|  1   [j]  evaM nipatite karNe samare savyasAcinA  alpAvaziSTAH kuravaH kimakurvata vai dvija 2  udIryamANaM ca balaM dRSTvA rAjA suyodhanaH  pANDavaiH prAptakAlaM ca kiM prApadyata kauravaH 3  etad icchAmy ahaM zrotuM tad AcakSva dvijottama  na hi tRpyAmi pUrveSAM zRNvAnaz caritaM mahat 4   [vai]  tataH karNe hate rAjan dhArtarASTraH suyodhanaH  bhRzaM zokArNave magno nirAzaH sarvato 'bhavat 5  hA karNa hA karNa iti zocamAnaH punaH punaH  kRcchrAt svazibiraM prAyAd dhatazeSair nRpaiH saha 6  sa samAzvAsyamAno 'pi hetubhiH zAstranizcitaiH  rAjabhir nAlabhac charma sUtaputra vadhaM smaran 7  sa divaM balavan matvA bhavitavyaM ca pArthivaH  saMgrAme nizcayaM kRtvA punar yuddhAya niryayau 8  zalyaM senApatiM kRtvA vidhivad rAjapuMgavaH  raNAyaniryayau rAjA hatazeSair nRpaiH saha 9  tataH sutumulaM yuddhaM kurupANDavasenayoH  babhUva bharatazreSTha devAsuraraNopamam 10  tataH zalyo mahArAja kRtvA kadanam Ahave  pANDusainyasya madhyAhne dharmarAjena pAtitaH 11  tato duryodhano rAjA hatabandhU raNAjirAt  apasRtya hradaM ghoraM viveza ripujAd bhayAt 12  athAparAhNe tasyAhnaH parivArya mahArathaiH  hradAd AhUya yogena bhImasenena pAtitaH 13  tasmin hate maheSvAse hataziSTAs trayo rathAH  saMrabhAn nizi rAjendra jaghnuH pAJcAla sainikAn 14  tataH pUrvAhNasamaye zibirAd etya saMjayaH  praviveza purIM dIno duHkhazokasamanvitaH 15  pravizya ca puraM tUrNaM bhujAv ucchritya duHkhitaH  vepamAnas tato rAjJaH praviveza nivezanam 16  ruroda ca naravyAghra hA rAjann iti duHkhitaH  aho bata vivignAH sma nidhanena mahAtmanaH 17  aho subalavAn kAlo gatiz ca paramA tathA  zakratulyabalAH sarve yatrAvadhyanta pArthivAH 18  dRSTvaiva ca puro rAjaJ janaH sArvaH sa saMjayam  praruroda bhRzodvigno hA rAjann iti sasvaram 19  AkumAraM naravyAghra tat puraM vai samantataH  ArtanAdaM mahac cakre zrutvA vinihataM nRpam 20  dhAvataz cApy apazyac ca tatra trIn puruSarSabhAn  naSTacittAn ivonmattAJ zokena bhRzapIDitAn 21  tathA sa vihvalaH sUtaH pravizya nRpatikSayam  dadarza nRpatizreSThaM prajJA cakSuSam Izvaram 22  dRSTvA cAsInam anaghaM samantAt parivAritam  snuSAbhir bharatazreSTha gAndhAryA vidureNa ca 23  tathAnyaiz ca suhRdbhiz ca jJAtibhiz ca hitaiSibhiH  tam eva cArthaM dhyAyantaM karNasya nidhanaM prati 24  rudann evAbravId vAkyaM rAjAnaM janamejaya  nAtihRSTamanAH sUto bASpasaMdigdhayA girA 25  saMjayo 'yaM naravyAghra namas te bharatarSabha  adrAdhipo hataH zalyaH zakuniH saubalas tathA  ulUkaH puruSavyAghra kaitavyo dRDhavikramaH 26  saMzaptakA hatAH sarve kAmbojAz ca zakaiH saha  mlecchAz ca pArvatIyAz ca yavanAz ca nipAtitAH 27  prAcyA hatA mahArAja dAkSiNAtyAz ca sarvazaH  udIcyA nihatAH sarve pratIcyAz ca narAdhipa  rAjAno rAjaputrAz ca sarvato nihatA nRpa 28  duryodhano hato rAjan yathoktaM pANDavena ca  bhagnasaktho mahArAja zete pAMsuSu rUSitaH 29  dhRSTaddyumno hato rAjaJ zikhANDI cAparAjitaH  uttamaujA yudhAmanyus tathA rAjan prabhadrakAH 30  pAJcAlAz ca naravyAghrAz cedayaz ca niSUditAH  tava putrA hatAH sarve draupadeyAz ca bhArata  karNa putro hataH zUro vRSA seno mahAbalaH 31  narA vinihatAH sarve gajAz ca vinipAtitAH  rathinaz ca naravyAghra hayAz ca nihatA yudhi 32  kiM cic cheSaM ca zibiraM tAvakAnAM kRtaM vibho  pANDavAnAM ca zUrANAM samAsAdya parasparam 33  prAyaH strI zeSam abhavaj jagat kAlena mohitam  sApta pANDavataH zeSA dhArtarASTrAs tathA trayaH 34  te caiva bhrAtaraH paJca vAsudevo 'tha sAtyakiH  kRpaz ca kRtavarmA ca drauNiz ca jayatAM varaH 35  tavApy ete mahArAja rathino nRpasattama  akSauhiNInAM sarvAsAM sametAnAM janezvara  ete zeSA mahArAja sarve 'nye nidhanaM gatAH 36  kAlena nihataM sarvaM jagad vai bharatarSabha  duryodhanaM vai purataH kRtvA vairasya bhArata 37  etac chrutvA vacaH krUraM dhRtarASTro janezvaraH  nipapAta mahArAja gatasattvo mahItale 38  tasmin nipatite bhUmau viduro 'pi mahAyazAH  nipapAta mahArAja rAjavyasanakarzitaH 39  gAndhArI ca nRpazreSTha sarvAz ca kuru yoSitaH  patitAH sahasA bhUmau zrutvA krUraM vacaz ca tAH 40  niHsaMjJaM patitaM bhUmau tadAsId rAjamaNDalam  pralApa yuktA mahatI kathA nyastA paTe yathA 41  kRcchreNa tu tato rAjA dhRtarASTro mahIpatiH  zanair alabhata prANAn putravyasanakarzitaH 42  labdhvA tu sa nRpaH saMjJAM vepamAnaH suduHkhitaH  udIkSya ca dizaH sarvAH kSattAraM vAkyam abravIt 43  vidvan kSattar mahAprAjJa tvaM gatir bharatarSabha  mamAnAthasya subhRzaM putrair hInasya sarvazaH  evam uktvA tato bhUyo visaMjJo nipapAta ha 44  taM tathA patitaM dRSTvA bAndhavA ye 'sya ke cana  zItais tu siSicus toyair vivyajur vyajanair api 45  sa tu dIrgheNa kAlena pratyAzvasto mahIpatiH  tUSNIM dadhyau mahIpAlaH putravyasanakarzitaH  niHzvasaJ jihmaga iva kumbhakSipto vizAM pate 46  saMjayo 'py arudat tatra dRSTvA rAjAnam Aturam  tathA sarvAH striyaz caiva gAndhArI ca yazasvinI 47  tato dIrgheNa kAlena viduraM vAkyam abravIt  dhRtarASTro naravyAghro muhyamAno muhur muhuH 48  gacchantu yoSitaH sarvA gAndhArI ca yazasvinI  tatheme suhRdaH sarve bhrazyate me mano bhRzam 49  evam uktas tataH kSattA tAH striyo bharatarSabha  visarjayAm Asa zanair vepamAnaH punaH punaH 50  nizcakramus tataH sarvAs tAH striyo bharatarSabha  suhRdaz ca tataH sarve dRSTvA rAjAnam Aturam 51  tato narapatiM tatra labdhasaMjJaM paraMtapa  avekSya saMjayo dIno rodamAnaM bhRzAturam 52  prAJjalir niHzvasantaM ca taM narendraM muhur muhuH  samAzvAsayata kSattA vacasA madhureNa ha   |



 |  1   [vai]  visRSTAsv atha nArISu dhRtarASTro 'mbikA sutaH  vilalApa mahArAja duHkhAd duHkhataraM gataH 2  sadhUmam iva niHzvasya karau dhunvan punaH punaH  vicintya ca mahArAja tato vacanam abravIt 3  aho bata mahad duHkhaM yad ahaM pANDavAn raNe  kSemiNaz cAvyayAMz caiva tvattaH sUta zRNomi vai 4  vajrasAra mayaM nUnaM hRdayaM sudRDhaM mama  yac chrutvA nihatAn putrAn dIryate na sahasradhA 5  intayitvA vacas teSAM bAla krIDAM ca saMjaya  adya zrutvA hatAn putrAn bhRzaM me dIryate manaH 6  andhatvAd yadi teSAM tu na me rUpanidarzanam  putrasneha kRtA prItir nityam eteSu dhAritA 7  bAlabhAvam atikrAntAn yauvanasthAMz ca tAn aham  madhyaprAptAMs tathA zrutvA hRSTa AsaM tathAnagha 8  tAn ady nihatana zrutvA hRtaizvaryAn hRtaujasaH  na labhe vai kva cic chAntiM putrAdhibhir abhiplutaH 9  ehy ehi putra rAjendra mamAnAthasya sAMpratam  tvayA hIno mahAbAho kAM nu yAsyAmy ahaM gatim 10  gatir bhUtvA mahArAja jJAtInAM suhRdAM tathA  andhaM vRddhaM ca mAM vIra vihAya kva nu gacchasi 11  sA kRpA sA ca te prItiH sA ca rAjan sumAnitA  kathaM vinihataH pArthaiH saMyugeSv aparAjitaH 12  kathaM tvaM pRthivIpAlAn bhuktvA tAtha samAgatAn  zeSe vinihato bhUmau prAkRtaH kunRpo yathA 13  ko nu mAm utthitaM kAlye tAta tAteti vakSyati  mahArAjeti satataM lokanAtheti cAsakRt 14  pariSvajya ca mAM kaNThe snehenAklinna locanaH  anuzAdhIti kauravya tat sAdhu vada me vacaH 15  nanu nAmAham azrauSaM vacanaM tava putraka  bhUyasI mama pRthvIyaM yathA pArthasya no tathA 16  bhagadattaH kRpaH zalya Avantyo 'tha jayadrathaH  bhUrizravAH somadatto mahArAjo 'tha bAhlikaH 17  azvatthAmA ca bhojaz ca mAgadhaz ca mahAbalaH  bRhadbalaz ca kAzIzaH zakuniz cApi saubalaH 18  mlecchAz ca bahusAhasrAH zakAz ca yavanaiH saha  sudakSiNaz ca kAmbojas trigartAdhipatis tathA 19  bhISmaH pitAmahaz caiva bhAradvAjo 'tha gautamaH  zrutAyuz cAcyutAyuz ca zatAyuz cApi vIryavAn 20  jalasaMdho 'thArzyazRGgI rAkSasaz cApy alAyudhaH  alambuso mahAbAhuH subAhuz ca mahArathaH 21  ete cAnye ca bahavo rAjAno rAjasattama  madartham udyatAH sarve prANAMs tyaktvA raNe prabho 22  yeSAM madhye sthito yuddhe bhrAtRbhiH parivAritaH  yodhayiSyAmy ahaM pArthAn pAJcAlAMz caiva sarvazaH 23  cedIMz ca nRpazArdUla draupadeyAMz ca saMyuge  sAtyakiM kuntibhojaM ca rAkSasaM ca ghaTotkacam 24  eko 'py eSAM mahArAja samarthaH saMnivAraNe  samare pANDaveyAnAM saMkruddho hy abhidhAvatAm  kiM punaH sahitA vIrAH kRtavairAz ca pANDavaiH 25  atha vA sarva evaite pANDavasyAnuyAyibhiH  yotsyanti saha rAjaindra haniSyanti ca tAn mRdhe 26  karNas tv eko mayA sArdhaM nihaniSyati pANDavAn  tato nRpatayo vIrAH sthAsyanti mama zAsane 27  yaz ca teSAM praNetA vai vAsudevo mahAbalaH  na sa saMnahyate rAjann iti mAm abravId vacaH 28  tasyAhaM vadataH sUta bahuzo mama saMnidhau  yuktito hy anupazyAmi nihatAn pANDavAn mRdhe 29  teSAM madhye sthitA yatra hanyante mama putrakAH  vyAyacchamAnAH samare kim anyad bhAgadheyataH 30  bhISmaz ca nihato yatra lokanAthaH pratApavAn  zikhaNDinaM samAsAdya mRgendra iva jambukam 31  droNaz ca brAhmaNo yatra sArva zastrAstrapAragaH  nihataH pANDavaiH saMkhye kim anyad bhAgadheyataH 32  bhUri zvarA hato yatra somadattaz ca sAmyuge  bAhlIkaz ca mahArAja kim anyAd bhaga dheyataH 33  sudakSiNo hato yatra jalasaMdhaz ca kauravaH  zrutAyuz cAcyutAyuz ca kim anyad bhAgadheyataH 34  bRhadbalo hato yatra magadhaz ca mahAbalaH  Avantyo nihato yatra trigartaz ca janAdhipaH  saMzaptakAz ca bahavaH kim anyad bhAgadheyataH 35  alambusas tathA rAjan rAkSAsaz cApy alAyudhaH  ArzyazRGgaz ca nihataH kim anyad bhAgadheyataH 36  nArAyaNA hatA yatra gopAlA yuddhadurmadAH  mlecchAz ca bahusAhasrAH kim anyad bhAgadheyataH 37  zakuniH saubalo yatra kaitavyaz ca mahAbalaH  nihataH sabalo vIraH kim anyad bhAgadheyataH 38  rAjAno rAjaputrAz ca zUrAH parighabAhavaH  nihatA bahavo yatra kim anyad bhAgadheyataH 39  nAnAdezasamAvRttAH kSatriyA yatra saMjaya  nihatAH samare sarve kim anyad bhAgadheyataH 40  putrAz ca me vinihatAH pautrAz caiva mahAbalAH  vayasyA bhrAtaraz caiva kim anyad bhAgadheyataH 41  bhAgadheya samAyukto dhruvam utpadyate naraH  yaz ca bhAgyasamAyuktaH sa zubhaM prApnuyAn naraH 42  ahaM viyuktaH svair bhAgyaiH putraiz caiveha saMjaya  katham adya bhaviSyAmi vRddhaH zatruvazaM gataH 43  nAnyad atra paraM manye vanavAsAd Rte prabho  so 'haM vanaM gamiSyAmi nirbandhur jJAtisaMkSaye 44  na hi me 'nyad bhavec chreyo vanAbhyupagamAd Rte  imAm avasthAM prAptasya lUnapakSasya saMjaya 45  duryodhano hato yatra zalyaz ca nihato yudhi  duHzAsano vizastaz ca vikarNaz ca mahAbalaH 46  kathaM hi bhImasenasya zroSye 'haM zabdam uttamam  ekena samare yena hataM putrazataM mama 47  asakRd vadatas tasya duryodhana vadhena ca  duHkhazokAbhisaMtapto na zroSye paruSA giraH 48  evaM sa zokasaMtaptaH pArthivo hatabAndhavaH  muhur muhur muhyamAnaH putrAdhibhir abhiplutaH 49  vilapya suciraM kAlaM dhRtarASTro 'mbikA sutaH  dIrgham uSNaM ca niHzvasya cintayitvA parAbhavam 50  duHkhena mahatA rAjA saMtapto bharatarSabha  punargAvalgaNiM sUtaM paryapRcchad yathAtatham 51  bhISmadroNau hatau zrutvA sUtaputraM ca pAtitam  senApatiM praNetAraM kim akurvata mAmakAH 52  yaM yaM senA praNetAraM yudhi kurvanti mAmakAH  acireNaiva kAlena taM taM nighnanti pANDavAH 53  raNamUrdhni hato bhISmaH pazyatAM vaH kirITinA  evam eva hato droNaH sarveSAm eva pazyatAm 54  evam eva hataH karNaH sUtaputraH pratApavAn  sA rAjakAnAM sarveSAM pazyatAM vaH kirITinA 55  pUrvam evAham ukto vai vidureNa mahAtmanA  duryodhanAparAdhena prajeyaM vinaziSyati 56  ke cin na samyak pazyanti mUDhAH samyak tathApare  tad idaM mama mUDhasyA tathA bhUtaM vacaH sma ha 57  yad abravIn me dharmAtmA viduro dIrghadarzivAn  tat tathA samanuprAptaM vacanaM satyavAdinaH 58  daivopahatacittena yan mayApakRtaM purA  anayasya phalaM tasya brUhi gAvalgaNe punaH 59  ko vA mukham anIkAnAm AsIt karNe nipAtite  arjunaM vAsudevaM ca ko vA pratyudyayau rathI 60  ke 'rakSan dakSiNaM cakraM madrarAjasya saMyuge  vAmaM ca yoddhukAmasya ke vA vIrasya pRSThataH 61  kathaM ca vaH sametAnAM madrarAjo mahAbalaH  nihataH pANDavaiH saMkhye putro vA mama saMjaya 62  brUhi sarvaM yathAtattvaM bharatAnAM mahAkSayam  yathA ca nihataH saMkhye putro duryodhano mama 63  pAJcAlAz ca yathA sarve nihatAH sapadAnugAH  dhRSTadyumnaH zikhANDI ca draupadyAH paJca cAtmajAH 64  pANDavAz ca yathA muktAs tathobhau sAtvatau yudhi  kRpaz ca kRtavarmA ca bhAradvAjasya cAtmajaH 65  yad yathA yAdRzaM caiva yuddhaM vRttaM ca sAMpratam  ahilaM zrotum icchAmi kuzalo hy asi saMjaya   |



 |  1   [s]  zRNu rAjann avahito yathAvRtto mahAn kSayaH  kurUNAM pANDavAnAM ca samAsAdya parasparam 2  nihate sUtaputre tu pANDavena mahAtmanA  vidruteSu ca sainyeSu samAnIteSu cAsakRt 3  vimukhe tava putre tu zokopahatacetasi  bhRzodvigneSu sainyeSu dRSTvA pArthasya vikramam 4  dhyAyamAneSu sainyeSu duHkhaM prApteSu bhArata  balAnAM madhyamAnAnAM zrutvA ninadam uttamam 5  abhijJAnaM narendrANAM vikRtaM prekSya saMyuge  patitAn rathanIDAMz ca rathAMz cApi mahAtmanAm 6  raNe vinihatAn nAgAn dRSTvA pattIMz ca mAriSa  AyodhanaM cAtighoraM rudrasyAkrIDa saMnibham 7  aprakhyAtiM gatAnAM tu rAjJAM zatasahasrazaH  kRpAviSTaH kRpo rAjan vayaH zIlasamanvitaH 8  abravIt tatra tejasvI so 'bhisRtya janAdhipam  duryodhanaM manyuvazAd vacanaM vacanakSamaH 9  duryodhana nibodhedaM yat tvA vakSyAmi kaurava  zrutvA kuru mahArAja yadi te rocate 'nagha 10  na yuddhadharmAc chreyAn vai panthA rAjendra vidyate  yaM samAzritya yudhyante kSatriyAH kSatriyarSabha 11  putro bhrAtA pitA caiva svasreyo mAtulas tathA  saMbandhibandhavAz caiva yodhyA vai kSatrajIvinA 12  vadhe caiva paro dharmas tathAdharmaH palAyane  te sma ghorAM samApannA jIvikAM jIvitArthinaH 13  tatra tvAM prativakSyAmi kiM cid eva hitaM vacaH  hate bhISme ca droNe ca karNe caiva mahArathe 14  jayadrathe ca nihate tava bhrAtRSu cAnagha  lakSmaNe tava putre ca kiM zeSaM paryupAsmahe 15  yeSu bhAraM samAsajya rAjye matim akurmahi  te saMtyajya tanUr yAtAH zUrA brahma vidAM gatim 16  vayaM tv iha vinA bhUtA guNavadbhir mahArathaiH  kRpaNaM vartayiSyAma pAtayitvA nRpAn bahUn 17  sarvair api ca jIvadbhir bIbhatsur aparAjitaH  kRSNa netro mahAbAhur devair api durAsadaH 18  indra kArmukavajrAbham indraketum ivocchritam  vAnaraM ketum AsAdya saMcacAla mahAcamUH 19  siMhanAdena bhImasya pAJcajanya svanena ca  gANDIvasya ca nirghoSAt saMhRSyanti manAMsi naH 20  carantIva mahAvidyun muSNanti nayanaprabhAm  alAtam iva cAviddhaM gANDIvaM samadRzyata 21  jAmbUnadavicitraM ca dhUyamAnaM mahad dhanuH  dRzyate dikSu sarvAsu vidyud abhraghaneSv iva 22  udyamAnaz ca kRSNena vAyuneva balAhakaH  tAvakaM tad balaM rAjann arjuno 'stravidAM varaH  gahanaM zizire kakSaM dadAhAgnir ivotthitaH 23  gAhamAnam anIkAni mahendrasadRzaprabham  dhanaMjayam apazyAma caturdantam iva dvipam 24  vikSobhayantaM senAM te trAsayantaM ca pArthivAn  dhanaMjayam apazyAma nalinIm iva kuJjaram 25  trAsayantaM tathA yodhAn dhanur ghoSeNa pANDavam  bhUya enam apazyAma siMhaM mRgagaNA iva 26  sarvalokamaheSvAsau vRSabhau sarvadhanvinAm  Amuktakavacau kRSNau lokamadhye virejatuH 27  adya sapta dazAhAni vartamAnasya bhArata  saMgrAmasyAtighorasya vadhyatAM cAbhito yudhi 28  vAyuneva vidhUtAni tavAnIkAni sarvazaH  zarad ambhoda jAlAni vyazIryanta samantataH 29  tAM nAvam iva paryastAM bhrAntavAtAM mahArNave  tava senAM mahArAja savyasAcI vyakampayat 30  kva nu te sUtaputro 'bhUt kva nu droNaH sahAnugaH  ahaM kva ca kva cAtmA te hArdikyaz ca tathA kva nu  duHzAsanaz ca bhrAtA te bhrAtRbhiH sahitaH kva nu 31  bANagocara saMpAptaM prekSya caiva jayadratham  saMbandhinas te bhrAtRRMz ca sahAyAn mAtulAMs tathA 32  sarvAn vikramya miSato lokAMz cAkramya mUrdhani  jayadratho hato rAjan kiM nu zeSam upAsmahe 33  ko veha sa pumAn asti yo vijeSyati pANDavam  tasya cAstrANi divyAni vividhAni mahAtmanaH  gANDIvasya ca nirghoSo vIryANi harate hi naH 34  naSTacandrA yathA rAtriH seneyaM hatanAyakA  nAgabhagnadrumA zuSkA nadIvAkulatAM gatA 35  dhvajinyAM hatanetrAyAM yatheSTaM zvetavAhanaH  cariSyati mahAbAhuH kakSe 'gnir iva saMjvalan 36  sAtyakez caiva yo vego bhImasenasya cobhayoH  darayeta girIn sarvAJ zoSayeta ca sAgarAn 37  uvAca vAkyaM yad bhImaH sabhAmadhye vizAM pate  kRtaM ta sakalaM tena bhUyaz caiva kariSyati 38  pramukhasthe tadA karNe balaM pANDava rakSitam  durAsadaM tathA guptaM gUDhaM gANDIvadhanvanA 39  yuSmAbhis tAni cIrNAni yAny asAhUni sAdhuSu  akAraNakRtAny eva teSAM vaH phalam Agatam 40  Atmano 'rthe tvayA loko yatnataH sarva AhRtaH  sa te saMzayitas tAta AtmA ca bharatarSabha 41  rakSa duryodhanAtmAnam AtmA sarvasya bhAjanam  bhinne hi bhAjane tAta dizo gacchati tadgatam 42  hIyamAnena vai saMdhiH paryeSTavyaH samena ca  vigraho vardhamAnena nItir eSA bRhaspateH 43  te vayaM pANDuputrebhyo hInAH svabalazaktitaH  atra te pANDavaiH sArdhaM saMdhiM manye kSamaM prabho 44  na jAnIte hi yaH zreyaH zreyasaz cAvamanyate  sa kSipraM bhrazyate rAjyAn na ca zreyo 'nuvindati 45  praNipatya hi rAjAnaM rAjyaM yadi labhemahi  zreyaH syAn na tu mauDhyena rAjan gantuM parAbhavam 46  vaicitravIrya vacanAt kRpA zIllo yudhiSThiraH  viniyuJjIta rAjye tvAM govinda vacanena ca 47  yad brUyAd dhi hRSIkezo rAjAnam aparAjitam  arjunaM bhImasenaM ca sarvaM kuryur asaMzayam 48  nAtikramiSyate kRSNo vacanaM kauravasya ha  dhRtarASTrasya manye 'haM nApi kRSNasya pANDavaH 49  etat kSamam ahaM manye tava pArthair avigraham  na tva bravImi kArpaNyAn na prANaparirakSaNAt  pathyaM rAjan bravImi tvAM tatparAsuH smariSyasi 50  iti vRddho vilapyaitat kRpaH zAradvato vacaH  dIrgham uSNaM ca niHzvasya zuzoca ca mumoha ca   |



   |  1   [s]  evam ukto 'to rAjA gautamena yazasvinA  niHzvasya dIrgham uSNaM ca tUSNIm AsId vizAM pate 2  tato muhUrtaM sa dhyAtvA dhArtarASTro mahAmanAH  kRpaM zAradvataM vAkyam ity uvAca paraMtapaH 3  yat kiM cit suhRdA vAcyaM tat sarvaM zrAvito hy aham  kRtaM ca bhavatA sarvaM prANAn saMtyajya yudhyatA 4  gAhamAnam anIkAni yudhyamAnaM mahArathaiH  pANDavair atitejobhir lokas tvAm anudRSTavAn 5  suhRdA yad idaM vAcyaM bhavatA zrAvito hy aham  na mAM prINAti tat sarvaM mumUrSor iva bheSajam 6  hetukAraNa saMyuktaM hitaM vacanam uttamam  ucyamAnaM mahAbAho na me viprAgrya roccate 7  rAjyAd vinikRto 'smAbhiH kathaM so 'smAsu vizvaset  akSadyUte ca nRpatir jito 'smAbhir mahAdhanaH  sa kathaM mama vAkyAni zraddadhyAd bhUya eva tu 8  tathA dautyena saMprAptaH kRSNaH pArtha hite rataH  pralabdhaz ca hRSIkezas tac ca karma virodhitam  sa ca me vacanaM brahman katham evAbhimaMsyate 9  vilalApa hi yat kRSNA sabhAmadhye sameyuSI  na tan marSayate kRSNo na rAjyaharaNaM tathA 10  ekaprANAv ubhau kRSNAv anyonyaM prati saMhatau  purA yac chrutam evAsId adya pazyAmitat prabho 11  svasrIyaM ca hataM zrutvA duHkhasvapiti kezavaH  kRtAgaso vayaM tasya sa madarthaM kathaM kSamet 12  abhimanyor vinAzena na zarma labhate 'rjunaH  sa kathaM mad dhite yatnaM prakariSyati yAcitaH 13  madhyamaH pANDavas tIkSNo bhImaseno mahAbalaH  pratijJAtma ca tenograM sa bhAjyeta na saMnamet 14  ubhau tau baddhanistriMzAv ubhau cAbaddha kaGkaTau  kRtavairAv ubhau vIrau yamAv api yamopamau 15  dhRSTadyumnaH zikhaNDI ca kRtavairau mayA saha  tau kathaM mad dhite yatnaM prakuryAtAM dvijottama 16  duHzAsanena yat kRSNA ekavastrA rajasvalA  parikliSTA sabhAmadhye sarvalokasya pazyataH 17  tathA vivasanAM dInAM smaranty adyApi pANDavAH  na nivArayituM zakyAH saMgrAmAt te paraMtapAH 18  yadA ca draupadI kRSNA mad vinAzAya duHkhitA  ugraM tepe tapaH kRSNA bhartRRNAm arthasiddhaye  sthaNDile nityadA zete yAvad vairasya yAtanA 19  nikSipya mAnaM darpaM ca vAsudeva sahodarA  kRSNAyAH prekSyavad bhUtvA zuzrUSAM kurute sadA 20  iti sarvaM samunnaddhaM na nirvAti kathaM cana  abhimanyor vinAzena sa saMdheyaH kathaM mayA 21  kathaM ca nAma bhuktvemAM pRthivIM sAgarAmbarAm  pANDavAnAM prasAdena bhuJjIyAM rAjyam alpakam 22  upary upari rAjJAM vai jvalito bhAskaro yathA  yudhiSThiraM kathaM pazcAd anuyAsyAmi dAsavat 23  kathaM bhuktvA svayaM bhogAn dattvA dAyAMz ca puSkalAn  kRpaNaM vartayiSyAmi kRpaNaiH saha jIvikAm 24  nAbhyasUyAmi te vAkyam uktaM snigdhaM hitaM tvayA  na tu saMdhim ahaM manye prAptakAlaM kathaM cana 25  sunItam anupazyAmi suyuddhena paraMtapa  nAyaM klIbayituM kAlaH saMyoddhuM kAla eva naH 26  iSTaM me bahubhir yajJair dattA vipreSu dakSNiNAH  prAptAH kramazrutA vedAH zatrUNAM mUrdhni ca sthitam 27  bhRtyame subhRtAs tAta dInaz cAbhyuddhRto janaH  yAtAni pararASTrANi svarASTram anupAlitam 28  bhuktAz ca vividhA bhogAs trivargaH sevito mayA  pitRRNAM gatam AnRNyaM kSatradharmasya cobhayoH 29  na dhruvaM sukham astIha kuto rAjyaM kuto yazaH  iha kIrtir vidhAtavyA sA ca yuddhena nAnyathA 30  gRhe yat kSatriyasyApi nidhanaM tad vigarhitam  adharmaH sumahAn eSa yac chayyA maraNaM gRhe 31  araNye yo vimuJceta saMgrAme vA tanuM naraH  kratUn AhRtya mahato mahimAnaM sa gacchati 32  kRpaNaM vipalann Arto jarayAbhipariplutaH  mriyate rudatAM madhye jJAtInAM na sa pUruSaH 33  tyaktvA tu vividhAn bhogAn prAptAnAM maramAM gatim  apIdAnIM suyuddhena gaccheyaM sat salokatAm 34  zUrANAm Arya vRttAnAM saMgrameSv anivartinAm  dhImatAM satyasaMdhAnAM sarveSAM kratuyAjinAm 35  zastrAvabhRtham AptAnAM dhruvaM vAsas triviSTape  mudA nUnaM prapazyanti zubhrA hy apsarasAM gaNAH 36  pazyanti nUnaM pitaraH pUjitAJ zakra saMsadi  apsarobhiH parivRtAn modamAnAMs triviSTape 37  panthAnam amarair yAtaM zUraiz caivAnivartibhiH  api taiH saMgataM mArgaM vayam apy Aruhemahi 38  pitAmahena vRddhena tathAcaryeNa dhImatA  jayadrathena karNena tathA duHzAsanena ca 39  ghaTamAnA madarthe 'smin hatAH zUrA janAdhipAH  zerate lohitAktAGgAH pRthivyAM zaravikSatAH 40  uttamAstravidaH zUrA yathoktakratuyAjinaH  tyaktvA prANAn yathAnyAyam indra sadmasu dhiSThitAH 41  tais tv ayaM racitaH panthA durgamo hi punar bhavet  saMpatadbhir mahAvegair ito yAdbhiz ca sad gatim 42  ye madarthe hatAH zUrAs teSAM kRtam anusmaran  RNaM tat pratimuJcAno na rAjye mana Adadhe 43  pAtayitvA vayasyAMz ca bhrAtRRn atha pitAmahAn  jIvitaM yadi rakSeyaM loko mAM garhayed dhruvam 44  kIdRzaM ca bhaved rAjyaM mama hInasya bandhubhiH  sakhibhiz ca suhRdbhiz ca praNipatya ca pANDavam 45  so 'ham etAdRzaM kRtvA jagato 'sya parAbhavam  suyuddhena tataH svargaM prApsyAmi na tad anyathA 46  evaM duryodhanenoktaM sarve saMpUjya tad vacaH  sAdhu sAdhv iti rAjAnaM kSatriyAH saMbabhASire 47  parAjayam azocantaH kRtacittAz ca vikrame  sarve sunizcitA yoddhum udagramanaso 'bhavan 48  tato vAhAn samAzvAsya sarve yuddhAbhinandinaH  Une dviyojane gatvA pratyatiSThanta kauravAH 49  AkAze vidrume puNye prasthe himavataH zubhe  aruNAM sarasvatIM prApya papuH sasnuz ca taj jalam 50  tava putrAH kRtotsAhAH paryavartanta te tataH  paryavasthApya cAtmAnam anyonyena punas tadA  sarve rAjan nyavartanta kSatriyAH kAlacoditAH   |



 |  1   [s]  atha haimavate prasthe sthitvA yuddhAbhinandinaH  sarva eva mahArAja yodhAs tatra samAgatAH 2  zalyaz ca citrasenaz ca zakuniz ca mahArathaH  azvatthAmA kRpaz caiva kRtavarmA ca sAtvataH 3  suSeNo 'riSTasenaz ca dhRtasenaz ca vIryavAn  jayatsenaz ca rAjAnas te rAtrim uSitAs tataH 4  raNe karNe hate vIre trAsitA jitakAzibhiH  nAlabhaJ zarma te putrA himavantam Rte girim 5  te 'bruvan sahitAs tatra rAjAnaM sainyasaMnidhau  kRtayatnA raNe rAjan sAmpUjya vidhivat tadA 6  kRtvA senA praNetAraM parAMs tvaM yoddhum arhasi  yenAbhiguptAH saMgrAme jayemAsu hRdo vayam 7  tato duryodhanaH sthitvA raNe rathavarottamam  sarvayuddhavibhAgajJam antakapratimaM yudhi 8  svaGgaM pracchannazirasaM kambugrIvaM priyaMvadam  vyAkozapadmAbhimukhaM vyAghrAsyaM merugauravam 9  sthANor vRSasya sadRzaM skandhanetra gatisvaraiH  puSTazliSTAyata bhujaM suvistIrNa ghanorasam 10  jave bale ca sadRzam aruNAnuja vAtayoH  Adityasya tviSA tulyaM buddhyA cozanasA samam 11  kAnti rUpamukhaizvaryais tribhiz candramasopamam  kAJcanopala saMghAtaiH sadRzaM zliSTasaMdhikam 12  suvRttoru kaTI jaGghaM supAdaM svaGgulInakham  smRtvA smRtvaiva ca guNAn dhAtrA yatnAd vinirmitam 13  sarvalakSaNasaMpannaM nipuNaM zrutisAgaram  jetAraM tarasArINAm ajeyaM zatrubhir balAt 14  dazAGgaM yaz catuSpAdam iSvastraM veda tattvataH  sAGgaMz ca caturo vedAn samyag AkhyAna paJcamAn 15  ArAdhya tryambalaM yatnAd vratair ugrair mahAtapAH  ayonijAyAm utpanno droNenAyonijena yaH 16  tam apratimakarmANaM rUpeNAsadRzaM bhuvi  pAragaM sarvavidyAnAM guNArNavam aninditam  tam abhyetyAtmajas tubhyam azvatthAmAnam abravIt 17  yaM puraz% kRtyasahitA yudhi jeSyAma pANDavAn  guruputro 'dya sarveSAm asmAkaM paramA gatiH  bhavAMs tasmAn niyogAt te ko 'stu senApatir mama 18   [druaNi]  ayaM kulena vIryeNa tejasA yazasA zriyA  sarvair guNaiH samuditaH zalyo no 'stu camUpatiH 19  bhAgineyAn nijAMs tyaktvA kRtajJo 'smAn upAgataH  mahAseno mahAbAhur mahAsena ivAparaH 20  enaM senApatiM kRtvA nRpatiM nRpasattama  zakyaH prAptuM jayo 'smAbhir devaiH skandam ivAjitam 21  tathokte droNaputreNa sarva eva narAdhipAH  parivArya sthitAH zalyaM jayazabdAMz ca cakrire  yuddhAya ca matiM cakrUr AvezaM ca paraM yayuH 22  tato duryodhanaH zalyaM bhUmau sthitvA rathe sthitam  uvAca prAJjalir bhUtvA rAma bhISma samaM raNe 23  ayaM sa kAlaH saMprApto mitrANAM mitravatsala  yatra mitram amitraM vA parIkSante budhA janAH 24  sa bhavAn astu naH zUraH praNetA vAhinImukhe  raNaM ca yAte bhavati pANDavA mandacetasaH  bhaviSyanti sahAmAtyAH pAJcAlAz ca nirudyamAH 25   [Salya]  yat tu mAM manyase rAjan kururAja karomi tat  tvatpriyArthaM hi me sarvaM prANA rAjyaM dhanAni ca 26   [dur]  senApatyena varaye tvAm ahaM mAtulAtulam  so 'smAn pAhi yudhAM zreSTha skAndo devAn ivAhave 27  abhiSicyasva rAjendra devAnAm iva pAvakiH  jahi zatrUn raNe vIra mahendro dAnavAn iva   |



 |  1   [s]  etac chrutvA vaco rAjJo madrarAjaH pratApavAn  duryodhanaM tadA rAjan vAkyam etad uvAca ha 2  duryodhana mahAbAho zRNu vAkyavidAM vara  yAv etau manyase kRSNau rathasthau rathinAM varau  na me tulyAv ubhAv etau bAhuvIrye kathaM cana 3  udyatAM pRthivIM sarvAM sasurAsuramAnavAm  yodhayeyaM raNamukhe saMkruddhaH kim u pANDavAn  vijeSye ca raNe pArthAn somakAMz ca samAgatAn 4  ahaM senA praNetA te bhaviSyAmi na saMzayaH  taM ca vyUhaM vidhAsyAmi na tariSyanti yaM pare  iti satyaM bravImy eSa duryodhana na saMzayaH 5  evam uktas tato rAjA madrAdhipatim aJjasA  abhyaSiJcata senAyA madhye bharatasattama  vidhinA zastradRSTena hRSTarUpo vizAM pate 6  abhiSikte tatas tasmin siMhanAdo mahAn abhUt  tava sainyeSv avAdyanta vAditrANi ca bhArata 7  hRSTAz cAsaMs tadA yodhA madrakAz ca mahArathAH  tuSTuvuz caiva rAjAnaM zalyam Ahavazobhinam 8  jaya rAjaMz ciraM jIva jahi zatrUn samAgatAn  tava bAhubalaM prApya dhArtarASTrAmahA balAH  nikhilAM pRthivIM sarvAM prazAsantu hatadviSaH 9  tvaM hi zakto raNe jetuM sasurAsuramAnavAn  martyadharmANa iha tu kim u somaka sRJjayAn 10  evaM saMstUyamAnas tu madrANAm adhipo balI  harSaM prApa tadA vIro durApam akRtAtmabhiH 11   [Salya]  adyaivAhaM raNe sarvAn pAJcAlAn saha pANDavaiH  nihaniSyAmi rAjendra svargaM yAsyAmi vA hataH 12  adya pazyantu mAM lokA vicarantam abhItavat  adya pANDusutAH sarve vAsudevaH sasAtyakiH 13  pAJcAlAz cedayaz caiva draupadeyAz ca sarvazaH  dhRSTadyumnaH zikhaNDI ca sarve cApi prabhadrakAH 14  vikramaM mama pazyantu dhanuSaz ca mahad balam  lAghavaM cAstravIryaM ca bhujayoz ca balaM yudhi 15  adya pazyantu me pArthAH siddhAz ca sahacAraNaiH  yAdRzaM me balaM bAhvoH sAmpad astreSu yA ca me 16  adya me vikramaM dRSTvA pANDavAnAM mahArathAH  pratIkAra parA bhUtvA ceSTantAM vividhAH kriyAH 17  adya sainyAni pANDUnAM drAvayiSye samantataH  droNa bhISmAv ati vibho sUtaputraM ca saMyuge  vicariSye raNe yudhyan priyArthaM tava kaurava 18   [s]  abhiSikte tadA zalye tava sainyeSu mAnada  na karNa vyasanaM kiM cin menire tatra bhArata 19  hRSTAH sumanasaz caiva babhUvus tatra sainikAH  menire nihatAn pArthAn madrarAjavazaM gatAn 20  praharSaM prApya senA tu tAvakI bharatarSabha  tAM rAtriM sukhinI suptA svasthacitteva sAbhavat 21  sainyasya tava taM zabdaM zrutvA rAjA yudhiSThiraH  vArSNeyam abravId vAkyaM sarva kSatrasya zRNvataH 22  madrarAjaH kRtaH zalyo dhArtarASTreNa mAdhava  senApatir maheSvAsaH sarvasainyeSu pUjitaH 23  etac chrutvA yathA bhUtaM kuru mAdhava yat kSamam  bhavAn netAca goptA ca vidhatsva yad anantaram 24  tam abravIn mahArAja vAsudevo janAdhipam  ArtAyanim ahaM jAne yathAtattvena bhArata 25  vIryavAMz ca mahAtejA mahAtmA ca vizeSataH  kRtI ca citrayodhI ca smayukto lAghavena ca 26  yAdRg bhISmas tathA droNo yAdRk karNaz ca saMyuge  tAdRzas tad viziSTo vA madrarAjo mato mama 27  yudhyamAnasya tasyAjau cintayann eva bhArata  yoddhAraM nAdhigacchAmi tulyarUpaM janAdhipa 28  zikhaNDyarjuna bhImAnAM sAtvatasya ca bhArata  dhRSTadyumnasya ca tathA balenAbhyadhiko raNe 29  madrarAjo mahArAja siMhadviradavikramaH  vicariSyaty abhIH kAle kAlaH kruddhaH prajAsv iva 30  tasyAdya na prapazyAmi pratiyoddhAram Ahave  tvAm Rte puruSavyAghra zArdUlasamavikramam 31  sadevaloke kRtsne 'smin nAnyas tvattaH pumAn bhavet  madrarAjaM raNe kruddhaM yo hanyAt kurunandana  ahany ahani yudhyantaM kSobhayantaM balaM tava 32  tasmAj jahi raNe zalyaM maghavAn iva zambaram  atipazcAd asau vIro dhArtarASTreNa satkRtaH 33  tavaiva hi jayo nUnaM hate madrezvare yudhi  tasmin hate hataM sarvaM dhArtarASTra balaM mahat 34  etac chrutvA mahArAja vacanaM mama sAMpratam  pratyudyAhi raNe pArtha madrarAjaM mahAbalam  jahi cainaM mahAbAho vAsavo namuciM yathA 35  na caiv atra dayA kAryA mAtulo 'yaM mameti vai  kSatradharmaM puraskRtya jahi madrajanezvaram 36  bhISmadroNArNavaM tIrtvA karNa pAtAlasaMbhavam  mA nimajjasva sagaNaH zalyam AsAdya goSpadam 37  yac ca te tapaso vIryaM yac ca kSAtraM balaM tava  tad darzaya raNe sarvaM jahi cainaM mahAratham 38  etAvad uktvA vacanaM kezavaH paravIrahA  jagAma zibiraM sAyaM pUjyamAno 'tha pANDavaiH 39  kezave tu tadA yAte dharmarAjo yudhiSThiraH  visRjya sarvAn bhrAtRRMz ca pAJcAlAn atha somakAn  suSvApa rajanIM tAM tu vizalya iva kuJjaraH 40  te ca sarve maheSvAsAH pAJcAlAH pANDavAs tathA  karNasya nidhane hRSTAH suSupus tAM nizAM tadA 41  gatajvaraM maheSvAsaM tIrNapAraM mahAratham  babhUva pANDaveyAnAM sainyaM pramuditaM nizi  sUtaputrasya nidhane jayaM labdhvA ca mAriSa   |



   |  1   [s]  vyatItAyAM rajanyAM tu rAjA duryodhanas tadA  abravIt tAvakAn sarvAn saMnahyantAM mahArathAH 2  rAjJas tu matam AjJAya sAmanahyata sA camUH  ayojayan rathAMs tUrNaM paryadhAvaMs tathApare 3  akalpyanta ca mAtaGgAH samanahyanta pattayaH  hayAn AstaraNopetAMz cakrur anye sahAsrazaH 4  vAditrANAM ca ninadaH prAdurAsId vizAM pate  bodhanArthaM hi yodhAnAM sainyAnAM cApy udIryatAm 5  tato balAni sarvANi senA ziSTAni bhArata  saMnaddhAny eva dadRzur mRtyuM kRtvA nivartanam 6  zalyaM senApatiM kRtvA madrarAjaM mahArathAH  pravibhajya balaM sarvam anIkeSu vyavasthitAH 7  tataH sarve samAgamya putreNa tava sainikAH  kRpaz ca kRtavarmA ca drauNiH zalyo 'tha saubalaH 8  anye ca pArthivAH zeSAH samayaM cakrire tadA  na na ekena yoddhavyaM kathaM cid api pANDavaiH 9  yo hy ekaH pANDavair yudhyed yo vA yudhyantam utsRjet  sa paJcabhir bhaved yuktaH pAtakaiH sopapAtakaiH  anyonyaM parirakSadbhir yoddhavyaM sahitaiz ca naH 10  evaM te samayaM kRtvA sarve tatra mahArathAH  madrarAjaM puraskRtya tUrNam abhyadravan parAn 11  tathaiva pANDavA rAjan vyUhya sainyaM mahAraNe  abhyayuH kauravAn sarvAn yotsyamAnAH samantataH 12  tad balaM bharatazreSTha kSubbdhArNava samasvanam  samuddhUtArNavAkAram uddhUta rathakuJjaram 13   [dhR]  droNasya bhISmasya ca vai rAdheyasya ca me zrutam  pAtanaM zaMsa me bhUyaH zalyasyAtha sutasya me 14  kathaM raNe hataH zalyo dharmarAjena saMjaya  bhImena ca mahAbAhuH putro duryodhano mama 15   [s]  kSayaM manuSyadehAnAM rathanAgAzvasaMkSayam  zRNu rAjan sthiro bhUtvA saMgrAmaM zaMsato mama 16  AzA balavatI rAjan putrANAM te 'bhavat tadA  hate bhISme ca droNe ca sUtaputre ca pAtite  zalyaH pArthAn raNe sarvAn nihaniSyati mAriSa 17  tAm AzAM hRdaye kRtvA samAzvAsya ca bhArata  madrarAjaM ca samare samAzritya mahAratham  nAthavantam athAtmAnam amanyata sutas tava 18  yadA karNe hate pArthAH siMhanAdaM pracakrire  tadA rAjan dhArtarASTrAn Aviveza mahad bhayam 19  tAn samAzvAsyatu tadA madrarAjaH pratApavAn  vyUhya vyUhaM mahArAja sarvatobhadram Rddhimat 20  pratyudyAto raNe pArthAn madrarAjaH pratApavAn  vidhunvan kArmukaM citraM bhAraghnaM vegavattaram 21  rathapravaram AsthAya saindhavAzvaM mahArathaH  tasya sItA mahArAja rathasthAzobhayad ratham 22  sa tena saMvRto vIro rathenAmitrakarzanaH  tasthau zUro mahArAja putrANAM te bhayapraNut 23  prayANe madrarAjo 'bhUn mukhaM vyUhasya daMzitaH  madrakaiH sahito vIraiH karNa putraiz ca durjayaiH 24  savye 'bhUt kRtavarmA ca trigartaiH parivAritaH  gautamo dakSiNe pArzve zakaiz ca yavanaiH saha 25  azvatthAmA pRSThato 'bhUt kAmbojaiH parivAritaH  duryodhano 'bhavan madhye rakSitaH kurupuMgavaiH 26  hayAnIkena mahatA saubalaz cApi saMvRtaH  prayayau sarvasainyena kaitavyaz ca mahArathaH 27  pANDavAz ca maheSvAsA vyUhya sainyam ariMdamAH  tridhA bhUtvA mahArAja tava sainyam upAdravan 28  dhRSTadyumnaH zikhaNDI ca satyakiz ca mahArathaH  zlayasya vAhinIM tUrNam abhidudruvur Ahave 29  tato yudhiSThiro rAjA svenAnIkena saMvRtaH  zalyam evAbhidudrAva jighAMsur bharatarSabha 30  hArdikyaM tu maheSvAsam arjunaH zatrupUgahA  saMzaptaka gaNAMz caiva vegato 'bhividudruve 31  gautamaM bhImaseno vai somakAz ca mahArathAH  abhyadravanta rAjendra jighAMsantaH parAn yudhi 32  mAdrIputrau tu zakunim ulUkaM ca mahArathau  sasainyau sahasenau tAv upatasthatur Ahave 33  tathaivAyutazo yodhAs tAvakAH pANDavAn raNe  abhyadravanta saMkruddhA vividhAyudhapANayaH 34   [dhR]  hate bhISme maheSvAse droNe karNe mahArathe  kuru SvalpAvaziSTeSu pANDaveSu ca saMyuge 35  susaMrabdheSu pArtheSu parAkrAnteSu saMjaya  mAmakAnAM pareSAM ca kiM ziSTam abhavad balam 36   [s]  yathA vayaM pare rAjan yuddhAya samavasthitAH  yAvac cAsId balaM ziSTaM saMgrAme tan nibodha me 37  ekAdaza sahasrANi rathAnAM bharatarSabha  daza danti sahasrANi sapta caiva zatAni ca 38  pUrNe zatasahasre dve hayAnAM bharatarSabha  narakoTyas tathA tisro balam etat tavAbhavat 39  rathAnAM SaT sahasrANi SaT sahasrAz ca kuJjarAH  daza cAzvasahasrANi pattikoTI ca bhArata 40  etad balaM pANDavAnAm abhavac cheSam Ahave  eta eva samAjagmur yuddhAya bharatarSabha 41  evaM vibhajya rAjendra madrarAjamate sthitAH  pANDavAn pratyudIyAma jaya gRddhAH pramanyavaH 42  tathaiva pANDavAH zUrAH samare jitakAzinaH  upayAtA naravyAghrAH pAJcAlAz ca yazasvinaH 43  evam ete balaughena parasparavadhaiSiNaH  upayAtA naravyAghrAH pUrvAM saMdhyAM prati prabho 44  tataH pravavRte yuddhaM ghorarUpaM bhayAnakam  tAvakAnAM pareSAM ca nighnatAm itaretaram   |



  |  1   [s]  tatha pravavRte yuddhaM kurUNAM bhayavardhanam  sRJjayaiH saha rAjendra ghoraM devAsuropamam 2  narA rathA gajaughAz ca sAdinaz ca sahasrazaH  vAjinaz ca parAkrAntAH samAjagmuH parasparam 3  nAgAnAM bhImarUpANAM dravatAM nisvano mahAn  azrUyata yathAkAle jaladAnAM nabhastale 4  nAgair abhyAhatAH ke cit sarathA rathino 'patan  vyadravanta raNe vIrA drAvyamANA madotkaTaiH 5  hayaughAn pAdarakSAMz ca rathinas tatra zikSitAH  zaraiH saMpreSayAm AsuH paralokAya bhArata 6  sAdinaH zikSitA rAjan parivArya mahArathAn  vicaranto raNe 'bhyaghnan prAsazaktyRSTibhis tathA 7  dhanvinaH puruSAH ke cit saMnivArya mahArathAn  ekaM bahava AsAdya preSayeyur yamakSayam 8  nAgaM rathavarAMz cAnye parivArya mahArathAH  sottarAyudhinaM jaghnur dravamANA mahAravam 9  tathA ca rathinaM kruddhaM vikirantaM zarAn bahUn  nAgA jaghnur mahArAja parivArya samantataH 10  nAgo nAgam abhidrutya rathI ca rathinaM raNe  zakto tomaranArAcair nijaghnus tatra tatra ha 11  pAdAtAn avamRdnanto rathavAraNavAjinaH  raNamadhye vyadRzyanta kurvanto mahad Akulam 12  hayAz ca paryadhAvanta cAmarair upazobhitAH  haMsA himavataH prasthe pibanta iva medinIm 13  teSAM tu vAjinAM bhUmiH khuraiz citrA vizAM pate  azobhata yathA nArI karaja kSatavikSatA 14  vAjinAM khurazabdena rathe nemisvanena ca  pattInAM cApi zabdena nAgAnAM bRhmitena ca 15  vAditrANAM ca ghoSeNa zaGkhAnAM nisvanena ca  abhavan nAditA bhUmir nirghAtir iva bhArata 16  dhanuSAM kUjamAnAnAM nistriMzAnAM ca dIpyatAm  kavacAnAM prabhAbhiz ca na prAjJAyata kiM cana 17  bahavo bAhavaz chinnA nAgarAjakaropamAH  udveSTante viveSTante vegaM kurvanti dAruNam 18  zirasAM ca mahArAja patatAM vasudhAtale  cyutAnAm iva tAlebhyaH phalAnAM zrUyate svanaH 19  zirobhiH patitair bhAti rudhirArdrair vasuMdharA  tapanIyanibhaiH kAle nalinair iva bhArata 20  udvRttanayanais tais tu gatasattvaiH suvikSataiH  vyabhrAjata mahArAja puNDarIkair ivAvRtA 21  bAhubhiz candanAdigdhaiH sakeyUrair mahAdhanaiH  patitair bhAti rAjendra mahI zakradhvajair iva 22  Urubhiz ca narendrANAM vinikRttair mahAhave  hastihastopamair anyaiH saMvRtaM tad raNAGgaNam 23  kabandha zatasaMkIrNaM chattra cAmarazobhitam  senA vanaM tac chuzubhe vanaM puSpAcitaM yathA 24  tatra yodhA mahArAja vicaranto hy abhItavat  dRzyante rudhirAktAGgAH puSpitA iva kiMzukAH 25  mAtaGgAz cApy adRzyanta zaratomara pIDitAH  patantas tatra tatraiva chinnAbhra sadRzA raNe 26  gajAnIkaM mahArAja vadhyamAnaM mahAtmabhiH  vyadIryata dizaH sarvA vAtanunnA ghanA iva 27  te gajA ghanasaMkAzAH petur uvyAM samantataH  vajrarugNA iva babhuH parvatA yugasaMkSaye 28  hayAnAM sAdibhiH sArdhaM patitAnAM mahItale  rAzayaH saMpradRzyante girimAtrAs tatas tataH 29  saMjajJe raNabhUmau tu paralokavahA nadI  zoNitodA rathAvartA dhvajavRkSAsthi zarkarA 30  bhujanakrA dhanuH srotA hastizailA hayopalA  medo majjA kardaminI chattra haMsA gadoDupA 31  kavacoSNISa saMchannA patAkA ruciradrumA  cakracakrAvalI juSTA triveNU daNDakAvRtA 32  zUrANAM harSajananI bhIrUNAM bhayavardhinI  prAvartata nadI raurA kurusRJjayasaMkulA 33  tAM nadIM pitRlokAya vahantIm atibhairavAm  terur vAhana naubhis te zUrAH parighabAhavaH 34  vartamAne tathA yuddhe nirmaryAde vizAM pate  caturaGgakSaye ghore pUrvaM devAsuropame 35  akrozan bAndhavAn anye tatra tatra paraMtapa  krozadbhir bAndhavaiz cAnye bhayArtA na nivartire 36  nirmaryAde tathA yuddhe vartamAne bhayAnake  arjuno bhImasenaz ca mohayAM cakratuH parAn 37  sA vadhyamAnA mahatI senA tava janAdhipa  amuhyat tatra tatraiva yoSin madavazAd iva 38  mohayitvAca tAM senAM bhima senadhanaMjayau  dadhmatur vArijau tatra siMhanAdaM ca nedatuH 39  zrutvaiva tu mahAzabdaM dhRSTadyumna zikhaNDinau  dharmarAjaM puraskRtya madrarAjam abhidrutau 40  tatrAzcaryam apazyAma ghorarUpaM vizAM pate  zalyena saMgatAH zUrA yad ayudhyanta bhAgazaH 41  mAdrIputrau sarabhasau kRtAstrau yuddhadurmadau  abhyayAtAM tvarAyuktau jigISantau balaM tava 42  tato nyavartata balaM tAvakaM bharatarSabha  zaraiH praNunnaM bahudhA pANDavair jitakAzibhiH 43  vadyamAnA camUH sA tu putrANAM prekSatAM tava  bheje dizo mahArAja praNunnA dRDhadhanvibhiH  hAhAkAro mahAJ jajJe yodhAnAM tava bhArata 44  tiSTha tiSTheti vAg AsId drAvitAnAM mahAtmanAm  kSatriyANAM tadAnyonyaM saMyuge jayam icchatAm  Adravann eva bhagnAs te pANDavas tava sainikAH 45  tyaktvA yuddhi priyAn putrAn bhrAtRRn atha pitAmahAn  mAtulAn bhAgineyAMz ca tathA saMbandhibAndhavAn 46  hayAn dvipAMs tvarayanto yodhA jagmuH samantataH  AtmatrANa kRtotsAhAs tAvakA bharatarSabha   |



 |  1   [s]  tat prAbhagnaM balaM dRSTvA madrarAjaH pratApavAn  uvAca sArathiM tUrNaM codayAzvAn mahAjavAn 2  eSa tiSThati vai rAjA pANDuputro yudhiSThiraH  chattreNa dhriyamANena pANDureNa virAjatA 3  atra mAM prApaya kSipraM pazyA me sArathe balam  na samarthA hi me kSipraM pazya me sArathe balam  na samarthA hi me pArthAH sthAtum adya puro yudhi 4  evam uktas tataH prAyAn madrarAjasya sArathiH  yatra rAjA satyasaMdho dharmarAjo yudhiSThiraH 5  ApatantaM ca sahasA pANDavAnAM mahad balam  dadhAraiko raNe zalyo velevoddhRtam arNavam 6  pANDavAnAM balaughas tu zalyam AsAdya mAriSa  vyatiSThata tadA yuddhe sindhor vega ivAcalam 7  madrarAjaM tu samare dRSTvA yuddhAya viSThitam  kuravaH saMnyavartanta mRtyuM kRtvA nivartanAm 8  teSu rAjan nivRtteSu vyUDhAnIkeSu bhAgazaH  prAvartata mahAraudraH saMgrAmaH zoNitodakaH  samArcchacc citrasenena nakulo yuddhadurmadaH 9  tau parasparam AsAdya citrakArmukadhAriNau  meghAv iva yathodvRttau dakSiNottara varSiNau 10  zaratoyaiH siSicatus tau parasparam Ahave  nAntaraM tatra pazyAmi pANDavasyetarasya vA 11  ubhau kRtAstrau balinau rathacaryA vizAradau  parasparavadhe yattau chidrAn veSaNatatparau 12  citrasenas tu bhallena pItenA nizitena ca  nakulasya mahArAja muSTideze 'cchinad dhanuH 13  athainaM chinnadhanvAnaM rukmapuGkhaiH zilAzitaiH  tribhiH zarair asaMbhrAnto lalATe vai samarpayat 14  hayAMz cAsya zarais tIkSNaiH preSayAm Asa mRtyave  tathA dhvajaM sArathiM ca tribhis tribhir apAtayat 15  sa zatrubhuja nirmuktair lalATasthas tribhiH zaraiH  nakulaH zuzubhe rAjaMs trizRGga iva parvataH 16  sa chinnadhanvA virathaH khaDgam AdAya carma ca  rathAd avatarad vIraH zailAgrAd iva kesarI 17  padbhyAm Apatatas tasya zaravRSTim avAsRjat  nakulo 'py agrasattAM vai carmANA laghuvikramaH 18  citrasenarathaM prApya citrayodhI jitazramaH  Aruroha mahAbAhuH sarvasainyasya pazyataH 19  sakuNDalaM samukuTaM sunasaM svAyatekSaNam  citrasenaziraH kAyAd apAharata pANDavaH  sa papAta rathopasthAd divAkarasamaprabhaH 20  citrasenaM vizastaM tu dRSTvA tatra mahArathAH  sAddhu vAdasvanAMz cakruH siMhanAdAMz ca puSkalAn 21  vizastaM bhrAtaraM dRSTvA karNa putrau mahArathau  suSeNaH satyasenaz ca muJcantau nizitAJ zarAn 22  tato 'bhyadhAvatAM tUrNaM pANDavaM rathinAM varam  jighAMsantau yathA nAgaM vyAghrau rAjan mahAvane 23  tAv abhyadhAvatAM tIkSNau dvAv apy enaM mahAratham  zaraughAn samyag asyantau jImUtau salilaM yathA 24  sa zaraiH sarvato viddhaH prahRSTa iva pANDavaH  anyat kArmukam AdAya ratham Aruhya vIryavAn  atiSThata raNe vIraH kruddha rUpa ivAntakaH 25  tasya tau bhrAtarau rAjaJ zaraiH saMnataparvabhiH  rathaM vizakalIkartuM samArabdhau vizAM pate 26  tataH prahasya nakulaz caturbhiz caturo raNe  jaghAna nizitais tIkSNaiH satyasenasya vAjinaH 27  tataH saMdhAya nArAcaM rukmapuGkhaM zilAzitam  dhanuz ciccheda rAjendra satyasenasya pANDavaH 28  athAnyaM ratham AsthAya dhanur AdAya cAparam  satyasenaH suSeNaz ca pANDavaM paryadhAvatAm 29  avidhyat tAv asaMbhrAntau mAdrIputraH pratApavAn  dvAbhyAM dvAbhyAM mahArAja zarAbhyAM raNamUrdhani 30  suSeNas tu tataH kruddhaH pANDavasya mahad dhanuH  ciccheda prahasan yuddhe kSurapreNa mahArathaH 31  athAnyad dhanur AdAya nakulaH krodhamUrcchitaH  suSeNaM paJcabhir viddhvA dhvajam ekena cicchide 32  satyasenasya ca dhanur hastAvApaM ca mAriSa  ciccheda tarasA yuddhe tata uccukruzur janAH 33  athAnyad dhanur AdAya vegaghnaM bhArasAdhanam  zaraiH saMchAdayAm Asa samantAt pANDunandanam 34  saMnivArya tu tAn bANAn nakulaH paravIrahA  satyasenaM suSeNaM ca dvAbhyAM dvAbhyAm avidhyata 35  tAv enaM pratyavidhyetAM pRthakpRthag ajihmagaiH  sArathiM cAsya rAjendra zarair vivyadhatuH zitaiH 36  satyaseno ratheSAM tu nakulasyA dhanus tathA  pRthak zarAbhyAM ciccheda kRtahastaH pratApavAn 37  sa rathe 'tirathas tiSThan rathazaktiM parAmRzat  svarNadaNDAm akuNThAgrAM tailadhautAM sunirmalAm 38  lelihAnAm iva vibho nAgakanyAM mahAviSAm  samudyamya ca cikSepa satyasenasya saMyuge 39  sA tasya hRdayaM saMkhye bibheda zatadhA nRpa  sa papAta rathAd bhUmau gatasattvo 'lpacetanaH 40  bhrAtaraM nihataM dRSTvA suSeNaH krodhamUrchitaH  abhyavarSac charais tUrNaM padAtiM pANDunandanam 41  nakulaM virathaM dRSTvA draupadeyo mahAbalaH  suta somo 'bhidudrAva parIpsan pitaraM raNe 42  tato 'dhiruhya nakulaH suta somasya taM ratham  zuzubhe bharatazreSTho giristha iva kesarI  so 'nyat kArmukam AdAya suSeNaM samayodhayat 43  tAv ubhau zaravarSAbhyAM samAsAdya parasparam  parasparavadhe yatnaM cakratuH sumahArathau 44  suSeNas tu tataH kruddhaH pANDavaM vizikhais tribhiH  suta somaM ca viMzatyA bAhvor urasi cArpayat 45  tataH kruddho mahArAja nakulaH paravIrahA  zarais tasya dizaH sarvAz chAdayAm Asa vIryavAn 46  tato gRhItvA tIkSNAgram ardhacandraM sutejanam  sa vegayuktaM cikSepa karNa putrasya saMyuge 47  tasya tenA ziraH kAyAj jahAra nRpasattama  pazyatAM sarvasainyAnAM tad adbhutam ivAbhavat 48  sa hataH prApatad rAjan nakulena mahAtmanA  nadIvegAd ivArugNas tIrajaH pAdapo mahAn 49  karNa putravadhaM dRSTvA nakulasya ca vikramam  pradudrAva bhayAt senA tAvakI bharatarSabha 50  tAM tu senAM mahArAja madrarAjaH pratApavAn  apAlayad raNe zUraH senApatir ariMdamaH 51  vibhIs tasthau mahArAja vyavasthApya ca vAhinIm  siMhanAdaM bhRzaM kRtvA dhanuH zabdaM ca dAruNam 52  tAvakAH samare rAjan rakSitAdRDha dhanvanA  pratyudyayur arAtIMs te samantAd vigatavyathAH 53  madrarAjaM maheSvAsaM parivArya samantataH  sthitA rAjan mahAsenA yoddhukAmAH samantataH 54  sAtyakir bhima senaz ca mAdrIputrau ca pANDavau  yudhiSThiraM puraskRtya hrIneSedham ariMdamam 55  parivArya raNe vIrAH siMhanAdaM pracakrire  bANazabdaravAMz cogrAn kSveDAM ca vividhAn dadhuH 56  tathaiva tAvakAH sarve madrAdhipatim aJjasA  parivArya susaMrabdhAH punar yuddhAm aroccayan 57  tataH pravavRte yuddhaM bhIrUNAM bhayavardhanam  tAvakAnAM pareSAM ca mRtyuM kRtvA nivartanam 58  yathA devAsuraM yuddhaM pUrvam AsId vizAM pate  abhItAnAM tathA rAjan yama rASTravivardhanam 59  tataH kapidhvajo rAjan hatvA saMzaptakAn raNe  abhyadravata tAM senAM kauravIM pANDunandanaH 60  tathaiva pANDavAH zeSA dhRSTadyumnapurogamAH  abhyadhAvanta tAM senAM visRjantaH zitAJ zarAn 61  pANDavair avakIrNAnAM sAMmohaH samajAyata  na ca jAjJur anIkAni dizo vA pradizas tathA 62  ApUryamANA nizitaiH zaraiH pANDava coditaiH  hatapravIrA vidhvastA kIryamANA samantataH  kauravy avadhyata camUH pANDuputrair mahArathaiH 63  tathaiva pANDavI senA zarai rAjan samantataH  raNe 'hanyata putrais te zatazo 'tha sahasrazaH 64  te sene bhRzasaMtapte vadhyamAne parasparam  vyAkule samapadyetAM varSAsu saritAv iva 65  Aviveza tatas tIvraM tAvakAnAM mahad bhayam  pANDavAnAM ca rAjendra tathA bhUte mahAhave   |



  |  1   [s]  tasmin vilulite sainye vadhyamAne parasparam  dravamANeSu yodheSu ninadatsu ca dantiSu 2  kUjatAM stanatAM caiva padAtInAM mahAhave  vidruteSu mahArAja hayeSu bahudhA tadA 3  prakSaye dAruNe jAte saMhAre sarvadehinAm  nAnAzastrasamAvApe vyatiSakta rathadvipe 4  harSaNe yuddhazauNDAnAM bhIrUNAM bhayavardhane  gAhamAneSu yodheSu parasparavadhaiSiSu 5  prANAdAne mahAghore vartamAne durodare  saMgrAme ghorarUpe tu yama rASTravivardhane 6  pANDavAs tAvakaM sainyaM vyadhaman nizitaiH zaraiH  tathaiva tAvakA yodhA jagnuH pANDavasainikAn 7  tasmiMs tathA vartamAne yuddhe bhIru bhayAvahe  pUrvAhNe caiva saMprApte bhAskarodayanaM prati 8  labdhalakSAH pare rAjan rakSitAz ca mahAtmanA  ayodhayaMs tava balaM mRtyuM kRtvA nivartanam 9  balibhiH pANDavair dRptair labdhalakSaiH prahAribhiH  kauravy asIdat pRtanA mRgIvAgnisamAkulA 10  tAM dRSTvA sIdatIM senAM paGke gAm iva durbalAm  ujjihIrSus tadA zalyaH prAyat pANDucamUM prati 11  madrarAjas tu saMkruddho gRhItvA dhanur uttamam  abhyadravata saMgrAme pANDavAn AtatAyinaH 12  pANDavAz ca mahArAja samare jitakAzinaH  madrarAjaM samAsAdya vivyadhur nizitaiH zaraiH 13  tataH zarazatais tIkSNair madrarAjo mahAbalaH  ardayAm Asa tAM senAM dharmarAjasya pazyataH 14  prAdurAsaMs tato rAjan nAnArUpaNy anekazaH  cacAla zabdaM kurvANA mahI cApi saparvatA 15  sadaNDa zUlA dIptAgrAH zIryamANAH samantataH  ulkA bhUmiM divaH petur Ahatya ravimaNDalam 16  mRgaz ca mAhiSAz cApi pakSiNaz ca vizAM pate  apasavyaM tadA cakruH senAM te bahuzo nRpa 17  tatas tad yuddham atyugram abhavat saMghacAriNAm  tatha sarvANy anIkAni saMnipatya janAdhipa  abhyayuH kauravA rAjan pANDavAnAm anIkinIm 18  zalyas tu zaravarSeNa varSann iva sahasradRk  abhyavarSad adInAtmA kuntIputraM yudhiSThiram 19  bhImasenaM zaraiz cApi rukmapuGkhaiH zilAzitaH  draupadeyAMs tathA sarvAn mAdrIputrau ca pANDavau 20  dhRSTadyumnaM ca zaineyaM zikhaNDinam athApi ca  ekaikaM dazabhir bANair vivyAdha ca mahAbalaH  tato 'sRjad bANavarSaM gharmAnte maghavAn iva 21  tataH prabhadrakA rAjan somakAz ca sahasrazaH  patitAH pAtyamAnAz ca dRzyante zalya sAyakaiH 22  bhramarANAm iva vrAtAH zalabhAnAm iva vrajAH  hrAdinya iva meghebhyaH zalyasya nyapataJ zarAH 23  dviradAs turagAz cArtAH pattayo rathinas tathA  zalyasya bANair nyapatan babhramur vyanadaMs tathA 24  AviSTa iva madrezo manyunA pauruSeNa ca  prAcchAdayad arIn saMkhye kAlasRSTa ivAntakaH  vinardamAno madrezo meghahrAdo mahAbalaH 25  sa vadhyamAnA zalyena pANDavAnAm anIkinI  ajAtazatruM kaunteyam abhyadhAvad yudhiSThiram 26  tAM samarpya tataH saMkhye laghuhastaH zitaiH zaraiH  zaravarSeNa mahatA yudhiSThiram apIDayat 27  tam ApatantaM pattyazvaiH kruddho rAjA yudhiSThiraH  avArayac charais tIkSNair mattaM dvipam ivAGkuzaiH 28  tasya zalyaH zaraM ghoraM mumocAzIviSopamam  so 'bhyavidhyan mahAtmAnaM vegenAbhyapatac ca gAm 29  tato vRkodaraH kruddhaH zalyaM vivyAdha saptabhiH  paJcabhiH sahadevas tu nakulo dazabhiH zaraiH 30  draupadeyAz ca zatrughnaM zUram ArtAyaniM zaraiH  abhyavarSan mahAbhAgaM meghA iva mahIdharam 31  tato dRSTvA tudyamAnaM zalyaM pArthaiH samantataH  kRtavarmA kRpaz caiva saMkruddhAv abhyadhAvatAm 32  ulUkaz ca patatrI ca zakuniz cApi saubalaH  smayamAnaz ca zanakair azvatthAmA mahArathaH  tava putrAz ca kArtsnyena jugupuH zalyam Ahave 33  bhImasenaM tribhir viddhvA kRtavarmA zilImukhaiH  bANavarNeNa mahatA kruddha rUpam avArayat 34  dhRSTadyumnaM kRpaH kruddho bANavarNair apIDayat  draupadeyAMz ca zakunir yamau ca drauNir abhyayAt 35  duryodhano yudhAM zreSThAv Ahave kezavArjunau  samabhyayAd ugratejAH zaraiz cAbhyahanad balI 36  evaM dvaMdva zatAny AsaMs tvadIyAnAM pariH saha  ghorarUpANi citrANi tatra tatra vizAM pate 37  Rzya varNAJ jaghAnAzvAn bhojo bhImasya saMyuge  so 'vatIrya rathopasthAd dhatAzvaH pANDunandanaH  kAlo daNDam ivodyamya gadApANir ayudhyata 38  pramukhe sahadevasya jaghAnAzvAMz ca madrarAT  tataH zalyasya tanayaM sahadevo 'sinAvadhIt 39  gautamaH punar AcAryo dhRSTadyumnam ayodhayat  asaMbhrAntam asaMbhrAnto yatnavAn yatnavattaram 40  draupadeyAMs tathA vIrAn ekaikaM dazabhiH zaraiH  avidhyad AcArya suto nAtikruddhaH smayann iva 41  zalyo 'pi rAjan saMkruddho nighnan somaka pANDavAn  punar eva zitair bANair yudhiSThiram apIDayat 42  tasya bhImo raNe kruddhaH saMdaSTa dazanac chadaH  vinAzAyAbhisaMdhAya gadAm Adatta vIryavAn 43  yamadaNDapratIkAzAM kalarAtrim ivodyatAm  gajavAjimanuSyANAM prANAnta karaNIm api 44  hemapaTTa parikSiptAm ulkAM prajvalitAm iva  zaikyAM vyAlIm ivAtyugrAM vajrakalpAm ayo mayIm 45  candanAgurupaGkAktAM pramadAm IpsitAm iva  vasA medo mRgAdigdhAM jihvAM vaivasvatIm iva 46  paTu ghaNTA rava zatAM vAsavIm azanIm iva  nirmuktAzIviSAkArAM pRktAM gajamadair api 47  trAsanIM ripusainyAnAM svasainyapariharSiNIm  manuSyaloke vikhyAtAM girizRGgavidAriNIm 48  yayA kaulAsa bhavane mahezvara sakhaM balI  AhvayAm Asa kaunteyaH saMkruddham alakAdhipam 49  yayA mAyAvino dRptAn subahUn dhanadAlaye  jaghAna guhyakAn kruddho mandArArthe mahAbalaH  nivAryamANo bahubhir draupadyAH priyam AsthitaH 50  tAM vajraM maNiratnaughAm aSTAzriM vajragauravAm  samudyamya mahAbAhuH zalyam abhyaddravad raNe 51  gadayA yuddhakuzalas tayA dAruNanAdayA  poThayAm Asa zalyasya caturo 'zvAn mahAjavAn 52  tataH zalyo raNe kruddhaH pIne vakSasi tomaram  nicakhAna nadan vIro varma bhittvA ca so 'bhyagAt 53  vRkodaras tv asmabhrAtas tam evoddhRtya tomaram  yantAraM madrarAjasya nirbibheda tato hRdi 54  sa bhinnavarmA rudhiraM vaman vitrastamAnasaH  papAtAbhimuho dIno madrarAjas tv apAkramat 55  kRtapratikRtaM dRSTvA zalyo vismitamAnasaH  gadAm Azritya dhIrAtmA pratyamitram avaikSata 56  tataH sumanasaH pArthA bhImasenam apUjayan  tad dRSTvA karmasaMgrAme ghoram akliSTakarmaNaH   |



 |  1   [s]  patitaM prekSya yantAraM zalyaH sarvAyasIM gadAm  AdAya tarasA rAjaMs tasthau girir ivAcalaH 2  taM dIptam iva kAlAgniM pAzahastam ivAntakam  sazRGgam iva kaulAsaM savajram iva vAsavam 3  sazUlam iva haryakSaM vane mattam iva dvipam  javenAbhyapatad bhImaH pragRhya mahatIM gadAm 4  tataH zaGkhapraNAdaz ca tUryANAM ca sahasrazaH  siMhanAdaz ca saMjajJe zUrANAM harSavardhanaH 5  prekSantaH sarvatas tau hi yodhA yodhamahAdvipau  tAvakAz ca pare caiva sAdhu sAdhv ity athAbruvan 6  na hi madrAdhipAd anyo rAmAd vA yadunandanAt  soDhum utsahate vegaM bhImasenasya saMyuge 7  tathA madrAdhipasyApi gadA vegaM mahAtmanaH  soDhum utsahate nAnyo yodho yudhi vRkodarAt 8  tau vRSAv iva nardantau maNDalAni viceratuH  Avalgitau gadAhastau madrarAjavRkodarau 9  maNDalAvarta mArgeSu gadA viharaNeSu ca  nirvizeSam abhUd yuddhaM tayoH puruSasiMhayoH 10  taptahemamayaiH zubhrair babhUva bhayavardhanI  agnijvAlair ivAviddhA paTTaiH zalyasya sA gadA 11  tathaiva carato mArgAn maNDaleSu mahAtmanaH  vidyud abhrapratIkAzA bhImasya zuzubhe gadA 12  tADitA madrarAjena bhImasya gadayA gadA  dIpyamAneva vai rAjan sasRje pAvakArciSaH 13  tathA bhImena zalyasya tADitA gadayA gadA  aGgAravarSaM mumuce tad adbhutam ivAbhavat 14  dantair iva mahAnAgau zRGgair iva maharSabhau  tottrair iva tadAnyonyaM gadA grAbhyAM nijaghnatuH 15  tau gadA nihatair gAtraiH kSaNena rudhirokSitau  prekSaNIyatarAv AstAM puSpitAv iva kiMzukau 16  gadayA madrarAjena savyadakSiNam AhataH  bhImaseno mahAbAhur na cacAlAcalo yathA 17  tathA bhIma gadA vegais tADyamAno muhur muhuH  zalyo na vivyathe rAjan dantinevAhato giriH 18  zuzruve dikSu sarvAsu tayoH puruSasiMhayoH  gadA nipAtasaMhrAdo vajrayor iva nisvanaH 19  nivRtya tu mahAvIryau samucchritagadAv ubhau  punar antaramArgasthau maNDalAni viceratuH 20  athAbhyetya padAny aSTau saMnipAto 'bhavat tayoH  udyamya lohadaNDAbhyAm atimAnuSa karmaNoH 21  prArthayAnau tadAnyo 'nyaM maNDalAni viceratuH  kriyAvizeSaM kRtinau darzayAm Asatus tadA 22  athodyamya gade ghore sazRGgAv iva parvatau  tAv AjaghnAtur anyonyaM yathA bhUmicalo 'calau 23  tau parasparavegAc ca gadAbhyAM ca bhRzAhatau  yugapat petatur vIrAv ubhAv indradhvajAv iva 24  ubhayoH senayor vIrAs tadA hAhAkRto 'bhavan  bhRzaM marmaNy abhihatAv ubhAv AstAM suvihvalau 25  tataH sagadam Aropya madrANAm RSabhaM rathe  apovAha kRpaH zalyaM tUrNam AyodhanAd api 26  kSIbavad vihvalatvAt tu nimeSAt punar utthitaH  bhImaseno gadApANiH samAhvayata madrapam 27  tatas tu tAvakAH zUrA nAnAzastrasamAyutAH  nAnA vAditrazabdena pANDusenAm ayodhayan 28  bhujAv ucchritya zastraM ca zabdena mahatA tataH  abhyadravan mahArAja duryodhana purogamAH 29  tad anIkam abhiprekSya tatas te pANDunandanAH  prayayuH siMhanAdena duryodhana vadhepsayA 30  teSAm ApatatAM tUrNaM putras te bharatarSabha  prAsena cekitAnaM vai vivyAdha hRdaye bhRzam 31  sa papAta rathopasthe tava putreNa tADitaH  rudhiraughapariklinnaH pravizya vipulaM tamaH 32  cekitAnaM hataM dRSTvA pANDavAnAM mahArathAH  prasaktam abhyavarSanta zaravarSANi bhAgazaH 33  tAvakAnAm anIkeSu pANDavA jitakAzinaH  vyacaranta mahArAja prekSaNIyAH samantataH 34  kRpaz ca kRtavarmA ca saubalaz ca mahAbalaH  ayodhayan dharmarAjaM madrarAjapuraskRtAH 35  bhAradvAjasya hantAraM bhUri vIryaparAkramam  duryodhano mahArAja dhRSTadyumnam ayodhayat 36  trisAhasrA rathA rAjaMs tava putreNa coditAH  ayodhayanta vijayaM droNaputra puraskRtAH 37  vijaye dhRtasaMkAlpAH samabhityaktajIvitAH  prAvizaMs tAvakA rAjan haMsA iva mahat saraH 38  tato yuddham abhUd ghoraM parasparavadhaiSiNAm  anyonyavadhasaMyuktam anyonyaprItivardhanam 39  tasmin pravRtte saMgrAme rAjan vIravarakSaye  anileneritaM ghoram uttasthau pArthivaM rajaH 40  zravaNAn nAmadheyAnAM pANDavAnAM ca kIrtanAt  parasparaM vijAnImo ye cAyudhyann abhItavat 41  tad rajaH puruSavyAghra zoNitena prazAmitam  dizaz ca vimalA jajJus tasmin rajasi zAmite 42  tathA pravRtte saMgrAme ghorarUpe bhayAnake  tAvakAnAM pareSAM ca nAsIt kaz cit parAGmukhaH 43  brahmalokaparA bhUtvA prArthayanto jayaM yudhi  suyuddhena parAkrAntA narAH svargam abhipsavaH 44  bhartRpiNDa vimokS arthaM bhartRkAryavinizcitAH  svargasaMsaktamanaso yodhA yuyudhire tadA 45  nAnArUpANi zastrANi visRjanto mahArathAH  anyonyam abhigarjantaH praharantaH parasparam 46  hatavidhyata gRhNIta praharadhvaM nikRntata  iti sma vAcaH zrUyante tava teSAM ca vai bale 47  tataH zalyo mahArAja dharmarAjaM yudhiSThiram  vivyAdha nizitair bANair hantukAmo mahAratham 48  tasya pArtho mahArAja nArAcAn vai mahAratham  marmANy uddizya marmajJo nicakhAna hasann iva 49  taM vArya pANDavaM bANair hantukAmo mahAyazAH  vivyAdha samare kruddho bahubhiH kaGkapatribhiH 50  atha bhUyo mahArAja zareNa nataparvaNA  yudhiSThiraM samAjaghne sarvasainyasya pazyataH 51  dharmarAjo 'pi saMkruddho madrarAjaM mahAyazAH  vivyAdha nizitair bANaiH kaGkabarhiNa vAjitaiH 52  candra senaM ca saptatyA sUtaM ca navabhiH zaraiH  drumasenaM catuHSaSTyA nijaghAna mahArathaH 53  cakrarakSe hate zalyaH pANDavena mahAtmanA  nijaghAna tato rAjaMz cedIn vai paJcaviMzatim 54  sAtyakiM paJcaviMzatyA bhImasenaM ca paJcabhiH  mAdrIputrau zatenAjau vivyAdha nizitaiH zaraiH 55  evaM vicaratas tasya saMgrAme rAjasattama  saMpreSayac chitAn pArtaH zarAn AzIviSopamAn 56  dhvajAgraM cAsya samare kuntIputro yudhiSThiraH  pramukhe vartamAnasya bhallenApaharad rathAt 57  pANDuputreNa vai tasya ketuM chinnaM mahAtmanA  nipatantam apazyAma girizRGgam ivAhatam 58  dhvajaM nipatitaM dRSTvA pANDavaM ca vyavasthitam  saMkruddho madrarAjo 'bhUc charavarSaM mumoca ha 59  zalyaH sAyakavarSeNa parjanya iva vRSTimAn  abhyavarSad ameyAtmA kSatriyaM kSatriyarSabhaH 60  sAtyakiM bhImasenaM ca mAdrIputrau ca pANDavau  ekaikaM paJcabhir viddhvA yudhiSThiram apIDayat 61  tato bANamayaM jAlaM vitataM pANDavor asi  apazyAma mahArAja meghajAlam ivodgatam 62  tasyA zalyo raNe kruddho bANaiH saMnataparvabhiH  dizaH pracchAdayAm Asa pradizaz ca mahArathaH 63  tato yudhiSThiro rAjA bANajAlena pIDitaH  babhUva hRtavikrAnto jambho vRtra haNA yathA   |



  |  1   [s]  pIDite dharmarAje tu madrarAjena mAriSa  sAtyakir bhImasenaz ca mAdrIputrau ca pANDavau  parivArya rathaiH zalyAM pIDayAm Asur Ahave 2  tam ekaM bahubhir dRSTva pIDyamAnaM mahArathaiH  sAdhuvAdo mahAJ jajJe siddhAz cAsan praharSitAH  Azaryam ity abhASAnta munayaz cApi saMgatAH 3  bhImaseno raNe zalyaM zalya bhUtaM parAMkrame  ekena viddhvA bANena punar vivyAdha saptabhiH 4  sAtyakiz ca zatenainaM dharmaputra parIpsayA  madrezvaram avAkIrya siMhanAdam athAnadat 5  nakulaH paJcabhiz cainAM sahadevaz ca saptabhiH  viddhvA taM tu tatas tUrNaM punar vivyAdha saptabhiH 6  sa tu zUro raNe yattaH pIDitas tair mahArathaiH  vikRSya kArmukaM ghoraM vegaghnAM bhArasAdhanam 7  sAtyakiM paJcaviMzatyA zalyo vivyAdha mAriSA  bhImasenaM trisAptatyA nakulaM saptabhis tathA 8  tataH savizikhaM cApaM sahadevasya dhanvinaH  chittvA bhallena samare vivyAdhainaM trisaptabhiH 9  sahadevas tu samare matulaM bhUri varcasam  sajyam anyad dhanuH kRtvA paJcabhiH samatADayat  zarair AzIviSAkArair jvalaj jvalanasaMnibhaiH 10  sArathiM cAsya samare zareNAnataparvaNA  vIvyAdha bhRzasaMkruddhas taM ca bhUyas tribhiH zaraiH 11  bhImasenas trisaptatyA sAtyakir navabhiH zaraiH  dharmarAjas tathA SaSTyA gate zalyaM samarpayat 12  tataH zalyo mahArAja nirviddhas tair mahArathaiH  susrAva rudhiraM gAtrair gairikaM parvato yathA 13  tAMz ca sarvAn maheSvAsAn paJcabhiH paJcabhiH zaraiH  vivyAdha tarasA rAjaMs tad adbhutam ivAbhavat 14  tato 'pareNa bhallena dharmaputrasya mAriSa  dhAnuz ciccheda samare sAjyAM sa sumahArathaH 15  athAnyad dhanur AdAya dharmaputro mahArathaH  sAzvasUta dhvajarathaM zalyaM prAcchAdayac charaiH 16  sac chAdyamAnaH samare dharmaputrasya sAyakaiH  yudhiSThiram athAvidhyad dazabhir nizitaiH zaraiH 17  sAtyakis tu tataH kruddho dharmA putre zarArdite  madrANAm adhipaM zUraM zaraughaiH samavArayat 18  sa sAtyakeH praciccheda kSurapreNa mahad dhanuH  bhImasenamukhAMs tAMz ca tribhis tribhir atADayat 19  tasya kruddho mahArAja sAtyakiH satyavikramaH  tomaraM preSayAm Asa svarNA daNDaM mahAdhanam 20  bhImaseno 'tha nArAcaM jvalantam iva pannagam  nakulaH samare zaktiM sahadevo gadAM zubhAm  dharmarAjaH zataghnIM tu jigghAMsuH zalyam Ahave 21  tAn Apatata evAzu paJcAnAM vai bhujacyutAn  sAtyakiprahitaM zalyo bhallaiz ciccheda tomaram 22  bhImena prahitaM cApi zaraM kanakabhUSaNam  dvidhA ciccheda samare kRtahastaH pratApavAn 23  nakula preSitAM zaktiM hemadaNDAM bhayAvahAm  gadAM ca sahadevena zaraughaiH samavArayat 24  zarAhyAM ca zataghnIM tAM rAjJaz ciccheda bhArata  pazyatAM pANDuputrANAM siMhanAdaM nanAda ca  nAmRSyat taM tu zaineyaH zatror vijayam Ahave 25  athAnyad dhanur AdAya sAtyakiH krodhamUrchitaH  dvAbhyAM madrezvaraM viddhvA sArathiM ca tribhiH zaraiH 26  tataH zalyo mahArAja sarvAMs tAn dazabhiH zaraiH  vivyAdha subhRzaM kruddhas tottrair iva mahAdvipAn 27  te vAryamANAH samare madrarAjJA mahArathAH  na zekuH pramukhe sthAtuM tasya zatruniSUdanAH 28  tato duryodhano rAjA dRSTvA zalyasya vikramam  nihatAn pANDavAn mene pAJcAlAn atha sRJjayAn 29  tato rAjan mahAbAhur bhImasenaH pratApavAn  saMtyajya manasA prANAn madrAdhipam ayodhayat 30  nakulaH sahadevaz ca sAtyakiz ca mahArathaH  parivArya tadA zalyaM samantAd vyakiraJ zaraiH 31  sa caturbhir maheSvAsaiH pANDavAnAM mahArathaiH  vRtas tAn yodhayAm AsA madrarAjaH pratApavAn 32  tasya dharmasuto rAjan kSurapreNa mahAhave  cakrarakSaM jaghAnAzu madrarAjasya pArthiva 33  tasmiMs tu nihate zUre cakrarakSe mahArathe  madrarAjo 'tibalavAn sainikAn AstRNoc charaiH 34  samAcchannAMs tatas tAMs tu rAjan vIkSya sa sainikAn  cintayAm Asa samare dharmarAjo yudhiSThiraH 35  kathaM nu na bhavet satyaM tan mAdhava vaco mahat  na hi kruddho raNe rAjA kSapayeta balaM mama 36  tataH saratha nAgAzvAH pANDavAH paNDu pUrvaja  madrezvaraM samAseduH pIDayantaH samantataH 37  nAnAzastraughabahulAM zastravRSTiM samutthitAm  vyadhamat samare rAjan mahAbhrANIva mArutaH 38  tataH kanakapuGkhAM tAM zalya kSiptAM viyad gatAm  zaravRSTim apazyAma zalabhAnAm ivAtatim 39  te zarA madrarAjena preSitA raNamUrdhani  saMpatantaH sma dRzyante zalabhAnAM vrajA iva 40  madrarAjadhanur muktaiH zaraiH kanakabhUSaNaiH  nirantaram ivAkAzaM saMbabhUva janAdhipa 41  na pANDavAnAM nAsmAkaM tatra kaz cid vyadRzyata  bANAndha kAre mahati kRte tatra mahAbhaye 42  madrarAjena balinA lAghavAc charavRSTibhiH  loDyamAnaM tathA dRSTvA pANDavAnAM balArNavam  vismayaM paramaM jagmur devagandharvadAnavAH 43  sa tu tAn sarvato yattAJ zaraiH saMpIDya mAriSa  dharmarAjam avacchAdya siMhavad vyanadan muhuH 44  te channAH samare tena pANDavAnAM mahArathAH  na zekus taM tadA yuddhe pratyudyAtaM mahAratham 45  dharmarAja purogAs tu bhImasenamukhA rathAH  na jahuH samare zUraM zalyam Ahavazobhinam   |



|  1   [s]  arjuno drauNinA viddho yuddhe bahubhir AyasaiH  tasya cAnucaraiH zUrais trigartAnAM mahArathaiH  drauNiM vivyAdha samare tribhir eva zilA mukhaiH 2  tathetarAn maheSvAsAn dvAbhyAM dvAbhyAM dhanaMjayaH  bhUyaz caiva mahAbAhuH zaravarSair avAkirat 3  zarakaNTakitAs te tu tAvakA bharatarSabha  na jAhuH sAmare pArthaM vadhyamAnAH zitaiH zaraiH 4  te 'rjunaM rathavaMzena droNaputra purogamAH  ayodhayanta samare parivArya mahArathAH 5  tais tu kSiptAH zarA rAjan kArtasvaravibhUSitAH  arjunasya rathopasthaM pUrayAm Asur aJjasA 6  tathA kRSNau maheSvAsau vRSabhau sarvadhanvinAm  zarair vIkSya vitunnAGgau prahRSTau yuddhadurmadau 7  kUbaraM rathacakrANi ISA yoktrANi cAbhibho  yugaM caivAnukarSaM ca zarabhUtam abhUt tadA 8  naitAdRzaM dRSTapUrvaM rAjan naiva ca naH zrutam  yAdRzaM tatra pArthasya tAvakAH saMpracakrire 9  sa rathaH sarvato bhAti citrapuGkhaiH zitaiH zaraiH  ulkA zataiH saMpradIptaM vimAnam iva bhUtale 10  tato 'rjuno mahArAja zaraiH saMnataparvabhiH  avAkirat tAM pRtanAM megho vRSTyA yathAcalam 11  te vadhyamAnAH samare pArthA nAmAGkitaiH zaraiH  pArtha bhUtam amanyanta prekSAmANAs tathAvidham 12  tato 'dbhutazarajvAlo dhanuH zabdAnilo mahAn  senendhanaM dadAhAzu tAvakaM pArtha pAvakaH 13  cakrANAM pAtatAM caiva yugAnAM ca dharAtale  tUNIrANAM patAkAnAM dhvajAnAM ca rathaiH saha 14  ISANAm anukarSANAM triveNUnAM ca bhArata  akSANAm atha yoktrANAM pratodAnAM ca sarvazaH 15  zirasAM patatAM caiva kuNDaloSNISa dhAriNAm  bhujAnAM ca mahArAja skandhAnAM ca samantataH 16  chattrANAM vyajanaiH sArdhaM mukuTAnAM ca rAzayaH  samadRzyanta pArthasya rathamArgeSu bhArata 17  agamyarUpA pRthivI mAMsazoNitakardamA  babhUva bharatazreSTha rudrasyAkrIDanaM yathA  bhIrUNAM trAsajananI zUrANAM harSavardhanI 18  hatvA tu samare pArthaH sahasre dve paraMtapa  rathAnAM savarUthAnAM vidhUmo 'gnir iva jvalan 19  yathA hi bhagavAn agnir jagad dagdhvA carAcaram  vidhUmo dRzyate rAjaMs tathA pArtho mahArathaH 20  drauNis tu samare dRSTvA pANDavasya parAkramam  rathenAtipatAkena pANDavaM pratyavArayat 21  tAv ubhau puruSavyAghrau zvetAzvau dhanvinAM varau  samIyatus tadA tUrNaM parasparavadhaiSiNau 22  tayor AsIn mahArAja bANavarSaM sudAruNam  jImUtAnAM yathA vRSTir tapAnte bharatarSabha 23  anyonyaspardhinau tau tu zaraiH saMnataparvabhiH  tatakSatur mRdhe 'nyonyaM zRGgAbhyAM vRSabhAv iva 24  tayor yuddhaM mahArAja ciraM samam ivAbhavat  astrANAM saMgamaz caiva ghoras tatrAbhavan mahAn 25  tato 'rjunaM dvAdazabhI rukmapuGkhaiH sutejanaiH  vAsudevaM ca dazabhir drauNir vivyAdha bhArata 26  tataH prahasya bIbhatsur vyAkSipad gANDivaM dhanuH  mAnayitvA muhUrtaM ca guruputraM mahAhave 27  vyazva sUta rathaM cakre savyasAcI mahArathaH  mRdupUrvaM tataz cainaM tribhir vivyAdha sAyakaiH 28  hatAzve tu rathe tiSThan droNaputras tv ayo mayam  musalaM pANDuputrAya cikSepa parighopamam 29  tam ApatantaM sahasA hemapaTTa vibhUSitam  ciccheda saptadhA vIraH pArtaH zatrunibarhaNaH 30  sa cchinnaM musalaM dRSTvA drauNiH paramakopanaH  Adade parighaM ghoraM nagendrazikharopamam  cikSepa caiva pArthAya drauNir yuddhavizAradaH 31  tam antakam iva kruddhaM parighaM prekSya pANDavaH  arjunas tvarito jaghne paJcabhiH sAyakottamaiH 32  sa cchinnaH patito bhUmau pArtha bANair mahAhave  dArayan pRthivIndrANAM manaH zabdena bhArata 33  tato 'parais tribhir bANair drauNiM vivyAdha pANDavaH  so 'tividdho balavatA pArthena sumahAbalaH  na saMbhrAntas tadA drauNiH pauruSe sve vyavasthitaH 34  sudharmA tu tato rAjan bhAradvAjaM mahAratham  avAkirac charavrAtaiH sarvakSatrasya pazyataH 35  tatas tu suratho 'py Ajau pAJcAlAnAM mahArathaH  rathena meghaghoSeNa drauNim evAbhyadhAvata 36  vikarSan vai dhanuHzreSThaM sarvabhAra sahaM dRDham  jvalanAzIviSanibhaiH zaraiz cainam avAkirat 37  surathaM tu tataH kruddham ApatantaM mahAratham  cukopa samare drauNir daNDAhata ivoragaH 38  trizikhAM bhrukuTIM kRtvA sRkkiNI parilelihan  udvIkSya surathaM roSAd dhanurjyAm avamRjya ca  mumoca tISNaM nArAcaM yamadaNDasamadyutim 39  sa tasya hRdayaM bhittvA pravivezAtivegataH  zakrAzanir ivotsRSTA vidArya dharaNItalam 40  tatas taM patitaM bhUmau nArAcena samAhatam  vajreNeva yathA zRGgaM parvatasya mahAdhanam 41  tasmiMs tu nihate vIre droNaputraH pratApavAn  Aruroha rathaM tUrNaM tam eva rathinAM varaH 42  tataH sajjo mahArAja drauNir AhavadurmadaH  arjunaM yodhayAm Asa saMzaptaka vRto raNe 43  tatra yuddhaM mahac cAsId arjunasya paraiH saha  madhyaMdinagate sUrye yama rASTravivardhanam 44  tatrAzcaryam apazyAma dRSTvA teSAM parAkramam  yad eko yugapad vIrAn samayodhayad arjunaH 45  vimardas tu mahAn AsId arjunasya paraiH saha  zatakrator yathApUrvaM mahatyA daitya senayA   |



  |  1   [s]  duryodhano mahArAja dhRSTadyumnaz ca parSataH  cakratuH sumahad yuddhAM zarazaktisamAkulam 2  tayor Asan mahArAja zaradhArAH sahasrazaH  ambudAnAM yathAkAle jaladhArAH samantataH 3  rAjA tu pArSataM viddhvA zaraiH paJcabhir AyasaiH  droNa hantAram ugreSuH punar vivyAdha saptabhiH 4  dhRSTadyumnas tu samare balavAn dRDhavikramaH  saptatyA vizikhAnAM vai duryodhanam apIDayat 5  pIDitaM prekSya rAjAnaM sodaryA bharatarSabha  mahatyA senayA sArdhaM parivavruH sma pArSatam 6  sa taiH parivRto zUraiH sarvato 'tirathair bhRzam  vyacarat samare rAjan darzayan hastalAghavam 7  zikhaNDI kRtavarmANaM gautamaM ca mahAratham  prabhadrakaiH samAyukto yodhayAm Asa dhanvinau 8  tatrApi sumahad yuddhaM ghorarUpaM vizAM pate  prANAn saMtyajatAM yuddhe prANadyUtAbhidevane 9  zalyas tu zaravarSANi vimuJcan sarvatodizam  pANDavAn pIDayAm Asa sasAtyaki vRkodarAn 10  tathobhau ca yamau yuddhe yama tulyaparAkramau  yodhayAm Asa rAjendra vIryeNa ca balena ca 11  zalya sAyakanunnAnAM pANDavAnAM mahAmRdhe  trAtAraM nAdhyagacchanta kec cit tatra mahArathAH 12  tatas tu nakulaH zUro dharmarAje prapIDite  abhidudrAva vegena mAtulaM mAdrinandanaH 13  saMchAdya samare zalyaM nakulaH paravIrahA  vivyAdha cainaM dazabhiH smayamAnaH stanAntare 14  sarvapArazavair bANaiH karmAra parimArjitaiH  svarNapuGkhaiH zilA dhautair dhanur yantrapracoditaiH 15  zalyas tu pIDitas tena svastrIyeNa mahAtmanA  nakulaM pIDayAm Asa svasrIyeNa mahAtmanA 16  tato yudhiSThiro rAjA bhImaseno 'tha sAtyakiH  sahadevaz ca mAdreyo madrarAjam upAdravan 17  tAn Apatata evAzu pUrayAnAn rataH svanaiH  dizaz ca pradizaz caiva kampayAnAMz ca medinIm  pratijagrAha samare senApatir amitrajit 18  yudhiSThiraM tribhir viddhvA bhImasenaM ca saptabhiH  sAtyakiM ca zatenAjau sahadevaM tribhiH zaraiH 19  tatas tu sazaraM cApaM nakulasya mahAtmanaH  madrezvaraH kSurapreNa tadA ciccheda mAriSa  tad azIryata vicchinnaM dhanuH zalyasya sAyakaiH 20  athAnyad dhanur AdAya mAdrIputro mahArathaH  madrarAjarathaM tUrNaM pUrayAm Asa patribhiH 21  yudhiSThiras tu madrezaM sahadevaz ca mAriSa  dazabhir dazabhir bANair urasy enam avidhyatAm 22  bhImasenas tataH SaSTyA sAtyakir navabhiH zaraiH  madrarAjam abhidrutya jaghnatuH kaGkapatribhiH 23  madrarAjas tataH kruddhaH sAtyakiM navabhiH zaraiH  vivyAdha bhUyaH saptatyA zarANAM nataparvaNAm 24  athAsya sazaraM cApaM muSTau ciccheda mAriSa  hayAMz ca caturaH saMkhye preSayAm Asa mRtyave 25  virathaM sAtyakiM kRtvA madrarAjo mahAbalaH  vizikhAnAM zatenainam AjaghAna samantataH 26  mAdrIputrau tu saMrabdhau bhImasenaM ca pANDavam  yudhiSThiraM ca kauravya vivyAdha dazabhiH zaraiH 27  tatrAdbhutam apazyAma madrarAjasya pauruSam  yad enaM sahitAH pArthA nAbhyavartanta saMyuge 28  athAnyaM ratham AsthAya sAtyakiH satyavikramaH  pIDitAn pANDavAn dRSTvA madrarAjavazaM gatAn  abhidudrAva vegena madrANAm adhipaM balI 29  ApatantaM rathaM tasya zalyaH samitizobhanaH  pratyudyatau rathenaiva matto mattam iva dvipam 30  sa saMnipAtas tumulo babhUvAdbhutadarzanaH  sAtyakez caiva zUrasya madrANAm adhipasya ca  yAdRzo vai purAvRttaH zambarAmara rAjayoH 31  sAtyakiH prekSya samare madrarAjaM vyavasthitam  vivyAdha dazabhir bANais tiSTha tiSTheti cAbravIt 32  madrarAjas tu subhRzaM viddhas tena mahAtmanA  sAtyakimM prativivyAdha citrapuGkhaiH zitaiH zaraiH 33  tataH pArthA maheSvAsAH sAtvatAbhisRtaM nRpam  abhyadravan rathais tUrNaM mAtulaM vadhakAmyayA 34  tata AsIt parAmardas tumulaH zoNitodakaH  zUrANAM yudhyamAnAnAM siMhAnAm iva nardatAm 35  teSAm AsIn mahArAja vyatikSepaH parasparam  siMhAnAm AmiSepsUnAM kUjatAm iva saMyuge 36  teSAM bANasahasraughair AkIrNA vasudhAbhavat  antarikSaM ca sahasA bANabhUtam abhUt tadA 37  zarAndhakAraM bahudhA kRtaM tatra samantataH  abbhrac chAyeva saMjajJe zarair muktair mahAtmabhiH 38  tatra rAjaJ zarair muktair nirmuktair iva pannagaiH  svarNapuGkhaiH prakAzadbhir vyarocanta dizas tathA 39  tatrAdbhutaM paraM cakre zalyaH zatrunibarhaNaH  yad ekaH samare zUro yodhayAm Asa vai bahUn 40  madrarAjabhujotsRSTaiH kaGkabarhiNa vAjitaiH  saMpatadbhiH zarair ghorair avAkIryata medinI 41  tatra zalya rathaM rAjan vicarantaM mahAhave  apazyAma yathApUrvaM zakrasyAsurasaMkSaye   |



 |  1   [s]  tatha sainyAs tava vibho madrarAjapuraskRtAH  punar abhyadravan pArthAn vegena mahatA raNe 2  pIDitAs tAvakAH sarve pradhAvanto raNotkaTAH  kSaNenaiva ca pArthAMs te bahutvAt samaloDayan 3  te vadhyamAnAH kurubhiH pANDavA nAvatasthire  nivAryamANA bhImena pazyatoH kRSNa pArthayoH 4  tato dhanaMjayaH kruddhAH kRpaM saha padAnugaiH  avAkirac charaugheNa kRtavarmANam eva ca 5  zakuniM sahadevas tu saha sainyam avArayat  nakulaH pArzvataH sthitvA madrarAjam avaikSata 6  draupadeyA narendrAMz ca bhUyiSThaM samavArayan  droNaputraM ca pAJcAlyaH zikhANDI samavArayat 7  bhImasenas tu rAjAnaM gadApANir avArayat  zalyaM tu saha sainyena kuntIputro yudhiSThiraH 8  tataH samabhavad yuddhaM saMsaktaM tatra tatra ha  tAvakAnAM pareSAM ca saMgrAmeSv anivartinAm 9  tatra pazyAmahe karma zalyasyAtimahad raNe  yad ekaH sarvasainyAni pANDavAnAm ayudhyata 10  vyadRzyata tadA zalyo yudhiSThira samIpataH  raNe candrasamo 'bhyAze zaraiz cara iva grahaH 11  pIDayitvA tu rAjAnaM zarair AzIviSopamaiH  abhyadhAvat punar bhImaM zaravarSair avAkirat 12  tasya tal lAghavaM dRSTvA tathaiva ca kRtAstratAm  apUjayann anIkAni pareSAM tAvakAni ca 13  pIDyamAnAs tu zalyena pANDavA bhRzavikSatAH  prAdravanta raNaM hitvA krozamAne yudhiSThire 14  vadhyamAneSv anIkeSu madrarAjena pANDavaH  amarSavazam Apanno dharmarAjo yudhiSThiraH  tataH pauruSam AsthAya madrarAjam apIDayat 15  jayo vAstu vadho veti kRtabuddhir mahArathaH  samAhUyAbravIt sarvAn bhrAtRRn kRSNaM ca mAdhavam 16  bhISmo droNaz ca karNaz ca ye cAnye pRthivIkSitaH  kauravArthe parAkrAntAH saMgrAme nidhanaM gatAH 17  yathAbhAgaM yathotsAhaM bhavantaH kRtapauruSAH  bhAgo 'vaziSTa eko 'yaM mama zalyo mahArathaH 18  so 'ham adya yudhA jetum AzaMse madrakezvaram  tatra yan mAnasaM mahyaM tat sArvaM nigadAmi vaH 19  cakrarakSAv imau zUrau mama mAdravatIsutau  ajeyau vAsavenApi samare vIra saMmatau 20  sAdhv imau mAtulaM yuddhe kSatradharmapuraskRtau  madarthaM pratiyudhyetAM mAnArhau satyasaMgarau 21  mAM vA zalyo raNe hantA taM vAhaM bhadram astu vaH  iti satyAm imAM vANIM lokavIrA nibodhata 22  yotsye 'haM mAtulenAdya kSatradharmeNa pArthivAH  svayaM samabhisaMdhAya vijayAyetarAya vA 23  tasya me 'bhyadhikaM zastraM sarvopakaraNAni ca  saMyuJjantu raNe kSipraM zAstravad rathayojakAH 24  zaineyo dakSiNaM cakraM dhRSTadyumnas tathottaram  pRSThagopo bhavatv adya mama pArtho dhanaMjayaH 25  puraHsaro mamAdyAstu bhImaH zastrabhRtAM varaH  evam abhyadhikaH zalyAd bhaviSyAmi mahAmRdhe 26  evam uktAs tathA cakruH sarve rAjJaH priyaiSiNaH  tatha praharSaH sainyAnAM punar AsIt tadA nRpa 27  pAJcAlAnAM somakAnAM matsyAnAM ca vizeSataH  pratijJAM tAM ca saMgrAme dharmarAjasya pUrayan 28  tataH zaGkhAMz ca bherIz ca zatazaz caiva puSkarAn  avAdayanta pAJcAlAH siMhanAdAMz ca nedire 29  te 'bhyadhAvanta saMrabdhA madrarAjaM tarasvinaH  mahatA harSajenAtha nAdena kurupuMgavAH 30  hrAdena gajaghaNTAnAM zaGkhAnAM ninadena ca  tUryazabdena mahatA nAdayantaz ca medinIm 31  tAn pratyagRhNAt putras te madrarAjaz ca vIryavAn  mahAmeghAn iva bahUJ zailAv astodayAv ubhau 32  zalyas tu samarazlAghI dharmarAjam ariMdamam  vavarSa zaravarSeNa varSeNa maghavAn iva 33  tathaiva kururAjo 'pi pragRhya ruciraM dhanuH  droNopadezAn vividhAn darzayAno mahAmanAH 34  vavarSA zaravarSANi citraM laghu ca suSThu ca  na cAsya vivaraM kaz cid dadarza carato raNe 35  tAv ubhau vividhair bANais tatakSAte parasparam  zArdUlAv AmiSa prepSU parAkrAntAv ivAhave 36  bhImas tu tava putreNa raNazauNDena saMgataH  pAJcAlyaH sAtyakiz caiva mAdrIputrau ca pANDavau  zakunipramukhAn vIrAn pratyagRhNan samantataH 37  tad AsIt tumulaM yuddhaM punar eva jayaiSiNAm  tAvakAtAM pareSAM ca rAjan durmantrite tava 38  duryodhanas tu bhImasya zareNAnataparvaNA  cicchedAdizya saMgrAme dhvajaM hemavibhUSitam 39  sakiGkiNika jAlena mahatA cArudarzanaH  papAta ruciraH siMho bhImasenasya nAnadan 40  punaz cAsya dhanuz citraM gajarAjakaropamam  kSureNa zitadhAreNa pracakarta narAdhipaH 41  sacchinnadhanvA tejasvI rathazaktyA sutaM tava  bibhedorasi vikramya sa rathopastha Avizat 42  tasmin moham anuprApte punar eva vRkodaraH  yantur eva ziraH kAyAt kSurapreNAharat tadA 43  hatasUtA hayAs tasya ratham AdAya bhArata  vyadravanta dizo rAjan hAhAkAras tadAbhavat 44  tam abhyadhAvat trANArthaM droNaputro mahArathaH  kRpaz ca kRtavarmA ca putraM te 'bhiparIpsavaH 45  tasmin vilulite sainye trastAs tasya padAnugAH  gANDIvadhanvA visphArya dhanus tAn ahanac charaiH 46  yudhiSThiras tu madrezam abhyadhAvad amarSitaH  svayaM saMcodayann azvAn dantavarNAn manojavAn 47  tatrAdbhutam apazyAma kuntIputre yudhiSThire  purA bhUtvA mRdur dAnto yat tadA dAruNo 'bhavat 48  vivRtAkSaz ca kaunteyo vepamAnaz ca manyunA  ciccheda yodhAn nizitaiH zaraiH zatasahasrazaH 49  yAM yAM pratyudyayau senAM tAM tAM jyeSThaH sa pANDavaH  zarair apAtayad rAjan girIn vajrair ivottamaiH 50  sAzvasUta dhvajarathAn rathinaH pAtayan bahUn  AkrIDad eko balavAn pavanas toyadAn iva 51  sAzvArohAMz ca turagAn pattIMz caiva sahasrazaH  vyapothayata saMgrAme kruddho rudraH pazUn iva 52  zUnyam AyodhanaM kRtvA zaravarSaiH samantataH  abhyadravata madrezaM tiSTha zalyeti cAbravIt 53  tasya tac caritaM dRSTvA saMgrAme bhImakarmaNaH  vitresus tAvakAH sarve zalyas tv enaM samabhyayAt 54  tatas tau tu susaMrabdhau pradhmApya salilodbhavau  sAmAhUya tadAnyonyaM bhartsayantau samIyatuH 55  zalyas tu zaravarSeNa yudhiSThiram avAkirat  madrarAjaM ca kaunteyaH zaravarSair avAkirat 56  vyadRzyetAM tadA rAjan kaGkapatribhir Ahave  udbhinna rudhirau zUrau madrarAjayudhiSThirau 57  puSpitAv iva rejAte vane zalmali kiMzukA  dIpyAmAnau mahAtmAnau prANayor yuddhadurmadau 58  dRSTvA sarvANi sainyAni nAdhyavasyaMs tayor jayam  hatvA madrAdhipaM pArtho bhokSyate 'dya vasuMdharAm 59  zalyo vA pANDavaM hatvA dadyAd duryodhanAya gAm  itIva nizcayo nAbhUd yodhAnAM tatra bhArata 60  pradakSiNam abhUt sarvaM dharmarAjasya yudhyataH 61  tataH zarazataM zalyo mumocAzu yudhiSThire  dhanuz cAsya zitAgreNa bANena nirakRntata 62  so 'nyat kArmukam AdAya zalyaM zarazatais tribhiH  avidhyat kArmukaM cAsya kSureNa nirakRntata 63  athAsya nijaghAnAzvAMz caturo nataparvabhiH  dvAbhyAm atha zitAgrAbhyAm ubhau ca pArSNisArathI 64  tato 'sya dIpyamAnena pItena nizitena ca  pramukhe vartamAnasya bhallenApAharad dhvajam  tataH prabhagnaM tat sainyaM dauryodhanam ariMdama 65  tato madrAdhipaM drauNir abhyadhAvat tathA kRtam  Aropya cainaM svarathaM tvaramANaH pradudruve 66  muhUrtam iva tau gatvA nardamAne yudhiSThire  sthitvA tato madrapatir anyaM syandanam AsthitaH 67  vidhivat kalpitaM zubhraM mahAmbuda ninAdinam  sajjayantropakaraNaM dviSatAM lomaharSaNam   |



  |  1   [s]  athAnyad dhanur AdAya balavad vegavattaram  yudhiSThiraM madrapatir viddhvA siMha ivAnadat 2  tataH sa zaravarSeNa parjanya iva vRSTimAn  abhyavarSad ameyAtmA kSatriyAn kSatriyarSabhaH 3  sAtyakiM dazabhir viddhvA bhImasenaM tribhiH zaraiH  sahadevaM tribhir viddhvA yudhiSThiram apIDayat 4  tAMs tAn anyAn maheSvAsAn sAzvAn saratha kuJjarAn  kuJjarAn kuJjarArohAn azvAn azvaprayAyinaH  rathAMz ca rathibhiH sArdhaM jaghAna rathinAM varaH 5  bAhUMz ciccheda ca tathA sAyudhAn ketanAni ca  cakAra ca mahIM yodhais tIrNAM vedIM kuzair iva 6  tathA tam arisainyAni ghnantaM mRtyum ivAntakam  parivavrur bhRzaM kruddhAH pANDupAJcAla somakAH 7  taM bhImasenaz ca zinez ca naptA; mAdhryAz ca putrau puruSapravIrau  samAgataM bhImabalena rAjJA; paryApur anyonyam athAhvayantaH 8  tatas tu zUrAH samare narendraM; madrezvaraM prApya yudhAM variSTham  AvAryA cainaM samare nRvIrA; jaghnuH zaraiH patribhir ugravegaiH 9  saMrakSito bhImasenena rAjA; mAdrI sutAbhyAm atha mAdhavena  madrAdhipaM patribhir ugravegaiH; stanAntare dhArma suto nijaghne 10  tato raNe tAvakanAM rathaughAH; sAmIkSya madrAdhipatiM zarArtam  paryAvavruH pravarAH sarvazaz ca; duryodhanasyAnumate samantAt 11  tato drutaM madrajanAdhipo raNe; yudhiSThiraM saptabhir abhyavidhyat  taM cApi pArtho navabhiH pRSatkair; vivyAdha rAjaMs tumule mahAtmA 12  AkarNapUrNAyata saMprayuktaiH; zarais tadA saMyati tailadhautaiH  anyonyam AcchAdayatAM mahArathau; madrAdhipaz cApi yudhiSThiraz ca 13  tatas tu tUrNaM samare mahArathau; parasparasyAntaram IkSamANau  zarair bhRzaM vivyadhatur nRpottamau; mahAbalau zatrubhir apradhRSyau 14  tayor dhanurjyAtalanisvano mahAn; mahendravajrAzanitulyanisvanaH  parasparaM bANagaNair mahAtmanoH; pravarSator madrapa pANDuvIrayoH 15  tau ceratur vyAghrazizu prakAzau; mahAvaneSv AmiSa gRddhinAv iva  viSANinau nAgavarAv ivobhau; tatakSatuH saMyugajAtadarpau 16  tatas tu madrAdhipatir mahAtmA; yudhiSThiraM bhImabalaM prasahya  vivyAdha vIraM hRdaye 'tivegaM; zareNa sUryAgnisamaprabheNa 17  tato 'tividdho 'tha yudhiSThiro 'pi; susaMprayuktena zareNa rAjan  jaghAna madrAdhipatiM mahAtmA; mudaM ca lebhe RSabhaH kurUNAm 18  tato muhUrtAd iva pArthivendro; labdhvA saMjJAM krodhA saMraktanetraH  zatena pArthaM tvarito jaghAna; sahasranetra pratimaprabhAvaH 19  tvaraMs tato dharmasuto mahAtmA; zalyasya kruddho navabhiH pRSatkaiH  bhittvA hy uras tapanIyaM ca varma; jaghAna SaDbhis tv aparaiH pRSAtkaiH 20  tatas tu madrAdhipatiH prahRSTo; dhanur vikRSya vyasRjat pRSatkAn  dvAbhyAM kSurAbhyAM ca tathaiva rAjJaz; ciccheda cApaM kurupuMgavasya 21  navaM tato 'nyat sAmare pragRhya; rAjA dhanur ghorataraM mahAtmA  zalyaM tu viddhvA nizitaiH samantad; yathA mahendro namuciM zitAgraiH 22  tatas tu zalyo navabhiH pRSatkair; bhImasya rAjJaz ca yudhiSThirasya  nikRtya raukme paTu varmaNI tayor; vidArayAm Asa bhujau mahAtmA 23  tato 'pareNa jvalitArka tejasA; kSureNa rAjJo dhanur unmamAtha  kRpaz ca tasyaiva jaghAna sUtaM; SaDbhiH zaraiH so 'bhimukhaM papAta 24  madrAdhipaz cApi yudhiSThirasya; zaraiz caturbhir nijaghAna vAhAn  vAhAMz ca hatvA vyakaron mahAtmA; yodhakSayaM dharmasutasya rAjJaH 25  tathA kRte rAjani bhImaseno; madrAdhipasyAzu tato mahAtmA  chittvA dhanur vegavatA zareNa; dvAbhyAm avidhyat subhRzaM narendram 26  athApareNAsya jahAra yantuH; kAyAc chiraH saMnahanIyamadhyAt  jaghAna cAzvAMz caturaH sa zIghraM; tathA bhRzaM kupito bhImasenaH 27  tam agraNIH sarvadhanurdharANAm; ekaM carantaM sAmare 'tivegam  bhImaH zatena vyakirac charANAM; mAdrIputraH sahadevas tathaiva 28  taiH sAyakair mohitaM vIkSya zalyaM; bhImaH zarair asya cakarta varma  sa bhImasenena nikRttavarmA; madrAdhipaz carma sahasratAram 29  pragRhya khaDgaM ca rathAn mahAtmA; praskandya kuntIsutam abhyadhAvat  chittva ratheSAM nakulasya so 'tha; yudhiSThiraM bhImabalo 'bbhyadhAvat 30  taM cApi rAjAnam athotpatantaM; kruddhAM yathaivAntakam Apatantam  dhRSTadyumno draupadeyAH zikhaNDI; zinez ca naptA sahasA parIyuH 31  athAsya carmApratimaM nyakRntad; bhImo mahAtmA dazabhiH pRSatkaH  khaDgaM ca bhallair nicakarta muSTau; nadan prahRSTas tava sinyamadhye 32  tat karma bhImasya samIkSya hRSTAs; te pANDavAnAM pravarA rathaughAH  nAdaM ca cakrur bhRzam utsmayantaH; zaGkhAMz ca dadhmuH zazisaMnikAzAn 33  tenAtha zabdena vibhISaNena; tavAbhitaptaM balam aprahRSTam  svedAbhibhUtaM rudhirokSitAGgaM; visaMjJakalpaM ca tathA viSANNam 34  sa madrarAjaH sahasAvakIrNo; bhImAgragaiH pANDava yodhamukhyaiH  yudhiSThirasyAbhimukhaM javena; siMho yathA mRgahetoH prayAtaH 35  sa dharmarAjo nihatAzvasUtaM; krodhena dIptajvalana prakAzam  dRSTvA tu madrAdhipatiM sa tUrNaM; samabhyadhAvat tam ariM balena 36  govinda vAkyaM tvaritaM vicintya; dadhre matiM zalya vinAzanAya  sa dharmarAjo nihatAzvasUte; rathe tiSThaJ zaktim evAbhikAGkSan 37  tac cApi zalyasyA nizamya karma; mahAtmano bhagam athAvaziSTam  smRtvA mAnaH zalya vadhe yatAtmA; yathoktam indrAvarajasya cakre 38  sa dharmarAjo maNihemadaNDAM; jagrAha zaktiM kanakaprakAzAm  netre ca dIpte sahasA vivRtya; madrAdhipaM kruddhA manA niraikSat 39  nirIkSito vai naradeva rAjJA; pUtAtmanA nirhRta kalmaSeNa  abhUn na yad bhasmasAn madrarAjas; tad adbhutaM me pratibhAti rAjan 40  tatas tu zaktiM rucirogra daNDAM; maNipravalojjvalitAM pradIptAm  cikSepa vegAt subhRzaM mahAtmA; madrAdhipAya pravaraH kurUNAm 41  dIptAm athainAM mahatA balena; savisphu liGgAM sahasA patantIm  praikSanta sarve kuravaH sametA; yathA yugAnte mahatIm ivolkAm 42  tAM kAlarAtrIm iva pAzahastAM; yamasya dhatrIm iva cograrUpAm  sabrahma daNDapratimAm amoghAM; sasarja yatto yudhi dharmarAjaH 43  gandhasrag agryAsana pAnabhojanair; abhyarcitAM pANDusutaiH prayatnAt  saMvartakAgnipratimAM jvalantIM; kRtyAm atharvAGgirasIm ivogrAm 44  IzAna hetoH pratinirmitAM tAM; tvaSTA ripUNAm asudeha bhakSAm  bhUmyantarikSAdi jalAzayAni; prasahya bhUtAni nihantum IzAm 45  ghaNTA patAkA maNivajra bhAjaM; vaiDUrya citrAM tapanIyadaNDAm  tvaSTrA prayatnAn niyamena klRptAM; brahma dviSAm antakarIm amoghAm 46  balaprayatnAd adhirUDha vegAM; mantraiz ca ghorair abhimantrayitvA  sasarja mArgeNa ca tAM pareNa; vadhAya madrAdhipater tadAnIm 47  hato 'sy asAv ity abhigarjamAno; rudro 'ntakAyAnta karaM yatheSum  prasArya bAhuM sudRDhaM supANiM; krodhena nRtyann ivA dhArma rAjaH 48  tAM sarvazaktyA prahitAM sa zaktiM; yudhiSThireNAprati vArya vIryAm  pratigrahAyAbhinanarda zalyaH; samyag ghutAm agnir ivAjya dhArAm 49  sA tasya marmANi vidArya zubhram; uro vizAlaM ca tathaiva varma  viveza gAM toyam ivAprasaktA; yazo vizAlaM nRpater dahantI 50  nAsAkSi karNAsya viniHsRtena; prasyandatA ca vraNasaMbhavena  saMsikta gAtro rudhireNa so 'bhUt; krauJco yathA skanda hato mahAdriH 51  prasArya bAhU sa rathAd gato gAM; saMchinnavarmA kurunandanena  mahendra vAhapratimo mahAtmA; vajrAhataM zRGgam ivAcalasya 52  bAhU prasAryAbhimukho dharmarAjasya madrarAT  tato nipatito bhUmAv indradhvaja ivocchritaH 53  sa tathA bhinnasarvAGgo rudhireNa samukSitaH  pratyudgata iva premNA bhUmyA sA narapuMgavaH 54  priyayA kAntayA kAntaH patamAna ivorasi  ciraM bhuktvA vasumatIM priyAM kAntAm iva prabhuH  sarvair aGgaiH samAzliSya prasupta iva so 'bhavat 55  dharmye dharmAtmanA yuddhe nihato dharmasUnunA  samyag ghuta iva sviSTaH prazAnto 'gnir ivAdhvare 56  zaktyA vibhinnahRdayaM vipra viddhAyudha dhvajam  saMzAntam api madrezaM lakSmIr naiva vyamuJcata 57  tato yudhiSThiraz cApam AdAyendra dhanuSprabham  vyadhamad dviSataH saMkhye khaga rAD iva pannagAn  dehAsUn nizitair bhallai ripUNAM nAzayan kSaNAt 58  tataH prArthasya bANaughair AvRtAH sainikAs tava  nimIlitAkSAH kSiNvanto bhRzam anyonyam arditAH  saMnyastakavacA dehair vipatrAyudha jIvitAH 59  tataH zalye nipatite madrarAjAnujo yuvA  bhrAtuH sarvair guNais tulyo rathI pANDavam abhyayAt 60  vivyAdha ca narazreSTho nArAcair bahubhis tvaran  hatasyApacitiM bhrAtuz cikIrSur yuddhadurmadaH 61  taM vivyAdhAzugaiH SaDbhir dharmarAjas tvarann iva  kArmukaM cAsya ciccheda kSurAbhyAM dhvajam eva ca 62  tato 'sya dIpyamAnena sudRDhena zitena ca  pramukhe vartamAnasya bhallenApAharac chiraH 63  sukuNDalaM tad dadRze patamAnaM ziro rathAt  puNyakSayam iva prApya patantaM svargavAsinam 64  tasyApakRSTa zIrSaM tac charIraM patitaM rathAt  rudhireNAvasiktAGgaM dRSTvA sainyam abhajyata 65  vicitrakavace tasmin hate madranRpAnuje  hAhAkAraM vikurvANAH kuravo vipradudruvuH 66  zalyAnujaM hataM dRSTvA tAvakAs tyaktajIvitAH  vitresuH pANDava bhayAd rajodhvastAss tathA bhRSam 67  tAMs tathA bhajyatas trastAn kauravAn bharatarSabha  ziner naptA kiran bANair abhyavartata sAtyakiH 68  tam AyAntaM maheSvAsam aprasahyaM durAsadam  hArdikyas tvarito rAjan pratyagRhNAd abhItavat 69  tau sametau mahAtmAnau vArSNeyAv aparAjitau  hArdikyaH sAtyakiz caiva siMhAv iva madotkaTau 70  iSubhir vimalAbhAsaiz chAdayantau parasparam  arcirhir iva sUryasya divAkarasamaprabhau 71  cApamArgabaloddhUtAn mArgaNAn vRSNisiMhayoH  AkAze samapazyAma pataMgAn iva zIghragAn 72  sAtyakiM dazabhir viddhvA hayAMz cAsya tribhiH zaraiH  cApam ekena ciccheda hArdikyo nataparvaNA 73  tan nikRttaM dhanuHzreSTham apAsya zinipuMgavaH  anyad Adatta vegena vegavattaram Ayudham 74  tad AdAya dhanuHzreSThaM variSThaH sarvadhanvinAm  hArdikyaM dazabhir bANaiH pratyavidhyat stanAntare 75  tato rathaM yugeSAM ca chittvA bhallaiH susaMyataiH  azvAMs tasyAvadhIt tUrNam ubhau ca pArSNisArathI 76  madrarAje hate rAjanvirathe kRtavarmaNi  duryodhana balaM sarvaM punar AsIt parAGmukham 77  tatpare nAvabudhyanta sainyena rajasA vRte  balaM tu hatabhUyiSThaM tat tadAsIt parAGmukham 78  tato muhUrtAt te 'pazyan rajo bhaumaM samutthitam  vividhaiH zoNitasrAvaiH prazAntaM puruSarSabha 79  tato duryodhano dRSTvA bhagnaM svabalam antikAt  javenApatataH pArthAn ekaH sarvAn avArayat 80  pANDavAn sarathAn dRSTvA dhRSTadyumnaM ca pArSatam  AnartaM ca durAdharSaM zitair bANair avAkirat 81  taM pare nAbhyavartanta martyA mRtyum iv Agatam  athAnyaM ratham AsthAya hArdikyo 'pi nyavartata 82  tato yudhiSThiro rAjA tvaramANo mahArathaH  caturbhir nijaghAnAzvAn patribhiH kRtavarmaNaH  vivyAdha gautamaM cApi SaDbhir bhallaiH sutejanaiH 83  azvatthAmA tato rAjJA hatAzvaM virathI kRtam  samapovAha hArdikyaM svarathena yudhiSThirAt 84  tataH zAradvato 'STAbhiH pratyavidhyad yudhiSThiram  vivyAdha cAzvAn nizitais tasyASTAbhiH zilImukhaiH 85  evam etan mahArAja yuddhazeSam avartata  tava durmantrite rAjan sahaputrasya bhArata 86  tasmin maheSvAsa vare vizaste; saMgrAmamadhye kurupuMgavena  parthAH sametAH paramaprahRSTAH; zaGkhAn pradadhmur hatam IkSya zalyam 87  yudhiSThiraM ca prazazaMsur Ajau; purA surA vRtravadhe yathendram  cakruz ca nAnAvidha vAdya zabdAn; ninAdayanto vasudhAM samantAt   |



  |  1   [s]  zalye tu nihate rAjan madrarAjapadAnugAH  rathAH saptazatA vIrA niryayur mahato balAt 2  duryodhanas tu dviradam AruhyAcalasaMnibham  chattreNa dhriyamANena vIjyamAnaz ca cAmaraiH  na gantavyaM na gantavyam iti madrAn avArayat 3  duryodhanena te vIrA vAryamANAH punaH punaH  yudhiSThiraM jighAMsantaH pANDUnAM prAvizan balam 4  te tu zUrA mahArAja kRtacittAH sma yodhane  dhanuH zabdaM mahat kRtvA sahAyudhyanta pANDavaiH 5  zrutvA tu nihataM zalyaM dharmaputraM ca pIDitam  madrarAjapriye yuktair madrakANAM mahArathaiH 6  AjagAma tataH pArtho gANDIvaM vikSipan dhanuH  pUrayan rathaghoSeNa dizaH sarvA mahArathaH 7  tato 'rjunaz ca bhImaz ca mAdrIputrau ca pANDavau  sAtyakiz ca naravyAghro draupadeyAz ca sarvazaH 8  dhRSTadyumnaH zikhaNDI ca pAJcAlAH saha somakaiH  yudhiSThiraM parIpsantaH samantAt paryavArayan 9  te samantAt parivRtAH pANDavaiH puruSarSabhAH  kSobhayanti sma tAM senAM makarAH sAgaraM yathA 10  puro vAtena gaGgeva kSobhyamAnA mahAnadI  akSobhyata tadA rAjan pANDUnAM dhvajinI punaH 11  praskandya senAM mahatIM tyaktAtmAno mahArathAH  vRkSAn iva mahAvAtAH kampayanti sma tAvakAH 12  bahavaz cukruzus tatra kva sa rAjA yudhiSThiraH  bhrAtaro vAsya te zUrA dRzyante na ha ke cana 13  pAJcAlAnAM mahAvIryAH zikhaNDI ca mahArathaH  dhRSTadyumno 'tha zaineyo draupadeyAz ca sarvazaH 14  evaM tAn vAdinaH zUrAn draupadeyA mahArathAH  ahyaghnan yuyudhAnaz ca madrarAjapadAnugAn 15  cakrair vimathitaiH ke cit ke cic chinnair maha dhvajaiH  pratyadRzyanta samare tAvakA nihatAH paraiH 16  Alokya pANDavAn yuddhe yodhA rAjan samantataH  vAryamANA yayur vegAt tava putreNa bhArata 17  duryodhanas tu tAn vIrAn vArayAm Asa sAntvayan  na cAsya zAsanaM kaz cit tatra cakre mahArathaH 18  tato gAndhArarAjasya putraH zakunir abravIt  duryodhanaM mahArAja vacanaM vacanakSamaH 19  kiM naH saMprekSamANAnAM madrANAM hanyate balam  na yuktam etat samare tvayi tiSThati bhArata 20  sahitair nAma yoddhavyam ity eSA samayaH kRtaH  atha kasmAt parAn eva ghnato marSayase nRpa 21   [dur]  vAryamANA mayA pUrvaM naite cakrur vaco mama  ete hi nihatAH sarve praskannAH pANDuvAhinIm 22   [Sakuni]  na bhartuH zAsanaM vIrA raNe kurvanty amarSitAH  alaM kroddhuM tathaiteSAM nAyaM kAla upekSitum 23  yAmaH sarve 'tra saMbhUya savAjirathakuJjarAH  paritrAtuM maheSvAsAn madrarAjapadAnugAn 24  anyonyaM parirakSAmo yatnena mahatA nRpa  evaM sarve 'nusaMcintya prayayur yatra sainikAH 25   [s]  evam uktas tato rAjA balenA mahatA vRtaH  prayayau siMhanAdena kampayan vai vasuMdharAm 26  hatavidhyata gRhNIta praharadhvaM nikRntata  ity AsIt tumulaH zabdas tava sainyasya bhArata 27  pANDavAs tu raNe dRSTvA madrarAjapadAnugAn  sahitAn abhyavartanta gulmam AsthAya madhyamam 28  te muhUrtAd raNe vIrA hastAhastaM vizAM pate  nihatAH pratyadRzyanta madrarAjapadAnugAH 29  tato naH saMprayAtAnAM hatAmitrAs tarasvinaH  hRSTAH kilakilA zabdam akurvan sahitAH pare 30  athotthitAni ruNDAni samadRzyanta sarvazaH  papAta mahatI colkA madhyenAdhitya maNDalam 31  rathair bhagnair yugAkSaiz ca nihataiz ca mahArathaiH  azvair nipatitaiz caiva saMchannAbhUd vasuMdharA 32  vAtAyamAnais turagair yugAsaktais turaMgamaiH  adRzyanta mahArAja yodhAs tatra raNAjire 33  bhagnacakrAn rathAn ke cid avahaMs turagA raNe  rathArthaM ke cid AdAya dizo dazavibabhramuH  tatra tatra ca dRzyante yoktraiH zliSTAH sma vAjinaH 34  rathinaH patamAnAz ca vyadRzyanta narottama  gaganAt pracyutAH siddhAH puNyAnAm iva saMkSaye 35  nihateSu ca zUreSu madrarAjAnugeSu ca  asmAn Apatataz cApi dRSTvA pArtha mahArathAH 36  abhyavartanta vegena jaya gRdhrAH prahAriNaH  bANazabdaravAn kRtvA vimizrAJ zaGkhanisvanaiH 37  asmAMs tu punar AsAdya labdhalakSAH prahAriNaH  zarAsanAni dhunvAnAH siMhanAdAn pracukruzuH 38  tato hatam abhiprekSya madrarAjabalaM mahat  madrarAjaM ca samare dRSTvA zUraM nipAtitam  duryodhana balaM sarvaM punar AsIt parAGmukham 39  vadhyamAnaM mahArAja pANDavair jitakAzibhiH  dizo bhede 'tha saMbhrAntaM trAsitaM dRDhadhanvibhiH   |



 |  1   [s]  pAtite yudhi durdharSo madrarAje mahArathe  tAvakAs tava putrAz ca prAyazo vimukhAbhavan 2  vaNijo nAvi bhinnAyAM yathAgAdhe 'plave 'rNave  apAre pAram icchanto hate zUre mahAtmani 3  madrarAje mahArAja vitrastAH zaravikSatAH  anAthA nAtham icchanto mRgAH siMhArditA iva 4  vRSA yathA bhagnazRGgAH zIrNadantA gajA iva  madhyAhne pratyapAyAma nirjitA dharmasUnunA 5  na saMdhAtum anIkAni na ca rAjan parAkrame  AsId buddhir hate zalye tava yodhasya kasya cit 6  bhISme droNe ca nihate sUtaputre ca bhArata  yad duHkhaM tava yodhAnAM bhayaM cAsId vizAM pate  tadbhayaM sa ca naH zoko bhUya evAbhyavartata 7  nirazAz ca jaye tasmin hate zalye mahArathe  hatapravIrA vidhvastA vikRttAz ca zitaiH zaraiH  madrarAje hate rAjan yodhAs te prAdravan bhayAt 8  azvAn anye gajAn anye rathAn anye mahArathAH  Aruhya javasaMpannAH pAdAtAH prAdravan bhayAt 9  dvisAhasrAz ca mAtaGgA girirUpAH prahAriNaH  saMprAdravan hate zalye aGkuzAGguSTha coditAH 10  te raNAd bharatazreSTha tAvakAH prAdravan dizaH  dhAvantaz cApy adRzyanta zvasamAnAH zarAtulAH 11  tAn prabhagnAn drutAn dRSTvA hatotsAhAn parAjitAn  abhyadravanta pAJcAlAH pANDavAz ca jayaiSiNaH 12  bANazabdaravaz cApi siMhanAdaz ca puSkalaH  zaGkhazabdaz ca zUrANAM dAruNaH samapadyata 13  dRSTvA tu kauravaM sainyaM bhayatrastaM pravidrutam  anyonyaM samabhASanta pAJcAlAH pANDavaiH saha 14  adya rAjA satyadhRtir jitAmitro yudhiSThiraH  adya duryodhano hInA dIptayA nRpatizriyA 15  adya zrutvA hataM putraM dhRtarASTro janezvaraH  niHsaMjJaH patito bhUmau kilbiSaM pratipadyatAm 16  adya jAnAtu kaunteyaM samarthaM sarvadhanvinAm  adyAtmAnaM ca durmedhA garhayiSyati pApakRt  adya kSattur vacaH satyaM smaratAM bruvato hitam 17  adya prabhRti pArthAMz ca preSyabhUta upAcaran  vijAnAtu nRpo duHkhaM yat prAptaM pANDunandanaiH 18  adya kRSNasya mAhAtmyaM jAnAtu sa mahIpatiH  adyArjuna dhanur ghoSaM ghoraM jAnAtu saMyuge 19  astrANAM ca balaM sarvaM bAhvoz ca balam Ahave  adya jJAsyati bhImasya balaM ghoraM mahAtmanaH 20  hate duryodhane yuddhe zakreNevAsure maye  yatkRtaM bhImasenena duHkhAsana vadhe tadA  nAnyaH kartAsti loke tad Rte bhImaM mahAbalam 21  jAnItAm adya jyeSThasya pANDavasya parAkramam  madrarAjaM hataM zrutvA devair api suduHsaham 22  adya jJAsyati saMgrAme mAdrIputrau mahAbalau  nihate saubale zUre gAndhAreSu ca sarvazaH 23  kathaM teSAM jayo na syAd yeSAM yoddhA dhanaMjayaH  sAtyakir bhImasenaz ca dhRSTadyumnaz ca pArSataH 24  draupadyAs tanayAH paJca mAdrIputrau ca pANDavau  zikhaNDI ca maheSvAso rAjA caiva yudhiSThiraH 25  yeSAM ca jagatAM nAtho nAthaH kRSNo janArdanaH  kathaM teSAM jayo na syAd yeSAM dharmo vyapAzrayaH 26  bhISmaM droNaM ca karNaM ca madrarAjAnam eva ca  tahAnyan nRpatIn vIrAJ zatazo 'tha sahasrazaH 27  ko 'nyaH zakto raNe jetum Rte pArthaM yudhiSThiram  yasya nAtho hRSIkezaH sadA dharmayazo nidhiH 28  ity evaM vadamAnAs te harSeNa mahatA yutAH  prabhagnAMs tAvakAn rAjan sRJjayAH pRSThato 'nvayuH 29  dhanaMjayo rathAnIkam abhyavartata vIryavAn  mAdrIputrau ca zakuniM sAtyakiz ca mahArathaH 30  tAn prekSya dravataH sarvAn bhImasenabhayArditAn  duryodhanas tadA sUtam abravId utsmayann iva 31  na mAtikramate pArtho dhanuSpANim avasthitam  jaghane sarvasainyAnAM mamAzvAn pratipAdaya 32  jaghane yudhyamAnaM hi kaunteyo mAM dhanaMjayaH  notsahetAbhyatikrAntuM velAm iva mahodadhiH 33  pazya sainyaM mahat sUta pANDavaiH samabhidrutam  sainyareNuM samuddhUtaM pazyasvainaM samantataH 34  siMhanAdAMz ca bahuzaH zRNu ghorAn bhayAnakAn  tasmAd yAhi zanaiH sUta jaghanaM paripAlaya 35  mayi sthite ca samare niruddheSu ca pANDuSu  punarAvartate tUrNaM mAmakaM balam ojasA 36  tac chrutvA tava putrasya zUrAgrya sadRzaM vacaH  sArathir hemasaMchannAJ zanair azvAn acodayat 37  gajAzvarathibhir hInAs tyaktAtmAnaH padAtayaH  ekaviMzatisAhasrAH saMyugAyAvatasthire 38  nAnAdezasamudbhUtA nAna raJjita vAsasaH  avasthitAs tadA yodhAH prArthayanto mahad yazaH 39  teSAm ApatatAM tatra saMhRSTAnAM parasparam  saMmardaH sumahAJ jajJe ghorarUpo bhayAnakaH 40  bhImasenaM tadA rAjan ghRSTadyumnaM ca pArSatam  balena caturaGgeNa nAnAdezyA nyavArayan 41  bhImam evAbhyavartanta raNe 'nye tu padAtayaH  prakSveDyAsphoTya saMhRSTA vIralokaM yiyAsavaH 42  AsAdya bhImasenaM tu saMrabdhA yuddhadurmadAH  dhArtarASTrA vinedur hi nAnyAM cAkathayan kathAm  parivArya raNe bhImaM nijaghnur te samantataH 43  sa vadhyamAnaH samare padAtigaNasaMvRtaH  na cacAla rathopasthe mainAka iva parvataH 44  te tu kruddhA mahArAja pANDavasya mahAratham  nigrahItuM pracakrur hi yodhAMz cAnyAn avArayan 45  akrudhyata raNe bhImas tais tadA paryavasthitaiH  so 'vatIrya rathAt tUrNaM padAtiH samavasthitaH 46  jAtarUpaparicchannAM pragRhya mahatIM gadAm  avadhIt tAvakAn yodhAn daNDapANir ivAntakaH 47  rathAzvadvipahInAMs tu tAn bhImo gadayA balI  ekaviMzatisAhasrAn padAtIn avapothayat 48  hatvA tat puruSAnIkaM bhImaH satyaparAkramaH  dhRSTadyumnaM puraskRtya nacirAt pratyadRzyata 49  pAdAtA nihatA bhUmau zizyire rudhirokSitAH  saMbhagnA iva vAtena karNikArAH supuSpitAH 50  nAnApuSpasrajopetA nAnA kuNDaladhAriNaH  nAnA jAtyA hatAs tatra nAdA dezasamAgatAH 51  patAkAdhvajasaMchannaM padAtInAM mahad balam  nikRttaM vibabhau tatra ghorarUpaM bhayAnakam 52  yudhiSThirapurogAs tu sarvasainyamahArathAH  abhyadhAvan mahAtmAnaM putraM duryodhanaM tava 53  te sarve tAvakAn dRSTvA maheSvAsAn parAGmukhAn  nAbhyavartanta te putraM veleva makalAlayam 54  tad adbhutam apazyAma tava putrasya pauruSam  yad ekaM sahitAH pArthA na zekur ativartitum 55  nAtidUrApayAtaM tu kRtabuddhiM palAyane  duryodhanaH svakaM sainyam abravId bhRzavikSatam 56  na taM dezaM prapazyAmi pRthivyAM parvateSu vA  yatra yAtAn na vo hanyuH pANDavAH kiM sRtena vaH 57  alpaM ca balam eteSAM kRSNau ca bhRzavikSatau  yadi sarve 'tra tiSThAmo dhruvo no vijayo bhavet 58  viprayAtAMs tu vo bhinnAn pANDavAH kRtakilbiSAn  anusRtya haniSyanti zreyo naH samare sthitam 59  zRNudhvaM kSatriyAH sarve yAvantaH stha samAgatAH  yadA zUraM ca bhIruM ca mArayaty antakaH sadA  ko nu mUDho na yudhyeta puruSaH kSatriya bruvaH 60  zreyo no bhImasenasya kruddhasya pramukhe sthitam  sukhaH sAMgrAmiko mRtyuH kSatradharmeNa yudhyatAm  jitveha sukham Apnoti hataH pretya mahat phalam 61  na yuddhadharmAc chreyAn vai panthAH svargasya kauravAH  acireNa jitAm*l lokAn hato yuddhe samaznute 62  zrutvA tu vacanaM tasya pUjayitvA ca pArthivAH  punar evAnvavartanta pANDavAn AtatAyinaH 63  tAn Apatata evAzu vyUDhAnIkAH prahAriNaH  pratyudyayus tadA pArthA jaya gRdhrAH prahAriNaH 64  dhanaMjayo rathenAjAv abhyavartata vIryavAn  vizrutaM triSu lokeSu gANDIvaM vikSipan dhanuH 65  mAdrIputrau ca zakuniM sAtyakiz ca mahAbalaH  javenAbhyapatan hRSTA yato vai tAvakaM balam   |



  |  1   [s]  saMnivRtte balaughe tu zAlvo mleccha gaNAdhipaH  abhyavartata saMkruddhaH pANDUnAM sumahad balam 2  AsthAya sumahAnAgaM prabhinnaM parvatopamam  dRptam airAvata prakhyam amitragaNamardanam 3  yo 'sau mahAbhadra kulaprasUtaH; supUjito dhArtarASTreNa nityam  sukalpitaH zAstravinizcayajJaiH; sadopavAhyaH samareSu rAjan 4  tam Asthito rAjavaro babhUva; yathodayasthaH savitA kSapAnte  sa tena nAgapravareNa rAjann; abhyudyayau pANDusutAn samantAt  zitaiH pRSAtkair vidadAra cApi; mahendravajrapratimaiH sughoraiH 5  tataH zarAn vai sRjato mahAraNe; yodhAMz ca rAjan nayato yamAya  nAsyAntaraM dadRzuH sve pare vA; yathA purA vajradharasya daityAH 6  te pANDavAH somakAH sRJjayAz ca; tam eva nAgaM dadRzuH samantAt  sahasrazo vai vicarantam ekaM; yathA mahendrasya gajaM samIpe 7  saMdrAvyamANaM tu balaM pareSAM; parItakalpaM vibabhau samantAt  naivAvatasthe samare bhRzaM bhayAd; vimardamAnaM tu parasparaM tadA 8  tataH prabhagnA sahasA mahAcamUH; sA pANDavI tena narAdhipena  dizaz catasraH sahasA pradhAvitA; gajendra vegaM tam apArayantI 9  dRSTvA ca tAM vegavatA prabhagnAM; sarve tvadIyA yudhi yodhamukhyAH  apUjayaMs tatra narAdhipaM taM; dadhmuz ca zaGkhAJ zazisaMnikAzAn 10  zrutvA ninAdaM tv atha kauravANAM; harSAd vimuktaM saha zaGkhazabdaiH  senApatiH pANDava sRJjayAnAM; pAJcAla putro na mamarSa roSAt 11  tatas tu taM vai dviradaM mahAtmA; pratyudyayau tvaramANau jayAya  jambho yathA zakrasamAgame vai; nAgendram airAvaNam indra vAhyam 12  tam ApatantaM sahasA tu dRSTvA; pAJcAlarAjaM yudhi rAjasiMhaH  taM vai dvipaM preSayAm Asa tUrNaM; vadhAya rAjan drupadAtmajasya 13  sa taM dvipaM sahasAbhyApatantam; avidhyad arkapratimaiH pRSatkaiH  karmAra dhautair nizitair jvaladbhir; nArAcamukhyais tribhir ugravegaiH 14  tato 'parAn paJca zitAn mahAtmA; nArAcamukhyAn visasarja kumbhe  sa tais tu viddhaH paramadvipo raNe; tadA parAvRtya bhRzaM pradudruve 15  taM nAgarAjaM sahasA praNunnaM; vidrAvyamANaM ca nigRhya zAlvaH  tottrAGkuzaiH preSayAm Asa tUrNaM; pAJcAlarAjasya rathaM pradizya 16  dRSTvApatantaM sahasA tu nAgaM; dhRSTadyumnaH svarathAc chIghram eva  gadAM pragRhyAzu javena vIro; bhUmiM prapanno bhayavihvalAGgaH 17  sa taM rathaM hemavibhUSitAGgaM; sAzvaM sasUtaM sahasA vimRdya  utkSipya hastena tadA mahAdvipo; vipothayAm Asa vasuMdharA tale 18  pAJcAlarAjasya sutaM sa dRSTvA; tadArditaM nAgavareNa tena  tam abhyadhAvat sahasA javena; bhImaH zikhaNDI ca zinez ca naptA 19  zaraiz ca vegaM sahasA nigRhya; tasyAbhito 'bhyApatato gajasya  sa saMgRhIto rathibhir gajo vai; cacAla tair vAryamANaz ca saMkhye 20  tataH pRSatkAn pravavarSa rAjA; sUryo yathA razmijAlaM samantAt  tenAzugair vadhyamAnA rathaughAH; pradudruvus tatra tatas tu sarve 21  tat karmazAlvasya samIkSya sarve; pAJcAla matsyA nRpa sRJjayAz ca  hAhAkArair nAdayantaH sma yuddhe; dvipaM samantAd rurudhur narAgryAH 22  pAJcAlarAjas tvaritas tu zUro; gadAM pragRhyAcalazRGgakalpAm  asaMbhramaM bhArata zatrughAtI; javena viro 'nusasAra nAgam 23  tato 'tha nAgaM dharaNIdharAbhaM; madaM sravantaM jaladaprakAzam  gadAM samAvidhya bhRzaM jaghAna; pAJcAlarAjasya sutas tarasvI 24  sa bhinnakunbhaH sahasA vinadya; mukhAt prabhUtaM kSatajaM vimuJcan  papAta nAgo dharaNIdharAbhaH; kSitiprakampAc calito yathAdriH 25  nipAtyamAne tu tadA gajendre; hAhAkRte tava putrasya sainye  sa zAlvarAjasya zinipravIro; jahAra bhallena ziraH zitena 26  hRtottamAGgo yudhi sAtvatena; papAta bhUmau saha nAgarajJA  yathAdrizRGgaM sumahat praNunnaM; vajreNa devAdhipa coditena   |



 |  1   [s]  tasmiMs tu nihate zUre zAlve samitizobhane  tavAbhajyad balaM vegAd vAteneva mahAdrumaH 2  tat prabhagnaM balaM dRSTvA kRtavarmA mahArathaH  dadhAra samare zUraH zatrusainyaM mahAbalaH 3  saMnivRttAs tu te zUrA RSTvA sAtvatam Ahave  zaulopamaM sthitaM rAjan kIryamANaM zarair yudhi 4  tatha pravavRte yuddhaM kurUNAM pANDavaiH saha  nivRttAnAM mahArAja mRtyuM kRtvA nivartanam 5  tatrAzcaryam abhUd yuddhAM sAtvatasya paraiH saha  yad eko vArayAm Asa pANDusenAM durAsadAm 6  teSAm anyonyasuhRdAM kRte karmaNi duSkare  siMhanAdaH prahRSTAnAM divaH spRk sumahAn abhUt 7  tena zabdena vitrastAn pAJcAlAn bharatarSabha  ziner naptA mahAbAhur anvapadyata sAtyakiH 8  sa samAsAdya rAjAnaM kSemadhUrtiM mahAbalam  saptabhir nizitair bANair anayad yamasAdanam 9  tam AyAntaM mahAbAhuM pravapantaM zitAJ zarAn  javenAbhyapatad dhImAn hArdikyaH zinipuMgavam 10  tau siMhAv iva nardantau dhanvinau rathinAM varau  anyonyam abhyadhAvetAM zastrapravara dhAriNau 11  pANDavAH saha pAJcAlair yodhAz cAnye nRpottamAH  prekSakAH samapadyanta tayoH puruSasiMhayoH 12  nArAcair vatsadantaiz ca vRSNyandhakamahArathau  abhijaghnatur anyonyaM prahRSTAv iva kuJjarau 13  carantau vividhAn mArgAn hArdikya zinipuMgavau  muhur antardadhAte tau bANavRSTyA parasparam 14  cApavegabaloddhUtAn mArgaNAn vRSNisiMhayoH  AkAze samapazyAma pataMgAn iva zIghragAn 15  tam ekaM satyakarmANam AsAdya hRdikAtmajaH  avidhyan nizitair bANaiz caturbhiz aturo hayAn 16  sa dIrghabAhuH saMkruddhas tottrArdita iva dvipaH  aSTAbhiH kRtavarmANam avidhyat parameSubhiH 17  tataH pUrNAyatotsRSTaiH kRtavarmA zilAzitaiH  sAtyakiM tribhir Ahatya dhanur ekana cicchide 18  nikRttaM tad dhanuHzreSTham apAsya zinipuMgavaH  anyad Adatta vegena zaineyaH sazaraM dhanuH 19  tad AdAya dhanuHzreSThaM variSThaH sarvadhanvinAm  Aropya ca mahAvIryo mahAbuddhir mahAbalaH 20  amRSyamANo dhanuSaz chedanaM kRtavarmaNA  kupito 'tirathaH zIghraM kRtavarmANam abhyayAt 21  tataH sunizitair bANair dazabhiH zinipuMgavaH  jaghAna sUtam azvAMz ca dhvajaM ca kRtavarmaNaH 22  tato rAjan maheSvAsaH kRtavarmA mahArathaH  hatAzvasUtaM saMprekSya rathaM hemapariSkRtam 23  roSeNa mahatAviSTaH zUlam udyamya mAriSa  cikSepa bhujavegena jighAMsuH zinipuMgavam 24  tac chUlaM sAtvato hy Ajau nirbhidya nizitaiH zaraiH  cUrNitaM pAtayAm Asa mohayann iva mAdhavam  tato 'pareNa bhallena hRdy enaM samatADayat 25  sa yuddhe yuyudhAnena hatAzvo hatasArathiH  kRtavarmA kRtAstreNa dharaNIm anvapadyata 26  tasmin sAtyakinA vIre dvairathe virathI kRte  samapadyata sarvepSAM sainyAnAM sumahad bhayam 27  putrasya tava cAtyarthaM viSAdaH samapadyata  hatasUte hatAzve ca virathe kRtavarmaNi 28  hatAzvaM ca samAlakSya hatasUtam ariMdamam  abhyadhAvat kRpo rAjaJ jighAMsuH zinipuMgavam 29  tam Aropya rathopasthe miSatAM sarvadhanvinAm  apovAha mahAbAhus tUrNam AyodhanAd api 30  zaineye 'dhiSThite rAjan virathe kRtavarmaNi  duryodhana balaM sarvaM punar AsIt parAGmukham 31  tatpare nAvabudhyanta sainyena rajasAvRte  tAvakAH pradrutA rAjan duryodhanam Rte nRpam 32  duryodhanas tu saMprekSya bhagnaM svabalam antikAt  javenAbhyapatat tUrNaM sarvAMz caiko nyavArayat 33  pANDUMz ca sarvAn saMkruddho dhRSTadyumnaM ca pArSatam  zikhaNDinaM draupadeyAn pAJcAlAnAM ca ye gaNAH 34  kekayAn somakAMz caiva pAJcAlAMz caiva mAriSa  asaMbhramaM durAdharSaH zitair astrair avArayat 35  atiSThad Ahave yattaH putras tava mahAbalaH  yathA yajJe mahAn agnir matra pUtaH prakAzayan 36  taM pare nAbhyavartanta martyA mRtyum ivAhave  athAnyaM ratham AsthAya hArdikyaH samapadyata   |



  |  1   [s]  putras tu te mahArAja rathastho rathinAM varaH  durutsaho babhau yuddhe yathA rudraH pratApavAn 2  tasya bANasahasrais tu pracchannA hy abhavan mahI  parAMz ca siSice bANair dhArAbhir iva parvatAn 3  na ca so 'sti pumAn kazc cin pANDavAnAM mahAhave  hayo gajo ratho vApi yo 'sya bANair avikSataH 4  yaM yaM hi samare yodhaM prapazyAmi vizAM pate  sa sa bANaiz cito 'bhUd vai putreNa tava bhArata 5  yathA sainyena rajasA samuddhUtena vAhinI  pratyadRzyata saMchannA tathA bANair mahAtmanaH 6  bANabhUtAm apazyAma pRthivIM pRthivIpate  duryodhanena prakRtAM kSiprahastena dhanvinA 7  teSu yodhasahasreSu tAvakeSu pareSu ca  eko duryodhano hy AsIt pumAn iti matir mama 8  tatrAdbhutam apazyAma tava putrasya vikramam  yad ekaM sahitAH pArthA nAtyavartanta bhArata 9  yudhiSThiraM zatenAjau vivyAdha bharatarSabha  bhImasenaM ca saptatyA sahadevaM ca saptabhiH 10  nakulaM ca catuHSaSTyA dhRSTadyumnaM ca paJcabhiH  saptabhir draupadeyAMz ca tribhir vivyAdha sAtyakim  dhanuz ciccheda bhallena sahadevasya mAriSa 11  tad apAsya dhanuz chinnaM mAdrIputraH pratApavAn  abhyadhAvata rAjAnaM pragRhyAnyAn mahad dhanuH  tato duryodhanaM saMkhye vivyAdha dazabhiH zaraiH 12  nakulaz ca tato vIro rAjAnaM navabhiH zaraiH  ghorarUpair maheSvAso vivyAdha ca nanAda ca 13  sAtyakiz cApi rAjAnaM zareNAnataparvaNA  draupadeyAs trisaptatyA dharmarAjaz ca saptabhiH  azItyA bhImasenaz ca zarai rAjAnam Ardayat 14  samantAt kIryamANas tu bANasaMghair mahAtmabhiH  na cacAla mahArAja sarvasainyasya pazyataH 15  lAghavaM sauSThavaM cApi vIryaM caiva mahAtmanaH  ati sarvANi bhUtAni dadRzuH sarvamAnavAH 16  dhArtarASTrAs tu rAjendra yAtvA tu svalpam antaram  apazyamAnA rAjAnaM paryavartanta daMzitAH 17  teSAm ApatatAM ghoras tumulaH samajAyata  kSubdhasya hi samudrasya prAvRTkAle yathA nizi 18  samAsAdya raNe te tu rAjAnam aparAjitam  pratyudyayur maheSvAsAH pANDavAn AtatAyinaH 19  bhImasenaM raNe kruddhaM droNaputro nyavArayat  tato bANair mahArAja pramuktaiH sarvatodizam  nAjJAyanta raNe vIrA na dizaH pradizas tathA 20  tAv ubhau krUrakarmANAv ubhau bhArata duHsahau  ghorarUpam ayudhyetAM kRtapratikRtaiSiNau  trAsayantau jagat sarvaM jyA kSepa vihatatvacau 21  zakunis tu raNe vIro yudhiSThiram apIDayat  tasyAzvAMz caturo hatvA subalasya suto vibhuH  nAdaM cakAra balavAn sarvasainyAni kampayan 22  etasminn antare vIraM rAjAnam aparAjitam  apovAha rathenAjau sahadevaH pratApavAn 23  athAnyaM ratham AsthAya dharmarAjo yudhiSThiraH  zakuniM navabhir viddhvA punar vivyAdha paJcabhiH  nanAda ca mahAnAdaM pravaraH sarvadhanvinAm 24  tad yuddham abhavac citraM ghorarUpaM ca mAriSa  IkSitRprItijananaM siddhacAraNasevitam 25  ulUkas tu maheSvAsaM nakulaM yuddhadurmadam  abhyadravad ameyAtmA zaravarSaiH samantataH 26  tathaiva nakulaH zUraH saubalasya sutaM raNe  zaravarSeNa mahatA samantAt paryavArayat 27  tau tatra samare vIrau kulaputrau mahArathau  yodhayantAv apazyetAM parasparakRtAgasau 28  tathaiva kRtavarmA tu zaineyaM zatrutApanam  yodhayaJ zuzubhe rAjan balaM zakra ivAhave 29  duryodhano dhanuz chittvA dhRSTadyumnasya saMyuge  athainaM chinnadhanvAnaM vivyAdha nizitaiH zaraiH 30  dhRSTadyumno 'pi samare pragRhya paramAyudham  rAjAnaM yodhayAm Asa pazyatAM sarvadhanvinAm 31  tayor yuddhaM mahac cAsIt saMgrAme bharatarSabha  prabhinnayor yathA saktaM mattayor varahastinoH 32  gautamas tu raNe kruddho draupadeyAn mahAbalAn  vivyAdha bahubhiH zUraH zaraiH saMnataparvabhiH 33  tasya tair abhavad yuddham indriyair iva dehinaH  ghora rUpam asaMvAryaM nirmaryAdam atIva ca 34  te ca taM pIDayAm Asur indriyANIva bAlizam  sa ca tAn pratisaMrabdhaH pratyayodhayad Ahave 35  evaM citram abhUd yuddhaM tasya taiH saha bhArata  utthAyotthAya hi yathA dehinAm indriyair vibho 36  narAz caiva naraiH sArdhaM dantino dantibhis tathA  hayA hayaiH samAsaktA rathino rathibhis tathA  saMkulaM cAbhavad bhUyo ghorarUpaM vizAM pate 37  idaM citram idaM ghoram idaM raudram iti prabho  yuddhAny Asna mahArAja ghorANi ca bahUni ca 38  te samAsAdya samare parasparam ariMdamAH  vivyadhuz caiva jaghnuz ca samAsAdya mahAhave 39  teSAM zatra samudbhUtaM rajas tIvram adRzyata  pravAtenoddhataM rAjan dhAvadbhiz cAzvasAdibhiH 40  rathanemi samudbhUtaM niHzvAsaiz cApidantinAm  rajaH saMdhyAbhrakapilaM divAkarapathaM yayau 41  rajasA tena saMpRkte bhAskare niSprabhI kRte  saMchAditAbhavad bhUmiste ca zUrA mahArathAH 42  muhUrtAd iva saMvRttaM nIrajaskaM samantatha  vIra zoNitasiktAyAM bhUmau bharatasattama  upAzAmyat tatas tIvraM tad rajo ghoradarzanam 43  tato 'pazyaM mahArAja dvaMdva yuddhAni bhArata  yathA pragryaM yathA jyeSThaM madhyAhne vai sudAruNe  varmaNAM tatra rAjendra vyadRzyantojjvalAH prabhAH 44  zabdaH sutumulaH saMkhye zarANAM patatAm abhUt  mahAveNuvanasyeva dahyamAnasya sarvataH   |



 |  1   [s]  vartamAne tathA yuddhe ghorarUpe bhayAnake  abhajyata balaM tatra tava putrasya pANDavaiH 2  tAMs tu yatnena mahatA saMnivArya mahArathAn  putras te yodhayAm Asa pANDavAnAm anIkinIm 3  nivRttAH sahasA yodhAs tava putra priyaiSiNaH  saMnivRtteSu teSv evaM yuddham AsIt sudAruNam 4  tAvakAnAM pareSAM ca devAsuraraNopamam  pareSAM tava sainye ca nAsIt kaz cit parAGmukhaH 5  anumAnena yudhyante saMjJAbhiz ca parasparam  teSAM kSayo mahAn AsId yudhyatAm itaretaram 6  tato yudhiSThiro rAjA krodhena mahatA yutaH  jigISamANaH saMgrAme dhArtarASTrAn sarAjakAn 7  tribhiH zAradvataM viddhvA rukmapuGkhaiH zilAzitaiH  caturbhir nijaghAnAzvAn kalyANAn kRtavarmaNaH 8  azvatthAmA tu hArdikyam apovAha yazasvinam  atha zAradvato 'STAbhiH pratyavidhyad yudhiSThiram 9  tato duryodhano rAjA rathAn saptazatAn raNe  preSayad yatra rAjAsau dharmaputro yudhiSThiraH 10  te rathA rathibhir yuktA manomArutaraMhasaH  abhyadravanta saMgrAme kaunteyasya rathaM prati 11  te samantAn mahArAja parivArya yudhiSThiram  adRzyaM sAyakaiz cakrur meghA iva divAkaram 12  nAmRSyanta susaMrabdhAH zikhaNDipramukhA rathAH  rathair agryajavair yuktaiH kiGkiNIjAlasaMvRtaiH  Ajagmur abhirakSantaH kuntIputraM yudhiSThiram 13  tathA pravavRte raudraH saMgrAmaH zoNitodakaH  pANDavAnAM kurUNAM ca yama rASTravivardhanaH 14  rathAn saptazatAn hatvA kurUNAm AtatAyinAm  pANDavAH saha pAJcAlaiH punar evAbhyavArayan 15  tatra yuddhaM mahac cAsIt tava putrasya pANDavaiH  na ca nas tAdRzaM dRSTaM naiva cApi parizrutam 16  vartamAne tathA yuddhe nirmaryAde samantataH  vadhyamAneSu yodheSu tAvakeSv itareSu ca 17  ninadatsu ca yodheSu zaGkhavaryaiz ca pUritaiH  utkRSTaiH siMhanAdaiz ca garjitena ca dhanvinAm 18  atipravRddhe yuddhe ca chidyamAneSu marmasu  dhAvamAneSu yodheSu jaya gRddhiSu mAriSa 19  saMhAre sarvato jAte pRthivyAM zokasaMbhave  bahvInAm uttamastrINAM sImantoddharaNe tathA 20  nirmaryAde tathA yuddhe vartamAne sudAruNe  prAdurAsan vinAzAya tadotpAtAH sudAruNAH  cacAla zabdaM kurvANA saparvatavanA mahI 21  sadaNDAH solmukA rAjaJ zIryamANAH samantataH  ulkAH petur divo bhUmAv Ahatya ravimaNDalam 22  viSvag vAtAH prAdurAsan nIcaiH zarkara varSiNaH  azrUNi mumucur nAgA vepathuz cAspRzad bhRzam 23  etAn ghorAn anAdRtya samutpAtAn sudAruNAn  punar yuddhAya saMmantrya kSatriyAs tasthur avyathAH  ramaNIye kurukSetre puNye svargaM yiyAsavaH 24  tato gAndhArarAjasya putraH zakunir abravIt  yudhyadhvam agrato yAvat pRSThato hanmi pANDavAn 25  tato naH saMprayAtAnAM madrayodhAs tarasvinaH  hRSTAH kilakilA zabdam akurvantApare tathA 26  asmAMs tu punar AsAdya labdhalakSA durAsadAH  zarAsanAni dhunvantaH zaravarSair avAkiran 27  tato hataM parais tatra madrarAjabalaM tadA  duryodhana balaM dRSTvA punar AsIt parAGmukham 28  gAndhArarAjas tu punar vAkyam Aha tato balI  nivartadhvam adharmajJA yudhyadhvaM kiM sRtena vaH 29  anIkaM dazasAhasram azvAnAM bharatarSabha  AsId gAndhArarAjasya vimalaprAsayodhinAm 30  balena tena vikramya vartamAne janakSaye  pRSThataH pANDavAnIkam abhyaghnan nizitaiH zaraiH 31  tad abhram iva vAtena kSipyamANaM samantataH  abhajyata mahArAja pANDUnAM sumahad balam 32  tato yudhiSThiraH prekSya bhagnaM svabalam antikAt  abhyacodayad avyagraH sahadevaM mahAbalam 33  asau subala putro no jaghanaM pIDya daMzitaH  senAM nisUdayanty eSa pazya pANDava durmatim 34  gaccha tvaM draupadeyAz ca zakuniM saubalaM jahi  rathAnIkam ahaM rakSye pAJcAla sahito 'nagha 35  gacchantu kuJjarAH sarve vAjinaz ca saha tvayA  pAdAtAz ca trisAhasrAH zakuniM saubalaM jahi 36  tato gajAH saptazatAz cApapANibhir AsthitAH  paJca cAzvasahasrANi sahadevaz ca vIryavAn 37  pAdAtAz ca trisAhasrA draupadeyAz ca sarvazaH  raNe hy abhyadravaMs te tu zakuniM yuddhadurmadam 38  tatas tu saubalo rAjann abbhyatikramya pANDavAn  jaghAna pRSThataH senAM jaya ghRdhraH pratApavAn 39  azvArohAs tu saMrabdhAH pANDavAnAM tarasvinAm  prAvizan saubalAnIkam abhyatikramya tAn rathAn 40  te tatra sadinaH zUrAH saubalasya mahad balam  gamamadhye 'vatiSThantaH zaravarSair avAkiran 41  tad udyatagadA prAsam akApuruSa sevitam  prAvartata mahad yuddhaM rAjan durmantrite tava 42  upAramanta jyAzabdAH prekSakA rathino 'bhavan  na hi sveSAM pareSAM vA vizeSaH pratyadRzyata 43  zUra bAhuvisRSTAnAM zaktInAM bharatarSabha  jyotiSAm iva saMpAtam apazyan kurupANDavAH 44  RSTibhir vimalAhiz ca tatra tatra vizAM pate  saMpatantIbhir AkAzam AvRtaM bahv azobhata 45  prAsAnAmpatatAM rAjan rUpam AsIt samantataH  zalabhAnAm ivAkAze tadA bharatasattama 46  rudhirokSitasarvAGgA vipraviddhair niyantRbhiH  hayAH paripatanti sma zatazo 'tha sahasrazaH 47  anyonyaparipiSTAz ca samAsAdya parasparam  avikSatAH sma dRzyante vamanto rudhiraM mukhaiH 48  tato 'bhavat tamo ghoraM sainyena rajasA vRte  tAn apAkramato 'drAkSaM tasmAd dezAd ariMdamAn  azvAn rAjan manuSyAMz ca rajasA saMvRte sati 49  bhUmau nipatitAz cAnye vamanto rudhiraM bahu  kezA kezi samAlagnA na zekuz ceSTituM janAH 50  anyonyam azvapRSThebhyo vikarSanto mahAbalAH  mallA iva samAsAdya nijaghnur itaretaram  azvaiz ca vyapakRSyanta vahavo 'tra gatAsavaH 51  bhUmau nipatitaz cAnye bahavo vijayaiSiNaH  tatra tatra vyadRzyanta puruSAH zUramAninaH 52  raktokSitaiz chinnabhujair apakRSTa ziroruhaiH  vyadRzyata mahI kIrNA zatazo 'tha sahasrazaH 53  dUraM na zakyaM tatrAsId gantum azvena kena cit  sAzvArohair hatair azvair AvRte vasudhAtale 54  rudhirokSita saMnAhair Attazastrair udAyudhaiH  nAnApraharaNair ghoraiH parasparavadhaiSibhiH  susaMnikRSTaiH saMgrAme hatabhUyiSTha sainikaiH 55  sa muhUrtaM tato yuddhvA saubalo 'tha vizAM pate  SaT sahasrair hayaiH ziSTair apAyAc chakunis tataH 56  tathaiva pANDavAnIkaM rudhireNa samukSitam  SaT sahasrair hayaiH ziSTair apAyAc chrAntavAhanam 57  azvArohAs tu pANDUnAm abruvan rudhirokSitAH  susaMnikRSTAH saMgrAme bhUyiSThaM tyaktajIvitAH 58  neha zakyaM rathair yoddhuM kuta eva mahAgajaiH  rathanaiva rathA yAntu kuJjarAH kuJjarAn api 59  pratiyAto hi zakuniH svam anIkam avasthitaH  na punaH saubalo rAjA yuddham abhyAgamiSyati 60  tatas tu draupadeyAz ca te ca mattA mahAdvipAH  prayayur yatra pAJcAlyo dhRSTadyumno mahArathaH 61  sahadevo 'pi kauravya rajomeghe samutthite  ekAkI prayayau tatra yatra rAjA yudhiSThiraH 62  tatas teSu prayAteSu zakuniH saubalaH punaH  pArzvato 'bhyahanat kruddho dhRSTadyumnasya vAhinIm 63  tat punas tumulaM yuddhaM prANAMs tyaktvAbhyavartata  tAvakAnAM pareSAM ca parasparavadhaiSiNAm 64  te hy anyonyam avekSanta tasmin vIra samAgame  yodhAH paryapatan rAjaJ zatazo 'tha sahasrazaH 65  asibhiz chidyamAnAnAM zirasAM lokasaMkSaye  prAdurAsIn mahAzabdas tAlAnAM patatAm iva 66  vimuktAnAM zarIrANAM bhinnAnAM patatAM bhuvi  sAyudhAnAM ca bAhUnAm urUNAM ca vizAM pate  AsIt kaTakaTA zabdaH sumahAm*l lomaharSaNaH 67  nighnanto nizitaiH zastrair bhrAtRRn putrAn sakhIn api  yodhAH paripatanti sma yathAmiSa kRte khagAH 68  anyonyaM pratisaMrabdhAH samAsAdya parasparam  ahaM pUrvam ahaM pUrvam iti nyaghnan sahasrazaH 69  saMghAtair AsanabhraSTair azvArohair gatAsubhiH  hayAH paripatanti sma zatazo 'tha sahasrazaH 70  sphuratAM pratipiSTAnAm azvAnAM zIghrasAriNAm  stanatAM ca manuSyANAM saMnaddhAnAM vizAM pate 71  zaktyRSTi prAsazabdaz ca tumulaH samajAyata  bhindatAM paramarmANi rAjan durmantrite tava 72  zramAbhibhUtAH saMrabdhAH zrAntavAhAH pipAsitAH  vikSatAz ca zitaiH zastrair abhyavartanta tAvakAH 73  mattA rudhiragandhena bahavo 'tra vicetasaH  jaghnuH parAn svakAMz caiva prAptAn prAptAn anantarAn 74  bahavaz ca gataprANAH kSatriyA jaya gRddhinaH  bhUmAv abhyapatan rAjaJ zaravRSTibhir AvRtAH 75  vRkagRdhrazRgAlAnAM tumule modane 'hani  AsId balakSayo ghoras tava putrasya pazyataH 76  nar azvakAyasaMchannA bhUmir AsId vizAM pate  rudhiraudaka citrA ca bhIrUNAM bhayavardhinI 77  asibhiH paTTizaiH zUrais takSamANAH punaH punaH  tAvakAH pANDavAz caiva nAbhyavartanta bhArata 78  praharanto yathAzakti yAvat prANasya dhAraNam  yodhAH paripatanti sma vamanto rudhiraM vraNaiH 79  ziro gRhItvA kezeSu kabandhaH samadRzyata  udyamya nizitaM khaDgaM rudhireNa samukSitam 80  athotthiteSu bahuSu kabandheSu janAdhipa  tathA rudhiragandhena yodhAH kazmalam Avizan 81  mandI bhUte tataH zabde pANDavAnAM mahad balam  alpAvaziSTais turagair abhyavartata saubalaH 82  tato 'bhyadhAvaMs tvaritAH pANDavA jaya gRddhinaH  padAtayaz ca nAgAz ca sAdinaz codyatAyudhAH 83  koSTakI kRtyacApy enaM parikSipya ca sarvazaH  zastrair nAnAvidhair jaghnur yuddhapAraM titIrSavaH 84  tvadIyAs tAMs tu saMprekSya sarvataH samabhidrutAn  sAzvapattidviparathAH pANDavAn abhidudruvuH 85  ke cit padAtayaH padbhir muSTibhiz ca parasparam  nijaghnuH samare zUrAH kSINazastrAs tato 'patan 86  rathebhyo rathinaH petur dvipebhyo hastisAdinaH  vimAnebhya iva bhraSTAH siddhAH puNyakSayAd yathA 87  evam anyonyam AyastA yodhA jaghnur mahAmRdhe  pitRRn bhrAtRRn vayasyAMz ca putrAn api tathApare 88  evam AsId amaryAdaM yuddhaM bharatasattama  prAsAsibANakalile vartamAne sudAruNe   |

 

  |  1   [s]  tasmiJ zabde mRdau jAte pANDavair nihate bale  azvaiH saptazataiH ziSTair upAvartata saubalaH 2  sa yAtvA vAhinIM tUrNam abravIt tvarayan yudhi  yudhyadhvam iti saMhRSTAH punaH punar ariMdamaH  apRcchat kSatriyAMs tatra kva nu rAjA mahArathaH 3  zakunes tu vacaH zrutvA ta Ucur bharatarSabha  asau tiSThati kauravyo raNamadhye mahArathaH 4  yatraitat sumahac chastraM pUrNacandra samaprabham  yatraite satala trANA rathAs tiSThanti daMzitAH 5  yatraiSa zabdas tumulaH parjanyaninadopamaH  tatra gaccha drutaM rAjaMs tato drakSyasi kauravam 6  evam uktas tu taiH zUraiH zakuniH saubalas tadA  prayayau tatra yatrAsau putras tava narAdhipa  sarvataH saMvRto vIraiH samareSv anivartibhiH 7  tato duryodhanaM dRSTvA rathAnIke vyavasthitam  sarathAMs tAvakAn sarvAn harSayaJ zakunis tataH 8  duryodhanam idaM vAkyaM hRSTarUpo vizAM pate  kRtakAryam ivAtmAnaM manyamAno 'bravIn nRpam 9  jahi rAjan rathAnIkam azvAH sarve jitA mayA  nAtyaktvA jIvitaM saMkhye zakyo jetuM yudhiSThiraH 10  hate tasmin rathAnIke pANDavenAbhipAlite  gajAn etAn haniSyAmaH padAtIMz cetarAMs tathA 11  zrutvA tu vacanaM tasya tAvakA jayagRddhinaH  javenAbhyapatan hRSTAH pANaDvAnAm anIkinIm 12  sarve vivRtatUNIrAH pragRhItazarAsanAH  zarAsanAni dhunvAnAH siMhanAdaM pracakrire 13  tato jyAtalanirghoSaH punar AsId vizAM pate  prAdurAsIc charANAM ca sumuktAnAM sudAruNaH 14  tAn samIpagatAn dRSTvA javenodyata kArmukAn  uvAca devakIputraM kuntIputro dhanaMjayaH 15  codayAzvAn asaMbhrAntaH pravizaitad balArNavam  antam adya gamiSyAmi zatrUNAM nizitaiH zaraiH 16  aSTAdaza dinAny adya yuddhasyAsya janArdana  vartamAnasya mahataH samAsadya parasparam 17  ananta kalpA dhvajinI bhUtvA hy eSAM mahAtmanAm  kSayam adya gatA yuddhe pazya daivaM yathAvidham 18  samudrakalpaM tu balaM dhArtarASTrasya mAdhava  asmAn AsAdya saMjAtma goSpadopamam acyuta 19  hate bhISme ca saMdadhyAc chivaM syAd iha mAdhava  na ca tat kRtavAn mUDho dhArtarASTraH subAlizaH 20  uktaM bhISmeNa yad vAkyaM hitaM pathyaM ca mAdhava  tac cApi nAsau kRtavAn vItabuddhiH suyodhanaH 21  tasmiMs tu patite bhISme pracyute pRthivItale  na jAne kAraNaM kiM nu yena yuddham avartata 22  mUDhAMs tu sarvathA manye dhArtarASTrAn subAlizAn  patite zaMtanoH putre ye 'kArSuH saMyugaM punaH 23  anantaraM ca nihate droNe brahma vidAM vare  rAdheye ca vikarNe ca naivAzAmyata vaizasam 24  alpAvaziSTe sainye 'smin sUtaputre ca pAtite  saputre vai naravyAghre naivAzAmyata vaizasam 25  zrutAyuSi hate zUre jalasaMdhe ca paurave  zrutAyudhe ca nRpatau naivAzAmyata vaizasam 26  bhUrizravasi zalye ca zAlve caiva janArdana  AvantyeSu ca vIreSu naivAzAmyata vaizasam 27  jayadrathe ca nihate rAkSase cApy alAyudhe  bAhlike somadatte ca naivAzAmyata vaizasam 28  bhagadatte hate zUre kAmboje ca sudakSiNe  duHzAsane ca nihate naivAzAmyata vaizasam 29  dRSTvA ca nihatAJ zUrAn pRthan mANDalikAn nRpAn  balinaz ca raNe kRSNa naivAzAmyata vaizasam 30  akSauhiNIpatIn dRSTvA bhImasenena pAtitAn  mohAd vA yadi vA lobhAn naivAzAmyata vaizasam 31  ko nu rAjakule jAtaH kauraveyo vizeSataH  nirarthakaM mahad vairaM kuryAd anyaH suyodhanAt 32  guNato 'bhyadhikaM jJatvA balataH zauryato 'pi vA  amUDhaH ko nu yudhyeta janAn prAjJo hitAhitam 33  yan na tasya mano hy AsIt tvayoktasya hitaM vacaH  prazame pANDavaiH sArdhaM so 'nyasya zRNuyAt katham 34  yena zAMtanavo bhISmo droNo vidura eva ca  pratyAkhyAtAH zamasyArthe kiM nu tasyAdya bheSajam 35  maurkhyAdyena pitA vRddhaH pratyAkhyAto janArdana  tathA mAtA hitaM vAkyaM bhASamANA hitaiSiNI  pratyAkhyAtA hy asatkRtya sa kasmai rocayed vacaH 36  kulAntaka raNo vyaktaM jAta eSa janArdana  tathAsya dRzyate ceSTA nItiz caiva vizAM pate  naiSa dAsyati no rAjyam iti me matir acyuta 37  ukto 'haM bahuzas tAta vidureNa mahAtmanA  na jIvan dAsyate bhAgaM dhArtarASTraH kathaM cana 38  yAvat prANA dhamiSyanti dhArtarASTrasya mAnada  tAvad yuSmAsv apApeSu pracariSyati pAtakam 39  na sa yukto 'nyathA jetum Rte vRddhena mAdhava  ity abravIt sadA mAM hi viduraH satyadarzanaH 40  tat sarvam adya jAnAmi vyavasAyaM durAtmanaH  yad uktaM vacanaM tena vidureNa mahAtmanA 41  yo hi zrutvA vacaH pathyaM jAmadagnyAd yathAtatham  avAmanyata durbuddhir dhruvaM nAza mukhe sthitaH 42  uktaM hi bahubhiH siddhair jAtamAtre suyodhane  enaM prApya durAtmAnaM kSayaM kSatraM gamiSyati 43  tad idaM vacanaM teSAM niruktaM vai janArdana  kSayaM yAtA hi rAjAno duryodhanakRte bhRzam 44  so 'dya sarvAn raNe yodhAn nihaniSyAmi mAdhava  kSatriyeSu hateSv Azu zUnye ca zibire kRte 45  vadhAya cAtmano 'smAbhiH saMyugaM rocayiSyati  tad antaM hi bhaved vairam anumAnena mAdhava 46  evaM pazyAmi vArSNeya cintayan prajJayA svayA  vidurasya ca vAkyena ceSTayA ca durAtmanaH 47  saMyAhi bharatIM vIra yAvaddhanmi zitaiH zaraiH  duryodhanaM durAtmAnaM vAhinIM cAsya saMyuge 48  kSemam adya kariSyAmi dharmarAjasya mAdhava  hatvaitad durbalaM sainyaM dhArtarASTrasya pazyataH 49   [s]  abhIzu hasto dAzArhas tathoktaH savyasAcinA  tad balaugham amitrANAm abhItaH prAvizad raNe 50  zarAsanavaraM ghoraM zaktikaNTaka saMvRtam  gadAparighapanthAnaM rathanAgamahAdrumam 51  hayapattilatAkIrNaM gAhamAno mahAyazAH  vyaccarat tatra govindo rathenAtipatAkinA 52  te hayAH pANDurA rAjan vahanto 'rjunam Ahave  diSku sarvAsv adRzyanta dAzArheNa pracoditAH 53  tataH prAyAd rathenAjau savyasAcI paraMtapaH  kiraJ zarazatAMs tIkSNAn vAridhArA ivAmbudaH 54  prAdurAsIn mahAJ zabdaH zarANAM nataparvaNAm  iSubhiz chAdyamAnAnAM samare savyasAcinA 55  asajjantas tanutreSu zaraughAH prApatan bhuvi  indrAzanisamasparzA gANDIvapreSitAH zarAH 56  narAn nAgAn samAhatya hayAMz cApi vizAM pate  apatanta raNe bANAH pataMgA iva ghoSiNaH 57  AsIt sarvam avacchannaM gANDIvapreSitaiH zaraiH  na prAjJAyanta samare dizo vA pradizo 'pi vA 58  sarvam AsIj jagat pUrNaM pArtha nAmAGkitaiH zaraiH  rukmapuGkhais tailadhautaiH karmAra parimArjitaiH 59  te dahyamAnAH pArthena pAvakeneva kuJjarAH  samAsIdanta kauravyA vadhyamAnAH zitaiH zaraiH 60  zaracApa dharaH pArthaH prajvajann iva bhArata  dadAha samare yodhAn kakSam agnir iva jvalan 61  yathA vanAnte vanapair visRSTaH; kakSaM dahet kRSNa gatiH saghoSaH  bhUri drumaM zuSkalatA vitAnaM; bhRzaM samRddho jvalanaH pratApI 62  evaM sa nArAcagaNapratApI; zarArcir uccAvacatigmatejAH  dadAha sarvAM tava putra senAm; amRSyamANas tarasA tarasvI 63  tasyeSavaH prANaharAH sumuktA; nAsajjan vai varmasu rukmapuGkhAH  na ca dvitIyaM pramumoca bANaM; nare haye vA paramadvipe vA 64  anekarUpAkRtibhir hi bANair; mahArathAnIkam anupravizya  sa eva ekas tava putra senAM; jaghAna daityAn iva vajrapANiH   |



  |  1   [s]  asyatAM yatamAnAnAM zUrANAm anivartinAm  saMkalpam akaron moghaM gANDIvena dhanaMjayaH 2  indrAzanisamasparzAn aviSahyAn mahaujasaH  visRjan dRzyate bANAn dhArA muJcann ivAmbudaH 3  tat sainyaM bharatazreSTha vadhyamAnaM kirItTinA  saMpradudrAva saMgrAmAt tava putrasya pazyataH 4  hatadhuryA rathAH kecid dhatasUtAs tathApare  bhagnAkSayugacakreSAH ke cid Asan vizAM pate 5  anyeSAM sAyakAH kSINAs tathAnye zarapIDitAH  akSatA yugapat ke cit prAdravan bhayapIDitAH 6  ke cit putrAn upAdAya hatabhUyiSTha vAhanAH  vicukruzuH pitRRn anye sahAyAn apare punaH 7  bAndhavAMz ca naravyAghra bhrAtRRn saMbandhinas tathA  dudruvuH ke cid utsRjya tatra tatra vizAM pate 8  bahavo 'tra bhRzaM viddhA muhyamAnA mahArathAH  niSTanantaH sma dRzyante pArtha bANahatA narAH 9  tAn anye ratham Aropya samAzvAsya muhUrtakam  vizrAntAz ca vitRSNAz ca punar yuddhAya jagmire 10  tAn apAsya gatAH ke cit punar eva yuyutsavaH  kurvantas tava putrasya zAsanaM yuddhadurmadAH 11  pAnIyam apare pItvA paryAzvAsya ca vAhanam  varmANi ca samAropya ke cid bharatasattama 12  samAzvAsyApare bhrAtRRn nikSipya zibire 'pi ca  putrAn anye pitRRn anye punar yuddham arocayan 13  sajjayitvA rathAn ke cid yathAmukhyaM vizAM pate  Aplutya pANDavAnIkaM punar yuddham arocayan 14  te zUrAH kiGkiNIjAlaiH samAcchannA babhAsire  trailokyavijaye yuktA yathA daiteya dAnavAH 15  Agamya sahasA ke cid rathaiH svarNavibhUSitaiH  pANDavAnAm anIkeSu dhRSTadyumnam ayodhayan 16  dhRSTadyumno 'pi pAJcAlyaH zikhaNDI ca mahArathaH  nAkuliz ca zatAnIko rathAnIkam ayodhayan 17  pAJcAlyas tu tataH kruddhaH sainyena mahatA vRtaH  abhyadravat susaMrabdhas tAvakAn hantum udyataH 18  tatas tv Apatatas tasya tava putro janAdhipa  bANasaMghAn anekAn vai preSayAm Asa bhArata 19  dhRSTadyumnas tato rAjaMs tava putreNa dhanvinA  nArAcair bahubhiH kSipraM bAhvor urasi cArpitaH 20  so 'tividdho maheSvAsas tottrArdita iva dvipaH  tasyAzvAMz caturo bANaiH preSayAm Asa mRtyave  sArathez cAsya bhallena ziraH kAyAd apAharat 21  tato duryodhano rAjA pRSThAm Arudhya vAjinaH  apAkrAmad dhataratho nAtidUram ariMdamaH 22  dRSTvA tu hatavikrAntaM svam anIkaM mahAbalaH  tava putro mahArAja prayayau yatra saubalaH 23  tato ratheSu bhagneSu trisAhasrA mahAdvipAH  pANDavAn rathinaH paJca samantat paryavArayan 24  te vRtAH samare paJca gajAnIkena bhArata  azobhanta naravyAghrA grahA vyAptA ghanair iva 25  tato 'rjuno mahArAja labdhalakSo mahAbhujaH  vinir yayau rathenaiva zvetAzvaH kRSNasArathiH 26  taiH samantAt parivRtaH kuJjaraiH parvatopamaiH  nArAcair vimalais tIkSNair gajAnIkam apothayat 27  tatraikabANanihatAn apazyAma mahAgajAn  patitAn pAtyamAnAMz ca vibhinnAn savyasAccinA 28  bhImasenas tu tAn dRSTvA nAgAn mattagajopamaH  kareNa gRhya mahatIM gadAm abhyapatad balI  avaplutya rathAt tUrNaM daNDapANir ivAntakaH 29  tam udyatagadaM dRSTvA pANDavAnAM mahAratham  vitresus tAvakAH sainyAH zakRn mUtraM prasusruvuH  AvignaM ca balaM sarvaM gadAhaste vRkodare 30  gadayA bhImasenena bhinnakumbhAn rajasvalAn  dhAvamAnAn apazyAma kunrajAn parvatopamAn 31  pradhAvya kuJjarAs te tu bhImasenagadA hatAH  petur ArtasvaraM kRtvA chinnapakSA ivAdrayaH 32  tAn bhinnakumbhAn subahUn dravamANAn itas tataH  patamAnAMz ca saMprekSya vitresus tava sainikAH 33  yudhiSThiro 'pi saMkruddho mAdrIputrau ca pANDavau  gRdhrapakSaiH zitair bANair jaghnur vai gajayodhinaH 34  dhRSTadyumnas tu samare parAjitya narAdhipam  apakrAnte tava sute hayapRSThaM samAzrite 35  dRSTvA ca pANDavAn sarvAn kuJjaraiH parivAritAn  dhRSTadyumno mahArAja saha sarvaiH prabhadrakaiH  putraH pAJcAlarAjasya jighAMsuH kuJjarAn yayau 36  adRSTvA tu rathAnIke duryodhanam ariMdamam  azvatthAmA kRpaz caiva kRtavarmA ca sAtvataH  apRcchan kSatriyAMs tatra kva nu duryodhano gataH 37  apazyamAnA rAjAnaM vartamAne janakSaye  manvAnA nihataM tatra tava putraM mahArathAH  viSaNNavadanA bhUtvA paryapRcchanta te sutam 38  AhuH keccid dhate sUte prayAto yatra saubalaH  apare tv abruvaMs tatra kSatriyA bhRzavikSitAH 39  duryodhanena kiM kAryaM drakSyadhvaM yadi jIvati  yudhyadhvAM sahitAH sarve kiM vo rAjA kariSyati 40  te kSatriyAH kSatair gAtrair hatabhUyuSTha vAhanAH  zaraiH saMpIDyamAnAz ca nAtivyaktam ivAbruvan 41  idaM sarvaM balaM hanmo yena sma parivAritAH  ete sarve gajAn hatvA upayAnti sma pANDavAH 42  zrutvA tu vacanaM teSAm azvatthAmA mahAbalaH  hitvA pAJcAlarAjasya tad anIkaM durutsaham 43  kRpaz ca kRtavarmA ca prayayur yattra saubalaH  rathAnIkaM parityajya zUrAH sudRDha dhanvinaH 44  tatas teSu prayAteSu dhRSTadyumnapurogamAH  AyayuH pANDavA rAjan vinighnAntaH sma tAvakAn 45  dRSTvA tu tAn ApatataH saMprahRSTAn mahArathAn  parAkrAntAMs tato vIrAn nirAzAJ jIvite tadA  vivarNamukha bhUyiSTham abhavat tAvakaM balam 46  parikSINAyudhAn dRSTvA tAn ahaM parivAritAn  rAjan balena dvyaGgena tyaktvA jIvitam AtmanaH 47  AtmanA paJcamo 'yudhyaM pAJcAlasya balena ha  tasmin deze vyavasthApya yatra zAradvataH sthitaH 48  saMprayuddhA vayaM paJca kirITizarapIDitAH  dhRSTAdyumnaM mahAnIkaM tatra no 'bhUd raNo mahAn  jitAs tena vayaM sarve vyapayAma raNAt tataH 49  athApazyAM satyakiM tam upAyAntaM mahAratham  rathaiz catuHzatair vIro mAM cAbhyadravad Ahave 50  dhRSTadyumnAd ahaM muktaH kathaM cic chAnta vAhanaH  patito mAdhavAnIkaM duSkRtI narakaM yathA  tatra yuddham abhUd ghoraM muhUrtam atidAruNam 51  sAtyakis tu mahAbAhur mama hatvA paricchadam  jIvagrAham agRhNAn mAM mUrchitaM patitaM bhuvi 52  tato muhUrtAd iva tad gajAnIkam avadhyata  gadayA bhImasenena nArAcair arjunena ca 53  pratipiSTair mahAnAgaiH samantAt parvatopamaiH  nAtiprasiddheva gatiH pANDavAnAm ajAyata 54  rathamArgAMs tataz cakre bhImaseno mahAbalaH  pANDavAnAM mahArAja vyapakarSan mahAgajAn 55  azvatthAmA kRpaz caiva kRtavarmA ca sAtvataH  apazyanto rathAnIke duryodhanam ariMdamam  rAjAnaM mRgayAm Asus tava putraM mahAratham 56  parityajya ca pAJcAlaM prayAtA yatra saubalaH  rAjJo 'darzana saMvignA vartamAne janakSaye   |



 |  1   [s]  gajAnIke hate tasmin pANDuputreNa bhArata  vadhyamAne bale caiva bhImasenena saMyuge 2  carantaM ca tathA dRSTvA bhImasenam ariMdamam  daNDahastaM yathA krudddham antakaM prANahAriNam 3  sametya samare rAjan hatazeSAH sutAs tava  adRzyamAne kauravye putre duryodhane tava  sodaryAH sahitA bhUtvA bhImasenam upAdravan 4  durmarSaNo mahArAja jaitro bhUri balo raviH  ity ete sahitA bhUtvA tatra putrAH samantataH  bhImasenam abhidrutya rurudhuH savato dizam 5  tato bhImo mahArAja svarathaM punar AsthitaH  mumoca nizitAn bANAn putrANAM tava marmasu 6  te kIryamANA bhImena putrAs tava mahAraNe  bhImasenam apAsedhan pravaNAd iva kuJjaram 7  tataH kruddho raNe bhImaH ziro durmarSaNasya ha  kSurapreNa pramathyAzu pAtayAm Asa bhUtale 8  tato 'pareNa bhallena sarvAvaraNabhedinA  zrutAntam avadhId bhImas tava putraM mahArathaH 9  jayatsenaM tato viddhvA nArAcena hasann iva  pAtayAm Asa kauravyaM rathopasthAd ariMdamaH  sa papAta rathAd rAjan bhUmau tUrNaM mamAra ca 10  zrutarvA tu tato bhImaM kruddho vivyAdha mAriSa  zatena gRdhravAjAnAM zarANAM nataparvaNAm 11  tataH kruddho raNe bhImo jaitraM bhUri balaM ravim  trIn etAMs tribhir Anarchad dviSAgnipratimaiH zaraiH 12  te hatA nyapatan bhUmau syandanebhyo mahArathaH  vasante puSpazabalA nikRttA iva kiMzukAH 13  tato 'pareNa tIkSNena nArAccena paraMtapaH  durvimocanam Ahatya preSayAm Asa mRtyave 14  sa hataH prApatad bhUmau svarathAd rathinAM varaH  gires tu kUTajo bhagno mAruteneva pAdapaH 15  duSpradharSaM tataz caiva sujAtaM ca sutau tava  ekaikaM nyavadhIt saMkhye dvAbhyAM dvAbhyAM camUmukhe  tau zilImukhaviddhAGgau petatU rathasattamau 16  tato yatantam aparam abhivIkSya sutaM tava  bhallena yudhi vivyAdha bhImo durviSahaM raNe  sa papAta hato vAhAt pazyatAM sarvadhanvinAm 17  dRSTvA tu nihatAn bhrAtRRn bahUn ekena saMyuge  amarSavazam ApannaH zrutarvA bhImam abhyayAt 18  vikSipan sumahac cApaM kArtasvaravibhUSitam  visRjan sAyakAMz caiva viSAgnipratimAn bahUn 19  sa tu rAjan dhanuz chittvA pANDavasya mahAmRdhe  athainaM chinnadhanvAnaM viMzatyA samavAkirat 20  tato 'nyad dhanur AdAya bhImaseno mahArathaH  avAkirat tava sutaM tiSTha tiSTheti cAbravIt 21  mahad AsIt tayor yuddhaM citrarUpaM bhayAnakam  yAdRzaM samare pUrvaM jambha vAsavayor abhUt 22  tayos tatra zarair muktair yamadaNDanibhaiH zubhaiH  samAcchannA dharA sarvA khaM ca sarvA dizas tathA 23  tataH zrutarvA saMkruddho dhanur Ayamya sAyakaiH  bhImasenaM raNe rAjan bAhvor urasi cArpayat 24  so 'tividdho mahArAja tava putreNa dhanvinA  bhImaH saMcukSubhe kruddhaH parvaNIva mahodadhiH 25  tato bhImo ruSAviSTaH putrasya tava mAriSa  sArathiM caturaz cAzvAn bANair ninye yamakSayam 26  virathaM taM samAlakSya vizikhair lomavAhibhiH  avAkirad ameyAtmA darzayan pANilAghavam 27  zrutarvA viratho rAjann Adade khaDga carmaNI  athAsyAdadataH khaDgaM zatacandraM ca bhAnumat  kSurapreNa ziraH kAyAt pAtayAm Asa pANDavaH 28  chinnottamAGgasya tataH kSurapreNa mahAtmanaH  papAta kAyaH sa rathAd vasudhAm anunAdayan 29  tasmin nIpatite vIre tAvakA bhayamohitAH  abhyadravanta saMgrAme bhImasenaM yuyutsavaH 30  tAn Apatata evAzu hatazeSAd balArNavAt  daMzitaH pratijagrAha bhImasenaH pratApavAn  te tu taM vai samAsAdya parivavruH samantataH 31  tatas tu saMvRto bhImas tAvAkair nizitaiH zaraiH  pIDayAm Asa tAn sarvAn sahasrAkSa ivAsurAn 32  tataH paJca zatAn hatvA savarUthAn mahArathAn  jaghAna kuJjarAnIkaM punaH saptazataM yudhi 33  hatvA dazasahasrANi pattInAM parameSubhiH  vAjinAM ca zatAny aSTau pANDavaH sma virAjate 34  bhImasenas tu kaunteyo hatvA yuddhe sutAMs tava  mene kRtArtahm AtmAnaM saphalaM janma ca prabho 35  taM tathA yudhyamAnaM ca vinighnantaM ca tAvakAn  IkSituM notsahante sma tava sainyAni bhArata 36  vidrAvya tu kurUn sarvAMs tAMz ca hatvA padAnugAn  dorbhyAM zabdAM tataz cakre trAsayAno mahAdvipAn 37  hatabhUyiSTha yodhA tu tava senA vizAM pate  kiM cic cheSA mahArAja kRpaNA samapadyata   |



  |  1   [s]  duryodhano mahArAja sudarzaz cApi te sutaH  hAta zeSau tadA saMkhye vAjimadhye vyavasthitau 2  tato duryodhanaM dRSTvA vAjimadhye vyavasthitam  uvAca devakIputraH kuntIputraM dhanaMjayam 3  zatravo hatabhUyiSThA jJAtayaH paripAlitAH  gRhItvA saMjayaM cAsau nivRttaH zinipuMgavaH 4  parizrAntaz ca nakulaH sahadevaz ca bhArata  yodhayitvA raNe pApAn dhArtarASTra padAnugAn 5  suyodhanam abhityajya traya ete vyavasthitAH  kRpaz ca kRpavarmA ca drauNiz caiva mahArathaH 6  asau tiSThati pAJcAlyaH zriyA paramayA yutaH  duryodhana balaM hatvA saha sarvaiH prabhadrakaiH 7  asau duryodhanaH pArtha vAjimadhye vyavasthitaH  chattreNa dhriyamANena prekSamANo muhur muhuH 8  prativyUhya balaM sarvaM raNamadhye vyavasthitaH  enaM hatvA zitair bANaiH kRtakRtyo bhaviSyasi 9  gajAnIkaM hataM dRSTvA tvAM ca prAptam ariMdama  yAvan na vidravanty ete tAvaj jahi suyodhanam 10  yAtu kaz cit tu pAJcAlyaM kSipram AgamyatAm iti  parizrAnta balas tAta naiSa mucyeta kilbiSI 11  tava hatvA balaM sarvaM saMgrAme dhRtarASTrajaH  jitAn pANDusutAn matvA rUpaM dhArayate mahat 12  nihataM svabalaM dRSTvA pIDitaM cApi pANDavaiH  dhruvam eSyati saMgrAme vadhAyaivAtmano nRpaH 13  evam uktaH phalgunas tu kRSNaM vacanam abravIt  dhRtarASTra sutAH sarve hatA bhImena mAnada  yAv etAv Asthitau kRSNa tAv adya na bhaviSyataH 14  hato bhISmo hato droNaH karNo vaikartano hataH  madrarAjo hataH zalyo hataH kRSNa jayadrathaH 15  hayAH paJcazatAH ziSTAH zakuneH saubalasya ca  rathAnAM tu zate ziSTe dve eva tu janArdana  dantinAM ca zataM sAgraM trisAhasrAH padAtayaH 16  azvatthAmA kRpaz caiva trigartAdhipatis tathA  ulUkaH zakuniz caiva kRtavarmA ca sAtvataH 17  etad balam abhUc cheSaM dhArtarASTrasya mAdhava  mokSo na nUnaM kAlAd dhi vidyate bhuvi kasya cit 18  tathA vinihate sainye pazya duryodhanaM sthitam  adyAhnA hi mahArAjo hatAmitro bhaviSyati 19  na hi me mokSyate kaz cit pareSAm iti cintaye  ye tv adya samaraM kRSNa na hAsyanti raNotkaTAH  tAn vai sarvAn haniSyAmi yady api syur amAnuSAH 20  adya yuddhe susaMkruddho dIrghaM rAjJaH prajAgaram  apaneSyAmi gAndhAraM pAtayitvA zitaiH zaraiH 21  nikRtyA vai durAcAro yAni ratnAni saubalaH  sabhAyAm aharad dyUte punas tAny aharAmy aham 22  adyA tA api vetsyanti sarvA nAgapurastriyaH  zrutvA patIMz ca putrAMz ca pANDavair nihatAn yudhi 23  samAptam adya vai karNa sarvaM kRSNa bhaviSyati  adya duryodhano dIptAM zriyaM prANAMz ca tyakSyati 24  nApayAti bhayAt kRSNa saMgrAmAd yadi cen mama  nihataM viddhi vArSNeya dhArtarASTraM subAlizam 25  mama hy etad azaktaM vai vAjivRndam ariMdama  soDhuM jyAtalanirghoSAM yAhi yAvan nihanmy aham 26  evam uktas tu dAzArhaH pANDavena yazasvinA  acodayad dhayAn rAjan duryodhana balaM prati 27  tad anIkam abhiprekSya trayaH sajjA mahArathAH  bhImaseno 'rjunaz caiva sahadevaz ca mAriSa  prayayuH siMhanAdena duryodhana jighAMsayA 28  tAn prekSya sahitAn sarvAJ javenodyata kArmukAn  saubalo 'bhyadravad yuddhe pANDavAn AtatAyinaH 29  sudarzanas tava suto bhImasenaM samabhyayAt  suzarmA zakuniz caiva yuyudhAte kirITinA  sahadevaM tava suto hayapRSTha gato 'bhyayAt 30  tato hy ayatnataH kSipraM tava putro janAdhipa  prAsena sahadevasya zirasi prAharad bhRzam 31  sopAvizad rathopasthe tava putreNa tADitaH  rudhirApluta sarvAGga AzIviSa iva zvasan 32  pratilabhya tataH saMjJAM sahadevo vizAM pate  duryodhanaM zarais tIkSNaiH saMkruddhaH samavAkirat 33  pArtho 'pi yudhi vikramya kuntIputro dhanaMjayaH  zUrANAm azvapRSThebhyaH zirAMsi nicakarta ha 34  tad anIkaM tadA pArtho vyadhamad bahubhiH zaraiH  pAtayitvA hayAn sarvAMs trigartAnAM rathAn yayau 35  tatas te sahitA bhUtvA trigartAnAM mahArathAH  arjunaM vAsudevaM ca zaravarSair avAkiran 36  satyakarmANam AkSipya kSurapreNa mahAyazAH  tato 'sya syandanasyeSAM cicchide pANDunandanaH 37  zilAzitena ca vibho kSurapreNa mahAyazAH  ziraz ciccheda prahasaMs taptakuNDalabhUSaNam 38  satyeSum atha cAdatta yodhAnAM miSatAM tataH  yathA siMho vane rAjan mRgaM paribubhukSitaH 39  taM nihatya tataH pArthaH suzarmANaM tribhiH zaraiH  viddhvA tAn ahanat sarvAn rathAn rukmavibhUSitAn 40  tatas tu pratvaran pArtho dIrghakAlaM susaMbhRtam  muJcan krodhaviSaM tIkSNaM prasthalAdhipatiM prati 41  tam arjunaH pRSAtkAnAM zatena bharatarSabha  pUrayitvA tato vAhAn nyahanat tasya dhanvinaH 42  tataH zaraM samAdAya yamadaNDopamaM zitam  suzarmANaM samuddizya cikSepAzu hasann iva 43  sa zaraH preSitas tena krodhadIptena dhanvinA  suzarmANaM samAsAdya vibheda hRdayaM raNe 44  sa gatAsur mahArAja papAta dharaNItale  nandayan pANDavAn sarvAn vyathayaMz cApi tAvakAn 45  suzarmANaM raNe hatvA putrAn asya mahArathAn  sapta cASTau ca triMzac ca sAyakair anayat kSayam 46  tato 'sya nizitair bANaiH sarvAn hatvA padAnugAn  abhyagAd bhAratIM senAM hatazeSAM mahArathaH 47  bhImas tu samare kruddhaH putraM tava janAdhipa  sudarzanam adRzyantaM zaraiz cakre hasann iva 48  tato 'syA prahasan kruddhaH ziraH kAyAd apAharat  kSurapreNa sutIkSNena sa hAtaH prApatad bhuvi 49  tasmiMs tu nihate vIre tatas tasya padAnugAH  parivavrU raNe bhImaM kiranto vizikhAJ zitAn 50  tatas tu nizitair bANais tad anIkaM vRkodaraH  indrAzanisamasparzaiH samantAt paryavAkirat  tataH kSaNena tad bhImo nyahanad bharatarSabha 51  teSu tUtsAdyamAneSu senAdhyakSA mahAbalAH  bhImasenaM samAsAdya tato 'yudhyanta bhArata  tAMs tu sarvAJ zarair ghorair avAkirata pANDavaH 52  tathaiva tAvakA rAjan pANDaveyAn mahArathAn  zaravarSeNa mahatA samantAt paryavArayan 53  vyAkulaM tad abhUt sarvaM pANDavAnAM paraiH saha  tAvakAnAM ca samare pANDaveyair yuyutsatAm 54  tatra yodhAs tadA petuH parasparasamAhatAH  ubhayoH senayo rAjan saMzocantaH sma bAndhavAn   |



 |  1   [s]  tasmin pravRtte saMgrAme naravAji gajakSaye  zakuniH saubalo rAjan sahadevaM samabhyayAt 2  tato 'syApatatas tUrNaM sahadevaH pratApavAn  zaraughAn preSayAm Asa pataGgAn iva zIghragAn  ulUkaz ca raNe bhImaM vivyAdha dazabhiH zaraiH 3  zakunis tu mahArAja bhImaM viddhvA tribhiH zaraiH  sAyakAnAM navatyA vai sahadevam avAkirat 4  te zUrAH samare rAjan samAsAdya parasparam  vivyadhur nizitair bANaiH kaGkabarhiNa vAjitaiH  svarNapuGkhaiH zilA dhautair A karNAt prahitaiH zaraiH 5  teSAM cApA bhujotsRSTA zaravRSTir vizAM pate  AcchAdayad dizaH sarvA dhArAbhir iva toyadaH 6  tataH kruddho raNe bhImaH sahadevaz ca bhArata  ceratuH kadanaM saMkhye kurvantau sumahAbalau 7  tAbhyAM zarazataiz channaM tad balaM tava bhArata  andhakAram ivAkAzam abhavat tatra tatra ha 8  azvair viparidhAvadbhiH zarac channair vizAM pate  tatra tatra kRto mArgo vikarSadbhir hatAn bahUn 9  nihatAnAM hayAnAM ca sahaiva hayayodhibhiH  varmabhir vinikRttaiz ca prAsaiz chinnaiz ca mAriSa  saMchannA pRthivI jajJe kusumaiH zabalA iva 10  yodhAs tatra mahArAja samAsAdya parasparam  vyacaranta raNe kruddhA vinighnantaH parasparam 11  udvRttanayanai roSAt saMdaSTauSTha puTair mukhaiH  sakuNDalair mahI channA padmakiJjalka saMnibhaiH 12  bhujaiz chinair mahArAja nAgarAjakaropamaiH  sAGgadaiH satanutraiz ca sAsi prAsaparazvadhaiH 13  kabandhair utthitaiz chinnair nRtyadbhiz cAparair yudhi  kravyAdagaNasaMkIrNA ghorAbhut pRthivI vibho 14  alpAvaziSTe sainye tu kauraveyAn mahAhave  prahRSTAH pANDavA bhUtvA ninyire yamasAdanam 15  etasminn antare zUraH saubaleyaH pratApavAn  prAsena sAhadevasya zirasi prAharad bhRzam  sa vihvalo mahArAja rathopastha upAvizat 16  sahadevaM tathA dRSTvA bhImasenaH pratApavAn  sarvasainyAni saMkruddho vArayAm Asa bhArata 17  nirbibheda ca nArAcaiH zatazo 'tha sahasrazaH  vinirbhidyAkaroc caiva siMhanAdam ariMdama 18  tena zabdena vitrastAH sarve sahayavAraNAH  prAdravan sahasA bhItAH zakunez ca padAnugAH 19  prabhagnAn atha tAn dRSTvA rAjA duryodhano 'bravIt  nivartadhvam adharmajJA yudhyadhvaM kiM sRtena vaH 20  iha kIrtiM samAdhAya pretya lokAn samaznute  prANAJ jahAti yo vIro yudhi pRSTham adarzayan 21  evam uktAs tu te rAjJA saubalasya padAnugAH  pANDavAn abhyavartanta mRtyuM kRtvA nivartanam 22  dravadbhis tatra rAjendra kRtaH zabdo 'tidAruNaH  kSubdhasAgarasaMkAzaH kSubhitaH sarvato 'bhavat 23  tAMs tadApatato dRSTvA saubalasya padAnugAn  pratyudyayur mahArAja pANDavA vijaye vRtAH 24  pratyAzvasya ca durdharSaH sahadevo vizAM pate  zakuniM dazabhir viddhvA hayAMz cAsya tribhiH zaraiH  dhanuz ciccheda ca zaraiH saubalasya hasann iva 25  athAnyad dhanur AdAya zakunir yuddhadurmadaH  vivyAdha nakulaM SaSTyA bhImasenaM ca saptabhiH 26  ulUko 'pi mahArAja bhImaM vivyAdha saptabhiH  sahadevaM ca saptatyA parIpsan pitaraM raNe 27  taM bhImasenaH samare vivyAdha nizitaiH zaraiH  zakuniM ca catuHSaSTyA pArzvasthAMz ca tribhis tribhiH 28  te hanyamAnA bhImena nArAcais tailapAyitaiH  sahadevaM raNe kruddhAz chAdayaJ zaravRSTibhiH  parvataM vAridhArAbhiH savidyuta ivAmbudAH 29  tato 'syApatataH zUraH sahadevaH pratApavAn  ulUkasya mahArAja bhallenApAharac chiraH 30  sa jagAma rathAd bhUmiM sahadevena pAtitaH  rudhirApluta sarvAGgo nandayan pANDavAn yudhi 31  putraM tu nihataM dRSTvA zakunis tatra bhArata  sAzrukaNTho viniHzvasya kSattur vAkyam anusmaran 32  cintayitvA muhUrtaM sabASpapUrNekSaNaH zvasan  sahadevaM samAsAdya tribhir vivyAdha sAyakaiH 33  tAn apAsya zarAn muktAJ zarasaMghaiH pratApavAn  sahadevo mahArAja dhanuz ciccheda saMyuge 34  chinne dhanuSi rAjendra zakuniH saubalas tadA  pragRhya vipulaM khaDgaM sahadevAya prAhiNot 35  tam ApatantaM sahasA ghorarUpaM vizAM pate  dvidhA ciccheda samare saubalasya hasann iva 36  asiM dRSTvA dvidhA chinnaM pragRhya mahatIM gadAm  prAhiNot sahasevAya sA moghA nyapatad bhuvi 37  tataH zaktiM mahAghorAM kAlarAtrim ivodyatAm  preSayAm Asa saMkruddhaH pANDavaM prati saubalaH 38  tAm ApatantIM sahasA zaraiH kAJcanabhUSaNaiH  tridhA ciccheda samare sahadevo hasann iva 39  sA papAta tridhA chinnA bhUmau kanakabhUSaNA  zIryamANA yathA dIptA gaganAd vai zatahradA 40  zaktiM vinihatAM dRSTvA saubalaM ca bhayArditam  dudruvus tAvakAH sarve bhaye jAte sasaubalAH 41  athotkruSTaM mahad dhyAsIt pANDavair jitakAzibhiH  dhArtarASTrAs tataH sarve prAyazo vimukhAbhavan 42  tAn vai vimanaso dRSTvA mAdrIputraH pratApavAn  zarair anekasAhasrair vArayAm Asa saMyuge 43  tato gAndhArakair guptaM pRSThair azvair jaye dhRtam  AsasAda raNe yAntaM sahadevo 'tha saubalam 44  svam aMzam avaziSTaM sa saMsmRtya zakuniM nRpa  rathena kAJcanAGgena sahadevaH samabhyayAt  adhijyaM balavat kRtvA vyAkSipan sumahad dhanuH 45  sa saubalam abhidrutya gRdhrapatraiH zilAzitaiH  bhRzam abhyahanat kruddhas tottrair iva mahAdvipam 46  uvAca cainaM medhAvI nigRhya smArayann iva  kSatradharme sthito bhUtvA yudhyasva puruSo bhava 47  yat tadA hRSyase mUDha glahann akSaiH sabhA tale  phalam adya prapadyasva karmaNas tasya durmate 48  nihatAs te durAtmAno ye 'smAn avahasan purA  duryodhanaH kulAGgAraH ziSTas tvaM tasya mAtulaH 49  adya te vihaniSyAmi kSureNonmathitaM ziraH  vRkSAt phalam ivoddhRtya laguDena pramAthinA 50  evam uktvA mahArAja sahadevo mahAbalaH  saMkruddho narazArdUlo vegenAbhijagAma ha 51  abhigamya tu durdharSaH sahadevo yudhAM patiH  vikRSya balavac cApaM krodhena prahasann iva 52  zakuniM dazabhir viddhvA caturbhiz cAsya vAjinaH  chattraM dhvajaM dhanuz cAsya chittvA siMha ivAnadat 53  chinnadhvajadhanuz chattraH sahadevena saubalaH  tato viddhaz ca bahubhiH sarvamarmasu sAyakaiH 54  tato bhUyo mahArAja sahadevaH pratApavAn  zakuneH preSayAm Asa zaravRSTiM durAsadAm 55  tatas tu kruddhaH subalasya putro; mAdrI sutaM sahadevaM vimarde  prAsena jAmbUnadabhUSaNena; jighAMsur eko 'bhipapAta zIghram 56  mAdrI sutas tasya samudyataM taM; prAsaM suvRttau ca bhujau raNAgre  bhallais tribhir yugapat saMcakarta; nanAda coccais tarasAjimadhye 57  tasyAzu kArI susamAhitena; suvarNapuGkhena dRDhAyasena  bhallena sarvAvaraNAtigena; ziraH zarIrAt pramamAtha bhUyaH 58  zareNa kArtasvarabhUSitena; divAkarAbhena susaMzitena  hRtottamAGgo yudhi pANDavena; papAta bhUmau subalasya putraH 59  sa tacchiro vegavatA zareNa; suvarNapuGkhena zilAzitena  prAverayat kupitaH pANDuputro; yat tat kurUNAm anayasya mUlam 60  hRtottamAGgaM zakuniM samIkSya; bhUmau zayAnaM rudhirArdragAtram  yodhAs tvadIyA bhayanaSTa sattvA; dizaH prajagmuH pragRhItazastrAH 61  vipradrutAH zuSkamukhA visaMjJA; gANDIvaghoSeNa samAhatAz ca  bhayArditA bhagnarathAzvanAgAH; padAtayaz caiva sadhArtarASTrAH 62  tato rathAc chakuniM pAtayitvA; mudAnvitA bhArata pANDaveyAH  zaGkhAn pradadhmuH samare prahRSTAH; sakezavAH saiGkikAn harSayantaH 63  taM cApi sarve pratipUjayanto; hRSTA bruvANAH sahadevam Ajau  diSTyA hato naikRtiko durAtmA; sahAtmajo vIra raNe tvayeti   |



 |  1   [s]  tataH kruddhA mahArAja saubalasyA padAnugAH  tyaktvA jIvitam Akrande pANDavAn paryavArayan 2  tAn arjunaH pratyagRhNAt sahadeva jaye dhRtaH  bhImasenaz ca tejasvI kruddhAzIviSadarzanaH 3  zaktyRSTi prAsahastAnAM sahasevaM jighAMsatAm  saMkalpam akaron moghaM gANDIvena dhanaMjayaH 4  pragRhItAyudhAn bAhUn yodhAnAm abhidhAvatAm  bhallaiz cicccheda bIbhatsuH zirAMsy api hayAn api 5  te hatA raptyapadyanta vasudhAM vigatAsavaH  tvaritA lokavIreNa prahatAH savyasAcinA 6  tato duryodhano rAjA dRSTvA svabalasaMkSayam  hatazeSAn samAnIya kroddho rathazatAn vibho 7  kuJjarAMz ca hayAMz caiva pAdAtaMz ca paraMtapa  uvAca sahitAn sarvAn dhArtarASTra idaM vacaH 8  samAsAdya raNe sarvAn pANDavAn sasuhRd gaNAn  pAJcAlyaM cApi sabalaM hatvA zIghraM nivartata 9  tasya te zirasA gRhya vacanaM yuddhadurmadAH  pratyudyayU raNe pArthAMs tava putrasya zAsanAt 10  tAn abhyApatataH zIghraM hatazeSAn mahAraNe  zarair AzIviSAkAraiH pANDavAH samavAkiran 11  tat sainyaM bharatazreSTha muhUrtena mahAtmabhiH  avadhyata raNaM prApya trAtAraM nAbhyavindata  pratiSThamAnaM tu bhayAn nAvatiSThata daMzitam 12  azvair viparidhAvadbhiH sainyena rajasA vRte  na prAjJAyanta samare dizaz ca pradizas tathA 13  tatas tu pANDavAnIkAn niHsRtya bahavo janAH  abhyaghnaMs tAvakAn yuddhe muhUrtAd iva bhArata  tato niHzeSam abhavat tat sainyaM tava bhArata 14  akSauhiNyaH sametAs tu tava putrasya bhArata  ekAdaza hatA yuddhe tAH prabho pANDusRJjayaiH 15  teSu rAjasahasreSu tAvakeSu mahAtmasu  eko duryodhano rAjann adRzyata bhRzaM kSataH 16  tato vIkSya dizaH sarvA dRSTvA zUnyAM ca medinIm  vihInaH sarvayodhaiz ca pANDavAn vIkSya saMyuge 17  muditAn sarvasiddhArthAn nardamAnAn samantataH  bANazabdaravAMz caiva zrutvA teSAM mahAtmanAm 18  duryodhano mahArAja kazmalenAbhisaMvRtaH  apayAne manaz cakre vihInabalavAhanaH 19   [dhR]  nihate mAmake sainye niHzeSe zibire kRte  pANDavAnAM balaM sUta kiM nu zeSam abhUt tadA  etan me pRcchato brUhi kuzalo hy asi saMjaya 20  yac ca duryodhano mandaH kRtavAMs tanayo mama  balakSayaM tathA dRSTvA sa ekaH pRthivIpatiH 21   [s]  rathAnAM dve sahasre tu sapta nAgazatAni ca  paJca cAzvasahasrANi pattInAM ca zataM zatAH 22  etac cheSam abhUd rAjan pANDavAnAM mahad balam  parigRhya hi yad yuddhe dhRSTadyumno vyavasthitaH 23  ekAkI bharatazreSTha tato duryodhano nRpaH  nApazyat samare kaM cit sahAyaM rathinAM varaH 24  nardamAnAn parAMz caiva svabalasya ca saMkSayam  hataM svahayam utsRjya prAGmukhaH prAdravad bhayAt 25  ekAdaza camU bhartA putro duryodhanas tava  gadAm AdAya tejasvI padAtiH prathito hradam 26  nAtidUraM tato gatvA padbhyAm eva narAdhipaH  sasmAra vacanaM kSattur dharmazIlasya dhImataH 27  idaM nUnaM mahAprAjJo viduro dRSTavAn purA  mahad vaizasam asmAkaM kSatriyANAM ca saMyuge 28  evaM vicintayAnas tu pravivikSur hradaM nRpaH  duHkhasaMtapta hRdayo dRSTvA rAjan balakSayam 29  pANDavAz ca mahArAja dhRSTadyumnapurogamAH  abhyadhAvanta saMkruddhAs tava rAjan balaM prati 30  zaktyRSTi prAsahastAnAM balAnAm abhigarjatAm  saMkalpam akaron moghaM gANDIvena dhanaMjayaH 31  tAn hatva nizitair bANaiH sAmAtyAn saha bandhubhiH  rathe zvetahaye tiSThann arjuno bahv azobhata 32  subalasyA hate putre savAjirathakuJjare  mahAvanam iva chinnam abhavat tAvakaM balam 33  anekazatasAhasre bale duryodhanasya ha  nAnyo mahAratho rAjaJ jIvamAno vyadRzyata 34  droNaputrAd Rte vIrAt tathaiva kRtavarmaNaH  kRpAc ca gautamAd rAjan pArthivAc ca tavAtmajAt 35  dhRSTadyumnas tu mAM dRSTvA hasan sAtyakim abravIt  kim anena gRhItena nAnenArtho 'sti jIvatA 36  dhRSTadyumna vacaH zrutvA ziner naptA mahArathaH  udyamya nizitaM khaDgaM hantuM mAmudyatas tadA 37  tam Agamya mahAprAjJaH kRSNadvaipAyano 'bravIt  mucyatAM saMjayo jIvan na hantavyaH kathaM cana 38  dvaipAyana vacaH zrutvA ziner naptA kRtAJjaliH  tato mAm abravIn muktvA svasti saMjaya sAdhaya 39  anujJAtas tv ahaM tena nyastavarmA nirAyudhaH  prAtiSThaM yena nagaraM sAyAhne rudhirokSitaH 40  krozamAtram apakrAntaM gadApANim avasthitam  ekaM duryodhanaM rAjann apazyaM bhRzavikSatam 41  sa tu mAm azrupUrNAkSo nAzaknod abhivIkSitum  upapraikSata mAM dRSTvA tadA dInam avasthitam 42  taM cAham api zocantaM dRSTvaikAkinam Ahave  muhUrtaM nAzakaM vaktuM kiM cid duHkhapariplutaH 43  tato 'smai tad ahaM sarvam uktavAn grahaNaM tadA  dvaipAyana prasAdAc ca jIvato mokSam Ahave 44  muhUrtam iva ca dhyAtvA pratilabhya ca cetanAm  bhrAtRRMz ca sarvasainyAni paryapRcchata mAM tataH 45  tasmai tad aham AcakSaM sarvaM pratyakSadarzivAn  bhrAtRRMz ca nihatAn sarvAn sainyaM ca vinipAtitam 46  trayaH kila rathAH ziSTAs tAvakAnAM narAdhipa  iti prasthAna kAle mAM kRSNadvaipAyano 'bravIt 47  sa dIrgham iva niHzvasya viprekSya ca punaH punaH  aMse mAM pANinA spRSTvA putras te paryabhASata 48  tvadanyo neha saMgrAme kaz cij jIvati saMjaya  dvitIyaM neha pazyAmi sasahAyAz ca pANDavAH 49  brUyAH saMjaya rAjAnaM prajJA cakSuSam Izvaram  duryodhanas tava sutaH praviSTo hradam ity uta 50  suhRdbhis tAdRzair hInaH putrair bhrAtRbhir eva ca  pANDavaiz ca hRte rAjye ko nu jIvati mAdRzaH 51  AcakSethAH sarvam idaM mAM ca muktaM mahAhavAt  asmiMs toyahrade suptaM jIvantaM bhRzavikSatam 52  evam uktvA mahArAja prAvizat taM hradaM nRpaH  astambhayata toyaM ca mAyayA manujAdhipaH 53  tasmin hradaM praviSTe tu trIn rathAJ zrAntavAhanAn  apazyaM sahitAn ekas taM dezaM samupeyuSaH 54  kRpaM zAradvataM vIraM drauNiM ca rathinAM varam  bhojaM ca kRtavarmANaM sahitAJ zaravikSatAn 55  te sarve mAm abhiprekSya tUrNam azvAn acodayan  upayAya ca mAm Ucur diSTyA jIvasi saMjaya 56  apRcchaMz caiva mAM sarve putraM tava janAdhipam  kac cid duryodhano rAjA sa no jIvati saMjaya 57  AkhyAtavAn ahaM tebhyas tadA kuzalinaM nRpam  tac caiva sarvam AcakSaM yan mAM duryodhano 'bravIt  hradaM caivAham AcaSTa yaM praviSTo narAdhipaH 58  azvattAmA tu tad rAjan nizamya vacanaM mama  taM hradaM vipulaM prekSya karuNaM paryadevayat 59  aho dhin na sa jAnAti jIvato 'smAn narAdhipaH  paryAptA hi vayaM tena saha yodhayituM parAn 60  te tu tatra ciraM kAlaM vilapya ca mahArathAH  prAdravan rathinAM zreSThA dRSTvA pANDusutAn raNe 61  te tu mAM ratham Aropya kRpasya supariSkRtam  senAnivezam Ajagmur hatazeSAs trayo rathAH 62  tatra gulmAH paritrastAH sUrye cAstam ite sati  sarve vicukruzuH zrutvA putrANAM tava saMkSayam 63  tato vRddhA mahArAja yoSitAM rakSaNo narAH  rAjadArAn upAdAya prayayur nagaraM prati 64  tatra vikrozatInAM ca rudatInAM ca sarvazaH  prAdurAsIn mahAJ zabdaH zrutvA tad balasaMkSayam 65  tatas tA yoSito rAjan krandantyo vai muhur muhuH  kurarya iva zabdena nAdayantyo mahItalam 66  AjaghnuH karajaiz cApi pANibhiz ca zirAMsy uta  luluvuz ca tadA kezAn krozantyas tatra tatra ha 67  hAhAkAravinAdinyo vinighnantya urAMsi ca  krozantyas tatra ruruduH krandamAnA vizAM pate 68  tato duryodhanAmAtyAH sAzrukaNThA hRzAturAH  rAjadArAn upAdAya prayayur nagaraM prati 69  vetrajarjhara hastAz ca dvArAdhyakSA vizAM pate  zayanIyAni zubhrANi spardhyAstaraNavanti ca  samAdAya yayus tUrNaM nagaraM dArarakSiNaH 70  AsthAyAzvatarI yuktAn syandanAn apare janAH  svAn svAn dArAn upAdAya prayayur nagaraM prati 71  adRSTapUrvA yA nAryo bhAskareNApi vezmasu  dAdRzus tA mahArAja janA yAntIH puraM prati 72  tAH striyo bharatazreSTha saukumArya samanvitAH  prayayur nagaraM tUrNaM hatasvajanabAndhavAH 73  A gopAlAvi pAlebhyo dravanto nagaraM prati  yayur manuSyAH saMbhrAntA bhImasenabhayArditAH 74  api caiSAM bhayaM tIvraM pArthebhyo 'bhUt sudAruNam  prekSamANAs tadAnyonyam AdhAvan nagaraM prati 75  tasmiMs tadA vartamAne vidrave bhRzadAruNe  yuyutsuH zokasaMmUDhaH prAptakAlam acintayat 76  jito duryodhanaH saMkhye pANDavair bhImavikramaiH  ekAdaza camU bhartA bhrAtaraz cAsya sUditAH  hatAz ca kuravaH sarve bhISmadroNapuraH sarAH 77  aham eko vimuktas tu bhAgyayogAd yadRcchayA  vidrutAni ca sarvANi zibirANi samantataH 78  duryodhanasya sacivA ye ke cid avazeSitAH  rAjadArAn upAdAya vyadhAvan nagaraM prati 79  prAptakAlam ahaM manye pravezaM taiH sahAbhibho  yudhiSThiram anujJApya bhImasenaM tathaiva ca 80  etam arthaM mahAbAhur ubhayoH sa nyavedayat  tasya prIto 'bhavad rAjA nityaM karuNaveditA  pariSvajya mahAbAhur vaizyAputraM vyasarjayat 81  tataH sa ratham AsthAya drutam azvAn acodayat  asaMbhAvitavAMz cApi rAjadArAn puraM prati 82  taiz caiva sahitaH kSipram astaM gacchati bhAskare  praviSTo hAstinapuraM bASpa kaNTho 'zrulocanaH 83  apazyata mahAprAjJaM viduraM sAzrulocanam  rAjJaH samIpAn niSkrAntaM zokopahatacetasam 84  tam abravIt satyadhRtiH praNataM tv agrataH sthitam  asmin kuru kSaye vRtte diSTyA tvaM putra jIvasi 85  vinA rAjJaH pravezAd vai kim asi tvam ihAgataH  etan me kAraNaM sarvaM vistareNa nivedaya 86   [yu]  nihate zakunau tAta sajJAti sutabAndhave  hatazeSa parIvAro rAjA duryodhanas tataH  svakaM sahayam utsRjya prAGmukhaH prAdravad bhayAt 87  apakrAnte tu nRpatau skandhAvAranivezanAt  bhayavyAkulitaM sarvaM prAdravan nagaraM prati 88  tato rAjJaH kalatrANi bhrAtRRNAM cAsya sarvazaH  vAhaneSu samAropya stryadhyakSAH prAdravan bhayAt 89  tato 'haM samanujJApya rAjAnaM sahakezavam  praviSTo hAstinapuraM rakSam*l lokAd dhi vAcyatAm 90  etac chrutvA tu vacanaM vaizyAputreNa bhASitam  prAptakAlam iti jJAtvA viduraH sarvadharmavit  apUjayad ameyAtmA yuyutsuM vAkyakovidam 91  prAptakAlam idaM sarvaM bhavato bharatakSaye  adya tvam iha vizrAntaH zvo 'bhigantA yudhiSThiram 92  etAvad uktvA vacanaM viduraH sarvadharmavit  yuyutsuM samanujJApya praviveza nRpa kSayam  yuyutsur api tAM rAtriM svagRhe nyavasat tadA   |



 |  1   [dhR]  hateSu sarvasainyeSu pANDuputrai raNAjire  mama sainyAvaziSTAs te kim akurvata saMjaya 2  kRtavarmA kRpaz caiva droNA putraz ca vIryavAn  duryodhanaz ca mandAtmA rAjA kim akarot tadA 3   [s]  saMprAdravatsu dAreSu kSatriyANAM mahAtmanAm  vidrute zibire zUnye bhRzodvignAs trayo rathAH 4  nizamya pANDuputrANAM tadA vijayinAM svanam  vidrutaM zibiraM dRSTvA sAyAhne rAjagRddhinaH  sthAnaM nArocayaMs tatra tatas te hradam abhyayuH 5  yudhiSThiro 'pi dharmAtmA bhrAtRbhiH sahito raNe  hRSTaH paryapatad rAjan duryodhana vadhepsayA 6  mArgamANAs tu saMkruddhAs tava putraM jayaiSiNaH  yatnato 'nveSamANAs tu naivApazyaJ janAdhipam 7  sa hi tIvreNa vegena gadApANir apAkramat  taM hradaM prAvizac cApi viSTabhyApaH svamAyayA 8  yadAtu pANDavAH sarve suparizrAntavAhanAH  tataH svazibiraM prApya vyatiSThan sAhasainikAH 9  tataH kRpaz ca drauNiz ca kRtavarmA ca sAtvataH  saMniviSTeSu pArtheSu prayAtAs taM hradaM zanaiH 10  te taM hrada samAsAdya yatra zete janAdhipaH  abhyabhASanta durdharSaM rAjAnaM suptam ambhasi 11  rAjann utthiSTha yudhyasva sahAsmAbhir yudhiSThiram  jitvA vA pRthivIM bhuGkSva hato vA svargam Apnuhi 12  teSAm api balaM sarvaM hataM duryodhana tvayA  pratirabdhAz ca bhUyiSThaM ye ziSTAs tatra sainikAH 13  na te vegaM viSahituM zaktAs tava vizAM pate  asmAbhir abhiguptasya tasmAd uttiSTha bhArata 14   [dur]  diSTyA pazyAmi vo muktAn IdRzAt puruSakSayAt  pANDukaurava saMmardAj jIvamAnAn nararSabhAn 15  vijeSyAmo vayaM sarve vizrAntA vigataklamAH  bhavantaz ca parizrAntA vayaM ca bhRzavikSatAH  udIrNaM ca balaM teSAM tena yuddhaM na rocaye 16  na tv etad adbhutaM vIrA yad vo mahad idaM manaH  asmAsu ca parA bhaktir na tu kAlaH parAkrame 17  vizramyaikA nizAm adya bhavadbhiH sahito raNe  pratiyotsyAmy ahaM zatrUJ zvo na me 'sy atra sAMzayaH 18   [s]  evam ukto 'bravId drauNI rAjAnaM yuddhadurmadam  uttiSTha rAjan bhadraM te vijeSyAmo raNe parAn 19  iSTApUrtena dAnena satyena ca japena ca  zape rAjan yathA hy adya nihaniSyAmi somakAn 20  mA sma yajJakRtAM prItiM prApnuyAM saj janocitam  yadImAM rajanIM vyuSTAM na nihanmi parAn raNe 21  nAhatvA sarvapAJcAlAn vimokSye kavacaM vibho  iti satyaM bravImy etat tan me zRNu janAdhipa 22  teSu saMbhASamANeSu vyAdhAs taM dezam AyayuH  mAMsabhAraparizrAntAH pAnIyArthaM yadRcchayA 23  te hi nityaM mahArAja bhImasenasya lubdhakAH  mAMsabhArAn upAjahrur bhaktyA paramayA vibho 24  te tatra viSThitAs teSAM sarvaM tad vacanaM rahaH  duryodhana vacaz caiva zuzruvuH saMgatA mithaH 25  te 'pi sarve maheSvAsA ayuddhArthini kaurave  nirbandhaM paramaM cakrus tadA vai yuddhakAGkSiNaH 26  tAMs tathA samudIkSyAtha kauravANAM mahArathAn  ayuddhamanasaM caiva rAjAnaM sthitam ambhasi 27  teSAM zrutvA ca saMvAdaM rAjJaz ca salite sataH  vyAdhAbhyajAnan rAjendra salilasthaM suyodhanam 28  te pUrvaM pANDuputreNa pRSTA hy Asan sutaM tava  yadRcchopagatAs tatra rAjAnaM parimArgitAH 29  tatas te pANDuputrasya smRtvA tad bhASitaM tadA  anyonyam abruvan rAjan mRgavyAdhAH zanair idam 30  duryodhanaM khyApayAmo dhanaM dAsyati pANDavaH  suvyaktam iti naH khyAto hrade duryodhano nRpaH 31  tasmAd gacchAmahe sarve yatra rAjA yudhiSThiraH  AkhyAtuM salile suptaM duryodhanam amarSaNam 32  dhRtarASTrAtmajaM tasmai bhImasenAya dhImate  zayAnaM salile sarve kathayAmo dhanur bhRte 33  sa no dAsyati suprIto dhanAni bahulAny uta  kiM no mAMsena zuSkeNa parikliSTena zoSiNA 34  evam uktvA tato vyAdhAH saMprahRSTA dhanArthinaH  mAMsabhArAn upAdAya prayayuH zibiraM prati 35  pANDavAz ca mahArAja labdhalakSAH prahAriNaH  apazyamAnAH samare duryodhanam avasthitam 36  nikRtes tasya pApasya te pAraM gamanepsavaH  cArAn saMpreSayAm AsuH samantAt tad raNAjiram 37  Agamya tu tataH sarve naSTaM duryodhanaM nRpam  nyavedayanta sahitA dharmarAjasya sainikAH 38  teSAM tad vacanaM zrutvA cArANAM bharatarSabha  cintAm abhyagamat tIvrAM niHzazvAsa ca pArthivaH 39  atha sthitAnAM pANDUnAM dInAnAM bharatarSabha  tasmAd dezAd apakramya tvaritA lubdhakA vibho 40  AjagmuH zibiraM hRSTA dRSTvAduryodhanaM nRpam  vAryamANAH praviSTAz ca bhImasenasya pazyataH 41  te tu pANDavam AsAdya bhImasenaM mahAbalam  tasmai tat sarvam Acakhyur yadvRttaM yac ca vai zrutam 42  tato vRkodaro rAjan dattvA teSAM dhanaM bahu  dharmarAjAya tat sArvam AcacakSe paraMtapaH 43  asau duryodhano rAjan vijJAto mama lubdhakaiH  saMstabhya salilaM zete yasyArthe paritapsyase 44  tad vaco bhImasenasyA priyaM zrutvA vizAM pate  ajAtazatruH kaunteyo hRSTo 'bhUt saha sodaraiH 45  taM ca zrutvA maheSvAsaM praviSTaM salilahradam  kSipram eva tato 'gacchat puraskRtya janArdanam 46  tataH kilakilA zabdaH prAdurAsId vizAM pate  pANDavAnAM prahRSTAnAM pAJcAlAnAM ca sarvazaH 47  siMhanAdAMs tataz cakruH kSveDAMz ca bharatarSabha  tvaritAH kSatriyA rAjaJ jagmur dvaipAyanaM hradam 48  jJAtaH pApo dhArtarASTro dRSTaz cety asakRd raNe  prAkrozan somakAs tatra hRSTarUpAH samantataH 49  teSAm Azu prayAtAnAM rathAnAM tatra veginAm  babhUva tumulaH zabdo divaspRk pRthivIpate 50  duryodhanaM parIpsantas tatra tatra yudhiSThiram  anvayus tvaritAs te vai rAjAnaM zrAntavAhanAH 51  arjuno bhImasenaz ca mAdrIputrau ca pANDavau  dhRSTadyumnaz ca pAJcAlyaH zikhaNDI cAparAjitaH 52  uttamaujA yudhAmanyuH sAtyakiz cAparAjitaH  pAJcAlAnAM ca ye ziSTA draupadeyAz ca bhArata  hayAz ca sarve nAgAz ca zatazaz ca padAtayaH 53  tatha prApto mahArAja dharmaputro yudhiSThiraH  dvaipAyana hradaM khyAtaM yatra duryodhano 'bhavat 54  zItAmala jalaM hRdyaM dvitIyam iva sAgaram  mAyayA salilaM stabhya yatrAbhUt te sutaH sthitaH 55  abhyadbhutena vidhinA daivayogena bhArata  salilAntar gataH zete durdarzaH kasya cit prabho  mAnuSasya manuSyendra gadAhasto janAdhipaH 56  tato duryodhano rAjA salitAntar gato vasan  zuzruve tumulaM zabdaM jaladopama niHsvanam 57  yudhiSThiras tu rAjendra hradaM taM saha sodaraiH  AjagAma mahArAja tava putravadhAya vai 58  aMhatA zaGkhanAdena rathanemi svanena ca  uddhunvaMz ca mahAreNuM kampayaMz cApi medinIm 59  yaudhiSThirasya sainyasya zrutvA zabdaM mahArathAH  kRtavarmA kRpo drauNI rAjAnam idam abruvan 60  ime hy AyAnti saMhRSTAH pANDavA jitakAzinaH  apayAsyAmahe tAvad anujAnAtu no bhavAn 61  duryodhanas tu tac chrutvA teSAM tatra yazasvinAm  tathety uktvA hradaM taM vai mAyayAstambhayat prabho 62  te tv anujJApya rAjAnaM bhRzaM zokaparAyaNAH  jagmur dUraM mahArAja kRpaprabhRtayo rathAH 63  te gatvA dUram adhvAnaM nyagrodhaM prekSya mAriSa  nyavizanta bhRzaM zrAntAz cintayantonRpAM prati 64  viSTabhya salilaM supto dhArtarASTro mahAbalaH  pANDavAz cApi saMprAptAs taM dezaM yuddham IpsavaH 65  kathaM nu yuddhaM bhavitA kathaM rAjA bhaviSyati  kathaM nu pANDavA rAjan patipatsyanti kauravam 66  ity evaM cintayantas te rathebhyo 'zvAn vimucya ha  tatrAsAM cakrire rAjan kRpaprabhRtayo rathAH   |



 |  1   [s]  tatas teSv apayAteSu ratheSu triSu pANDavAH  taM hradaM pratyapadyanta yAtra duryodhano 'bhavat 2  AsAdya ca kuru zreSTha tadA dvaipAyana hradam  stambhitaM dhArtarASTreNa dRSTvA taM salilAzayam  vAsudevam idaM vAkyam abravIt kurunandanaH 3  pazyemAM dhArtarASTreNa mAyAm apsu prayojitAm  viSTabhya salilaM zete nAsya mAnuSato bhayam 4  daivIM mAyAm imAM kRtvA salilAntar gato hy ayam  nikRtyA nikRtiprajJo na me jIvan vimokSyate 5  yady asya samare sAhyaM kurute vajrabhRt svayam  tathApy enaM hataM yuddhe loko drakSyati mAdhava 6   [vA]  mAyAvina imAM mAyAM mAyayA jahi bhArata  mAyAvI mAyayA vadhyaH satyam etad yudhiSThira 7  kiryAbhyupAyair bahulair mAyAm aspu prayojya ha  jahi tvaM bharatazreSTha pApAtmAnaM suyodhanam 8  kiryAbhyupAyair indreNa nihatA daityadAnavAH  kriyAbhyupAyair bahubhir balir baddhomahAtmanA 9  kriyAbhyupAyaiH pUrvaM hi hiraNyAkSo mahAsuraH  hiraNyakazipuz caiva kriyayaiva niSUditau  vRtraz ca nihato rAjan kriyayaiva na saMzayaH 10  tathA paulastya tanayo rAvaNo nAma rAkSasaH  rAmeNa nihato rAjan sAnubandhaH sahAnugaH  kriyayA yogam AsthAya tathA tvam api vikrama 11  kriyAbhyupAyair nihato mayA rAjan purAtane  tArakaz ca mahAdaityo vipracittiz ca vIryavAn 12  vAtApir ilvalaz caiva trizirAz ca tathA vibho  sundopasundAv asurau kriyayaiva niSUditau 13  kriyAbhyupAyair indreNa tridivaM bhujyate vibho  kriyA balavatI rAjan nAnyat kiM cid yudhiSThira 14  daityAz ca dAnavAz caiva rAkSasAH pArthivAs tathA  kriyAbhyupAyair nihatAH kriyAM tasmAt samAcara 15   [s]  ity ukto vAsudevena pANDavaH saMzitavrataH  jalasthaM taM mahArAja tava putraM malA balam  abhyabhASata kaunteyaH prahasann iva bhArata 16  suyodhana kimartho 'yam Arambho 'spu kRtas tvayA  sarvaM kSatraM ghAtayitvA svakulaM ca vizAM pate 17  jalAzayaM praviSTo 'dya vAJchaJ jIvitam AtmanaH  uttiSTha rAjan yudhyasva sahAsmAbhiH suyodhana 18  sa ca darpo narazreSTha sa ca mAnaH kva te gataH  yas tvaM saMstabhya salilaM bhIto rAjan vyavasthitaH 19  sarve tvAM zUra ity eva janA jalpanti saMsadi  vyarthaM tad bhavato manye zauryaM salilazAyinaH 20  uttiSTha rAjan yudhyasva kSatriyo 'si kulodbhavaH  kauraveyo vizeSeNa kule janma ca saMsmara 21  sa kathaM kaurave vaMze prazaMsaJ janma cAtmanaH  yuddhAd bhItas tatas toyaM pravizya pratitiSThasi 22  ayuddham avyavasthAnaM naiSa dharmaH sanAtanaH  anAryajuSTam asvargyaM raNe rAjan palAyanam 23  kathaM pAram agatvA hi yuddhe tvaM vai jijIviSuH  imAn nipatitAn dRSTvA putrAn bhrAtRRn pitRRMs tathA 24  saMbandhino vayasyAMz ca mAtulAn bAndhavAMs tathA  ghAtayitvA kathaM tAta hrade tiSThasi sAMpratam 25  zUramAnI na zUras tvaM mithyA vadasi bhArata  zUro 'ham iti durbuddhe sarvalokasya zRNvataH 26  na hi zUrAH palAyante zatrUn dRSTvA kathaM cana  brUhi vA tvaM yayA dhRtyA zUra tyajasi saMgaram 27  sa tvam uttiSTha yudhyasva vinIya bhayam AtmanaH  ghAtayitvA sarvasainyaM bhrAtRRMz caiva suyodhana 28  nedAnIM jIvite buddhiH kAryA dharmacikIrSayA  kSatradharmam apAzritya tvadvidhena suyodhana 29  yat tat karNam upAzritya zakuniM cApi saubalam  amartya iva saMmohAt tvam AtmAnaM na buddhavAn 30  tat pApaM sumahat kRtva pratiyudhyasva bhArata  kathaM hi tvadvidho mohAd rocayeta palAyanam 31  kva te tat pauruSaM yAtaM kva ca mAnaH suyodhana  kva ca vikrAntatA yAtA kva ca visphUrjitaM mahat 32  kva te kRtAstratA yAtA kiM ca zeSe jalAzaye  sa tvam uttiSTha yudhyasv akSatra dharmeNa bhArata 33  asmAn vA tvaM parAjitya prazAdhi pRthivIm imAm  atha vA nihato 'smAbhir bhUmau svapsyasi bhArata 34  eSa te prathamo dharmaH sRSTo dhAtrA mahAtmanA  taM kuruSva yathAtathyaM rAjA bhava mahAratha 35   [dur]  naitac citraM mahArAja yad bhIH prANinam Avizat  na ca prANabhayAd bhIto vyapayAto 'smi bhArata 36  arathaz cAniSaGgI ca nihataH pArSNisArathiH  ekaz cApy agaNaH saMkhye pratyAzvAsam arocayam 37  na prANahetor na bhayAn na viSAdAd vizAM pate  idam ambhaH praviSTo 'smi zramAt tv idam anuSThitam 38  tvaM cAzvasihi kaunteya ye cApy anugatAs tava  aham utthAya vaH sarvAn pratiyotsyAmi saMyuge 39   [y]  AzvastA eva sarve sma ciraM tvAM mRgayAmahe  tad idAnIM samuttiSTha yudhyasveha suyodhana 40  hatvA vA samare pArthAn sphItaM rAjyam avApnuhi  nihato vA raNe 'smAbhir vIralokam avApsyasi 41   [dur]  yadarthaM rAjyam icchAmi kurUNAM kurunandana  ta ime nihatAH sarve bhrAtaro me janezvara 42  kSINaratnAM ca pRthivIM hatakSatriya puMgavAm  nAbhyutsahAmy ahaM bhoktuM vidhavAm iva yoSitam 43  adyApi tv aham AzaMse tvAM vijetuM yudhiSThira  bhaGktvA pAJcAla pANDUnAm utsAhaM bharatarSabha 44  na tv idAnIm ahaM manye kAryaM yuddhena karhi cit  droNe karNe ca saMzAnte nihate ca pitAmahe 45  astv idAnIm iyaM rAjan kevalA pRthivI tava  asahAyo hi ko rAjA rAjyam icchet prazAsitum 46  suhRdas tAdRzAn hitvA putrAn bhrAtRRn pitRRn api  bhavadbhiz ca hRte rAjye ko nu jIveta mAdRzaH 47  ahaM vanaM gamiSyAmi hy ajinaiH prativAsitaH  ratir hi nAsti me rAjye hatapakSasya bhArata 48  hatabAndhava bhUyiSThA hatAzvA hatakuJjarA  eSA te pRthivI rAjan bhuGkSvainAM vigatajvaraH 49  vanam eva gamiSyAmi vasAmo mRgacarmaNI  na hi me nirjitasyAsti jIvite 'dya spRhA vibho 50  gaccha tvaM bhuGkSva rAjendra pRthivIM nihatezvarAm  hatayodhAM naSTaratnAM kSINavaprAM yathAsukham 51   [y]  ArtapralApAn mA tAta salilasthaH prabhASathAH  naitan manasi me rAjan vAzitaM zakuner iva 52  yadi cApi samarthaH syAs tvaM dAnAya suyodhana  nAham iccheyam avaniM tvayA dattAM prazAsitum 53  adharmeNa na gRhNIyAM tvayA dattAM mahIm imAm  na hi dharmaH smRto rAjan kSatriyasya pratigrahaH 54  tvayA dattAM na ceccheyaM pRthivIm akhilAm aham  tvAM tu yuddhe vinirjitya bhoktAsmi vasudhAm imAm 55  anIzvaraz ca pRthivIM kathaM tvaM dAtum icchasi  tvayeyaM pRthivI rAjan kiM na dattA tadaiva hi 56  dharmato yAcamAnAnAM zamArthaM ca kulasya naH  vArSNeyaM prathamaM rAjan pratyAkhyAya mahAbalam 57  kim idAnIM dadAsi tvaM ko hi te cittavibhramaH  abhiyuktas tu ko rAjA dAtum icched dhi medinIm 58  na tvam adya mahIM dAtum IzaH kauravanandana  AcchettuM vA balAd rAjan sa kathaM dAtum icchasi  mAM tu nirjitya saMgrAme pAlayemAM vasuMdharAm 59  sUcy agreNApi yad bhUmer api dhrIyeta bhArata  tan mAtram api no mahya na dadAti purA bhavAn 60  sa kathaM pRthivIm etAM pradadAsi vizAM pate  sUcy agraM nAtyajaH pUrvaM sa kathaM tyajasi kSitim 61  evam aizvaryam AsAdya prazAsya pRthivIm imAm  ko hi mUDho vyavasyeta zatror dAtuM vasumM dharAm 62  tvaM tu kevalamaurkhyeNa vimUDho nAvabudhyase  pRthivIM dAtukAmo 'pi jIvitenAdya mokSyase 63  asmAn vA tvaM parAjitya prazAdhi pRthivIm imAm  atha vA nihato 'smAbhir vraja lokAn anuttamAn 64  Avayor jIvato rAjan mayi ca tvAyi ca dhruvam  saMzayaH sarvabhUtAnAM vijaye no bhaviSyati 65  jIvitaM tava duSprajJa mayi saMprati vartate  jIvayeyaM tv ahaM kAmaM na tu tvaM jIvituM kSamaH 66  dahane hi kRto yatnas tvayAsmAsu vizeSataH  AzIviSair viSaiz cApi jale cApi pravezanaiH  tvayA vinikRtA rAjan rAjyasya haraNena ca 67  etasmAt kAraNAt pApajIvitaM te na vidyate  uttiSThottiSTha yudhyasva tat te zreyo bhaviSyati 68   [s]  evaM tu vividhA vAco jaya yuktAH punaH punaH  kIrtayanti sma te vIrAs tatra tatra janAdhipa   |



  |  1   [dhR]  evaM saMtarjyamAnas tu mama putro mahIpatiH  prakRtyA manyumAn vIraH katham AsIt paraMtapaH 2  na hi saMtarjanA tena zrutapUrvA kadA cana  rAjabhAvena mAnyaz ca sarvalokasya so 'bhavat 3  iyaM ca pRthivI sarvA saMlecchATavikA bhRzam  prasAdAd dhriyate yasya pratyakSaM tava saMjaya 4  sa tathA tarjyamAnas tu pANDuputrair vizeSataH  vihInaz ca svakair bhRtyair nirjane cAvRto bhRzam 5  zrutvA sa kaTukA vAco jaya yuktAH punaH punaH  kim abravIt pANDaveyAMs tan mamAcakSva saMjaya 6   [s]  tarjyamAnas tadA rAjann udakasthas tavAtmajaH  yudhiSThireNa rAjendra bhrAtRbhiH sahitena ha 7  zrutvA sa kaTukA vAco viSamastho janAdhipaH  dIrgham uSNaM ca niHzvasya salilasthaH punaH punaH 8  salilAntar gato rAjA dhunvan hastau punaH punaH  manaz cakAra yuddhAya rAjAnaM cAbhyabhASata 9  yUyaM sasuhRdaH pArthAH sarve saratha vAhanAH  aham ekaH paridyUno viratho hatavAhanaH 10  Attazastrai rathagatair bahubhiH parivAritaH  katham ekaH padAtiH sannazastro yoddhum utsahe 11  ekaikena tu mAM yUyaM yodhayadhvaM yudhiSThira  na hy eko bahubhir vIrair nyAyyaM yodhayituM yudhi 12  vizeSato vikavacaH zrAntaz cApaH samAzritaH  bhRzaM vikSata gAtraz ca zrAntavAhana sainikaH 13  na me tvatto bhayaM rAjan na ca pArthAd vRkodarAt  phalgunAd vAsudevAd vA pAJcAlebhyo 'tha vA punaH 14  yamAbhyAM yuyudhAnAd vA ye cAnye tava sainikAH  ekaH sarvAn ahaM kruddho na tAn yoddhum ihotsahe 15  dharmamUlA satAM kIrtir manuSyANAM janAdhipa  dharmaM caiva ha kIrtiM ca pAlayan prabravImy aham 16  aham utthAya vaH sarvAn pratiyotsyAmi saMyuge  anvaMzAbhyAgatAn sarvAn RtUn saMvatsaro yathA 17  adya vaH sarathAn sAzvAn azastro viratho 'pi san  nakSatrANIva sarvANi savitA rAtrisaMkSaye  tejasA nAzayiSyAmi sthirI bhavata pANDavAH 18  adyAnRNyaM gamiSyAmi kSatriyANAM yazAsvinAm  bAhlIka droNa bhISmANAM karNasya ca mahAtmanaH 19  jayadrathasya zUrasya bhagadattasya cobhayoH  madrarAjasya zalyasya bhUrizravasa eva ca 20  putrANAM bharatazreSTha zakuneH saubalasya ca  mitrANAM suhRdAM caiva bAndhavAnAM tathaiva ca 21  AnRNyam adya gacchAmi hatvA tvAM bhratRbhiH saha  etAvad uktvA vacanaM virarAma janAdhipaH 22   [y]  diSTyA tvam api jAnISe kSatradharmaM suyodhana  diSTyA te vartate buddhir yuddhAyaiva mahAbhuja 23  diSTyA zUro 'si kauravya diSTyA jAnAsi saMgaram  yas tvam eko hi naH sarvAn saMyuge yoddhum icchasi 24  eka ekena saMgamya yat te saMmatam Ayudham  tat tvam AdAya yudhyasva prekSakAs te vayaM sthitAH 25  ayam iSTaM ca te kAmaM vIra bhUyo dadAmy aham  hatvaikaM bhavato rAjyaM hato vA svargam Apnuhi 26   [dur]  ekaz ced yoddhum Akrande varo 'dya mama dIyate  AyudhAnAm iyaM cApi vRtA tvat saMmate gadA 27  bhrAtRRNAM bhavatAm ekaH zakyaM mAM yo 'bhimanyate  padAtir gadayA saMkhye sa yudhyatu mayA saha 28  vRttAni rathayuddhAni vicitrANi pade pade  idam ekaM gadAyuddhaM bhavatv adyAdbhutaM mahat 29  annAnAm api paryAyaM kartum icchanti mAnavAH  yuddhAnAm api paryAyo bhavatv anumate tava 30  gadayA tvAM mahAbAho vijeSyAmi sahAnujam  pAJcAlAn sRJjayAMz caiva ye cAnye tava sainikAH 31   [y]  uttiSThottiSTha gAndhAre mAM yodhaya suyodhana  eka ekena saMgamya saMyuge gadayA balI 32  puruSo bhava gAndhAre yudhyasva susamAhitaH  adya te jIvitaM nAsti yady api tvaM manojavaH 33   [s]  etat sa narazArdUla nAmRSyata tavAtmajaH  salilAntar gataH zvabhre mahAnAga iva zvasan 34  tathAsau vAk pratodena tudyamAnaH punaH punaH  vAcaM na mAmRSe dhImAn uttamAzvaH kazAm iva 35  saMkSobhya salilaM vegAd gadAm AdAya vIryavAn  adrisAramayIM gurvIM kAJcanAGgadabhUSaNAm  antarjalAt samuttasthau nAgendra iva niHzvasan 36  sa bhittvA stambhitaM toyaM skandhe kRtvAyasIM gadAm  udatiSThata putras te pratapan razmimAn iva 37  tataH zaikyAyasIM gurvIM jAtarUpapariSkRtAm  gadAM parAmRzad dhImAn dhArtarASTro mahAbalaH 38  gadAhastaM tu taM dRSTvA sazRGgam iva parvatam  prajAnAm iva saMkruddhaM zUlapANim avasthitam  sagado bharato bhAti pratapan bhAskaro yathA 39  tam uttIrNaM mahAbAhuM gadAhastam ariMdamam  menire sarvabhUtAni daNDahastam ivAntakam 40  vajrahastaM yathA zakraM zUlahastaM yathA haram  dadRzuH sarvapAJcAlAH putraM tava janAdhipa 41  tam uttIrNaM tu saMprekSya samahRSyanta sarvazaH  pAJcAlAH pANDaveyAz ca te 'nyonyasya talAn daduH 42  avahAsaM tu taM matvA putro duryodhanas tava  udvRtya nayane kruddho didhakSur iva pANDavAn 43  trizikhAM bhrukuTIM kRtvA saMdaSTa dazanac chadaH  pratyuvAca tatas tAn vai pANDavAn sahakezavAn 44  avahAsasya vo 'syAdya prativaktAsmi pANDavAH  gamiSyatha hatAH sadyaH sapAnAlA yamakSayam 45  utthitas tu jalAt tasmAt putro duryodhanas tava  atiSThata gadApANI rudhireNa samukSitaH 46  tasya zoNitadigdhasya salilena samukSitam  zarIraM sma tadA bhAti sravann iva mahIdharaH 47  tam udyatagadaM vIraM menire tatra pANDavAH  vaivasvatam iva kruddhaM kiMkarodyata pANinam 48  sa meghaninado harSAn nadann iva ca govRSaH  AjuhAva tataH pArthAn gadayA yudhi vIryavAn 49   [dur]  ekaikena ca mAM yUyam AsIdata yudhiSThira  na hy eko bahubhir nyAyyo vIra yodhayituM yudhi 50  nyastavarmA vizeSeNa zrAntaz cApsu pariplutaH  bhRzaM vikSata gAtraz ca hatavAhana sainikaH 51   [y]  nAbhUd iyaM tava prajJA kAtham evaM suyodhana  yadAbhimanyu bahavo jaghnur yudhi mahArathAH 52  AmuJca kavacaM vIra mUrdhajAn yamayasva ca  yacc cAnyad api te nAsti tad apy Adatsva bhArata  imam ekaM ca te kAmaM vIra bhUyo dadAmy aham 53  paJcAnAM pANDaveyAnAM yena yoddhum ihecchasi  taM hatvA vai bhavAn rAjA hato vA svargam Apnuhi  Rte ca jIvitAd vIra yuddhe kiM kurma te priyam 54   [s]  tatas tava suto rAjan varma jagrAha kAJcanam  vicitraM ca ziras trANaM jAmbUnadapariSkRtam 55  so 'vabaddha ziras trANaH zubhakAJcanavarma bhRt  rarAja rAjan putras te kAJcanaH zailarAD iva 56  saMnaddhaH sagadI rAjan sajjaH saMgrAmamUrdhani  abravIt pANDavAn sarvAn putro duryodhanas tava 57  bhrAtRRNAM bhavatAm eko yudhyatAM gadayA mayA  sahadevena vA yotsye bhImena nakulena vA 58  atha vA phalgunenAdya tvayA vA bharatarSabha  yotsye 'haM saMgaraM prApya vijeSye ca raNAjite 59  aham adya gamiSyAmi vairasyAntaM sudurgamAm  gadayA puruSavyAghra hemapaTTa vinaddhayA 60  gadAyuddhe na me kaz cit sadRzo 'stIti cintaya  gadayA vo haniSyAmi sarvAn eva samAgatAn  gRhNAtu sagadAM yo vai yudhyate 'dya mayA saha   |



  |  1   [s]  evaM duryodhano rAjan garjamAne muhur muhuH  yudhiSThirasya saMkruddho vAsudevo 'bravId idam 2  yadi nAma hy ayaM yuddhe varayet tvAM yudhiSThira  arjunaM nakulaM vApi sahadevam athApi vA 3  kim idaM sAhasaM rAjaMs tvayA vyAhRtam IdRzam  ekam eva nihatyAjau bhava rAjA kuruSv iti 4  etena hi kRtA yogyA varSANIha trayodaza  Ayase puruSe rAjan bhImasenajighAMsayA 5  kathaM nAma bhavet kAryam asmAbhir bharatarSabha  sAhasaM kRtavAMs tvaM tu hy anukrozAn nRpottama 6  nAnyam asyAnupazyAmi pratiyoddhAram Ahave  Rte vRkodarAt pArthAt sa ca nAtikRta zramaH 7  tad idaM dyUtam ArabdhaM punar eva yathA purA  viSamaM zakunez caiva tava caiva vizAM pate 8  balI bhImaH samarthaz ca kRtI rAjA suyodhanaH  balavAn vA kRtI veti kRtI rAjan viziSyate 9  so 'yaM rAmaMs tvayA zatruH same pathi nivezitaH  nyastaz cAtmA suviSame kRcchram ApAditA vayam 10  ko nu sarvAn vinirjitya zatrUn ekena vairiNA  paNitvA caikapANena rocayed evam Ahavam 11  na hi pazyAmi taM loke gadAhastaM narottamam  yudhyed duryodhanaM saMkhye kRtitvAd dhi vizeSayet 12  phalgunaM vA bhavantaM vA mAdrIputrAv athApi vA  na samarthAn ahaM manye gadAhastasya saMyuge 13  sa kathaM vadase zatruM yudhyasva gadayeti ha  ekaM ca no nihatyAjau bhava rAjeti bhArata 14  vRkodaraM samAsAdya saMzayo vijaye hi naH  nyAyato yudhyamAnAnAM kRtI hy eSa mahAbalaH 15   [bhm]  madhusUdana mA kArSIr viSAdaM yadunandana  adya pAraM gamiSyAmi vairasya bhRzadurgamam 16  ahaM suyodhanaM saMkhye haniSyAmi na saMzayaH  vijayo vai dhruvaM kRSNa dharmarAjasya dRzyate 17  adhyardhena puneneyaM gadA gurutarI mama  na tathA dhArtarASTrasya mA kArSIr mAdhava vyathAm 18  sAmarAn api lokAMs trIn nAnAzastradharAn yudhi  yodhayeyaM raNe hRSTaH kim utAdya suyodhanam 19   [s]  tathA saMbhASamANaM tu vAsudevo vRkodaram  hRSTaH saMpUjayAm Asa vacanaM cedam abravIt 20  tvAm Azritya mahAbAho dharmarAjo yudhiSThiraH  nihatAriH svakAM dIptAM zriyaM prApto na saMzayaH 21  tvayA vinihatAH sarve ghRtarASTra sutA raNe  rAjAno rAjaputrAz ca nAgAz ca vinipAtitAH 22  kaliGgA mAgadhAH prAcyA gAndhArAH kuravas tathA  tvAm AsAdya mahAyuddhe nihatAH pANDunandana 23  hatvA duryodhanaM cApi prayacchorvIM sasAgarAm  dharmarAjasya kaunteya yathA viSNuH zacIpateH 24  tvAM ca prApya raNe pApo dhArtarASTro vinaGkSyati  tvam asya sakthinI bhaGktvA pratijJAM pArayiSyasi 25  yatnena tu sadA pArtha yodddhavyo dhRtarASTrajaH  kRtI ca balavAMz caiva yuddhazauNDaz ca nityadA 26  tatas tu sAtyakI rAjan pUjayAm Asa pANDavam  vividhAbhiz ca tAM vAgbhiH pUjayAm Asa mAdhavaH 27  pAJcAlAH pANDaveyAz ca dharmarAja purogamAH  tad vaco bhImasenasya sarva evAbhyapUjayan 28  tato bhImabalo bhImo yudhiSThiram athAbravIt  sRJjayaiH saha tiSThantaM tapantam iva bhAskaram 29  aham etena saMgamya saMyuge yoddhum utsahe  na hi zakto raNe jetuM mAm eSa puruSAdhamaH 30  adya krodhaM vimokSyAmi nihitaM hRdaye bhRzam  suyodhane dhArtarASTre khANDave 'gnim ivArjunaH 31  zalyam adyoddhariSyAmi tava pANDava hRccchayam  nihatya gadayA pApam adya rAjan sukhI bhava 32  adya kIrtimayIM mAlAM pratimokSye tavAnagha  prANAJ zriyaM ca rAjyaM ca mokSyate 'dya suyodhanaH 33  rAjA ca dhRtarASTro 'dya zrutvA putraM mayA hatam  smAriSyaty azubhaM karma yat tac chakuni buddhijam 34  ity uktvA bharatazreSTho gadAm udyamya vIryavAn  udatiSThata yuddhAya zakro vRtram ivAhvayan 35  tam ekAkinam AsAdya dhArtarASTraM mahAbalam  niryUtham iva mAtaGgaM samahRSyanta pANDavAH 36  tam udyatagadaM dRSTvA kailAsam iva zRGgiNam  bhImasenas tadA rAjan duryodhanam athAbravIt 37  rAjJApi dhRtarASTreNa tvayA cAsmAsu yatkRtam  smAra tad duSkRtaM karma yadvRttaM vAraNAvate 38  draupadI ca parikliSTA sabhAmadhye rajasvalA  dyUte yad vijito rAjA zakuner buddhinizcayAt 39  yAni cAnyAni duSTAtman pApAni kRtavAn asi  anAgaHsu ca pArtheSu tasya pazya mahat phalam 40  tvatkRte nihataH zete zaratalpe mahAyazAH  gAGgeyo bharatazreSThaH sarveSAM naH pitAmahaH 41  hato droNaz ca kArNaz ca hataH zalyaH pratApavAn  vairasyA cAdi kartAsau zakunir nihato yudhi 42  bhrAtaras te hatAH zUrAH putrAz ca sahasainikAH  rAjAnaz ca hatAH zUrAH samareSv anivartinaH 43  ete cAnye ca nihatA bahavaH kSatriyarSabhAH  prAtikAmI tathA pApo draupadyAH klezakRd dhataH 44  avaziSTas tvam evaikaH kulaghno 'dhama pUruSaH  tvAm apy adya haniSyAmi gadayA nAtra saMzayaH 45  adya te 'haM raNe darpaM sarvaM nAzayitA nRpa  rAjyAzAM vipulAM rAjan pANDaveSu ca duSkRtam 46   [dur]  kiM katthitena bahudhA yudhyasvAdya mayA saha  adya te 'haM vineSyAmi yuddhazraddhAM vRkodara 47  kiM na pazyasi mAM pApagadA yuddhe vyavasthitam  himavacchikharAkArAM pragRhya mahatIM gadAm 48  gadinaM ko 'dya mAM pApajetum utsahate ripuH  nyAyato yudhyamAnasya deveSv api puraMdaraH 49  mA vRthA garja kaunteya zaradAbhram ivAjalam  darzayasva balaM yuddhe yAvat tat te 'dya vidyate 50  tasya tad vacanaM zrutvA pAJcAlAH sahasRJjayAH  sarve saMpUjayAm Asus tad vaco vijigISavaH 51  taM mattam iva mAtaGgaM talazabdena mAnavAH  bhUyaH saMharSayAm AsU rAjan duryodhanaM nRpam 52  bRhanti kuJjarAs tatra hayA heSanti cAsakRt  zastrANi saMpradIpyante pANDavAnAM jayaiSiNAm   |



 |  1   [s]  tasmin yuddhe mahArAja saMpravRtte sudAruNe  upaviSTeSu sarveSu pANDaveSu mahAtmasu 2  tatas tAladhvajo rAmas tayor yuddha upasthite  zrutvA tac chiSyayo rAjann AjagAma halAyudhaH 3  taM dRSTvA marama prItAH pUjayitvA narAdhipAH  ziSyayoH kauzalaM yuddhe pazya rAmeti cAbruvan 4  abravIc ca tadA rAmo dRSTvA kRSNaM ca pANDavam  duryodhanaM ca kauravyaM gadApANim avasthitam 5  catvAriMzad ahAny adya dve ca me niHsRtasya vai  puSyeNa saMprayAto 'smi zravaNe punarAgataH  ziSyayor vai gadAyuddhaM draSTukAmo 'smi mAdhava 6  tato yudhiSThiro rAjA pariSvajya halAyudham  svAgataM kuzalaM cAsmai paryapRcchad yathAtatham 7  kRSNau cApi maheSvAsAv abhivAdya halAyudham  sasvajAte pariprItau priyamANau yazasvinau 8  mAdrIputrau tathA zUrau draupadyAH paJca cAtmajAH  abhivAdya sthitA rAjan rauhiNeyaM mahAbalam 9  bhImaseno 'tha balavAn putras tava janAdhipa  tathaiva codyata gadau pUjayAm Asatur balam 10  svAgatena ca te tatra pratipUjya punaH punaH  pazya yuddhaM mahAbAho iti te rAmam abruvan  evam Ucur mahAtmAnaM rauhiNeyaM narAdhipAH 11  pariSvajya tadA rAmaH pANDavAn sRJjayAn api  apRcchat kuzalaM sarvAn pANDavAMz cAmitaujasaH  tathaiva te samAsAdya papracchus tam anAmayam 12  pratyabhyarcya halI sarvAn kSatriyAMz ca mahAmanAH  kRtvA kuzalasaMyuktAM saMvidaM ca yathA vayaH 13  janArdanaM satyakiM ca premNA sa pariSasvaje  mUrdhni caitAv upAghrAya kuzalaM paryapRcchata 14  tau cainaM vidhivad rAjan pUjayAm Asatur gurum  brahmANam iva devezam indropendrau mudA yutau 15  tato 'bravId dharmasuto rauhiNeyam ariMdamam  idaM bhrAtror mahAyuddhaM pazya rAmeti bhArata 16  teSAM madhye mahAbAhuH zrImAn kezava pUrvajaH  nyavizat paramaprItaH pUjyamAno mahArathaiH 17  sa babhau rAjamadhyastho nIlavAsAH sitaprabhaH  divIva nakSatragaNaiH parikIrNo nizAkaraH 18  tatas tayoH saMnipAtas tumulo lomaharSaNaH  AsId antakaro rAjan vairasya tava putrayoH   |



 |  1   [j]  pUrvam eva yadA rAmas tasmin yuddhe upasthite  Amantrya kezavaM yAto vRSNibhiH sahitaH prabhuH 2  sAhAyyaM dhArtarASTrasya na ca kartAsmi kezava  na caiva pANDuputrANAM gamiSyAmi yathAgatam 3  evam uktvA tadA rAmo yAtaH zatrunibarhaNaH  tasya cAgamanaM bhUyo brahmaJ zaMsitum arhasi 4  AkhyAhi me vistarataH kathaM rAma upasthitaH  kathaM ca dRSTavAn yuddhaM kuzalo hy asi sattama 5   [vai]  upaplavye niviSTeSu pANDaveSu mahAtmasu  preSito dhRtarASTrasya samIpaM madhusUdanaH  zamaM prati mahAvAho hitArthaM sarvadehinAm 6  sa gatvA hAstinapuraM dhRtarASTraM sametya ca  uktavAn vacanaM tathyaM hitaM caiva vizeSataH  na ca tat kRtavAn rAjA yathAkhyAtaM hi te purA 7  anavApya zamaM tatra kRSNaH puruSasattamaH  Agacchata mahAbAhur upaplavyaM janAdhipa 8  tataH pratyAgataH kRSNo dhArtarASTra visarjitaH  akriyAyAM naravyAghra pANDavAn idam abravIt 9  na kurvanti vaco mahyaM kuravaH kAlacoditAH  nirgacchadhvaM pANDaveyAH puSyeNa sahitA mayA 10  tato vibhajyamAneSu baleSu balinAM varaH  provAca bhrAtaraM kRSNaM rauhiNeyo mahAmanAH 11  teSAm api mahAbAho sAhAyyaM madhusUdana  kriyatAm iti tat kRSNo nAsya cakre vacas tadA 12  tato manyuparItAtmA jagAma yadunandanaH  tIrthayAtrAM haladharaH sarasvatyAM mahAyazAH  maitre nakSatrayoge sma sahitaH sarvayAdavaiH 13  AzrayAm Asa bhojas tu duryodnanam ariMdamaH  yuyudhAnena sahito vAsudevas tu pANDavAn 14  rauhiNeye gate zUre puSyeNa madhusUdanaH  pANDaveyAn puraskRtya yayAv abhimukhaH kurUn 15  gacchan eva pathisthas tu rAmaH preSyAn uvAca hA  saMbhArAMs tIrthayAtrAyAM sArvopakaraNAni ca  AnayadhvaM dvArakAyA agnIn vai yAjakAMs tathA 16  suvarNaM rajataM caiva dhenur vAsAMsi vAjinaH  kuJjarAMz ca rathAMz caiva kharoSTraM vAhanAni ca  kSipram AnIyatAM sarvaM tIrthahetoH paricchadam 17  pratisrotaH sarasvatyA gachadhvaM zIghragAminaH  Rtvijaz cAnayadhvaM vai zatazaz ca dvijarSabhAn 18  evaM saMdizya tu preSyAn baladevo mahAbalaH  tIrthayAtrAM yayau rAjan kurUNAM vaizase tadA  sarasvatIM pratisrotaH samudrAd abhijagmivAn 19  Rtvigbhiz ca suhRdbhiz ca tathAnyair dvijasattamaiH  rathagarjais tathAzvaiz ca preSyaiz ca bharatarSabha  gokharoSTra prayuktaiz ca yAnaiz ca bahubhir vRtaH 20  zrAntAnAM klAntavapuSAM zizUnAM vipulAyuSAm  tAni yAnAni dezeSu pratIkSyante sma bhArata  bubhukSitAnAm arthAya klRptam annaM samantataH 21  yo yo yatra dvijo bhoktuM kAmaM kAmayate tadA  tasya tasya tu tatraivam upajahrus tadA nRpa 22  tatra sthitA narA rAjan rauhiNeyasya zAsanAt  bhakSyapeyasya kurvanti rAzIMs tatra samantataH 23  vAsAMsi ca mahArhANi paryaGkAstaraNAni ca  pUjArthaM tatra klRptAni viprANAM sukham icchatAm 24  yatra yaH svapate vipraH kSatriyo vApi bhArata  tatra tatra tu tasyaiva sarvaM klRptam adRzyata 25  yathAsukhaM janaH sarvas tiSThate yAti vA tadA  yAtu kAmasya yAnAni pAnAni tRSitasya ca 26  bubhukSitasyA cAnnAni svAdUni bharatarSabha  upajahrur narAs tatra vastrANy AbharaNAni ca 27  sa panthAH prababhau rAjan sarvasyaiva sukhAvahaH  svargopamas tadA vIra narANAM tatra gacchatAm 28  nityapramuditopetaH svAdu bhakSaH zubhAnvitaH  vipaNyApaNa paNyAnAM nAnAjanazatair vRtaH  nAnAdrumalatopeto nAnAratnavibhUSitaH 29  tato mahAtmA niyame sthitAtmA; puNyeSu tIrtheSu vasUni rAjan  dadau dvijebhyaH kratudakSiNAz ca; yadupravIro halabhRt pratItaH 30  dogbhrIz ca dhenUz ca sahasrazo vai; suvAsasaH kAJcanabaddhazRGgIH  hayAMz ca nAnAvidha dezajAtAn; yAnAni dAsIz ca tathA dvijebhyaH 31  ratnAni muktAmaNividrumaM ca; zRGgI suvarNaM rajataM ca zubhram  ayo mayaM tAmramayaM ca bhANDaM; dadau dvijAtipravareSu rAmaH 32  evaM sa vittaM pradadau mahAtmA; sarasvatI tIrthavareSu bhUri  yayau krameNApratima prabhAvas; tataH kurukSetram udAravRttaH 33   [j]  sArasvatAnAM tIrthAnAM guNotpattiM vadasva me  phalaM ca dvipadAM zreSTha karma nirvRttim eva ca 34  yathAkramaM ca bhagavaMs tIrthAnAm anupUrvazaH  brahman brahmavidAM zreSTha paraM kautUhalaM hi me 35   [vai]  tIrthAnAM vistaraM rAjan guNotpattiM ca sarvazaH  mayocyamAnAM zRNu vai puNyAM rAjendra kRtsnazaH 36  pUrvaM mahArAja yadupravIra; Rtvik suhRd vipra gaNaiz ca sArdham  puNyaM prabhAsaM samupAjagAma; yatroDu rAD yakSmaNA klizyamAnaH 37  vimuktazApaH punar Apya tejaH; sarvaM jagad bhAsayate narendra  evaM tu tIrthapravaraM pRthivyAM; prabhAsanAt tasya tataH prabhAsaH 38   [j]  kimarthaM bhagavAn somo yakSmaNA samagRhyata  kathaM ca tIrthapravare tasmiMz candro nyamajjata 39  katham Aplutya tasmiMs tu punar ApyAyitaH zazI  etan me sarvam AcakSva vistareNa mahAmune 40   [vai]  dakSasya tanayA yAs tAH prAdurAsan vizAM pate  sa sapta viMzatiM kanyA dakSaH somAya vai dadau 41  nakSatrayoganiratAH saMkhyAnArthaM ca bhArata  patnyo vai tasya rAjendra somasya zubhalakSaNAH 42  tAs tu sarvA vizAlAkSyo rUpeNApratimA bhuvi  atyaricyata tAsAM tu rohiNI rUpasaMpadA 43  tatas tasyAM sa bhagavAn prItiM cakre nizAkaraH  sAsya hRdya babhUvAdya tasmAt tAM bubhuje sadA 44  purA hi somo rAjendra rohiNyAm avasac ciram  tato 'sya kupitAny Asan nakSatrANi mahAtmanaH 45  tA gatvA pitaraM prAhuH prajApatim atandritAH  somo vasati nAsmAsu rohiNIM bhajate sadA 46  tA vayaM sahitAH sarvAs tvatsakAze prajezvara  vatsyAmo niyatAhArAs tapazcaraNatatparAH 47  zrutvA tAsAM tu vacanaM dakSaH somam athAbravIt  samaM vartasya bhAryAsu mA tvAdharmo mahAn spRzet 48  tAz ca sarvAbravId dakSo gacchadhvaM somam antikAt  samaM vatsyati sarvAsu candramA mama zAsanAt 49  visRSTAs tAs tadA jagmuH zItAMzubhavanaM tadA  tathApi somo bhagavAn punar eva mahIpate  rohiNIM nivasaty eva prIyamANo muhur muhuH 50  tatas tAH sahitAH sarvA bhUyaH pitaram abruvan  tava zuzrUSaNe yuktA vatsyAmo hi tavAzrame  somo vasati nAsmAsu nAkarod vacanaM tava 51  tAsAM tad vacanaM zrutvA dakSaH somam athAbravIt  samaM vartasva bhAryAsu mA tvAM zapsye virocana 52  anAdRtya tu tad vAkyaM dakSasya bhagavAJ zazI  rohiNyA sArdham avasat tatas tAH kupitAH punaH 53  gatvA ca pitaraM prAhuH praNamya zirasA tadA  somo vasati nAsmAsu tasmAn naH zaraNaM bhava 54  rohiNyAm eva bhagavan sadA vasati candramAH  tasmAn nas trAhi sarvA vai yathA naH soma Avizet 55  tac chrutvA bhagavAn kruddho yakSmANaM pRthivIpate  sasarva roSAt somAya sa coDu patim Avizat 56  sa yakSmaNAbhibhUtAtmAkSIyatAhar ahaH zazI  yatnaM cApy akarod rAjan mokSArthaM tasya yakSmaNaH 57  iSTveSTibhir mahArAja vividhAbhir nizAkaraH  na cAmucyata zApAd vai kSayaM caivAbhyagacchata 58  kSIyamANe tataH some oSadhyo na prajajJire  nirAsvAda rasAH sarvA hatavIryAz ca sarvazaH 59  oSadhInAM kSaye jAte prANinAm api saMkSayaH  kRzAz cAsan prajAH sarvAH kSIyamANe nizAkare 60  tato devAH samAgamya somam Ucur mahIpate  kim idaM bhavato rUpam IdRzaM na prakAzate 61  kAraNaM brUhi naH sarvaM yenedaM te mahad bhayam  zrutvA tu vacanaM tvatto vidhAsyAmas tato vayam 62  evam uktaH pratyuvAca sarvAMs tAJ zazalakSaNaH  zApaM ca kAraNaM caiva yakSmANaM ca tathAtmanaH 63  devAs tasya vacaH zrutvA gatvA dakSam athAbruvan  prasIda bhagavan some zApaz caiSa nivartyatAm 64  asau hi candramAH kSINaH kiM cic cheSo hi lakSyate  kSayAc caivAsya deveza prajAz cApi gatAH kSayam 65  vIrud oSadhayaz caiva bIjAni vividhAni ca  tathA vayaM lokaguro prasAdaM kartum arhasi 66  evam uktas tadA cintya prAha vAkyaM prajApatiH  naitac chakyaM mama vaco vyAvartayitum anyathA  hetunA tu mahAbhAgA nivartiSyati kena cit 67  samaM vartatu sarvAsu zazI bhAryAsu nityazaH  sarasvatyA vare tIrthe unmajjaJ zazalakSaNaH  punar vardhiSyate devAs tad vai satyaM vaco mama 68  mAsArdhaM ca kSayaM somo nityam eva gamiSyati  mAsArdhaM ca tadA vRddhiM satyam etad vaco mama 69  sarasvatIM tataH somo jagAma RSizAsanAt  prabhAsaM paramaM tIrthaM sarasvatyA jagAma ha 70  amAvAsyAM mahAtejAs tatronmajjan mahAdyutiH  lokAn prabhAsayAm Asa zItAMzutvam avApa ca 71  devAz ca sarve rAjendra prabhAsaM prApya puSkalam  somena sahitA bhUtvA dakSasya pramukhe 'bhavan 72  tataH prajApatiH sarvA visasarjAtha devatAH  somaM ca bhagavAn prIto bhUyo vacanam abravIt 73  mAvamaMsthAH striyaH putra mA ca viprAn kadA cana  gaccha yuktasadA bhUtvA kuru vai zAsanaM mama 74  sa visRSTo mahArAja jagAmAtha svam Alayam  prajAz ca muditA bhUtvA bhojane ca yathA purA 75  etat te sarvam AkhyAtaM yathA zapto nizAkaraH  prabhAsaM ca yathA tIrthaM tIrthAnAM pravaraM hy abhUt 76  amAvAsyAM mahArAja nityazaH zazalakSaNaH  snAtvA hy ApyAyate zrImAn prabhAse tIrtha uttame 77  ataz cainaM prajAnanti prabhAsam iti bhUmipa  prabhAM hi paramAM lebhe tasminn unmajjya candramAH 78  tatas tu camasodbhedam acyutas tv agamad balI  camasodbheda ity evaM yaM janAH kathayanty uta 79  tatra dattvA ca dAnAni viziSTAni halAyudhaH  uSitvA rajanIm ekAM snAtvA ca vidhivat tadA 80  udapAnam athAgacchat tvarAvAn kezavAgrajaH  AdyaM svastyayanaM caiva tatrAvApya mahat phalam 81  snigdhatvAd oSadhInAM ca bhUmez ca janamejaya  jAnanti siddhA rAjendra naSTAm api sarasvatIm   |



 |  1   [vai]  tasmAn nadI gataM cApi udapAnaM yazasvinaH  tritasya ca mahArAja jagAmAtha halAyudhaH 2  tatra dattvA bahudravyaM pUjayitvA tathA dvijAn  upaspRzya ca tatraiva prahRSTo musalAyudhaH 3  tatra dharmaparo hy AsIt tritaH sa sumahAtapAH  kUpe ca vasatA tena somaH pIto mahAtmanA 4  tatra cainaM samutsRjya bhrAtarau jagmatur gRhAn  tatas tau vai zazApAtha trito brAhmaNasattamaH 5   [j]  udapAnaM kathaM brahman kathaM ca sumahAtapAH  patitaH kiM ca saMtyakto bhrAtRbhyAM dvijasattamaH 6  kUpe kathaM ca hitvainaM bhrAtarau jagmatur gRhAn  etad AcakSva me brahman yadi zrAvyaM hi manyase 7   [vai]  Asan pUrvayuge rAjan munayo bhrAtaras trayaH  ekataz ca dvitaz caiva tritaz cAdityasaMnibhAH 8  sarve prajApatisamAH prajAvantas tathaiva ca  brahmalokajitaH sarve tapasA brahmavAdinaH 9  teSAM tu tapasA prIto niyamena damena ca  abhavad gautamo nityaM pitA dharmarataH sadA 10  sa tu dIrgheNa kAlena teSAM prItim avApya ca  jagAma bhagavAn sthAnam anurUpam ivAtmanaH 11  rAjAnas tasya ye pUrve yAjyA hy Asan mahAtmanaH  te sarve svargate tasmiMs tasya putrAn apUjayan 12  teSAM tu karmaNA rAjaMs tathaivAdhyayanena ca  tritaH sa zreSThatAM prApa yathaivAsya pitA tathA 13  taM sma sarve mahAbhAgA munayaH puNyalakSaNAH  apUjayan mahAbhAgaM tathA vidvattayaiva tu 14  kadAcid dhi tato rAjan bhrAtarAv ekata dvitau  yajJArthaM cakratuz cittaM dhanArthaM ca vizeSataH 15  tayoz cintA samabhavat tritaM gRhya paraMtapa  yAjyAn sarvAn upAdAya pratigRhya pazUMs tataH 16  somaM pAsyAmahe hRSTAH prApya yajJaM mahAphalam  cakruz caiva mahArAja bhrAtaras traya eva ha 17  tathA tu te parikramya yAjyAn sarvAn pazUn prati  yAjayitvA tato yAjyAm*l labdhvA ca subahUn pazUn 18  yAjyena karmaNA tena pratigRhya vidhAnataH  prAcIM dizaM mahAtmAna Ajagmus te maharSayaH 19  tritas teSAM mahArAja purastAd yAti hRSTavat  ekataz ca dvitaz caiva pRSThataH kAlayan pazUn 20  tayoz cintA samabhavad dRSTvA pazugaNaM mahat  kathaM na syur imA gAva AvAbhyAM vai vinA tritam 21  tAv anyonyaM samAbhASya ekataz ca dvitaz ca ha  yad Ucatur mithaH pApau tan nibodha janezvara 22  trito yajJeSu kuzalas trito vedeSu niSThitaH  anyAs trito bahutarA gAvaH samupalapsyate 23  tad AvAM sahitau bhUtvA gAH prakAlya vrajAvahe  trito 'pi gachatAM kAmam AvAbhyAM vai vinAkRtaH 24  teSAm AgacchatAM rAtrau pathi sthAne vRko 'bhavat  tathA kUpe 'vidUre 'bhUt sarasvatyAs taTe mahAn 25  atha trito vRkaM dRSTvA pathi tiSThantam agrataH  tadbhayAd apasarpan vai tasmin kUpe papAta ha  agAdhe sumahAghore sarvabhUtabhayaMkare 26  tritas tato mahAbhAgaH kUpastho munisattamaH  ArtanAdaM tataz cakre tau tu zuzruvatur munI 27  taM jJAtvA patitaM kUpe bhrAtarAv ekata dvitau  vRkatrAsA ca lobhAc ca samutsRjya prajagmatuH 28  bhrAtRbhyAM pazulubdhAbhyAm utsRSTaH sa mahAtapAH  udapAne mahArAja nirjale pAMsusaMvRte 29  trita AtmAnam AlakSya kUpe vIrut tRNAvRte  nimagnaM bharatazreSTha pApakRn narake yathA 30  buddhyA hy agaNayat prAjJo mRtyor bhIto hy asomapaH  somaH kathaM nu pAtavya ihasthena mayA bhavet 31  sa evam anusaMcintya tasmin kUpe mahAtapAH  dadarza vIrudhaM tatra lambamAnAM yadRcchayA 32  pAMsugraste tataH kUpe vicintya salilaM muniH  agnIn saMkalpayAm Asa hotre cAtmAnam eva ca 33  tatas tAM vIrudhaM somaM saMkalpya sumahAtapAH  Rcco yajUMSi sAmAni manasA cintayan muniH  grAhANaH zarkarAH kRtvA pracakre 'bhiSavaM nRpa 34  AjyaM ca salilaM cakre bhAgAMz ca tridivaukasAm  somasyAbhiSavaM kRtvA cakAra tumulaM dhvanim 35  sa cAvizad divaM rAjan svaraH zaikSas tritasya vai  samavApa ca taM yajJaM yathoktaM brahmavAdibhiH 36  vartamAne tathA yajJe tritasya sumahAtmanaH  AvignaM tridivaM sarvaM kAraNaM ca na budhyate 37  tataH sutumulaM zabdaM zuzrAvAtha bRhaspatiH  zrutvA caivAbravId devAn sarvAn devapurohitaH 38  tritasya vartate yajJas tatra gacchAmahe surAH  sa hi kruddhaH sRjed anyAn devAn api mahAtapAH 39  tac chrutvA vacanaM tasya sahitAH sarvadevatAH  prayayus tatra yatrAsau trita yajJaH pravartate 40  te tatra gatvA vibhudhAs taM kUpaM yatra sa tritaH  dadRzus taM mahAtmAnaM dISkitaM yajJakarmasu 41  dRSTvA cainaM mahAtmAnaM zriyA paramayA yutam  Ucuz cAtha mahAbhAgaM prAptA bhAgArthino vayam 42  athAbravId RSir devAn pazyadhvaM mAM divaukasaH  asmin pratibhaye kUpe nimagnaM naSTacetasam 43  tatas trito mahArAja bhAgAMs teSAM yathAvidhi  mantrayuktAn samadadAt te ca prItAs tadAbhavan 44  tato yathAvidhi prAptAn bhAgAn prApya divaukasaH  prItAtmAno dadus tasmai varAn yAn manasecchati 45  sa tu vavre varaM devAMs trAtum arhatha mAm itaH  yaz cehopaspRzet kUpe sa somapa gatiM labhet 46  tatra cormimatI rAjann utpapAta sarasvatI  tayotkSiptas tritas tasthau pUjayaMs tridivaukasaH 47  tatheti coktvA vibudhA jagmU rAjan yathAgatam  tritaz cApy agamat prItaH svam eva nilayaM tadA 48  kruddhaH sa tu samAsAdya tAv RSI bhrAtarau tadA  uvAca paruSaM vAkyaM zazApa ca mahAtapAH 49  pazulubdhau yuvAM yasmAn mAm utsRjya pradhAvitau  tasmAd rUpeNa teSAM vai daMSTriNNAm abhitaz carau 50  bhavitArau mayA zaptau pApenAnena karmaNA  prasavaz caiva yuvayor golAGgUlarSka vAnarAH 51  ity ukte tu tadA tena kSaNAd eva vizAM pate  tathA bhUtAv adRzyetAM vacanAt satyavAdinaH 52  tatrApy amitavikrAntaH spRSTvA toyaM halAyudhaH  dattvA ca vividhAn dAyAn pUjayitvA ca vai dvijAn 53  udapAnaM ca taM dRSTvA prazasya ca punaH punaH  nadI gatam adInAtmA prApto vinazanaM tadA   |



 |  1   [vai]  tato vinazanaM rAjann AjagAma halAyudhaH  zUdrAbhIrAn prati dveSAd yatra naSTA sarasvatI 2  yasmAt sA bharatazreSTha dveSAn naSTA sarasvatI  tasmAt tad RSayo nityaM prAhur vinazaneti ha 3  tac cApy upaspRzya balaH sarasvatyAM mahAbalaH  subhUmikaM tato 'gacchat sarasvatyAs taTe vare 4  tatra cApsarasaH zubhrA nityakAlam atandritAH  krIDAbhir vimalAbhiz ca krIDanti vimalAnanAH 5  tatra devAH sagandharvA mAsi mAsi janezvara  abhigacchanti tat tIrthaM puNyaM brAhmaNa sevitam 6  tatrAdRzyanta gandharvAs tathaivApsarasAM gaNAH  sametya sahitA rAjan yathA prAptaM yathAsukham 7  tatra modanti devAz ca pitaraz ca savIrudhaH  puNyaiH puSpaiH sadA divyaiH kIryamANAH punaH punaH 8  AkrIDabhUmiH sA rAjaMs tAsAm apsarasAM zubhA  subhUmiketi vikhyAtA sarasvatyAs taTe vare 9  tatra snAtvA ca dattvA ca vasu vipreSu mAdhavaH  zrutvA gItAM ca tad divyaM vAditrANAM ca niHsvanam 10  chAyAz ca vipulA dRSTvA devagandharvarakSasAm  gandharvANAM tatas tIrtham Agacchad rohiNI sutaH 11  vizvAvasumukhAs tatra gandharvAs tapasAnvitAH  nRttavAditragItaM ca kurvanti sumanoramam 12  tatra dattvA haladharo viprebhyo vividhaM vasu  ajAvikaM gokharoSTraM suvarNaM rajataM tathA 13  bhojayitvA dvijAn kAmaiH saMtarpya ca mahAdhanaiH  prayayau sahito vipraiH stUyamAnaz ca mAdhavaH 14  tasmAd gandharvatIrthAc ca mahAbAhur ariMdamaH  garga sroto mahAtIrtham AjagAmaika kuNDalI 15  yatra gargeNa vRddhena tapasA bhAvitAtmanA  kAlajJAnagatiz caiva jyotiSAM ca vyatikramaH 16  utpAtA dAruNAz caiva zubhAz ca janamejaya  sarasvatyAH zubhe tIrthe vihitA vai mahAtmanA  tasya nAmnA ca tat tIrthaM garga srota iti smRtam 17  tatra garga mahAbhAgam RSayaH suvratA nRpa  upAsAM cakrire nityaM kAlajJAnaM prati prabho 18  tatra gatvA mahArAja balaH zvetAnulepanaH  vidhivad dhi dhanaM dattvA munInAM bhAvitAtmanAm 19  uccAvacAMs tathA bhakSyAn dvijebhyo vipradAya saH  nIlavAsAs tato 'gacchac chaGkhatIrthaM mahAyazAH 20  tatrApazyan mahAzaGkhaM mahAmerum ivocchritam  zvetaparvata saMkAzam RSisaMghair niSevitam  sarasvatyAs taTe jAtaM nagaM tAladhvajo balI 21  yakSA vidyAdharAz caiva rAkSasAz cAmitaujasaH  pizAcAz cAmitabalA yatra siddhAH sahasrazaH 22  te sarve hy azanaM tyaktvA phAlaM tasyA vanaspateH  vrataiz ca niyamaiz caiva kAle kAle sma bhuJjate 23  prAptaiz ca niyamais tais tair vicarantaH pRthak pRthak  adRzyamAnA manujair vyacaran puruSarSabha 24  evaM khyAto narapate loke 'smin sa vanaspatiH  tatra tIrthaM sarasvatyAH pAvanaM lokavizrutam 25  tasmiMz ca yaduzArdUlo dattvA tIrthe yazasvinAm  tAmrAyasAni bhANDAni vastrANi vividhAni ca 26  pUjAyitvA dvijAMz caiva pUjitaz ca tapodhanaiH  puNyaM dvaitavanaM rAjann AjagAma halAyudhaH 27  tatra gatvA munIn dRSTvA nAnAveSadharAn balaH  Aplutya salile cApi pUjayAm Asa vai dvijAn 28  tathaiva dattvA viprebhyaH parobhogAn supuSkalAn  tataH prAyAd balo rAjan dakSiNena sarasvatIm 29  gatvA caiva mahAbAhur nAtidUraM mahAyazAH  dharmAtmA nAgadhanvAnaM tIrtham Agamad acyutaH 30  yatra pannagarAjasya vAsukeH saMnivezanam  mahAdyuter mahArAja bahubhiH pannagair vRtam  yatrAsann RSayaH siddhAH sahasrANi caturdaza 31  yatra devAH samAgamya vAsukiM pannagottamam  sarvapannaga rAjAnam abhyaSiJcan yathAvidhi  pannagebhyo bhayaM tatra vidyate na sma kaurava 32  tatrApi vidhivad dattvA viprebhyo ratnasaMcayAn  prAyAt prAcIM dizaM rAjan dIpyamAnaH svatejasA 33  Aplutya bahuzo hRSTas teSu tIrtheSu lAGgalI  dattvA vasu dvijAtibhyo jagAmAti tapasvinaH 34  tatrasthAn RSisaMghAMs tAn ahivAdya halAyudhaH  tato rAmo 'gamat tIrtham RSibhiH sevitaM mahat 35  yatra bhUyo nivavRte prAGmukhA vai sarasvatI  RSINAM naimiSeyANAm avekSArthaM mahAtmanAm 36  nivRttAM tAM saricchreSThAM tatra dRSTvA tu lAGgalI  babhUva vismito rAjan balAH zvetAnulepanaH 37   [j]  kasmAt sArasvatI brahman nivRttA prAGmukhI tataH  vyAkhyAtum etad icchAmi sarvam adhvaryu sattama 38  kasmiMz ca kAraNe tatra vismito yadunandanaH  vinivRttA saricchreSThA katham etad dvijottama 39   [vai]  pUrvaM kRtayuge rAjan naimiSeyAs tapasvinaH  vartamAne subahule satre dvAdaza vArSike  RSayo bahavo rAjaMs tatra saMpratipedire 40  uSitvA ca mahAbhAgAs tasmin satre yathAvidhi  nivRtte naimiSeye vai satre dvAdaza vArSike  Ajagmur RSayas tatra bahavas tIrthakAraNAt 41  RSINAM bahulAtvAt tu sarasvatyA vizAM pate  tIrthAni nagarAyante kUle vai dakSiNe tadA 42  samantapaJcakaM yAvat tAvat te dvijasattamAH  tIrthalobhAn naravyAghra nadyAs tIraM samAzritAH 43  juhvatAM tatra teSAM tu munInAM bhAvitAtmanAm  svAdhyAyenApi mahatA babhUvuH pUritA dizaH 44  agnihotrais tatas teSAM hUyamAnair mahAtmanAm  azobhata saricchreSThA dIpyamAnaiH samantataH 45  vAlakhilyA mahArAja azmakuTTAz ca tApasAH  dantolUkhalinaz cAnye saMprakSAlAs tathApare 46  vAyubhakSA jalAhArAH parNabhakSAz ca tApasAH  nAnA niyamayuktAz ca tathA sthaNDilazAyinaH 47  Asan vai munayas tatra sarasvatyAH samIpataH  zobhayantaH saricchreSThAM gaGgAm iva divaukasaH 48  tataH pazcAt samApetur RSayaH satra yAjinaH  te 'vakAzaM na dadRzuH kurukSetre mahAvratAH 49  tato yajJopavItais te tat tIrthaM nirmimAya vai  juhuvuz cAgnihotrANi cakruz ca vividhAH kriyAH 50  tatas tam RSisAMghAtaM nirAzaM cintayAnvitam  darzayAm Asa rAjendra teSAm arthe sarasvatI 51  tataH kuJjAn bahUn kRtvA saMnivRttA sarid varA  RSINAM puNyatapasAM kAruNyAj janamejaya 52  tato nivRtya rAjendra teSAm arthe sarasvatI  bhUyaH pratIcy abhimukhI susrAva saritAM varA 53  amoghA gamanaM kRtvA teSAM bhUyo vrajAmy aham  ity adbhutaM mahac cakre tato rAjan mahAnadI 54  evaM sa kuJjo rAjendra naimiSeya iti smRtaH  kurukSetre kuruzreSTha kuruSva mahatIH kriyAH 55  tatra kuJjAn bahUn dRSTvA saMnivRttAM ca tAM nadIm  babhUva vismayas tatra rAmasyAtha mahAtmanaH 56  upaspRzya tu tatrApi vidhivad yadunandanaH  dattvA dAyAn dvijAtibhyo bhANDAni vividhAni ca  bhakSyaM peyaM ca vividhaM brAhmaNAn pratyapAdayat 57  tataH prAyAd balo rAjan pUjyamAno dvijAtibhiH  sarasvatI tIrthavaraM nAnAdvija gaNAyutam 58  badareGguda kAzmarya plakSAzvattha vibhItakaiH  panasaiz ca palAzaiz ca karIraiH pIlubhis tathA 59  sarasvatI tIraruhair bandhanaiH syandanais tathA  parUSaka vanaiz caiva bilvair AmrAtakais tathA 60  atimukta kaSaNDaiz ca pArijAtaiz ca zobhitam  kadalI vanabhUyiSTham iSTaM kAntaM manoramam 61  vAyvambuphalaparNAdair dantolUkhalikair api  tathAzma kuTTair vAneyair munibhir bahubhir vRtam 62  svAdhyAyaghoSasaMghuSTaM mRgayUthazatAkulam  ahiMsrair dharmaparamair nRtyair atyantasevitam 63  sapta sArasvataM tIrtham AjagAma halAyudhaH  yatra maGkaNakaH siddhas tapas tepe mahAmuniH   |



 |  1   [j]  sapta sArasvataM kasmAt kaz ca maGkaNako muniH  kathaM siddhaz ca bhagavAn kaz cAsya niyamo 'bhavat 2  kasya vaMze samutpannaH kiM cAdhItaM dvijottama  etad icchAmy ahaM zrotuM vidhivad dvijasattama 3   [vai]  rAjan sapta sarasvatyo yAbhir vyAptam idaM jagat  AhUta balavadbhir hi tatra tatra sarasvatI 4  suprabhA kAJcanAkSI ca vizAlA mAnasahradA  sarasvatI oghavatI suveNur vimalodakAH 5  pitAmahasya mahato vartamAne mahItale  vitate yajJavATe vai sameteSu dvijAtiSu 6  puNyAhaghoSair vimalair vedAnAM ninadais tathA  deveSu caiva vyagreSu tasmin yajJavidhau tadA 7  tatra caiva mahArAja dIkSite prapitAmahe  yajatas tatra sattreNa sarvakAmasamRddhinA 8  manasA cintitA hy arthA dharmArthakuzalais tadA  upatiSThanti rAjendra dvijAtIMs tatra tatra ha 9  jaguz ca tatra gandharvA nanRtuz cApsarogaNAH  vAditrANi ca divyAni vAdayAm Asur aJjasA 10  tasya yajJasya saMpattyA tutuSur devatA api  vismayaM paramaM jagmuH kim u mAnuSayonayaH 11  vartamAne tathA yajJe puSkarasthe pitAmahe  abruvann RSayo rAjan nAyaM yajJo mahAphalaH  na dRzyate saricchreSThA yasmAd iha sarasvatI 12  tac chrutvA bhagavAn prItaH sasmArAtha sarasvatIm  pitAmahena yajatA AhUtA puSkareSu vai  suprabhA nAma rAjendra nAmnA tatra sarasvatI 13  tAM dRSTvA munayas tuSTA vegayuktAM sarasvatIm  pitAmahaM mAnayantIM kratuM te bahu menire 14  evam eSA saricchreSThA puSkareSu sarasvatI  pitAmahArthaM saMbhUtA tuSTyarthaM ca manISiNAm 15  naimiSe munayo rAjan samAgamya samAsate  tatra citrAH kathA hy Asan vedaM prati janezvara 16  tatra te munayo hy Asan nAnAsvAdhyAyavedinaH  te samAgamya munayaH sasmarur vai sarasvatIm 17  sA tu dhyAtA mahArAja RSibhiH satra yAjibhiH  samAgatAnAM rAjendra sahAyArthaM mahAtmanAm  AjagAma mahAbhAgA tatra puNyA sarasvatI 18  naimiSe kAJcanAkSI tu munInAM satra yAjinAm  AgatA saritAM zreSThA tatra bhArata pUjitA 19  gayasya yajamAnasya gayeSv evaM mahAkratum  AhUtA saritAM zreSThA gaya yajJe sarasvatI 20  vizAlAM tu gayeSv Ahur RSayaH saMzitavratAH  sarit sA himavatpArzvAt prasUtA zIghragAminI 21  auddAlakes tathA yajJe yajatas tatra bhArata  samete sarvataH sphIte munInAM maNDale tadA 22  uttare kosalA bhAge puNye rAjan mahAtmanaH  auddAlakena yajatA pUrvaM dhyAtA sarasvatI 23  AjagAma saricchreSThA taM dezam RSikAraNAt  pUjyamAnA munigaNair valkalAjinasaMvRtaiH  mano hradeti vikyAtA sA hi tair manasA hRtA 24  suveNur RSabhadvIpe puNye rAjarSisevite  kuroz ca yajamAnasya kurukSetre mahAtmanaH  AjagAma mahAbhAgA saricchreSThA sarasvatI 25  oghavaty api rAjendra vasiSThena mahAtmanA  samAhUtA kurukSetre divyatoyA sarasvatI 26  dakSeNa yajatA cApi gaGgA dvAre sarasvatI  vimalodA bhagavatI brahmaNA yajatA punaH  samAhUtA yayau tatra puNye haimavate girau 27  ekIbhUtAs tatas tAs tu tasmiMs tIrthe samAgatAH  sapta sArasvataM tIrthaM tatas tat prathitaM bhuvi 28  iti sapta sarasvatyo nAmataH parikIrtitAH  sapta sArasvataM caiva tIrthaM puNyaM tathA smRtam 29  zRNu maGkaNakasyApi kaumAra brahmacAriNaH  ApagAm avagADhasya rAjan prakrIDitaM mahat 30  dRSTvA yadRcchayA tatra striyam ambhasi bhArata  snAyantIM rucirApAGgIM digvAsasam aninditAm  sarasvatyAM mahArAja caskande vIryam ambhasi 31  tad retaH sa tu jagrAha kalaze vai mahAtapAH  saptadhA pravibhAgaM tu kalazasthaM jagAma ha  tatrarSayaH saptajAtA jajJire marutAM gaNAH 32  vAyuvego vAyubalo vAyuhA vAyumaNDalaH  vAyujvAlo vAyuretA vAyucakraz ca vIryavAn  etam ete samutpannA marutAM janayiSNavaH 33  idam anyac ca rAjendra zRNv AzcaryataraM bhuvi  maharSRz caritaM yAdRk triSu lokeSu vizrutam 34  purA maGkaNakaH siddhaH kuzAgreNeti naH zrutam  kSataH kila kare rAjaMs tasya zAkaraso 'sravat  sa vi zAkarasaM dRSTvA harSAviSTaH pranRttavAn 35  tatas tasmin pranRtte vai sthAvaraM jaGgamaM ca yat  pranRttam ubhayaM vIra tejasA tasya mohitam 36  brahmAdibhiH surai rAjann RSibhiz ca tapodhanaiH  vijJapto vai mahAdeva RSer arthe narAdhipa  nAyaM nRtyed yathA deva tathA tvaM kartum arhasi 37  tato devo muniM dRSTvA harSAviSTam atIva ha  surANAM hitakAmArthaM mahAdevo 'bhyabhASata 38  bho bho brAhmaNa dharmajJa kimarthaM narinartsi vai  harSasthAnaM kimarthaM vai tavedaM munisattama  tapasvino dharmapathe sthitasya dvijasattama 39   [rsi]  kiM na pazyasi me brahman karAc chAka rasaM zrutam  yaM dRSTva vai pranRtto 'haM harSeNa mahatA vibho 40  taM prahasyAbravId devo muniM rAgeNa mohitam  ahaM na vismayaM vipra gacchAmIti prapazya mAm 41  evam uktvA munizreSThaM mahAdevena dhImatA  aGgulyagreNa rAjendra svAGguSThas tADito 'bhavat 42  tato bhasma kSatAd rAjan nirgataM himasaMnibham  tad dRSTvA vrIDito rAjan sa muniH pAdayor gataH 43   [rsi]  nAnyaM devAd ahaM manye rudrAt parataraM mahat  surAsurasya jagato gatis tvam asi zUladhRk 44  tvayA sRSTam idaM vizvaM vadantIha manISiNaH  tvAm eva sarvaM vizati punar eva yugakSaye 45  devair api na zakyas tvaM parijJAtuM kuto mayA  tvayi sarve sma dRzyante surA brahmAdayo 'nagha 46  sarvas tvam asi devAnAM kartA kArayitA ca ha  tvatprasAdAt surAH sarve modantIhAkuto bhayAH 47  evaM stutvA mahAdevaM sa RSiH praNato 'bravIt  bhagavaMs tvatprasAdAd vai tapo me na kSared iti 48  tato devaH prItamanAs tam RSiM punar abravIt  tapas te vardhatAM vipra matprasAdAt sahasradhA  Azrame ceha vatsyAmi tvayA sArdham ahaM sadA 49  sapta sArasvato cAsmin yo mAm arciSyate naraH  na tasya durlabhaM kiM cid bhaviteha paratra ca  sArasvataM ca lokaM te gamiSyanti na saMzayaH 50  etan maGkaNakasyApi caritaM bhUri tejasaH  sa hi putraH sajanyAyAm utpanno mAtarizvanA   |



 |  1   [vai]  uSitvA tatra rAmas tu saMpUjyAzramavAsinaH  tathA maGkaNake prItiM zubhAM cakre halAyudhaH 2  dattvA dAnaM dvijAtibhyo rajanIM tAm upoSya ca  pUjito munisaMghaiz ca prAtar utthAya lAGgalI 3  anujJApya munIn sarvAn spRSTvA toyaM ca bhArata  prayayau tvarito rAjaMs tIrthahetor mahAbalaH 4  tata auzanasaM tIrtham AjagAma halAyudhaH  kapAlamoccanaM nAma yatra mukto mahAmuniH 5  mahatA zirasA rAjan grastajaGgho mahodaraH  rAkSasasya mahArAja rAma kSiptasya vai purA 6  tatra pUrvaM tapas taptaM kAvyena sumahAtmanA  yatrAsya nItir akhilA prAdurbhUtA mahAtmanaH  tatrasthaz cintayAm Asa daityadAnava vigraham 7  tat prApya ca balo rAjaMs tIrthapravaram uttamam  vidhivad dhi dadau vittaM brAhmaNAnAM mahAtmanAm 8   [j]  kapAlamocanaM brahman kathaM yatra mahAmuniH  muktaH kathaM cAsya ziro lagnaM kena ca hetunA 9   [vai]  purA vai daNDakAraNye rAghaveNa mahAtmanA  vasatA rAjazArdUla rAkSasAs tatra hiMsitAH 10  janasthAne ziraz chinnaM rAkSasasya durAtmanaH  kSureNa zitadhAreNa tat papAta mahAvane 11  mahodarasya tal lagnaM jaGghAyAM vai yadRcchayA  vane vicarato rAjann asthi bhittvAsphurat tadA 12  sa tena lagnena tadA dvijAtir na zazAka ha  abhigantuM mahAprAjJas tIrthAny AyatanAni ca 13  sa pUtinA visravatA vedanArto mahAmuniH  jagAma sarvatIrthAni pRthivyAm iti naH zrutam 14  sa gatvA saritaH sarvAH samudrAMz ca mahAtapAH  kathayAm Asa tat sarvam RSINAM bhAvitAtmanAm 15  AplutaH sarvatIrtheSu na ca mokSam avAptavAn  sa tu zuzrAva viprendro munInAM vaccanaM mahat 16  sarasvatyAs tIrthavaraM khyAtam auzanasaM tadA  sarvapApaprazamanaM siddhakSetram anuttamam 17  sa tu gatvA tatas tatra tIrtham auzanasaM dvijaH  tata auzanase tIrthe tasyopaspRzatas tadA  tacchiraz caraNaM muktvA papAtAntar jale tadA 18  tataH sa virujo rAjan pUtAtmA vItakalmaSaH  AjagAmAzramaM prItaH kRtakRtyo mahodaraH 19  so 'tha gatvAzramaM puNyaM vipramukto mahAtapAH  kathayAm Asa tat sarvam RSINAM bhavitAtmanAm 20  te zrutvA vacanaM tasya tatas tIrthasya mAnada  kapAlamocanam iti nAma cakruH samAgatAH 21  tatra dattvA bahUn dAyAn viprAn saMpUjya mAdhavaH  jagAma vRSNipravaro ruSaGgorAzramaM tadA 22  yatra taptaM tapo ghoram ArSTiSeNena bhArata  brAhmaNyaM labdhavAMs tatra vizvAmitro mahAmuniH 23  tato haladharaH zrImAn brAhmaNaiH parivAritaH  jagAma yatra rAjendra ruSaGgus tanum atyajat 24  ruSaGgur brAhmaNo vRddhas taponityaz ca bhArata  dehanyAse kRtamanA vicintya bahudhA bahu 25  tataH sarvAn upAdAya tanayAn vai mahAtapAH  ruSaGgur abravIt tatra nayadhvaM mA pRthUdakam 26  vijJAyAtIta vayasaM ruSaGguM te tapodhanAH  taM vai tIrtham upAninyuH sarasvatyAs tapodhanam 27  sa taiH putrais tadA dhImAn AnIto vai sarasvatIm  puNyAM tIrthazatopetAM vipra saMghair niSevitAm 28  sa tatra vidhinA rAjann AplutaH sumahAtapAH  jJAtvA tIrthaguNAMz caiva prAhedam RSisattamaH  suprItaH puruSavyAghra sarvAn putrAn upAsataH 29  sarasvaty uttare tIre yas tyajed Atmanas tanum  pRthUdake japyaparo nainaM zvo maraNaM tapet 30  tatrAplutya sa dharmAtmA upaspRzya halAyudham  dattvA caiva bahUn dAyAn viprANAM vipra vatsalaH 31  sasarja tatra bhagavAm*l lokAm*l lokapitAmahaH  yatrArSTiSeNaH kauravya brAhmaNyaM saMzitavrataH  tapasA mahatA rAjan prAptavAn RSisattamaH 32  sindhudvIpaz ca rAjarSir devApiz ca mahAtapAH  brAhmaNyaM labdhavAn yatra vizvAmitro mahAmuniH  mahAtapasvI bhagavAn ugratejA mahAtapAH 33  tatrAjagAma balavAn balabhadraH pratApavAn   |



 |  1   [j]  katham ArSTiSeNo bhagavAn vipulaM taptavAMs tapaH  sindhudvIpaH kathaM cApi brAhmaNyaM labdhavAMs tadA 2  devApiz ca kathaM brahman vizvAmitraz ca sattama  tan mamAcakSva bhagavan paraM kautUhalaM hi me 3   [vai]  purA kRtayuge rAjann ArSTiSeNo dvijottamaH  vasan guru kule nityaM nityam adhyayane rataH 4  tasya rAjan guru kule vasato nityam eva ha  samAptiM nAgamad vidyA nApi vedA vizAM pate 5  sa nirviNNas tato rAjaMs tapas tepe mahAtapAH  tato vai tapasA tena prApya vedAn anuttamAn 6  sa vidvAn veda yuktaz ca siddhaz cApy RSisattamaH  tatra tIrthe varAn prAdAt trIn eva sumahAtapAH 7  asmiMs tIrthe mahAnadyA adya prabhRti mAnavaH  Apluto vAjimedhasya phalaM prApnoti puSkalam 8  adya prabhRti naivAtra bhayaM vyAlAd bhaviSyati  api cAlpena yatnena phalaM prApsyati puSkalam 9  evam uktvA mahAtejA jagAma tridivaM muniH  evaM siddhaH sa bhagavAn ArSTiSeNaH pratApavAn 10  tasminn eva tadA tIrthe sindhudvIpaH pratApavAn  devApiz ca mahArAja brAhmaNyaM prApatur mahat 11  tathA ca kauzikas tAta taponityo jitendriyaH  tapasA vai sutaptena brAhmaNatvam avAptavAn 12  gAdhir nAma mahAn AsIt kSatriyaH prathito bhuvi  tasya putro 'bhavad rAjan vizvAmitraH pratApavAn 13  sa rAjA kauzikas tAta mahAyogy abhavat kila  saputram abhiSicyAtha vizvAmitraM mahAtapAH 14  dehanyAse manaz cakre tam UcuH praNatAH prajAH  na gantavyaM mahAprAjJa trAhi cAsmAn mahAbhayAt 15  evam uktaH pratyuvAca tato gAdhiH prajAs tadA  vizvasya jagato goptA bhaviSyati suto mama 16  ity uktvA tu tato gAdhir vizvAmitraM nivezya ca  jagAma tridivaM rAjan vizvAmitro 'bhavan nRpaH  na ca zaknoti pRthivIM yatnavAn api rakSitum 17  tataH zuzrAva rAjA sa rAkSasebhyo mahAbhayam  niryayau nagarAc cApi caturaGga balAnvitaH 18  sa gatvA dUram adhvAnaM vasiSThAzramam abhyayAt  tasya te sainikA rAjaMz cakrus tatrAnayAn bahUn 19  tatas tu bhagavAn vipro vasiSTho ''zramam abhyayAt  dadRze ca tataH sarvaM bhajyamAnaM mahAvanam 20  tasya kruddho mahArAja vasiSTho munisattamaH  sRjasva zabarAn ghorAn iti svAM gAm uvAca ha 21  tathoktA sAsRjad dhenuH puruSAn ghoradarzanAn  te ca tad balam AsAdya babhaJjuH sarvatodizam 22  tad dRSTvA vidrutaM sainyamM vizvAmitras tu gAdhijaH  tapaH paraM manyamAnas tapasy eva mano dadhe 23  so 'smiMs tIrthavare rAjan sarasvatyAH samAhitaH  niyamaiz copavAsaiz ca karzayan deham AtmanaH 24  jalAhAro vAyubhakSaH parNAhAraz ca so 'bhavat  tathA sthaNDilazAyI ca ye cAnye niyamAH pRthak 25  asakRt tasya devAs tu vratavighnaM pracakrire  na cAsya niyamAd buddhir apayAtimahAtmanaH 26  tataH pareNa yatnena taptvA bahuvidhaM tapaH  tejasA bhAskarAkAro gAdhijaH samapadyata 27  tapasA tu tathAyuktaM vizvAmitraM pitAmahaH  amanyata mahAtejA varado varam asya tat 28  sa tu vavre varaM rAjan syAm ahaM brAhmaNas tv iti  tatheti cAbravId brahmA sarva lokapitAmahaH 29  sa labdhvA tapasogreNa brAhmaNatvaM mahAyazAH  vicacAra mahIM kRtsnAM kRtakAmaH suropamaH 30  tasmiMs tIrthavare rAmaH pradAya vividhaM vasu  payasvinIs tathA dhenUr yAnAni zayanAni ca 31  tathA vastrANy alaMkAraM bhakSyaM peyaM ca zobhanam  adadAn mudito rAjan pUjayitvA dvijottamAn 32  yayau rAjaMs tato rAmo bakasyAzramam antikAt  yatra tepe tapas tIvraM dAlbhyo baka iti zrutiH   |



  |  1   [vai]  brahmayonibhir AkIrNaM jagAma yadunandanaH  yatra dAlbhyo bako rAjan pazvarthasumahA tapAH  juhAva dhRtarASTrasya rASTraM vaicitravIryiNaH 2  tapasA ghorarUpeNakarzayan deham AtmanaH  krodhena mahatAviSTo dharmAtmA vai pratApavAn 3  purA hi naimiSeyANAM satre dvAdaza vArSike  vRtte vizvajito 'nte vai pAJcAlAn RSayo 'gaman 4  tatrezvaram ayAcanta dakSiNArthaM manISiNaH  balAnvitAn vatsatarAn nirvyAdhIn ekaviMzatim 5  tAn abravId bako vRddho vibhajadhvaM pazUn iti  pazUn etAn ahaM tyaktvA bhikSiSye rAjasattamam 6  evam uktvA tato rAjann RSIn sarvAn pratApavAn  jagAma dhRtarASTrasya bhavanaM brAhmaNottamaH 7  sa samIpagato bhUtvA dhRtarASTraM janezvaram  ayAcata pazUn dAlbhyaH sa cainaM ruSito 'bravIt 8  yadRcchayA mRtA dRSTvA gAs tadA nRpasattama  etAn pazUn nayakSipraM brahma bandho yadIcchasi 9  RSis tv atha vacaH zrutvA cintayAm Asa dharmavit  aho bata nRzaMsaM vai vAkyam ukto 'smi saMsadi 10  cintayitvA muhUrtaM ca roSAviSTo dvijottamaH  matiM cakre vinAzAya dhRtarASTrasya bhUpateH 11  sa utkRtya mRtAnAM vai mAMsAni dvijasattamaH  juhAva dhRtarASTrasya rASTraM narapateH purA 12  avakIrNe sarasvatyAs tIrthe prajvAlya pAvakam  bako dAlbhyo mahArAja niyamaM param AsthitaH  sa tair eva juhAvAsya rASTraM mAMsair mahAtapAH 13  tasmiMs tu vidhivat satre saMpravRtte sudAruNe  akSIyata tato rASTraM dhRtarASTrasya pArthiva 14  chidyamAna yathAnantaM vanaM parazunA vibho  babhUvApahataM tac cApy avakIrNam acetanam 15  dRTvA tad avakIrNaM tu rASTraM sa manujAdhipaH  babhUva durmanA rAjaMz cintayAm Asa ca prabhuH 16  mokSArtham akarod yatnaM brAhmaNaiH sahitaH purA  athAsau pArthivaH khinnas te ca viprAs tadA nRpa 17  yadA cApi na zaknoti rASTraM mocayituM nRpa  atha vaiprAznikAMs tatra papraccha janamejaya 18  tato vaiprAznikAH prAhuH pazuviprakRtas tvayA  mAMsair abhijuhotIti tava rASTraM munir bakaH 19  tena te hUyamAnasya rASTrasyAsya kSayo mahAn  tasyaitat tapasaH karma yena te hy anayo mahAn  apAM kuJje sarasvatyAs taM prasAdaya pArthiva 20  sarasvatIM tato gatvA sa rAjA bakam abravIt  nipatya zirasA bhUmau prAJjalir bharatarSabha 21  prasAdaye tvA bhagavann aparAdhaM kSamasva me  mama dInasya lubdhasya maurkhyeNa hatacetasaH  tvaM gatis tvaM ca me nAthaH prasAdaM kartum arhasi 22  taM tathA vilapantaM tu zokopahatacetasam  dRSTvA tasya kRpA jajJe rASTraM tac ca vyamocayat 23  RSiH prasannas tasyAbhUt saMrambhaM ca vihAya saH  mokSArthaM tasya rASTrasya juhAva punar Ahutim 24  mokSayitvA tato rASTraM pratigRhya pazUn bahUn  hRSTAtmA naimiSAraNyaM jagAma punar eva hi 25  dhRtarASTro 'pi dharmAtmA svasthacetA mahAmanAH  svam eva nagaraM rAjA pratipede maharddhimat 26  tatra tIrthe mahArAja bRhaspatir udAradhIH  asurANAm abhAvAya bhAvAya ca divaukasAm 27  mAMsair api juhAveSTim akSIyanta tato 'surAH  daivatair api saMbhagnA jitakAzibhir Ahave 28  tatrApi vidhivad dattvA brAhmaNebhyo mahAyazAH  vAjinaH kuJjarAMz caiva rathAMz cAzvatarI yutAn 29  ratnAni ca mahArhANi dhanaM dhAnyaM ca puSkalam  yayau tIrthaM mahAbAhur yAyAtaM pRthivIpate 30  yatra yajJe yayAtes tu mahArAja sarasvatI  sarpiH payaz ca susrAva nAhuSasya mahAtmanaH 31  tatreSTvA puruSavyAghro yayAtiH pRthivIpatiH  AkrAmad UrdhvaM mudito lebhe lokAMz ca puSkalAn 32  yayAter yajamAnasya yatra rAjan sarasvatI  prasRtA pradadau kAmAn brAhmaNAnAM mahAtmanAm 33  yatra yatra hi yo vipro yAn yAn kAmAn abhIpsati  tatra tatra saricchreSThA sasarja subahUn rasAn 34  tatra devAH sagandharvAH prItA yajJasya saMpadA  vismitA mAnuSAz cAsan dRSTvA tAM yajJasaMpadam 35  tatas tAlaketur mahAdharmasetur; mahAtmA kRtAtmA mahAdAnanityaH  vasiSThApavAhaM mahAbhIma vegaM; dhRtAtmA jitAtmA samabhyAjagAma   |



  |  1   [j]  vasiSThasyApavAho vai bhImavegaH kathaM nu saH  kimarthaM ca saricchreSThA tam RSiM pratyavAhayat 2  kena cAsyAbhavad vairaM kAraNaM kiM ca tat prabho  zaMsa pRSTo mahAprAjJa na hi tRpyAmi kathyatAm 3   [vai]  vizvAmitrasya caivarSer vasiSThasya ca bhArata  bhRzaM vairam abhUd rAjaMs tapaH spardhA kRtaM mahat 4  Azramo vai vasiSThasya sthANutIrthe 'bhavan mahAn  pUrvataH pazcimaz cAsId vizvAmitrasya dhImataH 5  yatra sthANur mahArAja taptavAn sumahat tapaH  yatrAsya karma tad ghoraM pravadanti manISiNaH 6  yatreSTvA bhagavAn sthANuH pUjayitvA sarasvatIm  sthApayAm Asa tat tIrthaM sthANutIrtham iti prabho 7  tatra sarve surAH skandam abhyaSiJcan narAdhipa  senApatyena mahatA surArivinibarhaNam 8  tasmin sarasvatI tIrthe vizvAmitro mahAmuniH  vasiSThaM cAlayAm Asa tapasogreNa tac chRNu 9  vizvAmitra vasiSThau tAv ahany ahani bhArata  spardhAM tapaH kRtAM tIvrAM cakratus tau tapodhanau 10  tatrApy adhikasaMtApo vizvAmitro mahAmuniH  dRSTvA tejo vasiSThasya cintAm abhijagAma ha  tasya buddhir iyaM hy AsId dharmanityasya bhArata 11  iyaM sarasvatI tUrNaM matsamIpaM tapodhanam  AnayiSyati vegena vasiSThaM japatAM varam  ihAgataM dvijazreSThaM haniSyAmi na saMzayaH 12  evaM nizcitya bhagavAn vizvAmitro mahAmuniH  sasmAra saritAM zreSThAM krodhasaMraktalocanaH 13  sA dhyAtA muninA tena vyAkulatvaM jagAma ha  jajJe cainaM mahAvIryaM mahAkopaM ca bhAminI 14  tata enaM vepamAnA vivarNA prAJjalis tadA  upatasthe munivaraM vizvAmitraM sarasvatI 15  hatavIrA yathA nArI sAbhavad duHkhitA bhRzam  brUhi kiM karavANIti provAca munisattamam 16  tAm uvAca muniH kruddho vasiSThaM zIghram Anaya  yAvad enaM nihanmy adya tac chrutvA vyathitA nadI 17  sAJjaliM tu tathA kRtvA puNDarIkanibhekSaNA  vivyathe suvirUDheva latA vAyusamIritA 18  tathAgatAM tu tAM dRSTvA vepamAnAM kRtAJjalim  vizvAmitro 'bravIt krodho vasiSThaM zIghram Anaya 19  tato bhItA saricchreSThA cintayAm Asa bhArata  ubhayoH zApayor bhItA katham etad bhaviSyati 20  sAbhigamya vasiSThaM tu imam artham acodayat  yad uktA saritAM zreSThA vizvAmitreNa dhImatA 21  ubhayoH zApayor bhItA vepamAnA punaH punaH  cintayitvA mahAzApam RSivitrAsitA bhRzam 22  tAM kRzAM ca vivarNAM ca dRSTvA cintA samanvitAm  uvAca rAjan dharmAtmA vasiSTho dvipadAM varaH 23  trAhy AtmAnaM saricchreSThe vaha mAM zIghragAminI  vizvAmitraH zaped dhi tvAM mA kRthAs tvaM vicAraNAm 24  tasya tad vacanaM zrutvA kRpA zIlasya sA sarit  cintayAm Asa kauravya kiM kRtaM sukRtaM bhavet 25  tasyAz cintA samutpannA vasiSTho mayy atIva hi  kRtavAn hi dayAM nityaM tasya kAryaM hitaM mayA 26  atha kUle svake rAjaJ japantam RSisattamam  juhvAnaM kauzikaM prekSya sarasvaty abhyacintayat 27  idam antaram ity eva tataH sA saritAM varA  kUlApahAram akarot svena vegena sA sarit 28  tena kUlApahAreNa maitrAvaruNir auhyata  uhyamAnaz ca tuSTAva tadA rAjan sarasvatIm 29  pitAmahasya sarasaH pravRttAsi sarasvati  vyAptaM cedaM jagat sarvaM tavaivAmbhobhir uttamaiH 30  tvam evAkAzagA devi megheSUtsRjase payaH  sarvAz cApas tvam eveti tvatto vayam adhImahe 31  puSTir dyutis tathA kIrtiH siddhir vRddhir umA tathA  tvam eva vANI svAhA tvaM tvayy Ayattam idaM jagat  tvam eva sarvabhUteSu vasasIha caturvidhA 32  evaM sarasvatI rAjan stUyamAnA maharSiNA  vegenovAha taM vipraM vizvAmitrAzramaM prati  nyavedayata cAbhIkSNaM vizvAmitrAya taM munim 33  tam AnItaM sarasvatyA dRSTvA kopasamanvitaH  athAnveSat praharaNaM vasiSThAnta karaM tadA 34  taM tu kruddham abhiprekSya brahmahatyA bhayAn nadI  apovAha vasiSThaM tu prAcIM dizam atandritA  ubhayoH kurvatI vAkyaM vaJcayitvA tu gAdhijam 35  tato 'pavAhitaM dRSTvA vasiSTham RSisattamam  abravId atha saMkruddho vizvAmitro hy amarSaNaH 36  yasmAn mA tvaM saricchreSThe vaJcayitvA punar gatA  zoNitaM vaha kalyANi rakSo grAmaNi saMmatam 37  tataH sarasvatI zaptA vizvAmitreNa dhImatA  avahac choNitonmizraM toyaM saMvatsaraM tadA 38  atharSayaz ca devAz ca gandharvApsarasas tathA  sarasvatIM tathA dRSTvA babhUvur bhRzaduHkhitAH 39  evaM vasiSThApavAho loke khyAto janAdhipa  Agacchac ca punar mArgaM svam eva saritAM varA   |



 |  1   [s]  sA zaptA tena kruddhena vizvAmitreNa dhImatA  tasmiMs tIrthavare zubhre zoNitaM samupAvahat 2  athAjagmus tato rAjan rAkSasAs tatra bhArata  tatra te zoNitaM sarve pibantaH sukham Asate 3  tRptAz ca subhRzaM tena sukhitA vigatajvarAH  nRtyantaz ca hasantaz ca yathA svargajitas tathA 4  kasya cit tv atha kAlasya RSayaH satapo dhanAH  tIrthayAtrAM samAjagmuH sarasvatyAM mahIpate 5  teSu sarveSu tIrtheSu Aplutya munipuMgavAH  prApya prItiM parAM cApi tapo lubdhA vizAradAH  prayayur hi tato rAjan yena tIrthaM hi tat tathA 6  athAgamya mahAbhAgAs tat tIrthaM dAruNaM tadA  dRSTvA toyaM sarasvatyAH zoNitena pariplutam  pIyamAnaM ca rakSobhir bahubhir nRpasattama 7  tAn dRSTva rAkSasAn rAjan munayaH saMzitavratAH  pAritrANe sarasvatyAH paraM yatnaM pracakrire 8  te tu sarve mahAbhAgAH samAgamya mahAvratAH  AhUya saritAM zreSThAm idaM vacanam abruvan 9  kAraNaM brUhi kalyANi kimarthaM te hrado hy ayam  evam AkulatAM yAtaH zrutvA pAsyAmahe vayam 10  tataH sA sarvam AccaSTa yathAvRttaM pravepatI  duHkhitAm atha tAM dRSTvA ta Ucur vai tapodhanAH 11  kAraNaM zrutam asmAbhiH zApAz caiva zruto 'nagha  kariSyanti tu yat prAptaM sarva eva tapodhanAH 12  evam uktvA saricchreSThAm Ucus te 'tha parasparam  vimocayAmahe sarve zApAd etAM sarasvatIm 13  teSAM tu vacanAd eva prakRtisthA sarasvatI  prasAnna sAlilA jajJe yathApUrvaM tathaiva hi  vimuktA ca saricchreSThA vibabhau sA yathA purA 14  dRSTvA toyaM sarasvatyA munibhis tais tathA kRtam  kRtAJjalIs tato rAjan rAkSasAH kSudhayArditAH  Ucus tAn vai munI sarvAn kRpA yuktAn punaH punaH 15  vayaM hi kSudhitAz caiva dhArmAd dhInAz ca zAzvatAt  na ca naH kAmakAro 'yaM yad vayaM pApakAriNaH 16  yuSmAkaM cApramAdena duSkRtena ca karmaNA  pakSo 'yaM vardhate 'smAkaM yataH sma brahmarAkSasAH 17  evaM hi vaizyazUdrANAM kSatriyANAM tathaiva ca  ye brAhmaNAn pradviSAnti te bhavantIha rAkSasAH 18  AcAryam RtvijaM caiva guruM vRddhajanaM tathA  prANino ye 'vamanyante te bhavantIha rAkSasAH  yoSitAM caiva pApAnAM yonidoSeNa vardhate 19  tat kurudhvam ihAsmAkaM kAruNyaM dvijasattamAH  zaktA bhavantaH sarveSAM lokAnAm api tAraNe 20  teSAM te munayaH zrutvA tuSTuvus tAM mahAnadIm  mokSArthaM rakSasAM teSAm UcuH prayata mAnasAH 21  kSuta kITAvapannaM ca yac cocchiSTAzitaM bhavet  kezAvapannam AdhUtam ArugNam api yad bhavet  zvabhiH saMspRSTam annaM ca bhAgo 'sau rakSasAm iha 22  tasmAj jJAtvA sadA vidvAn etAny annAni varjayet  rAkSasAnnam asau bhuGkte yo bhuGkte hy annam IdRzam 23  zodhayitvA tatas tIrtham RSayas te tapodhanAH  mokSArthaM rAkSasAnAM ca nadIM tAM pratyacodayan 24  maharSINAM mataM jJAtvA tataH sA saritAM varA  aruNAm AnayAm Asa svAM tanuM puruSarSabha 25  tasyAM te rAkSasAH snAtvA tanUs tyaktvA divaM gatAH  aruNAyAM mahArAja brahmahatyApahA hi sA 26  etam artham abhijJAya devarAjaH zatakratuH  tasmiMs tIrthavare snAtvA vimuktaH pApmanA kila 27   [j]  kimarthaM bhagavAJ zakro brahmahatyAm avAptavAn  katham asmiMz ca tIrthe vai AplutyAkalmazo 'bhavat 28   [vai]  zRNuSvaitad upAkhyAnaM yathAvRttaM janezvara  yathA bibheda samayaM namucer vAsavaH purA 29  namucir vAsavAd bhItaH sUryarazmiM samAvizat  tenendraH sakhyam akarot samayaM cedam abravIt 30  nArdreNa tvA na zuSkeNa na rAtrau nApi vAhani  vadhiSyAmy asurazreSTha sakhe satyena te zape 31  evaM sa kRtvA samayaM sRSTvA nIhAram IzvaraH  cicchedAsya ziro rAjann apAM phenena vAsavaH 32  tacchiro namucez chinnaM pRSThataH zakram anvayAt  he mitrahan pApa iti bruvANaM zakram antikAt 33  evaM sa zirasA tena codyamAnaH punaH punaH  pitAmahAya saMtapta evam arthaM nyavedayat 34  tam abravIl lokagurur aruNAyAM yathAvidhi  iSTopaspRza devendra brahmahatyApahA hi sA 35  ity uktaH sA sarasvatyAH kuJje vai janamejaya  iSTvA yathAvad balabhir aruNAyAm upAsspRzat 36  sa muktaH pApmanA tena brahmahatyA kRtena ha  jagAma saMhRSTamanAs tridivaM tridazezvaraH 37  ziras tac cApi namuces tatraivAplutya bhArata  lokAn kAmadughAn prAptam akSayAn rAjasattama 38  tatrApy upaspRzya balo mahAtmA; dattvA ca dAnAni pRthagvidhAni  avApya dharmaM paramArya karmA; jagAma somasya mahat sa tIrtham 39  yatrAjayad rAjasUyena somaH; sAkSAt purA vidhivat pArthivendra  atrir dhImAn vipramukhyo babhUva; hotA yasmin kratumukhye mahAtmA 40  yasyAnte 'bhUt sumahAn dAnavAnAM; daiteyAnAM rAkSasAnAM ca devaiH  sa saMgrAmas tArakAkhyaH sutIvro; yatra skandas tArakAkhyaM jaghAna 41  senApatyaM labdhavAn devatAnAM; mahAseno yatra daityAnta kartA  sAkSAc cAtra nyavasat kArttikeyaH; sadA kumAro yatra sa plakSarAjaH   |



  |  1   [j]  sarasvatyAH prabhAvo 'yam uktas te dvijasAttama  kumArasyAbhiSekaM tu brahman vyAkhyAtum arhasi 2  yasmin kAle ca deze ca yathA ca vadatAM vara  yaiz cAbhiSikto bhagavAn vidhinA yena ca prabhuH 3  skando yathA ca daityAnAm akarot kadanaM mahat  tathA me sarvam AcakSva paraM kautUhalaM hi me 4   [vai]  kuruvaMzasya sadRzam idaM kautUhalaM tava  harSAm utpAdayaty etad vaco me janamejaya 5  hanta te kathayiSyAmi zRNvAnasya janAdhipa  abhiSekaM kumArasya prabhAvaM ca mahAtmanaH 6  tejo mAhezvaraM skannam agnau prapatitaM purA  tat sarvabhakSo bhagavAn nAzakad dagdhum akSayam 7  tenAsIdati tejasvI dIptimAn havyahAvanaH  na caiva dhArayAm Asa garbhaM tejomayaM tadA 8  sA gaGgAm abhisAMgamya niyogAd brahmaNaH prabhuH  garbham AhitavAn divyaM bhAskaropama tejasam 9  atha gaGgApi taM garbham asahantI vidhAraNe  utsasarja girau ramye himavaty amarArcite 10  sa tatra vavRdhe lokAn AvRtya jvalanAtmajaH  dadRzur jvalanAkAraM taM garbham atha kRttikAH 11  zarastambe mahAtmAnam analAtmajam Izvaram  mamAyam iti tAH sarvAH putrArthinyo 'bhicakramuH 12  tAsAM viditvA bhAvaM taM mAtRRNAM bhagavAn prabhuH  prasnutAnAM payaH SaDbhir vadanair apibat tadA 13  taM prabhAvaM samAlakSya tasya bAlasya kRttikAH  paraM vismayam ApannA devyo divyavapur dharAH 14  yatrotsRSTaH sa bhagavAn gaGgayA girimUrdhani  sa zailaH kAJcanaH sarvaH saMbabhau kurusattama 15  vardhatA caiva garbheNa pRthivI tena raJjitA  ataz ca sarve saMvRttA girayaH kAJcanAkarAH 16  kumAraz ca mahAvIryaH kArttikeya iti smRtaH  gAGgeyaH pUrvam abhavan mahAyogabalAnvitaH 17  sa devas tapasA caiva vIryeNa ca samanvitaH  vavRdhe 'tIva rAjendra candravat priyadarzanaH 18  sa tasmin kAJcane divye zarastambe zriyA vRtaH  stUyamAnas tadA zete gandharvair munibhis tathA 19  tathainam anvanRtyanta devakanyAH sahasrazaH  divyavAditra nRttajJAH stuvantyaz cArudarzanAH 20  anvAste ca nadI devaM gaGgA vai saritAM varA  dadhAra pRthivI cainaM bibhratI rUpam uttamam 21  jAtakarmAdikAs tasya kriyAz cakre bRhaspatiH  vedaz cainaM caturmUrtir upatasthe kRtAJjaliH 22  dhanurvedaz catuSpAdaH zastragrAmaH sasaMgrahaH  tathainaM samupAtiSThAt sAkSAd vANI ca kevalA 23  sa dadarza mahAvIryaM devadevam umApatim  zailaputryA sahAsInaM bhUtasaMgha zatair vRtam 24  nikAyA bhUtasaMghAnAM paraMmAdbhuta darzanAH  vikRtA vikRtAkArA vikRtAbharaNa dhvajAH 25  vyAghrasiMharkSa vadanA biDAla makarAnanAH  vRSadaMza mukhAz cAnye gajoSTravadanAs tathA 26  ulUka vadanAH ke cid gRdhragomAyudarzanAH  krauJcapArAvata nibhair vadanai rAGkavair api 27  zvAvit zakyaka godhAnAM kharaiDaka gavAM tathA  sAdRzAni vapUMSy anye tatra tatra vyadhArayan 28  ke cic chailAmbuda prakhyAz cakrAlAta gadAyudhAH  kec cid aJjana puJjAbhAH ke cic chvetAcalaprabhAH 29  sapta mAtRgaNAz caiva samAjagmur vizAM pate  sAdhyA vizve 'tha maruto vasavaH pitaras tathA 30  rudrAdityAs tathA siddhA bhujagAM dAnavAH khagAH  brahmA svayambhUr bhagavAn saputraH saha viSNunA 31  zakras tathAbhyayAd draSTuM kumAra varam acyutam  nAradapramukhAz cApi devagandharvasattamAH 32  devarSayaz ca siddhAz ca bRhaspatipurogamAH  Rbbhavo nAma varadA devAnAm api devatAH  te 'pi tatra samAjagmur yAmA dhAmAz ca sarvazaH 33  sa tu bAlo 'pi bhagavAn mahAyogabalAnvitaH  abhyAjagAma devezaM zUlahastaM pinAkinam 34  tam Arajantam AlakSya zivasyAsIn manogatam  yugapac chailaputryAz ca gaGgAyAH pAvakasya ca 35  kiM nu pUrvam ayaM bAlo gauravAd abhyupaiSyati  api mAm iti sarveSAM teSAm AsIn manogatam 36  teSAm etam abhiprAyaM caturNAm upalakSya saH  yugapad yogam AsthAya sasArja vividhAs tanUH 37  tato 'bhavac caturmUrtiH kSaNena bhagavAn prabhuH  skandaH zAkho vizAkhaz ca naigameSaz ca pRSThataH 38  evaM sa kRtvA hy AtmAnaM caturdhA bhagavAn prabhuH  yato rudras tataH skando jagAmAdbhuta darzanaH 39  vizAkhas tu yayau yena devI girivarAtmajA  zAkho yayau ca bhagavAn vAyumUrtir vibhAvasum  naigameSo 'gamad gaGgAM kumAraH pAvakaprabhaH 40  sarve bhAsvaradehAs te catvAraH samarUpiNaH  tAn samabhyayur avyagrAs tad adbhutam ivAbhavat 41  hAhAkAro mahAn AsId devadAnavarakSasAm  tad dRSTvA mahad Azcaryam adbhutaM lomaharSaNam 42  tato rudraz ca devI ca pAvakaz ca pitAmaham  gaGgayA sahitAH sarve praNipetur jagatpatim 43  praNipatya tatas te tu vidhivad rAjapuMgava  idam Ucur vaco rAjan kArttikeya priyepsayA 44  asya bAlasya bhagavann AdhipatyaM yathepsitam  asmin priyArthaM deveza sAdRzaM dAtum arhasi 45  tataH sa bhagavAn dhImAn sarvalokapitAmahaH  manasA cintayAm Asa kim ayaM labhatAm iti 46  aizvaryANi hi sarvANi devagandharvarakSasAm  bhUtayakSavihaMgAnAM pannagAnAM ca sarvazaH 47  pUrvam evAdidezAsau nikAyeSu mahAtmanAm  samarthaM ca tam aizvarye mahAmatir amanyata 48  tato muhUrtaM sa dhyAtvA devAnAM zreyasi sthitaH  senApatyaM dadau tasmai sarvabhUteSu bhArata 49  sarvadeva nikAyAnAM ye rAjAnaH parizrutAH  tAn sarvAn vyAdidezAsmai sarvabhUtapitAmahaH 50  tataH kumAram AdAya devA brahmapurogamAH  abhiSekArtham AjagmuH zailendraM sahitAs tataH 51  puNyAM haimavatIM devIM saricchreSThAM sarasvatIm  samantapaJcake yA vai triSu lokeSu vizrutA 52  tatra tIre sarasvatyAH puNye sarvaguNAnvite  niSedur devagandharvAH sarve saMpUrNamAnasAH   |



 |  1   [vai]  tato 'bhiSekA saMbhArAn sarvAn saMbhRtya zAstrataH  bRhaspatiH samiddhe 'gnau juhAvAjyaM yathAvidhi 2  tato himavatA datte maNipravara zobhite  dIvya ratnAcite divye niSaNNaH paramAsane 3  sarvamaGgala saMbhArair vidhimantrapuraskRtam  AbhiSecanikaM dravyaM gRhItvA devatA gaNAH 4  indrAviSNU mahAvIryau sUryAcandramasau tathA  dhAtA caiva vidhAtA ca tathA caivAnilAnalau 5  pUSNA bhagenAryamNA ca aMzena ca vivasvatA  rudraz ca sahito dhImAn mitreNa varuNena ca 6  rudrair vasubhir Adityair azvibhyAM ca vRtaH prabhuH  vizve devair marudbhiz ca sAdhyaiz ca pitRbhiH saha 7  gandharvair apsarobhiz ca yakSarAkSasa pannagaiH  devarSibhir asaMkhyeyais tathA brahmarSibhir varaiH 8  vaikhAnasair vAlakhilyair vAyvAhArair marIcipaiH  bhRgubhiz cAGgirobhiz ca yatibhiz ca mahAtmabhiH  sarvair vidyAdharaiH puNyair yogasiddhais tathA vRtaH 9  pitAmahaH pulastyaz ca pulahaz ca mahAtapAH  aGgirAH kazyapo 'triz ca marIcir bhRgur eva ca 10  Rtur haraH pracetAz ca manur dakSas tathaiva ca  Rtavaz ca grahAz caiva jyotIMSi ca vizAM pate 11  mUrtimatyaz ca sarito vedAz caiva sanAtanAH  samudrAz ca hradAz caiva tIrthAni vividhAni ca  pRthivI dyaur dizaz caiva pAdapAz ca janAdhipa 12  aditir deva mAtA ca hrIH zrIH svAhA sarasvatI  umA zacI sinIvAlI tathA cAnumatiH kuhUH  rAkA ca dhiSaNA caiva patnyaz cAnyA divaukasAm 13  himavAMz caiva vindhyaz ca meruz cAneka zRGgavAn  airAvataH sAnucaraH kalAH kASTAs tathaiva ca  mAsArdha mAsA Rtavas tathA rAtryahanI nRpa 14  uccaiHzravA hayazreSTho nAgarAjaz ca vAmanaH  aruNo garuDaz caiva vRkSAz cauSadhibhiH saha 15  dharmaz ca bhagavAn devaH samAjagmur hi saMgatAH  kAlo yamaz ca mRtyuz ca yamasyAnucarAz ca ye 16  bahulatvAc ca noktA ye vividhA devatA gaNAH  te kumArAbhiSekArthaM samAjagmus tatas tataH 17  jagRhus te tadA rAjan sarva eva divaukasaH  AbhiSecanikaM bhANDaM maGgalAni ca sarvazaH 18  divyasaMbhAra saMyuktaiH kalazaiH kAJcanair nRpa  sarasvatIbhiH puNyAbhir divyatoyabhir eva tu 19  abhyaSiJcan kumAraM vai saMprahRSTA divaukasaH  senApatiM mahAtmAnam asurANAM bhayAvaham 20  purA yathA mahArAja varuNaM vai jalezvaram  tathAbhyaSiJcad bhagavAn brahmA lokapitAmahaH  kazyapaz ca mahAtejA ye cAnye nAnukIrtitAH 21  tasmai brahmA dadau prIto balino vAtaraMhasaH  kAmavIryadharAn siddhAn mahApAriSadAn prabhuH 22  nandiSeNaM lohitAkSaM ghaNDA karNaM ca saMmatam  caturtham asyAnucaraM khyAtaM kumudamAlinam 23  tataH sthANuM mahAvegaM mahApAriSaDaM kratum  mAyA zatadharaM kAmaM kAmavIryabalAnvitam  dadau skandAya rAjendra surArivinibarhaNam 24  sa hi devAsure yuddhe daityAnAM bhImakarmaNAm  jaghAna dorbhyAM saMkruddhaH prayutAni caturdaza 25  tathA deva dadus tasmai senAM nairRtasAMkulAm  devazatrukSayakarIm ajayyAM vizvarUpiNIm 26  jayazabdaM tataz cakrur devAH sarve savAsavAH  gandharvayakSA rakSAMsi munayaH pitaras tathA 27  yamaH prAdAd anucarau yama kAlopamAv ubhau  unmAthaM ca pramAthaM ca mahAvIryau mahAdyutI 28  subhrAjo bhAskaraz caiva yau tau sUryAnuyAyinau  tau sUryaH kArttikeyAya dadau prItaH pratApavAn 29  kailAsazRGgasaMkAzau zvetamAlyAnulepanau  somo 'py anucarau prAdAn maNiM sumaNim eva ca 30  jvAlA jihvaM tathA jyotir AtmajAya hutAzanaH  dadAv anucarau zUrau parasainyapramAthinau 31  parighaM ca vaTaM caiva bhImaM ca sumahAbalam  dahatiM dahanaM caiva pracaNDau vIryasaMmatau  aMzo 'py anucarAn paJca dadau skandAya dhImate 32  utkrozaM paGkajaM caiva vajradaNDadharAv ubhau  dadAv anala putrAya vAsavaH paravIrahA  tau hi zatrUn mahendrasya jaghnatuH samare bahUn 33  cakraM vikramakaM caiva saMkramaM ca mahAbalam  skandAya trIn anucarAn dadau viSNur mahAyazAH 34  vardhanaM nandanaM caiva sarvavidyA vizAradau  skandAya dadatuH prItAv azvinau bharatarSabha 35  kundanaM kusumaM caiva kumudaM ca mahAyazAH  DambarADambarau caiva dadau dhAtA mahAtmane 36  vakrAnuvakrau balinau meSavaktrau balotkaTau  dadau tvaSTA mahAmAyau skandAyAnucarau varau 37  suvrataM satyasaMdhaM ca dadau mitro mahAtmane  kumArAya mahAtmAnau tapo vidyAdharau prabhuH 38  sudarzanIyau varadau triSu lokeSu vizrutau  suprabhaM ca mahAtmAnaM zubhakarmANam eva ca  kArttikeyAya saMprAdAd vidhAtA lokavizrutau 39  pAlitakaM kAlikaM ca mahAmAyAvinAv ubhau  pUSA ca pArSadau prAdAt kArttikeyAya bhArata 40  balaM cAtibalaM caiva mahAvaktrau mahAbalau  pradadau kArttikeyAya vAyur bharatasattama 41  ghasaM cAtighasaM caiva timivaktrau mahAbalau  pradadau kArttikeyAya varuNaH satyasaMgaraH 42  suvarccasaM mahAtmAnaM tathaivApy ativarcasAm  himavAn pradadau rAjan hutAzanasutAya vai 43  kAJcanaM ca mahAtmAnaM meghamAlinam eva ca  dadAv Anucarau merur agniputrAya bhArata 44  sthiraM cAtisthiraM caiva merur evAparau dadau  mahAtmane 'gniputrAya mahAbalaparAkramau 45  ucchritaM cAtizRGgaM ca mahApASANa yodhanau  pradadAv agniputrAya vindhyaH pAriSadAv ubhau 46  saMgrahaM vigrahaM caiva samudro 'pi gadAdharau  pradadAv agniputrAya mahApAriSadAv ubhau 47  unmAdaM puSpadantaM ca zaGkukarNaM tathaiva ca  pradadAv agniputrAya pArvatI zubhadarzanA 48  jayaM mahAjayaM caiva nAgau jvalanasUnave  pradadau puruSavyAghra vAsukiH pannagezvaraH 49  evaM sAkhyAz ca rudrAz ca vasavaH pitaras tathA  sAgarAH saritaz caiva girayaz ca mahAbalAH 50  daduH senAgaNAdhyakSAJ zUlapaTTizadhAriNaH  divyapraharaNopetAn nAnAveSavibhUSitAn 51  zRNu nAmAni cAnyeSAM ye 'nye skandasya sainikAH  vividhAyudhasaMpannAz citrAbharaNa varmiNaH 52  zaGkukarNo nikumbhaz ca padmaH kumuda eva ca  ananto dvAdaza bhujas tathA kRSNopakRSNakau 53  droNa zravAH kapiskandhaH kAJcanAkSo jalaM dhamaH  akSasaMtarjano rAjan kunadIkas tamo 'bhrakRt 54  ekAkSo dvAdazAkSaz ca tathaivaika jaTaH prabhuH  sahasrabAhur vikaTo vyAghrAkSaH kSitikampanaH 55  puNyanAmA sunAmA ca suvaktraH priyadarzanaH  parizrutaH koka nadaH priya mAlyAnulepanaH 56  ajodaro gajazirAH skandhAkSaH zatalocanaH  jvAlA jihvaH karAlaz ca sitakezo jaTI hariH 57  caturdaMSTro 'STa jihvaz ca meghanAdaH pRthuzravAH  vidyud akSo dhanur vaktro jaTharo mArutAzanaH 58  udarAkSo jhaSAkSaz ca vajranAbho vasu prabhaH  samudravego rAjendra zailakampI tathaiva ca 59  putra meSaH pravAhaz ca tathA nandopanandakau  dhUmraH zvetaH kaliGgaz ca siddhArtho varadas tathA 60  priyakaz caiva nandaz ca gonandaz ca pratApavAn  Anandaz ca pramodaz ca svastiko dhruvakas tathA 61  kSemavApaH sujAtaz ca siddhayAtraz ca bhArata  govrajaH kanakApIDo mahApAriSadezvaraH 62  gAyano hasanaz caiva bANaH khaDgaz ca vIryavAn  vaitAlI cAtitAlI ca tathA katika vAtikau 63  haMsajaH paGkadigdhAGgaH samudronmAdanaz ca ha  raNotkaTaH prahAsaz ca zvetazIrSaz ca nandakaH 64  kAlakaNThaH prabhAsaz ca tathA kumbhANDako 'paraH  kAlakAkSaH sitaz caiva bhUtalonmathanas tathA 65  yajJavAhaH pravAhaz ca deva yAjI ca somapaH  sajAlaz ca mahAtejAH kratha krAthau ca bhArata 66  tuhanaz ca tuhAnaz ca citradevaz ca vIryavAn  madhuraH suprasAdaz ca kirITI ca mahAbalaH 67  vasavo madhuvarNaz ca kalazodara eva ca  dhamanto manmathakaraH sUcIvaktraz ca vIryavAn 68  zvetavaktraH suvaktraz ca cAru vaktraz ca pANDuraH  daNDabAhuH subAhuz ca rajaH kokilakas tathA 69  acalaH kanakAkSaz ca bAlAnAm ayikaH prabhuH  saMcArakaH koka nado gRdhravaktraz ca jambukaH 70  lohAza vaktro jaTharaH kumbhavaktraz ca kuNDakaH  madgugrIvaz ca kRSNaujA haMsavaktraz ca candra bhAH 71  pANikUrmA ca zambUkaH paJcavaktraz ca zikSakaH  cASa vaktraz ca jambUkaH zAkavaktraz ca kuNDakaH 72  yogayuktA mahAtmAnaH satataM brAhmaNa priyAH  paitAmahA mahAtmAno mahApAriSadAz ca ha  yauvanasthAz ca bAlAz ca vRddhAz ca janamejaya 73  sahasrazaH pAriSadAH kumAram upatasthire  vaktrair nAnAvidhair ye tu zRNu tAJ janamejaya 74  kUrmakukkuTavaktrAz ca zazolUka mukhAs tathA  kharoSTravadanAz caiva varAhavadanAs tathA 75  manuSyameSa vaktrAz ca sRgAlavadanAs tathA  bhImA makara vaktrAz ca zizumAra mukhAs tathA 76  mArjArazazavaktrAz ca dIrghavaktrAz ca bhArata  nakulolUka vatrAz ca zvavAktrAz ca tathApare 77  Akhu babhruka vaktraz ca mayUravadanAs tathA  matsyameSAnanAz cAnye ajAvi mahiSAnanAH 78  RkSazArdUla vaktrAz ca dvIpisiMhAnanAs tathA  bhImA gajAnanAz caiva tathA nakramukhAH pare 79  garuDAnanAH khaDgamukhA vRkakAkamukhAs tathA  gokharoSTra mukhAz cAnye vRSadaMza mukhAs tathA 80  mahAjaThara pAdAGgAs tArakAkzAz ca bhArata  pArAvata mukhAz cAnye tathA vRSamukhAH pare 81  kokilA vadanAz cAnye zyenatittirikAnanAH  kRkalAsa mukhAz caiva virajo'mbaradhAriNaH 82  vyAlavaktrAH zUlamukhAz caNDavaktrAH zatAnanAH  AzIviSAz cIradharA gonAsAvaraNAs tathA 83  sthUlodarAH kRzAGgAz ca sthUlAGgaz ca kRzodarAH  hrasvagrIvA mahAkarNA nAnAvyAlavibhUSitAH 84  gajendra carma vasanAs tathA kRSNAjinAmbarAH  skandhe mukhA mahArAja tathA hy udarato mukhAH 85  pRSThe mukhA hanumukhAs tathA jaGghA mukhA api  pArzvAnanAz ca bahavo nAnAdezamukhAs tathA 86  tathA kITa pataMgAnAM sadRzAsyA gaNezvarAH  nAnAvyAlamukhAz cAnye bahu bAhuziro dharAH 87  nAnAvRkSabhujAH kec cit kaTi zIrSAs tathApare  bhujaMgabhoga vadanA nAnAgulmanivAsinaH 88  cIrasaMvRta gAtrAz ca tathA phalakavAsasaH  nAnAveSadharAz caiva carma vAsasa eva ca 89  uSNISiNo mukuTinaH kambugrIvAH suvarcasaH  kirITinaH paJca zikhAs tathA kaThina mUrdhajAH 90  triziThA dvizikhAz caiva tathA sapta zikhAH pare  zikhaNDino mukuTino muNDAz ca jaTilAs tathA 91  citramAlyadharAH kec cit kec cid romAnanAs tathA  divyamAlyAmbaradharAH satataM priyavigrahAH 92  kRSNA nirmAMsa vaktrAz ca dIrghapRSTA nirUdarAH  sthUlapRSThA hrasvapRSThAH pralambodara mehanAH 93  mahAbhujA hrasvabhujA hrasvagAtraz ca vAmanAH  kubjAz ca dIrghajaGghAz ca hastikarNa zirodharAH 94  hastinAsAH kUrmanAsA vRkanAsAs tathApare  dIrghauSThA dIrghajihvAz ca vikarAlA hy adhomukhAH 95  mahAdaMSTrA hrasvadaMSTrAz caturdaMSTrAs tathApare  vAraNendra nibhAz cAnye bhImA rAjan sahasrazaH 96  suvibhaktazarIrAz ca dIptimantaH svalaMkRtAH  piGgAkSAH zaGkukarNAz ca vakranAsAz ca bhArata 97  pRthu daMSTrAmahA daMSTrAH sthUlauSThA hari mUrdhajAH  nAnA pAdauSTha daMSTrAz ca nAhA hastaziro dharAH  nAnA varmabhir AcchannA nAnA bhASAz ca bhArata 98  kuzalA dezabhASAsu jalpanto 'nyonyam IzvarAH  hRSTAH paripatanti sma mahApAriSadAs tathA 99  dIrghagrIvA dIrghanakhA dIrghapAdaziro bhujAH  piGgAkSA nIlakaNThAz ca lambakarNAz ca bhArata 100  vRkodara nibhAz caiva ke cid aJjanasaMnibhAH  zvetAGgA lohitagrIvAH piGgAkSAz ca tathApare  kalmASA bahavo rAjaMz citravarNAz ca bhArata 101  cAmarApIDaka nibhAH zvetalohita rAjayaH  nAnAvarNAH savarNAz ca mayUrasadRzaprabhAH 102  punaH praharaNAny eSAM kIrtyamAnAni me zRNu  zeSaiH kRtaM pAriSadair AyudhAnAM parigraham 103  pAzodyata karAH ke cid vyAditAsyAH kharAnanAH  pRthv akSA nIlakaNThAz ca tathA parighabAhavaH 104  zataghnI cakrahastAz ca tathA musalapANayaH  zUlAsihastAz ca tathA mahAkAyA mahAbalAH 105  gadA bhuzuNDi hastAz ca tathA tomarapANayaH  asi mudgarahastAz ca daNDahastAz ca bhArata 106  Ayudhair vividhair ghorair mahAtmAno mahAjavAH  mahAbalA mahAvegA mahApAriSadAs tathA 107  abhiSekaM kumArasya dRSTvA hRSTA raNapriyAH  ghaNTAjAlapinaddhAGgA nanRtus te mahaujasaH 108  ete cAnye ca bahavo mahApAriSadA nRpa  upatasthur mahAtmAnaM kArttikeyaM yazasvinam 109  divyAz cApy AntarikSAz ca pArthivAz cAnilopamAH  vyAdiSTA daivataiH zUrAH skandasyAnucarAbhavan 110  tAdRzAnAM sahasrANi prayutAny arbudAni ca  abhiSiktaM mahAtmAnaM parivAryopatasthire   |



 |  1   [vai]  zRNu mAtRgaNAn rAjan kumArAnucarAn imAn  kIrtyamAnAn mayA vIra sapatnagaNasUdanAn 2  yazasvinInAM mAtRRNAM zRNu nAmAni bhArata  yAbhir vyAptAs trayo lokAH kalyANIbhiz carAcarAH 3  prabhAvatI vizAlAkSI palitA gonasI tathA  zrImatI bahulA caiva tathaiva bahuputrikA 4  apsu jAtA ca gopAlI bRhad ambAlikA tathA  jayAvatI mAlatikA dhruvaratnA bhayaMkarI 5  vasu dAmA sudAmA ca vizokA nandinI tathA  ekacUDA mahAcUDA cakranemiz ca bhArata 6  uttejanI jayatsenA kamalAkSy atha zobhanA  zatruMjayA tathA caiva krodhanA zalabhI kharI 7  mAdhavI zubhavaktrA ca tIrthanemiz ca bhArata  gItapriyA ca kalyANI kadrulA cAmitAzanA 8  meghasvanA bhogavatI subhrUz ca kanakAvatI  alAtAkSI vIryavatI vidyujjihvA ca bhArata 9  padmAvatI sunakSatrA kandarA bahuyojanA  saMtAnikA ca kauravya kamalA ca mahAbalA 10  sudAmA bahu dAmA ca suprabhA ca yazasvinI  nRtyapriyA ca rAjendra zatolUkhala mekhalA 11  zataghaNTA zatAnandA bhaga nandA ca bhAginI  vapuSmatI candra zItA bhadra kAlI ca bhArata 12  saMkArikA niSkuTikA bhramA catvaravAsinI  sumaGgalA svastimatI vRddhikAmA jaya priyA 13  dhanadA suprasAdA ca bhavadA ca jalezvarI  eDI bheDI sumeDI ca vetAla jananI tathA  kaNDUtiH kAlikA caiva deva mitrA ca bhArata 14  lambasI ketakI caiva citrasenA tahA balA  kukkuTikA zaGkhanikA tathA jarjarikA nRpa 15  kuNDArikA kokalikA kaNDarA ca zatodarI  utkrAthinI jareNA ca mahAvegA ca kaGkaNA 16  manojavA kaNTakinI praghasA pUtanA tathA  khazayA curvyuTir vAmA krozanAtha taDit prabhA 17  maNDodarI ca tuNDA ca koTarA meghavAsinI  subhagA lambinI lambA vasu cUDA vikatthanI 18  UrdhvaveNI dharA caiva piGgAkSI lohamekhalA  pRthu vaktrA madhurikA madhu kumbhA tathaiva ca 19  pakSAlikA manthanikA jarAyur jarjarAnanA  khyAtA dahadahA caiva tathA dhamadhamA nRpa 20  khaNDakhaNDA ca rAjendra pUSaNA maNikuNDalA  amocA caiva kauravya tathA lambapayodharA 21  veNuvINA dharA caiva piGgAkSI lohamekhalA  zazolUka mukhI kRSNA kharajaGghA mahAjavA 22  zizumAra mukhI zvetA lohitAkSI vibhISaNA  jaTAlikA kAmacarI dIrghajihvA balotkaTA 23  kAleDikA vAmanikA mukuTA caiva bhArata  lohitAkSI mahAkAyA hari piNDI ca bhUmipa 24  ekAkSarA sukusumA kRSNa karNI ca bhArata  kSura karNI catuSkarNI karNaprAvaraNA tathA 25  catuSpatha niketA ca gokarNI mahiSAnanA  kharakarNI mahAkarNI bherI svanamahAsvanA 26  zaGkhakumbha svanA caiva bhaGgadA ca mahAbalA  gaNA ca sugaNA caiva tathAbhIty atha kAmadA 27  catuSpatha ratA caiva bhUri tIrthA anyagocarA  pazudA vittadA caiva sukhadA ca mahAyazAH  payodA gomahiSadA suviSANA ca bhArata 28  pratiSThA supratiSThA ca rocamAnA surocanA  gokarNI ca sukarNIca sasirA stherikA tathA  ekacakrA megharavA meghamAlA virocanA 29  etAz cAnyAz ca bahavo mAtaro bharatarSabha  kArttikeyAnuyAyinyo nAnArUpAH sahasrazaH 30  dIrghanakhyo dIrghadantyo dIrghatuNDyaz ca bhArata  saralA madhurAz caiva yauvanasthAH svalaMkRtAH 31  mAhAtmyena ca saMyuktAH kAmarUpadharAs tathA  nirmAMsa gAtryaH zvetAz ca tathA kAJcanasaMnibhAH 32  kRSNameghanibhAz cAnyA dhUmrAz ca bharatarSabha  aruNAbhA mahAbhAgA dIrghakezyaH sitAmbarAH 33  UrdhvaveNI dharAz caiva piGgAkSyo lambamekhalAH  lambodaryo lambakarNAs tathA lambaparo dharAH 34  tAmrAkSyas tAmravarNAz ca haryakSyaz ca tathApare  varadAH kAmacAriNyo nityapramuditAs tathA 35  yAmyo raudryas tathA saumyAH kauberyo 'tha mahAbalAH  vAruNyo 'tha ca mAhendryas tathAgneyyaH paraMtapa 36  vAyavyaz cAtha kaumAryo brAhmyaz ca bharatarSabaH  rUpeNApsarasAM tulyA jave vAyusamAs tathA 37  parapuSTopamA vAkye tatharddhyA dhanadopamAH  zakra vIryopamAz caiva dIptyA vahni samAs tathA 38  vRkSacatvaravAsinyaz catuSpatha niketanAH  guhA zmazAnavAsinyaH zailaprasravaNAlayAH 39  nAnAbharaNadhAriNyo nAnA mAlyAmbarAs tathA  nAnA viccitra veSAz ca nAnA bhASAs tathaiva ca 40  ete cAnye ca bahavo gaNAH zatrubhayaM karAH  anujagmur mahAtmAnaM tridazendrasya saMmate 41  tataH zaktyastram adadad bhagavAn pAkazAsanaH  guhAya rAjazArdUla vinAzAya suradviSAm 42  mahAsvanAM mahAghaNTAM dyotamAnAM sitaprabhAm  taruNAdityavarNAM ca patAkAM bharatarSabha 43  dadau pazupatis tasmai sarvabhUtamahAcamUm  ugrAM nAnApraharaNAM tapo vIryabalAnvitAm 44  viSNur dadau vaijayantIM mAlAM balavivardhinIm  umA dadau cArajasI vAsasI sUryasaprabhe 45  gaGgAM kamaNDaluM divyam amRtodbhavam uttamam  dadau prItyA kumArAya daNDaM caiva bRhaspatiH 46  garuDo dayitaM putraM mayUraM citrabarhiNam  aruNas tAmracUDaM ca pradadau caraNAyudham 47  pazaM tu varuNo rAjA balavIryasamanvitam  kRSNAjinaM tathA brahmA brahmaNyAya dadau prabhuH  samareSu jayaM caiva pradadau lokabhAvanaH 48  senApatyam anuprApya skAndo devagaNasya ha  zuzubhe jvalito 'rciSmAn dvitIyA iva pAvakaH  tataH pAriSadaiz caiva mAtRbhiz ca samanvitaH 49  sA senA nairRtI bhImA saghaNTocchritaketanA  sabherI zaGkhamurajA sAyudhA sapatAkinI  zAradI dyaur ivAbhAti jyotirbhir upazobhitA 50  tato deva nikAyAs te bhUtasenA gaNAs tathA  vAdayAm Asur avyagrA bherIzaGkhAMz ca puSkalAn 51  paTahAJ jharjharAMz caiva kRkacAn goviSANikAn  ADambarAn gomukhAMz caDiDimAMz ca mahAsvanAn 52  tuSTuvus te kumAraM ca sarve devAH savAsavAH  jaguz ca devagandharvA nanRtuz cApsarogaNAH 53  tataH prIto mahAsenas tridazebhyo varaM dadau  ripUn hantAsmi samare ye vo vadhacikIrSavaH 54  pratigRhya varaM devAs tasmAd vibudhasattamAt  prItAtmAno mahAtmAno menire nihatAn ripUn 55  sarveSAM bhUtasAMghAnAM harSAn nAdaH samutthitaH  apUrayata lokAMs trIn vare datte mahAtmanA 56  sa niryayau mahAseno mahatyA senayA vRtaH  vadhAya yudhi daityAnAM rakSArthaM ca divaukasAm 57  vyavasAyo jayo dharmaH siddhir lakSmIr dhRtiH smRtiH  mahAsenasya sainyAnAm agre jagmur narAdhipa 58  sa tayA bhImayA devaH zUlamudgara hastayA  gadAmusalanArAcazaktitomara hastayA  dRptasiMhaninAdinyA vinadya prayayau guhaH 59  taM dRSTvA sarvadaiteyA rAkSasA dAnavAs tathA  vyadravanta dizaH sarvA bhayodvignAH samantataH  abhyadravanta devAs tAn vividhAyudhapANayaH 60  dRSTvA ca sa tataH kruddhaH skandas tejobalAnvitaH  zaktyastraM bhagavAn bhImaM punaH punar avAsRjat  Adadhac cAtmanas tejo haviSeddha ivAnalaH 61  abhyasyamAne zaktyastre skandenAmita tejasA  ulkA jvAlA mahArAja papAta vasudhAtale 62  saMhrAdayantaz ca tathA nirghAtAz cApatan kSitau  yathAnta kAlasamaye sughorAH syus tathA nRpa 63  kSiptA hy ekA tathA zaktiH sughorAnala sUnunA  tataH koTyo viniSpetuH zaktInAM bharatarSabha 64  sa zaktyastreNa saMgrAme jaghAna bhagavAn prabhuH  daityendraM tArakaM nAma mahAbalaparAkramam  vRtaM daityAyutair vIrair balibhir dazabhir nRpa 65  mahiSaM cASTabhiH padmair vRtaM saMkhye nijaghnivAn  tripAdaM cAyuta zatair jaghAna dazabhir vRtam 66  hradodaraM nikharvaiz ca vRtaM dazabhir IzvaraH  jaghAnAnucaraiH sArdhaM vividhAyudhapANibhiH 67  tatrAkurvanta vipulaM nAddaM vadhyatsu zatruSu  kumArAnucarA rAjan pUrayanto dizo daza 68  zaktyastrasya tu rAjendra tato 'rcirbhiH samantataH  dagdhAH sahasrazo daityA nAdaiH skandasya cApare 69  patAkayAvadhUtAz ca hatAH ke cit suradviSaH  keccId ghaNTA rava trastA nipetur vasudhAtale  ke cit praharaNaiz chinnA vinipetur gatAsavaH 70  evaM suradviSo 'nekAn balavAn AtatAyinaH  jaghAna samare vIraH kArttikeyo mahAbalaH 71  bANo nAmAtha daiteyo baleH putro mahAbalaH  krauJcaM parvatam AsAdya devasaMghAn abAdhata 72  tam abhyayAn mahAsenaH surazatrum udAradhIH  sa kArttikeyasya bhayAt krauJcaM zaraNam eyivAn 73  tataH krauJcaM mahAmanyuH krauJcanAda ninAditam  zaktyA bibheda bhagavAn kArttikeyo 'gnidattayA 74  sazAla skandhasaralaM trastavAnaravAraNam  pulinatrasta vihagaM viniSpatita pannagam 75  golAGgUrarkSa saMghaiz ca dravadbhir anunAditam  kuraGga gatinirghoSam udbhrAntasRmarAcitam 76  viniSpatadbhiH zarabhaiH siMhaiz ca sahasA drutaiH  zocyAm api dazAM prApto rarAjaiva sa parvataH 77  vidyAdharAH samutpetus tasya zRGganivAsinaH  kiMnarAz ca samudvignAH zaktipAta ravoddhatAH 78  tato daityA viniSpetuH zatazo 'tha sahasrazaH  pradIptAt parvatazreSThAd vicitrAbharaNa srajaH 79  tAn nijaghnur atikramya kumArAnucarA mRdhe  bibheda zaktyA krauJcaM ca pAvakiH paravIrahA 80  bahudhA caikadhA caiva kRtvAtmAnaM mahAtmanA  zaktiH kSiptA raNe tasya pANim eti punaH punaH 81  evaM prabhAvo bhagavAn ato bhUyaz ca pAvakiH  krauJcas tena vinirbhinno daityAz ca zatazo hatAH 82  tataH sa bhagavAn devo nihatya vibudhadviSaH  sabhAjyamAno vibudhaiH paraM harSam avApa ha 83  tato dundubhayo rAjan neduH zaGkhAz ca bhArata  mumucur deva yoSAz ca puSpavarSam anuttamam 84  divyagandham upAdAya vavau puNyaz ca mArutaH  gandharvAs tuSTuvuz cainaM yajvAnaz ca maharSayaH 85  ke cid enaM vyavasyanti pitAmahasutaM prabhum  sanatkumAraM sarveSAM brahmayoniM tam agrajam 86  ke cin mahezvara sutaM ke cit putraM vibhAvasoH  umAyAH kRttikAnAM ca gaGgAyAz ca vadanty uta 87  ekadhA ca dvidhA caiva caturdhA ca mahAbalam  yoginAm IzvaraM devaM zatazo 'tha sahasrazaH 88  etat te kathitaM rAjan kArttikeyAbhiSecanam  zRNu caiva sarasvatyAs tIrthavaMzasya puNyatAm 89  babhUva tIrthapravaraM hateSu surazatruSu  kumAreNa mahArAja triviSTapam ivAparam 90  aizvaryANi ca tatrastho dadAv IzaH pRthak pRthak  tadA nairRtamukhyebhyas trailokye pAvakAtmajaH 91  evaM sa bhagavAMs tasmiMs tIrthe daitya kulAntakaH  abhiSikto mahArAja deva senApatiH suraiH 92  aujasaM nAma tat tIrthaM yatra pUrvam apAM patiH  abhiSiktaH suragaNair varuNo bharatarSabha 93  tasmiMs tIrthavare snAtvA skandaM cAbhyarcya lAGgalI  brAhmaNebhyo dadau rukmaM vAsAMsy AbharaNAni ca 94  uSitvA rajanIM tatra mAdhavaH paravIrahA  pUjya tIrthavaraM tac ca spRSTvA toyaM ca lAGgalI  hRSTaH prItamanAz caiva hy abhavan mAdhavottamaH 95  etat te sarvam AkhyAtaM yan mAM tvaM paripRcchasi  yathAbhiSikto bhagavAn skando devaiH samAgataiH   |



  |  1   [j]  atyadbhutam idaM brahmaJ zrutavAn asmi tattvataH  abhiSekaM kumArasya vistareNa yathAvidhi 2  yac chrutvA pUtam AtmAnaM vijAnAmi tapodhana  prahRSTAni ca romANi prasannaM ca mano mama 3  abhiSekaM kumArasya daityAnAM ca vadhaM tathA  zrutvA me paramA prItir bhUyaH kautUhalaM hi me 4  apAM patiH kathaM hy asminn abhiSiktaH surAsuraiH  tan me brUhi mahAprAjJa kuzalo hy asi sattama 5   [vai]  zRNu rAjann idaM citraM pUrvakalpe yathAtatham  Adau kRtayuge tasmin vartamAne yathAvidhi  varuNaM devatAH sarvAH sametyedam athAbruvan 6  yathAsmAn surarAT zakro bhayebhyaH pAti sarvadA  tathA tvam api sarvAsAM saritAM vai patir bhava 7  vAsaz ca te sadA devasAgare makarAlaye  samudro 'yaM tava vaze bhaviSyati nadIpatiH 8  somena sArdhaM ca tava hAni vRddhI bhaviSyataH  evam astv iti tAn devAn varuNo vAkyam abravIt 9  samAgamya tataH sarve varuNaM sAgarAlayam  apAM patiM pracakrur hi vidhidRSTena karmaNA 10  abhiSicya tato devA varuNaM yAdasAM pati  jagmuH svAny eva sthAnAni pUjayitvA jalezvaram 11  abhiSiktas tato devair varuNo 'pi mahAyazAH  saritaH sAgarAMz caiva nadAMz caiva sarAMsi ca  pAlayAm Asa vidhinA yathA devAJ zatakratuH 12  tatas tatrApy upaspRzya dattvA ca vividhaM vasu  agnitIrthaM mahAprAjJaH sa jagAma pralambahA  naSTo na dRzyate yatra zamI garbhe hutAzanaH 13  lokAloka vinAze ca prAdurbhUte tadAnagha  upatasthur mahAtmAnaM sarvalokapitAmaham 14  agniH pranaSTo bhagavAn kAraNaM ca na vidmahe  sarvalokakSayo mA bhUt saMpAdayatu no 'nalam 15   [j]  kimarthaM bhagavAn agniH pranaSTo lokabhAvanaH  vijJAtaz ca kathaM devais tan mamAcakSva tattvataH 16   [vai]  bhRgoH zApAd bhRzaM bhIto jAtavedAH pratApavAn  zamI garbham athAsAdya nanAza bhagavAMs tataH 17  pranaSTe tu tadA vahnau devAH sarve savAsavAH  anveSanta tadA naSTaM jvalanaM bhRzaduHkhitAH 18  tato 'gnitIrtham AsAdya zamI garbhastham eva hi  dadRzur jvalanaM tatra vasamAnaM yathAvidhi 19  devAH sarve naravyAghra bRhaspatipurogamAH  jvalanaM taM samAsAdya prItAbhUvan savAsavAH  punar yathAgataM jagmuH sarvabhakSaz ca so 'bhavat 20  bhRgoH zApAn mahIpAla yad uktaM brahmavAdinA  tatrApy Aplutya matimAn brahmayoniM jagAma ha 21  sasarja bhagavAn yatra sarvalokapitAmahaH  tatrAplutya tato brahmA saha devaiH prabhuH purA  sasarja cAnnAni tathA devatAnAM yathAvidhi 22  tatra snAtvA ca dattvA ca vasUni vividhAni ca  kauberaM prayayau tIrthaM tatra taptvA mahat tapaH  dhanAdhipatyaM saMprApto rAjann ailabilaH prabhuH 23  tatrastham eva taM rAjan dhanAni nidhayas tathA  upatasthur narazreSTha tat tIrthaM lAGgalI tataH  gatvA snAtvA ca vidhivad brAhmaNebhyo dhanaM dadau 24  dadRze tatra tat sthAnaM kaubere kAnanottame  purA yatra tapas taptaM vipulaM sumahAtmanA 25  yatra rAjJA kubereNa varA labdhAz ca puSkalAH  dhanAdhipatyaM sakhyaM ca rudreNAmita tejasA 26  suratvaM lokapAlatvaM putraM ca nalakUbaram  yatra lebhe mahAbAho dhanAdhipatir aJjasA 27  abhiSiktaz ca tatraiva samAgamya marudgaNaiH  vAhanaM cAsya tad dattaM haMsayuktaM manoramam  vimAnaM puSpakaM divyaM nairRtaizvaryam eva ca 28  tatrAplutya balo rAjan dattvA dAyAMz ca puSkalAn  jagAma tvarito rAmas tIrthaM zvetAnulepanaH 29  niSevitaM sarvasattvair nAmnA badara pAcanam  nAnartuka vanopetaM sadA puSpaphalaM zubham   |



 |  1   [vai]  tatas tIrthavaraM rAmo yayau badara pAcanam  tapasvisiddhacaritaM yatra kanyA dhRtavratA 2  bharadvAjasya duhitA rUpeNApratimA bhuvi  srucAvatI nAma vibho kumArI brahmacAriNI 3  tapaz cacAra sAtyugraM niyamair bahubhir nRpa  bhartA me devarAjaH syAd iti nizcitya bhAminI 4  samAs tasyA vyatikrAntA bahvyaH kurukulodvaha  carantyA niyamAMs tAMs tAn strIbhis tIvrAn suduzcarAn 5  tasyAs tu tena vRttena tapasA ca vizAM pate  bhaktyA ca bhagavAn prItaH parayA pAkazAsanaH 6  AjagAmAzramaM tasyAs tridazAdhipatiH prabhuH  AsthAya rUpaM viprarSer vasiSThasya mahAtmanaH 7  sA taM dRSTvogra tapasaM vasiSThaM tapatAM varam  AcArair munibhir dRSTaiH pUjayAm Asa bhArata 8  uvAca niyamajJA ca kalyANI sA priyaMvadA  bhagavan munizArdUla kim AjJApayasi prabho 9  sarvam adya yathAzakti tava dAsyAmi suvrata  zakra bhaktyA tu te pANiM na dAsyAmi kathaM cana 10  vrataiz ca niyamaiz caiva tapasA ca tapodhana  zakras toSayitavyo vai mayA tribhuvanezvaraH 11  ity ukto bhagavAn devaH smayann iva nirIkSya tAm  uvAca niyamajJAM tAM sAntvayann iva bhArata 12  ugraM tapaz carasi vai viditA me 'si suvrate  yadartham ayam Arambhas tava kalyANi hRdgataH 13  tac ca sarvaM yathA bhUtaM bhaviSyati varAnane  tapasA labhyate sarvaM sarvaM tapasi tiSThati 14  yAni sthAnAni divyAni vibudhAnAM zubhAnane  tapasA tAni prApyAni tapo mUlaM mahat sukham 15  iha kRtvA tapo ghoraM dehaM saMnyasya mAnavAH  devatvaM yAnti kalyANi zRNu cedaM vaco mama 16  pacasvaitAni subhage badarANi zubhavrate  pacety uktvA sa bhagavAJ jagAma balasUdanaH 17  Amantrya tAM tu kalyANIM tato japyaM jajApa saH  avidUre tatas tasmAd AzramAt tIrtham uttame  indra tIrthe mahArAja triSu lokeSu vizrute 18  tasyA jijJAsanArthaM sa bhagavAn pAkazAsanaH  badarANAm apacanaM cakAra vibudhAdhipaH 19  tataH sa prayatA rAjan vAgyatA vigataklamA  tatparA zuci saMvItA pAvake samadhizrayat  apacad rAjazArdUla badarANi mahAvratA 20  tasyAH pacantyAH sumahAn kAlo 'gAt puruSarSabha  na ca sma tAny apacyanta dinaM ca kSayam abhyagat 21  hutAzanena dagdhaz ca yas tasyAH kASThasaMcayaH  akASTham agniM sA dRSTvA svazarIram athAdahat 22  pAdau prakSipya sA pUrvaM pAvake cArudarzanA  dagdhau dagdhau punaH pAdAv upAvartayatAnaghA 23  caraNau dahyamAnau ca nAcintayad aninditA  duHkhaM kamalapatrAkSI maharSeH priyakAmyayA 24  atha tat karma dRSTvAsyAH prItas tribhuvanezvaraH  tataH saMdarzayAm Asa kanyAyai rUpam AtmanaH 25  uvAca ca surazreSThas tAM kanyAM sudRDha vratAm  prIto 'smi te zubhe bhaktyA tapasA niyamena ca 26  tasmAd yo 'bhimataH kAmaH sa te saMpatsyate zubhe  dehaM tyaktvA mahAbhAge tridive mayi vatsyasi 27  idaM ca te tIrthavaraM sthiraM loke bhaviSyati  sarvapApApahaM subhru nAmnA badara pAcanam  vikhyAtaM triSu lokeSu brahmarSibhir abhiplutam 28  asmin khalu mahAbhAge zubhe tIrthavare purA  tyaktvA saptarSayo jagmur himavantam arundhatIm 29  tatas te vai mahAbhAgA gatvA tatra susaMzitAH  vRttyarthaM phalamUlAni samAhartuM yayuH kila 30  teSAM vRttyarthinAM tatra vasatAM himavadvane  anAvRSTir anuprAptA tadA dvAdaza vArSikI 31  te kRtvA cAzramaM tatra nyavasanta tapasvinaH  arundhaty api kalyANI taponityAbhavat tadA 32  arundhatIM tato dRSTvA tIvraM niyamam AsthitAm  athAgamat trinayahaH suprIto varadas tadA 33  brAhmaM rUpaM tataH kRtvA mahAdevo mahAyazAH  tAm abhyetyAbravId devo bhikSAm icchAmy ahaM zubhe 34  pratyuvAca tataH sA taM brAhmaNaM cArudarzanA  kSINo 'nnasaMcayo vipra badarANIha bhakSaya  tato 'bravIn mahAdevaH pacasvaitAni suvrate 35  ity uktA sApacat tAni brAhmaNa priyakAmyayA  adhizritya samiddhe 'gnau badarANi yazasvinI 36  divyA manoramAH puNyAH kathAH zuzrAva sA tadA  atItA sA tv anAvRSTir ghorA dvAdaza vArSikI 37  anaznantyAH pacantyAz ca zRNvantyAz ca kathAH zubhAH  ahaH samaH sa tasyAs tu kAlo 'tItaH sudAruNaH 38  tatas te munayaH prAptAH phalAny AdAya parvatAt  tataH sa bhagavAn prItaH provAcArundhatIM tadA 39  upasarpasva dharmajJe yathApUrvam imAn RSIn  prIto 'smi tava dharmajJa tapasA niyamena ca 40  tataH saMdarzayAm Asa svarUpaM bhagavAn haraH  tato 'bravIt tadA tebhyas tasyAs tac caritaM mahat 41  bhavadbhir himavatpRSThe yat tapaH samupArjitam  asyAz ca yat tapo viprA na samaM tan mataM mama 42  anayA hi tapasvinyA tapas taptaM suduzcaram  anaznantyA pacantyA ca samA dvAdaza pAritAH 43  tataH provAca bhagavAMs tAm evArundhatIM punaH  varaM vRNISva kalyANi yat te 'bhilaSitaM hRdi 44  sAbravIt pRthu tAmrAkSI devaM saptarSisaMsadi  bhagavAn yadi me prItas tIrthaM syAd idam uttamam  siddhadevarSidayitaM nAmnA badara pAcanam 45  tathAsmin devadeveza trirAtram uSitaH zuciH  prApnuyAd upavAsena phalaM dvAdaza vArSikam  evam astv iti tAM coktvA haro yAtas tadA divam 46  RSayo vismayaM jagmus tAM dRSTvA cApy arundhatIm  azrAntAM cAvi varNAM ca kSutpipAsA sahAM satIm 47  evaM siddhiH parA prAptA arundhatyA vizuddhayA  yathA tvayA mahAbhAge madarthaM saMzitavrate 48  vizeSo hi tvayA bhadre vrate hy asmin samarpitaH  tathA cedaM dadAmy adya niyamena sutoSitaH 49  vizeSaM tava kalyANi prayacchAmi varaM vare  arundhatyA varas tasyA yo datto vai mahAtmanA 50  tasya cAhaM prasAdena tava kalyANi tejasA  pravakSyAmy aparaM bhUyo varam atra yathAvidhi 51  yas tv ekAM rajanIM tIrthe vatsyate susamAhitaH  sa snAtvA prApsyate lokAn dehanyAsAc ca durlabhAn 52  ity uktvA bhagavAn devaH sahasrAkSaH pratApavAn  srucAvatIM tataH puNyAM jagAma tridivaM punaH 53  gate vajradhare rAjaMs tatra varSaM papAta ha  puSpANAM bharatazreSTha divyAnAM divyagandhinAm 54  nedur dundubhayaz cApi samantAt sumahAsvanAH  mArutaz ca vavau yuktyA puNyagandho vizAM pate 55  utsRjya tu zubhaM dehaM jagAmendrasya bhAryatAm  tapasogreNa sA labdhvA tena reme sahAcyuta 56   [j]  kA tasyA bhagavan mAtA kva saMvRddhA ca zobhanA  zrotum icchAmy ahaM brahman paraM kautUhalaM hi me 57   [vai]  bhAradvAjasya viprarSeH skannaM reto mahAtmanaH  dRSTvApsarasam AyAntIM ghRtAcIM pRthulocanAm 58  sa tu jagrAha tad retaH kareNa japatAM varaH  tadAvapat parNapuTe tatra sA saMbhavac chubhA 59  tasyAs tu jata karmAdi kRtvA sarvaM tapodhanaH  nAma cAsyAH sa kRtavAn bhAradvAjo mahAmuniH 60  srucAvatIti dharmAtmA tadarSigaNasaMsadi  sa ca tAm Azrame nyasya jagAma himavadvanam 61  tatrApy upaspRzya mahAnubhAvo; vasUni dattvA ca mahAdvijebhyaH  jagAma tIrthaM susamAhitAtmA; zakrasya vRSNipravaras tadAnIm   |



 |  1   [vai]  indra tIrthaM tato gatvA yadUnAM pravaro balI  viprebhyo dhanaratnAni dadau snAtvA yathAvidhi 2  tatra hy amara rAjo 'sAv Ije kratuzatena ha  bRhaspatez ca devezaH pradadau vipulaM dhanam 3  nirargalAn sajArUthyAn sarvAn vividhadakSiNAn  AjahAra kratUMs tatra yathoktAn vedapAragaiH 4  tAn kratUn bharatazreSTha zatakRtvo mahAdyutiH  pUrayAm Asa vidhivat tataH khyAtaH zatakratuH 5  tasya nAmnA ca tat tIrthaM zivaM puNyaM sanAtanam  indra tIrtham iti khyAtaM sarvapApapramocanam 6  upaspRzya ca tatrApi vidhivan musalAyudhaH  brAhmaNAn pUjayitvA ca pAnAcchAdana bhojanaiH  zubhaM tIrthavaraM tasmAd rAma tIrthaM jagAma ha 7  yatra rAmo mahAbhAgo bhArgavaH sumahAtapAH  asakRt pRthivIM sarvAM hatakSatriya puMgavAm 8  upAdhyAyaM puraskRtya kazyapaM munisattamam  ajayad vAjapeyena so 'zvamedha zatena ca  pradadau dakSiNArthaM ca pRthivIM vai sasAgarAm 9  rAmo dattvA dhanaM tatra dvijebhyo janamejaya  upaspRzya yathAnyAyaM pUjayitvA tathA dvijAn 10  puNye tIrthe zubhe deze vasu dattvA zubhAnanaH  munIMz caivAbhivAdyAtha yamunAtIrtham Agamat 11  yatrAnayAm Asa tadA rAjasUyaM mahIpate  putro 'diter mahAbhAgo varuNo vai sitaprabhaH 12  tatra nirjitya saMgrAme mAnuSAn daivatAMs tathA  varaM kratuM samAjahre varuNaH paravIrahA 13  tasmin kratuvare vRtte saMgrAmaH samajAyata  devAnAM dAnavAnAM ca trailokyasya kSayAvahaH 14  rAjasUye kratuzreSThe nivRtte janamejaya  jAyate sumahAghoraH saMgrAmaH kSatriyAn prati 15  sIrAyudhas tadA rAmas tasmiMs tIrthavare tadA  tatra snAtvA ca dattvA ca dvijebhyo vasu mAdhavaH 16  vanamAlI tato hRSTaH stUyamAno dvijAtibhiH  tasmAd AdityatIrthaM ca jagAma kamalekSaNaH 17  yatreSTvA bhagavAJ jyotir bhAskaro rAjasattama  jyotiSAm AdhipatyaM ca prabhAvaM cAbhyapadyata 18  tasyA nadyAs tu tIre vai sarve devAH savAsavAH  vizve devAH samaruto gandharvApsarasaz ca ha 19  dvaipAyanaH zukaz caiva kRSNaz ca madhusUdanaH  yakSAz ca rAkSasAz caiva pizAcAz ca vizAM pate 20  ete cAnye ca bahavo yogasiddhAH sahasrazaH  tasmiMs tIrthe sarasvatyAH zive puNye paraMtapa 21  tatra hatvA purA viSNur asurau madhu kauTabhau  Apluto bharatazreSTha tIrthapravara uttame 22  dvaipAyanaz ca dharmAtmA tatraivAplutya bhArata  saMprAptaH paramaM yogaM siddhiM ca paramAM gataH 23  asito devalaz caiva tasminn eva mahAtapAH  paramaM yogam AsthAya RSir yogam avAptavAn   |



 |  1   [vai]  tasminn eva tu dharmAtmA vasati sma tapodhanaH  gArhasthyaM dharmam AsthAya asito devalaH purA 2  dharmanityaH zucir dAnto nyastadaNDo mahAtapAH  karmaNA manasA vAcA samaH sarveSu jantuSu 3  akrodhano mahArAja tulyanindA priyApriyaH  kAJcane loSTake caiva samadarzI mahAtapAH 4  devatAH pUjayan nityam atithIMz ca dvijaiH saha  brahmacarya rato nityaM sadA dharmaparAyaNaH 5  tato 'bhyetya mahArAja yogam Asthaya bhikSukaH  jaigISavyo munir dhImAMs tasmiMs tIrthe samAhitaH 6  devalasyAzrame rAjan nyavasat sa mahAdyutiH  yoganityo mahArAja siddhiM prApto mahAtapAH 7  taM tatra vasamAnaM tu jaigISavyaM mahAmunim  devalo darzayann eva naivAyuJjata dharmataH 8  evaM tayor mahArAja dIrghakAlo vyatikramat  jaigISavyaM muniM caiva na dadarzAtha devalaH 9  AhArakAle matimAn parivrAD janamejaya  upAtiSThata dharmajJo bhaikSa kAle sa devalam 10  sa dRSTvA bhikSurUpeNa prAptaMtatra mahAmunim  gauravaM paramaM cakre prItiM ca vipulAM tathA 11  devalas tu yathAzakti pUjayAm Asa bhArata  RSidRSTena vidhinA samA bahvyaH samAhitaH 12  kadA cit tasya nRpate devalasya mahAtmanaH  cintA sumahatI jAtA muniM dRSTvA mahAdyutim 13  samAs tu samatikrAntA bahvyaH pUjayato mama  na cAyam alaso bhikSur abhyabhASata kiM cana 14  evaM vigaNayann eva sa jagAma mahodadhim  antarikSacaraH zrImAn kalazaM gRhya devalaH 15  gacchann eva sa dharmAtmA samudraM saritAM patim  jaigISavyaM tato 'pazyad gataM prAg eva bhArata 16  tataH savismayaz cintAM jagAmAthAsitaH prabhuH  kathaM bhikSur ayaM prAptaH samudre snAta eva ca 17  ity evaM cintayAm Asa maharSir asitas tadA  snAtvA samudre vidhivac chucir japyaM jajApa ha 18  kRtajapyAhnikaH zrImAn azramaM ca jagAma ha  kalazaM jalapUrNaM vai gRhItvA janamejaya 19  tataH sa pravizann eva svam AzramapadaM muniH  AsInam Azrame tatra jaigISavyam apazyata 20  na vyAharati caivainaM jaigISavyaH kathaM cana  kASThabhUto ''zrama pade vasati sma mahAtapAH 21  taM dRSTvA cAplutaM toye sAgare sAgaropamam  praviSTam AzramaM cApi pUrvam eva dadarza saH 22  asito devalo rAjaMz cintayAm Asa buddhimAn  dRSTaH prabhAvaM tapaso jaigISavyasya yogajam 23  cintayAm Asa rAjendra tadA sa munisattamaH  mayA dRSTaH samudre ca Azrame ca kathaM tv ayam 24  evaM vigaNayann eva sa munir mantrapAragaH  utpapAtAzramAt tasmAd antarikSaM vizAM pate  jijJAsArthaM tadA bhikSor jaigISavyasya devalaH 25  so 'ntarikSacarAn siddhAn samapazyat samAhitAn  jaigISavyaM ca taiH siddhaiH pUjyamAnam apazyata 26  tato 'sitaH susaMrabdho vyavasAyI dRDhavrataH  apazyad vai divaM yAntaM jaigISavyaM sa devalaH 27  tasmAc ca pitRlokaM taM vrajantaM so 'nvapazyata  pitRlokAc ca taM yAntaM yAmyaM lokam apazyata 28  tasmAd api samutpatya somalokam abhiSTutam  vrajantam anvapazyat sa jaigISavyaM mahAmunim 29  lokAn samutpatantaM ca zubhAn ekAntayAjinAm  tato 'gnihotriNAM lokAMs tebhyaz cApy utpapAta ha 30  darzaM ca paurNamAsaM ca ye yajanti tapodhanAH  tebhyaH sa dadRze dhImAm*l lokebhyaH pazuyAjinAm  vrajantaM lokam amalam apazyad deva pUjitam 31  cAturmAsyair bahuvidhair yajante ye tapodhanAH  teSAM sthAnaM tathA yAntaM tathAgniSToma yAjinAm 32  agniSTutena ca tathA ye yajanti tapodhanAH  tat sthAnam anusaMprAptam anvapazyata devalaH 33  vAjapeyaM kratuvaraM tathA bahusuvarNakam  Aharanti mahAprAjJAs teSAM lokeSv apazyata 34  yajante puNDarIkeNa rAjasUyena caiva ye  teSAM lokeSv apazyac ca jaigISavyaM sa devalaH 35  azvamedhaM kratuvaraM naramedhaM tathaiva ca  Aharanti narazreSThAs teSAM lokeSv apazyata 36  sarvamedhaM ca duSprApaM tathA sautrAmaNiM ca ye  teSAM lokeSv apazyac ca jaigISavyaM sa devalaH 37  dvAdazAhaiz ca satrair ye yajante vividhair nRpa  teSAM lokeSv apazyac ca jaigISavyaM sa devalaH 38  mitrA varuNayor lokAn AdityAnAM tathaiva ca  salokatAm anuprAptam apazyata tato 'sitaH 39  rudrANAM ca vasUnAM ca sthAnaM yac ca bRhaspateH  tAni sarvaNy atItaM ca samapazyat tato 'sitaH 40  Aruhya ca gavAM lokaM prayAntaM brahma satriNAm  lokAn apazyad gacchantaM jaigISavyaM tato 'sitaH 41  trIm*l lokAn aparAn vipram utpatantaM svatejasA  pativratAnAM lokAMz ca vrajantaM so 'nvapazyata 42  tato munivaraM bhUyo jaigISavyam athAsitaH  nAnvapazyata yogastham antarhitam ariMdama 43  so 'cintayan mahAbhAgo jaigISavyasya devalaH  prabhAvaM suvratatvaM ca siddhiM yogasya cAtulAm 44  asito 'pRcchata tadA siddhAm*l lokeSu sattamAn  prayataH prAJjalir bhUtvA dhIras tAn brahma satriNaH 45  jaigISavyaM na pazyAmi taM zaMsata mahaujasam  etad icchAmy ahaM zrotuM paraM kautUhalaM hi me 46   [siddhAh]  zRNu devala bhUtArthaM zaMsatAM no dRDhavrata  jaigISavyo gato lokaM zAzvataM brahmaNo 'vyayam 47  sa zrutvA vacanaM teSAM siddhAnAM brahma satriNAm  asito devalas tUrNam utpapAta papAta ca 48  tataH siddhAs ta Ucur hi devalaM punar eva ha  na devala gatis tatra tava gantuM tapodhana  brahmaNaH sadanaM vipra jaigISavyo yadAptavAn 49  teSAM tad vacanaM zrutvA siddhAnAM devalaH punaH  AnupUrvyeNa lokAMs tAn sarvAn avatatAra ha 50  svam AzramapadaM puNyam AjagAma pataMgavat  pravizann eva cApazyaj jaigISavyaM sa devalaH 51  tato buddhyA vyagaNayad devalo dharmayuktayA  dRSTvA prabhAvaM tapaso jaigISavyasya yogajam 52  tato 'bravIn mahAtmAnaM jaigISavyaM sa devalaH  vinayAvanato rAjann upasarpya mahAmunim  mokSadharmaM samAsthAtum iccheyaM bhagavann aham 53  tasya tad vacanaM zrutvA upadezaM cakAra saH  vidhiM ca yogasya paraM kAryAkAryaM ca zAstrataH 54  saMnyAsakRtabuddhiM taM tato dRSTvA mahAtapAH  sarvAz cAsya kriyAz cakre vidhidRSTena karmaNA 55  saMnyAsakRtabuddhiM taM bhUtAni pitRbhiH saha  tato dRSTvA praruruduH ko 'smAn saMvibhajiSyati 56  devalas tu vacaH zrutvA bhUtAnAM karuNaM tathA  dizo dazavyAharatAM mokSaM tyaktuM mano dadhe 57  tatas tu phalamUlAni pavitrANi ca bhArata  puSpANy oSadhayaz caiva rorUyante sahasrazaH 58  punar no devalaH kSudro nUnaM chetsyati durmatiH  abhayaM sarvabhUtebhyo yo dattA nAvabudhyate 59  tato bhUyo vyagaNayat svabuddhyA munisattamaH  mokSe gArhasthya dharme vA kiM nu zreyaH karaM bhavet 60  iti nizcitya manasA devalo rAjasattama  tyaktvA gArhasthya dharmaM sa mokSadharmam arocayat 61  evamAdIni saMcintya devalo nizcayAt tataH  prAptavAn paramAM siddhimparaM yogaM ca bhArata 62  tato devAH samAgamya bRhaspatipurogamAH  jaigISavyaM tapaz cAsya prazaMsanti tapasvinaH 63  athAbravId RSivaro devAn vai nAradas tadA  jaigISavye tapo nAsti vismApayati yo 'sitam 64  tam evaM vAdinaM dhIraM pratyUcus te divaukasaH  maivam ity eva zaMsanto jaigISavyaM mahAmunim 65  tatrApy upaspRzya tato mahAtmA; dattvA ca vittaM halabhRd dvijebhyaH  avApya dharmaM paramArya karmA; jagAma somasya mahat sa tIrtham   |



 |  1   [vai]  yatrejivAn uDupatI rAjasUyena bhArata  tasmin vRtte mahAn AsIt saMgrAmas tArakAmayaH 2  tatrApy upaspRzya balo dattvA dAnAni cAtmavAn  sArasvatasya dharmAtmA munes tIrthaM jagAma ha 3  yatra dvAdaza vArSikyAm anAvRSTyAM dvijottamAn  vedAn adhyApayAm Asa purA sArasvato muniH 4   [j]  kathaM dvAdaza vArSikyAm anAvRSTyAM tapodhanaH  vedAn adhyApayAm Asa purA sArasvato muniH 5   [vai]  AsIt pUraM mahArAja munir dhImAn mahAtapAH  dadhIca iti vikhyAto brahma cArI jitendriyaH 6  tasyAtitapasaH zakro bibheti satataM vibho  na sa lobhayituM zakyaH phalair bahuvidhair api 7  pralobhanArthaM tasyAtha prahiNot pAkazAsanaH  divyAm apsarasaM puNyAM darzanIyAm alambusAm 8  tasya tarpayato devAn sarasvatyAM mahAtmanaH  samIpato mahArAja sopAtiSThata bhAminI 9  tAM divyavapuSaM dRSTvA tasyaiSer bhAvitAtmanaH  retaH skannaM sarasvatyAM tat sA jagrAha nimnagA 10  kukSau cApy adadhad dRSTvA tad retaH puruSarSabha  sA dadhAra ca taM garbhaM putra hetor mahAnadI 11  suSuve cApi samaye putraM sA sAritAM varA  jagAma putram AdAya tam RSiM prati ca prabho 12  RSisaMsadi taM dRSTvA sA nadI munisattamam  tataH provAca rAjendra dadatI putram asya tam  brahmarSe tava putro 'yaM tvadbhaktyA dhArito mayA 13  dRSTvA te 'psarasaM reto yat skannaM prAg alambusAm  tat kukSiNA vai brahmarSe tvadbhaktyA dhRtavaty aham 14  na vinAzam idaM gacchet tvat teja iti nizcayAt  pratigRhNISva putraM svaM mayA dattam aninditam 15  ity uktaH pratijagrAha prItiM cAvApa uttamA  mantravac copajighrat taM mUrdhni premNA dvijottamaH 16  pariSvajya ciraM kAlaM tadA bharatasattama  sarasvatyai varaM prAdAt prIyamANo mahAmuniH 17  vizve devAH sapitaro gandharvApsarasAM gaNAH  tRptiM yAsyanti subhage tarpyamANAs tavAmbhasA 18  ity uktvA sa tu tuSTAva vacobhir vai mahAnadIm  prItaH paramahRSTAtmA yathAvac chRNu pArthiva 19  prasRtAsi mahAbhAge saraso brahmaNaH purA  jAnanti tvAM saricchreSThe munayaH saMzitavratAH 20  mama priyakarI cApi satataM priyadarzane  tasmAt sArasvataH putro mahAMs te varavarNini 21  tavaiva nAmnA prathitaH putras te lokabhAvanaH  sArasvata iti khyAto bhaviSyati mahAtapAH 22  eSa dvAdaza vArSikyAm anAvRSTyAM dvijarSabhAn  sArasvato mahAbhAge vedAn adhyApayiSyati 23  puNyAbhyaz ca saridbhyas tvaM sadA puNyatamA zubhe  bhaviSyasi mahAbhAge matprasAdAt sarasvati 24  evaM sA saMstutA tena varaM labdhvA mahAnadI  putram AdAya muditA jagAma bharatarSabha 25  etasminn eva kAle tu virodhe devadAnavaiH  zakraH praharaNAnveSI lokAMs trIn vicacAra ha 26  na copalebhe bhagavAJ zakraH praharaNaM tadA  yad vai teSAM bhaved yogyaM vadhAya vibudhadviSAm 27  tato 'bravIt surAJ zakro na me zakyA mahAsurAH  Rte 'sthibhir dadhIcasya nihantuM tridazadviSaH 28  tasmAd gatvA RSizreSTho yAcyatAM surasattamAH  dadhIcAsthIni dehIti tair vadhiSyAmahe ripUn 29  sa devair yAcito 'sthIni yatnAd RSivaras tadA  prANatyAgaM kuruSveti cakAraivAvicArayan  sa lokAn akSayAn prApto devapriya karas tadA 30  tasyAsthibhir atho zakraH saMprahRSTamanAs tadA  kArayAm Asa divyAni nAnApraharaNAny uta  vajrANi cakrANi gadA guru daNDAMz ca puSkalAn 31  sA hi tIvreNa tapasA saMbhRtaH paramarSiNA  prajApatisutenAtha bhRguNA lokabhAvanaH 32  atikAyaH sa tejasvI lokasAra vinirmitaH  jajJe zailaguruH prAMzur mahimnA prathitaH prabhuH  nityam udvijate cAsya tejasA pAkazAsanaH 33  tena vajreNa bhagavAn mantrayuktena bhArata  bhRzaM krodhaviSRSTena brahmatejo bhavena ca  daityadAnava vIrANAM jaghAna navatIr nava 34  atha kAle vyatikrante mahaty atibhayaM kare  anAvRSTir anuprAptA rAjan dvAdaza vArSikI 35  tasyAM dvAdaza vArSikyAm anAvRSTyAM maharSayaH  vRttyarthaM prAdravan rAjan kSudhArtAH sArvato dizam 36  digbhyas tAn pradrutAn dRSTvA muniH sArasvatas tadA  gamanAya matiM cakre taM provAca sarasvatI 37  na gantavyam itaH putra tavAhAram ahaM sadA  dAsyAmi matsyapravarAn uSyatAm iha bhArata 38  ity uktas tarpayAm Asa sa pitRRn devatAs tathA  AhAram akaron nityaM prANAn vedAMz ca dhArayan 39  atha tasyAm atItAyAm anAvRSTyAM maharSayaH  anyonyaM paripapracchuH punaH svAdhyAyakAraNAt 40  teSAM kSudhA parItAnAM naSTA vedA vidhAvatAm  sarveSAm eva rAjendr ana kaz cit pratibhAnavAn 41  atha kaz cid RSis teSAM sArasvatam upeyivAn  kurvANaM saMzid AtmAnaM svAdhyAyam RSisattamam 42  sa gatvAcaSTa tebhyaz ca sArasvatam atiprabham  svAdhyAyam amaraprakhyaM kurvANaM vijane jane 43  tataH sarve samAjagmus tatra rAjan maharSayaH  sArasvataM munizreSTham idam UcuH samAgatAH 44  asmAn adhyApayasveti tanovAca tato muniH  ziSyatvam upagacchadhvaM vidhivad bho mamety uta 45  tato 'bravId RSigaNo bAlas tvam asi putraka  sa tAn Aha na me dharmo nazyed iti punar munIn 46  yo hy adharmeNa vibrUyAd gRhNIyAd vApy adharmataH  mriyatAM tAv ubhau kSipraM syAtAM vA vairiNAv ubhau 47  na hAyanair na palitair na vittena na bandhubhiH  RSayaz cakrire dharmaM yo 'nUcAnaH sa no mahAn 48  etac chrutvA vacas tasya munayas te vidhAnataH  tasmAd vedAn anuprApya punar dharmaM pracakrire 49  SaSTir munisahasrANi ziSyatvaM pratipedire  sArasvatasya viprarSer veda svAdhyAyakAraNAt 50  muSTiM muSTiM tataH sarve darbhANAM te 'bhyupAharan  tasyAsanArthaM viprarSer bAlasyApi vaze sthitAH 51  tatrApi dattvA vasu rauhiNeyo; mahAbalaH kezava pUrvajo 'tha  jagAma tIrthaM muditaH krameNa; khyAtaM mahad vRddhakanyA sma yatra   |



 |  1   [j]  kathaM kumArI bhagavaMs tapo yuktA hy abhUt purA  kim artahM ca tapas tepe ko vAsyA niyamo 'bhavat 2  suduSkaram idaM brahmaMs tvattaH zrutam anuttamam  AkhyAhi tattvam akhilaM yathA tapasi sA sthitA 3   [vai]  RSir AsIn mahAvIryaH kuNir gArgyo mahAyazAH  sa taptvA vipulaM rAjaMs tapo vai tapatAM varaH  mAnasIM sa sutAM subhrUM samutpAditavAn vibhuH 4  tAM ca dRSTvA bhRzaM prItaH kuNir gArgyo mahAyazAH  jagAma tridivaM rAjan saMtyajyeha kalevaram 5  subhrUH sA hy atha kalyANI puNDarIkanibhekSaNA  mahatA tapasogreNa kRtvAzramam aninditA 6  upavAsaiH pUjayantI pitRRn devaMz ca sA purA  tasyAs tu tapasogreNa mahAn kAto 'tyagAn nRpa 7  sA pitrA dIyamAnApi bhartre naicchad aninditA  AtmanaH sadRzaM sA tu bhartAraM nAnvapazyata 8  tataH sA tapasogreNa pIDayitvAtmanas tanum  pitRdevArcana parA babhUva vijane vane 9  sAtmAnaM manyamAnApi kRtakRtyaM zramAnvitA  vArdhakena ca rAjendra tapasA caiva karzitA 10  sA nAzakad yadA gantuM padAt padam api svayam  cakAra gamane buddhiM paralokAya vai tadA 11  moktu kAmAM tu tAM dRSTvA zarIraM nArado 'bravIt  asaMskRtAyAH kanyAyAH kuto lokAs tavAnaghe 12  evaM hi zrutam asmAbhir devaloke mahAvrate  tapaH paramakaM prAptaM na tu lokAs tvayA jitAH 13  tan nArada vacaH zrutvA sAbravId RSisaMsadi  tapaso 'rdhaM prayacchAmi pANigrAhasya sattamAH 14  ity ukte cAsyA jagrAha pANiM gAlava saMbhavaH  RSiH prAk zRGgavAn nAma samayaM cedam abravIt 15  samayena tavAdyAhaM pANiM sprakSyAmi zobhane  yady ekarAtraM vastavyaM tvayA saha mayeti ha 16  tatheti sA pratizrutya tasmai pANiM dadau tadA  cakre ca pANigrahaNaM tasyodvAhaM ca gAlaviH 17  sA rAtrAv abhavad rAjaMs taruNI devavarNinI  divyAbharaNavastrA ca divyasrag anulepanA 18  tAM dRSTvA gAlaviH prIto dIpayantIm ivAtmanA  uvAsa ca kSapAm ekAM prabbhAte sAbravIc ca tam 19  yas tvayA samayo vipra kRto me tapatAM vara  tenoSitAsmi bhadraM te svasti te 'stu vrajAmy aham 20  sAnujJAtAbravId bhUyo yo 'smiMs tIrthe samAhitaH  vatsyate rajanIm ekAM tarpayitvA divaukasaH 21  catvAriMzatam aSTau ca dve cASTau samyag Acaret  yo brahmacaryaM varSANi phalaM tasya labheta saH  evam uktvA tataH sAdhvI dehaM tyaktvA divaM gatA 22  RSir apy abhavad dInas tasyA rUpaM vicintayan  samayena tapo 'rdhaM ca kRcchrAt pratigRhItavAn 23  sAdhayitvA tadAtmAnaM tasyAH sa gatim anvayAt  duHkhito bharatazreSTha tasyA rUpabalAt kRtaH  etat te vRddhakanyAyA vyAkhyAtaM caritaM mahat 24  tatrasthaz cApi zuzrAva hataM zalyaM halAyudhaH  tatrApi dattvA dAnAni dvijAtibhyaH paraMtapa  zuzoca zalyaM saMgrAme nihataM pANDavais tadA 25  samantapaJcaka dvArAt tato niSkramya mAdhavaH  papraccharSigaNAn rAmaH kurukSetrasya yat phalam 26  te pRSTA yadusiMhena kurukSetraphalaM vibho  samAcakhyur mahAtmAnas tasmai sarvaM yathAtatham   |



  |  1   [rsayah]  prajApater uttamavedir ucyate; sanAtanA rAma samantapaJcakam  samijire yatra purA divaukaso; vareNa satreNa mahAvarapradAH 2  purA ca rAjarSivareNa dhImatA; bahUni varSANy amitena tejasA  prakRSTam etat kuruNA mahAtmanA; tataH kurukSetram itIha paprathe 3   [rAma]  kimarthaM kuruNA kRSTaM kSetram etan mahAtmanA  etad icchAmy ahaM zrotuM kathyamAnaM tapodhanAH 4   [rsayah]  purA kila kuruM nAma kRSantaM satatotthitam  abhyetya zakras tridivAt paryapRcchata kAraNam 5  kim idaM vartate rAjan prayatnena pareNa ca  rAjarSe kim abhipretaM yeneyaM kRSyate kSitiH 6   [kuru]  iha ye puruSAH kSetre mariSyanti zatakrato  te gamiSyanti sukRtAm*l lokAn pApavivarjitAn 7  avahasya tataH zakro jagAma tridivaM prabhuH  rAjarSir apy anirviNNaH karSaty eva vasuMdharAm 8  AgamyAgamya caivainaM bhUyo bhUyo 'vahasya ca  zatakratur anirviNNaM pRSTvA pRSTvA jagAma ha 9  yadA tu tapasogreNa cakarSa vasudhAM nRpa  tataH zakro 'bravId devAn rAjarSer yac cikIrSitam 10  tac chrutvA cAbruvan devAH sahasrAkSam idaM vacaH  vareNa cchandyatAM zakra rAjarSir yadi zakyate 11  yadi hy atra pramItA vai svargaM gacchanti mAnavAH  asAn aniSTvA kratubhir bhAgo no na bhaviSyati 12  Agamya ca tataH zakras tadA rAjarSim abravIt  alaM khedena bhavataH kriyatAM vacanaM mama 13  mAnavA ye nirAhArA dehaM tyakSyanty atandritAH  yudhi vA nihatAH samyag api tiryaggatA nRpa 14  te svargabhAjo rAjendra bhavantv ati mahAmate  tathAstv iti tato rAjA kuruH zakram uvAca ha 15  tatas tam abhyanujJApya prahRSTenAntarAtmanA  jagAma tridivaM bhUyaH kSipraM balaniSUdanaH 16  evam etad yaduzreSTha kRSTaM rAjarSiNA purA  zakreNa cApy anujJAtaM puNyaM prANAn vimuJcatAm 17  api cAtra svayaM zakro jagau gAthAM surAdhipaH  kurukSetraM nibaddhAM vai tAM zRNuSva halAyudha 18  pAMsavo 'pi kurukSetrAd vAyunA samudIritAH  api duSkRtakarmANaM nayanti paramAM gatim 19  surarSAbhA brAhmaNasattamAz ca; tathA nRgAdyA naradevamukhyAH  iSTvA mahArhaiH kratubhir nRsiMha; saMnyasya dehAn sugatiM prapannAH 20  tarantukArantukayor yad antaraM; rAmahradAnAM ca macakrukasya  etat kurukSetrasamantapaJcakaM; prajApater uttaravedir ucyate 21  zivaM mahat puNyam idaM divaukasAM; susaMmataM svargaguNaiH samanvitam  ataz ca sarve 'pi vasuMdharAdhipA; hatA gamiSyanti mahatmanAM gatim   |



 |  1   [vai]  kurukSetraM tato dRSTvA dattvA dAyAMz ca sAtvataH  AzramaM sumahad divyam agamaj janamejaya 2  madhukAmra vanopetaM plakSanyagrodha saMkulam  ciribilvayutaM puNyaM panasArjuna saMkulam 3  taM dRSTvA yAdava zreSThaH pravaraM puNyalakSaNam  papraccha tAn RSIn sarvAn kasyAzramavaras tv ayam 4  te tu sarve mahAtmAnam UcU rAjan halAyudham  zRNu vistarato rAma yasyAyaM pUrvam AzramaH 5  atra viSNuH purA devas taptavAMs tapa uttamam  atrAsya vidhivad yajJAH sarve vRttAH sanAtanAH 6  atraiva brAhmaNI siddhA kaumAra brahmacAriNI  yogayuktA divaM yAtA tapaHsiddhA tapasvinI 7  babhUva zrImatI rAjaJ zANDilyasya mahAtmanaH  sutA dhRtavratA sAdhvI niyatA brahmacAriNI 8  sA tu prApya paraM yogaM gatA svargam anuttamam  bhuktvAzrame 'zvamedhasya phalaM phalavatAM zubhA  gatA svargaM mahAbhAgA pUjitA niyatAtmabhiH 9  abhigamyAzramaM puNyaM dRSTvA ca yadupuMgavaH  RSIMs tAn abhivAdyAtha pArzve himavato 'cyutaH  skandhAvArANi sarvANi nivartyAruruhe 'calam 10  nAtidUraM tato gatvA nagaM tAladhvajo balI  puNyaM tIrthavaraM dRSTvA vismayaM paramaM gataH 11  prabhavaM ca sarasvatyAH plakSaprasravaNaM balaH  saMprAptaH kArapacanaM tIrthapravaram uttamam 12  halAyudhas tatra cApi dattvA dAnaM mahAbalaH  AplutaH salile zIte tasmAc cApi jagAma ha  AzramaM paramaprIto mitrasya varuNasya ca 13  indro 'gnir aryamA caiva yatra prAk prItim Apnuvan  taM dezaM kArapacanAd yamunAyAM jagAma ha 14  snAtvA tatrApi dharmAtmA parAM tuSTim avApya ca  RSibhiz caiva siddhaiz ca sahito vai mahAbalaH  upaviSTaH kathAH zubhrAH zuzrAva yadupuMgavaH 15  tathA tu tiSThatAM teSAM nArado bhagavAn RSiH  AjagAmAtha taM dezaM yatra rAmo vyavastthitaH 16  jaTAmaNDalasaMvItaH svarNacIrI mahAtapAH  hemadaNDadharo rAjan kamaNDAlu dharas tathA 17  kacchapIM sukhazabdAM tAM gRhya vINAM manoramAm  nRtye gIte ca kuzalo deva brAhmaNa pUjitaH 18  prakartA kalahAnAM ca nityaM ca kalahapriyaH  taM dezam Agamad yatra zrImAn rAmo vyavasthitaH 19  pratyutthAya tu te sarve pUjayitvA yatavratam  devarSir paryapRcchanta yathAvRttaM kurUn prati 20  tato 'syAkathayad rAjan nAradaH sarvadharmavit  sarvam eva yathAvRttam atItaM kuru saMkSayam 21  tato 'bravId rauhiNeyo nAradaM dInayA girA  kim avastha tu tat kSatraM ye ca tatrAbhavan nRpAH 22  zrutam etan mayA pUrvaM sarvam eva tapodhana  vistara zravaNe jAtaM kautUhalam atIva me 23   [nArada]  pUrvam eva hato bhISmo droNaH sindhupatis tathA  hato vaikartanaH karNaH putrAz cAsya mahArathAH 24  bhUrizravA rauhiNeya madrarAjaz ca vIryavAn  ete cAnye ca bahavas tatra tatra mahAbalAH 25  priyAn prANAn parityajya priyArthaM kauravasya vai  rAjAno rAjaputrAz ca samareSv anivartinaH 26  ahatAMs tu mahAbAho zRNu me tatra mAdhava  dhArtarASTra bale zeSAH kRpo bhojaz ca vIryavAn  azvatthAmA ca vikrAnto bhagnasainyA dizo gatAH 27  duryodhano hate sainye pradruteSu kRpAdiSu  hradaM dvaipAyanaM nAma viveza bhRzaduHkhitaH 28  zayAnaM dhArtarASTraM tu stambhite salile tadA  pANDavAH saha kRSNena vAgbhir ugrAbhir Ardayan 29  sa tudyamAno balavAn vAgbhI rAma samantataH  uttitaH prAg ghradAd vIraH pragRhya mahatIM gadAm 30  sa cApy upagato yuddhaM bhImena saha sAMpratam  bhaviSyati ca tat sadyas tayo rAma sudAruNam 31  yadi kautUhalaM te 'sti vraja mAdhava mAciram  pazya yuddhaM mahAghoraM ziSyayor yadi manyase 32   [vai]  nAradasya vacaH zrutvA tAn abbhyarcya dvijarSabhAn  sarvAn visarjayAm Asa ye tenAbhyAgatAH saha  gamyatAM dvArakAM ceti so 'nvazAd anuyAyinaH 33  so 'vatIryAcalazreSThAt prakSa prasvaraNAc chubhAt  tataH prItamanA rAmaH zrutvA tIrthaphalaM mahat  viprANAM saMnidhau zlokam agAyad idam acyutaH 34  sarasvatI vAsasamA kuto ratiH; sarasvatI vAsasamAH kuto guNAH  sarasvatIM prApya divaM gatA janAH; sadA smariSyanti nadIM sarasvatIm 35  sarasvatI sarvanadISu puNyA; sarasvatI lokasukhAvahA sadA  sarasvatIM prApya janAH suduSkRtAH; sadA na zocanti paratra ceha ca 36  tato muhur muhuH prItyA prekSamANaH sarasvatIm  hayair yuktaM rathaM zubhram AtiSThata paraMtapaH 37  sa zIghragAminA tena rathena yadupuMgavaH  didRkSur abhisaMprAptaH ziSyayuddham upasthitam   |



  |  1   [vai]  evaM tad abhavad yuddhaM tumulaM janamejaya  yatra duHkhAnvito rAjA dhRtarASTro 'bravId idam 2  rAmaM saMnihitaM dRSTvA gadAyuddha upasthite  mama putraH kathaM bhImAM pratyayudhyata saMjaya 3   [s]  rAma sAMnidhyam AsAdya putro duryodhanas tava  yuddhakAmo mahAbAhuH samahRSyata vIryavAn 4  dRSTvA lAGgalinaM rAjA pratyutthAya ca bhArata  prItyA paramayA yukto yudhiSThiram athAbravIt 5  samanta paJcakaM kSipram ito yAmavizAM pate  prathitottara vedI sA devaloke prajApateH 6  tasmin mahApuNyatame trailokyasya sanAtane  saMgrAme nidhanaM prApya dhruvaM svargo bhaviSyati 7  tathety uktvA mahArAja kuntIputro yudhiSThiraH  samantapaJcakaM vIraH prAyAd abhimukhaH prabhuH 8  tato duryodhano rAjA pragRhya mahatIM gadAm  padbhyAm amarSAd dyutimAn agacchat pANDavaiH saha 9  tathA yAntaM gadAhastaM varmaNA cApi daMzitam  antarikSagatA devAH sAdhu sAdhv ity apUjayan  vAtikAz ca narA ye 'tra dRSTvA te harSam AgatAH 10  sa pANDavaiH parivRtaH kururAjas tavAtmajaH  mattasyeva gajendrasya gatim AsthAya so 'vrajat 11  tataH zaGkhaninAdena bherINAM ca mahAsvanaiH  siMhanAdaiz ca zUrANAM dizaH sarvAH prapUritAH 12  pratIcy abhimukhaM dezaM yathoddiSTaM sutena te  gatvA ca taiH parikSiptaM samantAt sarvatodizam 13  dakSiNena sarasvatyAH svayanaM tIrtham uttamam  tasmin deze tv aniriNe tatra yuddham arocayan 14  tato bhImo mahAkoTiM gadAM gRhyAtha varma bhRt  bibhrad rUpaM mahArAja sadRzaM hi garutmataH 15  avabaddha ziras trANAH saMkhye kAJcanavarma bhRt  rarAja rAjan putras te kAJcanaH zailarAD iva 16  varmabhyAM saMvRtau vIrau bhIma duryodhanAv ubhau  saMyuge ca prakAzete saMrabdhAv iva kuJjarau 17  raNamaNDalamadhyasthau bhratarau tau nararSabhau  azobhetAM mahArAja candrasUryAv ivoditau 18  tAv anyonyaM nirIkSetAM kruddhAv iva mahAdvipau  dahantau locanai rAjan parasparavadhaiSiNau 19  saMprahRSTamanA rAjan gadAm AdAya kauravaH  sRkkiNI saMlihan rAjan krodharaktekSaNaH zvasan 20  tato duryodhano rAjA gadAm AdAya vIryavAn  bhImasenam abhiprekSya gajo gajam ivAhvayat 21  adrisAramayIM bhImas tathaivAdAya vIryavAn  AhvayAm Asa nRpatiM siMhaH siMhaM yathA vane 22  tAv udyatagadApANI duryodhana vRkodarau  saMyuge sma prakAzete girI sazikharAv iva 23  tAv ubhAv abhisaMkruddhAv ubhau bhImaparAkramau  ubhau ziSyau gadAyuddhe rauhiNeyasya dhImataH 24  ubhau sadRzakarmANau yama vAsavayor iva  tathA sadRzakarmANau varuNasya mahAbalau 25  vAsudevasya rAmasya tathA vaizravaNasya ca  sadRzau tau mahArAja madhukaiTabhayor yudhi 26  ubhau sadRzakarmANau raNe sundopasundayoH  tathaiva kAlasya samau mRtyoz caiva paraMtapau 27  anyonyam abhidhAvantau mattAv iva mahAdvipau  vAzitA saMgame dRptau zaradIva madotkaTau 28  mattAv iva jigISantau mAtaGgau bharatarSabhau  ubhau krodhaviSaM dIptaM vamantAv uragAv iva 29  anyonyam abhisaMrabdhau prekSamANAv ariMdamau  ubhau bharatazArdUlau vikrameNa samanvitau 30  siMhAv iva durAdharSau gadAyuddhe paraMtapau  nakhadaMSTrAyudhau vIrau vyAghrAv iva durutsahau 31  prajAsaMharaNe kSubdhau samudrAv iva dustarau  lohitAGgAv iva kruddhau pratapantau mahArathau 32  razmimantau mahAtmAnau dIptimantau mahAbalau  dadRzAte kuruzreSThau kAlasUryAv ivodditau 33  vyAghrAv iva susaMrabdhau garjantAv iva toyadau  jahRSAte mahAbAhU siMhau kesariNAv iva 34  gajAv iva susaMrabdhau jvalitAv iva pAvakau  dadRzus tau mahAtmAnau sazRGgAv iva parvatau 35  roSAt prasphuramANauSThau nirIkSantau parasparam  tau sametau mahAtmAnau gadAhastau narottamau 36  ubhau paramasaMhRSTAv ubhau paramasaMmatau  sadazvAv iva heSantau bRMhantAv iva kuJjarau 37  vRSabhAv iva garjantau duryodhana vRkodarau  daityAv iva balonmattau rejatus tau narottamau 38  tato duryodhano rAjann idam Aha yudhiSThiram  sRJjayaiH saha tiSThantaM tapantam iva bhAskaram 39  idaM vyavasitaM yuddhaM mama bhImasya cobhayoH  upopaviSTAH pazyadhvaM vimardaM nRpasattamAH 40  tataH samupaviSTaM tat sumahad rAjamaNDalam  virAjamAnaM dadRze divIvAdityamaNDalam 41  teSAM madhye mahAbAhuH zrImAn kezava pUrvajaH  upaviSTo mahArAja pUjyamAnaH samantataH 42  zuzubhe rAjamadhyastho nIlavAsAH sitaprabhaH  nakSatrair iva saMpUrNo vRto nizi nizAkaraH 43  tau tathA tu mahArAja gadAhastau durAsadau  anyonyaM vAgbhir ugrAbhis takSamANau vyavasthitau 44  apriyANi tato 'nyonyam uktvA tau kurupuMgavau  udIkSantau sthitau vIrau vRtra zakrAv ivAhave   |



 |  1   [vai]  tato vAg yuddham abhavat tumulaM janamejaya  yatra duHkhAnvito rAjA dhRtarASTro 'bravId idam 2  dhig astu khalu mAnuSyaM yasya niSTheyam IdRzI  ekAdaza camU bhartA yatra putro mamAbhibhUH 3  AjJApya sarvAn nRpatIn bhuktvA cemAM vasuMdharAm  gadAm AdAya vegena padAtiH prathito raNam 4  bhUtvA hi jagato nAtho hy anAtha iva me sutaH  gadAm udyamya yo yAti kim anyad bhAgadheyataH 5  aho duHkhaM mahat prAptaM putreNa mama saMjaya  evam uktvA sa duHkhArto virarAma janAdhipaH 6   [s]  sa meghaninado harSAd vinadann iva govRSaH  AjuhAva tataH pArthaM yuddhAya yudhi vIryavAn 7  bhImam AhvayamAne tu kururAje mahAtmani  prAdurAsan sughorANi rUpANi vividhAny uta 8  vavur vAtAH sanirghAtAH pAMsuvarSaM papAta ca  babhUvuz ca dizaH sarvAs timireNa samAvRtAH 9  mahAsvanAH sanirghAtAs tumulA lomaharSaNAH  petus tatholkAH zatazaH sphoTayantyo nabhastalam 10  rAhuz cAgrasad Adityam aparvaNi vizAM pate  cakampe ca mahAkampaM pRthivI savanadrumA 11  rUkSAz ca vAtAH pravavur nIcaiH zarkara varSiNaH  girINAM zikharANy eva nyapatanta mahItale 12  mRgA bahuvidhAkArAH saMpatanti dizo daza  dIptAH zivAz cApy anadan ghorarUpAH sudAruNAH 13  nirghAtAz ca mahAghorA babhUvur lomaharSaNAH  dIptAyAM dizi rAjendra mRgAz cAzubha vAdinaH 14  udapAnagatAz cApo vyavardhanta samantataH  azarIrA mahAnAdAH zrUyante sma tadA nRpa 15  evamAdIni dRSTvAtha nimittAni vRkodaraH  uvAca bhrAtaraM jyeSThaM dharmarAjaM yudhiSThiram 16  naiSa zakto raNe jetuM mandAtmA mAM suyodhanaH  adya krodhaM vimokSyAmi nigUDhaM hRdaye ciram  suyodhane kauravendre khANDave pAvako yathA 17  zalyam adyoddhariSyAmi tava pANDava hRcchayam  nihatya gadayA pApam imaM kuru kulAdhamam 18  adya kIrtimayIM mAlAM pratimokSyAmy ahaM tvayi  hatvemaM pApakarmANaM gadayA raNamUrdhani 19  adyAsya zatadhA dehaM bhinadmi gadayAnayA  nAyaM praveSTA nagaraM punar vAraNasAhvayam 20  sarpotsargasya zayane viSadAnasya bhojane  pramANa koTyAM pAtasyA dAhasya jatu vezmani 21  sabhAyAm avahAsasya sarvasvaharaNasya ca  varSam ajJAtavAsasya vanavAsasya cAnagha 22  adyAntam eSAM duHkhAnAM gantA bharatasattama  ekAhnA vinihatyemaM bhaviSyAmy Atmano 'nRNaH 23  adyAyur dhArtarASTrasya durmater akRtAtmanaH  samAptaM bharatazreSTha mAtApitroz ca darzanam 24  adyAyaM kururAjasya zaMtanoH kulapAMsanaH  prANAJ zriyaM ca rAjyaM ca tyaktvA zeSyati bhUtale 25  rAjA ca dhRtarASTro 'dya zrutvA putraM mayA hatam  smariSyaty azubhaM karma yat tac chakuni buddhijam 26  ity uktvA rAjazArdUla gadAm AdAya vIryavAn  avAtiSThata yuddhAya zakro vRtram ivAhvayan 27  tam udyatagadAM dRSTvA kailAsam iva zRGgiNam  bhImasenaH punaH kruddho duryodhanam uvAca ha 28  rAjJaz ca dhRtarASTrasya tathA tvam api cAtmanaH  smara tad duSkRtaM karma yadvRttaM vAraNAvate 29  draupadI ca parikliSTA sabhAyAM yad rajasvalA  dyUte ca vaJcito rAjA yat tvayA saubalena ca 30  vane duHkhaM ca yat prAptam asmAbhis tvatkRtaM mahat  virATanagare caiva yonyantaragatair iva  tat sarvaM yAtayAmy adya diSTyA dRSTo 'si durmate 31  tvatkRte 'sau hataH zete zaratalpe pratApavAn  gAGgeyo rathinAM zreSTho nihato yAjJaseninA 32  hato droNaz ca karNaz ca tathA zalyaH pratApavAn  vairAgner AdikartA ca zakuniH saubalo hataH 33  prAtikAmI tathA pApo draupadyAH klezakRd dhataH  bhrAtaras te hatAH sarve zUrA vikrAntayodhinaH 34  ete cAnye ca bahavo nihatAs tvatkRte nRpAH  tvAm adya nihaniSyAmi gadayA nAtra saMzayaH 35  ity evam uccai rAjendra bhASamANaM vRkodaram  uvAca vItabhI rAjan putras te satyavikramaH 36  kiM katthitena bahudhA yudhyasva tvaM vRkodara  adya te 'haM vineSyAmi yuddhazraddhAM kulAdhama 37  naiva duryodhanaH kSudra kena cit tvadvidhena vai  zaktyas trAsayituM vAcA yathAnyaH prAkRto naraH 38  cirakAlepsitaM diSTyA hRdayastham idaM mama  tvayA saha gadAyuddhaM tridazair upapAditam 39  kiM vAcA bahunoktena katthitena ca durmate  vANI saMpadyatAm eSA karmaNA mAciraM kRthAH 40  tasyA tad vacanaM zrutvA sarva evAbhyapUjayan  rAjAnaH somakAz caiva ye tatrAsan samAgatAH 41  tataH saMpUjitaH sarvaiH saMprahRSTatanU ruhaH  bhUyo dhIraM manaz cakre yuddhAya kurunandanaH 42  taM mattam iva mAtaGgaM talatAlair narAdhipAH  bhUyaH saMharSayAM cakrur duryodhanam amarSaNam 43  taM mahAtmA mahAtmAnaM gadAm udyamya pANDavaH  abhidudrAva vegena dhArtarASTraM vRkodaraH 44  bRMhanti kuJjarAs tatra hayA heSanti cAsakRt  zastrANi cApy adIpyanta pANDavAnAM jayaiSiNAm   |



  |  1   [s]  tato duryodhano dRSTvA bhImasenaM tathAgatam  pratyudyayAv adInAtmA vegena mahatA nadan 2  samApetatur Anadya zRGgiNau vRSabhAv iva  mahAnirghAta ghoSaz ca saMprahAras tayor abhUt 3  abhavac ca tayor yuddhaM tumulaM loma hArSaNam  jigISator yudhA anyonyam indra prahrAdayor iva 4  rudhirokSitasarvAGgau gadAhastau manasvinau  dadRzAte mahAtmAnau puSpitAv iva kuMzukau 5  tathA tasmin mahAyuddhe vartamAne sudAruNe  khadyotasaMghair iva khaM darzanIyaM vyarocata 6  tathA tasmin vartamAne saMkule tumule bhRzam  ubhAv Api parizrAntau yudhyamAnAv ariMdamau 7  tau muhUrtaM samAzvasya punar eva paraMtapau  abhyahArayatAM tatra saMpragRhya gade zubhe 8  tau tu dRSTvA mahAvIryau samAzvastau nararSabhau  balinau vAraNau yadvad vAzitArthe madotkaTau 9  apAravIryau saMprekSya pragRhItagadAv ubhau  vismayaM paramaM jagmur devagandharvadAnavAH 10  pragRhItagadau dRSTvA duryodhana vRkodarau  sAMzayaH sarvabhUtAnAM vijaye samapadyata 11  samAgamya tato bhUyo bhrAtarau balinAM varau  anyonyasyAntara prepsU pracakrAte 'ntaraM prati 12  yamadaNDopamAM gurvIm indrAzanim ivodyatAm  dadRzuH prekSakA rAjan raudrIM vizasanIM gadAm 13  Avidhyato gadAM tasya bhImasenasya saMyuge  zabdaH sutumulo ghoro muhUrtaM samapadyata 14  Avidhyantam abhiprekSya dhArtarASTro 'tha pANDavam  gadAm alaghu vegAM tAM vismitaH saMbabhUva ha 15  caraMz ca vividhAn mArgAn maNDalAni ca bhArata  azobhata tadA vIro bhUya eva vRkodaraH 16  tau parasparam AsAdya yat tAv anyonyarakSaNe  mArjArAv iva bhakSArthe tatakSAte muhur muhuH 17  acarad bhImasenas tu mArgAn bahuvidhAMs tathA  maNDalAni vicitrANi sthAnAni vividhAni ca 18  gomUtrikANi citrANi gatapratyAgatAni ca  parimokSaM prahArANAM varjanaM paridhAvanam 19  abhidravaNam AkSepam avasthAnaM savigraham  parAvartana saMvartam avaplutam athAplutam  upanyastam apanyastaM gadAyuddhavizAradau 20  evaM tau vicarantau tu nyaghnatAM vai parasparam  vaJcayantau punaz caiva ceratuH kurusattamau 21  vikrIDantau subalinau maNDalAni praceratuH  gadAhastau tatas tau tu maNDalAvasthitau balI 22  dakSiNaM maNDalaM rAjan dhArtarASTro 'bhyavartata  savyaM tu maNDalaM tatra bhImaseno 'bhyavartata 23  tathA tu caratas tasya bhImasya raNamUrdhani  duryodhano mahArAja pArzvadeze 'bhyatADayat 24  Ahatas tu tadA bhImas tava putreNa bhArata  Avidhyata gadAM gurvIM prahAraM tam acintayan 25  indrAzanisamAM ghorAM yamadaNDam ivodyatAm  dadRzus te mahArAja bhImasenasya tAM gadAm 26  AvidhyantaM gadAM dRSTvA bhImasenaM tavAtmajaH  samudyamyA gadAM ghorAM pratyavidhyad ariMdamaH 27  gadA mArutavegena tava putrasya bhArata  zabda AsIt sutumulas tejaz ca samajAyata 28  sa caran vividhAn mArgAn maNDalAni ca bhAgazaH  samazobhata tejasvI bhUyo bhImAt suyodhanaH 29  AviddhA sarvavegena bhImena mahatI gadA  sadhUmaM sArciSaM cAgniM mumocogrA mahAsvanA 30  AdhUtAM bhImasenena gadAM dRSTvA suyodhanaH  adrisAramayIM gurvIm Avidhyan bahv azobhata 31  gadA mArutavegaM hi dRSTvA tasya mahAtmanaH  bhayaM viveza pANDUn vai sarvAn eva sasomakAn 32  tau darzayantau samare yuddhakrIDAM samantataH  gadAbhyAM sahasAnyonyam Ajaghnatur ariMdamau 33  tau parasparam AsAdya daMSTrAbhyAM dviradau yathA  azobhetAM mahArAja zoNitena pariplutau 34  evaM tad abhavad yuddhaM ghorarUpam asaMvRtam  parivRtte 'hani krUraM vRtravAsavayor iva 35  dRSTvA vyavasthitaM bhImaM tava putro mahAbalaH  caraMz citratarAn mArgAn kaunteyam abhidudruve 36  tasya bhImo mahAvegAM jAmbUnadapariSkRtAm  abhikruddhasya kruddhas tu tADayAm Asa tAM gadAm 37  savisphuliGgo nirhrAdas tayos tatrAbhighAtajaH  prAdurAsIn mahArAja sRSTayor vajrayor iva 38  vegavatyA tayA tatra bhImasenapramuktayA  nipatantyA mahArAja pRthivIsamakampata 39  tAM nAmRSyata kauravyo gadAM pratihatAM raNe  matto dvipa iva kruddhaH pratijuJjara darzanAt 40  sa savyaM maNDalaM rAjann udbhrAmya kRtanizcayaH  Ajaghne mUrdhni kaunteyaM gadayA bhImavegayA 41  tayA tv abhihato bhImaH putreNa tava pANDavaH  nAkampata mahArAja tad adbhutam ivAbhavat 42  AzcaryaM cApi tad rAjan sarvasainyAny apUjayan  yad gadAbhihato bhImo nAkampata padAt padam 43  tato gurutarAM dIptAM gadAM hemapariSkRtAm  duryodhanAya vyasRjad bhImo bhImaparAkramaH 44  taM prahAram asaMbhrAnto lAghavena mahAbalaH  moghaM duryodhanaz cakre tatrAbhUd vismayo mahAn 45  sA tu moghA gadA rAjan patantI bhIma coditA  cAlayAm Asa pRthivIM mahAnirghAta nisvanA 46  AsthAya kauzikAn mArgAn utpatan sa punaH punaH  gadA nipAtaM prajJAya bhImasenam avaJcayat 47  vaJcayitvA tathA bhImaM gadayA kurusattamaH  tADayAm Asa saMkruddho vakSo deze mahAbalaH 48  gadayAbhihato bhImo muhyamAno mahAraNe  nAbhyamanyata kartavyaM putreNAbhyAhatas tava 49  tasmiMs tathA vartamAne rAjan somaka pANDavAH  bhRzopahata saMkalpA nahRSTa manaso 'bhavan 50  sa tu tena prahAreNa mAtaGga iva roSitaH  hastivad dhasti saMkAzam abhidudrAva te sutam 51  tatas tu rabhaso bhImo gadayA tanayaM tava  abhidudrAva vegena siMho vanagajaM yathA 52  upasRtya tu rAjAnaM gadA mokSavizAradaH  Avidhyata gadAM rAjan samuddizya sutaM tava 53  atADayad bhImasenaH pArzve duryodhanaM tadA  sa vihvalaH prahAreNa jAnubhyAm agaman mahIm 54  tasmiMs tu bharatazreSThe jAnubhyAm avanIM gate  udatiSThat tato nAdaH sRJjayAnAM jagatpate 55  teSAM tu ninadaM zrutvA sRJjayAnAM nararSabhaH  amarSAd bharatazreSTha putras te samakupyata 56  utthAya tu mahAbAhuH kruddho nAga iva zvasan  didhakSann iva netrAbhyAM bhImasenam avaikSata 57  tataH sa bharatazreSTho gadApANir abhidravat  pramathiSyann iva ziro bhImasenasya saMyuge 58  sa mahAtmA mahAtmAnaM bhImaM bhImaparAkramaH  atADayac chaGkhadeze sa cacAlAcalopamaH 59  sa bhUyaH zuzubhe pArthas tADito gadayA raNe  udbhinna rudhiro rAjan prabhinna iva kuJjaraH 60  tato gadAM vIra haNIm ayo mayIM; pragRhya vajrAzanitulyanisvanAm  atADayac chatrum amitrakarzano; balena vikramya dhanaMjayAgrajaH 61  sa bhImasenAbhihatas tavAtmajaH; papAta saMkampita dehabandhanaH  supuSpito mArutavegatADito; mahAvane sAla ivAvaghUrNitaH 62  tataH praNedur jahRSuz ca pANDavAH; samIkSya putraM patitaM kSitau tava  tatha sutas te pratilabhya cetanAM; samutpapAta dvirado yathA hradAt 63  sa pArthivo nityam amarSitas tadA; mahArathaH zikSitavat paribhraman  atADayat pANDavam agrataH sthitaM; sa vihvalAGgo jagatIm upAspRzat 64  sa smiha nAdAn vinanAda kauravo; nipAtya bhUmau yudhi bhImam ojasA  bibheda caivAzani tulyatejasA; gadA nipAtena zarIrarakSaNam 65  tato 'ntarikSe ninado mahAn abhUd; divaukasAm apsarasAM ca neduSAm  papAta coccara mara praveritaM; vicitrapuSpotkara varSam uttamam 66  tataH parAn Avizad uttamaM bhayaM; samIkSya bhUmau patitaM narottamam  ahIyamAnaM ca balena kauravaM; nizamya bhedaM ca dRDhasya varmaNaH 67  tato muhUrtAd upalabhya cetanAM; pramRjya vaktraM rudhirArdham AtmanaH  dhRtiM samAlambya vivRttalocano; balena saMstabhya vRkodaraH sthitaH   |



  |  1   [s]  samudIrNaM tato dRSTvA sAMgrAmaM kurumukhyayoH  athAbravId arjunas tu vAsudevaM yazasvinam 2  anayor vIrayor yuddhe ko jyAyAn bhavato mataH  kasya vA ko guNo bhUyAn etad vada janArdana 3   [vA]  upadezo 'nayos tulyo bhImas tu balavattaraH  kRtayatnataras tv eSa dhArtarASTro vRkodarAt 4  bhImasenas tu dharmeNa yudhyamAno na jeSyati  anyAyena tu yudhyan vai hanyAd eSa suyodhanam 5  mAyayA nirjitA devair asurA iti naH zrutam  virocanaz ca zakreNa mAyayA nirjitaH sakhe  mAyayA cAkSipat tejo vRtrasya balasUdanaH 6  pratijJAtaM tu bhImena dyUtakAle dhanaMjaya  UrU bhetsyAmi te saMkhye gadayeti suyodhanam 7  so 'yaM pratijJAM tAM cApi pArayitvAri karzanaH  mAyAvinaM ca rAjAnaM mAyayaiva nikRntatu 8  yady eSa balam AsthAya nyAyena prahariSyati  viSAmasthas tato rAjA bhaviSyati yudhiSThiraH 9  punar eva ca vakSyAmi pANDavedaM nibodha me  dharmarAjAparAdhena bhayaM naH punarAgatam 10  kRtvA hi sumahat karmahatvA bhISma mukhAn kurUn  jayaH prApto yazaz cAgryaM vairaM ca pratiyAtitam  tad evaM vijayaH prAptaH punaH saMzayitaH kRtaH 11  abuddhir eSA mahatI dharmarAjasya pANDava  yad ekavijaye yuddhe paNitaM kRtam IdRzam  suyodhanaH kRtI vIra ekAyanagatas tathA 12  api cozanasA gItaH zrUyate 'yaM purAtanaH  zlokas tattvArtha sahitas tan me nigadataH zRNu 13  punarAvartamAnAnAM bhagnAnAM jIvitaiSiNAm  bhatavyam arizeSANAm ekAyanagatA hi te 14  suyodhanam imaM bhagnaM hatasainyaM hradaM gatam  parAjitaM vanaprepsuM nirAzaM rAjyalambhane 15  ko nv eSa smayuge prAjJaH punar dvaMdve samAhvayet  api vo nirjitaM rAjyaM na hareta suyodhanaH 16  yas trayodaza varSANi gadayA kRtanizramaH  caraty UrdhvaM ca tiryak ca bhImasenajighAMsayA 17  evaM cen na mahAbAhur anyAyena haniSyati  eSa vaH kauravo rAjA dhArtarASTro bhaviSyati 18  dhanaMjayas tu zrutvaitat kezavasya mahAtmanaH  prekSato bhImasenasya hastenorum atADayat 19  gRhya saMjJAM tato bhImo gadayA vyacarad raNe  maNDalAni vicitrANi yamakAnItarANi ca 20  dakSiNaM maNDalaM savyaM gomUtrakam athApi ca  vyacarat pANDavo rAjann ariM saMmohayann iva 21  tathaiva tava putro 'pi gadA mArgavizAradaH  vyacaral laghucitraM ca bhImasenajighAMsayA 22  Adhunvantau gade ghore candanAgarurUSite  vairasyAntaM parIpsantau raNe kruddhAv ivAntakau 23  anyonyaM tau jighAMsantau pravIrau puruSarSabhau  yuyudhAte garutmantau yathA nAgAmiSaiSiNau 24  maNDalAni vicitrANi carator nRpa bhImayoH  gadA saMpAtajAs tatra prajajJuH pAvakArciSaH 25  samaM praharatos tatra zUrayor balinor mRdhe  kSubdhayor vAyunA rAjan dvayor iva samaudrayoH 26  tayoH praharatos tulyaM mattakuJjarayor iva  gadA nirghAtasaMhrAdaH prahArANAm ajAyata 27  tasmiMs tadA saMprahAre dAruNe saMkule bhRzam  ubhAv api parizrAntau yudhyamAnAv ariMdamau 28  tau muhUrtaM samAzvasya punar eva paraMtapau  abhyahArayatAM kruddhau pragRhya mahatI gade 29  tayoH samabhavad yuddhaM ghorarUpam asaMvRtam  gadA nipAtai rAjendra takSator vai parasparam 30  vyAyAmapradrutau tau tu vRSabhAkSau tarasvinau  anyonyaM jaghnatur vIrau paGkasthau mahiSAv iva 31  jarjarIkRtasarvAGgau rudhireNAbhisaMplutau  dadRzAte himavati puSpitAv iva kiMzukau 32  duryodhanena pArthas tu vivare saMpradarzite  ISad utsmayamAnas tu sahasA prasasAha ha 33  tam abhyAzagataM prAjJo raNe prekSya vRkodaraH  avAkSipad gadAM tasmai vegena mahatA balI 34  avakSepaM tu taM dRSTvA putras tava vizAM pate  apAsarpat tataH sthAnAt sA moghA nyapatad bhuvi 35  mokSayitvA prahAraM taM sutas tava sa saMbhramAt  bhImasenaM ca gadayA prAharat kurusattamaH 36  tasya viSyandamAnena rudhireNAmitaujasaH  prahAra guru pAtAc ca mUrcheva samajAyata 37  duryodhanas taM ca veda pIDitaM pANDavaM raNe  dhArayAm Asa bhImo 'pi zarIram atipIDitam 38  amanyata sthitaM hy enaM prahariSyantam Ahave  ato na prAharat tasmai punar eva tavAtmajaH 39  tato muhUrtam Azvasya duryodhanam avasthitam  vegenAbhyadravad rAjan bhImasenaH pratApavAn 40  tam ApatantaM saMprekSya saMrabdham amitaujasam  mogham asya prahAraM taM cikIrSur bharatarSabha 41  avasthAne matiM kRtvA putras tava mahAmanAH  iyeSotpatituM rAjaMz chalayiSyan vRkodaram 42  abudhyad bhImasenas tad rAjJas tasya cikIrSitam  athAsya samabhidrutya samutkramya ca siMhavat 43  sRtyA vaJcayato rAjan punar evotpatiSyataH  UrubhyAM prAhiNod rAjaGgadAM vegena pANDavaH 44  sA vajraniSpeSa samA prahitA bhImakarmaNA  UrU duryodhanasyAtha babhaJje priyadarzanau 45  sa papAta naravyAghro vasudhAm anunAdayan  bhagnorur bhImasenena putras tava mahIpate 46  vavur vAtAH sanirghAtAH pAMsuvarSaM papAta ca  cacAla pRthivI cApi savRkSakSupa parvatA 47  tasmin nipatite vIre patyau sarvamahIkSitAm  mahAsvanA punar dIptA sanirghAtA bhayaMkarI  papAta colkA mahatI patite pRthivIpatau 48  tathA zoNitavarSaM ca pAMsuvarSaM ca bhArata  vavarSa maghavAMs tatra tava putre nipAtite 49  yakSANAM rAkSasAnAM ca pizAcAnAM tathaiva ca  antarikSe mahAnAdaH zrUyate bharatarSabha 50  tena zabdena ghoreNa mRgANAm atha pakSiNAm  jajJe ghoratamaH zabdo bahUnAM sarvatodizam 51  ye tatra vAjinaH zeSA gajAz ca manujaiH saha  mumucus te mahAnAdaM tava putre nipAtite 52  bherIzaGkhamRdaGgAnAm abhavac ca svano mahAn  antarbhUmi gataz caiva tava putre nipAtite 53  bahu pAdair bahu bhujaiH kabandhair ghoradarzanaiH  nRtyadbhir bhayadair vyAptA dizas tatrAbhavan nRpa 54  dhvajavanto 'stravantaz ca zastravantas tathaiva ca  prAkampanta tato rAjaMs tava putre nipAtite 55  hradAH kUpAz ca rudhiram udvemur nRpasattama  nadyaz ca sumahAvegAH pratisroto vahAbhavan 56  pulliGgA iva nAryas tu strIliGgAH puruSAbhavan  duryodhane tadA rAjan patite tanaye tava 57  dRSTvA tAn adbhutotpAtAn pAJcAlAH pANDavaiH saha  AvignamanasaH sarve babhUvur bharatarSabha 58  yayur devA yathAkAmaM gandharvApsarasas tathA  kathayanto 'dbhutaM yuddhaM sutayos tava bhArata 59  tathaiva siddhA rAjendra tathA vAtika cAraNAH  narasiMhau prazaMsantau viprajagmur yathAgatam   |



 |  1   [s]  taM pAtitaM tato dRSTvA mahAzAlam ivodgatam  prahRSTamanasaH sarve babhUvus tatra pANDavAH 2  unmattam iva mAtaGgaM siMhena vinipAtitam  dadRzur hRSTaromANaH sarve te cApi somakAH 3  tato duryodhanaM hatvAM bhImasenaH pratApavAn  patitaM kauravendraM tam upagamyedam abravIt 4  gaur gaur iti purA mandadraupadIm ekavAsasAm  yat sabhAyAM hasann asmAMs tadA vadasi durmate  tasyAvahAsasya phalam adya tvaM samavApnuhi 5  evam uktvA sa vAmena padA maulim upAspRzat  ziraz ca rAjasiMhasya pAdena samaloDayat 6  tathaiva krodhasaMrakto bhImaH parabalArdanaH  punar evAbravId vAkyaM yat tac chRNu narAdhipa 7  ye 'smAn puro 'panRtyanta punar gaur iti gaur iti  tAn vayaM pratinRtyAmaH punar gaur iti gaur iti 8  nAsmAkaM nikRtir vahnir nAkSa dyUtaM na vaJcanA  svabAhubalam Azritya prabAdhAmo vayaM ripUn 9  so 'vApya vairasya parasya pAraM; vRkodaraH prAha zanaiH prahasya  yudhiSThiraM kezava sRJjayAMz ca; dhanaMjayaM mAdravatIsutau ca 10  rajasvalAM draupadIm Anayan ye; ye cApy akurvanta sadasya vastrAm  tAn pazyadhvaM pANDavair dhArtarASTrAn; raNe hatAMs tapasA yAjJasenyAH 11  ye naH purA SaNDhatilAn avocan; krUrA rAjJo dhRtarASTrasya putrAH  te no hatAH sagaNAH sAnubandhAH; kAmaM svargaM narakaM vA vrajAmaH 12  punaz ca rAjJaH patitastya bhUmau; sa tAM gadAM skandhagatAM nirIkSya  vAmena pAdena ziraH pramRdya; duryodhanaM naikRtikety avocat 13  hRSTena rAjan kuru pArthivasya; kSudrAtmanA bhImasenena pAdam  dRSTvA kRtaM mUrdhani nAbhyanandan; dharmAtmAnaH somakAnAM prabarhAH 14  tava putraM tathA hatvA katthamAnaM vRkodaram  nRtyamAnaM ca bahuzo dharmarAjo 'bravId idam 15  mA ziro 'sya padA mardIr mA dharmas te 'tyagAn mahAn  rAjA jJAtir hataz cAyaM naitan nyAyyaM tavAnagha 16  vidhvasto 'yaM hatAmAtyo hatabhrAtA hataprajaH  utsannapiNDo bhrAtA ca naitan nyAyyaM kRtaM tvayA 17  dhArmiko bhImaseno 'sAv ity Ahus tvAM purA janAH  sa kasmAd bhImasena tvaM rAjAnam adhitiSThasi 18  dRSTvA duryodhanaM rAjA kuntIputras tathAgatam  netrAbhyAm azrupUrNAbhyAm idaM vacanam abravIt 19  nUnam etad balavatA dhAtrAdiSTaM mahAtmanA  yad vayaM tvAM jighAMsAmas tvaM cAsmAn kurusattama 20  Atmano hy aparAdhena mahad vyasanam IdRzam  prAptavAn asi yal lobhAn madAd bAlyAc ca bhArata 21  ghAtayitvA vayasyAMz ca bhrAtRRn atha pitRRMs tathA  putrAn pautrAMs tathAcAryAMs tato 'si nidhanaM gataH 22  tavAparAdhAd asmAbhir bhrAtaras te mahArathAH  nihatA jJAtayaz cAnye diSTaM manye duratyayam 23  snuSAz ca prasnuSAz caiva dhRtarASTrasya vihvalAH  garhayiSyanti no nUnaM vidhavAH zokakarzitAH 24  evam uktvA suduHkhArto nizazvAsa sa pArthivaH  vilalApa ciraM cApi dharmaputro yudhiSThiraH   |



 |  1   [dhR]  adharmeNa hataM dRSTA rAjAnaM mAdhavottamaH  kim abravIt tadA sUta baladevo mahAbalaH 2  gadAyuddhavizeSajJo gadAyuddhavizAradaH  kRtavAn rauhiNeyo yat tan mamAcakSva saMjaya 3   [s]  zirasy abhihataM dRSTvA bhImasenena te sutam  rAmaH praharatAM zreSThaz cukrodha balavad balI 4  tato madhye narendrANAm UrdhvabAhur halAyudhaH  kurvan ArtasvaraM ghoraM dhig dhig bhImety uvAca ha 5  aho dhog yad adho nAbheH prahRtaM zuddhavikrame  naitad dRSTvaM gadAyuddhe kRtavAn yad vRkodaraH 6  adho nAbhyA na hantavyam iti zAstrasya nizcayaH  ayaM tv azAstravin mUDhaH svacchandAt saMpravartate 7  tasya tat tad bruvANasya roSaH samabhavan mahAn  tato lAGgalam udyamya bhImam abhyadravad balI 8  tasyordhva bAhoH sadRzaM rUpam AsIn mahAtmanaH  bahudhAtuvicitrasya zvetasyeva mahAgireH 9  tam utpatantaM jagrAha kezavo vinayAnataH  bAhubhyAM pInavRttAbhyAM prayatnAd balavad balI 10  sitAsitau yaduvarau zuzubhAte 'dhikaM tataH  nabhogatau yathA rAjaMz candrasUryau dinakSaye 11  uvAca cainaM saMrabdhaM zamayann iva kezavaH  AtmavRddhir mitra vRddhir mitra mitrodayas tathA  viparItaM dviSatsv etat SaD vidhA vRddhir AtmanaH 12  Atmany api ca mitreSu viparItaM yadA bhavet  tadA vidyAn mano jyAnim Azu zAnti karo bhavet 13  asmAkaM sahajaM mitraM pANDavAH zuddhapauruSAH  svakAH pitRSvasuH putrAs te parair nikRtA bhRzam 14  pratijJA pAraNaM dharmaH kSatriyasyeti vettha ha  suyodhanasya gadayA bhaGktAsmy UrU mahAhave  iti pUrvaM pratijJAtaM bhImena hi sabhA tale 15  maitreyeNAbhizaptaz ca pUrvam eva maharSiNA  UrU bhetsyati te bhImo gadayeti paraMtapa  ato doSaM na pazyAmi mA krudhas tvaM pralambahan 16  yaunair hArdairz ca saMbandhaiH saMbaddhA smeha pANDavaiH  teSAM vRddhyAbhivRddhir no mA krudhaH puruSarSabha 17   [rAma]  dharmaH sucaritaH sadbhiH saha dvAbhyAM niyacchati  arthaz cAtyartha lubdhasya kAmaz cAtiprasaGginaH 18  dharmArthau dharmakAmau ca kAmArthau cApy apIDayan  dharmArthakAmAn yo 'bhyeti so 'tyantaM sukham aznute 19  tad idaM vyAkulaM sarvaM kRtaM dharmasya pIDanAt  bhImasenena govinda kAmaM tvaM tu yathAttha mAm 20   [vA]  aroSaNo hi dharmAtmA satataM dharmavatsalaH  bhavAn prakhyAyate loke tasmAt saMzAmya mA krudhaH 21  prAptaM kaliyugaM viddhi pratijJAM prANDavasya ca  AnRNyaM yAtu vairasya pratijJAyAz ca pANDavaH 22   [s]  dharmac chalam api zrutvA kezavAt sA vizAM pate  naiva prItamanA rAmo vacanaM prAha saMsadi 23  hatvAdharmeNa rAjAnaM dharmAtmAnaM suyodhanam  jihmayodhIti loke 'smin khyAtiM yAsyati pANDavaH 24  duryodhano 'pi dharmAtmA gatiM yAsyati zAzvatIm  Rju yodhI hato rAjA dhArtarASTro narAdhipaH 25  yuddhadIkSAM pravizyAjau raNayajJaM vitatya ca  hutvAtmAnam amitrAgnau prApa cAvabhRthaM yazaH 26  ity uktvA ratham AsthAya rauhiNeyaH pratApavAn  zvetAbhrazikharAkAraH prayayau dvArakAM prati 27  pAJcAlAz ca savArSNeyAH pANDavAz ca vizAM pate  rAme dvAravatIM yAte nAtipramanaso 'bhavan 28  tato yudhiSThiraM dInaM cintAparam adhomukham  zokopahatasaMkalpaM vAsudevo 'bravId idam 29  dharmarAja kimarthaM tvam adharmam anumanyase  hatabandhor yad etasya patitasya vicetasaH 30  duryodhanasya bhImena mRdyamAnaM ziraH padA  upaprekSasi kasmAt tvaM dharmajJaH san narAdhipa 31   [y]  na mamaita priyaM kRSNa yad rAjAnaM vRkodaraH  padA mUrdhny aspRzat krodhAn na ca hRSye kulakSaye 32  nikRtyA nikRtA nityaM dhRtarASTra sutair vayam  bahUni paruSANy uktvA vanaM prasthApitAH sma ha 33  bhImasenasya tadduHkham atIva hRdi vartate  iti saMcintya vArSNeya mayaitat samupekSitam 34  tasmAd dhatvAkRta prajJaM lubdhaM kAmavazAnugam  labhatAM pANDavaH kAmaM dharme 'dharme 'pi vA kRte 35   [s]  ity ukte dharmarAjena vAsudevo 'bravId idam  kAmam astv evam iti vai kRcchrAd yadukulodvahaH 36  ity ukto vAsudevena bhIma priyahitaiSiNA  anvamodata tat sarvaM yad bhImena kRtaM yudhi 37  bhImaseno 'pi hatvAjau tava putram amarSaNaH  abhivAdyAgrataH sthitvA saMprahRSTaH kRtAJjaliH 38  provAca sumahAtejA dharmarAjaM yudhiSThiram  harSAd utphullanayano jitakAzI vizAM pate 39  tavAdya pRthivI rAjan kSemA nihatakaNTakA  tAM prazAdhi mahArAja svadharmam anupAlayan 40  yas tu kartAsya vairasya nikRtyA nikRtipriyaH  so 'yaM vinihataH zete pRthivyAM pRthivIpate 41  duHzAsanaprabhRtayaH sarve te cogravAdinaH  rAdheyaH zakuniz cApi nihatAs tava zatravaH 42  seyaM ratnasamAkIrNA mahI savanaparvatA  upAvRttA mahArAja tvAm adya nihatadviSam 43   [y]  gataM vairasya nidhanaM hato rAjA suyodhanaH  kRSNasya matam AsthAya vijiteyaM vasuMdharA 44  diSTyA gatas tvam AnRNyaM mAtuH kopasya cobhayoH  diSTyA jayasi durdharSaM diSTyA zatrur nipAtitaH   |



 |  1   [dhR]  hataM duryodhanaM dRSTvA bhImasenena saMyuge  pANDavAH sRJjayAz caiva kim akurvata saMjaya 2   [s]  hAtaM duryodhanaM dRSTvA bhImasenena saMyuge  siMheneva mahArAja mattaM vanagajaM vane 3  prahRSTamanasas tatra kRSNena saha pANDavAH  pAJcAlAH sRJjayAz caiva nihate kurunandane 4  Avidhyann uttarIyANi siMhanAdAMz ca nedire  naitAn harSasamAviSTAn iyaM sehe vasuMdharA 5  dhanUMSy anye vyAkSipanta jyAz cApy anye tathAkSipan  dadhmur anye mahAzaGkhAn anye jaghnuz ca dundubhIH 6  cikrIDuz ca tathaivAnye jahasuz ca tavAhitAH  abruvaMz cAsakRd vIrA bhImasenam idaM vacaH 7  duSkaraM bhavatA karma raNe 'dya sumahat kRtam  kauravendraM raNe hatvA gadayAtikRta zramam 8  indreNeva hi vRtrasya vadhaM paramasaMyuge  tvayA kRtam amanyanta zatror vadham imaM janAH 9  carantaM vividhAn mArgAn maNDalAni ca sarvazaH  duryodhanam imaM zUraM ko 'nyo hanyAd vRkodarAt 10  vairasya ca gataH pAraM tvam ihAnyaiH sudurgamam  azakyam etad anyena saMpAdayitum IdRzam 11  kuJjareNeva mattena vIra saMgrAmamUrdhani  duryodhana ziro diSTyA pAdena mRditaM tvayA 12  siMhena mahiSasyeva kRtvA saMgaram adbhutam  duHzAsanasya rudhiraM diSTyA pItaM tvayAnagha 13  ye viprakurvan rAjAnaM dharmAtmAnaM yudhiSThiram  mUrdhni teSAM kRtaH pAdo diSTyA te svena karmaNA 14  amitrANAm adhiSThAnAd vadhAd duryodhanasya ca  bhIma diSTyA pRthivyAM te prathitaM sumahad yazaH 15  evaM nUnaM hate vRtre zakraM nandanti bandinaH  tathA tvAM nihatAmitraM vayaM nandAma bhArata 16  duryodhana vadhe yAni romANi hRSitAni naH  adyApi na vihRSyanti tAni tad viddhi bhArata  ity abruvan bhImasenaM vAtikAs tatra sAMgatAH 17  tAn hRSTAn puruSavyAghrAn pAJcAlAn pANDavaiH saha  bruvataH sadRzaM tatra provAca madhusUdanaH 18  na nyAyyaM nihataH zatrur bhUyo hantuM janAdhipAH  asakRd vAgbhir ugrAbhir nihato hy eSa mandadhIH 19  tadaivaiSa hataH pApo yadaiva nirapatrapaH  lubdhaH pApasahAyaz ca suhRdAM zAsanAtigaH 20  bahuzo vidura droNa kRpa gAGgeya sRJjayaiH  pANDubhyaH procyamAno 'pi pitryam aMzaM na dattavAn 21  naiSa yogyo 'dya mitraM vA zatrur vA puruSAdhamaH  kim anenAtinunnena vAgbhiH kASThasadharmaNA 22  ratheSv Arohata kSipraM gacchAmo vasudhAdhipAH  diSTyA hato 'yaM pApAtmA sAmAtyajJAti bAndhavaH 23  iti zrutvA tv adhikSepaM kRSNAd duryodhano nRpaH  amarSavazam Apanna udatiSThad vizAM pate 24  sphig dezenopaviSTaH sa dorbhyAM viSTabhya medinIm  dRSTiM bhrU saMkaTAM kRtvA vAsudeve nyapAtayat 25  ardhonnata zarIrasya rUpam AsIn nRpasya tat  kruddhasyAzIviSasyevac chinnapucchasya bhArata 26  prANAnta karaNIM ghorAM vedanAm avicintayan  duryodhano vAsudevaM vAgbhir ugrAbhir Ardayat 27  kaMsa dAsasya dAyAda na te lajjAsty anena vai  adharmeNa gadAyuddhe yad ahaM vinipAtitaH 28  UrU bhindhIti bhImasya smRtiM mithyA prayacchatA  kiM na vijJAtam etan me yad arjunam avocathAH 29  ghAtayitvA mahIpAlAn Rju yuddhAn sahasrazaH  jihmair upAyair bahubhir na te lajjA na te ghRNA 30  ahany ahani zUrANAM kurvANaH kadanaM mahat  zikhaNDinaM puraskRtya ghAtitas te pitAmahaH 31  azvatthAmnaH sanAmAnaM hatvA nAgaM sudurmate  AcAryo nyAsitaH zastraM kiM tan na viditaM mama 32  sa cAnena nRzaMsena dhRSTadyumnena vIryavAn  pAtyamAnas tvayA dRSTo na cainaM tvam avArayaH 33  vadhArthaM pANDuputrasya yAcitAM zaktim eva ca  ghaTotkace vyaMsayathAH kas tvattaH pApakRttamaH 34  chinnabAhuH prAyagatas tathA bhUrizravA balI  tvayA nisRSTena hataH zaineyena durAtmanA 35  kurvANaz cottamaM karma karNaH pArtha jigISayA  vyaMsanenAzvasenasya pannagendrasutasya vai 36  punaz ca patite cakre vyasanArtaH parAjitaH  pAtitaH samare karNaz cakravyagro 'graNIr nRNAm 37  yadi mAM cApi karNaM ca bhISmadroNau ca saMyuge  RjunA pratiyudhyethA na te syAd vijayo dhruvam 38  tvayA punar anAryeNa jihmamArgeNa pArthivAH  svadharmam anutiSThanto vayaM cAnye ca ghAtitAH 39   [vA]  hatas tvam asi gAndhAre sabhrAtRsutabAndhavaH  sagaNaH sasuhRc caiva pApamArgam anuSThitaH 40  tavaiva duSkRtair vIrau bhISmadroNau nipAtitau  karNaz ca nihataH saMkhye tava zIlAnuvartakaH 41  yAcyamAno mayA mUDha pitryam aMzaM na ditsasi  pANDavebhyaH svarAjyArdhaM lobhAc chakuni nizcayAt 42  viSaM te bhImasenAya dattaM sarve ca pANDavAH  pradIpitA jatu gRhe mAtrA saha sudurmate 43  sabhAyAM yAjJasenI ca kRSTA dyUte rajasvalA  tadaiva tAvad duSTAtman vadhyas tvaM nirapatrapaH 44  anakSajJaM ca dharmajJaM saubalenAkSa vedinA  nikRtyA yat parAjaiSIs tassmAd asi hato raNe 45  jayadrathena pApena yat kRSNA klezitA vane  yAteSu mRgayAM teSu tRNabindor athAzrame 46  abhimanyuz ca yad bAla eko bahubhir Ahave  tvad doSair nihataH pApatasmAd asi hato raNe 47   [dur]  adhItaM vidhivad dattaM bhUH prazAstA sasAgarA  mUrdhni sthitam amitrANAM ko nu svantataro mayA 48  yad iSTaM kSatrabandhUnAM svadharmam anupazyatAm  tad idaM nidhanaM prAptaM ko nu svantataro mayA 49  devArhA mAnuSA bhogAH prAptA asulabhA nRpaiH  aizvaryaM cottamaM prAptaM ko nu svantataro mayA 50  sasuhRt sAnubandhaz ca svargaM gantAham acyuta  yUyaM vihatasaMkalpAH zocanto vartayiSyatha 51   [s]  asya vAkyasya nidhane kururAjasya bhArata  apatat sumahad varSaM puSpANAM puNyagandhinAm 52  avAdayanta gandharvA jaguz cApsarasAM gaNAH  siddhAz ca mumucur vAcaH sAdhu sAdhv iti bhArata 53  vavau ca surabhir vAyuH puNyagandho mRduH sukhaH  vyarAjatAmalaM caiva nabho vaiDUrya saMnibham 54  atyadbhutAni te dRSTvA vAsudeva purogamAH  duryodhanasya pUjAM ca dRSTvA vrIDAm upAgaman 55  hatAMz cAdharmataH zrutvA zokArtAH zuzucur hi te  bhISmaM droNaM tathA karNaM bhUrizravasam eva ca 56  tAMs tu cintAparAn dRSTvA pANDavAn dInacetasaH  provAcedaM vacaH kRSNo meghadundubhinisvanaH 57  naiSa zakyo 'tizIghrAstras te ca sarve mahArathAH  Rju yuddhena vikrAntA hantuM yuSmAbhir Ahave 58  upAyA vihitA hy ete mayA tasmAn narAdhipAH  anyathA pANDaveyAnAM nAbhaviSyaj jayaH kva cit 59  te hi sarve mahAtmAnaz catvAro 'tirathA bhuvi  na zakyA dharmato hantuM lokapAlair api svayam 60  tathaivAyaM gadApANir dhArtarASTro gataklamaH  na zakyo dharmato hantuM kAlenApIha daNDinA 61  na ca vo hRdi kartavyaM yad ayaM ghAtito nRpaH  mithyA vadhyAs tathopAyair bahavaH zatravo 'dhikAH 62  pUrvair anugato mArgo devair asuraghAtibhiH  sadbhiz cAnugataH panthAH sa sarvair anugamyate 63  kRtakRtyAH sma sAyAhne nivAsaM rocayAmahe  sAzvanAgarathAH sarve vizramAmo narAdhipAH 64  vAsudeva vacaH zrutvA tadAnIM pANDavaiH saha  pAJcAlA bhRzasaMhRSTA vineduH smiha saMghavat 65  tataH prAdhmApayaJ zaGkhAn pAJcajanyaM ca mAdhavaH  hRSTA duryodhanaM dRSTvA nihataM puruSarSabhAH   |



   |  1   [s]  tatas te prayayuH sarve nivAsAya mahIkSitaH  zaGkhAn pradhmApayanto vai hRSTAH parighabAhavaH 2  pANDavAn gacchataz cApi zibiraM no vizAM pate  maheSvAso 'nvagAt pazcAd yuyutsuH sAtyakis tathA 3  dhRSTadyumnaH zikhaNDI ca draupadeyAz ca sarvazaH  sarve cAnye maheSvAsA yayuH svazibirANy uta 4  tatas te prAvizan pArthA hAta tviTkaM hatezvaram  duryodhanasya zibiraM raGgavad visRte jane 5  gad utsavaM puram iva hRtanAgam iva hradam  strIvarSavarabhUyiSThaM vRddhAmAtyair adhiSThiram 6  tatraitAn paryupAtiSThan duryodhana puraHsarAH  kRtAJjalipuTA rAjan kASAyamalinAmbarAH 7  zibiraM samanuprApya kururAjasya pANDavAH  avaterur mahArAja rathebhyo rathasattamAH 8  tato gANDIvadhanvAnam abhyabhASata kezavaH  sthitaH priha hite nityam atIva bharatarSabha 9  avaropaya gANDIvam akSayyau ca maheSudhI  athAham avarokSyAmi pazcAd bharatasattama 10  svayaM caivAvaroha tvam eta zreyas tavAnagha  tac cAkarot tathA vIraH pANDuputro dhanaMjayaH 11  atha pazcAt tataH kRSNo razmIn utsRjya vAjinAm  avArohata medhAvI rathAd gANDIvadhanvanaH 12  athAvatIrNe bhUtAnAm Izvare sumahAtmani  kapir antardadhe divyo dhvajo gANDIvadhanvanaH 13  sa dagdho droNakarNAbhyAM divyair astrair mahArathaH  atha dIpto 'gninA hy Azu prajajvAla mahIpate 14  sopAsaGgaH sarazmiz ca sAzvaH sayuga bandhuraH  bhasmIbhUte 'patad bhUmau rathe gANDIvadhanvanaH 15  taM tathA bhasmabhUtaM tu dRSTvA pANDusutAH prabho  abhavan vismitA rAjann arjunaz cedam abravIt 16  kRtAJjaliH sapraNayaM praNipatyAbhivAdya ca  govinda kasmAd bhagavan ratho dagdho 'yam agninA 17  kim etan mahad Azcaryam abhavad yadunandana  tan me brUhi mahAbAho zrotavyaM yadi manyase 18   [vA]  astrair bahuvidhair dagdhaH pUrvam evAyam arjuna  mad adhiSThitatvAt samare na vizIrNaH paraMtapa 19  idAnIM tu vizIrNo 'yaM dagdho brahmAstra tejasA  mayA vimuktaH kaunteya tvayy adya kRtakarmaNi 20   [s]  ISad utsmayamAnaz ca bhagavAn kezavo 'rihA  pariSvajya ca rAjAnaM yudhiSThiram abhASata 21  diSTyA jayasi kaunteya diSTyA te zatravo jitAH  diSTyA gANDIvadhanvA ca bhImasenaz ca pANDavau 22  muktA vIra kSayAd asmAt saMgrAmAn nihatadviSaH  kSipram uttarakAlAni kuru kAryANi bhArata 23  upayAtam upaplavyaM saha gANDIvadhanvanA  AnIya madhuparkaM mAM yat purA tvam avocathAH 24  eSa bhrAtA sakhA caiva tava kRSNa dhanaMjayaH  rakSitavyo mahAbAho sarvAsv Apatsv iti prabho  tava caivaM bruvANasya tathety evAham abruvam 25  sa savyasAcI guptas te vijayI ca narezvara  bhrAtRbhiH saha rAjendra zUraH satyaparAkramaH  mukto vIra kSayAd asmAt saMgrAmAl lomaharSaNAt 26  evam uktas tu kRSNena dharmarAjo yudhiSThiraH  hRSTaromA mahArAja pratyuvAca janArdanam 27  pramuktaM droNakarNAbhyAM brahmAstram arimardana 28  kas tvadanyaH sahet sAkSAd api vajrI puraMdaraH 29  bhavatas tu prasAdena saMgrAme bahavo jitAH  mahAraNagataH pArtho yac ca nAsIt parAGmukhaH  tathaiva ca mahAbAho paryAyair bahubhir mayA  karmaNAm anusaMtAnaM tejasaz ca gatiH zubhA 30  upaplavye maharSir me kRSNadvaipAyano 'bravIt  yato dharmas tataH kRSNo yatha kRSNas tato jayaH 31  ity evam ukte te vIrAH zibiraM tava bhArata  pravizya pratyapadyanta kozaratnarddhi saMcayAn 32  rajataM jAtarUpaM ca maNIn atha ca mauktikAn  bhUSaNAny atha mukhyAni kambalAny ajinAni ca  dAsIdAsam asaMkhyeyaM rAjyopakaraNAni ca 33  te prApya dhanam akSayyaM tvadIyaM bharatarSabha  udakrozan maheSvAsA narendra vijitArayaH 34  te tu vIrAH samAzvasya vAhanAny avamucya ca  atiSThanta muhuH sarve pANDavAH sAtyakis tathA 35  athAbravIn mahArAja vAsudevo mahAyazAH  asmAbhir maGgalArthAya vastavyaM zibirAd bahiH 36  tathety uktvA ca te sarve pANDavAH sAtyakis tathA  vAsudevena sahitA maGgalArthaM yayur bahiH 37  te samAsAdya saritaM puNyAmoghavatIM nRpa  nyavasann atha tAM rAtriM pANDavA hatazatravaH 38  tataH saMpreSayAm Asur yAdavaM nAgasAhvayam  sa ca prAyAj javenAzu vAsudevaH pratApavAn  dArukaM ratham Aropya yena rAjAmbikA sutaH 39  tam UcuH saMprayAsyantaM sainyasugrIva vAhanam  pratyAzvAsaya gAndhArIM hataputrAM yazasvinIm 40  sa prAyAt pANDavair uktas tat puraM sAtvatAM varaH  AsasAdayiSuH kSipraM gAndhArIM nihatAtmajAm   |



 |  1   [j]  kimarthaM rAjazArdUlo dharmarAjo yudhiSThiraH  gAndhAryAH preSayAm Asa vAsudevaM paraMtapam 2  yadA pUrvaM gataH kRSNaH zamArthaM kauravAn prati  na ca taM labdhavAn kAmaM tato yuddham abhUd idam 3  nihateSu tu yodheSu hate duryodhane tathA  pRthivyAM pANDaveyasya niHsapatne kRte yudhi 4  vidrute zibire zUnye prApte yazasi cottame  kiM nu tat kAraNaM brahman yena kRSNo gataH punaH 5  na ca tat kAraNaM brahmann alpaM vai pratibhAti me  yatrAgamad ameyAtmA svayam eva janArdanaH 6  tattvato vai samAcakSva sarvam adhvaryu sattama  yac cAtra kAraNaM brahman kAryasyAsya vinizcaye 7   [vai]  tvad yukto 'yam anuprazno yan mAM pRcchasi pArthiva  tat te 'haM saMpravakSyAmi yathAvad bharatarSabha 8  hataM duryodhanaM dRSTvA bhima senena saMyuge  vyutkramya samayaM rAjan dhArtarASTraM mahAbalam 9  anyAyena hataM dRSTvA gadAyuddhena bhArata  yudhiSThiraM mahArAja mahad bhayam athAvizat 10  cintayAno mahAbhAgAM gAndhArIM tapasAnvitAm  ghoreNa tapasA yuktAM trailokyam api sA dahet 11  tasya cintayamAnasya buddhiH samabhavat tadA  gAndhAryAH krodhadIptAyAH pUrvaM prazamanaM bhavet 12  sA hi putravadhaM zrutvA kRtam asmAbhir IdRzam  mAnasenAgninA kruddhA bhasmasAn naH kariSyati 13  kathaM duHkham idaM tIvraM gAndhArI rapsahiSyati  zrutvA vinihataM putraM chalenAjihma yodninam 14  evaM vicintya bahudhA bhayazokasamanvitaH  vAsudevam idaM vAkyaM dharmarAjo 'bhyabhASata 15  tava prasAdAd govinda rAjyaM nihatakaNTakam  aprApyaM manasApIha prAptam asmAbhir acyuta 16  pratyakSaM me mahAbAho saMgrAme lomaharSaNe  vimardaH sumahAn prAptas tvayA yAdavanandana 17  tvayA devAsure yuddhe vadhArtham amara dviSAm  yathA sAhyaM purA dattaM hatAz ca vibudhadviSaH 18  sAhyaM tathA mahAbAho dattam asmAkam acyuta  sArathyena ca vArSNeya bhavatA yad dhRtA vayam 19  yadi na tvaM bhaven nAthaH phalgunasya mahAraNe  kathaM zakyo raNe jetuM bhaved eSa balArNavaH 20  gadAprahArA vipulAH parighaiz cApi tADanam  zaktibhir bhiNDipAlaiz ca tomaraiH saparazvadhaiH 21  vAcaz ca paruSAH prAptAs tvayA hy asmaddhitaiSiNA  tAz ca te saphalAH sarvA hate duryodhane 'cyuta 22  gAndhAryA hi mahAbAho krodhaM budhyasva mAdhava  sA hi nityaM mahAbhAgA tapasogreNa karzitA 23  putrapautra vadhaM zrutvA dhruvaM naH saMpradhakSyati  tasyAH prasAdanaM vIra prAptakAlaM mataM mama 24  kaz ca tAM krodhadIptAkSIM putravyasanakarzitAm  vIkSituM puruSaH zaktas tvAm Rte puruSottama 25  tatra me gamanaM prAptaM rocate tava mAdhava  gAndhAryAH krodhadIptAyAH prazamArtham ariMdama 26  tvaM hi kartA vikartA ca lokAnAM prabhavApyayaH  hetukAraNa saMyuktair vAkyaiH kAlasamIritaiH 27  kSipram eva mahAprAjJa gAndhArIM zamayiSyasi  pitAmahaz ca bhagavAn kRSNas tatra bhaviSyati 28  sarvathA te mahAbAho gAndhAryAH krodhanAzanam  kartavyaM sAtvatazreSTha pANDavAnAM hitaiSiNA 29  dharmarAjasya vacanaM zrutvA yadukulodvahaH  Amantrya dArukaM prAha rathaH sajjo vidhIyatAm 30  kezavasya vacaH zrutvA tvaramANo 'tha dArukaH  nyavedayad rathaM sajjaM kezavAya mahAtmane 31  taM rathaM yAdava zreSThaH samAruhya paraMtapaH  jagAma hAstinapuraM tvaritaH kezavo vibhuH 32  tatha prAyAn mahArAja mAdhavo bhagavAn rathI  nAgasAhvayam AsAdya praviveza ca vIryavAn 33  pravizya nagaraM vIro rathaghoSeNa nAdayan  vidito dhRtarASTrasya so 'vatIrya rathottamAt 34  abhyagacchad adInAtmA dhRtarASTra nivezanam  pUrvaM cAbhigataM tatra so 'pazyad RSisattamam 35  pAdau prapIDya kRSNasya rAjJaz cApi janArdanaH  abhyavAdayad avyagro gAndhArIM cApi kezavaH 36  tatas tu yAdava zreSTho dhRtarASTram adhokSajaH  pANim Alambya rAjJaH sa sasvanaM praruroda ha 37  sa muhUrtam ivotsRjya bASpaM zokasamudbhavam  prakSAlya vAriNA netre Acamya ca yathAvidhi  uvAca prazritaM vAkyaM dhRtarASTram ariMdamaH 38  na te 'sty aviditaM kiM cid bhUtabhavyasya bhArata  kAlasya ca yathAvRttaM tat te suviditaM prabho 39  yad idaM pANDavaiH sarvais tava cittAnurodhibhiH  kathaM kulakSayo na syAt tathA kSatrasya bhArata 40  bhrAtRbhiH samayaM kRtvA kSAntavAn dharmavatsalaH  dyUtac chala jitaiH zaktair vanavAso 'bhyupAgataH 41  ajJAtavAsa caryA ca nAnA veza samAvRtaiH  anye ca bahavaH klezAs tv azaktair iva nityadA 42  mayA ca svayam Agamya yuddhakAla upasthite  sarvalokasya sAMnidhye grAmAMs tvaM paJca yAcitaH 43  tvayA kAlopasRSTena lobhato nApavarjitAH  tavAparAdhAn nRpate sarvaM kSatraM kSayaM gatam 44  bhISmeNa somadattena bAhlikena kRpeNa ca  droNena ca saputreNa vidureNa ca dhImatA  yAcitas tvaM zamaM nityaM na ca tat kRtavAn asi 45  kAlopahatacitto hi sarvo muhyati bhArata  yathA mUDho bhavAn pUrvam asminn arthe samudyate 46  kim anyat kAlayogAd dhi diSTam eva parAyaNam  mA ca doSaM mahArAja pANDaveSu nivezaya 47  alpo 'py atikramo nAsti pANDavAnAM mahAtmanAm  dharmato nyAyataz caiva snehataz ca paraMtapa 48  etat sarvaM tu vijJAya AtmadoSakRtaM phalam  asUyAM pANDuputreSu na bhavAn kartum arhati 49  kulaM vaMzaz ca piNDaz ca yac ca putrakRtaM phalam  gAndhAryAs tava caivAdya pANDaveSu pratiSThitam 50  etat sarvam anudhyAtvA Atmanaz ca vyatikramam  zivena pANDavAn dhyAhi namas te bharatarSabha 51  jAnAsi ca mahAbAho dharmarAjasya yA tvayi  bhaktir bharatazArdUla snehaz cApi svabhAvataH 52  etac ca kadanaM kRtvA zatrUNAm apakAriNAm  dahyate sma divArAtraM na ca zarmAdhigacchati 53  tvAM caiva narazArdUla gAndhArIM ca yazasvinIm  sa zocan bharatazreSTha na zAntim adhigacchati 54  hriyA ca parayAviSTo bhavantaM nAdhigacchati  putrazokAbhisaMtaptaM buddhivyAkulitendriyam 55  evam uktvA mahArAja dhRtarASTraM yadUttamaH  uvAca paramaM vAkyaM gAndhArIM zokakarzitAm 56  saubaleyi nibodha tvaM yat tvAM vakSyAmi suvrate  tvatsamA nAsti loke 'sminn adya sImantinI zubhe 57  jAnAmi ca yathA rAjJi sabhAyyAM mama saMnidhau  dharmArthasahitaM vAkyam ubhayoH pakSayor hitam  uktavaty asi kalyANi na ca te tanayaiH zrutam 58  duryodhanas tvayA cokto jayArthI paruSaM vacaH  zRNu mUDha vaco mahyaM yato dharmas tato jayaH 59  tad idaM samanuprAptaM tava vAkyaM nRpAtmaje  evaM viditvA kalyANi mA sma zoke manaH kRthAH  pANDavAnAM vinAzAya mA te buddhiH kadA cana 60  zaktA cAsi mahAbhAge pRthivIM sacarAcarAm  cakSuSA krodhadIptena nirdagdhuM tapaso balAt 61  vAsudeva vacaH zrutvA gAndhArI vAkyam abravIt  evam etan mahAbAho yathA vadasi kezava 62  Adhibhir dahyamAnAyA matiH saMcalitA mama  sA me vyavasthitA zrutvA tava vyAkyaM janArdana 63  rAjJas tv andhasya vRddhasya hataputrasya kezava  tvaM gatiH saha tair vIraiH pANDavair dvipadAM vara 64  etAvad uktvA vacanaM mukhaM pracchAdya vAsasA  putrazokAbhisaMtaptA gAndhArI praruroda ha 65  tata enAM mahAbAhuH kezavaH zokakarzitAm  hetukAraNa saMyuktair vAkyair AzvAsayat prabhuH 66  samAzvAsya ca gAndhArIM dhRtarASTraM ca mAdhavaH  drauNeH saMkalpitaM bhAvam anvabudhyata kezavaH 67  tatas tvarita utthAya pAdau mUrdhnA praNamya ca  dvaipAyanasya rAjendra tatha kauravam abravIt 68  ApRcche tvAM kuruzreSTha mA ca zoke manaH kRthAH  drauNeH pApo 'sty abhiprAyas tenAsmi sahasotthitaH  pANDavAnAM vadhe rAtrau buddhis tena pradarzitA 69  etac chrutvA tu vacanaM gAndhAryA sahito 'bravIt  dhRtarASTro mahAbAhuH kezavaM kezi sUdanam 70  zIghraM gaccha mahAbAho pANDavAn paripAlaya  bhUyas tvayA sameSyAmi kSipram eva janArdana  prAyAt tatas tu tvarito dArukeNa sahAcyutaH 71  vAsudeve gate rAjan ghRtarASTraM janezvaram  AzvAsayad ameyAtmA vyAso lokanamaskRtaH 72  vAsudevo 'pi dharmAtmA kRtakRtyo jagAma ha  zibiraM hAstinapurAd didRkSuH pANDavAn nRpa 73  Agamya zibiraM ratrau so 'bhyagacchata pANDavAn  tac ca tebhyaH samAkhyAya sahitas taiH samAvizat   |



  |  1   [dhR]  adhiSThitaH padA mUrdhni bhagnasaktho mahIM gataH  zauTIramAnI putro me kAny abhASata saMjaya 2  atyarthaM kopano rAjA jAtavairaz ca pANDuSu  vyasanaM paramaM prAptaH kim Aha paramAhave 3   [s]  zRNu rAjan pravakSyAmi yathAvRttaM narAdhipa  rAjJA yad uktaM bhagnena tasmin vyasana Agate 4  bhagnasaktho nRpo rAjan pAMsunA so 'vaguNThitaH  yamayan pUrdhajAMs tatra vIkSya caiva dizo daza 5  kezAn niyamya yatnena niHzvasann urago yathA  saMrambhAzru parItAbhyAM netrAbhyAm abhivIkSya mAm 6  bAhU dharaNyAM niSpiSya muhur matta iva dvipaH  prakIrNAn mUrdhajAn dhunvan dantair dantAn upaspRzan  garhayan pANDavaM jyeSThaM niHzvasyedam athAbravIt 7  bhISme zAMtanave nAthe karNe cAstrabhRtAM vare  gautame zakunau cApi droNe cAstrabhRtAM vare 8  azvatthAmni tathA zalye zUre ca kRtavarmaNi  imAm avasthAM prApto 'smi kAlo hi durita kramaH 9  ekAdaza camU bhartA so 'ham etAM dazAM gataH  kAlaM prApya mahAbAho na kaz cid ativartate 10  AkhyAtavyaM madIyAnAM ye 'smiJ jIvanti saMgare  yathAhaM bhImasenena vyutkramya samayaM hataH 11  bahUni sunRzaMsAni kRtAni khalu pANDavaiH  bhUrizravasi karNe ca bhISme droNe ca zrImati 12  idaM cAkIrtijaM karma nRzaMsaiH pANDavaiH kRtam  yena te satsu nirvedaM gamiSyantIti me matiH 13  kA prItiH sattvayuktasya kRtvopadhi kRtaM jayam  ko vA samayabhettAraM budhaH saMmantum arhati 14  adharmeNa jayaM labdhvA ko nu hRSyeta paNDitaH  yathA saMhRSyate pApaH pANDuputro vRkodaraH 15  kiM nu citram atas tv adya bhagnasakthasya yan mama  kruddhena bhImasenena pAdena mRditaM ziraH 16  pratapantaM zriyA juSTaM vartamAnaM ca bandhuSu  evaM kuryAn naro yo hi sa vai saMjaya pUjitaH 17  abhijJau kSatradharmasya mama mAtA pitA ca me  tau hi saMjaya duHkhArtau vijJApyau vacanAn mama 18  iSTaM bhRtyA bhRtAH samyag bhUH prazAstA sasAgarA  mUrdhni sthitam amitrANAM jIvatAm eva saMjaya 19  dattA dAyA yathAzakti mitrANAM ca priyaM kRtam  amitrA bAdhitAH sarve ko nu svantataro mayA 20  yAtAni pararASTrANi nRpA bhuktAz ca dAsavat  priyebhyaH prakRtaM sAdhu ko nu svantataro mayA 21  mAnitA bAndhavAH sarve mAnyaH saMpUjito janaH  tritayaM sevitaM sarvaM ko nu svantataro mayA 22  AjJaptaM nRpa mukhyeSu mAnaH prAptaH sudurlabhaH  AjAneyais tathA yAtaM ko nu svantataro mayA 23  adhItaM vidhivad dattaM prAptam Ayur nirAmayam  svadharmeNa jitA lokkAH ko nu svantataro mayA 24  diSTyA nAhaM jitaH saMkhye parAn preSyavad AzritaH  diSTyA me vipulA lakSmIr mRte tv anyaM gatA vibho 25  yad iSTaM kSatrabandhUnAM svadharmam anutiSThatAm  nidhanaM tan mayA prAptaM ko nu svantataro mayA 26  diSTyA nAhaM parAvRtto vairAt prAkRtavaj jitaH  diSTyA na vimatiM kAM cid bhajitvA tu parAjitaH 27  suptaM vAtha pramattaM vA yathA hanyAd viSeNa vA  evaM vyutkrAnta dharmeNa vyutkramya samayaM hataH 28  azvatthAmA mahAbhAgaH kRtavarmA ca sAtvataH  kRpaH zAradvataz caiva vaktavyA vacanAn mama 29  adharmeNa pravRttAnAM pANDavAnAm anekazaH  vizvAsaM samayaghnAnAM na yUyaM gantum arhatha 30  vAtikAMz cAbravId rAjA putras te satyavikramaH  adharmAd bhImasenena nihato 'haM yathA raNe 31  so 'haM droNaM svargagataM zalya karNAv ubhau tathA  vRSasenaM mahAvIryaM zakuniM cApi saubalam 32  jalasaMdhaM mahAvIryaM bhagadattaM ca pArthivam  saumadattiM maheSvAsaM saindhavaM ca jayadratham 33  duHzAsana purogAMz ca bhrAtRRn AtmasamAMs tathA  dauHzAsaniM ca vikrAntaM lakSmaNaM cAtmajAv ubhau 34  etAMz cAnyAMz ca subahUn madIyAMz ca sahasrazaH  pRSThato 'nugamiSyAmi sArthahIna ivAdhvagaH 35  kathaM bhrAtRRn hatAJ zrutvA bhartAraM ca svasA mama  rorUyamANA duHkhArtA duHzalA sA bhaviSyati 36  snuSAbhiH prasuNAbhiz ca vRddho rAjA pitA mama  gAndhArI sahitaH krozan kAM gatiM pratipatsyate 37  nUnaM lakSmaNa mAtApi hataputrA hatezvarA  vinAzaM yAsyati kSipraM kalyANI pRthulocanA 38  yadi jAnAti cArvAkaH parivrAD vAg vizAradaH  kariSyati mahAbhAgo dhruvaM so 'pacitiM mama 39  samantapaJcake puNye triSu lokeSu vizrute  ahaM nidhanam AsAdya lokAn prApsyAmi zAzvatAn 40  tato janasahasrANi bASpapUrNAni mAriSa  pralApaM nRpateH zrutvA vidravanti dizo daza 41  sasAgaravanA ghorA pRthivI sacarAcarA  cacAlAtha sanirhrAdA dizaz caivAvilAbhavan 42  te droNaputram AsAdya yathAvRttaM nyavedayan  vyavahAraM gadAyuddhe pArthivasya ca ghAtanam 43  tad AkhyAya tataH sarve droNaputrasya bhArata  dhyAtvA ca suciraM kAlaM jagmur ArtA yathAgatam   |



 |  1   [s]  vAtikAnAM sakAzAt tu zrutvA duryodhanaM hatam  hataziSTAs tato rAjan kauravANAM mahArathAH 2  vinirbhinnAH zitair bANair gadA tomarazaktibhiH  azvatthAmA kRpaz caiva kRtavarmA ca sAtvataH  tvaritA javanair azvair Ayodhanam upAgaman 3  tatrApazyan mahAtmAnaM dhArtarASTraM nipAtitam  prabhagnaM vAyuvegena mahAzAlaM yathA vane 4  bhUmai viveSTamAnaM taM rudhireNa samukSitam  mahAgajam ivAraNye vyAdhena vinipAtitam 5  vivartamAnaM bahuzo rudhiraughapariplutam  yadRcchayA nipatitaM cakram Adityagocaram 6  mahAvAtasamutthena saMzuSkam iva sAgaram  pUrNacanram iva vyomni tuSArAvRta maNDalam 7  reNudhvastaM dIrghabhujaM mAtaGgasamavikramam  vRtaM bhUtagaNair ghoraiH kravyAdaiz ca samantataH  yathA dhanaM lipsamAnair bhRtyair nRpatisattamam 8  bhrukuTI kRtavaktrAntaM krodhAd udvRttacakSuSam  sAmarSaM taM naravyAghraM vyAghraM nipatitaM yathA 9  te tu dRSTvA maheSvAsA bhUtale patitaM nRpam  moham abhyAgaman sarve kRpaprabhRtayo rathAH 10  avatIrya rathebhyas tu rAdravan rAjasaMnidhau  duryodhanaM ca saMprekSya sarve bhUmAv upAvizan 11  tato drauNir mahArAja bASpapUrNekSaNaH zvasan  uvAca bharatazreSThaM sarvalokezvarezvaram 12  na nUnaM vidyate 'sahyaM mAnuSye kiM cid eva hi  yatra tvaM puruSavyAghra zeSe pAMsuSu rUSitaH 13  bhUtvA hi nRpatiH pUrvaM samAjJApya ca medinIm  katham eko 'dya rAjendra tiSThase nirjane vane 14  duHzAsanaM na pazyAmi nApi karNaM mahAratham  nApi tAn suhRdaH sarvAn kim idaM bharatarSabha 15  duHkhaM nUnaM kRtAntasya gatiM jJAtuM kathaM cana  lokAnAM ca bhavAn yatra zeSe pAMsuSu rUSitaH 16  eSa mUrdhAvasiktAnAm agre gatvA paraMtapaH  satRNaM grasate pAMsuM pazya kAlasya paryayam 17  kva te tad amalaM chattraM vyajanaM kva ca pArthiva  sA ca te mahatI senA kva gatA pArthivottama 18  durvijJeyA gatir nUnaM kAryANAM kAraNAntare  yad vai lokagurur bhUtvA bhavAn etAM dazAM gataH 19  adhruvA sarvamartyeSu dhruvaM zrIru palakSyate  bhavato vyasanaM dRSTvA zakra vispardhino bhRzam 20  tasya tad vacanaM zrutvA duHkhitasya vizeSataH  uvAca rAjan putras te prAptakAlam idaM vacaH 21  vimRjya netre pANibhyAM zokajaM bASpam utsRjan  kRpAdIn sa tadA vIrAn sarvAn eva narAdhipaH 22  IdRzo martyadharmo 'yaM dhAtrA nirdiSTa ucyate  vinAzaH sarvabhUtAnAM kAlaparyAya kAritaH 23  so 'yaM mAM samanuprAptaH pratyakSaM bhavatAM hi yaH  pRthivIM pAlayitvAham etAM niSTAm upAgataH 24  diSTyA nAhaM parAvRtto yuddhe kasyAM cid Apadi  diSTyAhaM nihataH pApaiz chalenaiva vizeSataH 25  utsAhaz ca kRto nityaM mayA diSTyA yuyutsatA  diSTyA cAsmi hato yuddhe nihatajJAtibAndhavaH 26  diSTyA ca vo 'haM pazyAmi muktAn asmAJ janakSayAt  svasti yuktAMz ca kalyAMz ca tan me priyam anuttamam 27  mA bhavanto 'nutapyantAM sauhRdAn nidhanena me  yadi vedAH pramANaM vo jitA lokA mayAkSayAH 28  manyamAnaH prabhAvaM ca kRSNasyAmita tejasaH  tena na cyAvitaz cAhaM kSatradharmAt svanuSThitAt 29  sa mayA samanuprApto nAsmi zocyaH kathaM cana  kRtaM bhavadbhiH sadRzam anurUpam ivAtmanaH  yatitaM vijaye nityaM daivaM tu duratikramam 30  etAvad uktvA vacanaM bASpavyAkulalocanaH  tUSNIM babhUva rAjendra rujAsau vihvalo bhRzam 31  tathA tu dRSTvA rAjAnaM bASpazokasamanvitam  drauNiH krodhena jajvAla yathA vahnir jagat kSaye 32  sa tu krodhasamAviSTaH pANau pANiM nipIDya ca  bASpavihvalayA vAcA rAjAnam idam abravIt 33  pitA me nihataH kSudrauH sunRzaMsena karmaNA  na tathA tena tapyAmi yathA rAjaMs tvayAdya vai 34  zRNu cedaM vaco mahyaM satyena vadataH prabho  iSTApUrtena dAnena dharmeNa sukRtena ca 35  adyAhaM sarvapAJcAlAn vAsudevasya pazyataH  sarvopAyair hi neSyAmi pretarAjanivezanam  anujJAM tu mahArAja bhavAn me dAtum arhati 36  iti zrutvA tu vacanaM droNaputrasya kauravaH  manasaH prItijananaM kRpaM vacanam abravIt  AcArya zIghraM kalazaM jalapUrNaM samAnaya 37  sa tad vacanam AjJAya rAjJo brAhmaNasattamaH  kalazaM pUrNam AdAya rAjJo 'ntikam upAgamat 38  tam abravIn mahArAja putras tava vizAM pate  mamAjJayA dvijazreSTha droNaputro 'bhiSicyatAm  senApatyena bhadraM te mama ced icchasi priyam 39  rAjJo niyogAd yoddhavyaM brAhmaNena vizeSataH  vartatA kSatradharmeNa hy evaM dharmavido viduH 40  rAjJas tu vacanaM zrutvA kRpaH zAradvatas tataH  drauNiM rAjJo niyogena senApatye 'bhyaSecayat 41  so 'bhiSikto mahArAja pariSvajya nRpottamam  prayayau siMhanAdena dizaH sarvA vinAdayan 42  duryodhano 'pi rAjendra zoNitaughapariplutaH  tAM nizAM pratipede 'tha sarvabhUtabhayAvahAm 43  apakramya tu te tUrNaM tasmAd AyodhanAn nRpa  zokasaMvignamanasaz cintA dhyAnaparAbhavan   |