RIM GYIS 'BYUNG BA NYID DU KHAS LEN NA YANG 'DI LTAR DNGOS PO MA SKYES PA LA NI, SKYE BA DANG GNAS PA DANG 'JIG PA DAG MED PAS 'DUS BYAS KYI MTSAN NYID BYA BA'I MTHU MED DO, ,'GAGS PA LA YANG MTSAN NYID KYI GZHI MED PA'I PHYIR, SKYE BA DANG GNAS PA DANG, 'JIG PA DAG MED PAS 'DUS BYAS KYI MTSAN NYID BYA BA'I MTHU MED DO, ,SKYES PA LA NI SKYE BA MED PA'I PHYIR RO, ,GNAS PA LA NI 'GAG PA MI SRID PA'I PHYIR RO, ,GNAS PA NI MI RTAG PA NYID DANG RJES SU 'BREL PA'I PHYIR TE, DE LTAR YANG, GNAS MED DNGOS PO GA LA YOD, ,MI RTAG PAS NA GA LA GNAS, ,GAL TE DANG POR GNAS GYUR NA, ,THA MAR RNYINGS PAR MI 'GYUR RO, ,GAL TE KHOR ZUG MI RTAG YOD, ,KHOR ZUG GNAS PAR MI 'GYUR RO, ,YANG NA RTAG PAR GYUR PA LAS, ,PHYIS NI MI RTAG PAR YANG 'GYUR, ,GAL TE DNGOS PO MI RTAG DANG, ,LHAN CIG GNAS PA YOD GYUR NA, ,MI RTAG LOG PAR 'GYUR BA @102A *, ,'AM; ,YANG NA GNAS PA BRDZUN PAR 'GYUR, ,ZHES GSUNGS PA YIN NO, ,JI STE SKYE BA LA SOGS PA DAG 'DUS PA 'DUS BYAS KYI MTSAN NYID NYID DU 'DOD NA, DE LTA NA YANG, 'DUS PA YIN NA YANG, GCIG LA DUS GCIG JI LTAR RUNG, ,DE DAG 'DUS PA 'DUS BYAS KYI DNGOS PO GCIG LA DUS GCIG NA MED DO ZHES BYA BA'I TSIG GI DON TO, ,GAL TE DE JI LTAR NGES PAR GZUNG BAR BYA ZHE NA, 'DI LTAR, SKYES PA DANG GNAS PA DANG, ZHIGS PA SHIN TU MI MTHUN PA NYID DAG DNGOS PO GANG YANG RUNG BA CIG LA DUS GCIG TU 'BYUNG BA NI SEMS BDE BAR GNAS PA DAG GIS BRTAG PAR MI RIGS PA'I PHYIR RO, ,MDO SDE PA DAG GIS SMRAS PA, RGYU DANG RKYEN SO SOR NGES PA'I MTHU LAS BYUNG BA'I RGYUD LA DUS GCIG KHO NAR DNGOS PO SKYE BAR 'DOD PA MA BYUNG BA LAS 'BYUNG BA GANG YIN PA DE NI SKYE BA YIN LA, SKAD CIG MA SNGA MA SNGA MA'I RGYUD KYIS NGES PAR GNAS PA NI GNAS PA YIN, SKAD CIG MA SNGA MA DANG MTSAN NYID MI 'DRA BA NYID NI RGA BA YIN, BYUNG NAS BRAL BA NI 'JIG PA YIN PAS DE LTAR LTOS PA NGES PAS SKYE BA LA SOGS PA DAG 'DUS PA'I MTSAN NYID, SKAD CIG MA GCIG LA DUS GCIG NA YOD PAS SGRUB PA DE KHO BO CAG LA MI GNOD DO, ,DE LTAR YONGS SU RTOG NA YANG RGYUD RDZAS SU MED PA'I PHYIR DANG, LTOS PAS SKYE BA DANG GNAS PA LA SOGS PA RNAM PAR RTOG PA'I PHYIR MTSAN NYID GSUM PO DAG THA SNYAD PA YIN GYI, DON DAM PA MA YIN NO, ,GNAS PA'I DUS NA YANG DE DANG MI MTHUN PA 'JIG PA MED PA'I PHYIR, DE YANG SKYON SNGAR BSTAN PA LAS, 'DA' BAR MI 'GYUR RO, ,BYE BRAG TU SMRA BA DAG NA RE, DNGOS PO SNGON MA BYUNG BA LAS BDAG NYID THOB PA NI SKYE BA YIN LA, SKYES PA GNAS PA NI GNAS PA YIN, GNAS PA RNYINGS PA NYID NI RGA BA YIN, RGAS PA 'GAGS PA NI 'JIG PA YIN PAS, SKYE BA LA SOGS PA DAG RIM GYIS 'BYUNG BA NYID 'DUS BYAS NYID LA 'KHRUL PA MED PA'I PHYIR, DE DAG MTSAN NYID NYID 'GRUB PAS, SKYE LA SOGS GSUM SO SO YIS, ,'DUS BYAS MTSAN NYID BYA BAR NI, ,NUS MIN ZHES SMRAS PA NI RIGS PA MA YIN NO ZHES ZER RO, ,DE NI RIGS PA MA YIN TE, 'DI LTAR MTSAN NYID CAS BYA BA NI MTSAN NYID KYI GZHI GANG YIN PA LA NAM YANG 'KHRUL PAR MI 'GYUR TE, DPER NA SRA BA NYID SA LA @102B 'KHRUL PAR MI 'GYUR BA DANG, SKYES BU CHAN PO'I MTSAN DAG SKYES BU CHEN PO LA 'KHRUL PAR MI 'GYUR BA LTA BU YIN PA'I PHYIR RO, ,DON DAM PAR SKYE BA LA SOGS PA DAG NI DNGOS PO RNAMS KYI 'DUS BYAS KYI MTSAN NYID YIN PAR MI RUNG STE, RIM GYIS 'BYUNG PA'I PHYIR, DPER NA 'JIM PA DANG, GONG BU DANG; SMAD [?] PA DANG, GLEGS PA DANG, BCUM PA'I GNAS SKABS KYI KHYAD PAR DAG BUM PA'I 'DUS BYAS KYI MTSAN NYID MA YIN PA BZHIN NO, ,SKYE BA LA SOGS PA DAG NI 'KHRUL PA MED DE, 'DUS MA BYAS LA DE DAG MED PA'I PHYIR RO ZHE NA, NYE BAR BRTAGS PA YIN GYI, DON DAM PAR YOD PA NI MA YIN TE, SKYE BA BKAG PA'I PHYIR DANG, MA SKYES PA LA GNAS PA DANG, 'JIG PA MED PA'I PHYIR RO, ,SKYE BA'I DUS NA YANG GNAS PA MED PA DANG, 'JIG PA MED PA'I BDAG NYID NI DE DAG GI BDAG NYID MA YIN PAS, DE DAG DANG MI LDAN PA'I PHYIR RO, ,PHYIS 'BYUNG BA'I TSUL GYIS DE DAG GI BDAG NYID CAN NYID DU RTOG NA YANG THA SNYAD TZAM DU ZAD PAS JI SKAD BSTAN PA'I SKYON LDOG PA MED DO, ,DE'I PHYIR DE LTAR SKYE BA LA SOGS PA DAG SO SO DANG 'DUS PA 'DUS BYAS KYI MTSAN NYID NYID DU MA GRUB PA'I PHYIR GTAN TSIGS KYI SKYON DE NYID MA LOG GO, ,YANG GZHAN YANG, SKYE DANG GNAS DANG 'JIG RNAMS LA, ,'DUS BYAS MTSAN NYID GZHAN ZHIG NI, ,GAL TE YOD NA THUG PA MED, ,DE LA YANG GZHAN ZHIG YOD CING, ,DE LA YANG GZHAN ZHIG YOD DE, THUG PA MED PAR 'GYUR BAS DE NI MI 'DOD DE, SKYE BA LA SOGS PA DAG ,SKYE BA LA SOGS PA DANG LDAN PAR 'DOD PAR MI BYA'O, ,CI STE DE LTAR GYUS CIG CES ZER NA DE LA YANG DE NYID BZLAS PAR BYA STE, MED NA DE DAG 'DUS BYAS MIN, ,CI STE SKYE BA LA SOGS PA DAG 'DUS BYAS NYID YIN PAR YANG 'DOD LA, THUG PA MED PA NYID DU YANG MI 'GYUR TE, SKYE BA LA SOGS PA DAG GIS 'DUS BYAS NYID DU MTSON PAR BYED PA NI 'DUS BYAS KYI MTSAN NYID DE, DPER NA BKRA SHIS PA DANG, BKRA MI SHIS PA'I MTSAN NYID BZHIN DU 'DUS BYAS KYI MTSAN NYID GZHAN MED PAS THUG PA DANG, GNAS PA DANG MU THUG STE, MED PAR YANG MI 'GYUR RO ZHE NA, DE NI SNGAR JI LTAR DON DAM PAR SKYE BA LA SOGS PA 'DUS BYAS NYID NI 'DUS BYAS KYI MTSAN NYID YIN PAR MI 'DOD DE, 'DUS BYAS YIN PA'I @103A *, ,PHYIR DPER NA MTSAN NYID KYI GZHI BZHIN NO ZHES BSTAN PA DE BZHIN DU SKYE BA LA SOGS PA DAG KYANG DE DANG 'DRA BAS DE'I PHYIR DON DAM PAR SKYE BA LA SOGS PA DAG 'DUS BYAS YIN PAR 'DOD PAR MI BYA'O, ,SKYE BA LA SOGS PA DAG 'DUS BYAS YIN NA YANG 'DUS BYAS KYI MTSAN NYID NYID DU MI RUNG STE, 'DI LTAR DE'I LAN KYANG 'DIR MED NA DE DAG 'DUS BYAS MIN ZHES BYA BAS BTAB ZIN TO, ,DE'I PHYIR YANG JI SKAD BSTAN PA'I SKYON LDOG PA MED DO, ,'DIR GNAS MA'I BU'I SDE PA DAG GIS SMRAS PA, SKYE BA DANG, GNAS PA DANG, 'JIG PA DAG 'DUS BYAS KYANG YIN LA, THUG PA MED PAR YANG THAL BAR MI 'GYUR TE, GAL TE JI LTA ZHE NA, GANG GI PHYIR 'DI LA CHOS NI BDAG NYID DANG BCO LNGA SKYE STE, CHOS DE DANG DE'I SKYE BA DANG, DE'I GNAS PA DANG, DE'I 'JIG PA DANG, DE'I LDAN PA DANG, DE'I GNAS PA LAS GZHAN DU GYUR PA NYID DANG, 'DIR GAL TE CHOS DE DKAR PO YIN NA, DE'I YANG DAG PA'I RNAM PAR GROL BA'AM, CI STE NAG PO YIN NA LOG PA'I RNAM PAR GROL BA DANG, GAL TE CHOS DE NGES PAR 'BYUNG BA YIN NA DE'I NGES PAR 'BYUNG BA NYID DAM, CI STE NGES PAR 'BYUNG BA MA YIN NA NGES PAR 'BYUNG BA MA YIN PA NYID SKYE STE, DE DAG NI 'KHOR ZHES BYA'O, ,DE NI SKYE BA'I SKYE BA DANG, GNAS PA'I GNAS PA DANG, 'JIG PA'I 'JIG PA DANG, LDAN PA'I LDAN PA DANG, GNAS PA LAS GNAS GZHAN DU 'GYUR BA NYID KYI GNAS PA LAS GZHAN DU 'GYUR BA NYID DANG, YANG DAG PA'I RNAM PAR GROL BA'I YANG DAG PA'I RNAM PAR GROL BA'AM, LOG PA'I RNAM PAR GROL BA'I LOG PA'I RNAM PAR GROL BA DANG, NGES PAR 'BYUNG BA NYID KYI NGES PAR 'BYUNG BA NYID DAM, NGES PAR 'BYUNG BA MA YIN PA NYID KYI NGES PAR 'BYUNG BA MA YIN PA NYID KYANG SKYE STE, DE DAG NI 'KHOR GYI 'KHOR ZHES BYA STE, DE LTAR CHOS BDAG NYID DANG BCO LNGA SKYE'O, ,DE LA RTZA BA'I SKYE BAS NI BDAG NYID MA GTOGS PAR CHOS BCU BZHI SKYED PAR BYED DO, ,SKYE BA'I SKYE BA SKYE BA'I SKYE BA 'BA' ZHIG SKYED PAR BYED DO, ,GNAS PA LA SOGS PA DAG KYANG DE BZHIN PAS THUG PA MED PAR THAL BAR MI 'GYUR RO, ,PHYOGS SNGA MA DE'I TSIG LE'UR BYAS PA NI, SKYE BA'I SKYE BAS RTZA BA YI, ,SKYE BA 'BA' ZHIG SKYED PAR BYED, ,RTZA BA'I @103B SKYE BAS SKYE BA YI, ,SKYE BA SKYED PAR BYED PAS NA, ,ZHES BYA BA STE, SKYE BA'I SKYE BAS NI SKYE BA 'BA' ZHIG SKYED PAR BYED KYI, GZHAN SKYED PAR MI BYED DO, ,RTZA BA'I SKYE BAS NI SKYE BA'I SKYE BA SKYED PAR BYED PA YIN NO, ,'DIR BSHAD PA, DE NI MANG PO YANG YIN DE NI SNA TSOGS KYANG YIN MOD KYI, DE DE LTA NI MA YIN TE, GAL TE KHYOD KYI SKYE BA'I SKYES, ,RTZA BA'I SKYE BA SKYED BYED PA, ,KHYOD KYI RTZA BAS MA BSKYED DE, ,DE NI JI LTAR SKYED PAR BYED, ,GAL TE KHYOD KYI SKYE BA'I SKYE BAS RTZA BA'I SKYE BA SKYED PAR BYED NA, KHYOD KYI RTZA BA'I SKYE BAS MA BSKYED PA'I SKYE BA'I SKYE BA DES RTZA BA'I SKYE BA DE JI LTAR SKYED PAR BYED, SKYED PAR MI BYED PA NYID DE, MA SKYES PA'I PHYIR SNGON BZHIN NO ZHES BYA BAR DGONGS SO, ,GAL TE RTZA BA'I SKYE BAS BSKYED PA KHO NA'I SKYE BA'I SKYE BAS RTZA BA'I SKYE BA SKYED PAR BYED DO ZHE NA, 'DIR BSHAD PA, GAL TE KHYOD KYI RTZA BA YIS, ,BSKYED PA DE YIS RTZA SKYED NA, ,DES MA BSKYED PA'I RTZA BA DES, ,DE NI JI LTAR SKYED PAR BYED, , GAL TE KHYOD KYI RTZA BA'I SKYE BAS BSKYED PA'I SKYE BA'I SKYE BA DES RTZA BA'I SKYE BA DE SKYED PAR BYED NA, SKYE BA'I SKYE BA DES MA BSKYED PA'I RTZA BA'I SKYE BA DES SKYE BA'I SKYE BA DE JI LTAR SKYED BAR BYED, SKYED PAR MI BYED PA NYID DE, MA SKYES PA'I PHYIR SNGON BZHIN NO ZHES BYA BAR DGONGS SO, ,GAL TE RTZA BA'I SKYE BA DANG SKYE BA'I SKYE BA DAG SKYED BZHIN PA NA RANG GI BYA BA BYED PA'I PHYIR NYES PA MED DO ZHE NA, BSHAD PA, KHYOD KYI DE NI SKYE BZHIN PA, ,MA SKYES DE YIS GAL TE NI, ,DE NI SKYED PAR BYED NUS NA, ,DE SKYED PAR NI 'DOD LA RAG ,KHYOD KYI RTZA BA'I SKYE BA'AM, ,SKYE BA'I SKYE BA DE SKYE BZHIN PA RANG NYID MA SKYES PA DES GAL TE SKYE BA'I SKYE BA'AM, RTZA BA'I SKYE BA DE SKYED PAR BYED NUS NA NI, SKYE BA'I SKYE BA'AM, RTZA BA'I SKYE BA DE SKYED PAR 'DOD LA RAG NA, RTZA BA'I SKYE BA'AM SKYE BA'I SKYE BA SKYE BZHIN PA RANG NYID MA SKYES PA DES SKYE BA'I SKYE BA'AM, RTZA BA'I SKYE BA DE SKYED PAR MI NUS TE, MA SKYES PA'I PHYIR RAM, SKYE BZHIN PA'I PHYIR SNGON BZHIN NAM; SKYE BAR 'DOD PA'I DNGOS PO BZHIN NO ZHES BYA BAR DGONGS SO, ,GAL TE LHAN CIG 'BYUNG BA'I RGYUS SKYE BZHIN PA YANG SKYED PA'I MTHU YOD PA'I PHYIR, LHAN CIG 'BYUNG BA MA SKYES PA DAG GAM, SKYE BZHIN PA DAG GIS MA SKYES PA'I PHYIR RAM, SKYE BZHIN PA'I PHYIR ZHES BYA BA'I GTAN TSIGS KYI @104A *, ,DON MA NGES PA NYID DO ZHE NA, LHAN CIG 'BYUNG BA DAG KYANG 'DOD CHAGS DANG CHAGS PA DAG LHAN CIG TU SKYE BA DGAG PA'I SKABS SU BKAG PA'I PHYIR DANG, BYED PA'I RGYU YANG BKAG PA'I PHYIR, SGRUB PA DE MA NGES PA NYID DU BSTAN PAR MI NUS PAS, THUG PA MED PAR THAL BAR 'GYUR BA BZLOG PA MED DO, ,GZHAN DAG GI THUG PA MED PAR THAL BAR 'GYUR BA BZLOG PA'I PHYIR SMRAS PA, JI LTA MAR MES RANG DANG GZHAN, ,SNANG BAR BYED PA DE BZHIN DU, ,SKYE BA 'ANG RANG DANG GZHAN GYI DNGOS, ,GNYI GA SKYED PAR BYED PA YIN, ,DE'I PHYIR THUG PA MED PAR THAL BAR 'GYUR RO, ,'DIR DON GO SLA BA DANG RNAM PAR BSHAD ZIN PA GANG YIN PA DE NI RNAM PAR BSHAD PAR MI BYA STE, TSIG MANGS SU DOGS PA'I PHYIR DANG, DON GRAGS PA DANG, DON RNAM PAR BSHAD ZIN PA LA 'BAD PA DON MED PA NYID YIN PA'I PHYIR RO, ,'DIR RJES SU DPAG PA NI BSHAD PAR BYA STE, SKYE BA NI RANG DANG GZHAN GYI BDAG NYID KYI YUL DAG LA BYA BA BYED DE, DE'I NGO BO NYID YIN PA'I PHYIR DPER NA MAR ME SNANG BA'I NGO BO NYID YIN PAS RANG DANG, GZHAN GYI BDAG NYID DAG SNANG BAR BYED PA BZHIN NO ZHE NA, DE LA BSHAD PA DON DAM PAR SKYE BA NI SKYED PAR BYED PA'I NGO BO NYID KHO NA'O ZHES BSGRUB PAR BYA BA'I GTAN TSIGS DE'I NGO BO NYID YIN PA'I PHYIR ZHES BYA BA NYID KYIS BSGRUB PAR BYA BA BZHIN DU MA GRUB PAR BRJOD PA'I PHYIR DANG, DAM BCAS PA'I DON GYI PHYOGS GCIG PA YIN PA'I PHYIR, DPER NA SGRA MI RTAG STE, MI RTAG PA'I PHYIR RO ZHES BYA BA BZHIN PAS DE NI RIGS PA MA YIN NO, ,YANG BSHAD PA, 'DI LA DON DAM PAR MAR ME NI RANG DANG GZHAN GYI BDAG NYID DAG GZUNG BA LA BAR DU BCO DPA'I [?] MUN PA SEL BA'I PHYIR SNANG BAR BYED PA YIN NO ZHES BRJOD PAR BYA GRANG NA, 'DI LA JI SKAD SMOS PA'I SGRUB PA DE MI SRID DO, ,JI LTA ZHE NA, DE'I PHYIR 'DIR BSHAD PA, MAR ME DANG NI GANG DAG NA, ,DE 'DUG PA NA MUN PA MED, ,MAR MES CI ZHIG SNANG BAR BYED, ,CI YANG SNANG BAR MI BYED DO, ,ZHES BYA BA'I TSIG GI DON TO, ,DE LTAR NA 'DIR BSGRUB PAR BYA BA'I CHOS MAR ME SNANG BAR BYED PA NYID MA YIN PA DANG, SGRUB PA'I CHOS MAR ME RANG DANG GZHAN GYI BDAG NYID LA MUN PA MED PA NYID BSTAN TO, ,DE'I PHYIR 'DIR RJES SU DPAG PA NI DON DAM PAR MAR @104B ME NI MAR ME RANG DANG GZHAN GYI BDAG NYID DAG SNANG BAR BYED PA MA YIN TE, MUN PA MED PA'I PHYIR DPER NA NYI MA 'OD ZER GSAL ZHING 'JIBS BA DANG LDAN PA'I SNANG BA BZHIN NO, ,YANG NA, MAR ME DANG NI GANG DAG NA, ,DE 'DUG PA NA MUN PA MED, ,CES BYA BA NI SNANG BAR BYED PA'I PHYIR TE, 'DIS NI MAR ME'I CHOS NI SNANG BAR BYED PA NYID YIN PAR STON TO, ,DE'I PHYIR 'DIR RJES SU DPAG PA NI DON DAM PAR MAR ME NI MAR ME RANG DANG GZHAN GYI BDAG NYID DAG SNANG BAR BYED PA MA YIN PAR SHES PAR BYA STE, SNANG BAR BYED PA YIN PA'I PHYIR DPER NA NYI MA BZHIN NO, ,DE BZHIN DU MAR ME NI SNANG BAR BYED PA MA YIN TE, GTAN TSIGS 'BYUNG BA NYID DANG, PHAN GDAGS PAR BYA BA NYID DANG, BYAS PA NYID DANG, RKYEN GYI DBYE BAS THA DAD PA NYID LA SOGS PA DAG GI PHYIR SA LA SOGS PA DAG BZHIN NO ZHES KYANG BRJOD PAR BYA'O, ,DE'I PHYIR DPE MED PAS SGRUB PA MA TSANG BA'I SKYON YOD DO, ,'DIR SMRAS PA, MUN PA SEL BAS SNANG BYED YIN, ,MAR ME SKYE BZHIN PAS MUN PA SEL BAR BYED DE, GANG GI PHYIR DES SNANG BAR BYA BA'I DNGOS PO LA MUN PA MED PA DANG, SNANG BAR BYED PAS SNANG BA YIN PA DE'I PHYIR MUN PA SEL BAS SNANG BAR BYED PA YIN NO ZHES SMRAS PAR 'GYUR RO, ,DE'I MUN PA MED PA'I PHYIR ZHES GANG SMRAS PA DE MA GRUB PAS DES NA GTAN TSIGS KYI DON MA GRUB PA NYID DO, ,DPE MED PA YANG MA YIN TE, MAR MES SNANG BAR BYA BA'I DON DMIGS PA'I PHYIR RO, ,'DIR BSHAD PA, JI LTAR MAR ME SKYE BZHIN PAS, ,MUN PA SEL BAR BYED PA YIN, ,JI LTAR ZHES BYA BA NI MI SRID PA LA SNYEGS TE, JI LTAR SEL BAR BYED DE, SEL BAR MI BYED PA NYID DO ZHES BYA BA'I TSIG GI DON TO, ,MAR ME SKYE BZHIN PA'I ZHES BYA BA 'DIS NI SKYE BZHIN PA'I CHOS SKYE BZHIN PA NYID BSTAN TE, DE NI BSGRUB PAR BYA BA DANG, SGRUB PA'I CHOS NYE BAR GZHAG PA YIN NO, ,GANG TSE MAR ME SKYE BZHIN PA, ,MUN PA DANG NI PHRAD PA MED, ,CES BYA BA NI CHOS MTHUN PA'I DPE NYE BAR GZHAG PA YIN TE, DPER NA SGRA BYAS PA JI LTAR RTAG STE, BUM PA BYAS PA MI RTAG PA BZHIN NO ZHES BYA BA LTA BU'O, ,DE LA 'DIR RJES SU DPAG PA NI DON DAM PAR MAR ME NI MI MTHUN PA'I PHYOGS SEL BAR BYED PA MA YIN TE, SKYE BZHIN PA YIN PA'I PHYIR DPER NA MUN PAS @105A *, ,MAR ME BZHIN NO, ,GAL TE SHES PA DANG SHES PA MA YIN PA DAG GIS MA NGES PA NYID DO ZHE NA, BSGRUB PAR BYA BA'I KHONGS SU GTOGS PA'I PHYIR, DE BZHIN DU BKAG PAS MA NGES PA NYID MA YIN NO, ,YANG NA SKYE BZHIN PA NI MNGON PAR MA GRUB PA STE, MAR ME NI SNANG BAR BYED PA MA YIN TE, MNGON PAR MA GRUB PA'I PHYIR, DPER NA BU MA SKYES PAS BYA BA MI NUS PA BZHIN NO, ,YANG NA, JI LTAR MAR ME SKYE BZHIN PAS, ,MUN PA SEL BAR BYED PA YIN, ,ZHES BYA BAS NI DPE LA PHRAD PA MED PA BRJOD PA'I PHYIR MAR ME'I CHOS PHRAD PA MED PA YIN PAR BSTAN TO, ,GANG TSE MAR ME SKYE BZHIN PA, ,MUN PA DANG NI PHRAD PA MED, ,CES BYA BA NI CHOS MTHUN PA'I DPE'I TSIG YIN NO, ,'DIR RJES SU DPAG PA NI DON DAM PAR MAR ME SKYE BZHIN PA NI MUN PA SEL BAR BYED PA MA YIN TE, PHRAD PA MED PA'I PHYIR DPER NA 'JIG RTEN GYI BAR GYI MUN NAG SNANG BA MED PA BZHIN NO, ,YANG NA DON DAM PAR MAR ME NI MUN PA SEL BAR BYED PA MA YIN TE, MI MTHUN PA'I PHYOGS DANG PHRAD PA MED PA'I PHYIR DPER NA MUN PA BZHIN NO, ,GAL TE MNGON SPYOD KYI LAS BZHIN DU PHRAD PA MED PAR YANG SNANG BAS MUN PA SEL BA'I PHYIR MA NGES PA NYID DO ZHE NA, DE LA YANG LAS LA SNANG BA MED PA'I PHYIR DANG, DGRA BO'I PHYIR LAS BYAS PAS RIG SNGAGS KYI LHA DAG GIS PHRAD PA KHO NAS MI 'DOD PA BYED PA'I PHYIR MA NGES PA NYID MA YIN NO, ,CI STE YANG, RANG GI PHYOGS LA CHAGS PAS MIG KHEBS PAR GYUR PA NYID KYIS 'DI SKAD CES, MAR MES PHRAD PA MED PAR SNANG BAR BYED PA MTHONG GI ,MUN PAS PHRAD PA MED PAR SNANG BAR BYED PA NI MA MTHONG NGO ZHES ZER NA, DPE BSGRUB PA'I PHYIR DE NI MI GNOD DO, ,DE NYID BRTAG PAR BYA STE, CI MTHONG BA DE JI LTAR MTHONG BA BZHIN NAM, 'ON TE GZHAN ZHIG YIN, MAR MES PHRAD PA MED PAR SNANG BAR BYED PA MTHONG BA NI DE LTAR MA YIN TE, CI STE MAR MES PHRAD PA MED PAR YANG MUN PA SEL BAR 'DOD NA NI 'DI YANG 'DOD PAR GYIS SHIG ,MAR ME PHRAD PA MED PA YANG, ,GAL TE MUN PA SEL BYED NA, ,'JIG RTEN KUN NA GNAS PA'I MUN, ,'DI NA 'DUG PA NGES BSAL 'GYUR, ,DE NI MI 'DOD PAS DE'I PHYIR MAR MES PHRAD PA MED PAR MUN PA SEL BAR BYED DO ZHES BYA BA DE YANG 'DOD PAR MA BYED CIG ,YANG GZHAN @105B YANG, KHYOD 'DOD PA LTAR MUN PA SEL BAR BYED PA'I PHYIR, MAR ME RANG DANG GZHAN GYI DNGOS, ,GAL TE SNANG BAR BYED GYUR NA, ,MUN PA'ANG RANG DANG GZHAN GYI DNGOS, ,SGRIB PAR 'GYUR BAR THE TSOM MED, ,DE NI MI 'DOD DO, ,RANG DANG GZHAN GYI DNGOS PO DAG SGRIB PAR MI BYED PAR 'DOD DE, DE'I PHYIR DE NI CHOS MTHUN PA'I DPE'I TSIG YIN NO, ,'DIR RJES SU DPAG PA NI DON DAM PAR MAR ME NI RANG DANG GZHAN GYI BDAG NYID LA YOD PA'I MI MTHUN PA'I PHYOGS SEL BAR BYED PA MA YIN TE, MI MTHUN PA'I PHYOGS DANG BCAS PA YIN PA'I PHYIR, DPER NA MUN PA BZHIN NO, ,YANG NA DON DAM PAR MAR ME NI MUN PA SEL BAR BYED PA MA YIN TE, MI MTHUN PA'I PHYOGS DANG BCAS PA YIN PA'I PHYIR, DPER NA GRIB MA BZHIN NO, ,DE'I PHYIR DE LTAR MAR ME RANG DANG GZHAN GYI BDAG NYID DAG SNANG BAR BYED PA GSAL BAS DPE MED DO, ,DES NA PHA ROL POS MAR ME BZHIN DU SKYE BA YANG RANG DANG GZHAN GYI DNGOS PO DAG SKYED PAR BYED PAS THUG PA MED PAR THAL BAR MI 'GYUR RO ZHES GANG SMRAS PA DE DE BZHIN DU GNAS PA NYID DO, ,YANG GZHAN YANG, SKYE BAS JI LTAR RANG GI BDAG NYID SKYED PAR 'DOD, JI SKYES PAS SAM, 'ON TE MA SKYES PAS SKYED PAR BYED, DES CIR 'GYUR, GAL TE MA SKYES PAS SO ZHE NA, SKYE BA 'DI NI MA SKYES PAS, ,RANG GI BDAG NYID JI LTAR SKYED, ,SKYE BA MA SKYES PAS RANG GI BDAG NYID SKYED PAR MI BYED PA NYID DE, MED PA'I PHYIR SNGON BZHIN NO ZHES BYA BAR DGONGS SO, ,JI STE SKYES PAS SO ZHE NA, CI STE SKYES PAS SKYED BYED NA, ,SKYES NA CI ZHIG SKYED DU YOD, ,SKYES PA LA SKYE BA'I BYA BA DON MED PA NYID DU 'GYUR BA'I PHYIR RO ZHES BYA BAR DGONGS SO, ,DE'I PHYIR DE LTAR BRTAGS NA SKYE BAS RANG GI BDAG NYID SKYED PAR BYED PA NYID MI SRID PAS THUG PA MED PAR THAL BAR 'GYUR BA LDOG PA MED DO, ,SKYE BA LA SOGS PA DAG 'DUS MA BYAS NYID YIN NA YANG 'DUS MA BYAS YIN PA'I PHYIR, DE DAG 'DUS BYAS MIN ZHES BYA BA DE DE BZHIN DU GNAS PA NYID YIN PAS, SKYE BA LA SOGS PA 'DUS BYAS KYI MTSAN NYID DAG DANG LDAN PA'I PHYIR RO ZHES BYA BA'I GTAN TSIGS KYI DON MA GRUB PA NYID KYI SKYON YOD DO, ,YANG GZHAN YANG, SKYE BAR SMRA BA DAG LA JI SKYE BAS SKYES PA'AM, MA SKYES PA'AM, SKYE BZHIN PA'AM, CI @106A *, ,ZHIG SKYED PAR BYED CES DRI BAR BYA STE, RNAM PA THAMS CAD KYANG RIGS PA MA YIN PA NYID DU DGONGS NAS BSHAD PA, SKYES DANG MA SKYES SKYE BZHIN PA, ,JI LTA BUR YANG SKYED MI BYED, ,JI LTA ZHE NA, SONG DANG MA SONG BGOM PA YIS, ,DE DAG RNAM PAR BSHAD PA YIN, ,JI LTAR DER RJES SU DPAG PA RGYAS PAR BSTAN PA BZHIN DU 'DIR YANG BRJOD PAR BYA STE, DON DAM PAR SKYE BZHIN PA SKYED PAR MI BYED DE, NGO BO NYID NGES PAR MA ZIN PA'I PHYIR, DPER NA 'GAG BZHIN PA BZHIN NO, ,YANG NA DON DAM PAR SKYE BZHIN PA SKYED PAR MI BYED DE, DUS GZHAN DU 'PHO BA LA MNGON PAR PHYOGS PA'I PHYIR DPER NA 'GAG BZHIN PA BZHIN NO, ,CI STE SKYE BZHIN PA ZHES BYA BA DE CUNG ZAD NI SKYES CUNG ZAD NI MA SKYES PA'O ZHES BYA BAR RTOG NA, DE LTA NA YANG DE'I GANG CUNG ZAD SKYES PA DE NI SKYED PAR MI BYED DE, DE'I SKYE BA DON MED PA NYID DU 'GYUR BA'I PHYIR RO, ,DE NI GANG CUNG ZAD MA SKYES PA DE YANG SKYED PAR MI BYED DE, SKYE BAS STONG PA'I PHYIR DPER NA MA 'ONGS PA BZHIN NO, ,GAL TE SKYE BZHIN PA ZHES BYA BA NI SKYE BA LA MNGON PAR PHYOGS PA'O ZHE NA, BRGAL ZHING BRTAG PA NI DE GANG ZHIG YIN, SKYES PA ZHIG GAM, 'ON TE MA SKYES PA ZHIG YIN ZHES BYA BA DE NYID YIN NO, , LAN KYANG SKYES PA NI SKYED PAR MI BYED DE, DE'I SKYE BA DON MED PA NYID DU 'GYUR BA'I PHYIR RO, ,MA SKYES PA YANG SKYED PAR MI BYED DE, SKYE BAS STONG PA'I PHYIR DPER NA MA 'ONGS PA'I BZHIN NO ZHES BYA BA DE NYID YIN NO, ,'DIR SMRAS PA, NGO BO NYID NGES PAR MA ZIN PA'I PHYIR ZHES BYA BA'I GTAN TSIGS DE'I DON GANG YIN CI MNGON SUM GYIS NGO BO NYID NGES PAR MA ZIN PA'I PHYIR RAM, 'ON TE RJES SU DPAG PAS NGO BO NYID NGES PAR MA ZIN PA'I PHYIR YIN, DE LA BRTAG PA SNGA MA LTAR NA NI MA NGES PA NYID DE, MNGON SUM GYIS NGO BO NYID NGES PAR MA ZIN PA'I DNGOS PO LA YANG SKYE BZHIN PA YOD PA'I PHYIR RO, ,BRTAG PA PHYI MA LTAR NA NI MA GRUB PA NYID DE SKYE BA LA BRTEN NAS SKYE ZHING SKYE BAS SKYE BZHIN PA RJES SU DPAG PA'I PHYIR RO, ,'DIR BSHAD PA, DNGOS PO THAMS CAD KYI RANG BZHIN NGO BO NYID MED PA NYID DU SMRA BA RNAMS LA MNGON SUM DANG, RJES SU DPAG PAS DMIGS PA'I DNGOS PO'I YOD PA NYID MED PAS MI MTHUN PA'I @106B PHYOGS MED PA'I PHYIR MA NGES PA NYID MA YIN NO, ,DON MA GRUB PA NYID KYANG MA YIN TE, GAL TE JI LTA ZHE NA, GANG TSE SKYE BA YOD PAS NI, ,SKYE BZHIN 'DI 'BYUNG MED PA'I TSE, ,KHYED NA RE, SKYE BA LA BRTEN NAS SKYE BZHIN PA SKYE BAS SKYE BZHIN PA RJES SU DPAG PAR BYA'O ZHES ZER BA DE NYID 'DIR BRTAG PAR BYA STE, CI STE YOD PA'AM, MED PA'AM, YOD MED CIG YIN GRANG NA, DE DAG DGAG PA YANG RGYAS PAR BSTAN ZIN PAS, JI LTAR SKYE LA BRTEN NAS NI, ,SKYE BZHIN ZHES NI BRJOD PAR BYA, ,DE'I TSE JI LTAR SKYE BA LA BRTEN NAS SKYE BZHIN PA SKYED DO ZHES BRJOD PAR BYA, DE LTA BAS NA RJES SU DPAG PA MED PA'I PHYIR, NGO BO NYID NGES PAR MA ZIN PA'I PHYIR ZHES BYA BA'I GTAN TSIGS KYI DON MA GRUB PA NYID MA YIN NO, ,'DIR SMRAS PA, DPER NA MI MKHAS PA LA LA ZHIG MTSON THABS MKHAS PAS MI GSOD CING, SKYES BU DAM PA MA YIN PA'I SPYAD PA KUN DU SPYOD PAR BYED PA DE BZHIN DU, KHYOD KYANG RTOG GE LA MKHAS PAS DRANG SRONG MCHOG GIS GSUNGS PA'I RTEN CING 'BREL PAR 'BYUNG BA'I TSUL NYAN THOS DANG RANG SANGS RGYAS KYI SKYED MA SUN 'BYIN CING, 'PHAGS PA MA YIN PA'I SPYAD PA RJES SU SGRUB PAS SNGAR KHAS BLANGS PA'I GNOD PAR 'GYUR RO, ,'DIR BSHAD PA, GDUL BA RGYU DANG 'BRAS BU LA SKUR PA 'DEBS PA LTA BA NGAN PA DGE BA'I PHYOGS RTZA NAS 'BYIN PA DANG LDAN PA RNAMS KYI LTA BA NGAN PA'I DRI MA BKRU BA'I PHYIR, 'DI SKAD CES 'DI LTA STE, 'DI YOD PAS 'DI 'BYUNG LA, 'DI SKYES PA'I PHYIR 'DI SKYE BA 'DI LTA STE, MA RIG PA'I RKYEN GYIS 'DU BYED RNAMS ZHES BYA BA LA SOGS PA GANG GSUNGS PA DE KUN RDZOB TU GSUNGS KYI, DON DAM PAR MA GSUNGS PAR KHAS LEN PAS KHAS BLANGS PA'I GNOD PAR MI 'GYUR RO, ,'DI YANG BSTAN ZIN TE, GANG DU CI BSTAN ZHE NA, DNGOS PO RANG BZHIN MED RNAMS KYI, ,YOD PA GANG PHYIR YOD MIN NA, ,'DI YOD PAS NI 'DI 'BYUNG ZHES, ,BYA BA DE NI 'THAD MA YIN, ,ZHES BYA BA DER DE BSTAN ZIN TO, ,'DIR YANG BSHAD PA, RTEN CING 'BYUNG BA GANG YIN PA, ,DE NI NGO BO NYID KYIS ZHI, ,DNGOS PO RTEN CING 'BREL PAR 'BYUNG BA GANG YIN PA, DE NI DON DAM PAR NGO BO NYID KYIS ZHI BA STE, SKYE BA MED DO ZHES BYA BA'I DON TO, ,BCOM LDAN 'DAS @107A *, ,KYIS, GANG ZIG RKYEN LAS SKYE BDE MA SKYES, ,DE LA NGO BO NYID KYIS SKYE BA MED, ,GANG ZHIG RKYEN LA LTOS PA DE STONG GSUNGS, ,GANG GIS STONG NYID SHES DE BAG YOD YIN, ,ZHES BYA BA DANG, DE BZHIN DU, GANG DAG BRTEN NAS SKYE BA NI, ,DE DAG DNGOS NYID GANG YANG MED, , GANG DAG NGO BO NYID MED PA, ,DE DAG GAR YANG 'BYUNG MI 'GYUR, ,ZHES BYA BA DANG, DE BZHIN DU BLO GROS CHEN PO NGO BO NYID KYIS SKYE BA MED PA LAS DGONGS NAS, CHOS THAMS CAD NGO BO NYID MED PAR BSTAN TO ZHES BYA BA LA SOGS PA JI SKAD GSUNGS PA LTA BU'O, ,DE'I PHYIR DE LTAR PHA ROL PO DAG ZHE 'GRAS PA'I BLO NYID KYIS SUN 'BYIN PA NYE BAR 'JOG PAS RJES SU SGRUB PA NI DPER NA ZLA BA'I DKYIL 'KHOR DRI MA MED PA LA DRI MA CAN DU BYA BA'I PHYIR THAL BA SPAR GANG 'THOR BA DANG 'DRA'O, ,DE'I PHYIR SKYE BZHIN NYID DANG NI, ,SKYE BA YANG NI ZHI BA NYID, ,DE LTAR GANG GI PHYIR YANG DAG PAR BRTAGS NA, RTEN CING 'BYUNG BA LA SKYE BA MED DE SGYU MA LTA BU YIN PA DE'I PHYIR SKYE BZHIN PA NYID DANG, SKYE BA YANG ZHI BA NYID YIN NO, ,DE LA PHA ROL POS SKYE BA LA BRTEN NAS, DON DAM PAR SKYE BZHIN PA RJES SU DPAG PAR BYA'O ZHES GANG SMRAS PA DE YANG DAG PA MA YIN NO, ,GZHAN DAG GIS SMRAS PA, RGYU DANG RKYEN DE DANG DE DAG LA BRTEN NA BUM PA SKYE BA DANG, SNAM BU SKYE BA DE DAG MTHONG STE, MTHONG BA LAS LHAG PA'I TSAD MA GZHAN MED PAS, ,SKYES DANG MA SKYES SKYE BZHIN PA, ,JI LTA BUR YANG SKYED MI BYED, ,CES GANG SMRAS PA DE NI RIGS PA MA YIN NO, ,'DIR BSHAD PA, TSUL KHRIMS LA SOGS PA TSOGS KYI RJES SU MTHUN PA DAG MTHONG BA LA SU ZHIG 'GAL BAR BYED DE, DE DAG THA SNYAD PA YIN GYI, DON DAM PA PA NI MA YIN NO, ,DE BAS NA DE DAG LA SOGS PA LA MNGON PAR PA ZHEN PA SPANG BAR 'DOD PAS BSTAN BCOS BRTZAMS PAS NYES PA MED DO, ,CI STE BUM PA SKYE'O ZHES BYA BA DANG, SNAM BU SKYE'O ZHES BYA BA DE DAG THA SNYAD PA YIN GYI DON DAM PA MA YIN PAR JI LTAR NGES PAR GZUNG BAR BYA ZHE NA, DE NYON CIG 'DI LA SKYES NA BUM PA DANG, SNAM BU YIN GYI MA SKYES NA NI MA YIN NO, ,SKYES PA LA NI YANG SKYE BA MED PA'I PHYIR BUM PA DANG SNAM BU SKYE'O ZHES BYA BA DE MI 'THAD DO, ,CI STE MA SKYES KYANG BUM PA BLO LA @107B BZHAG NAS MING SGRO BTAGS TE BUM PA SKYE'O ZHES BRJOD NA NI THA SNYAD TZAM DU ZAD DE, BLO LA BZHAG PA'I BUM PA LA NI SKYE BA MED PA'I PHYIR RO, ,BYE BRAG TU SMRA BA RNAMS GANG DAG GZUGS LA SOGS PA DANG BUM PA LA SOGS DAG DUS 'PHO BA'I PHYIR YOD PA KHO NA LAS SKYE BAR RTOG NA DE YANG RIGS PA MA YIN TE, GAL TE DNGOS PO MA SKYES PA, ,'GA' ZHIG GANG NA YOD GYUR NA, ,GAL TE BUM PA DANG, SNAM BU LA SOGS PA DNGOS PO MA SKYES PA 'GA' ZHIG RKYEN RNAMS SAM, DE DAG 'DUS PA'I GZHAN LA YOD PAR GYUR NA, DE NI CI PHYIR DER SKYE 'GYUR, ,YOD PA DE CI'I PHYIR DUS DER SKYE BAR 'GYUR TE, YOD PA SKYE BA NI DON MED PA NYID DU 'GYUR BA'I PHYIR RO ZHES BYA BAR DGONGS SO, ,DE'I PHYIR YOD NA SKYE BAR MI 'GYUR RO ZHES BYA BA SMRAS TE, DE LTAR NA 'DI SA NI SKYE BA'I SNGON ROL NA, DNGOS PO MA SKYES PA YOD PAR SMRA BA RNAMS KYI DAM BCAS PA NI YOD PA NYID DU RJES SU DPOG PAS SKYE BA MED PA DANG LDAN PA NYID KYIS SKYE BA BSAL BA'I PHYIR YOD PA SMRA BA RNAMS KYI RJES SU DPAG PA LA GNOD PA'I SKYON BSTAN TO, ,DUS 'PHO BAR SMRA BA RNAMS LA YANG YOD PA NYID DU RJES SU DPOG PAS DA LTAR GYI DUS SU 'PHO BA MED PA NYID KYIS DA LTAR GYI DUS SU 'PHO BA BSAL BA'I PHYIR SKYON DE NYID YOD DO, , 'DIS NI DNGOS PO DANG MTSAN NYID DANG GNAS SKABS DANG GZHAN PA GZHAN DU 'GYUR BA ZHES BYA BA DAG GI LAN BTAB PA YIN NO, ,GAL TE GRANGS CAN DAG DNGOS PO DAG YOD PA NYID GSAL BAR BYED PAS SKYON MED DO ZHE NA, DE NI RIGS PA MA YIN TE, GSAL BAR BKAG ZIN PA'I PHYIR RO, ,MA SKYES PA YOD PA JI LTAR SHES PAR BYAR NUS, GRANGS CAN DANG, BYE BRAG TU SMRA BA DAG NA RE MA SKYES PA NI YOD PA KHO NAR SHES PAR BYAR NUS TE, DUS KYIS BSDUS PA'I PHYIR DE LTAR GYI DNGOS PO BZHIN NO ZHE NA, DON DAM PAR DE LTAR GYI DNGOS PO YANG NGO BO NYID YOD PA NYID DU MA GRUB PAS DPE MED PA'I PHYIR, 'DOD PA'I DON MI 'GRUB BO, ,'DIS NI GZUGS LA SOGS PA DAG SNGA NA MED PA DANG ZHIG NAS MED PA NYID SGRUB PA LA YANG, SKYON GYI LAN BTAB PAR RIG PAR BYA'O, ,THA SNYAD KYI BDEN PA LA YANG GNON PAR YANG MI 'GYUR TE, DA LTAR GYI GZUGS LA SOGS PA'I DNGOS PO DAG SGYU MA LA SOGS PA BZHIN @108A *, ,DU YOD PA NYID DU KHAS BLANGS PA'I PHYIR DANG, THA SNYAD DU GZUGS LA SOGS PA DAG BRTAGS PA'I DNGOS PO YOD PA NYID DU KHAS BLANGS PA'I PHYIR RO, ,ZHAR LA BSHAD PAS CHOG GI ,SKABS 'DIR BSDU BAR BYA STE, DE LTAR DE ZHIG ,SKYES DANG MA SKYES SKYE BZHIN PA, ,JI LTA BUR YANG SKYE MI BYED, ,CES BYA BA DE BZHAD ZIN TO, ,YANG BSHAD PA, GAL TE SKYE BA DE YIS NI, ,SKYE BZHIN PA NI SKYED BYED NA, ,GAL TE KHYOD 'DOD PA LTAR SKYE BA DES SKYE BZHIN PA SKYED PAR BYED NA, ,'O NA DES NA, SKYE BA DE NI SKYED BYED PA, ,YIN TE SKYED PAR BYED PA NI SKYE BA MA YIN TE, SKYED PAR BYED PA PO YIN PA'I PHYIR, DPER NA PHA BU'I SKYE BA MA YIN PA BZHIN NO, ,DE LTAR NA, SKYE BA YANG NI GANG ZHIG YIN, ,SKYE BA LA SKYE BA'I NGO BO NYID MED DO ZHES BYA BA'I THA TSIG GO ,DE LTA NA YANG RGOL BA SKYE BAS SKYED PAR BYED DO ZHES ZER BA'I DAM BCA' BA LAS CHOS CAN GYI NGO BO NYID BZLOG PA'I SKYON YOD DO, ,DE GZHAN GYIS SKYED PAR BYED DO ZHES KYANG BRJOD PAR MI NUS PAS DE SKAD BRJOD NA 'DI LTAR NYE BAR GNAS PAR 'GYUR TE, GAL TE SKYE BA GZHAN ZHIG GIS, ,DE SKYED THUG PA MED PAR 'GYUR, ,YANG NA THUG PA MED PAR THAL BAR 'GYUR BA YONGS SU SPANG BA'I PHYIR SKYE BA LA SKYED PA MED PA NYID DU 'DOD PAR BYA'O, ,GAL TE DE LTAR 'GYUR RO ZHE NA, DE'I PHYIR BSHAD PA, CI STE SKYE BA MED SKYES NA, ,THAMS CAD DE BZHIN SKYE BAR 'GYUR, ,DE NI MI 'DOD PAS DE'I PHYIR SKYE BAR RTOG PAR MA BYED CIG ,YANG GZHAN YANG 'DI LA SKYE BA CAN RNAMS KYI SKYE BA YOD PA'AM, MED PA'AM, YOD MED CIG SKYE BAR 'GYUR GRANG NA, DE LA, RE ZHIG YOD DANG MED PA YANG, ,SKYE BAR RIGS PA MA YIN NO, ,YOD MED NYID KYANG MA YIN TE, ,GONG DU BSTAN PA NYID YIN NO, ,SKYE BA MED PA'I RAB BYED PAR, ,MED DAM YOD PA'I DON LA YANG, ,RKYEN NI RUNG BA MA YIN TE, ,ZHES BYA BA DANG, GANG TSE CHOS NI YOD PA DANG, ,MED DANG YOD MED MI SGRUB PA, ,ZHES BYA BA DAG BSTAN PA NYID YIN PAS DE'I PHYIR YANG 'BAD PAR BYA MI DGOS SO, ,YANG GZHAN YANG, DNGOS PO 'GAG BZHIN NYID LA NI, ,SKYE BA 'THAD PAR MI 'GYUR RO, ,'GAG BZHIN PA NYID YIN PA'I PHYIR DPER NA 'CHI BZHIN PA NYID BZHIN NO, ,GAL TE @108B 'GAG BZHIN PA NYID MA YIN PA SKYE BAS NYES PA MED DO ZHE NA, GANG ZHIG 'GAG BZHIN MA YIN PA, ,DE NI DNGOS POR MI 'THAD DO, ,DNGOS PO'I MTSAN NYID DANG MI LDAN PA'I PHYIR, NAM MKHA'I ME TOG BZHIN NO ZHES BYA BAR DGONGS SO, ,GAL TE GNAS PA NYID KYIS MA NGES PA NYID DO ZHE NA, DE YANG MI RTAG PA NYID DANG, RJES SU 'BREL BA'I PHYIR 'GAG BZHIN PA MA YIN PA NYID DU MA GRUB PAS SKYON MED DE, RGYAS PAR NI SNGA MA BZHIN NO, ,'DIR SMRAS PA, SKYE BA NI YOD PA KHO NA YIN TE, DE YOD NA 'BYUNG BA'I CHOS YOD PA'I PHYIR RO, ,'DI NA GANG MED PA DE LA NI DE YOD NA 'BYUNG BA'I CHOS MED DE, DPER NA RUS SBAL GYI SBU MED PA LA DE'I GOS 'BYUNG BA MED PA BZHIN NO, ,SKYE BA YOD PA LA NI GNAS PA'I MTSAN NYID 'BYUNG BA'I CHOS YOD PAS DE'I PHYIR GTAN TSIGS JI SKAD SMOD PA'I 'THAD PAS SKYE BA YOD PA KHO NA YIN NO, ,'DIR BSHAD PA, SKYE BA MED PA KHO NAS DE RAB TU MA GRUB PA YIN MOD KYI, 'ON KYANG THA SNYAD DU GRAGS PA'I SKYE BA KHAS BLANGS NAS DON DAM PAR GNAS PA KHO NAS BRTAG PAR BYA'O, ,'DI LA DON DAM PAR DNGOS PO DE GNAS PA'AM MI GNAS PA'AM GNAS BZHIN PA ZHIG GNAS GRANG NA, DE LA, DNGOS PO GNAS PA MI GNAS TE, ,DA LTAR DANG 'DAS PA'I DUS GNAS GCIG TU TSOGS PA MI SRID PA'I PHYIR DPER NA SHI BA DANG, MA SKYES PA BZHIN NO, ,YANG NA GNAS PA DON MED PA NYID DU 'GYUR BA'I PHYIR GNAS PAR MI BYED DO, ,DNGOS PO MI GNAS GNAS PA MIN, ,MI GNAS PA'I PHYIR DPER NA, 'GAG PA BZHIN NO, ,GNAS BZHIN PA YANG MI GNAS TE, GNAS PA DANG MI GNAS PA MA GTOGS PAR DE MI SRID PA'I PHYIR TE, RGYAS PAR NI SNGA MA BZHIN NO, ,GANG GI TSE DON DAM PAR DNGOS PO 'GA' YANG YOD PA MA YIN PAR BSTAN PA'I TSUL GYIS DNGOS PO THAMS CAD KYI SKYE BA BRTZAL BA DE'I TSE, MA SKYES GANG ZHIG GNAS PAR BYED, ,SKYE BA KHAS BLANGS SAM, KHAS MA BLANGS KYANG RUNG STE, DNGOS PO 'GA' YANG GNAS PAR MI BYED DO ZHES BYA BAR DGONGS SO, ,DES NA DE YOD NA 'BYUNG BA'I CHOS YOD PA'I PHYIR RO ZHES BYA BA'I GTAN TSIGS KYI DON MA GRUB PA NYID DAM, DON 'GAL BA NYID YIN NO, ,YANG GZHAN YANG, DNGOS PO 'GAG BZHIN NYID LA NI, ,GNAS PA @109A *, ,'THAD PAR MI 'GYUR RO, ,MI MTHUN PA NYID YIN PA'I PHYIR, GANG ZHIG GANG DANG MI MTHUN PA DE NI YOD NA 'BYUNG BA MED DO, ,DPER NA SNANG BA GSAL BA DANG, MUN PA BZHIN NO ZHES BYA BAR DGONGS SO, ,GAL TE 'GAG BZHIN PA NYID MA YIN PA GNAS PAS NYES PA MED DO ZHE NA, GANG ZHIG 'GAG BZHIN MA YIN PA, ,DE NI DNGOS POR MI 'THAD DO, ,'DUS BYAS THAMS CAD MI RTAG PA NYID DANG, RJES SU 'BREL PA'I PHYIR RO ZHES DGONGS SO, ,YANG NA DE NI DNGOS PO NYID MA YIN TE, 'GAG BZHIN PA MA YIN PA'I PHYIR NAM MKHA'I ME TOG BZHIN NO ZHES BYA BAR DGONGS SO, ,CI STE SKYE BA'I 'OG TU GNAS PA'I BYA BA MTHU CHE BA'I PHYIR 'GAG BZHIN PA YANG MA YIN LA DNGOS PO YANG MA YIN PA DANG, RTAG PA YANG MA YIN TE, GNAS PA'I 'OG TU RGA BA DANG MI RTAG PA NYID 'BYUNG BA'I PHYIR RO ZHE NA, DE YANG RIGS PA MA YIN TE, GAL TE GZUGS LA SOGS PA'I DNGOS PO 'DI DAG GI GNAS PA'I SKAD CIG MA LA MI RTAG PA NYID MED PAR GYUR NA PHYIS KYANG DE DANG LDAN PAR MI 'GYUR TE, DE MED PAR 'BYUNG BA'I PHYIR DPER NA ME NI CHU MED KYANG 'BYUNG BA'I TSUL CAN YIN PAS NAM YANG CHU'I DNGOS POR MI 'GYUR BA BZHIN NO, ,GAL TE MTHONG BA'I PHYIR DGAG TU MI RUNG NGO ZHE NA, DE'I PHYIR DE NYID BRTAG PAR BYA STE, CI 'JIG PA MTHONG BA DE DE DANG 'BREL PA NYID LA 'AM 'ON TE DE MED PA LA MTHONG, DE LA BRTAG PA SNGA MA LA NI GNAS PA MI 'GRUB BO, ,BRTAG PA GNYIS PA LA NI DNGOS PO 'GAG BZHIN PA MA YIN PA NYID MI 'GRUB PAS DE GNYI GA LA YANG 'DOD PA'I DON NYAMS SO, ,GANG DAG MKHAS SU RE BA NYID KYIS DPER NA SNGA NA SANGS RGYAS NYID MED PA YANG PHYIS SANGS RGYAS NYID DU 'GYUR BA DE BZHIN DU SNGA NA 'JIG PA MED PA YANG PHYIS 'JIG PA NYID DU 'GYUR RO ZHE NA, SGRUB PA DE NI THA SNYAD DU YANG MIG NOD DE SHES PA'I SKAD CIG MA GANG LA SANGS RGYAS NYID MED PA DE NI PHYIS KYANG SANGS RGYAS NYID DU 'GYUR BAR KHAS MA BLANGS PA'I PHYIR TE, 'DI LTAR NYON MONGS PA DANG, SHES BYA'I SGRIB PA SPANGS PA'I SHES PA'I SKAD CIG MA LA SANGS RGYAS NYID KYI SGRAR BRJOD PAR BYA ZHING DE LA NI SANGS RGYAS NYID MED NA MI 'BYUNG BA MED PAS DE NI GYI NA'O, ,DE BZHIN DU RGA BA NYID LA YANG SBYAR BAR BYA'O, ,GANG GI @109B PHYIR DE LTAR RGA SHI MED PA'I DNGOS PO YOD PA NYID MI 'THAD PA DANG LDAN PA DE'I PHYIR SLOB DPON GYIS BSHAD PA, DNGOS PO THAMS CAD DUS KUN DU, ,RGA DANG 'CHI BA'I CHOS YIN NA, ,GANG DAG RGA DANG 'CHI MED PAR, ,GNAS PA'I DNGOS PO GANG ZHIG YIN, ,GANG LA SKYE BA YOD NA GNAS PA 'BYUNG BAR MTHONG BA'I SKYE BA MA GRUB PAS DE'I PHYIR, DON MA GRUB PA NYID NYAMS PA MED PA 'AM DON 'GAL BA NYID NYAMS PA MED DO, ,YANG GZHAN YANG, 'DI LA KHYED GNAS PA LA YANG GNAS PA YOD PAR 'DOD PA DE LA YANG GNAS PA DE GNAS PA GZHAN GYIS SAM, DE NYID KYIS GNAS PAR 'DOD GRANG NA, DE GNYIS GANG YANG MI RIGS PAS DE'I PHYIR BSHAD PA, GNAS PA GNAS PA GZHAN DANG NI, ,DE NYID KYIS KYANG GNAS MI RIGS, ,JI LTAR ZHE NA, JI LTAR SKYE BA RANG DANG NI, ,GZHAN GYIS SKYED PA MA YIN BZHIN, ,JI LTAR SKYE BA RANG NYID KYIS, ,SKYED PAR MI RIGS SHEN, JI SKAD DU, SKYE BA 'DI NI MA SKYES PAS, ,RANG GI BDAG NYID JI LTAR SKYED, ,CI STE SKYES PA SKYED BYED NA, ,SKYES NA CI ZHIG BSKYED DU YOD, ,CES SMRAS PA'I PHYIR RO, ,JI LTAR SKYE BA GZHAN GYIS SKYED PAR MI RIGS SHE NA, JI SKAD DU, GAL TE SKYED PA GZHAN ZHIG GIS, ,DE SKYED THUG PA MED PAR 'GYUR, ,CI STE SKYE BA MED SKYES NA, ,THAMS CAD DE BZHIN SKYE BAR 'GYUR, ,ZHES SMRAS PA'I PHYIR RO, ,DE BZHIN DU 'DIR YANG, GNAS PA 'DI NI MA GNAS PAS, ,RANG GI BDAG NYID JI LTAR GNAS, ,CI STE GNAS PAS GNAS BYED NA, ,GNAS NA CI ZHIG GNAS SU YOD, ,CES BYA BA RNAM PAR BSHAD PA'I TSIG LE 'UR BYAS PAS SKYE BA RANG GI BDAG NYID KYIS SKYED PAR DGAG PA'I RJES SU 'BRANG BAS GNAS PA RANG GI BDAG NYID KYIS, GNAS PA DGAG PA YANG BRJOD PAR BYA'O, ,GAL TE GNAS PA GZHAN ZHIG GIS, ,DE GNAS THUG PA MED PAR 'GYUR, ,CI STE GNAS PA MED GNAS NA, ,THAMS CAD DE BZHIN GNAS PAR 'GYUR, ,ZHES BYA BA RNAM PAR BSHAD PA'I TSIG LE'UR BYAS PAS, 'DIR YANG SKYE BA GZHAN GYIS SKYED PA DGAG PA'I RJES SU 'BRANG BAS GNAS PA GZHAN GYIS GNAS PA DGAG PA YANG BRJOD PAR BYA'O, ,DE'I PHYIR DE LTAR GNAS PA MED @110A *, ,PAS, SKYE BA NI YOD PA KHO NA YIN TE, DE YOD NA 'BYUNG BA'I CHOS YOD PA'I PHYIR RO ZHES BYA BA'I GTAN TSIGS KYI DON MA GRUB PA NYID KYI LAN GDAB DKA'O,, ,,DBU MA'I TZA BA'I 'GREL PA SHES RAB SGRON MA BAM PO BDUN PA, 'DIR SMRAS PA, DON DAM PAR DNGOS PO RNAMS KYI SKYE BA DANG, GNAS PA DAG NI YOD PA KHO NA YIN TE, DE DAG DANG LHAN CIG SPYOD PA'I CHOS YOD PA'I PHYIR RO, ,'DI NA GANG MED PA DE LA NI DE DANG LHAN CIG SPYOD PA'I CHOS MED DE, DPER NA RTA'I RVA LA 'GAG PA MED PA BZHIN NO, ,SKYE BA DANG, GNAS PA DAG LA NI LHAN CIG SPYOD PA'I CHOS 'GAG PA YOD PAS, DE'I PHYIR GTAN TSIGS JI SKAD SMOS PA'I MTHUS DON DAM PAR SKYE BA DANG, GNAS PA DAG YOD PA KHO NA YIN NO, ,'DIR BSHAD PA, DNGOS PO'I 'GAG PA YANG 'GAGS PA 'AM, 'GAG BZHIN PA ZHIG 'GAG PAR 'GYUR GRANG NA, DE RNAM PA THAMS CAD DU MI 'THAD PAS DE'I PHYIR BSHAD PA, 'GAGS PA 'GAG PAR MI BYED DE, ,SHI BA YANG 'CHI BAR 'GYUR NA MI RUNG BA'I PHYIR RO, ,MA 'GAGS PA YANG 'GAG MI BYED, ,'GAGS PAS STONG PA NI 'GAG PAR MI BYED DE 'GAG PA MED PA'I PHYIR GNAS PA BZHIN NO, ,'GAG BZHIN PA YANG DE BZHIN MIN, ,'GAG PAR MI BYED DE, 'GAGS PA DANG, MA 'GAGS PA MA GTOGS PAR 'GAG BZHIN PA MI SRID PA'I PHYIR DANG, SKYON GNYI GAR 'GYUR BA'I PHYIR RO, ,YANG NA DON DAM PAR 'GAG BZHIN PA NI 'GAG PAR MI BYED DE, DUS SU 'PHO BA LA MNGON PAR PHYOGS PA'I PHYIR SKYE BAR 'DOD PA BZHIN NAM, DA LTAR BZHIN NO, ,YANG NA DNGOS PO THAMS CAD KYI SKYE BA BKAG PA'I PHYIR, MA SKYES GANG ZHIG 'GAG PAR 'GYUR, ,MA SKYES PA LA NI 'GAG PA MI SRID DE, MA SKYES PA'I PHYIR DPER NA MO GSHAM GYI BU BZHIN NO, , DE'I PHYIR DE LTAR SKYE BA KHAS BLANGS SAM, KHAS MA BLANGS KYANG RUNG STE, 'GAG PA JI LTAR YANG MI 'GRUB PO, ,YANG GZHAN YANG, 'DI LA 'GAG PA NI GNAS PA 'AM, MI GNAS PA LA BRTAG GRANG NA, DE NI GNYI GA LA YANG MI RUNG STE DE LA, RE ZHIG DNGOS PO GNAS PA LA, ,'GAG @110B PA 'THAD PAR MI 'GYUR RO, ,GNAS PA'I BYA BA SKYES PA LA, GNAS PA DANG, MI MTHUN PA'I 'GAG PA MI 'THAD DE, GNAS PA'I PHYIR DE NI GRAGS PA YIN NO, ,GAL TE MI GNAS PA LA 'GAG PA YOD PAS NYES PA MED DO ZHE NA, DNGOS PO MI GNAS PA LA YANG, ,'GAG PA 'THAD PAR MI 'GYUR RO, ,MI GNAS PA'I PHYIR DPER NA 'GAGS PA BZHIN NO, ,ZHES BYA BAR DGONGS SO, ,YANG GZHAN YANG, 'DI LA GNAS SKABS 'DI GNAS SKABS DE NYID KYIS GNAS PA 'GAG GAM, GNAS SKABS GZHAN GYIS GNAS PA 'GAG ,DES CIR 'GYUR, GNAS SKABS DE YIS GNAS PA NI, ,DE YIS 'GAG PA NYID MI 'GYUR, ,GNAS SKABS GANG GIS SNGAR NYE BAR MTSON PA'I GNAS SKABS DES NI 'GAG PA NYID DU MI 'GYUR TE, SNGON GYI NGO BO NYID YONGS SU MA SPANGS PA'I PHYIR DPER NA 'O MA 'O MA'I GNAS SKABS NYID KYIS 'GAG PA NYID DU MI 'GYUR BA BZHIN NO, , GNAS SKABS GZHAN GYIS GNAS PA YANG, ,GZHAN GYIS 'GAG PA NYID MI 'GYUR, ,NYID CES BYA BA'I SGRA NI NGES PAR BZUNG BA'I DON TE, 'DIR GZHAN GYIS 'GAG PA NYID DU MI 'GYUR RO ZHES BYA BAR BLTA'I, GZHAN DU NA GZHAN MA YIN PAS 'GAG GO ZHES BYA BAR 'GYUR RO, ,DE NI DAM BCA' BA NYE BAR GZHAG PA'O, ,GZHAN NYID KYI CHOS GTAN TSIGS NI GZHAN NYID YIN NO, ,'DIR RJES SU DPAG PA NI DON DAM PAR 'O MA NI ZHO'I GNAS SKABS KYIS 'GAG PAR MI 'GYUR TE, DE LAS GZHAN NYID YIN PA'I PHYIR DPER NA DE LAS GZHAN PA'I BRU BA LA SOGS PA BZHIN NO, PHYIR RGOL BA PA DAG NA RE, 'GAG PA NI YOD PA KHO NA YIN GYI, DNGOS PO LA BRTEN PA'I PHYIR DPER NA TSOS PA BZHIN NO ZHES ZER NA, DE LA BSHAD PA, GANG TSE CHOS RNAMS THAMS CAD KYI, SKYE BA 'THAD PAR MI 'GYUR BA, DE TSE CHOS RNAMS THAMS CAD KYI, ,'GAG PA 'THAD PAR MI 'GYUR RO, GANG GI TSE JI SKAD BSTAN PA'I TSUL GYIS CHOS THAMS CAD KYI SKYE BA MI 'THAD PA DE'I TSE, 'GAG PA YANG MI 'THAD DE, TSOS PAR BYA BA DANG, TSOS PA MA GRUB PAS DPE MED PA'I PHYIR RO ZHES BYA BAR DGONGS SO, ,YANG GZHAN YANG, 'DI LA 'GAG PA NI DNGOS PO YOD PA'AM MED PA LA BRTAG @111A *, ,GRANG NA, DE LA, RE ZHIG DNGOS PO YOD PA LA, ,'GAG PA 'THAD PAR MI 'GYUR RO, ,MI MTHUN PA NYID YIN PA'I PHYIR DPER NA ME DANG GRANG BA NYID BZHIN NO ZHES BYA BAR DGONGS SO, ,DE'I PHYIR, DNGOS DANG DNGOS PO MED PA DAG ,GCIG NYID NA NI 'THAD PA MED, ,CES BYA BA SMRAS SO, ,CI STE YANG, DNGOS POR GYUR NAS DE NYID BRAL BA NA, DNGOS PO MED PA ZHES BYA'O SNYAM NA, 'O NA NI DE NYID KYIS DON DAM PAR PHYI NANG GI DNGOS PO RNAMS LA NGO BO NYID MED PA NYID YIN TE, DNGOS POR GYUR NAS DNGOS PO MED PAR GYUR PAS NGO BO NYID MED PA NYID CES GSAL BAR BSTAN TE, SGYU MA LA SOGS PA BZHIN NO, ,CI STE DNGOS PO MED PA LA RTOG STE, 'DI LTAR KHA CIG NA RE, GZUGS KYI BLO NI BDAG NYID LAS GZHAN MED PA'I YUL CAN YIN TE, DE MTHONG NA DE'I BLO SKYE BA'I PHYIR RO, ,'DI NA GANG MTHONG NA GANG GI BLO SKYE BA DE NI DE'I YUL CAN YIN TE, DPER NA RTA LA SOGS PA'I BDAG NYID GZHAN MED PA'I LKOG SHAL LA SOGS PA MTHONG NA BA LANG GI BLO SKYE BA BZHIN NO, ,DE BZHIN DU RO LA SOGS PA'I BDAG NYID GZHAN MED PA'I GZUGS MTHONG NA, GZUGS KYI BLO SKYE BAS DE'I PHYIR GZUGS KYI BLO NI BDAG NYID LAS GZHAN MED PA'I YUL CAN YIN NO ZHES ZER BA LTA BU'O ZHE NA, DE NI RIGS PA MA YIN TE, DE NYID KYI GTAN TSIGS DE MA GRUB PA'I PHYIR DANG, DPE LA BSGRUB PAR BYA BA'I CHOS MA TSANG BA'I SKYON YOD PA'I PHYIR RO, ,YANG BSHAD PA, DNGOS PO MED PAR GYUR PA LA'ANG, ,'GAG PA 'THAD PAR MI 'GYUR RO, ,MED PA'I PHYIR, MGO GNYIS PA LA JI LTAR NI, ,GCAD DU MED PA DE BZHIN NO, ,'DIS NI MED PA NYID DU RJES SU DPOG PAS 'GAG PA MED PA NYID KYIS DNGOS PO MED PA LA 'GAG PA YOD PAR SMRA BA RNAMS KYI DAM BCAS PA LA CHOS CAN GYI NGO BO NYID BSAL BA'I SKYON YOD PAR BSTAN TO, ,YANG GZHAN YANG, KHYED CAG 'GAG PA'I 'GAG PA ZHES SMRA BA DE DON DAM PAR YOD NA RANG GI BDAG NYID KYIS SAM, GZHAN GYI BDAG NYID KYIS 'GAG PAR 'GYUR GRANG NA, DE LA, 'GAG PA 'GAG PA GZHAN DANG NI, ,DE NYID KYIS KYANG 'GAG MI RIGS, JI LTAR ZHE NA, JI @111B LTAR SKYE BA RANG DANG NI, ,GZHAN GYIS BSKYED PA MA YIN BZHIN, ,JI LTAR SKYE BA RANG NYID KYIS SKYED BAR MI RIGS SHE NA, JI SKAD DU, SKYE BA 'DI NI MA SKYES BAS, ,RANG GI BDAG NYID JI LTAR SKYED, ,CI STE SKYES PAS SKYED BYED NA, ,SKYES PA JI ZHIG BSKYED DU YOD, ,CES SMRAS PA'I PHYIR RO, ,JI LTAR SKYE BA GZHAN GYIS BSKYED BAR MI RIGS SHE NA, JI SKAD DU, GAL TE SKYE BA GZHAN ZHIG GIS, ,DE SKYED THUG PA MED PAR 'GYUR, ,CI STE SKYE BA MED SKYES NA, ,THAMS CAD DE BZHIN SKYE BAR 'GYUR, ,ZHES SMRAS PA'I PHYIR RO, ,DE BZHIN DU 'DIR YANG, 'GAG PA 'DI NI MA 'GAGS PAS, ,RANG GI BDAG NYID JI LTAR 'GAG ,CI STE 'GAGS PAS 'GAG BYED NA, ,'GAG NA CI ZHIG 'GAG TU YOD, ,CES BYA BA RNAM PAR BSHAD PA'I TSIG LE'UR BYAS PAS, SKYE BA RANG GI BDAG NYID KYIS SKYED PA DGAG PA'I RJES SU 'BRANG BAS 'GAG PA RANG GI BDAG NYID KYIS 'GAG PA DGAG PA YANG BRJOD PAR BYA'O, ,GAL TE 'GAG PA GZHAN ZHIG GIS, ,DE 'GAG THUG PA MED PAR 'GYUR, ,CI STE 'GAG PA MED 'GAG NA, ,THAMS CAD DE BZHIN 'GAG PAR 'GYUR, ,ZHES BYA BA RNAM PAR BSHAD PA'I TSIG LE'UR BYAS PAS 'DIR YANG SKYE BA GZHAN GYIS BSKYED PA DGAG PA'I RJES SU 'BRANG BAS 'GAG PA GZHAN GYIS DGAG PA YANG BRJOD PAR BYA'O, ,GANG DAG 'JIG PA CAN RNAMS NI 'JIG PA'I RGYUS 'JIG GO ZHES ZER BA DE DAG LA 'DI SKAD CES BRJOD PAR BYA STE, GANG ZHIG GANG GI 'JIG PA'I RGYU YIN NO ZHES NGES PAR SHES PA DE NI, DE'I 'JIG PA'I RGYU MA YIN TE, DE LAS GZHAN YIN PA'I PHYIR, DPER NA DE LAS GZHAN DAG BZHIN NO, ,DE'I PHYIR DE LTAR SGRUB PA RGYAS PAR JI SKAD DU BSTAN PAS SKYE BA DANG GNAS PA DANG, 'GAG PA BSAL BA'I PHYIR, RAB TU BYED PA'I DANG POR PHA ROL POS SMRAS PA'I GTAN TSIGS DANG DPE DAG DON DAM PAR NI DON MA GRUB PA NYID DANG MED PA NYID YIN LA, KUN RDZOB TU GTAN TSIGS DANG, DPE DAG BRJOD NA NI DON 'GAL BA NYID YIN NO, ,JI SKAD BSTAN PA'I TSUL GYI 'BRAS BU'I DBANG GIS MJUG BSDU BA'I PHYIR, SKYE DANG GNAS DANG 'JIG PA @112A *, ,DAG ,MA GRUB PHYIR NA 'DUS BYAS MED, ,DE LA PHA ROL POS DON DAM PAR 'DUS BYAS PHUNG PO DANG, KHAMS DANG, SKYE MCHED DAG LA 'DUS BYAS KYI NGO BO NYID DAG YOD PA KHO NAR GZUNG BAR BYA STE, SKYE BA LA SOGS PA 'DUS BYAS KYI MTSAN NYID DAG DANG LDAN PA'I PHYIR RO ZHES GANG SMRAS PA DE MA GRUB PO, ,GANG DAG DON DAM PAR BA LANG LA SOGS PA 'DUS BYAS DAG YOD PA KHO NA YIN TE, DE DAG GI MTSAN NYID LKOG SHAL LA SOGS PA DAG YOD PA'I PHYIR RO ZHES ZER BA DE DAG LA YANG DE BZHIN DU JI LKOG SHAL LA SOGS PA MTSAN NYID DE DAG MTSAN NYID DANG BCAS PA YIN NAM, 'ON TE MTSAN NYID MED CING DPE MED PA YIN ZHES BRGAL ZHING BRTAG PAR BYA'O, ,DE LA GAL TE DE DAG MTSAN NYID DANG BCAS PA YIN NA NI DE LTA NA LKOG SHAL LA SOGS PA DE DAG BA LANG GI BA LANG NYID DAM, 'DUS BYAS NYID MTSON PAR BYED PA MA YIN TE, MTSAN NYID DANG BCAS PA'I PHYIR DPER NA BA LANG GI RJES BZHIN NO, ,CI STE DE DAG MTSAN NYID MED PA YIN NA NI MTSAN NYID MED PA'I PHYIR DE DAG RANG NYID MI 'GRUB PAS, DE DAG GI MTSAN NYID KYI GZHI MTSON PAR MI NUS SO ZHES SNGA MA BZHIN DU RGYAS PAR SBYAR RO, ,DE DAG LA MTSAN NYID GZHAN DAG YOD NA NI THUG PA MED PAR THAL BAR 'GYUR LA, MTSAN NYID GZHAN MED NA NI MTSAN NYID KYI GZHI LA YANG THAL BA NYID DU 'GYUR RO ZHES BYA BA LA SOGS PA YANG BRJOD PAR BYA'O, ,GZHAN DAG NA RE, DON DAM PAR 'DUS BYAS NI YOD PA KHO NAR SHES PAR BYA STE, GNYEN PO DANG BCAS PA'I PHYIR RO, ,'DI NA GANG MED PAR SHES PA DE NI GNYEN PO DANG BCAS PA MA YIN TE, DPER NA MO GSHAM GYI BU BZHIN NO, ,'DUS BYAS LA NI GNYEN PO 'DUS MA BYAS YOD PAS DE'I PHYIR GTAN TSIGS JI SKAD SMOS PA'I MTHUS, DON DAM PAR 'DUS BYAS YOD PA KHO NAR SHES PAR BYA STE; DES NA RJES SU DPAG PA SNGAR SMRAS PA DAG LA 'GAL BA 'KHRUL BA MED PA'I GNOD PA YOD CING PHUNG PO LA SOGS PA DAG KYANG 'GRUB BO ZHES ZER RO, 'DIR BSHAD PA, 'DI LA 'DUS BYAS RAB TU GRUB NA NI DE BSAL BAS 'DUS MA BYAS ZHES BYA BA RDZAS CUNG ZHIG YOD PAR BRJOD DU @112B YANG RUNG GRANG NA, 'DUS BYAS DE BTAGS NA YOD PA MA YIN PAS DE'I PHYIR, 'DUS BYAS RAB TU MA GRUB PAS, ,'DUS MA BYAS NI JI LTAR 'GRUB, THA SNYAD DU YANG RI BONG GI RVA BZHIN DU MA SKYES PAS RDZAS NYID DU MA GRAGS SO ZHES BYA BAR DGONGS TE, DE'I PHYIR GTAN TSIGS LA SOGS PA DE DAG MI SRID PA NYID DO, ,'DIR SMRAS PA, GAL TE DON DAM PAR SKYE BA LA SOGS PA DAG MTSAN NYID MA YIN PAR STON NA DE LTAR NA DE DAG 'DUS BYAS KYI MTSAN NYID BSAL BA RJES SU BSGRUBS PAS PHYOGS DANG, GTAN TSIGS DANG DPE'I GZHI LA SOGS PA MA GRUB PA'I SKYON DU 'GYUR RO; ,'DIR BSHAD PA, DON DAM PAR YOD PA MA YIN YANG THA SNYAD DU, RMI LAM JI BZHIN SGYU MA BZHIN, ,DRI ZA'I GRONG KHYER JI BZHIN DU, ,YOD PA NYID DU KHAS BLANGS PA'I PHYIR SKYON MED DO, ,JI LTAR RMI LAM RNAM PAR BRTAGS PA NYAMS SU MYONG BA DRAN PA DANG, CHOS DANG CHOS MA YIN PA DANG; LHAS BYIN GYIS BRLABS PA'I RGYU CAN YUL 'DOD PA DANG, MI 'DOD PA DAG DANG PHRAD PA NYE BAR DMIGS PA'I 'BRAS BU DANG LDAN PA BRTAGS NA NGO BO NYID MED KYANG, THA SNYAD DU YOD PA LA SOGS PA'I BLO'I RGYU NYID KYIS YUL NYID DU 'GYUR BA DANG JI LTAR SGYU MA SGYU MA MKHAN DANG GSANG SNGAGS DANG SMAN GYI MTHU KHYAD PAR CAN LAS GLANG PO CHE DANG, KHYU MCHOG DANG, BUD MED DANG, GNAS LA SOGS PA'I NGO BO NYID DU 'BYUNG BA DBANG PO'I SPYOD YUL DU GYUR PA DAG NGO BO NYID MED KYANG, SHES PA 'KHRUL PA'I RGYU YIN PA'I PHYIR YOD DO ZHES BRJOD PA DANG, JI LTAR DRI ZA'I GROD KHYER 'OBS RGYA CHEN PO DANG, SGO DANG SGO KHANG DANG, YANG THOG DKAR PO DGA' BA 'TSER BAG CAN DANG, KHYAMS ZLA BA CAN DANG, SKAR KHUNG DANG, KHANG PA BRTZEGS PA DANG LDAN PA'I GRONG KHYER GYI BLO SKYE BA'I RGYU YIN PA, DE BZHIN SKYE DANG DE BZHIN GNAS, DE BZHIN DU NI 'JIGS GSUNGS, ,DRANG SRONG DE KHO NA NYID MTHONG BA'I MIG YANG DAG PAR BYE BA RNAMS LA 'DUS BYAS KYI SKYE BA LA SOGS BA'I BLO SKYE BA'I RGYU NYID DU GSUNGS SO, ,MI SHES PA BLO GROS KYI MIG ZUM PA RNAMS NI RMI LAM LA SOGS PA BZHIN DU DNGOS PO RNAMS SKYE'O, ,GNAS SO, ,'GAG GO ZHES YANG DAG PA'I DON GYI MNGON PA'I NGA RGYAL SKYED PAR BYED DO, ,DE'I PHYIR DE @113A *, ,LTAR MKHAS PA DANG MKHAS PA MA YIN PA DAG GI THA SNYAD KYI DBANG GIS SKYE BA LA SOGS PA YOD PA NYID DU KHAS BLANGS PA'I PHYIR PHYOGS DANG GTAN TSIGS DANG DPE'I GZHI LA SOGS PA MA GRUB PA'I SKYON MED DO, ,'DI LA KHA CIG NA RE, KUN NAS NYON MONGS PA 'JUG PA'I RGYU DE LAS GZHAN PA RNAM PAR RTOG PA GSUM PO DAG BSTAN PA'I PHYIR RMI LAM LA SOGS PA DPE GSUM BSTAN TO ZHES ZER RO, ,GZHAN DAG NA RE PHA ROL POS SKYE BA LA SOGS PA DAG YOD PA KHO NA YIN TE, MNGON SUM GYI BLO'I BZUNG BA YIN PA'I PHYIR DANG, BYED PA PO YOD PA'I PHYIR DANG, RGYUD THA MI DAD PAS 'DZIN PA'I PHYIR DPER NA, GZUGS BZHIN NO ZHES SMRAS PA DE DAG MA NGES PA NYID DU BSTAN PA'I PHYIR, RMI LAM LA SOGS PA'I DPE GSUM PO DAG GO RIMS BZHIN DU GSUNGS TE, BCOM LDAN 'DAS KYIS KYANG NYAN THOS KYI THEG PA LA BDAG DANG BDAG GI NGO BO NYID MED PA YIN YANG DE LTAR SNANG BA'I PHYIR, NYON MONGS PA'I SGRIB PA'I GNYEN POR, GZUGS NI DBU RDOS PA 'DRA, ,TSOR BA CHU BUR DAG DANG MTSUNGS, ,'DU SHES SMIG RGYU 'DRA BA STE, ,'DU BYED RNAMS NI CHU SHING BZHIN, RNAM SHES SGYU MA LTA BU ZHES, ,DE NYID GZIGS PAS BKA' STZAL TO, ,ZHES GSUNGS LA, THEG PA CHEN PO LA YANG 'DUS BYAS RNAMS NGO BO NYID MED PA NYID YIN YANG DE LTAR SNANG ZHING DE LTAR BSTAN PA'I PHYIR NYON MONGS PA DANG SHES BYA'I SGRIB PA'I GNYEN POR, ,SKAR MA RAB RIB MAR ME DANG, ,SGYU MA ZIL PA CHU BUR DANG, ,RMI LAM GLOG DANG SPRIN LTA BUR, ,'DUS BYAS DE LTAR BLTA BAR BYA, ,ZHES GSUNGS PAS DE'I PHYIR 'DI LA SKRAG PA'I GNAS MED DE, BLO GROS DANG LDAN PA RNAMS KYIS YONGS SU BRTAGS NAS BZOD PA BSKYED PAR BYA'O ZHES ZER RO, ,GZHAN DAG NA RE, BCOM LDAN 'DAS KYIS 'DU BYED RNAMS BDAG MED PA DPER NA, SGYU MA DANG, BRAG CA DANG, GZUGS BRNYAN DANG, SMIG RGYU DANG, RMI LAM DANG, DBU BA RDOS PA DANG, CHU'I CHU BUR DANG, CHU SHING GI PHUNG PO DAG BSTAN TE, 'DI LA DE BZHIN NYID DAM, MA NOR BA DE BZHIN NYID NI 'GA' YANG MED KYI, 'DI DAG NI SPROS PA YANG YIN, 'DI DAG NI BRDZUN @113B PA YANG YIN NO ZHES KYANG GSUNGS SO, ,CHOS THAMS CAD BDAG MED DO ZHES GSUNGS PA LA BDAG MED PA ZHES BYA BA NI NGO BO NYID MED PA'I DON TE, BDAG CES BYA BA'I SGRA NI NGO BO NYID KYI TSIG YIN PA'I PHYIR RO ZHES ZER RO, ,GZHAN MA YIN PA NA RE DE LA 'DIR BDAG TU SNANG BA NI NOR BA'I DE BZHIN NYID YIN PA'I PHYIR DANG BDAG CES BYA BA'I SGRA YANG BDAG GI TSIG YIN PA'I PHYIR DE DAG LA BDAG GZHAN YANG MED LA, RANG NYID KYANG BDAG MA YIN TE, DBANG PHYUG MA YIN PA BZHIN PAS KHUNGS DES NI NYAN THOS KYI THEG PA LA GANG ZAG GI BDAG MED PA'I SGRA'I DON BYE BRAG TU RTOGS PAR BYA BA YIN PA'I PHYIR CHOS BDAG MED PA NYID BSTAN PAR MI NUS SO, ,NUS PAR GYUR NA NI THEG PA GZHAN YONGS SU BZUNG BA DON MED PA NYID DU 'GYUR RO ZHES ZER RO, ,DE LA 'DIR RAB TU BYED PA'I DON NI PHA ROL POS RAB TU BYED PA'I DANG POR SGRUB PA SMRAS PA'I SKYON BRJOD PAS 'DUS BYAS RNAMS NGO BO NYID MED PA NYID DU BSTAN PA YIN NO, ,DE'I PHYIR RAB 'BYOR JI TZAM DU 'DUS BYAS YIN PA DE TZAM DU BRDZUN NO ZHES BYA BA DANG, DE BZHIN DU GANG 'DUS BYAS LA MI SPYOD PA DANG, 'DUS MA BYAS LA MI SPYOD PA DE NI SHES RAB KYI PHA ROL TU PHYIN PA LA SPYOD PA NYID YIN NO ZHES BYA BA DANG, DE BZHIN DU CHOS THAMS CAD NI DE BZHIN NYID LA GNAS PA STE, DE BZHIN NYID GANG YIN PA DE LA NI 'DUS BYAS KYANG MED, 'DUS MA BYAS KYANG MED DO, ,GANG LA 'DUS BYAS KYANG MED, 'DUS MA BYAS KYANG MED PA DE LA NI GNYIS SU 'JUG PA MED DO, ,GANG LA GNYIS SU 'JUG PA MED PA DE LA NI DE BZHIN NYID DO ZHES BYA BA DANG, DE BZHIN DU TSANGS PA 'DUS BYAS DANG, 'DUS MA BYAS KYI CHOS RNAMS LA THA DAD DU BYA BA CI YOD, SMRAS PA, 'JAM DPAL 'DUS BYAS DANG, 'DUS MA BYAS KYI CHOS RNAMS LA THA SNYAD TZAM THA DAD PAR BYA BA YIN TE, BYANG CHUB SEMS DPA' GZUNGS 'DI 'DZIN PA NI 'DUS BYAS DANG, 'DUS MA BYAS KYI CHOS RNAMS LA RLOM SEMS SU MI BYED, DMIGS PAR MI BYED DO ZHES BYA BA LA SOGS PA DANG, DE BZHIN DU RAB KYI RTZAL GYIS RNAM PAR GNON PA GZUGS DANG, TSOR BA DANG, 'DU SHES DANG, 'DU BYED RNAMS DANG, RNAM PAR SHES @114A *, ,PA NI 'DUS BYAS KYANG MA YIN, 'DUS MA BYAS KYANG MA YIN PA GANG YIN PA DE NI SHES RAB KYI PHA ROL TU PHYIN PA'O, ,GZUGS DANG, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA NI, SKYE BA'I CHOS CAN YANG MA YIN, 'GAG PA'I CHOS CAN YANG MA YIN NO, ,GZUGS DANG, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA SKYE BA'I CHOS CAN YANG MA YIN, 'GAG PA'I CHOS CAN YANG MA YIN PA GANG YIN PA DE NI SHES RAB KYI PHA ROL TU PHYIN PA'O, ,RNAM PAR RTOG PA MA GTOGS PAR 'DUS BYAS DANG, 'DUS MA BYAS MED DE, BYIS PA RMONGS PA RNAMS NI MO GSHAM GYI RMI LAM NA BU MTHONG BA BZHIN DU, 'DUS BYAS DANG, 'DUS MA BYAS ZHES 'DZIN PAR BYED DO ZHES BYA BA LA SOGS PA GSUNGS PA DE DAG GRUB PA YIN NO, ,SLOB DPON LEGS LDAN BYED KYIS NYE BAR SBYAR BA, DBU MA'I RTZA BA'I 'GREL PA SHES RAB SGRON MA LAS, SKYE BA DANG, GNAS PA DANG, 'JIG PA BRTAG PA ZHES BYA BA STE RAB TU BYED PA BDUN PA'O,, ,,DA NI STONG PA NYID KYI MI MTHUN PA'I PHYOGS KYI KHYAD PAR DGAG PAS PHUNG PO LA SOGS PA DAG NGO BO NYID MED PA NYID DU BSTAN PA'I DON GYI DBANG GIS RAB TU BYED PA BRGYAD PA BRTZAM MO, ,'DIR SMRAS PA, DON DAM PAR PHUNG PO DANG KHAMS DANG, SKYE MCHED DAG YOD PA KHO NA YIN TE, BCOM LDAN 'DAS KYIS DE DAG LA BRTEN NAS BYED PA PO DANG LAS BSTAN PA'I PHYIR RO, ,'DI NA GANG MED PA LA NI BCOM LDAN 'DAS KYIS DE LA BRTEN NAS BYED PA PO DANG LAS MA BSTAN TE, DPER NA BONG BU DANG RNGA MO'I RVA DAG BZHIN NO, ,PHUNG PO LA SOGS PA DAG LA NI, BCOM LDAN 'DAS KYIS DE DAG LA BRTEN NAS BYED PA PO DANG LAS BSTAN PA 'DI YOD DE, LEGS PAR SPYAD PA'I CHOS SPYAD BYA, ,NYES PAR SPYAD PA DE MI SPYAD, ,CHOS SPYOD 'JIG RTEN 'DI DANG NI, ,PHA ROL DU YANG BDE BAR GNAS, ,ZHES BYED PA PO DANG LAS KYANG BSTAN TO, ,DE LA CHOS MNGON PA LAS, LAS NI DGE BA DANG, MI DGE BA DANG, LUNG DU MA BSTAN PA'I BYE BRAG GIS RNAM PA GSUM MO, ,DE LA DGE BA YANG NGO BO NYID DANG MTSUNGS PAR LDAN PAR @114B KUN NAS BSLANG BA DANG, DON DAM PA'I BYE BRAG GIS RNAM PA BZHI'O, ,MI DGE BA YANG DE BZHIN NO, ,LUNG DU MA BSTAN PA YANG RNAM PAR SMIN PA LAS SKYES PA DANG, SPYOD LAM LAS BYUNG BA DANG, BZO'I GNAS LAS BYUNG BA DANG, SPRUL PA LAS BYUNG BA'I BYE BRAG GIS RNAM PA BZHI'O ZHES 'BYUNG BAS DE'I PHYIR GTAN TSIGS JI SKAD SMOS PA'I MTHUS DON DAM PAR, PHUNG PO DANG, KHAMS DANG, SKYE MCHED DAG YOD PA KHO NA YIN NO, ,DE LA 'DIR GAL TE DON DAM PAR DE DAG LA BRTEN NAS, BYED PA PO DANG LAS BSTAN PA'I PHYIR RO ZHES BYA BA'I GTAN TSIGS 'DOD NA NI DON MA GRUB PA NYID DO, ,'ON TE DBYUG PAS MA BZLOG PA'I PHYIR THA SNYAD DU 'DOD NA NI DON 'GAL BA NYID DANG, GRUB PA LA SGRUB PA NYID YIN NO, ,BCOM LDAN 'DAS KYIS DON DAM PAR DE DAG LA BRTEN NAS BYED PA PO DANG LAS BSTAN TO ZHES BYAR YANG DPE MED DE, 'DI LTAR DON DAM PAR DNGOS PO MED PA'I PHYIR RO, ,DE'I PHYIR DE LTAR DE DAG MI 'THAD PA DE LTAR BRTAG PAR BYA STE, 'DI LA BYED PA PO DE YANG YIN PAR GYUR PA'AM, MA YIN PAR GYUR PA'AM, YIN PA DANG, MA YIN PAR GYUR PA ZHIG LAS BYED PAR 'GYUR ZHING LAS KYANG YIN PAR GYUR PA'AM, MA YIN PAR GYUR PA'AM, YIN PA DANG, MA YIN PAR GYUR PA ZHIG BYED PA PO'I BYA BAR 'GYUR GRANG NA, DE DAG RNAM PA THAMS CAD DU MI 'THAD PAS DE'I PHYIR BSHAD PA, BYED PO YIN PAR GYUR PA DE, ,LAS SU GYUR PA MI BYED DO, ,'DI NI DAM BCA' BA NYE BAR GZHAG PA'O, ,DE LA BYED PA PO YIN PAR GYUR BA NI BYA BA DANG LDAN PA'O, ,LAS YIN PAR GYUR BA YANG BYA BA DANG LDAN PA'O, ,BYED PO MA YIN GYUR PA YANG, ,LAS SU MA GYUR MI BYED DO, ,'DI YANG DAM BCA' BA NYE BAR GZHAG PA'O, ,DE LA YANG BYED PA PO MA YIN PAR GYUR PA DANG, LAS MA YIN PAR GYUR PA NI DE LAS BZLOG GO, ,BYED PA PO ZHES BYA BA NI BYA BA BYED PA'O, ,LAS ZHES BYA BA NI BYA BA'O, ,MI BYED DO ZHES BYA BA NI BYA BA MI BYED PA'O, ,DE LA RE ZHIG DAM BCAS PA'I DON NYE BAR GZHAG PA SNGA MA SGRUB PA'I PHYIR BSHAD PA, YIN PAR GYUR LA BYA BA MED, ,BYED PA PO GANG BYA BA LA MA LTOS PA ZHIG BYED PA PO'I NGO BO NYID DU 'DOD @115A *, ,NA DE LA BYA BA DANG LAS MED DE, BYA BA MED PAR YANG DE GRUB PA'I PHYIR RO, ,BYA BA DANG LDAN PA LAS KHYAD PAR YOD PAR YANG MI RIGS PAS BYED PA PO LAS BYED DO ZHES BYA BA DE MI 'THAD DO ZHES BYA BAR DGONGS SO, ,YANG NA, YIN PAR GYUR LA BYA BA MED, ,CES BYA BA NI CHOS MTHUN PA'I DPA'I TSIG YIN NO, ,'DIR RJES SU DPAG PA NI DON DAM PAR BYED PA PO YIN PAR GYUR PA LHAS BYIN ZHES BYA BA BRTEN TE BRTAGS PA DANG, MU STEGS BYED KYIS YONGS SU BRTAGS PA NI LHAS BYIN GYI RGYUD LA LAS DGE BA DANG MI DGE BA MI BYED DE, BYED PA PO YIN PA'I PHYIR DPER NA MCHOD SBYIN BZHIN NO, ,YANG NA BYED PA PO YIN PAR GYUR PA NYE BAR BTAGS PA MA YIN PAR JI LTAR GZIGS ZAN PA DAG GIS BDAG BYED PA PO NYID DU BRTAGS PA LTA BU DE DAG GI PHYIR, RJES SU DPAG PA NI DON DAM PAR BDAG LHAS BYIN NI LHAS BYIN GYI RGYUD LA LAS MI BYED DE, DNGOS PO YIN PA'I PHYIR DPER NA LAS BZHIN NO, ,DON DAM PAR LHAS BYIN GYI RGYUD KYI LAS NI BYED PA PO BDAG LHAS BYIN GYI BYA BA MA YIN TE, LAS YIN PA'I PHYIR DPER NA DE LAS GZHAN PA BZHIN PAS DE'I PHYIR RJES SU DPAG PAS GNOD PAR 'GYUR RO, ,CI STE DAM BCAS PA DE'I DON GANG YIN, CI LHAS BYIN GYI RGYUD KYI LAS LA BYED PA PO GZHAN YOD PA YIN NAM, 'ON TE BYED PA PO MED PA YIN, DES CIR 'GYUR, GAL TE BYED PA PO GZHAN YOD PA YIN NA NI DAM BCAS PA NYAMS SO, ,CI STE BYED PA PO MED PA YIN NA NI DPE MED DO ZHE NA, DE NI RIGS PA MA YIN TE, BDAG MCHOD SBYIN ZHES BYA BA LHAS BYIN GYI RGYUD KYI BYED PA PO NYID DU MA GRUB PA NYID DPE NYID DU NYE BAR BZHAG PA'I PHYIR RO, ,DE'I PHYIR DE LTAR BYED PA PO YIN PAR GYUR PA BYA BA LA MI LTOS PA LA BYED PA PO NYID DU RTOG PA LA BYA BA DANG LAS MI 'THAD DO, ,LAS KYANG BYED PO MED PAR 'GYUR, ,BYED PA PO DES DE MA BYAS PA'I PHYIR RO, ,YANG NA, LAS KYANG BYED PO MED PAR 'GYUR, ,ZHES BYA BA NI LAS YIN PAR GYUR PAR RTOG PA LA, LAS KYANG LAS KYI NGO BO NYID YIN PA'I PHYIR, BYED PA PO LA MI LTOS PA YIN TE, NGO BO NYID NI LTOS PA MED PA'I PHYIR RO, ,DES NA BYED PA POS MA BYAS PA NYID KYI LAS SU 'GYUR TE, 'DIR YANG RJES SU @115B DPAG PA SNGA MA BZHIN NO, ,YIN PAR GYUR LA BYA BA MED, ,BYED PA PO YANG LAS MED 'GYUR, ,ZHES BYA BA NI PHYED GONG MA SHOS KYI RJES SU 'BRANG BAS RNAM PAR BSHAD ZIN PA'I PHYIR BSHAD MI DGOS SO, ,DE LTAR NA DAM 'CHA' BAR BYED PA'I DAM BCAS PA LA RJES SU DPAG PAS GNOD PAR 'GYUR BAS BYED PA PO DANG LAS DAG LTOS PA MED PAR YOD PA DE NI MI 'DOD DE, DE'I PHYIR BYED PA PO DANG LAS DAG LTOS PA PO DANG BCAS PA NYID DU 'DOD PA KHO NAR BYA'O, ,DES NA DON DAM PAR BYED PA PO LHAS BYIN ZHES BYA BA NI, LHAS BYIN GYI RGYUD LA LAS BYED PA PO'I RGYUD LA GDON MI ZA BAR RNAM PAR SMIN PAR 'GYUR BA MI BYED PAR SHES PAR BYAR NUS TE, LTOS PA DANG BCAS PA'I PHYIR DPER NA MCHOD SBYIN BZHIN NO, ,DE BZHIN DU DON DAM PAR LHAS BYIN GYI RGYUD KYI LAS BYED PA PO LA GDON MI ZA BAR RNAM PAR SMIN PAR 'GYUR BA NI BYED PA PO LHAS BYIN GYI BYA BA MA YIN TE; BYED PA PO LA LTOS PA'I PHYIR, DPER NA MCHOD SBYIN GYI RGYUD KYI LAS BZHIN NO, ,DE NI DAM BCAS PA'I DON NYE BAR GZHAG PA GNYIS PA SGRUB PA'I PHYIR BSHAD PA, GAL TE BYED POR MA GYUR PA, ,LAS SU MA GYUR BYED NA NI, ,DES CIR 'GYUR, LAS LA RGYU NI MED PAR 'GYUR,, BYED PA PO MED PAR YANG GRUB PA'I PHYIR RO, ,BYED PA PO YANG RGYU MED 'GYUR, ,BYED PA PO LAS MI BYED PA DANG, LAS LA MI LTOS PA YIN PA'I PHYIR RO, ,TSIG LE'UR BYAS PA'I PHYED PA 'DIS KYANG BYED PA PO DANG LAS KYI CHOS BYED PA PO DANG LAS DAG PHAN TSUN LTOS PA DANG BCAS PA NYID BSTAN TO, ,'DIR RJES SU DPAG PA NI BYED PA PO DANG LAS KYI PHYOGS LA YANG SNGA MA BZHIN TE, KHYAD PAR NI BYED PA PO DANG LAS MA YIN PAR GYUR PA DAG PHYOGS SU BYA BA YIN NO, ,CI STE YANG 'GA' ZHIG KHO BO CAG LA BYED PA PO DANG LAS DAG NI 'DI LTA STE RANG DBANG NI BYED PA PO'O, ,BYED PA PO'I 'DOD PA MCHOG NI LAS SO ZHES BYA BAS, RANG GI MTSAN NYID GRUB PA'I PHYIR PHAN TSUN LTOS PA MED PA NYID YIN PAS, DES NA LTOS PA DANG BCAS PA'I PHYIR ZHES BYA BA'I GTAN TSIGS KYI DON MA GRUB PA NYID DO ZHES ZER NA, SUN 'BYIN PAR BYED PA LA BRKAM PA NYID KYIS DE LA GNOD PA CHEN PO 'BYUNG BAR @116A *, ,'GYUR TE, JI LTAR ZHE NA, 'DI LA RANG DBANG NI BYED PA PO'O ZHES BYA BA GANG YIN PA DE YANG LAS BSGRUB PA'I THABS MKHAS PA LA RANG DBANG YOD PA'I PHYIR, LAS LA LTOS PA NYID YIN LA, BYED PA PO'I 'DOD PA MCHOG NI LAS SO ZHES BYA BA GANG YIN PA DE YANG BYED PA PO LA LTOS PA NYID YIN PA'I PHYIR BYED PA PO DANG, LAS DAG GI BYED PA PO DANG, LAS ZHES THA SNYAD GDAGS PA NYID LA NI PHAN TSUN RGYU'I DNGOS POR NYE BAR 'GRO BA YOD PA YIN NA, DE YANG BYED PA PO DANG LAS DAG LTOS PA MED PAR SMRA BA LA MI 'THAD PAS DE'I PHYIR BYED PA PO DANG LAS DAG LA RGYU MED PAR 'GYUR TE, DE LTAR, RGYU MED NA NI 'BRAS BU DANG, ,RGYU YANG 'THAD PAR MI 'GYUR RO, ,RGYU DANG RKYEN SO SOR NGES PA'I MTHUS BYA BA NYID KYIS 'BRAS BU ZHES BYA ZHING, LHAN CIG BYED PA'I RGYU TSOGS SU ZIN KYANG DE YOD NA 'BYUNG BA NYID KYIS 'BRAS BU'I RGYU ZHES BYA NA, LTOS PA MED PA LA NI RGYU MED PA YANG RGYUR MI RUNG LA, DE'I 'BRAS BU MED PA YANG 'BRAS BUR MI RUNG NGO ZHES BYA BAR DGONGS SO, ,YANG GZHAN YANG, DE MED NA NI BYA BA DANG, ,BYED PA PO DANG BYED MI RIGS, ,'BRAS BU DE MED NA BYA BA DANG BYED PA PO DANG BYED PA PO DANG BYED PA DAG MI RIGS TE, 'JIG RTEN PA'I BUM PA LA SOGS PA YUL GYI BYA BA DE YANG BYED PA PO'I 'DOD PA MCHOG NI LAS SO ZHES BYA BAS BYED PA PO LA LTOS PA YIN NA BUM PA SGRUB NUS PA'I RTZOL BA LA, THABS SHES PA MA BRJED PA'I MKHAS PA LA RANG DBANG NI BYED PA PO'O ZHES BYA BA DE YANG BYED PA PO GZHAN LA MI LTOS SHING LAS LA LTOS PA YIN, BUM PA BSGRUB PA'I YAN LAG DU MAS BSGRUB PAR BYA BA DE NYID KYIS BSGRUB PA'I YAN LAG LAS SGRUB PA'I MCHOG NI BYED PA'O ZHES BYA BA DE YANG BYED PA PO DANG, LAS DAG LA LTOS PA YIN NA LTOS PA MED PA LA NI DE DAG MED DE, GCAD PAR BYA BA'I SHING MED NA BCAD PA DANG GCOD PA PO DANG GCOD PA DAG MED PA BZHIN NO, ,YANG GZHAN YANG, ,BYA BA LA SOGS MI RIGS NA, ,CHOS DANG CHOS MIN YOD MA YIN, ,BYA BA DANG BYED PA PO DANG BYA BA DAG MI RIGS NA CHOS DANG CHOS MA YIN PA DAG YOD PA MA YIN TE, PHA ROL PO'I TSUL LAS CHOS DANG CHOS MA YIN PA DAG NI BYA @116B BA DANG BYED PA PO DANG BYED PA DAG GIS BSGRUB PAR BYA BA YIN PA'I PHYIR DANG DE DAG GIS GSAL BAR BYA BA YIN PA'I PHYIR RO ZHES BYA BAR DGONGS SO, ,CI STE YANG RANG GI SDE PA DAG LA LA 'DI SKAD CES 'DU BYED RNAMS LA BYED PA PO DANG, TSOR BA PO MED PA'I PHYIR BYED PA PO MED PA'I SKYON GYIS MI GNOD DE; CHOS DANG CHOS MA YIN PA DAG LUS DANG, NGAG DANG YID KYI BYA BA'I KHYAD PAR GYI BDAG NYID DU KHAS BLANGS PA'I PHYIR RO ZHE NA, RGYU PHAN 'DOGS PA TSOGS PA TZAM LA THA SNYAD DU BYED PA PO NYID DU KHAS BLANGS PAS, DE LA LTOS PA NYID KYI CHOS DANG CHOS MA YIN PA DAG LAS KYI SGRAR BRJOD PA'I PHYIR, BYED PA PO MED NA DE LA LTOS PA'I LAS MI 'GRUB PA'I PHYIR, CHOS DANG CHOS YIN PA LA SOGS PA DAG MED PA'I SKYON GYIS MI GNOD PA MA YIN TE, LTOS PA'I RIGS PA MED PA'I PHYIR RO, ,DE LTAR JI SKAD BSTAN PA'I TSUL GYIS, CHOS DANG CHOS MIN MED NA NI, , DE LAS BYUNG BA'I 'BRAS BU MED, ,CHOS DANG CHOS MA YIN PA DAG MED NA DE DAG LAS BYUNG BA'I 'BRAS BU LHA DANG MI DANG SEMS CAN DMYAL BA DANG, DUD 'GRO DANG YI DAGS KYI 'GRO BA DAG TU LUS DANG DBANG PO DANG LONGS SPYOD 'DOD PA DANG, MI 'DOD PA'I BDAG NYID 'GRUB PA DAG MED PAR 'GYUR RO, ,DE LTAR, 'BRAS BU MED NA THAR PA DANG, ,MTHO RIS 'GYUR BA'I LAM MI 'THAD, ,BYA BA DAG NI THAMS CAD KYANG, ,DON MED NYID DU THAL BAR 'GYUR, ,'BRAS BU MED NA THAL BAR 'GYUR BA'I LAM RNAL 'BYOR PA DAG MYA NGAN LAS 'DAS PA'I DON DU YANG DAG PA'I LTA BA SNGON DU BTANG BA'I 'PHAGS PA'I LAM YAN LAG BRGYAD PA SGOM PA YANG MI 'THAD PAR 'GYUR LA, MTHO RIS SU 'GYUR BA'I LAM TSUL KHRIMS YANG DAG PAR LEN PA DANG, BSAM GTAN DANG, SNYOMS PAR 'JUG PA LA MNGON PAR BRTZON PA YANG MI 'THAD PAR 'GYUR ZHING, 'JIG RTEN DANG 'JIG RTEN LAS 'DAS PA'I BYA BA THAMS CAD KYANG DON MED PA NYID DU THAL BAR 'GYUR RO, ,DE'I PHYIR DE LTAR BYED PA PO MA NYIN PAR GYUR PA LAS MA YIN PAR GYUR PA BYED PA DANG, LAS MA YIN PAR GYUR PA BYED PA PO MA YIN PAR GYUR PA'I BYA BA YIN PAR RTOG PA LA GNOD PA CHEN PO DE @117A *, ,DAG 'BYUNG BAR 'GYUR BA BZLOG DKA' BAR RIG NAS BYED PA PO DANG LAS DAG LTOS PA DANG BCAS PA NYID DU 'DOD PAR BYA'O, ,DE LTAR GTAN TSIGS KHA NA MA THO BA MED PA JI SKAD BSTAN PA DE YOD PA'I PHYIR BYED PA PO MA YIN PAR GYUR PA, LAS MA YIN PAR GYUR PA BYED PA DANG; LAS MA YIN PAR GYUR PA BYED PA PO MA YIN PAR GYUR PA'I BYA BA YIN PAR SGRUB PA'I PHYOGS DE MI 'THAD PAR BSTAN TO, ,RNAM GRANGS KYI TSUL SMRA BA DAG NA RE, RNAM GRANGS LAS BYED PA PO YIN PA DANG MA YIN PAR GYUR PA LAS YIN PA DANG MA YIN PAR GYUR PA BYED PA'I PHYIR SKYON MED DO ZHE NA, 'DIR BSHAD PA, BYED PA POR GYUR MA GYUR PA, ,GYUR MA GYUR DE MI BYED DO, ,YIN DANG MA YIN GYUR PA NI, ,PHAN TSUN 'GAL BAS GA LA GCIG ,'DI LTAR YIN PA DANG MA YIN PAR GYUR PA NI PHAN TSUN 'GAL BAS GCIG LA GCIG DUS GCIG TU MI 'THAD DO, ,GAL TE YIN NA NI JI LTAR MA YIN PAR 'GYUR CI STE MA YIN NA NI JI LTAR YIN PAR 'GYUR TE, 'DI LTAR 'JIG RTEN NA ME LA TSA BA'I NGO BO NYID DANG, GRANG BA'I NGO BO NYID DMIGS SU MED PA BZHIN NO, ,CI STE RDZAS KYI NGO BO NYID DU YOD PA'I PHYIR YIN PAR GYUR PA YIN LA, BYA BA DANG BYED PA'I SNGON ROL NA BYED PA PO NYID DU MED PA'I PHYIR MA YIN PAR GYUR PA YANG YIN PAS DE LTAR LTOS PA'I DBANG GIS GCIG LA YANG DUS GCIG NA GNYI GA'I BDAG NYID YOD PA'I PHYIR SKYON MED DO ZHE NA, ,DE NI BZANG PO MA YIN TE, LTOS PA'I NGES PA 'GOG PAR 'GYUR BA'I PHYIR DANG, PHYOGS GNYI GAR BSTAN PA'I RJES SU DPAG PAS BKAG PA'I PHYIR SKYON MED PA MA YIN NO, ,GAL TE MCHOD SBYIN NI BYED PA PO NYID KYANG YIN LA, BYED PA PO MA YIN PA NYID KYANG YIN PAS, DPE MED PA'I PHYIR RJES SU DPAG PAS GNOD PAR MI 'GYUR RO ZHE NA, LHAS BYIN GYI RGYUD LA MCHOD SBYIN BYED PA PO MA YIN PAR GYUR PA'I CHA DANG, MCHOD SBYIN GYI BYA BA MA YIN PAR GYUR PA'I CHAR BSGRUB PA NYID DPE NYID DU 'DOD PA'I PHYIR SKYON MED DO, ,RGYAS PAR SNGA MA BZHIN NO, ,DE'I PHYIR DE LTAR RE ZHIG PHYOGS MTHUN PA LA BRTEN PA'I BYED PA PO DANG LAS RNAM PAR BZHAG PA DAG DON DAM PA LA MA YIN PAS RAB TU BYED PA'I DANG POR SMRAS PA'I GTAN TSIGS @117B KYI DON MA GRUB PA NYID DO, ,GAL TE BYED PA PO YIN PAR GYUR PA LAS MA YIN PAR GYUR PA BYED CING, BYED PA PO MA YIN PAR GYUR PA YANG LAS YIN PAR GYUR PAR BYED PAS SKYON MED DO ZHE NA, 'DIR BSHAD PA, BYED PA PO DANG LAS DAG NI, ,GYUR PA MA GYUR MI BYED DE, ,MA GYUR PA YANG GYUR MI BYED, , GANG GIS CI ZHIG MI BYED CE NA, BYED PA PO YIN PAR GYUR PA LAS MA YIN PAR GYUR PA MI BYED LA, BYED PA PO MA YIN PAR GYUR PA LAS YIN PAR GYUR PA MI BYED DO, ,CI'I PHYIR ZHE NA, 'DI LTAR, 'DIR YANG SKYON DER THAL BAR 'GYUR, ,YIN PAR GYUR PA DANG, MA YIN PAR GYUR PA'I PHYOGS SU BSTAN PA'I SKYON DE DAG NYID DU THAL BAR 'GYUR BA'I PHYIR RO, ,DON DAM PAR BYED PA PO YIN PAR GYUR PA LAS MA YIN PAR GYUR BA MI BYED LA, BYED PA PO MA YIN PAR GYUR PA LAS YIN PAR GYUR PA MI BYED DO ZHES DAM BCAS PA LA KHYAD PAR YOD PAR ZAD KYI, SBYOR BA'I YAN LAG LHAG MA DAG NI RGYAS PAR SNGA MA BZHIN NO, ,DE BZHIN DU, BYED PA PO DANG LAS DAG NI, ,GYUR DANG BCAS PA MA GYUR DANG, ,GYUR MA GYUR PA MI BYED DE, ,GTAN TSIGS GONG DU BSTAN PHYIR RO, ,DE BZHIN DU, BYED PA PO DANG LAS DAG NI, ,MA GYUR BA NI GYUR BCAS DANG, ,GYUR MA GYUR PA MI BYED DO, ,GTAN TSIGS GONG DU BSTAN PHYIR RO, ,DE BZHIN DU, BYED PA POR GYUR MA GYUR NI, ,LAS SU GYUR DANG MA GYUR PA, ,MI BYED 'DIR YANG GTAN TSIGS NI, ,GONG DU BSTAN PAS SHES PAR BYA, ,'DIR YANG DAM BCAS PA LA KHYAD PAR YOD PA 'BA' ZHIG TU ZAD KYI, SBYOR BA'I YAN LAG LHAG MA DAG NI RGYAS PAR SNGA MA BZHIN NO, ,GANG GI PHYIR DE LTAR BRTAGS NA, ,BYED PO LAS LA BRTEN BYAS SHING, ,LAS KYANG BYED PO DE NYID LA, ,BRTEN NAS 'BYUNG BA DE YI PHYIR, ,BYED PA PO DANG LAS NYID LA BYED PA PO DANG LAS KYI RGYU YOD PA NI THA SNYAD PAR PHAN TSUN LTOS PA NYID YIN GYI, DE MA GTOGS PAR DE LAS GZHAN PA 'GRUB PA'I RGYU NI MA MTHONG NGO, ,DE LTA BAS NA RAB TU BYED PA'I DANG POR SMRAS PA'I GTAN TSIGS KYI DON MA GRUB PA NYID KYI LAN GDAB DKA' BA DANG, DPE'I SKYON YOD PA DANG, GTAN TSIGS GZHAN DU RTOG NA YANG DON 'GAL BA NYID @118A *, ,DU 'GYUR RO, ,GANG DAG DON DAM PAR PHUNG PO DANG, KHAMS DANG, SKYE MCHED DAG YOD PA KHO NA YIN TE, BCOM LDAN 'DAS KYIS NYE BAR LEN PA PO DANG, NYE BAR BLANG BA NYID DU GSUNGS PA'I PHYIR RO ZHES ZER BA DE DAG DGAG PA'I PHYIR, DE BZHIN NYER LEN SHES PAR BYA; ,ZHES BYA BA LA SOGS PAS 'DRA BAR BSTAN PAR BYA STE, DE BZHIN ZHES BYA BA NI JI SKAD BSTAN PA'I 'BAD PAS NYE BAR BSTAN PA BZHIN DU'O, ,NYER LEN CES BYA BA NI NYE BAR LEN PA STE, DNGOS PO'I RKYEN DU BLTA BAR BYA'O, ,NYE BAR LEN PA PO DANG, NYE BAR BLANG BA DAG YONGS SU GZUNG BA'I PHYIR TE, GANG LA DNGOS PO YOD PA DE LA BYED PA PO DU MA YOD PA'I PHYIR RO, ,JI SKAD BSTAN PA'I 'BAD PA NI JI LTAR BYED PA PO LAS LA BRTEN CING LAS KYANG BYED PA PO LA BRTEN NAS 'BYUNG BA DE BZHIN DU NYE BAR LEN PA PO YANG NYE BAR BLANG BA LA BRTEN NAS NYE BAR BLANG BA YANG NYE BAR LEN PA PO LA BRTEN NAS 'BYUNG BAR 'GYUR BAS NYE BAR LEN PA PO DANG, NYE BAR BLANG BA DAG GI NYE BAR LEN PA PO DANG NYE BAR BLANG BA NYID NI DON DAM PA PA MA YIN NO, ,JI LTAR ZHE NA, LAS DANG BYED PO BSAL PHYIR RO, ,BSAL ZHES BYAS PA NI BKAG PA'O, ,PHYIR RO ZHES BYA BA NI GTAN TSIGS KYI DON TE, GANG GI PHYIR DE LTAR BYED PA PO DANG LAS DAG BSAL BA BSTAN PA DE NYID KYIS NYE BAR LEN PA PO DANG, NYE BAR BLANG BA DAG KYANG BSAL BAR SHES PAR BYA'O, ,DE LA PHYOGS TZAM ZHIG BSTAN PAR BYA STE, DON DAM PAR NYE BAR LEN PA PO MA YIN PAR GYUR PA LHAS BYIN ZHES BYA BA NYE BAR BLANG BA YIN PAR GYUR PA DE'I SGRAR BRJOD PA DAG LEN PAR MI BYED PAR GZUNG BAR BYA STE, NYE BAR BLANG BA LA LTOS PA'I PHYIR DPER NA MCHOD SBYIN BZHIN NO, ,DON DAM PA NYE BAR LEN PA PO MA YIN PAR GYUR PA LHA SBYIN ZHES BYA BA NYE BAR BLANG BA MA YIN PAR GYUR PA NYE BAR LEN PAR MI BYED PA DANG, NYE BAR LEN PA PO YIN PA DANG MA YIN PAR GYUR PA LHAS BYIN ZHES BYA BA NYE BAR BLANG BA YIN PA DANG, MA YIN PAR GYUR PA NYE BAR LEN PAR MI BYED DE ZHES BYA BA DAG LA YANG DAM BCAS PA LA KHYAD PAR YOD PAR ZAD KYI, SBYOR BA'I YAN LAG LHAG MA DAG NI RGYAS PAR SNGA MA BZHIN NO, ,DE BZHIN DU DON DAM PAR NYE BAR BLANG BA YIN PAR GYUR PA YANG NYE BAR @118B LEN PA PO YIN PAR GYUR PA LHAS BYIN ZHES BYA BA'I NYE BAR BLANG BA MA YIN TE, NYE BAR LEN PA PO LA LTOS PA'I PHYIR DPER NA MCHOD SBYIN GYI RGYUD KYI NYE BAR BLANG BAR GYUR PA BZHIN NO, ,DON DAM PAR NYE BAR BLANG BA MA YIN PAR GYUR PA NYE BAR LEN PA PO MA YIN PAR GYUR PA LHAS BYIN ZHES BYA BA'I NYE BAR BLANG BA MA YIN PA DANG, NYE BAR BLANG BA YIN PA DANG, MA YIN PAR GYUR PA NYE BAR LEN PA PO YIN PA DANG, MA YIN PAR GYUR PA LHAS BYIN ZHES BYA BA'I NYE BAR BLANG BA MA YIN TE ZHES BYA BA DAG LA YANG DAM BCAS PA LA KHYAD PAR YOD PAR ZAD KYI, SBYOR BA'I YAN LAG LHAG MA DAG NI RGYAS PAR SNGA MA BZHIN NO, ,DE BZHIN DU PHYOGS MI MTHUN PA DAG LA YANG BRJOD PAR BYA'O, ,NYE BAR LEN PA PO DANG, NYE BAR BLANG BA YIN PAR GYUR PA LA SOGS PA DAG DON DAM PAR MA GRUB PA'I PHYIR RO, ,'DIR YANG GTAN TSIGS KYI DON MA GRUB PA NYID DANG, DPE BSGRUB PAR BYA BA DANG, SGRUB PA'I CHOS DANG MI LDAN PAS MED PA DANG, GTAN TSIGS GZHAN DU RTOG NA YANG DON 'GAL BA NYID DU 'GYUR RO, ,JI LTAR DON DAM PAR BYED PA PO DANG LAS DAG GIS NYE BAR LEN PA PO DANG, NYE BAR BLANG BA DAG BSAL BA DE BZHIN DU, BYED PA PO DANG LAS DAG GIS, ,DNGOS PO LHAG MA SHES PAR BYA, ,RANG DANG GZHAN LA GRAGS PA'I RGYU DANG 'BRAS BU DANG, YON TAN DANG, YON TAN CAN DANG, MTSAN NYID DANG, MTSAN NYID KYI GZHI DANG, YAN LAG DANG, YAN LAG CAN LA SOGS PA, DNGOS PO LHAG MA RNAMS KYANG SHES PAR BYA STE, RGYU YANG 'BRAS BU LA BRTEN CING 'BRAS BU YANG RGYU LA BRTEN NAS 'GRUB PA LA SOGS PA THA SNYAD PA YIN GYI, DON DAM PA PA NI MA YIN NO, ,GANG DAG RGYU DANG 'BRAS BU LA SOGS PA DAG GI DON DAM PA BA'I RGYU DANG 'BRAS BU LA SOGS PA'I NGO BO NYID LA MNGON PAR ZHEN PA DE DAG GI MNGON PAR ZHEN PA'I ZUG RNGU DAG BSAL BAR 'DOD PAS, SLOB DPON GYIS BKA' STZAL BA'I LUNG KHAS BLANGS NAS, CUNG ZAD DPYAD PAR BYA'O, ,DON DAM PAR 'O MA YIN PAR GYUR PA NI ZHO YIN PAR GYUR PA MI BYED DE, 'BRAS BU LA LTOS PA'I PHYIR DPER NA RGYU SPUN DAG BZHIN NO, ,GAL TE MTHONG BA DANG GRAGS PA'I GNOD @119A *, ,PAS GNOD PAR 'GYUR RO ZHE NA, DAM BCAS PA KHYAD PAR CAN BYAS PA'I PHYIR SKYON MED DO, ,YANG NA DON DAM PAR SMRA BAR 'DOD PA'I 'O MA NI, BSAMS PA'I ZHO'I RGYU MA YIN TE, 'O MA YIN PA'I PHYIR DPER NA DE LAS GZHAN PA'I 'O MA BZHIN NO, ,DE BZHIN DU DON DAM PAR SMRA BAR 'DOD PA'I ZHO NI 'O MA'I RGYU CAN MA YIN TE, 'O MA LA LTOS PA'I PHYIR, DPER NA DE LAS GZHAN PA'I ZHO BZHIN NO, ,YANG NA DON DAM PAR ZHO NI 'O MA'I RGYU CAN MA YIN PAR SHES PAR BYA STE, RGYU LA LTOS PA'I PHYIR DPER NA SNAM BU BZHIN NA, ,'DIR KHA CIG NA RE DON DAM PAR 'O MA NI ZHO MI BYED DE ZHES DAM BCAS PA DE'I DON, GAL TE THA SNYAD DU BYED PA YIN NA NI DPE MED PA DANG, PHYOGS SNGA MA LA GNOD DO, ,CI STE RANG GI BYA BA MI BYED PA NYID YIN NA NI DE LTA NA YANG DPE MED PA DANG, MA NGES PA NYID DE, THAMS CAD KYANG BYA BA SO SOR NGES PA BYED PA'I PHYIR RO ZHES ZER RO, ,DE NI BZANG PO MA YIN TE, BRTAG PA SNGA MA NI KHAS MA BLANGS PA'I PHYIR RO, ,BRTAG PA PHYI MA LA YANG RGYU SPUN LA SOGS PA ZHO'I RGYU MA YIN PA NYID DANG, SNAM BU LA SOGS PA 'O MA'I 'BRAS BU MA YIN PA NYID GRUB PA DAG DPE NYID DU 'DOD PA'I PHYIR DPE MED PA MA YIN LA, DAM BCAS PA KHYAD PAR CAN YIN PA'I PHYIR MA NGES PA NYID KYANG MA YIN NO, ,'DIR GRANGS CAN DAG GIS SMRAS PA, 'BRAS BU SNGA NA YOD PA NYID KYIS BYED DE, MED PA LA MI BYED PA'I PHYIR RO, ,'DI NA GANG MED PA DE LA NI BYED PA MED DE, DPER NA RUS SBAL GYI SPU LAS GOS BYED PA MED PA BZHIN NO, ,ZHO LA NI BYED PA YOD PAS DE'I PHYIR, 'BRAS BU SNGA NA YOD PA KHO NA YIN NO, ,GAL TE 'BRAS BU SNGA NA MED PAR GYUR NA DPER NA 'O MA LA ZHO SNGA NA MED PA BZHIN DU RTZI RKYANG LA SOGS PA DAG KYANG MED PAR 'DRA BAS ZHO'I DON DU DE'I RGYU 'O MA LEN PAR MI BYED PA ZHIG NA LAN PAR YANG BYED PAS DE LTAR RGYU LEN PA'I PHYIR, 'BRAS BU SNGA NA YOD PA KHO NA YIN NO, ,GAL TE 'BRAS BU SNGA NA MED PAR GYUR NA, DPER NA 'O MA LA ZHO SNGA NA MED PA BZHIN DU, 'JIG RTEN GSUM PO DAG KYANG MED PAR 'DRA BAS ZHO BZHIN DU 'JIG RTEN GSUM PO DAG KYANG 'BYUNG BAR 'GYUR BA'I RIGS @119B NA DE DAG MI 'BYUNG BAS, DE LTAR THAMS CAD 'BYUNG BA MED PA'I PHYIR 'BRAS BU SNGA NA YOD PA KHO NA YIN NO, ,GAL TE 'BRAS BU SNGA NA MED PAR GYUR NA, CI'I PHYIR RDZA MKHAN GYI NUS PAS 'JIM PA NUS PA CAN DAG KHO NA LAS BUM PA SGRUB PAR BYED CING THAMS CAD LAS MI BYED PA NGES PA 'DI 'BYUNG BAR 'GYUR, DE LTAR NUS PAS NUS PA CAN BYED PA'I PHYIR 'BRAS BU SNGA NA YOD PA KHO NA YIN PAR SEMS SO, ,'DIS KYANG 'BRAS BU SNGA NA YOD PA KHO NAR MNGON TE, GANG MED PA LA NI RGYU'I DNGOS PO YOD PA MA YIN PAS, GAL TE 'BRAS BU SNGA NA MED PAR GYUR NA DE LA YANG RGYU'I DNGOS PO MED PAR 'GYUR BA ZHIG NA DE LTA MA YIN PAS, DE LTAR RGYU YOD PA'I PHYIR YANG 'BRAS BU SNGA NA YOD PA KHO NA YIN NA, ,'O MA LA NI ZHO SNGA NA YOD PA KHO NA YIN TE, DE YOD NA 'BYUNG BA'I PHYIR RO, ,GANG LA GANG SNGA NA MED PA DE NI DE YOD KYANG 'BYUNG BAR MI 'GYUR RO, ,DE LA 'DIR MED PA LA MI BYED PA'I PHYIR ZHES BYA BA DE NI PHYOGS KYI CHOS MA YIN PA'I PHYIR GTAN TSIGS KYI DON MA GRUB PA NYID DO, ,CHOS MI MTHUN PA'I DPER RTAG TU YANG BYED PA'I PHYIR ZHES NYE BAR SBYOR BAS, GTAN TSIGS MNGON PA'I PHYIR THA SNYAD KYI PHYOGS LA NI DON MA GRUB PA NYID DANG, DON 'GAL BA NYID DE, YOD PA LA BYED PA MI SRID PA'I PHYIR DANG, MED PA LA DE SRID PA'I PHYIR RO, ,DON DAM PAR NI GTAN TSIGS DANG DPE MED DO, ,GANG LA GANG SNGA NA YOD PA DE NI DE LAS MI 'BYUNG STE, DPER NA RGYU'I RANG GI BDAG NYID BZHIN PAS DAM BCAS PA LA CHOS CAN GYI KHYAD PAR BSAL BA'I SKYON YOD DO; ,CI STE YANG 'DI SKAD CES 'BRAS BU SNGA NA MED PAR SMRA BA RNAMS KYI DAM BCAS PA LA CHOS CAN GYI KHYAD PAR BSAL BA'I SKYON GDAGS PAR 'DOD PAS MED PA LA MI BYED PA'I PHYIR ZHES BYA BA LA SOGS PA DAG NYE BAR BZHAG STE, GANG LA GANG SNGA NA MED PA DE LA CI BYED PA LA SOGS PA MED DE, DPER NA RI BONG GI RA BZHIN PAS DE'I PHYIR 'BRAS BU SNGA NA MED PAR SMRA BA RNAMS KYI 'BRAS BU SNGA NA MED PA NYID DU DAM BCAS PA LA YANG BYED PA LA SOGS PA BSAL BA'I SKYON YOD DO ZHES ZER NA, DE NI MI GNOD DE, LEGS PAR ZIN PA MA YIN PA DE GNYI GA YANG BSAL BAR 'DOD PA'I PHYIR RO, ,SGYU @120A *, ,MA'I SKYES BU BZHIN DU YOD PA DANG MED PA NYID DU BRJOD PAR BYA MA YIN PA'I PHYIR BYA BA BYED PA LA SOGS PA DAG THA SNYAD PAR KHAS BLANGS PA'I PHYIR DANG, DON DAM PAR RGYUS 'BRAS BU YOD PA DANG MED PA BYED PA BSAL BA'I PHYIR SKYON MED DO, ,THAMS CAD 'BYUNG BA MED PA'I PHYIR ZHES BYA BA DE YANG 'DIR GLAGS YOD PA'I TSIG YIN PA'I PHYIR RGYU LA 'BRAS BU SNGA NA YOD PA KHO NA YIN TE, 'GA' ZHIG 'BYUNG BA'I PHYIR RO ZHES NYE BAR SBYOR BAS GTAN TSIGS MNGON PA'I PHYIR THA SNYAD DU YANG DPE MED DO, ,DAM BCAS PA LA SKYON YOD PA YANG MA YIN TE, RJES SU 'GRO BA MED PA'I PHYIR RO, ,'DIS RGYU LEN PA'I PHYIR ZHES BYA BA LA SOGS PA'I GTAN TSIGS DAG GI LAN KYANG BTAB PA YIN NO, ,MAR ME BUM PA DMIGS PAR BYA BA'I PHYIR LEN PA DE LA YANG DE'I 'GAL BA DMIGS SU MED PAS RANG GI GTAN TSIGS RGYU LEN PA'I PHYIR ZHES BYA BA MA NGES PA NYID DO, ,GRANGS CAN DAG LAS GANG DAG RGYU LA 'BRAS BU SNGA NA YOD PA YIN MOD KYI CHA PHRA BA'I PHYIR RAM, ZIL GYIS NON PA'I PHYIR MI DMIGS SO ZHES ZER BA DE DAG LA YANG RAGS PA NYID DANG, ZIL GYIS MA NON PA NYID SNGA NA MED PA LAS PHYIS YOD PA'I PHYIR, 'BRAS BU SNGA NA YOD PA MA YIN PAS PHYOGS SNGA MA LA GNOD DO, ,CHA PHRA BA YOD PAS BSAMS PA GANG YIN PA DE RAGS PAR MTHONG NGO ZHES ZER BA DAG GI DAM BCAS PA LA YANG RAGS PA NYID DU YOD PA RJES SU DPOG PAS CHA PHRA BA NYID BSAL BA'I PHYIR CHOS KYI NGO BO NYID LAS LOG PA'I SKYON YOD DO, ,BYE BRAG TU SMRA BA DAG GI DAM BCAS PA'I PHYOGS LA YANG YOD PA GANG YIN PA DE NI DA LTAR YIN PAS, DA LTAR NYID YOD PAR RJES SU DPOG PAS 'BRAS BU 'DAS PA DANG, MA 'ONGS PA NYID KYI KHYAD PAR BSAL BA'I PHYIR CHOS CAN GYI KHYAD PAR BSAL BA'I SKYON YOD DO, ,GANG DAG RGYU NI 'BRAS BU BYED PA NYID MA YIN GYI, 'DI LTAR GSAL BAR BYED DO ZHES ZER BA DE DAG LA YANG 'DI SKAD CES GANG GIS JI ZHIG BZHIN DU GSAL BAR BYED CES BRGAL ZHING BRTAG PAR BYA'O, ,GAL TE MAR MES BUM PA YOD PAR GYUR PA GSAL BAR BYED PA BZHIN DU'O ZHE NA, PHYOGS DE'I @120B LAN NI SKYE BA MED PA'I RAB TU BYED PAR DON DAM PAR MAR ME NI BUM PA GSAL BAR BYED PA MA YIN TE, MIG GI YUL YIN PA'I PHYIR DANG, THOGS PA DANG BCAS PA'I PHYIR DANG, GZUGS CAN YIN PA'I PHYIR DANG, REG PA YIN PA'I PHYIR DANG, BRJOD PAR BYA BA YIN PA'I PHYIR ZHES BYA BA LA SOGS PA'I GTAN TSIGS DAG GI PHYIR DPER NA BONG BA BZHIN NO ZHES RJES SU DPAG PA DAG GIS LAN BTAB ZIN TO, ,GRANGS CAN DAG LAS GANG DAG MKHAS PAR RLOM PA DAG GIS 'DI SKAD CES ZER TE, 'BRAS BU MA SKYES PA DANG, ZHIG PA DAG KYANG NUS PA'I BDAG NYID DU YOD PAS DE'I PHYIR, 'BRAS BU SNGA NA YOD PA ZHES BYA'I, GSAL BA'I BDAG NYID DU YOD PA NI MA YIN NO, ,RGYUS 'BRAS BU BYED DO ZHES BYA BA YANG BYED DO ZHES BYA BA LA DON DU MA YOD PA'I PHYIR SGRA DE'I DON NI RGYU 'BRAS BU'I NGO BO NYID DU 'GYUR BA YIN PAR RNAM PAR BSHAD DO, ,CI STE 'BRAS BU MA SKYES PA DANG ZHIG PA DAG YOD PAR JI LTAR SHES PAR BYA ZHE NA, 'BRAS BU SNGA NA MED PA DANG, ZHIG NAS MED PA DAG NI YOD PA KHO NAR SHES PAR BYA STE, DUS KYIS BSDUS PA'I PHYIR DANG, 'I ZHES BSTAN PA'I PHYIR DPER NA DA LTAR GYI 'BRAS BU BZHIN NO, ,GAL TE 'BRAS BU SKYE BA'I DUS NA RGYU JI LTAR MA ZHIG CE NA, RGYU NI 'BRAS BU SKYE BA'I DUS NAM ZHIG PA KHO NA YIN TE, NGES PAR SKYE BA'I PHYIR 'BRAS BU'I BDAG NYID BZHIN NO, ,DE BZHIN DU SHES PA LOG PA DANG, MA LOG PA DANG, THE TSOM CAN GYI RGYU YIN PA'I PHYIR DANG, GZHAN GYI DON NYID YIN PA'I PHYIR DANG, SHES PA YOD PA NYID MA YIN PA'I PHYIR ZHES BYA BA LA SOGS PA'I GTAN TSIGS DAG GIS RNAM PAR SHES PAR BYA'O, ,YANG NA RGYU 'O MA ZHES BYA BA'I SKAD CIG MA LAS 'BRAS BU ZHO ZHES BYA BA'I SKAD CIG MA GZHAN PA NYID MA YIN TE, BA LAS BYUNG BA'I PHYIR DPER NA ZHO'I BDAG NYID BZHIN NO, ,YANG NA 'DAS PA'I MIG GI RNAM PAR SHES PA'I SKAD CIG MA LAS, DA LTAR GYI MIG GI RNAM PAR SHES PA'I SKAD CIG MA GZHAN PA NYID MA YIN TE, MIG GI RNAM PAR SHES PA YIN PA'I PHYIR DA LTAR GYI MIG GI RNAM PAR SHES PA'I SKAD CIG MA BZHIN NO, ,GAL TE RGYUD THA DAD PA'I MIG GI RNAM PAR SHES PA LA SOGS PA DAG @121A *, ,GIS MA NGES PA NYID DO ZHE NA, DE DAG KYANG PHYOGS KYI KHONGS SU GTOGS PA NYID YIN PA'I PHYIR SKYON MED DO, ,'DIR YANG 'DAS PA'I RGYU PHYOGS SU BYED NA NI GZHI MA GRUB PA LA SOGS PA'I SKYON YOD DO, ,DA LTAR GYI PHYOGS SU BYED NA NI DPE MED DE, DE'I 'BRAS BU MA GRUB PA'I PHYIR RO, ,'BRAS BU GZHAN MA YIN PA GANG YIN PA DE YANG DE'I RGYU MA YIN TE, GZHAN MA YIN PA'I PHYIR, RANG GI BDAG NYID BZHIN PAS GZHAN MA YIN PA NYID DU RJES SU DPOG PA'I DAM BCAS PA LA RGYU RGYU MA YIN PA NYID KYIS, DE'I RGYU NYID BTZAL BA'I PHYIR CHOS CAN GYI NGO BO NYID BSAL BA'I SKYON YOD DO, ,MA ZHIG PA ZHES BYA BA'I DON KYANG GANG YIN, GAL TE RANG BZHIN GYIS BAG LA ZHA BA'O ZHE NA NI DPE MED DO, ,GAL TE MI GSAL BA'O ZHE NA YANG SKYON DE NYID DO, ,ZHIG PA DAG DANG SNGA NA MED PA DAG YOD PAR RTOG PA LA NI DPE MED PA DANG KHAS BLANGS PA LA GNOD PAR 'GYUR RO, ,GAL TE DA LTAR YIN NO ZHE NA, DA LTAR NYID DU RJES SU DPOG PA'I DAM BCAS PA LA RGYU MA YIN PA NYID KYIS RGYU NYID BSAL BA'I PHYIR CHOS CAN GYI NGO BO NYID BSAL BA'I SKYON YOD DO, ,DA LTAR GYI 'BRAS BU YANG RDZAS SU YOD PA NYID DU MI 'GRUB STE MA SKYES PA'I PHYIR RO, ,DE YOD PA NYID DU MA GRUB PA'I PHYIR DPE MED DO, ,'DIS DUS KYIS BSDUS PA'I PHYIR ZHES BYA BA LA SOGS PA GTAN TSIGS GNYIS LA YANG SKYON GYIS LAN BTAB PA YIN NO, ,DE BZHIN DU GZHAN NYID KYI PHYOGS LA YANG CI RIGS PAR BRJOD PAR BYA'O, ,DE LTAR RE ZHIG RGYU YIN PAR GYUR PAS 'BRAS BU YIN PAR GYUR PA MI BYED PAR BSTAN TO, ,DA NI THA SNYAD DU YANG RGYU MA YIN PAR GYUR PAS 'BRAS BU MA YIN PAR GYUR PA MI BYED DE, MED PA'I PHYIR DPER NA RUS SBAL GYI SPU DAG DE'I GOS MI BYED PA BZHIN NO, ,DE BZHIN DU 'BRAS BU LA YANG RGYU MA YIN PAR GYUR PA'I BYA BA MA YIN NO ZHES DAM BCAS PA LA KHYAD PAR YOD PAR ZAD KYI, SBYOR BA'I YAN LAG LHAG MA DAG NI SNGA MA BZHIN NO, ,RNAM PA GNYIS SU SMRA BA DAG GI PHYOGS LA YANG GNYI GA'I SKYON DU 'GYUR RO, ,RANG GI SDE PA BYE BRAG TU SMRA BA DAG NA RE, RGYU YIN PAR GYUR PA 'BRAS BU MA YIN PAR GYUR PA BYED DO, ,'BRAS BU MA @121B SKYES PA NI MA YIN PAR GYUR PA STE, GZUNG DU MED PA'I PHYIR NAM MKHA'I ME TOG BZHIN NO, ,SKYES PA LA NI RGYU'I NUS PA NYID MED KYI, MA SKYES PA LA DE YOD PAS 'BRAS BU MA YIN PAR GYUR PA NYID DO, ,CI STE MED PAR 'DRA BA LAS RI BONG GI RVA NI MI SKYE LA, 'BRAS BU NI SKYE BAR 'GYUR BA LA KHYAD PAR CI YOD CE NA, RI BONG GI RVA NI RGYU MED PA'I PHYIR MI SKYE LA, 'BRAS BU NI DA LTA MA YIN PAS DE LTAR RGYU YOD PA'I PHYIR 'BRAS BU MED PA SKYE'O, ,YANG NA 'BRAS BU MED PA NYID NI SKYE'I, 'BRAS BU MA YIN PA NI MI SKYE BAS GANG SKYE BA DE NI MED PA NYID DO ZHES NGES PAR GZUNG BAR BYA'O, ,DE'I PHYIR GANG DAG NA RE MED PA NI, MI SKYE STE MED PA'I PHYIR DPER NA RI BONG GI RVA BZHIN NO ZHES ZER BA DE NI GRUB PA LA SGRUB PA YIN NO, ,DPE YANG MED DE 'BRAS BU NYID MED PA'I PHYIR RO ZHES BYA BA'I GTAN TSIGS NAM MKHA'I ME TOG LA RJES SU 'GRO BA MED PA'I PHYIR RO, ,YANG NA SKYE BA'I SNGA ROL NA MED PA'I PHYIR RO ZHES BYA BA'I GTAN TSIGS YONGS SU 'DZIN NA NI DPE MED DE, RI BONG GI RVA LA DE MED PA'I PHYIR RO, ,GTAN PA MED PA GTAN TSIGS SU BRJOD NA NI GTAN TSIGS KYI DON MA GRUB PA NYID DO, ,SNAM BU SNGA NA MED PA NYID SKYE BAR MTHONG STE, MTHONG BA LAS LHAG PA'I TSAD MA GZHAN MED PAS DES NA 'BRAS BU SNGA NA MED PA YIN NO ZHES ZER RO,, ,,DBU MA'I RTZA BA'I 'GREL PA SHES RAB SGRON MA BAM PO BRGYAD PA, 'DIR BSHAD PA, KHYED CAG GTAN TSIGS NYID DU 'DOD PA GZUNG DU MED PA'I PHYIR ZHES BYA BA DE'I DON GANG YIN, MNGON SUM DANG, RJES SU DPAG PA DANG, TSAD MA THAMS CAD KYIS GZUNG DU MED PA'I PHYIR ZHES BYA BAR RTOG NA NI, RNAM PA THAMS CAD DU GTAN TSIGS KYI DON MA GRUB PA NYID DANG, GTAN TSIGS KYI DON MA NGES PA NYID KYI SKYON YOD PAS RJES SU DPAG PA DES 'BRAS BU MA SKYES PA NI MA YIN PAR GYUR PA STE ZHES BSTAN PAR MI NUS SO, ,'BRAS BU MED PA NYID NI SKYE'I, 'BRAS BU MA YIN PA NI MI SKYE BAS, GANG SKYE BA DE NI MED PA NYID DO ZHES NGES PAR GZUNG BAR BYA'O ZHES GANG SMRAS PA, DE LA YANG 'BRAS BU MED PA MI SKYE BAR BSTAN ZIN PA'I PHYIR DANG, MED PA'I PHYIR ZHES @122A *, ,BYA BA'I GTAN TSIGS SPYIR SBYAR BA'I PHYIR DANG, DE'I DPE YANG DE BZHIN DU GRUB PA'I PHYIR GRUB PA LA SGRUB PA YANG MA YIN LA, DPE MED PA DANG GTAN TSIGS MED PA YANG MA YIN NO, ,GZHAN YANG DON DAM PAR 'BRAS BU ZHO ZHES BYA BA NI 'O MA LAS MI 'BYUNG BAR SHES PAR BYA STE, RGYU LA LTOS PA'I PHYIR DPER NA BUM PA SKYE BA MI RIGS PA BZHIN NO, ,DE SKYE BA NI DON MED PA NYID DU 'GYUR BA'I PHYIR RO, ,YANG NA DON DAM PAR SMRA BAR 'DOD PA'I ZHO NI SMRA BAR 'DOD PA'I 'O MA'I RGYUN CAN MA YIN PAR SHES PAR BYA STE, ZHO YIN PA'I PHYIR DPER NA DE LAS GZHAN PA BZHIN NO, ,DE BZHIN DU BYAS PA NYID DANG, CHUD ZA BA NYID DANG, RKYEN GYI DBYE BAS THA DAD PA NYID DANG, RGYU DANG LDAN PA NYID CES BYA BA LA SOGS PA'I GTAN TSIGS DAG KYANG RGYAS PAR BRJOD PAR BYA'O, ,MED PAR 'DRA BA LAS 'BRAS BU NI RGYU YOD PA'I PHYIR SKYE LA, RI BONG GI RVA NI RGYU MED PA'I PHYIR MI SKYE'O ZHES GANG SMRAS PA DE YANG BZANG PO MA YIN TE, DON DAM PAR GANG GI RGYUR GANG 'DOD DE NI DE'I RGYU MA YIN PAR SHES PAR BYAR NUS TE, SKYE BA'I SNGA ROL NA MED PA'I PHYIR, DPER NA RI BONG GI RVA'AM, DE LAS GZHAN PA BZHIN NO, ,GZHAN YANG GANG GI TSE 'DI SKAD CES SKYE BA'I SNGA ROL NA MED PA GANG YIN PA DE NI SKYE BAR 'GYUR RO ZHES DAM BCAS PA KHYAD PAR CAN BYAS PA'I PHYIR 'BRAS BU NI, RI BONG GI RVA LA SOGS PA BZHIN DU SKYE BAR MI 'THAD PA DANG LDAN PA MA YIN NO ZHES DAM 'CHA' BAR BYED PA DE'I TSE NA YANG, RJES SU DPAG PA JI SKAD BSTAN PA NYID KYIS DE BSAL BA'I PHYIR DE NI GYI NA ZER BA YIN NO, ,DON DAM PAR ZHO NI 'O MA LAS MI 'BYUNG BAR SHES PAR BYA STE, SKYE BA'I SNGA ROL NA MED PA'I PHYIR DPER NA DE LAS GZHAN PA BZHIN PAS, DE'I PHYIR DE NI BDAG NYID DBUGS 'BYIN PAR BYED PA TZAM DU ZAD DO, ,'DI SKAD CES SNGA NA MED PA NYID SKYE BAR MTHONG STE ZHES GANG SMRAS PA DE NYID KYANG CI YANG DAG PAR YOD PA'AM, MED PA'AM, YOD MED CIG SKYE BAR 'GYUR ZHES BRTAGS NA DE DAG RNAM PA THAMS CAD DU MI 'THAD DO, ,DE LTA BAS NA MKHAS PA RNAMS KYIS NI BUM PA LA SOGS PA DAG GI SKYE BA NI SGYU MA'I SKYES BU'I SKYE BA BZHIN DU THA SNYAD PA @122B YIN GYI, DON DAM PA PA MA YIN PAR NGES PAR SHES TE, MTHA' GNYIS LA MI GNAS PA'I BLO GROS DANG LDAN PA'I PHYIR RO, ,ZHAR LA BSHAD PAS CHOG GI SKABS NYID DPYAD PAR BYA'O, ,DE BZHIN DU DE LAS GZHAN PA PHYOGS MI MTHUN PA DAG LA YANG CI RIGS PAR BRJOD PAR BYA'O,, DE BZHIN DU DON DAM PAR SMRA BAR 'DOD PA'I YON TAN YIN PAR GYUR PA DAG KYANG BUM PA ZHES BYA BA DE'I YON TAN CAN YIN PAR GYUR PA RTZOM PAR MI BYED DE, YON TAN CAN LA LTOS PA'I PHYIR DANG, THA SNYAD GDAGS PA'I PHYIR, DPER NA DE LAS GZHAN PA BZHIN NO, ,DE BZHIN DU DON DAM PAR SMRA BAR 'DOD PA'I YON TAN CAN YIN PAR GYUR PA SNAM BU ZHES BYA BA'I GZUGS GZHAN YANG, YON TAN YIN PAR GYUR PA RGYU SPUN GYI GZUGS LA SOGS PAS BRTZAMS PA MA YIN TE, YON TAN LA LTOS PA'I PHYIR DANG, THA SNYAD GDAGS PA'I PHYIR, DPER NA DE LAS GZHAN PA BZHIN NO; ,DE BZHIN DU SMRA BAR 'DOD PA'I BUM PA YANG GZUGS LA SOGS PAS 'DU BA'I RGYU CAN MA YIN PAR NGES TE, RGYU LA LTOS PA'I PHYIR DPER NA SNAM BU LA SOGS PA BZHIN NO, ,YANG NA SMRA BAR 'DOD PA'I GZUGS LA SOGS PA NI, BSAMS PA'I BUM PAR 'DU BA MA YIN TE, YON TAN CAN LA LTOS PA'I PHYIR DPER NA DE LAS GZHAN PA BZHIN NO, ,DE BZHIN DU RDZAS NYID DANG, RGYU CAN NYID DANG, 'BRAS BU NYID DANG, BRJOD PAR BYA BA NYID DANG, SHES BYA NYID LA SOGS PA'I GTAN TSIGS DAG GI PHYIR RO ZHES KYANG BRJOD PAR BYA'O, ,YON TAN DANG, YON TAN CAN MA YIN PAR GYUR PA LA SOGS PA DAG GI PHYOGS LA YANG, DAM BCAS PA LA KHYAD PAR YOD PAR ZAD KYI SBYOR BA'I YAN LAG LHAG MA DAG NI SNGA MA BZHIN NO, DE BZHIN DU DON DAM PAR LKOG SHAL LA SOGS PA MTSAN NYID YIN PAR GYUR PA YANG BA LANG ZHES BYA BA, MTSAN NYID KYI GZHI YIN PAR GYUR PA YANG BA LANG ZHES MTSON PAR MI BYED PAR SHES PAR BYA STE, MTSAN NYID KYI GZHI LA LTOS PA'I PHYIR DPER NA, RTA'I MTSAN NYID BZHIN NO, DE BZHIN DU DON DAM PAR BA LANG GI RDZAS KYANG LKOG SHAL LA SOGS PA MTSAN NYID KYI GZHI MA YIN TE MTSAN NYID LA LTOS PA'I PHYIR DPER NA DE @123A *, ,LAS GZHAN PA BZHIN NO, ,DE BZHIN DU LKOG SHAL LA SOGS PA DAG BA LANG GI RDZAS RTZOM PAR BYED PA MA YIN PA DANG, BA LANG GI RDZAS KYANG LKOG SHAL LA SOGS PA DAG GIS BRTZAMS PA MA YIN PAR YANG BRJOD PAR BYA'O, ,DE BZHIN DU PHYOGS MTHUN PA DANG, MI MTHUN PA THAMS CAD LA YANG SBYAR BAR BYA'O, ,DE BZHIN DU DON DAM PAR LAG PA LA SOGS PA YAN LAG YIN PAR GYUR PA DAG KYANG LHAS BYIN ZHES BYA BA YAN LAG CAN YIN PAR GYUR BA RTZOM PAR BYED PA MA YIN TE, YAN LAG CAN LA LTOS PA'I PHYIR DPER NA RTZA BA DANG SDONG PO LA SOGS PA DAG BZHIN NO, ,DE BZHIN DU DON DAM PAR LHAS BYIN ZHES BYA BA YAN LAG CAN YIN PAR GYUR PA YANG, LAG PA LA SOGS PA YAN LAG YIN PAR GYUR PA DAG GIS BRTZAMS PA MA YIN TE, YAN LAG LA LTOS PA'I PHYIR DPER NA SHING LJON PA BZHIN NO, ,YANG NA SMRA BAR 'DOD PA'I SO MA SHAR MA ZHES BYA BA NI LAG PA LA SOGS PA YAN LAG DAG GIS BRTZAMS PA MA YIN PAR GZUNG BAR BYA STE YAN LAG LA LTOS PA'I PHYIR DANG, YAN LAG CAN YIN PA'I PHYIR DPER NA BHA BA SHAR MA BZHIN NO, ,YANG NA DON DAM PAR SMRA BAR 'DOD PA'I LAG PA LA SOGS PA YAN LAG DAG NI SO MA SHAR MA ZHES BYA BA YAN LAG CAN RTZOM PAR BYED PA MA YIN PAR SHES PAR BYA STE, YAN LAG CAN LA LTOS PA'I PHYIR, DPER NA DE LAS GZHAN PA BZHIN NO, ,'DIR YANG DAM BCAS PA'I DON LA SOGS PA RNAM PAR BRTAG PA RGYAS PA NI SNGA MA BZHIN NO, ,YANG GZHAN YANG, 'DI LA YAN LAG CAN DE YAN LAG DAG LA CHA SHAS KYIS 'JUG PAR 'DOD DAM, BDAG NYID THAMS CAD KYIS 'JUG PAR 'DOD, DE LA GAL TE BRTAG PA SNGA MA LTAR 'DOD PA NI LHAS BYIN ZHES BYA BA, YAN LAG CAN GYI RKANG PA LA SOGS PA DAG DE'I CHA SHAS LAG PA'I PHYOGS NA 'DUG PA GANG YIN PA DE RTZOM PAR BYED PA MA YIN TE, DE DAG TU MA ZHUGS PA'I PHYIR DPER NA RGYU SPUN LA SOGS PA BZHIN NO, ,CI STE BRTAG PA PHYI MA LTAR 'DOD NA NI LHAS BYIN ZHES BYA BA, YAN LAG CAN GYI BDAG NYID LAG PA'I PHYOGS NA 'DUG PA GANG YIN PA DE, DE'I RKANG PA LA SOGS PAS BRTZAMS PA MA YIN TE, DE DAG TU MA ZHUGS PA'I PHYIR @123B DPER NA BA LANG LA SOGS PA BZHIN NO, ,DE LA BRTAG PA SNGA MA LA NI YAN LAG CAN CHA SHAS DANG BCAS PA NYID DU 'GYUR LA, BRTAG PA PHYI MA LA NI YAN LAG CAN MANG PO NYID DU 'GYUR BAS DE'I PHYIR DE LA MNGON PAR ZHEN PAR MI BYA'O, ,DE LA 'DIR RAB TU BYED PA'I DON NI PHA ROL POS PHUNG PO LA SOGS PA DAG YOD PA NYID DU SGRUB PA'I PHYIR, RAB TU BYED PA'I DANG POR GTAN TSIGS SMRAS PA'I DON MA GRUB PA NYID DU BRJOD PAS, BYED PA PO DANG LAS DAG NGO BO NYID MED PA NYID DU BSTAN PA YIN NO, ,DE'I PHYIR LUS DANG, NGAG DANG, YID DAG GIS MNGON PAR 'DU BYED PA MED PA NI YANG DAG PA'I LAS KYI MTHA'O ZHES BYA BA LA SOGS PA DANG, DE BZHIN DU RAB KYI RTZAL GYIS RNAM PAR GNON PA GZUGS LA BYED PA PO'AM, BYANG DU 'JUG PA PO MED DO, ,TSOR BA DANG, 'DU SHES DANG, 'DU BYED RNAMS DANG, RNAM PAR SHES PA LA BYED PA PO'AM, BYED DU 'JUG PA PO MED DO, ,GZUGS LA BYED PA PO'AM, BYED DU 'JUG PA PO MED PA DANG, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA LA BYED PA PO'AM, BYED DU 'JUG PA PO MED PA GANG YIN PA DE NI SHES RAB KYI PHA ROL TU PHYIN PA'O ZHES BYA BA DANG, DE BZHIN DU BCOM LDAN 'DAS SHES RAB KYI PHA ROL TU PHYIN PA NI MA BGYIS PA'O, ,BKA' STZAL PA, SHA RA DVA TA'I BU BYED PA PO DMIGS SU MED PA'I PHYIR RO ZHES BYA BA DANG, DE BZHIN DU RAB KYI RTZAL GYIS RNAM PAR GNON PA, GZUGS NI DGE BA'AM, MI DGE BA MA YIN NO, ,TSOR BA DANG, 'DU SHES DANG, 'DU BYED RNAMS DANG, RNAM PAR SHES PA YANG DGE BA'AM, MI DGE BA MA YIN NO, ,GZUGS DGE BA'AM, MI DGE BA MA YIN PA DANG, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA DGE BA'AM, MI DGE BA MA YIN PA GANG YIN PA DE NI SHES RAB KYI PHA ROL TU PHYIN PA'O ZHES BYA BA LA SOGS PA GSUNGS PA DE DAG GRUB PA YIN NO, ,SLOB DPON LEGS LDAN BYED KYIS NYE BAR SBYAR BA'I DBU MA'I RTZA BA'I 'GREL PA SHES RAB SGRON MA LAS, BYED PA PO DANG LAS BRTAG PA ZHES BYA BA STE, RAB TU BYED PA BRGYAD PA'O,, ,,DE NI STONG PA NYID @124A *, ,KYI MI MTHUN PA'I PHYOGS KYI KHYAD PAR DGAG PAS, NYE BAR LEN PA PO DANG, NYE BAR BLANG BA DAG NGO BO NYID MED PA NYID DU BSTAN PA'I DON GYI DBANG GIS RAB TU BYED PA DGU PA BRTZAM MO, ,RAB TU BYED PA 'DAS MA THAG PAR, DE BZHIN NYE BAR LEN SHES PAR BYA, ,ZHES SMOS PA DER NYE BAR LEN PA PO YIN PAR GYUR PA DANG, MA YIN PAR GYUR PA DANG, YIN PA DANG, MA YIN PAR GYUR PA NYE BAR BLANG BA YIN PAR GYUR PA DANG, MA YIN PAR GYUR PA DANG, YIN PA DANG, MA YIN PAR GYUR PA NYE BAR LEN PAR MI BYED DO ZHES BSHAD PA'I PHYIR 'DIR SMRAS PA, LTA DANG NYAN LA SOGS PA DANG, ,TSOR SOGS DANG YANG DBANG BYAS PA, ,GANG GI YIN PA DE DAG GIS, ,SNGA ROL DE YOD KHA CIG SMRA, ,DE LA LTA ZHES BYA BA NI, 'DIS LTA BAR BYED PA'I PHYIR RO, ,NYAN ZHES BYA BA LA SOGS PA DAG LA YANG DE BZHIN NO, ,SOGS PA ZHES BYA BA NI GANG DAG GI DANG POR LTA BA DANG, NYAN PA BSTAN PA DAG GO ZHES TSIG RNAM PAR SBYAR RO, ,TSOR ZHES BYA BA NI TSOR BA'O, ,SOGS ZHES BYA BA NI RNAM PAR SHES PA DANG, REG PA DANG, YID LA BYED PA DANG, SEMS PA LA SOGS PA GANG DAG GI DANG POR TSOR BA BSTAN PA DAG GO , ,DANG ZHES BYA BA'I SGRA NI KUN BSDU BA'I DON TO, ,YANG ZHES BYA BA'I SGRA NI YID CES PA'I DON TO, ,DBANG BYAS PA ZHES BYA BA'I SGRA NI DBANG DU BYAS PA LA 'JUG PA'I DON TO, ,DE'I PHYIR LTA BA LA SOGS PA DE DAG NYE BAR LEN PA PO GANG GI YIN PA'I LTA BA LA SOGS PA DANG, TSOR BA LA SOGS PA DE DAG GI SNGA ROL NA NYE BAR LEN PA PO DE YOD DO ZHES KHA CIG SMRA STE, KHA CIG CES BYA BA NI RANG GI SDE PA THAMS CAD KYIS DE LTAR KHAS MA BLANGS PA'I PHYIR GNAS MA'I BU'I SDE PA DAG STE, DE DAG DE SKAD CES ZER RO ZHES BYA BAR STON TO, ,DE NI PHA ROL POS DAM BCAS PA NYE BAR BZHAG PA YIN NO, ,DE DAG 'DI SKAD CES KYANG ZER TE, 'DI LTAR NYE BAR LEN PA PO GNAS NA NYE BAR BLANG BA DE DAG SHES PAR BYAR RUNG STE, DE LA LTOS NAS DE DAG 'BYUNG BA'I PHYIR RO, ,GZHAN DU DAM BCAS NA, DNGOS PO YOD PA MA YIN NA, ,LTA BA LA SOGS JI LTAR 'GYUR, ,DES NA, DE PHYIR DE DAG SNGA ROL NA, ,DNGOS PO GNAS PA DE YOD DO, ,ZHES BYA @124B BA NI MJUG BSDU BA'I TSIG YIN NO, ,DE LTA BAS NA SNGA MA BZHIN DU GTAN TSIGS DANG DPE MNGON PAR RJES SU DPAG PA NI NYE BAR LEN PA PO DE LTA BA PO LA SOGS PA'I SNGA ROL NA GNAS PA YOD DE, NYE BAR LEN PA PO YIN PA'I PHYIR RO, ,'DI NA GANG NYE BAR LEN PA PO YIN PA DE NI NYE BAR BLANG PA DAG GI SNGA ROL NA GNAS PA KHO NA YIN TE, DPER NA SAB MA MKHAN RTZI RKYANG LA SOGS PA DAG GI SNGA ROL NA GNAS PA YOD PA BZHIN NO, ,YANG NA LTA BA DANG NYAN PA LA SOGS PA NYE BAR BLANG BA DAG NI NYE BAR LEN PA PO SNGA NA GNAS PA DANG LDAN PAR SHES PAR BYA STE, NYE BAR BLANG BA YIN PA'I PHYIR DPER NA RTZI RKYANG LA SOGS PA BZHIN NO, ,DE'I PHYIR NYE BAR BLANG BA NYE BAR LEN PAR BYED PA NYID KYIS NYE BAR LEN PA PO ZHES GRAGS PAR 'GYUR ZHING, NYE BAR LEN PA POS NYE BAR BLANG BA NYID KYIS KYANG, NYE BAR BLANG BA ZHES GRAGS PAR 'GYUR BAS GNYI GA GRUB BO, ,DES NA, KHO BO CAG GIS DON DAM PAR PHUNG PO LA SOGS PA DAG YOD PA KHO NA YIN TE, BCOM LDAN 'DAS KYIS DE DAG LA BRTEN NAS NYE BAR LEN PA PO DANG, NYE BAR BLANG BA BSTAN PA'I PHYIR RO ZHES GANG SMRAS PA DE NYAMS PA MED DO, ,'DIR BSHAD PA, LTA DANG NYAN LA SOGS PA DANG, ,TSOR BA LA SOGS NYID KYI NI, ,SNGA ROL DNGOS PO GANG GNAS PA, ,DE NI GANG GIS GDAGS BAR BYA, ,LTA BA LA SOGS PA DANG, TSOR BA LA SOGS PA DAG MED NA, GANG DAG LA BRTEN NAS 'DI NYE BAR LEN PA PO ZHES NYE BAR 'DOGS PAR BYED PA'I NYE BAR BLANG BA GZHAN 'GA' YANG MED DO, ,THA SNYAD KYI DUS SU LTA BA LA SOGS PA DAG NYID KYIS DE GDAGS PAR BYA BA YIN NA, LTA BA LA SOGS PA DE DAG KYANG SKYE BA'I SNGA ROL NA MED DE, DE DAG MED NA DE GANG GIS GDAGS PAR BYA, DE'I TSE NYE BAR BLANG BA DAG MED NA DE YANG MED DE, SHING DU [?] BA LA SOGS PA DAG MED NA NAGS TSAL YANG MED PA BZHIN NO ZHES BYA BAR DGONGS SO, ,YANG NA, LTA DANG NYAN LA SOGS PA DANG, ,TSOR BA LA SOGS NYID KYIS NI, ,SNGA ROL DNGOS PO GANG GNAS PA, ,DE NI GANG GIS GDAGS PAR BYA, ,NYE BAR BLANG BA LA BRTEN NAS NYE BAR LEN PA PO GDAGS PAR BYA BA NYID DO ZHES BYA BAR DGONGS SO, ,DE LTAR NA 'DIS NI NYE BAR @125A *, ,LEN PA PO'I CHOS BRTEN NAS GDAGS PAR BYA BA NYID BSTAN TO, ,DE'I PHYIR SNGA MA BZHIN DU YAN LAG LHAG MA MNGON PAS 'DIR RJES SU DPAG PAS NI NYE BAR LEN PA PO DA LTA BA LA SOGS PA NYE BAR BLANG BA DAG GI SNGA ROL NA MED DE, GDAGS PAR BYA BA YIN PA'I PHYIR DPER NA SNAM BU RGYU SPUN DAG GI SNGA ROL NA MED PA BZHIN NO, ,DES NA NYE BAR LEN PA PO DANG, NYE BAR LEN PA PO MA GRUB PA'I PHYIR GTAN TSIGS DE NYID KYI DON MA GRUB PA NYID KYI SKYON NAM, DON 'GAL BA NYID KYI SKYON YOD DO, ,DON DAM PAR SAB MA MKHAN DANG RTZI RKYANG LA SOGS PA DAG KYANG NYE BAR LEN PA PO DANG, NYE BAR BLANG BA NYID DU MA GRUB PA'I PHYIR DPE YANG MED DO, ,YANG NA GNAS MA'I BU'I SDE PA DAG LAS KHA CIG PHYIR ZLOG PAR BYED DE, LUNG LAS NYE BAR LEN PA PO LTAR GYUR PA SNGA NA GNAS PA YOD PA LTAR 'GYUR BA'I LAS YONGS SU ZAD PAS, MI LA SOGS PA'I PHUNG PO NYE BAR BLANG BA'I NYE BAR LEN PA PO NYID DU 'GYUR BAR GRAGS PAS RJES SU DPAG PAS NYE BAR LEN PA PO MED PA NYID DU BSTAN PA KHO BO CAG MI 'DOD DE, LONG BA RKANG PA TSOD DPAGS KYIS, ,NYAM NGA'I LAM DU RGYUG PA LTAR, ,RJES SU DPAG PA GTZOR 'DZIN PA, ,RNAM PAR LTUNG BA MI DKA'O, ,ZHES BYA BA LTA BUR 'GYUR RO ZHE NA, DE NI RIGS PA MA YIN TE, LHA YANG LHA'I NYE BAR BLANG BA DAG NYID LA BRTEN NAS LHA NYID DU GDAGS PAR BYA BA YIN PA'I PHYIR DANG, RKANG PA'I TSOD DPAGS PA NI MI MTHUN PA'I PHYOGS LA YANG YOD PA RJES SU DPAG PA NYID DU MA GRUB PA'I PHYIR DANG, RJES SU DPAG PA LTAR SNANG BA GTZOR 'DZIN PA NI LTUNG BAR 'GYUR BA'I PHYIR RO, ,LUNG SPYI YIN PAS THE TSOM SKYE BA'I PHYIR YANG DE NYID LAS NGES PAR GZUNG BAS MI RIGS TE, LUNG NI RJES SU DPAG PA LAS DON THA DAD PA MA YIN PAR GZUNG BAR BYA STE, MNGON SUM MA YIN PA'I DON RTOGS PA'I RGYU YIN PA'I PHYIR, DPER NA, RJES SU DPAG PA'I RANG GI BDAG NYID BZHIN NO, ,KHA CIG NA RE, LUNG NI RJES SU DPAG PA LAS DON THA DAD PA KHO NA YIN TE, DE LAS YUL THA DAD PA'I PHYIR DPER NA MNGON SUM BZHIN NO, ,DE LTAR YANG RJES SU DPAG PA NI DBANG POS GZUNG BA'I DON GYI YUL CAN YIN LA, SGRA'I @125B MTSAN NYID KYI TSAD MA NI DBANG PO LAS 'DAS PA MTHO RIS DANG BYANG GROL GYI YUL CAN YIN PAS, DE'I PHYIR LUNG NI RJES SU DPAG PA LAS DON THA DAD PA KHO NA YIN NO ZHE NA, LUNG NI RJES SU DPAG PA LAS YUL THA DAD PA NYID MA YIN TE, RGYU'I KHYAD PAR LAS 'BRAS BU'I KHYAD PAR MTHO RIS SU RJES SU DPAG PAR BYA BA'I PHYIR DANG, RGYU BCAD PA LAS SKYE BA MED PA'I MTSAN NYID BYANG GROL RJES SU DPAG PAR BYA BA'I PHYIR, GTAN TSIGS KYI DON MA GRUB PA NYID DO, ,YANG NA MTHO RIS DANG THAR BA YOD DO ZHES BYA BA, DE BZHIN GSHEGS PA'I LUNG GANG YIN PA DE NI JI LTA BA BZHIN TE, ,DE BRJOD PA'I PHYIR DE'I TSIG BZHIN PAS, RJES SU DPAG PA KHO NAS MTHO RIS LA SOGS PA RTOGS PA'I PHYIR GTAN TSIGS KYI DON MA GRUB PA NYID KYI SKYON DE NYID DU 'GYUR BAS, DE'I PHYIR DE NI RJES SU DPAG PA LAS SDANG BAR STON PA YIN NO, ,YANG GZHAN YANG, KHYOD 'DOD PAR LTAR, LTA LA SOGS PA MED PAR YANG, ,GAL TE DE NI GNAS GYUR NA, ,DE MED PAR YANG DE DAG NI, ,YOD PAR GYUR PA THE TSOM MED, ,LTA BA LA SOGS PA DAG STE, LTA BA LA SOGS PA DAG NYE BAR LEN PA PO LA MI LTOS PAR NYE BAR BLANG BA NYID DU GRUB PA'I PHYIR RO ZHES BYA BAR DGONGS SO, ,DE DAG GCIG MED PAR GCIG BYUNG NA NI, 'DI LTA STE, LTA BA LA SOGS PA NYE BAR BLANG BA'I CHOS 'DI DAG NI NYE BAR LEN PA PO LHAS BYIN ZHES BYA BA 'DI'I'O, ,NYE BAR LEN PA PO LHAS BYIN ZHES BYA BA 'DI YANG NYE BAR BLANG BA 'DI DAG GI'O ZHES BYA BA'I RIM PA DE MI SRID PAR 'GYUR BA ZHIG NA, RIM PA DE NI GDON MI ZA BA KHO NAR 'DOD PAR BYA DGOS SO, ,CI'I PHYIR ZHE NA, 'DI LTAR, CI YIS GANG ZHIG GSAL BAR BYED, GANG GIS CI ZHIG GSAL BAR BYED, ,CES BYA BA LA SOGS PA'I PHYIR TE, CI YIS ZHES BYA BA NI LTA BA LA SOGS PA DAG LAS GANG YANG RUNG BAS SO, ,GANG ZHIG CES BYA BA NI LTA BA PO DANG NYAN PA PO LA SOGS PA'O, ,GSAL BAR BYED CES BYA BA NI MNGON PAR BYED PA'O, ,GANG GIS ZHES BYA BA NI LTA BA PO DANG, NYAN PA PO LA SOGS PAS SO, ,CI ZHIG CES BYA BA NI LTA BA LA SOGS PA DAG LAS GANG YANG RUNG BA'O, ,GSAL BAR BYED CES BYA BA NI, LTA BA PO DANG NYAN PA PO LA SOGS PA 'DI'I LTA @126A *, ,BA DANG, NYAN PA PO LA SOGS PA NI 'DI'O ZHES MNGON PAR BYED PA'O, ,DE LTAR GCIG LA GCIG LTOS PAS NYE BAR BLANG BA DANG, NYE BAR LEN PA PO DAG THA SNYAD PAR GRUB PA YIN GYIS, DON DAM PA NI MA YIN NO, ,GAL TE LTOS PA CAN YIN YANG LTOS PA NGES PAS DON DAM PA BA YIN NO ZHE NA, GANG LA LTOS NAS NYE BAR BLANG BA 'GRUB PAR 'GYUR BA'I DNGOS PO NYE BAR BLANG BA LA MI LTOS PAR SNGA NAS NYE BAR LEN PA PO NYID DU GRUB PA CUNG ZAD KYANG MED LA, GANG LA LTOS NAS NYE BAR LEN PA PO 'GRUB PAR 'GYUR BA'I NYE BAR BLANG BA YANG, NYE BAR LEN PA PO LA MI LTOS PAR SNGA NAS NYE BAR BLANG BA'I BDAG NYID DU GRUB PA MED DE, DE MED NA GANG LA LTOS NAS NYE BAR BLANG BAR 'GYUR BA'I NYE BAR BLANG BA NI NAM YANG DE LA LTOS NAS NYE BAR BLANG BAR MI 'GYUR ZHING NYE BAR BLANG BA MA YIN LA, GANG LA LTOS NAS NYE BAR LEN PA POR 'GYUR BA'I NYE BAR LEN PA PO YOD, NAM YANG, DE LA LTOS NAS NYE BAR LEN PA POR MI 'GYUR ZHING, NYE BAR LEN PA PO MA YIN PAS LTOS PA NGES PA YANG SRID PAR DKA'O, ,CI MED GANG ZHIG GA LA YOD, ,GANG MED CI ZHIG GA LA YOD, ,NYE BAR BLANG BA CI ZHIG PO MED NA, NYE BAR LEN PA PO GANG ZHIG PO GA LA YOD, NYE BAR LEN PA PO GANG ZHIG PO MED NA, NYE BAR BLANG BA ZHIG PO YANG GA LA YOD DE, DE LTAR DE MED PA'I PHYIR GTAN TSIGS KYI SKYON DE NYID MA NYAMS SO, ,YANG GNAS MA'I BU'I SDE PA DAG PHYIR LOG PAR BYED DE, KHYOD LTA BA LA SOGS PA THAMS CAD KYI SNGA ROL NA GANG ZHIG GNAS PA YOD DO ZHES RNAM PAR BRTAGS NAS, RANG GI RNAM PAR RTOG PA'I RANG BZOS NYE BAR SBYAR BA'I TSIG GI DON LA SKYON 'DOGS PA DES CI BYA, KHO BO CAG NI, LTA LA SOGS PA THAMS CAD KYI, ,SNGA ROL GANG ZHIG YOD PA MIN, ,ZHES SMRA'O, ,'O NA JI LTA BU ZHE NA, LTA BA LA SOGS PA RE RE'I SNGA ROL NA YOD DE, LTA LA SOGS PA GZHAN DAG GIS, ,GZHAN GYI TSE NA GSAL BAR BYED, ,LTA BA DANG NYAN PA DANG, SMON PA DANG, MYONG BAR BYED PA DANG, LUS DANG TSOR BA LA SOGS PA DAG LAS LTA BA'AM, NYAN PA'AM, SNOM PA LA SOGS PA GZHAN DAG GIS GZHAN GYI TSE NA 'DI NI LTA BA PO'O, 'DI NI NYAN PA PO'O, , @126B 'DI NI SNOM PA PO'I ZHES BYA BA LA SOGS PAR GSAL BAR BYED DO, ,DE'I PHYIR DE LTAR LTA BA'AM, YAN PA LA SOGS PA DAG GI SNGA ROL NA GNAS PA DE DE LAS GZHAN PA'I NYE BAR BLANG BA LA LTOS PAS, NYE BAR LEN PA PO NYID DU 'GRUB PA'I PHYIR GTAN TSIGS KYI DON MA GRUB PA NYID MED DO,, 'DIR BSHAD PA, LTA LA SOGS PA THAMS CAD KYI, ,SNGA ROL GAL TE YOD MIN NA, ,LTA LA SOGS PA RE RE YI, ,SNGA ROL DE NI JI LTAR YOD, ,GANG GI PHYIR DE LTA BA'AM, NYAN PA LA SGOS PA DAG GI SNGA ROL NA YOD PAR 'DOD NA, DE LA MI LTOS PA'I NYE BAR BLANG BA DE NYID DU MI 'GRUB LA, DE LA MI LTOS PA'I NYE BAR LEN PA PO DE YANG NYE BAR LEN PA PO NYID DU MI 'GRUB BO ZHES BYA BAR DGONGS SO, ,DE LTA BAS NA RJES SU DPAG PA LAS NYE BAR BLANG BA RE RE'I SNGA ROL NA YANG, NYE BAR LEN PA PO YOD PAR SNGA MA BZHIN DU RAB TU MI 'GRUB BO, ,YANG GZHAN YANG, 'DI LA NYE BAR LEN PA PO YOD PAR SMRA BA RNAMS LTA BA PO GANG KHO NA YIN PA DE NYID NYAN PA PO DANG, TSOR BA PO YANG YIN NO ZHE'AM, GZHAN YIN NO ZHES KHAS LEN PAR 'GYUR GRANG NA, DE LA, GAL TE RE RE'I SNGA ROL NA, ,LTA PO DE NYID NYAN PO DE, ,TSOR BA PO YANG DE NYID 'GYUR, ,JI LTAR MU STEGS CAN DAG NA RE, DE'I LTA BA PO DE'I LUS DANG DBANG PO'I GNAS RTZA BA DANG, 'JIM PA LTA BU DAG NI 'PHEL BA DANG, 'GRIB PA'I CHOS CAN YIN NO ZHES ZER BA LTAR 'DOD NA DE YANG RNAM PA DE LTA BUR MA GRAGS PAS, DE NI DE LTAR MI RIGS SO, ,YANG NA, GAL TE RE RE'I SNGA ROL NA, ,LTA PO DE NYID NYAN PO DE, ,TSOR BA PO YANG DE NYID 'GYUR, ,GCIG PU RDZAS SU YOD DU ZIN KYANG SKAD CIG LAS LHAG PAR MI GNAS PA'I PHYIR, THA SNYAD DU YANG LTA BA PO DANG, NYAN PA PO DANG, TSOR BA PO NYID YIN PAR MI SRID DE, GCIG PU 'THAD PA MED PA RE RE'I SNGA ROL NA YOD PAR GA LA RIGS, DE'I PHYIR DE NI DE LTAR MI RIGS SO ZHES GSUNGS SO, ,CI ZHIG CE NA, DE GCIG NYID DU STE, DAM BCAS PA'I SKYON GYIS SKYON CHAGS PA'I PHYIR RO ZHES BYA BAR DGONGS SO, ,DON DAM PAR NYAN PA PO NI LTA BA PO LAS GZHAN MA YIN PA MA YIN TE, NYAN PA PO YIN PA'I PHYIR DPER NA, RGYUD THA DAD PA'I NYAN PA PO BZHIN NO, ,NYAN PA PO NYID LA SOGS PA GZHAN NYID @127A *, ,DU RJES SU DPOG PAS GZHAN MA YIN PA NYID GSAL BA'I PHYIR DAM BCAS PA LA CHOS CAN GYI RANG GI NGO BO BSAL BA'I SKYON YOD DO, ,LTA BA PO YANG GZUGS DMIGS PAR BYA BA'I PHYIR, MIG LA LTOS PAR MI BYED DE, NYAN PA PO LAS GZHAN MA YIN PA'I PHYIR DPER NA NYAN PA PO BZHIN NO, ,LTA BA PO NYAN PA PO LAS GZHAN MA YIN PA NYID DU RJES SU DPOG PAS GZUGS DMIGS PAR BYA BA'I PHYIR, MIG LA LTOS PAR MI BYED PA NYID KYI DE BSAL BA'I PHYIR DAM BCAS PA LA CHOS CAN GYI KHYAD PAR BSAL BA'I SKYON YOD DO, ,DE NI DE LTAR MI RIGS SO ZHES BYA BA 'DI LA GZHAN DAG NI 'DI SKAD CES, GAL TE DE LTA BA LA SOGS PA RE RE'I SNGA ROL NA YOD PAR GYUR NA DE LTA NA LTA BA PO YANG DE NYID YIN LA, NYAN PA PO YANG DE NYID YIN TSOR BA PO YANG DE NYID YIN PAR 'GYUR TE, DE DE LTAR MI RIGS SO, ,CI'I PHYIR ZHE NA, SKYES BU SKAR KHUNG THA DAD PAR 'GRO BA BZHIN DU BDAG DBANG PO GZHAN DU 'GRO BAR THAL BAR 'GYUR BA'I PHYIR TE, BDAG NI DBANG PO GZHAN GANG DU YANG 'GRO BAR MI 'DOD DO ZHES ZER RO, ,KHA CIG NA RE, DE NI THAL BA'I SKYON DU 'GYUR BAR MI RIGS TE, MIG LA SOGS PA BYED PA DE DANG DE NAS SKYES PA GZUGS LA SOGS PA DMIGS PA'I BLO DAG BDAG THAMS CAD DU SONG BA'I PHYOGS SU 'DU BAS, LTA BA PO LA SOGS PA DBANG PO GZHAN DU 'GRO BA MED PAR YANG 'GRUB PA'I PHYIR DANG, RNA BA LA SOGS PA'I 'JUG PA SGRA LA SOGS PAR SNANG BA DAG YOD NA, RNA BA LA SOGS PAR SNANG BA'I NANG GI BYED PA PO YOD CING SHES PA YOD PAR SNANG BA'I GZUGS BRNYAN 'CHAR BAS PHAN 'DOGS PAR BYED PA'I PHYIR DANG, 'GYUR BAS LTA BA PO DANG NYAN PA PO NYID LA SOGS PA DAG GRUB PAS, BDAG THAMS CAD DU SONG BA LA DBANG PO GZHAN GYI PHYOGS SU 'GRO BA MED PA'I PHYIR RO ZHES ZER RO, ,DE'I PHYIR DE LTAR RE RE'I SNGA ROL NA YOD PA NYID MI 'THAD PAS, GTAN TSIGS KYI SKYON DE NYID MA NYAMS SO, ,SKYES BU SMRA BA GANG DAG PHUNG PO DANG, KHAMS DANG, SKYE MCHED DAG LAS GZHAN PA'I SKYES BU DE NYID LTA BA PO DANG, NYAN PA PO DANG, SEMS PA PO YIN PAR SMRA BA DAG KYANG DE BZHIN DU DGAG PAR BYA'O, ,YANG NA LTA BA PO NYID @127B LA SOGS PA DAG MI 'THAD PAR NI SKYE MCHED BRTAG PAR BSTAN ZIN PAS YANG BSTAN MI DGOS SO, ,GAL TE BDAG KHAS MA BLANGS PA'I PHYIR, DE'I KHYAD PAR BSAL BA'I PHYIR DE PHYOGS SU BYED PA MI RIGS SO ZHE NA, SPYI DANG DMIGS KYIS MA BSTZAL BA MDZAD PA'I MTHA' GZHAN LAS YONGS SU BZUNG BA THA SNYAD DU KHAS BLANGS PA PHYOGS SU BYAS TE, DE'I KHYAD PAR MA GRAGS PA SEL BAS SKYON MED DO, ,CI STE NYE BAR LEN PA PO YOD PAR SMRA BA DAG JI SKAD BSTAN PA'I SKYON YONGS SU SPANG BAR 'DOD PAS, LTA BA PO YANG GZHAN, NYAN PA PO YANG GZHAN, TSOR BA PO YANG GZHAN YIN PAR RTOG NA DE LTA YANG, GAL TE LTA PO GZHAN NYID LA, ,NYAN PA PO GZHAN TSOR GZHAN NA, ,ZHES BYA BAS YONGS SU RTOG PAS CIR 'GYUR ZHE NA, LTA PO'I TSE NA NYAN PO YOD, ,LAN 'GA' STE, GZHAN YIN PA'I PHYIR RO ZHES BYA BA TSIG GI LHAG MA'O, ,'DI NA GANG ZHIG GANG LAS GZHAN YIN PAR SHES PA DE NI LAN 'GA' DE NI LAN 'GA' DE YOD NA YOD PAR 'GYUR TE, DPER NA BUM PA YOD NA KHAM PHOR YOD PA BZHIN NO, ,DE BZHIN DU NYAN PA PO YANG LTA BA PO LAS GZHAN YIN NO, LTA BA PO YOD PA'I TSE NA NYAN PA PO YANG YOD PAR 'GYUR ZHING NYAN PA PO JI LTA BA BZHIN DU SNOM PA PO DANG, MYANG BA PO DANG, REG PA PO DANG, SEMS PA PO DAG KYANG DE BZHIN NO, ,DES NA, BDAG KYANG MANG PO NYID DU 'GYUR, ,RGYUD SO SO LA'O, ,DE LTAR NI MI 'DOD PAS DE'I PHYIR DON DAM PAR RGYUD THA DAD PA DAG GI LTA BA PO DANG, NYAN PA PO DANG, SNOM PA PO LA SOGS PA DAG GZHAN NYID YIN PAR MI 'THAD DO, ,'DIR YANG SKABS KYI DON LA PHAN PA NYID KYIS RJES SU DPAG PA MTSON PAR BYA STE, NYE BAR LEN PA PO LHAS BYIN GYI NYAN PA PO NI, LTA BA PO LAS GZHAN MA YIN TE, RGYU DANG 'BRAS BUR 'BREL PA'I NYE BAR LEN PA PO YIN PA'I PHYIR, DPER NA, LTA BA PO'I RANG GI BDAG NYID BZHIN PAS GZHAN NYID DU SMRA BA RNAMS LA RJES SU DPAG PAS GNOD DO, ,YANG NA, LTA PO'I TSE NA NYAN PO YOD, ,CES BYA BA NI LTA BA PO LA BRTEN NAS, NYAN PA PO 'BYUNG BAR 'GYUR RO ZHES BYA BA'I DON TO, ,DE LTA NA, BDAG KYANG MANG PO NYID DU 'GYUR, ,'DAS PA LA SOGS PA'I DUS THA DAD PA'I PHYIR RO, , @128A *, ,DE LTAR GYUR NA 'DIR YANG PHYIR SMRA BAR NUS TE, DON DAM PAR NYE BAR LEN PA PO NI NYE BAR LEN PA PO'I NGO BO NYID MA YIN TE, BRTEN NAS 'BYUNG BA'I PHYIR DPER NA, NYE BAR BLANG BA'I BDAG NYID BZHIN NO, ,DON DAM PAR LHAS BYIN GYI LTA BA LA SOGS PA NI NYE BAR LEN PA PO LHAS BYIN ZHES BYA BA'I NYE BAR BLANG BA MA YIN TE, LTA BA LA SOGS PA YIN PA'I PHYIR DPER NA, MCHOD SBYIN GYI LTA BA LA SOGS PA'I BDAG NYID BZHIN NO, ,DE LTAR NYE BAR LEN PA PO NYID DANG, NYE BAR BLANG BA NYID MA GRUB PA'I PHYIR YANG JI SKAD SMRAS PA'I SKYON DANG MA BRAL LO, ,GAL TE NYE BAR LEN PA PO NI DE NYID DANG, GZHAN NYID DU BRJOD PAR BYA BA MA YIN PA'I PHYIR SKYON MED DO ZHE NA, BDAG GI YIN PAR BRJOD PA'I PHYIR SKYON MED PA MA YIN NO, ,YANG NA GANG DAG BDAG LTA BA PO LA SOGS PA BRJOD PA DAG PHUNG PO LAS GZHAN PA NYID DU STON PA DE DAG GI PHYOGS LA, LTA BO'I TSE NA NYAN PO YOD, , CES BYA BA'I TSIG GI LHAG MA STE, 'DI LA LTA BAR BYED PAS LTA BA PO STE, GZUGS DMIGS PA DANG LDAN PA YIN LA, DE NI SGRA DMIGS PA DANG MI LDAN TE, GCIG LA NGO BO NYID GNYIS MI SRID PA'I PHYIR RO, ,LTA PO'I TSE NA NYAN PO YOD, ,CES BYA BA DE BZHIN DU, SNOM PA PO DANG, MYONG BA PO DANG, REG PA PO DANG, SEMS PA PO DAG KYANG YOD PAR GYUR NA CIR 'GYUR ZHE NA, BDAG KYANG MANG PO NYID DU 'GYUR, LUS DANG DBANG PO'I TSOGS GCIG LA'AM, RGYU DANG 'BRAS BU'I TSOGS GCIG LA ZAB BO ZHES BYA BA'I BDAG MANG PO NYID DU 'GYUR TE, DE YANG MI 'DOD PAS DE'I PHYIR BDAG NI GCIG PA NYID DU MI 'GRUB STE, DMIGS PA THA DAD PA'I PHYIR, DMIGS PA THA DAD PA'I PHYIR, RGYUD DU MA'I LTA BA PO BZHIN NO, ,NYE BAR LEN PA PO YO DPAR SMRA BA GZHAN DAG 'DI SKAD CES ZER TE, 'DI LA BCOM LDAN 'DAS KYIS MING DANG, GZUGS KYI RKYEN GYIS SKYE MCHED DRUG CES GSUNGS PA DE LA, GZUGS NI 'BYUNG BA CHEN PO BZHI PO DAG YIN PAS, DE'I PHYIR 'BYUNG BA CHEN PO'I RKYEN GYIS SKYE MCHED DRUG 'BYUNG LA, 'BYUNG BA DE DAG KYANG NYE BAR LEN PA PO'I NYE BAR BLANG BA YIN PAS, DE'I PHYIR NYE BAR LEN PA PO YIN PAR GYUR PA LTA BA LA SOGS PA SKYE MCHED DRUG DANG LDAN PA SNGA NA GNAS PA'I RIM @128B GYIS TSOR BA LA SOGS PA DAG 'BYUNG BA NI, DE BZHIN GSHEGS PA'I TSUL YIN NA KHYED KYIS NYE BAR LEN PA PO DE LTA BA LA SOGS PA NYE BAR BLANG BA DAG GI SNGA ROL NA MED DE, GDAGS PAR BYA BA YIN PA'I PHYIR DPER NA, SNAM BU RGYU SPUN DAG GI SNGA ROL NA MED PA BZHIN NO ZHES BRJOD PAS, TSUL DE DANG 'GAL BAR BYED PAS, DE'I PHYIR PHYOGS SNGA MA LA GNOD PAS GNOD PAR 'GYUR BA'I PHYIR DE NI LEGS PA MA YIN NO, ,'DIR BSHAD PA, LTA DANG NYAN LA SOGS PA DANG, ,TSOR BA DAG LA SOGS PA YANG, ,GANG LAS 'GYUR BA'I 'BYUNG DE LA'ANG, ,DE NI YOD PA MA YIN NO, , RDZAS SU YOD PA NYE BAR LEN PA PO NYID DU MA GRUB PA'I PHYIR RO, ,'O NA JI LTA BU ZHE NA, THA SNYAD DU MING DANG, GZUGS DANG, DE LA BRTEN NAS NYE BAR LEN PA PO NYID DU GDAGS PAR ZAD KYI, DON DAM PAR NYE BAR LEN PA PO RDZAS SU YOD PA'I MING DANG GZUGS KYI GNAS SKABS KHAS MA BLANGS PA'I PHYIR PHYOGS SNGA MA LA GNOD PA MED DO, ,YANG NA, LTA DANG NYAN LA SOGS PA DANG, ,TSOR BA DAG LA SOGS PA YANG, ,GANG LAS 'GYUR BA'I 'BYUNG DE LA'ANG, ,DE NI YOD PA MA YIN NO, ,ZHES BYA BA NI DE DAG GI NYE BAR LEN PA PO NYID DU GRUB PA ZHES BYA BA'I TSIG GI LHAG MA'O, ,GAL TE 'BYUNG BA NYE BAR BLANG BA'I NYE BAR LEN PA PO DE JI LTAR LTA BA LA SOGS PA'I NYE BAR LEN PA PO NYID DU MI 'GRUB CE NA, 'BYUNG BA NYE BAR BLANG BA NYE BA LEN PA'I NYE BAR LEN PA PO NI LTA BA LA SOGS PA NYE BAR BLANG BA DAG NYE BAR LEN PAR BYE DPAR MI RIGS TE, DE DAG LAS GZHAN NYE BAR LEN PA YIN PA'I PHYIR RGYUD THA DAD PA'I 'BYUNG BA'I NYE BAR LEN PA PO BZHIN NO ZHES RJES SU DPAG PA'I PHYIR DANG, 'BYUNG BA NYE BAR BLANG BA'I DUS NA LTA BA LA SOGS PA DAG NYE BAR BLANG BA MA YIN PA'I PHYIR DANG, LTA BA LA SOGS PA DAG NYE BAR BLANG BA'I DUS NA YANG 'BYUNG BA NYE BAR BLANG BA DAG , NYE BAR BLANG BA MA YIN PA'I YANG PHYIR RO, ,GAL TE GANG GI TSE, LTA DANG NYAN LA SOGS PA DANG, ,TSOR BA DAG LA SOGS PA YANG, ,NYE BAR BLANG BA DAG YIN PA DE'I TSE NA NYE BAR LEN PA PO ZHES SMRA'O ZHE NA, DE NI BZANG PO MA YIN TE, LTA BA LA SOGS PA DA NYE BAR BLANG BA YIN PA DE'I TSE NA YANG @129A *, ,LTA BA LA SOGS PA DAG 'DUS PA TZAM DU ZAD PA'I PHYIR RDZAS SU YOD PA MA YIN NO, ,GAL TE JI LTAR 'DOD PA DE BZHIN NO ZHE NA, DE'I PHYIR, GANG GI YIN PA GAL TE MED, ,DE DAG KYANG NI YOD PA MIN, ,ZHES GSUNGS TE, LTA BA LA SOGS PA DAG NYE BAR LEN PA NYID DANG; RDZAS NYID DU YOD PA MA YIN NA NYE BAR LEN PA PO NYID KYI GTAN TSIGS KYI DON MA GRUB PA LA SOGS PA'I SKYON DE NYID KYI LAN GDAB PAR DKA'O, ,DE'I PHYIR DE LTAR JI SKAD BSTAN PA'I SGRUB PAS BRTAGS NA, GANG ZHIG LTA LA SOGS PA YI, ,SNGA ROL DA LTAR PHYIN MED, ,DE LA YOD DO MED DO ZHES; ,RTOG PA DAG NI LDOG PAR 'GYUR, ,NYE BAR LEN PA PO GANG ZHIG LTA BA LA SOGS PA DAG GI SNGA ROL DANG, DA LTAR DANG, PHYI NA RDZAS SU YOD PA NYID DU MA GRUB CING 'BYUNG BA'I RDZAS BZHIN DU MED PA DE LTA BU DE LA DON DAM PAR GCIG PA NYID DANG, GZHAN PA NYID DU YOD DO MED DO ZHES BYA BAR RTOG PA DAG LDOG PAR 'GYUR RO, ,DE LA RE ZHIG YOD DO ZHES BYA BAR RTOG PA LDOG PA NI RDZAS SU MED PA'I PHYIR RO, ,MED DO ZHES BYA BAR MED PAR RNAM PAR RTOG PA 'BYUNG BA DE MED PAS RTOG PA LDOG PA NA BRTEN NAS GDAGS PAR BYA BA YIN PA'I PHYIR RO, ,YANG NA YOD DO ZHES BYA BAR RTOG PA LDOG PA NI DON DON DAM PAR YOD PA NYID DU STON PA'I RJES SU DPAG PA MED PA'I PHYIR RO, ,MED DO ZHES BYA BAR RTOG PA LDOG PA NI YOD PA BSAL BAS MED PAR RNAM PAR RTOG PA YANG MED PA'I PHYIR TE, BCOM LDAN 'DAS KYIS, BLO YIS RNAM PAR GZHIGS NAS NI, ,NGO BO NYID NI GZUNG DU MED, ,DE PHYIR DE DAG BRJOD MED DANG, ,NGO BO NYID NI MED PAR BSTAN, ,ZHES JI SKAD GSUNGS PA LTA BU'O, ,DE LA NYE BAR LEN PA PO YOD PAR SMRA BA DAG GIS RJES SU DPAG PA LAS NYE BAR LEN PA PO YOD DE, DE YANG NYE BAR LEN PAR BYED PAS NYE BAR LEN PA PO ZHES BYA ZHING, DES NYE BAR BLANG BA YIN PAS NYE BAR BLANG BA ZHES BYA STE, DE GNYI GA GRUB PA'I PHYIR GTAN TSIGS SDANG SMRA PA GRUB BO ZHES GANG SMRAS PA DE RIGS PA MA YIN NO, ,DE LA 'DIR RAB TU BYED PA'I DON NI NYE BAR LEN PA PO YOD PA'I GTAN TSIGS SUN DBYUNG BA BRJOD PA DANG, RANG DBANG GIS RJES SU DPAG PA BRJOD PAS, NYE BAR LEN PA PO NGO BO NYID MED PA NYID @129B DU BSTAN PA YIN NO, ,DE'I PHYIR RAB KYI RTZAL GYIS RNAM PAR GNON PA GZUGS LA SHES PA PO 'AM, SHES PAR BYED PA PO MED DO, ,TSOR BA DANG, 'DU SHES DANG, 'DU BYED RNAMS DANG, RNAM PAR SHES PA LA SHES PA PO 'AM, SHES PAR BYED PA PO MED DO, ,GZUGS DANG, TSOR BA DANG; 'DU SHES DANG, 'DU BYED RNAMS DANG, RNAM PAR SHES PA LA SHES PA PO 'AM, SHES PAR BYED PA PO MED PA GANG YIN PA DE NI SHES RAB KYI PHA ROL TU PHYIN PA'O, GZUGS LA SHES PA PO'AM MTHONG BA PO MED DO, ,TSOR BA DANG, 'DU SHES DANG, 'DU BYED RNAMS DANG, RNAM PAR SHES PA LA SHES PA PO 'AM, MTHONG BA PO MED DO, ,GZUGS DANG, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA LA SHES PA PO 'AM, MTHONG BA PO MED PA GANG YIN PA DE NI SHES RAB KYI PHA ROL TU PHYIN PA'O ZHES BYA BA LA SOGS PA GSUNGS PA DE DAG GRUB PA YIN NO; ,SLOB DPON LEGS LDAN BYED KYIS NYE BAR SBYAR BA, DBU MA'I RTZA BA'I 'GREL BA SHES RAB SGRON MA LAS, NYE BAR LEN PA PO DANG, NYE BAR BLANG BA BRTAG PA ZHES BYA BA STE, RAB TU BYED PA DGU PA'O,, ,,DA NI NYE BAR LEN PA PO DANG, NYE BAR BLANG BA DAG NGO BO NYID MED PA'I MI MTHUN PA'I PHYOGS KYI KHYAD PAR DGAG PAS RTEN CING 'BREL PAR 'BYUNG BA DON GCIG PA MA YIN PA DANG, DON THA DAD PA MA YIN PA'I KHYAD PAR DANG LDAN PA, BSTAN PA'I DON GYI DBANG GIS RAB TU BYED PA BCU PA BRTZAM MO, ,'DIR SMRAS PA, 'DI LA KHYOD KYIS NYE BAR LEN PA PO DANG, NYE BAR BLANG BA DAG PHAN TSUN LTOS NAS RAB TU 'GRUB PAR SMRAS PAS, DE'I PHYIR GTAN TSIGS RAB TU GRUB PA'I DBANG GIS NYE BAR LEN PA PO DANG, NYE BAR BLANG BA NYID DAG BSGRUB PA'I PHYIR SGRUB PA SMRA BAR BYA STE, DON DAM PAR NYE BAR LEN PA PO DANG NYE BAR BLANG BA DAG YOD PA KHO NA YIN TE, PHAN TSUN LTOS PA'I PHYIR DPER NA ME DANG BUD SHING BZHIN NO, ,DE'I PHYIR DE GRUB PAS DON DAM PAR PHUNG PO LA SOGS PA DAG YOD PA KHO NA YIN TE, BCOM LDAN 'DAS KYIS DE DAG LA BRTEN NAS, NYE BAR LEN PA PO DANG, NYE BAR BLANG BA DAG BSTAN PA'I PHYIR RO, ,DE LTAR GTAN TSIGS GRUB PAS 'DOD PA GRUB PO, , @130A *, ,'DIR BSHAD PA, SKYE BA SPYIR BKAG PA NYID DANG, GZUGS KYI RGYU NI MA GTOGS PAR, ,GZUGS NI DMIGS PAR MI 'GYUR RO, ,ZHES BYA BA DER RDZAS SU YOD PA NYID BKAG PAS, ME DANG BUD SHING DAG GI YOD PA NYID DGAG PA YANG GRUB MOD KYI, YANG DE MED PA NYID DU BSTAN PA'I PHYIR, SGRUB PA GZHAN SEMS GTOD LA NYON CIG ,'DI LA ME DANG BUD SHING DAG YOD PA NYID DU 'DOD NA GCIG PA NYID DAM, GZHAN NYID DU KHAS BLANG BAR BYA GRANG NA DES CIR 'GYUR ZHE NA, GAL TE SHING DE ME YIN NA, ,BYED PA PO DANG LAS GCIG 'GYUR, ,DE LA BUD SHING NI SA LA SOGS PA 'BYUNG BA GSUM PO DAG YIN LA, ME NI ME'I KHAMS SO, ,KHA CIG NA RE, ME NI 'BYUNG BA BZHI PO DAG LAS ME SHAS CHE BAR GYUR PA'O ZHE'O, ,DE LA 'DIR GLAGS YOD PA'I TSIG YIN PA'I PHYIR PHA ROL POS SMRAS PA'I SGRUB PA LAS BZLOG PAS RJES SU DPAG PA MNGON TE, DPER NA GAL TE SGRA RTAG NA BUM PA YANG RTAG PAR THAL BAR 'GYUR BAS DE NI MI 'DOD DE, BYAS PA NYID LA MI RTAG PA NYID MED NA MI 'BYUNG BA YIN PAS, DE LA YANG YOD PA'I PHYIR RO, ,SGRA DE YANG BYAS PA YIN PAS DE'I PHYIR SGRA NI MI RTAG STE, BYAS PA'I PHYIR DPER NA BUM PA BZHIN NO ZHES BYA BA LTA BU'O, ,'DIR SBYOR BA'I TSIG NI DON DAM PAR ME DANG BUD SHING DAG GCIG PA NYID MA YIN TE, BYED PA PO DANG LAS YIN PA'I PHYIR DPER NA GCOD PA PO DANG, BCAD PA DAG BZHIN NO, ,ME YANG BUD SHING SREG PA'I BYED PA PO YIN LA, BUD SHING YANG SREG PA NA LAS YIN PAS, ME DANG BUD SHING DAG LA YANG BYED PA PO DANG LAS NYID YOD PAS DE'I PHYIR DE NYID GCIG PA NYID MA YIN NO, ,YANG NA, GAL TE SHING DE ME YIN NA, ,BYED PA PO DANG LAS GCIG 'GYUR, ,DE'I PHYIR BUD SHING LAS ME GZHAN MA YIN PAR DAM 'CHA' BA'I DAM BCAS PA LA GCIG PA NYID DU RJES SU DPOG PAS MI TSAB DANG; ME SREG PA NYID KYIS ME'I LCE DAG BSTZAL BA'I PHYIR CHOS CAN GYI KHYAD PAR BSTZAL BA'I SKYON YOD DE, ,GAL TE MTHONG BAS GNOD PA'I PHYIR SKYON MED DO ZHE NA, GCIG PA NYID LA YANG MTHONG BAS GNOD PAR 'GYUR RO, ,DE YONGS SU SPANGS PA'I PHYIR GRUB PA'I MTHA' DANG 'GAL LO, ,DE LTAR @130B KHAS MA BLANGS PA'I PHYIR KHAS BLANGS PA LA GNOD PA MED DO, ,DE LTAR RE ZHIG ME DANG BUD SHING DAG GCIG PA NYID DU MI 'THAD DO, ,CI STE GZHAN NYID DU 'DOD NA DE'I PHYIR BSHAD PA, GAL TE SHING LAS ME GZHAN NA, ,SHING MED PAR NI 'BYUNG BAR 'GYUR, ,GZHAN YIN PA'I PHYIR DE LAS GZHAN BZHIN NO ZHES BYA BAR DGONGS SO, ,'DI LTA STE, BUD SHING LA MI LTOS PAR ME YOD DO ZHES BYA BA DE NI MNGON PAR ZHEN PA'I BLO CAN DAG KYANG MI 'DOD DE, 'DIS NI ME DANG BUD SHING DAG GI CHOS LTOS PA DANG BCAS PA NYID BSTAN TO, ,DE'I PHYIR 'DIR BSTAN PAR BYA BA'I DON GYI DBANG GIS RJES SU DPAG PAR 'DOD PA NI, DON DAM PAR ME NI BUD SHING LAS GZHAN MA YIN TE, LTOS PA DANG BCAS PA'I PHYIR DPER NA BUD SHING GI RANG GI BDAG NYID BZHIN NO, ,DE BZHIN DU DON DAM PAR BUD SHING YANG ME LAS GZHAN MA YIN TE, LTOS PA DANG BCAS PA'I PHYIR DPER NA ME'I RANG GI BDAG NYID BZHIN NO, , GAL TE ME DANG BUD SHING DAG THA DAD PA NYID KYIS THAMS CAD LTOS PA DANG BCAS PA DAG GIS MA NGES PA NYID DO ZHE NA, DE DAG KYANG BSGRUB PAR BYA BA DANG RIGS MTHUN PA NYID KYIS MTSUNGS PAR BKAG PA'I PHYIR SKYON MED DO, ,ME DANG BUD SHING DAG GZHAN NYID DU KHAS LEN PA LA SKYON GZHAN 'DI YANG YOD DE; 'DI LTA STE, RTAG TU 'BAR BA NYID DU 'GYUR, ,'BAR BYED MED PA'I RGYU LAS BYUNG, ,GAL TE BUD SHING LAS ME GZHAN NYID YIN PAR GYUR NA BUD SHING LA MI LTOS PAR RTAG TU 'BAR BAR 'GYUR TE, DE LA BUD SHING DE MED BYANG 'CHI BAR MI 'THAD CING RTAG PAR 'GYUR RO, ,CI'I PHYIR ZHE NA, 'BAR BYED MED PA'I RGYU LAS BYUNG BA'I PHYIR TE, 'BAR BYED CES BYA BA NI BUD SHING NGO, ,GANG LA RGYUD YOD PA DE NI 'BAR BYED KYI RGYU LAS BYUNG BA'O, ,'BAR BYED MED PA'I RGYU LAS BYUNG BA NI 'BAR BAR BYED PA'I RGYU MED PA LAS BYUNG BA'O, ,GZHAN YANG 'CHI BA YONGS SU SPANG PA'I PHYIR BUD SHING SKAM PO GZHUG PA DANG, SBAR BA'I MTSAN NYID KYI RTZOM PA DAG KYANG MI 'THAD PAS, RTZOM PA DON MED NYID DU 'GYUR, ,DON MED PA NI DON DANG BRAL BA'O, ,DE'I DNGOS PO NI DON MED PA NYID DE 'BRAS BU MED PA NYID CES BYA BA'I THA TSIG GO, ,DE LTA YIN NA LAS KYANG MED, ,LAS MED PA NI LAS YOD PA MA YIN PA @131A *, ,STE; BUD SHING LA MI LTOS PAR 'BYUNG ZHING GNAS PAS BSREG PAR BYA BA SREG PA'I MTSAN NYID KYI LAS MED PA'I PHYIR DE NI MI 'DOD DO, ,GRONG MI'I BUD MED YAN CHAD LA YANG ME NI RGYU DANG LDAN PA NYID DANG, RTZOM PA DANG BCAS PA NYID DANG, LAS DANG BCAS PA NYID DU GRAGS PAR 'DOD PAS DE'I PHYIR RJES SU DPAG PA SMRA BAR NUS TE, DON DAM PAR ME NI BUD SHING LAS GZHAN MA YIN TE, RGYU DANG LDAN PA'I PHYIR DANG, RTZOM PA DANG BCAS PA'I PHYIR DANG, LAS DANG BCAS PA'I PHYIR DPER NA BUD SHING GI RANG GI BDAG NYID BZHIN TE, RGYAS PAR NI SNGA MA BZHIN NO, ,DE BZHIN DU BUD SHING GI PHYOGS LA YANG BRJOD PAR BYA STE, BUD SHING LA YANG GZUGS PAR BYA BA LA SOGS PA'I LAS YOD PA'I PHYIR LAS DANG BCAS PA NYID DU GRUB PAS BUD SHING GI GTAN TSIGS DANG DPE NYID MA GRUB PA NYID MA YIN NO, ,DE LA 'DI SNYAM DU CI'I PHYIR 'BAR BYED MED PA'I RGYU LAS BYUNG BA DANG; RTZOM PA DON MED PA NYID DU THAL BAR 'GYUR SNYAM DU SEMS NA, DE LA BSHAD PAR BYA STE, GZHAN LA LTOS PA MED PA'I PHYIR, ,'BAR BYED MED PA'I RGYU LAS BYUNG, ,RTAG TU 'BAR BA NYID YIN NA, ,RTZOM PA DON MED NYID DU 'GYUR, ,GZHAN LA LTOS PA MED PA'I PHYIR, ,'BAR BYED MED PA'I RGYU LAS BYUNG BAR 'GYUR LA, RTAG TU 'BAR BA NYID YIN NA RTZOM PA DON MED PA NYID DU THAL BAR 'GYUR RO, ,JI STE PHA ROL PO DAG SLOB DPON GYIS ME DANG BUD SHING DAG GZHAN NYID YIN PA'I SKYON BRJOD PAS, RTAG TU 'BAR BA NYID DU 'GYUR, ,ZHES BYA BA LA SOGS PA GANG DAG GSUNGS PA JI SKAD BSTAN PAR THAL BAR 'GYUR BA DAG YONGS SU SPANG BAR 'DOD PAS, DE LA GAL TE 'DI SNYAM DU, ,SREG BZHIN BUD SHING YIN SEMS NA, ,MES KHYAB CING SREG BZHIN PA NYID NA DE BUD SHING ZHES BYA ZHING, ME LA LTOS PA DANG BCAS PA'I BUD SHING NYID DU 'GRUB PA'I PHYIR, THAL BAR 'GYUR BA'I SKYON MED DO SNYAM DU SEMS NA, DE NI BZANG PO MA YIN TE, GLAGS YOD PA'I TSIG NYE BAR BZHAG PA BRJOD PAS RJES SU DPAG PA RNAM PA BZHI BSTAN PAS GLAGS YOD PA'I SKYON GYI GZHI'O, ,GZHAN NYID MI 'DOD NA, DAM BCAS PA NYAMS PA'I PHYIR RO, ,GZHAN YANG NYON CIG ,GANG TSE DE TZAM DE YIN NA, , @131B GANG GIS BUD SHING DE SREG BYED, ,GANG GI TSE ME'I RKYEN GYIS 'BAR BA DANG BCAS PA DE TZAM DU BUD SHING DE YIN PAR BRJOD NA, GANG GIS BUD SHING DE SREG PAR BYED, THA SNYAD DU YANG 'BA' ZHIG BYUNG BA LA NI BUD SHING ZHES BRJOD CING 'BAR BA DANG BCAS PA LA NI ME ZHES BYA'O, ,DON DAM PAR NI SKYE BA BKAG PA'I PHYIR RO, ,SKYES SU ZIN NA YANG DE TZAM YIN PA'I PHYIR GANG GIS GANG LA KHYAB PAR BYED PAR 'THAD DE, DE'I PHYIR TSIG DE NI RANG GI BLO GROS YANG BAR STON PA TZAM DU ZAD DO, ,YANG NA 'DI NI RNAM PAR BSHAD PA'I BRNAG PA GZHAN YIN TE, 'DI LA BYED PA PO ME'I MTSAN NYID 'GA' ZHIG GIS SREG BZHIN PA NA BUD SHING ZHES BYA GRANG NA DE YANG SGRUB PA SNGAR BSTAN BAS RDZAS SU YOD PA NYID BRTZAL BA'I PHYIR MED PAS, GANG TSE DE TZAM DE YIN NA, ,GANG GIS BUD SHING DE SREG BYED, ,GANG GI TSE GZUGS LA SOGS PA 'DUS PA TZAM DRO BA'I MTSAN NYID KYI REG PA'I KHYAD PAR DANG LDAN PA DE TZAM SREG PA DANG, TSOS PA DANG, SNANG BA LA SOGS PA'I 'BRAS BU'I RGYU YIN PA'I PHYIR DE MA YIN PA'I TSE NA'O, ,YANG NA BUD SHING NI 'BYUNG BA CHEN PO BZHI PO DAG LAS ME SHAS CHE BAR MA GYUR PA 'AM, GSUM PO DAG YIN PAR BRJOD LA, 'BYUNG BA CHEN PO BZHI 'AM GSUM PO DE DAG KYANG BSREG PAR BYA BA YIN GYI, SREG PAR BYED PA DAG MA YIN LA, ME YANG 'BYUNG BA 'AM, 'BYUNG BA 'DUS PA YIN PAR PHA ROL PO DAG GIS KYANG SHES PAS DE'I PHYIR YANG NGES PAR BYA NUS TE, DON DAM PAR ME NI BUD SHING SREG PAR BYED PA MA YIN TE, 'BYUNG BA YIN PA'I PHYIR DPER NA CHU LA SOGS PA BZHIN NO, , DE BZHIN DU GZUGS LA SOGS PA DANG LDAN PA NYID DANG RAGS PA NYID DANG, GZUGS KYI PHUNG POS BSDUS PA NYID DANG, PHYI ROL PA NYID DANG, SKYE BA CAN NYID DANG, RGYU CAN NYID YIN PA'I PHYIR RO ZHES BYA BA LA SOGS PA'I GTAN TSIGS DAG KYANG BRJOD PAR BYA'O, ,DE'I PHYIR DE LTAR DON DAM PAR ME NI SREG PAR BYED PA NYID YIN PAR MI 'THAD PAS, GANG TSE DE TZAM DE YIN NA, ,GANG GIS BUD SHING DE SREG BYED, ,GANG GI TSE SKYE BA'I KHYAD PAR LA LTOS NAS, THA SNYAD DU ME 'AM BUD SHING ZHES BRJOD PA'I TSE 'BYUNG BA 'DUS PA DE TZAM ME 'AM BUD SHING DE YIN NA GANG GIS BUD SHING DE SREG PAR BYED, @132A *, ,DE LTA BAS NA SREG BZHIN PA NA BUD SHING YIN PAR 'GYUR RO ZHES BYA BA LA SOGS PA DE RIGS PA MA YIN NO, ,GAL TE SA LA SOGS PA DAG DBYER MED PAR GNAS PA LA, SREG PAR BYED PA ME'I KHAMS YOD PA'I PHYIR, DPE BSGRUB PAR BYA BA DANG MI LDAN NO ZHE NA, DE YANG BSGRUB PAR BYA BA DANG RIGS MTHUN PA NYID KYIS BSGRUB PAR BYA BA'I KHONGS SU GTOGS PA'I PHYIR RAM, SA LA SOGS PA DAG RANG GI MTSAN NYID KYIS DPE NYID DU GRUB PA'I PHYIR SKYON MED DO, ,GRAGS PA'I GNOD PA LA SOGS PA DAG GI SKYON YANG MED DE, SNGAR LAN BTAB ZIN PA'I PHYIR RO, , BYE BRAG PA DAG NA RE, RDUL PHRAN DE BDAG GI PHYOGS DANG PHRAD PA LA BDAG DANG LDAN PA MA MTHONG BAS BSKYED PA'I LAS KYI RDUL PHRAN DE BDAG GI PHYOGS DANG PHRAL NAS RDUL PHRAN GZHAN DANG PHRAD PAR BYA STE, PHRAD PA RDUL PHRAN GNYIS KYIS GNAS SU BYED DO, ,RDUL PHRAN PHRAD PA DANG BCAS PA DE GNYIS KYIS RDUL PHRAN GNYIS PA ZHES BYA BA'I RDZAS RTZOM PAR BYED DO, ,RDUL PHRAN GNYIS PAS KYANG JI SKAD BSTAN PA'I RNAM PAS RDUL PHRAN DANG PHRAD PAS RDUL PHRAN GNYIS PA'I RDUL PHRAN ZHES BYA BA'I RDZAS RTZOM PAR BYED PA LA SOGS PA'I RIM GYIS SNANG BYED KYI RDZAS BRTZAMS PA ME NYID DANG 'BREL BA'I PHYIR ME YIN LA, DE BZHIN DU BSREG BYA YANG BUD SHING NYID DANG 'BREL BA'I PHYIR BUD SHING YIN TE, DE GNYIS NI RGYU DANG RGYU CAN YIN PA'I PHYIR PHAN TSUN LTOS PA YIN NO ZHES ZER RO, ,DE DAG KYANG, GAL TE SHING LAS ME GZHAN NA, ,SHING MED PAR YANG 'BYUNG BAR 'GYUR, ,ZHES BA LA SOGS PA RGYAS PAR JI SKAD BSTAN PA DAG GIS DGAG PA BRJOD PAR BYA'O, ,DON DAM PAR SNANG BYED NI ME MA YIN PAR GZUNG BAR BYA STE, 'BYUNG BA YIN PA'I PHYIR DPER NA, DE LAS GZHAN PA'I 'BYUNG BA DAG BZHIN NO, ,RTZOM PA DGAG PA YANG DON DAM PAR ME'I RDUL PHRA RAB DAG NI ME ZHES BYA BA'I RDZAS RTZOM PAR BYED PA MA YIN TE, RDUL PHRA RAB YIN PA'I PHYIR DPER NA DE LAS GZHAN PA'I RDUL PHRA RAB DAG BZHIN NO, ,CI STE DAM BCAS PA DE'I DON GANG YIN, CI GZHAN DAG RTZOM PAR BYED PA YIN NAM, RTZOM PAR MI BYED PA YIN, DES CIR 'GYUR, GAL TE BRTAG PA SNGA MA LTAR NA NI @132B DAM BCAS PA NYAMS SO, ,CI STE BRTAG PA PHYI MA LTAR NA NI DPE MED DO ZHE NA, DE NI BZANG PO MA YIN TE, BRTAG PA SNGA MA LTAR KHAS MA BLANGS PA'I PHYIR DANG, BRTAG PA PHYI MA LA YANG SA LA SOGS PA ME RTZOM PAR BYED PA MA YIN PAR GRUB PA DAG LAS GANG YANG RUNG BA DPE NYID YIN PA'I PHYIR RO,, YANG NA DON DAM PAR ME NI ME'I RDUL PHRA RAB DAG GIS BRTZAMS PA MA YIN PAR GZUNG BAR BYA STE, 'BRAS BU YIN PA'I PHYIR DPER NA CHU BZHIN NO, ,DE BZHIN DU BYAS PA NYID DANG, CHUD ZA BA NYID DANG SKYE BA CAN NYID YIN PA'I PHYIR RO ZHES BYA BA LA SOGS PA'I GTAN TSIGS DAG KYANG BRJOD PAR BYA'O; ,GRANGS CAN DAG NI SNYING STOBS DANG RDUL SHAS CHE BA'I SGRA DANG, RIG PA DANG, GZUGS DAG NI ME YIN LA, MUN PA SHAS CHE BA NI BUD SHING YIN PAR SMRA ZHING DES DE LA KHYAB PAR 'DOD PAS, BUD SHING GI RGYUS ME 'BYUNG BAS BUD SHING RGYU YIN PA'I PHYIR ME NI BUD SHING LA LTOS PA NYID YIN PAS, THAL BAR 'GYUR BA'I SKYON YONGS SU SPANGS SO ZHES ZER NA, DE DAG KYANG DON DAM PAR ME NI BUD SHING SREG PAR BYED PA MA YIN TE, 'BYUNG BA YIN PA'I PHYIR DPER NA CHU LA SOGS PA BZHIN NO ZHES SNGA MA BZHIN DU DGAG PAR BYA'O, ,CI STE DAM BCAS PA'I DON RNAM PAR BRTAGS NAS DE LAS GZHAN PA'I NGO BO NYID DAM NGO BO NYID MED PAR RTOG NA, PHYOGS SNGA MA LA GNOD PA 'AM DPE MED DO ZHES RGOL BAR BYED NA, DE LA 'DIR DGAG PA DE NI SREG PA NYID DGAG PA KHO NAS MTHU ZAD PA YIN PA'I PHYIR DANG, SREG PA MA YIN PA'I NGO BO NYID YIN PA'I PHYIR SGRA'I DON NI SGRA GZHAN GYIS BSTAN PAR BYA BA YIN PA'I PHYIR PHYOGS SNGA MA LA GNOD PA YANG MED LA, SA LA SOGS PA SREG PA'I NGO BO NYID MA YIN PAR GRUB PA DAG NYID DPE YIN PA'I PHYIR DPE MED PA YANG MA YIN NO, ,DPYAD PA RGYAS PAS CHOG GO , ,YANG GZHAN YANG, GZHAN NA MI PHRAD PHRAD MED NA, , SREG PAR MI 'GYUR MI SREG NA, ,'CHI BAR MI 'GYUR MI 'CHI NA, ,RANG GI RTAGS DANG LDAN PAR GNAS, ,ME GZHAN YIN NA BUD SHING DANG MI PHRAD DE, GZHAN YIN PA'I PHYIR DPER NA DE NYID BUD SHING DANG MA PHRAD PA BZHIN NO, ,PHRAD PA MED NA SREG PAR MI 'GYUR TE, 'DIR ME DANG BUD SHIN @133A *, ,DAG KYANG BYED PA PO DANG LAS KYI MTSAN NYID KYIS 'BREL ZHING PHRAD PAR 'DOD PA'I PHYIR RO, ,MI SREG NA 'CHI BAR MI 'GYUR TE, BUD SHING MED PAR YANG GRUB PA'I PHYIR RO, ,MI 'CHI NA RANG GI RTAGS DANG LDAN PAR GNAS PAR 'GYUR TE, 'DI RANG GI RGYU MED PAR THER ZUG TU GNAS PAR 'GYUR RO, ,JI LTAR ME DE BUD SHING LAS GZHAN NAM 'ON TE GZHAN MA YIN, DE DE LAS GZHAN YIN PAR DAM 'CHA' BA LA NI JI SKAD BSTAN PA'I SKYON DU 'GYUR BAR DGONGS SO, ,DE LA 'DIR GLAGS YOD PA'I TSIG YIN PA'I PHYIR MI PHRAD PA LA SOGS PA'I CHOS RNAMS KYI SKABS KYI DON BSGRUB PAR NUS PAS DE'I DBANG GIS RJES SU DPAG PA BRJOD PAR MI BYA STE, GZHAN NYID RANG LA MA GRUB PA'I PHYIR DANG MI PHRAD PAR BSTAN PAR MI BYA BA'I PHYIR RO, ,SGRA JI BZHIN YANG MA YIN TE, ,'DI LTAR GZHAN NYID DANG DGAG PA BSTAN PA'I TSIG GI DON YIN NO, , GZHAN NYID DGAG PA DE YANG BSDIGS PAS BSTAN PAR BYA BA MA YIN GYI, 'DI LTAR BYED PA PO DANG LAS DAG GI GZHAN NYID DGAG PA BZHIN DU GRAGS PA YIN NO, ,YANG NA, GANG DANG GANG DU LHAN CIG TU, ,GZHAN PA NYID DU MI 'THAD DO, ,ZHES 'OG NAS STON PAR 'GYUR BAS 'DIR BSTAN PAR MI BYA'O,, ,,DBU MA'I RTZA BA'I 'GREL PA SHES RAB SGRON MA BAM PO DGU PA, 'DIR SMRAS PA, GAL TE KHYED SKYES PA DANG, BUD MED DAG GZHAN NYID YIN YANG PHRAD PA KHAS MI LEN NA NI, DES NI ME DANG BUD SHING DAG KYANG PHRAD PA MED PAS 'DI LTA STE, GZHAN NA MI PHRAD PHRAD MED NA, ,SREG PAR MI 'GYUR MI SREG NA, ,'CHI BAR MI 'GYUR MI 'CHI NA, ,RANG GI RTAGS DANG LDAN PAR GNAS, ,ZHES BYA BA LA SOGS PA'I SKYON DE DAG TU YANG 'GYUR GRANG NA, 'JIG RTEN THAMS CAD LA SKYES PA DANG, BUD MED DAG GZHAN NYID YIN YANG PHRAD PAR GRAGS PA SNYON PAR MI NUS PAS DE'I PHYIR, JI LTAR BUD MED SKYES PA DANG, ,SKYES PA 'ANG BUD MED PHRAD PA BZHIN, ,GAL TE SHING LAS ME GZHAN YANG, ,SHING DANG PHRAD DU RUNG BAR 'GYUR, ,ZHES SMRA BAR NUS SO, ,BZHIN ZHES BYA BA'I SGRA MA GSUNGS KYANG, JI LTAR ZHES BYA BA'I SGRA'I RJES SU @133B DPAGS NA ZLA YIN PA'I PHYIR YOD PAR BLTA BAR BYA'O, ,PHYED GONG MA SHOS BSNOR NAS RNAM PAR BSHAD PAR BYA STE, SMRA BAR 'DOD PA'I DON BSTAN SLA BA'I PHYIR RO, ,DE LA 'DIR TSIG GI DON NI MI MTHUN PA'I PHYOGS LA YANG SGRUB PA'I CHOS BSTAN PA'I PHYIR MA NGES PA NYID DU BSTAN PA YIN TE, DPER NA 'GA' ZHIG GI SGRA RTAG STE, GZUGS CAN YIN PA'I PHYIR RO ZHES SMRAS PA LA, LA LA NA RE, JI LTAR LAS GZUGS CAN MI RTAG PA LTAR SGRA YANG DE BZHIN NO ZHES ZER BAS, DES DE SKAD SMRAS PA MA NGES PA NYID DU BSTAN PAR SHES PA BZHIN NO, ,'DIR BSHAD PA, GAL TE ME DANG SHING DAG NI, ,GCIG GIS GCIG NI BSAL GYUR NA, ,SHING LAS ME GZHAN NYID YIN YANG, SHING DANG PHRAD PAR 'DOD LA RAG ,GAL TE ME DANG SHING DAG GCIG GIS GCIG BSAL BAR GYUR NA ZHES BYA BA NI BYED PA PO DANG LAS SU 'BREL BA'I MTSAN NYID MED PAR GYUR NA ZHES BYA BA'I THA TSIG GO, ,SHING LAS ME GZHAN NYID YIN YANG, ,SHING DANG PHRAD PAR 'DOD LA RAG ,CES BYA BA NI, KHYOD 'DOD PA LTAR, BUD MED DANG SKYES PA DAG BZHIN DU PHRAD PAR 'DOD LA RAG NA ZHES GLAGS YOD PA'I SGO NAS KHAS BLANGS NAS LAN 'DEBS PAR 'DOD PA YIN NO, ,'DI LTAR KHO BOS GAL TE PHAN TSUN LTOS PA MED PA DAG GZHAN YIN PA'I PHYIR YUL THA MI DAD PAR 'BYUNG BA'I MTSAN NYID KYI PHRAD PA BSAL BAR GYUR NA NI, GTAN TSIGS MA NGES PA NYID DU 'GYUR ZHING, DAM BCAS PA'I DON DE YANG 'THAD PAR 'GYUR BA ZHIG NA ME DANG BUD SHING DAG NI RNAM PA DE LTAR MI 'DOD DE; DE DAG LA BYED PA PO DANG LAS SU 'BREL PA'I MTSAN NYID KYI PHRAD PA GZHAN MED NA MI 'BYUNG BA MED PAS GZHAN NYID DU SMRA BA RNAMS KYI DAM BCAS PA LA GLAGS YOD PA'I SGO NAS YANG DAG PAR CHOS KYI KHYAD PAR BSAL BA'I SKYON YOD PAR BSTAN PA YIN GYI, RANG DBANG DU RJES SU DPAG PA BSTAN PA NI MA YIN NO, ,DES NA BUD MED DANG, SKYES PA DAG PHRAD NAS JI SKAD SMRAS PA DAG MI SRID PAS, MI MTHUN PA'I PHYOGS MED PA'I PHYIR MA NGES PA NYID MA YIN PAS, PHA ROL PO'I TSIG DE NI 'KHRUL PA TZAM STE, RANG GI BLO GROS YANG PAR STON PA YIN NO, ,DE'I PHYIR DE LTAR ME @134A *, ,DANG BUD SHING DAG GCIG PA NYID DANG GZHAN PA NYID DU MA GRUB PA'I PHYIR, RAB TU BYED PA'I DANG POR SMRAS PA'I SGRUB PA'I DPE MA TSANG BA NYID DO, ,'DIR SMRAS PA, DON DAM PAR ME DANG BUD SHING DAG NI YOD PA KHO NA YIN TE, PHAN TSUN LTOS PA'I PHYIR RO, ,'DI NA GANG DAG MED PA DE DAG LA NI PHAN TSUN LTOS PA NYID MED DE, DPER NA RI BONG GI RVA DAG BZHIN NO, ,ME DANG BUD SHING DAG LA NI ME 'DI'I BUD SHING NI 'DI'O, ,BUD SHING 'DI'I SREG PA NI 'DI'O ZHES PHAN TSUN LTOS PA NYID YOD PAS DE'I PHYIR ME DANG BUD SHING DAG NI YOD PA KHO NA YIN TE, DE DAG YOD PA'I PHYIR DNGOS KYI DON GRUB BO, ,'DIR BSHAD PA, GAL TE SHING LTOS ME YIN LA, ,GAL TE ME LTOS SHING YIN NA, ,GANG LA LTOS PA'I ME DANG SHING, ,DANG POR GRUB PA GANG ZHIG YIN, ,CI BUD SHING GANG LA LTOS NAS ME 'GRUB PA 'AM, 'ON TE ME GANG LA LTOS NAS BUD SHING 'GRUB PA'I ME DANG BUD SHING DAG LAS DANG POR GRUB PA GANG ZHIG YIN TE, DE DAG LA GANG LA LTOS NAS GANG YANG RUNG BA 'GRUB PAR 'GYUR BA'I DANG POR GRUB PA GCIG KYANG MED DO ZHES BYA BAR DGONGS SO, ,DE LTAR DON DAM PAR LTOS PA MI 'THAD PA'I PHYIR GTAN TSIGS KYI DON MA GRUB PA NYID DANG, DPE'I SKYON DE NYID YOD DO, ,KUN RDZOB PA'I GTAN TSIGS YIN PAR RTOG NA NI DON 'GAL BA NYID DANG, SGRUB PA'I DPE MA TSANG BA NYID KYI SKYON DE NYID YOD DO, ,CI STE YANG BUD SHING DANG POR GRUB PA'I PHYIR SKYON MED DO SNYAM NA DE'I PHYIR BSHAD PA, GAL TE SHING LTOS MA YIN NA, ,ME GRUB PA LA SGRUB PAR 'GYUR, ,MI GRUB PA LA BRJOD PA KHYAD PAR CAN BSNYAD PA NYID KYI PHYIR BUD SHING LA LTOS PA'I PHYIR RO ZHES BYA BAR DGONGS SO, ,DE LTAR RTOG PA LA, BUD PAR BYA BA'I SHING LA YANG, ,ME MED PAR NI 'GYUR BA YIN, ,BUD SHING DE SNGAR ME LA MA LTOS PAR YANG BUD SHING NYID DU GRUB PA'I PHYIR RO ZHES BYA BAR DGONGS SO, ,DE NI MI 'DOD PAS 'DIR GLAGS YOD PA'I TSIG YIN PA'I PHYIR RJES SU DPAG PA MNGON TE, DON DAM PAR BUD SHING NI ME'I SNGA ROL NA GRUB PA MED DE, LTOS PA DANG BCAS PA'I PHYIR DPER NA ME'I RANG GI BDAG NYID BZHIN TE, RGYAS PAR NI SNGA MA BZHIN NO, , @134B 'DIR SMRAS PA, DE DAG LAS GANG YANG RUNG BA DANG POR GRUB PA MA YIN MOD KYI, 'ON KYANG ME DANG BUD SHING DAG NI DUS MNYAM DU 'GRUB PAR 'GYUR TE, LTOS PA CAN YIN PA'I PHYIR DPER NA BA LANG GI RVA DUS GCIG TU SKYES PA DAG LA G-YAS PA DANG, G-YON PA NYID 'GRUB PA BZHIN NO; ,'DIR BSHAD PA, GAL TE DNGOS PO GANG LTOS 'GRUB, ,DE NYID LA YANG LTOS NAS NI, ,LTOS BYA GANG YIN DE GRUB NA, ,GANG LA LTOS NAS GANG ZHIG 'GRUB, ,DANG PO ZHES BYA BA'I TSIG GI LHAG MA'O, ,GAL TE KHYOD 'DOD PA LTAR ME'I MTSAN NYID KYI DNGOS PO GANG YIN PA NI BUD SHING LA LTOS NAS 'GRUB CING ME DE NYID LA YANG LTOS NAS ME 'GRUB PAR BYA BA'I PHYIR LTOS PAR BYA BA BUD SHING GI MTSAN NYID KYI DNGOS PO GANG YIN PA DE 'GRUB NA GANG LA LTOS NAS GANG ZHIG 'GRUB PAR 'GYUR TE, GANG YANG RUNG BA ME NYID DAM BUD SHING NYID DU MI 'GRUB STE, RANG GI RGYU LAS SKYE BA NI PHAN TSUN LTOS PA MI 'GRUB PA'I PHYIR RO ZHES BYA BA'I TSIG GI DON TO, ,DES NA BA LANG GI RVA'I DPE NYID LA YANG GTAM DE NYID DU 'GYUR TE, DE GNYIS LA YANG GANG LA LTOS NAS GZHAN GANG YANG RUNG BA 'GRUB PAR 'GYUR BA'I G-YAS PA'AM, G-YON PAR GRAGS PA GANG YIN, YANG GZHAN YANG, DNGOS PO LTOS GRUB GANG YIN PA, ,DE MA GRUB NA JI LTAR LTOS, ,MA GRUB PA NI LTOS PAR MI BYED PA NYID DO ZHES BYA BA'I TSIG GI DON TE, DE NI DAM BCA' BA NYE BAR GZHAG PA'O, ,'DIR RJES SU DPAG PA NI DON DAM PAR ME MA GRUB PA NI BUD SHING LA LTOS PAR MI BYED DE; ME NYID DU MA GRUB PA'I PHYIR DPER NA DE LAS GZHAN BZHIN NO, ,PHA ROL PO DAG RANG GI TSUL LA GNOD PA BCAB PA'I PHYIR, JI STE GRUB PA LTOS SHE NA, DE SKAD ZER NA DE LTA NA YANG DE NI LTOS PAR MI RIGS SO, ,LTOS PA DANG BCAS PA NYID DU RJES SU DPOG PAS YOD PA NYID KYIS MED PA NYID BSTZAL BA'I PHYIR DES NA MED PAR SMRA BA RNAMS KYI DAM BCAS PA LA CHOS CAN GYI RANG GI NGO BO BSTZAL BA'I SKYON YOD DO ZHES BYA BAR DGONGS SO, ,YANG NA, DE NI LTOS PAR MI RIGS SO, ,MED PA'I PHYIR NAM MKHA'I ME TOG BZHIN NO, ,YANG NA DE NI LTOS PAR MI RIGS SO, ,BUD SHING @135A *, ,DE NI ME LA LTOS PAR MI RIGS TE DE BZHIN DU MED PA'I PHYIR DPER NA DE LAS GZHAN BZHIN NO, ,DE BZHIN DU ME'I PHYOGS LA YANG BRJOD PAR BYA'O, ,DE'I PHYIR DE LTAR BRTAGS NA, SHING LA LTOS PA'I ME MED DE, ,SNGAR BSTAN PA'I TSUL GYIS BUD SHING ME LA MI LTOS PAR BUD SHING NYID DU MA GRUB PA'I PHYIR RO, ,SHING LA MA LTOS ME YANG MED, ,RGYU THA DAD PA DAG GZHAN NYID DU MA GRUB PA'I PHYIR DANG, GZHAN NYID BKAG PA'I PHYIR RO, ,DE BZHIN DU, ME LA LTOS PA'I SHING MED DE, ,ME LA MA LTOS SHING YANG MED, ,LTOS PA BKAG PA'I PHYIR DANG, GZHAN NYID BKAG PA'I PHYIR RO, ,YANG GZHAN YANG, ME NI GZHAN LAS MI 'ONG STE, ,GZHAN NYID BKAG PA'I PHYIR DANG, 'GRO BA BKAG PA'I PHYIR DANG, RDZAS SU YOD PA NYID BKAG PA'I PHYIR RO, ,BUD SHING DANG BCAS PAR RAM BUD SHING MED PAR 'ONG BAR BRTAG NA, GNYI GA LA YANG 'ONG BA MI 'GRUB STE, LTOS PA DANG BCAS PA MA GRUB PA'I PHYIR DANG, LTOS PA MED NA BUD SHING MED PAS GZHI MED PA'I PHYIR RO, ,SHING LA'ANG ME NI YOD MA YIN, ,GZHAN NYID BKAG PA'I PHYIR RO, ,YANG NA BUD SHING ME MED PA NYID PHYOGS SU BYAS TE BSHAD PA, SHING LA 'ANG ME NI YOD MA YIN, ,SKYE BA CAN YIN PA'I PHYIR DPER NA RNAM PAR SHES PA BZHIN NO ZHES BYA BAR DGONGS SO, ,GANG DAG ME NI SNYING STOBS DANG RDUL DANG MUN PA'I MTSAN NYID YIN PA'I PHYIR DPE LA YANG DE YOD PAR SMRA BA DE DAG LA YANG, DE LA GSAL BA'I KHYAD PAR CAN GYI DNGOS PO MED PA'I PHYIR DPE MED PA MA YIN NO, ,GAL TE DE'I NUS PA YOD PA'I PHYIR SKYON MED DO ZHE NA, LAN DE NI RTOG GE PA SGRA'I MTSAN NYID MNGON PAR MI SHES PA LA DE MNGON PAR MI SHES PA NYID DU BSTAN PA NA, RTOG GE'I BSTAN BCOS SHES PA NYID KYIS SGRA'I MTSAN NYID LA MKHAS SO ZHES PHYIR ZLOG PAR BYED PA BZHIN NO, ,GZHAN DAG NI, SHING LA'ANG ME NI YOD MA YIN, ,ZHES BYA BA 'DI LA MI DMIGS PA'I PHYIR DANG, RTZOM PA DON MED PA NYID DU 'GYUR BA'I PHYIR RO ZHES RNAM PAR BSHAD PAR BYED DO, ,GZHAN MA YIN PA NA RE, DE NI RIGS PA MA YIN TE, MI DMIGS PA GTAN TSIGS NYID DU MI @135B 'GRUB PA'I PHYIR DANG, RTZOM PA DON YOD PA'I GTAN TSIGS KYIS YOD PA NYID DU STON PA MDZAD PA'I MTHA' DANG 'GAL BAR 'GYUR BA'I PHYIR RO, ,ME DANG BUD SHING DAG JI SKAD BSTAN PA'I DGAG PA DAG 'BA' ZHIG GIS DGAG PAR BYA BA YIN PAR MA BSAMS KYI, 'DI LTAR DGAG PA GZHAN DAG GIS KYANG DGAG PAR BYA BA YIN PAS DE'I PHYIR DGAG PA LHAG MA DAG KYANG 'DRA BAR BSTAN PAR BYA STE, SONG DANG MA SONG BGOM PA YIS, ,DE BZHIN SHING LA LHAG MA BSTAN, ,JI LTAR RJES SU DPAG PA LAS SONG BA DANG MA SONG BA DANG, BGOM PA LA 'GRO BA MED PA DE BZHIN DU BSREGS PA DANG; MA BSREGS PA DANG, SREG BZHIN PA LA YAN