|  1   [v]  kRtvA vivAhaM tu kurupravIrAs; tadAbhimanyor muditasvapakSAH  vizramya catvAry uSasaH pratItAH; sabhAM virATasya tato 'bhijagmuH 2  sabhA tu sA matsyapateH samRddhA; maNipravekottama ratnacitrA  nyastAsanA mAlyavatI sugandhA; tAm abhyayus te nararAja varyAH 3  athAsanAny AvizatAM purastAd; ubhau virATadrupadau narendrau  vRddhaz ca mAnyaH pRthivIpatInAM; pitAmaho rAma janArdanAbhyAm 4  pAJcAlarAjasya samIpatas tu; zinipravIraH saha rauhiNeyaH  matsyasya rAjJas tu susaMnikRSTau; janArdanaz caiva yudhiSThiraz ca 5  sutAz ca sarve drupadasya rAjJo; bhImArjunau mAdravatIsutau ca  pradyumna sAmbau ca yudhi pravIrau; virATa putraz ca sahAbhimanyuH 6  sarve ca zUrAH pitRbhiH samAnA; vIryeNa rUpeNa balena caiva  upAvizan draupadeyAH kumArAH; suvarNacitreSu varAsaneSu 7  tathopaviSTeSu mahAratheSu; vibhrAjamAnAmbara bhUSaNeSu  rarAja sA rAjavatI samRddhA; grahair iva dyaur vimalair upetA 8  tataH kathAs te samavAya yuktAH; kRtvA vicitrAH puruSapravIrAH  tasthur muhUrtaM paricintayantaH; kRSNaM nRpAs te samudIkSamANAH 9  kathAntam AsAdya ca mAhavena; saMghaTTitAH pANDava kAryahetoH  te rAjasiMhAH sahitA hy azRNvan; vAkyaM mahArthaM ca mahodayaM ca 10  sarvair bhavadbhir viditaM yathAyaM; yudhiSThiraH saubalenAkSavatyAm  jito nikRtyApahRtaM ca rAjyaM; punaH pravAse samayaH kRtaz ca 11  zaktair vijetuM tarasA mahIM ca; satye sthitais tac caritaM yathAvat  pANDoH sutais tad vratam ugrarUpaM; varSANi SaT sapta ca bhAratAgryaiH 12  trayodazaz caiva sudustaro 'yam; ajJAyamAnair bhavatAM samIpe  klezAn asahyAMz ca titikSamANair; yathoSitaM tad viditaM ca sarvam 13  evaMgate dharmasutasya rAjJo; duryodhanasyApi ca yad dhitaM syAt  tac cintayadhvaM kurupANDavAnAM; dharmyaM ca yuktaM ca yazaH karaM ca 14  adharmayuktaM ca na kAmayeta; rAjyaM surANAm api dharmarAjaH  dharmArthayuktaM ca mahIpatitvaM; grAme 'pi kasmiMz cid ayaM bubhUSet 15  pitryaM hi rAjyaM viditaM nRpANAM; yathApakRSTaM dhRtarASTra putraiH  mithyopacAreNa tathApy anena; kRcchraM mahat prAptam asahya rUpam 16  na cApi pArtho vijito raNe taiH; svatejasA dhRtarASTrasya putraiH  tathApi rAjA sahitaH suhRdbhir; abhIpsate 'nAmayam eva teSAm 17  yat tat svayaM pANDusutair vijitya; samAhRtaM bhUmipatIn nipIDya  tat prArthayante puruSapravIrAH; kuntIsutA mAdravatIsutau ca 18  bAlAs tv ime tair vividhaur upAyaiH; saMprArthitA hantum amitrasAhAH  rAjyaM jihIrSadbhir asadbhir ugraiH; sarvaM ca tad vo viditaM yathAvat 19  teSAM ca lobhaM prasamIkSya vRddhaM; dharmAtmatAM cApi yudhiSThirasya  saMbandhitAM cApi samIkSya teSAM; matiM kurudhvaM sahitAH pRthak ca 20  ime ca satye 'bhiratAH sadaiva; taM pArayitvA samayaM yathAvat  ato 'nyathA tair upacaryamANA; hanyuH sametAn dhRtarASTra putrAn 21  tair viprakAraM ca nizamya rAjJaH; suhRjjanAs tAn parivArayeyuH  yuddhena bAdheyur imAMs tathaiva; tair vadhyamAnA yudhitAMz ca hanyuH 22  tathApi neme 'lpatayA samarthAs; teSAM jayAyeti bhaven mataM vaH  sametya sarve sahitAH suhRdbhis; teSAM vinAzAya yateyur eva 23  duryodhanasyApi mataM yathAvan; na jJAyate kiM nu kariSyatIti  ajJAyamAne ca mate parasya; kiM syAt samArabhyatamaM mataM vaH 24  tasmAd ito gacchatu dharmazIlaH; zuciH kulInaH puruSo 'pramattaH  dUtaH samarthaH prazamAya teSAM; rAjyArdha dAnAya yudhiSThirasya 25  nizamya vAkyaM tu janArdanasya; dharmArthayuktaM madhuraM samaM ca  samAdade vAkyam athAgrajo 'sya; saMpUjya vAkyaM tad atIva rAjan   |

 

|  1   [baladeva]  zrutaM bhavadbhir gada pUrvajasya; vAkyaM yathA dharmavad arthavac ca  ajAtazatroz ca hitaM hitaM ca; duryodhanasyApi tathaiva rAjJaH 2  ardhaM hi rAjyasya visRjya vIrAH; kuntIsutAs tasya kRte yatante  pradAya cArdhaM dhRtarASTra putraH; sukhI sahAsmAbhir atIva modet 3  labdhvA hi rAjyaM puruSapravIrAH; samyak pravRtteSu pareSu caiva  dhruvaM prazAntAH sukham Avizeyus; teSAM prazAntiz ca hitaM prajAnAm 4  duryodhanasyApi mataM ca vettuM; vaktuM ca vAkyAni yudhiSThirasya  priyaM mama syAd yadi tatra kaz cid; vrajec chamArthaM kurupANDavAnAm 5  sa bhISmam Amantrya kurupravIraM; vaicitra vIryaM ca mahAnubhAvam  droNaM saputraM viduraM kRpaM ca; gAndhArarAjaM ca sasUtaputram 6  sarve ca ye 'nye dhRtarASTra putrA; balapradhAnA nigama pradhAnAH  sthitAz ca dharmeSu yathA svakeSu; lokapravIrAH zrutakAlavRddhAH 7  eteSu sarveSu samAgateSu; paureSu vRddheSu ca saMgateSu  bravItu vAkyaM praNipAta yuktaM; kuntIsutasyArtha karaM yathA syAt 8  sarvAsv avasthAsu ca te na kauTyAd; grasto hi so 'rtho balam Azritais taiH  priyAbhyupetasya yudhiSThirasya; dyUte pramattasya hRtaM ca rAjyam 9  nivAryamANaz ca kurupravIraiH; sarvaiH suhRdbhir hy ayam apy atajjJaH  gAndhArarAjasya sutaM matAkSaM; samAhvayed devitum AjamIDhaH 10  durodarAs tatra sahasrazo 'nye; yudhiSThiro yAn viSaheta jetum  utsRjya tAn saubalam eva cAyaM; samAhvayat tena jito 'kSavatyAm 11  sa dIvyamAnaH pratidevanena; akSeSu nityaM suparAGmukheSu  saMrambhamANo vijitaH prasahya; tatrAparAdhaH zakuner na kaz cit 12  tasmAt praNamyaiva vaco bravItu; vaicitravIryaM bahu sAma yuktam  tathA hi zakyo dhRtarASTra putraH; svArthe niyoktuM puruSeNa tena 13   [v]  evaM bruvaty eva madhu pravIre; zinipravIraH sahasotpapAta  tac cApi vAkyaM parinindya tasya; samAdade vakyam idaM samanyuH   |



|  1   [sAtyaki]  yAdRzaH puruSasyAtmA tAdRzaM saMprabhASate  yathA rUpo 'ntarAtmA te tathArUpaM prabhASase 2  santi vai puruSAH zUrAH santi kApuruSAs tathA  ubhAv etau dRDhau pakSau dRzyete puruSAn prati 3  ekasminn eva jAyete kule klIba mahArathau  phalAphalavatI zAkhe yathaikasmin vanaspatau 4  nAbhyasUyAmi te vAkyaM bruvato lAGgaladhvaja  ye tu zRNvanti te vAkyaM tAn asUyAmi mAdhava 5  kathaM hi dharmarAjasya doSam alpam api bruvan  labhate pariSanmadhye vyAhartum akutobhayaH 6  samAhUya mahAtmAnaM jitavanto 'kSakovidAH  anakSajJaM yathAzraddhaM teSu dharmajayaH kutaH 7  yadi kuntIsutaM gehe krIDantaM bhrAtRbhiH saha  abhigamya jayeyus te tat teSAM dharmato bhavet 8  samAhUya tu rAjAnaM kSatradharmarataM sadA  nikRtyA jitavantas te kiM nu teSAM paraM zubham 9  kathaM praNipatec cAyam iha kRtvA paNaM param  vanavAsAd vimuktas tu prAptaH paitAmahaM padam 10  yady ayaM paravittAni kAmayeta yudhiSThiraH  evam apy ayam atyantaM parAn nArhati yAcitum 11  kathaM ca dharmayuktAs te na ca rAjyaM jihIrSavaH  nivRttavAsAn kaunteyAn ya Ahur viditA iti 12  anunItA hi bhISmeNa droNena ca mahAtmanA  na vyavasyanti pANDUnAM pradAtuM paitRkaM vasu 13  ahaM tu tAJ zatair bANair anunIya raNe balAt  pAdayoH pAtayiSyAmi kaunteyasya mahAtmanaH 14  atha te na vyavasyanti praNipAtAya dhImataH  gamiSyanti sahAmAtyA yamasya sadanaM prati 15  na hi te yuyudhAnasya saMrabdhasya yuyutsataH  vegaM samarthAH saMsoDhuM vajrasyeva mahIdharAH 16  ko hi gANDIvadhanvAnaM kaz ca cakrAyudhaM yudhi  mAM cApi viSahet ko nu kaz ca bhImaM durAsadam 17  yamau ca dRDhadhanvAnau yama kalpau mahAdyutI  ko jijIviSur AsIded dhRSTadyumnaM ca pArSatam 18  paJcemAn pANDaveyAMz ca draupadyAH kIrtivardhanAn  samapramANAn pANDUnAM samavIryAn madotkaTAn 19  saubhadraM ca maheSvAsam amarair api duHsaham  gada pradyumna sAmbAMz ca kAlavajrAnalopamAn 20  te vayaM dhRtarASTrasya putraM zakuninA saha  karNena ca nihatyAjAv abhiSekSyAma pANDavam 21  nAdharmo vidyate kaz cic chatrUn hatvAtatAyinaH  adharmyam ayazasyaM ca zAtravANAM prayAcanam 22  hRdgatas tasya yaH kAmas taM kurudhvam atandritAH  nisRSTaM dhRtarASTreNa rAjyaM prApnotu pANDavaH 23  adya pANDusuto rAjyaM labhatAM vA yudhiSThiraH  nihatA vAraNe sarve svapsyanti vasudhAtale   |



|  1   [drupada]  evam etan mahAbAho bhaviSyati na saMzayaH  na hi duryodhano rAjyaM madhureNa pradAsyati 2  anuvartsyati taM cApi dhRtarASTraH sutapriyaH  bhISmadroNau ca kArpaNyAn maurkhyAd rAdheya saubalau 3  baladevasya vAkyaM tu mama jJAne na yujyate  etad dhi puruSeNAgre kAryaM sunayam icchatA 4  na tu vAcyo mRdu vaco dhArtarASTraH kathaM cana  na hi mArdavasAdhyo 'sau pApabuddhir mato mama 5  gardabhe mArdavaM kuryAd goSu tIkSNaM samAcaret  mRdu duryodhane vAkyaM yo brUyAt pApacetasi 6  mRdu vai manyate pApo bhASya mANam azaktijam  jitam arthaM vijAnIyAd abudho mArdave sati 7  etac caiva kariSyAmo yatnaz ca kriyatAm iha  prasthApayAma mitrebhyo balAny udyojayantu naH 8  zalyasya dhRSTaketoz ca jayatsenasya cAbhibhoH  kekayAnAM ca sarveSAM dUtA gacchantu zIghragAH 9  sa tu duryodhano nUnaM preSayiSyati sarvazaH  pUrvAbhipannAH santaz ca bhajante pUrvacodakam 10  tat tvaradhvaM narendrANAM pUrvam eva pracodane  mahad dhi kAryaM voDhavyam iti me vartate matiH 11  zalyasya preSyatAM zIghraM ye ca tasyAnugA nRpAH  bhagadattAya rAjJe ca pUrvasAgaravAsine 12  amitaujase tathogrAya hArdikyAyAhukAya ca  dIrghaprajJAya mallAya rocamAnAya cAbhibho 13  AnIyatAM bRhantaz ca senA binduz ca pArthivaH  pApajit prativindhyaz ca citravarmA suvAstukaH 14  bAhlIko muJja kezaz ca caidyAdhipatir eva ca  supArzvaz ca subAhuz ca pauravaz ca mahArathaH 15  zakAnAM pahlavAnAM ca daradAnAM ca ye nRpAH  kAmbojA RSikA ye ca pazcimAnUpakAz ca ye 16  jayasenaz ca kAzyaz ca tathA paJcanadA nRpAH  krAtha putraz ca durdharSaH pArvatIyAz ca ye nRpAH 17  jAnakiz ca suzarmA ca maNimAn pautimatsyakaH  pAMsurASTrAdhipaz caiva dhRSTaketuz ca vIryavAn 18  auDraz ca daNDadhAraz ca bRhatsenaz ca vIryavAn  aparAjito niSAdaz ca zreNimAn vasumAn api 19  bRhadbalo mahaujAz ca bAhuH parapuraMjayaH  samudraseno rAjA ca saha putreNa vIryavAn 20  adAriz ca nadIjaz ca karNa vRSTaz ca pArthivaH  samarthaz ca suvIraz ca mArjAraH kanyakas tathA 21  mahAvIraz ca kadruz ca nikaras tumulaH krathaH  nIlaz ca vIradharmA ca bhUmipAlaz ca vIryavAn 22  durjayo dantavaktraz ca rukmI ca janamejayaH  ASADho vAyuvegaz ca pUrvapAlI ca pArthivaH 23  bhUri tejA devakaz ca ekalavyasya cAtmajaH  kArUSakAz ca rAjAnaH kSemadhUrtiz ca vIryavAn 24  udbhavaH kSemakaz caiva vATadhAnaz ca pArthivaH  zrutAyuz ca dRDhAyuz ca zAlva putraz ca vIryavAn 25  kumAraz ca kaliGgAnAm Izvaro yuddhadurmadaH  eteSAM preSyatAM zIghram etad dhi mama rocate 26  ayaM ca brAhmaNaH zIghraM mama rAjan purohitaH  preSyatAM dhRtarASTrAya vAkyam asmin samarpyatAm 27  yathA duryodhano vAcyo yathA zAMtanavo nRpaH  dhRtarASTro yathA vAcyo droNaz ca viduSAM varaH   |

 

|  1   [vAsu]  upapannam idaM vAkyaM somakAnAM dhuraM dhure  arthasiddhi karaM rAjJaH pANDavasya mahaujasaH 2  etac ca pUrvakAryaM naH sunItam abhikAGkSatAm  anyathA hy Acaran karma puruSaH syAt subAlizaH 3  kiM tu saMbandhakaM tulyam asmAkaM kuru pANDuSu  yatheSTaM vartamAneSu pANDaveSu ca teSu ca 4  te vivAhArtham AnItA vayaM sarve yathA bhavAn  kRte vivAhe muditA gamiSyAmo gRhAn prati 5  bhavAn vRddhatamo rAjJAM vayasA ca zrutena ca  ziSyavat te vayaM sarve bhavAmeha na saMzayaH 6  bhavantaM dhRtarASTraz ca satataM bahu manyate  AcAryayoH sakhA cAsi droNasya ca kRpasya ca 7  sa bhavAn preSayatv adya pANDavArtha karaM vacaH  sarveSAM nizcitaM tan naH preSayiSyati yad bhavAn 8  yadi tAvac chamaM kuryAn nyAyena kurupuMgavaH  na bhavet kuru pANDUnAM saubhrAtreNa mahAn kSayaH 9  atha darpAnvito mohAn na kuryAd dhRtarASTrajaH  anyeSAM preSayitvAc ca pazcAd asmAn samAhvayeH 10  tato duryodhano mandaH sahAmAtyaH sa bAndhavaH  niSTAm Apatsyate mUDhaH kruddhe gANDIvadhanvani 11   [v]  tataH satkRtya vArSNeyaM virATaH pRthivIpatiH  gRhAn prasthApayAm Asa sagaNaM saha bAndhavam 12  dvArakAM tu gate kRSNe yudhiSThirapurogamAH  cakruH sAMgrAmikaM sarvaM virATaz ca mahIpatiH 13  tataH saMpreSayAm Asa virATaH saha bAndhavaiH  sarveSAM bhUmipAlAnAM druvapaz ca mahIpatiH 14  vacanAt kuru siMhAnAM matsyapAJcAlayoz ca te  samAjagmur mahIpAlAH saMprahRSTA mahAbalAH 15  tac chrutvA pANDuputrANAM samAgacchan mahad balam  dhRtarASTra sutaz cApi samAninye mahIpatIn 16  samAkulA mahI rAjan kurupANDavakAraNAt  tadA samabhavat kRtsnA saMprayANe mahIkSitAm 17  balAni teSAM vIrANAm Agacchanti tatas tataH  cAlayantIva gAM devIM sa parvata vanAm imAm 18  tataH prajJA vayovRddhaM pAJcAlyaH svapurohitam  kurubhyaH preSayAm Asa yudhiSThira mate tadA   |



|  1   [drupada]  bhUtAnAM prANinaH zreSThAH prANinAM buddhijIvinaH  buddhimatsu narAH zreSThA narANAM tu dvijAtayaH 2  dvijeSu vaidyAH zreyAMso vaidyeSu kRtabuddhayaH  sa bhavAn kRtabuddhInAM pradhAna iti me matiH 3  kulena ca viziSTo 'si vayasA ca zrutena ca  prajJayAnavamaz cAsi zukreNAGgirasena ca 4  viditaM cApi te sarvaM yathAvRtthaH sa kauravaH  pANDavaz ca yathAvRttaH kuntIputro yudhiSThiraH 5  dhRtarASTasya vidite vaJcitAH pANDavAH paraiH  vidureNAnunIto 'pi putram evAnuvartate 6  zakunir buddhipUrvaM hi kuntIputraM samAhvayat  anakSajJaM matAkSaH san kSatravRtte sthitaM zucim 7  te tathA vaJcayitvA tu dharmaputraM yudhiSThiram  na kasyAM cid avasthAyAM rAjyaM dAsyanti vai svayam 8  bhavAMs tu dharmasaMyuktaM dhRtarASTraM bruvan vacaH  manAMsi tasya yodhAnAM dhruvam AvartayiSyati 9  viduraz cApi tad vAkyaM sAdhayiSyati tAvakam  bhISmadroNakRpANAM ca bhedyaM saMjanayiSyati 10  amAtyeSu ca bhinneSu yodheSu vimukheSu ca  punar ekAgrakaraNaM teSAM karma bhaviSyati 11  etasminn antare pArthAH sukham ekAgrabuddhayaH  senA karma kariSyanti dravyANAM caiva saMcayam 12  bhidyamAneSu ca sveSu lambamAne ca vai tvayi  na tathA te kariSyanti senA karma na saMzayaH 13  etat prayojanaM cAtra prAdhAnyenopalabhyate  saMgatyA dhRtarASTraz ca kuryAd dharmyaM vacas tava 14  sa bhavAn dharmayuktaz ca dharmyaM teSu samAcaran  kRpAluSu pariklezAn pANDavAnAM prakIrtayan 15  vRddheSu kuladharmaM ca bruvan pUrvair anuSThitam  vibhetsyati manAMsy eSAm iti me nAtra saMzayaH 16  na ca tebhyo bhayaM te 'sti brAhmaNo hy asi vedavit  dUta karmaNi yuktaz ca sthaviraz ca vizeSataH 17  sa bhavAn puSyayogena muhUrtena jayena ca  kauraveyAn prayAtv Azu kaunteyasyArtha siddhaye 18  tathAnuziSTaH prayayau drupadena mahAtmanA  purodhA vRttasaMpanno nagaraM nAgasAhvayam   |



|  1   [v]  gate dvAravatIM kRSNe baladeve ca mAdhave  saha vRSNyandhakaiH sarvair bhojaiz ca zatazas tathA 2  sarvam AgamayAm Asa pANDavAnAM viceSTitam  dhRtarASTrAtmajo rAjA dUtaiH praNihitaiz caraiH 3  sa zrutvA mAdhavaM yAtaM sadazvair anilopamaiH  balena nAtimahatA dvArakAm abhyayAt purIm 4  tam eva divasaM cApi kaunteyaH pANDunandanaH  AnartanagarIM ramyAM jagAmAzu dhanaMjayaH 5  tau yAtvA puruSavyAghrau dvArakAM kurunandanau  suptaM dadRzatuH kRSNaM zayAnaM copajagmatuH 6  tataH zayAne govinde praviveza suyodhanaH  ucchIrSataz ca kRSNasya niSasAda varAsane 7  tataH kirITI tasyAnu praviveza mahAmanAH  prazcArdhe ca sa kRSNasya prahvo 'tiSThat kRtAJjaliH 8  pratibuddhaH sa vArSNeyo dadarzAgre kirITinam  sa tayoH svAgataM kRtvA yathArthaM pratipUjya ca  tad AgamanajaM hetuM papraccha madhusUdanaH 9  tato duryodhanaH kRSNam uvAca prahasann iva  vigrahe 'smin bhavAn sAhyaM mama dAtum ihArhati 10  samaM hi bhavataH sakhyaM mayi caivArjune 'pi ca  tathA saMbandhakaM tulyam asmAkaM tvayi mAdhava 11  ahaM cAbhigataH pUrvaM tvAm adya madhusUdana  pUrvaM cAbhigataM santo bhajante pUrvasAriNaH 12  tvaM ca zreSThatamo loke satAm adya janArdana  satataM saMmataz caiva sadvRttam anupAlaya 13  bhavAn abhigataH pUrvam atra me nAsti saMzayaH  dRSTas tu prathamaM rAjan mayA pArtho dhanaMjayaH 14  tava pUrvAbhigamanAt pUrvaM cApy asya darzanAt  sAhAyyam ubhayor eva kariSyAmi suyodhana 15  pravAraNaM tu bAlAnAM pUrvaM kAryam iti zrutiH  tasmAt pravAraNaM pUrvam arhaH pArtho dhanaMjayaH 16  mat saMhanana tulyAnAM gopAnAm arbudaM mahat  nArAyaNA iti khyAtAH sarve saMgrAmayodhinaH 17  te vA yudhi durAdharSA bhavantv ekasya sainikAH  ayudhyamAnaH saMgrAme nyastazastro 'ham ekataH 18  AbhyAm anyataraM pArtha yat te hRdyataraM matam  tad vRNItAM bhavAn agre pravAryas tvaM hi dharmataH 19  evam uktas tu kRSNena kuntIputro dhanaMjayaH  ayudhyamAnaM saMgrAme varayAm Asa kezavam 20  sahasrANAM sahasraM tu yodhAnAM prApya bhArata  kRSNaM cApahRtaM jJAtvA saMprApa paramAM mudam 21  duryodhanas tu tat sainyaM sarvam AdAya pArthivaH  tato 'bhyayAd bhImabalo rauhiNeyaM mahAbalam 22  sarvaM cAgamane hetuM sa tasmai saMnyavedayat  pratyuvAca tataH zaurir dhArtarASTram idaM vacaH 23  viditaM te naravyAghra sarvaM bhavitum arhati  yan mayoktaM virATasya purA vaivAhike tadA 24  nigRhyokto hRSIkezas tvadarthaM kurunandana  mayA saMbandhakaM tulyam iti rAjan punaH punaH 25  na ca tad vAkyam uktaM vai kezavaH pratyapadyata  na cAham utsahe kRSNaM vinA sthAtum api kSaNam 26  nAhaM sahAyaH pArthAnAM nApi duryodhanasya vai  iti me nizcitA buddir vAsudevam avekSya ha 27  jAto 'si bhArate vaMze sarvapArthivapUjite  gaccha yudhyasva dharmeNa kSAtreNa bharatarSabha 28  ity evam uktaH sa tadA pariSvajya halAyudham  kRSNaM cApahRtaM jJAtvA yuddhAn mene jitaM jayam 29  so 'bhyayAt kRtavarmANaM dhRtarASTra suto nRpaH  kRtavarmA dadau tasya senAm akSauhiNIM tadA 30  sa tena sarvasainyena bhImena kurunandanaH  vRtaH pratiyayau hRSTaH suhRdaH saMpraharSayan 31  gate duryodhane kRSNaH kirITinam athAbravIt  ayudhyamAnaH kAM buddhim AsthAyAhaM tvayA vRtaH 32  bhavAn samarthas tAn sarvAn nihantuM nAtra saMzayaH  nihantum aham apy ekaH samarthaH puruSottama 33  bhavAMs tu kIrtimAm*l loke tad yazas tvAM gamiSyati  yazasA cAham apy arthI tasmAd asi mayA vRtaH 34  sArathyaM tu tvayA kAryam iti me mAnasaM sadA  cirarAtrepsitaM kAmaM tad bhavAn kartum arhati 35  upapannam idaM pArtha yat spardhethA mayA saha  sArathyaM te kariSyAmi kAmaH saMpadyatAM tava 36  evaM pramuditaH pArthaH kRSNena sahitas tadA  vRto dAzArha pravaraiH punar AyAd yudhiSThiram   |



|  1   [v]  zalyaH zrutvA tu dUtAnAM sainyena mahatA vRtaH  abhyayAt pANDavAn rAjan saha putrair mahArathaiH 2  tasya senAnivezo 'bhUd adhyardham iva yojanam  tathA hi bahulAM senAM sa bibharti nararSabhaH 3  vicitrakavacAH zUrA vicitradhvajakArmukAH  vicitrAbharaNAH sarve vicitrarathavAhanAH 4  svadezaveSAbharaNA vIrAH zatasahasrazaH  tasya senA praNetAro babhUvuH kSatriyarSabhAH 5  vyathayann iva bhUtAni kampayann iva medinIm  zanair vizrAmayan senAM sa yayau yena pANDavaH 6  tato duryodhanaH zrutvA mahAsenaM mahAratham  upAyAntam abhidrutya svayam Anarca bhArata 7  kArayAm Asa pUjArthaM tasya duryodhanaH sabhAH  ramaNIyeSu dezeSu ratnacitrAH svalaMkRtAH 8  sa tAH sabhAH samAsAdya pUjyamAno yathAmaraH  duryodhanasya sacivair deze deze yathArhataH  AjagAma sabhAm anyAM devAvasatha varcasam 9  sa tatra viSayair yuktaH kalyANair atimAnuSaiH  mene 'bhyadhikam AtmAnam avamene puraMdaram 10  papraccha sa tataH preSyAn prahRSTaH kSatriyarSabhaH  yudhiSThirasya puruSAH ke nu cakruH sabhA imAH  AnIyantAM sabhA kArAH pradeyArhA hi me matAH 11  gUDho duryodhanas tatra darzayAm Asa mAtulam  taM dRSTvA madrarAjas tu jJAtvA yatnaM ca tasya tam  pariSvajyAbravIt prIta iSTo 'rtho gRhyatAm iti 12  satyavAg bhava kalyANa varo vai mama dIyatAm  sarvasenA praNetA me bhavAn bhavitum arhati 13  kRtam ity abravIc chalyaH kim anyat kriyatAm iti  kRtam ity eva gAndhAriH pratyuvAca punaH punaH 14  sa tathA zalyam Amantrya punar AyAt svakaM puram  zalyo jagAma kaunteyAn AkhyAtuM karma tasya tat 15  upaplavyaM sa gatvA tu skandhAvAraM pravizya ca  pANDavAn atha tAn sarvAJ zalyas tatra dadarza ha 16  sametya tu mahAbAhuH zalyaH pANDusutais tadA  pAdyam arghyaM ca gAM caiva pratyagRhNAd yathAvidhi 17  tataH kuzalapUrvaM sa madrarAjo 'risUdanaH  prItyA paramayA yuktaH samAzliSya yudhiSThiram 18  tathA bhImArjunau hRSTau svasrIyau ca yamAv ubhau  Asane copaviSTas tu zalyaH pArtham uvAca ha 19  kuzalaM rAjazArdUla kac cit te kurunandana  araNyavAsAd diSTyAsi vimukto jayatAM vara 20  suduSkaraM kRtaM rAjan nirjane vasatA vane  bhrAtRbhiH saha rAjendra kRSNayA cAnayA saha 21  ajJAtavAsaM ghoraM ca vasatA duSkaraM kRtam  duHkham eva kutaH saukhyaM rAjyabhraSTasya bhArata 22  duHkhasyaitasya mahato dhArtarASTra kRtasya vai  avApsyasi sukhaM rAjan hatvA zatrUn paraMtapa 23  viditaM te mahArAja lokatattvaM narAdhipa  tasmAl lobhakRtaM kiM cit tava tAta na vidyate 24  tato 'syAkathayad rAjA duyodhana samAgamam  tac ca zuzrUSitaM sarvaM varadAnaM ca bhArata 25  sukRtaM te kRtaM rAjan prahRSTenAntarAtmanA  duryodhanasya yad vIra tvayA vAcA pratizrutam  ekaM tv icchAmi bhadraM te kriyamANaM mahIpate 26  bhavAn iha mahArAja vAsudeva samo yudhi  karNArjunAbhyAM saMprApte dvairathe rAjasattama  karNasya bhavatA kAryaM sArathyaM nAtra saMzayaH 27  tatra pAlyo 'rjuno rAjan yadi matpriyam icchasi  tejovadhaz ca te kAryaH sauter asmaj jayA vahaH  akartavyam api hy etat kartum arhasi mAtula 28  zRNu pANDava bhadraM te yad bravISi durAtmanaH  tejovadhanimittaM mAM sUtaputrasya saMyuge 29  ahaM tasya bhaviSyAmi saMgrAme sArathir dhruvam  vAsudevena hi samaM nityaM mAM sa hi manyate 30  tasyAhaM kuruzArdUla pratIpam ahitaM vacaH  dhruvaM saMkathayiSyAmi yoddhukAmasya saMyuge 31  yathA sa hRtadarpaz ca hRtatejAz ca pANDava  bhaviSyati sukhaM hantuM satyam etad bravImi te 32  evam etat kariSyAmi yathA tAta tvam Attha mAm  yac cAnyad api zakSyAmi tat kariSyAmi te priyam 33  yac ca duHkhaM tvayA prAptaM dyUte vai kRSNayA saha  paruSANi ca vAkyAni sUtaputra kRtAni vai 34  jaTAsurAt pariklezaH kIcakAc ca mahAdyute  draupadyAdhigataM sarvaM damayantyA yathAzubham 35  sarvaM duHkham idaM vIra sukhodarkaM bhaviSyati  nAtra manyus tvayA kAryo vidhir hi balavattaraH 36  duHkhAni hi mahAtmAnaH prApnuvanti yudhiSThira  devair api hi duHkhAni prAptAni jagatIpate 37  indreNa zrUyate rAjan sabhAryeNa mahAtmanA  anubhUtaM mahad duHkhaM devarAjena bhArata   |



|  1   [y]  katham indreNa rAjendra sabhAryeNa mahAtmanA  duHkhaM prAptaM paraM ghoram etad icchAmi veditum 2   [S]  zRNu rAjan purAvRttam itihAsaM purAtanam  sabhAryeNa yathA prAptaM duHkham idnreNa bhArata 3  tvaSTA prajApatir hy AsId deva zreSTho mahAtapAH  saputraM vai trizirasam indra drohAt kilAsRjat 4  aindraM sa prArthayat sthAnaM vizvarUpo mahAdyutiH  tais tribhir vadanair ghoraiH sUryendu jvalanopamaiH 5  vedAn ekena so 'dhIte surAm ekena cApibat  ekena ca dizaH sarvAH pibann iva nirIkSate 6  sa tapasvI mRdur dAnto dharme tapasi codyataH  tapo 'tapyan mahat tIvraM suduzcaram ariMdama 7  tasya dRSTvA tapo vIryaM sattvaM cAmitatejasaH  viSAdam agamac chakra indryo 'yaM mA bhaved iti 8  kathaM sajjeta bhogeSu na ca tapyen mahat tapaH  vivardhamAnas trizirAH sarvaM tribhuvanaM graset 9  iti saMcintya bahudhA buddhimAn bharatarSabha  AjJApayat so 'psarasas tvaSTRputra pralobhane 10  yathA sa sajjet trizirAH kAmabhogeSu vai bhRzam  kSipraM kuruta gacchadhvaM pralobhayata mAciram 11  zRGgAraveSAH suzroNyo bhAvair yuktA manoharaiH  pralobhayata bhadraM vaH zamayadhvaM bhayaM mama 12  asvasthaM hy AtmanAtmAnaM lakSayAmi varAGganAH  bhayam etan mahAghoraM kSipraM nAzayatAbalAH 13  tathA yatnaM kariSyAmaH zakra tasya pralobhane  yathA nAvApsyasi bhayaM tasmAd balaniSUdana 14  nirdahann iva cakSurbhyAM yo 'sAv Aste tapo nidhiH  taM pralobhayituM deva gacchAmaH sahitA vayam  yatiSyAmo vaze kartuM vyapanetuM ca te bhayam 15  indreNa tAs tv anujJAtA jagmus triziraso 'ntikam  tatra tA vividhair bhAvair lobhayantyo varAGganAH  nRtyaM saMdarzayantyaz ca tathaivAGgeSu sauSThavam 16  viceruH saMpraharSaM ca nAbhyagacchan mahAtapAH  indriyANi vaze kRtvA pUrNasAgara saMnibhaH 17  tAs tu yatnaM paraM kRtvA punaH zakram upasthitAH  kRtAJjalipuTAH sarvA devarAjam athAbruvan 18  na sa zakyaH sudurdharSo dhairyAc cAlayituM prabho  yat te kAryaM mahAbhAga kriyatAM tadanantaram 19  saMpUjyApsarasaH zakro visRjya ca mahAmatiH  cintayAm Asa tasyaiva vadhopAyaM mahAtmanaH 20  sa tUSNIM cintayan vIro devarAjaH pratApavAn  vinizcita matir dhImAn vadhe triziraso 'bhavat 21  vajram asya kSipAmy adya sa kSipraM na bhaviSyati  zatruH pravRddho nopekSyo durbalo 'pi balIyasA 22  zAstrabuddhyA vinizcitya kRtvA buddhiM vadhe dRThAm  atha vaizvAnara nibhaM ghorarUpaM bhayAvaham  mumoca vajraM saMkruddhaH zakras trizirasaM prati 23  sa papAta hatas tena vajreNa dRDham AhataH  parvatasyeva zikharaM praNunnaM medinI tale 24  taM tu vajrahataM dRSTvA zayAnam acalopamam  na zarma lebhe devendro dIpitas tasya tejasA  hato 'pi dIptatejAH sa jIvann iva ca dRzyate 25  abhitas tatra takSANAM ghaTamAnaM zacIpatiH  apazyad abravIc cainaM sa tvaraM pAkazAsanaH  kSipraM chindhi zirAMsy asya kuruSva vacanaM mama 26  mahAskandho bhRzaM hy eSa parazur na tariSyati  kartuM cAhaM na zakSyAmi karma sadbhir vigarhitam 27  mA bhais tvaM kSipram etad vai kuruSva vacanaM mama  matprasAdAd dhi te zastravarja kalpaM bhaviSyati 28  kaM bhavantam ahaM vidyAM ghorakarmANam adya vai  etad icchAmy ahaM zrotuM tattvena kathayasva me 29  aham indro devarAjas takSan viditam astu te  kuruSvaitad yathoktaM me takSan mA tvaM vicAraya 30  krUreNa nApatrapase kathaM zakreha karmaNA  RSiputram imaM hatvA brahmahatyA bhayaM na te 31  pazcAd dharmaM cariSyAmi pAvanArthaM suduzcaram  zatrur eSa mahAvIryo vajreNa nihato mayA 32  adyApi cAham udvignas takSann asmAd bibhemi vai  kSipraM chindhi zirAMsi tvaM kariSye 'nugrahaM tava 33  ziraH pazos te dAsyanti bhAgaM yajJeSu mAnavAH  eSa te 'nugrahas takSan kSipraM kuru mama priyam 34  etac chrutvA tu takSA sa mahendra vacanaM tadA  zirAMsy atha trizirasaH kuThAreNAchinat tadA 35  nikRtteSu tatas teSu niSkrAmaMs trizirAs tv atha  kapiJjalAs tittirAz ca kalaviGkAz ca sarvazaH 36  yena vedAn adhIte sma pibate somam eva ca  tasmAd vaktrAn niviSpetuH kSipraM tasya kapiJjalAH 37  yena sarvA dizo rAjan pIbann iva nirIkSate  tasmAd vaktrAd viniSpetus tittirAs tasya pANDava 38  yat surApaM tu tasyAsId vaktraM trizirasas tadA  kalaviGkA viniSpetus tenAsya bharatarSabha 39  tatas teSu nikRtteSu vijvaro maghavAn abhUt  jagAma tridivaM hRSTas takSApi svagRhAn yayau 40  tvaSTA prajApatiH zrutvA zakreNAtha hataM sutam  krodhasaMraktanayana idaM vacanam abravIt 41  tapyamAnaM taponityaM kSAntaM dAntaM jitendriyam  anAparAdhinam yasmAt putraM hiMsitavAn mama 42  tasmAc chakra vadhArthAya vRtram utpAdayAmy aham  lokAH pazyantu me vIryaM tapasaz ca balaM mahat  sa ca pazyatu devendro durAtmA pApacetanaH 43  upaspRzya tataH kruddhas tapasvI sumahAyazAH  agniM hutvA samutpAdya ghoraM vRtram uvAca ha  indrazatro vivardhasva prabhAvAt tapaso mama 44  so 'vardhata divaM stabdhvA sUryavaizvAnaropamaH  kiM karomIti covAca kAlasUrya ivoditaH  zakraM jahIti cApy ukto jagAma tridivaM tataH 45  tato yuddhaM samabhavad vRtravAsavayos tadA  saMkruddhayor mahAghoraM prasaktaM kurusattama 46  tato jagrAha devendraM vRtro vIraH zatakratum  apAvRtya sa jagrAsa vRtraH krodhasamanvitaH 47  graste vaktreNa zakre tu saMbhrAntAs tridazAs tadA  asRjaMs te mahAsattvA jRmbhikAM vRtranAzinIm 48  vijRmbhamANasya tato vRtrasyAsyAd apAvRtAt  svAny aGgAny abhisaMkSipya niSkrAnto balasUdanaH  tataH prabhRti lokeSu jRmbhikA prANisaMzritA 49  jahRSuz ca surAH sarve dRSTvA zakraM viniHsRtam  tataH pravavRte yuddhaM vRtravAsavayoH punaH  saMrabdhayos tadA ghoraM suciraM bharatarSabha 50  yadA vyavardhata raNe vRtro balasamanvitaH  tvaSTus tapobalAd vidvAMs tadA zakro nyavartata 51  nivRtte tu tadA devA viSAdam agaman param  sametya zakreNa ca te tvaSTus tejo vimohitAH  amantrayanta te sarve munibhiH saha bhArata 52  kiM kAryam iti te rAjan vicintya bhayamohitAH  jagmuH sarve mahAtmAnaM manobhir viSNum avyayam  upaviSTA mandarAgre sarve vRtravadhepsavaH   |



|  1   [i]  sarvaM vyAptam idaM devA vRtreNa jagad avyayam  na hy asya sadRzaM kiM cit pratighAtAya yad bhavet 2  samartho hy abhavaM pUrvam asamartho 'smi sAMpratam  kathaM kuryAM nu bhadraM vo duSpradharSaH sa me mataH 3  tejasvI ca mahAtmA ca yuddhe cAmitavikramaH  graset tribhuvanaM sarvaM sa devAsuramAnuSam 4  tasmAd vinizcayam imaM zRNudhvaM me divaukasaH  viSNoH kSayam upAgamya sametya ca mahAtmanA  tena saMmantrya vetsyAmo vadhopAyaM durAtmanaH 5  evam ukte maghavatA devAH sarSigaNAs tadA  zaraNyaM zaraNaM devaM jagmur viSNuM mahAbalam 6  Ucuz ca sarve devezaM viSNuM vRtra bhayArditAH  tvayA lokAs trayaH krAntAs tribhir vikramaNaiH prabho 7  amRtaM cAhRtaM viSNo daityAz ca nihatA raNe  baliM baddhvA mahAdaityaM zakro devAdhipaH kRtaH 8  tvaM prabhuH sarvalokAnAM tvayA sarvam idaM tatam  tvaM hi devamahAdevaH sarvalokanamaskRtaH 9  gatir bhava tvaM devAnAM sendrANAm amarottama  jagad vyAptam idaM sarvaM vRtreNAsurasUdana 10  avazyaM karaNIyaM me bhavatAM hitam uttamam  tasmAd upAyaM vakSyAmi yathAsau na bhaviSyati 11  gacchadhvaM sarSigandharvA yatrAsau vizvarUpadhRk  sAma tasya prayuJjadhvaM tata enaM vijeSyatha 12  bhaviSyati gatir devAH zakrasya mama tejasA  adRzyaz ca pravekSyAmi vajram asyAyudhottamam 13  gacchadhvam RSibhiH sArdhaM gandharvaiz ca surottamAH  vRtrasya saha zakreNa saMdhiM kuruta mAciram 14  evam uktAs tu devena RSayas tridazAs tathA  yayuH sametya sahitAH zakraM kRtvA puraHsaram 15  samIpam etya ca tadA sarva eva mahaujasaH  taM tejasA prajvalitaM pratapantaM dizo daza 16  grasantam iva lokAMs trIn sUryA candramasau yathA  dadRzus tatra te vRtraM zakreNa sahadevatAH 17  RSayo 'tha tato 'bhyetya vRtram UcuH priyaM vacaH  vyAptaM jagad idaM sarvaM tejasA tava durjaya 18  na ca zaknoSi nirjetuM vAsavaM bhUrivikramam  yudhyatoz cApi vAM kAlo vyatItaH sumahAn iha 19  pIDyante ca prajAH sarvAH sa devAsuramAnavAH  sakhyaM bhavatu te vRtra zakreNa saha nityadA  avApsyasi sukhaM tvaM ca zakra lokAMz ca zAzvatAn 20  RSivAkyaM nizamyAtha sa vRtraH sumahAbalaH  uvAca tAMs tadA sarvAn praNamya zirasAsuraH 21  sarve yUyaM mahAbhAgA gandharvAz caiva sarvazaH  yad brUta tac chrutaM sarvaM mamApi zRNutAnaghAH 22  saMdhiH kathaM vai bhavitA mama zakrasya cobhayoH  tejasor hi dvayor devAH sakhyaM vai bhavitA katham 23   [rsayah]  sakRt satAM saMgataM lipsitavyaM; tataH paraM bhavitA bhavyam eva  nAtikramet satpuruSeNa saMgataM; tasmAt satAM saMgataM lipsitavyam 24  dRDhaM satAM saMgataM cApi nityaM; brUyAc cArthaM hy arthakRcchreSu dhIraH  mahArthavat sat pruSeNa saMgataM; tasmAt santaM na jighAMseta dhIraH 25  indraH satAM saMmataz ca nivAsaz ca mahAtmanAm  satyavAdI hy adInaz ca dharmavit suvinizcitaH 26  tena te saha zakreNa saMdhir bhavatu zAzvataH  evaM vizvAsam Agaccha mA te bhUd buddhir anyathA 27  maharSivacanaM zrutvA tAn uvAca mahAdyutiH  avazyaM bhagavanto me mAnanIyAs tapasvinaH 28  bravImi yad ahaM devAs tat sarvaM kriyatAm iha  tataH sarvaM kariSyAmi yad Ucur mAM dvijarSabhAH 29  na zuSkeNa na cArdreNa nAzmanA na ca dAruNA  na zasreNa na vajreNa na divA na tathA nizi 30  vadhyo bhaveyaM viprendrAH zakrasya saha daivataiH  evaM me rocate saMdhiH zakreNa saha nityadA 31  bADham ity eva RSayas tam Ucur bharatarSabha  evaM kRte tu saMdhAne vRtraH pramudito 'bhavat 32  yattaH sadAbhavac cApi zakro 'marSasamanvitaH  vRtrasya vadhasaMyuktAn upAyAn anucintayan  randhrAnveSI samudvignaH sadAbhUd balavRtrahA 33  sa kadA cit samudrAnte tam apazyan mahAsuram  saMdhyAkAla upAvRtte muhUrte ramyadAruNe 34  tataH saMcintya bhagavAn varadAnaM mahAtmanaH  saMdhyeyaM vartate raudrA na rAtrir divasaM na ca  vRtraz cApazya vadhyo 'yaM mama sarvaharo ripuH 35  yadi vRtraM na hanmy adya vaJcayitvA mahAsuram  mahAbalaM mahAkAyaM na me zreyo bhaviSyati 36  evaM saMcintayann eva zakro viSNum anusmaran  atha phenaM tadApazyat samudre parvatopamam 37  nAyaM zuSko na cArdro 'yaM na ca zastram idaM tathA  enaM kSepsyAmi vRtrasya kSaNAd eva naziSyati 38  savajram atha phenaM taM kSipraM vRtre nisRSTavAn  pravizya phenaM taM viSNur atha vRtraM vyanAzayat 39  nihate tu tato vRtre dizo vitimirAbhavan  pravavau ca zivo vAyuH prajAz ca jahRSus tadA 40  tato devAH sa gandharvA yakSarAkSasa pannagAH  RSayaz ca mahendraM tam astuvan vividhaiH stavaiH 41  namaskRtaH sarvabhUtaiH sarvabhUtAni sAntvayan  hatazatruH prahRSTAtmA vAsavaH saha daivataiH  viSNuM tribhuvanazreSThaM pUjayAm Asa dharmavit 42  tato hate mahAvIrye vRtre devabhayaMkare  anRtenAbhibhUto 'bhUc chakraH paramadurmanAH  traizIrSayAbhibhUtaz ca sa pUrvaM brahmahatyayA 43  so 'ntam Azritya lokAnAM naSTasaMjJo vicetanaH  na prAjJAyata devendras tv abhibhUtaH svakalmaSaiH  praticchanno vasaty apsu ceSTamAna ivoragaH 44  tataH pranaSTe devendre brahmahatyA bhayArdite  bhUmiH pradhvasta saMkAzA nirvRkSA zuSkakAnanA  vicchinnasrotaso nadyaH sarAMsy anudakAni ca 45  saMkSobhaz cApi sattvAnAm akRto 'bhavat  devAz cApi bhRzaM trastAs tathA sarve maharSayaH 46  arAjakaM jagat sarvam abhibhUtam upadravaiH  tato bhItAbhavan devAH ko no rAjA bhaved iti 47  divi devarSayaz cApi devarAjavinAkRtAH  na ca sma kaz cid devAnAM rAjyAya kurute manaH   |



|  1   [S]  RSayo 'thAbruvan sarve devAz ca tridazezvarAH  ayaM vai nahuSaH zrImAn devarAjye 'bhiSicyatAm  te gatvAthAbruvan sarve rAjA no bhava pArthiva 2  sa tAn uvAca nahuSo devAn RSigaNAMs tathA  pitRbhiH sahitAn rAjan parIpsan hitam AtmanaH 3  durbalo 'haM na me zaktir bhavatAM paripAlane  balavAJ jAyate rAjA balaM zakre hi nityadA 4  tam abruvan punaH sarve devAH sarSipurogamAH  asmAkaM tapasA yuktaH pAhi rAjyaM triviSTape 5  parasparabhayaM ghoram asmAkaM hi na saMzayaH  abhiSicyasva rAjendra bhava rAjA triviSTape 6  devadAnava yakSANAm RSINAM rakSasAM tathA  pitRgandharvabhUtAnAM cakSurviSayavartinAm  teja AdAsyase pazyan balavAMz ca bhaviSyasi 7  dharmaM puraskRtya sadA sarvalokAdhipo bhava  brahmarSIMz cApi devAMz ca gopAyasva triviSTape 8  sudurlabhaM varaM labdhvA prApya rAjyaM triviSTape  dharmAtmA satataM bhUtvA kAmAtmA samapadyata 9  devodyAneSu sarveSu nandanopavaneSu ca  kailAse himavatpRSThe mandare zvetaparvate  sahye mahendre malaye samudreSu saritsu ca 10  apsarobhiH parivRto devakanyA samAvRtaH  nahuSo devarAjaH san krIDan bahuvidhaM tadA 11  zRNvan divyA bahuvidhAH kathAH zrutimanoharAH  vAditrANi ca sarvANi gItaM ca madhurasvaram 12  vizvAvasur nAradaz ca gandharvApsarasAM gaNAH  RtavaH SaT ca devendraM mUrtimanta upasthitAH  mArutaH surabhir vAti manojJaH sukhazItalaH 13  evaM hi krIDatas tasya nahuSasya mahAtmanaH  saMprAptA darzanaM devI zakrasya mahiSI priyA 14  sa tAM saMdRzya duSTAtmA prAha sarvAn sabhAsadaH  indrasya mahiSI devI kasmAn mAM nopatiSThati 15  aham indro 'smi devAnAM lokAnAM ca tathezvaraH  Agacchatu zacI mahyaM kSipram adya nivezanam 16  tac chrutvA durmanA devI bRhaspatim uvAca ha  rakSa mAM nahuSAd brahmaMs tavAsmi zaraNaM gatA 17  sarvalakSaNasaMpannAM brahmas tvaM mAM prabhASase  devarAjasya dayitAm atyantasukhabhAginIm 18  avaidhavyena saMyuktAm ekapatnIM pativratAm  uktavAn asi mAM pUrvam RtAM tAM kuru vai giram 19  noktapUrvaM ca bhagavan mRSA te kiM cid Izvara  tasmAd etad bhavet satyaM tvayoktaM dvijasattama 20  bRhaspatir athovAca indrANIM bhayamohitAm  yad uktAsi mayA devi satyaM tad bhavitA dhruvam 21  drakSyase devarAjAnam indraM zIghram ihAgatam  na bhetavyaM ca nahuSAt satyam etad bravImi te  samAnayiSye zakreNa nacirAd bhavatIm aham 22  atha zuzrAva nahuSa indrANIM zaraNaM gatAm  bRhaspater aGgirasaz cukrodha sa nRpas tadA   |



|  1   [S]  kruddhaM tu nahuSaM jJAtvA devAH sarSipurogamAH  abruvan devarAjAnaM nahuSaM ghoradarzanam 2  devarAjajahi krodhaM tvayi kruddhe jagad vibho  trastaM sAsuragandharvaM sa kiMnaramahoragam 3  jahi krodham imaM sAdho na krudhyanti bhavadvidhAH  parasya patnI sA devI prasIdasva surezvara 4  nivartaya manaH pApAt paradArAbhimarzanAt  devarAjo 'si bhadraM te prajA dharmeNa pAlaya 5  evam ukto na jagrAha tad vacaH kAmamohitaH  atha devAn uvAcedam indraM prati surAdhipaH 6  ahalyA dharSitA pUrvam RSipatnI yazasvinI  jIvato bhartur indreNa sa vaH kiM na nivAritaH 7  bahUni ca nRzaMsAni kRtAnIndreNa vai purA  vaidharmyANy upadhAz caiva sa vaH kiM na nivAritaH 8  upatiSThatu mAM devI etad asyA hitaM param  yuSmAkaM ca sadA devAH zivam evaM bhaviSyati 9  indrANIm AnayiSyAmo yathecchasi divaH pate  jahi krodham imaM vIra prIto bhava surezvara 10  ity uktvA te tadA devA RSibhiH saha bhArata  jagmur bRhaspatiM vaktum indrANIM cAzubhaM vacaH 11  jAnImaH zaraNaM prAptam indrANIM tava vezmani  dattAbhayAM ca viprendra tvayA devarSisattama 12  te tvAM devAH sa gandharvA RSayaz ca mahAdyute  prasAdayanti cendrANI nahuSAya pradIyatAm 13  indrAd viziSTo nahuSo devarAjo mahAdyutiH  vRNotv iyaM varArohA bhartRtve varavarNinI 14  evam ukte tu sA devI bASpam utsRjya sasvaram  uvAca rudatI dInA bRhaspatim idaM vacaH 15  nAham icchAmi nahuSaM patim anvAsya taM prabhum  zaraNAgatAsmi te brahmaMs trAhi mAM mahato bhayAt 16  zaraNAgatAM na tyajeyam indrANi mama nizcitam  dharmajJAM dharmazIlAM ca na tyaje tvAm anindite 17  nAkAryaM kartum icchAmi brAhmaNaH san vizeSataH  zrutadharmA satyazIlo jAnan dharmAnuzAsanam 18  nAham etat kariSyAmi gacchadhvaM vai surottamAH  asmiMz cArthe purA gItaM brahmaNA zrUyatAm idam 19  na tasya bIjaM rohati bIjakAle; na cAsya varSaM varSati varSakAle  bhItaM prapannaM pradadAti zatrave; na so 'ntaraM labhate trANam icchan 20  mogham annaM vindati cApy acetAH; svargAl lokAd bhrazyati naSTaceSTaH  bhItaM prapannaM pradadAti yo vai; na tasya havyaM pratigRhNanti devAH 21  pramIyate cAsya prajA hy akAle; sadA vivAsaM pitaro 'sya kurvate  bhItaM prapannaM pradadAti zatrave; sendrA devAH praharanty asya vajram 22  etad evaM vijAnan vai na dAsyAmi zacIm imAm  indrANIM vizrutAM loke zakrasya mahiSIM priyAm 23  asyA hitaM bhaved yac ca mama cApi hitaM bhavet  kriyatAM tat surazreSThA na hi dAsyAmy ahaM zacIm 24  atha devAs tam evAhur gurum aGgirasAM varam  kathaM sunItaM tu bhaven mantrayasva bRhaspate 25  nahuSaM yAcatAM devI kiM cit kAlAntaraM zubhA  indrANI hitam etad dhi tathAsmAkaM bhaviSyati 26  bahuvighnakaraH kAlaH kAlaH kAlaM nayiSyati  darpito balavAMz cApi nahuSo varasaMzrayAt 27  tatas tena tathokte tu prItA devAs tam abruvan  brahman sAdhv idam uktaM te hitaM sarvadivaukasAm  evam etad dvijazreSTha devI ceyaM prasAdyatAm 28  tataH samastA indrANIM devAH sAgnipurogamAH  Ucur vacanam avyagrA lokAnAM hitakAmyayA 29  tvayA jagad idaM sarvaM dhRtaM sthAvarajaGgamam  ekapatny asi satyA ca gacchasva nahuSaM prati 30  kSipraM tvAm abhikAmaz ca vinaziSyati pArthivaH  nahuSo devi zakraz ca suraizvaryam avApsyati 31  evaM vinizcayaM kRtvA indrANI kAryasiddhaye  abhyagacchata savrIDA nahuSaM ghoradarzanam 32  dRSTvA tAM nahuSaz cApi vayo rUpasamanvitAm  samahRSyata duSTAtmA kAmopahata cetanaH   |



|  1   [S]  atha tAm abravId dRSTvA nahuSo devarAT tadA  trayANAm api lokAnAm aham indraH zucismite  bhajasva mAM varArohe patitve varavarNini 2  evam uktA tu sA devI nahuSeNa pativratA  prAvepata bhayodvignA pravAte kadalI yathA 3  namasya sA tu brahmANaM kRtvA zirasi cAJjalim  devarAjam athovAca nahuSaM ghoradarzanam 4  kAlam icchAmy ahaM labdhuM kiM cit tvattaH surezvara  na hi vijJAyate zakraH prAptaH kiM vA kva vA gataH 5  tattvam etat tu vijJAya yadi na jJAyate prabho  tato 'haM tvAm upasthAsye satyam etad bravImi te  evam uktaH sa indrANyA nahuSaH prItimAn abhUt 6  evaM bhavatu suzroNiyathA mAm abhibhASase  jJAtvA cAgamanaM kAryaM satyam etad anusmareH 7  nahuSeNa visRSTA ca nizcakrAma tataH zubhA  bRhaspatiniketaM sA jagAma ca tapasvinI 8  tasyAH saMzrutya ca vaco devAH sAgnipurogamAH  mantrayAm Asur ekAgrAH zakrArthaM rAjasattama 9  devadevena saMgamya viSNunA prabhaviSNunA  Ucuz cainaM samudvignA vAkyaM vAkyavizAradAH 10  brahmahatyAbhibhUto vai zakraH suragaNezvaraH  gatiz ca nas tvaM deveza pUrvajo jagataH prabhuH  rakSArthaM sarvabhUtAnAM viSNutvam upajagmivAn 11  tvadvIryAn nihate vRtre vAsavo brahmahatyayA  vRtaH suragaNazreSTha mokSaM tasya vinirdiza 12  teSAM tad vacanaM zrutvA devAnAM viSNur abravIt  mAm eva yajatAM zakraH pAvayiSyAmi vajriNam 13  puNyena hayamedhena mAm iSTvA pAkazAsanaH  punar eSyati devAnAm indratvam akutobhayaH 14  svakarmabhiz ca nahuSo nAzaM yAsyati durmatiH  kaM cit kAlam imaM devA marSayadhvam atandritAH 15  zrutvA viSNoH zubhAM satyAM tAM vANIm amRtopamAm  tataH sarve suragaNAH sopAdhyAyAH saharSibhiH  yatra zakro bhayodvignas taM dezam upacakramuH 16  tatrAzvamedhaH sumahAn mahendrasya mahAtmanaH  vavRte pAvanArthaM vai brahmahatyApaho nRpa 17  vibhajya brahmahatyAM tu vRkSeSu ca nadISu ca  parvateSu pRthivyAM ca strISu caiva yudhiSThira 18  saMvibhajya ca bhUteSu visRjya ca surezvaraH  vijvaraH pUtapApmA ca vAsavo 'bhavad AtmavAn 19  akampyaM nahuSaM sthAnAd dRSTvA ca balasUdanaH  tejo ghnaM sarvabhUtAnAM varadAnAc ca duHsaham 20  tataH zacIpatir vIraH punar eva vyanazyata  adRzyaH sarvabhUtAnAM kAlAkAGkSI cacAra ha 21  pranaSTe tu tataH zakre zacI zokasamanvitA  hA zakreti tadA devI vilalApa suduHkhitA 22  yadi dattaM yadi hutaM guravas toSitA yadi  ekabhartRtvam evAstu satyaM yady asti vA mayi 23  puNyAM cemAm ahaM divyAM pravRttAm uttarAyaNe  devIM rAtriM namasyAmi sidhyatAM me manorathaH 24  prayatA canizAM devIm upAtiSThata tatra sA  pativratAtvAt satyena sopazrutim athAkarot 25  yatrAste devarAjo 'sau taM dezaM darzayasva me  ity AhopazrutiM devI satyaM satyena dRzyatAm   |

 

|  1   [S]  athainAM rupiNIM sAdhvIm upAtiSThad upazrutiH  tAM vayo rUppa saMpannAM dRSTvA devIm upasthitAm 2  indrANI saMprahRSTA sA saMpUjyainAm apRcchata  icchAmi tvAm ahaM jJAtuM kA tvaM brUhi varAnane 3  upazrutir ahaM devi tavAntikam upAgatA  darzanaM caiva saMprAptA tava satyena toSitA 4  pativratAsi yuktA ca yamena niyamena ca  darzayiSyAmi te zakraM devaM vRtraniSUdanam  kSipram anvehi bhadraM te drakSyase surasattamam 5  tatas tAM prasthitAM devIm indrANI sA samanvagAt  devAraNyAny atikramya parvatAMz ca bahUMs tataH  himavantam atikramya uttaraM pArzvam Agamat 6  samudraM ca samAsAdya bahuyojanavistRtam  AsasAda mahAdvIpaM nAnAdrumalatA vRtam 7  tatrApazyat saro divyaM nAnAzakunibhir vRtam  zatayojanavistIrNaM tAvad evAyataM zubham 8  tatra divyAni padmAni paJca varNAni bhArata  SaTpadair upagItAni praphullAni sahasrazaH 9  padmasya bhittvA nAlaM ca viveza sahitA tayA  visa tantu praviSTaM ca tatrApazyac chatakratum 10  taM dRSTvA ca susUkSmeNa rUpeNAvasthitaM prabhum  sUkSmarUpadharA devI babhUvopazrutiz ca sA 11  indraM tuSTAva cendrANI vizrutaiH pUrvakarmabhiH  stUyamAnas tato devaH zacIm Aha puraMdaraH 12  kimartham asi saMprAptA vijJAtaz ca kathaM tv aham  tataH sA kathayAm Asa nahuSasya viceSTitam 13  indratvaM triSu lokeSu prApya vIryamadAnvitaH  darpAviSTaz ca duSTAtmA mAm uvAca zatakrato  upatiSTha mAm iti krUraH kAlaM ca kRtavAn mama 14  yadi na trAsyasi vibho kariSyati sa mAM vaze  etena cAhaM saMtaptA prAptA zakra tavAntikam  jahi raudraM mahAbAho nahuSaM pApanizcayam 15  prakAzayasva cAtmAnaM daityadAnava sUdana  tejaH samApnuhi vibho devarAjyaM prazAdhi ca   |



|  1   [S]  evam uktaH sa bhagavAJ zacyA punar athAbravIt  vikramasya na kAlo 'yaM nahuSo balavattaraH 2  vivardhitaz ca RSibhir havyaiH kavyaiz ca bhAmini  nItim atra vidhAsyAmi devi tAM kartum arhasi 3  guhyaM caitat tvayA kAryaM nAkhyAtavyaM zubhe kva cit  gatvA nahuSam ekAnte bravIhi tanumadhyame 4  RSiyAnena divyena mAm upaihi jagatpate  evaM tava vaze prItA bhaviSyAmIti taM vada 5  ity uktA devarAjena patnI sA kamalekSaNA  evam astv ity athoktvA tu jagAma nahuSaM prati 6  nahuSas tAM tato dRSTvA vismito vAkyam abravIt  svAgataM te varArohe kiM karomi zucismite 7  bhaktaM mAM bhaja kalyANi kim icchasi manasvini  tava kalyANi yat kAryaM tat kariSye sumadhyame 8  na ca vrIDA tvayA kAryA suzroNi mayi vizvasa  satyena vai zape devi kartAsmi vacanaM tava 9  yo me tvayA kRtaH kAlas tam AkAGkSe jagatpate  tatas tvam eva bhartA me bhaviSyasi surAdhipa 10  kAryaM ca hRdi me yat tad devarAjAvadhAraya  vakSyAmi yadi me rAjan priyam etat kariSyasi  vAkyaM praNayasaMyuktaM tataH syAM vazagA tava 11  indrasya vAjino vAhA hastino 'tha rathAs tathA  icchAmy aham ihApUrvaM vAhanaM te surAdhipa  yan na viSNor na rudrasya nAsurANAM na rakSasAm 12  vahantu tvAM mahArAja RSayaH saMgatA vibho  sarve zibikayA rAjann etad dhi mama rocate 13  nAsureSu na deveSu tulyo bhavitum arhasi  sarveSAM teja Adatsva svena vIryeNa darzanAt  na te pramukhataH sthAtuM kaz cid icchati vIryavAn 14  evam uktas tu nahuSaH prAhRSyata tadA kila  uvAca vacanaM cApi surendras tAm aninditAm 15  apUrvaM vAhanam idaM tvayoktaM varavarNini  dRDhaM me rucitaM devi tvadvazo 'smi varAnane 16  na hy alpavIryo bhavati yo vAhAn kurute munIn  ahaM tapasvI balavAn bhUtabhavya bhavat prabhuH 17  mayi kruddhe jagan na syAn mayi sarvaM pratiSThitam  devadAnavagandharvAH kiMnaroragarAkSasAH 18  na me kruddhasya paryAptAH sarve lokAH zucismite  cakSuSA yaM prapazyAmi tasya tejo harAmy aham 19  tasmAt te vacanaM devi kariSyAmi na saMzayaH  saptarSayo mAM vakSyanti sarve brahmarSayas tathA  pazya mAhAtmyam asmAkam RddhiM ca varavarNini 20  evam uktvA tu tAM devIM visRjya ca varAnanAm  vimAne yojayitvA sa RSIn niyamam AsthitAn 21  abrahmaNyo balopeto matto varamadena ca  kAmavRttaH sa duSTAtmA vAhayAm Asa tAn RSIn 22  nahuSeNa visRSTA ca bRhaspatim uvAca sA  samayo 'lpAvazeSo me nahuSeNeha yaH kRtaH  zakraM mRgaya zIghraM tvaM bhaktAyAH kuru me dayAm 23  bADham ity eva bhagavAn bRhaspatir uvAca tAm  na bhetavyaM tvayA devi nahuSAd duSTacetasaH 24  na hy eSa sthAsyati ciraM gata eSa narAdhamaH  adharmajJo maharSINAM vAhanAc ca hataH zubhe 25  iSTiM cAhaM kariSyAmi vinAzAyAsya durmateH  zakraM cAdhigamiSyAmi mA bhais tvaM bhadram astu te 26  tataH prajvAlya vidhivaj juhAva paramaM haviH  bRhaspatir mahAtejA devarAjopalabdhaye 27  tasmAc ca bhagavAn devaH svayam eva hutAzanaH  strI veSam adbhutaM kRtvA sahasAntar adhIyata 28  sa dizaH pradizaz caiva parvatAMz ca vanAni ca  pRthivIM cAntarikSaM ca vicIyAtimano gatiH  nimeSAntaramAtreNa bRhaspatim upAgamat 29  bRhaspate na pazyAmi devarAjam ahaM kva cit  ApaH zeSAH sadA cApaH praveSTuM notsahAmy aham  na me tatra gatir brahman kim anyat karavANi te 30  tam abravId deva gurur apo viza mahAdyute 31  nApaH praveSTuM zakSyAmi kSayo me 'tra bhaviSyati  zaraNaM tvAM prapanno 'smi svasti te 'stu mahAdyute 32  adbhyo 'gnir brahmataH kSatram azmano loham utthitam  teSAM sarvatragaM tejaH svAsu yoniSu zAmyati   |



|  1   [bR]  tvam agne sarvadevAnAM mukhaM tvam asi havyavAT  tvam antaH sarvabhUtAnAM gUDhaz carasi sAkSivat 2  tvAm Ahur ekaM kavayas tvAm Ahus trividhaM punaH  tvayA tyaktaM jagac cedaM sadyo nazyed dhutAzana 3  kRtvA tubhyaM namo viprAH svakarma vijitAM gatim  gacchanti saha patnIbhiH sutair api ca zAzvatIm 4  tvam evAgne havyavAhas tvam eva paramaM haviH  yajanti satrais tvAm eva yajJaiz ca paramAdhvare 5  sRSTvA lokAMs trIn imAn havyavAha; prApte kAle pacasi punaH samiddhaH  sarvasyAsya bhuvanasya prasUtis; tvam evAgre bhavasi punaH pratiSThA 6  tvAm agne jaladAn Ahur vidyutaz ca tvam eva hi  dahanti sarvabhUtAni tvatto niSkramya hAyanAH 7  tvayy Apo nihitAH sarvAs tvayi sarvam idaM jagat  na te 'stv aviditaM kiM cit triSu lokeSu pAvaka 8  svayoniM bhajate sarvo vizasvApo 'vizaGkitaH  ahaM tvAM vardhayiSyAmi brAhmair mantraiH sanAtanaiH 9  evaM stuto havyavAho bhagavAn kavir uttamaH  bRhaspatim athovAca prItimAn vAkyam uttamam  darzayiSyAmi te zakraM satyam etad bravImi te 10  pravizyApas tato vahniH sa samudrAH sa palvalAH  AjagAma saras tac ca gUDho yatra zatakratuH 11  atha tatrApi padmAni vicinvan bharatarSabha  anvapazyat sa devendraM visamadhyagataM sthitam 12  Agatya ca tatas tUrNaM tam AcaSTa bRhaspateH  aNu mAtreNa vapuSA padmatantv AzritaM prabhum 13  gatvA devarSigandharvaiH sahito 'tha bRhaspatiH  purANaiH karmabhir devaM tuSTAva balasUdanam 14  mahAsuro hataH zakra namucir dAruNas tvayA  zambaraz ca balaz caiva tathobhau ghoravikramau 15  zatakrato vivardhasva sarvAJ zatrUn niSUdaya  uttiSTha vajrin saMpazya devarSIMz ca samAgatAn 16  mahendra dAnavAn hatvA lokAs trAtAs tvayA vibho  apAM phenaM samAsAdya viSNutejopabRMhitam  tvayA vRtro hataH pUrvaM devarAjajagatpate 17  tvaM sarvabhUteSu vareNya IDyas; tvayA samaM vidyate neha bhUtam  tvayA dhAryante sarvabhUtAni zakra; tvaM devAnAM mahimAnaM cakartha 18  pAhi devAn sa lokAMz ca mahendra balam Apnuhi  evaM saMstUyamAnaz ca so 'vardhata zanaiH zanaiH 19  svaM caiva vapur AsthAya babhUva sabalAnvitaH  abravIc ca guruM devo bRhaspatim upasthitam 20  kiM kAryam avaziSTaM vo hatas tvASTro mahAsuraH  vRtraz ca sumahAkAyo grastuM lokAn iyeSa yaH 21  mAnuSo nahuSo rAjA devarSigaNatejasA  devarAjyam anuprAptaH sarvAn no bAdhate bhRzam 22  kathaM nu nahuSo rAjyaM devAnAM prApa durlabham  tapasA kena vA yuktaH kiM vIryo vA bRhaspate 23  devA bhItAH zakram akAmayanta; tvayA tyaktaM mahad aindraM padaM tat  tadA devAH pitaro 'tharSayaz ca; gandharvasaMghAz ca sametya sarve 24  gatvAbruvan nahuSaM zakra tatra; tvaM no rAjA bhava bhuvanasya goptA  tAn abravIn nahuSo nAsmi zakra; ApyAyadhvaM tapasA tejasA ca 25  evam uktair vardhitaz cApi devai; rAjAbhavan nahuSo ghoravIryaH  trailokye ca prApya rAjyaM tapasvinaH; kRtvA vAhAn yAti lokAn durAtmA 26  tejo haraM dRSTiviSaM sughoraM; mA tvaM pazyer nahuSaM vai kadA cit  devAz ca sarve nahuSaM bhayArtA; na pazyanto gUDharUpAz caranti 27  evaM vadaty aGgirasAM variSThe; bRhaspatau lokapAlaH kuberaH  vaivasvataz caiva yamaH purANo; devaz ca somo varuNaz cAjagAma 28  te vai samAgamya mahendram Ucur; diSTyA tvASTro nihataz caiva vRtraH  diSTyA ca tvAM kuzalinam akSataM ca; pazyAmo vai nihatAriM ca zakra 29  sa tAn yathAvat pratibhASya zakraH; saMcodayan nahuSasyAntareNa  rAjA devAnAM nahuSo ghorarUpas; tatra sAhyaM dIyatAM me bhavadbhiH 30  te cAbruvan nahuSo ghorarUpo; dRSTI viSas tasya bibhIma deva  tvaM ced rAjan nahuSaM parAjayes; tad vai vayaM bhAgam arhAma zakra 31  indro 'bravId bhavatu bhavAn apAM patir; yamaH kuberaz ca mahAbhiSekam  saMprApnuvantv adya sahaiva tena; ripuM jayAmo nahuSaM ghoradRSTim 32  tataH zakraM jvalano 'py Aha bhAgaM; prayaccha mahyaM tava sAhyaM kariSye  tam Aha zakro bhavitAgne tavApi; aindrAgno vai bhAga eko mahAkratau 33  evaM saMcintya bhagavAn mahendraH pAkazAsanaH  kuberaM sarvayakSANAM dhanAnAM ca prabhuM tathA 34  vaivasvataM pitRRNAM ca varuNaM cApy apAM tathA  AdhipatyaM dadau zakraH satkRtya varadas tadA   |



|  1   [S]  atha saMcintayAnasya devarAjasya dhImataH  nahuSasya vadhopAyaM lokapAlaiH sahaiva taiH  tapasvI tatra bhagavAn agastyaH pratyadRzyata 2  so 'bravId arcya devendraM diSTyA vai vardhate bhavAn  vizvarUpavinAzena vRtrAsuravadhena ca 3  diSTyA ca nahuSo bhraSTo devarAjyAt puraMdara  diSTyA hatAriM pazyAmi bhavantaM balasUdana 4  svAgataM te maharSe 'stu prIto 'haM darzanAt tava  pAdyam AcamanIyaM ca gAm arghyaM ca pratIccha me 5  pUjitaM copaviSTaM tam Asane munisattamam  paryapRcchata devezaH prahRSTo brAhmaNarSabham 6  etad icchAmi bhagavan kathyamAnaM dvijottama  paribhraSTaH kathaM svargAn nahuSaH pApanizcayaH 7  zRNu zakra priyaM vAkyaM yathA rAjA durAtmavAn  svargAd bhraSTo durAcAro nahuSo baladarpitaH 8  zramArtAs tu vahantas taM nahuSaM pApakAriNam  devarSayo mahAbhAgAs tathA brahmarSayo 'malAH  papracchuH saMzayaM deva nahuSaM jayatAM vara 9  ya ime brahmaNA proktA mantrA vai prokSaNe gavAm  ete pramANaM bhavata utAho neti vAsava  nahuSo neti tAn Aha tamasA mUDha cetanaH 10  adharme saMpravRttas tvaM dharmaM na pratipadyase  pramANam etad asmAkaM pUrvaM proktaM maharSibhiH 11  tato vivadamAnaH sa munibhiH saha vAsava  atha mAm aspRzan mUrdhni pAdenAdharmapIDitaH 12  tenAbhUd dhuta tejAH sa niHzrIkaz ca zacIpate  tatas tam aham Avignam avocaM bhayapIDitam 13  yasmAt pUrvaiH kRtaM brahma brahmarSibhir anuSThitam  aduSTaM dUSayasi vai yac ca mUrdhny aspRzaH padA 14  yac cApi tvam RSIn mUDha brahmakalpAn durAsadAn  vAhAn kRtvA vAhayasi tena svargAd dhataprabhaH 15  dhvaMsa pApaparibhraSTaH kSINapuNyo mahItalam  dazavarSasahasrANi sarparUpadharo mahAn  vicariSyasi pUrNeSu punaH svargam avApsyasi 16  evaM bhraSTo durAtmA sa devarAjyAd ariMdama  diSTyA vardhAmahe zakra hato bAhmaNa kaNTakaH 17  triviSTapaM prapadyasva pAhi lokAJ zacIpate  jitendriyo jitAmitraH stUyamAno maharSibhiH 18  tato devA bhRSaM tuSTA maharSigaNasaMvRtAH  pitaraz caiva yakSAz ca bhujagA rAkSasAs tathA 19  gandharvA devakanyAz ca sarve cApsarasAM gaNAH  sarAMsi saritaH zailAH sAgarAz ca vizAM pate 20  upagamyAbruvan sarve diSTyA vardhasi zatruhan  hataz ca nahuSaH pApo diSTyAgastyena dhImatA  diSTyA pApasamAcAraH kRtaH sarpo mahItale   |



|  1   [S]  tataH zakraH stUyamAno gandharvApsarasAM gaNaiH  airAvataM samAruhya dvipendraM lakSaNair yutam 2  pAvakaz ca mahAtejA maharSiz ca bRhaspatiH  yamaz ca varuNaz caiva kuberaz ca dhanezvaraH 3  sarvair devaiH parivRtaH zakro vRtraniSUdanaH  gandharvair apsarobhiz ca yAtas tribhuvanaM prabhuH 4  sa sametya mahendrANyA devarAjaH zatakratuH  mudA paramayA yuktaH pAlayAm Asa devarAT 5  tataH sa bhagavAMs tatra aGgirAH samadRzyata  atharvaveda mantraiz ca devendraM samapUjayat 6  tatas tu bhagavAn indraH prahRSTaH samapadyata  varaM ca pradadau tasmai atharvAGgirase tadA 7  atharvAGgirasaM nAma asmin vede bhaviSyati  udAharaNam etad dhi yajJabhAgaM ca lapsyase 8  evaM saMpUjya bhagavAn atharvAGgirasaM tadA  vyasarjayan mahArAja devarAjaH zatakratuH 9  saMpUjya sarvAMs tridazAn RSIMz cApi tapodhanAn  indraH pramudito rAjan dharmeNApAlayat prajAH 10  evaM duHkham anuprAptam indreNa saha bhAryayA  ajJAtavAsaz ca kRtaH zatrUNAM vadhakAGkSayA 11  nAtra manyus tvayA kAryo yat kliSTo 'si mahAvane  draupadyA saha rAjendra bhrAtRbhiz ca mahAtmabhiH 12  evaM tvam api rAjendra rAjyaM prApsyasi bhArata  vRtraM hatvA yathA prAptaH zakraH kauravanandana 13  durAcAraz ca nahuSo brahma dviT pApacetanaH  agastyapAzAbhihato vinaSTaH zAzvatIM samAH 14  evaM tava durAtmAnaH zatravaH zatrusUdana  kSipraM nAzaM gamiSyanti karNaduryodhanAdayaH 15  ataH sAgaraparyantAM bhokSyase medinIm imAm  bhrAtRbhiH sahito vIra draupadyA ca sahAbhibho 16  upAkhyAnam idaM zakra vijayaM veda saMmitam  rAjJA vyUDheSv anIkeSu zrotavyaM jayam icchatA 17  tasmAt saMzrAvayAmi tvAM vijayaM jayatAM vara  saMstUyamAnA vardhante mahAtmAno yudhiSThira 18  kSatriyANAm abhAvo 'yaM yudhiSThira mahAtmanAm  duryodhanAparAdhena bhImArjunabalena ca 19  AkhyAnam indra vijayaM ya idaM niyataH paThet  dhUtapApmA jitasvargaH sa pretyeha ca modate 20  na cArijaM bhayaM tasya na cAputro bhaven naraH  nApadaM prApnuyAt kAM cid dIrgham Ayuz ca vindati  sarvatra jayam Apnoti na kadA cit parAjayam 21  evam AzvAsito rAjA zalyena bharatarSabha  pUjayAm Asa vidhivac chalyaM dharmabhRtAM varaH 22  zrutvA zalyasya vacanaM kuntIputro yudhiSThiraH  pratyuvAca mahAbAhur madrarAjam idaM vacaH 23  bhavAn karNasya sArathyaM kariSyati na saMzayaH  tatra tejovadhaH kAryaH karNasya mama saMstavaiH 24  evam etat kariSyAmi yathA mAM saMprabhASase  yac cAnyad api zakSyAmi tat kariSyAmy ahaM tava 25  tata Amantrya kaunteyAJ zalyo madrAdhipas tadA  jagAma sabalaH zrImAn duryodhanam ariMdamaH   |



|  1   [v]  yuyudhAnas tato vIraH sAtvatAnAM mahArathaH  mahatA caturaGgeNa balenAgAd yudhiSThiram 2  tasya yodhA mahAvIryA nAnAdezasamAgatAH  nAnApraharaNA vIrAH zobhayAM cakrire balam 3  parazvadhair bhiNDa bAlaiH zaktitomaramudgaraiH  zaktyRSTi parazu prAsaiH karavAlaiz ca nirmalaiH 4  khaDgakArmukaniryUhaiH zaraiz ca vividhair api  tailadhautaiH prakAzadbhis tad azobhata vai balam 5  tasya meghaprakAzasya zastrais taiH zobhitasya ca  babhUva rUpaM sainyasya meghasyeva sa vidyutaH 6  akSauhiNI hi senA sA tadA yaudhiSThiraM balam  pravizyAntar dhadhe rAjan sAgaraM kunadI yathA 7  tathaivAkSauhiNIM gRhya cedInAm RSabho balI  dhRSTaketur upAgacchat pANDavAn amitaujasaH 8  mAgadhaz ca jayatseno jarAsaMdhir mahAbalaH  akSauhiNyaiva sainyasya dharmarAjam upAgamat 9  tathaiva pANDyo rAjendra sAgarAnUpavAsibhiH  vRto bahuvidhair yodhair yudhiSThiram upAgamat 10  tasya sainyam atIvAsIt tasmin balasamAgame  prekSaNIyataraM rAjan suveSaM balavat tadA 11  drupadasyApy abhUt senA nAnAdezasamAgataiH  zobhitA puruSaiH zUraiH putraiz cAsya mahArathaiH 12  tathaiva rAjA matsyAnAM virATo vAhinIpatiH  pArvatIyair mahIpAlaiH sahitaH pANDavAn iyAt 13  itaz cetaz ca pANDUnAM samAjagmur mahAtmanAm  akSauhiNyas tu saptaiva vividhadhvajasaMkulAH  yuyutsamAnAH kurubhiH pANDavAn samaharSayan 14  tathaiva dhArtarASTrasya harSaM samabhivardhayan  bhagadatto mahIpAlaH senAm akSauhiNIM dadau 15  tasya cInaiH kirAtaiz ca kAJcanair iva saMvRtam  babhau balam anAdhRSyaM karNikAravanaM yathA 16  tathA bhUrizravAH zUraH zalyaz ca kurunandana  duryodhanam upAyAtAv akSauhiNyA pRthak pRthak 17  kRtavarmA ca hArdikyo bhojAndhakabalaiH saha  akSauhiNyaiva senAyA duryodhanam upAgamat 18  tasya taiH puruSavyAghrair vanamAlA dharair balam  azobhata yathAmattair vanaM prakrIDitair gajaiH 19  jayadratha mukhAz cAnye sindhusauvIravAsinaH  AjagmuH pRthivIpAlAH kampayanta ivAcalAn 20  teSAm akSauhiNI senA bahulA vibabhau tadA  vibhUyamAnA vAtena bahurUpA ivAmbudAH 21  sudakSiNaz ca kAmbojo yavanaiz ca zakais tathA  upAjagAma kauravyam akSauhiNyA vizAM pate 22  tasya senA samAvAyaH zalabhAnAm ivAbabhau  sa ca saMprApya kauravyaM tatraivAntar dadhe tadA 23  tathA mAhiSmatI vAsI nIlo nIlAyudhaiH saha  mahIpAlo mahAvIryair dakSiNApathavAsibhiH 24  Avantyau ca mahIpAlau mahAbalasu saMvRtau  pRthag akSauhiNIbhyAM tAv abhiyAtau suyodhanam 25  kekayAz ca naravyAghrAH sodaryAH paJca pArthivAH  saMharSayantaH kauravyam akSauhiNyA samAdravan 26  itaz cetaz ca sarveSAM bhUmipAnAM mahAtmanAm  tisro 'nyAH samavartanta vAhinyo bharatarSabha 27  evam ekAdazAvRttAH senA duryodhanasya tAH  yuyutsamAnAH kaunteyAn nAnA dhvajasamAkulAH 28  na hAstinapure rAjann avakAzo 'bhavat tadA  rAjJAM sabalamukhyAnAM prAdhAnyenApi bhArata 29  tataH paJcanadaM caiva kRtsnaM ca kurujAGgalam  tathA rohita kAraNyaM maru bhUmiz ca kevalA 30  ahic chatraM kAlakUTaM gaGgAkUlaM ca bhArata  vAraNA vATadhAnaM ca yAmunaz caiva parvataH 31  eSa dezaH suvistIrNaH prabhUtadhanadhAnyavAn  babhUva kauraveyANAM balena susamAkulaH 32  tatra sainyaM tathAyuktaM dadarza sa purohitaH  yaH sapAJcAlarAjena preSitaH kauravAn prati   |



|  1   [v]  sa tu kauravyam AsAdya drupadasya purohitaH  satkRto dhRtarASTreNa bhISmeNa vidureNa ca 2  sarvaM kauzalyam uktvAdau pRSTvA caivam anAmayam  sarvasenApraNetRRNAM madhye vAkyam uvAca ha 3  sarvair bhavadbhir vidito rAjadharmaH sanAtanaH  vAkyopAdAna hetos tu vakSyAmi vidite sati 4  dhRtaraSTraz ca pANDuz ca sutAv ekasya vizrutau  tayoH samAnaM draviNaM paitRkaM nAtra saMzayaH 5  dhRtarASTrasya ye putrAs te prAptAH paitRkaM vasu  pANDuputrAH kathaM nAma na prAptAH paitRkaM vasu 6  evaMgate pANDaveyair viditaM vaH purA yathA  na prAptaM paitRkaM dravyaM dhArtarASTreNa saMvRtam 7  prANAntikair apy upAyaiH prayatadbhir anekazaH  zeSavanto na zakitA nayituM yamasAdanam 8  punaz ca vardhitaM rAjyaM svabalena mahAtmabhiH  chadmanApahRtaM kSudrair dhArtarASTraH sa saubalaiH 9  tad apy anumataM karma tathAyuktam anena vai  vAsitAz ca mahAraNye varSANIha trayodaza 10  sabhAyAM klezitair vIraiH saha bhAryais tathA bhRzam  araNye vividhAH klezAH saMprAptAs taiH sudAruNAH 11  tathA virATanagare yonyantaragatair iva  prAptaH paramasaMklezo yathA pApair mahAtmabhiH 12  te sarve pRSThataH kRtvA tat sarvaM pUrvakilbiSam  sAmaiva kurubhiH sArdham icchanti kurupuMgavAH 13  teSAM ca vRttam AjJAya vRttaM duryodhanasya ca  anunetum ihArhanti dhRtarASTraM suhRjjanAH 14  na hi te vigrahaM vIrAH kurvanti kurubhiH saha  avinAzena lokasya kAGkSante pANDavAH svakam 15  yaz cApi dhArtarASTrasya hetuH syAd vigrahaM prati  sa ca hetur na mantavyo balIyAMsas tathA hi te 16  akSauhiNyo hi saptaiva dharmaputrasya saMgatAH  yuyutsamAnAH kurubhiH pratIkSante 'sya zAsanam 17  apare puruSavyAghrAH sahasrAkSauhiNI samAH  sAtyakir bhImasenaz ca yamau ca sumahAbalau 18  ekAdazaitAH pRtanA ekataz ca samAgatAH  ekataz ca mahAbAhur bahurUpo dhanaMjayaH 19  yathA kirITI senAbhyaHsarvAbhyo vyatiricyate  evam eva mahAbAhur vAsu devo mahAdyutiH 20  bahulatvaM ca senAnAM vikramaM ca kirITinaH  buddhimattAM ca kRSNasya buddhvA yudhyeta ko naraH 21  te bhavanto yathA dharmaM yathA samayam eva ca  prayacchantu pradAtavyaM mA vaH kAlo 'tyagAd ayam   |



|  1   [v]  tasya tad vacanaM zrutvA prajJAvRddho mahAdyutiH  saMpUjyainaM yathAkAlaM bhISmo vacanam abravIt 2  diSTyA kuzalinaH sarve pANDavAH saha bAndhavaiH  diSTyA sahAyavantaz ca diSTyA dharme ca te ratAH 3  diSTyA ca saMdhikAmAs te bhrAtaraH kurunandanAH  diSTyA na yuddhamanasaH saha dAmodareNa te 4  bhavatA satyam uktaM ca sarvam etan na saMzayaH  atitIkSNaM tu te vAkyaM brAhmaNyAd iti me matiH 5  asaMzayaM klezitAs te vane ceha ca pANDavAH  prAptAz ca dharmataH sarvaM pitur dhanam asaMzayam 6  kirITI balavAn pArthaH kRtAstraz ca mahAbalaH  ko hi pANDusutaM yuddhe viSaheta dhanaMjayam 7  api vajradharaH sAkSAt kim utAnye dhanur bhRtaH  trayANAm api lokAnAM samartha iti me matiH 8  bhISme bruvati tad vAkyaM dhRSTam AkSipya manyumAn  duryodhanaM samAlokya karNo vacanam abravIt 9  na tan na viditaM brahmam*l loke bhUtena kena cit  punar uktena kiM tena bhASitena punaH punaH 10  duryodhanArthe zakunir dyUte nirjitavAn purA  samayena gato 'raNyaM pANDuputro yudhiSThiraH 11  na taM samayam AdRtya rAjyam icchati paitRkam  balam Azritya matsyAnAM pAJcAlAnAM ca pArthivaH 12  duryodhano bhayAd vidvan na dadyAt padam antataH  dharmatas tu mahIM kRtsnAM pradadyAc chatrave 'pi ca 13  yadi kAGkSanti te rAjyaM pitRpaitAmahaM punaH  yathApratijJaM kAlaM taM carantu vanam AzritAH 14  tato duryodhanasyAGke vartantAm akutobhayAH  adhArmikAm imAM buddhiM kuryur maurkhyAd dhi kevalam 15  atha te dharmam utsRjya yuddham icchanti pANDavAH  AsAdyemAn kuruzreSThAn smariSyanti vaco mama 16  kiM nu rAdheya vAcA te karma tat smartum arhasi  eka eva yadA pArthaH SaD rathAJ jitavAn yudhi 17  na ced evaM kariSyAmo yad ayaM brAhmaNo 'bravIt  dhruvaM yudhi hatAs tena bhakSayiSyAma pAMsukAn 18  dhRtarASTras tato bhISmam anumAnya prasAdya ca  avabhartsya ca rAdheyam idaM vacanam abravIt 19  asmaddhitam idaM vAkyaM bhISmaH zAMtanavo 'bravIt  pANDavAnAM hitaM caiva sarvasya jagatas tathA 20  cintayitvA tu pArthebhyaH preSayiSyAmi saMjayam  sa bhavAn pratiyAtv adya pANDavAn eva mAciram 21  sa taM satkRtya kauravyaH preSayAm Asa pANDavAn  sabhAmadhye samAhUya saMjayaM vAkyam abravIt   |



|  1   [dhR]  prAptAn AhuH saMjaya pANDuputrAn; upaplavye tAn vijAnIhi gatvA  ajAtazatruM ca sabhAjayethA; diSTyAnagha grAmam upasthitas tvam 2  sarvAn vadeH saMjaya svastimantaH; kRcchraM vAsam atadarhA niruSya  teSAM zAntir vidyate 'smAsu zIghraM; mithyopetAnAm upakAriNAM satAm 3  nAhaM kva cit saMjaya pANDavAnAM; mithyAvRttiM kAM cana jAtv apazyam  sarvAM zriyaM hy AtmavIryeNa labdhvA; paryAkArSuH pANDavA mahyam eva 4  doSaM hy eSAM nAdhigacche parikSan; nityaM kaM cid yena garheya pArthAn  dharmArthAbhyAM karma kurvanti nityaM; sukhapriyA nAnurudhyanti kAmAn 5  dharmaM zItaM kSutpipAse tathaiva; nidrAM tandrIM krodhaharSau pramAdam  dhRtyA caiva prajJayA cAbhibhUya; dharmArthayogAn prayatanti pArthAH 6  tyajanti mitreSu dhanAni kAle; na saMvAsAj jIryati maitram eSAm  yathArha mAnArtha karA hi pArthAs; teSAM dveSTA nAsty AjamIDhasya pakSe 7  anyatra pApAd viSamAn mandabuddher; duryodhanAt kSudratarAc ca karNAt  teSAM hIme hInasukhapriyANAM; mahAtmanAM saMjanayanti tejaH 8  utthAnavIryaH sukham edhamAno; duryodhanaH sukRtaM manyate tat  teSAM bhAgaM yac ca manyeta bAlaH; zakyaM hartuM jIvatAM pANDavAnAm 9  yasyArjunaH padavIM kezavaz ca; vRkodaraH sAtyako 'jAtazatroH  mAdrIputrau sRJjayAz cApi sarve; purA yuddhAt sAdhu tasya pradAnam 10  sa hy evaikaH pRthivIM savyasAcI; gANDIvadhanvA praNuded rathasthaH  tathA viSNuH kezavo 'py apradhRSyo; lokatrayasyAdhipatir mahAtmA 11  tiSTheta kas tasya martyaH purastAd; yaH sarvadeveSu vareNya IDyaH  parjanyaghoSAn pravapaJ zaraughAn; pataMgasaMghAn iva zIghravegAn 12  dizaM hy udIcIm api cottarAn kurUn; gANDIvadhanvaika ratho jigAya  dhanaM caiSAm Aharat savyasAcI; senAnugAn balidAMz caiva cakre 13  yaz caiva devAn khANDave savyasAcI; gANDIvadhanvA prajigAya sendrAn  upAharat phalguno jAtavedase; yazo mAnaM vardhayan pANDavAnAm 14  gadA bhRtAM nAdya samo 'sti; bhImAd dhasty Aroho nAsti samaz ca tasya  rathe 'rjunAd Ahur ahInam enaM; bAhvor bale cAyuta nAgavIryam 15  suzikSitaH kRtavairas tarasvI; dahet kruddhas tarasA dhArtarASTrAn  sadAtyamarSI balavAn na zakyo; yuddhe jetuM vAsavenApi sAkSAt 16  sucetasau balinau zIghrahastau; suzikSitau bhrAtarau phalgunena  zyenau yathA pakSipUgAn rujantau; mAdrIputrau neha kurUn vizetAm 17  teSAM madhye vartamAnas tarasvI; dhRSTadyumnaH pANDavAnAm ihaikaH  sahAmAtyaH somakAnAM prabarhaH; saMtyaktAtmA pANDavAnAM jayAya 18  sahoSitaz caritArtho vayaH sthaH; zAlveyAnAm adhipo vai virATaH  saha putraiH pANDavArthe ca zazvad; yudhiSThiraM bhakta iti zrutaM me 19  avaruddhA balinaH kekayebhyo; maheSvAsA bhrAtaraH paJca santi  kekayebhyo rAjyam AkAGkSamANA; yuddhArthinaz cAnuvasanti pArthAn 20  sarve ca vIrAH pRthivIpatInAM; samAnItAH pANDavArthe niviSTAH  zUrAn ahaM bhaktimataH zRNomi; prItyA yuktAn saMzritAn dharmarAjam 21  giryAzrayA durga nivAsinaz ca; yodhAH pRthivyAM kulajA vizuddhAH  mlecchAz ca nAnAyudha vIryavantaH; samAgatAH pANDavArthe niviSTAH 22  pANDyaz ca rAjAmita indrakalpo; yudhi pravIrair bahubhiH sametaH  samAgataH pANDavArthe mahAtmA; lokapravIro 'prativIrya tejAH 23  astraM droNAd arjunAd vAsudevAt; kRpAd bhISmAd yena kRtaM zRNomi  yaM taM kArSNi pratimaM prAhur ekaM; sa sAtyakiH pANDavArthe niviSTaH 24  apAzritAz cedikarUSakAz ca; sarvotsAhair bhUmipAlaiH sametAH  teSAM madhye sUryam ivAtapantaM; zriyA vRtaM cedipatiM jvalantam 25  astambhanIyaM yudhi manyamAnaM; jyA karSatAM zreSThatamaM pRthivyAm  sarvotsAhaM kSatriyANAM nihatya; prasahya kRSNas tarasA mamarda 26  yazo mAnau vardhayan yAdavAnAM; purAbhinac chizupAlaM samIke  yasya sarve vardhayanti sma mAnaM; karUSa rAjapramukhA narendrAH 27  tam asahyaM kezavaM tatra matvA; sugrIva yuktena rathena kRSNam  saMprAdravaMz cedipatiM vihAya; siMhaM dRSTvA kSudramRgA ivAnye 28  yas taM pratIpas tarasA pratyudIyAd; AzaMsamAno dvairathe vAsudevam  so 'zeta kRSNena hataH parAsur; vAtenevonmathitaH karNikAraH 29  parAkramaM me yad avedayanta; teSAm arthe saMjaya kezavasya  anusmaraMs tasya karmANi viSNor; gAvalgaNe nAdhigacchAmi zAntim 30  na jAtu tAJ zatrur anyaH saheta; yeSAM sa syAd agraNIr vRSNisiMhaH  pravepate me hRdayaM bhayena; zrutvA kRSNAv ekarathe sametau 31  no ced gacchet saMgaraM mandabuddhis; tAbhyAM suto me viparItacetAH  no cet kurUn saMjaya nirdahetAm; indrA viSNU daitya senAM yathaiva  mato hi me zakrasamo dhanaMjayaH; sanAtano vRSNivIraz ca viSNuH 32  dharmArAmo hrIniSedhas tarasvI; kuntIputraH pANDavo 'jAtazatruH  duryodhanena nikRto manasvI; no cet kruddha pradahed dhArtarASTrAn 33  nAhaM tathA hy arjunAd vAsudevAd; bhImAd vApi pradahed dhArtarASTrAn  yathA rAjJaH krodhadIptasya sUta; manyor ahaM bhItataraH sadaiva 34  alaM tapo brahmacaryeNa yuktaH; saMkalpo 'yaM mAnasas tasya sidhyet  tasya krodhaM saMjayAhaM simIke; sthAne jAnabhRzam asmy adya bhItaH 35  sa gaccha zIghraM prahito rathena; pAJcAlarAjasya camUM paretya  ajAtazatruM kuzalaM sma pRccheH; punaH punaH prItiyuktaM vades tvam 36  janArdanaM cApi sametya tAta; mahAmAtraM vIryavatAm udAram  anAmayaM madvacanena pRccher; dhRtarASTraH pANDavaiH zAntim IpsuH 37  na tasya kiM cid vacanaM na kuryAt; kuntIputro vAsudevasya sUta  priyaz caiSAm Atmasamaz ca kRSNo; vidvAMz caiSAM karmaNi nityayuktaH 38  samAnIya pANavAn sRJjayAMz ca; janArdanaM yuyudhAnaM virATam  anAmayaM madvacanena pRccheH; sarvAMs tathA draupadeyAMz ca paJca 39  yad yat tatra prAptakAlaM parebhyas; tvaM manyethA bhAratAnAM hitaM ca  tat tad bhASethAH saMjaya rAjamadhye; na mUrchayed yan na bhavec ca yuddham   |



|  1   [v]  rAjJas tu vacanaM zrutvA dhRtarASTrasya saMjayaH  upaplavyaM yayau draSTuM pANDavAn amitaujasaH 2  sa tu rAjAnam AsAdya dharmAtmAnaM yudhiSThiram  praNipatya tataH pUrvaM sUtaputro 'bhyabhASata 3  gAvalgaNiH saMjaya sUta sUnur; ajAtazatrum avadat pratItaH  diSTyA rAjaMs tvAm arogaM prapazye; sahAyavantaM ca mahendrakalpam 4  anAmayaM pRcchati tvAmbikeyo; vRddho rAjA dhRtarASTro manISI  kac cid bhImaH kuzalI pANDavAgryo; dhanaMjayas tau ca mAdrI tanUjau 5  kac cit kRSNA draupadI rAjaputrI; satyavratA vIra patnI saputrA  manasvinI yatra ca vAJchasi tvam; iSTAn kAmAn bhArata svasti kAmaH 6  gAvalgaNe saMjaya svAgataM te; prItAtmAhaM tvAbhivadAmi sUta  anAmayaM pratijAne tavAhaM; sahAnujaiH kuzalI cAsmi vidvan 7  cirAd idaM kuzalaM bharatasya; zrutvA rAjJaH kuruvRddhasya sUta  manye sAkSAd dRSTam ahaM narendraM; dRSTvaiva tvAM saMjaya prItiyogAt 8  pitAmaho naH sthaviro manasvI; mahAprajJaH sarvadharmopapannaH  sa kauravyaH kuzalI tAta bhISmo; yathApUrvaM vRttir apy asya kac cit 9  kac cid rAjA dhRtarASTraH saputro; vaicitra vIryaH kuzalI mahAtmA  mahArAjo bAhlikaH prAtipeyaH; kac cid vidvAn kuzalI sUtaputra 10  sa somadattaH kuzalI tAta kac cid; bhUrizravAH satyasaMdhaH zalaz ca  droNaH saputraz ca kRpaz ca vipro; maheSvAsAH kac cid ete 'py arogAH 11  mahAprAjJAH sarvazAstrAvadAtA; dhanur bhRtAM mukhyatamAH pRthivyAm  kac cin mAnaM tAta labhanta ete; dhanur bhRtaH kac cid ete 'py arogAH 12  sarve kurubhyaH spRhayanti saMjaya; dhanurdharA ye pRthivyAM yuvAnaH  yeSAM rASTre nivasati darzanIyo; maheSvAsaH zIlavAn droNaputraH 13  vaizyAputraH kuzalI tAta kac cin; mahAprAjJo rAjaputro yuyutsuH  karNo 'mAtyaH kuzalI tAta kac cit; suyodhano yasya mando vidheyaH 14  striyo vRddhA bhAratAnAM jananyo; mahAnasyo dAsabhAryAz ca sUta  vadhvaH putrA bhAgineyA bhaginyo; dauhitrA vA kac cid apy avyalIkAH 15  kac cid rAjA bAhmaNAnAM yathAvat; pravartate pUrvavat tAta vRttim  kac cid dAyAn mAmakAn dhArtarASTro; dvijAtInAM saMjaya nopahanti 16  kac cid rAjA dhRtarASTraH saputra; upekSate brAhmaNAtikramAn vai  kac cin na hetor iva vartma bhUta; upekSate teSu sa nyUna vRttim 17  etaj jyotir uttamaM jIvaloke; zuklaM prajAnAM vihitaM vidhAtrA  te cel lobhaM na niyacchanti mandAH; kRtsno nAzo bhavitA kauravANAm 18  kac cid rAjA dhRtarASTraH saputro; bubhUSate vRttim amAtyavarge  kac cin na bhedena jijIviSanti; suhRd rUpA durhRdaz caikamitrAH 19  kac cin na pApaM kathayanti tAta; te pANDavAnAM kuravaH sarva eva  kac cid dRSTvA dasyu saMghAn sametAn; smaranti pArthasya yudhAM praNetuH 20  maurvI bhujAgra prahitAn sma tAta; dodhUyamAnena dhanurdhareNa  gANDIvamuktAn stanayitnughoSAn; ajihmagAn kac cid anusmaranti 21  na hy apazyaM kaM cid ahaM pRthivyAM; zrutaM samaM vAdhikam arjunena  yasyaika SaSTir nizitAs tIkSNadhArAH; suvAsasaH saMmato hastavApaH 22  gadApANir bhImasenas tarasvI; pravepayaJ zatrusaMghAn anIke  nAgaH prabhinna iva naDvalAsu; caGkramyate kac cid enaM smaranti 23  mAdrIputraH sahadevaH kaliGgAn; samAgatAn ajayad dantakUre  vAmenAsyan dakSiNenaiva yo vai; mahAbalaM kac cid enaM smaranti 24  udyann ayaM nakulaH preSito vai; gAvalgaNe saMjaya pazyatas te  dizaM pratIcIM vazam Anayan me; mAdrI sutaM kac cid enaM smaranti 25  abhyAbhavo dvaitavane ya AsId; durmantrite ghoSayAtrA gatAnAm  yatra mandAJ zatruvazaM prayAtAn; amocayad bhImaseno jayaz ca 26  ahaM pazcAd arjunam abhyarakSaM; mAdrIputrau bhImasenaz ca cakre  gANDIvabhRc chatrusaMghAn udasya; svasty Agamat kac cid enaM smaranti 27  na karmaNA sAdhunaikena nUnaM; kartuM zakyaM bhavatIha saMjaya  sarvAtmanA parijetuM vayaM cen; na zaknumo dhRtarASTrasya putram   |



|  1   [samjaya]  yathArhase pANDava tat tathaiva; kurUn kuruzreSTha janaM ca pRcchasi  anAmayAs tAta manasvinas te; kuruzreSThAn pRcchasi pArtha yAMs tvam 2  santy eva vRddhAH sAdhavo dhArtarASTre; santy eva pApAH pANDava tasya viddhi  dadyAd ripoz cApi hi dhArtarASTraH; kuto dAyAm*l lopayed brAhmaNAnAm 3  yad yuSmAkaM vartate 'sau na dharmyam; adrugdheSu drugdhavat tan na sAdhu  mitra dhruk syAd dhRtarASTraH saputro; yuSmAn dviSan sAdhu vRtAn asAdhuH 4  na cAnujAnAti bhRzaM ca tapyate; zocaty antaH sthaviro 'jAtazatro  zRNoti hi brAhmaNAnAM sametya; mitradrohaH pAtakebhyo garIyAn 5  smaranti tubhyaM naradevaM saMgame; yuddhe ca jiSNoz ca yudhAM praNetuH  samutkRSTe dundubhizaGkhazabde; gadApANiM bhImasenaM smaranti 6  mAdrI sutau cApi raNAjimadhye; sarvA dizaH saMpatantau smaranti  senAM varSantau zaravarSair ajasraM; mahArathau samare duSprakampyau 7  na tv eva manye puruSasya rAjann; anAgataM jJAyate yad bhaviSyam  tvaM ced imaM sarvadharmopapannaH; prAptaH klezaM pANDava kRcchrarUpam 8  tvam evaitat sarvam ataz ca bhUyaH; samIkuryAH prajJayAjAta zatro  na kAmArthaM saMtyajeyur hi dharmaM; pANDoH sutAH sarva evendra kalpAH 9  tvam evaitat prajJayAjAta zatro; zamaM kuryA yena zarmApnuyus te  dhArtarASTrAH pANDavAH sRJjayAz ca; ye cApy anye pArthivAH saMniviSTAH 10  yan mAbravId dhRtarASTro nizAyAm; ajAtazatro vacanaM pitA te  sahAmAtyaH saha putraz ca rAjan; sametya tAM vAcam imAM nibodha   |



|  1   [y]  samAgatAH pANDavAH sRJjayAz ca; janArdano yuyudhAno virATaH  yat te vAkyaM dhRtarASTrAnuziSTaM; gAvalgaNe brUhi tat sUtaputra 2  ajata zatruM ca vRkodaraM ca; dhanaMjayaM mAdravatIsutau ca  Amantraye vAsudevaM ca zauriM; yuyudhAnaM cekitAnaM virATam 3  pAJcAlAnAm adhipaM caiva vRddhaM; dhRSTadyumnaM pArSataM yAjJasenim  sarve vAcaM zRNutemAM madIyAM; vakSyAmi yAM bhUtim icchan kurUNAm 4  zamaM rAjA dhRtarASTro 'bhinandann; ayojayat tvaramANo rathaM me  sa bhrAtRputra svajanasya rAjJas; tad rocatAM pANDavAnAM zamo 'stu 5  sarvair dharmaiH samupetAH stha pArthAH; prasthAnena mArdavenArjavena  jAtAH kule anRzaMsA vadAnyA; hrIniSedhAH karmaNAM nizcayajJAH 6  na yujyate karma yuSmasu hInaM; sattvaM hi vas tAdRzaM bhImasenAH  udbhAsate hy aJjana binduvat tac; chukle vastre yad bhavet kilbiSaM vaH 7  sarvakSayo dRzyate yatra kRtsnaH; pApodayo nirayo 'bhAva saMsthaH  kas tat kuryAj jatu karma prajAnan; parAjayo yatra samo jayaz ca 8  te vai dhanya yaiH kRtaM jJAtikAryaM; ye vaH putrAH suhRdo bAndhavAz ca  upakruSTaM jIvitaM saMtyajeyus; tataH kurUNAM niyato vai bhavaH syAt 9  te cet kurUn anuzAsya stha pArthA; ninIya sarvAn dviSato nigRhya  samaM vas taj jIvitaM mRtyunA syAd; yaj jIvadhvaM jJAtivadhe na sAdhu 10  ko hy eva yusmAn saha kezavena; sa cekitAnAn pArSata bAhuguptAn  sa sAtyakIn viSaheta prajetuM; labdhvApi devAn sacivAn sahendrAn 11  ko vA kurUn droNa bhISmAbhiguptAn; azvatthAmnA zalya kRpAdibhiz ca  raNe prasoDhuM viSaheta rAjan; rAdheya guptAn saha bhUmipAlaiH 12  mahad balaM dhArtarASTrasya rAjJaH; ko vai zakto hantum akSIyamANaH  so 'haM jaye caiva parAjaye ca; niHzreyasaM nAdhigacchAmi kiM cit 13  kathaM hi nIcA iva dauSkuleyA; nirdharmArthaM karma kuryuz ca pArthAH  so 'haM prasAdya praNato vAsudevaM; pAJcAlAnAm adhipaM caiva vRddham 14  kRtAJjaliH zaraNaM vaH prapadye; kathaM svasti styAt kurusRJjayAnAm  na hy eva te vacanaM vAsudevo; dhanaMjayo vA jAtu kiM cin na kuryAt 15  prANAn Adau yAcyamAnaH kuto 'nyad; etad vidvan sAdhanArthaM bravImi  etad rAjJo bhISma purogamasya; mataM yad vaH zAntir ihottamA syAt   |



|  1   [y]  kAM nu vAcaM saMjaya me zRNoSi; yuddhaiSiNIM yena yuddhAd bibheSi  ayuddhaM vai tAta yuddhAd garIyaH; kas tal labdhvA jAtu yudhyeta sUta 2  akurvataz cet puruSasya saMjaya; sidhyet saMkalpo manasA yaM yam icchet  na karma kuryAd viditaM mamaitad; anyatra yuddhAd bahu yal laghIyaH 3  kuto yuddhaM jAtu naraH prajAnan; ko daivazapto 'bhivRNIta yuddham  sukhaiSiNaH karma kurvanti pArthA; dharmAd ahInaM yac ca lokasya pathyam 4  karmodayaM sukham AzaMsamAnaH; kRcchropAyaM tattvataH karma duHkham  sukhaprepsur vijighAMsuz ca duHkhaM; yendriyANAM prItivazAnugAmI  kAmAbhidhyA svazarIraM dunoti; yayA prayukto 'nukaroti duHkham 5  yathedhyamAnasya samiddha tejaso; bhUyo balaM vardhate pAvakasya  kAmArthalAbhena tathaiva bhUyo; na tRpyate sarviSevAgnir iddhaH  saMpazyemaM bhogacayaM mahAntaM; sahAsmAbhir dhRtarASTrasya rAjJaH 6  nAzreyasAm Izvaro vigrahANAM; nAzreyasAM gItazabdaM zRNoti  nAzreyasaH sevate mAlyagandhAn; na cApy azreyAMsy anulepanAni 7  nAzreyasaH prAvarAn adhyavaste; kathaM tv asmAn saMpraNudet kurubhyaH  atraiva ca syAd avadhUya eSa; kAmaH zarIre hRdayaM dunoti 8  svayaM rAjA viSamasthaH pareSu; sAmasthyam anvicchati tan na sAdhu  yathAtmanaH pazyati vRttam eva; tathA pareSAm api so 'bhyupaiti 9  Asannam agniM tu nidAghakAle; gambhIrakakSe gahane visRjya  yathA vRddhaM vAyuvazena zocet; kSemaM mumukSuH zizira vyapAye 10  prAptaizvaryo dhRtarASTro 'dya rAjA; lAlapyate saMjaya kasya hetoH  pragRhya durbuddhim anArjave rataM; putraM mandaM mUDham amantriNaM tu 11  anAptaH sann Aptatamasya vAcaM; suyodhano vidurasyAvamanya  sutasya rAjA dhRtarASTraH priyaiSI; saMbudhyamAno vizate 'dharmam eva 12  medhAvinaM hy arthakAmaM kurUNAM; bahuzrutaM vAgminaM zIlavantam  sUta rAjA dhRtarASTraH kurubhyo; na so 'smarad viduraM putrakAmyAt 13  mAnaghnasya AtmakAmasya cerSyoH; saMrambhiNaz cArthadharmAtigasya  durbhASiNo manyuvazAnugasya; kAmAtmano durhRdo bhAvanasya 14  aneyasyAzreyaso dIrghamanyor; mitra druhaH saMjaya pApabuddheH  sutasya rAjA dhRtarASTraH priyaiSI; prapazyamAnaH prajahAd dharmakAmau 15  tadaiva me saMjaya dIvyato 'bhUn; no cet kurUn AgataH syAd abhAvaH  kAvyAM vAcaM virudo bhASamANo; na vindate dhRtarASTrAt prazaMsAm 16  kSattur yadA anvavartanta buddhiM; kRcchraM kurUn na tadAbhyAjagAma  yAvat prajJAm anvavartanta tasya; tAvat teSAM rASTravRddhir babhUva 17  tadarthalubdhasya nibodha me 'dya; ye mantriNo dhArtarASTrasya sUta  duHzAsanaH zakuniH sUtaputro; gAvalgaNe pazya saMmoham asya 18  so 'haM na pazyAmi parIkSamANaH; kathaM svasti syAt kurusRJjayAnAm  Attaizvaryo dhRtarASTraH parebhyaH; pravrAjite vidure dIrghadRSTau 19  AzaMsate vai dhRtarASTraH saputro; mahArAjyam asapatnaM pRthivyAm  tasmiJ zamaH kevalaM nopalabhyo; atyAsannaM madgataM manyate 'rtham 20  yat tat karNo manyate pAraNIyaM; yuddhe gRhItAyudham arjunena  AsaMz ca yuddhAni purA mahAnti; kathaM karNo nAbhavad dvIpa eSAm 21  karNaz ca jAnAti suyodhanaz ca; droNaz ca jAnAti pitAmahaz ca  anye ca ye kuravas tatra santi; yathArjunAn nAsty aparo dhanurdharaH 22  jAnanty ete kuravaH sarva eva; ye cApy anye bhUmipAlAH sametAH  duryodhanaM cAparAdhe carantam; ariMdame phalgune 'vidyamAne 23  tenArtha baddhaM manyate dhArtarASTraH; zakyaM hartuM pANDavAnAM mamatvam  kirITinA tAlamAtrAyudhena; tad vedinA saMyugaM tatra gatvA 24  gANDIvavisphArita zabdam AjAv; azRNvAnA ghArtarASTrA dhriyante  kruddhasya ced bhImasenasya vegAt; suyodhano manyate siddham artham 25  indro 'py etan notsahet tAta hartum; aizvaryaM no jIvati bhImasene  dhanaMjaye nakule caiva sUta; tathA vIre sahadeve madIye 26  sa ced etAM pratipadyeta buddhiM; vRddho rAjA saha putreNa sUta  evaM raNe pANDava kopadagdhA; na nazyeyuH saMjaya dhArtarASTrAH 27  jAnAsi tvaM klezam asmAsu vRttaM; tvAM pUjayan saMjayAhaM kSameyam  yac cAsmAkaM kauravair bhUtapUrvaM; yA no vRttir dhArtarASTre tadAsIt 28  adyApi tat tatra tathaiva vartatAM; zAntiM gamiSyAmi yathA tvam Attha  indraprasthe bhavatu mamaiva rAjyaM; suyodhano yacchatu bhAratAgryaH   |



|  1   [s]  dharme nityA pANDava te viceSTA; loke zrutA dRzyate cApi pArtha  mahAsrAvaM jIvitaM cApy anityaM; saMpazya tvaM pANDava mA vinInazaH 2  na ced bhAgaM kuravo 'nyatra yuddhAt; prayacchante tubhyam ajAtazatro  bhaikSa caryAm andhakavRSNirAjye; zreyo manye na tu yuddhena rAjyam 3  alpakAlaM jIvitaM yan manuSye; mahAsrAvaM nityaduHkhaM calaM ca  bhUyaz ca tad vayaso nAnurUpaM; tasmAt pApaM pANDava mA prasArSIH 4  kAmA manuSyaM prasajanta eva; dharmasya ye vidhna mUlaM narendra  pUrvaM naras tAn dhRtimAn vinighnam*l; loke prazaMsAM labhate 'navadyAm 5  nibandhanI hy arthatRSNeha pArtha; tAm eSato bAdhyate dharma eva  dharmaM tu yaH pravRNIte sa buddhaH; kAme gRddho hIyate 'rthAnurodhAt 6  dharmaM kRtvA karmaNAM tAta mukhyaM; mahApratApaH saviteva bhAti  hAnena dharmasya mahIm apImAM; labdhvA naraH sIdati pApabuddhiH 7  vedo 'dhItaz caritaM brahmacaryaM; yajJair iSTaM brAhmaNebhyaz ca dattam  paraM sthAnaM manyamAnena bhUya; AtmA datto varSapUgaM sukhebhyaH 8  sukhapriye sevamAno 'tivelaM; yogAbhyAse yo na karoti karma  vittakSaye hInasukho 'tivelaM; duHkhaM zete kAmavegapraNunnaH 9  evaM punar arthacaryA prasakto; hitvA dharmaM yaH prakaroty adharmam  azraddadhat paralokAya mUDho; hitvA dehaM tapyate pretya mandaH 10  na karmaNAM vipraNAzo 'sy amutra; puNyAnAM vApy atha vA pApakAnAm  pUrvaM kartur gacchati puNyapApaM; pazcAt tv etad anuyAty eva kartA 11  nyAyopetaM brAhmaNebhyo yadannaM; zraddhA pUtaM gandharasopapannam  anvAhAryeSUttama dakSiNeSu; tathArUpaM karma vikhyAyate te 12  iha kSetre kriyate pArtha kAryaM; na vai kiM cid vidyate pretya kAryam  kRtaM tvayA pAralokyaM ca kAryaM; puNyaM mahat sadbhir anuprazastam 13  jahAti mRtyuM ca jarAM bhayaM ca; na kSutpipAse manasaz cApriyANi  na kartavyaM vidyate tatra kiM cid; anyatra vA indriyaprINanArthAt 14  evaMrUpaM karmaphalaM narendra; mAtrAvatA hRdayasya priyeNa  sakrodhajaM pANDava harSajaM ca; lokAv ubhau mA prahAsIz cirAya 15  antaM gatvA karmaNAM yA prazaMsA; satyaM damaz cArjavam AnRzaMsyam  azvamedho rAjasUyas tatheSTaH; pApasyAntaM karmaNo mA punar gAH 16  tac ced evaM dezarUpeNa pArthAH; kariSyadhvaM karma pApaM cirAya  nivasadhvaM varSapUgAn vaneSu; duHkhaM vAsaM pANDavA dharmahetoH 17  apravrajye yojayitvA purastAd; AtmAdhInaM yad balaM te tadAsIt  nityaM pAJcAlAH sacivAs taveme; janArdano yuyudhAnaz ca vIraH 18  matsyo rAjA rukmarathaH saputraH; prahAribhiH saha putrair virATaH  rAjAnaz ca ye vijitAH purastAt; tvAm eva te saMzrayeyuH samastAH 19  mahAsahAyaH pratapan balasthaH; puraskRto vAsudevArjunAbhyAm  varAn haniSyan dviSato raGgamadhye; vyaneSyathA dhArtarASTrasya darpam 20  balaM kasmAd varhayitvA parasya; nijAn kasmAt karzayitvA sahAyAn  niruSya kasmAd varSapUgAn vaneSu; yuyutsase pANDava hInakAlam 21  aprajJo vA pANDava yudhyamAno; adharmajJo vA bhUtipathAd vyapaiti  prajJAvAn vA budhyamAno 'pi dharmaM; saMrambhAd vA so 'pi bhUter apaiti 22  nAdharme te dhIyate pArtha buddhir; na saMrambhAt karma cakartha pApam  addhA kiM tat kAraNaM yasya hetoH; prajJA viruddhaM karma cikIrSasIdam 23  avyAdhijaM kaTukaM zIrSa rogaM; yazo muSaM pApaphalodayaM ca  satAM peyaM yan na pibanty asanto; manyuM mahArAja piba prazAmya 24  pApAnubandhaM ko nu taM kAmayeta; kSamaiva te jyAyasI nota bhogAH  yatra bhISmaH zAMtanavo hataH syAd; yatra droNaH saha putro hataH syAt 25  kRpaH zalyaH saumadattir vikarNo; viviMzatiH karNaduryodhanau ca  etAn hatvA kIdezaM tat sukhaM syAd; yad vindethAs tad anubrUhi pArtha 26  labdhvApImAM pRthivIM sAgarAntAM; jarAmRtyU naiva hi tvaM prajahyAH  priyApriye sukhaduHkhe ca rAjann; evaM vidvAn naiva yuddhaM kuruSva 27  amAtyAnAM yadi kAmasya hetor; evaM yuktaM karma cikIrSasi tvam  apAkrameH saMpradAya svam ebhyo; mA gAs tvaM vA deva yAnAt patho 'dya   |



|  1   [y]  asaMzayaM saMjaya satyam etad; dharmo varaH karmaNAM yat tvam Attha  jJAtvA tu mAM saMjaya garhayes tvaM; yadi dharmaM yady adharmaM carAmi 2  yatrAdharmo dharmarUpANi bibhrad; dharmaH kRtsno dRzyate 'dharmarUpaH  tathA dharmo dhArayan dharmarUpaM; vidvAMsas taM saMprapazyanti buddhyA 3  evam etAv Apadi liGgam etad; dharmAdharmau vRtti nityau bhajetAm  AdyaM liGgaM yasya tasya pramANam; Apad dharmaM saMjaya taM nibodha 4  luptAyAM tu prakRtau yena karma; niSpAdayet tatparIpsed vihInaH  prakRtisthaz cApadi vartamAna; ubhau garhyau bhavataH saMjayaitau 5  avilopam icchatAM brAhmaNAnAM; prAyazcittaM vihitaM yad vidhAtrA  Apady athAkarmasu vartamAnAn; vikarmasthAn saMjaya garhayeta 6  manISiNAM tattvavic chedanAya; vidhIyate satsu vRttiH sadaiva  abrAhmaNAH santi tu ye na vaidyAH; sarvocchedaM sAdhu manyeta tebhyaH 7  tadarthA naH pitaro ye ca pUrve; pitAmahA ye ca tebhyaH pare 'nye  prajJaiSiNo ya ca hi karma cakrur; nAsty antato nAsti nAstIti manye 8  yat kiM cid etad vittam asyAM pRthivyAM; yad devAnAM tridazAnAM paratra  prAjApatyaM tridivaM brahmalokaM; nAdharmataH saMjaya kAmaye tat 9  dharmezvaraH kuzalo nItimAMz cApy; upAsitA brAhmaNAnAM manISI  nAnAvidhAMz caiva mahAbalAMz ca; rAjanya bhojanAn anuzAsti kRSNaH 10  yadi hy ahaM visRjan syAm agarhyo; yudhyamAno yadi jahyAM svadharmam  mahAyazAH kezavas tad bravItu; vAsudevas tUbhayor arthakAmaH 11  zaineyA hi caitrakAz cAndhakAz ca; vArSNeya bhojAH kaukurAH sRJjayAz ca  upAsInA vAsudevasya buddhiM; nigRhya zatrUn suhRdo nandayanti 12  vRSNyandhakA hy ugrasenAdayo vai; kRSNa praNItAH sarvaivendra kalpAH  manasvinaH satyaparAkramAz ca; mahAbalA yAdavA bhogavantaH 13  kAzyo babhruH zriyam uttamAM gato; labdhvA kRtNaM bhrAtaram IzitAram  yasmai kAmAn varSati vAsudevo; grISmAtyaye megha iva prajAbhyaH 14  IdRzo 'yaM kezavas tAta bhUyo; vidmo hy enaM karmaNAM nizcayajJam  priyaz ca naH sAdhutamaz ca kRSNo; nAtikrame vacanaM kezavasya   |



|  1   [v]  avinAzaM saMjaya pANDavAnAm; icchAmy ahaM bhUtim eSAM priyaM ca  tathA rAjJo dhRtarASTrasya sUta; sadAzaMse bahuputrasya vRddhim 2  kAmo hi me saMjaya nityam eva; nAnyad brUyAM tAn prati zAmyateti  rAjJaz ca hi priyam etac chRNomi; manye caitat pANDavAnAM samartham 3  suduSkaraz cAtra zamo hi nUnaM; pradarzitaH saMjaya pANDavena  yasmin gRddho dhRtarASTraH saputraH; kasmAd eSAM kalaho nAtra mUrcchet 4  tattvaM dharmaM vicaran saMjayeha; mattaz ca jAnAsi yudhiSThirAc ca  atho kasmAt saMjaya pANDavasya; utsAhinaH pUrayataH svakarma  yathAkhyAtam AvasataH kuTumbaM; purAkalpAt sAdhu vilopam Attha 5  asmin vidhau vartamAne yathAvad; uccAvacA matayo brAhmaNAnAm  karmaNAhuH siddim eke paratra; hitvA karma vidyayA siddhim eke  nAbhuJjAno bhakSyabhojyasya tRpyed; vidvAn apIha viditaM brAhmaNAnAm 6  yA vai vidyAH sAdhayantIha karma; tAsAM phalaM vidyate netarAsAm  tatreha vai dRSTaphalaM tu karma; pItvodakaM zAmyati tRSNayArtaH 7  so 'yaM vidhir vihitaH karmaNaiva; tad vartate saMjaya tatra karma  tatra yo 'nyat karmaNaH sAdhu manyen; moghaM tasya lapitaM durbalasya 8  karmaNAmI bhAnti devAH paratra; karmaNaiveha plavate mAtarizvA  ahorAtre vidadhat karmaNaiva; atandrito nityam udeti sUryaH 9  mAsArdha mAdAn atha nakSatrayogAn; atandritaz candramA abhyupaiti  atandrito dahate jAtavedAH; samidhyamAnaH karma kurvan prajAbhyaH 10  atandritA bhAram imaM mahAntaM; bibharti devI pRthivI balena  atandritAH zIghram apo vahanti; saMtarpayantyaH sarvabhUtAni nadyaH 11  atandrito varSati bhUri tejAH; saMnAdayann antarikSaM divaM ca  atandrito brahmacaryaM cacAra; zreSThatvam icchan balabhid devatAnAm 12  hitvA sukhaM manasaz ca priyANi; tena zakraH karmaNA zraiSThyam Apa  satyaM dharmapAlayann apramatto; damaM titikSAM samatAM priyaM ca  etAni sarvANy upasevamAno; devarAjyaM maghavAn prApa mukhyam 13  bRhaspatir brahmacaryaM cacAra; samAhitaH saMzitAtmA yathAvat  hitvA sukhaM pratirudhyendriyANi; tena devAnAm agamad gauravaM saH 14  nakSatrANi karmaNAmutra bhAnti; rudrAdityA vasavo 'thApi vizve  yamo rAjA vaizravaNaH kubero; gandharvayakSApsarasaz ca zubhrAH  brahmacaryaM vedavid yAH kriyAz ca; niSevamANA munayo 'mutra bhAnti 15  jAnann imaM sarvalokasya dharmaM; brAhmaNAnAM kSatriyANAM vizAM ca  sa kasmAt tvaM jAnatAM jJAnavAn san; vyAyacchase saMjaya kauravArthe 16  AmnAyeSu nityasaMyogam asya; tathAzvamedhe rAjasUye ca viddhi  saMpUjyate dhanuSA varmaNA ca; hastatrANai rathazastraiz ca bhUyaH 17  te ced ime kauravANAm upAyam; adhigaccheyur avadhenaiva pArthAH  dharmatrANaM puNyam eSAM kRtaM syAd; Arye vRtre bhImasenaM nigRhya 18  te cet pitrye karmaNi vartamAnA; Apadyeran diSTa vazena mRtyum  yathAzaktyA pUrayantaH svakarma; tad apy eSAM nidhanaM syAt prazastam 19  utAho tvaM manyase sarvam eva; rAjJAM yuddhe vartate dharmatantram  ayuddhe vA vartate dharmatantraM; tathaiva te vAcam imAM zRNomi 20  cAturvarNyasya prathamaM vibhAgam; avekSya tvaM saMjaya svaM ca karma  nizamyAtho pANDavAnAM svakarma; prazaMsa vA ninda vA yA matis te 21  adhIyIta brAhmaNo 'tho yajeta; dadyAd iyAt tIrthamukhyAni caiva  adhyApayed yAjayec cApi yAjyAn; pratigrahAn vA viditAn pratIcchet 22  tathA rAjanyo rakSaNaM vai prajAnAM; kRtvA dharmeNApramatto 'tha dattvA  yajJair iSTvA sarvavedAn adhItya; dArAn kRtvA puNyakRd Avased gRhAn 23  vaizyo 'dhItya kRSigorakSa puNyair; vittaM cinvan pAlayann apramattaH  priyaM kurvan brAhmaNakSatriyANAM; dharmazIlaH puNyakRd Avased gRhAn 24  paricaryA vandanaM brAhmaNAnAM; nAdhIyIta pratiSiddho 'sya yajJaH  nityotthito bhUtaye 'tandritaH syAd; eSa smRtaH zUdra dharmaH purANaH 25  etAn rAjA pAlayann apramatto; niyojayan sarvavarNAn svadharme  akAmAtmA samavRttiH prajAsu; nAdhArmikAn anurudhyeta kAmAn 26  zreyAMs tasmAd yadi vidyeta kaz cid; abhijJAtaH sarvadharmopapannaH  sa taM duSTam anuziSyAt prajAnan; na ced gRdhyed iti tasmin na sAdhu 27  yadA gRdhyet parabhUmiM nRzaMso; vidhiprakopAd balam AdadAnaH  ato rAjJAM bhavitA yuddham etat; tatra jAtaM varma zastraM dhanuz ca  indreNedaM dasyuvadhAya karma; utpAditaM varma zastraM dhanuz ca 28  steno hared yatra dhanaM hy adRSTaH; prasahya vA yatra hareta dRSTaH  ubhau garhyau bhavataH saMjayaitau; kiM vai pRthak tvaM dhRtarASTrasya putre  yo 'yaM lobhAn manyate dharmam etaM; yam icchate manuvazAnugAmI 29  bhAgaH punaH pANDavAnAM niviSTas; taM no 'kasmAd AdadIran pare vai  asmin pade yudyatAM no vadho 'pi; zlaghyaH pitryaH pararAjyAd viziSTaH  etAn dharmAn kauravANAM purANAn; AcakSIthAH saMjaya rAjyamadhye 30  ye te mandA mRtyuvazAbhipannAH; samAnItA dhArtarASTreNa mUDhAH  idaM punaH karma pApIya eva; sabhAmadhye pazya vRttaM kurUNAm 31  priyAM bhAryAM draupadIM pANDavAnAM; yazasvinIM zIlavRttopapannAm  yad upekSanta kuravo bhISma mukhyAH; kAmAnugenoparuddhAM rudantIm 32  taM cet tadA te sa kumAra vRddhA; avArayiSyan kuravaH sametAH  mama priyaM dhRtarASTro 'kariSyat; putrANAM ca kRtam asyAbhaviSyat 33  duHzAsanaH prAtilomyAn ninAya; sabhAmadhye zvazurANAM ca kRSNAm  sA tatra nItA karuNAny avocan; nAnyaM kSattur nAtham adRSTakaM cit 34  kArpaNyAd eva sahitAs tatra rAjJo; nAzaknuvan prativaktuM sabhAyAm  ekaH kSattA dharmyam arthaM bruvANo; dharmaM buddhvA pratyuvAcAlpa buddhim 35  anuktvA tvaM dharmam evaM sabhAyAm; athecchase pANDavasyopadeSTum  kRSNA tv etat karma cakAra zuddhaM; suduSkaraM tad dhi sabhAM sametya  yena kRcchrAt pANDavAn ujjahAra; tathAtmAnaM naur iva sAgaraughAt 36  yatrAbravIt sUtaputraH sabhAyAM; kRSNAM sthitAM zvazurANAM samIpe  na te gatir vidyate yAjJaseni; prapadyedAnIM dhArtarASTrasya vezma  parAjitAs te patayo na santi; patiM cAnyaM bhAmini tvaM vRNISva 37  yo bIbhatsor hRdaye prauDha AsId; asthi pracchin marmaghAtI sughoraH  karNAccharo vAnmayas tigmatejAH; pratiSThito hRdaye phalgunasya 38  kRSNAjinAni paridhit samAnAn; duHzAsanaH kaTukAny abhyabhASat  ete sarve SaNDhatilA vinaSTAH; kSayaM gatA narakaM dIrghakAlam 39  gAndhArarAjaH zakunir nikRtyA; yad abravId dyUtakAle sa pArthAn  parAjito nakulaH kiM tavAsti; kRSNayA tvaM dIvya vai yAjJasenyA 40  jAnAsi tvaM saMjaya sarvam etad; dyUte 'vAcyaM vAkyam evaM yathoktam  svayaM tv ahaM prArthaye tatra gantuM; samAdhAtuM kAryam etad vipannam 41  ahApayitvA yadi pANDavArthaM; zamaM kurUNAm atha cec careyam  puNyaM ca me syAc caritaM mahodayaM; mucyeraMz ca kuravo mRtyupAzAt 42  api vAcaM bhASamANasya kAvyAM; dharmArAmAm arthavatIm ahiMsrAm  avekSeran dhArtarASTrAH samakSaM; mAM ca prAptaM kuravaH pUjayeyuH 43  ato 'nyathA rathinA phalgunena; bhImena caivAhava daMzitena  parAsiktAn dhArtarASTrAMs tu viddhi; pradahyamAnAn karmaNA svena mandAn 44  parAjitAn pANDaveyAMs tu vAco; raudrarUpA bhASate dhArtarASTraH  gadAhasto bhImaseno 'pramatto; duryodhanaM smArayitvA hi kAle 45  suyodhano manyumayo mahAdrumaH; skandhaH karNaH zakunis tasya zAkhAH  duHzAsanaH puSpaphale samRddhe; mUlaM rAjA dhRtarASTro 'manISI 46  yudhiSThiro dharmamayo mahAdrumaH; skandho 'rjuno bhImaseno 'sya zAkhAH  mAdrIputrau puSpaphale samRddhe; mUlaM tv ahaM brahma ca brAhmaNAz ca 47  vanaM rAjA dhRtarASTraH saputro; vyAghrA vane saMjaya pANDaveyAH  mA vanaM chindhi sa vyAghraM mA vyAghrAn nInazo vanAt 48  nirvano vadhyate vyAghro nirvyAghraM chidyate vanam  tasmAd vyAghro vanaM rakSed vanaM vyAghraM ca pAlayet 49  latA dharmA dhArtarASTrAH zAlAH saMjaya pANDavAH  na latA vardhate jAtu anAzritya mahAdrumam 50  sthitAH zuzrUSituM pArthAH sthitA yoddhum ariMdamAH  yatkRtyaM dhRtarASTrasya tat karotu narAdhipaH 51  sthitAH zame mahAtmAnaH pANDavA dharmacAriNaH  yodhAH samRddhAs tad vidvan nAcakSIthA yathAtatham   |

 

|  1   [s]  Amantraye tvA naradeva deva; gacchAmy ahaM pANDava svasti te 'stu  kac cin na vAcA vRjinaM hi kiM cid; uccAritaM me manaso 'bhiSaGgAt 2  janArdanaM bhImasenArjunau ca; mAdrI sutau sAtyakiM cekitAnam  Amantrya gacchAmi zivaM sukhaM vaH; saumyena mAM pazyata cakSuSA nRpAH 3  anujJAtaH saMjaya svasti gaccha; na no 'kArSIr apriyaM jAtu kiM cit  vidmaz ca tvA te ca vayaM ca sarve; zuddhAtmAnaM madhyagataM sabhastham 4  Apto dUtaH saMjaya supriyo 'si; kalyANa vAk zIlavAn dRSTimAMz ca  na muhyes tvaM saMjaya jAtu matyA; na ca krudhyer ucyamAno 'pi tathyam 5  na marmagAM jAtu vaktAsi rUkSAM; nopastutiM kaTukAM nota zuktAm  dharmArAmAm arthavatIm ahiMsrAm; etAM vAcaM tava jAnAmi sUta 6  tvam eva naH priyatamo 'si dUta; ihAgacched viduro vA dvitIyaH  abhIkSNadRSTo 'si purA hi nas tvaM; dhanaMjayasyAtma samaH sakhAsi 7  ito gatvA saMjaya kSipram eva; upAtiSThethA brAhmaNAn ye tad arhAH  vizuddhavIryAMz caraNopapannAn; kule jAtAn sarvadharmopapannAn 8  svAdhyAyino brAhmaNA bhikSavaz ca; tapasvino ye ca nityA vaneSu  abhivAdyA vai madvacanena vRddhAs; tathetareSAM kuzalaM vadethAH 9  purohitaM dhRtarASTrasya rAjJa; AcAryAz ca Rtvijo ye ca tasya  taiz ca tvaM tAta sahitair yathArhaM; saMgacchethAH kuzalenaiva sUta 10  AcArya iSTo 'napago vidheyo; vedAn Ipsan brahmacaryaM cacAra  yo 'straM catuSpAt punar eva cakre; droNaH prasanno 'bhivAdyo yathArham 11  adhIta vidyaz caraNopapanno; yo 'straM catuSpAt punar eva cakre  gandharvaputra pratimaM tarasvinaM; tam azvatthAmAnaM kuzalaM sma pRccheH 12  zAradvatasyAvasathaM sma gatvA; mahArathasyAstravidAM varasya  tvaM mAm abhIkSNaM parikIrtayan vai; kRpasya pAdau saMjaya pANinA spRzeH 13  yasmiJ zauryam AnRzaMsyaM tapaz ca; prajJA zIlaM zrutisattve dhRtiz ca  pAdau gRhItvA kurusattamasya; bhISmasya mAM tatra nivedayethAH 14  prajJA cakSur yaH praNetA kurUNAM; bahuzruto vRddhasevI manISI  tasmai rAjJe sthavirAyAbhivAdya; AcakSIthAH saMjaya mAm arogam 15  jyeSThaH putroldhRtarASTrasya mando; mUrkhaH zaThaH saMjaya pApazIlaH  prazAstA vai pRthivI yena sarvA; suyodhanaM kuzalaM tAta pRccheH 16  bhrAtA kanIyAn api tasya mandas; tathAzIlaH saMjaya so 'pi zazvat  maheSvAsaH zUratamaH kurUNAM; duHzAsanaM kuzalaM tAta pRccheH 17  vRndArakaM kavim artheSv amUDhaM; mahAprajJaM sarvadharmopapannam  na tasya yuddhaM rocate vai kadA cid; vaizyAputraM kuzalaM tAta pRccheH 18  nikartane devane yo 'dvitIyaz; channopadhaH sAdhu devI matAkSaH  yo durjayo devitavyena saMkhye; sa citrasenaH kuzalaM tAta vAcyaH 19  yasya kAmo vartate nityam eva; nAnyaH zamAd bhAratAnAm iti sma  sa bAhlIkAnAm RSabho manasvI; purA yathA mAbhivadet prasannaH 20  guNair anekaiH pravaraiz ca yukto; vijJAnavAn naiva ca niSThuro yaH  snehAd amarSaM sahate sadaiva; sa somadattaH pUjanIyo mato me 21  arhattamaH kuruSu saumadattiH; sa no bhrAtA saMjaya mat sakhA ca  maheSvAso rathinAm uttamo yaH; sahAmAtyaH kuzalaM tasya pRccheH 22  ye caivAnye kurumukhyA yuvAnaH; putrAH pautrA bhrAtaraz caiva ye naH  yaM yam eSAM yena yenAbhigaccher; anAmayaM madvacanena vAcyaH 23  ye rAjAnaH pANDavAyodhanAya; samAnItA dhArtarASTreNa ke cit  vasAtayaH zAlvakAH kekayAz ca; tathAmbaSThA ye trigartAz ca mukhyAH 24  prAcyodIcyA dAkSiNAtyAz ca zUrAs; tathA pratIcyAH pArvatIyAz ca sarve  anRzaMsAH zIlavRttopapannAs; teSAM sarveSAM kuzalaM tAta pRccheH 25  hastyArohA rathinaH sAdinaz ca; padAtayaz cAryasaMghA mahAntaH  AkhyAya mAM kuzalinaM sma teSAm; anAmayaM paripRccheH samagrAn 26  tathA rAjJo hy arthayuktAn amAtyAn; dauvArikAn ye ca senAM nayanti  AyavyayaM ye gaNayanti yuktA; arthAz ca ye mahataz cintayanti 27  gAndhArarAjaH zakuniH pArvatIyo; nikartane yo 'dvitIyo 'kSadevI  mAnaM kurvan dhArtarASTrasya sUta; mithyA buddheH kuzalaM tAta pRccheH 28  yaH pANDavAneka rathena vIraH; samutsahaty apradhRSyAn vijetum  yo muhyatAM mohayitAdvitIyo; vaikartanaM kuzalaM tAta pRccheH 29  sa eva bhaktaH sa guruH sa bhRtyaH; sa vai pitA sa ca mAtA suhRc ca  agAdha buddhir viduro dIrghadarzI; sa no mantrI kuzalaM tAta pRccheH 30  vRddhAH striyo yAz ca guNopapannA; yA jJAyante saMjaya mAtaras tAH  tAbhiH sarvAbhiH sahitAbhiH sametya; strIbhir vRddhAbhir abhivAdaM vadethAH 31  kac cit putrA jIvaputrAH susamyag; vartante vo vRttim anRzaMsa rUpAm  iti smoktvA saMjaya brUhi pazcAd; ajAtazatruH kuzalI saputraH 32  yA no bhAryAH saMjaya vettha tatra; tAsAM sarvAsAM kuzalaM tAta pRccheH  susaMguptAH surabhayo 'navadyAH; kac cid gRhAn AvasathApramattAH 33  kac cid vRttiM zvazureSu bhadrAH; kalyANIM vartadhvam anRzaMsa rUpAm  yathA ca vaH syuH patayo 'nukUlAs; tathA vRttim AtmanaH sthApayadhvam 34  yA naH snuSAH saMjaya vettha tatra; prAptA kulebhyaz ca guNopapannAH  prajAvatyo brUhi sametya tAz ca; yudhiSThiro vo 'bhyavadat prasannaH 35  kanyAH svajethaH sadaneSu saMjaya; anAmayaM madvacanena pRSTvA  kalyANA vaH santu patayo 'nukUlA; yUyaM patInAM bhavatAnukUlAH 36  alaMkRtA vastravatyaH sugandhA; abIbhatsAH sukhitA bhogavatyaH  laghu yAsAM darzanaM vAk ca ladhvI; veza striyaH kuzalaM tAta pRccheH 37  dAsI putrA ye ca dAsAH kurUNAM; tadAzrayA bahavaH kubja khaJjAH  AkhyAya mAM kuzalinaM sma tebhyo; anAmayaM paripRccher jaghanyam 38  kac cid vRttir vartate vai purANI; kac cid bhogAn dhArtarASTro dadAti  aGgahInAn kRpaNAn vAmanAMz ca; AnRzaMsyAd dhRtarASTro bibharti 39  andhAz ca sarve sthavirAs tathaiva; hastAjIvA bahavo ye 'tra santi  AkhyAya mAM kuzalinaM sma teSAm; anAmayaM paripRccher jaghanyam 40  mA bhaiSTa duHkhena kujIvitena; nUnaM kRtaM paralokeSu pApam  nigRhya zatrUn suhRdo 'nugRhya; vAsobhir annena ca vo bhariSye 41  santy eva me brAhmaNebhyaH kRtAni; bhAvIny atho no bata vartayanti  pazyAmy ahaM yuktarUpAMs tathaiva; tAm eva siddhiM zrAvayethA nRpaM tam 42  ye cAnAthA durbalAH sarvakAlam; Atmany eva prayatante 'tha mUDhAH  tAMz cApi tvaM kRpaNAn sarvathaiva; asmad vAkyAt kuzalaM tAta pRccheH 43  ye cApy anye saMzritA dhArtarASTrAn; nAnAdigbhyo 'bhyAgatAH sUtaputra  dRSTvA tAMz caivArhataz cApi sarvAn; saMpRcchethAH kuzalaM cAvyayaM ca 44  evaM sarvAnAgatAbhyAgatAMz ca; rAjJo dUtAn sarvadigbhyo 'bhyupetAn  pRSTvA sarvAn kuzalaM tAMz ca sUta; pazcAd ahaM kuzalI teSu vAcyaH 45  na hIdRzaH santy apare pRthivyAM; ye yodhakA dhArtarASTreNa labdhAH  dharmas tu nityo mama dharma eva; mahAbalaH zatrunibarhaNAya 46  idaM punar vacanaM dhArtarASTraM; suyodhanaM saMjaya zrAvayethAH  yas te zarIre hRdayaM dunoti; kAmaH kurUn asapatno 'nuziSyAm 47  na vidyate yuktir etasya kA cin; naivaMvidhAH syAma yathA priyaM te  dadasva vA zakra puraM mamaiva; yudhyasva vA bhAratamukhyavIra   |



|  1   [y]  uta santam asantaM ca bAlaM vRddhaM ca saMjaya  utAbalaM balIyAMsaM dhAtA prakurute vaze 2  uta bAlAya pANDityaM paNDitAyota bAlatAm  dadAti sarvam IzAnaH purastAc chukram uccaran 3  alaM vijJApanAya syAd AcakSIthA yathAtatham  atho mantraM mantrayitvA nayonyenAtihRSTavat 4  gAvalgaNe kurUn gatvA dhRtarASTraM mahAbalam  abhivAdyopasaMgRhya tataH pRccher anAmayam 5  brUyAz cainaM tvam AsInaM kurubhiH parivAritam  tavaiva rAjan vIryeNa sukhaM jIvanti pANDavAH 6  tava prasAdAd bAlAs te prAptA rAjyam ariMdama  rAjye tAn sthApayitvAgre nopekSIr vinaziSyataH 7  sarvam apy etad ekasya nAlaM saMjaya kasya cit  tAta saMhatya jIvAmo mA dviSadbhyo vazaM gamaH 8  tathAbhISmaM zAMtanavaM bhAratAnAM pitAmaham  zirasAbhivadethAs tvaM mama nAma prakIrtayan 9  abhivAdya ca vaktavyas tato 'smAkaM pitAmaha  bhavatA zaMtanor vaMzo nimagnaH punar uddhRtaH 10  sa tvaM kuru tathA tAta svamatena pitAmaha  yathA jIvanti te pautrAH prItimantaH parasparam 11  tathaiva viduraM brUyAH kurUNAm mantradhAriNam  ayuddhaM saumya bhASasva hitakAmo yudhiSThiraH 12  atho suyodhanaM brUyA rAjaputram amarSaNam  madhye kurUNAm AsInam anunIya punaH punaH 13  apazyan mAm upekSantaM kRSNAm ekAM sabhA gatAm  tadduHkham atitikSAma mA vadhISma kurUn iti 14  evaM pUrvAparAn klezAn atitikSanta pANDavAH  yathAbalIyasaH santas tat sarvaM kuravo viduH 15  yan naH prAvrAjayaH saumya ajinaiH prativAsitAn  tadduHkham atitikSAma mA vadhISma kurUn iti 16  yat tat sabhAyAm Akramya kRSNAM kezeSv adharSayat  duHzAsanas te 'numate tac cAsmAbhir upekSitam 17  yathocitaM svakaM bhAgaM labhemahi paraMtapa  nivartaya paradravye buddhiM gRddhAM nararSabha 18  zAntir evaM bhaved rAjan prItiz caiva parasparam  rAjyaika dezam api naH prayaccha zamam icchatAm 19  kuza sthalaM vRkasthalam AsandI vAraNAvatam  avasAnaM bhaved atra kiM cid eva tu paJcamam 20  bhrAtRRNAM dehi paJcAnAM grAmAn paJca suyodhana  zAntir no 'stu mahAprAjJa jJAtibhiH saha saMjaya 21  bhrAtA bhrAtaram anvetu pitA putreNa yujyatAm  smayamAnAH samAyAntu pAJcAlAH kurubhiH saha 22  akSatAn kurupAJcAlAn pazyema iti kAmaye  sarve sumanasas tAta zAmyAma bharatarSabha 23  alam eva zamAyAsmi tathA yuddhAya saMjaya  dharmArthayor alaM cAhaM mRdave dAruNAya ca   |



|  1   [v]  anujJAtaH pANDavena prayayau saMjayas tadA  zAsanaM dhRtarASTrasya sarvaM kRtvA mahAtmanaH 2  saMprApya hAstinapuraM zIghraM ca praviveza ha  antaHpuram upasthAya dvAHsthaM vacanam abravIt 3  AcakSva mAM dhRtarASTrAya dvAHstha; upAgataM pANDavAnAM sakAzAt  jAgarti ced abhivades tvaM hi kSattaH; pravizeyaM vidito bhUmipasya 4  saMjayo 'yaM bhUmipate namas te; didRkSayA dvAram upAgatas te  prApto dUtaH pANDavAnAM sakAzAt; prazAdhi rAjan kim ayaM karotu 5  AcakSva mAMsukhinaM kAlyam asmai; pravezyatAM svAgataM saMjayAya  na cAham etasya bhavAmy akAlyaH; sa me kasmAd dvAri tiSTheta kSattaH 6  tataH pravizyAnumate nRpasya; mahad vezma prAjJazUrArya guptam  siMhAsanasthaM pArthivam AsasAda; vaicitravIryaM prAJjaliH sUtaputraH 7  saMjayo 'haM bhUmipate namas te; prApto 'smi gatvA naradeva pANDavAn  abhivAdya tvAM pANDuputro manasvI; yudhiSThiraH kuzalaM cAnvapRcchat 8  sa te putrAn Rpcchati prIyamANaH; kac cit putraiH prIyase naptRbhiz ca  tathA sudhRdbhiH sacivaiz ca rAjan; ye cApi tvAm upajIvanti taiz ca 9  abhyetya tvAM tAta vadAmi saMjaya; ajAtazatruM ca sukhena pArtham  kac cit sa rAjA kuzalI saputraH; sahAmAtyaH sAnujaH kauravANAm 10  sahAmAtyaH kuzalI pANDuputro; bhUyaz cAto yac ca te 'gre mano 'bhUt  nirNikta dharmArthakaro manasvI; bahuzruto dRSTimAJ zIlavAMz ca 11  paraM dharmAt pANDavasyAnRzaMsyaM; dharmaH paro vittacayAn mato 'sya  sukhapriye dharmahIne na pArtho; anurudhyate bhArata tasya viddhi 12  paraprayuktaH puruSo viceSTate; sUtraprotA dArumayIva yoSA  imaM dRSTvA niyamapANDavasya; manye paraM karaM daivaM manuSyAt 13  imaM ca dRSTvA tava karma doSaM; pAdodarkaM ghoram avarNa rUpam  yAvan naraH kAmayate 'tikAlyaM; tAvan naro 'yaM labhate prazaMsAm 14  ajAtazatrus tu vihAya pApaM; jIrNAM tvacaM sarpa ivAsamarthAm  virocate 'hArya vRttena vIro; yudhiSThiras tvayi pApaM visRjya 15  aGgAtmanaH karma nibodha rAjan; dharmArthayuktAd Arya vRttAd apetam  upakrozaM ceha gato 'si rAjan; nohez ca pApaM prasajed amutra 16  sa tvam arthaM saMzayitaM vinA tair; AzaMsase putra vazAnugo 'dya  adharmazabdaz ca mahAn pRthivyAM; nedaM karma tvatsamaM bhAratAgrya 17  hInaprajJo dauSkuleyo nRzaMso; dIrghavairI kSatravidyAsv adhIraH  evaM dharmA nApadaH saMtitIrSed; dhIna vIryo yaz ca bhaved aziSTaH 18  kule jAto dharmavAn yo yazasvI; bahuzrutaH sukhajIvI yatAtmA  dharmArthayor grathitayor bibharti; nAnyatra diSTasya vazAd upaiti 19  kathaM hi mantrAgrya dharo manISI; dharmArthayor Apadi saMpraNetA  evaM yuktaH sarvamantrair ahIno; anAnRzaMsyaM karma kuryAd amUDhaH 20  tavApIme mantravidaH sametya; samAsate karmasu nityayuktAH  teSAm ayaM balavAn nizcayaz ca; kuru kSayArthe nirayo vyapAdi 21  akAlikaM kuravo nAbhaviSyan; pApena cet pApam ajAtazatruH  icchej jAtu tvayi pApaM visRjya; nindA ceyaM tava loke 'bhiviSyat 22  kim anyatra viSayAd IzvarANAM; yatra pArthaH paralokaM dadarza  atyakrAmat sa tathA saMmataH syAn; na saMzayo nAsti manuSyakAraH 23  etAn guNAn karmakRtAn avekSya; bhAvAbhAvau vartamAnAv anityau  balir hi rAjA pAram avindamAno; nAnyat kAlAt kAraNaM tatra mene 24  cakSuH zrotre nAsikA tvak ca jihvA; jJAnasyaitAny AyatanAni jantoH  tAni prItAny eva tRSNA kSayAnte; tAny avyatho duHkhahInaH praNudyAt 25  na tv evam anye puruSasya karma; saMvartate suprayuktaM yathAvat  mAtuH pituH karmaNAbhiprasUtaH; saMvardhate vidhivad bhojanena 26  priyApriye sukhaduHkhe ca rAjan; nindAprazaMse ca bhajeta enam  paras tv enaM garhayate 'parAdhe; prazaMsate sAdhuvRttaM tam eva 27  sa tvA garhe bhAratAnAM virodhAd; anto nUnaM bhavitAyaM prajAnAm  no ced idaM tava karmAparAdhAt; kurUn dahet kRSNa vartmeva kakSam 28  tvam evaiko jAtaputreSu rAjan; vazaM gantA sarvaloke narendra  kAmAtmanAM zlAghase dyUtakAle; nAnyac chamAt pazya vipAkam asya 29  anAptAnAM pragrahAt tvaM narendra; tathAptAnAM nigrahAc caiva rAjan  bhUmiM sphItAM durbalatvAd anantAM; na zaktas tvaM rakSituM kauraveya 30  anujJAto rathavegAvadhUtaH; zrAnto nipadye zayanaM nRsiMha  prAtaH zrotAraH kuravaH sabhAyAm; ajAtazatror vacanaM sametAH   |



|  1   [v]  dvAHsthaM prAha mahAprAjJo dhRtarASTro mahIpatiH  viduraM draSTum icchAmi tam ihAnaya mAciram 2  prahito dhRtarASTreNa dUtaH kSattAram abravIt  Izvaras tvAM mahArAjo mahAprAjJa didRkSati 3  evam uktas tu viduraH prApya rAjanivezanam  abravId dhRtarASTrAya dvAHstha mAM prativedaya 4  viduro 'yam anuprApto rAjendra tava zAsanAt  draSTum icchati te pAdau kiM karotu prazAdhi mAm 5  pravezaya mahAprAjJaM viduraM dIrghadarzinam  ahaM hi vidurasyAsya nAkAlyo jAtu darzane 6  pravizAntaH puraM kSattar mahArAjasya dhImataH  na hi te darzane 'kAlyo jAtu rAjA bravIti mAm 7   [v]  tataH pravizya viduro dhRtarASTra nivezanam  abravIt prAJjalir vAkyaM cintayAnaM narAdhipam 8  viduro 'haM mahAprAjJa saMprAptas tava zAsanAt  yadi kiM cana kartavyam ayam asmi prazAdhi mAm 9  saMjayo vidura prApto garhayitvA ca mAM gataH  ajAtazatroH zvo vAkyaM sabhAmadhye sa vakSyati 10  tasyAdya kuruvIrasya na vijJAtaM vaco mayA  tan me dahati gAtrANi tad akArSIt prajAgaram 11  jAgrato dahyamAnasya zreyo yad iha pazyasi  tad brUhi tvaM hi nas tAta dharmArthakuzalo hy asi 12  yataH prAptaH saMjayaH pANDavebhyo; na me yathAvan manasaH prazAntiH  savendriyANy aprakRtiM gatAni; kiM vakSyatIty eva hi me 'dya cintA 13  abhiyuktaM balavatA durbalaM hInasAdhanam  hRtasvaM kAminaM coram Avizanti prajAgarAH 14  kac cid etair mahAdoSair na spRSTo 'si narAdhipa  kac cin na paravitteSu gRdhyan viparitapyase 15  zrotum icchAmi te dharmyaM paraM naiHzreyasaM vacaH  asmin rAjarSivaMze hi tvam ekaH prAjJasaMmataH 16  niSevate prazastAni ninditAni na sevate  anAstikaH zraddadhAna etat paNDita lakSaNam 17  krodho harSaz ca darpaz ca hrIstambho mAnyamAnitA  yam arthAn nApakarSanti sa vai paNDita ucyate 18  yasya kRtyaM na jAnanti mantraM vA mantritaM pare  kRtam evAsya jAnanti sa vai paNDita ucyate 19  yasya kRtyaM na vighnanti zItam uSNaM bhayaM ratiH  samRddhir asamRddhir vA sa vai paNDita ucyate 20  yasya saMsAriNI prajJA dharmArthAv anuvartate  kAmAd arthaM vRNIte yaH sa vai paNDita ucyate 21  yathAzakti cikIrSanti yathAzakti ca kurvate  na kiM cid avamanyante paNDitA bharatarSabha 22  kSipraM vijAnAti ciraM zRNoti; vijJAya cArthaM bhajate na kAmAt  nAsaMpRSTo vyaupayuGkte parArthe; tat prajJAnaM prathamaM paNDitasya 23  nAprApyam abhivAJchanti naSTaM necchanti zocitum  Apatsu ca na muhyanti narAH paNDita buddhayaH 24  nizcitya yaH prakramate nAntar vasati karmaNaH  avandhya kAlo vazyAtmA sa vai paNDita ucyate 25  Arya karmaNi rAjyante bhUtikarmANi kurvate  hitaM ca nAbhyasUyanti paNDitA bharatarSabha 26  na hRSyaty AtmasaMmAne nAvamAnena tapyate  gAGgo hrada ivAkSobhyo yaH sa paNDita ucyate 27  tattvajJaH sarvabhUtAnAM yogajJaH sarvakarmaNAm  upAyajJo manuSyANAM naraH paNDita ucyate 28  pravRtta vAk citrakatha UhavAn pratibhAnavAn  Azu granthasya vaktA ca sa vai paNDita ucyate 29  zrutaM prajJAnugaM yasya prajJA caiva zrutAnugA  asaMbhinnArya maryAdaH paNDitAkhyAM labheta saH 30  azrutaz ca samunnaddho daridraz ca mahAmanAH  arthAMz cAkarmaNA prepsur mUDha ity ucyate budhaiH 31  svam arthaM yaH parityajya parArtham anutiSThati  mithyA carati mitrArthe yaz ca mUDhaH sa ucyate 32  akAmAn kAmayati yaH kAmayAnAn paridviSan  balavantaM ca yo dveSTi tam Ahur mUDhacetasam 33  amitraM kurute mitraM mitraM dveSTi hinasti ca  karma cArabhate duSTaM tam Ahur mUDhacetasam 34  saMsArayati kRtyAni sarvatra vicikitsate  ciraM karoti kSiprArthe sa mUDho bharatarSabha 35  anAhUtaH pravizati apRSTo bahu bhASate  vizvasaty apramatteSu mUDha cetA narAdhamaH 36  paraM kSipati doSeNa vartamAnaH svayaM tathA  yaz ca krudhyaty anIzaH san sa ca mUDhatamo naraH 37  Atmano balam AjJAya dharmArthaparivarjitam  alabhyam icchan naiSkarmyAn mUDha buddhir ihocyate 38  aziSyaM zAsti yo rAjanyaz ca zUnyam upAsate  kadaryaM bhajate yaz ca tam Ahur mUDhacetasam 39  arthaM mahAntam AsAdya vidyAm aizvaryam eva vA  vicaraty asamunnaddho yaH sa paNDita ucyate 40  ekaH saMpannam aznAti vas te vAsaz ca zobhanam  yo 'saMvibhajya bhRtyebhyaH ko nRzaMsataras tataH 41  ekaH pApAni kurute phalaM bhuGkte mahAjanaH  bhoktAro vipramucyante kartA doSeNa lipyate 42  ekaM hanyAn na vAhanyAd iSur mukto dhanuSmatA  buddhir buddhimatotsRSTA hanyAd rASTraM sarAjakam 43  ekayA dve vinizcitya trIMz caturbhir vaze kuru  paJca jitvA viditvA SaT sapta hitvA sukhI bhava 44  ekaM viSaraso hanti zastreNaikaz ca vadhyate  sarASTraM sa prajaM hanti rAjAnaM mantravisravaH 45  ekaH svAdu na bhuJjIta ekaz cArthAn na cintayet  eko na gacched adhvAnaM naikaH supteSu jAgRyAt 46  ekam evAdvitIyaM tad yad rAjan nAvabudhyase  satyaM svargasya sopAnaM pArAvArasya naur iva 47  ekaH kSamAvatAM doSo dvitIyo nopalabhyate  yad enaM kSamayA yuktam azaktaM manyate janaH 48  eko dharmaH paraM zreyaH kSamaikA zAntir uttamA  vidyaikA paramA dRSTir ahiMsaikA sukhAvahA 49  dvAv imau grasate bhUmiH sarpo bilazayAn iva  rAjAnaM cAviroddhAraM brAhmaNaM cApravAsinam 50  dve karmaNI naraH kurvann asmim*l loke virocate  abruvan paruSaM kiM cid asato nArthayaMs tathA 51  dvAv imau puruSavyAghra parapratyaya kAriNau  striyaH kAmita kAminyo lokaH pUjita pUjakaH 52  dvAv imau kaNTakau tIkSNau zarIraparizoSaNau  yaz cAdhanaH kAmayate yaz ca kupyaty anIzvaraH 53  dvAv imau puruSau rAjan svargasya pari tiSThataH  prabhuz ca kSamayA yukto daridraz ca pradAnavAn 54  nyAyAgatasya dravyasya boddhavyau dvAv atikramau  apAtre pratipattiz ca pAtre cApratipAdanam 55  trayo nyAyA manuSyANAM zrUyante bharatarSabha  kanIyAn madhyamaH zreSTha iti vedavido viduH 56  trividhAH puruSA rAjann uttamAdhamamadhyamAH  niyojayed yathAvat tAMs trividheSv eva karmasu 57  traya evAdhanA rAjan bhAryA dAsas tathA sutaH  yat te samadhigacchanti yasya te tasya tad dhanam 58  catvAri rAjJA tu mahAbalena; varjyAny AhuH paNDitas tAni vidyAt  alpaprajJaiH saha mantraM na kuryAn; na dIrghasUtrair alasaiz cAraNaiz ca 59  catvAri te tAta gRhe vasantu; zriyAbhijuSTasya gRhastha dharme  vRddho jJAtir avasannaH kulInaH; sakhA daridro bhaginI cAnapatyA 60  catvAry Aha mahArAja sadyaskAni bRhaspatiH  pRcchate tridazendrAya tAnImAni nibodha me 61  devatAnAM ca saMkalpam anubhAvaM ca dhImatAm  vinayaM kRtavidyAnAM vinAzaM pApakarmaNAm 62  paJcAgnayo manuSyeNa paricaryAH prayatnataH  pitA mAtAgnir AtmA ca guruz ca bharatarSabha 63  paJcaiva pUjayam*l loke yazaH prApnoti kevalam  devAn pitRRn manuSyAMz ca bhikSUn atithipaJcamAn 64  paJca tvAnugamiSyanti yatra yatra gamiSyasi  mitrANy amitrA madhyasthA upajIvyopajIvinaH 65  paJcendriyasya martyasya chidraM ced ekam indriyam  tato 'sya sravati prajJA dRteH pAdAd ivodakam 66  SaD doSAH puruSeNeha hAtavyA bhUtim icchatA  nidrA tandrI bhayaM krodha AlasyaM dIrghasUtratA 67  SaD imAn puruSo jahyAd bhinnAM nAvam ivArNave  apravaktAram AcAryam anadhIyAnam Rtvijam 68  arakSitAraM rAjAnaM bhAryAM cApriya vAdinIm  grAmakAraM ca gopAlaM vanakAmaM ca nApitam 69  SaD eva tu guNAH puMsA na hAtavyAH kadA cana  satyaM dAnam anAlasyam anasUyA kSamA dhRtiH 70  SaNNAm Atmani nityAnAm aizvaryaM yo 'dhigacchati  na sa pApaiH kuto 'narthair yujyate vijitendriyaH 71  SaD ime SaTsu jIvanti saptamo nopalabhyate  corAH pramatte jIvanti vyAdhiteSu cikitsakAH 72  pramadAH kAmayAneSu yajamAneSu yAjakAH  rAjA vivadamAneSu nityaM mUrkheSu paNDitAH 73  sapta doSAH sadA rAjJA hAtavyA vyasanodayAH  prAyazo yair vinazyanti kRtamUlAz ca pArthivAH 74  striyo 'kSA mRgayA pAnaM vAk pAruSyaM ca paJcamam  mahac ca daNDapAruSyam arthadUSaNam eva ca 75  aSTau pUrvanimittAni narasya vinaziSyataH  brAhmaNAn prathamaM dveSTi brAhmaNaiz ca virudhyate 76  brAhmaNa svAni cAdatte brAhmaNAMz ca jighAMsati  ramate nindayA caiSAM prazaMsAM nAbhinandati 77  naitAn smarati kRtyeSu yAcitaz cAbhyasUyati  etAn doSAn naraH prAjJo buddhyA buddhvA vivarjayet 78  aSTAv imAni harSasya nava nItAni bhArata  vartamAnAni dRzyante tAny eva susukhAny api 79  samAgamaz ca sakhibhir mahAMz caiva dhanAgamaH  putreNa ca pariSvaGgaH saMnipAtaz ca maithune 80  samaye ca priyAlApaH svayUtheSu ca saMnatiH  abhipretasya lAbhaz ca pUjA ca janasaMsadi 81  navadvAram idaM vezma tristhUNaM paJca sAkSikam  kSetrajJAdhiSThitaM vidvAn yo veda sa paraH kaviH 82  daza dharmaM na jAnanti dhRtarASTra nibodha tAn  mattaH pramatta unmattaH zrAntaH kruddho bubhukSitaH 83  tvaramANaz ca bhIruz ca lubdhaH kAmI ca te daza  tasmAd eteSu bhAveSu na prasajjeta paNDitaH 84  atraivodAharantImam itihAsaM purAtanam  putrArtham asurendreNa gItaM caiva sudhanvanA 85  yaH kAmamanyU prajahAti rAjA; pAtre pratiSThApayate dhanaM ca  vizeSavic chrutavAn kSiprakArI; taM sarvalokaH kurute pramANam 86  jAnAti vizvAsayituM manuSyAn; vijJAta doSeSu dadhAti daNDam  jAnAti mAtrAM ca tathA kSamAM ca; taM tAdRzaM zrIr juSate samagrA 87  sudurbalaM nAvajAnAti kaM cid; yukto ripuM sevate buddhipUrvam  na vigrahaM rocayate balasthaiH; kAle ca yo vikramate sa dhIraH 88  prApyApadaM na vyathate kadA cid; udyogam anvicchati cApramattaH  duHkhaM ca kAle sahate jitAtmA; dhuraMdharas tasya jitAH sapatnAH 89  anarthakaM vipra vAsaM gRhebhyaH; pApaiH saMdhiM paradArAbhimarzam  dambhaM stainyaM paizunaM madya pAnaM; na sevate yaH sa sukhI sadaiva 90  na saMrambheNArabhate 'rthavargam; AkAritaH zaMsati tathyam eva  na mAtrArthe rocayate vivAdaM; nApUjitaH kupyati cApy amUDhaH 91  na yo 'bhyasUyaty anukampate ca; na durbalaH prAtibhAvyaM karoti  nAtyAha kiM cit kSamate vivAdaM; sarvatra tAdRg labhate prazaMsAm 92  yo noddhataM kurute jAtu veSaM; na pauruSeNApi vikatthate 'nyAn  na mUrcchitaH kaTukAny Aha kiM cit; priyaM sadA taM kurute jano 'pi 93  na vairam uddIpayati prazAntaM; na darmam Arohati nAstam eti  na durgato 'smIti karoti manyuM; tam Arya zIlaM param Ahur agryam 94  na sve sukhe vai kurute praharSaM; nAnyasya duHkhe bhavati pratItaH  dattvA na pazcAt kurute 'nutApaM; na katthate satpuruSArya zIlaH 95  dezAcArAn samayAJ jAtidharmAn; bubhUSate yas tu parAvarajJaH  sa tatra tatrAdhigataH sadaiva; mahAjanasyAdhipatyaM karoti 96  dambhaM mohaM matsaraM pApakRtyaM; rAjadviSTaM paizunaM pUgavairam  mattonmattair durjanaiz cApi vAdaM; yaH prajJAvAn varjayet sa pradhAnaH 97  damaM zaucaM daivataM maGgalAni; prAyazcittaM vividhAm*l lokavAdAn  etAni yaH kurute naityakAni; tasyotthAnaM devatA rAdhayanti 98  samair vivAhaM kurute na hInaiH; samaiH sakhyaM vyavahAraM kathAz ca  guNair viziSTAMz ca puro dadhAti; vipazcitas tasya nayAH sunItAH 99  mitaM bhuGkte saMvibhajyAzritebhyo; mitaM svapity amitaM karmakRtvA  dadAty amitreSv api yAcitaH saMs; tam AtmavantaM prajahAty anarthAH 100  cikIrSitaM viprakRtaM ca yasya; nAnye janAH karma jAnanti kiM cit  mantre gupte samyag anuSThite ca; svalpo nAsya vyathate kaz cid arthaH 101  yaH sarvabhUtaprazame niviSTaH; satyo mRdur dAnakRc chuddha bhAvaH  atIva saMjJAyate jJAtimadhye; mahAmaNir jAtya iva prasannaH 102  ya AtmanApatrapate bhRzaM naraH; sa sarvalokasya gurur bhavaty uta  ananta tejAH sumanAH samAhitaH; svatejasA sUrya ivAvabhAsate 103  vane jAtAH zApadagdhasya rAjJaH; pANDoH putrAH paJca paJcendra kalpAH  tvayaiva bAlA vardhitAH zikSitAz ca; tavAdezaM pAlayanty Ambikeya 104  pradAyaiSAm ucitaM tAta rAjyaM; sukhI putraiH sahito modamAnaH  na devAnAM nApi ca mAnuSANAM; bhaviSyasi tvaM tarkaNIyo narendra   |



|  1   [dhR]  jAgrato dahyamAnasya yat kAryam anupazyasi  tad brUhi tvaM hi nas tAta dharmArthakuzalaH zuciH 2  tvaM mAM yathAvad vidura prazAdhi; prajJA pUrvaM sarvam ajAtazatroH  yan manyase pathyam adInasattva; zreyaH karaM brUhi tad vai kurUNAm 3  pApAzaGgI pApam eva naupazyan; pRcchAmi tvAM vyAkulenAtmanAham  kave tan me brUhi sarvaM yathAvan; manISitaM sarvam ajAtazatroH 4  zubhaM vA yadi vA pApaM dveSyaM vA yadi vA priyam  apRSTas tasya tad brUyAd yasya necchet parAbhavam 5  tasmAd vakSyAmi te rAjan bhavam icchan kurUn prati  vacaH zreyaH karaM dharmyaM bruvatas tan nibodha me 6  mithyopetAni karmANi sidhyeyur yAni bhArata  anupAya prayuktAni mA sma teSu manaH kRthAH 7  tathaiva yogavihitaM na sidhyet karma yan nRpa  upAyayuktaM medhAvI na tatra glapayen manaH 8  anubandhAn avekSeta sAnubandheSu karmasu  saMpradhArya ca kurvIta na vegena samAcaret 9  anubandhaM ca saMprekSya vipAkAMz caiva karmaNAm  utthAnam Atmanaz caiva dhIraH kurvIta vA na vA 10  yaH pramANaM na jAnAti sthAne vRddhau tathA kSaye  koze janapade daNDe na sa rAjyAvatiSThate 11  yas tv etAni pramANAni yathoktAny anupazyati  yukto dharmArthayor jJAne sa rAjyam adhigacchati 12  na rAjyaM prAptam ity eva vartitavyam asAMpratam  zriyaM hy avinayo hanti jarA rUpam ivottamam 13  bhakSyottama praticchannaM matsyo baDizam Ayasam  rUpAbhipAtI grasate nAnubandham avekSate 14  yac chakyaM grasituM grasyaM grastaM pariNamec ca yat  hitaM ca pariNAme yat tad adyaM bhUtim icchatA 15  vanaspater apakvAni phalAni pracinoti yaH  sa nApnoti rasaM tebhyo bIjaM cAsya vinazyati 16  yas tu pakvam upAdatte kAle pariNataM phalam  phalAd rasaM sa labhate bIjAc caiva phalaM punaH 17  yathA madhu samAdatte rakSan puSpANi SaTpadaH  tadvad arthAn manuSyebhya AdadyAd avihiMsayA 18  puSpaM puSpaM vicinvIta mUlacchedaM na kArayet  mAlA kAra ivArAme na yathAGgAra kArakaH 19  kiM nu me syAd idaM kRtvA kiM nu me syAd akurvataH  iti karmANi saMcintya kuryAd vA puruSo na vA 20  anArabhyA bhavanty arthAH ke cin nityaM tathAgatAH  kRtaH puruSakAro 'pi bhaved yeSu nirarthakaH 21  kAMz cid arthAn naraH prAjJo labhu mUlAn mahAphalAn  kSipram Arabhate kartuM na vighnayati tAdRzAn 22  Rju pazyati yaH sarvaM cakSuSAnupibann iva  AsInam api tUSNIkam anurajyanti taM prajAH 23  cakSuSA manasA vAcA karmaNA ca caturvidham  prasAdayati lokaM yas taM loko 'nuprasIdati 24  yasmAt trasyanti bhUtAni mRgavyAdhAn mRgA iva  sAgarAntAm api mahIM labdhvA sa parihIyate 25  pitRpaitAmahaM rAjyaM prAptavAn svena tejasA  vAyur abhram ivAsAdya bhraMzayaty anaye sthitaH 26  dharmam Acarato rAjJaH sadbhiz caritam AditaH  vasudhA vasusaMpUrNA vardhate bhUtivardhanI 27  atha saMtyajato dharmam adharmaM cAnutiSThataH  pratisaMveSTate bhUmir agnau carmAhitaM yathA 28  ya eva yatnaH kriyate prara rASTrAvamardane  sa eva yatnaH kartavyaH svarASTra paripAlane 29  dharmeNa rAjyaM vindeta dharmeNa paripAlayet  dharmamUlAM zriyaM prApya na jahAti na hIyate 30  apy unmattAt pralapato bAlAc ca parisarpataH  sarvataH sAram AdadyAd azmabhya iva kAJcanam 31  suvyAhRtAni sudhiyAM sukRtAni tatas tataH  saMcinvan dhIra AsIta zilA hArI zilaM yathA 32  gandhena gAvaH pazyanti vedaiH pazyanti brAhmaNAH  cAraiH pazyanti rAjAnaz cakSurbhyAm itare janAH 33  bhUyAMsaM labhate klezaM yA gaur bhavati durduhA  atha yA suduhA rAjan naiva tAM vinayanty api 34  yad ataptaM praNamati na tat saMtApayanty api  yac ca svayaM nataM dAru na tat saMnAmayanty api 35  etayopamayA dhIraH saMnameta balIyase  indrAya sa praNamate namate yo balIyase 36  parjanyanAthAH pazavo rAjAno mitra bAndhavAH  patayo bAndhavAH strINAM brAhmaNA veda bAndhavAH 37  satyena rakSyate dharmo viyA yogena rakSyate  mRjayA rakSyate rUpaM kulaM vRttena rakSyate 38  mAnena rakSyate dhAnyam azvAn rakSyaty anukramaH  abhIkSNadarzanAd gAvaH striyo rakSyAH kucelataH 39  na kulaM vRtti hInasya pramANam iti me matiH  antyeSv api hi jAtAnAM vRttam eva viziSyate 40  ya IrSyuH paravitteSu rUpe vIrye kulAnvaye  sukhe saubhAgyasatkAre tasya vyAdhir anantakaH 41  akArya karaNAd bhItaH kAryANAM ca vivarjanAt  akAle mantrabhedAc ca yena mAdyen na tat pibet 42  vidyAmado dhanamadas tRtIyo 'bhijano madaH  ete madAvaliptAnAm eta eva satAM damAH 43  asanto 'bhyarthitAH sadbhiH kiM cit kAryaM kadA cana  manyante santam AtmAnam asantam api vizrutam 44  gatir AtmavatAM santaH santa eva satAM gatiH  asatAM ca gatiH santo na tv asantaH satAM gatiH 45  jitA sabhA vastravatA samAzA gomatA jitA  adhvA jito yAnavatA sarvaM zIlavatA jitam 46  zIlaM pradhAnaM puruSe tad yasyeha praNazyati  na tasya jIvitenArtho na dhanena na bandhubhiH 47  ADhyAnAM mAMsaparamaM madhyAnAM gorasottaram  lavaNottaraM daridrANAM bhojanaM bharatarSabha 48  saMpannataram evAnnaM daridrA bhuJjate sadA  kSut svAdutAM janayati sA cADhyeSu sudurlabhA 49  prAyeNa zrImatAM loke bhoktuM zaktir na vidyate  daridrANAM tu rAjendra api kASThaM hi jIryate 50  avRttir bhayam antyAnAM madhyAnAM maraNAd bhayam  uttamAnAM tu martyAnAm avamAnAt paraM bhayam 51  aizvaryamadapApiSThA madAH pAnamadAdayaH  aizvaryamadamatto hi nApatitvA vibudhyate 52  indriyaur indriyArtheSu vartamAnair anigrahaiH  tair ayaM tApyate loko nakSatrANi grahair iva 53  yo jitaH paJcavargeNa sahajenAtma karzinA  Apadas tasya vardhante zuklapakSa ivoDurAD 54  avijitya ya AtmAnam amAtyAn vijigISate  amitrAn vAjitAmAtyaH so 'vazaH parihIyate 55  AtmAnam eva prathamaM dezarUpeNa yo jayet  tato 'mAtyAn amitrAMz ca na moghaM vijigISate 56  vazyendriyaM jitAmAtyaM dhRtadaNDaM vikAriSu  parIkSya kAriNaM dhIram atyantaM zrIr niSevate 57  rathaH zarIraM puruSasya rAjan; nAtmA niyantendriyANy asya cAzvAH  tair apramattaH kuzalaH sadazvair; dAntaiH sukhaM yAti rathIva dhIraH 58  etAny anigRhItAni vyApAdayitum apy alam  avidheyA ivAdAntA hayAH pathi kusArathim 59  anartham arthataH pazyann artaM caivApy anarthataH  indriyaiH prasRto bAlaH suduHkhaM manyate sukham 60  dharmArthau yaH parityajya syAd indriyavazAnugaH  zrIprANadhanadArebhya kSipraM sa parihIyate 61  arthAnAm Izvaro yaH syAd indriyANAm anIzvaraH  indriyANAm anaizvaryAd aizvaryAd bhrazyate hi saH 62  AtmanAtmAnam anvicchen mano buddhIndriyair yataiH  Atmaiva hy Atmano bandhur Atmaiva ripur AtmanaH 63  kSudrAkSeNeva jAlena jhaSAv apihitAv ubhau  kAmaz ca rAjan krodhaz ca tau prAjJAnaM vilumpataH 64  samavekSyeha dharmArthau saMbhArAn yo 'dhigacchati  sa vai saMbhRta saMbhAraH satataM sukham edhate 65  yaH paJcAbhyantarAJ zatrUn avijitya matikSayAn  jigISati ripUn anyAn ripavo 'bhibhavanti tam 66  dRzyante hi durAtmAno vadhyamAnAH svakarma bhiH  indriyANAm anIzatvAd rAjAno rAjyavibhramaiH 67  asaMtyAgAt pApakRtAm apApAMs; tulyo daNDaH spRzate mizrabhAvAt  zuSkeNArdraM dahyate mizrabhAvAt; tasmAt pApaiH saha saMdhiM na kuryAt 68  nijAn utpatataH zatrUn paJca paJca prayojanAn  yo mohAn na nighRhNAti tam Apad grasate naram 69  anasUyArjavaM zaucaM saMtoSaH priyavAditA  damaH satyam anAyAso na bhavanti durAtmanAm 70  AtmajJAnam anAyAsas titikSA dharmanityatA  vAk caiva guptA dAnaM ca naitAny antyeSu bhArata 71  Akroza parivAdAbhyAM vihiMsanty abudhA budhAn  vaktA pApam upAdatte kSamamANo vimucyate 72  hiMsA balam asAdhUnAM rAjJAM daNDavidhir balam  zuzrUSA tu balaM strINAM kSamAguNavatAM balam 73  vAk saMyamo hi nRpate suduSkaratamo mataH  arthavac ca vicitraM ca na zakyaM bahubhASitum 74  abhyAvahati kalyANaM vividhA vAk subhASitA  saiva durbhASitA rAjann anarthAyopapadyate 75  saMrohati zarair viddhaM vanaM parazunA hatam  vAcA duruktaM bIbhatsaM na saMrohati vAk kSatam 76  karNinAlIkanArAcA nirharanti zarIrataH  vAkzalyas tu na nirhartuM zakyo hRdi zayo hi saH 77  vAk sAyakA vadanAn niSpatanti; yair AhataH zocati ratry ahAni  parasya nAmarmasu te patanti; tAn paNDito nAvasRjet pareSu 78  yasmai devAH prayacchanti puruSAya parAbhavam  buddhiM tasyApakarSanti so 'pAcInAni pazyati 79  buddhau kaluSa bhUtAyAM vinAze pratyupasthite  anayo nayasaMkAzo hRdayAn nApasarpati 80  seyaM buddhiH parItA te putrANAM tava bhArata  pANDavAnAM virodhena na cainAm avabudhyase 81  rAjA lakSaNasaMpannas trailokyasyApi yo bhavet  ziSyas te zAsitA so 'stu dhRtarASTra yudhiSThiraH 82  atIva sarvAn putrAMs te bhAgadheya puraskRtaH  tejasA prajJayA caiva yukto dharmArthatattvavit 83  AnRzaMsyAd anukrozAd yo 'sau dharmabhRtAM varaH  gauravAt tava rAjendra bahUn klezAMs titikSati   |



|  1   [dhR]  brUhi bhUyo mahAbuddhe dharmArthasahitaM vacaH  zRNvato nAsti me tRptir vicitrANIha bhASase 2  sarvatIrtheSu vA snAnaM sarvabhUteSu cArjavam  ubhe ete same syAtAm ArjavaM vA viziSyate 3  ArjavaM pratipadyasva putreSu satataM vibho  iha kIrtiM parAM prApya pretya svargam avApsyasi 4  yAvat kIrtir manuSyasya puNyA lokeSu gIyate  tAvat sa puruSavyAghra svargaloke mahIyate 5  atrApy udAharantImam itihAsaM purAtanam  virocanasya saMvAdaM keziny arthe sudhanvanA 6  kiM brAhmaNAH svic chreyAMso ditijAH svid virocana  atha kena sma paryaGkaM sudhanvA nAdhirohati 7  prAjApatyA hi vai zreSThA vayaM kezini sattamAH  asmAkaM khalv ime lokAH ke devAH ke dvijAtayaH 8  ihaivAssva pratIkSAva upasthAne virocana  sudhanvA prAtar AgantA pazyeyaM vAM samAgatau 9  tathA bhadre kariSyAmi yathA tvaM bhIru bhASase  sudhanvAnaM ca mAM caiva prAtar draSTAsi saMgatau 10  anvAlabhe hiraNmayaM prAhrAde 'haM tavAsanam  ekatvam upasaMpanno na tv AseyaM tvayA saha 11  anvAharantu phalakaM kUrcaM vApy atha vA bRsIm  sudhanvan na tvam arho 'si mayA saha samAsanam 12  pitApi te samAsInam upAsItaiva mAm adhaH  bAlaH sukhaidhito gehe na tvaM kiM cana budhyase 13  hiraNyaM ca gavAzvaM ca yad vittam asureSu naH  sudhanvan vipaNe tena praznaM pRcchAva ye viduH 14  hiraNyaM ca gavAzvaM ca tavaivAstu virocana  prANayos tu paNaM kRtvA praznaM pRcchAva ye viduH 15  AvAM kutra gamiSyAvaH prANayor vipaNe kRte  na hi deveSv ahaM sthAtA na manuSyeSu karhi cit 16  pitaraM te gamiSyAvaH prANayor vipaNe kRte  putrasyApi sa hetor hi prahrAdo nAnRtaM vadet 17   [prah]  imau tau saMpradRzyete yAbhyAM na caritaM saha  AzIviSAv iva kruddhAv ekamArgam ihAgatau 18  kiM vai sahaiva carato na purA carataH saha  virocanaitat pRcchAmi kiM te sakhyaM sudhanvanA 19  na me sudhanvanA sakhyaM prANayor vipaNAvahe  prahrAda tat tvAm RpcchAmi mA praznam anRtaM vadIH 20   [prah]  udakaM madhuparkaM cApy Anayantu sudhanvane  brahmann abhyarcanIyo 'si zvetA gauH pIvarI kRtA 21  udakaM madhuparkaM ca patha evArpitaM mama  prahrAda tvaM tu nau praznaM tathyaM prabrUhi pRcchatoH 22   [prah]  purto vAnyo bhavAn brahman sAkSye caiva bhavet sthitaH  tayor vivadatoH praznaM katham asmad vibho vadet 23  atha yo naiva prabrUyAt satyaM vA yadi vAnRtam  etat sudhanvan pRcchAmi durvivaktA sma kiM vaset 24  yAM rAtrim adhivinnA strI yAM caivAkSa parAjitaH  yAM ca bhArAbhitaptAGgo durvivaktA sma tAM vaset 25  nagare pratiruddhaH san bahir dvAre bubhukSitaH  amitrAn bhUyasaH pazyan durvivaktA sma tAM vaset 26  paJca pazvanRte hanti daza hanti gavAnRte  zatam azvAnRte hanti sahasraM puruSAnRte 27  hanti jAtAn ajAtAMz ca hiraNyArtho 'nRtaM vadan  sarvaM bhUmyanRte hanti mA sma bhUmyanRtaM vadIH 28   [prah]  mattaH zreyAn aGgirA vai sudhanvA tvad virocana  mAtAsya zreyasI mAtus tasmAt tvaM tena vai jitaH 29  virocana sudhanvAyaM prANAnAm Izvaras tava  sudhanvan punar icchAmi tvayA dattaM virocanam 30  yad dharmam avRNIthAs tvaM na kAmAd anRtaM vadIH  punar dadAmi te tasmAt putraM prahrAda durlabham 31  eSa prahrAda putras te mayA datto virocanaH  pAdaprakSAlanaM kuryAt kumAryAH saMnidhau mama 32  tasmAd rAjendra bhUmyarthe nAnRtaM vaktum arhasi  mA gamaH sa sutAmAtyo 'tyayaM putrAn anubhraman 33  na devA yaSTim AdAya rakSanti pazupAlavat  yaM tu rakSitum icchanti buddhyA saMvibhajanti tam 34  yathA yathA hi puruSaH kalyANe kurute manaH  tathA tathAsya sarvArthAH sidhyante nAtra saMzayaH 35  na chandAMsi vRjinAt tArayanti; AyAvinaM mAyayA vartamAnam  nIDaM zakuntA iva jAtapakSAz; chandAMsy enaM prajahaty antakAle 36  mattApAnaM kalahaM pUgavairaM; bhAryApatyor antaraM jJAtibhedam  rAjadviSTaM strIpumAMsor vivAdaM; varjyAny Ahur yaz ca panthAH praduSThaH 37  sAmudrikaM vaNijaM corapUrvaM; zalAka dhUrtaM ca cikitsakaM ca  ariM ca mitraM ca kuzIlavaM ca; naitAn sAkhyeSv adhikurvIta sapta 38  mAnAgnihotram uta mAnamaunaM; mAnenAdhItam uta mAnayajJaH  etAni catvAry abhayaMkarANi; bhayaM prayacchanty ayathA kRtAni 39  agAra dAhI garadaH kuNDAzI somavikrayI  parva kAraz ca sUcI ca mitra dhruk pAradArikaH 40  bhrUNahA guru talpI ca yaz ca syAt pAnapo dvijaH  atitIkSNaz ca kAkaz ca nAstiko veda nindakaH 41  sruva pragrahaNo vrAtyaH kInAzaz cArthavAn api  rakSety uktaz ca yo hiMsyAt sarve brahmaNhaNaiH samAH 42  tRNoklayA jJAyate jAtarUpaM; yuge bhadro vyavahAreNa sAdhuH  zUro bhayeSv arthakRcchreSu dhIraH; kRcchrAsv Apatsu suhRdaz cArayaz ca 43  jarA rUpaM harati hi dhairyam AzA; mRtyuH prANAn dharmacaryAm asUyA  krodhaH zriyaM zIlam anArya sevA; hriyaM kAmaH sarvam evAbhimAnaH 44  zrIr maGgalAt prabhavati prAgalbhyAt saMpravardhate  dAkSyAt tu kurute mUlaM saMyamAt pratitiSThati 45  aSTau guNAH puruSaM dIpayanti; prajJA ca kaulyaM ca damaH zrutaM ca  parAkramaz cAbahu bhASitA ca; dAnaM yathAzakti kRtajJatA ca 46  etAn guNAMs tAta mahAnubhAvAn; eko guNaH saMzrayate prasahya  rAjA yadA satkurute manuSyaM; sarvAn guNAn eSa guNo 'tibhAti 47  aSTau nRpemAni manuSyaloke; svargasya lokasya nidarzanAni  catvAry eSAm anvavetAni sadbhiz; catvAry eSAm anvavayanti santaH 48  yajJo dAnam adhyayanaM tapaz ca; catvAry etAny anvavetAni sadbhiH  damaH satyam Arjavam AnRzaMsyaM; catvAry etAny anvavayanti santaH 49  na sA sabhA yatra na santi vRddhA; na te vRddhA ye na vadanti dharmam  nAsau harmo yatana satyam asti; na tat satyaM yac chalenAnuviddham 50  satyaM rUpaM zrutaM vidyA kaulyaM zIlaM balaM dhanam  zauryaM ca cirabhASyaM ca dazaH saMsargayonayaH 51  pApaM kurvan pApakIrtiH pApam evAznute phalam  puNyaM kurvan puNyakIrtiH puNyam evAznute phalam 52  pApaM prajJAM nAzayati kriyamANaM punaH punaH  naSTaprajJaH pApam eva nityam Arabhate naraH 53  puNyaM prajJAM vardhayati kriyamANaM punaH punaH  vRddhaprajJaH puNyam eva nityam Arabhate naraH 54  asUyako danda zUko niSThuro vairakRn naraH  sa kRcchraM mahad Apnoto nacirAt pApam Acaran 55  anasUyaH kRtaprajJTaH zobhanAny Acaran sadA  akRcchrAt sukham Apnoti sarvatra ca virAjate 56  prajJAm evAgamayati yaH prAjJebhyaH sa paNDitaH  prAjJo hy avApya dharmArthau zaknoti sukham edhitum 57  divasenaiva tat kuryAd yena rAtau sukhaM vaset  aSTa mAsena tat kuryAd yena varSAH sukhaM vaset 58  pUrve vayasi tat kuryAd yena vRddhasukhaM vaset  yAvaj jIvena tat kuryAd yena pretya sukhaM vaset 59  jIrNam annaM prazaMsanti bhAryaM ca gatayauvanAm  zUraM vigatasaMgrAmaM gatapAraM tapasvinam 60  dhanenAdharmalabdhena yac chidram apidhIyate  asaMvRtaM tad bhavati tato 'nyad avadIryate 61  gurur AtmavatAM zAstA zAsA rAjA durAtmanAm  atha pracchannapApAnAM zAstA vaivasvato yamaH 62  RSINAM ca nadInAM ca kulAnAM ca mahAmanAm  prabhavo nAdhigantavyaH strINAM duzcaritasya ca 63  dvijAtipUjAbhirato dAtA jJAtiSu cArjavI  kSatriyaH svargabhAg rAjaMz ciraM pAlayate mahIm 64  suvarNapuSpAM pRthivIM cinvanti puruSAs trayaH  zUraz ca kRtavidyaz ca yaz ca jAnAti sevitum 65  buddhizreSThAni karmANi bAhumadhyAni bhArata  tAni jaGghA jaghanyAni bhArapratyavarANi ca 66  duryodhane ca zakunau mUDhe duHzAsane tathA  karNe caizvaryam AdhAya kathaM tvaM bhUtim icchasi 67  sarvair guNair upetAz ca pANDavA bharatarSabha  pitRvat tvayi vartante teSu vartasva putravat   |



|  1   [vi]  atraivodAharantImam itihAsaM purAtanam  Atreyasya ca saMvAdaM sAdhyAnAM ceti naH zrutam 2  carantaM haMsarUpeNa maharSiM saMzitavratam  sAdhyA devA mahAprAjJaM paryapRcchanta vai purA 3  sAdhyA devA vayam asmo maharSe; dRSTvA bhavantaM na zaknumo 'numAtum  zrutena dhIro buddhimAMs tvaM mato naH; kAvyAM vAcaM vaktum arhasy udArAm 4  etat kAryam amarAH saMzrutaM me; dhRtiH zamaH satyadharmAnuvRttiH  granthiM vinIya hRdayasya sarvaM; priyApriye cAtmavazaM nayIta 5  AkruzyamAno nAkrozen manyur eva titikSitaH  AkroSTAraM nirdahati sukRtaM cAsya vindati 6  nAkrozI syAn nAvamAnI parasya; mitradrohI nota nIcopasevI  na cAtimAnI na ca hInavRtto; rUkSAM vAcaM ruzatIM varjayIta 7  marmANy asthIni hRdayaM tathAsUn; ghorA vAco nirdahantIha puMsAm  tasmAd vAcaM ruzatIM rUkSarUpAM; dharmArAmo nityazo varjayIta 8  aruM turaM paruSaM rUkSavAcaM; vAk kaNTakair vitudantaM manuSyAn  vidyAd alakSmIkatamaM janAnAM; mukhe nibaddhAM nirRtiM vahantam 9  paraz ced enam adhividhyeta bANair; bhRzaM sutIkSNair analArka dIptaiH  viricyamAno 'py atiricyamAno; vidyAt kaviH sukRtaM me dadhAti 10  yadi santaM sevate yady asantaM; tapasvinaM yadi vA stenam eva  vAso yathA raGga vazaM prayAti; tathA sa teSAM vazam abhyupaiti 11  vAdaM tu yo na pravaden na vAdayed; yo nAhataH pratihanyAn na ghAtayet  yo hantukAmasya na pApam icchet; tasmai devAH spRhayanty AgatAya 12  avyAhRtaM vyAhRtAc chreya AhuH; satyaM vaded vyAhRtaM tad dvitIyam  priyaMvaded vyAhRtaM tat tRtIyaM; dharmyaM vaded vyAhRtaM tac caturtham 13  yAdRzaiH saMvivadate yAdRzAMz copasevate  yAdRg icchec ca bhavituM tAdRg bhavati pUruSaH 14  yato yato nivartate tatas tato vimucyate  nivartanAd dhi sarvato na vetti duHkham aNv api 15  na jIyate nota jigISate 'nyAn; na vairakkRc cApratighAtakaz ca  nindA prazaMsAsu samasvabhAvo; na zocate hRSyati naiva cAyam 16  bhAvam icchati sarvasya nAbhAve kurute matim  satyavAdI mRdur dAnto yaH sa uttamapUruSaH 17  nAnarthakaM sAntvayati pratijJAya dadAti ca  rAddhAparAddhe jAnAti yaH sa madhyamapUruSaH 18  duHzAsanas tUpahantA na zAstA; nAvartate manyuvazAt kRtaghnaH  na kasya cin mitram atho durAtmA; kalAz caitA adhamasyeha puMsaH 19  na zraddadhAti kalyANaM parebhyo 'py AtmazaGkitaH  nirAkaroti mitrANi yo vai so 'dhama pUruSaH 20  uttamAn eva seveta prApte kAle tu madhyamAn  adhamAMs tu na seveta ya icchec chreya AtmanaH 21  prApnoti vai vittam asad balena; nityotthAnAt prajJayA pauruSeNa  na tv eva samyag labhate prazaMsAM; na vRttam Apnoti mahAkulAnAm 22  mahAkulAnAM spRhayanti devA; dharmArthavRddhAz ca bahuzrutAz ca  pRcchAmi tvAM vidura praznam etaM; bhavanti vai kAni mahAkulAni 23  tamo damo brahmavit tvaM vitAnAH; puNyA vivAhAH satatAnna dAnam  yeSv evaite saptaguNA bhavanti; samyag vRttAs tAni mahAkulAni 24  yeSAM na vRttaM vyathate na yonir; vRttaprasAdena caranti dharmam  ye kIrtim icchanti kule viziSTAM; tyaktAnRtAs tAni mahAkulAni 25  anijyayAvivAhairz ca vedasyotsAdanena ca  kulAny akulatAM yAnti dharmasyAtikrameNa ca 26  deva dravyavinAzena brahma svaharaNena ca  kulAny akulatAM yAnti brAhmaNAtikrameNa ca 27  brAhmaNAnAM paribhavAt parivAdAc ca bhArata  kulAny akulatAM yAnti nyAsApaharaNena ca 28  kulAni samupetAni gobhiH puruSato 'zvataH  kulasaMkhyAM na gacchanti yAni hInAni vRttataH 29  vRttatas tv avihInAni kulAny alpadhanAny api  kulasaMkhyAM tu gacchanti karSanti ca mayad yazaH 30  mA naH kule vairakRt kaz cid astu; rAjAmAtyo mA parasvApahArI  mitradrohI naikRtiko 'nRtI vA; pUrvAzI vA pitRdevAtithibhyaH 31  yaz ca no brAhmaNaM hanyAd yaz ca no brAhmaNAn dviSet  na naH sa samitiM gacched yaz ca no nirvapet kRSim 32  tRNAni bhUmir udakaM vAk caturthI ca sUnRtA  satAm etAni geheSu nocchidyante kadA cana 33  zraddhayA parayA rAjann upanItAni satkRtim  pravRttAni mahAprAjJa dharmiNAM puNyakarmaNAm 34  sUkSmo 'pi bhAraM nRpate syandano vai; zakto voDhuM na tathAnye mahIjAH  evaM yuktA bhArasahA bhavanti; mahAkulInA na tathAnye manuSyAH 35  na tan mitraM yasya kopAd bibheti; yad vA mitraM zaGkitenopacaryam  yasmin mitre pitarIvAzvasIta; tad vai mitraM saMgatAnItarANi 36  yadi ced apy asaMbandho mitrabhAvena vartate  sa eva bandhus tan mitraM sA gatis tatparAyaNam 37  calacittasya vai puMso vRddhAn anupasevataH  pAriplavamater nityam adhruvo mitra saMgrahaH 38  calacittam anAtmAnam indriyANAM vazAnugam  arthAH samativartante haMsAH zuSkaM saro yathA 39  akasmAd eva kupyanti prasIdanty animittataH  zIlam etad asAdhUnAm abhraM pAriplavaM yathA 40  satkRtAz ca kRtArthAz ca mitrANAM na bhavanti ye  tAn mRtAn api kravyAdAH kRtaghnAn nopabhuJjate 41  arthayed eva mitrANi sati vAsati vA dhane  nAnarthayan vijAnAti mitrANAM sAraphalgutAm 42  saMtApAd bhrazyate rUpaM saMtApAd bhrazyate balam  saMtApAd bhrazyate jJAnaM saMtApAd vyAdhim Rcchati 43  anavApyaM ca zokena zarIraM copatapyate  amitrAz ca prahRSyanti mA sma zoke manaH kRthAH 44  punar naro mriyate jAyate ca; punar naro hIyate vardhate punaH  punar naro yAcati yAcyate ca; punar naraH zocati zocyate punaH 45  sukhaM ca duHkhaM ca bhavAbhavau ca; lAbhAlAbhau maraNaM jIvitaM ca  paryAyazaH sarvam iha spRzanti; tasmAd dhIro naiva hRSyen na zocet 46  calAni hImAni SaDindriyANi; teSAM yad yad vartate yatra yatra  tatas tataH sravate buddhir asya; chidroda kumbhAd iva nityam ambhaH 47  tanur ucchaH zikhI rAjA mithyopacarito mayA  mandAnAM mama putrANAM yuddhenAntaM kariSyati 48  nityodvignam idaM sarvaM nityodvignam idaM manaH  yat tat padam anudvignaM tan me vada mahAmate 49  nAnyatra vidyA tapasor nAnyatrendriya nigrahAt  nAnyatra lobhasaMtyAgAc chAntiM pazyAma te 'nagha 50  buddhyA bhayaM praNudati tapasA vindate mahat  guruzuzrUSayA jJAnaM zAntiM tyAgena vindati 51  anAzritA dAnapuNyaM veda puNyam anAzritAH  rAgadveSavinirmuktA vicarantIha mokSiNaH 52  svadhItasya suyuddhasya sukRtasya ca karmaNaH  tapasaz ca sutaptasya tasyAnte sukham edhate 53  svAstIrNAni zayanAni prapannA; na vai bhinnA jAtu nidrAM labhante  na strISu rAjan ratim Apnuvanti; na mAgadhaiH stUyamAnA na sUtaiH 54  na vai bhinnA jAtu caranti dharmaM; na vai sukhaM prApnuvantIha bhinnAH  na vai bhinnA gauravaM mAnayanti; na vai bhinnAH prazamaM rocayanti 55  na vai teSAM svadate pathyam uktaM; yogakSemaM kalpate nota teSAm  bhinnAnAM vai manujendra parAyaNaM; na vidyate kiM cid anyad vinAzAt 56  saMbhAvyaM goSu saMpannaM saMbhAvyaM brAhmaNe tapaH  saMbhAvyaM strISu cApalyaM saMbhAvyaM jJAtito bhayam 57  tantavo 'py AyatA nityaM tantavo bahulAH samAH  bahUn bahutvAd AyAsAn sahantIty upamA satAm 58  dhUmAyante vyapetAni jvalanti sahitAni ca  dhRtarASTrolmukAnIva jJAtayo bharatarSabha 59  brAhmaNeSu ca ye zUrAH strISu jJAtiSu goSu ca  vRntAd iva phalaM pakvaM dhRtarASTra patanti te 60  mahAn apy ekajo vRkSo balavAn supratiSThitaH  prasahya eva vAtena zAkhA skandhaM vimarditum 61  atha ye sahitA vRkSAH saMghazaH supratiSThitAH  te hi zIghratamAn vAtAn sahante 'nyonyasaMzrayAt 62  evaM manuSyam apy ekaM guNair api samanvitam  zakyaM dviSanto manyante vAyur drumam ivaukajam 63  anyonyasamupaSTambhAd anyonyApAzrayeNa ca  jJAtayaH saMpravardhante sarasIvotpalAny uta 64  avadhyA brAhmaNA gAvo striyo bAlAz ca jJAtayaH  yeSAM cAnnAni bhuJjIta ye ca syuH zaraNAgatAH 65  na manuSye guNaH kaz cid anyo dhanavatAm api  anAturatvAd bhadraM te mRtakalpA hi rogiNaH 66  avyAdhijaM kaTukaM zIrSa rogaM; pApAnubandhaM paruSaM tIkSNam ugram  satAM peyaM yan na pibanty asanto; manyuM mahArAja piba prazAmya 67  rogArditA na phalAny Adriyante; na vai labhante viSayeSu tattvam  duHkhopetA rogiNo nityam eva; na budhyante dhanabhogAn na saukhyam 68  purA hy ukto nAkaros tvaM vaco me; dyUte jitAM draupadIM prekSya rAjan  duryodhanaM vArayety akSavatyAM; kitavatvaM paNDitA varjayanti 69  na tad balaM yan mRdunA virudhyate; mizro dharmas tarasA sevitavyaH  pradhvaMsinI krUrasamAhitA zrIr; mRduprauDhA gacchati putrapautrAn 70  dhArtarASTrAH pANDavAn pAlayantu; pANDoH sutAs tava putrAMz ca pAntu  ekArimitrAH kuravo hy ekamantrA; jIvantu rAjan sukhinaH samRddhAH 71  meDhIbhUtaH kauravANAM tvam adya; tvayy AdhInaM kuru kulam AjamIDha  pArthAn bAlAn vanavAsa prataptAn; gopAyasva svaM yazas tAta rakSan 72  saMdhatsva tvaM kauravAn pANDuputrair; mA te 'ntaraM ripavaH prArthayantu  satye sthitAs te naradeva sarve; duryodhanaM sthApaya tvaM narendra   |



|  1   [vi]  saptadazemAn rAjendra manuH svAyambhuvo 'bravIt  vaicitravIrya puruSAn AkAzaM muSTibhir ghnataH 2  tAn ev indrasya hi dhanur anAmyaM namato 'bravIt  atho marIcinaH pAdAn anAmyAn namatas tathA 3  yaz cAziSyaM zAsati yaz ca kupyate; yaz cAtivelaM bhajate dviSantam  striyaz ca yo 'rakSati bhadram astu te; yaz cAyAcyaM yAcati yaz ca katthate 4  yaz cAbhijAtaH prakaroty akAryaM; yaz cAbalo balinA nityavairI  azraddadhAnAya ca yo bravIti; yaz cAkAmyaM kAmayate narendra 5  vadhvA hAsaM zvazuro yaz ca manyate; vadhvA vasann uta yo mAnakAmaH  parakSetre nirvapati yaz ca bIjaM; striyaM ca yaH parivadate 'tivelam 6  yaz caiva labdhvA na smarAmIty uvAca; dattvA ca yaH katthati yAcyamAnaH  yaz cAsataH sAntvam upAsatIha; ete 'nuyAnty anilaM pAzahastAH 7  yasmin yathA vartate yo manuSyas; tasmiMs tathA vartitavyaM sa dharmaH  mAyAcAro mAyayA vartitavyaH; sAdhv AcAraH sAdhunA pratyudeyaH 8  zatAyur uktaH puruSaH sarvavedeSu vai yadA  nApnoty atha ca tat sarvam AyuH keneha hetunA 9  ativAdo 'timAnaz ca tathAtyAgo narAdhipaH  krodhaz cAtivivitsA ca mitradrohaz ca tAni SaT 10  eta evAsayas tIkSNAH kRntanty AyUMSi dehinAm  etAni mAnavAn ghnanti na mRtyur bhadram astu te 11  vizvastasyaiti yo dArAn yaz cApi guru takpagaH  vRSalI patir dvijo yaz ca pAnapaz caiva bhArata 12  zaraNAgatahA caiva sarve brahmahaNaiH samAH  etaiH sametya kartavyaM prAyazcittam iti zrutiH 13  gRhI vadAnyo 'napaviddha vAkyaH; zeSAnna bhokApy avihiMsakaz ca  nAnarthakRt tyaktakaliH kRtajJaH; satyo mRduH svargam upaiti vidvAn 14  sulabhAH puruSA rAjan satataM priyavAdinaH  apriyasya tu pathyasya vaktA zrotA ca durlabhaH 15  yo hi dharmaM vyapAzritya hitvA bhartuH priyApriye  apriyANy Aha pathyAni tena rAjA sahAyavAn 16  tyajet kulArthe puruSaM grAmasyArthe kulaM tyajet  grAmaM janapadasyArthe AtmArthe pRthivIM tyajet 17  Apad arthaM dhanaM rakSed dArAn rakSed dhanair api  AtmAnaM satataM rakSed dArair api dhanair api 18  uktaM mayA dyUtakAle 'pi rAjan; naivaM yuktaM vacanaM prAtipIya  tadauSadhaM pathyam ivAturasya; na rocate tava vaicitra vIrya 19  kAkair imAMz citrabarhAn mayUrAn; parAjaiSThAH pANDavAn dhArtarASTraiH  hitvA siMhAn kroSTu kAn gUhamAnaH; prApte kAle zocitA tvaM narendra 20  yas tAta na krudhyati sarvakAlaM; bhRtyasya bhaktasya hite ratasya  tasmin bhRtyA bhartari vizvasanti; na cainam Apatsu parityajanti 21  na bhRtyAnAM vRtti saMrodhanena; bAhyaM janaM saMjighRkSed apUrvam  tyajanti hy enam ucitAvaruddhAH; snigdhA hy amAtyAH parihInabhogAH 22  kRtyAni pUrvaM parisaMkhyAya sarvANy; AyavyayAv anurUpAM ca vRttim  saMgRhNIyAd anurUpAn sahAyAn; sahAyasAdhyAni hi duSkarANi 23  abhiprAyaM yo viditvA tu bhartuH; sarvANi kAryANi karoty atandrIH  vaktA hitAnAm anurakta AryaH; zaktijJa Atmeva hi so 'nukampyaH 24  vAkyaM tu yo nAdriyate 'nuziSTaH; pratyAha yaz cApi niyujyamAnaH  prajJAbhimAnI pratikUlavAdI; tyAjyaH sa tAdRk tvarayaiva bhRtyaH 25  astabdham aklIbam adIrghasUtraM; sAnukrozaM zlakSNam ahAryam anyaiH  aroga jAtIyam udAravAkyaM; dUtaM vadanty aSTa guNopapannam 26  na vizvAsAj jAtu parasya gehaM; gacchen naraz cetayAno vikAle  na catvare nizi tiSThen nigUDho; na rAjanyAM yoSitaM prArthayIta 27  na nihnavaM satra gatasya gacchet; saMsRSTa mantrasya kusaMgatasya  na ca brUyAn nAzvasAmi tvayIti; sa kAraNaM vyapadezaM tu kuryAt 28  ghRNI rAjA puMzcalI rAjabhRtyaH; putro bhrAtA vidhavA bAla putrA  senA jIvI coddhRta bhakta eva; vyavahAre vai varjanIyAH syur ete 29  guNA daza snAnazIlaM bhajante; balaM rUpaM svaravarNaprazuddhiH  sparzaz ca gandhaz ca vizuddhatA ca; zrIH saukumAryaM pravarAz ca nAryaH 30  guNAz ca SaNmitabhuktaM bhajante; Arogyam Ayuz ca sukhaM balaM ca  anAvilaM cAsya bhaved apatyaM; na cainam AdyUna iti kSipanti 31  akarma zIlaM ca mahAzanaM ca; lokadviSTaM bahu mAyaM nRzaMsam  adezakAlajJam aniSTa veSam; etAn gRhe na prativAsayIta 32  kadaryam Akrozakam azrutaM ca; varAka saMbhUtam amAnya mAninam  niSThUriNaM kRtavairaM kRtaghnam; etAn bhRtArto 'pi na jAtu yAcet 33  saMkliSTakarmANam atipravAdaM; nityAnRtaM cAdRDha bhaktikaM ca  vikRSTarAgaM bahumAninaM cApy; etAn na seveta narAdhamAn SaT 34  sahAyabandhanA hy arthAH sahAyAz cArthabandhanAH  anyonyabandhanAv etau vinAnyonyaM na sidhyataH 35  utpAdya putrAn anRNAMz ca kRtvA; vRttiM ca tebhyo 'nuvidhAya kAM cit  sthAne kumArIH pratipAdya sarvA; araNyasaMstho munivad bubhUSet 36  hitaM yat sarvabhUtAnAm Atmanaz ca sukhAvaham  tat kuryAd Izvaro hy etan mUlaM dharmArthasiddhaye 37  buddhiH prabhAvas tejaz ca sattvam utthAnam eva ca  vyavasAyaz ca yasya syAt tasyAvRtti bhayaM kutaH 38  pazya doSAn pANDavair vigrahe tvaM; yatra vyatherann api devAH sa zakrAH  putrair vairaM nityam udvignavAso; yazaH praNAzo dviSatAM ca harSaH 39  bhISmasya kopas tava cendra kalpa; droNasya rAjJaz ca yudhiSThirasya  utsAdayel lokam imaM pravRddhaH; zveto grahas tiryag ivApatan khe 40  tava putrazataM caiva karNaH paJca ca pANDavAH  pRthivIm anuzAseyur akhilAM sAgarAmbarAm 41  dhArtarASTrA vanaM rAjan vyAghrAH pANDusutA matAH  mA vanaM chindhi sa vyAghraM mA vyAghrAn nInazo vanAt 42  na syAd vanam Rte vyAghrAn vyAghrA na syur Rte vanam  vanaM hi rakSyate vyAghrair vyAghrAn rakSati kAnanam 43  na tathecchanty akalyANAH pareSAM vedituM guNAn  yathaiSAM jJAtum icchanti nairguNyaM pApacetasaH 44  arthasiddhiM parAm icchan dharmam evAditaz caret  na hi dharmAd apaity arthaH svargalokAd ivAmRtam 45  yasyAtmA virataH pApAt kalyANe ca nivezitaH  tena sarvam idaM buddhaM prakRtir vikRtirz ca yA 46  yo dharmam arthaM kAmaM ca yathAkAlaM niSevate  dharmArthakAmasaMyogaM yo 'mutreha ca vindati 47  saMniyacchati yo vegam utthitaM krodhaharSayoH  sa zriyo bhAjanaM rAjanyaz cApatsu na muhyati 48  balaM paJca vidhaM nityaM puruSANAM nibodha me  yat tu bAhubalaM nAma kaniSThaM balam ucyate 49  amAtyalAbho bhadraM te dvitIyaM balam ucyate  dhanalAbhas tRtIyaM tu balam Ahur jigISavaH 50  yat tv asya sahajaM rAjan pitRpaitAmahaM balam  abhijAta balaM nAma tac caturthaM balaM smRtam 51  yena tv etAni sarvANi saMgRhItAni bhArata  yad balAnAM balaM zreSThaM tat prajJA balam ucyate 52  mahate yo 'pakArAya narasya prabhaven naraH  tena vairaM samAsajya dUrastho 'smIti nAzvaset 53  strISu rAjasu sarpeSu svAdhyAye zatruseviSu  bhoge cAyuSi vizvAsaM kaH prAjJaH kartum arhati 54  prajJA zareNAbhihatasya jantoz; cikitsakAH santi na cauSadhAni  na homamantrA na ca maGgalAni; nAtharvaNA nApy agadAH susiddhAH 55  sarpaz cAgniz ca siMhaz ca kulaputraz ca bhArata  nAvajJeyA manuSyeNa sarve te hy atitejasaH 56  agnis tejo mahal loke gUDhas tiSThati dAruSu  na copayuGkte tad dAru yAvan no dIpyate paraiH 57  sa eva khalu dArubhyo yadA nirmathya dIpyate  tadA tac ca vanaM cAnyan nirdahaty Azu tejasA 58  evam eva kule jAtAH pAvakopama tejasaH  kSamAvanto nirAkArAH kASThe 'gnir iva zerate 59  latA dharmA tvaM saputraH zAlAH pANDusutA matAH  na latA vardhate jAtu mahAdrumam anAzritA 60  vanaM rAjaMs tvaM saputro 'mbikeya; siMhAn vane pANDavAMs tAta viddhi  siMhair vihInaM hi vanaM vinazyet; siMhA vinazyeyur Rte vanena   |



|  1   [vi]  UrdhvaM prANA hy utkrAmanti yUnaH sthavira Ayati  pratyutthAnAbhivAdAbhyAM punas tAn patipadyate 2  pIThaM dattvA sAdhave 'bhyAgatAya; AnIyApaH parinirNijya pAdau  sukhaM pRSTvA prativedyAtma saMsthaM; tato dadyAd annam avekSya dhIraH 3  yasyodakaM madhuparkaM ca gAM ca; na mantravit pratigRhNAti gehe  lobhAd bhayAd arthakArpaNyato vA; tasyAnarthaM jIvitam Ahur AryAH 4  cikitsakaH zakya kartAvakIrNI; stenaH krUro madyapo bhrUNahA ca  senAjIvI zrutivikrAyakaz ca; bhRzaM priyo 'py atithir nodakArhaH 5  avikreyaM lavaNaM pakvam annaM dadhi; kSIraM madhu tailaM ghRtaM ca  tilA mAMsaM mUlaphalAni zAkaM; raktaM vAsaH sarvagandhA guDaz ca 6  aroSaNo yaH samaloSTa kAJcanaH; prahINa zoko gatasaMdhi vigrahaH  nindA prazaMsoparataH priyApriye; carann udAsInavad eSa bhikSukaH 7  nIvAra mUleGguda zAkavRttiH; susaMyatAtmAgnikAryeSv acodyaH  vane vasann atithiSv apramatto; dhuraMdharaH puNyakRd eSa tApasaH 8  apakRtvA buddhimato dUrastho 'smIti nAzvaset  dIrghau buddhimato bAhU yAbhyAM hiMsati hiMsitaH 9  na vizvased avizvaste vizvaste nAtivizvaset  vizvAsAd bhayam utpannaM mUlAny api nikRntati 10  anIrSyur guptadAraH syAt saMvibhAgI priyaMvadaH  zlakSNo madhuravAk strINAM na cAsAM vazago bhavet 11  pUjanIyA mahAbhAgAH puNyAz ca gRhadIptayaH  striyaH zriyo gRhasyoktAs tasmAd rakSyA vizeSataH 12  pitur antaHpuraM dadyAn mAtur dadyAn mahAnasam  goSu cAtmasamaM dadyAt svayam eva kRSiM vrajet  bhRtyair vaNijyAcAraM ca putraiH seveta brAhmaNAn 13  adbhyo 'gnir brahmataH kSatram azmano loham utthitam  teSAM sarvatragaM tejaH svAsu yoniSu zAmyati 14  nityaM santaH kule jAtAH pAvakopama tejasaH  kSamAvanto nirAkArAH kASThe 'gnir iva zerate 15  yasya mantraM na jAnanti bAhyAz cAbhyantarAz ca ye  sa rAjA sarvataz cakSuz ciram aizvaryam aznute 16  kariSyan na prabhASeta kRtAny eva ca darzayet  dharmakAmArtha kAryANi tathA mantro na bhidyate 17  giripRSTham upAruhya prAsAdaM vA rahogataH  araNye niHzalAke vA tatra mantro vidhIyate 18  nAsuhRt paramaM mantraM bhAratArhati veditum  apaNDito vApi suhRt paNDito vApy anAtmavAn  amAtye hy arthalipsA ca mantrarakSaNam eva ca 19  kRtAni sarvakAryANi yasya vA pArSadA viduH  gUDhamantrasya nRpates tasya siddhir asaMzayam 20  aprazastAni karmANi yo mohAd anutiSThati  sa teSAM viparibhraMze bhrazyate jIvitAd api 21  karmaNAM tu prazastAnAm anuSThAnaM sukhAvaham  teSAm evAnanuSThAnaM pazcAt tApakaraM mahat 22  sthAnavRddha kSayajJasya SADguNya viditAtmanaH  anavajJAta zIlasya svAdhInA pRthivI nRpa 23  amoghakrodhaharSasya svayaM kRtyAnvavekSiNaH  Atmapratyaya kozasya vasudheyaM vasuMdharA 24  nAmamAtreNa tuSyeta chatreNa ca mahIpatiH  bhRtyebhyo visRjed arthAn naikaH sarvaharo bhavet 25  brAhmaNo brAhmaNaM veda bhartA veda striyaM tathA  amAtyaM nRpatir veda rAjA rAjAnam eva ca 26  na zatrur aGkam Apanno moktavyo vadhyatAM gataH  ahatAd dhi bhayaM tasmAj jAyate nacirAd iva 27  daivateSu ca yatnena rAjasu brAhmaNeSu ca  niyantavyaH sadA krodho vRddhabAlAtureSu ca 28  nirarthaM kalahaM prAjJo varjayen mUDha sevitam  kIrtiM ca labhate loke na cAnarthena yujyate 29  prasAdo niSphalo yasya krodhaz cApi nirarthakaH  na taM bhartAram icchanti SaNDhaM patim iva striyaH 30  na buddhir dhanalAbhAya na jADyam asamRddhaye  lokaparyAya vRttAntaM prAjJo jAnAti netaraH 31  vidyA zIlavayovRddhAn buddhivRddhAMz ca bhArata  dhanAbhijana vRddhAMz ca nityaM mUDho 'vamanyate 32  anArya vRttam aprAjJam asUyakam adhArmikam  anarthAH kSipram AyAnti vAg duSTaM krodhanaM tathA 33  avisaMvAdanaM dAnaM samayasyAvyatikramaH  Avartayanti bhUtAni samyak praNihitA ca vAk 34  avisaMvAdako dakSaH kRtajJo matimAn RjuH  api saMkSINa kozo 'pi labhate parivAraNam 35  dhRtiH zamo damaH zaucaM kAruNyaM vAg aniSThurA  mitrANAM cAnabhidrohaH sataitAH samidhaH zriyaH 36  asaMvibhAgI duSTAtmA kRtaghno nirapatrapaH  tAdRG narAdhamo loke varjanIyo narAdhipa 37  na sa rAtrau sukhaM zete sa sarpa iva vezmani  yaH kopayati nirdoSaM sa doSo 'bhyantaraM janam 38  yeSu duSTeSu doSaH syAd yogakSemasya bhArata  sadA prasAdanaM teSAM devatAnAm ivAcaret 39  ye 'rthAH strISu samAsaktAH prathamotpatiteSu ca  ye cAnArya samAsaktAH sarve te saMzayaM gatAH 40  yatra strI yatra kitavo yatra bAlo 'nuzAsti ca  majjanti te 'vazA dezA nadyAm azmaplavA iva 41  prayojaneSu ye saktA na vizeSeSu bhArata  tAn ahaM paNDitAn manye vizeSA hi prasaGginaH 42  yaM prazaMsanti kitavA yaM prazaMsanti cAraNAH  yaM prazaMsanti bandhakyo na sa jIvati mAnavaH 43  hitvA tAn parameSvAsAn pANDavAn amitaujasaH  AhitaM bhArataizvaryaM tvayA duryodhane mahat 44  taM drakSyasi paribhraSTaM tasmAt tvaM nacirAd iva  aizvaryamadasaMmUDhaM baliM lokatrayAd iva   |



|  1   [dhR]  anIzvaro 'yaM puruSo bhavAbhave; sUtraprotA dArumayIva yoSA  dhAtrA hi diSTasya vaze kilAyaM; tasmAd vada tvaM zravaNe ghRto 'ham 2  aprAptakAlaM vacanaM bRhaspatir api bruvan  labhate buddhyavajJAnam avamAnaM ca bhArata 3  priyo bhavati dAnena priyavAdena cAparaH  mantraM mUlabalenAnyo yaH priyaH priya eva saH 4  dveSyo na sAdhur bhavati na medhAvI na paNDitaH  priye zubhAni karmANi dveSye pApAni bhArata 5  na sa kSayo mahArAja yaH kSayo vRddhim Avahet  kSayaH sa tv iha mantavyo yaM labdhvA bahu nAzayet 6  samRddhA guNataH ke cid bhavanti dhanato 'pare  dhanavRddhAn guNair hInAn dhRtarASTra vivarjayet 7   [dhR]  sarvaM tvam AyatI yuktaM bhASase prAjJasaMmatam  na cotsahe sutaM tyaktuM yato dharmas tato jayaH 8  svabhAvaguNasaMpanno na jAtu vinayAnvitaH  susUkSmam api bhUtAnAm upamardaM prayokSyate 9  parApavAda niratAH paraduHkhodayeSu ca  parasparavirodhe ca yatante satatothitAH 10  sa doSaM darzanaM yeSAM saMvAse sumahad bhayam  arthAdAne mahAn doSaH pradAne ca mahad bhayam 11  ye pApA iti vikhyAtAH saMvAse parigarhitAH  yuktAz cAnyair mahAdoSair ye narAs tAn vivarjayet 12  nivartamAne sauhArde prItir nIce praNazyati  yA caiva phalanirvRttiH sauhRde caiva yat sukham 13  yatate cApavAdAya yatnam Arabhate kSaye  alpe 'py apakRte mohAn na zAntim upagacchati 14  tAdRzaiH saMgataM nIcair nRzaMsair akRtAtmabhiH  nizAmya nipuNaM buddhyA vidvAn dUrAd vivarjayet 15  yo jJAtim anugRhNAti daridraM dInam Aturam  saputrapazubhir vRddhiM yazaz cAvyayam aznute 16  jJAtayo vardhanIyAs tair ya icchanty AtmanaH zubham  kulavRddhiM ca rAjendra tasmAt sAdhu samAcara 17  zreyasA yokSyase rAjan kurvANo jJAtisatkriyAm  viguNA hy api saMrakSyA jJAtayo bharatarSabha 18  kiM punar guNavantas te tvatprasAdAbhikAGkSiNaH  prasAdaM kuru dInAnAM pANDavAnAM vizAM pate 19  dIyantAM grAmakAH ke cit teSAM vRttyartham Izvara  evaM loke yazaHprApto bhaviSyatsi narAdhipa 20  vRddhena hi tvayA kAryaM putrANAM tAta rakSaNam  mayA cApi hitaM vAcyaM viddhi mAM tvaddhitaiSiNam 21  jJAtibhir vigrahas tAta na kartavyo bhavArthinA  sukhAni saha bhojyAni jJAtibhir bharatarSabha 22  saMbhojanaM saMkathanaM saMprItiz ca parasparam  jJAtibhiH saha kAryANi na virodhaH kathaM cana 23  jJAtayas tArayantIha jJAtayo majjayanti ca  suvRttAs tArayantIha durvRttA majjayanti ca 24  suvRtto bhava rAjendra pANDavAn prati mAnada  adharSaNIyaH zatrUNAM tair vRtas tvaM bhaviSyasi 25  zrImantaM jJAtim AsAdya yo jJAtir avasIdati  digdhahastaM mRga iva sa enas tasya vindati 26  pazcAd api narazreSTha tava tApo bhaviSyati  tAn vA hatAn sutAn vApi zrutvA tad anucintaya 27  yena khaTvAM samArUDhaH paritapyeta karmaNA  AdAv eva na tat kuryAd adhruve jIvite sati 28  na kaz cin nApanayate pumAn anyatra bhArgavAt  zeSasaMpratipattis tu buddhimatsv eva tiSThati 29  duryodhanena yady etat pApaM teSu purA kRtam  tvayA tat kulavRddhena pratyAneyaM narezvara 30  tAMs tvaM pade pratiSThApya loke vigatakalmaSaH  bhaviSyasi narazreSTha pUjanIyo manISiNAm 31  suvyAhRtAni dhIrANAM phalataH pravicintya yaH  adhyavasyati kAryeSu ciraM yazasi tiSThati 32  avRttiM vinayo hanti hanty anarthaM parAkramaH  hanti nityaM kSamA krodham AcAro hanty alakSaNam 33  paricchadena kSatreNa vezmanA paricaryayA  parIkSeta kulaM rAjan bhojanAcchAdanena ca 34  yayoz cittena vA cittaM naibhRtaM naibhRtena vA  sameti prajJayA prajJA tayor maitrI na jIryate 35  durbuddhim akRtaprajJaM channaM kUpaM tRNair iva  vivarjayIta medhAvI tasmin maitrI praNazyati 36  avalipteSu mUrkheSu raudrasAhasikeSu ca  tathaivApeta dharmeSu na maitrIm Acared budhaH 37  kRtajJaM dhArmikaM satyam akSudraM dRDhabhaktikam  jitendriyaM sthitaM sthityAM mitram atyAgi ceSyate 38  indriyANAm anutsargo mRtyunA na viziSyate  atyarthaM punar utsargaH sAdayed daivatAny api 39  mArdavaM sarvabhUtAnAm anasUyA kSamA dhRtiH  AyuSyANi budhAH prAhur mitrANAM cAvimAnanA 40  apanItaM sunItena yo 'rthaM pratyAninISate  matim AsthAya sudRDhAM tad akApuruSa vratam 41  AyatyAM pratikArajJas tadAtve dRDhanizcayaH  atIte kAryazeSajJo naro 'rthair na prahIyate 42  karmaNA manasA vAcA yad abhIkSNaM niSevate  tad evApaharaty enaM tasmAt kalyANam Acaret 43  maGgalAlambhanaM yogaH zrutam utthAnam Arjavam  bhUtim etAni kurvanti satAM cAbhIkSNa darzanam 44  anirvedaH zriyo mUlaM duHkhanAze sukhasya ca  mahAn bhavaty anirviNNaH sukhaM cAtyantam aznute 45  nAtaH zrImattaraM kiM cid anyat pathyatamaM tathA  prabha viSNor yathA tAta kSamA sarvatra sarvadA 46  kSamed azaktaH sarvasya zaktimAn dharmakAraNAt  arthAnarthau samau yasya tasya nityaM kSamA hitA 47  yat sukhaM sevamAno 'pi dharmArthAbhyAM na hIyate  kAmaM tad upaseveta na mUDha vratam Acaret 48  duHkhArteSu pramatteSu nAstikeSv alaseSu ca  na zrIr vasaty adAnteSu ye cotsAha vivarjitAH 49  Arjavena naraM yuktam ArjavAt savyapatrapam  azaktimantaM manyanto dharSayanti kubuddhayaH 50  atyAryam atidAtAram atizUram ativratam  prajJAbhimAninaM caiva zrIr bhayAn nopasarpati 51  agnihotraphalA vedAH zIlavRttaphalaM zrutam  ratiputra phalA dArA dattabhukta phalaM dhanam 52  adharmopArjitair arthair yaH karoty aurdhva dehikam  na sa tasya phalaM pretya bhuGkte 'rthasya durAgamAt 53  kAnAra vanadurgeSu kRcchrAsv Apatsu saMbhrame  udyateSu ca zastreSu nAsti zeSavatAM bhayam 54  utthAnaM saMyamo dAkSyam apramAdo dhRtiH smRtiH  samIkSya ca samArambho viddhi mUlaM bhavasya tat 55  tapobalaM tApasAnAM brahma brahmavidAM balam  hiMsA balam asAdhUnAM kSamAguNavatAM balam 56  aSTau tAny avrataghnAni Apo mUlaM phalaM payaH  havir brAhmaNa kAmyA ca guror vacanam auSadham 57  na tatparasya saMdadhyAt pratikUlaM yadAtmanaH  saMgraheNaiSa dharmaH syAt kAmAd anyaH pravartate 58  akrodhena jayet krodham asAdhuM sAdhunA jayet  jayet kadaryaM dAnena jayet satyena cAnRtam 59  strI dhUrtake 'lase bhIrau caNDe puruSamAnini  caure kRtaghne vizvAso na kAryo na ca nAstike 60  abhivAdanazIlasya nityaM vRddhopasevinaH  catvAri saMpravardhante kIrtir Ayur yazobalam 61  atiklezena ye 'rthAH syur dharmasyAtikrameNa ca  arer vA praNipAtena mA sma teSu manaH kRthAH 62  avidyaH puruSaH zocyaH zocyaM mithunam aprajam  nirAhArAH prajAH zocyAH zocyaM rASTram arAjakam 63  adhvA jarA dehavatAM parvatAnAM jalaM jarA  asaMbhogo jarA strINAM vAkzalyaM manaso jarA 64  anAmnAya malA vedA brAhmaNasyAvrataM malam  kautUhalamalA sAdhvI vipravAsa malAH striyaH 65  suvarNasya malaM rUpyaM rUpyasyApi malaM trapu  jJeyaM trapu malaM sIsaM sIsasyApi malaM malam 66  na svapnena jayen nidrAM na kAmena striyaM jayet  nendhanena jayed agniM na pAnena surAM jayet 67  yasya dAnajitaM mitram amitrA yudhi nirjitAH  annapAnajitA dArAH saphalaM tasya jIvitam 68  sahasriNo 'pi jIvanti jIvanti zatinas tathA  dhRtarASTraM vimuJcecchAM na kathaM cin na jIvyate 69  yat pRthivyAM vrIhi yavaM hiraNyaM pazavaH striyaH  nAlam ekasya tat sarvam iti pazyan na muhyati 70  rAjan bhUyo bravImi tvAM putreSu samam Acara  samatA yadi te rAjan sveSu pANDusuteSu ca   |



|  1   [vi]  yo 'bhyarthitaH sadbhir asajjamAnaH; karoty arthaM zaktim ahApayitvA  kSipraM yazas taM samupaiti santam alaM; prasannA hi sukhAya santaH 2  mahAntam apy artham adharmayuktaM; yaH saMtyajaty anupAkruSTa eva  sukhaM sa duHkhAny avamucya zete; jIrNAM tvacaM sarpa ivAvamucya 3  anRtaM ca samutkarSe rAjagAmi ca paizunam  guroz cAlIka nirbandhaH samAni brahmahatyayA 4  asUyaika padaM mRtyur ativAdaH zriyo vadhaH  azuzrUSA tvarA zlAghA vidyAyAH zatravas trayaH 5  sukhArthinaH kuto vidyA nAsti vidyArthinaH sukham  sukhArthI vA tyajed vidyAM vidyArthI vA sukhaM tyajet 6  nAgnis tRpyati kASThAnAM nApagAnAM mahodadhiH  nAntakaH sarvabhUtAnAM na puMsAM vAmalocanA 7  AzA dhRtiM hanti samRddhim antakaH; krodhaH zriyaM hanti yazaH kadaryatA  apAlanaM hanti pazUMz ca rAjann; ekaH kruddho brAhmaNo hanti rASTram 8  ajaz ca kAMsyaM ca rathaz ca nityaM; madhv AkarSaH zakuniH zrotriyaz ca  vRddho jJAtir avasanno vayasya; etAni te santu gRhe sadaiva 9  ajokSA candanaM vINA Adarzo madhusarpiSI  viSam audumbaraM zaGkhaH svarNaM nAbhiz ca rocanA 10  gRhe sthApayitavyAni dhanyAni manur abravIt  deva brAhmaNa pUjArtham atithInAM ca bhArata 11  idaM ca tvAM sarvaparaM bravImi; puNyaM padaM tAta mahAviziSTam  na jAtu kAmAn na bhayAn na lobhAd; dharmaM tyajej jIvitasyApi hetoH 12  nityo dharmaH sukhaduHkhe tv anitye; nityo jIvo dhAtur asya tv anityaH  tyaktvAnityaM pratitiSThasva nitye; saMtuSya tvaM toSa paro hi lAbhaH 13  mahAbalAn pazya manAnubhAvAn; prazAsya bhUmiM dhanadhAnya pUrNAm  rAjyAni hitvA vipulAMz ca bhogAn; gatAn narendrAn vazam antakasya 14  mRtaM putraM duHkhapuSTaM manuSyA; utkSipya rAjan svagRhAn nirharanti  taM muktakezAH karuNaM rudantaz; citAmadhye kASTham iva kSipanti 15  anyo dhanaM pretagatasya bhuGkte; vayAMsi cAgniz ca zarIradhAtUn  dvAbhyAm ayaM saha gacchaty amutra; puNyena pApena ca veSTyamAnaH 16  utsRjya vinivartante jJAtayaH suhRdaH sutAH  agnau prAstaM tu puruSaM karmAnveti svayaM kRtam 17  asmAl lokAd Urdhvam amuSya cAdho; mahat tamas tiSThati hy andhakAram  tad vai mahAmohanam indriyANAM; budhyasva mA tvAM pralabheta rAjan 18  idaM vacaH zakSyasi ced yathAvan; nizamya sarvaM pratipattum evam  yazaH paraM prApsyasi jIvaloke; bhayaM na cAmutra na ceha te 'sti 19  AtmA nadI bhArata puNyatIrthA; satyodakA dhRtikUlA damormiH  tasyAM snAtaH pUyate puNyakarmA; puNyo hy AtmA nityam ambho 'mbha eva 20  kAmakrodhagrAhavatIM paJcendriya jalAM nadIm  kRtvA dhRtimayIM nAvaM janma durgANi saMtara 21  prajJA vRddhaM dharmavRddhaM svabandhuM; vidyA vRddhaM vayasA cApi vRddham  kAryAkArye pUjayitvA prasAdya; yaH saMpRcchen na sa muhyet kadA cit 22  dhRtyA ziznodaraM rakSet pANipAdaM ca cakSuSA  cakSuH zrotre ca manasA mano vAcaM ca karmaNA 23  nityodakI nityayajJopavItI; nityasvAdhyAyI patitAnna varjI  RtaM bruvan gurave karma kurvan; na brAhmaNaz cyavate brahmalokAt 24  adhItya vedAn parisaMstIrya cAgnIn; iSTvA yajJaiH pAlayitvA prajAz ca  gobrAhmaNArthe zastrapUtAntar AtmA; hataH saMgrAme kSatriyaH svargam eti 25  vaizyo 'dhItya brAhmaNAn kSatriyAMz ca; dhanaiH kAle saMvibhajyAzritAMz ca  tretA pUtaM dhUmam AghrAya puNyaM; pretya svarge deva sukhAni bhuGkte 26  brahmakSatraM vaizya varNaM ca zUdraH; krameNaitAn nyAyataH pUjayAnaH  tuSTeSv eteSv avyatho dagdhapApas; tyaktvA dehaM svargasukhAni bhuGkte 27  cAturvarNyasyaiSa dharmas tavokto; hetuM cAtra bruvato me nibodha  kSAtrAd dharmAd dhIyate pANDuputras; taM tvaM rAjan rAjadharme niyuGkSva 28  evam etad yathA mAM tvam anuzAsati nityadA  mamApi ca matiH saumya bhavaty evaM yathAttha mAm 29  sA tu buddiH kRtApy evaM pANDavAn rapti me sadA  duryodhanaM samAsAdya punar viparivartate 30  na diSTam abhyatikrAntuM zakyaM martyena kena cit  diSTam eva kRtaM manye pauruSaM tu nirarthakam   |



|  1   [dhR]  anuktaM yadi te kiM cid vAcA vidura vidyate  tan me zuzrUSave brUhi vicitrANi hi bhASase 2  dhRtarASTra kumAro vai yaH purANaH sanAtanaH  sanatsujAtaH provAca mRtyur nAstIti bhArata 3  sa te guhyAn prakAzAMz ca sarvAn hRdayasaMzrayAn  pravakSyati mahArAja sarvabuddhimatAM varaH 4  kiM tvaM na veda tad bhUyo yan me brUyAt sanAtanaH  tvam eva vidura brUhi prajJA zeSo 'sti cet tava 5  zUdrayonAv ahaM jAto nAto 'nyad vaktum utsahe  kumArasya tu yA buddhir veda tAM zAzvatIm aham 6  brAhmIM hi yonim ApannaH suguhyam api yo vadet  na tena garhyo devAnAM tasmAd etad bravImi te 7  bravIhi vidura tvaM me purANaM taM sanAtanam  katham etena dehena syAd ihaiva samAgamaH 8  cintayAm Asa viduras tam RSiM saMzitavratam  sa ca tac cintitaM jJAtvA darzayAm Asa bhArata 9  sa cainaM pratijagrAha vidhidRSTena karmaNA  sukhopaviSTaM vizrAntam athainaM viduro 'bravIt 10  bhagavan saMzayaH kaz cid dhRtarASTrasya mAnase  yo na zakyo mayA vaktuM tam asmai vaktum arhasi  yaM zrutvAyaM manuSyendraH sukhaduHkhAtigo bhavet 11  lAbhAlAbhau priya dveSyau yathainaM na jarAntakau  viSaheran bhayAmarSau kSutpipAse madodbhavau  aratiz caiva tandrI ca kAmakrodhau kSayodayau   |



|  1   [v]  tato rAjA dhRtarASTro manISI; saMpUjya vAkyaM vidureritaM tat  sanatsujAtaM rahite mahAtmA; papraccha buddhiM paramAM bubhUSan 2  sanatsujAta yadIdaM zRNomi; mRtyur hi nAsIha tavopadezam  devAsurA hy Acaran brahmacaryam; amRtyave tat kataran na satyam 3   [san]  amRtyuH karmaNA ke cin mRtyur nAstIti cApare  zRNu me bruvato rAjan yathaitan mA vizaGkithAH 4  ubhe satye kSatriyAdya pravRtte; moho mRtyuH saMmato yaH kavInAm  pramAdaM vai mRtyum ahaM bravImi; sadApramAdam amRtatvaM bravImi 5  pramAdAd vai asurAH parAbhavann; apramAdAd brahmabhUtA bhavanti  na vai mRtyur vyAghra ivAtti jantUn; na hy asya rUpam upalabhyate ha 6  yamaM tv eke mRtyum ato 'nyam Ahur; AtmAvasannam amRtaM brahmacaryam  pitRloke rAjyam anuzAsti devaH; zivaH zivAnAm azivo 'zivAnAm 7  AsyAd eSa niHsarate narANAM; krodhaH pramAdo moharUpaz ca mRtyuH  te mohitAs tadvaze vartamAnA; itaH pretAs tatra punaH patanti 8  tatas taM devA anu viplavante; ato mRtyur maraNAkhyAm upaiti  karmodaye karmaphalAnurAgAs; tatrAnu yAnti na taranti mRtyum 9  yo 'bhidhyAyann utpatiSNUn nihanyAd; anAdareNApratibudhyamAnaH  sa vai mRtyur mRtyur ivAtti bhUtvA; evaM vidvAn yo vinihanti kAmAn 10  kAmAnusArI puruSaH kAmAn anu vinazyati  kAmAn vyudasya dhunute yat kiM cit puruSo rajaH 11  tamo 'prakAzo bhUtAnAM narako 'yaM pradRzyate  gRhyanta iva dhAvanti gacchantaH zvabhram unmukhAH 12  abhidhyA vai prathamaM hanti cainaM; kAmakrodhau gRhya cainaM tu pazcAt  ete bAlAn mRtyave prApayanti; dhIrAs tu dhairyeNa taranti mRtyum 13  amanyamAnaH kSatriya kiM cid anyan; nAdhIyate tArNa ivAsya vyAghraH  krodhAl lobhAn mohamayAntar AtmA; sa vai mRtyus tvac charIre ya eSaH 14  evaM mRtyuM jAyamAnaM viditvA; jJAne tiSThan na bibhetIha mRtyoH  vinazyate viSaye tasya mRtyur; mRtyor yathA viSayaM prApya martyaH 15  ye 'smin dharmAn nAcarantIha ke cit; tathA dharmAn ke cid ihAcaranti  dharmaH pApena pratihanyate sma; utAho dharmaH pratihanti pApam 16   [san]  ubhayam eva tatropabhujyate phalaM; dharmasyaivetarasya ca  dharmeNAdharmaM praNudatIha vidvAn; dharmo balIyAn iti tasya viddhi 17  yAn imAn AhuH svasya dharmasya lokAn; dvijAtInAM puNyakRtAM sanAtanAn  teSAM parikramAn kathayantas tato 'nyAn; naitad vidvan naiva kRtaM ca karma 18   [san]  yeSAM bale na vispardhA bale balavatAm iva  te brAhmaNA itaH pretya svargaloke prakAzate 19  yatra manyeta bhUyiSThaM prAvRSIva tRNolapam  annaM pAnaM ca brAhmaNas taj jIvan nAnusaMjvaret 20  yatrAkathayamAnasya prayacchaty azivaM bhayam  atiriktam ivAkurvan sa zreyAn netaro janaH 21  yo vAkathayamAnasya AtmAnaM nAnusaMjvaret  brahma svaM nopabhuJjed vA tadannaM saMmataM satAm 22  yathA svaM vAntam aznAti zvA vai nityam abhUtaye  evaM te vAntam aznanti svavIryasyopajIvanAt 23  nityam ajJAtacaryA me iti manyeta brAhmaNaH  jJAtInAM tu vasan madhye naiva vidyeta kiM cana 24  ko hy evam antarAtmAnaM brAhmaNo hantum arhati  tasmAd dhi kiM cit kSatriya brahmAvasati pazyati 25  azrAntaH syAd anAdAnAt saMmato nirupadravaH  ziSTo na ziSTavat sa syAd brAhmaNo brahmavit kaviH 26  anADhyA mAnuSe vitte ADhyA vedeSu ye dvijAH  te durdharSA duSprakampyA vidyAt tAn brahmaNas tanum 27  sarvAn sviSTakRto devAn vidyAd ya iha kaz cana  na samAno brAhmaNasya yasmin prayatate svayam 28  yama prayatamAnaM tu mAnayanti sa mAnitaH  na mAnyamAno manyeta nAmAnAd abhisaMjvaret 29  vidvAMso mAnayantIha iti manyeta mAnitaH  adharmaviduSo mUDhA lokazAstravizAradAH  na mAnyaM mAnayiSyanti iti manyed amAnitaH 30  na vai mAnaM ca maunaM ca sahitau carataH sadA  ayaM hi loko mAnasya asau mAnasya tad viduH 31  zrIH sukhasyeha saMvAsaH sA cApi paripanthinI  brahmI sudurlabhA zrIr hi prajJA hInena kSatriya 32  dvArANi tasyA hivadanti santo; bahuprakArANi durAvarANi  satyArjave hrIr damazaucavidyAH; SaN mAnamohapratibAdhanAni   |



|  1   [dhR]  Rco yajUMSy adhIte yaH sAmavedaM ca yo dvijaH  pApAni kurvan pApena lipyate na sa lipyate 2   [san]  nainaM sAmAny Rco vApi na yajUMSi vicakSaNa  trAyante karmaNaH pApAn na te mithyA bravImy aham 3  na chandAMsi vRjinAt tArayanti; mAyAvinaM mAyayA vartamAnam  nIDaM zakuntA iva jAtapakSAz; chandAMsy enaM prajahaty antakAle 4  na ced vedA vedavidaM zaktAs trAtuM vicakSaNa  atha kasmAt pralApo 'yaM brAhmaNAnAM sanAtanaH 5   [san]  asmim*l loke tapas taptaM phalam anyatra dRzyate  brAhmaNAnAm ime lokA Rddhe tapasi saMyatAH 6  kathaM samRddham apy RddhaM tapo bhavati kevalam  sanatsujAta tad brUhi yathA vidyAma tad vayam 7   [san]  krodhAdayo dvAdaza yasya doSAs; tathA nRzaMsAdi SaD atra rAjan  dharmAdayo dvAdaza cAtatAnAH; zAstre guNA ye viditA dvijAnAm 8  krodhaH kAmo lobhamohau vivitsA; kRpAsUyA mAnazokau spRhA ca  IrSyA jugupsA ca manuSyadoSA; varjyAH sadA dvAdazaite nareNa 9  ekaikam eta rAjendra manuSyAn paryupAsate  lipsamAno 'ntaraM teSAM mRgANAm iva lubdhakaH 10  vikatthanaH spRhayAlur manasvI; bibhrat kopaM capalo 'rakSaNaz ca  ete prAptAH SaN narAn pApadharmAn; prakurvate nota santaH sudurge 11  saMbhogasaMvid dviSam edhamAno; dattAnutApI kRpaNo 'balIyAn  varga prazaMsI vanitAsu dveSTA; ete 'pare sapta nRzaMsadharmAH 12  dharmaz ca satyaM ca damas tapaz ca; amAtsaryaM hrIs titikSAnasUyA  yajJaz ca dAnaM ca dhRtiH zrutaM ca; mahAvratA dvAdaza brAhmaNasya 13  yas tv etabhyaH pravased dvAdazebhyaH; sarvAm apImAM pRthivIM praziSyAt  tribhir dvAbhyAm ekato vA viziSTo; nAsya svam astIti sa veditavyaH 14  damas tyAgo 'pramAdaz ca eteSv amRtam Ahitam  tAni satyamukhAny Ahur brAhmaNA ye manISiNaH 15  damo 'STAdaza doSaH syAt pratikUlaM kRtAkRte  anRtaM cAbhyasUyA ca kAmArthau ca tathA spRhA 16  krodhaH zokas tathA tRSNA lobhaH paizunyam eva ca  matsaraz ca vivitsA ca paritApas tathA ratiH 17  apasmAraH sAtivAdas tathA saMbhAvanAtmani  etair vimukto doSair yaH sa damaH sadbhir ucyate 18  zreyAMs tu SaD vidhas tyAgaH priyaM prApya na hRSyati  apriye tu samutpanne vyathAM jAtu na cArcchati 19  iSTAn dArAMz ca putrAMz ca na cAnyaM yad vaco bhavet  arhate yAcamAnAya pradeyaM tad vaco bhavet  apy avAcyaM vadaty eva sa tRtIyo guNaH smRtaH 20  tyaktair dravyair yo bhavati nopayuGkte ca kAmataH  na ca karmasu tad dhInaH ziSyabuddhir naro yathA  sarvair eva guNair yukto dravyavAn api yo bhavet 21  apramAdo 'STa doSaH syAt tAn doSAn parivarjayet  indriyebhyaz ca paJcabhyo manasaz caiva bhArata  atItAnAgatebhyaz ca mukto hy etaiH sukhI bhavet 22  doSair etair vimuktaM tu guNair etaiH samanvitam  etat samRddham apy RddhaM tapo bhavati kevalam  yan mAM pRcchasi rAjendra kiM bhUyaH zrotum icchasi 23  AkhyAna paJcamair vedair bhUyiSThaM kathyate janaH  tathaivAnye caturvedAs trivedAz ca tathApare 24  dvivedAz caikavedAz ca anRcaz ca tathApare  teSAM tu katamaH sa syAd yam ahaM veda brAhmaNam 25   [san]  ekasya vedasyAjJAnAd vedAs te bahavo 'bhavan  satyasyaikasya rAjendra satye kaz cid avasthitaH  evaM vedam anutsAdya prajJAM mahati kurvate 26  dAnam adhyayanaM yajJo lobhAd etat pravartate  satyAt pracyavamAnAnAM saMkalpo vitatho bhavet 27  tato yajJaH pratAyeta satyasyaivAvadhAraNAt  manasAnyasya bhavati vAcAnyasyota karmaNA  saMkalpasiddhaH puruSaH saMkalpAn adhitiSThati 28  anaibhRtyena vai tasya dIkSita vratam Acaret  nAmaitad dhAtunirvRttaM satyam eva satAM param  jJAnaM vai nAma pratyakSaM parokSaM jAyate tapaH 29  vidyAd bahu paThantaM tu bahu pAThIti brAhmaNam  tasmAt kSatriya mA maMsthA jalpitenaiva brAhmaNam  ya eva satyAn nApaiti sa jJeyo brAhmaNas tvayA 30  chandAMsi nAma kSatriya tAny atharvA; jagau purastAd RSisarga eSaH  chandovidas te ya u tAn adhItya; na vedya vedasya vidur na vedyam 31  na vedAnAM veditA kaz cid asti; kaz cid vedAn budhyate vApi rAjan  yo veda vedAn na sa veda vedyaM; satye sthito yas tu sa veda vedyam 32  abhijAnAmi brAhmaNam AkhyAtAraM vicakSaNam  yaz chinnavicikitsaH sann AcaSTe sarvasaMzayAn 33  tasya paryeSaNaM gacchet prAcInaM nota dakSiNam  nArvAcInaM kutas tiryaG nAdizaM tu kathaM cana 34  tUSNIMbhUta upAsIta na ceSTen manasA api  abhyAvarteta brahmAsya antarAtmani vai zritam 35  maunAd dhi sa munir bhavati nAraNya vasanAn muniH  akSaraM tat tu yo veda sa muniH zreSTha ucyate 36  sarvArthAnAM vyAkaraNAd vaiyAkaraNa ucyate  pratyakSadarzI lokAnAM sarvadarzI bhaven naraH 37  satye vai brAhmaNas tiSThan brahma pazyati kSatriya  vedAnAM cAnupUrvyeNa etad vidvan bravImi te   |



|  1   [dhR]  sanatsujAta yad imAM parArthAM; brAhmIM vAcaM pravadasi vizvarUpAm  parAM hi kAmeSu sudurlabhAM kathAM; tad brUhi me vAkyam etat kumAra 2   [san]  naitad brahma tvaramANena labhyaM; yan mAM pRcchasy abhihRSyasy atIva  avyaktavidyAm abhidhAsye purANIM; buddhyA ca teSAM brahmacaryeNa siddhAm 3  avyaktavidyAm iti yat sanAtanIM; bravISi tvaM brahmacaryeNa siddhAm  anArabhyA vasatIhArya kAle; kathaM brAhmaNyam amRtatvaM labheta 4   [san]  ye 'smim*l loke vijayantIha kAmAn; brAhmIM sthitim anutitikSamANAH  ta AtmAnaM nirharantIha dehAn; muJjAd iSIkAm iva sattvasaMsthAH 5  zarIram etau kurutaH pitA mAtA ca bhArata  AcArya zAstA yA jAtiH sA satyA sAjarAmarA 6  AcArya yonim iha ye pravizya; bhUtvA garbhaM brahmacaryaM caranti  ihaiva te zAstrakArA bhavanti; prahAya dehaM paramaM yAnti yogam 7  ya AvRNoty avitathena karNA; vRtaM kurvann amRtaM saMprayacchan  taM manyeta pitaraM mAtaraM ca; tasmai na druhyet kRtam asya jAnan 8  guruM ziSyo nityam abhimanyamAnaH; svAdhyAyam icchec chucir apramattaH  mAnaM na kuryAn na dadhIta roSam; eSa prathamo brahmacaryasya pAdaH 9  AcAryasya priyaM kuryAt prANair api dhanair api  karmaNA manasA vAcA dvitIyaH pAda ucyate 10  samA gurau yathAvRttir guru patnyAM tathA bhavet  yathoktakArI priyakRt tRtIyaH pAda ucyate 11  nAcAryAyehopakRtvA pravAdaM; prAjJaH kurvIta naitad ahaM karomi  itIva manyeta na bhASayeta; sa vai caturtho brahmacaryasya pAdaH 12  evaM vasantaM yad upaplaved dhanam; AcAryAya tad anuprayacchet  satAM vRddhiM bahuguNAm evam eti; guroH putre bhavati ca vRttir eSA 13  evaM vasan sarvato vardhatIha; bahUn putrAm*l labhate ca pratiSThAm  varSanti cAsmai pradizo dizaz ca; vasanty asmin brahmacarye janAz ca 14  etana brahmacaryeNa devA devatvam Apnuvan  RSayaz ca mahAbhAgA brahmalokaM manISiNaH 15  gandharvANAm anenaiva rUpam apsarasAm abhUt  etena brahmacaryeNa sUryo ahnAya jAyate 16  ya Azayet pATayec cApi rAjan; sarvaM zarIraM tapasA tapyamAnaH  etenAsau bAlyam atyeti vidvAn; mRtyuM tathA rodhayaty antakAle 17  antavantaH kSatriya te jayanti; lokAJ janAH karmaNA nirmitena  brahmaiva vidvAMs tenAbhyeti sarvaM; nAnyaH panthA ayanAya vidyate 18  AbhAti zuklam iva lohitam iva; atho kRSNam athAJjanaM kAdravaM vA  tad brAhmaNaH pazyati yo 'tra vidvAn; kathaMrUpaM tad amRtam akSaraM padam 19  nAbhAti zuklam iva lohitam iva; atho kRSNam Ayasam arkavarNam  na pRthivyAM tiSThati nAntarikSe; naitat samudre salilaM bibharti 20  na tArakAsu na ca vidyud AzritaM; na cAbhreSu dRzyate rUpam asya  na cApi vAyau na ca devatAsu; na tac candre dRzyate nota sUrye 21  naivarkSu tan na yajuHSu nApy atharvasu; na caiva dRzyaty amaleSu sAmasu  rathaMtare bArhate cApi rAjan; mahAvrate naiva dRzyed dhruvaM tat 22  apAraNIyaM tamasaH parastAt; tad antako 'py eti vinAzakAle  aNIya rUpaM kSura dhArayA tan; mahac ca rUpaM tv api parvatebhyaH 23  sA pratiSThA tad amRtaM lokAs tad brahma tad yazaH  bhUtAni jajJire tasmAt pralayaM yAnti tatra ca 24  anAmayaM tan mahad udyataM yazo; vAco vikArAn kavayo vadanti  tasmiJ jagat sarvam idaM pratiSThitaM; ye tad vidur amRtAs te bhavanti   |



|  1   [san]  yat tac chukraM mahaj jyotir dIpyamAnaM mahad yazaH  tad vai devA upAsante yasmAd arko virAjate  yoginas taM prapazyanti bhagavantaM sanAtanam 2  zukrAd brahma prabhavati brahma zukreNa vardhate  tac chukraM jyotiSAM madhye 'taptaM tapati tApanam  yoginas taM prapazyanti bhagavantaM sanAtanam 3  Apo 'tha adbhyaH salilasya madhye; ubhau devau zizriyAte 'ntarikSe  sa sadhrIcIH sa viSUcIr vasAnA; ubhe bibharti pRthivIM divaM ca  yoginas taM prapazyanti bhagavantaM sanAtanam 4  ubhau ca devau pRthivIM divaM ca; dizaz ca zukraM bhuvanaM bibharti  tasmAd dizaH saritaz ca sravanti; tasmAt samudrA vihitA mahAntaH  yoginas taM prapazyanti bhagavantaM sanAtanam 5  cakre rathasya tiSThantaM dhruvasyAvyaya karmaNaH  ketumantaM vahanty azvAs taM divyam ajaraM divi  yoginas taM prapazyanti bhagavantaM sanAtanam 6  na sAdRzye tiSThati rUpam asya; na cakSuSA pazyati kaz cid enam  manISayAtho manasA hRdA ca; yaivaM vidur amRtAs te bhavanti  yoginas taM prapazyanti bhagavantaM sanAtanam 7  dvAdaza pUgAM saritaM deva rakSitam  madhu Izantas tadA saMcaranti ghoram  yoginas taM prapazyanti bhagavantaM sanAtanam 8  tad ardhamAsaM pibati saMcitya bhramaro madhu  IzAnaH sarvabhUteSu havir bhUtam akalpayat  yoginas taM prapazyanti bhagavantaM sanAtanam 9  hiraNyaparNam azvattham abhipatya apakSakAH  yoginas taM prapazyanti bhagavantaM sanAtanam 10  pUrNAt pUrNAny uddharanti pUrNAt pUrNAni cakrire  haranti pUrNAt pUrNAni pUrNam evAvaziSyate  yoginas taM prapazyanti bhagavantaM sanAtanam 11  tasmAd vai vAyur AyAtas tasmiMz ca prayataH sadA  tasmAd agniz ca somaz ca tasmiMz ca prANa AtataH 12  sarvam eva tato vidyAt tat tad vaktuM na zaknumaH  yoginas taM prapazyanti bhagavantaM sanAtanam 13  apAnaM girati prANaH prANaM girati candramAH  Adityo girate candramAdityaM girate paraH  yoginas taM prapazyanti bhagavantaM sanAtanam 14  ekaM pAdaM notkSipati salilAd dhaMsa uccaran  taM cet satatam RtvijaM na mRtyur nAmRtaM bhavet  yoginas taM prapazyanti bhagavantaM sanAtanam 15  evaM devo mahAtmA sa pAvakaM puruSo giran  yo vai taM puruSaM veda tasyehAtmA na riSyate  yoginas taM prapazyanti bhagavantaM sanAtanam 16  yaH sahasraM sahasrANAM pakSAn saMtatya saMpatet  madhyame madhya Agacched api cet syAn manojavaH  yoginas taM prapazyanti bhagavantaM sanAtanam 17  na darzane tiSThati rUpam asya; pazyanti cainaM suvizuddhasattvAH  hito manISI manasAbhipazyed; ye taM zrayeyur amRtAs te bhavanti  yoginas taM prapazyanti bhagavantaM sanAtanam 18  gUhanti sarpA iva gahvarANi; svazikSayA svena vRttena martyAH  teSu pramuhyanti janA vimUDhA; yathAdhvAnaM mohayante bhayAya  yoginas taM prapazyanti bhagavantaM sanAtanam 19  sadA sadAsatkRtaH syAn na mRtyur amRtaM kutaH  satyAnRte satyasamAna bandhane; sataz ca yonir asataz caika eva  yoginas taM prapazyanti bhagavantaM sanAtanam 20  na sAdhunA nota asAdhunA vA; samAnam etad dRzyate mAnuSeSu  samAnam etad amRtasya vidyAd; evaM yukto madhu tad vai parIpset  yoginas taM prapazyanti bhagavantaM sanAtanam 21  nAsyAtivAdA hRdayaM tApayanti; nAnadhItaM nAhutam agnihotram  mano brAhmIM laghutAm AdadhIta; prajJAnam asya nAma dhIrA labhante  yoginas taM prapazyanti bhagavantaM sanAtanam 22  evaM yaH sarvabhUteSu AtmAnam anupazyati  anyatrAnyatra yukteSu kiM sa zocet tataH param 23  yathoda pAne mahati sarvataH saMplutodake  evaM sarveSu vedeSu brAhmaNasya vijAnataH 24  aGguSTha mAtraH puruSo mahAtmA; na dRzyate 'sau hRdaye niviSTaH  ajaz caro divArAtram atandritaz ca; sa taM matvA kavir Aste prasannaH 25  aham evAsmi vo mAtA pitA putro 'smy ahaM punaH  AtmAham api sarvasya yac ca nAsti yad asti ca 26  pitAmaho 'smi sthaviraH pitA putraz ca bhArata  mamaiva yUyam AtmasthA na me yUyaM na vo 'py aham 27  Atmaiva sthAnaM mama janma cAtmA; vedaprokto 'ham ajara pratiSThaH 28  aNor aNIyAn sumanAH sarvabhUteSu jAgRmi  pitaraM sarvabhUtAnAM puSkare nihitaM viduH   |



|  1   [v]  evaM sanatsujAtena vidureNa ca dhImatA  sArdhaM kathayato rAjJaH sA vyatIyAya zarvarI 2  tasyAM rajanyAM vyuSTAyAM rAjAnaH sarva eva te  sabhAm Avivizur hRSTAH sUtasyopadidRkSayA 3  zuzrUSamANAH pArthAnAM vaco dharmArthasaMhitam  dhRtarASTra mukhAH sarve yayU rAjasabhAM zubhAm 4  sudhAvadAtAM vistIrNAM kanakAjira bhUSitAm  candraprabhAM surucirAM siktAM paramavAriNA 5  rucirair AsanaiH stIrNAM kAJcanair dAravair api  azmasAramayair dAntaiH svAstIrNaiH sottarac chadaiH 6  bhISmo droNaH kRpaH zalyaH kRtavarmA jayadrathaH  azvatthAmA vikarNaz ca somadattaz ca bAhlikaH 7  viduraz ca mahAprAjJo yuyutsuz ca mahArathaH  sarve ca sahitAH zUrAH pArthivA bharatarSabha  dhRtarASTraM puraskRtya vivizus tAM sabhAM zubhAm 8  duHzAsanaz citrasenaH zakuniz cApi saubalaH  durmukho duHsahaH karNa ulUko 'tha viviMzatiH 9  kururAjaM puraskRtya duryodhanam amarSaNam  vivizus tAM sabhAM rAjan surAH zakra sado yathA 10  Avizadbhis tadA rAjaJ zUraiH parighabAhubhiH  zuzubhe sA sabhA rAjan siMhair iva girer guhA 11  te pravizya maheSvAsAH sabhAM samitizobhanAH  AsanAni mahArhANi bhejire sUryavarcasaH 12  AsanastheSu sarveSu teSu rAjasu bhArata  dvAHstho nivedayAm Asa sUtaputram upasthitam 13  ayaM sa ratha AyAti yo 'yAsIt pANDavAn prati  dUto nas tUrNam AyAtaH saindhavaiH sAdhu vAhibhiH 14  upayAya tu sa kSipraM rathAt praskandya kuNDalI  praviveza sabhAM pUrNAM mahIpAlair mahAtmabhiH 15   [samjaya]  prApto 'smi pANDavAn gatvA tad vijAnIta kauravAH  yathA vayaH kurUn sarvAn pratinandanti pANDavAH 16  abhivAdayanti vRddhAMz ca vayasyAMz ca vayasyavat  yUnaz cAbhyavadan pArthAH pratipUjya yathA vayaH 17  yathAhaM dhRtarASTreNa ziSTaH pUrvam ito gataH  abruvaM pANDavAn gatvA tan nibodhata pArthivAH   |



|  1   [dhR]  pRcchAmi tvAM saMjaya rAjamadhye; kim abravId vAkyam adInasattvaH  dhanaMjayas tAta yudhAM praNetA; durAtmanAM jIvitacchin mahAtmA 2  duryodhano vAcam imAM zRNotu; yad abravId arjuno yotsyamAnaH  yudhiSThirasyAnumate mahAtmA; dhanaMjayaH zRNvataH kezavasya 3  anvatrasto bAhuvIryaM vidAna; upahvare vAsudevasya dhIraH  avocan mAM yotsyamAnaH kirITI; madhye brUyA dhArtarASTraM kurUNAm 4  ye vai rAjAnaH pANDavAyodhanAya; samAnItAH zRNvatAM cApi teSAm  yathA samagraM vacanaM mayoktaM; sahAmAtyaM zrAvayethA nRpaM tam 5  yathA nUnaM devarAjasya devAH; zuzrUSante vajrahastasya sarve  tathAzRNvan pANDavAH sRJjayAz ca; kirITinA vAcam uktAM samarthAm 6  ity abravId arjuno yotsyamAno; gANDIvadhanvA lohitapadmanetraH  na ced rAjyaM muJcati dhArtarASTro; yudhiSThirasyAjamIDhasya rAjJaH  asti nUnaM karmakRtaM purastAd; anirviSTaM pApakaM dhArtarASTraiH 7  yeSAM yuddhaM bhImasenArjunAbhyAM; tathAzvibhyAM vAsudevena caiva  zaineyena dhruvam AttAyudhena; dhRSTadyumnenAtha zikhaNDinA ca  yudhiSThireNendra kalpena caiva; yo 'padhyAnAn nirdahed gAM divaM ca 8  taiz ced yuddhaM manyate dhArtarASTro; nirvRtto 'rthaH sakalaH pANDavAnAm  mA tat kArSIH pANDavArthAya hetor; upaihi yuddhaM yadi manyase tvam 9  yAM tAM vane duHkhazayyAm uvAsa; pravrAjitaH pANDavo dharmacArI  AziSyate duHkhatarAm anarthAm; antyAM zayyAM dhArtarASTraH parAsuH 10  hriyA jJAnena tapasA damena; krodhenAtho dharmaguptyA dhanena  anyAya vRtAH kurupANDaveyAn; adhyAtiSThad dhArtarASTro durAtmA 11  mAyopadhaH praNidhAnArjavAbhyAM; tapo damAbhyAM dharmaguptyA balena  satyaM bruvan prItiyuktyAnRtena; titikSamANaH klizyamAno 'tivelam 12  yadA jyeSThaH pANDavaH saMzitAtmA; krodhaM yat taM varSapUgAn sughoram  avasraSTA kuruSUdvRtta cetAs; tadA yuddhaM dhArtarASTro 'nvatapsyat 13  kRSNa vartmeva jvalitaH samiddho; yathA dahet kakSam agnir nidAghe  evaM dagdhA dhArtarASTrasya senAM; yudhiSThiraH krodhadIpto 'nuvIkSya 14  yadyA draSTA bhImasenaM raNasthaM; gadAhastaM krodhaviSaM vamantam  durmarSaNaM pANDavaM bhImavegaM; tadA yuddhaM dhArtarASTro 'nvatapsyat 15  mahAsiMho gAva iva pravizya; gadApANir dhArtarASTrAn upetya  yadA bhImo bhImarUpo nihantA; tadA yuddhaM dhArtarASTro 'nvatapsyat 16  mahAbhaye vItabhayaH kRtAstraH; samAgame zatrubalAvamardI  sakRd rathena pratiyAd rathaughAn; padAtisaMghAn gadayAbhinighnan 17  sainyAn anekAMs tarasA vimRdnan; yadA kSeptA dhArtarASTrasya sainyam  chindan vanaM parazuneva zUras; tadA yuddhaM dhArtarASTro 'nvatapsyat 18  tRNaprAyaM jvalaneneva dagdhaM; grAmaM yathA dhArtarASTraH samIkSya  pakvaM sasyaM vaidyuteneva dagdhaM; parAsiktaM vipulaM svaM balaugham 19  hatapravIraM vimukhaM bhayArtaM; parAGmukhaM prAyazo 'dhRSTa yodham  zastrArciSA bhImasenena dagdhaM; tadA yuddhaM dhArtarASTro 'nvatapsyat 20  upAsaGgAd uddharan dakSiNena; paraHzatAn nakulaz citrayodhI  yadA rathAgryo rathinaH pracetA; tadA yuddhaM dhArtarASTro 'nvatapsyat 21  sukhocito duHkhazayyAM vaneSu; dIrghaM kAlaM nakulo yAm azeta  AzIviSaH kruddha iva zvasan bhRzaM; tadA yuddhaM dhArtarASTro 'nvatapsyat 22  tyaktAtmAnaH pArthivAyodhanAya; samAdiSTA dharmarAjena vIrAH  rathaiH zubhraiH sainyam abhidravanto; dRSTvA pazcAt tapsyate dhArtarASTraH 23  zizUn kRtAstrAn azizu prakAzAn; yadA draSTA kauravaH paJca zUrAn  tyaktvA prANAn kekayAn Adravantas; tadA yuddhaM dhArtarASTro 'nvatapsyat 24  yadA gatodvAham akUjanAkSaM; suvarNatAraM ratham AtatAyI  dAntair yuktaM sahadevo 'dhirUDhaH; zirAMsi rAjJAM kSepsyate mArgaNaughaiH 25  mahAbhaye saMpravRtte rathasthaM; vivartamAnaM samare kRtAstram  sarvAM dizaM saMpatantaM samIkSya; tadA yuddhaM dhArtarASTro 'nvatapsyat 26  hrIniSedho nipuNaH satyavAdI; mahAbalaH sarvadharmopapannaH  gAndhArim ArcchaMs tumule kSiprakArI; kSeptA janAn sahadevas tarasvI 27  yadA draSTA draupadeyAn maheSUJ; zUrAn kRtAstrAn rathayuddhakovidAn  AzIviSAn ghoraviSAn ivAyatas; tadA yuddhaM dhArtarASTro 'nvatapsyat 28  yadAbhimanyuH paravIra ghAtI; zaraiH parAn megha ivAbhivarSan  vigAhitA kRSNa samaH kRtAstras; tadA yuddhaM dhArtarASTro 'nvatapsyat 29  yadA draSTA bAlam abAla vIryaM; dviSac camUM mRtyum ivApatantam  saubhadram indra pratimaM kRtAstraM; tadA yuddhaM dhArtarASTro 'nvatapsyat 30  prabhadrakAH zIghratarA yuvAno; vizAradAH siMhasamAna vIryAH  yadA kSeptAro dhArtarASTrAn sa sainyAMs; tadA yuddhaM dhArtarASTro 'nvatapsyat 31  vRddhau virATadrupadau mahArathau; pRthak camUbhyAm abhivartamAnau  yadA draSTArau dhArtarASTrAn sa sainyAMs; tadA yuddhaM dhArtarASTro 'nvatapsyat 32  yadA kRtAstro drupadaH pracinvaJ; zirAMsi yUnAM samare rathasthaH  kruddhaH zaraiz chetsyati cApamuktais; tadA yuddhaM dhArtarASTro 'nvatapsyat 33  yadA virATaH paravIra ghAtI; marmAntare zatrucamUM praveSTA  matsyaiH sArdham anRzaMsarUpais; tadA yuddhaM dhArtarASTro 'nvatapsyat 34  jyeSThaM mAtsyAnAm anRzaMsa rUpaM; virATa putraM rathinaM purastAt  yadA draSTA daMzitaM pANDavArthe; tadA yuddhaM dhArtarASTro 'nvatapsyat 35  raNe hate kauravANAM pravIre; zikhaNDinA sattame zaMtanUje  na jAtu naH zatravo dhArayeyur; asaMzayaM satyam etad bravImi 36  yadA zikhaNDI rathinaH pracinvan; bhISmaM rathenAbhiyAtA varUthI  divyair hayair avamRdnan rathaughAMs; tadA yuddhaM dhArtarASTro 'nvatapsyat 37  yadA draSTA sRJjayAnAm anIke; dhRSTadyumnaM pramukhe rocamAnam  astraM yasmai guhyam uvAca dhImAn; droNas tadA tapsyati dhArtarASTraH 38  yadA sa senApatir aprameyaH; parAbhavann iSubhir dhArtarASTrAn  droNaM raNe zatrusaho 'bhiyAtA; tadA yuddhaM dhArtarASTro 'nvatapsyat 39  hrImAn manISI balavAn manasvI; sa lakSmIvAn somakAnAM prabarhaH  na jAtu taM zatravo 'nye saheran; yeSAM sa syAd agraNIr vRSNisiMhaH 40  brUyAc ca mA pravRNISveti loke; yuddhe 'dvitIyaM sacivaM rathastham  ziner naptAraM pravRNIma sAtyakiM; mahAbalaM vItabhayaM kRtAstram 41  yadA zinInAm adhipo mayoktaH; zaraiH parAn megha iva pravarSan  pracchAdayiSyaJ zarajAlena yodhAMs; tadA yuddhaM dhArtarASTro 'nvatapsyat 42  yadA dhRtiM kurute yotsyamAnaH; sa dIrghabAhur dRDhadhanvA mahAtmA  siMhasyeva gandham AghrAya gAvaH; saMveSTante zatravo 'syAd yathAgneH 43  sa dIrghabAhur dRDhadhanvA mahAtmA; bhindyAd girIn saMharet sarvalokAn  astre kRtI nipuNaH kSiprahasto; divi sthitaH sUrya ivAbhibhAti 44  citraH sUkSmaH sukRto yAvad asya; astre yogo vRSNisiMhasya bhUyAn  yathAvidhaM yogam AhuH prazastaM; sarvair guNaiH sAtyakis tair upetaH 45  hiraNmayaM zvetahayaiz caturbhir; yadA yuktaM syandanaM mAdhavasya  draSTA yuddhe sAtyaker vai suyodhanas; tadA tapsyaty akRtAtmA sa mandaH 46  yadA rathaM hemamaNiprakAzaM; zvetAzvayuktaM vAnaraketum ugram  draSTA raNe saMyataM kezavena; tadA tapsyaty akRtAtmA sa mandaH 47  yadA maurvyAs talaniSpeSam ugraM; mahAzabdaM vajraniSpeSa tulyam  vidhUyamAnasya mahAraNe mayA; gANDIvasya zroSyati mandabuddhiH 48  tato mUDho dhRtarASTrasya putras; taptA yuddhe durmatir duHsahAyaH  dRSTvA sainyaM bANavarNAndha kAraM; prabhajyantaM gokulavad raNAgre 49  balAhakAd uccarantIva vidyut; sahasraghnI dviSatAM saMgameSu  asthicchido marmabhido vamec charAMs; tadA yuddhaM dhArtarASTro 'nvatapsyat 50  yadA draSTA jyA mukhAd vANa saMghAn; gANDIvamuktAn patataH zitAgrAn  nAgAn hayAn varmiNaz cAdadAnAMs; tadA yuddhaM dhArtarASTro 'nvatapsyat 51  yadA mandaH parabANAn vimuktAn; mameSubhir hriyamANAn pratIpam  tiryag vidvAMz chidyamAnAn kSuraprais; tadA yuddhaM dhArtarASTro 'navapsyat 52  yadA vipAThA mad bhujavipramuktA; dvijAH phalAnIva mahIruhAgrAt  pracchettAra uttamAGgAni yUnAM; tadA yuddhaM dhArtarASTro 'nvatapsyat 53  yadA draSTA patataH syandanebhyo; mahAgajebhyo 'zvagatAMz ca yodhAn  zarair hatAn pAtitAMz caiva raGge; tadA yuddhaM dhArtarASTro 'nvatasyat 54  padAtisaMghAn rathasaMghAn samantAd; vyAttAnanaH kAla ivAtateSuH  praNotsyAmi jvalitair bANavarSaiH; zatrUMs tadA tapsyati mandabuddhiH 55  sarvA dizaH saMpatatA rathena; rajodhvastaM gANDivenApakRttam  yadA draSTA svabalaM saMpramUDhaM; tadA pazcAt tapsyati mandabuddhiH 56  kAM dig bhUtaM chinnagAtraM visaMjJaM; duryodhano drakSyati sarvasainyam  hatAzvavIrAgrya narendra nAgaM; pipAsitaM zrAntapatraM bhayArtam 57  ArtasvaraM hanyamAnaM hataM ca; vikIrNakezAsthi kapAlasaMgham  prajApateH karma yathArdha niSThitaM; tadA dRSTvA tapsyate mandabuddhiH 58  yadA rathe gANDivaM vAsudevaM; divyaM zaGkhaM pAJcajanyaM hayAMz ca  tUNAv akSayyau devadattaM ca mAM ca; draSTA yuddhe dhArtarASTraH sametAn 59  udvartayan dasyu saMghAn sametAn; pravartayan yugam anyad yugAnte  yadA dhakSyAmy agnivat kauraveyAMs; tadA taptA dhRtarASTraH saputraH 60  saha bhrAtA saha putraH sa sainyo; bhraSTaizvaryaH krodhavazo 'lpacetAH  darpasyAnte vihite vepamAnaH; pazcAn mandas tapsyati dhArtarASTraH 61  pUrvAhne mAM kRtajapyaM kadA cid; vipraH provAcodakAnte manojJam  karavyaM te duSkaraM karma pArtha; yoddhavyaM te zatrubhiH savyasAcin 62  indro vA te harivAn vajrahastaH; purastAd yAtu samare 'rIn vinighnan  sugrIva yuktena rathena vA te; pazcAt kRSNo rakSatu vAsudevaH 63  vavre cAhaM vajrahastAn mahendrAd; asmin yuddhe vAsudevaM sahAyam  sa me labdho dasyuvadhAya kRSNo; manye caitad vihitaM daivatair me 64  ayudhyamAno manasApi yasya; jayaM kRSNaH puruSasyAbhinandet  dhruvaM sarvAn so 'bhyatIyAd amitrAn; sendrAn devAn mAnuSe nAsti cintA 65  sa bAhubhyAM sAgaram uttitIrSen; mahodadhiM salilasyAprameyam  tejasvinaM kRSNam atyantazUraM; yuddhena yo vAsudevaM jigISet 66  giriM ya iccheta talena bhettuM; ziloccayaM zvetam ati pramANam  tasyaiva pANiH sa nakho vizIryen; na cApi kiM cit sa gires tu kuryAt 67  agniM samiddhaM zamayed bhujAbhyAM; candraM ca sUryaM ca nivArayeta  hared devAnAm amRtaM prasahya; yuddhena yo vAsudevaM jigISet 68  yo rukmiNIm ekarathena bhojyAm; utsAdya rAjJAM viSayaM prasahya  uvAha bhAryAM yazasA jvalantIM; yasyAM jajJe rakmiNeyo mahAtmA 69  ayaM gAndharAMs tarasA saMpramathya; jitvA putrAn nagna jitaH samagrAn  baddhaM mumoca vinadantaM prasahya; sudarzanIyaM devatAnAM lalAmam 70  ayaM kavATe nijaghAna pANDyaM; tathA kaliGgAn dantakUre mamarda  anena dagdhA varSapUgAn vinAthA; vArANasI nagarI saMbabhUva 71  yaM sma yuddhe manyate 'nyair ajeyam; ekalavyaM nAma niSAdarAjam  vegeneva zailam abhihatya jambhaH; zete sa kRSNena hataH parAsuH 72  tathograsenasya sutaM praduSTaM; vRSNyandhakAnAM madhyagAM tapantam  apAtayad baladeva dvitIyo; hatvA dadau cograsenAya rAjyam 73  ayaM saubhaM yodhayAm Asa svasthaM; vibhISaNaM mAyayA zAlvarAjam  saubhadvAri pratyagRhNAc chataghnIM; dorbhyAM ka enaM viSaheta martyaH 74  prAgjyotiSaM nAma babhUva durgaM; puraM ghoram asurANAm asahyam  mahAbalo narakas tatra bhaumo; jahArAdityA maNikuNDale zubhe 75  na taM devAH saha zakreNa sehire; samAgatAharaNAya bhItAH  dRSTvA ca te vikramaM kezavasya; balaM tathaivAstram avAraNIyam 76  jAnanto 'sya prakRtiM kezavasya; nyayojayan dasyu vadhAya kRSNam  sa tat karma pratizuzrAva duSkaram; aizvaryavAn siddhiSu vAsudevaH 77  nirmocane SaT sahasrANi hatvA; saMchidya pAzAn sahasA kSurAntAn  muraM hatvA vinihatyaugharAkSasaM; nirmocanaM cApi jagAma vIraH 78  tatraiva tenAsya babhUva yuddhaM; mahAbalenAtibalasya viSNoH  zete sa kRSNena hataH parAsur; vAteneva mathitaH karNikAraH 79  AhRtya kRSNo maNikuNDale te; hatvA ca bhaumaM narakaM muraM ca  zriyA vRto yazasA caiva dhImAn; pratyAjagAmApratima prabhAvaH 80  tasmai varAn adadaMs tatra devA; dRSTvA bhImaM karma raNe kRtaM tat  zramaz ca te yudhyamAnasya na syAd; AkAze vA apsu caiva kramaH syAt 81  zastrANi gAtre ca na te kramerann; ity eva kRSNaz ca tataH kRtArthaH  evaMrUpe vAsudeve 'prameye; mahAbale guNasaMpat sadaiva 82  tam asahyaM viSNum anantavIryam; AzaMsate dhArarASTro balena  yadA hy enaM tarkayate durAtmA; tac cApy ayaM sahate 'smAn samIkSya 83  paryAgataM mama kRSNasya caiva; yo manyate kalahaM saMprayujya  zakyaM hartuM pANDavAnAM mamatvaM; tad veditA saMyugaM tatra gatvA 84  namaskRtvA zAMtanavAya rAjJe; droNAyAtho saha putrAya caiva  zAradvatAyApratidvandvine ca; yotsyAmy ahaM rAjyam abhIpsamAnaH 85  dharmeNAstraM niyataM tasya manye; yo yotsyate pANDavair dharmacArI  mithyA ghale nirjitA vai nRzaMsaiH; saMvatsarAn dvAdaza pANDuputrAH 86  avApya kRcchraM vihitaM hy araNye; dIrghaM kAlaM caikam ajJAtacaryAm  te hy akasmAj jIvitaM pANDavAnAM; na mRSyante hArtarASTrAH padasthAH 87  te ced asmAn yudhyamAnAJ jayeyur; devair apIndra pramukhaiH sahAyaiH  dharmAd adharmaz carito garIyAn; iti dhruvaM nAsti kRtaM na sAdhu 88  na ced imaM puruSaM karma baddhaM; na ced asmAn manyate 'sau viziSTAn  AzaMse 'haM vAsudeva dvitIyo; duryodhanaM sAnubandhaM nihantum 89  na ced idaM karma nareSu baddhaM; na vidyate puruSasya svakarma  idaM ca tac cApi samIkSya nUnaM; parAjayo dhArtarASTrasya sAdhuH 90  pratyakSaM vaH kuravo yad bravImi; yudhyamAnA dhArtarASTrA na santi  anyatra yuddhAt kuravaH parIpsan; na yudhyatAM zeSa ihAsti kaz cit 91  hatvA tv ahaM dhArtarASTrAn sa karNAn; rAjyaM kurUNAm avajetA samagram  yad vaH kAryaM tat kurudhvaM yathAsvam; iSTAn dArAn AtmajAMz copabhuGkte 92  apy evaM no brAhmaNAH santi vRddhA; bahuzrutAH zIlavantaH kulInAH  sAMvatsarA jyotiSi cApi yuktA; nakSatrayogeSu ca nizcayajJAH 93  uccAvacaM daivayuktaM rahasyaM; divyAH praznA mRgacakrA muhUrtAH  kSayaM mahAntaM kurusRJjayAnAM; nivedayante pANDavAnAM jayaM ca 94  tathA hi no manyate 'jAtazatruH; saMsiddhArtho dviSatAM nigrahAya  janArdanaz cApy aparokSa vidyo; na saMzayaM pazyati vRSNisiMhaH 95  ahaM ca jAnAmi bhaviSya rUpaM; pazyAmi buddhyA svayam apramattaH  dRSTiz ca me na vyathate purANI; yudhyamAnA dhArtarASTrA na santi 96  anAlabdhaM jRmbhati gANDivaM dhanur; anAlabdhA kampati me dhanurjyA  bANAz ca me tUNamukhAd visRjya; muhur muhur gantum uzanti caiva 97  saikyaH kozAn niHsarati prasanno; hitveva jIrNAm uragas tvacaM svAm  dhvaje vAco raudrarUpA vadanti; kadA ratho yokSyate te kirITin 98  gomAyusaMghAz ca vadanti rAtrau; rakSAMsy atho niSpatanty antarikSAt  mRgAH zRgAlAH zitikaNThAz ca kAkA; gRdhrA baDAz caiva tarakSavaz ca 99  suparNapAtAz ca patanti pazcAd; dRSTvA rathaM zvetahayaprayuktam  ahaM hy ekaH pArthivAn sarvayodhAJ; zarAn varSan mRtyulokaM nayeyam 100  samAdadAnaH pRthag astramArgAn; yathAgnir iddho gahanaM nidAghe  sthUNAkarNaM pAzupataM ca ghoraM; tathA brahmAstraM yac ca zakro viveda 101  vadhe dhRto vegavataH pramuJcan; nAhaM prajAH kiM cid ivAvaziSye  zAntiM lapsye paramo hy eSa bhAvaH; sthiro mama brUhi gAvalgaNe tAn 102  nityaM punaH sacivair yair avocad; devAn apIndra pramukhAn sahAyAn  tair manyate kalahaM saMprayujya; sa dhArtarASTraH pazyata moham asya 103  vRddho bhISmaH zAMtanavaH kRpaz ca; droNaH saputro viduraz ca dhImAn  ete sarve yadvad ante tad astu; AyuSmantaH kuravaH santu sarve   |



|  1   [v]  samaveteSu sarveSu teSu rAjasu bhArata  duryodhanam idaM vAkyaM bhISmaH zAMtanavo 'bravIt 2  bRhaspatiz cozanA ca brAhmaNaM paryupasthitau  marutaz ca sahendreNa vasavaz ca sahAzvinau 3  AdityAz caiva sAdhyAz ca ye ca saptarSayo divi  vizvAvasuz ca gandharvaH zubhAz cAparasAM gaNAH 4  namaskRtvopajagmus te lokavRddhaM pitAmaham  parivArya ca vizvezaM paryAsata divaukasaH 5  teSAM manaz ca tejaz cApy AdadAnau divaukasAm  pUrvadevau vyatikrAntau naranArAyaNAv RSI 6  bRhaspatiz ca papraccha brAhmaNaM kAv imAv iti  bhavantaM nopatiSThete tau naH zaMsa pitAmaha 7  yAv etau pRthivIM dyAM ca bhAsayantau tapasvinau  jvalantau rocamAnau ca vyApyAtItau mahAbalau 8  naranArAyaNAv etau lokAl lokaM samAsthitau  Urjitau svena tapasA mahAsattvaparAkramau 9  etau hi karmaNA lokAn nandayAm Asatur dhruvau  asurANAm abhAvAya devagandharvapUjitau 10  jagAma zakras tac chrutvA yatra tau tepatus tapaH  sArdhaM devagaNaiH sarvair bRhaspatipurogamaiH 11  tadA devAsure ghore bhaye jAte divaukasAm  ayAcata mahAtmAnau naranArAyaNau varam 12  tAv abrUtAM vRNISveti tadA bharatasattama  athaitAv abravIc chakraH sAhyaM naH kriyatAm iti 13  tatas tau zakram abrUtAM kariSyAvo yad icchasi  tAbhyAM sa sahitaH zakro vijigye daityadAnavAn 14  nara indrasya saMgrAme hatvA zatrUn paraMtapaH  paulomAn kAlakhaJjAMz ca sahasrANi zatAni ca 15  eSa bhrAnte rathe tiSThan bhallenApaharac chiraH  jambhasya grasamAnasya yajJam arjuna Ahave 16  eSa pAre samudrasya hiraNyapuram Arujat  hatvA SaSTisahasrANi nivAtakavacAn raNe 17  eSa devAn sahendreNa jitvA parapuraMjayaH  atarpayan mahAbAhur arjuno jAtavedasam  nArAyaNas tathaivAtra bhUyaso 'nyAJ jaghAna ha 18  evam etau mahAvIryau tau pazyata samAgatau  vAsudevArjunau vIrau samavetau mahArathau 19  naranArAyaNau devau pUrvadevAv iti zrutiH  ajeyau mAnuSe loke sendrair api surAsuraiH 20  eSa nArAyaNaH kRSNaH phalgunas tu naraH smRtaH  nArAyaNo naraz caiva sattvam ekaM dvidhAkRtam 21  etau hi karmaNA lokAn aznuvAte 'kSayAn dhruvAn  tatra tatraiva jAyete yuddhakAle punaH punaH 22  tasmAt karmaiva kartavyam iti hovAca nAradaH  etad dhi sarvam AcaSTa vRSNicakrasya vedavit 23  zaGkhacakragadAhastaM yadA drakSyasi kezavam  paryAdadAnaM cAstrANi bhImadhanvAnam arjunam 24  sanAtanau mahAtmAnau kRSNAv ekarathe sthitau  duryodhana tadA tAta smartAsi vacanaM mama 25  no ced ayam abhAvaH syAt kurUNAM pratyupasthitaH  arthAc ca tAta dharmAc ca tava buddhir upaplutA 26  na ced grahISyase vAkyaM zrotAsi subahUn hatAn  tavaiva hi mataM sarve kuravaH paryupAsate 27  trayANAm eva ca mataM tattvam eko 'numanyase  rAmeNa caiva zaptasya karNasya bharatarSabha 28  durjAteH sUtaputrasya zakuneH saubalasya ca  tathA kSudrasya pApasya bhrAtur duHzAsanasya ca 29   [karNa]  naivam AyuSmatA vAcyaM yan mAm Attha pitAmaha  kSatradharme sthito hy asmi svadharmAd anapeyivAn 30  kiM cAnyan mayi durvRttaM yena mAM parigarhase  na hi me vRjinaM kiM cid dhArtarASTrA viduH kva cit 31  rAjJo hi dhRtarASTrasya sarvaM kAryaM priyaM mayA  tathA duryodhanasyApi sa hi rAjye samAhitaH 32  karNasya tu vacaH zrutvA bhISmaH zAMtanavaH punaH  dhRtarASTraM mahArAjam AbhASyedaM vaco 'bravIt 33  yad ayaM katthate nityaM hantAhaM pANDavAn iti  nAyaM kalApi saMpUrNA pANDavAnAM mahAtmanAm 34  anayo yo 'yam AgantA putrANAM te durAtmanAm  tad asya karma jAnIhi sUtaputrasya durmateH 35  enam Azritya putras te mandabuddhiH suyodhanaH  avamanyata tAn vIrAn devaputrAn ariMdamAn 36  kiM cApy anena tat karmakRtaM pUrvaM suduSkaram  tair yathA pANDavaiH sarvair ekaikena kRtaM purA 37  dRSTvA virATanagare bhrAtaraM nihataM priyam  dhanaMjayena vikramya kim anena tadA kRtam 38  sahitAn hi kurUn sarvAn abhiyAto dhanaMjayaH  pramathya cAcchinad gAvaH kim ayaM proSitas tadA 39  gandharvair ghoSayAtrAyAM hriyate yat sutas tava  kva tadA sUtaputro 'bhUd ya idAnIM vRSAyate 40  nanu tatrApi pArthena bhImena ca mahAtmanA  yamAbhyAm eva cAgamya gandharvAs te parAjitAH 41  etAny asya mRSoktAni bahUni bharatarSabha  vikatthanasya bhadraM te sadA dharmArthalopinaH 42  bhISmasya tu vacaH zrutvA bhAradvAjo mahAmanAH  dhRtarASTram uvAcedaM rAjamadhye 'bhipUjayan 43  yad Aha bharatazreSTho bhISmas tat kriyatAM nRpa  na kAmam arthalipsUnAM vacanaM kartum arhasi 44  purA yuddhAt sAdhu manye pANDavaiH saha saMgama  yad vAkyam arjunenoktaM saMjayena niveditam 45  sarvaM tad abhijAnAmi kariSyati ca pANDavaH  na hy asya triSu lokeSu sadRzo 'sti dhanurdharaH 46  anAdRtya tu tad vAkyam arthavad droNa bhISmayoH  tataH sa saMjayaM rAjA paryapRcchata pANDavam 47  tadaiva kuravaH sarve nirAzA jIvite 'bhavan  bhISmadroNau yadA rAjA na samyag anubhASate   |



|  1   [dhR]  kim asau pANDavo rAjA dharmaputro 'bhyabhASata  zrutvemA bahulAH senAH pratyarthena samAgatAH 2  kim icchaty abhisaMrambhAd yotsyamAno yudhiSThiraH  kasya svid bhrAtRputrANAM cintAsu mukham IkSate 3  ke svid enaM vArayanti zAmya yudhyeti vA punaH  nikRtyA kopitaM mandair dharmajJaM dharmacAriNam 4   [samjaya]  rAjJo mukham udIkSante pAJcAlAH pANDavaiH saha  yudhiSThirasya bhadraM te sa sarvAn anuzAsti ca 5  pRthag bUtAH pANDavAnAM pAJcAlAnAM rathavrajAH  AyAntam abhinandanti kuntIputraM yudhiSThiram 6  tamaH sUryam ivodyantaM kaunteyaM dIptatejasam  pAJcAlAH pratinandanti tejorAzim ivodyatam 7  A gopAlAvi pAlebhyo nandamAnaM yudhiSThiram  pAJcAlAH kekayA matsyAH pratinandanti pANDavam 8  brAhmaNyo rAjaputryaz ca vizAM duhitaraz ca yAH  krIDantyo 'bhisamAyAnti pArthaM saMnaddham IkSitum 9  saMjayAcakSva kenAsmAn pANDavA abhyayuJjata  dhRSTadyumnena senAnyA somakAH kiMbalA iva 10  gAvalgaNis tu tat pRSTaH sabhAyAM kurusaMsadi  niHzvasya subhRzaM dIrghaM muhuH saMcintayann iva  tatrAnimittato daivAt sUtaM kazmalam Avizat 11  tadAcacakSe puruSaH sabhAyAM rAjasaMsadi  saMjayo 'yaM mahArAja mUrcchitaH patito bhuvi  vAcaM na sRjate kAMcid dhIna prajJo 'lpacetanaH 12  apazyat saMjayo nUnaM kuntIputrAn mahArathAn  tair asya puruSavyAghrair bhRzam udvejitaM manaH 13  saMjayaz cetanAM labdhvA pratyAzvasyedam abravIt  dhRtarASTraM mahArAja sabhAyAM kurusaMsadi 14  dRSTavAn asmi rAjendra kuntIputrAn mahArathAn  matsyarAjagRhAvAsAd avarodhena karzitAn  zRNu yair hi mahArAja pANDavA abhyayuJjata 15  yo naiva roSAn na bhayAn na kAmAn nArthakAraNAt  na hetuvAdAd dhamAtmA satyaM jahyAt kathaM cana 16  yaH pramANaM mahArAja dharme dharmabhRtAM varaH  ajAtazatruNA tena pANDavA abhyayuJjata 17  yasya bAhubale tulyaH pRthivyAM nAsti kaz cana  yo vai sarvAn mahIpAlAn vaze cakre dhanurdharaH  tena vo bhImasenena pANDavA abhyayuJjata 18  niHsRtAnAM jatu gRhAd dhiDimbAt puruSAdakAt  ya eSAm abhavad dvIpaH kuntIputro vRkodaraH 19  yAjJasenIm atho yatra sindhurAjo 'pakRSTavAn  tatraiSAm abhavad dvIpaH kuntIputro vRkodaraH 20  yaz ca tAn saMgatAn sarvAn pANDavAn vAraNAvate  dahyato mocayAm Asa tena vas te 'bhyayuJjata 21  kRSNAyAz caratA prItiM yena krodhavazA hatAH  pravizya viSamaM ghoraM parvataM gandhamAdanam 22  yasya nAmAyutaM vIryaM bhujayoH sAram arpitam  tena vo bhImasenena pANDavA abhyayuJjata 23  kRSNa dvitIyo vikramya tuSTyarthaM jAtavedasaH  ajayad yaH purA vIro yudhyamAnaM puraMdaram 24  yaH sa sAkSAn mahAdevaM girizaM zUlapANinam  toSayAm Asa yuddhena devadevam umApatim 25  yaz ca sarvAn vaze cakre lokapAlAn dhanurdharaH  tena vo vijayenAjau pANDavA abhyayuJjata 26  yaH pratIcIM dizaM cakre vaze meccha ganAyutAm  sa tatra nakulo yoddhA citrayodhI vyavasthitaH 27  tena vo darzanIyena vIreNAti dhanurbhRtA  mAdrIputreNa kauravya pANDavA abhyayuJjata 28  yaH kAzIn aGgamagadhAn kaliGgAMz ca yudhAjayat  tena vaH sahadevena pANDavA abhyayuJjata 29  yasya vIryeNa sadRzAz catvAro bhuvi mAnavAH  azvatthAmA dhRSTaketuH pradyumno rukmir eva ca 30  tena vaH sahadevena pANDavA abhyayuJjata  yavIyasA nRvIreNa mAdrI nandikareNa ca 31  tapaz cacAra yA ghoraM kAzikanyA purA satI  bhISmasya vadham icchantI pretyApi bharatarSabha 32  pAJcAlasya sutA jajJe daivAc ca sa punaH pumAn  strIpuMsoH puruSavyAghra yaH sa veda guNAguNAn 33  yaH kaliGgAn samApede pAJcAlo yuddhadurmadaH  zikhaNDinA vaH kuravaH kRtAstreNAbhyayuJjata 34  yAM yakSaH puruSaM cakre bhISmasya nidhane kila  maheSvAsena raudreNa pANDavA abhyayuJjata 35  maheSvAsA rAjaputrA bhArataH paJca kekayAH  sumRSTakavacAH zUrAs taiz ca vas te 'bhyayuJjata 36  yo dIrghabAhuH kSiprAstro dhRtimAn satyavikramaH  tena vo vRSNivIreNa yuyudhAnena saMgaraH 37  ya AsIc charaNaM kAle pANDavAnAM mahAtmanAm  raNe tena virATena pANDavA abhyayuJjata 38  yaH sa kAzipatI rAjA vArANasyAM mahArathaH  sa teSAm abhavad yodhA tena vas te 'bhyayuJjata 39  zizubhir durjayaiH saMkhye draupadeyair mahAtmabhiH  AzIviSasamasparzaiH pANDavA abhyayuJjata 40  yaH kRSNa sadRzo vIrye yudhiSThira samo dame  tenAbhimanyunA saMkhye pANDavA abhyayuJjata 41  yaz caivApratimo vIrye dhRSTaketur mahAyazAH  duHsahaH samare kruddhaH zaizupAlir mahArathaH  tena vaz cedirAjena pANDavA abhyayuJjata 42  yaH saMzrayaH pANDavAnAM devAnAm iva vAsavaH  tena vo vAsudevena pANDavA abhyayuJjata 43  tathA cedipater bhrAtA zarabho bharatarSabha  karakarSeNa sahitas tAbhyAM vas te 'bhyayuJjata 44  jArA saMdhiH sahadevo jayatsenaz ca tAv ubhau  drupadaz ca mahAtejA balena mahatA vRtaH  tyaktAtmA pANDavArthAya yotsyamAno vyavasthitaH 45  ete cAnye ca bahavaH prAcyodIcyA mahIkSitaH  zatazo yAn apAzritya dharmarAjo vyavasthitaH   |



|  1   [dhR]  sarva ete mahotsAhA ye tvayA parikIrtitAH  ekatas tv eva te sarve sametA bhIma ekataH 2  bhImasenAd dhi me bhUyo bhayaM saMjAyate mahat  kruddhAd amarSaNAt tAta vyAghrAd iva mahAruroH 3  jAgarmi rAtrayaH sarvA dIrgham uSNaM ca niHzvasan  bhIto vRkodarAt tAta siMhAt pazur ivAbalaH 4  na hi tasya mahAbAhor akra pratimatejasaH  sainye 'smin pratipazyAmi ya enaM viSahed yudhi 5  amarSaNaz ca kaunteyo dRDhavairaz ca pANDavaH  anarma hAsI sonmAdas tiryak prekSI mahAsvanaH 6  mahAvego mahotsAho mahAbAhur mahAbalaH  mandAnAM mama putrANAM yuddhenAntaM kariSyati 7  UrugrAhagRhItAnAM gadAM bibhrad vRkodaraH  kurUNAm RSabho yuddhe daNDapANir ivAntakaH 8  saikyAyasamayIM ghorAM gadAM kAJcanabhUSitAm  manasAhaM prapazyAmi brahmadaNDam ivodyatam 9  yathA rurUNAM yUtheSu siMho jAtabalaz caret  mAmakeSu tathA bhImo baleSu vicariSyati 10  sarveSAM mama putrANAM sa ekaH krUra vikramaH  bahv AzIvipratIpaz ca bAlye 'pi rabhasaH sadA 11  udvepate me hRdayaM yadA duryodhanAdayaH  bAlye 'pi tena yudhyanto vAraNeneva marditAH 12  tasya vIryeNa saMkliSTA nityam eva sutA mama  sa eva hetur bhedasya bhImo bhImaparAkramaH 13  grasamAnam anIkAni naravAraNavAjinAm  pazyAmIvAgrato bhImaM krodhamUrchitam Ahave 14  astre droNArjuna samaM vAyuvegasamaM jave  saMjayAcakSva me zUraM bhImasenam amarSaNam 15  atilAbhaM tu manye 'haM yat tena ripughAtinA  tadaiva na hatAH sarve mama putrA manasvinA 16  yena bhImabalA yakSA rAkSasAz ca samAhatAH  kathaM tasya raNe vegaM mAnuSaH prasahiSyati 17  na sa jAtu vaze tasthau mama bAlo 'pi saMjaya  kiM punar mama duSputraiH kliSTaH saMprati pANDavaH 18  niSThuraH sa ca naiSThuryAd bhajyed api na saMnamet  tiryak prekSI saMhatabhrUH kathaM zAmyed vRkodaraH 19  bRhad aMso 'pratibalo gauras tAla ivodgataH  pramANato bhImasenaH prAdezenAdhiko 'rjunAt 20  javena vAjino 'tyeti balenAtyeti kuJjarAn  avyaktajalpI madhv akSo madhyamaH pANDavo balI 21  iti bAlye zrutaH pUrvaM mayA vyAsa mukhAt purA  rUpato vIryataz caiva yAthAtathyena pANDavaH 22  Ayasena sa daNDena rathAn nAgAn hayAn narAn  haniSyati raNe kruddho bhImaH praharatAM varaH 23  amarSI nityasaMrabdho raudraH krUraparAkramaH  mama tAta pratIpAni kurvan pUrvaM vimAnitaH 24  niSkIrNAm AyasIM sthUlAM suparvAM kAJcanIM gadAm  zataghnIM zatanirhrAdAM kathaM zakSyanti me sutAH 25  apAram aplavAgAdhaM samudraM zaraveginam  bhImasenamayaM durgaM tAta mandAs titIrSavaH 26  krozato me na zRNvanti bAlAH paNDitamAninaH  viSamaM nAvabudhyante prapAtaM madhu darzinaH 27  saMyugaM ye kariSyanti nararUpeNa vAyunA  niyataM coditA dhAtrA siMheneva mahAmRgAH 28  zaikyAM tAta catuSkiSkuM SaD asrim amitaujasam  prahitAM duHkhasaMsparzAM kathaM zakSyanti me sutAH 29  gadAM bhrAmayatas tasya bhindato hastimastakAn  sRkkiNI lelihAnasya bASpam utsRjato muhuH 30  uddizya pAtAn patataH kurvato bhairavAn ravAn  pratIpAn patato mattAn kuJjarAn pratigarjataH 31  vigAhya rathamArgeSu varAn uddizya nighnataH  agneH prajvalitasyeva api mucyeta me prajA 32  vIthIM kurvan mahAbAhur drAvayan mama vAhinIm  nRtyann iva gadApANir yugAntaM darzayiSyati 33  prabhinna iva mAtaGgaH prabhaJjan puSpitAn drumAn  pravekSyati raNe senAM putrANAM me vRkodaraH 34  kurvan rathAn vipuruSAn vidhvajAn bhagnapuSkarAn  Arujan puruSavyAghro rathinaH sAdinas tathA 35  gaGgA vega ivAnUpAMs tIrajAn vividhAn drumAn  pravekSyati mahAsenAM putrANAM mama saMjaya 36  vazaM nUnaM gamiSyanti bhImasenabalArditAH  mama putrAz ca bhRtyAz ca rAjAnaz caiva saMjaya 37  yena rAjA mahAvIryaH pravizyAntaHpuraM purA  vAsudevasahAyena jarAsaMdho nipAtitaH 38  kRtsneyaM pRthivI devI jarAsaMdhena dhImatA  mAgadhendreNa balinA vaze kRtvA pratApitA 39  bhISma pratApAt kuravo nayenAndhakavRSNayaH  te na tasya vazaM jagmuH kevalaM daivam eva vA 40  sa gatvA pANDuputreNa tarasA bAhuzAlinA  anAyudhena vIreNa nihataH kiM tato 'dhikam 41  dIrghakAlena saMsiktaM viSam AzIviSo yathA  sa mokSyati raNe tejaH putreSu mama saMjaya 42  mahendra iva vajreNa dAnavAn deva sattamaH  bhImaseno gadApANiH sUdayiSyati me sutAn 43  aviSahyam anAvAryaM tIvravegaparAkramam  pazyAmIvAtitAmrAkSam ApatantaM vRkodaram 44  agadasyApy adhanuSo virathasya vivarmaNaH  bAhubhyAM yudhyamAnasya kas tiSThed agrataH pumAn 45  bhISmo droNaz ca vipro 'yaM kRpaH zAradvatas tathA  jAnanty ete yathaivAhaM vIryajJas tasya dhImataH 46  Arya vrataM tu jAnantaH saMgarAn na bibhitsavaH  senAmukheSu sthAsyanti mAmakAnAM nararSabhAH 47  balIyaH sarvato diSTaM puruSasya vizeSataH  pazyann api jayaM teSAM na niyacchAmi yat sutAn 48  te purANaM maheSvAsA mArgam aindraM samAsthitAH  tyakSyanti tumule prANAn rakSantaH pArthivaM yazaH 49  yathaiSAM mAmakAs tAta tathaiSAM pANDavA api  pautrA bhISmasya ziSyAz ca droNasya ca kRpasya ca 50  yat tv asmad AzrayaM kiM cid dattam iSTaM ca saMjaya  tasyApacitim AryatvAt kartAraH sthavirAs trayaH 51  AdadAnasya zastraM hi kSatradharmaM parIpsataH  nidhanaM brAhmaNasyAjau varam evAhur uttamam 52  sa vai zocAmi sarvAn vai ye yuyutsanti pANDavAn  vikruSTaM vidureNAdau tad etad bhayam Agatam 53  na tu manye vighAtAya jJAnaM duHkhasya saMjaya  bhavaty atibale hy etaj jJAnam apy upaghAtakam 54  RSayo hy api nirmuktAH pazyanto lokasaMgrahAn  sukhe bhavanti sukhinas tathA duHkhena duHkhitAH 55  kiM punar yo 'ham Asaktas tatra tatra sahasradhA  putreSu rAjyadAreSu pautreSv api ca bandhuSu 56  saMzaye tu mahaty asmin kiM nu me kSamam uttamam  vinAzaM hy eva pazyAmi kurUNAm anucintayan 57  dyUtapramukham AbhAti kurUNAM vyasanaM mahat  mandenaizvaryakAmena lobhAt pApam idaM kRtam 58  manye paryAya dharmo 'yaM kAlasyAtyanta gAminaH  cakre pradhir ivAsakto nAsya zakyaM palAyitum 59  kiM nu kAryaM kathaM kuryAM kva nu gacchAmi saMjaya  ete nazyanti kuravo mandAH kAlavazaM gatAH 60  avazo 'haM purA tAta putrANAM nihate zate  zroSyAmi ninadaM strINAM kathaM mAM maraNaM spRzet 61  yathA nidAghe jvalanaH samiddho; dahet kakSaM vAyunA codyamAnaH  gadAhastaH pANDavas tadvad eva; hantA madIyAn sahito 'rjunena   |



|  1   [dhR]  yasya vai nAnRtA vAcaH pravRttA anuzuzrumaH  trailokyam api tasya syAd yodhA yasya dhanaMjayaH 2  tasyaiva ca na pazyAmi yudhi gANDIvadhanvanaH  anizaM cintayAno 'pi yaH pratIyAd rathena tam 3  asyataH karNinAlIkAn mArgaNAn hRdayac chidaH  pratyetA na samaH kaz cid yudhi gANDIvadhanvanaH 4  droNakarNau pratIyAtAM yadi vIrau nararSabhau  mAhAtmyAt saMzayo loke na tv asti vijayo mama 5  ghRNI karNaH pramAdI ca AcAryaH sthaviro guruH  samartho balavAn pArtho dRDhadhanvA jitaklamaH  bhavet sutumulaM yuddhaM sarvazo 'py aparAjayaH 6  sarve hy astravidaH zUrAH sarve prAptA mahad yazaH  api sarmAmaraizvaryaM tyajeyur na punar jayam  vadhe nUnaM bhavec chAntis tayor vA phalgunasya vA 7  na tu jetArjunasyAsti hantA cAsya na vidyate  manyus tasya kathaM zAmyen mandAn prati ya utthitaH 8  anye 'py astrANi jAnanti jIyante ca jayanti ca  ekAntavijayas tv eva zrUyate phalgunasya ha 9  trayas triMzat samAhUya khANDave 'gnim atarpayat  jigAya ca surAn sarvAn nAsya vedmi parAjayam 10  yasya yantA hRSIkezaH zIlavRttasamo yudhi  dhruvas tasya jayas tAta yathendrasya jayas tathA 11  kRSNAv ekarathe yattAv adhijyaM gANDivaM dhanuH  yugapat trINi tejAMsi sametAny anuzuzrumaH 12  naiva no 'sti dhanus tAdRG na yoddhA na ca sArathiH  tac ca mandA na jAnanti duryodhana vazAnugAH 13  zeSayed azanir dIpto nipatan mUrdhni saMjaya  na tu zeSaM zarAH kuryur astAs tAta kirITinA 14  api cAsyann ivAbhAti nighnann iva ca phalgunaH  uddharann iva kAyebhyaH zirAMsi zaravRSTibhiH 15  api bANamayaM tejaH pradIptam iva sarvataH  gANDIveddhaM dahetAjau putrANAM mama vAhinIm 16  api sA rathaghoSeNa bhayArtA savyasAcinaH  vitrastA bahulA senA bhAratI pratibhAti me 17  yathA kakSaM dahaty agniH pravRddhaH sarvataz caran  mahArcir aniloddhUtas tadvad dhakSyati mAmakAn 18  yadodvaman nizitAn bANasaMghAn; sthAtAtatAyI samare kirITI  sRSTo 'ntakaH sarvaharo vidhAtrA; yathA bhavet tadvad avAraNIyaH 19  yadA hy abhIkSNaM subahUn prakArAJ; zrotAsmi tAn Avasathe kurUNAm  teSAM samantAc ca tathA raNAgre; kSayaH kilAyaM bharatAn upaiti   |



|  1   [dhR]  yathaiva pANDavAH sarve parAkrAntA jigISavaH  tathaivAbhisarAs teSAM tyaktAtmAno jaye dhRtAH 2  tvam eva hi parAkrAntAn AcakSIthAH parAn mama  pAJcAlAn kekayAn matsyAn mAgadhAn vatsabhUmipAn 3  yaz ca sendrAn imAm*l lokAn icchan kuryAd vaze balI  sa zreSTho jagataH kRSNaH pANDavAnAM jaye dhRtaH 4  samastAm arjunAd vidyAM sAtyakiH kSipram AptavAn  zaineyaH samare sthAtA bIjavat pravapaJ zarAn 5  dhRSTadyumnaz ca pAJcAlyaH krUrakarmA mahArathaH  mAmakeSu raNaM kartA baleSu paramAstravit 6  yudhiSThirasya ca krodhAd arjunasya ca vikramAt  yamAbhyAM bhImasenAc ca bhayaM me tAta jAyate 7  amAnuSaM manuSyendrair jAlaM vitatam antarA  mama senAM haniSyanti tataH krozAmi saMjaya 8  darzanIyo manasvI ca lakSmIvAn brahma varcasI  medhAvI sukRtaprajJo dharmAtmA pANDunandanaH 9  mitrAmAtyaiH susaMpannaH saMpanno yojya yojakaiH  bhrAtRbhiH zvazuraiH putrair upapanno mahArathaiH 10  dhRtyA ca puruSavyAghor naibhRtyena ca pANDavaH  anRzaMso vadAnyaz ca hrImAn satyaparAkramaH 11  bahuzrutaH kRtAtmA ca vRddhasevI jitendriyaH  taM sarvaguNasaMpannaM samiddham iva pAvakam 12  tapantam iva ko mandaH patiSyati pataMgavat  pANDavAgnim anAvAryaM mumUrSur mUDha cetanaH 13  tanur uccaH zikhI rAjA zuddhajAmbUnadaprabhaH  mandAnAM mama putrANAM yuddhenAntaM kariSyati 14  tair ayuddhaM sAdhu manye kuravas tan nibodhata  yuddhe vinAzaH kRtsnasya kulasya bhavitA dhruvam 15  eSA me paramA zAntir yayA zAmyati me manaH  yadi tv ayuddham iSTaM vo vayaM zAntyai yatAmahe 16  na tu naH zikSamANAnAm upekSeta yudhiSThiraH  jugupsati hy adharmeNa mAm evoddhizya kAraNam   |



|  1   [s]  evam etan mahArAja yathA vadasi bhArata  yuddhe vinAzaH kSatrasya gANDIvena pradRzyate 2  idaM tu nAbhijAnAmi tava dhIrasya nityazaH  yat putra vazam AgaccheH sattvajJaH savyasAcinaH 3  naiSa kAlo mahArAja tava zazvat kRtAgamaH  tvayA hy evAditaH pArthA nikRtA bharatarSabha 4  pitA zreSThaH suhRd yaz ca samyak praNihitAtmavAn  AsthyeyaM hi hitaM tena na drogdhA gurur ucyate 5  idaM jitam idaM labdham iti zrutvA parAjitAn  dyUtakAle mahArAja smayase sma kumAravat 6  paruSANy ucyamAnAn sma purA pArthAn upekSase  kRtsnaM rAjyaM jayantIti prapAtaM nAnupazyasi 7  pitryaM rAjyaM mahArAja kuravas te sa jAGgalAH  atha vIrair jitAM bhUmim akhilAM pratyapadyathAH 8  bAhuvIryArjitA bhUmis tava pArthair niveditA  mayedaM kRtam ity eva manyase rAjasattama 9  grastAn gandharvarAjena majjato hy aplave 'mbhasi  AninAya punaH pArthaH putrAMs te rAjasattama 10  kumAravac ca smayase dyUte vinikRteSu yat  pANDaveSu vanaM rAjan pravrajatsu punaH punaH 11  pravarSataH zaravrAtAn arjunasya zitAn bahUn  apy arNavA vizuSyeyuH kiM punar mAMsayonayaH 12  asyatAM phalgunaH zreSTho gANDIvaM dhanuSAM varam  kezavaH sarvabhUtAnAM cakrANAM ca sudarzanam 13  vAnaro rocamAnaz ca ketuH ketumatAM varaH  evam etAni sa ratho vahaJ zvetahayo raNe  kSapayiSyati no rAjan kAlacakram ivodyatam 14  tasyAdya vasudhA rAjan nikhilA bharatarSabha  yasya bhImArjunau yodhau sa rAjA rAjasattama 15  tathA bhIma hataprAyAM majjantIM tava vAhinIm  duryodhanamukhA dRSTvA kSayaM yAsyanti kauravAH 16  na hi bhIma bhayAd bhItA lapsyante vijayaM vibho  tava putrA mahArAja rAjAnaz cAnusAriNaH 17  matsyAs tvAm adya nArjanti pAJcAlAz ca sa kekayAH  zAlveyAH zarasenAz ca sarve tvAm avajAnate  pArthaM hy ete gatAH sarve vIryajJAs tasya dhImataH 18  anarhAn eva tu vadhe dharmayuktAn vikarmaNA  sarvopAyair niyantavyaH sAnugaH pApapUruSaH  tava putro mahArAja nAtra zocitum arhasi 19  dyUtakAle mayA coktaM vidureNa ca dhImatA  yad idaM te vilapitaM pANDavAn prati bhArata  anIzeneva rAjendra sarvam etan nirarthakam   |



|  1   [dur]  na bhetavyaM mahArAja na zocyA bhavatA vayam  samarthAH sma parAn rAjan vijetuM samare vibho 2  vanaM pravrAjitAn pArthAn yad AyAn madhusUdanaH  mahatA balacakreNa pararASTrAvamardinA 3  kekayA dhRSTaketuz ca dhRSTadyumnaz ca pArSataH  rAjAnaz cAnvayuH pArthAn bahavo 'nye 'nuyAyinaH 4  indraprasthasya cAdUrAt samAjagmur mahArathAH  vyagarhayaMz ca saMgamya bhavantaM kurubhiH saha 5  te yudhiSThiram AsInam ajinaiH prativAsitam  kRSNa pradhAnAH saMhatya paryupAsanta bhArata 6  pratyAdAnaM ca rAjyasya kAryam Ucur narAdhipAH  bhavataH sAnubandhasya samucchedaM cikIrSavaH 7  zrutvA caitan mayoktAs tu bhISmadroNakRpAs tadA  jJAtikSayabhayAd rAjan bhItena bharatarSabha 8  na te sthAsyanti samaye pANDavA iti me matiH  samucchedaM hi naH kRtsnaM vAsudevaz cikIrSati 9  Rte ca viduraM sarve yUyaM vadhyA mahAtmanaH  dhRtarASTraz ca dharmajJo na vadhyaH kurusattamaH 10  samucchedaM ca kRtsnaM naH kRtvA tAta janArdanaH  ekarAjyaM kurUNAM sma cikIrSati yudhiSThire 11  tatra kiM prAptakAlaM naH praNipAtaH palAyanam  prANAn vA saMparityajya pratiyudhyAmahe parAn 12  pratiyuddhe tu niyataH syAd asmAkaM parAjayaH  yudhiSThirasya sarve hi pArthivA vazavartinaH 13  virakta rASTrAz ca vayaM mitrANi kupitAni naH  dhikkRtAH pArthivaiH sarvaiH svajanena ca sarvazaH 14  praNipAte tu doSo 'sti bandhUnAM zAzvatIH samAH  pitaraM tv eva zocAmi prajJA netraM janezvaram  matkRte duHkham ApannaM klezaM prAptam anantakam 15  kRtaM hi tava putraiz ca pareSAm avarodhanam  matpriyArthaM puraivaitad viditaM te narottama 16  te rAjJo dhRtarASTrasya sAmAtyasya mahArathAH  vairaM patikariSyanti kulocchedena pANDavAH 17  tato droNo 'bravId bhISmaH kRpo drauNiz ca bhArata  matvA mAM mahatIM cintAm AsthitaM vyathitendriyam 18  abhidrugdhAH pare cen no na bhetavyaM paraMtapa  asamarthAH pare jetum asmAn yudhi janezvara 19  ekaikazaH samarthAH smo vijetuM sarvapArthivAn  Agacchantu vineSyAmo darpam eSAM zitaiH zaraiH 20  puraikena hi bhISmeNa vijitAH sarvapArthivAH  mRte pitary abhikruddho rathenaikena bhArata 21  jaghAna subahUMs teSAM saMrabdhaH kurusattamaH  tatas te zaraNaM jagmur devavratam imaM bhayAt 22  sa bhISmaH susamartho 'yam asmAbhiH sahito raNe  parAn vijetuM tasmAt te vyetu bhIr bharatarSabha  ity eSAM nizcayo hy AsIt tat kAlam amitaujasAm 23  purA pareSAM pRthivI kRtsnAsId vazavartinI  asmAn punar amI nAdya samarthA jetum Ahave  chinnapakSAH pare hy adya vIryahInAz ca pANDavAH 24  asmat saMsthA ca pRthivI vartate bharatarSabha  ekArthAH sukhaduHkheSu mayAnItAz ca pArthivAH 25  apy agniM pravizeyus te samudraM vA paraMtapa  madarthe pArthivAH sarve tad viddhi kurusattama 26  unmattam iva cApi tvAM prahasantIha duHkhitam  vilapantaM bahuvidhaM bhItaM paravikatthane 27  eSAM hy ekaikazo rAjJAM samarthaH pANDavAn prati  AtmAnaM manyate sarvo vyetu te bhayam Agatam 28  sarvAM samagrAM senAM me vAsavo 'pi na zaknuyAt  hantum akSayya rUpeyaM brahmaNApi svayambhuvA 29  yudhiSThiraH puraM hitvA paJca grAmAn sa yAcati  bhIto hi mAmakAt sainyAt prabhAvAc caiva me prabho 30  samarthaM manyase yac ca kuntIputraM vRkodaram  tan mithyA na hi me kRtsnaM prabhAvaM vettha bhArata 31  matsamo hi gadAyuddhe pRthivyAM nAsti kaz cana  nAsIt kaz cid atikrAnto bhavitA na ca kaz cana 32  yukto duHkhocitaz cAhaM vidyA pAragatas tathA  tasmAn na bhImAn nAnyebhyo bhayaM me vidyate kva cit 33  duryodhana samo nAsti gadAyAm iti nizcayaH  saMkarSaNasya bhadraM te yat tadainam upAvasam 34  yuddhe saMkarSaNa samo balenAbhyadhiko bhuvi  gadAprahAraM bhImo me na jAtu viSahed yudhi 35  ekaM prahAraM yaM dadyAM bhImAya ruSito nRpa  sa evainaM nayed ghoraM kSipraM vaivasvatakSayam 36  iccheyaM ca gadAhastaM rAjan draSTuM vRkodaram  suciraM prArthito hy eSa mama nityaM manorathaH 37  gadayA nihato hy Ajau mama pArtho vRkodaraH  vizIrNagAtraH pRthivIM parAsuH prapatiSyati 38  gadAprahArAbhihato himavAn api parvataH  sakRn mayA vizIryeta giriH zatasahasradhA 39  sa cApy etad vijAnAti vAsudevArjunau tathA  duryodhana samo nAsti gadAyAm iti nizcayaH 40  tat te vRkodaramayaM bhayaM vyRtu mahAhave  vyapaneSyAmy ahaM hy enaM mA rAjan vimanA bhava 41  tasmin mayA hate kSipram arjunaM bahavo rathAH  tulyarUpA viziSTAz ca kSepsyanti bharatarSabha 42  bhISmo droNaH kRpo drauNiH karNo bhUrizravAs tathA  prAgjyotiSAdhipaH zalyaH sindhurAjo jayadrathaH 43  ekaika eSAM zaktas tu hantuM bhArata pANDavAn  samastAs tu kSaNenaitAn neSyanti yamasAdanam 44  samagrA pArthivI senA pArtham ekaM dhanaMjayam  kasmAd azaktA nirjetum iti hetur na vidyate 45  zaravrAtais tu bhISmeNa zatazo 'tha sahasrazaH  droNa drauNikRpaiz caiva gantA pArtho yamakSayam 46  pitAmaho hi gAGgeyaH zaMtanor adhi bhArata  brahmarSisadRzo jajJe devair api durutsahaH  pitrA hy uktaH prasannena nAkAmas tvaM mariSyasi 47  brahmarSez ca bharadvAjAd droNyAM droNo vyajAyata  droNAj jajJe mahArAja drauNiz ca paramAstravit 48  kRpaz cAcAya mukhyo 'yaM maharSer gautamAd api  zarastambodbhavaH zrImAn avadhya iti me matiH 49  ayonijaM trayaM hy etat pitA mAtA ca mAtulaH  azvatthAmno mahArAja sa ca zUraH sthito mama 50  sarva ete mahArAja devakalpA mahArathAH  zakrasyApi vyathAM kuryuH saMyuge bharatarSabha 51  bhISmadroNakRpANAM ca tulyaH karNo mato mama  anujJAtaz ca rAmeNa matsamo 'sIti bhArata 52  kuNDale rucire cAstAM karNasya sahaje zubhe  te zacy arthe mahendreNa yAcitaH sa paraMtapaH  amoghayA mahArAja zaktyA paramabhImayA 53  tasya zaktyopagUDhasya kasmAj jIved dhanaMjayaH  vijayo me dhruvaM rAjan phalaM pANAv ivAhitam  abhivyaktaH pareSAM ca kRtsno bhuvi parAjayaH 54  ahnA hy ekena bhISmo 'yam ayutaM hanti bhArata  tat samAz ca maheSvAsA droNa drauNikRpA api 55  saMzaptAni ca vRndAni kSatriyANAM paraMtapa  arjunaM vayam asmAn vA dhanaMjaya iti sma ha 56  tAMz cAlam iti manyante savyasAci vadhe vibho  pArthivAH sa bhavAn rAjann akasmAd vyathate katham 57  bhImasene ca nihate ko 'nyo yudhyeta bhArata  pareSAM tan mamAcakSva yadi vettha paraMtapa 58  paJca te bhrAtaraH sarve dhRSTadyumno 'tha sAtyakiH  pareSAM sapta ye rAjan yodhAH paramakaM balam 59  asmAkaM tu viziSTA ye bhISmadroNakRpAdayaH  drauNir vaikartanaH karNaH somadatto 'tha bAhlikaH 60  prAgjyotiSAdhipaH zalya Avantyo 'tha jayadrathaH  duHzAsano durmukhaz ca duHsahaz ca vizAM pate 61  zrutAyuz citrasenaz ca purumitro viviMzatiH  zalo bhUrizravAz cobhau vikarNaz ca tavAtmajaH 62  akSauhiNyo hi me rAjan dazaikA ca samAhRtAH  nyUnAH pareSAM saptaiva kasmAn me syAt parAjayaH 63  balaM triguNato hInaM yodhyaM prAha bRhaspatiH  parebhyas triguNA ceyaM mama rAjann anIkinI 64  guNahInaM pareSAM ca bahu pazyAmi bhArata  guNodayaM bahuguNam Atmanaz ca vizAM pate 65  etat sarvaM samAjJAya balAgryaM mama bhArata  nyUnatAM pANDavAnAM ca na mohaM gantum arhasi 66  ity uktvA saMjayaM bhUyaH paryapRcchata bhArata  vidhitsuH prAptakAlAni jJAtvA parapuraMjayaH   |



|  1   [dur]  akSauhiNIH sapta labdhvA rAjabhiH saha saMjaya  kiM svid icchati kaunteyo yuddhaprepsur yudhiSThiraH 2  atIva mudito rAjan yuddhaprepsur yudhiSThiraH  bhImasenArjunau cobhau yamAv api na bibhyataH 3  rathaM tu divyaM kaunteyaH sarvA vibhrAjayan dizaH  mantraM jijJAsamAnaH san bIbhatsuH samayojayat 4  tam apazyAma saMnaddhaM meghaM vidyutprabhaM yathA  sa mantrAn samabhidhyAya hRSyamANo 'bhyabhASata 5  pUrvarUpam idaM pazya vayaM jeSyAma saMjaya  bIbhatsur mAM yathovAca tathAvaimy aham apy uta 6   [dur]  prazaMsasy abhinandaMs tAn pArthAn akSaparAjitAn  arjunasya rathe brUhi katham azvAH kathaM dhvajaH 7  bhauvanaH saha zakreNa bahu citraM vizAM pate  rUpANi kalpayAm Asa tvaSTA dhAtrA sahAbhibho 8  dhvaje hi tasmin rUpANi cakrus te deva mAyayA  mahAdhanAni divyAni mahAnti ca laghUni ca 9  sarvA dizo yojanamAtram antaraM; sa tiryag UrdhvaM ca rurodha vai dhvajaH  na saMsajjet tarubhiH saMvRto 'pi; tathA hi mAyAvihitA bhauvanena 10  yathAkAze zakradhanuHprakAzate; na caikavarNaM na ca vidma kiM nu tat  tathA dhvajo vihito bhauvanena; bahv AkAraM dRzyate rUpam asya 11  yathAgnidhUmo divam eti ruddhvA; varNAn bibhrat taijasaM tac charIram  tathA dhvajo vihito bhauvanena; na ced bhAro bhavitA nota rodhaH 12  zvetAs tasmin vAtavegAH sadazvA; divyA yuktAz citrarathena dattAH  zataM yat tat pUryate nityakAlaM; hataM hataM dattavaraM purastAt 13  tathA rAjJo dantavarNA bRhanto; rathe yuktA bhAnti tad vIryatulyAH  Rzya prakhyA bhImasenasya vAhA; raNe vAyos tulyavegA babhUvuH 14  kalmASAGgAs tittiri citrapRSThA; bhrAtrA dattAH prIyatA phalgunena  bhrAtur vIrasya svais turaMgair viziSTA; mudA yuktAH sahadevaM vahanti 15  mAdrIputraM nakulaM tv AjamIDhaM; mahendradattA harayo vAjimukhyAH  samA vAyor balavantas tarasvino; vahanti vIraM vRtra zatruM yathendram 16  tulyAz caibhir vayasA vikrameNa; javena caivApratirUpAH sadazvAH  saubhadrAdIn draupadeyAn kumArAn; vahanty azvA devadattA bRhantaH   |



|  1   [dhR]  kAMs tatra saMjayApazyaH pratyarthena samAgatAn  ye yotsyante pANDavArthe putrasya mama vAhinIm 2  mukhyam andhakavRSNInAm apazyaM kRSNam Agatam  cekitAnaM ca tatraiva yuyudhAnaM ca satyakim 3  pRthag akSauhiNIbhyAM tau pANDavAn abhisaMzritau  mahArathau samAkhyAtAv ubhau puruSamAninau 4  akSauhiNyAtha pAJcAlyo dazabhis tanayair vRtaH  satyajit pramukhair vIrair dhRSTadyumnapurogamaiH 5  drupado vardhayan mAnaM zikhaNDiparipAlitaH  upAyAt sarvasainyAnAM praticchAdya tadA vapuH 6  virATaH saha putrAbhyAM zaGkhenaiv uttareNa ca  sUryadattAdibhir vIrair madirAzvapurogamaiH 7  sahitaH pRthivIpAlo bhrAtRbhis tanayais tathA  akSauhiNyaiva sainyasya vRtaH pArthaM samAzritaH 8  jArAsaMdhir mAgadhaz ca dhRSTaketuz ca cedirAT  pRthakpRthag anuprAptau pRthag akSauhiNI vRtau 9  kekayA bhrAtaraH paJca sarve lohitaka dhvajAH  akSauhiNIparivRtAH pANDavAn abhisaMzritAH 10  etAn etAvatas tatra yAn apazyaM samAgatAn  ye pANDavArthe yotsyanti dhArtarASTrasya vAhinIm 11  yo veda mAnuSaM vyUhaM daivam Andharvam Asuram  sa tasya senA pramukhe dhRSTadyumno mahAmanAH 12  bhISmaH zAMtanavo rAjan bhAgaH klRptaH zikhaNDinaH  taM virATo 'nu saMyAtA saha matsyaiH prahAribhiH 13  jyeSTaHsya pANDuputrasya bhAgo madrAdhipo balI  tau tu tatrAbruvan ke cid viSamau no matAv iti 14  duryodhanaH saha sutaH sArdhaM bhrAtRzatena ca  prAcyAz ca dAkSiNAtyAz ca bhImasenasya bhAgataH 15  arjunasya tu bhAgena karNo vaikartano mataH  azvatthAmA vikarNaz ca saindhavaz ca jayadrathaH 16  azakyAz caiva ye ke cit pRthivyAM zUramAninaH  sarvAMs tAn arjunaH pArthaH kalpayAm Asa bhAgataH 17  maheSvAsA rAjaputrA bhrAtaraH paJca kekayAH  kekayAn eva bhAgena kRtvA yotsyanti saMyuge 18  teSAm eva kRto bhAgo mAlavAH zAlva kekayAH  trigartAnAM ca dvau mukhyau yau tau saMzaptakAv iti 19  duryodhana sutAH sarve tathA duHzAsanasya ca  saubhadreNa kRto bhAgo rAjA caiva bRhadbalaH 20  drupadeyA maheSvAsAH suvarNavikRtadhvajAH  dhRSTadyumnamukhA droNam abhiyAsyanti bhArata 21  cekitAnaH somadattaM dvairathe yoddhum icchati  bhojaM tu kRtavarmANaM yuyudhAno yuyutsati 22  sahadevas tu mAdreyaH zUraH saMkrandano yudhi  svam aMzaM kalpayAm Asa zyAlaM te subalAtmajam 23  ulUkaM cApi kaitavyaM ye ca sArasvatA gaNAH  nakulaH kalpayAm Asa bhAgaM mAdravatIsutaH 24  ye cAnye pArthivA rAjan pratyudyAsyanti saMyuge  samAhvAnena tAMz cApi pANDuputrA akalpayan 25  evam eSAm anIkAni pravibhaktAni bhAgazaH  yat te kAryaM saputrasya kriyatAM tad akAlikam 26  na santi sarve putrA me mUDhA durdyUta devinaH  yeSAM yuddhaM balavatA bhImena raNamUrdhani 27  rAjAnaH pArthivAH sarve prokSitAH kAladharmaNA  gANDIvAgniM pravekSyanti pataGgA iva pAvakam 28  vidurtAM vAhinIM manye kRtavairair mahAtmabhiH  tAM raNe ke 'nuyAsyanti prabhagnAM pANDavair yudhi 29  sarve hy atirathAH zUrAH kIrtimantaH pratApinaH  sUryapAvakayos tulyAs tejasA samitiMjayAH 30  yeSAM yudhiSThiro netA guptA ca madhusUdanaH  yodhau ca pANDavau vIrau savyasAci vRkodarau 31  nakulaH sahadevaz ca dhRSTadyumnaz ca pArSataH  sAtyakir drupadaz caiva dhRSTadyumnasya cAtmajaH 32  uttamaujAz ca pAJcAlyo yudhAmanyuz ca durjayaH  zikhaNDI kSatradevaz ca tathA vairATir uttaraH 33  kAzayaz cedayaz caiva matsyAH sarve ca sRJjayAH  virATa putro babhrUz ca pAJcAlAz ca prabhadrakAH 34  yeSAm indro 'py akAmAnAM na haret pRthivIm imAm  vIrANAM raNadIrANAM ye bhindyuH parvatAn api 35  tAn sarvAn guNasaMpannAn amanuSyapratApinaH  krozato mama duSputro yoddhum icchati saMjaya 36   [dur]  ubhau sva ekajAtIyau tathobhau bhUmigocarau  atha kasmAt pANDavAnAm ekato manyase jayam 37  pitAmahaM ca droNaM ca kRpaM karNaM ca durjayam  jayadrathaM somadattam azvatthAmAnam eva ca 38  sucetaso maheSvAsAn indro 'pi sahito 'maraiH  azaktaH samare jetuM kiM punar tAta pANDavAH 39  sarvA ca pRthivI sRSTA madarthe tAta pANDavAn  AryAn dhRtimataH zUrAn agnikalpAn prabAdhitum 40  na mAmakAn pANDavAs te samarthAH prativIkSitum  parAkrAnto hy ahaM pANDUn saputrAn yoddhum Ahave 41  matpriyaM pArthivAH sarve ye cikIrSanti bhArata  te tAn AvArayiSyanti aiNeyAn iva tantunA 42  mahatA rathavaMzena zarajAlaiz ca mAmakaiH  abhidrutA bhaviSyanti pAJcAlAH pAnavaiH saha 43  unmatta iva me putro vilapaty eSa saMjaya  na hi zakto yudhA jetuM dharmarAjaM yudhiSThiram 44  jAnAti hi sadA bhISmaH pANDavAnAM yazasvinAm  balavattAM saputrANAM dharmajJAnAM mahAtmanAm 45  yato nArocayam ahaM vigrahaM tair mahAtmabhiH  kiM tu saMjaya me brUhi punas teSAM viceSTitam 46  kas tAMs tarasvino bhUyaH saMdIpayati pANDavAn  arciSmato mahaiSvAsAn haviSA pAvakAn iva 47  dhRSTadyumnaH sadaivaitAn saMdIpayati bhArata  yudhyadhvam iti mA bhaiSTa yuddhAd bharatasattamAH 48  ye ke cit pArthivAs tatra dhArtarASTreNa saMvRtAH  yuddhe samAgamiSyanti tumule kavacahrade 49  tAn sarvAn Ahave kruddhAn sAnubandhAn samAgatAn  aham ekaH samAdAsye timir matsyAn ivaudakAn 50  bhISmaM droNaM kRpaM karNaM drauNiM zalyaM suyodhanam  etAMz cApi nirotsyAmi veleva makarAlayam 51  tathA bruvANaM dharmAtmA prAha rAjA yudhiSThiraH  tava dhairyaM ca vIryaM ca pAJcAlAH pANDavaiH saha  sarve samadhirUDhAH sma saMgrAmAn naH samuddhara 52  jAnAmi tvAM mahAbAho kSatradharme vyavasthitam  samartham ekaM paryAptaM kauravANAM yuyutsatAm  bhavatA yad vidhAtavyaM tan naH zreyaH paraMtapa 53  saMgrAmAd apayAtAnAM bhagnAnAM zaraNaiSiNAm  pauruSaM darzayaJ zUro yas tiSThed agrataH pumAn  krINIyAt taM sahasreNa nItiman nAma tat padam 54  sa tvaM zUraz ca vIraz ca vikrAntaz ca nararSabha  bhayArtAnAM paritrAtA saMyugeSu na saMzayaH 55  evaM bruvati kaunteye dharmAtmani yudhiSThire  dhRSTadyumna uvAcedaM mAM vaco gatasAdhvasaH 56  sarvAJ janapadAn sUta yodhA duryodhanasya ye  sa bAhlIkAn kurUn brUyAH prAtipeyAJ zaradvataH 57  sUtaputraM tathA droNaM saha putraM jayadratham  duHzAsanaM vikarNaM ca tathA duryodhanaM nRpam 58  bhISmaM caiva brUhi gatvA tvam Azu; yudhiSThiraM sAdhunaivAbhyupeta  mA vo vadhId arjuno deva guptaH; kSipraM yAcadhvaM pANDavaM lokavIram 59  naitAdRzo hi yodho 'sti pRthivyAm iha kaz cana  yathAvidhaH savyasAcI pANDavaH zastravittamaH 60  devair hi saMbhRto divyo ratho gANDIvadhanvanaH  na sa jeyo manuSyeNa mA sma kRdhvaM mano yudhi   |



|  1   [dhR]  kSatratejA brahma cArI kaumArAd api pANDavaH  tena saMyugam eSyanti mandA vilapato mama 2  duryodhana nivartasva yuddhAd bharatasattama  na hi yuddhaM prazaMsanti sarvAvastham ariMdama 3  alam ardhaM pRthivyAs te sahAmAtyasya jIvitum  prayaccha pANDuputrANAM yathocitam ariMdama 4  etad dhi kuravaH sarve manyante dharmasaMhitam  yat tvaM prazAntim icchethAH pANDuputrair mahAtmabhiH 5  aGgemAM samavekSasva putra svAm eva vAhinIm  jAta eva tava srAvas tvaM tu mohAn na budhyase 6  na hy ahaM yuddham icchAmi naitad icchati bAhlikaH  na ca bhISmo na ca droNo nAzvatthAmA na saMjayaH 7  na somadatto na zalyo na kRpo yuddham icchati  satyavrataH purumitro jayo bhUrizravAs tathA 8  yeSu saMpratitiSTheyuH kuravaH pIDitAH paraiH  te yuddhaM nAbhinandanti ta tubhyaM tAta rocatAm 9  na tvaM karoSi kAmena karNaH kArayitA tava  duHzAsanaz ca pApAtmA zakuniz cApi saubalaH 10  nAhaM bhavati na droNe nAzvatthAmni na saMjaye  na vikarNe na kAmboje na kRpe na ca bAhlike 11  satyavrate purumitre bhUrizravasi vA punaH  anyeSu vA tAvakeSu bhAraM kRtvA samAhvaye 12  ahaM ca tAta karNaz ca raNayajJaM vitatya vai  yudhiSThiraM pazuM kRtvA dIkSitau bharatarSabha 13  ratho vedI sruvaH khaDgo gadA sruk kavacaM sadaH  cAturhotraM ca dhuryo me zarA darbhA havir yazaH 14  AtmayajJena nRpate iSTvA vaivasvataM raNe  vijitya svayam eSyAvo hatAmitrau zriyA vRtau 15  ahaM ca tAta karNaz ca bhrAtA duHzAsanaz ca me  ete vayaM haniSyAmaH pANDavAn samare trayaH 16  ahaM hi pANDavAn hatvA prazAstA pRthivIm imAm  mAM vA hatvA pANDuputrA bhoktAraH pRthivIm imAm 17  tyaktaM me jIvitaM rAjan dhanaM rAjyaM ca pArthiva  na jAtu pANDavaiH sArdhaM vaseyam aham acyuta 18  yAvad dhi sUcyAs tIkSNAyA vidhyed agreNa mAriSa  tAvad apy aparityAjyaM bhUmer naH pANDavAn prati 19  sarvAn vas tAta zocAmi tyakto duryodhano mayA  ye mandam anuyAsyadhvaM yAntaM vaivasvatakSayam 20  rurUNAm iva yUtheSu vyAghrAH praharatAM varAH  varAn varAn haniSyanti sametA yudhi pANDavAH 21  pratIpam iva me bhAti yuyudhAnena bhAratI  vyatA sImantinI trastA pramRSTA dIrghavAhunA 22  saMpUrNaM pUrayan bhUyo balaM pArthasya mAdhavaH  zaineyaH samare sthAtA bIjavat pravapaJ zarAn 23  senAmukhe prayuddhAnAM bhImaseno bhaviSyati  taM sarve saMzrayiSyanti prAkAram akutobhayam 24  yadA draSkyasi bhImena kuJjarAn vinipAtitAn  vizIrNadantAn giryAbhAn bhinnakumbhAn sa zoNitAn 25  tAn abhiprekSya saMgrAme vizIrNAn iva parvatAn  bhIto bhImasya saMsparzAt smartAsi vacanasya me 26  nirdagdhaM bhImasenena sainyaM hatarathadvipam  gatim agner iva prekSya smartAsi vacanasya me 27  mahad vo bhayam AgAmi na cec chAmyatha pANDavaiH  gadayA bhImasenena hatAH zamam upaiSyatha 28  mahAvanam iva chinnaM yadA drakSyasi pAtitam  balaM kurUNAM saMgrAme tadA smartAsi me vacaH 29  etAvad uktvA rAjA tu sa sarvAn pRthivIpatIn  anubhASya mahArAja punaH papraccha saMjayam   |



|  1   [dhR]  yad abrUtAM mahAtmAnau vAsudevadhanaMjayau  tan me brUhi mahAprAjJa zuzrUSe vacanaM tava 2  zRNu rAjan yathAdRSTau mayA kRSNa dhanaMjayau  Ucatuz cApi yad vIrau tat te vakSyAmi bhArata 3  pAdAGgulIr abhiprekSan prayato 'haM kRtAJjaliH  zuddhAntaM prAvizaM rAjann AkhyAtuM naradevayoH 4  naivAbhimanyur na yamau taM dezam abhiyAnti vai  yatra kRSNau ca kRSNA ca satyabhAmA ca bhAminI 5  ubhau madhvAsavakSIbAv ubhau candanarUSitau  sragviNau varavastrau tau divyAbharaNabhUSitau 6  naikaratnavicitraM tu kAJcanaM mahad Asanam  vividhAstaraNAstIrNaM yatrAsAtAm ariMdamau 7  arjunotsaGgamau pAdau kezavasyopalakSaye  arjunasya ca kRSNAyAM satyAyAM ca mahAtmanaH 8  kAJcanaM pAdapIThaM tu pArtho me prAdizat tadA  tad ahaM pANinA spRSTvA tato bhUmAv upAvizam 9  Urdhvarekha talau pAdau pArthasya zuba lakSaNau  pAdapIThAd ahapRtau tatrApazyam ahaM zubhau 10  zyAmau bRhantau taruNau zAlaskandhAv ivodgatau  ekAsana gatau dRSTvA bhayaM mAM mahad Avizat 11  indra viSNusamAvetau mandAtmA nAvabudhyate  saMzrayAd droNa bhISmAbhyAM karNasya ca vikatthanAt 12  nidezasthAv imau yasya mAnasas tasya setsyate  saMkalpo dharmarAjasya nizcayo me tadAbhavat 13  satkRtaz cAnna pAnAbhyAm Acchanno labdhasatkriyaH  aJjaliM mUrdhni saMdhAya tau saMdezam acodayam 14  dhanur bANocitenaika pANinA zubhalakSaNam  pAdam Anamayan pArthaH kezavaM samacodayat 15  indraketur ivotthAya sarvAbharaNabhUSitaH  indravIryopamaH kRSNaH saMviSTo mAbhyabhASata 16  vAcaM sa vadatAM zreSTho hlAdinIM vacanakSamAm  trAsanIM dhArtarASTrANAM mRdupUrvAM sudAruNAm 17  vAcaM tAM vacanArhasya zikSAkSara samanvitAm  azrauSam aham iSTArthAM pazcAd dhRdaya zoSiNIm 18   [vAsu]  saMjayedaM vaco brUyA dhRtarASTraM manISiNam  zRNvataH kurumukhyasya droNasyApi ca zRNvataH 19  yajadhvaM vipulair yajJair viprebhyo dattadakSiNAH  putrair dAraiz ca modadhvaM mahad vo bhayam Agatam 20  arthAMs tyajata pAtrebhyaH sutAn prApnuta kAmajAn  priyaM priyebhyaz carata rAjA hi tvarate jaye 21  RNam etat pravRddhaM me hRdayAn nApasarpati  yad govindeti cukroza kRSNA mAM dUravAsinam 22  tejomayaM durAdharSaM gANDIvaM yasya kArmukam  maddvitIyena teneha vairaM vaH savyasAcinA 23  maddvitIyaM punaH pArthaM kaH prArthayitum icchati  yo na kAlaparIto vApy api sAkSAt puraMdaraH 24  bAhubhyAm udvahed bhUmiM dahet kruddha imAH prajAH  pAtayet tridivAd devAn yo 'rjunaM samare jayet 25  devAsuramanuSyeSu yakSagandharvabhogiSu  na taM pazyAmy ahaM yuddhe pANDavaM yo 'bhyayAd raNe 26  yat tad virATanagare zrUyate mahad adbhutam  ekasya ca bahUnAM ca paryAptaM tannidarzanam 27  ekena pANDuputreNa virATanagare yadA  bhagnAH palAyanta dizaH paryAptaM tannidarzanam 28  balaM vIryaM ca tejaz ca zIghratA laghuhastatA  aviSAdaz ca dhairyaM ca pArthAn nAnyatha vidyate 29  ity abravId dhRSIkezaH pArtham uddharSayan girA  garjan samayavarSIva gagane pAkazAsanaH 30  kezavasya vacaH zrutvA kirITI zvetavAhanaH  arjunas tan mahad vAkyam abravIl lomaharSaNam   |



|  1   [v]  saMjayasya vacaH zrutvA prajJA cakSur narezvaraH  tataH saMkhyAtum Arebhe tad vaco guNadoSataH 2  prasaMkhyAya ca saukSmyeNa guNadoSAn vicakSaNaH  yathAvan matitattvena jaya kAmaH sutAn prati 3  balAbale vinizcitya yAthAtathyena buddhimAn  zaktiM saMkhyAtum Arebhe tadA vai manujAdhipaH 4  deva mAnuSayoH zaktyA tejasA caiva pANDavAn  kurUJ zaktyAlpatarayA duryodhanam athAbravIt 5  duryodhaneyaM cintA me zazvan nApy upazAmyati  satyaM hy etad ahaM manye pratyakSaM nAnumAnataH 6  AtmajeSu paraM snehaM sarvabhUtAni kurvate  priyANi caiSAM kurvanti yathAzakti hitAni ca 7  evam evopakartRRNAM prAyazo lakSayAmahe  icchanti bahulaM santaH pratikartuM mahat priyam 8  agniH sAcivya kartA syAt khANDave tat kRtaM smaran  arjunasyAtibhIme 'smin kuru pANDusamAgame 9  jAtagRdhyAbhipannAz ca pANDavAnAm anekazaH  dharmAdayo bhaviSyanti samAhUtA divaukasaH 10  bhISmadroNakRpAdInAM bhayAd azanisaMmitam  rirakSiSantaH saMrambhaM gamiSyantIti me matiH 11  te deva sahitAH pArthA na zakyAH prativIkSitum  mAnuSeNa naravyAghrA vIryavanto 'strapAragAH 12  durAsadaM yasya divyaM gANDIvaM dhanur uttamam  vAruNau cAkSayau divyau zarapUrNau maheSudhI 13  vAnaraz ca dhvajo divyo niHsaGgo dhUmavad gatiH  rathaz ca caturantAyAM yasya nAsti samas tviSA 14  mahAmeghanibhaz cApi nirghoSaH zrUyate janaiH  mahAzani samaH zabdaH zAtravANAM bhayaMkaraH 15  yaM cAtimAnuSaM vIrye kRtsno loko vyavasyati  devAnAm api jetAraM yaM viduH pArthivA raNe 16  zatAni paJca caiveSUn udvapann iva dRzyate  nimeSAntaramAtreNa muJcan dUraM ca pAtayan 17  yam Aha bhISmo droNaz ca kRpo drauNis tathaiva ca  madrarAjas tathA zalyo madhyasthA ye ca mAnavAH 18  yuddhAyAvasthitaM pArthaM pArthivair atimAnuSaiH  azakyaM rathazArdUlaM parAjetum ariMdamam 19  kSipaty ekena vegena paJcabANazatAni yaH  sadRzaM bAhuvIryeNa kArtavIryasya pANDavam 20  tam arjunaM maheSvAsaM mahendropendra rakSitam  nighnantam iva pazyAmi vimarde 'smin mahAmRdhe 21  ity evaM cintayan kRtsnam ahorAtrANi bhArata  anidro niHsukhaz cAsmi kurUNAM zama cintayA 22  kSayodayo 'yaM sumahAn kurUNAM pratyupasthitaH  asya cet kalahasyAntaH zamAd anyo na vidyate 23  zamo me rocate nityaM pArthais tAta na vigrahaH  kurubhyo hi sadA manye pANDavAJ zaktimattarAn   |



|  1   [v]  pitur etad vacaH zrutvA dhArtarASTro 'tyamarSaNaH  AdhAya vipulaM krodhaM punar evedam abravIt 2  azakyA deva sacivAH pArthAH syur iti yad bhavAn  manyate tadbhayaM vyetu bhavato rAjasattama 3  akAma dveSasaMyogAd rohAl lobhAc ca bhArata  upekSayA ca bhAvAnAM devA devatvam Apnuvan 4  iti dvaipAyano vyAso nAradaz ca mahAtapAH  jAmadagnyaz ca rAmo naH kathAm akathayat purA 5  naiva mAnuSavad devAH pravartante kadA cana  kAmAl lobhAd anukrozAd dveSAc ca bharatarSabha 6  yadi hy agniz ca vAyuz ca dharma indro 'zvinAv api  kAmayogAt pravarteran na pArthA duHkham ApnuyuH 7  tasmAn na bhavatA cintA kAryaiSA syAt kadA cana  daiveSv apekSakA hy ete zazvad bhAveSu bhArata 8  atha cet kAmasaMyogAd dveSAl lobhAc ca lakSyate  deveSu deva prAmANyaM naiva tad vikramiSyati 9  mayAbhimantritaH zazvaj jAtavedAH prazaMsati  didhakSuH sakalAm*l lokAn parikSipya samantataH 10  yad vA paramakaM tejo yena yuktA divaukasaH  mamApy anupamaM bhUyo devebhyo viddhi bhArata 11  pradIryamANAM vasudhAM girINAM zikharANi ca  lokasya pazyato rAjan sthApayAmy abhimantraNAt 12  cetanAcetanasyAsya jaGgama sthAvarasya ca  vinAzAya samutpannaM mahAghoraM mahAsvanam 13  azmavarSaM ca vAyuM ca zamayAmIha nityazaH  jagataH pazyato 'bhIkSNaM bhUtAnAm anukampayA 14  stambhitAsv apsu gacchanti mayA rathapadAtayaH  devAsurANAM bhAvAnAm aham ekaH pravartitA 15  akSauhiNIbhir yAn dezAn yAmi kAryeNa kena cit  tatrApo me pravartante yatra yatrAbhikAmaye 16  bhayAni viSaye rAjan vyAlAdIni na santi me  mattaH suptAni bhUtAni na hiMsanti bhayaMkarAH 17  nikAmavarNI parjanyo rAjan viSayavAsinAm  dharmiSThAz ca prajAH sarvA Itayaz ca na santi me 18  azvinAv atha vAyvagnI marudbhiH saha vRtrahA  dharmaz caiva mayA dviSTAn notsahante 'bhirakSitum 19  yadi hy ete samarthAH syur mad dviSas trAtum ojasA  na sma trayodaza samAH pArthA duHkham avApnuyuH 20  naiva devA na gandharvA nAsurA na ca rAkSasAH  zaktAs trAtuM mayA dviSTaM satyam etad bravImi te 21  yad abhidhyAmy ahaM zazvac chubhaM vA yadi vAzubham  naitad vipannapUrvaM me mitreSv ariSu cobhayoH 22  bhaviSyatIdam iti vA yad bravImi paraMtapa  nAnyathA bhUtapUrvaM tat satyavAg iti mAM viduH 23  lokasAkSikam etan me mAhAtmyaM diSku vizrutam  AzvAsanArthaM bhavataH proktaM na zlAghayA nRpa 24  na hy ahaM zlAghano rAjan bhUtapUrvaH kadA cana  asad AcaritaM hy etad yad AtmAnaM prazaMsati 25  pANDavAMz caiva matsyAMz ca pAJcAlAn kekayaiH saha  sAtyakiM vAsudevaM ca zrotAsi vijitAn mayA 26  saritaH sAgaraM prApya yathA nazyanti sarvazaH  tathaiva te vinaGkSyanti mAm AsAdya sahAnvayAH 27  parA buddhiH paraM tejo vIryaM ca paramaM mayi  parA vidyA paro yogo mama tebhyo viziSyate 28  pitAmahaz ca droNaz ca kRpaH zalyaH zalas tathA  astreSu yat prajAnanti sarvaM tan mayi vidyate 29  ity uktvA saMjayaM bhUyaH paryapRcchata bhArata  jJAtvA yuyutsuH kAryANi prAptakAlam ariMdama   |



|  1   [v]  tathA tu pRcchantam atIva pArthAn; vaicitravIryaM tam acintayitvA  uvAca karNo dhRtarASTra putraM; praharSayan saMsadi kauravANAm 2  mithyApratijJAya mayA yad astraM; rAmAd dhRtaM brahma puraM purastAt  vijJAya tenAsmi tadaivam uktas; tavAnta kAle 'pratibhAsyatIti 3  mahAparAdhe hy api saMnatena; maharSiNAhaM guruNA ca zaptaH  zaktaH pradagdhuM hy api tigmatejAH; sa sAgarAm apy avaniM maharSiH 4  prasAditaM hy asya mayA mano 'bhUc; chuzrUSayA svena ca pauruSeNa  tatas tad astraM mama sAvazeSaM; tasmAt samartho 'smi mamaiSa bhAraH 5  nimeSa mAtraM tam RSiprasAdam; avApya pAJcAla karUSamatsyAn  nihatya pArthAMz ca saputrapautrAm*l; lokAn ahaM zastrajitAn prapatsye 6  pitAmahas tiSThatu te samIpe; droNaz ca sarve ca narendramukhyAH  yathApradhAnena balena yAtvA; pArthAn haniSyAmi mamaiSa bhAraH 7  evaM bruvANaM tam uvAca bhISmaH; kiM katthase kAlaparIta buddhe  na karNa jAnAsi yathA pradhAne; hate hatAH syur dhRtarASTra putrAH 8  yat khANDavaM dAhayatA kRtaM hi; kRSNa dvitIyena dhanaMjayena  zrutvaiva tat karma niyantum AtmA; zakyas tvayA vai saha bAndhavena 9  yAM cApi zaktiM tridazAdhipas te; dadau mahAmA bhagavAn mahendraH  bhasmIkRtAM tAM patitAM vizIrNAM; cakrAhatAM drakSyasi kezavena 10  yas te zaraH sarpamukho vibhAti; sadAgrya mAlyair mahitaH prayatnAt  sa pANDuputrAbhihataH zaraughaiH; saha tvayA yAsyati karNa nAzam 11  bANasya bhaumasya ca karNa hantA; kirITinaM rakSati vAsudevaH  yas tvAdRzAnAM ca garIyasAM ca; hantA ripUNAM tumule pragADhe 12   [karNa]  asaMzayaM vRSNipatir yathoktas; tathA ca bhUyaz ca tato mahAtmA  ahaM yad uktaH paruSaM tu kiM cit; pitAmahas tasya phalaM zRNotu 13  nyasyAmi zastrANi na jAtu saMkhye; pitAmaho drakSyati mAM sabhAyAm  tvayi prazAnte tu mama prabhAvaM; drakSyanti sarve bhuvi bhUmipAlAH 14  ity evam uktvA sa mahAdhanuSmAn; hitvA sabhAM svaM bhavanaM jagAma  bhISmas tu duryodhanam eva rAjan; madhye kurUNAM prahasann uvAca 15  satyapratijJaH kila sUtaputras; tathA sa bhAraM viSaheta kasmAt  vyUhaM prativyUhya zirAMsi bhittvA; lokakSayaM pazyata bhImasenAt 16  AvantyakAliGgajayadratheSu; vedidhvaje tiSThati bAhlike ca  ahaM haniSyAmi sadA pareSAM; sahasrazaz cAyutazaz ca yodhAn 17  yadaiva rAme bhagavaty anindye; brahma bruvANaH kRtavAMs tad astram  tadaiva dharmaz ca tapaz ca naSTaM; vaikartanasyAdhama puruSasya 18  athokta vAkye nRpatau tu bhISme; nikSipya zastrANi gate ca karNe  vaicitravIryasya suto 'lpabuddhir; duryodhanaH zAMtanavaM babhASe   |



|  1   [dur]  sadRzAnAM manuSyeSu sarveSAM tulyajanmanAm  katham ekAntatas teSAM pArthAnAM manyase jayam 2  sarve sma samajAtIyAH sarve mAnuSayonayaH  pitAmaha vijAnISe pArtheSu vijayaM katham 3  nAhaM bhavati na droNe na kRpe na ca bAhlike  anyeSu ca narendreSu parAkramya samArabhe 4  ahaM vaikartanaH karNo bhrAtA duHzAsanaz ca me  pANDavAn samare paJca haniSyAmaH zitaiH zaraiH 5  tato rAjan mahAyajJair vividhair bhUridakSiNaiH  brAhmaNAMs tarpayiSyAmi gobhir azvair dhanena ca 6  zakunInAm ihArthAya pAzaM bhUmAv ayojayat  kaz cic chAkunikas tAtha pUrveSAm iti zuzruma 7  tasmin dvau zakunau baddhau yugapat samapauruSau  tAv upAdAya taM pAzaM jagmatuH khacarAv ubhau 8  tau vihAyasam AkrAntau dRSTvA zAkunikas tadA  anvadhAvad anirviNNo yena yena sma gacchataH 9  tathA tam anudhAvantaM mRgayuM zakunArthinam  Azramastho muniH kaz cid dadarzAtha kRtAhnikaH 10  tAv antarikSagau zIghram anuyAntaM mahI caram  zlokenAnena kauravya papraccha sa munis tadA 11  vicitram idam AzcaryaM mRgahan pratibhAti me  plavamAnau hi khacarau padAtir anudhAvasi 12   [SAkunika]  pAzam ekam ubhAv etau sahitau harato mama  yatra vai vivadiSyete tatra me vazam eSyataH 13  tau vivAdam anuprAptau zakunau mRtyusaMdhitau  vigRhya ca sudurbuddhI pRthivyAM saMnipetatuH 14  tau yudhyamAnau saMrabdhau mRtyupAzavazAnugau  upasRtyAparijJAto jagrAha mRgayus tadA 15  evaM ye jJAtayo 'rtheSu mitho gacchanti vigraham  te 'mitravazam AyAnti zakunAv iva vigrahAt 16  saMbhojanaM saMkathanaM saMprazno 'tha samAgamaH  etAni jJAtikAryANi na virodhaH kadA cana 17  yasmin kAle sumanasaH sarve vRddhAn upAsate  siMhaguptam ivAraNyam apradhRSyA bhavanti te 18  ye 'rthaM saMtatam AsAdya dInA iva samAsate  zriyaM te saMprayacchanti dviSadbhyo bharatarSabha 19  dhUmAyante vyapetAni jvalanti sahitAni ca  dhRtarASTrolmukAnIva jJAtayo bharatarSabha 20  idam anyat pravakSyAmi yathAdRSTaM girau mayA  zrutvA tad api kauravya yathA zreyas tathA kuru 21  vayaM kirAtaiH sahitA gacchAmo girim uttaram  brAhmaNair devakalpaiz ca vidyA jambhaka vAtikaiH 22  kuJja bhUtaM giriM sarvam abhito gandhamAdanam  dIpyamAnauSadhi gaNaM siddhagandharvasevitam 23  tatra pazyAmahe sarve madhu pItam amAkSikam  maru prapAte viSame niviSTaM kumbhasaMmitam 24  AzIviSai rakSyamANaM kubera dayitaM bhRzam  yat prAzya puruSo martyo amaratvaM nigacchati 25  acakSur labhate cakSur vRddho bhavati vai yuvA  iti te kathayanti sma brAhmaNA jambha sAdhakAH 26  tataH kirAtAs tad dRSTvA prArthayanto mahIpate  vinezur viSame tasmin sasarpe girigahvare 27  tathaiva tava putro 'yaM pRthivIm eka icchati  madhu pazyati saMmohAt prapAtaM nAnupazyati 28  duryodhano yoddhumanAH samare savyasAcinA  na ca pazyAmi tejo 'sya vikramaM vA tathAvidham 29  ekena ratham AsthAya pRthivI yena nirjitA  pratIkSamANo yo vIraH kSamate vIkSitaM tava 30  drupado matsyarAjaz ca saMkruddhaz ca dhanaMjayaH  na zeSayeyuH samare vAyuyuktA ivAgnayaH 31  aGke kuruSva rAjAnaM dhRtarASTra yudhiSThiram  yudhyator hi dvayor yuddhe naikAntena bhavej jayaH   |



|  1   [dhR]  duryodhana vijAnIhi yat tvAM vakSyAmi putraka  utpathaM manyase mArgam anabhijJa ivAdhvagaH 2  paJcAnAM pANDuputrANAM yat tejaH pramimISasi  paJcAnAm iva bhUtAnAM mahatAM sumahAtmanAm 3  yudhiSThiraM hi kaunteyaM paraM dharmam ihAsthitam  parAM gatim asaMprekSya na tvaM vettum ihArhasi 4  bhImasenaM ca kaunteyaM yasya nAsti samo bale  raNAntakaM tarkayase mahAvAtam iva drumaH 5  sarvazastrabhRtAM zreSThaM meruM zikhariNAm iva  yudhi gANDIvadhanvAnaM ko nu yudhyeta buddhimAn 6  dhRSTadyumnaz ca pAJcAlyaH kam ivAdya na zAtayet  zatrumadhye zarAn muJcan devarAD azanIm iva 7  sAtyakiz cApi durdharSaH saMmato 'ndhakavRSNiSu  dhvaMsayiSyati te senAM pANDaveya hite rataH 8  yaH punaH pratimAnena trIm*l lokAn atiricyate  taM kRSNaM puNDarIkAkSaM ko nu yudhyeta buddhimAn 9  ekato hy asya dArAz ca jJAtayaz ca sa bAndhavAH  AtmA ca pRthivI ceyam ekataz ca dhanaMjayaH 10  vAsudevo 'pi durdharSo yatAtmA yatra pANDavaH  aviSahyaM pRthivyApi tad balaM yatra kezavaH 11  tiSTha tAta satAM vAkye suhRdAm arthavAdinAm  vRddhaM zAMtanavaM bhISmaM titikSasva pitAmaham 12  mAM ca bruvANaM zuzrUSa kurUNAm arthavAdinam  droNaM kRpaM vikarNaM ca mahArAjaM ca bAhlikam 13  ete hy api yathaivAhaM mantum arhasi tAMs tathA  sarve dharmavido hy ete tulyasnehAz ca bhArata 14  yat tad virATanagare saha bhrAtRbhir agrataH  utsRjya gAH susaMtrastaM balaM te samazIryata 15  yac caiva tasmin nagare zrUyate mahad adbhutam  ekasya ca bahUnAM ca paryAptaM tannidarzanam 16  arjunas tat tathAkArSIt kiM punaH sarva eva te  sa bhrAtRRn abhijAnIhi vRttyA ca pratipAdaya   |



|  1   [v]  evam uktvA mahAprAjJo dhRtarASTraH suyodhanam  punar eva mahAbhAgaH saMjayaM paryapRcchata 2  brUhi saMjaya yac cheSaM vAsudevAd anantaram  yad arjuna uvAca tvAM paraM kautUhalaM hi me 3  vAsudeva vacaH zrutvA kuntIputro dhanaMjayaH  uvAca kAle durdharSo vAsudevasya zRNvataH 4  pitAmahaM zAMtanavaM dhRtarASTraM ca saMjaya  droNaM kRpaM ca karNaM ca mahArAjaM ca bAhlikam 5  drauNiM ca somadattaM ca zakuniM cApi saubalam  duHzAsanaM zalaM caiva purumitraM viviMzatim 6  vikarNaM citrasenaM ca jayatsenaM ca pArthivam  vindAnuvindAv Avantyau durmukhaM cApi kauravam 7  saindhavaM duHsahaM caiva bhUrizravasam eva ca  bhagadattaM ca rAjAnaM jalasaMdhaM ca pArthivam 8  ye cApy anye pArthivAs tatra yoddhuM; samAgatAH kauravANAM priyArtham  mumUrSavaH pANDavAgnau pradIpte; samAnItA dhArtarASTreNa sUta 9  yathAnyAyaM kauzalaM vandanaM ca; samAgatA madvacanena vAcyAH  idaM brUyAH saMjaya rAjamadhye; suyodhanaM pApakRtAM pradhAnam 10  amarSaNaM durmatiM rAjaputraM; pApAtmAnaM dhArtarASTraM sulubdham  sarvaM mamaitad vacanaM samagraM; sahAmAtyaM saMjaya zrAvayethAH 11  evaM pratiSThApya dhanaMjayo mAM; tato 'rthavad dharmavac cApi vAkyam  provAcedaM vAsudevaM samIkSya; pArtho dhImAm*l lohitAntAyatAkSaH 12  yathA zrutaM te vadato mahAtmano; madhu pravIrasya vacaH samAhitam  tathaiva vAcyaM bhavatA hi madvacaH; samAgateSu kSitipeSu sarvazaH 13  zarAgnidhUme rathanemi nAdite; dhanuH sruveNAstra balApahAriNA  yathA na homaH kriyate mahAmRdhe; tathA sametya prayatadhvam AdRtAH 14  na cet prayacchadhvam amitraghAtino; yudhiSThirasyAMzam abhIpsitaM svakam  nayAmi vaH svAzvapadAtikuJjarAn; dizaM pitRRNAm azivAM zitaiH zaraiH 15  tato 'ham Amantrya caturbhujaM hariM; dhanaMjayaM caiva namasya sa tvaraH  javena saMprApta ihAmara dyute; tavAntikaM prApayituM vaco mahat   |



|  1   [v]  duryodhane dhArtarASTre tad vaco 'pratinandati  tUSNIMbhUteSu sarveSu samuttasthur narezvarAH 2  utthiteSu mahArAja pRthivyAM sarvarAjasu  rahite saMjayaM rAjA paripraSTuM pracakrame 3  AzaMsamAno vijayaM teSAM putra vazAnugAH  Atmanaz ca pareSAM ca pANDavAnAM ca nizcayam 4  gAvalgaNe brUhi naH sAraphalgu; svasenAyAM yAvad ihAsti kiM cit  tvaM pANDavAnAM nipuNaM vettha sarvaM; kim eSAM jyAyaH kim u teSAM kanIyaH 5  tvam etayoH sAravit sarvadarzI; dharmArthayor nipuNo nizcayajJaH  sa me pRSTaH saMjaya brUhi sarvaM; yudhyamAnAH katare 'smin na santi 6  na tvAM brUyAM rahite jAtu kiM cid; asUyA hi tvAM prasaheta rAjan  Anayasva pitaraM saMzitavrataM; gAMdhArIM ca mahiSIm AjamIDha 7  tau te 'suyAM vinayetAM narendra; dharmajJau tau nipuNau nizcayajJau  tayos tu tvAM saMmidhau tad vadeyaM; kRtsnaM mataM vAsudevArjunAbhyAm 8  tatas tan matam AjJAya saMjayasyAtmajasya ca  abhyupetya mahAprAjJaH kRSNadvaipAyano 'bravIt 9  saMpRcchate dhRtarASTrAya saMjaya; AcakSva sarvaM yAvad eSo 'nuyuGkte  sarvaM yAvad vettha tasmin yathAvad; yAthAtathyaM vAsudeve 'rjune ca   |



|  1   [s]  arjuno vAsudevaz ca dhanvinau paramArcitau  kAmAd anyatra saMbhUtau sarvAbhAvAya saMmitau 2  dyAm antaraM samAsthAya yathA yuktaM manasvinaH  cakraM tad vAsudevasya mAyayA vartate vibho 3  sApahnavaM pANDaveSu pANDavAnAM susaMmatam  sArAsAra balaM jJAtvA tat samAsena me zRNu 4  narakaM zambaraM caiva kaMsaM caidyaM ca mAdhavaH  jitavAn ghorasaMkAzAn krIDann iva janArdanaH 5  pRthivIM cAntarikSaM ca dyAM caiva puruSottamaH  manasaiva viziSTAtmA nayaty AtmavazaM vazI 6  bhUyo bhUyo hi yad rAjan pRcchase pANDavAn prati  sArAsAra balaM jJAtuM tan me nigadataH zRNu 7  ekato vA jagat kRtsnam ekato vA janArdanaH  sArato jagataH kRtsnAd atirikto janArdanaH 8  bhasma kuryAj jagad idaM manasaiva janArdanaH  na tu kRtsnaM jagac chaktaM bhasma kartuM janArdanam 9  yataH satyaM yato dharmo yato hrIr ArjavaM yataH  tato bhavati govindo yataH kRSNas tato jayaH 10  pRthivIM cAntarikSaM ca divaM ca puruSottamaH  viceSTayati bhUtAtmA krIDann iva janArdanaH 11  sa kRtvA pANDavAn satraM lokaM saMmohayann iva  adharmaniratAn mUDhAn dagdhum icchati te sutAn 12  kAlacakraM jagac cakraM yugacakraM ca kezavaH  Atmayogena bhagavAn parivartayate 'nizam 13  kAlasya ca hi mRtyoz ca jaGgama sthAvarasya ca  Izate bhagavAn ekaH satyam etad bravImi te 14  Izann api mahAyogI sarvasya jagato hariH  karmANy Arabhate kartuM kInAza iva durbalaH 15  tena vaJcayate lokAn mAyAyogena kezavaH  ye tam eva prapadyante na te muhyanti mAnavAH   |



|  1   [dhR]  kathaM tvaM mAdhavaM vettha sarvalokamahezvaram  katham enaM na vedAhaM tan mamAcakSva saMjaya 2  vidyA rAjan na te vidyA mama vidyA na hIyate  vidyA hInas tamo dhvasto nAbhijAnAti kezavam 3  vidyayA tAta jAnAmi triyugaM madhusUdanam  kartAram akRtaM devaM bhUtAnAM prabhavApyayam 4  gAvalgaNe 'tra kA bhaktir yA te nityA janArdane  yayA tvam abhijAnAsi triyugaM madhusUdanam 5  mAyAM na seve bhadraM te na vRthAdharmam Acare  zuddhabhAvaM gato bhaktyA zAstrAd vedmi janArdanam 6  duryodhana hRSIkezaM prapadyasva janArdanam  Apto naH saMjayas tAta zaraNaM gaccha kezavam 7  bhagavAn devakIputro lokaM cen nihaniSyati  pravadann arjune sakhyaM nAhaM gacche 'dya kezavam 8   [tDhR]  avAg gAndhAri putrAs te gacchaty eSa sudurmatiH  IrSyur durAtmA mAnI ca zreyasAM vacanAtigaH 9   [g]  aizvaryakAmaduSTAtman vRddhAnAM zAsanAtiga  aizvaryajIvite hitvA pitaraM mAM ca bAliza 10  vardhayan durhRdAM prItiM mAM ca zokena vardhayan  nihato bhImasenena smartAsi vacanaM pituH 11  dayito 'si rAjan kRSNasya dhRtarASTra nibodha me  yasya te saMjayo dUto yas tvAM zreyasi yokSyate 12  jAnAty eSa hRSIkezaM purANaM yac ca vai navam  zuzrUSamANam ekAgraM mokSyate mahato bhayAt 13  vaicitravIrya puruSAH krodhaharSatamo vRtAH  sitA bahuvidhaiH pAzair ye na tuSTAH svakair dhanaiH 14  yamasya vazam AyAnti kAmamUDhAH punaH punaH  andhanetrA yathaivAndhA nIyamAnAH svakarmabhiH 15  eSa ekAyanaH panthA yena yAnti manISiNaH  taM dRSTvA mRtyum atyeti mahAMs tatra na sajjate 16  aGgasaMjaya me zaMsa panthAnam akutobhayam  yena gatvA hRSIkezaM prApnuyAM zAntim uttamAm 17  nAkRtAtmA kRtAtmAnaM jAtu vidyAj janArdanam  Atmanas tu kriyopAyo nAnyatrendriya nigrahAt 18  indriyANAm udIrNAnAM kAmatyAgo 'pramAdataH  apramAdo 'vihiMsA ca jJAnayonir asaMzayam 19  indriyANAM yame yatto bhava rAjann atandritaH  buddhiz ca mA te cyavatu niyacchaitAM yatas tataH 20  etaj jJAnaM vidur viprA dhruvam indriyadhAraNam  etaj jJAnaM ca panthAz ca yena yAnti manISiNaH 21  aprApyaH kezavo rAjann indriyaur ajitair nRbhiH  AgamAdhigato yogAd vazItattve prasIdati   |



|  1   [dhR]  bhUyo me puNDarIkAkSaM saMjayAcakSva pRcchate  nAma karmArthavit tAta prApnuyAM puruSottamam 2  zrutaM me tasya devasya nAma nirvacanaM zubham  yAvat tatrAbhijAne 'ham aprameyo hi kezavaH 3  vasanAt sarvabhUtAnAM vasutvAd deva yonitaH  vAsudevas tato vedyo vRSatvAd vRSNir ucyate 4  maunAd dhyAnAc ca yogAc ca viddhi bhArata mAdhavam  sarvatattvalayAc caiva madhuhA madhusUdanaH 5  kRSir bhUvAcakaH zabdo Naz ca nirvRti vAcakaH  kRSNas tadbhAvayogAc ca kRSNo bhavati zAzvataH 6  puNDarIkaM paraM dhAma nityam akSayam akSaram  tadbhAvAt puNDarIkAkSo dasyu trAsAj janArdanaH 7  yataH sattvaM na cyavate yac ca sattvAn na hIyate  sattvataH sAtvatas tasmAd arSabhAd vRSabhekSaNaH 8  na jAyate janitryAM yad ajas tasmAd anIkajit  devAnAM svaprakAzatvAd damAd dAmodaraM viduH 9  harSAt saukhyAt sukhaizvaryAd dhRSIkezatvam aznute  bAhubhyAM rodasI bibhran mahAbAhur iti smRtaH 10  adho na kSIyate jAtu yasmAt tasmAd adhokSajaH  narANAm ayanAc cApi tena nArAyaNaH smRtaH  pUraNAt sadanAc caiva tato 'sau puruSottamaH 11  asataz ca sataz caiva sarvasya prabhavApyayAt  sarvasya ca sadA jJAnAt sarvam enaM pracakSate 12  satye pratiSThitaH kRSNaH satyam atra pratiSThitam  satyAt satyaM ca govindas tasmAt satyo 'pi nAmataH 13  viSNur vikramaNAd eva jayanAj jiSNur ucyate  zAzvatatvAd anantaz ca govindo vedanAd gavAm 14  atattvaM kurute tattvaM tena mohayate prajAH  evaMvidho dharmanityo bhagavAn munibhiH saha  AgantA himahA bAhur AnRzaMsyArtham acyutaH   |



|  1   [dhR]  cakSuSmatAM vai spRhayAmi saMjaya; drakSyanti ye vAsudevaM samIpe  vibhrAjamAnaM vapuSA pareNa; prakAzayantaM pardizo dizaz ca 2  IrayantaM bhAratIM bhAratAnAm; abhyarcanIyAM zaMkarIM sRJjayAnAm  bubhUSadbhir grahaNIyAm anindyAM; parAsUnAm agrahaNIya rUpAm 3  samudyantaM sAtvatam ekavIraM; praNetAram RSabhaM yAdavAnAm  nihantAraM kSobhaNaM zAtravANAM; muSNantaM ca dviSatAM vai yazAMsi 4  draSTAro hi kuravas taM sametA; mahAtmAnaM zatruhaNaM vareNyam  bruvantaM vAcam anRzaMsa rUpAM; vRSNizreSThaM mohayantaM madIyAn 5  RSiM sanAtanatamaM vipazcitaM; vAcaH samudraM kalazaM yatInAm  ariSTanemiM garuDaM suparNaM; patiM prajAnAM bhuvanasya dhAma 6  sahasrazIrSaM puruSaM purANam; anAdimadhyAntam ananta kIrtim  zukrasya dhAtAram ajaM janitraM; paraM parebhyaH zaraNaM prapadye 7  trailokyanirmANa karaM janitraM; devAsurANAm atha nAgarakSasAm  narAdhipAnAM viduSAM pradhAnam; indrAnujaM taM zaraNaM prapadye   |



|  1   [v]  saMjaye pratiyAte tu dharmarAjo yudhiSThiraH  abhyabhASata dAzArham RSabhaM sarvasAtvatAm 2  ayaM sa kAlaH saMprApto mitrANAM me janArdana  na ca tvadanyaM pazyAmi yo na Apatsu tArayet 3  tvAM hi mAdhava saMzritya nirbhayA mohadarpitam  dhArtarASTraM sahAmAtyaM svam aMzam anuyuJjmahe 4  yathA hi sarvAsv Apatsu pAsi vRSNIn ariMdama  tathA te pANDavA rakSyAH pAhy asmAn mahato bhayAt 5   [bhagavAn]  ayam asmi mahAbAho brUhi yat te vivakSitam  kariSyAmi hi tat sarvaM yat tvaM vakSyasi bhArata 6  zrutaM te dhRtarASTrasya saputrasya cikIrSitam  etad dhi sakalaM kRSNa saMjayo mAM yad abravIt 7  tan mataM dhRtarASTrasya so 'syAtmA vivRtAntaraH  yathoktaM dUta AcaSTe vadhyaH syAd anyathA bruvan 8  apradAnena rAjyasya zAntim asmAsu mArgati  lubdhaH pApena manasA carann asamam AtmanaH 9  yat tad dvAdaza varSANi vane nirvyuSitA vayam  chadmanA zaradaM caikAM dhRtarASTrasya zAsanAt 10  sthAtA naH samaye tasmin dhRtarASTra iti prabho  nAhAsma samayaM kRSNa tad dhi no brAhmaNA viduH 11  vRddho rAjA dhRtarASTraH svadharmaM nAnupazyati  pazyan vA putragRddhitvAn mandasyAnveti zAsanam 12  suyodhana mate tiSThan rAjAsmAsu janArdana  mithyA carati lubdhaH saMz caran priyam ivAtmanaH 13  ito duHkhataraM kiM nu yatrAhaM mAtaraM tataH  saMvidhAtuM na zaknomi mitrANAM vA janArdana 14  kAzibhiz cedipAJcAlair matsyaiz ca madhusUdana  bhavatA caiva nAthena paJca grAmA vRtA mayA 15  kuza sthalaM vRkasthalam AsandI vAraNAvatam  avasAnaM ca govinda kiM cid evAtra paJcamam 16  paJca nas tAta dIyantAM grAmA vA nagarANi vA  vasema sahitA yeSu mA ca no bharatA nazan 17  na ca tAn api duSTAtmA dhArtarASTro 'numanyate  svAmyam Atmani matvAsAv ato duHkhataraM nu kim 18  kule jAtasya vRddhasya paravitteSu gRdhyataH  lobhaH prajJAnam Ahanti prajJA hanti hatA hriyam 19  hrIr hatA bAdhate dharmaM dharmo hanti hataH zriyam  zrIr hatA puruSaM hanti puruSasyAsvatA vadhaH 20  asvato hi nivartante jJAtayaH suhRdartvijaH  apuSpAd aphalAd vRkSAd yathA tAta patatriNaH 21  etac ca maraNaM tAta yad asmAt patitAd iva  jJAtayo vinivartante pretasattvAd ivAsavaH 22  nAtaH pApIyasIM kAM cid avasthAM zambaro 'bravIt  yatra naivAdya na prAtar bhojanaM patidRzyate 23  dhanam AhuH paraM dharmaM dhane sarvaM pratiSThitam  jIvanti dhanino loke mRtA ye tv adhanA narAH 24  ye dhanAd apakarSanti naraM svabalam AzritAH  te dharmam arthaM kAmaM ca pramathnanti naraM ca tam 25  etAm avasthAM prApyaike maraNaM vavrire janAH  grAmAyaike vanAyaike nAzAyaike pavavrajuH 26  unmAdam eke puSyanti yAnty anye dviSatAM vazam  dAsyam eke nigacchanti pareSAm arthahetunA 27  Apad evAsya maraNAt puruSasya garIyasI  zriyo vinAzas tad dhyasya nimittaM dharmakAmayoH 28  yad asya dharmyaM maraNaM zAzvataM lokavartma tat  samantAt sarvabhUtAnAM na tad atyeti kaz cana 29  na tathA bAdhyate kRSNa prakRtyA nirdhano janaH  yathA bhadrAM zriyaM prApya tayA hInaH sukhaidhitaH 30  sa tadAtmAparAdhena saMprApto vyasanaM mahat  sendrAn garhayate devAn nAtmAnaM ca kathaM cana 31  na cAsmin sarvazAstrANi prataranti nigarhaNAm  so 'bhikrudhyati bhRtyAnAM suhRdaz cAbhyasUyati 32  taM tadA manyur evaiti sa bhUyaH saMpramuhyati  sa mohavazam ApannaH krUraM karma niSevate 33  pApakarmAtyayAyaiva saMkaraM tena puSyati  saMkaro narakAyaiva sA kASThA pApakarmaNAm 34  na cet prabudhyate kRSNa narakAyaiva gacchati  tasya prabodhaH prajJaiva prajJA cakSur na riSyati 35  prajJA lAbhe hi puruSaH zAstrANy evAnvavekSate  zAstranityaH punar dharmaM tasya hrIr aGgam uttamam 36  hrImAn hi pApaM pradveSTi tasya zrIr abhivardhate  zrImAn sa yAvad bhavati tAvad bhavati pUruSaH 37  dharmanityaH prazAntAtmA kAryayogavahaH sadA  nAdharme kurute buddhiM na ca pApeSu vartate 38  ahrIko vA vimUDho vA naiva strI na punaH pumAn  nAsyAdhikAro dharme 'sti yathA zUdras tathaiva saH 39  hrImAn avati devAMz ca pitRRn AtmAnam eva ca  tenAmRtatvaM vrajati sA kASThA puNyakarmaNAm 40  tad idaM mayi te dRSTaM pratyakSaM madhusUdana  yathA rAjyAt paribhraSTo vasAmi vasatIr imAH 41  te vayaM na zriyaM hAtum alaM nyAyena kena cit  atra no yatamAnAnAM vadhaz ced api sAdhu tat 42  tatra naH prathamaH kalpo yad vayaM te ca mAdhava  prazAntAH samabhUtAz ca zriyaM tAn aznuvImahi 43  tatraiSA paramA kASThA raudrakarma kSayodayA  yad vayaM hauravAn hatvA tAni rASTrANy azImahi 44  ye punaH syur asaMbaddhA anAryAH kRSNa zatravaH  teSAm apy avadhaH kAryaH kiM punar ye syur IdRzAH 45  jJAtayaz ca hi bhUyiSThAH sahAyA guravaz ca naH  teSAM vadho 'tipApIyAn kiM nu yuddhe 'sti zobhanam 46  pApaH kSatriya dharmo 'yaM vayaM ca kSatrabAndhavAH  sa naH svadharmo 'dharmo vA vRttir anyA vigarhitA 47  zUdraH karoti zuzrUSAM vaizyA vipaNi jIvinaH  vayaM vadhena jIvAmaH kapAlaM brAhmaNair vRtam 48  kSatriyaH kSatriyaM hanti matsyo matsyena jIvati  zvA zvAnaM hanti dAzArha pazya dharmo yathAgataH 49  yuddhe kRSNa kalir nityaM prANAH sIdanti saMyuge  balaM tu nItimAtrAya haThe jayaparAjayau 50  nAtmac chandena bhUtAnAM jIvitaM maraNaM tathA  nApy akAle sukhaM prApyaM duHkhaM vApi yadUttama 51  eko hy api bahUn hanti ghnanty ekaM bahavo 'py uta  zUraM kApuruSo hanti ayazasvI yazasvinam 52  jayaz caivobhayor dRSTa ubhayoz ca parAjayaH  tathaivApacayo dRSTo vyapayAne kSayavyayau 53  sarvathA vRjinaM yuddhaM ko ghnan na pratihanyate  hatasya ca hRSIkeza samau jayaparAjayau 54  parAjayaz ca maraNAn manye naiva viziSyate  yasya syAd vijayaH kRSNa tasyApy apacayo dhruvam 55  antato dayitaM ghnanti ke cid apy apare janAH  tasyAGgabalahInasya putrAn bhrAtRRn apazyataH  nirvedo jIvite kRSNa sarvataz copajAyate 56  ye hy eva vIrA hrImanta AryAH karuNavedinaH  ta eva yuddhe hanyante yavIyAn mucyate janaH 57  hatvApy anuzayo nityaM parAn api janArdana  anubandhaz ca pApo 'tra zeSaz cApy avaziSyate 58  zeSe hi balam AsAdya na zeSam avaSeSayet  sarvocchede ca yatate vairasyAnta vidhitsayA 59  jayo vairaM prasRjati duHkham Aste parAjitaH  sukhaM prazAntaH svapiti hitvA jayaparAjayau 60  jAtavairaz ca puruSo duHkhaM svapiti nityadA  anirvRtena manasA sa sarpa iva vezmani 61  utsAdayati yaH sarvaM yazasA sa viyujyate  akIrtiM sarvabhUteSu zAzvatIM sa niyacchati 62  na hi vairANi zAmyanti dIrghakAlakRtAny api  AkhyAtAraz ca vidyante pumAMz cotpadyate kule 63  na cApi vairaM vaireNa kezava vyupazAmyati  haviSAgnir yathA kRSNa bhUya evAbhivardhate 64  ato 'nyathA nAsti zAntir nityam antaram antataH  antaraM lipsamAnAnAm ayaM doSo nirantaraH 65  pauruSeyo hi balavAn Adhir hRdayabAdhanaH  tasya tyAgena vA zAntir nivRttyA manaso 'pi vA 66  atha vA mUlaghAtena dviSatAM madhusUdana  phalanirvRttir iddhA syAt tan nRzaMsataraM bhavet 67  yA tu tyAgena zAntiH syAt tad Rte vadha eva saH  saMzayAc ca samucchedAd dviSatAm Atmanas tathA 68  na ca tyaktuM tad icchAmo na cecchAmaH kulakSayam  atra yA praNipAtena zAntiH saiva garIyasI 69  sarvathA yatamAnAnAm ayuddham abhikAGkSatAm  sAntve pratihate yuddhaM prasiddham aparAkramam 70  pratighAtena sAntvasya dAruNaM saMpravartate  tac chunAm iva gopAde paNDitair upalakSitam 71  lAGgUlacAlanaM kSveDaH pratirAvo vivartanam  dantadarzanam ArAvas tato yuddhaM pravartate 72  tatra yo balavAn kRSNa jitvA so 'tti tad AmiSam  evam eva manuSyeSu vizeSo nAsti kaz cana 73  sarvathA tv etad ucitaM durbaleSu balIyasAm  anAdaro virodhaz ca praNipAtI hi durbalaH 74  pitA rAjA ca vRddhaz ca sarvathA mAnam arhati  tasmAn mAnyaz ca pUjyaz ca dhRtarASTro janArdana 75  putrasnehas tu balavAn dhRtarASTrasya mAdhava  saputravazam ApannaH praNipAtaM prahAsyati 76  tatra kiM manyase kRSNa prAptakAlam anantaram  katham arthAc ca dharmAc ca na hIyemahi mAdhava 77  IdRze hy arthakRcchre 'smin kam anyaM madhusUdana  upasaMpraSTum arhAmi tvAm Rte puruSottama 78  priyaz ca priyakAmaz ca gatijJaH sarvakarmaNAm  ko hi kRSNAsti nas tvAdRk sarvanizcayavit suhRt 79  evam uktaH pratyuvAca dharmarAjaM janArdanaH  ubhayor eva vAm arthe yAsyAmi kurusaMsadam 80  zamaM tatra labheyaM ced yuSmadartham ahApayan  puNyaM me sumahad rAjaMz caritaM syAn mahAphalam 81  mocayeyaM mRtyupAzAt saMrabdhAn kurusRJjayAn  pANDavAn dhArtarASTrAMz ca sarvAM ca pRthivIm imAm 82  na mamaitan mataM kRSNa yat tvaM yAyAH kurUn prati  suyodhanaH sUktam api na kariSyati te vacaH 83  sametaM pArthivaM kSatraM suyodhana vazAnugam  teSAM madhyAvataraNaM tava kRSNa na rocaye 84  na hi naH prINayed dravyaM na devatvaM kutaH sukham  na ca sarvAmaraizvaryaM tava rodhena mAdhava 85   [bhagavAn]  jAnAmy etAM mahArAja dhArtarASTrasya pApatAm  avAcyAs tu bhaviSyAmaH sarvaloke mahIkSitAm 86  na cApi mama paryAptAH sahitAH sarvapArthivAH  kruddhasya pramukhe sthAtuM siMhasyevetare mRgAH 87  atha cet te pravarteran mayi kiM cid asAMpratam  nirdaheyaM kurUn sarvAn iti me dhIyate matiH 88  na jAtu gamanaM tatra bhavet pArtha nirarthakam  arthaprAptiH kadA cit syAd antato vApy avAcyatA 89  yat tubhyaM rocate kRSNa svasti prApnuhi kauravAn  kRtArthaM svastimantaM tvAM drakSyAmi punarAgatam 90  viSvaksena kurUn gatvA bhAratAJ zamayeH prabho  yathA sarve sumanasaH saha syAmaH sucetasaH 91  bhrAtA cAsi sakhA cAsi bIbhatsor mama ca priyaH  sauhRdenAvizaGkyo 'si svasti prApnuhi bhUtaye 92  asmAn vettha parAn vettha vetthArthaM vettha bhASitam  yad yad asmaddhitaM kRSNa tat tad vAcyaH suyodhanaH 93  yad yad dharmeNa saMyuktam upapadyed dhitaM vacaH  tat tat kezava bhASethAH sAntvaM vA yadi vetarat   |



|  1   [bhagavAn]  saMjayasya zrutaM vAkyaM bhavataz ca zrutaM mayA  sarvaM jAnAmy abhiprAyaM teSAM ca bhavataz ca yaH 2  tava dharmAzritA buddhis teSAM vairAzritA matiH  yad ayuddhena labhyeta tat te bahumataM bhavet 3  na ca tan naiSThikaM karma kSatriyasya vizAM pate  Ahur AzramiNaH sarve yad bhaikSaM kSatriyaz caret 4  jayo vadho vA saMgrAme dhAtrA diSTaH sanAtanaH  svadharmaH kSatriyasyaiSa kArpaNyaM na prazasyate 5  na hi kArpaNyam AsthAya zakyA vRttir yudhiSThira  vikramasva mahAbAho jahi zatrUn ariMdama 6  atigRddhAH kRtasnehA dIrghakAlaM sahoSitAH  kRtamitrAH kRtabalA dhArtarASTrAH paraMtapa 7  na paryAyo 'sti yat sAmyaM tvayi kuryur vizAM pate  balavattAM hi manyante bhISmadroNakRpAdibhiH 8  yAvac ca mArdavenaitAn rAjann upacariSyasi  tAvad ete hariSyanti tava rAjyam ariMdama 9  nAnukrozAn na kArpaNyAn na ca dharmArthakAraNAt  alaM kartuM dhArarASTrAs tava kAmam ariMdama 10  etad eva nimittaM te pANDavAs tu yathA tvayi  nAnvatapyanta kaupInaM tAvat kRtvApi duSkaram 11  pitAmahasya droNasya vidurasya ca dhImataH  pazyatAM kurumukhyAnAM sarveSAm eva tattvataH 12  dAnazIlaM mRduM dAntaM dharmakAmam anuvratam  yat tvAm upadhinA rAjan dyUtenAvaJcayat tadA  na cApatrapate pApo nRzaMsas tena karmaNA 13  tathAzIra samAcAre rAjan mA praNayaM kRthAH  vadhyAs te sarvalokasya kiM punas tava bhArata 14  vAgbhis tv apratirUpAbhir atudat sa kanIyasam  zlAghamAnaH prahRSTaH san bhASate bhrAtRbhiH saha 15  etAvat pANDavAnAM hi nAsti kiM cid iha svakam  nAmadheyaM ca gotraM ca tad apy eSAM na ziSyate 16  kAlena mahatA caiSAM bhaviSyati parAbhavaH  prakRtiM te bhajiSyanti naSTaprakRtayo janAH 17  etAz cAnyAz ca paruSA vAcaH sa samudIrayan  zlAghate jJAtimadhye sma tvayi pavrajite vanam 18  ye tatrAsan samAnItAs te dRSTvA tvAm anAgasam  azrukaNThA rudantaz ca sabhAyAm Asate tadA 19  na cainam abhyanandaMs te rAjAno brAhmaNaiH saha  sarve duryodhanaM tatra nindanti sma sabhAsadaH 20  kulInasya ca yA nindA vadhaz cAmitrakarzana  mahAguNo vadho rAjan na tu nindA kujIvikA 21  tadaiva nihato rAjan yadaiva nirapatrapaH  ninditaz ca mahArAja pRthivyAM sarvarAjasu 22  ISatkAryo vadhas tasya yasya cAritram IdRzam  praskambhana pratistabdhaz chinnamUla iva drumaH 23  vadhyaH sarpa ivAnAryaH sarvalokasya durmatiH  jahy enaM tvam amitraghna mA rAjan vicikitsithAH 24  sarvathA tvat kSamaM caitad rocate ca mamAnagha  yat tvaM pitari bhISme ca praNipAtaM samAcareH 25  ahaM tu sarvalokasya gatvA chetsyAmi saMzayam  yeSAm asti dvidhA bhAvo rAjan duryodhanaM prati 26  madhye rAjJAm ahaM tatra prAtipauruSikAn guNAn  tava saMkIrtayiSyAmi ye ca tasya vyatikramAH 27  bruvatas tatra me vAkyaM dharmArthasahitaM hitam  nizamya pArthivAH sarve nAnAjanapadezvarAH 28  tvayi saMpratipatsyante dharmAtmA satyavAg iti  tasmiMz cAdhigamiSyanti yathA lobhAd avartata 29  garhayiSyAmi caivainaM paurajAnapadeSv api  vRddhabAlAn upAdAya cAturvarNyasamAgame 30  zamaM ced yAcamAnas tvaM na dharmaM tatra lapsyase  kurUn vigarhayiSyanti dhRtarASTraM ca pArthivAH 31  tasmim*l lokaparityakte kiM kAryam avaziSyate  hate duryodhane rAjan yad anyat kriyatAm iti 32  yAtvA cAhaM kurUn sarvAn yuSmadartham ahApayan  yatiSye prazamaM kartuM lakSayiSye ca ceSTitam 33  kauravANAM pravRttiM ca gatvA yuddhAdhikArikAm  nizAmya vinivartiSye jayAya tava bhArata 34  sarvathA yuddham evAham AzaMsAmi paraiH saha  nimittAni hi sarvANi tathA prAdurbhavanti me 35  mRgAH zakuntAz ca vadanti ghoraM; hastyazvamukhyeSu nizAmukheSu  ghorANi rUpANi tathaiva cAgnir; varNAn bahUn puSyati ghorarUpAn  manuSyalokakSapaNo 'tha ghoro; no ced anuprApta ihAntakaH syAt 36  zastrANi patraM kavacAn rathAMz ca; nAgAn dhvajAMz ca pratipAdayitvA  yodhAz ca sarve kRtanizramAs te; bhavantu hastyazvaratheSu yattAH  sAMgrAmikaM te yad upArjanIyaM; sarvaM samagraM kuru tan narendra 37  duryodhano na hy alam adya dAtuM; jIvaMs tavaitan nRpate kathaM cit  yat te purastAd abhavat samRddhaM; dyUte hRtaM pANDavamukhyarAjyam   |



|  1   [bhIma]  yathA yathaiva zAntiH syAt kurUNAM madhusUdana  tathA tathaiva bhASethA mA sma yuddhena bhISayeH 2  amarSI nityasaMrabdhaH zreyo dveSI mahAmanAH  nograM duryodhano vAcyaH sAmnaivainaM samAcareH 3  prakRtyA pApasattvaz ca tulyacetAz ca dasyubhiH  aizvaryamadamattaz ca kRtavairaz ca pANDavaiH 4  adIrghadarzI niSThUrI kSeptA krUraparAkramaH  dIrghamanyur aneyaz ca pApAtmA nikRtipriyaH 5  mriyetApi na bhajyeta naiva jahyAt svakaM matam  tAdRzena zamaM kRSNa maye paramaduSkaram 6  suhRdAm apy avAcInas tyaktadharmaH priyAnRtaH  pratihanty eva suhRdAM vAcaz caiva manAMsi ca 7  sa manyuvazam ApannaH svabhAvaM duSTam AsthitaH  svabhAvAt pApam anveti tRNais tunna ivoragaH 8  duryodhano hi yat senaH sarvathA viditas tava  yac chIlo yat svabhAvaz ca yad balo yat parAkramaH 9  purA prasannAH kuravaH saha putrAs tathA vayam  indra jyeSThA ivAbhUma modamAnAH sa bAndhavAH 10  duryodhanasya krodhena bhAratA madhusUdana  dhakSyante zizirApAye vanAnIva hutAzanaiH 11  aSTAdazeme rAjAnaH prakhyAtA madhusUdana  ye samuccicchidur jJAtIn suhRdaz ca sa bAndhavAn 12  asurANAM samRddhAnAM jvalatAm iva tejasA  paryAya kAle dharmasya prApte balir ajAyata 13  haihayAnAm udAvarto nIpAnAM janamejayaH  bahulas tAlajaGghAnAM kRmINAm uddhato vasuH 14  aja binduH suvIrANAM surASTrANAM kuzarddhikaH  arkajaz ca balIhAnAM cInAnAM dhautamUlakaH 15  hayagrIvo videhAnAM varapraz ca mahaujasAm  bAhuH sundara vegAnAM dIptAkSANAM purUravAH 16  sahajaz cedimatsyAnAM pracetAnAM bRhadbalaH  dhAraNaz cendra vatsAnAM mukuTAnAM vigAhanaH 17  zamaz ca nandivegAnAm ity ete kulapAMsanAH  yugAnte kRSNa saMbhUtAH kuleSu puruSAdhamAH 18  apy ayaM naH kurUNAM syAd yugAnte kAlasaMbhRtaH  duryodhanaH kulAGgAro jaghanyaH pApapUruSaH 19  tasmAn mRdu zanair enaM brUyA dharmArthasaMhitam  kAmAnubandha bahulaM nogram ugraparAkramam 20  api duryodhanaM kRSNa sarve vayam adhaz carAH  nIcair bhUtvAnuyAsyAmo mA sma no bharatA nazan 21  apy udAsInavRttiH syAd yathA naH kurubhiH saha  vAsudeva tathA kAryaM na kurUn anayaH spRzet 22  vAcyaH pitAmaho vRddho ye ca kRSNa sabhAsadaH  bhrAtRRNAm astu saubhrAtraM dhArtarASTraH prazAmyatAm 23  aham etad bravImy evaM rAjA caiva prazaMsati  arjuno naiva yuddhArthI bhUyasI hi dayArjune   |



|  1   [vai]  etac chrutvA mahAbAhuH kezavaH prahasann iva  abhUtapUrvaM bhImasya mArdavopagataM vacaH 2  girer iva laghutvaM tac chItatvam iva pAvake  matvA rAmAnujaH zauriH zArGgadhanvA vRkodaram 3  saMtejayaMs tadA vAgbhir mAtarizveva pAvakam  uvAca bhImam AsInaM kRpayAbhipariplutam 4  tvam anyadA bhImasena yuddham eva prazaMsasi  vadhAbhinandinaH krUrAn dhArtarASTrAn mimardiSuH 5  na ca svapiSi jAgarSi nyubjaH zeSe paraMtapa  ghorAm azAntAM ruzatIM sadA vAcaM prabhASase 6  niHzvasann agnivarNena sataptaH svena manyunA  aprazAnta manA bhIma sa dhUma iva pAvakaH 7  ekAnte niSTanaJ zeSe bhArArta iva durbalaH  api tvAM ke cid unmattaM manyante 'tadvido janAH 8  Arujya vRkSAn nirmUlAn gajaH paribhujann iva  nighnan padbhiH kSitiM bhIma niSTanan paridhAvasi 9  nAsmiJ jane 'bhiramase rahaH kSiyasi pANDava  nAnyaM nizi divA vApi kadA cid abhinandasi 10  akasmAt smayamAnaz ca rahasy Asse rudann iva  jAnvor mUrdhAnam AdhAya ciram Asse pramIlitaH 11  bhrukuTiM ca punaH kurvann oSThau ca vilihann iva  abhIkSNaM dRzyase bhIma sarvaM tan manyukAritam 12  yathA purastAt savitA dRzyate zukram uccaran  yathA ca pazcAn nirmukto dhruvaM paryeti razmivAn 13  tathA satyaM bravImy etan nAsti tasya vyatikramaH  hantAhaM gadayAbhyetya duryodhanam amarSaNam 14  iti sma madhye bhrAtRRNAM satyenAlabhase gadAm  tasya te pazame buddhir dhIyate 'dya paraMtapa 15  aho yuddhapratIpAni yuddhakAla upasthite  pazyasIvApratIpAni kiM tvAM bhIr bhIma vindati 16  aho pArtha nimittAni viparItAni pazyasi  svapnAnte jAgarAnte ca tasmAt prazamam icchasi 17  aho nAzaMsase kiM cit puMstvaM klIba ivAtmani  kazmalenAbhipanno 'si tena te vikRtaM manaH 18  udvepate te hRdayaM manas te praviSIdati  UrustambhagRhIto 'si tasmAt prazamam icchasi 19  anityaM kila martyasya cittaM pArtha calAcalam  vAtavegapracalitA aSThIlA zAlmaler iva 20  tavaiSA vikRtA buddhir gavAM vAg iva mAnuSI  manAMsi pANDuputrANAM majjayaty aplavAn iva 21  idaM me mahad AzcaryaM parvatasyeva sarpaNam  yadIdRzaM prabhASethA bhImasenAsamaM vacaH 22  sa dRSTvA svAni karmANi kule janma ca bhArata  uttiSThasva viSAdaM mA kRthA vIra sthiro bhava 23  na caitad anurUpaM te yat te glAnir ariMdama  yad ojasA na labhate kSatriyo na tad aznute   |



|  1   [v]  tathokto vAsudevena nityamanyur amarSaNaH  sadazvavat samAdhAvad babhASe tadanantaram 2  anyathA mAM cikIrSantam anyathA manyase 'cyuta  praNIta bhAvam atyantaM yudhi satyaparAkramam 3  vettha dAzArha sattvaM me dIrghakAlaM sahoSitaH  uta vA mAM na jAnAsi plavan hrada ivAlpavaH  tasmAd apratirUpAbhir vAgbhir mAM tvaM samarchasi 4  kathaM hi bhImasenaM mAM jAnan kaz cana mAdhava  brUyAd apratirUpANi yathA mAM vaktum arhasi 5  tasmAd idaM pravakSyAmi vacanaM vRSNinandana  AtmanaH pauruSaM caiva balaM ca na samaM paraiH 6  sarvathA nArya karmaitat prazaMsA svayam AtmanaH  ativAdApaviddhas tu vakSyAmi balam AtmanaH 7  pazyeme rodasI kRSNa yayor Asann imAH prajAH  acale cApy anante ca pratiSThe sarvamAtarau 8  yadIme sahasA kruddhe sameyAtAM zile iva  amam ete nigRhNIyAM bAhubhyAM sacarAcare 9  pazyaitad antaraM bAhvor mahAparighayor iva  ya etat prApya mucyeta na taM pazyAmi pUruSam 10  himavAMz ca samudraz ca vajrI ca balabhit svayam  mayAbhipannaM trAyeran balam AsthAya na trayaH 11  yudhyeyaM kSatriyAn sarvAn pANDaveSv AtatAyinaH  adhaH pAdatalenaitAn adhiSThAsyAmi bhUtale 12  na hi tvaM nAbhijAnAsi mama vikramam acyuta  yathA mayA vinirjitya rAjAno vazagAH kRtAH 13  atha cen mAM na jAnAsi sUryasyevodyataH prabhAm  vigADhe yudhi saMbAdhe vetsyase mAM janArdana 14  kiM mAtyavAkSIH paruSair vraNaM sUcyA ivAnagha  yathAmati bravImy etad viddhi mAm adhikaM tataH 15  draSTAsi yudhi saMbAdhe pravRtte vaizase 'hani  mayA praNunnAn mAtaGgAn rathinaH sAdinas tathA 16  tathA narAn abhikruddhaM nighnantaM kSatriyarSabhAn  draSTA mAM tvaM ca lokaz ca vikarSantaM varAn varAn 17  na me sIdanti majjAno na mamodvepate manaH  sarvalokAd abhikruddhAn na bhayaM vidyate mama 18  kiM tu sauhRdam evaitat kRpayA madhusUdana  sarvAMs titikSe saMklezAn mA sma no bharatA nazan   |



|  1   [bhagavAn]  bhAvaM jijJAsamAno 'haM praNayAd idam abruvam  na cAkSepAn na pANDityAn na krodhAn na vivakSayA 2  vedAhaM tava mAhAtmyam uta te veda yad balam  uta te veda karmANi na tvAM paribhavAmy aham 3  yathA cAtmani kalyANaM saMbhAvayasi pANDava  sahasraguNam apy etat tvayi saMbhAvayAmy aham 4  yAdRze ca kule janma sarvarAjAbhipUjite  bandhubhiz ca suhRdbhiz ca bhIma tvam asi tAdRzaH 5  jijJAsanto hi dharmasya saMdigdhasya vRkodara  paryAyaM na vyavasyanti daivamAnuSayor janAH 6  sa eva hetur bhUtvA hi puruSasyArtasiddhiSu  vinAze 'pi sa evAsya saMdigdhaM karma pauruSam 7  anyathA paridRSTAni kavibhir doSadarzibhiH  anyathA parivartante vegA iva nabhasvataH 8  sumantritaM sunItaM ca nyAyataz copapAditam  kRtaM mAnuSyakaM karma daivenApi virudhyate 9  daivam apy akRtaM karma pauruSeNa vihanyate  zItam uSNaM tathA varSaM kSutpipAse ca bhArata 10  yad anyad diSTa bhAvasya puruSasya svayaM kRtam  tasmAd anavarodhaz ca vidyate tatra lakSaNam 11  lokasya nAnyato vRttiH pANDavAnyatra karmaNaH  evaM buddhiH pravarteta phalaM syAd ubhayAnvayAt 12  ya evaM kRtabuddhiH san karmasv eva pravartate  nAsiddhau vyathate tasya na siddhau harSam aznute 13  tatreyam arthamAtrA me bhImasena vivakSitA  naikAnta siddhir mantavyA kurubhiH saha saMyuge 14  nAtipraNIta razmiH syAt tathA bhavati paryaye  viSAdam arched glAniM vA etadarthaM bravImi te 15  zvobhUte dhRtarASTrasya samIpaM prApya pANDava  yatiSye prazamaM kartuM yuSmadartham ahApayan 16  zamaM cet te kariSyanti tato 'nantaM yazo mama  bhavatAM ca kRtaH kAmas teSAM ca zreya uttamam 17  te ced abhinivekSyanti nAbhyupaiSyanti me vacaH  kuravo yuddham evAtra raudraM karma bhaviSyati 18  asmin yuddhe bhImasena tvayi bhAraH samAhitaH  dhUr arjunena dhAryA syAd voDhavya itaro janaH 19  ahaM hi yantA bIbhatsor bhavitA saMyuge sati  dhanaMjayasyaiSa kAmo na hi yuddhaM na kAmaye 20  tasmAd AzaGkamAno 'haM vRkodara matiM tava  tudann aklIbayA vAcA tejas te samadIpayam   |



|  1   [arjuna]  uktaM yudhiSThireNaiva yAvad vAcyaM janArdana  tava vAkyaM tu me zrutvA pratibhAti paraMtapa 2  naiva prazamam atra tvaM manyase sukaraM prabho  lobhAd vA dhRtarASTrasya dainyAd vA samupasthitAt 3  aphalaM manyase cApi puruSasya parAkramam  na cAntareNa karmANi pauruSeNa phalodayaH 4  tad idaM bhASitaM vAkyaM tathA ca na tathaiva ca  na caitad evaM draSTavyam asAdhyam iti kiM cana 5  kiM caitan manyase kRcchram asmAkaM pApam AditaH  kurvanti teSAM karmANi yeSAM nAsti phalodayaH 6  saMpAdyamAnaM samyak ca syAt karma saphalaM prabho  sa tathA kRSNa vartasva yathA zarma bhavet paraiH 7  pANDavAnAM kurUNAM ca bhavAn paramakaH suhRt  surANAm asurANAM ca yathA vIra prajApatiH 8  kurUNAM pANDavAnAM ca pratipatsva nirAmayam  asmaddhitam anuSThAtuM na manye tava duSkaram 9  evaM cet kAryatAm eti kAryaM tava janArdana  gamanAd evam eva tvaM kariSyasi na saMzayaH 10  cikIrSitam athAnyat te tasmin vIra durAtmani  bhaviSyati tathA sarvaM yathA tava cikIrSitam 11  zarma taiH saha vA no 'stu tava vA yac cikIrSitam  vicAryamANo yaH kAmas tava kRSNa sa no guruH 12  na sa nArhati duSTAtmA vadhaM sasuta bAndhavaH  yena dharmasute dRSTvA na sA zrIr upamarSitA 13  yac cApy apazyatopAyaM dharmiSThaM madhusUdana  upAyena nRzaMsena hRtA durdyUta devinA 14  kathaM hi puruSo jAtaH kSatriyeSu dhanurdharaH  samAhUto nivarteta prANatyAge 'py upasthite 15  adhameNa jitAn dRSTvA vane pravrajitAMs tathA  vadhyatAM mama vArSNeya nirgato 'sau suyodhanaH 16  na caitad adbhutaM kRSNa mitrArthe yac cikIrSasi  kriyA kathaM nu mukhyA syAn mRdunA vetareNa vA 17  atha vA manyase jyAyAn vadhas teSAm anantaram  tad eva kriyatAm Azu na vicAryam atas tvayA 18  jAnAsi hi yathA tena draupadI pApabuddhinA  parikliSTA sabhAmadhye tac ca tasyApi marSitam 19  sa nAma samyag varteta pANDaveSv iti mAdhava  na me saMjAyate buddhir bIjam uptam ivoSare 20  tasmAd yan manyase yuktaM pANDavAnAM ca yad dhitam  tad Azu kuru vArSNeya yan naH kAryam anantaram   |



|  1   [bhagavAn]  evam etan mahAbAho yathA vadasi pANDava  sarvaM tv idaM samAyattaM bIbhatso karmaNor dvayoH 2  kSetraM hi rasavac chuddhaM karSakeNopapAditam  Rte varSaM na kaunteya jAtu nirvartayet phalam 3  tatra vai pauruSaM brUyur AsekaM yatnakAritam  tatra cApi dhruvaM pazyec choSaNaM daivakAritam 4  tad idaM nizcitaM buddhyA pUrvair api mahAtmabhiH  daive ca mAnuSe caiva saMyuktaM lokakAraNam 5  ahaM hi tat kariSyAmi paraM puruSakArataH  daivaM tu na mayA zakyaM karma kartuM kathaM cana 6  sa hi dharmaM ca satyaM ca tyaktvA carati durmatiH  na hi saMtapyate tena tathArUpeNa karmaNA 7  tAM cApi buddhiM pApiSThAM vardhayanty asya mantriNaH  zakuniH sUtaputraz ca bhrAtA duHzAsanas tathA 8  sa hi tyAgena rAjyasya na zamaM samupeSyati  antareNa vadhAt pArtha sAnubandhaH suyodhanaH 9  na cApi praNipAtena tyaktum icchati dharmarAT  yAcyamAnas tu rAjyaM sa na pradAsyati durmatiH 10  na tu manye sa tad vAcyo yad yudhiSThira zAsanam  uktaM prayojanaM tatra dharmarAjena bhArata 11  tathA pApas tu tat sarvaM na kariSyati kauravaH  tasmiMz cAkriyamANe 'sau lokavadhyo bhaviSyati 12  mama cApi sa vadhyo vai jagataz cApi bhArata  yena kaumArake yUyaM sarve viprakRtAs tathA 13  vipraluptaM ca vo rAjyaM nRzaMsena durAtmanA  na copazAmyate pApaH zriyaM dRSTvA yudhiSThire 14  asakRc cApy ahaM tena tvatkRte pArtha bheditaH  na mayA tadgRhItaM ca pApaM tasya cikIrSitam 15  jAnAsi hi mahAbAho tvam apy asya paraM matam  priyaM cikIrSamANaM ca dharmarAjasya mAm api 16  sa jAnaMs tasya cAtmAnaM mama caiva paraM matam  ajAnann iva cAkasmAd arjunAdyAbhizaGkase 17  yac cApi paramaM divyaM tac cApy avagataM tvayA  vidhAnavihitaM pArtha kathaM zarma bhavet paraiH 18  yat tu vAcA mayA zakyaM karmaNA cApi pANDava  kariSye tad ahaM pArtha na tv AzaMse zamaM paraiH 19  kathaM goharaNe brUyAd icchaJ zarma tathAvidham  yAcyamAno 'pi bhISmeNa saMvatsaragate 'dhvani 20  tadaiva te parAbhUtA yadA saMkalpitAs tvayA  lavazaH kSaNazaz cApi na ca tuSTaH suyodhanaH 21  sarvathA tu mayA kAryaM dharmarAjasya zAsanam  vibhAvyaM tasya bhUyaz ca karma pApaM durAtmanaH   |



|  1   [nakula]  uktaM bahuvidhaM vAkyaM dharmarAjena mAdhava  dharmajJena vadAnyena dharmayuktaM ca tattvataH 2  matam AjJAya rAjJaz ca bhImasenena mAdhava  saMzamo bAhuvIryaM ca khyApitaM mAdhavAtmanaH 3  tathaiva phalgunenApi yad uktaM tat tvayA zrutam  Atmanaz ca mataM vIra kathitaM bhavatAsakRt 4  sarvam etad atikramya zrutvA paramataM bhavAn  yat prAptakAlaM manyethAs tat kuryAH puruSottama 5  tasmiMs tasmin nimitte hi mataM bhavati kezava  prAptakAlaM manuSyeNa svayaM kAryam ariMdama 6  anyathA cintito hy arthaH punar bhavati so 'nyathA  anitya matayo loke narAH puruSasattama 7  anyathA buddhayo hy Asann asmAsu vanavAsiSu  adRzyeSv anyathA kRSNa dRzyeSu punar anyathA 8  asmAkam api vArSNeya vane vicaratAM tadA  na tathA praNayo rAjye yathA saMprati vartate 9  nivRttavanavAsAn naH zrutvA vIra samAgatAH  akSauhiNyo hi saptemAs tvatprasAdAj janArdana 10  imAn hi puruSavyAghrAn acintyabalapauruSAn  AttazastrAn raNe dRSTvA na vyathed iha kaH pumAn 11  sa bhavAn kurumadhye taM sAntvapUrvaM bhayAnvitam  brUyAd vAkyaM yathA mando na vyatheta suyodhanaH 12  yudhiSThiraM bhImasenaM bIbhatsuM cAparAjitam  sahadevaM ca mAM caiva tvAM ca rAmaM ca kezava 13  sAtyakiM ca mahAvIryaM virATaM ca sahAtmajam  drupadaM ca sahAmAtyaM dhRSTadyumnaM ca pArSatam 14  kAzirAjaM ca vikrAntaM dhRSTaketuM ca cedipam  mAMsazoNitabhRn martyaH pratiyudhyeta ko yudhi 15  sa bhavAn gamanAd eva sAdhayiSyaty asaMzayam  iSTam arthaM mahAbAho dharmarAjasya kevalam 16  viduraz caiva bhISmaz ca droNaz ca saha bAhlikaH  zreyaH samarthA vijJAtum ucyamAnaM tvayAnagha 17  te cainam anuneSyanti dhRtarASTraM janAdhipam  taM ca pApasamAcAraM sahAmAtyaM suyodhanam 18  zrotA cArthasya viduras tvaM ca vaktA janArdana  kam ivArthaM vivartantaM sthApayetAM na vartmani   |



|  1   [sahadeva]  yad etat kathitaM rAjJA dharma eSa sanAtanaH  yathA tu yuddham eva syAt tathA kAryam ariMdama 2  yadi prazamam iccheyuH kuravaH pANDavaiH saha  tathApi yuddhaM dAzArha yojayethAH sahaiva taiH 3  kathaM nu dRSTvA pAJcAlIM tathA kliSTAM sabhA gatAm  avadhena prazAmyeta mama manyuH suyodhane 4  yadi bhImArjunau kRSNa dharmarAjaz ca dhArmikaH  dharmam utsRjya tenAhaM yoddhum icchAmi saMyuge 5   [sAtyaki]  satyam Aha mahAbAho sahadevo mahAmatiH  duryodhana vadhe zAntis tasya kopasya me bhavet 6  jAnAsi hi yathAdRSTvA cIrAjinadharAn vane  tavApi manyur udbhUto duHkhitAn prekSya pANDavAn 7  tasmAn mAdrI sutaH zUro yad Aha puruSarSabhaH  vacanaM sarvayodhAnAM tan mataM puruSottama 8   [v]  evaM vadati vAkyaM tu yuyudhAne mahAmatau  subhImaH siMhanAdo 'bhUd yodhAnAM tatra sarvazaH 9  sarve hi sarvato vIrAs tad vacaH pratyapUjayan  sAdhu sAdhv iti zaineyaM harSayanto yuyutsavaH   |



|  1   [v]  rAjJas tu vacanaM zrutvA dharmArthasahitaM hitam  kRSNA dAzArham AsInam abravIc chokakarSitA 2  sutA drupadarAjasya svasitAyata mUrdhajA  saMpUjya sahadevaM ca sAtyakiM ca mahAratham 3  bhImasenaM ca saMzAntaM dRSTvA paramadurmanAH  azrupUrNekSaNA vAkyam uvAcedaM manasvinI 4  viditaM te mahAbAho dharmajJa madhusUdana  yathA nikRtim AsthAya bhraMzitAH pANDavAH sukhAt 5  dhRtarASTrasya putreNa sAmAtyena janArdana  yathA ca saMjayo rAjJA mantraM rahasi zrAvitaH 6  yudhiSThireNa dAzArha tac cApi viditaM tava  yathoktaH saMjayaz caiva tac ca sarvaM zrutaM tvayA 7  paJca nas tAta dIyantAM grAmA iti mahAdyute  kuza sthalaM vRkasthalam AsandI vAraNAvatam 8  avasAnaM mahAbAho kiM cid eva tu paJcamam  iti duryodhano vAcyaH suhRdaz cAsya kezava 9  tac cApi nAkarod vAkyaM zrutvA kRSNa suyodhanaH  yudhiSThirasya dAzArha hrImataH saMdhim icchataH 10  apradAnena rAjyasya yadi kRSNa suyodhanaH  saMdhim icchen na kartavyas tatra gatvA kathaM cana 11  zakSyanti hi mahAbAho pANDavAH sRJjayaiH saha  dhArtarASTra balaM ghoraM kruddhaM pratisamAsitum 12  na hi sAmnA na dAnena zakyo 'rthas teSu kaz cana  tasmAt teSu na kartavyA kRpA te madhusUdana 13  sAmnA dAnena vA kRSNa ye na zAmyanti zatravaH  moktavyas teSu daNDaH syAj jIvitaM parirakSatA 14  tasmAt teSu mahAdaNDaH kSeptavyaH kSipram acyuta  tvayA caiva mahAbAho pANDavaiH saha sRjJjayaiH 15  etat samarthaM pArthAnAM tava caiva yazaH karam  kriyamANaM bhavet kRSNa kSatrasya ca sukhAvaham 16  kSatriyeNa hi hantavyaH kSatriyo lobham AsthitaH  akSatriyo vA dAzArha svadharmam anutiSThatA 17  anyatra brAhmaNAt tAta sarvapApeSv avasthitAt  gurur hi sarvavarNAnAM brAhmaNaH prasRtAgra bhuj 18  yathA vadhye bhaved doSo vadhyamAne janArdana  sa vadhyasyAvadhe dRSTa iti dharmavido viduH 19  yathA tvAM na spRzed eSa doSaH kRSNa tathA kuru  pANDavaiH saha dAzArha sRJjayaiz ca sasainikaiH 20  punar uktaM ca vakSyAmi vizrambheNa janArdana  kA nu sImantinI mAdRk pRthivyAm asti kezava 21  sutA drupadarAjasya vedimadhyAt samutthitA  dhRSTadyumnasya bhaginI tava kRSNa priyA sakhI 22  AjamIDha kulaM prAptA snuSA pANDor mahAtmanaH  mahiSI pANDuputrANAM paJcendra samavarcasAm 23  sutA me paJcabhir vIraiH paJca jAtA mahArathAH  abhimanyur yathA kRSNa tathA te tava dharmataH 24  sAhaM kezagrahaM prAptA parikliSTA sabhAM gatA  pazyatAM pANDuputrANAM tvayi jIvati kezava 25  jIvatsu kauraveyeSu pAJcAleSv atha vRSNiSu  dAsI bhUtAsmi pApAnAM sabhAmadhye vyavasthitA 26  nirAmarSeSv aceSTeSu prekSamANeSu pANDuSu  trAhi mAm iti govinda manasA kAGkSito 'si me 27  yatra mAM bhagavAn rAjA zvazuro vAkyam abravIt  varaM vRNISva pAJcAli varArhAsi matAsi me 28  adAsAH pANDavAH santu sarathAH sAyudhA iti  mayokte yatra nirmuktA vanavAsAya kezava 29  evaMvidhAnAM duHkhAnAm abhijJo 'si janArdana  trAhi mAM puNDarIkAkSa sabhartRjJAtibAndhavAm 30  nanv ahaM kRSNa bhISmasya dhRtarASTrasya cobhayoH  snuSA bhavAmi dharmeNa sAhaM dAsI kRtAbhavam 31  dhig balaM bhImasenasya dhik pArthasya dhanuSmatAm  yatra duryodhanaH kRSNa muhUrtam api jIvati 32  yadi te 'ham anugrAhyA yadi te 'sti kRpA mayi  dhArtarASTreSu vai kopaH sarvaH kRSNa vidhIyatAm 33  ity uktvA mRdu saMhAraM vRjinAgraM sudarzanam  sunIlam asitApAGgI puNyagandhAdhivAsitam 34  sarvalakSaNasaMpannaM mahAbhujaga varcasam  kezapakSaM varArohA gRhya savyena pANinA 35  padmAkSI puNDarIkAkSam upetya gajagAminI  azrupUrNekSaNA kRSNA kRSNaM vacanam abravIt 36  ayaM te puNDarIkAkSa duHzAsana karoddhRtaH  smartavyaH sarvakAleSu pareSAM saMdhim icchatA 37  yadi bhImArjunau kRSNa kRpaNau saMdhikAmukau  pitA me yotsyate vRddhaH saha putrair mahArathaiH 38  paJca caiva mahAvIryAH putrA me madhusUdana  abhimanyuM puraskRtya yotsyanti kurubhiH saha 39  duHzAsana bhujaM zyAmaM saMchinnaM pAMsuguNThitam  yady ahaM taM na pazyAmi kA zAntir hRdayasya me 40  trayodaza hi varSANi pratIkSantyA gatAni me  nidhAya hRdaye manyuM pradIptam iva pAvakam 41  vidIryate me hRdayaM bhIma vAkzalya pIDitam  yo 'yam adya mahAbAhur dharmaM samanupazyati 42  ity uktvA bASpasannena kaNThenAyata locanA  ruroda kRSNA sotkampaM sasvaraM bASpagadgadam 43  stanau pInAyatazroNI sahitAv abhivarSatI  dravI bhUtam ivAtyuSNam utsRjad vAri netrajam 44  tAm uvAca mahAbAhuH kezavaH parisAntvayan  acirAd drakSyase kRSNe rudatIr bharata striyaH 45  evaM tA bhIru rotsyanti nihatajJAtibAndhavAH  hatamitrA hatabalA yeSAM kruddhAsi bhAmini 46  ahaM ca tat kariSyAmi bhIMmArjuna yamaiH saha  yudhiSThira niyogena daivAc ca vidhinirmitAt 47  dhArtarASTrAH kAlapakvA na cec chRNvanti me vacaH  zeSyante nihatA bhUmau zvazRgAlAdanI kRtAH 48  caled dhi himavAJ zailo medinI zatadhA bhavet  dyauH patec ca sanakSatrA na me moghaM vaco bhavet 49  satyaM te pratijAnAmi kRSNe bASpo nigRhyatAm  hatAmitrAJ zriyA yuktAn acirAd drakSyase patIn   |



|  1   [arjuna]  kurUNAm adya sarveSAM bhavAn suhRd anuttamaH  saMbandhI dayito nityam ubhayoH pakSayor api 2  pANDavair dhArtarASTrANAM pratipAdyam anAmayam  samartha prazamaM caiSAM kartuM tvam asi kezava 3  tvam itaH puNDarIkAkSa suyodhanam amarSaNam  zAnty arthaM bhArataM brUyA yat tad vAcyam amitrahan 4  tvayA dharmArthayuktaM ced uktaM zivam anAmayam  hitaM nAdAsyate bAlo diSTasya vazam eSyati 5   [bha]  dharmyam asmaddhitaM caiva kurUNAM yad anAmayam  eSa yAsyAmi rAjAnaM dhRtarASTram abhISpsayA 6   [v]  tato vyapete tamasi sUrye vimala udgate  maitre muhUrte saMprApte mRdv arciSi divAkare 7  kaumude mAsi revatyAM zarad ante himAgame  sphItasasyamukhe kAle kalyaH sattvavatAM varaH 8  maGgalyAH puNyanirghoSA vAcaH zRNvaMz ca sUnRtAH  brAhmaNAnAM pratItAnAm RSINAm iva vAsavaH 9  kRtvA paurvAhNikaM kRtyaM snAtaH zucir alaMkRtaH  upatasthe vivasvantaM pAvakaM ca janArdanaH 10  RSabhaM pRSTha Alabhya brAhmaNAn abhivAdya ca  agniM pradakSiNaM kRtvA pazyan kalyANam agrataH 11  tat pratijJAya vacanaM pANDavasya janArdanaH  ziner naptAram AsInam abhyabhASata sAtyakim 12  ratha AropyatAM zaGkhaz cakraM ca gadayA saha  upAsaGgAz ca zaktyaz ca sarvapraharaNAni ca 13  duryodhano hi duSTAtmA karNaz ca saha saubalaH  na ca zatrur avajJeyaH prAkRto 'pi balIyasA 14  tatas tan matam AjJAya kezavasya puraHsarAH  prasasrur yojayiSyanto rathaM cakragadAbhRtaH 15  taM dIptam iva kAlAgnim AkAzagam ivAdhvagam  candrasUryaprakAzAbhyAM cakrAbhyAM samalaMkRtam 16  ardhacandraiz ca candraiz ca matsyaiH samRgapakSibhiH  puSpaiz ca vividhaiz citraM maNiratnaiz ca sarvazaH 17  taruNAdityasaMkAzaM bRhantaM cArudarzanam  maNihemavicitrAGgaM sudhvajaM supatAkinam 18  sUpaskaram anAdhRSyaM vaiyAghraparivAraNam  yazoghnaM pratyamitrANAM yadUnAM nandivardhanam 19  vAjibhiH sainyasugrIvam edha puSpabalAhakaiH  snAtaiH saMpAdayAM cakruH saMpannaiH sarvasaMpadA 20  mahimAnaM tu kRSNasya bhUya evAbhivardhayan  sughoSaH patagendreNa dhvajena yuyuje rathaH 21  taM meruzikharaprakhyaM meghadundubhi nisvanam  Aruroha rathaM zaurir vimAnam iva puNyakRt 22  tataH sAtyakim Aropya prayayau puruSottamaH  pRthivIM cAntarikSaM ca rathagoSeNa nAdayan 23  vyapoDhAbhra ghanaH kAlaH kSaNena samapadyata  zivaz cAnuvavau vAyuH prazAntam abhavad raviH 24  pradakSiNAnulomAz ca maGgalyA mRgapakSiNaH  prayANe vAsudevasya babhUvur anuyAyinaH 25  maGgalyArtha padaiH zabdair anvavartanta sarvazaH  sArasAH zatapatrAz ca haMsAz ca madhusUdanam 26  mantrAhuti mahAhomair hUyamAnaz ca pAvakaH  pradakSiNazikho bhUtvA vidhUmaH samapadyata 27  vasiSTho vAmadevaz ca bhUridyumno gayaH krathaH  zukranArada vAlmIkA marutaH kuziko bhRguH 28  brahma devarSayaz caiva kRSNaM yadusukhAvaham  pradakSiNam avartanta sahitA vAsavAnujam 29  evam etair mahAbhAgair maharSigaNasAdhubhiH  pUjitaH prayayau kRSNaH kurUNAM sadanaM prati 30  taM prayAntam anuprAyAt kuntIputro yudhiSThiraH  bhImasenArjunau cobhau mAdrIputrau ca pANDavau 31  cekitAnaz ca vikrAnto dhRSTaketuz ca cedipaH  drupadaH kAzirAjaz ca zikhaNDI ca mahArathaH 32  dhRSTadyumnaH saputraz ca virATaH kekayaiH saha  saMsAdhanArthaM prayayuH kSatriyAH kSatriyarSabham 33  tato 'nuvrajya govindaM dharmarAjo yudhiSThiraH  rAjJAM sakAze dyutimAn uvAcedaM vacas tadA 34  yo naiva kAmAn na bhayAn na lobhAn nArthakAraNAt  anyAyam anuvarteta sthirabuddhir alolupaH 35  dharmajJo dhRtimAn prAjJaH sarvabhUteSu kezavaH  IzvaraH sarvabhUtAnAM devadevaH pratApavAn 36  taM sarvaguNasaMpannaM zrIvatsa kRtalakSaNam  saMpariSvajya kaunteyaH saMdeSTum upacakrame 37  yA sA bAlyAt prabhRty asmAn paryavardhayatAbalA  upavAsatapaH zIlA sadA svastyayane ratA 38  devatAtithipUjAsu guruzuzrUSaNe ratA  vatsalA priyaputrA ca priyAsmAkaM janArdana 39  suyodhana bhayAd yA no 'trAyatAmitrakarzana  mahato mRtyusaMbAdhAd uttaran naur ivArNavAt 40  asmat kRte ca satataM yayA duHkhAni mAdhava  anubhUtAny aduHkhArhA tAM sma pRccher anAmayam 41  bhRzam AzvAsayez cainAM putrazokapariplutAm  abhivAdya svajethAz ca pANDavAn parikIrtayan 42  UDhAt prabhRti duHkhAni zvazurANAm ariMdama  nikArAn atadarhA ca pazyantI duHkham aznute 43  api jAtu sa kAlaH syAt kRSNa duHkhaviparyayaH  yad ahaM mAtaraM kliSTAM sukhe dadhyAm ariMdama 44  pravrajanto 'nvadhAvat sA kRpaNA putragRddhinI  rudatIm apahAyainAm upagacchAma yad vanam 45  na nUnaM mriyate duHkhaiH sA cej jIvati kezava  tathA putrAdhibhir gADham ArtA hy Anarta satkRtA 46  abhivAdyA tu sA kRSNa tvayA madvacanAd vibho  dhRtarASTraz ca kauravyo rAjAnaz ca vayo 'dhikAH 47  bhISmaM droNaM kRpaM caiva mahArAjaM ca bAhlikam  drauNiM ca somadattaM ca sarvAMz ca bharatAn pRthak 48  viduraM ca mahAprAjJaM kurUNAM mantradhAriNam  agAdha buddhiM dharmajJaM svajethA madhusUdana 49  ity uktvA kezavaM tatra rAjamadhye yudhiSThiraH  anujJAto nivavRte kRSNaM kRtvA pradakSiNam 50  vrajann eva tu bIbhatsuH sakhAyaM puruSarSabham  abravIt paravIraghnaM dAzArham aparAjitam 51  yad asmAkaM vibho vRttaM purA vai mantranizcaye  ardharAjyasya govinda viditaM sarvarAjasu 52  tac ced dadyAd asaGgena satkRtyAnavamanya ca  priyaM me syAn mahAbAho mucyeran mahato bhayAt 53  ataz ced anyathA kartA dhArtarASTro 'nupAyavit  antaM nUnaM kariSyAmi kSatriyANAM janArdana 54  evam ukte pANDavena paryahRSyad vRkodaraH  muhur muhuH krodhavazAt pravepata ca pANDavaH 55  vepamAnaz ca kaunteyaH prAkrozan mahato ravAn  dhanaMjaya vacaH zrutvA harSotsika manA bhRzam 56  tasya taM ninadaM zrutvA saMprAvepanta dhanvinaH  vAhanAni ca sarvANi zakRn mUtraM prasusruvuH 57  ity uktvA kezavaM tatra tathA coktvA vinizcayam  anujJAto nivavRte pariSvajya janArdanam 58  teSu rAjasu sarveSu nivRtteSu janArdanaH  tUrNam abhyapatad dhRSTaH sainyasugrIva vAhanaH 59  te hayA vAsudevasya dArukeNa pracoditAH  panthAnam Acemur iva grasamAnA ivAmbaram 60  athApazyan mahAbAhur RSIn adhvani kezavaH  brAhmyA zriyA dIpyamAnAn sthitAn ubhayataH pathi 61  so 'vatIrya rathAt tUrNam abhivAdya janArdanaH  yathAvat tAn RSIn sarvAn abhyabhASata pUjayan 62  kac cil lokeSu kuzalaM kac cid dharmaH svanuSThitaH  brAhmaNAnAM trayo varNAH kac cit tiSThanti zAsane 63  tebhyaH prayujya tAM pUjAM provAca madhusUdanaH  bhagavantaH kva saMsiddhAH kA vIthI bhavatAm iha 64  kiM vA bhagavatAM kAryam ahaM kiM karavANi vaH  kenArthenopasaMprAptA bhagavanto mahItalam 65  tam abravIj jAmadagnya upetya madhusUdanam  pariSvajya ca govindaM purA sucarite sakhA 66  devarSayaH puNyakRto brAhmaNAz ca bahuzrutAH  rAjarSayaz ca dAzArha mAnayantas tapasvinaH 67  devAsurasya draSTAraH purANasya mahAdyute  sametaM pArthivaM kSatraM didRkSantaz ca sarvataH 68  sabhAsadaz ca rAjAnas tvAM ca satyaM janArdana  etan mahat prekSaNIyaM draSTuM gacchAma kezava 69  dharmArthasahitA vAcaH zrotum icchAmi mAdhava  tvayocyamAnAH kuruSu rAjamadhye paraMtapa 70  bhISmadroNAdayaz caiva viduraz ca mahAmatiH  tvaM ca yAdava zArdUlasabhAyAM vai sameSyatha 71  tava vAkyAni divyAni tatra teSAM ca mAdhava  zrotum icchAmi govinda satyAni ca zubhAni ca 72  ApRSTo 'si mahAbAho punar drakSyAmahe vayam  yAhy avighnena vai vIra drakSyAmas tvAM sabhA gatam   |



|  1   [v]  prayAntaM devakIputraM paravIra rujo daza  mahArathA mahAbAhum anvayuH zastrapANayaH 2  padAtInAM sahasraM ca sAdinAM ca paraMtapa  bhojyaM ca vipulaM rAjan preSyAz ca zatazo 'pare 3   [j]  kathaM prayAto dAzArho mahAtmA madhusUdanaH  kAni vA vrajatas tasya nimittAni mahaujasaH 4   [v]  tasya prayANe yAny Asann adbhutAni mahAtmanaH  tAni me zRNu divyAni daivAny autpAtikAni ca 5  anabhre 'zaninirghoSaH savidyutsamajAyata  anvag eva ca parjanyaH prAvarSad vighane bhRzam 6  pratyag Uhur mahAnadyaH prAGmukhAH sindhusattamAH  vipArItA dizaH sarvA na prAjJAyata kiM cana 7  prAjvalann agnayo rAjan pRthivIsamakampata  udapAnAz ca kumbhAz ca prAsiJcaJ zatazo jalam 8  tamaH saMvRtam apy AsIt sarvaM jagad idaM tadA  na dizo nAdizo rAjan prajJAyante sma reNunA 9  prAdurAsIn mahAJ zabdaH khe zarIraM na dRzyate  sarveSu rAjan dezeSu tad adbhutam ivAbhavat 10  prAmathnAd dhAstina puraM vAto dakSiNapazcimaH  Arujan gaNazo vRkSAn paruSo bhImanisvanaH 11  yatra yatra tu vArSNeyo vartate pathi bhArata  tatra tatra sukho vAyuH sarvaM cAsIt pradakSiNam 12  vavarSa puSpavarSaM ca kamalAni ca bhUrizaH  samaz ca panthA nirduHkho vyapetakuza kaNTakaH 13  sa gacchan brAhmaNai rAjaMs tatra tatra mahAbhujaH  arcyate madhuparkaiz ca sumanobhir vasu pradaH 14  taM kiranti mahAtmAnaM vanyaiH puSpaiH sugandhibhiH  striyaH pathi samAgamya sarvabhUtahite ratam 15  sa zAlibhavanaM ramyaM sarvasasya samAcitam  sukhaM paramadharmiSTham atyagAd bharatarSabha 16  pazyan bahu pazUn grAmAn ramyAn hRdayatoSaNAn  purANi ca vyatikrAman rASTrANi vividhAni ca 17  nityahRSTAH sumanaso bhAratair abhirakSitAH  nodvignAH paracakrANAm anayAnAm akovidAH 18  upaplavyAd athAyAntaM janAH puranivAsinaH  pathy atiSThanta sahitA viSvaksena didRkSayA 19  te tu sarve sunAmAnam agnim iddham iva prabhum  arcayAm Asur arcyaM taM dezAtithim upasthitam 20  vRkasthalaM samAsAdya kezavaH paravIrahA  prakIrNarazmAv Aditye vimale lohitAyati 21  avatIrya rathAt tUrNaM kRtvA zaucaM yathAvidhi  rathamocanam Adizya saMdhyAm upaviveza ha 22  dAruko 'pi hayAn muktvA paricarya ca zAstrataH  mumoca sarvaM varmANi muktvA cainAn avAsRjat 23  abhyatItya tu tat sarvam uvAca madhusUdanaH  yudhiSThirasya kAryArtham iha vatsyAmahe kSapAm 24  tasya tan matam AjJAya cakrur AvasathaM narAH  kSaNena cAnna pAnAni guNavanti samArjayan 25  tasmin grAme pradhAnAs tu ya Asan brAhmaNA nRpa  AryAH kulInA hrImanto brAhmIM vRttim anuSThitAH 26  te 'bhigamya mahAtmAnaM hRSIkezam ariMdamam  pUjAM cakrur yathAnyAyam AzIr maGgalasaMyutAm 27  te pUjayitvA dAzArhaM sarvalokeSu pUjitam  nyavedayanta vezmAni ratnavanti mahAtmane 28  tAn prabhuH kRtam ity uktvA satkRtya ca yathArhataH  abhyetya teSAM vezmAni punar AyAt sahaiva taiH 29  sumRSTaM bhojayitvA ca brAhmaNAMs tatra kezavaH  bhuktvA ca saha taiH sarvair avasat tAM kSapAM sukham   |



|  1   [v]  tathA dUtaiH samAjJAya AyAntaM madhusUdanam  dhRtarASTro 'bravId bhISmam arcayitvA mahAbhujam 2  droNaM ca saMjayaM caiva viduraM ca mahAmatim  duryodhanaM ca sAmAtyaM hRSTaromAbravId idam 3  adbhutaM mahad AzcaryaM zrUyate kurunandana  striyo bAlAz ca vRddhAz ca kathayanti gRhe gRhe 4  satkRtyAcakSate cAnye tathaivAnye samAgatAH  pRthag vAdAz ca vartante catvareSu sabhAsu ca 5  upayAsyati dAzArhaH pANDavArthe parAkramI  sa no mAnyaz ca pUjyaz ca sarvathA madhusUdanaH 6  tasmin hi yAtrA lokasya bhUtAnAm Izvaro hi saH  tasmin dhRtiz ca vIryaM ca prajJA caujaz ca mAdhave 7  sa mAnyatAM narazreSThaH sa hi dharmaH sanAtanaH  pUjito hi sukhAya syAd asukhaH syAd apUjitaH 8  sa cet tuSyati dAzArha upacArair ariMdamaH  kRtsnAn sarvAn abhiprAyAn prApsyAmaH sarvarAjasu 9  tasya pUjArtham adyaiva saMvidhatsva paraMtapa  sabhAH pathi vidhIyantAM sarvakAmasamAhitAH 10  yathA prItir mahAbAho tvayi jAyeta tasya vai  tathA kuruSva gAndhAre kathaM vA bhISma manyase 11  tato bhISmAdayaH sarve dhRtarASTraM janAdhipam  UcuH paramam ity evaM pUjayanto 'sya tad vacaH 12  teSAm anumataM jJAtvA rAjA duryodhanas tadA  sabhA vAstUni ramyANi pradeSTum upacakrame 13  tato dezeSu dezeSu ramaNIyeSu bhAgazaH  sarvaratnasamAkIrNAH sabhAz cakrur anekazaH 14  AsanAni vicitrANi yuktAni vividhair guNaiH  striyo gandhAn alaMkArAn sUkSmANi vasanAni ca 15  guNavanty annapAnAni bhojyAni vividhAni ca  mAlyAni ca sugandhIni tAni rAjA dadau tataH 16  vizeSataz ca vAsArthaM sabhAM grAme vRkasthale  vidadhe kauravo rAjA bahuratnAM manoramAm 17  etad vidhAya vai sarvaM devArham atimAnuSam  Acakhyau dhRtarASTrAya rAjA duryodhanas tadA 18  tAH sabhAH kezavaH sarvA ratnAni vividhAni ca  asamIkSyaiva dAzArha upAyAt kuru sadma tat   |



|  1   [dhR]  upaplavyAd iha kSattar upayAto janArdanaH  vRkasthale nivasati sa ca prAtar ihaiSati 2  AhukAnAm adhipatiH purogaH sarvasAtvatAm  mahAmanA mahAvIryo mahAmAtro janArdanaH 3  sphItasya vRSNivaMzasya bhartA goptA ca mAdhavaH  trayANAm api lokAnAM bhagavAn prapitAmahaH 4  vRSNyandhakAH sumanaso yasya prajJAm upAsate  AdityA vasavo rudrA yathAbuddhiM bRhaspateH 5  tasmai pUjAM prayokSyAmi dAzArhAya mahAtmane  pratyakSaM tava dharmajJa tan me kathayataH zRNu 6  ekavarNaiH sukRSNAGgair bAhlijAtair hayottamaiH  caturyuktAn rathAMs tasmai raukmAn dAsyAmi SoDaza 7  nityaprabhinnAn mAtaGgAn ISA dantAn prahAriNaH  aSTAnucaram ekaikam aSTau dAsyAmi kezave 8  dAsInAm aprajAtAnAM zubhAnAM rukmavarcasAm  zatam asmai pradAsyAmi dAsAnAm api tAvataH 9  AvikaM bhahu susparzaM pArvatIyair upAhRtam  tad apy asmai pradAsyAmi sahasrANi dazASTa ca 10  ajinAnAM sahasrANi cIna dezodbhavAni ca  tAny apy asmai pradAsyAmi yAvad arhati kezavaH 11  divArAtrau ca bhAty eSa sutejA vimalo maNiH  tam apy asmai pradAsyAmi tam apy arhati kezavaH 12  ekenApi pataty ahnA yojanAni caturdaza  yAnam azvatarI yuktaM dAsye tasmai tad apy aham 13  yAvanti vAhanAny asya yAvantaH puruSAz ca te  tato 'STa guNam apy asmai bhojyaM dAsyAmy ahaM sadA 14  mama putrAz ca pautrAz ca sarve duryodhanAd Rte  pratyudyAsyanti dAzArhaM rathair mRSTair alaMkRtAH 15  svalaMkRtAz ca kalyANyaH pAdair eva sahasrazaH  vAra mukhyA mahAbhAgaM prayudyAsyanti kezavam 16  nagarAd api yAH kAz cid gamiSyanti janArdanam  draSTuM kanyAz ca kalyANyas tAz ca yAsyanty anAvRtAH 17  sastrI puruSabAlaM hi nagaraM madhusUdanam  udIkSate mahAtmAnaM bhAnumantam iva prajAH 18  mahAdhvajapatAkAz ca kriyantAM sarvatodizam  jalAvasikto virajAH panthAs tasyeti cAnvazAt 19  duHzAsanasya ca gRhaM duryodhana gRhAd varam  tad asya kriyatAM kSipraM susaMmRSTam alaMkRtam 20  etad dhi rucir AkAraiH prAsAdair upazobhitam  zivaM ca ramaNIyaM ca sarvartusu mahAdhanam 21  sarvam asmin gRhe ratnaM mama duryodhanasya ca  yad yad arhet sa vArSNeyas tat tad deyam asaMzayam   |



|  1   [vi]  rAjan bahumataz cAsi trailokyasyApi sattamaH  saMbhAvitaz ca lokasya saMmataz cAsi bhArata 2  yat tvam evaMgate brUyAH pazcime vayasi sthitaH  zAstrAd vA supratarkAd vA susthiraH sthaviro hy asi 3  lokhAzmanIva bhAH sUrye mahormir iva sAgare  dharmas tvayi mahAn rAjann iti vyavasitAH prajAH 4  sadaiva bhAvito loko guNaughais tava pArthiva  guNAnAM rakSaNe nityaM prayatasva sabAndhavaH 5  ArjavaM pratipadyasva mA bAlyAd bahudhA nazIH  rAjyaM putrAMz ca pautrAMz ca suhRdaz cApi supriyAn 6  yat tvaM ditsasi kRSNAya rAjann atithaye bahu  etad anyac ca dAzArhaH pRthivIm api cArhati 7  na tu tvaM dharmam uddhizya tasya vA priyakAraNAt  etad icchasi kRSNAya satyenAtmAnam Alabhe 8  mAyaiSAtattvam evaitac chadmaitad bhUridakSiNa  jAnAmi te mataM rAjan gUDhaM bAhyena karmaNA 9  paJca paJcaiva lipsanti grAmakAn pAnavA nRpa  na ca ditsasi tebhyas tAMs tac chamaM kaH kariSyati 10  arthena tu mahAbAhuM vArSNeyaM tvaM jihIrSasi  anenaivAbhyupAyena pANDavebhyo bibhitsasi 11  na ca vittena zakyo 'sau nodyamena na garhayA  anyo dhanaMjayAt kartum etat tattvaM bravImi te 12  veda kRSNasya mAhAtmyaM vedAsya dRDhabhaktitAm  atyAjyam asya jAnAmi prANais tulyaM dhanaMjayam 13  anyat kumbhAd apAM purNAd anyat pAdAvasecanAt  anyat kuzalasaMpraznAn naiSiSyati janArdanaH 14  yat tv asya priyam AtithyaM mAnArhasya mahAtmanaH  tad asmai kriyatAM rAjan mAnArho hi janArdanaH 15  AzaMsamAnaH kalyANaM kurUn abhyeti kezavaH  yenaiva rAjann arthena tad evAsmA upAkuru 16  zamam icchati dAzArhas tava duryodhanasya ca  pANDavAnAM ca rAjendra tad asya vacanaM kuru 17  pitAsi rAjan putrAs te vRddhas tvaM zizavaH pare  vartasva pitRvat teSu vartante te hi putravat   |



|  1   [dur]  yad Aha virudaH kRSNe sarvaM tat satyam ucyate  anurakto hy asaMhAryaH pArthAn prati janArdanaH 2  yat tu satkArasaMyuktaM deyaM vasu janArdane  anekarUpaM rAjendra na tad deyaM kadA cana 3  dezaH kAlas tathAyukto na hi nArhati kezavaH  maMsyaty adhokSajo rAjan bhayAd arcati mAm iti 4  avamAnaz ca yatra syAt kSatriyasya vizAM pate  na tat kuryAd budhaH kAryam iti me nizcitA matiH 5  sa hi pUjyatamo devaH kRSNaH kamalalocanaH  trayANAm api lokAnAM viditaM mama sarvathA 6  na tu tasmin pradeyaM syAt tathA kAryagatiH prabho  vigrahaH samupArabdho na hi zAmyaty avigrahAt 7   [v]  tasya tad vacanaM zrutvA bhISmaH kurupitAmahaH  vaicitravIryaM rAjAnam idaM vacanam abravIt 8  satkRto 'satkRto vApi na krudhyeta janArdanaH  nAlam anyam avajJAtum avajJAto 'pi kezavaH 9  yat tu kAryaM mahAbAho manasA kAryatAM gatam  sarvopAyair na tac chakyaM kena cit kartum anyathA 10  sa yad brUyAn mahAbAhus tat kAryam avizaGkayA  vAsudevena tIrthena kSipraM saMzAmya pANDavaiH 11  dharmyam arthyaM sa dharmAtmA dhruvaM vaktA janArdanaH  tasmin vAcyAH priyA vAco bhavatA bAndhavaiH saha 12   [dur]  na paryAyo 'sti yad rAjaJ zriyaM niSkevalAm aham  taiH sahemAm upAznIyAM jIvaJ jIvaiH pitAmaha 13  idaM tu sumahat kAryaM zRNu me yat samarthitam  parAyaNaM pANDavAnAM niyaMsyAmi janArdanam 14  tasmin baddhe bhaviSyanti vRSNayaH pRthivI tathA  pANDavAz ca vidheyA me sa ca prAtar ihaiSyati 15  atropAyaM yathA samyaG na budhyeta janArdanaH  na cApAyo bhavet kaz cit tad bhavAn prabravItu me 16   [v]  tasya tad vacanaM zrutvA ghoraM kRSNAbhisaMhitam  dhRtarASTraH sahAmAtyo vyathito vimanAbhavat 17  tato duryodhanam idaM dhRtarASTro 'bravId vacaH  maivaM vocaH prajA pAla naiSa dharmaH sanAtanaH 18  dUtaz ca hi hRSIkezaH saMbandhI ca priyaz ca naH  apApaH kauraveyeSu kathaM bandhanam arhati 19   [bhIsma]  parIto dhRtarASTrAyaM tava putraH sumandadhIH  vRNoty anarthaM natv arthaM yAcyamAnaH suhRdgaNaiH 20  imam utpathi vartantaM pApaM pApAnubandhinam  vAkyAni suhRdAM hitvA tvam apy asyAnuvartase 21  kRSNam akliSTakarmANam AsAdyAyaM sudurmatiH  tava putraH sahAmAtyaH kSaNena na bhaviSyati 22  pApasyAsya nRzaMsasya tyaktaharmasya durmateH  notsahe 'narthasaMyuktAM vAcaM zrotuM kathaM cana 23   [v]  ity uktvA bharatazreSTho vRddhaH paramamanyumAn  utthAya tasmAt prAtiSThad bhISmaH satyaparAkramaH   |



|  1   [v]  prAtar utthAya kRSNas tu kRtavAn sarvam Ahnikam  brAhmaNair abhyanujJAtaH prayayau nagaraM prati 2  taM prayAntaM mahAbAhum anujJApya tato nRpa  paryavartanta te sarve vRkasthalanivAsinaH 3  dhArtarASTrAs tam AyAntaM pratyujjagmuH svalaMkRtAH  duryodhanam Rte sarve bhISmadroNakRpAdayaH 4  paurAz ca bahulA rAjan hRSIkezaM didRkSavaH  yAnair bahuvidhair anye padbhir eva tathApare 5  sa vai pathi samAgamya bhISmeNAkliSTa karmaNA  droNena dhArtarASTraiz ca tair vRto nagaraM yayau 6  kRSNa saMmAnanArthaM ca nagaraM samalaMkRtam  babhUvU rAjamArgAz ca bahuratnasamAcitAH 7  na sma kaz cid gRhe rAjaMs tad AsId bharatarSabha  na strI na vRddho na zizur vAsudeva didRkSayA 8  rAjamArge narA na sma saMbhavanty avaniM gatAH  tathA hi sumahad rAjan hRSIkeza pravezane 9  AvRtAni varastrIbhir gRhANi sumahAnty api  pracalantIva bhAreNa dRzyante sma mahItale 10  tathA ca gatimantas te vAsudevasya vAjinaH  pranaSTagatayo 'bhUvan rAjamArge narair vRte 11  sa gRhaM dhRtarASTrasya prAvizac chatrukarzanaH  pANDuraM puNDarIkAkSaH prAsAdair upazobhitam 12  tisraH kakSyA vyatikramya kezavo rAjavezmanaH  vaicitra vIryaM rAjAnam abhyagacchad ariMdamaH 13  ahyAgacchati dAzArhe prajJA cakSur narezvaraH  sahaiva droNa bhISmAbhyAm udatiSThan mahAyazAH 14  kRpaz ca somadattaz ca mahArAjaz ca bAhlikaH  Asanebhyo 'calan sarve pUjayanto janArdanam 15  tato rAjAnam AsAdya dhRtarASTraM yazasvinam  sa bhISmaM pUjayAm Asa vArSNeyo vAgbhir aJjasA 16  teSu dharmAnupUrvIM tAM prayujya madhusUdanaH  yathA vayaH samIyAya rAjabhis tatra mAdhavaH 17  atha droNaM saputraM sa bAhlIkaM ca yazasvinam  kRpaM ca somadattaM ca samIyAya janArdanaH 18  tatrAsId UrjitaM mRSTaM kAJcanaM mahad Asanam  zAsanAd dhRtarASTrasya tatropAvizad acyutaH 19  atha gAM madhuparkaM cApy udakaM ca janArdane  upajahrur yathAnyAyaM dhRtarASTra purohitAH 20  kRtAtithyas tu govindaH sarvAn parihasan kurUn  Aste saMbandhakaM kurvan kurubhiH parivAritaH 21  so 'rcito dhRtarASTreNa pUjitaz ca mahAyazAH  rAjAnaM samanujJApya nirAkrAmad ariMdamaH 22  taiH sametya yathAnyAyaM kurubhiH kurusaMsadi  vidurAvasathaM ramyam upAtiSThata mAdhavaH 23  viduraH sarvakalyANair abhigamya janArdanam  arcayAm Asa dAzArhaM sarvakAmair upasthitam 24  kRtAtithyaM tu govindaM viduraH sarvadharmavit  kuzalaM pANDuputrANAm apRcchan madhusUdanam 25  prIyamANasya suhRdo viduSo buddhisattamaH  dharmanityasya ca tadA gatadoSasya dhImataH 26  tasya sarvaM savistAraM pANDavAnAM viceSTitam  kSattur AcaSTa dAzArhaH sarvapratyakSadarzivAn   |



|  1   [v]  athopagamya viduram apahAhNe janArdanaH  pitRSvasAraM govindaH so 'bhyagacchad ariMdamaH 2  sA dRSTvA kRSNam AyAntaM prasannAditya varcasam  kaNThe gRhItvA prAkrozat pRthA pArthAn anusmaran 3  teSAM sattvavatAM madhye govindaM sahacAriNam  cirasya dRSTvA vArSNeyaM bASpam AhArayat pRthA 4  sAbravIt kRSNam AsInaM kRtAtithyaM yudhAM patim  bASpagadgada pUrNena mukhena parizuSyatA 5  ye te bAlyAt prabhRtyeva guruzuzrUSaNe ratAH  parasparasya suhRdaH saMmatAH samacetasaH 6  nikRtyA bhraMzitA rAjyAj janArhA nirjanaM gatAH  vinItakrodhaharzAz ca brahmaNyAH satyavAdinaH 7  tyaktvA priya sukhe pArthA rudantIm apahAya mAm  ahArSuz ca vanaM yAntaH samUlaM hRdayaM mama 8  atadarhA mahAtmAnaH kathaM kezava pANDavAH  USur mahAvane tAta siMhavyAghra gajAkule 9  bAlA vihInAH pitrA te mayA satatalAlitAH  apazyantaH svapitarau katham USur mahAvane 10  zaGkhadundubhinirghoSair mRdaGgair vaiNavair api  pANDavAH samabodhyanta bAlyAt prabhRti kezava 11  ye sma vAraNazabdena hayAnAM heSitena ca  rathanemi ninAdaiz ca vyabodhyanta sadA gRhe 12  zaGkhabherI ninAdena veNuvINAnunAdinA  puNyAhaghoSamizreNa pUjyamAnA dvijAtibhiH 13  vastrai ratnair alaMkAraiH pUjayanto dvijanmanaH  gIrbhir maGgalayuktAbhir bAhmaNAnAM mahAtmanAm 14  arcitair arcanArhairz ca stubvadbhir abhinanditAH  prAsAdAgreSv abodhyanta rAGka vAjina zAyinaH 15  te nUnaM ninadaM zrutvA zvApadAnAM mahAvane  na smopayAnti nidrAM vai atadarhA janArdana 16  bherImRdaGganinanaiH zaGkhavaiNava nisvanaiH  strINAM gItaninAdaiz ca madhurair madhusUdana 17  bandi mAgadha sUtaiz ca stuvadbhir bodhitAH katham  mahAvane vyabodhyanta zvApadAnAM rutena te 18  hrImAn satyadhRtir dAnto bhUtAnAm anukampitA  kAmadveSau vaze kRtvA satAM vartmAnuvartate 19  ambarISasya mAndhAtur yayAter nahuSasya ca  bharatasya dilIpasya ziber auzInarasya ca 20  rAjarSINAM purANAnAM dhuraM dhatte durudvahAm  zIlavRttopasaMpanno dharmajJaH satyasaMgaraH 21  rAjA sarvaguNopetas trailokyasyApi yo bhavet  ajAtazatrur dharmAtmA zuddhajAmbUnadaprabhaH 22  zreSThaH kuruSu sarveSu dharmataH zrutavRttataH  priyadarzano dIrghabhujaH kathaM kRSNa yudhiSThiraH 23  yaH sa nAgAyuta prANo vAtaraMhA vRkodaraH  amarSI pANDavo nityaM priyo bhrAtuH priyaM karaH 24  kIcakasya ca sajJAter yo hantA madhusUdana  zUraH krodhavazAnAM ca hiDimbasya bakasya ca 25  parAkrame zakrasamo vAyuvegasamo jave  mahezvara samaH krodhe bhImaH praharatAM varaH 26  krodhaM balam amarSaM ca yo nidhAya paraMtapaH  jitAtmA pANDavo 'marSI bhrAtus tiSThati zAsane 27  tejorAziM mahAtmAnaM balaugham amitaujasam  bhImaM pradarzanenApi bhImasenaM janArdana  taM mamAcakSva vArSNeya katham adya vRkodaraH 28  Aste parighabAhuH sa madhyamaH pANDavo 'cyuta  arjunenArjuno yaH sa kRSNa bAhusahasriNA  dvibAhuH spardhate nityam atItenApi kezava 29  kSipaty ekena vegena paJcabANazatAni yaH  iSvastre sadRze rAjJaH kArtavIryasya pANDavaH 30  tejasAdityasadRzo maharSipratimo dame  kSamayA pRthivI tulyaM mahendrasamavikramaH 31  AdhirAjyaM mahad dIptaM prathitaM madhusUdana  AhRtaM yena vIryeNa kurUNAM sarvarAjasu 32  yasya bAhubalaM ghoraM kauravAH paryupAsate  sa sarvarathinAM zreSTha pANDavaH satyavikramaH 33  yo 'pAzrayaH pANDavAnAM devAnAm iva vAsavaH  sa te bhrAtA sakhA caiva katham adya dhanaMjayaH 34  dayAvAn sarvabhUteSu hrIniSedho mahAstravit  mRduz ca sukumAraz ca dhArmikaz ca priyaz ca me 35  sahadevo maheSvAsaH zUraH samitizobhanaH  bhrAtRRNAM kRSNa zuzrUSur dharmArthakuzalo yuvA 36  sadaiva sahadevasya bhrAtaro madhusUdana  vRttaM kalyANa vRttasya pUjayanti mahAtmanaH 37  jyeSThApacAyinaM vIraM sahadevaM yudhAM patim  zuzrUSuM mama vArSNeya mAdrIputraM pracakSva me 38  sukumAro yuvA zUro darzanIyaz ca pANDavaH  bhrAtRRNAM kRSNa sarveSAM priyaH prANo bahizcaraH 39  citrayodhI ca nakulo maheSvAso mahAbalaH  kac cit sa kuzalI kRSNa vatso mama sukhaidhitaH 40  sukhocitam aduHkhArhaM sukumAraM mahAratham  api jAtu mahAbAho pazyeyaM nakulaM punaH 41  pakSma saMpAtaje kAle nakulena vinAkRtA  na labhAmi sukhaM vIra sAdya jIvAmi pazya mAm 42  sarvaiH putraiH priyatamA draupadI me janArdana  kulInA zIlasaMpannA sarvaiH samuditA guNaiH 43  putra lokAt patilokAn vRNvAnA satyavAdinI  priyAn putrAn parityajya pANDavAn anvapadyata 44  mahAbhijana saMpannA sarvakAmaiH supUjitA  IzvarI sarvakalyANI draupadI katham acyuta 45  patibhiH paJcabhiH zUrair agnikalpaiH prahAribhiH  upapannA maharSvAsair draupadI duHkhabhAginI 46  caturdazam imaM varSaM yan nApazyam ariMdama  putrAdhibhiH paridyUnAM draupadIM satyavAdinIm 47  na nUnaM karmabhiH puNyair aznute puruSaH sukham  draupadI cet tathA vRttA nAznute sukham avyayam 48  na priyo mama kRSNAya bIbhatsur na yudhiSThiraH  bhImaseno yamau vApi yad apazyaM sabhA gatAm 49  na me duHkhataraM kiM cid bhUtapUrvaM tato 'dhikam  yad draupadIM nivAtasthAM zvazurANAM samIpagAm 50  AnAyitAm anAryeNa krodhalobhAnuvartinA  sarve praikSanta kurava ekavastrAM sabhA gatAm 51  tatraiva dhRtarASTraz ca mahArAjaz ca bAhlikaH  kRpaz ca somadattaz ca nirviNNAH kuravas tathA 52  tasyAM saMsadi sarvasyAM kSattAraM pUjayAmy aham  vRttena hi bhavaty Aryo na dhanena na vidyayA 53  tasya kRSNa mahAbuddher gambhIrasya mahAmanaH  kSattuH zIlam alaMkAro lokAn viSTabhya tiSThati 54  sA zokArtA ca hRSTA ca dRSTvA govindam Agatam  nAnAvidhAni duHkhAni sarvANy evAnvakIrtayat 55  pUrvair AcaritaM yat tat kurAjabhir ariMdama  akSadyUtaM mRgavadhaH kac cid eSAM sukhAvaham 56  tan mAM dahati yat kRSNA sabhAyAM kuru saMnidhau  dhArtarASTraiH parikliSTA yathA na kuzalaM tathA 57  nirvAsanaM ca nagarAt pravrajyA ca paraMtapa  nAnAvidhAnAM duHkhAnAm AvAso 'smi janArdana  ajJAtacaryA bAlAnAm avarodhaz ca kezava 58  na sma klezatamaM me syAt putraiH saha paraMtapa  duryodhanena nikRtA varSam adya caturdazam 59  duHkhAd api sukhaM na syAd yadi puNyaphalakSayaH  na me vizeSo jAtv AsId dhArtarASTreSu pANDavaiH 60  tena satyena kRSNa tvAM hatAmitraM zriyA vRtam  asmAd vimuktaM saMgrAmAt pazyeyaM pANDavaiH saha  naiva zakyAH parAjetuM sattvaM hy eSAM tathAgatam 61  pitaraM tv eva garheyaM nAtmAnaM na suyodhanam  yenAhaM kuntibhojAya dhanaM dhUrtair ivArpitA 62  bAlAM mAm Aryakas tubhyaM krIDantIM kandu hastakAm  adadAt kuntibhojAya sakhA sakhye mahAtmane 63  sAhaM pitrA ca nikRtA zvazuraiz ca paraMtapa  atyantaduHkhitA kRSNa kiM jIvitaphalaM mama 64  yan mA vAg abravIn naktaM sUtake savyasAcinaH  putras te pRthivIM jetA yazaz cAsya divaM spRzet 65  hatvA kurUn grAmajanye rAjyaM prApya dhanaMjayaH  bhrAtRbhiH saha kaunteyas trIn medhAn AhariSyati 66  nAhaM tAm abhyasUyAmi namo dharmAya vedhase  kRSNAya mahate nityaM dharmo dhArayati prajAH 67  dharmaz ced asti vArSNeya tathA satyaM bhaviSyati  tvaM cApi tat tathA kRSNa sarvaM saMpAdayiSyasi 68  na mAM mAdhava vaidhavyaM nArthanAzo na vairitA  tathA zokAya bhavati yathA putrair vinAbhavaH 69  yAhaM gANDIvadhanvAnaM sarvazastrabhRtAM varam  dhanaMjayaM na pazyAmi kA zAntir hRdayasya me 70  idaM caturdazaM varSaM yan nApazyaM yudhiSThiram  dhanaMjayaM ca govinda yamau taM ca vRkodaram 71  jIvanAzaM pranaSTAnAM zrAddhaM kurvanti mAnavAH  arthatas te mama mRtAs teSAM cAhaM janArdana 72  brUyA mAdhava rAjAnaM dharmAtmAnaM yudhiSThiram  bhUyAMs te hIyate dharmo mA putraka vRthA kRthAH 73  parAzrayA vAsudeva yA jIvAmi dhig astu mAm  vRtteH kRpaNa labdhAyA apratiSThaiva jyAyasI 74  atho dhanaMjayaM brUyA nityodyuktaM vRkodaram  yadarthaM kSatriyA sUte tasya vo 'tikramiSyati 75  asmiMz ced Agate kAle kAlo vo'tikramiSyati  lokasaMbhAvitAH santaH sunRzaMsaM kariSyatha 76  nRzaMsena ca vo yuktAMs tyajeyaM zAzvatIH samAH  kAle hi samanuprApte tyaktavyam api jIvitam 77  mAdrIputrau ca vaktavyau kSatradharmaratau sadA  vikrameNArjitAn bhogAn vRNItaM jIvitAd api 78  vikramAdhigatA hy arthAH kSatradharmeNa jIvataH  mano manuSyasya sadA prINanti puruSottama 79  gatvA brUhi mahAbAho sarvazastrabhRtAM varam  arjunaM pANDavaM vIraM draupadyAH padavIM cara 80  viditau hi tavAtyantaM kruddhAv iva yathAntakau  bhImArjunau nayetAM hi devAn api parAM gatim 81  tayoz caitad avajJAnaM yat sA kRSNA sabhAM gatA  duHzAsanaz ca karNaz ca paruSANy abhyabhASatAm 82  duryodhano bhImasenam abhyagacchan manasvinam  pazyatAM kurumukhyAnAM tasya drakSyati yat phalam 83  na hi vairaM samAsAdya prazAmyati vRkodaraH  sucirAd api bhImasya na hi vairaM prazAmyati  yAvadantaM na nayati zAtravAJ zatrukarzanaH 84  na duHkhaM rAjyaharaNaM na ca dyUte parAjayaH  pravrAjanaM ca putrANAM na me tadduHkhakAraNam 85  yat tu sA bRhatI zyAmA ekavastrA sabhAM gatA  azRNot paruSA vAcas tato duHkhataraM nu kim 86  strI dharmiNI varArohA kSatradharmaratA sadA  nAdhyagacchat tathA nAthaM kRSNA nAthavatI satI 87  yasyA mama saputrAyAs tvaM nAtho madhusUdana  rAmaz ca balinAM zreSThaH pradyumnaz ca mahArathaH 88  sAham evaMvidhaM duHkhaM sahe 'dya puruSottama  bhIme jIvati durdharSe vijaye cApalAyini 89  tata AzvAsayAm Asa putrAdhibhir abhiplutAm  pitRSvasAraM zocantIM zauriH pArtha sakhaH pRthAm 90  kA nu sImantinI tvAdRg lokeSv asti pitRSvasaH  zUrasya rAjJo duhitA AjamIDha kulaM gatA 91  mahAkulInA bhavatI drahAd dhradam ivAgatA  IzvarI sarvakalyANI bhartA paramapUjitA 92  vIrasUr vIra patnI ca sarvaiH samuditA guNaiH  sukhaduHkhe mahAprAjJe tvAdRzI soDhum arhati 93  nidrA tandrI krodhaharSau kSutpipAse himAtapau  etAni pArthA nirjitya nityaM vIrAH sukhe ratAH 94  tyaktagrAmya sukhAH pArthA nityaM vIra sukhapriyAH  na te svalpena tuSyeyur mahotsAhA mahAbalAH 95  antaM dhIrA niSevante madhyaM grAmyasukhapriyAH  uttamAMz ca pariklezAn bhogAMz cAtIva mAnuSAn 96  anteSu remire dhIrA na te madhyeSu remire  antaprAptiM sukhAm Ahur duHkham antaram antayoH 97  abhivAdayanti bhavatIM pANDavAH saha kRSNayA  AtmAnaM ca kuzalinaM nivedyAhur anAmayam 98  arogAn sarvasiddhArthAn kSipraM drakSyasi pANDavAn  IzvarAn sarvalokasya hatAmitrAJ zriyA vRtAn 99  evam AzvAsitA kuntI pratyuvAca janArdanam  putrAdhibhir abhidhvastA nigRhyAbuddhijaM tamaH 100  yad yat teSAM mahAbAho pathyaM syAn madhusUdana  yathA yathA tvaM manyethAH kuryAH kRSNa tathA tathA 101  avilopena dharmasya anikRtyA paraMtapa  prabhAvajJAsmi te kRSNa satyasyAbhijanasya ca 102  vyavasthAyAM ca mitreSu buddhivikramayos tathA  tvam eva naH kule dharmas tvaM satyaM tvaM tapo mahat 103  tvaM trAtA tvaM mahad brahma tvayi sarvaM pratiSThitam  yathaivAttha tathaivaitat tvayi satyaM bhaviSyati 104  tAm Amantrya ca govindaH kRtvA cAbhipradakSiNam  prAtiSThata mahAbAhur duryodhana gRhAn prati   |



|  1   [v]  pRthAm Amantrya govindaH kRtvA cApi pradakSiNam  duryodhana gRhaM zaurir abhyagacchad ariMdamaH 2  lakSmyA paramayA yuktaM puraMdara gRhopamam  tasya kakSyA vyatikramya tisro dvAHsthair avAritaH 3  tato 'bhraghanasaMkAzaM girikUTam ivocchritam  zriyA jvalantaM prAsAdam Aruroha mahAyazAH 4  tatra rAjasahasraiz ca kurubhiz cAbhisaMvRtam  dhArtarASTraM mahAbAhuM dadarzAsInam Asane 5  duHzAsanaM ca karNaM ca zakuniM cApi saubalam  duryodhana samIpe tAn AsanasthAn dadarza saH 6  abhyAgacchati dAzArhe dhArtarASTro mahAyazAH  udatiSThat sahAmAtyaH pUjayan madhusUdanam 7  sametya dhArtarASTreNa sahAmAtyena kezavaH  rAjabhis tatra vArSNeyaH samAgacchad yathA vayaH 8  tatra jAmbUnadamayaM paryaGkaM supariSkRtam  vividhAstaraNAstIrNam abhyupAvizad acyutaH 9  tasmin gAM madhuparkaM ca upahRtya janArdane  nivedayAm Asa tadA gRhAn rAjyaM ca kauravaH 10  tatra govindam AsInaM prasannAditya varcasam  upAsAM cakrire sarve kuravo rAjabhiH saha 11  tato duryodhano rAjA vArSNeyaM jayatAM varam  nyamantrayad bhojanena nAbhyanandac ca kezavaH 12  tato duryodhanaH kRSNam abravId rAjasaMsadi  mRdupUrvaM zaThodarkaM karNam AbhASya kauravaH 13  kasmAd annAni pAnAni vAsAMsi zayanAni ca  tvadartham upanItAni nAgrahIs tvaM janArdana 14  ubhayoz cAdadaH sAhyam ubhayoz ca hate rataH  saMbandhI dayitaz cAsi dhRtarASTrasya mAdhava 15  tvaM hi govinda dharmArthau vettha tattvena sarvazaH  tatra kAraNam icchAmi zrotuM cakragadAdhara 16  sa evam ukto govindaH pratyuvAca mahAmanAH  oghameghasvanaH kAle pragRhya vipulaM bhujam 17  anambU kRtam agrastam anirastam asaMkulam  rAjIvanetro rAjAnaM hetumadvAkyam uttamam 18  kRtArthA bhuJjate dUtAH pUjAM gRhNanti caiva hi  kRtArthaM mAM sahAmAtyas tvam arciSyasi bhArata 19  evam uktaH pratyuvAca dhArtarASTro janArdanam  na yuktaM bhavatAsmAsu pratipattum asAMpratam 20  kRtArthaM cAkRtArthaM ca tvAM vayaM madhusUdana  yatAmahe pUjayituM govinda na ca zaknumaH 21  na ca tat kAraNaM vidmo yasmin no madhusUdana  pUjAM kRtAM prIyamANair nAmaMsthAH puruSottama 22  vairaM no nAsti bhavatA govinda na ca vigrahaH  sa bhavAn prasamIkSyaitan nedRzaM vaktum arhati 23  evam uktaH pratyuvAca dhArtarASTraM janArdanaH  abhivIkSya sahAmAtyaM dAzArhaH prahasann iva 24  nAhaM kAmAn na saMrambhAn na dveSAn nArthakAraNAt  na hetuvAdAl lobhAd vA dharmaM jahyAM kathaM cana 25  saMprIti bhojyAny annAni Apad bhojyAni vA punaH  na ca saMprIyase rAjan na cApy Apad gatA vayam 26  akasmAd dviSase rAjaJ janmaprabhRti pANDavAn  priyAnuvartino bhrAtRRn sarvaiH samuditAn guNaiH 27  akasmAc caiva pArthAnAM dveSaNaM nopapadyate  dharme sthitAH pANDaveyAH kas tAn kiM vaktum arhati 28  yas tAn dveSTi sa mAM dveSTi yas tAn anu sa mAm anu  aikAtmyaM mAM gataM viddhi pANDavair dharmacAribhiH 29  kAmakrodhAnuvartI hi yo mohAd virurutsate  guNavantaM ca yo dveSTi tam AhuH puruSAdhamam 30  yaH kalyANa guNAJ jJAtIn mohAl lobhAd didRkSate  so 'jitAtmAjita krodho naciraM tiSThati zriyam 31  atha yo guNasaMpannAn hRdayasyApriyAn api  priyeNa kurute vazyAMz ciraM yazasi tiSThati 32  sarvam etad abhoktavyam annaM duSTAbhisaMhitam  kSattur ekasya bhoktavyam iti me dhIyate matiH 33  evam uktvA mahAbAhur duryodhanam amarSaNam  nizcakrAma tataH zubhrAd dhArtarASTra nivezanAt 34  niryAya ca mahAbAhur vAsudevo mahAmanAH  nivezAya yayau vezma virudasya mahAtmanaH 35  tam abhyagacchad droNaz ca kRpo bhISmo 'tha bAhlikaH  kuravaz ca mahAbAhuM virudasya gRhe sthitam 36  te 'bhigamyAbruvaMs tatra kuravo madhusUdanam  nivedayAmo vArSNeya saratnAMs te gRhAnvayam 37  tAn uvAca mahAtejAH kauravAn madhusUdanaH  sarve bhavanto gacchantu sarvA me 'pacitiH kRtA 38  yAteSu kuruSu kSattA dAzArham aparAjitam  abhyarcayAm Asa tadA sarvakAmaiH prayatnavAn 39  tataH kSattAnna pAnAni zucIni guNavanti ca  upAharad anekAni kezavAya mahAtmane 40  tair tarpayitvA prathamaM brAhmaNAn madhusUdanaH  vedavidbhyo dadau kRSNaH paramadraviNAny api 41  tato 'nuyAyibhiH sArdhaM marudbhir iva vAsavaH  vidurAnnAni bubhuje zucIni guNavanti ca   |



|  1   [v]  taM bhuktavantam AzvastaM nizAyAM viduro 'bravIt  nedaM samyag vyavasitaM kezavAgamanaM tava 2  ardhadharmAtigo mUDhaH saMrambhI ca janArdana  mAnaghno mAnakAmaz ca vRddhAnAM zAsanAtigaH 3  dharmazAstrAtigo mando durAtmA pragrahaM gataH  aneyaH zreyasAM pApo dhArtarASTro janArdana 4  kAmAtmA prAjJamAnI ca mitradhruk sarvazaGkitaH  akartA cAkRtajJaz ca tyaktadharmaH priyAnRtaH 5  etaiz cAnyaiz ca bahubhir doSair eSa samanvitaH  tvayocyamAnaH zreyo 'pi saMrambhAn na grahISyati 6  senA samudayaM dRSTvA pArthivaM madhusUdana  kRtArthaM manyate bAla AtmAnam avicakSaNaH 7  ekaH karNaH parAJ jetuM samartha iti nizcitam  dhArtarASTrasya durbuddheH sa zamaM nopayAsyati 8  bhISme droNe kRpe karNe droNaputre jayadrathe  bhUyasIM vartate vRttiM na zame kurute manaH 9  nizcitaM dhArtarASTrANAM sakarNAnAM janArdana  bhISmadroNakRpAn pArthA na zaktAH prativIkSitum 10  saMvic ca dhArtarASTrANAM sarveSAm eva kezava  zame prayatamAnasya tava saubhrAtra kAGkSiNaH 11  na pANDavAnAm asmAbhiH pratideyaM yathocitam  iti vyavasitAs teSu vacanaM syAn nirarthakam 12  yatra sUktaM duruktaM ca samaM syAn madhusUdana  na tatra pralapet prAjJo badhireSv iva gAyanaH 13  avijAnatsu mUDheSu nirmaryAdeSu mAdhava  na tvaM vAkyaM bruvan yuktaz cANDAleSu dvijo yathA 14  so 'yaM balastho mUDhaz ca na kariSyati te vacaH  tasmin nirarthakaM vAkyam uktaM saMpatsyate tava 15  teSAM samupaviSTAnAM sarveSAM pApacetasAm  tava madhyAvataraNaM mama kRSNa na rocate 16  durbuddhInAm aziSTAnAM bahUnAM pApacetasAm  pratIpaM vacanaM madhye tava kRSNa na rocate 17  anupAsitavRddhatvAc chriyA mohAc ca darpitaH  vayo darpAd amarSAc ca na te zreyo grahISyati 18  balaM balavad apy asya yadi vakSyasi mAdhava  tvayy asya mahatI zaGkA na kariSyati te vacaH 19  nedam adya yudhA zakyam indreNApi sahAmaraiH  iti vyavasitAH sarve dhArtarASTrA janArdana 20  teSv evam upapanneSu kAmakrodhAnuvartiSu  samartham api te vAkyam asamarthaM bhaviSyati 21  madhye tiSThan hastyanIkasya mando; rathAzvayuktasya balasya mUDhaH  duryodhano manyate vItamanyuH; kRtsnA mayeyaM pRthivI jiteti 22  AzaMsate dhRtarASTrasya putro; mahArAjyam asapatnaM pRthivyAm  tasmiJ zamaH kevalo nopalabhyo; baddhaM santam AgataM manyate 'rtham 23  paryasteyaM pRthivI kAlapakvA; duryodhanArthe pANDavAn yoddhukAmAH  samAgatAH sarvayodhAH pRthivyAM; rAjAnaz ca kSitipAlaiH sametAH 24  sarve caite kRtavairAH purastAt; tvayA rAjAno hRtasArAz ca kRSNa  tavodvegAt saMzritA dhArtarASTrAn; susaMhatAH saha karNena vIrAH 25  tyaktAtmAnaH saha duryodhanena; sRSTA yoddhuM pANDavAn sarvayodhAH  teSAM madhye pravizethA yadi tvaM; na tan mataM mama dAzArha vIra 26  teSAM samupaviSTAnAM bahUnAM duSTacetasAm  kathaM madhyaM prapadyethAH zatrUNAM zatrukarzana 27  sarvathA tvaM mahAbAho devair api durutsahaH  prabhAvaM pauruSaM buddhiM jAnAmi tava zatruhan 28  yA me prItiH pANDaveSu bhUyaH sA tvayi mAdhava  premNA ca bahumAnAc ca sauhRdAc ca bravImy aham   |



|  1   [bha]  yathA brUyAn mahAprAjJo yathA brUyAd vicakSaNaH  yathA vAcyas tvadvidhena suhRdA madvidhaH suhRt 2  dharmArthayuktaM tathyaM ca yathA tvayy upapadyate  tathA vacanam ukto 'smi tvayaitat pitRmAtRvat 3  satyaM prAptaM ca yuktaM cApy evam eva yathAttha mAm  zRNuSvAgamane hetuM vidurAvahito bhava 4  daurAtmyaM dhArtarASTrasya kSatriyANAM ca vairitAm  sarvam etad ahaM jAnan kSattaH prApto 'dya kauravAn 5  paryastAM pRthivIM sarvAM sAzvAM saratha kuJjarAm  yo mocayen mRtyupAzAt prApnuyAd dharmam uttamam 6  dharmakAryaM yataJ zaktyA na cec chaknoti mAnavaH  prApto bhavati tat puNyam atra me nAsti saMzayaH 7  manasA cintayan pApaM karmaNA nAbhirocayan  na prApnoti phalaM tasya evaM dharmavido viduH 8  so 'haM yatiSye prazamaM kSattaH kartum amAyayA  kurUNAM sRJjayAnAM ca saMgrAme vinaziSyatAm 9  seyam Apan mahAghorA kuruSv eva samutthitA  karNa duryodhana kRtA sarve hy ete tad anvayAH 10  vyasanaiH klizyamAnaM hi yo mitraM nAbhipadyate  anunIya yathAzakti taM nRzaMsaM vidur budhAH 11  A kezagrahaNAn mitram akAryAt saMnivartayan  avAcyaH kasya cid bhavati kRtayatno yathAbalam 12  tat samarthaM zubhaM vAkyaM dharmArthasahitaM hitam  dhArtarASTraH sahAmAtyo grahItuM vidurArhati 13  hitaM hi dhArtarASTrANAM pANDavAnAM tathaiva ca  pRthivyAM kSatriyANAM ca yatiSye 'ham amAyayA 14  hite prayatamAnaM mAM zaGked duryodhano yadi  hRdayasya ca me prItir AnRNyaM ca bhaviSyati 15  jJAtInAM hi mitho bhede yan mitraM nAbhipadyate  sarvayatnena madhyasthaM na tan mitraM vidur budhAH 16  na mAM brUyur adharmajJA mUDhA asuhRdas tathA  zakto nAvArayat kRSNaH saMrabdhAn kurupANDavAn 17  ubhayoH sAdhayann artham aham Agata ity uta  tatra yatnam ahaM kRtvA gaccheyaM nRSv avAcyatAm 18  mama dharmArthayuktaM hi zrutvA vAkyam anAmayam  na ced AdAsyate bAlo diSTasya vazam eSyati 19  ahApayan pANDavArthaM yathAvac; chamaM kurUNAM yadi cAcareyam  puNyaM ca me syAc caritaM mahArthaM; mucyeraMz ca kuravo mRtyupAzAt 20  api vAcaM bhASamANasya kAvyAM; dharmArAmAm arthavatIm ahiMsrAm  avekSeran dhArtarASTrAH samarthAM; mAM ca prAptaM kuravaH pUjayeyuH 21  na cApi mama paryAptAH sahitAH sarvapArthivAH  kruddhasya pramukhe sthAtuM siMhasyevetare mRgAH 22   [v]  ity evam uktvA vacanaM vRSNInAm RSabhas tadA  zayane sukhasaMsparze zizye yadusukhAvahaH   |



|  1   [v]  tathA kathayator eva tayor buddhimatos tadA  zivA nakSatrasaMpannA sA vyatIyAya zarvarI 2  dharmArthakAmayuktAz ca vicitrArthapadAkSarAH  zRNvato vividhA vAco vidurasya mahAtmanaH 3  kathAbhir anurUpAbhiH kRSNasyAmita tejasaH  akAmasyeva kRSNasya sA vyatIyAya zarvarI 4  tatas tu svarasaMpannA bahavaH sUtamAgadhAH  zaGkhadundubhinirghoSaiH kezavaM pratyabodhayan 5  tata utthAya dAzArha RSabhaH sarvasAtvatAm  sarvam AvazyakaM cakre prAtaH kAryaM janArdanaH 6  kRtoda kAryajapyaH sa hutAgniH samalaMkRtaH  tata Adityam udyantam upAtiSThata mAdhavaH 7  atha duryodhanaH kRSNaM zakuniz cApi saubalaH  saMdhyAM tiSThantam abhyetya dAzArham aparAjitam 8  AcakSetAM tu kRSNasya dhRtarASTraM sabhA gatam  kurUMz ca bhISma pramukhAn rAjJaH sarvAMz ca pArthivAn 9  tvAm arthayante govinda divi zakram ivAmarAH  tAv abhyanandad govindaH sAmnA paramavalgunA 10  tato vimala Aditye brAhmaNebhyo janArdanaH  dadau hiraNyaM vAsAMsi gAz cAzvAMz ca paraMtapaH 11  visRSTavantaM ratnAni dAzArham aparAjitam  tiSThantam upasaMgamya vavande sArathis tadA 12  tam upasthitam AjJAya rathaM divyaM mahAmanAH  mahAbhraghananirghoSaM sarvaratnavibhUSitam 13  agniM pradakSiNaM kRtvA brAhmaNAMz ca janArdanaH  kaustubhaM maNim Amucya zriyA paramayA jvalan 14  kurubhiH saMvRtaH kRSNo vRSNibhiz cAbhirakSitaH  AtiSThata rathaM zauriH sarvayAdavanandanaH 15  anvAruroha dAzArhaM viduraH sarvadharmavit  sarvaprANabhRtAM zreSThaM sarvadharmabhRtAM varam 16  tato duryodhanaH kRSNaM zakuniz cApi saubalaH  dvitIyena rathenainam anvayAtAM paraMtapam 17  sAtyakiH kRtavarmA ca vRSNInAM ca mahArathAH  pRSThato 'nuyayuH kRSNaM rathair azvair gajair api 18  teSAM hemapariSkArA yuktAH paramavAjibhiH  gacchatAM ghoSiNaz citrAz cAru babhrAjire rathAH 19  saMmRSTasaMsikta rajaH pratipede mahApatham  rAjarSicaritaM kAle kRSNo dhImAJ zriyA jvalan 20  tataH prayAte dAzArhe prAvAdyantaika puSkarAH  zaGkhAz ca dadhmire tatra vAdyAny anyAni yAni ca 21  pravIrAH sarvalokasya yuvAnaH siMhavikramAH  parivArya rathaM zaurer agacchanta paraMtapAH 22  tato 'nye bahusAhasrA vicitrAdbhuta vAsasaH  asi prAsAyudha dharAH kRSNasyAsan puraHsarAH 23  gajAH paraHzatAs tatra varAz cAzvAH sahasrazaH  prayAntam anvayur vIraM dAzArham aparAjitam 24  puraM kurUNAM saMvRttaM draSTukAmaM janArdanam  savRddhabAlaM sastrIkaM rathyA gatam ariMdamam 25  vedikApAzritAbhiz ca samAkrAntAny anekazaH  pracalantIva bhAreNa yoSidbhir bhavanAny uta 26  saMpUjyamAnaH kurubhiH saMzRNvan vividhAH kathAH  yathArhaM pratisatkurvan prekSamANaH zanair yayau 27  tataH sabhAM samAsAdya kezavasyAnuyAyinaH  sazaGkhair veNunirghoSair dizaH sarvA vyanAdayan 28  tataH sA samitiH sarvA rAjJAm amitatejasAm  saMprAkampata harSeNa kRSNAgamana kAGkSayA 29  tato 'bhyAzagate kRSNe samahRSyan narAdhipAH  zrutvA taM rathanirghoSaM paryajJya ninadopamam 30  AsAdya tu sabhA dvAram RSabhaH sarvasAtvatAm  avatIrya rathAc chauriH kailAsazikharopamAt 31  nagameghapratIkAzAM jvalantIm iva tejasA  mahendra sadana prakhyAM praviveza sabhAM tataH 32  pANau gRhItvA viduraM sAtyakiM ca mahAyazAH  jyotIMSy Adityavad rAjan kurUn pracchAdayaJ zriyA 33  agrato vAsudevasya karNaduryodhanAv ubhau  vRSNayaH kRtavarmA ca Asan kRSNasya pRSThataH 34  dhRtarASTraM puraskRtya bhISmadroNAdayas tataH  Asanebhyo 'calan sarve pUjayanto janArdanam 35  abhyAgacchati dAzArhe prajJA cakSur mahAmanAH  sahaiva bhISmadroNAbhyAm udatiSThan mahAyazAH 36  uttiSThati mahArAje dhRtarASTre janezvare  tAni rAjasahasrANi samuttasthuH samantataH 37  AsanaM sarvatobhadraM jAmbUnadapariSkRtam  kRSNArthe kalpitaM tatra dhRtarASTrasya zAsanAt 38  smayamAnas tu rAjAnaM bhISmadroNau ca mAdhavaH  abhyabhASata dharmAtmA rAjJaz cAnyAn yathA vayaH 39  tatra kezavam AnarcuH samyag abhyAgataM sabhAm  rAjAnaH pArthivAH sarve kuravaz ca janArdanam 40  tatra tiSThan sa dAzArho rAjamadhye paraMtapaH  apazyad antarikSasthAn RSIn parapuraMjayaH 41  tatas tAn abhisaMprekSya nAradapramukhAn RSIn  abhyabhASata dAzArho bhISmaM zAMtanavaM zanaiH 42  pArthivIM samitiM draSTum RSayo 'bhyAgatA nRpa  nimantryatAm Asanaiz ca satkAreNa ca bhUyasA 43  naiteSv anupaviSTeSu zakyaM kena cid Asitum  pUjA prayujyatAm Azu munInAM bhAvitAtmanAm 44  RSIJ zAMtanavo dRSTvA sabhA dvAram upasthitAn  tvaramANas tato bhRtyAn AsanAnIty acodayat 45  AsanAny atha mRSTAni mahAnti vipulAni ca  maNikAJcanacitrANi samAjahrus tatas tataH 46  teSu tatropaviSTeSu gRhItArdheSu bhArata  niSasAdAsane kRSNo rAjAnaz ca yathAsanam 47  duHzAsanaH sAtyakaye dadAv Asanam uttamam  viviMzatir dadau pIThaM kAJcanaM kRtavarmaNe 48  avidUre 'tha kRSNasya karNaduryodhanAv ubhau  ekAsane mahAtmAnau niSIdatur amarSaNau 49  gAndhArarAjaH zakunir gAndhArair abhirakSitaH  niSasAdAsane rAjA saha putro vizAM pate 50  viduro maNipIThe tu zuklaspardhyAjinottare  saMspRzann AsanaM zaurer mahAmatir upAvizat 51  cirasya dRSTvA dAzArhaM rAjAnaH sarvapArthivAH  amRtasyeva nAtRpyan prekSamANA janArdanam 52  atasI puSpasaMkAzaH pItavAsA janArdanaH  vyabhrAjata sabhAmadhye hemnIvopahito maNiH 53  tatas tUSNIM sarvam AsId govinda gatamAnasam  na tatra kaz cit kiM cid dhi vyAjahAra pumAn kva cit   |



|  1   [v]  teSv AsIneSu sarveSu tUSNIMbhUteSu rAjasu  vAkyam abhyAdade kRSNaH sudaMSTro dundubhisvanaH 2  jImUta iva dharmAnte sarvAM saMzrAvayan sabhAm  dhRtarASTram abhiprekSya samabhASata mAdhavaH 3  kurUNAM pANDavAnAM ca zamaH syAd iti bhArata  aprayatnena vIrANAm etad yatitum AgataH 4  rAjan nAnyat pravaktavyaM tava niHzreyasaM vacaH  viditaM hy eva te sarvaM veditavyam ariMdama 5  idam adya kulaM zreSThaM sarvarAjasu pArthiva  zrutavRttopasaMpannaM sarvaiH samuditaM guNaiH 6  kRpAnukampA kAruNyam AnRzaMsyaM ca bhArata  tathArjavaM kSamA satyaM kuruSv etad viziSyate 7  tasminn evaMvidhe rAjan kule mahati tiSThati  tvannimittaM vizeSeNa neha yuktam asAMpratam 8  tvaM hi vArayitA zreSThaH kurUNAM kurusattama  mithyA pracaratAM tAta bAhyeSv AbhyantareSu ca 9  te putrAs tava kauravya duryodhana purogamAH  dharmArthau pRSThataH kRtvA pracaranti nRzaMsavat 10  aziSTA gatamaryAdA lobhena hRtacetasaH  sveSu bandhuSu mukhyeSu tad vettha bharatarSabha 11  seyam Apan mahAghorA kuruSv eva samutthitA  upekSyamANA kauravya pRthivIM ghAtayiSyati 12  zakyA ceyaM zamayituM tvaM ced icchasi bhArata  na duSkaro hy atra zamo mato me bharatarSabha 13  tvayy adhInaH zamo rAjan mayi caiva vizAM pate  putrAn sthApaya kauravya sthApayiSyAmy ahaM parAn 14  AjJA tava hi rAjendra kAryA putraiH sahAnvayaiH  hitaM balavad apy eSAM tiSThatAM tava zAsane 15  tava caiva hitaM rAjan pANDavAnAm atho hitam  zame prayatamAnasya mama zAsanakAGkSiNAm 16  svayaM niSkalam AlakSya saMvidhatsva vizAM pate  saha bhUtAs tu bharatAs tavaiva syur janezvara 17  dharmArthayor tiSTha rAjan pANDavair abhirakSitaH  na hi zakyAs tathA bhUtA yatnAd api narAdhipa 18  na hi tvAM pANDavair jetuM rakSyamANaM mahAtmabhiH  indro 'pi devaiH sahitaH prasaheta kuto nRpAH 19  yatra bhISmaz ca droNaz ca kRpaH karNo viviMzatiH  azvatthAmA vikarNaz ca somadatto 'tha bAhlikaH 20  saindhavaz ca kaliGgaz ca kAmbojaz ca sudakSiNaH  yudhiSThiro bhImasenaH savyasAcI yamau tathA 21  sAtyakiz ca mahAtejA yuyutsuz ca mahAratha  ko nu tAn viparItAtmA yudhyeta bharatarSabha 22  lokasyezvaratAM bhUyaH zatrubhiz cApradhRSyatAm  prApsyasi tvam amitraghna sahitaH kurupANDavaiH 23  tasya te pRthivIpAlAs tvatsamAH pRthivIpate  zreyAMsaz caiva rAjAnaH saMdhAsyante paraMtapa 24  sa tvaM putraiz ca pautraiz ca bhrAtRbhiH pitRbhis tathA  suhRdbhiH sarvato guptaH sukhaM zakSyasi jIvitum 25  etAn eva purodhAya satkRtya ca yathA purA  akhilAM bhikSyase sarvAM pRthivIM pRthivIpate 26  etair hi sahitaH sarvaiH pANDavaiH svaiz ca bhArata  anyAn vijeSyase zatrUn eSa svArthas tavAkhilaH 27  tair evopArjitAM bhUmiM bhokSyase ca paraMtapa  yadi saMpatsyase putraiH sahAmAtyair narAdhipa 28  saMyuge vai mahArAja dRzyate sumahAn kSayaH  kSaye cobhayato rAjan kaM dharmam anupazyasi 29  pANDavair nihataiH saMkhye putrair vApi mahAbalaiH  yad vindethAH sukhaM rAjaMs tad brUhi bharatarSabha 30  zUrAz ca hi kRtAstrAz ca sarve yuddhAbhikAGkSiNaH  pANDavAs tAvakAz caiva tAn rakSa mahato bhayAt 31  na pazyema kurUn sarvAn pANDavAMz caiva saMyuge  kSINAn ubhayataH zUrAn rathebhyo rathibhir hatAn 32  samavetAH pRthivyAM hi rAjAno rAjasattama  amarSavazam ApannA nAzayeyur imAH prajAH 33  trAhi rAjann imaM lokaM na nazyeyur imAH prajAH  tvayi prakRtim Apanne zeSaM syAt kurunandana 34  zuklA vadAnyA hrImanta AryAH puNyAbhijAtayaH  anyonyasacivA rAjaMs tAn pAhi mahato bhayAt 35  ziveneme bhUmipAlAH samAgamya parasparam  saha bhuktvA ca pItvA ca pratiyAntu yathA gRham 36  suvAsasaH sragviNaz ca satkRtya bharatarSabha  amarSAMz ca nirAkRtya vairANi ca paraMtapa 37  hArdaM yat pANDaveSv AsIt prApte 'sminn AyuSaH kSaye  tad eva te bhavaty adya zazvac ca bharatarSabha 38  bAlA vihInAH pitrA te tvayaiva parivardhitAH  tAn pAlaya yathAnyAyaM putrAMz ca bharatarSabha 39  bhavataiva hi rakSyAs te vyasaneSu vizeSataH  mA te dharmas tathaivArtho nazyeta bharatarSabha 40  Ahus tvAM pANDavA rAjann abhivAdya prasAdya ca  bhavataH zAsanAd duHkham anubhUtaM sahAnugaiH 41  dvAdazemAni varSANi vane nirvyuSitAni naH  trayodazaM tathAjJAtaiH sajane parivatsaram 42  sthAtA naH samaye tasmin piteti kRtanizcayAH  nAhAsma samayaM tAta tac ca no brAhmaNA viduH 43  tasmin naH samaye tiSTha sthitAnAM bharatarSabha  nityaM saMklezitA rAjan svarAjyAMzaM labhemahi 44  tvaM dharmam arthaM yuJjAnaH samyaG nas trAtum arhasi  gurutvaM bhavati prekSya bahUn klezAMs titikSmahe 45  sa bhavAn mAtRpitRvad asmAsu pratipadyatAm  guror garIyasI vRttir yA ca ziSyasya bhArata 46  pitrA sthApayitavyA hi vayam utpatham AsthitAH  saMsthApaya pathiSv asmAMs tiSTha rAjan svavartmani 47  Ahuz cemAM pariSadaM putrAs te bharatarSabha  dharmajJeSu sabhAsatsu neha yuktam asAMpratam 48  yatra dharmo hy adharmeNa satyaM yatrAnRtena ca  hanyate prekSamANAnAM hatAs tatra sabhAsadaH 49  viddho dharmo hy adharmeNa sabhAM yatra prapadyate  na cAsya zalyaM kRntanti viddhAs tatra sabhAsadaH  dharma etAn Arujati yathA nady anukUlajAn 50  ye dharmam anupazyantas tUSNIM dhyAyanta Asate  te satyam Ahur dharmaM ca nyAyyaM ca bharatarSabha 51  zakyaM kim anyad vaktuM te dAnAd anyaj janezvara  bruvantu vA mahIpAlAH sabhAyAM ye samAsate  dharmArthau saMpradhAryaiva yadi satyaM bravImy aham 52  pramuJcemAn mRtyupAzAt kSatriyAn kSatriyarSabha  prazAmya bharatazreSTha mA manyuvazam anvagAH 53  pitryaM tebhyaH pradAyAMzaM pANDavebhyo yathocitam  tataH saputraH siddhArtho bhuGkSva bhogAn paraMtapa 54  ajAtazatruM jAnISe sthitaM dharme satAM sadA  saputre tvayi vRttiM ca vartate yAM narAdhipa 55  dAhitaz ca nirastaz ca tvAm evopAzritaH punaH  indraprasthaM tvayaivAsau saputreNa vivAsitaH 56  sa tatra nivasan sarvAn vazam AnIya pArthivAn  tvan mukhAn akarod rAjan na ca tvAm atyavartata 57  tasyaivaM vartamAnasya saubalena jihIrSatA  rASTrANi dhanadhAnyaM ca prayuktaH paramopadhiH 58  sa tAm avasthAM saMprApya kRSNAM prekSya sabhA gatAm  kSatradharmAd ameyAtmA nAkampata yudhiSThiraH 59  ahaM tu tava teSAM ca zreya icchAmi bhArata  dharmAd arthAt sukhAc caiva mA rAjan nInazaH prajAH 60  anartham arthaM manvAnA arthaM vAnartham AtmanaH  lobhe 'tiprasRtAn putrAn nigRhNISva vizAM pate 61  sthitAH zuzrUSituM pArthAH sthitA yoddhum ariMdamAH  yat te pathyatamaM rAjaMs tasmiMs tiSTha paraMtapa 62  tad vAkyaM pArthivAH sarve hRdayaiH samapUjayan  na tatra kaz cid vaktuM hi vAcaM prAkAmad agrataH   |



|  1   [v]  tasminn abhihite vAkye kezavena mahAtmanA  stimitA hRSTaromANa Asan sarve sabhAsadaH 2  kaH svid uttaram etasmAd vaktum utsahate pumAn  iti sarve manobhis te cintayanti sma pArthivAH 3  tathA teSu ca sarveSu tUSNIMbhUteSu rAjasu  jAmadagnya idaM vAkyam abravIt kurusaMsadi 4  imAm ekopamAM rAjaJ zRNu satyAm azaGkitaH  tAM zrutvA zreya Adatsva yadi sAdhv iti manyase 5  rAjA dambhodbhavo nAma sArvabhaumaH purAbhavat  akhilAM bubhuje sarvAM pRthivIm iti naH zrutam 6  sa sma nityaM nizApAye prAtar utthAya vIryavAn  brAhmaNAn kSatriyAMz caiva pRcchann Aste mahArathaH 7  asti kaz cid viziSTo vA madvidho vA bhaved yudhi  zudro vaizyaH kSatriyo vA brAhmaNo vApi zastrabhRt 8  iti bruvann anvacarat sa rAjA pRthivIm imAm  darpeNa mahatA mattaH kaM cid anyam acintayan 9  taM sma vaidyA akRpaNA brAhmaNAH sarvato 'bhayAH  pratyaSedhanta rAjAnaM zlAghamAnaM punaH punaH 10  pratiSidhyamAno 'py asakRt pRcchaty eva sa vai dvijAn  abhimAnI zriyA mattas tam Ucur brAhmaNAs tadA 11  tapasvino mahAtmAno veda vratasamanvitAH  udIryamANaM rAjAnaM krodhadIptA dvijAtayaH 12  anekajananaM sakhyaM yayoH puruSasiMhayoH  tayos tvaM na samo rAjan bhavitAsi kadA cana 13  evam uktaH sa rAjA tu punaH papraccha tAn dvijAn  kva tau vIrau kva janmAnau kiM karmANau ca kau ca tau 14   [brAhmaNAh]  naro nArAyaNaz caiva tApasAv iti naH zrutam  AyAtau mAnuSe loke tAbhyAM yudhyasva pArthiva 15  zrUyate tau mahAtmAnau naranArAyaNAv ubhau  tapo ghoram anirdezyaM tapyete gandhamAdane 16   [rAma]  sa rAjA mahatIM senAM yojayitvA SaDaGginIm  amRSyamANaH saMprAyAd yatra tAv aparAjitau 17  sa gatvA viSamaM ghoraM parvataM gandhamAdanam  mRgayANo 'nvagacchat tau tApasAv aparAjitau 18  tau dRSTvA kSutpipAsAbhyAM kRzau dhamani saMtatau  zItavAtAtapaiz caiva karzitau puruSottamau  abhigamyopasaMgRhya paryapRcchad anAmayam 19  tam arcitvA mUlaphalair Asanenodakena ca  nyamantrayetAM rAjAnaM kiM kAryaM kriyatAm iti 20   [dambhaudbhava]  bAhubhyAM me jitA bhUmir nihatAH sarvazatravaH  bhavadbhyAM yuddham AkAGkSann upayAto 'smi parvatam  AtithyaM dIyatAm etat kAGkSitaM me ciraM prati 21   [naranArAyaNau]  apetakrodhalobho 'yam Azramo rAjasattama  na hy asminn Azrame yuddhaM kutaH zastraM kuto 'nRjuH  anyatra yuddham AkAGkSva bahavaH kSatriyA kSitau 22   [r]  ucyamAnas tathApi sma bhUya evAbhyabhASata  punaH punaH kSamyamANaH sAntvyamAnaz ca bhArata  dambhodbhavo yuddham icchann Ahvayaty eva tApasau 23  tato naras tv iSIkANAM muSTim AdAya kaurava  abravId ehi yudhyasva yuddhakAmuka kSatriya 24  sarvazastrANi cAdatsva yojayasva ca vAhinIm  ahaM hi te vineSyAmi yuddhazraddhAm itaH param 25   [d]  yady etad astram asmAsu yuktaM tApasa manyase  etenApi tvayA yotsye yuddhArthI hy aham AgataH 26   [r]  ity uktvA zaravarSeNa sarvataH samavAkirat  dambhodbhavas tApasaM taM jighAMsuH saha sainikaH 27  tasya tAn asyato ghorAn iSUn paratanuc chidaH  kadarthI kRtyasa munir iSIkAbhir apAnudat 28  tato 'smai prAsRjad ghoram aiSIkam aparAjitaH  astram apratisaMdheyaM tad adbhutam ivAbhavat 29  teSAm akSINi karNAMz ca nastakAMz caiva mAyayA  nimittavedhI sa munir iSIkAbhiH samarpayat 30  sa dRSTvA zvetam AkAzam iSIkAbhiH samAcitam  pAdayor nyapatad rAjA svasti me 'stv iti cAbravIt 31  tam abravIn naro rAjaJ zaraNyaH zaraNaiSiNAm  brahmaNyo bhava dharmAtmA mA ca smaivaM punaH kRthAH 32  mA ca darpasamAviSTaH kSepsIH kAMz cit kadA cana  alpIyAMsaM viziSTaM vA tat te rAjan paraM hitam 33  kRtaprajJo vItalobho nirahaMkAra AtmavAn  dAntaH kSAnto mRduH kSemaH prajAH pAlaya pArthiva 34  anujJAtaH svasti gaccha maivaM bhUyaH samAcareH  kuzalaM brAhmaNAn pRccher Avayor vacanAd bhRzam 35  tato rAjA tayoH pAdAv abhivAdya mahAtmanoH  pratyAjagAma svapuraM dharmaM caivAcinod bhRzam 36  sumahac cApi tat karma yan nareNa kRtaM purA  tato guNaiH subahubhiH zreSTho nArAyaNo 'bhavat 37  tasmAd yAvad dhanuHzreSThe gANDIve 'svraM na yujyate  tAvat tvaM mAnam utsRjya gaccha rAjan dhanaMjayam 38  kAkudIkaM zukaM nAkam akSisaMtarjanaM tathA  saMtAnaM nartanaM ghoram Asyam odakam aSTamam 39  etair viddhAH sarva eva maraNaM yAnti mAnavAH  unmattAz ca viceSTante naSTasaMjJA vicetasaH 40  svapante ca plavante ca chardayanti ca mAnavAH  mUtrayante ca satataM rudanti ca hasanti ca 41  asaMkhyeyA guNAH pArthe tad viziSTo janArdanaH  tvam eva bhUyo jAnAsi kuntIputraM dhanaMjayam 42  naranArAyaNau yau tau tAv evArjuna kezavau  vinAjIhi mahArAja pravIrau puruSarSabhau 43  yady etad evaM jAnAsi na ca mAm atizaGkase  AryAM matiM samAsthAya zAmya bhArata pANDavaiH 44  atha cen manyase zreyo na me bhedo bhaved iti  prazAmya bharata zreSTho mA ca yuddhe manaH kRthAH 45  bhavatAM ca kuruzreSTha kulaM bahumataM bhuvi  tat tathaivAstu bhadraM te svArtham evAnucintaya   |



|  1   [v]  jAmadagnyavacaH zrutvA kaNvo 'pi bhagavAn RSiH  duryodhanam idaM vAkyam abravIt kurusaMsadi 2  akSayaz cAvyayaz caiva brahmA lokapitAmahaH  tathaiva bhagavantau tau naranArAyaNAv RSI 3  AdityAnAM hi sarveSAM viSNur ekaH sanAtanaH  ajayyaz cAvyayaz caiva zAzvataH prabhur IzvaraH 4  nimittamaraNAs tv anye candrasUryau mahI jalam  vAyur agnis tathAkAzaM grahAs tArAgaNAs tathA 5  te ca kSayAnte jagato hitvA lokatrayaM sadA  kSayaM gacchanti vai sarve sRjyante ca punaH punaH 6  muhUrtamaraNAs tv anye mAnuSA mRgapakSiNaH  triyag yonyaz ca ye cAnye jIvalokacarAH smRtAH 7  bhUyiSThena tu rAjAnaH zriyaM bhuktvAyuSaH kSaye  maraNaM pratigacchanti bhoktuM sukRtaduSkRtam 8  sa bhavAn dharmaputreNa zama kartum ihArhati  pANDavAH kuravaz caiva pAlayantu vasuMdharAm 9  balavAn aham ity eva na mantavyaM suyodhana  balavanto hi balibhir dRzyante puruSarSabha 10  na balaM balinAM madhye balaM bhavati kaurava  balavanto hi te sarve pANDavA deva vikramAH 11  atrApy udAharantImam itihAsaM purAtanam  mAtaler dAtukAmasya kanyAM mRgayato varam 12  matas trailokyarAjasya mAtalir nAma sArathiH  tasyaikaiva kule kanyA rUpato lokavizrutA 13  guNakezIti vikhyAtA nAmnA sA devarUpiNI  zriyA ca vapuSA caiva striyo 'nyAH sAtiricyate 14  tasyAH pradAnasamayaM mAtaliH saha bhAryayA  jJAtvA vimamRze rAjaMs tatparaH paricintayan 15  dhik khalv alaghu zIlAnAm ucchritAnAM yazasvinAm  narANAm RddhasattvAnAM kule kanyA prarohaNam 16  mAtuH kulaM pitRkulaM yatra caiva pradIyate  kulatrayaM saMzayitaM kurute kanyakA satAm 17  deva mAnuSalokau dvau mAnasenaiva cakSuSA  avagAhyaiva vicitau na ca me rocate varaH 18  na devAn naiva ditijAn na gandharvAn na mAnuSAn  arocayaM varakRte tathaiva bahulAn RSIn 19  bhAryayA tu sa saMmantrya saha rAtrau sudharmayA  mAtalir nAgalokAya cakAra gamane matim 20  na me devamanuSyeSu guNakezyAH samo varaH  rUpato dRzyate kaz cin nAgeSu bhavitA dhruvam 21  ity Amantrya sudharmAM sa kRtvA cAbhipradakSiNam  kanyAM zirasy upAghrAya praviveza mahItalam   |



|  1   [kaNva]  mAtalis tu vrajan mArge nAradena maharSiNA  varuNaM gacchatA draSTuM samAgacchad yadRcchayA 2  nArado 'thAbravId enaM kva bhavAn gantum udyataH  svena vA sUta kAryeNa zAsanAd vA zatakratoH 3  mAtalir nAradenaivaM saMpRSTaH pathi gacchatA  yathAvat sarvam AcaSTa svakAryaM varuNaM prati 4  tam uvAcAtha sa munir gacchAvaH sahitAv iti  salileza didekSArtham aham apy udyato divaH 5  ahaM te sarvam AkhyAsye darzayan vasudhAtalam  dRSTvA tatra varaM kaM cid rocayiSyAva mAtale 6  avagAhya tato bhUmim ubhau mAtalinAradau  dadRzAte mahAtmAnau lokapAlam apAM patim 7  tatra devarSisadRzIM pUjAM prApa sa nAradaH  mahendrasadRzIM caiva mAtaliH patyapadyata 8  tAv ubhau prItamanasau kAryavattAM nivedya ha  varuNenAbhyanujJAtau nAgalokaM viceratuH 9  nAradaH sarvabhUtAnAm antar bhUminivAsinAm  jAnaMz cakAra vyAkhyAnaM yantuH sarvam azeSataH 10   [nArada]  dRSTas te varuNas tAta putrapautra samAvRtaH  pazyodaka pateH sthAnaM sarvatobhadram Rddhimat 11  eSa putro mahAprAjJo varuNasyeha gopateH  eSa taM zIlavRttena zaucena ca viziSyate 12  eSo 'sya putro 'bhimataH puSkaraH puSkarekSaNaH  rUpavAn darzanIyaz ca somaputryA vRtaH patiH 13  jyotsnA kAlIti yAm Ahur dvitIyAM rUpataH zriyam  Adityasyaiva goH putro jyeSTaH putraH kRtaH smRtaH 14  bhavanaM pazya vAruNyA yad etat sarvakAJcanam  yAM prApya suratAM prAptAH surAH surapateH sakhe 15  etAni hRtarAjyAnAM daiteyAnAM sma mAtale  dIpyamAnAni dRzyante sarvapraharaNAny uta 16  akSayANi kilaitAni vivartante sma mAtale  anubhAva prayuktAni surair avajitAni ha 17  atra rAkSasa jAtyaz ca bhUtajAtyaz ca mAtale  divyapraharaNAz cAsan pUrvadaivatanirmitAH 18  agnir eSa mahArciSmAJ jAgarti varuNa hrade  vaiSNavaM cakram AviddhaM vidhUmena haviSmatA 19  eSa gANDImayaz cApo lokasaMhAra saMbhRtaH  rakSyate daivatair nityaM yatas tad gANDivaM dhanuH 20  eSa kRtye samutpanne tat tad dhArayate balam  sahasrazatasaMkhyena prANena satataM dhruvam 21  azAsyAn api zAsty eSa rakSo bandhuSu rAjasu  sRSTaH prathamajo daNDo brAhmaNA brahmavAdinA 22  etac chatraM narendrANAM mahac chakreNa bhASitam  putrAH salilarAjasya dhArayanti mahodayam 23  etat salilarAjasya chatraM chatragRhe sthitam  sarvataH salilaM zItaM jImUta iva varSati 24  etac chatrAt paribhraSTaM salilaM somanirmalam  tamasA mUrchitaM yAti yena nArchati darzanam 25  bahUny adbhutarUpANi draSTavyAnIha mAtale  tava kAryoparodhas tu tasmAd gacchAva mAciram   |



|  1   [nArada]  etat tu nAgalokasya nAbhisthAne sthitaM puram  pAtAlam iti vikhyAtaM daityadAnava sevitam 2  idam adbhiH samaM prAptA ye ke cid dhruvajaGgamAH  pravizanto mahAnAdaM nadanti bhayapIDitAH 3  atrAsuro 'gniH satataM dIpyate vAri bhojanaH  vyApAreNa dhRtAtmAnaM nibaddhaM samabudhyata 4  atrAmRtaM suraiH pItvA nihitaM nihatAribhiH  ataH somasya hAniz ca vRddhiz caiva pradRzyate 5  atra divyaM hayaziraH kAle parvaNi parvaNi  uttiSThati suvarNAbhaM vArbhir ApUrayaJ jagat 6  yasmAd atra samagrAs tAH patanti jalamUrtayaH  tasmAt pAtAlam ity etat khyAyate puram uttamam 7  airAvato 'smAt salilaM gRhItvA jagato hitaH  megheSv AmuJcate zItaM yan mahendraH pravarSati 8  atra nAnAvidhAkArAs timayo naikarUpiNaH  apsu somaprabhAM pItvA vasanti jalacAriNaH 9  atra sUryAMzubhir bhinnAH pAtAlatalam AzritAH  mRtA divasataH sUta punar jIvanti te nizi 10  udaye nityazaz cAtra candramA razmibhir vRtaH  amRtaM spRzya saMsparzAt saMjIvayati dehinaH 11  atra te 'dharmaniratA baddhAH kAlena pIDitAH  daiteyA nivasanti sma vAsavena hRtazriyaH 12  atra bhUtapatir nAma sarvabhUtamahezvaraH  bhUtaye sarvabhUtAnAm acarat tapa uttamam 13  atra govratino viprAH svAdhyAyAmnAya karzitAH  tyaktaprANA jitasvargA nivasanti maharSayaH 14  yatra tatra zayo nityaM yena kena cid AzitaH  yena kena cid AcchannaH sa govrata ihocyate 15  airAvato nAgarAjo vAmanaH kumudo 'JjanaH  prasUtAH supratIkasya vaMze vAraNasattamAH 16  pazya yady atra te kaz cid rocate guNato varaH  varayiSyAva taM gatvA yatnam AsthAya mAtale 17  aNDam etaj jale nyastaM dIpyamAnam iva zriyA  A prajAnAM nisargAd vai nodbhidyati na sarpati 18  nAsya jAtiM nisargaM vA kathyamAnaM zRNomi vai  pitaraM mAtaraM vApi nAsya jAnAti kaz cana 19  ataH kila mahAn agnir antakAle samutthitaH  dhakSyate mAtale sarvaM trailokyaM sacarAcaram 20   [kaNva]  mAtalis tv abravIc chrutvA nAradasyAtha bhASitam  na me 'tra rocate kaz cid anyato vraja mAciram   |



|  1   [n]  hiraNyapuram ity etat khyAtaM puravaraM mahat  daityAnAM dAnavAnAM ca mAyA zatavicAriNAm 2  analpena prayatnena nirmitaM vizvakarmaNA  mayena manasA sRSTaM pAtAlatalam Azritam 3  atra mAyA sahasrANi vikurvANA mahaujasaH  dAnavA nivasanti sma zUrA dattavarAH purA 4  naite zakreNa nAnyena varuNena yamena vA  zakyante vazam AnetuM tathaiva dhanadena ca 5  asurAH kAlakhaJjAz ca tathA viSNupadodbhavAH  nairRtA yAtudhAnAz ca brahma vedodbhavAz ca ye 6  daMSTriNo bhImarUpAz ca nivasanty AtmarakSiNaH  mAyAvIryopasaMpannA nivasanty AtmarakSiNaH  nivAtakavacA nAma dAnavA yuddhadurmadAH 7  jAnAsi ca yathA zakro naitAJ zaknoti vAdhitum 8  bahuzo mAtale tvaM ca tava putraz ca gomukhaH  nirbhagno devarAjaz ca saha putraH zacIpatiH 9  pazya vezmAni raukmANi mAtale rAjatAni ca  karmaNA vidhiyuktena yuktAny upagatAni ca 10  vaiDUrya haritAnIva pravAlarucirANi ca  arkasphaTika zubhrANi varja sArojjvalAni ca 11  pArthivAnIva cAbhAnti punar nagamayAni ca  zailAnIva ca dRzyante tArakANIva cApy uta 12  sUryarUpANi cAbhAnti dIptAgnisadRzAni ca  maNijAlavicitrANi prAMzUni nibiDAni ca 13  naitAni zakyaM nirdeSTuM rUpato dravyatas tathA  guNataz caiva siddhAni pramANa guNavanti ca 14  AkrIDAn pazya daityAnAM tathaiva zayanAny uta  ratnavanti mahArhANi bhAjanAny AsanAni ca 15  jaladAbhAMs tathA zailAMs toyaprasravaNAnvitAn  kAmapuSpaphalAMz caiva pAdapAn kAmacAriNaH 16  mAtale kaz cid atrApi rucitas te varo bhavet  atha vAnyAM dizaM bhUmer gacchAva yadi manyase 17   [kaNva]  mAtalis tv abravId enaM bhASamANaM tathAvidham  devarSe naiva me kAryaM vipriyaM tridivaukasAm 18  nityAnuSakta vairA hi bhrAtaro devadAnavAH  aripakSeNa saMbandhaM rocayiSyAmy ahaM katham 19  anyatra sAdhu gacchAvo draSTuM nArhAmi dAnavAn  jAnAmi tu tathAtmAnaM ditsAtma kamalaM yathA   |



|  1   [n]  ayaM lokaH suparNAnAM pakSiNAM pannagAzinAm  vikrame gamane bhAre naiSAm asti parizramaH 2  vainateya sutaiH sUta SaDbhis tatam idaM kulam  sumukhena sunAmnA ca sunetreNa suvarcasA 3  surUpa pakSirAjena subalena ca mAtale  varthitAni prasUtyA vai vinatA kulakartRbhiH 4  pakSirAjAbhijAtyAnAM sahasrANi zatAni ca  kazyapasya tato vaMze jAtair bhUtivivardhanaiH 5  sarve hy ete zriyA yuktAH sarve zrIvatsa lakSaNAH  sarve zriyam abhIpsanto dhArayanti balAny uta 6  karmaNA kSatriyAz caite nirghRNA bhogi bhojinaH  jJAtisaMkSaya kartRtvAd brAhmaNyaM na labhanti vai 7  nAmAni caiSAM vakSyAmi yathA prAdhAnyataH zRNu  mAtale zlAghyam etad dhi kulaM viSNuparigraham 8  daivataM viSNur eteSAM viSNur eva parAyaNam  hRdi caiSAM sadA viSNur viSNur eva gatiH sadA 9  suvarNacUDo nAgAzI dAruNaz caNDatuNDakaH  analaz cAnilaz caiva vizAlAkSo 'tha kuNDalI 10  kAzyapir dhvajaviSkambho vainateyAtha vAmanaH  vAtavego dizA cakSur nimeSo nimiSas tathA 11  trivAraH sapta vAraz ca vAlmIkir dvIpakas tathA  daitya dvIpaH sarid dvIpaH sArasaH padmakesaraH 12  sumukhaH sukhaketuz ca citrabarhas tathAnaghaH  meghakRt kumudo dakSaH sarpAntaH somabhojanaH 13  gurubhAraH kapotaz ca sUryanetraz cirAntakaH  viSNudhanvA kumAraz ca paribarho haris tathA 14  susvaro madhuparkaz ca hemavarNas tathaiva ca  malayo mAtarizvA ca nizAkaradivAkarau 15  ete pradeza mAtreNa mayoktA garuDAtmajAH  prAdhAnyato 'tha yazasA kIrtitAH prANataz ca te 16  yady atra na ruciH kA cid ehi gacchAva mAtale  taM nayiSyAmi dezaM tvAM ruciM yatropalapsyase   |



|  1   [n]  idaM rasAtalaM nAma saptamaM pRthivItalam  yatrAste surabhir mAtA gavAm amRtasaMbhavA 2  kSarantI satataM kSIraM pRthivI sArasaMbhavam  SaNNAM rasAnAM sAreNa rasam ekam anuttamam 3  amRtenAbhitRptasya sAram udgirataH purA  pitAmahasya vadanAd udatiSThad aninditA 4  yasyAH kSIrasya dhArAyA nipatantyA mahItale  hradaH kRtaH kSIranidhiH pavitraM param uttamam 5  puSpitasyeva phenasya paryantam anuveSTitam  pibanto nivasanty atra phenapA munisattamAH 6  phenapA nAma nAmnA te phenAhArAz ca mAtale  ugre tapasi vartante yeSAM bibhyati devatAH 7  asyAz catasro dhenvo 'nyA dikSu sarvAsu mAtale  nivasanti dizApAlyo dhArayantyo dizaH smRtAH 8  pUrvAM dizaM dhArayate surUpA nAma saurabhI  dakSiNAM haMsakA nAma dhArayaty aparAM dizam 9  pazcimA vAruNI dik ca dhAryate vai subhadrayA  mahAnubhAvayA nityaM mAtale vizvarUpayA 10  sarvakAmadughA nAma dhenur dhArayate dizam  uttarAM mAtale dharmyAM tathailavila saMjJitAm 11  AsAM tu payasA mizraM payo nirmathya sAgare  manthAnaM mandaraM kRtvA devair asurasaMhitaiH 12  uddhRtA vAruNI lakSmIr amRtaM cApi mAtale  uccaiHzravAz cAzvarAjo maNiratnaM ca kaustubham 13  sudhA hAreSu ca sudhAM svadhA bhojiSu ca svadhAm  amRtaM cAmRtAzeSu surabhiH kSarate payaH 14  atra gAthA purA gItA rasAtalanivAsibhiH  paurANI zrUyate loke gIyate yA manISibhiH 15  na nAgaloke na svarge na vimAne triviSTape  parivAsaH sukhas tAdRg rasAtalatale yathA   |



|  1   [n]  iyaM bhogavatI nAma purI vAsukipAlitA  yAdRzI devarAjasya purI varyAmarAvatI 2  eSa zeSaH sthito nAgo yeneyaM dhAryate sadA  tapasA lokamukhyena prabhAvamahatA mahI 3  zvetoccaya nibhAkAro nAnAvidha vibhUSaNaH  sahasraM dhArayan mUrdhnA jvAlA jihvo mahAbalaH 4  iha nAnAvidhAkArA nAnAvidha vibhUSaNAH  surasAyAH sutA nAgA nivasanti gatavyathAH 5  maNisvastika cakrAGkAH kamaNDaluka lakSaNAH  sahasrasaMkhyA balinaH sarve raudrAH svabhAvataH 6  sahasrazirasaH ke cit ke cit paJcazatAnanAH  zatazIrSAs tathA ke cit ke cit triziraso 'pi ca 7  dvipaJca zirasaH ke cit ke cit sapta mukhAs tathA  mahAbhogA mahAkAyAH parvatAbhogabhoginaH 8  bahUnIha sahasrANi prayutAny arbudAni ca  nAgAnAm ekavaMzAnAM yathA zreSThAMs tu me zRNu 9  vAsukis takSakaz caiva karkoTaka dhanaMjayau  kAlIyo nahuSaz caiva kambalAzvatarAv ubhau 10  bAhyakuNDo maNir nAgas tathaivApUraNaH khagaH  vAmanaz caila patraz ca kukuraH kukuNas tathA 11  Aryako nandakaz caiva tathA kalazapotakau  kailAsakaH piJjarako nAgaz cairAvatas tathA 12  sumanomukho dadhimukhaH zaGkho nandopanandakau  AptaH koTanakaz caiva zikhI niSThUrikas tathA 13  tittirir hastibhadraz ca kumudo mAlyapiNDakaH  dvau padmau puNDarIkaz ca puSpo mudgaraparNakaH 14  karavIraH pITharakaH saMvRtto vRtta eva ca  piNDAro bilvapatraz ca mUSikAdaH zirISakaH 15  dilIpaH zaGkhazIrSaz ca jyotiSko 'thAparAjitaH  kauravyo dhRtarASTraz ca kumAraH kuzakas tathA 16  virajA dhAraNaz caiva subAhur mukharo jayaH  badhirAndhau vikuNDaz ca virasaH surasas tathA 17  ete cAnye ca bahavaH kazyapasyAtmajAH smRtAH  mAtale pazya yady atra kaz cit te rocate varaH 18   [kaNva]  mAtalis tv ekam avyagraH satataM saMnirIkSya vai  papraccha nAradaM tatra prItimAn iva cAbhavat 19  sthito ya eSa purataH kauravyasyAryakasya ca  dyutimAn darzanIyaz ca kasyaiSa kulanandanaH 20  kaH pitA jananI cAsya katamasyaiSa bhoginaH  vaMzasya kasyaiSa mahAn ketubhUta iva sthitaH 21  praNidhAnena dhairyeNa rUpeNa vayasA ca me  manaH praviSTo devarSe guNakezyAH patir varaH 22  mAtaliM prItimanasaM dRSTvA sumukha darzanAt  nivedayAm Asa tadA mAhAtmyaM janma karma ca 23  airAvata kule jAtaH sumukho nAma nAgarAT  Aryakasya mataH pautro dauhitro vAmanasya ca 24  etasya hi pitA nAgaz cikuro nAma mAtale  nacirAd vainateyena paJcatvam upapAditaH 25  tato 'bravIt prItamanA mAtalir nAradaM vacaH  eSa me rucitas tAta jAmAtA bhujagottamaH 26  kriyatAm atra yatno hi prItimAn asmy anena vai  asya nAgapater dAtuM priyAM duhitaraM mune   |



|  1   [nArada]  sUto 'yaM mAtalir nAma zakrasya dayitaH suhRt  zuciH zIlaguNopetas tejasvI vIryavAn balI 2  zakrasyAyaM sakhA caiva mantrI sArathir eva ca  alpAntaraprabhAvaz ca vAsavena raNe raNe 3  ayaM harisahasreNa yuktaM jaitraM rathottamam  devAsureSu yuddheSu manasaiva niyacchati 4  anena vijitAn azvair dorbhyAM jayati vAsavaH  anena prahRte pUrvaM balabhit praharaty uta 5  asya kanyA varArohA rUpeNAsadRzI bhuvi  sattvazIlaguNopetA guNakezIti vizrutA 6  tasyAsya yatnAc caratas trailokyam amara dyute  sumukho bhavataH pautro rocate duhituH patiH 7  yadi te rocate saumya bhujagottama mAciram  kriyatAm Aryaka kSipraM buddhiH kanyA pratigrahe 8  yathA viSNukule lakSmIr yathA svAhA vibhAvasoH  kule tava tathaivAstu guNakezI pratIcchatu 9  pautrasyArthe bhavAMs tasmAd guNakezI pratIcchatu  sadRzIM pratirUpasya vAsavasya zacIm iva 10  pitRhInam api hy enaM guNato varayAmahe  bahumAnAc ca bhavatas tathaivairAvatasya ca  sumukhasya guNaiz caiva zIlazaucadamAdibhiH 11  abhigamya svayaM kanyAm ayaM dAtuM samudyataH  mAlates tasya saMmAnaM kartum arho bhavAn api 12  sa tu dInaH prahRSTaz ca prAha nAradam AryakaH  vriyamANe tathA pautre putre ca nidhanaM gate 13  na me naitad bahumataM devarSe vacanaM tava  sakhA zakrasya saMyuktaH kasyAyaM nepsito bhavet 14  kAraNasya tu daurbalyAc cintayAmi mahAmune  bhakSito vainateyena duHkhArtAs tena vai vayam 15  punar eva ca tenoktaM vainateyena gacchatA  mAsenAnyena sumukhaM bhakSayiSya iti prabho 16  dhruvaM tathA tad bhavitA jAnImas tasya nizcayam  tena harSaH pranaSTo me suparNavacanena vai 17  mAtalis tv abravId enaM buddhir atra kRtA mayA  jAmAtRbhAvena vRtaH sumukhas tava putrajaH 18  so 'yaM mayA ca sahito nAradena ca pannagaH  trilokezaM surapatiM gatvA pazyatu vAsavam 19  zeSeNaivAsya kAryeNa prajJAsyAmy aham AyuSaH  suparNasya vighAte ca prayatiSyAmi sattama 20  sumukhaz ca mayA sArdhaM devezam abhigacchatu  kAryasaMsAdhanArthAya svasti te 'stu bhujaMgama 21  tatas te sumukhaM gRhya sarva eva mahaujasaH  dadRzuH zakram AsInaM devarAjaM mahAdyutim 22  saMgatyA tatra bhagavAn viSNur AsIc caturbhujaH  tatas tat sarvam Acakhyau nArado mAtaliM prati 23  tataH puraMdaraM viSNur uvAca bhuvanezvaram  amRtaM dIyatAm asmai kriyatAm amaraiH samaH 24  mAtalir nAradaz caiva sumukhaz caiva vAsava  labhantAM bhavataH kAmAt kAmam etaM yathepsitam 25  puraMdaro 'tha saMcintya vainateya parAkramam  viSNum evAbravId enaM bhavAn eva dadAtv iti 26  Izas tvam asi lokAnAM carANAm acarAz ca ye  tvayA dattam adattaM kaH kartum utsahate vibho 27  prAdAc chakras tatas tasmai pannagAyAyur uttamam  na tv enam amRtaprAzaM cakAra balavRtrahA 28  labdhvA varaM tu sumukhaH sumukhaH saMbabhUva ha  kRtadAro yathAkAmaM jagAma ca gRhAn prati 29  nAradas tv Aryakaz caiva kRtakAryau mudA yutau  pratijagmatur abhyarcya devarAjaM mahAdyutim   |



|  1   [kaNva]  garuDas tat tu zuzrAva yathAvRttaM mahAbalaH  AyuH pradAnaM zakreNa kRtaM nAgasya bhArata 2  pakSavAtena mahatA ruddhvA tribhuvanaM khagaH  suparNaH paramakruddho vAsavaM samupAdravat 3  bhagavan kim avajJAnAt kSudhAM prati bhaye mama  kAmakAra varaM dattvA punaz calitavAn asi 4  nisargAt sarvabhUtAnAM sarvabhUtezvareNa me  AhAro vihito dhAtrA kimarthaM vAryate tvayA 5  vRtaz caiSa mahAnAgaH sthApitaH samayaz ca me  anena ca mayA deva bhartavyaH prasavo mahAn 6  etasmiMs tv anyathA bhUte nAnyaM hiMsitum utsahe  krIDase kAmakAreNa devarAjayathecchakam 7  so 'haM prANAn vimokSyAmi tathA parijano mama  ye ca bhRtyA mama gRhe prItimAn bhava vAsava 8  etac caivAham arhAmi bhUyaz ca balavRtrahan  trailokyasyezvaro yo 'haM parabhRtyatvam AgataH 9  tvayi tiSThati deveza na viSNuH kAraNaM mama  trailokyA rAjarAjyaM hi tvayi vAsava zAzvatam 10  mamApi dakSasya sutA jananI kazyapaH pitA  aham apy utsahe lokAn samastAn voDhum aJjasA 11  asahyaM sarvabhUtAnAM mamApi vipulaM balam  mayApi sumahat karmakRtaM daiteya vigrahe 12  zrutazrIH zrutasenaz ca vivasvAn rocanA mukhaH  prasabhaH kAlakAkSAz ca mayApi ditijA hatAH 13  yat tu dhvajasthAna gato yatnAt paricarAmy aham  vahAmi caivAnujaM te tena mAm avamanyase 14  ko 'nyo bhArasaho hy asti ko 'nyo 'sti balavattaraH  mayA yo 'haM viziSTaH san vahAmImaM sabAndhavam 15  avajJAya tu yat te 'haM bhojanAd vyaparopitaH  tena me gauravaM naSTaM tvattaz cAsmAc ca vAsava 16  adityAM ya ime jAtA balavikrama zAlinaH  tvam eSAM kila sarveSAM vizeSAd balavattaraH 17  so 'haM pakSaika dezena vahAmi tvAM gataklamaH  vimRza tvaM zanais tAta ko nv atra balavAn iti 18  tasya tad vacanaM zrutvA khagasyodarka dAruNam  akSobhyaM kSobhayaMs tArkSyam uvAca rathacakrabhRt 19  garutman manyasa AtmAnaM balavantaM sudurbalam  alam asmat samakSaM te stotum AtmAnam aNDaja 20  trailokyam api me kRtsnam azaktaM dehadhAraNe  aham evAtmanAtmAnaM vahAmi tvAM ca dhAraye 21  imaM tAvan mamaikaM tvaM bAhuM savyetaraM vaha  yady enaM dhArayasy ekaM saphalaM te vikatthitam 22  tataH sa bhagavAMs tasya skandhe bAhuM samAsajat  nipapAta sa bhArArto vihvalo naSTacetanaH 23  yAvAn hi bhAraH kRtsnAyAH pRthivyAH parvataiH saha  ekasyA dehazAkhAyAs tAvad bhAram amanyata 24  na tv enaM pIDayAm Asa balena balavattaraH  tato hi jIvitaM tasya na vyanInazad acyutaH 25  vipakSaH srastakAyaz ca vicetA vihvalaH khagaH  mumoca patrANi tadA gurubhAraprapIDitaH 26  sa viSNuM zirasA pakSI praNamya vinatAsutaH  vicetA vihvalo dInaH kiM cid vacanam abravIt 27  bhagavam*l lokasArasya sadRzena vapuSmatA  bhujena svairamuktena niSpiSTo 'smi mahItale 28  kSantum arhasi me deva vihvalasyAlpa cetasaH  baladAha vidagdhasya pakSiNo dhvajavAsinaH 29  na vijJAtaM balaM deva mayA te paramaM vibho  tena manyAmy ahaM vIryam Atmano 'sadRzaM paraiH 30  tataz cakre sa bhagavAn prasAdaM vai garutmataH  maivaM bhUya iti snehAt tadA cainam uvAca ha 31  tathA tvam api gAndhAre yAvat pANDusutAn raNe  nAsAdayasi tAn vIrAMs tAvaj jIvasi putraka 32  bhImaH praharatAM zreSTho vAyuputro mahAbalaH  dhanaMjayaz cendra suto na hanyAtAM tu kaM raNe 33  viSNur vAyuz ca zakraz ca dharmas tau cAzvinAv ubhau  ete devAs tvayA kena hetunA zakyam IkSitum 34  tad alaM te virodhena zamaM gaccha nRpAtmaja  vAsudevena tIrthena kulaM rakSitum arhasi 35  pratyakSo hy asya sarvasya nArado 'yaM mahAtapAH  mAhAtmyaM yat tadA viSNur yo 'yaM cakragadAdharaH 36  duryodhanas tu tac chrutvA niHzvasan bhRkuTI mukhaH  rAdheyam abhisaMprekSya jahAsa svanavat tadA 37  kadarthI kRtyatad vAkyam RSeH kaNvasya durmatiH  UruM gajakarAkAraM tADayann idam abravIt 38  yathaivezvara sRSTo 'smi yad bhAvi yA ca me gatiH  tathA maharSe vartAmi kiM pralApaH kariSyati   |



|  1   [j]  anarthe jAtanirbandhaM parArthe lobhamohitam  anAryakeSv abhirataM maraNe kRtanizcayam 2  jJAtInAM duHkhakartAraM bandhUnAM zokavardhanam  suhRdAM klezadAtAraM dviSatAM harSavardhanam 3  kathaM nainaM vimArgasthaM vArayantIha bAndhavAH  sauhRdAd vA suhRtsnigdho bhagavAn vA pitAmahaH 4  uktaM bhagavatA vAkyam uktaM bhISmeNa yat kSamam  uktaM bahuvidhaM caiva nAradenApi tac chRNu 5  durlabho vai suhRc chrotA durlabhaz ca hitaH suhRt  tiSThate hi suhRd yatra na bandhus tatra tiSThati 6  zrotavyam api pazyAmi suhRdAM kurunandana  na kartavyaz ca nirbandho nirbandho hi sudAruNaH 7  atrApy udAharantImam itihAsaM purAtanam  yathA nirbandhataH prApto gAlavena parAjayaH 8  vizvAmitraM tapasyantaM dharmo jijJAsayA purA  abhyagacchat svayaM bhUtvA vasiSTho bhagavAn RSiH 9  saptarSINAm anyatamaM veSam asthAya bhArata  bubhukSuH kSudhito rAjann AzramaM kauzikasya ha 10  vizvAmitro 'tha saMbhrAntaH zrapayAm Asa vai caru  paramAnnasya yatnena na ca sa pratyapAlayat 11  annaM tena yadA bhuktam anyair dattaM tapasvibhiH  atha gRhyAn namaty uSNaM vizvAmitro 'bhyupAgamat 12  bhuktaM me tiSTha tAvat tvam ity uktvA bhagavAn yayau  vizvAmitras tato rAjan sthita eva mahAdyutiH 13  bhaktaM pragRhya mUrdhnA tad bAhubhyAM pArzvato 'gamat  sthitaH sthANur ivAbhyAze nizceSTo mArutAzanaH 14  tasya zuzrUSaNe yatnam akarod gAlavo muniH  gauravAd bahumAnAc ca hArdena priyakAmyayA 15  atha varSazate pUrNe dharmaH punar upAgamat  vAsiSThaM veSam AsthAya kauzikaM bhojanepsayA 16  sa dRSTvA zirasA bhaktaM dhriyamANaM maharSiNA  tiSThatA vAyubhakSeNa vizvAmitreNa dhImatA 17  pratigRhya tato dharmas tathaivoSNaM tathA navam  bhuktvA prIto 'smi viprarSe tam uktvA sa munir gataH 18  kSatrabhAvAd apagato vizvAmitras tadAbhavat  dharmasya vacanAt prIto vizvAmitras tadAbhavat 19  vizvAmitras tu ziSyasya gAlavasya tapasvinaH  zuzrUSayA ca bhaktyA ca prItimAn ity uvAca tam  anujJAto mayA vatsa yatheSTaM gaccha gAlava 20  ity uktaH pratyuvAcedaM gAlavo munisattamam  prIto madhurayA vAcA vizvAmitraM mahAdyutim 21  dakSiNAM kAM prayacchAmi bhavate guru karmaNi  dakSiNAbhir upetaM hi karma sidhyati mAnavam 22  dakSiNAnAM hi sRSTAnAm apavargeNa bhujyate  svarge kratuphalaM sadbhir dakSiNA zAntir ucyate  kim AharAmi gurvarthaM bravItu bhagavAn iti 23  jAnamAnas tu bhagavAJ jitaH zuzrUSaNena ca  vizvAmitras tam asakRd gaccha gacchety acodayat 24  asakRd gaccha gaccheti vizvAmitreNa bhASitaH  kiM dadAnIti bahuzo gAlavaH pratyabhASata 25  nirbandhatas tu bahuzo gAlavasya tapasvinaH  kiM cid AgatasaMrambho vizvAmitro 'bravId idam 26  ekataH zyAma karNAnAM zatAny aSTau dadasva me  hayAnAM candra zubhrANAM gaccha gAlava mAciram   |



|  1   [n]  evam uktas tadA tena vizvAmitreNa dhImatA  nAste na zete nAhAraM kurute gAlavas tadA 2  tvag asthi bhUto hariNaz cintAzokaparAyaNaH  zocamAno 'timAtraM sa dahyamAnaz ca manyunA 3  kutaH puSTAni mitrANi kuto 'rthAH saMcayaH kutaH  hayAnAM candra zubhrANAM zatAny aSTau kuto mama 4  kuto me bhojanazraddhA sukhazraddhA kutaz ca me  zraddhA me jIvitasyApi chinnA kiM jIvitena me 5  ahaM pAraM samudrasya pRthivyA vA paraM parAt  gatvAtmAnaM vimuJcAmi kiM phalaM jIvitena me 6  adhanasyAkRtArthasya tyaktasya vividhaiH phalaiH  RNaM dhArayamANasya kutaH sukham anIhayA 7  suhRdAM hi dhanaM bhuktvA kRtvA praNayam Ipsitam  pratikartum azaktasya jIvitAn maraNaM varam 8  pratizrutya kariSyeti kartavyaM tad akurvataH  mithyAvacanadagdhasya iSTApUrtaM praNazyati 9  na rUpam anRtasyAsti nAnRtasyAsti saMtatiH  nAnRtasyAdhipatyaM ca kuta eva gatiH zubhA 10  kutaH kRtaghnasya yazaH kutaH sthAnaM kutaH sukham  azraddheyaH kRtaghno hi kRtaghne nAsti niSkRtiH 11  na jIvaty adhanaH pApaH kutaH pApasya tantraNam  pApo dhruvam avApnoti vinAzaM nAzayan kRtam 12  so 'haM pApaH kRtaghnaz ca kRpaNaz cAnRto 'pi ca  guror yaH kRtakAryaH saMs tat karomi na bhASitam  so 'haM prANAn vimokSyAmi kRtvA yatnam anuttamam 13  arthanA ca mayA kA cit kRtapUrvA divaukasAm  mAnayanti ca mAM sarve tridazA yajJasaMstare 14  ahaM tu vibudhazreSThaM devaM tribhuvanezvaram  viSNuM gacchAmy ahaM kRSNaM gatiM gatimatAM varam 15  bhogA yasmAt pratiSThante vyApya sarvAn surAsurAn  prayato draSTum icchAmi mahAyoginam avyayam 16  evam ukte sakhA tasya garuDo vinatAtmajaH  darzayAm Asa taM prAha saMhRSTaH priyakAmyayA 17  suhRd bhavAn mama mataH suhRdAM ca mataH suhRt  IpsitenAbhilASeNa yoktavyo vibhave sati 18  vibhavaz cAsti me vipra vAsavAvarajo dvija  pUrvam uktas tvadarthaM ca kRtaH kAmaz ca tena me 19  sa bhavAn etu gacchAva nayiSye tvAM yathAsukham  dezaM pAraM pRthivyA vA gaccha gAlava mAciram   |



|  1   [suparNa]  anuziSTo 'smi devena gAlavAjJAta yoninA  brUhi kAm anusaMyAmi draSTuM prathamato dizam 2  pUrvAM vA dakSiNAM vAham atha vA pazcimAM dizam  uttarAM vA dvijazreSTha kuto gacchAmi gAlava 3  yasyAm udayate pUrvaM sarvalokaprabhAvanaH  savitA yatra saMdhyAyAM sAdhyAnAM vartate tapaH 4  yasyAM pUrvaM matir jAtA yayA vyAptam idaM jagat  cakSuSI yatra dharmasya yatra caiSa pratiSThitaH 5  hutaM yato mukhair havyaM sarpate sarvatodizam  etad dvAraM dvijazreSTha divasasya tathAdhvanaH 6  yatra pUrvaM prasUtA vai dAkSAyaNyaH prajAH striyaH  yasyAM dizi pravRddhAz ca kazyapasyAtmasaMbhavAH 7  yatomUlA surANAM zrIr yatra zakro 'bhyaSicyatA  surarAjyena viprarSe devaiz cAtra tapaz citam 8  etasmAt kAraNAd brahman pUrvety eSA dug ucyate  yasmAt pUrvatare kAle pUrvam eSAvRtA suraiH 9  ata eva ca pUrveSAM pUrvAm AzAm avekSatAm  pUrvakAryANi kAryANi daivAni sukham IpsatA 10  atra vedAJ jagau pUrvaM bhagavAm*l lokabhAvanaH  atraivoktA savitrAsIt sAvitrI brahmavAdiSu 11  atra dattAni sUryeNa yajUMSi dvijasattama  atra labdhavaraiH somaH suraiH kratuSu pIyate 12  atra tRptA hutavahAH svAM yonim upabhuJjate  atra pAtAlam Azritya varuNaH zriyam Apa ca 13  atra pUrvaM vasiSThasya paurANasya dvijarSabha  sUtiz caiva pratiSThA ca nidhanaM ca prakAzate 14  oMkArasyAtra jAyante sUtayo dazatIr daza  pibanti munayo yatra havirdhAne sma somapAH 15  prokSitA yatra bahavo varAhAdyA mRgA vane  zakreNa yatra bhAgArthe daivateSu prakalpitAH 16  atrAhitAH kRtaghnAz ca mAnuSAz cAsurAz ca ye  udayaMs tAn hi sarvAn vai krodhAd dhanti vibhAvasuH 17  etad dvAraM trilokasya svargasya ca mukhasya ca  eSa pUrvo dizA bhAgo vizAvainaM yadIcchasi 18  priyaM kAryaM hi me tasya yasyAsmi vacane sthitaH  brUhi gAlava yAsyAmi zRNu cApy aparAM dizam   |



|  1   [suparNa]  iyaM vivasvatA pUrvaM zrautena vidhinA kila  gurave dakSiNA dattA dakSiNety ucyate 'tha dik 2  atra lokatrayasyAsya pitRpakSaH pratiSThitaH  atroSmapAnAM devAnAM nivAsaH zrUyate dvija 3  atra vizve sadA devAH pitRbhiH sArdham Asate  ijyamAnAH sma lokeSu saMprAptAs tulyabhAgatAm 4  etad dvitIyaM dharmasya dvAram AcakSate dvija  truTizo lavazaz cAtra gaNyate kAlanizcayaH 5  atra devarSayo nityaM pitRlokarSayas tathA  tathA rAjarSayaH sarve nivasanti gatavyathAH 6  atra dharmaz ca satyaM ca karma cAtra nizAmyate  gatir eSA dvijazreSTha karmaNAtmAvasAdinaH 7  eSA dik sA dvijazreSTha yAM sarvaH pratipadyate  vRtA tv anavabodhena sukhaM tena na gamyate 8  nairRtAnAM sahasrANi bahUny atra dvijarSabha  sRSTAni pratikUlAni draSTavyAny akRtAtmabhiH 9  atra mandarakuJjeSu viprarSisadaneSu ca  gandharvA gAnti gAthA vai cittabuddhiharA dvija 10  atra sAmAni gAthAbhiH zrutvA gItAni raivataH  gatadAro gatAmAtyo gatarAjyo vanaM gataH 11  atra sAvarNinA caiva yavakrItAtmajena ca  maryAdA sthApitA brahman yAM sUryo nAtivartate 12  atra rAkSasarAjena paulasthyena mahAtmanA  rAvaNena tapaz cIrtvA surebhyo 'maratA vRtA 13  atra vRttena vRtro 'pi zakrazatrutvam IyivAn  atra sarvAsavaH prAptAH punar gacchanti paJcadhA 14  atra duSkRtakarmANo narAH pacyanti gAlava  atra vaitaraNI nAma nadI vitaraNair vRtA  atra gatvA sukhasyAntaM duHkhasyAntaM prapadyate 15  atrAvRtto dinakaraH kSarate surasaM payaH  kASThAM cAsAdya dhAniSThAM himam utsRjate punaH 16  atrAhaM gAlava purA kSudhArtaH paricintayan  labdhavAn yudhyamAnau dvau bRhantau gala kacchapau 17  atra zakradhanur nAma sUryAj jAto mahAn RSiH  vidur yaM kapilaM devaM yenAttAH sagarAtmajAH 18  atra siddhAH zivA nAma brAhmaNA vedapAragAH  adhItya sakhilAn vedAn Alabhante yamakSayam 19  atra bhogavatI nAma purI vAsukipAlitA  takSakeNa ca nAgena tathaivairAvatena ca 20  atra niryANakAleSu tamaH saMprApyate mahat  abhedyaM bhAskareNApi svayaM vA kRSNavartmanA 21  eSa tasyApi te mArgaH paritApasya gAlava  brUhi me yadi gantavyaM pratIcIM zRNu vA mama   |



|  1   [suparNa]  iyaM dig dayitA rAjJo varuNasya tu gopateH  sadA salilarAjasya pratiSThA cAdir eva ca 2  atra pazcAd ahaH sUryo visarjayati bhAH svayam  pazcimety abhivikhyAtA dig iyaM dvijasattama 3  yAdasAm atra rAjyena salilasya ca guptaye  kazyapo bhagavAn devo varuNaM smAbhyaSecayat 4  atra pItvA samastAn vai varuNasya rasAMs tu SaT  jAyate taruNaH somaH zuklasyAdau tamisrahA 5  atra pazcAt kRtA daityA vAyunA saMyatAs tadA  niHzvasanto mahAnAgair arditAH suSupur dvija 6  atra sUryaM praNayinaM pratigRhNAti parvataH  asto nAma yataH saMdhyA pazcimA pratisarpati 7  ato rAtriz ca nidrA ca nirgatA divasakSaye  jAyate jIvalokasya hartum ardham ivAyuSaH 8  atra devIM ditiM suptAm Atmaprasava dhAriNIm  vigarbhAm akaroc chakro yatra jAto marudgaNaH 9  atra mUlaM himavato mandaraM yAti zAzvatam  api varSasahasreNa na cAsyAnto 'dhigamyate 10  atra kAJcanazailasya kAJcanAmbuvahasya ca  udadhes tIram AsAdya surabhiH kSarate payaH 11  atra madhye samudrasya kabandhaH pratidRzyate  svarbhAnoH sUryakalpasya somasUryau jighAMsataH 12  suvarNaziraso 'py atra hariromNaH pragAyataH  adRzyasyAprameyasya zrUyate vipulo dhvaniH 13  atra dhvajavatI nAma kumArI hari medhasaH  AkAze tiSTha tiSTheti tasthau sUryasya zAsanAt 14  atra vAyus tathA vahnir ApaH khaM caiva gAlava  AhnikaM caiva naizaM ca duHkhasparzaM vimuJcati  ataH prabhRti sUryasya tiryag Avartate gatiH 15  atra jyotIMSi sarvANi vizanty AdityamaNDalam  aSTAviMzati rAtraM ca caGkramya saha bhAnunA  niSpatanti punaH sUryAt somasaMyogayogataH 16  atra nityaM sravantInAM prabhavaH sAgarodayaH  atra lokatrayasyApas tiSThanti varuNAzrayAH 17  atra pannagarAjasyApy anantasya nivezanam  anAdi nidhanasyAtra viSNoH sthAnam anuttamam 18  atrAnala sakhasyApi pavanasya nivezanam  maharSeH kazyapasyAtra mArIcasya nivezanam 19  eSa te pazcimo mArgo dig dvAreNa prakIrtitaH  brUhi gAlava gacchAvo buddhiH kA dvijasattama   |



|  1   [suparNa]  yasmAd uttAryate pApAd yasmAn niHzreyaso 'znute  tasmAd uttAraNa phalAd uttarety ucyate budhaiH 2  uttarasya hiraNyasya parivApasya gAlava  mArgaH pazcimapUrvAbhyAM digbhyAM vai madhyamaH smRtaH 3  asyAM dizi variSThAyAm uttarAyAM dvijarSabha  nAsaumyo nAvidheyAtmA nAdharmyo vasate janaH 4  atra nArAyaNaH kRSNo juSNuz caiva narottamaH  badaryAm Azramapade tathA brahmA ca zAzvataH 5  atra vai himavatpRSThe nityam Aste mahezvaraH  atra rAjyena viprANAM candramAz cAbhyaSicyata 6  atra gaGgAM mahAdevaH patantIM gaganAc cyutAm  pratigRhya dadau loke mAnuSe brahmavittama 7  atra devyA tapas taptaM mahezvara parIpsayA  atra kAmaz ca roSaz ca zailaz comA ca saMbabhuH 8  atra rAkSasa yakSANAM gandharvANAM ca gAlava  Adhipatyena kailAse dhanado 'py abhiSecitaH 9  atra caitrarathaM ramyam atra vaikhAnasAzramaH  atra mandAkinI caiva mandaraz ca dvijarSabha 10  atra saugandhika vanaM nairRtair abhirakSyate  zADvalaM kadalI skandham atra saMtAnakA nagAH 11  atra saMyamanityAnAM siddhAnAM svairacAriNAm  vimAnAny anurUpANi kAmabhogyAni gAlava 12  atra te RSayaH sapta devI cArundhatI tathA  atra tiSThati vai svAtir atrAsyA udayaH smRtaH 13  atra yajJaM samAruhya dhruvaM sthAtA pitAmaha  jyotIMSi candrasUryau ca parivartanti nityazaH 14  atra gAyantikA dvAraM rakSanti dvijasattamAH  dhAmA nAma mahAtmAno munayaH satyavAdinaH 15  na teSAM jJAyate sUtir nAkRtir na tapaz citam  aprivarta sahasrANi kAmabhogyAni gAlava 16  yathA yathA pravizati tasmAt parataraM naraH  tathA tathA dvijazreSTha pravilIyati gAlava 17  na tat kena cid anyena gatapUrvaM dvijarSabha  Rte nArAyaNaM devaM naraM vA jiSNum avyayam 18  atra kailAsam ity uktaM sthAnam ailavilasya tat  atra vidyutprabhA nAma jajJire 'psaraso daza 19  atra viSNupadaM nAma kramatA viSNunA kRtam  trilokavikrame brahmann uttarAM dizam Azritam 20  atra rAjJA maruttena yajJeneSTaM dvijottama  uzIrabIje viprarSe yatra jAmbUnadaM saraH 21  jImUtasyAtra viprarSer upatasthe mahAtmanaH  sAkSAd dhaimavataH puNyo vimalaH kamalAkaraH 22  brAhmaNeSu ca yatkRtsnaM svantaM kRtvA dhanaM mahat  vavre vanaM maharSiH sa jaimUtaM tad vanaM tataH 23  atra nityaM dizApAlAH sAyaMprAtar dvijarSabha  kasya kAryaM kim iti vai karikrozanti gAlava 24  evam eSA dvijazreSThaguNair anyair dig uttarA  uttareti parikhyAtA sarvakarmasu cottarA 25  etA vistarazas tAta tava saMkIrtitA dizaH  catasraH kramayogena kAmAzAM gantum icchasi 26  udyato 'haM dvijazreSTha tava darzayituM dizaH  pRthivIM cAkhilAM brahmaMs tasmAd Aroha mAM dvija   |



|  1   [gAlava]  garutman bhujagendrAre suparNavinatAtmaja  nayamAM tArkSya pUrveNa yatra dharmasya cakSuSI 2  pUrvam etAM dizaM gaccha yA pUrvaM parikIrtitA  daivatAnAM hi sAMnidhyam atra kIrtitavAn asi 3  atra satyaM ca dharmaz ca tvayA samyak prakIrtitaH  iccheyaM tu samAgantuM samastair daivatair aham  bhUyaz ca tAn surAn draSTum iccheyam aruNAnuja 4  tam Aha vinatA sUnur Arohasveti vai dvijam  ArurohAtha sa munir garuDaM gAlavas tadA 5  kramamANasya te rUpaM dRzyate pannagAzana  bhAskarasyeva pUrvAhNe sahasrAMzor vivasvataH 6  pakSavAtapraNunnAnAM vRkSANAm anugAminAm  prasthitAnAm iva samaM pazyAmIha gatiM khaga 7  sasAgaravanAm urvIM sazailavanakAnanAm  AkarSann iva cAbhAsi pakSavAtena khecara 8  samInanAganakraM ca kham ivAropyate jalam  vAyunA caiva mahatA pakSavAtena cAnizam 9  tulyarUpAnanAn matsyAMs timimatsyAMs timiMgilAn  nAgAMz ca naravaktrAMz ca pazyAmy unmathitAn iva 10  mahArNavasya ca ravaiH zrotre me badhirI kRte  na zRNomi na pazyAmi nAtmano vedmi kAraNam 11  zanaiH sAdhu bhavAn yAtu brahmahatyAm anusmaran  na dRzyate ravis tAta na dizo na ca khaM khaga 12  tama eva tu pazyAmi zarIraM te na lakSaye  maNIva jAtyau pazyAmi cakSuSI te 'ham aNDaja 13  zarIre tu na pazyAmi tava caivAtmanaz ca ha  pade pade tu pazyAmi salilAd agnim utthitam 14  sa me nirvApya sahasA cakSuSI zAmyate punaH  tan nivarta mahAn kAlo gacchato vinatAtmaja 15  na me prayojanaM kiM cid gamane pannagAzana  saMnivarta mahAvegana vegaM viSahAmi te 16  gurave saMzrutAnIha zatAny aSTau hi vAjinAm  ekataH zyAma karNAnAM zubhrANAM candra varcasAm 17  teSAM caivApavargAya mArgaM pazyAmi nANDaja  tato 'yaM jIvitatyAge dRSTo mArgo mayAtmanaH 18  naiva me 'sti dhanaM kiM cin na dhanenAnvitaH suhRt  na cArthenApi mahatA zakyam etad vyapohitum 19  evaM bahu ca dInaM ca bruvANaM gAlavaM tadA  pratyuvAca vrajann eva prahasan vinatAtmajaH 20  nAtiprajJo 'si viprarSe yo ''tmAnaM tyaktum icchasi  na cApi kRtrimaH kAlaH kAlo hi paramezvaraH 21  kim ahaM pUrvam eveha bhavatA nAbhicoditaH  upAyo 'tra mahAn asti yenaitad upapadyate 22  tad eSa RSabho nAma parvataH sAgarorasi  atra vizramya bhuktvA ca nivartiSyAva gAlava   |



|  1   [n]  RSabhasya tataH zRGge nipatya dvija pakSiNau  zANDilIM brAhmaNIM tatra dadRzAte tapo'nvitAm 2  abhivAdya suparNas tu gAlavaz cAbhipUjya tAm  tayA ca svAgatenoktau viSTare saMniSIdatuH 3  siddham annaM tayA kSipraM balimantropabRMhitam  bhuktvA tRptAv ubhau bhUmau suptau tAv annamohitau 4  muhUrtAt pratibuddhas tu suparNo gamanepsayA  atha bhraSTatanUjAGgam AtmAnaM dadRze khagaH 5  mAMsapiNDopamo 'bhUt sa mukhapAdAnvitaH khagaH  gAlavas taM tathA dRSTvA viSaNNaH paryapRcchata 6  kim idaM bhavatA prAptam ihAgamanajaM phalam  vAso 'yam iha kAlaM tu kiyantaM nau bhaviSyati 7  kiM nu te manasA dhyAtam azubhaM dharmadUSaNam  na hy ayaM bhavataH svalpo vyabhicAro bhaviSyati 8  suparNo 'thAbravId vipraM pradhyAtaM vai mayA dvija  imAM siddhAm ito netuM tatra yatra prajApatiH 9  yatra devo mahAdevo yatra viSNuH sanAtanaH  yatra dharmaz ca yajJaz ca tatreyaM nivased iti 10  so 'haM bhagavatIM yAce praNataH priyakAmyayA  mayaitan nAma pradhyAtaM manasA zocatA kila 11  tad evaM bahumAnAt te mayehAnIpsitaM kRtam  sukRtaM duSkRtaM vA tvaM mAhAtmyAt kSantum arhasi 12  sA tau tadAbravIt tuSTA patagendra dvijarSabhau  na bhetavyaM suparNo 'si suparNa tyaja saMbhramam 13  ninditAsmi tvayA vatsa na ca nindAM kSamAmy aham  lokebhyaH sa paribhrazyed yo mAM nindeta pApakRt 14  hInayAkalSaNaiH sarvais tathAninditayA mayA  AcAraM pratigRhNantyA siddhiH prApteyam uttamA 15  AcArAl labhate dharmam AcArAl labhate dhanam  AcArAc chriyam Apnoti AcAro hanty alakSaNam 16  tadAyuSman khaga pate yatheSTaM gamyatAm itaH  na ca te garhaNIyApi harhitavyAH striyaH kva cit 17  bhavitAsi yathApUrvaM balavIryasamanvitaH  babhUvatus tatas tasya pakSau draviNavattarau 18  anujJAtaz ca zANDilyA yathAgatam upAgamat  naiva cAsAdayAm Asa tathArUpAMs turaMgamAn 19  vizvAmitro 'tha taM dRSTvA gAlavaM cAdhvani sthitam  uvAca vadatAM zreSTho vainateyasya saMnidhau 20  yas tvayA svayam evArthaH pratijJAto mama dvija  tasya kAlo 'pavargasya yathA vA manyate bhavAn 21  pratIkSiSyAmy ahaM kAlam etAvantaM tathA param  yathA saMsidhyate vipra sa mArgas tu nizamyatAm 22  suparNo 'thAbravId dInaM gAlavaM bhRzaduHkhitam  pratyakSaM khalv idAnIM me vizvAmitro yad uktavAn 23  tad Agaccha dvijazreSTha mantrayiSyAva gAlava  nAdattvA gurave zakyaM kRtsnam arthaM tvayAsitum   |



|  1   [n]  athAha gAlavaM dInaM suparNaH patatAM varaH  nirmitaM vahninA bhUmau vAyunA vaidhitaM tathA  yasmAd dhiraNmayaM sarvaM hiraNyaM tena cocyate 2  dhatte dhArayate cedam etasmAt kAraNAd dhanam  tad etat triSu lokeSu dhanaM tiSThati zAzvatam 3  nityaM proSThapadAbhyAM ca zukre dhanapatau tathA  manuSyebhyaH samAdatte zukraz cittArjitaM dhanam 4  ajaika pAd ahir budhnyai rakSyate dhanadena ca  evaM na zakyate labdhum alabdhavyaM dvijarSabha 5  Rte ca dhanam azvAnAM nAvAptir vidyate tava  arthaM yAcAtra rAjAnaM kaM cid rAjarSivaMzajam  apIDya rAjA paurAn hi yo nau kuryAt kRtAthinau 6  asti somAnvavAye me jAtaH kaz cin nRpaH sakhA  abhigacchAvahe taM vai tasyAsti vibhavo bhuvi 7  yayAtir nAma rAjarSir nAhuSaH satyavikramaH  sa dAsyati mayA cokto bhavatA cArthitaH svayam 8  vibhavaz cAsya sumahAn AsId dhanapater iva  evaM sa tu dhanaM vidvAn dAnenaiva vyazodhayat 9  tathA tau kathayantau ca cintayantau ca yat kSamam  pratiSThAne narapatiM yayAtiM prayupasthitau 10  pratigRhya ca satkAram arghAdiM bhojanaM varam  pRSTaz cAgamane hetum uvAca vinatAsutaH 11  ayaM me nAhuSa sakhA gAlavas tapaso nidhiH  vizvAmitrasya ziSyo 'bhUd varSANy ayutazo nRpa 12  so 'yaM tenAbhyanujJAta upakArepsayA dvijaH  tam Aha bhagavAn kAM te dadAni guru dakSiNAm 13  asakRt tena coktena kiM cid AgatamanyunA  ayam uktaH prayaccheti jAnatA vibhavaM laghu 14  ekataH zyAma karNAnAM zubhrANAM zuddhajanmanAm  aSTau zatAni me dehi hayAnAM candra varcasAm 15  gurvartho dIyatAm eSa yadi gAlava manyase  ity evam Aha sakrodho vizvAmitras tapodhanaH 16  so 'yaM zokena mahatA tapyamAno dvijarSabhaH  azaktaH pratikartuM tad bhavantaM zaraNaM gataH 17  patigRhya naravyAghra tvatto bhikSAM gatavyayaH  kRtvApavargaM gurave cariSyati mahat tapaH 18  tapasaH saMvibhAgena bhavantam api yokSyate  svena rAjarSitapasA pUrNaM tvAM pUrayiSyati 19  yAvanti romANi haye bhavanti hi narezvara  tAvato vAjidA lokAn prApnuvanti mahIpate 20  pAtraM pratigrahasyAyaM dAtuM pAtraM tathA bhavAn  zaGkhe kSIram ivAsaktaM bhavatv etat tathopamam   |



|  1   [n]  evam uktaH suparNena tathyaM vacanam uttamam  vimRzyAvahito rAjA nizcitya ca punaH punaH 2  yaSTA kratusahasrANAM dAtA dAnapatiH prabhuH  yayAtir vatsa kAzIza idaM vacanam abravIt 3  dRSTvA priyasakhaM tArkSyaM gAlavaM ca dvijarSabham  nidarzanaM ca tapaso bhikSAM zlAghyAM ca kIrtitAm 4  atItya ca nRpAn anyAn AdityakulasaMbhavAn  matsakAzam anuprAptAv etau buddhim avekSya ca 5  adya me saphalaM janma tAritaM cAdya me kulam  adyAyaM tArito dezo mama tArkSya tvayAnagha 6  vaktum icchAmi tu sakhe yathA jAnAsi mAM purA  na tathA vittavAn asmi kSINaM vittaM hi me sakhe 7  na ca zakto 'smi te kartuM mogham AgamanaM khaga  na cAzAm asya viprarSer vitathAM kartum utsahe 8  tat tu dAsyAmi yat kAryam idaM saMpAdayiSyati  abhigamya hatAzo hi nivRtto dahate kulam 9  nAtaH paraM vainateya kiM cit pApiSTham ucyate  yathAzA nAzanam loke dehi nAstIti vA vacaH 10  hatAzo hy akRtArthaH san hataH saMbhAvito naraH  hinasti tasya putrAMz ca pautrAMz cAkurvato 'rthinAm 11  tasmAc caturNAM vaMzAnAM sthApayitrI sutA mama  iyaM surasuta prakhyA sarvadharmopacAyinI 12  sadA devamanuSyANAm asurANAM ca gAlava  kAGkSitA rUpato bAlA sutA me pratigRhyatAm 13  asyAH zulkaM pradAsyanti nRpA rAjyam api dhruvam  kiM punaH zyAma karNAnAM hayAnAM dve catuHzate 14  sa bhavAn pratigRhNAtu mamemAM mAdhavIM sutAm  ahaM dauhitravAn syAM vai vara eSa mama prabho 15  pratigRhya ca tAM kanyAM gAlavaH saha pakSiNA  punar drakSyAva ity uktvA pratasthe saha kanyayA 16  upalabdham idaM dvAram azvAnAm iti cANDajaH  uktvA gAlavam ApRcchya jagAma bhavanaM svakam 17  gate patagarAje tu gAlavaH saha kanyayA  cintayAnaH kSamaM dAne rAjJAM vai zulkato 'gamat 18  so 'gacchan manasekSvAkuM haryazvaM rAjasattamam  ayodhyAyAM mahAvIryaM caturaGga balAnvitam 19  kozadhAnya balopetaM priya pauraM dvija priyam  prajAbhikAmaM zAmyantaM kurvANaM tapa uttamam 20  tam upAgamya vipraH sa haryazvaM gAlavo 'bravIt  kanyeyaM mama rAjendra prasavaiH kulavardhinI 21  iyaM zuklena bhAryArthe haryazvapratigRhyatAm  zulkaM te kIrtayiSyAmi tac chrutvA saMpradhAryatAm   |



|  1   [n]  haryazvas tv abravId rAjA vicintya bahudhA tataH  dIrgham uSNaM ca niHzvasya prajA hetor nRpottamaH 2  unnateSUnnatA SaTsu sUkSmA sUkSmeSu saptasu  gambhIrA triSu gambhIreSv iyaM raktA ca paJcasu 3  bahu devAsurAlokA bahu gandharvadarzanA  bahu lakSaNasaMpannA bahu prasava dAriNI 4  samartheyaM janayituM cakravartinam Atmajam  brUhi zulkaM dvijazreSTha samIkSya vibhavaM mama 5  ekataH zyAma karNAnAM zatAny aSTau dadasva me  hayAnAM candra zubhrANAM dezajAnAM vapuSmatAm 6  tatas tava bhavitrIyaM putrANAM jananI zubhA  araNIva hutAzAnAM yonir AyatalocanA 7  etac chrutvA vaco rAjA haryazvaH kAmamohitaH  uvAca gAlavaM dIno rAjarSir RSisattamam 8  dve me zate saMnihite hayAnAM yad vidhAs tava  eSTavyAH zatazas tv anye caranti mama vAjinaH 9  so 'ham ekam apatyaM vai janayiSyAmi gAlava  asyAm etaM bhavAn kAmaM saMpAdayatu me varam 10  etac chrutvA tu sA kanyA gAlavaM vAkyam abravIt  mama datto varaH kaz cit kena cid brahmavAdinA 11  prasUty ante prasUty ante kanyaiva tvaM bhaviSyasi  sa tvaM dadasva mAM rAjJe pratigRhya hayottamAn 12  nRpebhyo hi caturbhyas te pUrNAny aSTau zatAni vai  bhaviSyanti tathA putrA mama catvAra eva ca 13  kriyatAM mama saMhAro gurvarthaM dvijasattama  eSA tAvan mama prajJA yathA vA manyase dvija 14  evam uktas tu sa muniH kanyayA gAlavas tadA  haryazvaM pRthivIpAlam idaM vacanam abravIt 15  iyaM kanyA narazreSTha haryazvapratigRhyatAm  caturbhAgena zulkasya janayasvaikam Atmajam 16  patigRhya sa tAM kanyAM gAlavaM patinandya ca  samaye dezakAle ca labdhavAn sutam Ipsitam 17  tato vasu manA nAma vasubhyo vasumattaraH  vasu prakhyo narapatiH sa babhUva vasu pradaH 18  atha kAle punar dhImAn gAlavaH patyupasthitaH  upasaMgamya covAca haryazvaM prItimAnasam 19  jAto nRpasutas te 'yaM bAla bhAskarasaMnibhaH  kAlo gantuM narazreSTha bhikSArtham aparaM nRpam 20  haryazvaH satyavacane sthitaH sthitvA ca pauruSe  durlabhatvAd dhayAnAM ca pradadau mAdhavIM punaH 21  mAdhavI ca punar dIptAM parityajya nRpa zriyam  kumArI kAmato bhUtvA gAlavaM pRSThato 'nvagAt 22  tvayy eva tAvat tiSThantu hayA ity uktavAn dvijaH  prayayau kanyayA sArdhaM divodAsaM prajezvaram   |


|  1   [g]  mahAvIryo mahIpAlaH kAzInAm IzvaraH prabhuH  divodAsa iti khyAto bhaimasenir narAdhipaH 2  tatra gacchAvahe bhadre zanair Agaccha mA zucaH  dhArmikaH saMyame yuktaH satyaz caiva janezvaraH 3  tam upAgamya sa munir nyAyatas tena satkRtaH  gAlavaH prasavasyArthe taM nRpaM pratyacodayat 4  zrutam etan mayA pUrvaM kim uktvA vistaraM dvija  kAGkSito hi mayaiSo 'rthaH zrutvaitad dvijasattama 5  etac ca me bahumataM yad utsRjya narAdhipAn  mAm evam upayAto 'si bhAvi caitad asaMzayam 6  sa eva vibhavo 'smAkam azvAnAm api gAlava  aham apy ekam evAsyAM janayiSyAmi pArthivam 7  tathety uktvA dvijazreSThaH prAdAt kanyAM mahIpateH  vidhipUrvaM ca tAM rAjA kanyAM pratigRhItavAn 8  reme sa tasyAM rAjarSiH prabhAvatyAM yathA raviH  svAhAyAM ca yathA vahnir yathA zacyAM sa vAsavaH 9  yathA candraz ca rohiNyAM yathA dhUmorNayA yamaH  varuNaz ca yathA gauryAM yathA carddhyAM dhanezvaraH 10  yathA nArAyaNo lakSyAM jAhnavyAM ca yathodadhiH  yathA rudraz ca rudrANyAM yathA vedyAM pitAmahaH 11  adRzyantyAM ca vAsiSTho vasiSThaz cAkSamAlayA  cyavanaz ca sukanyAyAM pulastyaH saMdhyayA yathA 12  agastyaz cApi vaidarbhyAM sAvitryAM satyavAn yathA  yathA bhRguH pulomAyAm adityAM kazyapo yathA 13  reNukAyAM yatharcIko haimavatyAM ca kauzikaH  bRhaspatiz ca tArAyAM zukraz ca zataparvayA 14  yathA bhUmyAM bhUmipatir urvazyAM ca purUravAH  RcIkaH satyavatyAM ca sarasvatyAM yathA manuH 15  tathA tu ramamANasya divodAsasya bhUpateH  mAdhavI janayAm Asa putram ekaM pratardanam 16  athAjagAma bhagavAn divodAsaM sa gAlavaH  samaye samanuprApte vacanaM cedam abravIt 17  niryAtayatu me kanyAM bhavAMs tiSThantu vAjinaH  yAvad anyatra gacchAmi zuklArthaM pRthivIpate 18  divodAso 'tha dharmAtmA samaye gAlavasya tAm  kanyAM niryAtayAm Asa sthitaH satye mahIpatiH   |



|  1   [n]  tathaiva sA zriyaM tyaktvA kanyA bhUtvA yazasvinI  mAdhavI gAlavaM vipram anvayAt satyasaMgarA 2  gAlavo vimRzann eva svakAryagatamAnasaH  jagAma bhojanagaraM draSTum auzInaraM nRpam 3  tam uvAcAtha gatvA sa nRpatiM satyavikramam  iyaM kanyA sutau dvau te janayiSyati pArthivau 4  asyAM bhavAn avAptArtho bhavati pretya ceha ca  somArka pratisaMkAzau janayitvA sutau nRpa 5  zulkaM tu sarvadharmajJa hayAnAM candra varcasAm  ekataH zyAma karNAnAM deyaM mahyaM catuHzatam 6  gurvartho 'yaM samArambho na hayaiH kRtyam asti me  yadi zakyaM mahArAja kriyatAM mA vicAryatAm 7  anapatyo 'si rAjarSe putrau janaya pArthiva  pitRRn putra plavena tvam AtmAnaM caiva tAraya 8  na putraphalabhoktA hi rAjarSe pAtyate divaH  na yAti narakaM ghoraM yatra gacchanty anAtmajAH 9  etac cAnyac ca vividhaM zrutvA gAlava bhASitam  uzInaraH pativaco dadau tasya narAdhipaH 10  zrutavAn asmi te vAkyaM yathA vadasi gAlava  vidhis tu balavAn brahman pravaNaM hi mano mama 11  zate dve tu mamAzvAnAm IdRzAnAM dvijottama  itareSAM sahasrANi subahUni caranti me 12  aham apy ekam evAsyAM janayiSyAmi gAlava  putraM dvija gataM mArgaM gamiSyAmi parair aham 13  mUlyenApi samaM kuryAM tavAhaM dvijasattama  paurajAnapadArthaM tu mamArtho nAtma bhogataH 14  kAmato hi dhanaM rAjA pArakyaM yaH prayacchati  na sa dharmeNa dharmAtman yujyate yazasA na ca 15  so 'haM patigrahISyAmi dadAtv etAM bhavAn mama  kumArIM devagarbhAbhAm ekaputra bhavAya me 16  tathA tu bahukalyANam uktavantaM narAdhipam  uzInaraM dvijazreSTho gAlavaH pratyapUjayat 17  uzInaraM pratigrAhya gAlavaH prayayau vanam  reme sa tAM samAsAdya kRtapuNya iva zriyam 18  kandareSu ca zailAnAM nadInAM nirjhareSu ca  udyAneSu vicitreSu vaneSUpavaneSu ca 19  harmyeSu ramaNIyeSu prAsAdazikhareSu ca  vAtAyanavimAneSu tathA garbhagRheSu ca 20  tato 'sya samaye jajJe putro bAla raviprabhaH  zibir nAmnAbhivikhyAto yaH sa pArthiva sattamaH 21  upasthAya sa taM vipro gAlavaH pratigRhya ca  kanyAM prayAtas tAM rAjan dRSTavAn vinatAtmajam   |



|  1   [n]  gAlavaM vainateyo 'tha prahasann idam abravIt  diSTyA kRtArthaM pazyAmi bhavantam iha vai dvija 2  gAlavas tu vacaH zrutvA vainateyena bhASitam  caturbhAgAvaziSTaM tad Acakhyau kAryam asya hi 3  suparNas tv abravId enaM gAlavaM patatAM varaH  prayatnas te na kartavyo naiSa saMpatsyate tava 4  purA hi kanyakubje vai gAdheH satyavatIM sutAm  bhAryArthe 'varayat kanyAm RcIkas tena bhASitaH 5  ekataH zyAma karNAnAM hayAnAM candra varcasAm  bhagavan dIyatAM mahyaM sahasram iti gAlava 6  RcIkas tu tathety uktvA varuNasyAlayaM gataH  azvatIrthe hayAm*l labdhvA dattavAn pArthivAya vai 7  iSTvA te puNDarIkeNa dattA rAjJA dvijAtiSu  tebhyo dve dve zate krItvA prAptAs te pArthivais tadA 8  aparANy api catvAri zatAni dvijasattama  nIyamAnAni saMtAre hRtAny Asan vitastayA  evaM na zakyam aprApyaM prAptuM gAlava karhi cit 9  imAm azvazatAbhyAM vai dvAbhyaM tasmai nivedaya  vizvAmitrAya dharmAtman SaDbhir azvazataiH saha  tato 'si gatasaMmohaH kRtakRtyo dvijarSabha 10  gAlavas taM tathety uktvA suparNasahitas tataH  AdAyAzvAMz ca kanyAM ca vizmAmitram upAgamat 11  azvAnAM kAGkSitArthAnAM SaD imAni zatAni vai  zatadvayena kanyeyaM bhavatA pratigRhyatAm 12  asyAM rAjarSibhiH putrA jAtA vai dhArmikAs trayaH  caturthaM janayatv ekaM bhavAn api narottama 13  pUrNAny evaM zatAny aSTau turagANAM bhavantu te  bhavato hy anRNo bhUtvA tapaH kuryAM yathAsukham 14   [n]  vizvAmitras tu taM dRSTvA gAlavaM saha pakSiNA  kanyAM ca tAM varArohAm idam ity abravId vacaH 15  kim iyaM pUrvam eveha na dattA mama gAlava  putrA mamaiva catvAro bhaveyuH kulabhAvanAH 16  pratigRhNAmi te kanyAm ekaputra phalAya vai  azvAz cAzramam AsAdya tiSThantu mama sarvazaH 17  sa tayA ramamANo 'tha vizvAmitro mahAdyutiH  AtmajaM janayAm Asa mAdhavI putram aSTakam 18  jAtamAtraM sutaM taM ca vizvAmitro mahAdyutiH  saMyojyArthais tathA dharmair azvais taiH samayojayat 19  athASTakaH puraM prAyAt tadA somapuraprabham  niryAtya kanyAM ziSyAya kauziko 'pi vanaM yayau 20  gAlavo 'pi suparNena saha niryAtya dakSiNAm  manasAbhipratItena kanyAm idam uvAca ha 21  jAto dAnapatiH putras tvayA zUras tathAparaH  satyadharmarataz cAnyo yajvA cApi tathAparaH 22  tad Agaccha varArohe tAritas te pitA sutaiH  catvAraz caiva rAjAnas tathAhaM ca sumadhyame 23  gAlavas tv abhyanujJAya suparNaM pannagAzanam  pitur niryAtya tAM kanyAM prayayau vanam eva ha   |



|  1   [n]  sa tu rAjA punas tasyAH kartukAmaH svayaMvaram  upagamyAzramapadaM gaGgA yamuna saMgame 2  gRhItamAlyadAmAM tAM ratham Aropya mAdhavIm  pUrur yaduz ca bhaginIm Azrame paryadhAvatAm 3  nAgayakSamanuSyANAM patatrimRgapakSiNAm  zailadruma vanaukAnAm AsIt tatra samAgamaH 4  nAnA puruSadezAnAm Izvaraiz ca samAkulam  RSibhir brahmakalpaiz ca samantAd AvRtaM vanam 5  nirdizyamAneSu tu sA vareSu varavarNinI  varAn utkramya sarvAMs tAn vanaM vRtavatI varam 6  avatIrya rathAt kanyA namaskRtvA ca bandhuSu  upagamya vanaM puNyaM tapas tepe yayAtijA 7  upavAsairz ca vividhair dIkSAbhir niyamais tathA  Atmano laghutAM kRtvA babhUva mRgacAriNI 8  vaiDUryAGkula kalpAni mRdUni haritAni ca  carantI zaSpamukhyAni tiktAni madhurANi ca 9  sravantInAM ca puNyAnAM surasAni zucIni ca  pibantI vAri mukhyAni zItAni vimalAni ca 10  vaneSu mRgarAjeSu siMhaviproSiteSu ca  dAvAgnivipramukteSu zUNyeSu gahaneSu ca 11  carantI hariNaiH sArdhaM mRgIva vanarAciNI  cacAra vipulaM dharmaM brahmacaryeNa saMvRtA 12  yayAtir api pUrveSAM rAjJAM vRttam anuSThitaH  bahuvarSasahasrAyur ayujat kAladharmaNA 13  pUrur yaduz ca dvau vaMzau vardhamAnau narottamau  tAbhyAM pratiSThito loke paraloke ca nAhuSaH 14  mahIyate narapatir yayAtiH svargam AsthitaH  maharSikalpo nRpatiH svargAgrya phalabhug vibhuH 15  bahuvarSasahasrAkhye kAle bahuguNe gate  rAjarSiSu niSaNNeSu mahIyaHsu maharSiSu 16  avamene narAn sarvan devAn RSigaNAMs tathA  yayAtir mUDha vijJAno vismayAviSTacetanaH 17  tatas taM bubudhe devaH zakro balaniSUdanaH  te ca rAjarSayaH sarve dhig dhig ity evam abruvan 18  vicAraz ca samutpanno nirIkSya nahuSAtmajam  ko nv ayaM kasya vA rAjJaH kathaM vA svargam AgataH 19  karmaNA kena siddho 'yaM kva vAnena tapaz citam  kathaM vA jJAyate svarge kena vA jJAyate 'py uta 20  evaM vicArayantas te rAjAnaH svargavAsinaH  dRSTvA papracchur anyonyaM yayAtiM nRpatiM prati 21  vimAnapAlAH zatazaH svargadvArAbhirakSiNaH  pRSTA AsanapAlAz ca na jAnImety athAbruvan 22  sarve te hy AvRtajJAnA nAbhyajAnanta taM nRpam  sa muhUrtAd atha nRpo hataujA abhavat tadA   |



|  1   [n]  atha pracalitaH sthAnAd AsanAc ca paricyutaH  kampitenaiva manasA dharSitaH zokavahninA 2  mlAnasrag bhraSTavijJAnaH prabhraSTa mukuTAGgadaH  vighUrNan srastasarvAGgaH prabhraSTAbharaNAmbaraH 3  adRzyamAnas tAn pazyann apazyaMz ca punaH punaH  zUnyaH zUnyena manasA prapatiSyan mahItalam 4  kiM mayA manasA dhyAtam azubhaM dharmadUSaNam  yenAhaM calitaH sthAnAd iti rAjA vyacintayat 5  te tu tatraiva rAjAnaH siddhAz cApsarasas tathA  apazyanta nirAlambaM yayAtiM taM paricyutam 6  athaitya puruSaH kaz cit kSINapuNyanipAtakaH  yayAtim abravId rAjan devarAjasya zAsanAt 7  atIva madamattas tvaM na kaM cin nAvamanyase  mAnena bhraSTaH svargas te nArhas tvaM pArthivAtmaja  na ca prajJAyase gaccha patasveti tam abravIt 8  pateyaM satsv iti vacas trir uktvA nahuSAtmajaH  patiSyaMz cintayAm Asa gatiM gatimatAM varaH 9  etasminn eva kAle tu naimiSe pArthivarSabhAn  caturo 'pazyata nRpas teSAM madhye papAta saH 10  pratardano vasu manAH zibirauzInaro 'STakaH  vAjapeyena yajJena tarpayanti surezvaram 11  teSAm adhvarajaM dhUmaM svargadvAram upasthitam  yayAtir upajighran vai nipapAta mahIM prati 12  bhUmau svarge ca saMbaddhAM nadIM dhUmamayIM nRpaH  sa gaGgAm iva gacchantIm Alambya jagatIpatiH 13  zrImatsv avabhRthAgryeSu caturSu pratibandhuSu  madhye nipatito rAjA lokapAlopameSu ca 14  caturSu hutakalpeSu rAjasiMhamahAgniSu  papAta madhye rAjarSir yayAtiH puNyasaMkSaye 15  tam AhuH pArthivAH sarve pratimAnam iva zriyaH  ko bhavAn kasya vA bandhur dezasya nagarasya vA 16  yakSo vApy atha vA devo gandharvo rAkSaso 'pi vA  na hi mAnuSarUpo 'si ko vArthaH kAGkSitas tvayA 17  yayAtir asmi rAjarSiH kSINapuNyaz cyuto divaH  pateyaM satsv iti dhyAyan bhavatsu patitas tataH 18  satyam etad bhavatu te kAGkSitaM puruSarSabha  sarveSAM naH kratuphalaM dharmaz ca pratigRhyatAm 19  nAhaM pratigraha dhano brAhmaNaH kSatriyo hy aham  na ca me pravaNA buddhiH parapuNyavinAzane 20  etasminn eva kAle tu mRgacaryA kramAgatAm  mAdhavIM prekSya rAjAnas te 'bhivAdyedam abruvan 21  kim AgamanakRtyaM te kiM kurvaH zAsanaM tava  AjJApyA hi vayaM sarve tava putrAs tapodhane 22  teSAM tad bhASitaM zrutvA mAdhavI parayA mudA  pitaraM samupAgacchad yayAtiM sA vavanda ca 23  dRSTvA mUrdhnA natAn putrAMs tApasI vAkyam abravIt  dauhitrAs tava rAjendra mama putrA na te parAH  ime tvAM tArayiSyanti diSTam etat purAtanam 24  ahaM te duhitA rAjan mAdhavI mRgacAriNI  mayApy upacito dharmas tato 'rdhaM pratigRhyatAm 25  yasmAd rAjan narAH sarve apatyaphalabhAginaH  tasmAd icchanti dauhitrAn yathA tvaM vasudhAdhipa 26  tatas te pArthivAH sarve zirasA jananIM tadA  abhivAdya namaskRtya mAtAmaham athAbruvan 27  uccair anupamaiH snigdhaiH svarair ApUya medinIm  mAtAmahaM nRpatayas tArayanto divaz cyutam 28  atha tasmAd upagato gAlavo 'py Aha pArthivam  tapaso me 'STa bhAgena svargam ArohatAM bhavAn   |



|  1   [n]  pratyabhijJAta mAtro 'tha sadbhis tair narapuMgavaH  yayAtir divyasaMsthAno babhUva vigatajvaraH 2  divyamAlyAmbaradharo divyAbharaNabhUSitaH  divyagandhaguNopeto na pRthvIm aspRzat tadA 3  tato vasu manAH pUrvam uccair uccArayan vacaH  khyAto dAnapatir loke vyAjahAra nRpaM tadA 4  prAptavAn asmi yal loke sarvavarNeSv agarhayA  tad apy atha ca dAsyAmi tena saMyujyatAM bhavAn 5  yat phalaM dAnazIlasya kSamA zIlasya yat phalam  yac ca me phalam AdhAne tena saMyujyatAM bhavAn 6  tataH pratardano 'py Aha vAkyaM kSatriya puMgavaH  yathA dharmaratir nityaM nityaM yuddhaparAyaNaH 7  prAptavAn asmi yal loke kSatradharmodbhavaM yazaH  vIra zabdaphalaM caiva tena saMyujyatAM bhavAn 8  zibirauzInaro dhImAn uvAca madhurAM giram  yathA bAleSu nArISu vaihAryeSu tathaiva ca 9  saMgareSu nipAteSu tathApad vyasaneSu ca  anRtaM noktapUrvaM me tena satyena khaM vraja 10  yathAprANAMz ca rAjyaM ca rAjan karma sukhAni ca  tyajeyaM na punaH satyaM tena satyena khaM vraja 11  yathAsatyena me dharmo yathAsatyena pAvakaH  prItaH zakraz ca satyena tena satyena khaM vraja 12  aSTakas tv atha rAjarSiH kauziko mAdhavI sutaH  anekazatayajvAnaM vacanaM prAha dharmavit 13  zatazaH puNDarIkA me gosavAz ca citAH prabho  kratavo vAjapeyAz ca teSAM phalam avApnuhi 14  na me ratnAni na dhanaM na tathAnye paricchadAH  kratuSv anupayuktAni tena satyena khaM vraja 15  yathA yathA hi jalpanti dauhitrAs taM narAdhipam  tathA tathA vasumatIM tyaktvA rAjA divaM yayau 16  evaM sarve samastAs te rAjAnaH sukRtais tadA  yayAtiM svargato bhraSTaM tArayAm Asur aJjasA 17  dauhitrAH svena dharmeNa yajJadAnakRtena vai  caturSu rAjavaMzeSu saMbhUtAH kulavardhanAH  mAtAmahaM mahAprAjJaM divam Aropayanti te 18  rAjadharmaguNopetAH sarvadharmaguNAnvitAH  dauhitrAs te vayaM rAjan divam Aroha pArthivaH   |


|  1   [n]  sadbhir AropitaH svargaM pArthivair bhUridakSiNaiH  abhyanujJAya dauhitrAn yayAtir divam AsthitaH 2  abhivRSTaz ca varSeNa nAnApuSpasugandhinA  pariSvaktaz ca puNyena vAyunA puNyagandhinA 3  acalaM sthAnam Aruhya dauhitra phalanirjitam  karmabhiH svair upacito jajvAla parayA zriyA 4  upagItopanRttaz ca gandharvApsarasAM gaNaiH  prItyA pratigRhItaz ca svarge dundubhinisvanaiH 5  abhiSTutaz ca vividhair devarAjarSicAraNaiH  arcitaz cottamArgheNa daivatair abhinanditaH 6  prAptaH svargaphalaM caiva tam uvAca pitAmahaH  nirvRtaM zAntamanasaM vacobhis tarpayann iva 7  catuS pAdas tvayA dharmaz cito lokyena karmaNA  akSayas tava loko 'yaM kIrtiz caivAkSayA divi  punas tavAdya rAjarSe sukRteneha karmaNA 8  AvRtaM tamasA cetaH sarveSAM svargavAsinAm  yena tvAM nAbhijAnanti tato 'jJAtvAsi pAtitaH 9  prItyaiva cAsi dauhitrais tAritas tvam ihAgataH  sthAnaM ca pratipanno 'si karmaNA svena nirjitam  acalaM zAzvataM puNyam uttamaM dhruvam avyayam 10  bhagavan saMzayo me 'sti kaz cit taM chettum arhasi  na hy anyam aham arhAmi praSTuM lokapitAmaha 11  bahuvarSasahasrAntaM prajApAlanavardhitam  anekakratudAnaughair arjitaM me mahat phalam 12  kathaM tad alpakAlena kSINaM yenAsmi pAtitaH  bhagavan vettha lokAMz ca zAzvatAn mama nirjitAn 13  bahuvarSasahasrAntaM prajApAlanavardhitam  anekakratudAnaughair yat tvayopArjitaM phalam 14  tad anenaiva doSeNa kSINaM yenAsi pAtitaH  abhimAnena rAjendra dhikkRtaH svargavAsibhiH 15  nAyaM mAnena rAjarSe na balena na hiMsayA  na zAThyena na mAyAbhir loko bhavati zAzvataH 16  nAvamAnyAs tvayA rAjann avarotkRSTamadhyamAH  na hi mAnapradagdhAnAM kaz cid asti samaH kva cit 17  patanArohaNam idaM kathayiSyanti ye narAH  viSamANy api te prAptAs tariSyanti na saMzayaH 18  eSa doSo 'bhimAnena purA prApto yayAtinA  nirbandhataz cAtimAtraM gAlavena mahIpate 19  zrotavyaM hitakAmAnAM suhRdAM bhUtim icchatAm  na kartavyo hi nirbandho nirbandho hi kSayodayaH 20  tasmAt tvam api gAndhAre mAnaM krodhaM ca varjaya  saMdhatsva pANDavair vIra saMrambhaM tyaja pArthiva 21  dadAti yat pArthiva yat karoti; yad vA tapas tapyati yaj juhoti  na tasya nAzo 'sti na cApakarSo; nAnyas tad aznAti sa eva kartA 22  idaM mahAkhyAnam anuttamaM mataM; bahuzrutAnAM gataroSarAgiNAm  samIkSya loke bahudhA pradhAvitA; trivargadRSTiH pRthivIm upAznute   |



|  1   [dhR]  bhagavann evam evaitad yathA vadasi nArada  icchAmi cAham apy evaM na tv Izo bhagavann aham 2  evam uktvA tataH kRSNam abhyabhASata bhArata  svargyaM lokyaM ca mAm Attha dharmyaM nyAyyaM ca kezava 3  na tv ahaM svavazas tAta kriyamANaM na me priyam  aGgaduryodhanaM kRSNa mandaM zAstrAtigaM mama 4  anunetuM mahAbAho yatasva puruSottama  suhRt kAryaM tu sumahat kRtaM te syAj janArdana 5  tato 'bhyAvRtya vArSNeyo duryodhanam amarSaNam  abravIn madhurAM vAcaM sarvadharmArthatattvavit 6  duryodhana nibodhedaM madvAkyaM kurusattama  samarthaM te vizeSeNa sAnubandhasya bhArata 7  mahAprAjJa kule jAtaH sAdhv etat kartum arhasi  zrutavRttopasaMpannaH sarvaiH samudito guNaiH 8  dauSkuleyA durAtmAno nRSaMzA nirapatrapAH  ta etad IdRzaM kuryur yathA tvaM tAta manyase 9  dharmArthayuktA loke 'smin pravRttir lakSyate satAm  asatAM viparItA tu lakSyate bharatarSabha 10  viparItA tv iyaM vRttir asakRl lakSyate tvayi  adharmaz cAnubandho 'tra ghoraH prANaharo mahAn 11  anekazas tvannimittam ayazasyaM ca bhArata  tam anarthaM pariharann AtmazreyaH kariSyasi 12  bhrAtRRNAm atha bhRtyAnAM mitrANAM ca paraMtapa  adharmyAd ayazasyAc ca karmaNas tvaM pramokSyase 13  prAjJaiH zUrair mahotsAhair Atmavadbhir bahuzrutaiH  saMdhatsva puruSavyAghra pANDavair bharatarSabha 14  tad dhitaM ca priyaM caiva dhRtarASTrasya dhImataH  pitAmahasya droNasya vidurasya mahAmateH 15  kRpasya somadattasya bAhlIkasya ca dhImataH  azvatthAmno vikarNasya saMjayasya vizAM pate 16  jJAtInAM caiva bhUyiSThaM mitrANAM ca paraMtapa  zame zarma bhavet tAta sarvasya jagatas tathA 17  hrImAn asi kule jAtaH zrutavAn anRzaMsavAn  tiSTha tAta pituH zAstre mAtuz ca bharatarSabha 18  etac chreyo hi manyante pitA yac chAsti bhArata  uttamApad gataH sarvaH pituH smarati zAsanam 19  rocate te pitus tAta pANDavaiH saha saMgamaH  sAmAtyasya kuruzreSTha tat tubhyaM tAta rocatAm 20  zrutvA yaH suhRdAM zAstraM martyo na pratipadyate  vipAkAnte dahaty enaM kiM pAkam iva bhakSitam 21  yas tu niHzreyasaM vAkyaM mohAn na pratipadyate  sa dIrghasUtro hInArthaH pazcAt tApena yujyate 22  yas tu niHzreyasaM zrutvA prAptam evAbhipadyate  Atmano matam utsRjya sa loke sukham edhate 23  yo 'rthakAmasya vacanaM prAtikUlyAn na mRSyate  zRNoti pratikUlAni dviSatAM vazam eti saH 24  satAM matam atikramya yo 'satAM vartate mate  zocante vyasane tasya suhRdo nacirAd iva 25  mukhyAn amAtyAn utsRjya yo nihInAn niSevate  sa ghorAm ApadaM prApya nottAram adhigacchati 26  yo 'sat sevI vRthAcAro na zrotA suhRdAM sadA  parAn vRNIte svAn dveSTi taM gauH zapati bhArata 27  sa tvaM virudhya tair vIrair anyebhyas trANam icchasi  aziSTebhyo 'samarthebhyo mUDhebhyo bharatarSabha 28  ko hi zakraM samAJ jJAtIn atikramya mahArathAn  anyebhyas trANam AzaMset tvadanyo bhuvi mAnavaH 29  janmaprabhRti kaunteyA nityaM vinikRtAs tvayA  na ca te jAtu kupyanti dharmAtmAno hi pANDavAH 30  mithyA pracaritAs tAta janmaprabhRti pANDavAH  tvayi samyaG mahAbAho pratipannA yazasvinaH 31  tvayApi pratipattavyaM tathaiva bharatarSabha  sveSu bandhuSu mukhyeSu mA manyuvazam anvagAH 32  trivargayuktA prAjJAnAm ArambhA bharatarSabha  dharmArthAv anurudhyante trivargAsaMbhave narAH 33  pRthak tu viniviSTAnAM dharmaM dhIro 'nurudhyate  madhyamo 'rthaM kaliM bAlaH kAmam evAnurudhyate 34  indriyaiH prasRto lobhAd dharmaM viprajahAti yaH  kAmArthAv anupAyena lipsamAno vinazyati 35  kAmArthau lipsamAnas tu dharmam evAditaz caret  na hi dharmAd apaity arthaH kAmo vApi kadA cana 36  upAyaM dharmam evAhus trivargasya vizAM pate  lipsamAno hi tenAzu kakSe 'gnir iva vardhate 37  sa tvaM tAtAnupAyena lipsase bharatarSabha  AdhirAjyaM mahad dIptaM prathitaM sarvarAjasu 38  AtmAnaM takSati hy eSa vanaM parazunA yathA  yaH samyag vartamAneSu mithyA rAjan pravartate 39  na tasya hi matiM chindyAd yasya necchet parAbhavam  avicchinnasya dhIrasya kalyANe dhIyate matiH 40  tyaktAtmAnaM na bAdheta triSu lokeSu bhArata  apy anyaM prAkRtaM kiM cit kim u tAn pANDavarSabhAn 41  amarSavazam Apanno na kiM cid budhyate naraH  chidyate hy AtataM sarvaM pramANaM pazya bhArata 42  zreyas te durjanAt tAta pANDavaiH saha saMgamaH  tair hi saMprIyamANas tvaM sarvAn kAmAn avApsyasi 43  pANDavair nirjitAM bhUmiM bhuJjAno rAjasattama  pANDavAn pRSThataH kRtvA trANam AzaMsase 'nyatha 44  duHzAsane durviSahe karNe cApi sasaubale  eteSv aizvaryam AdhAya bhUtim icchasi bhArata 45  na caite tava paryAptA jJAne dharmArdhayos tathA  vikrame cApy aparyAptAH pANDavAn prati bhArata 46  na hIme sarvarAjAnaH paryAptAH sahitAs tvayA  kruddhasya bhImasenasya prekSituM mukham Ahave 47  idaM saMnihitaM tAta samagraM pArthivaM balam  ayaM bhISmas tathA droNaH karNaz cAyaM tathA kRpaH 48  bhUrizravAH saumadattir azvatthAmA jayadrathaH  azaktAH sarva evaite pratiyoddhuM dhanaMjayam 49  ajeyo hy arjunaH kruddhaH sarvair api surAsuraiH  mAnuSair api gandharvair mA yuddhe ceta AdhithAH 50  dRzyatAM vA pumAn kaz cit samagre pArthive bale  yo 'rjunaM samare prApya svastimAn Avrajed gRhAn 51  kiM te janakSayeNeha kRtena bharatarSabha  yasmiJ jite jitaM te syAt pumAn ekaH sa dRzyatAm 52  yaH sa devAn sagandharvAn sayakSAsurapannagAn  ajayat khANDava prasthe kas taM yudhyeta mAnavaH 53  tathA virATanagare zrUyate mahad adbhutam  ekasya ca bahUnAM ca paryAptaM tannidarzanam 54  tam ajeyam anAdhRSyaM vijetuM jiSNum acyutam  AzaMsasIha samare vIram arjunam Urjitam 55  maddvitIyaM punaH pArthaM kaH prArthayitum arhati  yuddhe pratIpam AyAntam api sAkSAt puraMdaraH 56  bAhubhyAm uddhared bhUmiM dahet kruddha imAH prajAH  pAtayet tridivAd devAn yo 'rjunaM samare jayet 57  pazya putrAMs tathA bhrAtRRJ jJAtIn saMbandhinas tathA  tvatkRte na vinazyeyur ete bharatasattama 58  astu zeSaM kauravANAM mA parAbhUd idaM kulam  kulaghna iti nocyethA naSTakIrtir narAdhipa 59  tvAm eva sthApayiSyanti yauvarAjye mahArathAH  mahArAjye ca pitaraM dhRtarASTraM janezvaram 60  mA tAta zriyam AyAntIm avamaMsthAH samudyatAm  ardhaM pradAya pArthebhyo mahatIM zriyam Apsyasi 61  pANDavaiH saMzamaM kRtvA kRtvA ca suhRdAM vacaH  saMprIyamANo mitraiz ca ciraM bhadrANy avApsyasi   |



|  1   [v]  tataH zAMtanavo bhISmo duryodhanam amarSaNam  kezavasya vacaH zrutvA provAca bharatarSabha 2  kRSNena vAkyam ukto 'si suhRdAM zamam icchatA  anupazyasva tat tAta mA manyuvazam anvagAH 3  akRtvA vacanaM tAta kezavasya mahAtmanaH  zreyo na jAtu na sukhaM na kalyANam avApsyasi 4  dharmyam arthaM mahAbAhur Aha tvAM tAta kezavaH  tam artham abhipadyasva mA rAjan nInazaH prajAH 5  imAM zriyaM prajvalitAM bhAratIM sarvarAjasu  jIvato dhRtarASTrasya daurAtmyAd bhraMzayiSyasi 6  AtmAnaM ca sahAmAtyaM saputrapazubAndhavam  saha mitram asad buddhyA jIvitAd bhraMzayiSyasi 7  atikrAman kezavasya tathyaM vacanam arthavat  pituz ca bhatara zreSTha vidurasya ca dhImataH 8  mA kulaghno 'ntapuruSo durmatiH kApathaM gamaH  pitaraM mAtaraM caiva vRddhau zokAya mA dadaH 9  atha droNo 'bravIt tatra duryodhanam idaM vacaH  amarSavazam Apanno niHzvasantaM punaH punaH 10  dharmArthayuktaM vacanam Aha tvAM tAta kezavaH  tathA bhISmaH zAMtanavas taj juSasva narAdhipa 11  prAjJau medhAvinau dAntAv arthakAmau bahuzrutau  Ahatus tvAM hitaM vAkyaM tad Adatsva paraMtapa 12  anutiSTha mahAprAjJa kRSNa bhISmau yad UcatuH  mA vaco laghu buddhInAM samAsthAs tvaM paraMtapa 13  ye tvAM protsAhayanty ete naite kRtyAya karhi cit  vairaM pareSAM grIvAyAM pratimokSyanti saMyuge 14  mA kurUJ jIghanaH sarvAn putrAn bhrAtRRMs tathaiva ca  vAsudevArjunau yatra viddhy ajeyaM balaM hi tat 15  etac caiva mataM satyaM suhRdoH kRSNa bhISmayoH  yadi nAdAsyase tAta pazcAt tapsyasi bhArata 16  yathoktaM jAmadagnyena bhUyAn eva tato 'rjunaH  kRSNo hi devakIputro devair api durutsahaH 17  kiM te sukhapriyeNeha proktena bharatarSabha  etat te sarvam AkhyAtaM yathecchasi tathA kuru  na hi tvAm utsahe vaktuM bhUyo bharatasattama 18  tasmin vAkyAntare vAkyaM kSattApi viduro 'bravIt  duryodhanam abhiprekSya dhArtarASTram amarSaNam 19  duryodhana na zocAmi tvAm ahaM bharatarSabha  imau tu vRddhau zocAmi gAndhArIM pitaraM ca te 20  yAv anAthau cariSyete tvayA nAthena durhRdA  hatamitrau hatAmAtyau lUnapakSAv iva dvijau 21  bhikSukau vicariSyete zocantau pRthivIm imAm  kulaghnam IdRzaM pApaM janayitvA kupUruSam 22  atha duryodhanaM rAjA dhRtarASTro 'bhyabhASata  AsInaM bhrAtRbhiH sArdhaM rAjabhiH parivAritam 23  duryodhana nibodhedaM zauriNoktaM mahAtmanA  Adatsva zivam atyantaM yogakSemavad avyayam 24  anena hi sahAyena kRSNenAkliSTa karmaNA  iSTAn sarvAn abhiprAyAn prApsyAmaH sarvarAjasu 25  susaMhitaH kezavena gaccha tAta yudhiSThiram  cara svastyayanaM kRtSNaM bhAratAnAm anAmayam 26  vAsudevena tIrthena tAta gacchasva saMgamam  kAlaprAptam idaM manye mA tvaM duryodhanAtigAH 27  zamaM ced yAcamAnaM tvaM pratyAkhyAsyasi kezavam  tvadartham abhijalpantaM na tavAsty aparAbhavaH   |



|  1   [v]  dhRtarASTravacaH zrutvA bhISmadroNau samarthya tau  duryodhanam idaM vAkyam UcatuH zAsanAtigam 2  yAvat kRSNAv asaMnaddhau yAvat tiSThati gANDivam  yAvad dhaumyo na senAgnau juhyotIha dviSad balam 3  yAvan na prekSate kruddhaH senAM tava yudhiSThiraH  hrIniSedho maheSvAsas tAvac chAmyatu vaizasam 4  yAvan na dRSyate pArthaH sveSv anIkeSv avasthitaH  bhImaseno mahaiSvAsas tAvac chAmyatu vaizasam 5  yAvan na carate mArgAn pRtanAm abhiharSayan  yAvan na zAtayaty Ajau zirAMsi gatayodninAm 6  gadayA vIra ghAtinyA phalAnIva vanaspateH  kAlena paripakvAni tAvac chAmyatu vaizasam 7  nakulaH sahadevaz ca dhRSTadyumnaz ca pArSataH  virATaz ca zikhaNDI ca zaizupAliz ca daMzitAH 8  yAvan na pravizanty ete nakrA iva mahArNavam  kRtAstrAH kSipram asyantas tAvac chAmyatu vaizasam 9  yAvan na sukumAreSu zarIreSu mahIkSitAm  gArdhrapatrAH patanty ugrAs tAvac chAmyatu vaizasam 10  candanAgarudigdheSu hAraniSkadhareSu ca  noraHsu yAvad yodhAnAM maheSvAsair maheSavaH 11  kRtAstraiH kSipram asyadbhir dUrapAtibhir AyasAH  abhilakSyair nipAtyante tAvac chAmyatu vaizasam 12  abhivAdayamAnaM tvAM zirasA rAjakuJjaraH  pANibhyAM pratigRhNAtu dharmarAjo yudhiSThiraH 13  dhvajAGkuza patAkAGkaM dakSiNaM te sudakSiNaH  skandhe nikSipatAM bAhuM zAntaye bharatarSabha 14  ratnauSadhi sametena ratnAGguli talena ca  upaviSTasya pRSThaM te pANinA parimArjatu 15  zAlaskandho mahAbAhus tvAM svajAno vRkodaraH  sAmnAbhivadatAM cApi zAntaye bharatarSabha 16  arjunena yamAbhyAM ca tribhis tair abhivAditaH  mUrdhni tAn samupAghrAya premNAbhivada pArthiva 17  dRSTvA tvAM pANDavair vIrair bhrAtRbhiH saha saMgatam  yAvad AnandajAzrUNi pramuJcantu narAdhipAH 18  ghuSyatAM rAjadhAnISu sarvasaMpan mahIkSitAm  pRthivI bhrAtRbhAvena bhujyatAM vijvaro bhava   |



|  1   [v]  zrutvA duryodhano vAkyam apriyaM kurusaMsadi  pratyuvAca mahAbAhuM vAsudevaM yazasvinam 2  prasamIkSya bhavAn etad vaktum arhati kezava  mAm eva hi vizeSeNa vibhASya parigarhase 3  bhaktivAdena pArthAnAm akasmAn madhusUdana  bhavAn garhayate nityaM kiM samIkSya balAbalam 4  bhavAn kSattA ca rAjA ca AcAryo vA pitAmahaH  mAm eva parigarhante nAnyaM kaM cana pArthivam 5  na cAhaM lakSaye kaM cid vyabhicAram ihAtmanaH  atha sarve bhavanto mAM vidviSanti sarAjakAH 6  na cAhaM kaM cid atyartham aparAdham ariMdama  vicintayan prapazyAmi susUkSmam api kezava 7  priyAbhyupagate dyUte pANDavA madhusUdana  jitAH zakuninA rAjyaM tatra kiM mama duSkRtam 8  yat punar draviNaM kiM cit tatrAjIyanta pANDavAH  tebhya evAbhyanujJAtaM tat tadA madhusUdana 9  aparAdho na cAsmAkaM yat te hy akSaparAjitAH  ajeyA jayatAM zreSTha pArthAH pravrAjitA vanam 10  kena cApy apavAdena virudhyante 'ribhiH saha  azaktAH pANDavAH kRSNa prahRSTAH pratyamitravat 11  kim asmAbhiH kRtaM teSAM kasmin vA punar Agasi  dhArtarASTrAJ jighAMsanti pANDavAH sRJjayaiH saha 12  na cApi vayam ugreNa karmaNA vacanena vA  vitrastAH praNamAmeha bhayAd api zatakratoH 13  na ca taM kRSNa pazyAmi kSatradharmam anuSThitam  utsaheta yudhA jetuM yo naH zatrunibarhaNa 14  na hi bhISma kRpa droNAH sagaNA madhusUdana  devair api yudhA jetuM zakyAH kim uta pANDavaiH 15  svadharmam anutiSThanto yadi mAdhava saMyuge  zastreNa nidhanaM kAle prApsyAmaH svargam eva tat 16  mukhyaz caivaiSa no dharmaH kSatriyANAM janArdana  yac chayImahi saMgrAme zaratalpagatA vayam 17  te vayaM vIrazayanaM prApsyAmo yadi saMyuge  apraNamyaiva zatrUNAM na nas tapsyati mAdhava 18  kaz ca jAtu kule jAtaH kSatradharmeNa vartayan  bhayAd vRttiM samIkSyaivaM praNamed iha kasya cit 19  udyacched eva na named udyamo hy eva pauruSam  apy aparvaNi bhajyeta na named iha kasya cit 20  iti mAtaGgavacanaM parIpsanti hitepsavaH  dharmAya caiva praNamed brAhmaNebhyaz ca madvidhaH 21  acintayan kaM cid anyaM yAvaj jIvaM tathAcaret  eSa dharmaH kSatriyANAM matam etac ca me sadA 22  rAjyAMzaz cAbhyanujJAto yo me pitrA purAbhavat  na sa labhyaH punarjAtu mayi jIvati kezava 23  yAvac ca rAjA dhriyate dhRtarASTro janArdana  nyastazastrA vayaM te vApy upajIvAma mAdhava 24  yady adeyaM purA dattaM rAjyaM paravato mama  ajJAnAd vA bhayAd vApi mayi bAle janArdana 25  na tad adya punar labhyaM pANDavai vRSNinandana  dhriyamANe mahAbAho mayi saMprati kezava 26  yAvad dhi sUcyAs tIkSNAyA vidhyed agreNa mAdhava  tAvad apy aparityAjyaM bhUmer naH pANDavAn prati   |



|  1   [v]  tataH prahasya dAzArhaH krodhaparyAkulekSaNaH  duryodhanam idaM vAkyam abravIt kurusaMsadi 2  lapsyase vIrazayanaM kAmam etad avApsyasi  sthiro bhava sahAmAtyo vimardo bhavitA mahAn 3  yac ca vaM manyase mUDha na me kaz cid vyatikramaH  pANDaveSv iti tat sarvaM nibodhata narAdhipAH 4  zriyA saMtapyamAnena pANDavAnAM mahAtmanAm  tvayA durmantritaM dyUtaM saubalena ca bhArata 5  kathaM ca jJAtayas tAta zreyAMsaH sAdhu saMmatAH  tathAnyAyyam upasthAtuM jihmenAjihma cAriNaH 6  akSadyUtaM mahAprAjJa satAm arati nAzanam  asatAM tatra jAyante bhedAz ca vyasanAni ca 7  tad idaM vyasanaM ghoraM tvayA dyUtamukhaM kRtam  asamIkSya sad AcAraiH sArdhaM pApAnubandhanaiH 8  kaz cAnyo jJAtibhAryAM vai viprakartuM tathArhati  AnIya ca sabhAM vaktuM yathoktA draupadI tvayA 9  kulInA zIlasaMpannA prANebhyo 'pi garIyasI  mahiSI pANDuputrANAM tathA vinikRtA tvayA 10  jAnanti kuravaH sarve yathoktAH kurusaMsadi  duHzAsanena kaunteyAH pravrajantaH paraMtapAH 11  samyagvRtteSv alubdheSu satataM dharmacAriSu  sveSu bandhuSu kaH sAdhuz cared evam asAMpratam 12  nRzaMsAnAm anAryANAM paruSANAM ca bhASaNam  karNa duHzAsanAbhyAM ca tvayA ca bahuzaH kRtam 13  saha mAtrA pradagdhuM tAn bAlakAn vAraNAvate  AsthitaH paramaM yatnaM na samRddhaM ca tat tava 14  USuz ca suciraM kAlaM pracchannAH pANDavAs tadA  mAtrA sahaika cakrAyAM brAhmaNasya nivezane 15  viSeNa sarpabandhairz ca yatitAH pANDavAs tvayAH  sarvopAyair vinAzAya na samRddhaM ca tat tava 16  evaM buddhiH pANDaveSu mithyAvRtthiH sadA bhavAn  kathaM te nAparAdho 'sti pANDaveSu mahAtmasu 17  kRtvA bahUny akAryANi pANDaveSu nRzaMsavat  mithyAvRttir anAryaH sann adya vipratipadyase 18  mAtA pitRbhyAM bhISmeNa droNena vidureNa ca  zAmyeti muhur ukto 'si na ca zAmyasi pArthiva 19  zame hi sumahAn arthas tava pArthasya cobhayoH  na ca rocayase rAjan kim anyad buddhilAbhavAt 20  na zarma prApsyase rAjann utkramya suhRdAM vacaH  adharmyam ayazasyaM ca kriyate pArthiva tvayA 21  evaM bruvati dAzArhe duryodhanam amarSaNam  duHzAsana idaM vAkyam abravIt kurusaMsadi 22  na cet saMdhAsyase rAjan svena kAmena pANDavaiH  baddhvA kila tvAM dAsyanti kuntIputrAya kauravAH 23  vaikartanaM tvAM ca mAM ca trIn etAn manujarSabha  pANDavebhyaH pradAsyanti bhISmo droNaH pitA ca te 24  bhrAtur etad vacaH zrutvA dhArtarASTraH suyodhanaH  kruddhaH prAtiSThatotthAya mahAnAga iva zvasan 25  viduraM dhRtarASTraM ca mahArAjaM ca bAhlikam  kRpaM ca somadattaM ca bhISmaM droNaM janArdanam 26  sarvAn etAn anAdRtya durmatir nirapatrapaH  aziSTavad amaryAdo mAnI mAnyAvamAnitA 27  taM prasthitam abhiprekSya bhrAtaro manujarSabham  anujagmuH sahAmAtyA rAjAnaz cApi sarvazaH 28  sabhAyAm utthitaM kruddhaM prasthitaM bhrAtRbhiH saha  duryodhanam abhipreSkya bhISmaH zAMtanavo 'bravIt 29  dharmArthAv abhisaMtyajya saMrambhaM yo 'numanyate  hasanti vyasane tasya durhRdo nacirAd iva 30  dUrAtmA rAjaputrAyaM dhArtarASTro nupAyavit  mithyAbhimAnI rAjyasya krodhalobha vazAnugaH 31  kAlapakvam idaM manye sarvakSatraM janArdana  sarve hy anusRtA mohAt pArthivAH saha mantribhiH 32  bhISmasyAthavacaH zrutvA dAzArhaH puSkarekSaNaH  bhISmadroNamukhAn sarvAn abhyabhASata vIryavAn 33  sarveSAM kuruvRddhAnAM mahAn ayam atikramaH  prasahya mandam aizvarye na niyacchata yan nRpam 34  tatra kAryam ahaM manye prAptakAlam ariMdamAH  kriyamANe bhavec chreyas tat sarvaM zRNutAnaghAH 35  pratyakSam etad bhavatAM yad vakSyAmi hitaM vacaH  bhavatAm AnukUlyena yadi roceta bhAratAH 36  bhojarAjasya vRddhasya durAcAro hy anAtmavAn  jIvataH pitur aizvaryaM hRtvA manyuvazaM gataH 37  ugrasenasutaH kaMsaH parityaktaH sa bAndhavaiH  jJAtInAM hitakAmena mayA zasto mahAmRdhe 38  AhukaH punar asmAbhir jJAtibhiz cApi satkRtaH  ugrasenaH kRto rAjA bhojarAjanyavardhanaH 39  kaMsam ekaM parityajya kulArthe sarvayAdavAH  saMbhUya sukham edhante bhAratAndhakavRSNayaH 40  api cApy avadad rAjan parameSThI prajApatiH  vyUDhe devAsure yuddhe 'bhyudyateSv AyudheSu ca 41  dvaidhI bhUteSu lokeSu vinazyatsu ca bhArata  abravIt sRSTimAn devo bhagavAm*l lokabhAvanaH 42  parAbhaviSyanty asurA daiteyA dAnavaiH saha  AdityA vasavo rudrA bhaviSyanti divaukasaH 43  devAsuramanuSyAz ca gandharvoragarAkSasAH  asmin yuddhe susaMyattA haniSyanti parasparam 44  iti matvAbravId dharmaM parameSThI prajApatiH  varuNAya prayacchaitAn baddhvA daiteya dAnavAn 45  evam uktas tato dharmo niyogAt parameSThinaH  varuNAya dadau sarvAn baddhvA daityeya dAnavAn 46  tAn baddhvA dharmapAzaiz ca svaiz ca pAzair jalezvaraH  varuNaH sAgare yatto nityaM rakSati dAnavAn 47  tathA duryodhanaM karNaM zakuniM cApi saubalam  baddhvA duHzAsanaM cApi pANDavebhyaH prayacchata 48  tyajet kulArthe puruSaM grAmasyArthe kulaM tyajet  grAmaM janapadasyArthe AtmArthe pRthivIM tyajet 49  rAjan duryodhanaM baddhvA tataH saMzAmya pANDavaiH  tvatkRte na vinazyeyuH kSatriyAH kSatriyarSabha   |



|  1   [v]  kRSNasya vacanaM zrutvA dhRtarASTro janezvaraH  viduraM sarvadharmajJaM tvaramANo 'bhyabhASata 2  gaccha tAta mahAprAjJAM gAndhArIM dIrghadarzinIm  Anayeha tayA sArdham anuneSyAmi durmatim 3  yadi sApi durAtmAnaM zamayed duSTacetasam  api kRSNAya suhRdas tiSThema vacane vayam 4  api lobhAbhibhUtasya panthAnam anudarzayet  durbuddher duHsahAyasya samarthaM bruvatI vacaH 5  api no vyasanaM ghoraM duryodhanakRtaM mahat  zamayec cirarAtrAya yogakSemavad avyayam 6  rAjJas tu vacanaM zrutvA viduro dIrghadarzinIm  AnayAm Asa gAndhArIM dhRtarASTrasya zAsanAt 7  eSa gAndhAri putras te durAtmA zAsanAtigaH  aizvaryalobhAd aizvaryaM jIvitaM ca prahAsyati 8  aziSTavad amaryAdaH pApaiH saha durAtmabhiH  sabhAyA nirgato mUDho vyatikramya suhRd vacaH 9  sA bhartur vacanaM zrutvA rAjaputrI yazasvinI  anvicchantI mahac chreyo gAndhArI vAkyam abravIt 10  Anayeha sutaM kSipraM rAjyakAmukam Aturam  na hi rAjyam aziSTena zakyaM dharmArthalopinA 11  tvaM hy evAtra bhRzaM garhyo dhRtarASTra sutapriyaH  yo jAnapApatAm asya tat prajJAm anuvartase 12  sa eSa kAmamanyubhyAM pralabdho moham AsthitaH  azakyo 'dya tvayA rAjan vinivartayituM balAt 13  rAjyapradAne mUDhasya bAlizasya durAtmanaH  duHsahAyasya lubdhasya dhRtarASTro 'zrute phalam 14  kathaM hi svajane bhedam upekSeta mahAmatiH  bhinnaM hi svajanena tvAM prasahiSyanti zatravaH 15  yA hi zakyA mahArAja sAmnA dAnena vA punaH  nistartum ApadaH sveSu daNDaM kas tatra pAtayet 16  zAsanAd dhRtarASTrasya duryodhanam amarSaNam  mAtuz ca vacanAt kSattA sabhAM prAvezayat punaH 17  sa mAtur vacanAkAGkSI praviveza sabhAM punaH  abhitAmrekSaNaH krodhAn niHzvasann iva pannagaH 18  taM praviSTam abhiprekSya putram utpatham Asthitam  vigarhamANA gAndhArI samarthaM vAkyam abravIt 19  duryodhana nibodhedaM vacanaM mama putraka  hitaM te sAnubandhasya tathAyatyAM sukhodayam 20  bhISmasya tu pituz caiva mama cApacitiH kRtA  bhaved droNa mukhAnAM ca suhRdAM zAmyatA tvayA 21  na hi rAjyaM mahAprAjJa svena kAmena zakyate  avAptuM rakSituM vApi bhoktuM vA bharatarSabha 22  na hy avazyendriyo rAjyam aznIyAd dIrgham antaram  vijitAtmA tu medhAvI sa rAjyam abhipAlayet 23  kAmakrodhau hi puruSam arthyebhyo vyapakarSataH  tau tu zatrU vinirjitya rAjA vijayate mahIm 24  lokezvara prabhutvaM hi mahad etad durAtmabhiH  rAjyaM nAmepsitaM sthAnaM na zakyam abhirakSitum 25  indriyANi mahat prepsur niyacched arthadharmayoH  indriyair niyatair buddhir vardhate 'gnir ivendhanaiH 26  avidhyeyAni hImAni vyApAdayitum apy alam  avidheyA ivAdAntA hayAH pathi kusArathim 27  avijitya ya AtmAnam amAtyAn vijigISate  ajitAtmAjitAmAtyaH so 'vazaH parihIyate 28  AtmAnam eva prathamaM dezarUpeNa yo jayet  tato 'mAtyAn amitrAMz ca na moghaM vijigISate 29  vazyendriyaM jitAmAtyaM dhRtadaNDaM vikAriSu  parIkSya kAriNaM dhIram atyantaM zrIr niSevate 30  kSudrAkSeNeva jAlena jhaSAv apihitAv ubhau  kAmakrodhau zarIrasthau prajJAnaM tau vilumpataH 31  yAbhyAM hi devAH svaryAtuH svargasyApidadhur mukham  bibhyato 'nuparAgasya kAmakrodhau sma vardhitau 32  kAmaM krodhaM ca lobhaM ca dambhaM darpaM ca bhUmipaH  samyag vijetuM yo veda sa samIm abhijAyate 33  satataM nigrahe yukta indriyANAM bhaven nRpaH  Ipsann arthaM ca dharmaM ca dviSatAM ca parAbhavam 34  kAmAbhibhUtaH krodhAd vA yo mithyA pratipadyate  sveSu cAnyeSu vA tasya na sahAyA bhavanty uta 35  ekIbhUtair mahAprAjJaiH zUrair arinibarhaNaiH  pANDavaiH pRthivIM tAta bhokSyase sahitaH sukhI 36  yathA bhISmaH zAMtanavo droNaz cApi mahArathaH  Ahatus tAta taH satyam ajeyau kRSNa pANDavau 37  prapadyasva mahAbAhuM kRSNam akliSTakAriNam  prasanno hi sukhAya syAd ubhayor eva kezavaH 38  suhedAm arthakAmAnAM yo na tiSThati zAsane  prAjJAnAM kRtavidyAnAM sa naraH zatrunandanaH 39  na yuddhe tAta kalyANaM na dharmArthau kutaH sukham  na cApi vijayo nityaM mA yuddhe ceta AdhithAH 40  bhISmeNa hi mahAprAjJa pitrA te bAhlikena ca  datto 'MzaH pANDuputrANAM bhedAd bhItair ariMdama 41  tasya caitat pradAnasya phalam adyAnupazyasi  yadbhuGkSe pRthivIM sarvAM zUrair nihatakaNTakAm 42  prayaccha pANDuputrANAmyathocitam ariMdama  yadIcchasi sahAmAtyo bhoktum ardhaM mahIkSitAm 43  alam ardhaM pRthivyAs te sahAmAtyasya jIvanam  suhRdAM vacane tiSThan yazaH prApsyasi bhArata 44  zrImadbhir Atmavadbhir hi buddhimadbhir jitendriyaiH  pANDavair vigrahas tAta bhraMzayen mahataH sukhAt 45  nigRhya suhRdAM manyuM zAdhi rAjyaM yathocitam  svam aMzaM pANDuputrebhyaH pradAya bharatarSabha 46  alam ahnA nikAro 'yaM trayodaza samAH kRtaH  zamayainaM mahAprAjJa kAmakrodhasamedhitam 47  na caiSa zaktaH pArthAnAM yas tvadartham abhIpsati  sUtaputro dRDhakrodho bhrAtA duHzAsanaz ca te 48  bhISme droNe kRpe karNe bhImasene dhanaMjaye  dhRSTadyumne ca saMkruddhe na syuH sarvAH prajA dhruvam 49  amarSavazam Apanno mA kurUMs tAta jIghanaH  sarvA hi pRthivI spRSTA tvat pANDava kRte vadham 50  yac ca tvaM manyase mUDha bhISmadroNakRpAdayaH  yotsyante sarvazaktyeti naitad adyopapadyate 51  samaM hi rAjyaM prItiz ca sthAnaM ca vijitAtmanAm  pANDaveSv atha yuSmAsu dharmas tv abhyadhikas tataH 52  rAjapiNDa bhayAd ete yadi hAsyanti jIvitam  na hi zakSyanti rAjAnaM yudhiSThiram udIkSitum 53  na lobhAd arthasaMpattir narANAm iha dRzyate  tad alaM tAta lobhena prazAmya bharatarSabha   |



|  1   [v]  tat tu vAkyam anAdRtya so 'rthavan mAtRbhASitam  punaH pratasthe saMrambhat sakAzam akRtAtmanAm 2  tataH sabhAyA nirgamya mantrayAm Asa kauravaH  saubalena matAkSeNa rAjJA zakuninA saha 3  duryodhanasya karNasya zakuneH saubalasya ca  duHzAsanacaturthAnAm idam AsId viceSTitam 4  purAyam asmAn gRhNAti kSiprakArI janArdanaH  sahito dhRtarASTreNa rAjJA zAMtanavena ca 5  vayam eva hRSIkezaM nigRhNIma balAd iva  prasahya puruSavyAghram indro vairocaniM yathA 6  zrutvA gRhItaM vArSNeyaM pANDavA hatacetasaH  nirutsAhA bhaviSyanti bhagnadaMSTrA ivoragAH 7  ayaM hy eSAM mahAbAhuH sarveSAM zarma varma ca  asmin gRhIte varade RSabhe sarvasAtvatAm  nirudyamA bhaviSyanti pANDavAH somakaiH saha 8  tasmAd vayam ihaivainaM kezavaM kSiprakAriNam  krozato dhRtarASTrasya baddhvA yotsyAmahe ripUn 9  teSAM pApam abhiprAyaM pApAnAM duSTacetasAm  iGgitajJaH kaviH kSipram anvabudhyata sAtyakiH 10  tadartham abhiniSkramya hArdikyena sahAsthitaH  abravIt kRtavarmANaM kSipraM yojaya vAhinIm 11  vyUDhAnIkaH sabhA dvAram upatiSThasva daMzitaH  yAvad AkhyAmy ahaM caitat kRSNAyAkliSTa karmaNe 12  sa pravizya sabhAM vIraH siMho giriguhAm iva  AcaSTa tam abhiprAyaM kezavAya mahAtmane 13  dhRtarASTraM tataz caiva viduraM cAnvabhASata  teSAm etam abhiprAyam AcacakSe smayann iva 14  dharmAd apetam arthAc ca karma sAdhu vigarhitam  mandAH kartum ihecchanti na cAvApyaM kathaM cana 15  purA vikurvate mUDhAH pApAtmAnaH samAgatAH  dharSitAH kAmamanyubhyAM krodhalobha vazAnugAH 16  imaM hi puNDarIkAkSaM jighRkSanty alpacetasaH  paTenAnigM prajvalitaM yathA bAlA yathA jaDAH 17  sAtyakes tad vacaH zrutvA viduro dIrghadarzivAn  dhRtarASTraM mahAbAhum abravIt kurusaMsadi 18  rAjan parItakAlAs te putrAH sarve paraMtapa  ayazasyam azakyaM ca karma kartuM samudyatAH 19  imaM hi puNDarIkAkSam abhibhUya prasahya ca  nigrahItuM kilecchanti sahitA vAsavAnujam 20  imaM puruSazArdUlam apradhRSyaM durAsadam  AsAdya na bhaviSyanti pataMgA iva pAvakam 21  ayam icchan hi tAn sarvAn yatamAnAJ janArdanaH  siMho mRgAn iva kruddho gamayed yamasAdanam 22  na tv ayaM nintidaM karma kuryAt kRSNaH kathaM cana  na ca dharmAd apakrAmed acyutaH puruSottamaH 23  vidureNaivam ukte tu kezavo vAkyam abravIt  dhRtarASTram abhiprekSya suhRdAM zRNvatAM mithaH 24  rAjann ete yadi kruddhA mAM nigRhNIyur ojasA  ete vA mAm ahaM vainAn anujAnIhi pArthiva 25  etAn hi sarvAn saMrabdhAn niyantum aham utsahe  na tv ahaM ninditaM karma kuryAM pApaM kathaM cana 26  pANDavArthe hi lubhyantaH svArthAd dhAsyanti te sutAH  ete ced evam icchanti kRtakAryo yudhiSThiraH 27  adyaiva hy aham etAMz ca ye caitAn anu bhArata  nigRhya rAjan pArthebhyo dadyAM kiM duSkRtaM bhavet 28  idaM tu na pravarteyaM ninditaM karma bhArata  saMnidhau te mahArAja krodhajaM pApabuddhijam 29  eSa duryodhano rAjan yathecchati tathAstu tat  ahaM tu sarvAn samayAn anujAnAmi bhArata 30  etac chrutvA tu viduraM dhRtarASTro 'bhyabhASata  kSipram Anaya taM pApaM rAjyalubdhaM suyodhanam 31  saha mitraM sahAmAtyaM sasodaryaM sahAnugam  zaknuyAM yadi panthAnam avatArayituM punaH 32  tato duryodhanaM kSattA punaH prAvezayat sabhAm  akAmaM bhrAtRbhiH sArdhaM rAjabhiH parivAritam 33  atha duryodhanaM rAjA dhRtarASTro 'bhyabhASata  karNa duHzAsanAbhyAM ca rAjabhiz cAbhisaMvRtam 34  nRzaMsapApabhUyiSTha kSudrakarma sahAyavAn  pApaiH sahAyaiH saMhatya pApaM karma cikIrSasi 35  azakyam ayazasyaM ca sadbhiz cApi vigarhitam  yathA tvAdRzako mUDho vyavasyet kulapAMsanaH 36  tvam imaM puNDarIkAkSam apradhRSyaM durAsadam  pApaiH sahAyaiH saMhatya nigrahItuM kilecchasi 37  yo na zakyo balAt kartuM devair api savAsavaiH  taM tvaM prArthayase mandabAlaz candramasaM yathA 38  devair manuSyair gandharvair asurair uragaiz ca yaH  na soDhuM samare zakyas taM na budhyasi kezavam 39  durgrahaH pANinA vAyur duHsparzaH pANinA zazI  durdharA pRthivI mUrdhnA durgrahaH kezavo balAt 40  ity ukte dhRtarASTreNa kSattApi viduro 'bravIt  duryodhanam abhiprekSya dhArtarASTram amarSaNam 41  saubhadvAre vAnarendro dvivido nAma nAmataH  zilA varSeNa mahatA chAdayAm Asa kezavam 42  grahItukAmo vikramya sarvayatnena mAdhavam  grahItuM nAzakat tatra taM tvaM prArthayase balAt 43  nirmocane SaT sahasrAH pAzair baddhvA mahAsurAH  grahItuM nAzakaMz cainaM taM tvaM prArthayase balAt 44  prAgjyotiSa gataM zauriM narakaH saha dAnavaiH  grahItuM nAzakat tatra taM tvaM prArthayase balAt 45  anena hi hatA bAlye pUtanA zizunA tathA  govardhano dhAritaz ca gavArthe bharatarSabha 46  ariSTo dhenukaz caiva cANUraz ca mahAbalaH  azvarAjaz ca nihataH kaMsaz cAriSTam Acaran 47  jarAsaMdhaz ca vakraz ca zizupAlaz ca vIryavAn  bANaz ca nihataH saMkhye rAjAna ca niSUditAH 48  varuNo nirjito rAjA pAvakaz cAmitaujasA  pArijAtaM ca haratA jitaH sAkSAc chacI patiH 49  ekArNave zayAnena hatau tau madhukaiTabhau  janmAntaram upAgamya hayagrIvas tathA hataH 50  ayaM kartA na kriyate kAraNaM cApi pauruSe  yad yad icched ayaM zauris tat tat kuryAd ayatnataH 51  taM na budhyasi govindaM ghoravikramam acyutam  AzIviSam iva kruddhaM tejorAzim anirjitam 52  pradharSayan mahAbAhuM kRSNam akliSTakAriNam  pataMgo 'gnim ivAsAdya sAmAtyo na bhaviSyasi   |



|  1   [v]  vidureNaivam ukte tu kezavaH zatrupUgahA  duryodhanaM dhArtarASTram abhyabhASata vIryavAn 2  eko 'ham iti yan mohAn manyase mAM suyodhana  paribhUya ca durbuddhe grahItuM mAM cikIrSasi 3  ihaiva pANDavAH sarve tathaivAndhakavRSNayaH  ihAdityAz ca rudrAz ca vasavaz ca maharSibhiH 4  evam uktvA jahAsoccaiH kezavaH paravIrahA  tasya saMsmayataH zaurer vidyudrUpA mahAtmanaH  aGguSTha mAtrAs tridazA mumucuH pAvakArciSaH 5  tasya brahmA lalATastho rudro vakSasi cAbhavat  lokapAlA bhujeSv Asann agnir AsyAd ajAyata 6  AdityAz caiva sAdhyAz ca vasavo 'thAzvinAv api  marutaz ca sahendreNa vizve devAs tathaiva ca  babhUvuz caiva rUpANi yakSagandharvarakSasAm 7  prAdurAstAM tathA dorbhyAM saMkarSaNa dhanaMjayau  dakSiNe 'thArjuno dhanvI halI rAmaz ca savyataH 8  bhImo yudhiSThiraz caiva mAdrIputrau ca pRSThataH  andhakA vRSNayaz caiva pradyumna pramukhAs tataH 9  agre babhUvuH kRSNasya samudyatamahAyudhAH  zaGkhacakragadAzaktir zArGgalAGgalanandakAH 10  adRzyantodyatAny eva sarvapraharaNAni ca  nAnA bAhuSu kRSNasya dIpyamAnAni sarvazaH 11  netrAbhyAM nas tataz caiva zrotrAbhyAM ca samantataH  prAdurAsan mahAraudrAH sadhUmAH pAvakArciSaH  romakUpeSu ca tathA sUryasyeva marIcayaH 12  taM dRSTvA ghoram AtmAnaM kezavasya mahAtmanaH  nyamIlayanta netrANi rAjAnas trastacetasaH 13  Rte droNaM ca bhISmaM ca viduraM ca mahAmatim  saMjayaM ca mahAbhAgam RSIMz caiva tapodhanAn  prAdAt teSAM sa bhagavAn divyaM cakSur janArdanaH 14  tad dRSTvA mahad AzcaryaM mAdhavasya sabhA tale  devadundubhayo neduH puSpavarSaM papAta ca 15  cacAla ca mahIkRtsnA sAgaraz cApi cukSubhe  vismayaM paramaM jagmuH pArthivA bharatarSabha 16  tataH sa puruSavyAghraH saMjahAra vapuH svakam  tAM divyAm adbhutAM citrAm RddhimattAm ariMdamaH 17  tataH sAtyakim AdAya pANau hArdikyam eva ca  RSibhis tair anujJAto niryayau madhusUdanaH 18  RSayo 'ntarhitA jagmus tatas te nAradAdayaH  tasmin kolAhale vRtte tad adbhutam abhUt tadA 19  taM prasthitam abhiprekSya kauravAH saha rAjabhiH  anujagmur naravyAghraM devA iva zatakratum 20  acintayann ameyAtmA sarvaM tad rAjamaNDalam  nizcakrAma tataH zauriH sadhUma iva pAvakaH 21  tato rathena zubhreNa mahatA kiGkiNIkinA  hemajAlavicitreNa laghunA meghanAdinA 22  sUpaskareNa zubhreNa vaiyAghreNa varUthinA  sainyasugrIva yuktena pratyadRzyata dArukaH 23  tathaiva ratham AsthAya kRtavarmA mahArathaH  vRSNInAM saMmato vIro hArdikyaH pratyadRzyata 24  upasthita rathaM zauriM prayAsyantam ariMdamam  dhRtarASTro mahArAjaH punar evAbhyabhASata 25  yAvad balaM me putreSu pazyasy etaj janArdana  pratyakSaM te na te kiM cit parokSaM zatrukarzana 26  kurUNAM zamam icchantaM yatamAnaM ca kezava  viditvaitAm avasthAM me nAtizaGkitum arhasi 27  na me pApo 'sty abhiprAyaH pANDavAn prati kezava  jJAtam eva hi te vAkyaM yan mayoktaH suyodhanaH 28  jAnanti kuravaH sarve rAjAnaz caiva pArthivAH  zame prayatamAnaM mAM sarvayatnena mAdhava 29  tato 'bravIn mahAbAhur dhRtarASTraM janezvaram  droNaM pitAmahaM bhISmaM kSattAraM bAhlikaM kRpam 30  pratyakSam etad bhavatAM yadvRttaM kurusaMsadi  yathA cAziSTavan mando roSAd asakRd utthitaH 31  vadaty anIzam AtmAnaM dhRtarASTro mahIpatiH  ApRcche bhavataH sarvAn gamiSyAmi yudhiSThiram 32  Amantrya prasthitaM zauriM rathasthaM puruSarSabham  anujagmur maheSvAsAH pravIrA bharatarSabhAH 33  bhISmo droNaH kRpaH kSattA dhRtarASTro 'tha bAhlikaH  azvatthAmA vikarNaz ca yuyutsuz ca mahArathaH 34  tato rathena zubhreNa mahatA kiGkiNIkinA  kurUNAM pazyatAM prAyAt pRthAM draSTuM pitRSvasAm   |



|  1   [v]  pravizyAtha gRhaM tasyAz caraNAv abhivAdya ca  Acakhyau tat samAsena yadvRttaM kurusaMsadi 2  uktaM bahuvidhaM vAkyaM grahaNIyaM sahetukam  RSibhiz ca mayA caiva na cAsau tadgRhItavAn 3  kAlapakvam idaM sarvaM duryodhana vazAnugam  ApRcche bhavatIM zIghraM prayAsye pANDavAn prati 4  kiM vAcyAH pANDaveyAs te bhavatyA vananAn mayA  tad brUhi tvaM mahAprAjJe zuzrUSe vacanaM tava 5  brUyAH kezava rAjAnaM dharmAtmAnaM yudhiSThiram  bhUyAMs te hIyate dharmo mA putraka vRthA kRthAH 6  zrotriyasyeva te rAjan mandakasyAvipazcitaH  anuvAka hatA buddhir dharmam evaikam IkSate 7  aGgAvekSasva dharmaM tvaM yathA sRSTaH svayambhuvAm  urastaH kSatriyaH sRSTo bAhuvIryopajIvitA  krUrAya karmaNe nityaM prajAnAM paripAlane 8  zRNu cAtropamAm ekAM yA vRddhebhyaH zrutA mayA  mucukundasya rAjarSer adadAt pRthivIm imAm  purA vaizravaNaH prIto na cAsau tAM gRhItavAn 9  bAhuvIryArjitaM rAjyam aznIyAm iti kAmaye  tato vaizvaraNaH prIto vismitaH samapadyata 10  mucukundas tato rAjA so 'nvazAsad vasuMdharAm  bAhuvIryArjitAM samyak kSatradharmam anuvrataH 11  yaM hi dharmaM carantIha prajA rAjJA surakSitAH  caturthaM tasya dharmasya rAjA bhArata vindati 12  rAjA carati ced dharmaM devatvAyaiva kalpate  sa ced adharmaM carati narakAyaiva gacchati 13  daNDanItiH svadharmeNa cAturvarNyaM niyacchati  prayuktA svAminA samyag adharmebhyaz ca yacchati 14  daNDanItyAM yadA rAjA samyak kArtsnyena vartate  tadA kRtayugaM nAma kAlaH zreSThaH pravartate 15  kAlo vA kAraNaM rAjJo rAjA vA kAlakAraNam  iti te saMzayo mA bhUd rAjA kAlasya kAraNam 16  rAjA kRtayugasraSTA tretAyA dvAparasya ca  yugasya ca caturthasya rAjA bhavati kAraNam 17  kRtasya kAraNAd rAjA svargam atyantam aznute  tretAyAH kAraNAd rAjA svargaM nAtyantam aznute  pravartanAd dvAparasya yathAbhAgam upAznute 18  tato vasati duSkarmA narake zAzvatIH samAH  rAjadoSeNa hi jagat spRzyate jagataH sa ca 19  rAjadharmAn avekSasva pitRpaitAmahocitAn  naitad rAjarSivRttaM hi yatra tvaM sthAtum icchasi 20  na hi vaiklavya saMsRSTa AnRzaMsye vyavasthitaH  prajApAlanasaMbhUtaM kiM cit prApa phalaM nRpaH 21  na hy etAm AziSaM pANDur na cAhaM na pitAmahaH  prayuktavantaH pUrvaM te yayA carasi medhayA 22  yajJo dAnaM tapaH zauryaM prajA saMtAnam eva ca  mAhAtmyaM balabhojaz ca nityam AzaMsitaM mayA 23  nityaM svAhA svadhA nityaM dadur mAnuSadevatAH  dIrgham Ayur dhanaM putrAn samyag ArAdhitAH zubhAH 24  putreSv AzAsate nityaM pitaro daivatAni ca  dAnam adhyayanaM yajJaM prajAnAM paripAlanam 25  etad dharmam adharmaM vA janmanaivAbhyajAyathAH  te stha vaidyAH kule jAtA avRttyA tAta pIDitAH 26  yat tu dAnapatiM zUraM kSudhitAH pRthivIcarAH  prApya tRptAH pratiSThante dharmaH ko 'bhyadhikas tataH 27  dAnenAnyaM balenAnyaM tahA sUnRtayAparam  sarvataH pratigRhNIyAd rAjyaM prApyeha dhArmikaH 28  brAhmaNaH pracared bhaikSaM kSatriyaH paripAlayet  vaizyo dhanArjanaM kuryAc chUdraH paricarec ca tAn 29  bhaikSaM vipratiSiddhaM te kRSir naivopapadyate  kSatriyo 'si kSatAs trAtA bAhuvIryopajIvitA 30  pitryam aMzaM mahAbAho nimagnaM punar uddhara  sAmnA dAnena bhedena daNDenAtha nayena ca 31  ito duHkhataraM kiM nu yad ahaM hInabAndhavA  parapiNDam udIkSAmi tvAM sUtvAmitranandana 32  yudhyasva rAjadharmeNa mA nimajjIH pitAmahAn  mA gamaH kSINapuNyas tvaM sAnugaH pApikAM gatim   |



|  1   [k]  atrApy udAharantImam itihAsaM purAtanam  vidurAyAz ca saMvAdaM putrasya ca paraMtapa 2  atra zreyaz ca bhUyaz ca yathA sA vaktum arhati  yazasvinI manumatI kule jAtA vibhAvarI 3  kSatradharmaratA dhanyA vidurA dIrghadarzinI  vizrutA rAjasaMsatsu zrutavAkyA bahuzrutA 4  vidurA nAma vai satyA jagarhe putram aurasam  nirjitaM sindhurAjena zayAnaM dInacetasam  anandanam adharmajJaM dviSatAM harSavardhanam 5  na mayA tvaM na pitrAsi jAtaH kvAbhyAgato hy asi  nirmanyur upazAkhIyaH puruSaH klIba sAdhanaH 6  yAvaj jIvaM nirAzo 'si kalyANAya dhuraM vaha  mAtmAnam avamanyasva mainam alpena bIbharaH  manaH kRtvA sukalyANaM mA bhais tvaM pratisaMstabha 7  uttiSTha he kApuruSa mA zeSvaivaM parAjitaH  amitrAn nandayan sarvAn nirmAno bandhuzokadaH 8  supUrA vai kunadikA supUro mUSikAJjaliH  susaMtoSaH kApuruSaH svalpakenApi tuSyati 9  apy arer Arujan daMSTrAm AzvA iva nidhanaM vraja  api vA saMzayaM prApya jIvite 'pi parAkrama 10  apy areH zyenavac chidraM pazyes tvaM viparikraman  vinadan vAtha vA tUSNIM vyomni vAparizaGkitaH 11  tvam evaM pretavac cheSe kasmAd vajrahato yathA  uttiSTha he kApuruSa mA zeSvaivaM parAjitaH 12  mAstaM gamas tvaM kRpaNo vizrUyasva svakarmaNA  mA madhye mA jaghanye tvaM mAdho bhUs tiSTha corjitaH 13  alAtaM tindukasyeva muhUrtam api vijvala  mA tuSAgnir ivAnarciH kAkaraGkhA jijIviSuH  muhUrtaM jvalitaM zreyo na tu dhUmAyitaM ciram 14  mA ha sma kasya cid gehe janI rAjJaH kharI mRduH  kRtvA mAnuSyakaM karma sRtvAjiM yAvad uttamam  dharmasyAnRNyam Apnoti na cAtmAnaM vigarhate 15  alabdhvA yadi vA labdhvA nAnuzocanti paNDitAH  AnantaryaM cArabhate na prANAnAM dhanAyate 16  udbhAvayasva vIryaM vA tAM vA gaccha dhruvAM gatim  dharmaM putrAgrataH kRtvA kiMnimittaM hi jIvasi 17  iSTApUrtaM hi te klIba kIrtiz ca sakalA hatA  vicchinnaM bhogamUlaM te kiMnimittaM hi jIvasi 18  zatrur nimajjatA grAhyo jaGghAyAM prapatiSyatA  viparicchinna mUlo 'pi na viSIdet kathaM cana  udyamya duram utkarSed AjAneya kRtaM smaran 19  kuru sattvaM ca mAnaM ca viddhi pauruSam AtmanaH  udbhAvaya kulaM magnaM tvatkRte svayam eva hi 20  yasya vRttaM na jalpanti mAnavA mahad adbhutam  rAzivardhana mAtraM sa naiva strI na punaH pumAn 21  dAne tapasi zaurye ca yasya na prathitaM yazaH  vidyAyAm arthalAbhe vA mAtur uccAra eva saH 22  zrutena tapasA vApi zriyA vA vikrameNa vA  janAn yo 'bhibhavaty anyAn karNamA hi sa vai pumAn 23  na tv eva jAlmIM kApAlIM vRttim eSitum arhasi  nRzaMsyAm ayazasyAM ca duHkhAM kApuruSocitAm 24  yam enam abhinandeyur amitrAH puruSaM kRzam  lokasya samavajJAtaM nihItAzana vAsasam 25  aho lAbhakaraM dInam alpajIvanam alpakam  nedRzaM bandhum AsAdya bAndhavaH sukham edhate 26  avRttyaiva vipatsyAmo vayaM rASTrAt pravAsitAH  sarvakAmarasair hInAH sthAnabhraSTA akiMcanAH 27  avarNa kAriNaM satsu kulavaMzasya nAzanam  kaliM putra pravAdena saMjaya tvAm ajIjanam 28  niramarSaM nirutsAhaM nirvIryam arinandanam  mA sma sImantinI kA cij janayet putram IdRzam 29  mA dhUmAya jvalAtyantam Akramya jahi zAtravAn  jvala mUrdhany amitrANAM muhUrtam api vA kSaNam 30  etAvAn eva puruSo yad amarSI yad akSamI  kSamAvAn niramarzaz ca naiva strI na punaH pumAn 31  saMtoSo vai zriyaM hanti tathAnukroza eva ca  anutthAna bhaye cobhe nirIho nAznute mahat 32  ebhyo nikRtipApebhyaH pramuJcAtmAnam AtmanA  AyasaM hRdayaM kRtvA mRgayasva punaH svakam 33  puraM viSahate yasmAt tasmAt puruSa ucyate  tam Ahur vyarthanAmAnaM strIvad ya iha jIvati 34  zUrasyorjita sattvasya siMhavikrAnta gAminaH  diSTa bhAvaM gatasyApi vighase modate prajA 35  ya AtmanaH priya sukhe hitvA mRgayate zriyam  amAtyAnAm atho harSam AdadhAty acireNa saH 36  kiM nu te mAm apazyantyAH pRthivyA api sarvayA  kim AbharaNakRtyaM te kiM bhogair jIvitena vA 37  kim adyakAnAM ye lokA dviSantas tAn avApnuyuH  ye tv AdRtAtmanAM lokAH suhRdas tAn vrajantu naH 38  bhRtyair vihIyamAnAnAM parapiNDopajIvinAm  kRpaNAnAm asattvAnAM mA vRttim anuvartithAH 39  anu tvAM tAta jIvantu brAhmaNAH suhRdas tathA  parjanyam iva bhUtAni devA iva zatakratum 40  yam AjIvanti puruSaM sarvabhUtAni saMjaya  pakvaM drumam ivAsAdya tasya jIvitam arthavat 41  yasya zUrasya vikrAntair edhante bAndhavAH sukham  tridazA iva zakrasya sAdhu tasyeha jIvitam 42  svabAhubalam Azritya yo 'bhyujjIvati mAnavaH  sa loke labhate kIrtiM paratra ca zubhAM gatim   |



|  1   [vidurA]  athaitasyAm avasthAyAM pauruSaM hAtum icchasi  nihIna sevitaM mArgaM gamiSyasy acirAd iva 2  yo hi tejo yathAzakti na darzayati vikramAt  kSatriyo jIvitAkAGkSI stena ity eva taM viduH 3  arthavanty upapannAni vAkyAni guNavanti ca  naiva saMprApnuvanti tvAM mumUrSum iva bheSajam 4  santi vai sindhurAjasya saMtuSTA bahavo janAH  daurbalyAd Asate mUDhA vyasanaughapratIkSiNaH 5  sahAyocapayaM kRtvA vyavasAyya tatas tataH  anuduSyeyur apare pazyantas tava pauruSam 6  taiH kRtvA saha saMghAtaM giridurgAlayAMz cara  kAle vyasanam AkAGkSan naivAyam ajarAmaraH 7  saMjayo nAmataz ca tvaM na ca pazyAmi tat tvayi  anvartha nAmA bhava me putra mA vyarthanAmakaH 8  samyag dRSTir mahAprAjJo bAlaM tvAM brAhmaNo 'bravIt  ayaM prApya mahat kRcchraM punar vRddhiM gamiSyati 9  tasya smarantI vacanam AzaMse vijayaM tava  tasmAt tAta bravImi tvAM vakSyAmi ca punaH punaH 10  yasya hy arthAbhinirvRttau bhavanty ApyAyitAH pare  tasyArthasiddhir niyatA nayeSv arthAnusAriNaH 11  samRddihr asamRddhir vA pUrveSAM mama saMjaya  evaM vidvAn yuddhamanA bhava mA pratyupAhara 12  nAtaH pApIyasIM kAM cid avasthA zambaro 'bravIt  yatra naivAdya na prAtra bhojanaM pratidRzyate 13  patiputra vadhAd etat paramaM duHkham abravIt  dAridryam iti yat proktaM paryAya maraNaM hi tat 14  ahaM mahAkule jAtA hradAd dhradam ivAgatA  IzvarI sarvakalyANair bhartrA paramapUjitA 15  mahArhamAlyAbharaNAM sumRSTAmbara vAsasam  purA dRSTvA suhRdvargo mAm apazyat sudurgatAm 16  yadA mAM caiva bhAryAM ca draSTAsi bhRzadurbale  na tadA jIvitenArtho bhavitA tava saMjaya 17  dAsakarma karAn bhRtyAn AcAryartvik purohitAn  avRttyAsmAn prajahato dRSTvA kiM jIvitena te 18  yadi kRtyaM na pazyAmi tavAdyeha yathA purA  zlAghanIyaM yazasyaM ca kA zAntir hRdayasya me 19  neti ced brAhmaNAn brUyAM dIryate hRdayaM mama  na hy ahaM na ca me bhartA neti brAhmaNam uktavAn 20  vayam AzramaNIyAH sma nAzritAraH parasya ca  sAnyAn Azritya jIvantI parityakSyAmi jIvitam 21  apAre bhava naH pAram aplave bhava naH plavaH  kuruSva sthAnam asthAne mRtAn saMjIvayasva naH 22  sarve te zatravaH sahyA na cej jIvitum icchasi  atha ced IdRzIM vRttiM klIbAm abhyupapadyase 23  nirviNNAtmA hatamanA muJcaitAM pApajIvikAm  ekazatruvadhenaiva zUro gacchati vizrutim 24  indro vRtravadhenaiva mahendraH samapadyata  mAhendraM ca grahaM lebhe lokAnAM cezvaro 'bhavat 25  nAma vizrAvya vA saMkhye zatrUr AhUya daMzitAn  senAgraM vApi vidrAvya hatvA vA puruSaM varam 26  yadaiva labhate vIraH suyuddhena mahad yazaH  tadaiva pravyathante 'sya zatravo vinamanti ca 27  tyaktvAtmAnaM raNe dakSaM zUraM kApuruSA janAH  avazAH pUrayanti sma sarvakAmasamRddhibhiH 28  rAjyaM vApy ugravibhraMzaM saMzayo jIvitasya vA  pralabdhasya hi zatror vai zeSaM kurvanti sAdhavaH 29  svargadvAropamaM rAjyam atha vApy amRtopamam  ruddham ekAyane matvA patolmuka ivAriSu 30  jahi zatrUn raNe rAjan svadharmam anupAlaya  mA tvA pazyet sukRpaNaM zatruH zrImAn kadA cana 31  asmadIyaiz ca zocadbhir nadadbhiz ca parair vRtam  api tvAM nAnupazyeyaM dInA dInam avasthitam 32  uSya sauvIrakanyAbhiH zlAghasvArthair yathA purA  mA ca saindhava kanyAnAm avansan no vazaM gamaH 33  yuvA rUpeNa saMpanno vidyayAbhijanena ca  yas tvAdRzo vikurvIta yazasvI lokavizrutaH  voDhavye dhury anaDuvan manye maraNam eva tat 34  yadi tvAm anupazyAmi parasya priyavAdinam  pRSThato 'nuvrajantaM vA kA kAntir hRdayasya me 35  nAsmiJ jAtu kule jAto gacched yo 'nyasya pRSThataH  na tvaM parasyAnudhuraM tAta jIvitum arhasi 36  ahaM hi kSatrahRdayaM veda yat parizAzvatam  pUrvaiH pUrvataraiH proktaM paraiH paratarair api 37  yo vai kaz cid ihAjAtaH kSatriyaH kSatradharmavit  bhayAd vRtti samIkSo vA na named iha kasya cit 38  udyacched eva na named udyamo hy eva pauruSam  apy aparvaNi bhajyeta na named iha kasya cit 39  mAtaGgo matta iva ca parIyAt sumahAmanAH  brAhmaNebhyo namen nityaM dharmAyaiva ca saMjaya 40  niyacchann itarAn varNAn vinighnan sarvaduSkRtaH  sasahAyo 'sahAyo vA yAvaj jIvaM tathA bhavet   |



|  1   [putra]  kRSNAyasasyeva ca te saMhatya hRdayaM kRtam  mama mAtas tv akaruNe vairaprajJe hy amarSaNe 2  aho kSatrasamAcAro yatra mAm aparaM yathA  IdRzaM vacanaM brUyAd bhavatI putram ekajam 3  kiM nu te mAm apazyantyAH pRthivyA api sarvayA  kim AbharaNakRtyaM te kiM bhogair jIvitena vA 4  sarvArambhA hi viduSAM tAta dharmArthakAraNAt  tAn evAbhisamIkSyAhaM saMjaya tvAm acUcudam 5  sa samIkSya kramopeto mukhyaH kAlo 'yam AgataH  asmiMz ced Agate kAle kAryaM na pratipadyase  asaMbhAvita rUpas tvaM sunRzaMsaM kariSyasi 6  taM tvAm ayazasA spRSTaM na brUyAM yadi saMjaya  kharI vAtsalyam Ahus tan niH sAmarthyam ahetukam 7  sadbhir vigarhitaM mArgaM tyaja mUrkha niSevitam  avidyA vai mahaty asti yAm imAM saMzritAH prajAH 8  tava syAd yadi sadvRttaM tena me tvaM priyo bhaveH  dharmArthaguNayuktena netareNa kathaM cana  daivamAnuSayuktena sadbhir Acaritena ca 9  yo hy evam avinItena ramate putra naptRNA  anutthAnavatA cApi moghaM tasya prajA phalam 10  akurvanto hi karmANi kurvanto ninditAni ca  sukhaM naiveha nAmutra labhante puruSAdhamAH 11  yuddhAya kSatriyaH sRSTaH saMjayeha jayAya ca  krUrAya karmaNe nityaM prajAnAM paripAlane  jayan vA vadhyamAno vA prApnotIndra salokatAm 12  na zakra bhavane puNye divi tadvidyate sukham  yad amitrAn vaze kRtvA kSatriyaH sukham aznute 13  manyunA dahyamAnena puruSeNa manasvinA  nikRteneha bahuzaH zatrUn pratijigISayA 14  AtmAnaM vA parityajya zatrUn vA vinipAtya vai  ato 'nyena prakAreNa zAntir asya kuto bhavet 15  iha prAjJDo hi puruSaH svalpam apriyam icchati  yasya svalpaM priyaM loke dhruvaM tasyAlpam apriyam 16  priyAbhAvAc ca puruSo naiva prApnoti zobhanam  dhruvaM cAbhAvam abhyeti gatvA gaGgeva sAgaram 17   [putra]  neyaM matis tvayA vAcyA mAtaH putre vizeSataH  kAruNyam evAtra pazya bhUtveha jaDa mUkavat 18  ato me bhUyasI nandir yad evam anupazyasi  codyaM mAM codayasy etad bhRzaM vai codayAmi te 19  atha tvAM pUjayiSyAmi hatvA vai sarvasaindhavAn  ahaM pazyAmi vijayaM kRtsnaM bhAvinam eva te 20  akozasyAsahAyasya kutaH svid vijayo mama  ity avasthAM viditvemAm AtmanAtmani dAruNAm  rAjyAd bhAvo nivRtto me tridivAd iva duSkRteH 21  IdRzaM bhavatI kaM cid upAyam anupazyati  tan me pariNata prajJe samyak prabrUhi pRcchate  kariSyAmi hi tat sarvaM yathAvad anuzAsanam 22  putrAtmA nAvamantavyaH pUrvAbhir asamRddhibhiH  abhUtvA hi bhavanty arthA bhUtvA nazyanti cApare 23  amarSeNaiva cApy arthA nArabdhavyAH subAlizaiH  sarveSAM karmaNAM tAta phale nityam anityatA 24  anityam iti jAnanto na bhavanti bhavanti ca  atha ye naiva kurvanti naiva jAtu bhavanti te 25  aikaguNyam anIhAyAm abhAvaH karmaNAM phalam  atha dvaiguNyam IhAyAM phalaM bhavati vA na vA 26  yasya prAg eva viditA sarvArthAnAm anityatA  nuded vRddhisamRddhI sa pratikUle nRpAtmaja 27  utthAtavyaM jAgRtavyaM yoktavyaM bhUtikarmasu  bhaviSyatIty eva manaH kRtvA satatam avyathaiH  maGgalAni puraskRtya brAhmaNaiz cezvaraiH saha 28  prAjJasya nRpater Azu vRddhir bhavati putraka  abhivartati lakSmIs taM prAcIm iva divAkaraH 29  nidarzanAny upAyAMz ca bahUny uddharSaNAni ca  anudarzita rUpo 'si pazyAmi kuru pauruSam  puruSArtham abhipretaM samAhartum ihArhasi 30  kruddhAm*l lubdhAn parikSINAn avakSiptAn vimAnitAn  spardhinaz caiva ye ke cit tAn yukta upadhAraya 31  etena tvaM prakAreNa mahato bhetsyase gaNAn  mahAvega ivoddhUto mAtarizvA balAhakAn 32  teSAm agrapradAyI syAH kalyotthAyI priyaMvadaH  te tvAM priyaM kariSyanti puro dhAsyanti ca dhruvam 33  yadaiva zatrur jAnIyAt sapatnaM tyaktajIvitam  tadaivAsmAd udvijate sarpAd vezma gatAd iva 34  taM viditvA parAkrAntaM vaze na kurute yadi  nirvAdair nirvaded enam antatas tad bhaviSyati 35  nirvAdAd AspadaM labdhvA dhanavRddhir bhaviSyati  dhanavantaM hi mitrANi bhajante cAzrayanti ca 36  sphalitArthaM punas tAta saMtyajanty api bAndhavAH  apy asminn Azrayante ca jugupsanti ca tAdRzam 37  zatruM kRtvA yaH sahAyaM vizvAsam upagacchati  ataH saMbhAvyam evaitad yad rAjyaM prApnuyAd iti   |



|  1   [m]  naiva rAjJA daraH kAryo jAtu kasyAM cid Apadi  atha ced api dIrNaH syAn naiva varteta dIrNavat 2  dIrNaM hi dRSTvA rAjAnaM sarvam evAnudIryate  rASTraM balam amAtyAz ca pRthak kurvanti te matim 3  zatrUn eke prapadyante prajahaty apare punaH  anv eke prajihIrSanti ye purastAd vimAnitAH 4  ya evAtyanta suhRdas ta enaM paryupAsate  azaktayaH svasti kAmA baddhavatsA iDA iva  zocantam anuzocanti pratItAn iva bAndhavAn 5  api te pUjitAH pUrvam api te suhRdo matAH  ye rASTram abhimanyante rAjJo vyasanam IyuSaH  mA dIdaras tvaM suhRdo mA tvAM dIrNaM prahAsiSuH 6  prabhAvaM pauruSaM buddhiM jijJAsantyA mayA tava  ullapantyA samAzvAsaM balavAn iva durbalam 7  yady etat saMvijAnAsi yadi samyag bravImy aham  kRtvAsaumyam ivAtmAnaM jayAyottiSTha saMjaya 8  asti naH kozanicayo mahAn aviditas tava  tam ahaM veda nAnyas tam upasaMpAdayAmi te 9  santi naikazatA bhUyaH suhRdas tava saMjaya  sukhaduHkhasahA vIra zatArhA anivartinaH 10  tAdRzA hi sahAyA vai puruSasya bubhUSataH  ISad ujjihataH kiM cit sacivAH zatrukarzanAH 11  kasya tv IdRzakaM vAkyaM zrutvApi svalpa cetasaH  tamo na vyapahanyeta sucitrArtha padAkSaram 12  udake dhUr iyaM dhAryA sartavyaM pravaNe mayA  yasya me bhavatI netrI bhaviSyad bhUtadarzinI 13  ahaM hi vacanaM tvattaH zuzrUSur aparAparam  kiM cit kiM cit prativadaMs tUSNIm AsaM muhur muhuH 14  atRpyann amRtasyeva kRcchrAl labdhasya bAndhavAt  udyacchAmy eSa zatrUNAM niyamAya jayAya ca 15  sadazva iva sa kSiptaH praNunno vAkyasAyakaiH  tac cakAra tathA sarvaM yathAvad anuzAsanam 16  idam uddharSaNaM bhImaM tejovardhanam uttamam  rAjAnaM zrAvayen mantrI sIdantaM zatrupIDitam 17  jayo nAmetihAso 'yaM zrotavyo vijigISuNA  mahIM vijayate kSipraM zrutvA zatrUMz ca mardati 18  idaM puMsavanaM caiva vIrAjananam eva ca  abhIkSNaM garbhiNI zrutvA dhruvaM vIraM prajAyate 19  vidyA zUraM tapaH zUraM damazUraM tapasvinam  brAhmyA zriyA dIpyamAnaM sAdhuvAdena saMmatam 20  arciSmantaM balopetaM mahAbhAgaM mahAratham  dhRSTavantam anAdhRSyaM jetAram aparAjitam 21  niyantAram asAdhUnAM goptAraM harma cAriNAm  tadarthaM kSatriyA sUte vIraM satyaparAkramam   |



|  1   [k]  arjunaM kezava brUyAs tvayi jAte sma sUtake  upopaviSTA nArIbhir Azrame parivAritA 2  athAntarikSe vAg AsId divyarUpA manoramA  sahasrAkSasamaH kunti bhaviSyaty eSa te sutaH 3  eSa jeSyati saMgrAme kurUn sarvAn samAgatAn  bhImasenadvitIyaz ca lokam udvartayiSyati 4  putras te pRthivIM jetA yazaz cAsya divaspRzam  hatvA kurUn grAmajanye vAsudevasahAyavAn 5  pitryam aMzaM pranaSTaM ca punar apy uddhariSyati  bhrAtRbhiH sahitaH zrImAMs trIn medhAn AhariSyati 6  taM satyasaMdhaM bIbhatsuM savyasAcinam acyuta  yathAham evaM jAnAmi balavantaM durAsadam  tathA tad astu dAzArha yathA vAg abhyabhASata 7  dharmaz ced asti vArSNeya tathA satyaM bhaviSyati  tvaM cApi tat tathA kRSNa sarvaM saMpAdayiSyasi 8  nAhaM tad abhyasUyAmi yathA vAg abhyabhASata  namo dharmAya mahate dharmo dhArayati prajAH 9  etad dhanaMjayo vAcyo nityodyukto vRkodaraH  yadarthaM kSatriyA sUte tasya kAlo 'yam AgataH  na hi vairaM samAsAdya sIdanti puruSarSabhAH 10  viditA te sadA buddhir bhImasya na sa zAmyati  yAvadantaM na kurute zatrUNAM zatrukarzaNaH 11  sarvadharmavizeSajJAM snuSAM pANDor mahAtmanaH  brUyA mAdhava kalyANIM kRSNAM kRSNa yazasvinIm 12  yuktam etan mahAbhAge kule jAte yazasvini  yan me putreSu sarveSu yathAvat tvam avartithAH 13  mAdrIputrau ca vaktavyau kSatradharmaratAv ubhau  vikrameNArjitAn bhogAn vRNItaM jIvitAd api 14  vikramAdhigatA hy arthAH kSatradharmeNa jIvataH  mano manuSyasya sadA prINanti puruSottama 15  yac ca vaH prekSamANAnAM sarvadharmopacAyinI  pAJcAlI paruSANy uktA ko nutat kSantum arhati 16  na rAjyaharaNaM duHkhaM dyUte cApi parAjayaH  pravrAjanaM sutAnAM vA na me tadduHkhakAraNam 17  yat tu sA bRhatI zyAmA sabhAyAM rudatI tadA  azrauSIt paruSA vAcas tan me duHkhataraM matam 18  strI dharmiNI varArohA kSatradharmaratA sadA  nAdhyagacchat tadA nAthaM kRSNA nAthavatI satI 19  taM vai brUhi mahAbAho sarvazastrabhRtAM varam  arjunaM puruSavyAghraM draupadyAH padavIM cara 20  viditau hi tavAtyantaM kruddhAv iva yamAntakau  bhImArjunau nayetAM hi devAn api parAM gatim 21  tayoz caitad avajJAnaM yat sA kRSNA sabhA gatA  duHzAsanaz ca yad bhImaM kaTukAny abhyabhASata  pazyatAM kuruvIrANAM tac ca saMsmArayeH punaH 22  pANDavAn kuzalaM pRccheH saputrAn kRSNayA saha  mAM ca kuzalinIM brUyAs teSu bhUyo janArdana  ariSTaM gaccha panthAnaM putrAn me paripAlaya 23  abhivAdyAtha tAM kRSNaH kRtvA cAbhipradakSiNam  nizcakrAma mahAbAhuH siMhakhela gatis tataH 24  tato visarjayAm Asa bhISmAdIn kurupuMgavAn  Aropya ca rathe karNaM prAyAt sAtyakinA saha 25  tataH prayAte dAzArhe kuravaH saMgatA mithaH  jajalpur mahad AzcaryaM kezave paramAdbhutam 26  pramUDhA pRthivI sarvA mRtyupAzasitA kRtA  duryodhanasya bAlizyAn naitad astIti cAbruvan 27  tato niryAya nagarAt prayayau puruSottamaH  mantrayAm Asa ca tadA karNena suciraM saha 28  visarjayitvA rAdheyaM sarvayAdavanandanaH  tato javena mahatA tUrNam azvAn acodayat 29  te pibanta ivAkAzaM dArukeNa pracoditAH  hayA jagmur mahAvegA manomArutaraMhasaH 30  te vyatItya tam adhvAnaM kSipraM zyenA ivAzugAH  uccaiH sUryam upaplavyaM zArGgadhanvAnam Avahan   |



|  1   [v]  kuntyAs tu vacanaM zrutvA bhISmadroNau mahArathau  duryodhanam idaM vAkyam UcatuH zAsanAtigam 2  zrutaM te puruSavyAghra kuntyAH kRSNasya saMnidhau  vAkyam arthavad avyagram uktaM dharmyam anuttamam 3  tat kariSyanti kaunteyA vAsudevasya saMmatam  na hi te jAtu zAmyerann Rte rAjyena kaurava 4  klezitA hi tvayA pArthA dharmapAzasitAs tadA  sabhAyAM draupadI caiva taiz ca tan marSitaM tava 5  kRtAstraM hy arjunaM prApya bhImaM ca kRtanizramam  gANDIvaM ceSudhI caiva rathaM ca dhvajam eva ca  sahAyaM vAsudevaM ca na kSaMsyati yudhiSThiraH 6  pratyakSaM te mahAbAho yathA pArthena dhImatA  virATanagare pUrvaM sarve sma yudhi nirjitAH 7  dAnavAn ghorakarmANo nivAtakavacAn yudhi  raudram astraM samAdhAya dagdhavAn astravahninA 8  karNaprabhRtayaz ceme tvaM cApi kavacI rathI  mokSitA ghoSayAtrAyAM paryAptaM tannidarzanam 9  prazAmya bharatazreSTha bhrAtRbhiH saha pANDavaiH  rakSemAM pRthivIM sarvAM mRtyor daMSTrAntaraM gatAm 10  jyeSTho bhrAtA dharmazIlo vatsalaH zlakSNavAk zuciH  taM gaccha puruSavyAghraM vyapanIyeha kilbiSam 11  dRSTaz cet tvaM pANDavena vyapanItazarAsanaH  prasannabhrukuTiH zrImAn kRtA zAntiH kulasya naH 12  tam abhyetya sahAmAtyaH pariSvajya nRpAtmajam  abhivAdaya rAjAnaM yathApUrvam ariMdama 13  abhivAdayamAnaM tvAM pANibhyAM bhIma pUrvajaH  pratigRhNAtu sauhArdAt kuntIputro yudhiSThiraH 14  siMhaskandhoru bAhus tvAM vRttAyatamahAbhujaH  pariSvajatu bAhubhyAM bhImaH praharatAM varaH 15  siMhagrIvo guDAkezas tatas tvAM puSkarekSaNaH  abhivAdayatAM pArthaH kuntIputro dhanaMjayaH 16  Azvineyau naravyAghrau rUpeNApratimau bhuvi  tau ca tvAM guruvat premNA pUjayA pratyudIyatAm 17  muJcantv AnandajAzrUNi dAzArha pramukhA nRpAH  saMgaccha bhrAtRbhiH sArdhaM mAnaM saMtyajya pArthiva 18  prazAdhi pRthivIM kRtsnAM tatas taM bhrAtRbhiH saha  samAliGgya ca harSeNa nRpA yAntu parasparam 19  alaM yuddhena rAjendra suhRdAM zRNu kAraNam  dhruvaM vinAzo yuddhe hi kSatriyANAM pradRzyate 20  jyotIMSi pratikUlAni dAruNA mRgapakSiNaH  utpAtA vividhA vIra dRzyante kSatranAzanAH 21  vizeSata ihAsmAkaM nimittAni vinAzane  ulkAbhir hi pradIptAbhir vadhyate pRtanA tava 22  vAhanAny aprahRSTAni rudantIva vizAM pate  gRdhrAs te paryupAsante sainyAni ca samantataH 23  nagaraM na yathApUrvaM tathA rAjanivezanam  zivAz cAziva nirghoSA dIptAM sevanti vai dizam 24  kuru vAkyaM pitur mAtur asmAkaM ca hitaiSiNAm  tvayy Ayatto mahAbAho zamo vyAyAma eva ca 25  na cet kariSyasi vacaH suhRdAm arikarzana  tapsyase vAhinIM dRSTvA pArtha bANaprapIDitAm 26  bhImasya ca mahAnAdaM nadataH zuSmiNo raNe  zrutvA smartAsi me vAkyaM gANDIvasya ca nisvanam  yady etad apasavyaM te bhaviSyati vaco mama   |



|  1   [v]  evam uktas tu vimanAs tiryagdRSTir adhomukhaH  saMhatya ca bhruvor madhyaM na kiM cid vyAjahAra ha 2  taM vai vimanasaM dRSTvA saMprekSyAnyonyam antikAt  punar evottaraM vAkyam uktavantau nararSabhau 3  zuzrUSum anasUyaM ca brahmaNyaM satyasaMgaram  pratiyotsyAmahe pArtham ato duHkhataraM nu kim 4  azvatthAmni yathA putre bhUyo mama dhanaMjaye  bahumAnaH paro rAjan saMnatiz ca kapidhvaje 5  taM cet putrAt priyataraM pratiyotsye dhanaMjayam  kSatradharmam anuSThAya dhig astu kSatrajIvikAm 6  yasya loke samo nAsti kaz cid anyo dhanurdharaH  matprasAdAt sa bIbhatsuH zreyAn anyair dhanurdharaiH 7  mitradhrug duSTabhAvaz ca nAstiko 'thAnRjuH zaThaH  na satsu labhate pUjAM yajJe mUrkha ivAgataH 8  vAryamANo 'pi pApebhyaH pApAtmA pApam icchati  codyamAno 'pi pApena zubhAtmA zubham icchati 9  mithyopacaritA hy ete vartamAnA hy anu priye  ahitatvAya kalpante doSA bharatasattama 10  tvam uktaH kuruvRddhena mayA ca vidureNa ca  vAsudevena ca tathA zreyo naivAbhipadyase 11  asti me balam ity eva sahasA tvaM titIrSasi  sagrAha nakramakaraM gaGgA vegam ivoSNage 12  vAsa eva yathA hi tvaM prAvRNvAno 'dya manyase  srajaM tyaktAm iva prApya lobhAd yaudhiSThirIM zriyam 13  draupadI sahitaM pArthaM sAyudhair bhrAtRbhir vRtam  vanastham api rAjyasthaH pANDavaM ko 'tijIvati 14  nideze yasya rAjAnaH sarve tiSThanti kiMkarAH  tam ailavilam AsAdya dharmarAjo vyarAjata 15  kubera sadanaM prApya tato ratnAny avApya ca  sphItam Akramya te rASTraM rAjyam icchanti pANDavAH 16  dattaM hutam adhItaM ca brAhmaNAs tarpitA dhanaiH  Avayor gatam Ayuz ca kRtakRtyau ca viddhi nau 17  tvaM tu hitvA sukhaM rAjyaM mitrANi ca dhanAni ca  vigrahaM pANDavaiH kRtvA mahad vyasanam Apsyasi 18  draupadI yasya cAzAste vijayaM satyavAdinI  tapo ghoravratA devI na tvaM jeSyasi pANDavam 19  mantrI janArdano yasya bhrAtA yasya dhanaMjayaH  sarvazastrabhRtAM zreSThaM kathaM jeSyasi pANDavam 20  sahAyA brAhmaNA yasya dhRtimanto jitendriyAH  tam ugratapasaM vIraM kathaM jeSyasi pANDavam 21  punar uktaM ca vakSyAmi yat kAryaM bhUtim icchatA  suhRdA majjamAneSu suhRtsu vyasanArNave 22  alaM yuddhena tair vIraiH zAmya tvaM kuruvRddhaye  mA gamaH sasutAmAtyaH sabalaz ca parAbhavam   |



|  1   [dhR]  rAjaputraiH parivRtas tathAmAtyaiz ca saMjaya  upAropya rathe karNaM niryAto madhusUdanaH 2  kim abravId rathopasthe rAdheyaM paravIrahA  kAni sAntvAni govindaH sUtaputre prayuktavAn 3  oghameghasvanaH kAle yat kRSNaH karNam abravIt  mRdu vA yadi vA tIkSNaM tan mamAcakSva saMjaya 4  AnupUrvyeNa vAkyAni zlakSNAni ca mRdUni ca  priyANi dharmayuktAni satyAni ca hitAni ca 5  hRdayagrahaNIyAni rAdheyaM madhusUdanaH  yAny abravId ameyAtmA tAni me zRNu bhArata 6  upAsitAs te rAdheya brAhmaNA vedapAragAH  tattvArthaM paripRSTAz ca niyatenAnasUyayA 7  tvam eva karNa jAnAsi vedavAdAn sanAtanAn  tvaM hy eva dharmazAstreSu sUkSmeSu pariniSThitaH 8  kAnInaz ca sahoDhaz ca kanyAyAM yaz ca jAyate  voDhAraM pitaraM tasya prAhuH zAstravido janAH 9  so 'si karNa tathA jAtaH pANDoH putro 'si dharmataH  nigrahAd dharmazAstrANAm ehi rAjA bhaviSyasi 10  pitRpakSe hi te pArthA mAtRpakSe ca vRSNayaH  dvau pakSAv abhijAnIhi tvam etau puruSarSabha 11  mayA sArdham ito yAtam adya tvAM tAta pANDavAH  abhijAnantu kaunteyaM pUrvajAtaM yudhiSThirAt 12  pAdau tava grahISyanti bhrAtaraH paJca pANDavAH  draupadeyAs tathA paJca saubhadraz cAparAjitaH 13  rAjAno rAjaputrAz ca pANDavArthe samAgatAH  pAdau tava grahISyanti sarve cAndhakavRSNayaH 14  hiraNmayAMz ca te kumbhAn rAjatAn pArthivAMs tathA  oSadhyaH sarvabIjAni sarvaratnAni vIrudhaH 15  rAjanyA rAjakanyAz cApy Anayantv abhiSecanam  SaSThe ca tvAM tathA kAle draupady upagamiSyati 16  adya tvAm abhiSiJcantu cAturvaidyA dvijAtayaH  purohitaH pANDavAnAM vyAghracarmaNy avasthitam 17  tathaiva bhrAtaraH paJca pANDavAH puruSarSabhAH  draupadeyAs tathA paJca pAJcAlAz cedayas tathA 18  ahaM ca tvAbhiSekSyAmi rAjAnaM pRthivIpatim  yuvarAjo 'stu te rAjA kuntIputro yudhiSThiraH 19  gRhItvA vyasanaM zvetaM dharmAtmA saMzitavrataH  upAnvArohatu rathaM kuntIputro yudhiSThiraH 20  chatraM ca te mahac chvetaM bhImaseno mahAbalaH  abhiSiktasya kauneya kaunteyo dhArayiSyati 21  kiGkiNIzatanirghoSaM vaiyAghraparivAraNam  rathaM zvetahayair yuktam arjuno vAhayiSyati 22  abhimanyuz ca te nityaM pratyAsanno bhaviSyati  nakulaH sahadevaz ca draupadeyAz ca paJca ye 23  pAJcAlAs tvAnuyAsyanti zikhaNDI ca mahArathaH  ahaM ca tvAnuyAsyAmi sarve cAndhakavRSNayaH  dAzArhAH parivArAs te dAzArNAz ca vizAM pate 24  bhuGkSva rAjyaM mahAbAho bhrAtRbhiH saha pANDavaiH  japair homaiz ca saMyukto maGgalaiz ca pRthagvidhaiH 25  purogamAz ca te santu draviDAH saha kuntalaiH  AndhrAs tAlacarAz caiva cUcupA veNupAs tathA 26  stuvantu tvAdya bahuzaH stutibhiH sUtamAgadhAH  vijayaM vasuSeNasya ghoSayantu ca pANDavAH 27  sa tvaM parivRtaH pArthair nakSatrair iva candramAH  prazAdhi rAjyaM kaunteya kuntIM ca pratinandaya 28  mitrANi te prahRSyantu vyathantu ripavas tathA  saubhrAtraM caiva te 'dyAstu bhrAtRbhiH saha pANDavaiH   |


| 1   [karNa]  asaMzayaM sauhRdAn me praNayAc cAttha kezava  sakhyena caiva vArSNeya zreyaskAmatayA eva ca 2  sarvaM caivAbhijAnAmi pANDoH putro 'smi dharmataH  nigrahAd dharmazAstrANAM yathA tvaM kRSNa manyase 3  kanyA garbhaM samAdhatta bhAskarAn mAM janArdana  AdityavacanAc caiva jAtaM mAM sA vyasarjayat 4  so 'smi kRSNa tathA jAtaH pANDoH putro 'smi dharmataH  kuntyA tv aham apAkIrNo yathA na kuzalaM tathA 5  sUto hi mAm adhiratho deSTvaiva anayad gRhAn  rAdhAyAz caiva mAM prAdAt sauhArdAn madhusUdana 6  mat snehAc caiva rAdhAyAH sadyaH kSIram avAtarat  sA me mUtraM purISaM ca pratijagrAha mAdhava 7  tasyAH piNDa vyapanayaM kuryAd asmadvidhaH katham  dharmavid dharmazAstrANAM zravaNe satataM ratha 8  tathA mAm abhijAnAti sUtaz cAdhirathaH sutam  pitaraM cAbhijAnAmi tam ahaM sauhRdAt sadA 9  sa hi me jAtakarmAdi kArayAm Asa mAdhava  zAstradRSTena vidhinA putra prItyA janArdana 10  nAma me vasuSeNeti kArayAm Asa vai dvijaiH  bhAryAz coDhA mama prApte yauvane tena kezava 11  tAsu putrAz ca pautrAz ca mama jAtA janArdana  tAsu me hRdayaM kRSNa saMjAtaM kAmabandhanam 12  na pRthivyA sakalayA na suvarNasya rAzibhiH  harSAd bhayAd vA govinda anRtaM vaktum utsahe 13  dhRtarASTra kule kRSNa duryodhana samAzrayAt  mayA trayodaza samA bhuktaM rAjyam akaNTakam 14  iSTaM ca bahubhir yajJaiH saha sUtair mayAsakRt  AvAhAz ca vivAhAz ca saha sUtaiH kRtA mayA 15  mAM ca kRSNa samAzritya kRtaH zastrasamudyamaH  duryodhanena vArSNeya vigrahaz cApi pANDavaiH 16  tasmAd raNe dvairathe mAM pratyudyAtAram acyuta  vRtavAn paramaM hRSTaH pratIpaM savyasAcinaH 17  vadhAd bandhAd bhayAd vApi lobhAd vApi janArdana  anRtaM notsahe kartuM dhArtarASTrasya dhImataH 18  yadi hy adya na gaccheyaM dvairathaM savyasAcinA  akIrtiH syAd dhRSIkeza mama pArthasya cobhayoH 19  asaMzayaM hitArthAya brUyAs tvaM madhusUdana  sarvaM ca pANDavAH kuryus tva vazitvAn na saMzayaH 20  mantrasya niyamaM kuryAs tvam atra puruSottama  etad atra hitaM manye sarvayAdavanandana 21  yadi jAnAti mAM rAjA dharmAtmA saMzitavrataH  kuntyAH prathamajaM putraM na sa rAjyaM grahISyati 22  prApya cApi mahad rAjyaM tad ahaM madhusUdana  sphItaM duryodhanAyaiva saMpradadyAm ariMdama 23  sa eva rAjA dharmAtmA zAzvato 'stu yudhiSThiraH  netA yasya hRSIkezo yodhA yasya dhanaMjayaH 24  pRthivI tasya rASTraM ca yasya bhImo mahArathaH  nakulaH sahadevaz ca draupadeyAz ca mAdhava 25  uttamaujA yudhAmanyuH satyadharmA ca somakiH  caidyaz ca cekitAnaz ca zikhaNDI cAparAjitaH 26  indra gopaka varNAz ca kekayA bhrAtaras tathA  indrAyudhasavarNaz ca kuntibhojo mahArathaH 27  mAtulo bhImasenasya senajic ca mahArathaH  zaGkhaH putro virATasya nidhis tvaM ca janArdana 28  mahAn ayaM kRSNa kRtaH kSatrasya samudAnayah  rAjyaM prAptam idaM dIptaM prathitaM sarvarAjasu 29  dhArtarASTrasya vArSNeya zastrayajJo bhaviSyati  asya yajJasya vettA tvaM bhaviSyasi janArdana  AdhvaryavaM ca te kRSNa kratAv asmin bhaviSyati 30  hotA caivAtra bIbhatsuH saMnaddhaH sa kapidhvajaH  gANDIvaM sruk tathAjyaM ca vIryaM puMsAM bhaviSyati 31  aindraM pAzupataM brAhmaM sthUNAkarNaM ca mAdhava  mantrAs tatra bhaviSyanti prayuktAH savyasAcinA 32  anuyAtaz ca pitaram adhiko vA parAkrame  grAva stotraM sa saubhadraH samyak tatra kariSyati 33  udgAtAtra punar bhImaH prastotA sumahAbalaH  vinadan sa naravyAghro nAgAnIkAntakRd raNe 34  sa caiva tatra dharmAtmA zazvad rAjA yudhiSThiraH  japair homaiz ca saMyukto brahmatvaM kArayiSyati 35  zaGkhazabdAH samurajA bheryaz ca madhusUdana  utkRSTasiMhanAdAz ca subrahmaNyo bhaviSyati 36  nakulaH sahadevaz ca mAdrIputrau yazasvinau  zAmitraM tau mahAvIryau samyak tatra kariSyataH 37  kalmASadaNDA govinda vimalA rathazaktayaH  yUpAH samupakalpantAm asmin yajJe janArdana 38  karNinAlIkanArAcA vatsadantopabRMhaNAH  tomarAH somakalazAH pavitrANi dhanUMSi ca 39  asayo 'tra kapAlAni puroDAzAH zirAMsi ca  havis tu rudhiraM kRSNa asmin yajJe bhaviSyati 40  idhmAH paridhayaz caiva zaktyo 'tha vimalA gadAH  sadasyA droNaziSyAz ca kRpasya ca zaradvataH 41  iSavo 'tra paristomA muktA gANDIvadhanvanA  mahArathaprayuktAz ca droNa drauNipracoditAH 42  prAtiprasthAnikaM karma sAtyakiH sa kariSyati  dIkSito dhArtarASTro 'tra patnI cAsya mahAcamUH 43  ghaTotcako 'tra zAmitraM kariSyati mahAbalaH  atirAtre mahAbAho vitate yajJakarmaNi 44  dakSiNA tv asya yajJasya dhRSTadyumnaH pratApavAn  vaitAne karmaNi tate jAto yaH kRSNa pAvakAt 45  yad abruvam ahaM kRSNa kaTukAni sma pANDavAn  priyArthaM dhArtarASTrasya tena tapye 'dya karmaNA 46  yadA drakSyasi mAM kRSNa nihataM savyasAcinA  punaz citis tadA cAsya yajJasyAtha bhaviSyati 47  duHzAsanasya rudhiraM yadA pAsyati pANDavaH  AnardaM nardataH samyak tadA sutyaM bhaviSyati 48  yadA droNaM ca bhISmaM ca pAJcAlyau pAtayiSyataH  tadA yajJAvasAnaM tad bhaviSyati janArdana 49  duryodhanaM yadA hantA bhImaseno mahAbalaH  tadA samApsyate yajJo dhArtarASTrasya mAdhava 50  snuSAz ca prasnuSAz caiva dhRtarASTrasya saMgatAH  hatezvarA hatasutA hatanAthAz ca kezava 51  gAndhAryA saha rodantyaH zvagRdhrakurarAkule  sa yajJe 'sminn avabhRtho bhaviSyati janArdana 52  vidyA vRddhA vayovRddhAH kSatriyAH kSatriyarSabha  vRthA mRtyuM na kurvIraMs tvatkRte madhusUdana 53  zastreNa nidhanaM gacchet samRddhaM kSatramaNDalam  kurukSetre puNyatame trailokyasyApi kezavan 54  tad atra puNDarIkAkSa vidhatsva yad abhIpsitam  yathA kArtsnyena vArSNeya kSatraM svargam avApnuyAt 55  yAvat sthAsyanti girayaH saritaz ca janArdana  tAvat kIrtibhavaH zabdaH zAzvato 'yaM bhaviSyati 56  brAhmaNAH kathayiSyanti mahAbhAratam Ahavam  samAgameSu vArSNeya kSatriyANAM yazodharam 57  samupAnaya kaunteyaM yuddhAya mama kezava  mantrasaMvaraNaM kurvan nityam eva paraMtapa   |



|  1   [samjaya]  karNasya vacanaM zrutvA kezavaH paravIrahA  uvAca prahasan vAkyaM smitapUrvam idaM tadA 2  api tvAM na tapet karNa rAjyalAbhopapAdanA  mayA dattAM hi pRthivIM na prazAsitum icchasi 3  dhruvo jayaH pANDavAnAm itIdaM; na saMzayaH kaz cana vidyate 'tra  jaya dhvajo dRzyate pANDavasya; samucchrito vAnararAja ugraH 4  divyA mAyAvihitA bhauvanena; samucchritA indraketuprakAzA  divyAni bhUtAni bhayAvahAni; dRzyanti caivAtra bhayAnakAni 5  na sajjate zailavanaspatibhya; UrdhvaM tiryag yojanamAtrarUpaH  zrImAn dhvajaH karNa dhanaMjayasya; samucchritaH pAvakatulyarUpaH 6  yadA drakSyasi saMgrAme zvetAzvaM kRSNasArathim  aindram astraM vikurvANam ubhe caivAgnimArute 7  gANDIvasya ca nirghoSaM visphUrjitam ivAzaneH  na tadA bhavitA tretA na kRtaM dvAparaM na ca 8  yadA drakSyasi saMgrAme kuntIputraM yudhiSThiram  japahomasamAyuktaM svAM rakSantaM mahAcamUm 9  Adityam iva durdharSaM tapantaM zatruvAhinIm  na tadA bhavitA tretA na kRtaM dvAparaM na ca 10  yadA drakSyasi saMgrAme bhImasenaM mahAbalam  duHzAsanasya rudhiraM pItvA nRtyantam Ahave 11  prabhinnam iva mAtaGgaM pratidviradaghAtinam  na tadA bhavitA tretA na kRtaM dvAparaM na ca 12  yadA drakSyasi saMgrAme mAdrIputrau mahArathau  vAhinIM dhArtarASTrANAM kSobhayantau gajAv iva 13  vigADhe zastrasaMpAte paravIra rathA rujau  na tadA bhavitA tretA na kRtaM dvAparaM na ca 14  yadA drakSyasi saMgrAme droNaM zAMtanavaM kRpam  suyodhanaM ca rAjAnaM saindhavaM ca jayadratham 15  yuddhAyApatatas tUrNaM vAritAn savyasAcinA  na tadA bhavitA tretA na kRtaM dvAparaM na ca 16  brUyAH karNa ito gatvA droNaM zAMtanavaM kRpam  saumyo 'yaM vartate mAsaH suprApa yavasendhanaH 17  pakvauSadhi vanasphItaH phalavAn alpamakSikaH  niSpaGko rasavat toyo nAtyuSNa ziziraH sukhaH 18  saptamAc cApi divasAd amAvAsyA bhaviSyati  saMgrAmaM yojayet tatra tAM hy AhuH zakra devatAm 19  tathA rAjJo vadeH sarvAn ye yuddhAyAbhyupAgatAH  yad vo manISitaM tad vai sarvaM saMpAdayAmi vaH 20  rAjAno rAjaputrAz ca duryodhana vazAnugAH  prApya zastreNa nidhanaM prApsyanti gatim uttamAm   |



|  1   [s]  kezavasya tu tad vAkyaM karNaH zrutvA hitaM zubham  abravId abhisaMpUjya kRSNaM madhu niSUdanam  jAnan mAM hiM mahAbAho saMmohayitum icchasi 2  yo 'yaM pRthivyAH kArtsnyena vinAzaH samupasthitaH  nimittaM tatra zakunir ahaM duHzAsanas tathA  duryodhanaz ca nRpatir dhRtarASTra suto 'bhavat 3  asaMzayam idaM kRSNa mahad yuddham upasthitam  pANDavAnAM kurUNAM ca ghoraM rudhirakardamam 4  rAjAno rAjaputrAz ca duryodhana vazAnugAH  raNe zastrAgninA dagdhAH prApsyanti yamasAdanam 5  svapnA hi bahavo ghorA dRzyante madhusUdana  nimittAni ca ghorANi tathotpAtAH sudAruNAH 6  parAjayaM dhArtarASTre vijayaM ca yudhiSThire  zaMsanta iva vArSNeya vividhA lomaharSaNAH 7  prAjApatyaM hi nakSatraM grahas tIkSNo mahAdyutiH  zanaizcaraH pIDayati pIDayan prANino 'dhikam 8  kRtvA cAGgArako vakraM jyeSThAyAM madhusUdana  anurAdhAM prArthayate maitraM saMzamayann iva 9  nUnaM maha bhayaM kRSNa kurUNAM samupasthitam  vizeSeNa hi vArSNeya citrAM pIDayate grahaH 10  somasya lakSma vyAvRttaM rAhur arkam upeSyati  divaz colkAH patanty etAH sanirghAtAH sakampanAH 11  niSTananti ca mAtaGgA muJcanty asrUNi vAjinaH  pAnIyaM yavasaM cApi nAbhinandanti mAdhava 12  prAdurbhUteSu caiteSu bhayam Ahur upasthitam  nimitteSu mahAbAho dAruNaM prANinAzanam 13  alpe bhukte purISaM ca prabhUtam iha dRzyate  vAjinAM vAraNAnAM ca manuSyANAM ca kezava 14  dhArtarASTrasya sainyeSu sarveSu madhusUdana  parAbhavasya tal liGgam iti prAhur manISiNaH 15  prahRSTaM vAhanaM kRSNa pANDavAnAM pracakSate  pradakSiNA mRgAz caiva tat teSAM jayalakSaNam 16  apasavyA mRgAH sarve dhArtarASTrasya kezava  vAcaz cApy azarIriNyas tatparAbhava lakSaNam 17  mayUrAH puSpazakunA haMsAH sArasacAtakAH  jIvaM jIvaka saMghAz cApy anugacchanti pANDavAn 18  gRdhrAH kAkA baDAH zyenA yAtudhAnAH zalA vRkAH  makSikANAM ca saMghAtA anugacchanti kauravAn 19  dhArtarASTrasya sainyeSu bherINAM nAsti nisvanaH  anAhatAH pANDavAnAM nadanti paTahAH kila 20  udapAnAz ca nardanti yathA govRSabhAs tathA  dhArtarASTrasya sainyeSu tatparAbhava lakSaNam 21  mAMsazoNitavarSaM ca vRSTaM devena mAdhava  tathA gandharvanagaraM bhAnumantam upasthitam  saprAkAraM saparikhaM savapraM cArutoraNam 22  kRSNaz ca parighas tatra bhAnum AvRtya tiSThati  udayAstamaye saMdhye vedayAno mahad bhayam  ekA sRg vAzate ghoraM tatparAbhava lakSaNam 23  kRSNa grIvAz ca zakunA kambamAnA bhayAnakAH  saMdhyAm abhimukhA yAnti tatparAbhava lakSaNam 24  brAhmaNAn prathamaM dveSTi gurUMz ca madhusUdana  bhRtyAn bhaktimataz cApi tatparAbhava lakSaNam 25  pUrvA dig lohitAkArA zastravarNA ca dakSiNA  AmapAtrapratIkAzA pazcimA madhusUdana 26  pradIptAz ca dizaH sarvA dhArtarASTrasya mAdhava  mahad bhayaM vedayanti tasminn utpAtalakSaNe 27  sahasrapAdaM prAsAdaM svapnAnte sma yudhiSThiraH  adhirohan mayA dRSTaH saha bhrAtRbhir acyuta 28  zvetoSNISAz ca dRzyante sarve te zuklavAsasaH  AsanAni ca zubhrANi sarveSAm upalakSaye 29  tava cApi mayA kRSNa svapnAnte rudhirAvilA  AntreNa pRthivI dRSTA parikSiptA janArdana 30  asthi saMcayam ArUDhaz cAmitaujA yudhiSThiraH  suvarNapAtryAM saMhRSTo bhuktavAn ghRtapAyasam 31  yudhiSThiro mayA dRSTo grasamAno vasuMdharAm  tvayA dattAm imAM vyaktaM bhokSyate sa vasuMdharAm 32  uccaM parvatam ArUDho bhImakarmA vRkodaraH  gadApANir naravyAghro vIkSann iva mahIm imAm 33  kSapayiSyati naH sarvAn sa suvyaktaM mahAraNe  viditaM me hRSIkeza yato dharmas tato jayaH 34  pANDuraM gamam ArUDho gANDIvI sadhanaMjayaH  tvayA sArdhaM hRSIkeza zriyA paramayA jvalan 35  yUyaM sarvAn vadhiSyadhvaM tatra me nAsti saMzayaH  pArthivAn samare kRSNa duryodhana purogamAn 36  nakulaH sahadevaz ca sAtyakiz ca mahArathaH  zuddhakeyUra kaNThatrAH zuklamAlyAmbarAvRtAH 37  adhirUDhA naravyAghrA naravAhanam uttamam  traya ete mahAmAtrAH pANDurac chatravAsasaH 38  zvetoSNISAz ca dRzyante traya eva janArdana  dhArtarASTrasya sainyeSu tAnvijAnIhi kezava 39  azvatthAmA kRpaz caiva kRtavarmA ca sAtvataH  raktoSNISAz ca dRzyante sarve mAdhava pArthivAH 40  uSTrayuktaM samArUDhau bhISmadroNau janArdana  mayA sArdhaM mahAbAho dhArtarASTreNa cAbhibho 41  agastyazAstAM ca dizaM prayAtAH sma janArdana  acireNaiva kAlena prApsyAmo yamasAdanam 42  ahaM cAnye ca rAjAno yac ca tat kSatramaNDalam  gANDIvAgniM pravekSyAma iti me nAsti saMzayaH 43  upasthita vinAzeyaM nUnam adya vasuMdharA  tathA hi me vacaH karNa nopaiti hRdayaM tava 44  sarveSAM tAta bhUtAnAM vinAze samupasthite  anayo nayasaMkAzo hRdayAn nApasarpati 45  api tvA kRSNa pazyAma jIvanto 'smAn mahAraNAt  samuttIrNA mahAbAho vIra kSayavinAzanAt 46  atha vA saMgamaH kRSNa svarge no bhavitA dhruvam  tatredAnIM sameSyAmaH punaH sArdhaM tvayAnagha 47  ity uktvA mAdhavaM karNaH pariSvajya ca pIDitam  visarjitaH kezavena rathopasthAd avAtarat 48  tataH svaratham AsthAya jAmbUnadavibhUSitam  sahAsmAbhir nivavRte rAdhyeyo dInamAnasaH 49  tataH zIghrataraM prAyAt kezavaH saha sAtyakiH  punar uccArayan vANIM yAhi yAhIti sArathim   |



|  1   [v]  asiddhAnunaye kRSNe kurubhyaH pANDavAn gate  abhigamya pRthAM kSattA zanaiH zocann ivAbravit 2  jAnAsi me jIvaputre bhAvaM nityam anugrahe  krozato na ca gRhNIte vacanaM me suyodhanaH 3  upapanno hy asau rAjA cedipAJcAlakekayaiH  bhImArjunAbhyAM kRSNena yuyudhAna yamair api 4  upaplavye niviSTo 'pi dharmam eva yudhiSThiraH  kAGkSate jJAtisauhArdAd balavAn durbalo yathA 5  rAjA tu dhRtarASTro 'yaM vayovRddho na zAmyati  mattaH putra madenaiva vidharme pathi vartate 6  jayadrathasya karNasya tathA duHzAsanasya ca  saubalasya ca durbuddhyA mitho bhedaH pravartate 7  adharmeNa hi dharmiSThaM hRtaM vai rAjyam IdRzam  yeSAM teSAm ayaM dharmaH sAnubandho bhaviSyati 8  hriyamANe balAd dharme kurubhiH ko na saMjvaret  asAmnA kezave yAte samudyokSyanti pANDavAH 9  tataH kurUNAm anayo bhavitA vIra nAzanaH  cintayan na labhe nidrAm ahaHsu ca nizAsu ca 10  zrutvA tu kuntI tad vAkyam arthakAmena bhASitam  aniSTanantI duHkhArtA manasA vimamarza ha 11  dhig astv arthaM yatkRte 'yaM mahAJ jJAtivadhe kSayaH  vartsyate suhRdAM hy eSAM yuddhe 'smin vai parAbhavaH 12  pANDavAz cedipAJcAlA yAdavAz ca samAgatAH  bhAratair yadi yotsyanti kiM nu duHkham ataH param 13  pazye doSaM dhruvaM yuddhe tathA yuddhe parAbhavam  adhanasya mRtaM zreyo na hi jJAtikSaye jayaH 14  pitAmahaH zAMtanava AcAryaz ca yudhAM patiH  karNaz ca dhArtarASTrArthaM vardhayanti bhayaM mama 15  nAcAryaH kAmavAJ ziSyair droNo yudhyeta jAtucit  pANDaveSu kathaM hArdaM kuryAn na ca pitAmahaH 16  ayaM tv eko vRthA dRSTir dhArtarASTrasya durmateH  mohAnuvartI satataM pApo dveSTi ca pANDavAn 17  mahaty anarthe nirbandhI balavAMz ca vizeSataH  karNaH sadA pANDavAnAM tan me dahati sAMpratam 18  AzaMse tv adya karNasya mano 'haM pANDavAn prati  prasAdayitum AsAdya darzayantI yathAtatham 19  toSito bhavagAn yatra durvAsA me varaM dadau  AhvAnaM deva saMyuktaM vasantyAH pitRvezmani 20  sAham antaHpure rAjJaH kuntibhojapuraskRtA  cintayantI bahuvidhaM hRdayena vidUyatA 21  balAbalaM ca mantrANAM brAhmaNasya ca vAgbalam  strIbhAvAd bAlabhAvAc ca nintayantI punaH punaH 22  dhAtryA vizrabdhayA guptA sakhIjanavRtA tadA  doSaM pariharantI ca pituz cAritrarakSiNI 23  kathaM nu sukRtaM me syAn nAparAdhavatI katham  bhaveyam iti saMcintya brAhmaNaM taM namasya ca 24  kautUhalAt tu taM labdhvA bAlizyAd AcaraM tadA  kanyA satI devam arkam AsAdayam ahaM tataH 25  yo 'sau kAnIna garbho me putravat parivartitaH  kasmAn na kuryAd vacanaM pathyaM bhrAtRhitaM tathA 26  iti kuntI vinizcitya kAryaM nizcitam uttamam  kAryArtham abhiniryAya yayau bhAgIrathIM prati 27  Atmajasya tatas tasya ghRNinaH satyasaGginaH  gaGgAtIre pRthAzRNvad upAdhyayana nisvanam 28  prAGmukhasyordhva bAhoH sA paryatiSThata pRSThataH  japyAvasAnaM kAryArthaM pratIkSantI tapasvinI 29  atiSThat sUryatApArtA karNasyottara vAsasi  kauravya patnI vArSNeyI padmamAleva zuSyatI 30  A pRSThatApAj japtvA sa parivRtya yatavrataH  dRSTvA kuntIm upAtiSThad abhivAdya kRtAJjaliH  yathAnyAyaM mahAtejA mAnI dharmabhRtAM varaH   |



|  1   [karNa]  rAdheyo 'ham AdhirathiH karNas tvAm abhivAdaye  prAptA kimarthaM bavatI brUhi kiM karavANi te 2  kaunteyas tvaM na rAdheyo na tavAdhirathaH pitA  nAsi sUta kule jAtaH karNa tad viddhi me vacaH 3  kAnInas tvaM mayA jAtaH pUrvajaH kukSiNA dhRtaH  kuntibhojasya bhavane pArthas tvam asi putraka 4  prakAzakarmA tapano yo 'yaM devo virocanaH  ajIjanat tvAM mayy eSa karNa zastrabhRtAM varam 5  kuNDalI baddhakavaco devagarbhaH zriyA vRtaH  jAtas tvam asi durdharSa mayA putra pitur gRhe 6  sa tvaM bhrAtRRn asaMbuddhvA mohAd yad upasevase  dhArtarASTrAn na tad yuktaM tvayi putra vizeSataH 7  evad dharmaphalaM putra narANAM dharmanizcaye  yat tuSyanty asya pitaro mAtA cApy ekadarzinI 8  arjunenArjitAM pUrvaM hRtAM lobhAd asAdhubhiH  Acchidya dhArtarASTrebhyo bhuGkSva yaudhiSThirIM zriyam 9  adya pazyantu kuravaH karNArjuna samAgamam  saubhrAtreNa tad AlakSya saMnamantAm asAdhavaH 10  karNArjunau vai bhavatAM yathA rAma janArdanau  asAdhyaM kuM nu loke syAd yuvayoH sahitAtmanoH 11  karNa zobhiSyase nUnaM paJcabhir bhrAtRbhir vRtaH  vedaiH parivRto brahmA yathA vedAGgapaJcamaiH 12  upapanno guNaiH zreSTho jyeSThaH zreSTheSu bandhuSu  sUtaputreti mA zabdaH pArthas tvam asi vIryavAn   |



|  1   [v]  tataH sUryAn nizcaritAM karNaH zuzrAva bhAratIm  duratyayAM praNayinIM pitRvad bhAskareritAm 2  satyam Aha pRthA vAkyaM karNa mAtRvacaH kuru  zreyas te syAn naravyAghra sarvam Acaratas tathA 3  evam uktasya mAtrA ca svayaM pitrA ca bhAnunA  cacAla naiva karNasya matiH satyadhRtes tadA 4  na te na zraddadhe vAkyaM kSatriye bhASitaM tvayA  dharmadvAraM mamaitat syAn niyoga karaNaM tava 5  akaron mayi yat pApaM bhavatI sumahAtyayam  avakIrNo 'smi te tena tad yazaH kIrtinAzanam 6  ahaM ca kSatriyo jAto na prAptaH kSatrasatkriyAm  tvatkRte kiM nu pApIyaH zatruH kuryAn mamAhitam 7  kriyA kAle tv anukrozam akRtvA tvam imaM mama  hInasaMskAra samayam adya mAM samacUcudaH 8  na vai mama hitaM pUrvaM mAtRvac ceSTitaM tvayA  sA mAM saMbodhayasy adya kevalAtma hitaiSiNI 9  kRSNena sahitAt ko vai na vyatheta dhanaMjayAt  ko 'dya bhItaM na mAM vidyAt pArthAnAM samitiM gatam 10  abhrAtA viditaH pUrvaM yuddhakAle prakAzitaH  pANDavAn yadi gacchAmi kiM mAM kSatraM vadiSyati 11  sarvakAmaiH saMvibhaktaH pUjitaz ca sadA bhRzam  ahaM vai dhArtarASTrANAM kuryAM tad aphalaM katham 12  upanahya parair vairaM ye mAM nityam upAsate  namaskurvanti ca sadA vasavo vAsavaM yathA 13  mama prANena ye zatrUJ zaktAH pratisamAsitum  manyante 'dya kathaM teSAm ahaM bhindyAM manoratham 14  mayA plavena saMgrAmaM titIrSanti duratyayam  apAre pArakAmA ye tyajeyaM tAn ahaM katham 15  ayaM hi kAlaH saMprApto dhArtarASTropajIvinAm  nirveSTavyaM mayA tatra prANAn aparirakSatA 16  kRtArthAH subhRtA ye hi kRtyakAla upasthite  anavekSya kRtaM pApA vikurvanty anavasthitAH 17  rAjakilbiSiNAM teSAM bhartRpiNDApahAriNAm  naivAyaM na paro loko vidyate pApakarmaNAm 18  dhRtarASTrasya putrANAm arthe yotsyAmi te sutaiH  balaM ca zaktiM cAsthAya na vai tvayy anRtaM vade 19  AnRzaMsyam atho vRttaM rakSan satpuruSocitam  ato 'rthakaram apy etan na karomy adya te vacaH 20  na tu te 'yaM samArambho mayi mogho bhaviSyati  vadhyAn viSahyAn saMgrAme na haniSyAmi te sutAn  yudhiSThiraM ca bhImaM ca yamau caivArjunAd Rte 21  arjunena samaM yuddhaM mama yaudhiSThire bale  arjunaM hi nihanty Ajau saMprAptaM syAt phalaM mayA  yazasA cApi yujyeyaM nihataH savyasAcinA 22  na te jAtu naziSyanti putrAH paJca yazasvini  nirarjunAH sakarNA vA sArjunA va hate mayi 23  iti karNavacaH zrutvA kuntI duHkhAt pravepatI  uvAca putram AzliSya karNaM dhairyAd akampitam 24  evaM vai bhAvyam etena kSayaM yAsyanti kauravaH  yathA tvaM bhASase karNa daivaM tu balavattaram 25  tvayA caturNAM bhrAtRRNAm abhayaM zatrukarzana  dattaM tat pratijAnIhi saMgara pratimocanam 26  anAmayaM svasti ceti pRthAtho karNam abravI  tAM karNo 'bhyavadat prItas tatas tau jagmatuH pRthak   |



|  1   [v]  Agamya hAstinapurAd upaplavyam ariMdamaH  pANDavAnAM yathAvRttaM kezavaH sarvam uktavAn 2  saMbhASya suciraM kAlaM mantrayitvA punaH punaH  svam evAvasathaM zaurir vizrAmArthaM jagAma ha 3  visRjya sarvAn nRpatIn virATa pramukhAMs tadA  pANDavA bhrAtaraH paJca bhAnAv astaM gate sati 4  saMdhyAm upAsya dhyAyantas tam eva gatamAnasAH  AnAyya kRSNaM dAzArhaM punar mantram amantrayan 5  tvayA nAgapuraM gatvA sabhAyAM dhRtarASTrajaH  kim uktaH puNDarIkAkSa tan naH zaMsitum arhasi 6  mayA nAgapuraM gatvA sabhAyAM dhRtarASTrajaH  tathyaM pathyaM hitaM cokto na ca gRhNAti durmatiH 7  tasminn utpatham Apanne kuruvRddhaH pitAmahaH  kim uktavAn hRSIkeza duryodhanam amarSaNam  AcAryo vA mahAbAho bhAradvAjaH kim abravIt 8  pitA yavIyAn asmAkaM kSattA dharmabhRtAM varaH  putrazokAbhisaMtaptaH kim Aha dhRtarASTrajam 9  kiM ca sarve nRpatayaH sabhAyAM ye samAsate  uktavanto yathAtattvaM tad brUhi tvaM janArdana 10  uktavAn hi bhavAn sarvaM vacanaM kurumukhyayoH  kAmalobhAbhibhUtasya mandasya prAjJamAninaH 11  apriyaM hRdaye mahyaM tan na tiSThati kezava  teSAM vAkyAni govinda zrotum icchAmy ahaM vibho 12  yathA ca nAbhipadyeta kAlas tAta tathA kuru  bhavAn hi no gatiH kRSNa bhavAn nAtho bhavAn guruH 13  zRNu rAjan yathA vAkyam ukto rAjA suyodhanaH  madhye kurUNAM rAjendra sabhAyAM tan nibodha me 14  mayA vai zrAvite vAkye jahAsa dhRtarASTrajaH  atha bhISmaH susaMkruddha idaM vacanam abravIt 15  duryodhana nibodhedaM kulArthe yad bravImi te  tac chrutvA rAjazArdUla svakulasya hitaM kuru 16  mama tAta pitA rAjaJ zaMtanur lokavizrutaH  tasyAham eka evAsaM putraH putravatAM varaH 17  tasya buddhiH samutpannA dvitIyaH syAt kathaM sutaH  ekaputram aputraM vai pravadanti manISiNaH 18  na cocchedaM kulaM yAyAd vistIryeta kathaM yazaH  tasyAham IpsitaM buddhvA kAlIM mAtaram Avaham 19  pratijJAM kuSkarAM kRtvA pitur arthe kulasya ca  arAjA cordhvaretAz ca yathA suviditaM tava  pratIto nivasAmy eSa pratijJAm anupAlayan 20  tasyAM jajJe mahAbAhuH zrImAn kurukulodvahaH  vicitravIryo dharmAtmA kanIyAn mama pArthivaH 21  svaryAte 'haM pitari taM svarAjye saMnyavezayam  vicitravIryaM rAjAnaM bhRtyo bhUtvA hy adhaz caraH 22  tasyAhaM sadRzAn dArAn rAjendra samudAvaham  jitvA pArthiva saMghAtam api te bahuzaH zrutam 23  tato rAmeNa samare dvandvayuddham upAgamam  sa hi rAma bhayAd ebhir nAgarair vipravAsitaH  dAreSv atiprasaktaz ca yakSmANaM samapadyata 24  yadA tv arAjake rASTre na vavarSa surezvaraH  tadAbhyadhAvan mAm eva prajAH kSudbhayapIDitAH 25  upakSINAH prajAH sarvA rAjA bhava bhavAya naH  Itayo nuda bhadraM te zaMtanoH kulavardhana 26  pIDyante te prajAH sarvA vyAdhibhir bhRzadAruNaiH  alpAvaziSTA gAGgeya tAH paritrAtum arhasi 27  vyAdhIn praNudya vIra tvaM prajA dharmeNa pAlaya  tvayi jIvati mA rASTraM vinAzam upagacchatu 28  prajAnAM krozatInAM vai naivAkSubhyata me manaH  pratijJAM rakSamANasya sadvRttaM smaratas tathA 29  tataH paurA mahArAja mAtA kAlI ca me zubhA  bhRtyAH purohitAcAryA brAhmaNAz ca bahuzrutAH  mAm Ucur bhRzasaMtaptA bhava rAjeti saMtatam 30  pratIpa rakSitaM rASTraM tvAM prApya vinaziSyati  sa tvam asmaddhitArthaM vai rAjA bhava mahAmate 31  ity uktaH prAJjalir bhUtvA duHkhito bhRzam AturaH  tebhyo nyavedayaM putra pratijJAM pitRgauravAt  UrdhvaretA hy arAjA ca kulasyArthe punaH punaH 32  tato 'haM prAJjalir bhUtvA mAtaraM saMprasAdayam  nAmba zaMtanunA jAtaH kauravaM vaMzam udvahan  pratijJAM vitathAM kuryAm iti rAjan punaH punaH 33  vizeSatas tvadarthaM ca dhuri mA mAM niyojaya  ahaM preSyaz ca dAsaz ca tavAmba suta vatsale 34  evaM tAm anunIyAhaM mAtaraM janam eva ca  ayAcaM bhrAtRdAreSu tadA vyAsaM mahAmunim 35  saha mAtrA mahArAja prasAdya tam RSiM tadA  apatyArtham ayAcaM vai prasAdaM kRtavAMz ca saH  trIn saputrAn ajanayat tadA bharatasattama 36  andhaH karaNa hIneti na vai rAjA pitA tava  rAjA tu pANDur abhavan mahAtmA lokavizrutaH 37  sa rAjA tasya te putrAH pitur dAyAdya hAriNaH  mA tAta kalahaM kArSI rAjyasyArdhaM pradIyatAm 38  mayi jIvati rAjyaM kaH saMprazAset pumAn iha  mAvamaMsthA vaco mahyaM zamam icchAmi vaH sadA 39  na vizeSo 'sti me putra tvayi teSu ca pArthiva  matam etat pitus tubhyaM gAndhAryAvidurasya ca 40  zrotavyaM yadi vRddhAnAM mAtizaGkIr vaco mama  nAzayiSyasi mA sarvam AtmAnaM pRthivIM tathA   |



|  1   [vAsu]  bhISmeNokte tato droNo duryodhanam abhASata  madhye nRpANAM bhadraM te vacanaM vacanakSamaH 2  pAtIpaH zaMtanus tAta kurasyArthe yathotthitaH  tathA devavrato bhISmaH kulasyArthe sthito 'bhavat 3  tataH pANDur narapatiH satyasaMdho jitendriyaH  rAjA kurUNAM dharmAtmA suvrataH susamAhitaH 4  jyeSThAya rAjyam adadAd dhRtarASTrAya dhImate  yavIyasas tathA kSattuH kuruvaMzavivardhanaH 5  tataH siMhAsane rAjan sthApayitvainam acyutam  vanaM jagAma kauravyo bhAryAbhyAM sahito 'nagha 6  nIcaiH sthitvA tu vidura upAste sma vinItavat  preSyavat puruSavyAghro vAlavyajanam utkSipan 7  tataH sarvAH prajAs tAta dhRtarASTraM janezvaram  anvapadyanta vidhivad yathA pANDuM narAdhipam 8  visRjya dhRtarASTrAya rAjyaM sa vidurAya ca  cacAra pRthivIM pANDuH sarvAM parapuraMjayaH 9  kozasaMjanane dAne bhRtyAnAM cAnvavekSaNe  bharaNe caiva sarvasya viduraH satyasaMgaraH 10  saMdhivighraha saMyukto rAjJaH saMvAhana kriyAH  avaikSata mahAtejA bhISmaH parapuraMjayaH 11  siMhAsanastho nRpatir dhRtarASTro mahAbalaH  anvAsyamAnaH satataM vidureNa mahAtmanA 12  kathaM tasya kule jAtaH kulabhedaM vyavasyasi  saMbhUya bhrAtRbhiH sArdhaM bhuGkSva bhogAJ janAdhipa 13  bravImy ahaM na kArpaNyAn nArthahetoH kathaM cana  bhISmeNa dattam aznAmi na tvayA rAjasattama 14  nAhaM tvatto 'bhikAGkSiSye vRttyupAyaM janAdhipa  yato bhISmas tato droNo yad bhISmas tv Aha tat kuru 15  dIyatAM pANDuputrebhyo rAjyArdham arikarzana  samam AcAryakaM tAta tava teSAM ca me sadA 16  azvathAmA yathA mahyaM tathA zvetahayo mama  bahunA kiM pralApena yato dharmas tato jayaH 17  evam ukte mahArAja droNenAmitatejasA  vyAjahAra tato vAkyaM viduraH satyasaMgaraH  pitur vadanam anvIkSya parivRtya ca dharmavit 18  devavrata nibodhedaM vacanaM mama bhASataH  pranaSTaH kauravo vaMzas tvayAyaM punar uddhRtaH 19  tan me vilapamAnasya vacanaM samupekSase  ko 'yaM duryodhano nAma kule 'smin kulapAMsanaH 20  yasya lobhAbhibhUtasya matiM samanuvartase  anAryasyAkRtajJasya lobhopahatacetasaH  atikrAmati yaH zAstraM pitur dharmArthadarzinaH 21  ete nazyanti kuravo duryodhanakRtena vai  yathA te na praNazyeyur mahArAja tathA kuru 22  mAM caiva dhRtarASTraM ca pUrvam eva mahAdyute  citrakAra ivAlekhyaM kRtvA mA sma vinAzaya  prajApatiH prajAH sRSTvA yathA saMharate tathA 23  nopekSasva mahAbAho pazyamAnaH kulakSayam  atha te 'dya matir naSTA vinAze pratyupasthite  vanaM gaccha mayA sArdhaM dhRtarASTreNa caiva ha 24  baddhvA vA nikRtiprajJaM dhArtarASTraM sudurmatim  sAdhv idaM rAjyam adyAstu pANDavair abhirakSitam 25  prasIda rAjazArdUla vinAzo dRzyate mahAn  pANDavAnAM kurUNAM ca rAjJAM cAmitatejasAm 26  virarAmaivam uktvA tu viduro dInamAnasaH  pradhyAyamAnaH sa tadA niHzvasaMz ca punaH punaH 27  tato 'tha rAjJaH subalasya putrI; dharmArthayuktaM kulanAza bhItA  duryodhanaM pApamatiM nRzaMsaM; rAjJAM samakSaM sutam Aha kopAt 28  ye pArthivA rAjasabhAM praviSTA; brahmarSayo ye ca sabhAsado 'nye  zRNvantu vakSyAmi tavAparAdhaM; pApasya sAmAtyaparicchadasya 29  rAjyaM kurUNAm anupUrva bhogyaM; kramAgato naH kuladharma eSaH  tvaM pApabuddhe 'tinRzaMsa karman; rAjyaM kurUNAm anayAd vihaMsi 30  rAjye sthito dhRtarASTro manISI; tasyAnugo viduro dIrghadarzI  etAv atikramya kathaM nRpatvaM; duryodhana prArthayase 'dya mohAt 31  rAjA ca kSattA ca mahAnubhAvau; bhISme sthite paravantau bhavetAm  ayaM tu dharmajJatayA mahAtmA; na rAjyakAmo nRparo nadIjaH 32  rAjyaM tu pANDor idam apradhRSyaM; tasyAdya putrAH prabhavanti nAnye  rAjyaM tad etan nikhilaM pANDavAnAM; paitAmahaM putrapautrAnugAmi 33  yad vai brUte kurumukhyo mahAtmA; devavrataH satyasaMdho manISI  sarvaM tad asmAbhir ahatya dharmaM; grAhyaM svadharmaM paripAlayadbhiH 34  anujJayA cAtha mahAvratasya; brUyAn nRpo yad viduras tathaiva  kAryaM bhavet tat suhRdbhir niyujya; dharmaM puraskRtya sudIrgha kAlam 35  nyAyAgataM rAjyam idaM kurUNAM; yudhiSThiraH zAstu vai dharmaputraH  pracodito dhRtarASTreNa rAjJA; puraskRtaH zAMtanavena caiva   |



|  1   [vAsu]  evam ukte tu gAndhAryA dhRtarASTro janezvaraH  duryodhanam uvAcedaM nRpamadhye janAdhipa 2  duryodhana nibodhedaM yad vAM vakSyAmi putraka  tathA tat kuru bhadraM te yady asti pitRgauravam 3  somaH prajApatiH pUrvaM kurUNAM vaMzavardhanaH  somAd babhUva SaSTho vai yayAtir nahuSAtmajaH 4  tasya putrA babhUvuz ca paJca rAjarSisattamAH  teSAM yadur mahAtejA jyeSThaH samabhavat prabhuH 5  pUrur yavIyAMz ca tato yo 'smAkaM vaMzavardhanaH  zarmiSThAyAH saMprasUto duhitur vRSaparvaNaH 6  yaduz ca bharatazreSTha deva yAnyAH suto 'bhavat  dauhitras tAta zukrasya kAvyasyAmita tejasaH 7  yAdavAnAM kulakaro balavAn vIryasaMmataH  avamene sa tu kSatraM darpapUrNaH sumandadhIH 8  na cAtiSThat pituH zAstre baladarpa vimohitaH  avamene ca pitaraM bhrAtRRMz cApy aparAjitaH 9  pRthivyAM caturantAyAM yadur evAbhavad balI  vaze kRtvA sa nRpatIn avasan nAgasAhvaye 10  taM pitA paramakruddho yayAtir nahuSAtmajaH  zazApa putraM gAndhAre rAjyA ca vyaparopayat 11  ya cainam anvavartanta bhrAtaro baladarpitam  zazApa tAn api kruddho yayAtis tanayAn atha 12  yavIyAMsaM tataH pUruM putraM svavazavartinam  rAjye nivezayAm Asa vidheyaM nRpasattamaH 13  evaM jyeSTho 'py athotsikto na rAjyam abhijAyate  yavIyAMso 'bhijAyante rAjyaM vRddhopasevayA 14  tathaiva sarvadharmajJaH pitur mama pitAmahaH  pratIpaH pRthivIpAlas triSu lokeSu vizrutaH 15  tasya pArthiva siMhasya rAjyaM dharmeNa zAsataH  trayaH prajajJire putrA devakalpA yazasvinaH 16  devApir abhavaj jyeSTho bAhlIkas tadanantaram  tRtIyaH zaMtanus tAta dhRtimAn me pitAmahaH 17  devApis tu mahAtejAs tvag doSI rAjasattamaH  dhArmikaH satyavAdI ca pituH zuzrUSaNe rataH 18  paurajAnapadAnAM ca saMmataH sAdhu satkRtaH  sarveSAM bAlavRddhAnAM devApir hRdayaMgamaH 19  prAjJaz ca satyasaMdhaz ca sarvabhUtahite rataH  vartamAnaH pituH zAstre brAhmaNAnAM tathaiva ca 20  bAhlIkasya priyo bhrAtA zaMtanoz ca mahAtmanaH  saubhrAtraM ca paraM teSAM sahitAnAM mahAtmanAm 21  atha kAlasya paryAye vRddho nRpatisattamaH  saMbhArAn abhiSekArthaM kArayAm Asa zAstrataH  maGgalAni ca sarvANi kArayAm Asa cAbhibhUH 22  taM brAhmaNAz ca vRddhAz ca paurajAnapadaiH saha  sarve nivArayAm Asur devAper abhiSecanam 23  sa tac chrutvA tu nRpatir abhiSekanivAraNam  azrukaNTho 'bhavad rAjA paryazocata cAtmajam 24  evaM vadAnyo dharmajJaH satyasaMdhaz ca so 'bhavat  priyaH prajAnAm api saMs tvag doSeNa pradUSitaH 25  hInAGgaM pRthivIpAlaM nAbhinandanti devatAH  iti kRtvA nRpazreSThaM pratyaSedhan dvijarSabhAH 26  tataH pravyathitAtmAsau putrazokasamanvitaH  mamAra taM mRtaM dRTvA devApiH saMzrito vanam 27  bAhlIko mAtulakule tyaktvA rAjyaM vyavasthitaH  pitRbhrAtRRn parityajya prAptavAn puram Rddhimat 28  bAhlIkena tv anujJAtaH zaMtanur lokavizrutaH  pitary uparate rAjan rAjA rAjyam akArayat 29  tathaivAhaM matimatA paricintyeha pANDunA  jyeSThaH prabhraMzito rAjyAd dhInAGga iti bhArata 30  pANDus tu rAjyaM saMprAptaH kanIyAn api san nRpaH  vinAze tasya putrANAm idaM rAjyam ariMdama  mayy abhAgini rAjyAya kathaM tvaM rAjyam icchasi 31  yudhiSThiro rAjaputro mahAtmA; nyAyAgataM rAjyam idaM ca tasya  sa kauravasyAsya janasya bhartA; prazAsitA caiva mahAnubhAvaH 32  sa satyasaMdhaH satatApramattaH; zAstre sthito bandhujanasya sAdhuH  priyaH prajAnAM suhRda anukampI; jitendriyaH sAdhu janasya bhartA 33  kSamA titikSA dama ArjavaM ca; satyavratatvaM zrutam apramAdaH  bhUtAnukampA hy anuzAsanaM ca; yudhiSThire rAjaguNAH samastAH 34  arAja putras tvam anArya vRtto; lubdhas tathA bandhuSu pApabuddhiH  kramAgataM rAjyam idaM pareSAM; hartuM kathaM zakSyasi durvinItaH 35  prayaccha rAjyArtham apetamohaH; savAhanaM tvaM saparicchadaM ca  tato 'vazeSaM tava jIvitasya; sahAnujasyaiva bhaven narendra   |



|  1   [vAsu]  evam ukte tu bhISmeNa droNena vidureNa ca  gAndhAryA dhRtarASTreNa na ca mando 'nvabudhyata 2  avadhUyotthitaH kruddho roSAt saMraktalocanaH  anvadravanta taM pazcAd rAjAnas tyaktajIvitAH 3  ajJApayac ca rAjJas tAn pArthivan duSTacetasaH  prayAdhvaM vai kurukSetraM puSyo 'dyeti punaH punaH 4  tatas te pRthivIpAlAH prayayuH saha sainikAH  bhISmaM senApatiM kRtvA saMhRSTAH kAlacoditAH 5  akSauhiNyo dazaikA ca pArthivAnAM samAgatAH  tAsAM pramukhato bhISmas tAlaketur vyarocata  yad atra yuktaM prAptaM ca tad vidhatsva vizAM pate 6  uktaM bhISmeNa yad vAkyaM droNena vidureNa ca  gAndhAryA dhRtarASTreNa samakSaM mama bhArata  etat te kathitaM rAjan yadvRttaM kurusaMsadi 7  sAma dAdau prayuktaM me rAjan saubhrAtram icchatA  abhedAt kuruvaMzasya prajAnAM ca vivRddhaye 8  punar bhedaz ca me yukto yadA sAma na gRhyate  karmAnukIrtanaM caiva deva mAnuSasaMhitam 9  yadA nAdriyate vAkyaM sAmapUrvaM suyodhanaH  tadA mayA samAnIya bheditAH sarvapArthivAH 10  adbhutAni ca ghorANi dAruNAni ca bhArata  amAnuSANi karmANi darzitAni ca me vibho 11  bhartsayitvA tu rAjJas tAMs tRNI kRtyasuyodhanam  rAdhyeyaM bhISayitvA ca saubalaM ca punaH punaH 12  nyUnatAM dhArtarASTrANAM nindAM caiva punaH punaH  bhedayitvA nRpAn sarvAn vAgbhir mantreNa cAsakRt 13  punaH sAmAbhisaMyuktaM saMpradAnam athAbruvam  abhedAt kuruvaMzasya kAryayogAt tathaiva ca 14  te bAlA dhRtarASTrasya bhISmasya vidurasya ca  tiSTheyuH pANDavAH sarve hitvA mAnam adhaz carAH 15  prayacchantu ca te rAjyam anIzAs te bhavantu ca  yathAha rAjA gAGgeyo viduraz ca tathAstu tat 16  sarvaM bhavatu te rAjyaM paJca grAmAn visarjaya  avazyaM bharaNIyA hi pitus te rAjasattama 17  evam uktas tu duSTAtmA naiva bhAvaM vyamuJcata  daNDaM caturthaM pazyAmi teSu pApeSu nAnyathA 18  niryAtAz ca vinAzAya kurukSetraM narAdhipAH  etat te kathitaM sarvaM yadvRttaM kurusaMsadi 19  na te rAjyaM prayacchanti vinA yuddhena pANDava  vinAzahetavaH sarve pratyupasthita mRtyavaH   |

 

|  1   [v]  janArdanavacaH zrutvA dharmarAjo yudhiSThiraH  bhrAtRRn uvAca dharmAtmA samakSaM kezavasya ha 2  zrutaM bhavadbhir yadvRttaM sabhAyAM kurusaMsadi  kezavasyApi yad vAkyaM tat sarvam avadhAritam 3  tasmAt senA vibhAgaM me kurudhvaM narasattamAH  akSauhiNyas tu saptaitAH sametA vijayAya vai 4  tAsAM me patayaH sapta vikhyAtAs tAn nibodhata  drupadaz ca virATaz ca dhRSTadyumna zikhaNDinau 5  sAtyakiz cekitAnaz ca bhImasenaz ca vIryavAn  ete senA praNetAro vIrAH sarve tanutyajaH 6  sarve vedavidaH zUrAH sarve sucaritavratAH  hrImanto nItimantaz ca sarve yuddhavizAradAH  iSvastrakuzalAz caiva tathA sarvAstrayodhinaH 7  saptAnAm api yo netA senAnAM pravibhAgavit  yaH saheta raNe bhISmaM zarArciH pAvakopamam 8  tvaM tAvat sahadevAtra prabrUhi kurunandana  svamataM puruSavyAghra ko naH senApatiH kSamaH 9  saMyukta ekaduHkhaz ca vIryavAMz ca mahIpatiH  yaM samAzritya dharmajJaM svam aMzam anuyuJjmahe 10  matsyo virATo balavAn kRtAstro yuddhadurmadaH  prasahiSyati saMgrAme bhISmaM tAMz ca mahArathAn 11  tathokte sahadevena vAkye vAkyavizAradaH  nakulo 'nantaraM tasmAd idaM vacanam Adade 12  vayasA zAstrato dhairyAt kulenAbhijanena ca  hrImAn kulAnvitaH zrImAn sarvazAstravizAradaH 13  veda cAstraM bharadvAjAd durdharSaH satyasaMgaraH  yo nityaM spardhate droNaM bhISmaM caiva mahAbalam 14  zlAghyaH pArthiva saMghasya pramukhe vAhinIpatiH  putrapautraiH parivRtaH zatazAkha iva drumaH 15  yas tatApa tapo ghoraM sadAraH pRthivIpatiH  roSAd droNa vinAzAya vIraH samitizobhanaH 16  pitevAsmAn samAdhatte yaH sadA pArthivarSabhaH  zvazuro drupado 'smAkaM senAm agre prakarSatu 17  sa droNa bhISmAv AyAntau sahed iti matir mama  sa hi divyAstravid rAjA sakhA cAGgiraso nRpaH 18  mAdrI sutAbhyAm ukte tu svamate kurunandanaH  vAsavir vAsava samaH savyasAcy abravId vacaH 19  yo 'yaM tapaH prabhAvena RSisaMtoSaNena ca  divyaH puruSa utpanno jvAlA varNo mahAbalaH 20  dhanuSmAn kavacI khaGgI ratham Aruhya daMzitaH  divyair hayavarair yuktam agnikuNDAt samutthitaH 21  garhann iva mahAmegho rathaghoSeNa vIryavAn  siMhasaMhanano vIraH siMhavikrAnta vikramaH 22  siMhorasko mahAbAhuH siMhavakSA mahAvalaH  siMhapragarjano vIraH siMhaskandho mahAdyutiH 23  subhrUH sudaMSTraH suhanuH subAhu sumukho 'kRzaH  sujatruH suvizAlAkSaH supAdaH supratiSThitaH 24  abhedyaH sarvazastrANAM prabhinna iva vAraNaH  jajJe droNa vinAzAya satyavAdI jitendriyaH 25  dhRSTadyumnam ahaM manye sahed bhISmasya sAyakAn  vajrAzanisamasparzAn dIptAsyAn uragAn iva 26  yamadUta samAn vege nipAte pAvakopamAn  rAmeNAjau viSahitAn vajraniSpeSa dAruNAn 27  puruSaM taM na pazyAmi yaH saheta mahAvratam  dhRSTadyumnam Rte rAjann iti me dhIyate matiH 28  kSiprahastaz citrayodhI mataH senApatir mama  abhedyakavacaH zrImAn mAtaGga iva yUthapaH 29  vadhArthaM yaH samutpannaH zikhaNDI drupadAtmajaH  vadanti siddhA rAjendra RSayaz ca samAgatAH 30  yasya saMgrAmamadhyeSu divyam astraM vikurvataH  rUpaM drakSyanti puruSA rAmasyeva mahAtmanaH 31  na taM yuddheSu pazyAmi yo vibhindyAc chikhaNDinam  zastreNa samare rAjan saMnaddhaM syandane sthitam 32  dvairathe viSahen nAnyo bhISmaM rAjan mahAvratam  zikhaNDinam Rte vIraM sa me senApatir mataH 33  sarvasya jagatas tAta sArAsAraM balAbalam  sarvaM jAnAti dharmAtmA gatam eSyac ca kezavaH 34  yam Aha kRSNo dAzArhaH so 'stu no vAhinIpatiH  kRtAstro hy akRtAstro vA vRddho vA yadi vA yuvA 35  eSa no vijaye mUlam eSa tAta viparyaye  atra prANAz ca rAjyaM ca bhAvAbhAvau sukhAsukhe 36  eSa dhAtA vidhAtA ca siddhir atra pratiSThitA  yam Aha kRSNo dAzArhaH sa naH senApatiH kSamaH  bravItu vadatAM zreSTho nizA samativartate 37  tataH senApatiM kRtvA kRSNasya vazavartinam  rAtrizeSe vyatikrAnte prayAsyAmo raNAjiram  adhivAsita zastrAz ca kRtakautuka maGgalAH 38  tasya tad vacanaM zrutvA dharmarAjasya dhImataH  abravIt puNDarIkAkSo dhanaMjayam avekSya ha 39  mamApy ete mahArAja bhavadbhir ya udAhRtAH  netAras tava senAyAH zUrA vikrAntayodhinaH  sarva ete samarthA hi tava zatrUn pramarditum 40  indrasyApi bhayaM hy ete janayeyur mahAhave  kiM punar dhArtarASTrANAM lubdhAnAM pApacetasAm 41  mahApi hi mahAbAho tvatpriyArtham ariMdama  kRto yatno mahAMs tatra zamaH syAd iti bhArata  dharmasya gatam AnRNyaM na sma vAcyA vivakSatAm 42  kRtArthaM manyate bAlaH so ''tmAnam avicakSaNaH  dhArtarASTro balasthaM ca manyate ''tmAnam AturaH 43  yujyatAM vAhinI sAdhu vadhasAdhyA hi te matAH  na dhArtarASTrAH zakSyanti sthAtuM dRSTvA dhanaMjayam 44  bhImasenaM ca saMkruddhaM yamau cApi yamopamau  yuyudhAna dvitIyaM ca dhRSTadyumnam amarSaNam 45  abhimanyuM draupadeyAn virATadrupadAv api  akSauhiNIpatIMz cAnyAn narendrAn dRDhavikramAn 46  sAravad balam asmAkaM duSpradharSaM durAsadam  dhArtarASTra balaM saMkhye vadhiSyati na saMzayaH 47  evam ukte tu keSNena saMprahRSyan narottamAH  teSAM prahRSTamanasAM nAdaH samabhavan mahAn 48  yoga ity atha sainyAnAM tvaratAM saMpradhAvatAm  hayavAraNazabdaz ca nemighoSaz ca sarvazaH  zaGkhadundubhinirghoSas tumulaH sarvato 'bhavat 49  prayAsyatAM pANDavAnAM sasainyAnAM samantataH  gaGgeva pUrNA durdharSA samadRzyata vAhinI 50  agrAnIke bhImaseno mAdrIputrau ca daMzitau  saubhadro draupadeyAz ca dhRSTadyumnaz ca pArSataH  prabhadrakAz ca pAJcAlA bhImasenamukhA yayuH 51  tataH zabdaH samabhavat samudrasyeva parvaNi  hRSTAnAM saMprayAtAnAM ghoSo divam ivAspRzat 52  prahRSTA daMzitA yodhAH parAnIka vidAraNAH  teSAM madhye yayau rAjA kuntIputro yudhiSThiraH 53  zakaTApaNa vezAz ca yAnayugyaM ca sarvazaH  kozayantrAyudhaM caiva ye ca vaidyAz cikitsakAH 54  phalgu yac ca balaM kiM cit tathaiva kRza durbalam  tat saMgRhya yayau rAjA ya cApi paricArakAH 55  upaplavye tu pAJcAlI draupadI satyavAdinI  saha strIbhir nivavRte dAsIdAsa samAvRtA 56  kRtvA mUlapratIkArAn gulmaiH sthAvarajaGgamaiH  skandhAvAreNa mahatA prayayuH pANDunandanAH 57  dadato gAM hiraNyaM ca brAhmaNair abhisaMvRtAH  stUyamAnA yayU rAjan rathair maNivibhUSitaiH 58  kekayA dhRSTaketuz ca putraH kAzyasya cAbhibhUH  zreNimAn vasu dAnaz ca zikhaNDI cAparAjitaH 59  hRSTAs tuSTAH kavacinaH sazastrAH samalaMkRtAH  rAjAnam anvayuH sarve parivArya yudhiSThiram 60  jaghanArdhe virATaz ca yajJasenaz ca somakiH  sudharmA kuntibhojaz ca dhRSTadyumnasya cAtmajAH 61  rathAyutAni catvAri hayAH paJca guNAs tataH  pattisainyaM dazaguNaM sAdinAm ayutAni SaT 62  anAdhRSTiz cekitAnaz cedirAjo 'tha sAtyakiH  parivArya yayuH sarve vAsudevadhanaMjayau 63  AsAdya tu kurukSetraM vyUDhAnIkAH prahAriNaH  pANDavAH samadRzyanta nardanto vRSabhA iva 64  te 'vagAhya kurukSetraM zaGkhAn dadhmur ariMdamAH  tathaiva dadhmatuH zaGkhau vAsudevadhanaMjayau 65  pAJcajanyasya nirghoSaM visphUrjitam ivAzaneH  nizamya sarvasainyAni samahRSyanta sarvazaH 66  zaGkhadundubhisaMsRSTaH siMhanAdas tarasvinAm  pRthivIM cAntarikSaM ca sAgarAMz cAnvanAdayat 67  tado deze same snigdhe prabhUtayavasendhane  nivezayAm Asa tadA senAM rAjA yudhiSThiraH 68  parihRtya zmazAnAni devatAyatanAni ca  AzramAMz ca maharSINAM tIrthAny AyatanAni ca 69  madhurAnUSare deze zive puNye mahIpatiH  nivezaM kArayAm Asa kuntIputro yudhiSThiraH 70  tataz ca punar utthAya sukhI vizrAnta vAhanaH  prayayau pRthivIpAlair vRtaH zatasahasrazaH 71  vidrAvya zatazo gulmAn dhArtarASTrasya sainikAn  paryakrAmat samantAc ca pArthena saha kezavaH 72  zibiraM mApayAm Asa dhRSTadyumnaz ca pArSataH  sAtyakiz ca rathodAro yuyudhAnaH pratApavAn 73  AsAdya saritaM puNyAM kurukSetre hiraNvatIm  sUpatIrthAm zuci jalAM zarkarA paGkavarjitAm 74  khAnayAm Asa parikhAM kezavas tatra bhArata  guptyartham api cAdizya balaM tatra nyavezayat 75  vidhir yaH zibirasyAsIt pANDavAnAM mahAtmanAm  tad vidhAni narendrANAM kArayAm Asa kezavaH 76  prabhUtajalakASThAni durAdharSatarANi ca  bhakSyabhojyopapannAni zatazo 'tha sahasrazaH 77  zibirANi mahArhANi rAjJAM tatra pRthak pRthak  vimAnAnIva rAjendra niviSTAni mahItale 78  tatrAsaJ zilpinaH prAjJAH zatazo dattavetanAH  sarv aupakaraNair yuktA vaidyAz ca suvizAradAH 79  jyA dhanurvarma zastrANAM tathaiva madhusarpiSoH  sasarja rasapAMsUnAM rAzayaH parvatopamAH 80  bahUdakaM suyavasaM tuSAGgAra samanvitam  zibire zibire rAjA saMcakAra yudhiSThiraH 81  mahAyantrANi nArAcAs tomararSTi parazvadhAH  dhanUMSi kavacAdIni hRdy abhUvan nRNAM tadA 82  gajAH kaGkaTa saMnAhA lohavarmottarac chadAH  adRzyaMs tatra giryAbhAH sahasrazatayodhinaH 83  niviSTAn pANDavAMs tatra jJAtvA mitrANi bhArata  abhisasrur yathoddezaM sabalAH sahavAhanAH 84  caritabrahma caryAs te somapA bhUridakSiNAH  jayAya pANDuputrANAM samAjagmur mahIkSitaH   |



|  1   [j]  yudhiSThiraM sahAnIkam upayAntaM yuyutsayA  saMniviSTaM kurukSetraM vAsudevena pAlitam 2  virATadrupadAbhyAM ca saputrAbhyAM samanvitam  kekayair vRSNibhiz caiva pArthivaiH zatazo vRtam 3  mahendram iva cAdityair abhiguptaM mahArathaiH  zrutvA duryodhano rAjA kiM kAryaM pratyapadyata 4  etad icchAmya haM zrotuM vistareNa tapodhana  saMbhrame tumule tasmin yadAsIt kurujAGgale 5  vyathayeyur hi devAnAM senAm api samAgame  pANDavA vAsudevaz ca virATadrupadau tathA 6  dhRSTadyumnaz ca pAJcAlyaH zikhaNDI ca mahArathaH  yuyudhAnaz ca vikrAnto devair api durAsadaH 7  etad icchAmy ahaM zrotuM vistareNa tapodhana  kurUNAM pANDavAnAM ca yad yad AsId viceSTitam 8  pratiyAte tu dAzArhe rAjA duryodhanas tadA  karNaM duHzAsanaM caiva zakuniM cAbravId idam 9  akRtenaiva kAryeNa gataH pArthAn adhokSajaH  sa enAn manyunAviSTo dhruvaM vakSyaty asaMzayam 10  iSTo hi vAsudevasya pANDavair mama vigrahaH  bhImasenArjunau caiva dAzArhasya mate sthitau 11  ajAtazatrur apy adya bhImArjunavazAnugaH  nikRtaz ca mayA pUrvaM saha sarvaiH sahodaraiH 12  virATadrupadau caiva kRtavairau mayA saha  tau ca senA praNetArau vAsudeva vazAnugau 13  bhavitA vigrahaH so 'yaM tumulo lomaharSaNaH  tasmAt sAMgrAmikaM sarvaM kArayadhvam atandritAH 14  zibirANi kurukSetre kriyantAM vasudhAdhipAH  suparyAptAvakAzAni durAdeyAni zatrubhiH 15  Asanna jalakANThAni zatazo 'tha sahasrazaH  acchedyAhAra mArgANi ratnoccaya citAni ca  vividhAyudhapUrNAni patAkAdhvajavanti ca 16  samAz ca teSAM panthAnaH kriyantAM nagarAd bahiH  prayANaM ghuSyatAm adya zvobhUta iti mAciram 17  te tatheti pratijJAya zvobhUte cakrire tathA  hRSTarUpA mahAtmAno vinAzAya mahIkSitAm 18  tatas te pArthivAH sarve tac chrutvA rAjazAsanam  Asanebhyo mahArhebhya udatiSThann amarSitAH 19  bAhUn parighasaMkAzAn saMskpRzantaH zanaiH zanaiH  kAJcanAGgadadIptAMz ca candanAgarubhUSitAn 20  uSNISANi niyacchanntaH puNDarIkanibhaiH karaiH  antarIyottarIyANi bhUSaNAni ca sarvazaH 21  te rathAn rathinaH zreSThA hayAMz ca hayakovidAH  sajjayanti sma nAgAMz ca nAgazikSAsu niSThitAH 22  atha varmANi citrANi kAJcanAni bahUni ca  vividhAni ca zastrANi cakruH sajjAni sarvazaH 23  padAtayaz ca puruSAH zastrANi vividhAni ca  upajahruH zarIreSu hemacitrANy anekazaH 24  tad utsava ivodagraM saMprahRSTanarAvRtam  nagaraM dhArtarASTrasya bhAratAsIt samAkulam 25  janaughasalilAvarto rathanAgAzvamInavAn  zaGkhadundubhinirghoSaH kozasaMcaya ratnavAn 26  citrAbharaNa varmormiH zastranirmala phenavAn  prAsAdamAlAdrivRto rathyApaNa mahAhradaH 27  yodhacandrodayodbhUtaH kururAjamahArNavaH  adRzyata tadA rAjaMz candrodaya ivArNavaH   |



|  1   [v]  vAsudevasya tad vAkyam anusmRtya yudhiSThiraH  punaH papraccha vArSNeyaM kathaM mando 'bravId idam 2  asminn abhyAgate kAle kiM ca naH kSamam acyuta  kathaM ca vartamAnA vai svadharmAn na cyavemahi 3  duryodhanasya karNasya zakuneH saubalasya ca  vAsudeva matajJo 'si mama sabhrAtRkasya ca 4  vidurasyApi te vAkyaM zrutaM bhISmasya cobhayoH  kuntyAz ca vipulaprajJa prajJA kArtsnyena te zrutA 5  sarvam etad atikramya vicArya ca punaH punaH  ya naH kSamaM mahAbAho tad bravIhy avicArayan 6  zrutvaitad dharmarAjasya dharmArthasahitaM vacaH  meghadundubhi nirghoSaH kRSNo vacanam abravIt 7  uktavAn asmi yad vAkyaM dharmArthasahitaM hitam  na tu tan nikRtiprajJe kauravye pratitiSThati 8  na ca bhISmasya durmedhAH zRNoti vidurasya vA  mama vA bhASitaM kiM cit sarvam evAtivartate 9  na sa kAmayate dharmaM na sa kAmayate yazaH  jitaM sa manyate sarvaM durAtmA karNam AzritaH 10  bandham AjJApayAm Asa mama cApi suyodhanaH  na ca taM labdhavAn kAmaM durAtmA zAsanAtigaH 11  na ca bhISmo na ca droNo yuktaM tatrAhatur vacaH  sarve tam anuvartante Rte viduram acyuta 12  zakuniH saubalaz caiva karNa duHzAsanAv api  tvayy ayuktAny abhASanta mUDhA mUDham amarSaNam 13  kiM ca tena mayoktena yAny abhASanta kauravAH  saMkSepeNa durAtmAsau na yuktaM tvayi vartate 14  na pArthiveSu sarveSu ya ime tava sainikAH  yat pApaM yan na kalyANaM sarvaM tasmin pratiSThitam 15  na cApi vayam atyarthaM parityAgena karhi cit  kauravaiH zamam icchAmas tatra yuddham anantaram 16  tac chrutvA pArthivAH sarve vAsudevasya bhASitam  abruvanto mukhaM rAjJaH samudaikSanta bhArata 17  yudhiSThiras tv abhiprAyam upalabhya mahIkSitAm  yogam AjJApayAm Asa bhImArjunayamaiH saha 18  tataH kila kilA bhUtam anIkaM pANDavasya ha  AjJApite tadA yoge samahRSyanta sainikAH 19  avadhyAnAM vadhaM pazyan dharmarAjo yudhiSThiraH  niSThanan bhImasenaM ca vijayaM cedam abravIt 20  yadarthaM vanavAsaz ca prAptaM duHkhaM ca yan mayA  so 'yam asmAn upaity eva paro 'narthaH prayatnataH 21  yasmin yatnaH kRto 'smAbhiH sa no hInaH prayatnataH  akRte tu prayatne 'smAn upAvRttaH kalir mahAn 22  kathaM hy avadhyaiH saMgrAmaH kAryaH saha bhaviSyati  kathaM hatvA gurUn vRddhAn vijayo no bhaviSyati 23  tac chutvA dharmarAjasya savyasAcI paraMtapaH  yad uktaM vAsudevena zrAvayAm Asa tad vacaH 24  uktavAn devakIputraH kuntyAz ca vidurasya ca  vacanaM ta tvayA rAjan nikhilenAvadhAritam 25  na ca tau vakSyato 'dharmam iti me naiSThikI matiH  na cApi yuktaM kaunteya nivartitum ayudhyataH 26  tac chrutvA vAsudevo 'pi savyasAci vacas tadA  smayamAno 'bravIt pArtham evam etad iti bruvan 27  tatas te dhRtasaMkalpA yuddhAya saha sainikAH  pANDaveyA mahArAja tAM rAtriM sukham Avasan   |



|  1   [v]  vyuSitAyAM rajanyAM tu rAjA duryodhanas tataH  vyabhajat tAny anIkAni daza caikaM ca bhArata 2  narahastirathAzvAnAM sAraM madhyaM ca phalgu ca  sarveSv eteSv anIkeSu saMdideza mahIpatiH 3  sAnukarSAH satUNIrAH savarUthAH satomarAH  sopAsaGgAH sazaktIkAH saniSaGgAH sapothikAH 4  sadhvajAH sapatAkAz ca sazarAsana tomarAH  rajjubhiz ca vicitrAbhiH sapAzAH saparistarAH 5  sakaca grahavikSepAH sataila guDa vAlukAH  sAzIviSaghaTAH sarve sasarja rasapAMsavaH 6  saghaNTA phalakAH sarve vAsI vRkSAdanAnvitAH  vyAghracarma parIvArA vRtAz ca dvIpicarmabhiH 7  savastayaH sazRGgAz ca saprAsa vividhAyudhAH  sakuThArAH sakuddAlAH sataila kSaumasarpiSaH 8  citrAnIkAH suvapuSo jvalitA iva pAvakAH  tathA kavacinaH zUrAH zastreSu kRtanizramAH 9  kulInA hayayonijJAH sArathye vinivezitAH  baddhAriSTA baddhakakSyA baddhadhvajapatAkinaH 10  caturyujo rathAH sarve sarve zastrasamAyutAH  saMhRSTavAhanAH sarve sarve zatazarAsanAH 11  duryayor hayayor ekas tathAnyau pArSNisArathI  tau cApi rathinAM zreSThau rathI ca hayavit tathA 12  nagarANIva guptAni durAdeyAni zatrubhiH  Asan rathasahasrANi hemamAlIni sarvazaH 13  yathA rathAs tathA nAgabaddhakakSyAH svalaMkRtAH  babhUvuH sapta puruSA ratnavanta ivAdrayaH 14  dvAv aGkuza dharau teSu dvAv uttamadhanurdharau  dvau varAsi dharau rAjann ekaH zaktipatAkadhRk 15  gajair mattaiH samAkIrNaM savarmAyudha kozakaiH  tad babhUva balaM rAjan kauravyasya sahasrazaH 16  vicitrakavacAmuktaiH sapatAkaiH svalaMkRtaiH  sAdibhiz copasaMpannA Asann ayutazo hayAH 17  susaMgrAhAH susaMtoSA hemabhANDa paricchadAH  anekazatasAhasrAs te ca sAdivaze sthitAH 18  nAnArUpavikArAz ca nAnA kavacazastriNaH  padAtino narAs tatra babhUvur hemamAlinaH 19  rathasyAsan daza gajA gajasya dazavAjinaH  narA daza hayasyAsan pAdarakSAH samantataH 20  rathasya nAgAH paJcAzan nAgasyAsaJ zataM hayAH  hayasya puruSAH sapta bhinnasaMdhAna kAriNaH 21  senA paJcazataM nAgA rathAs tAvanta eva ca  daza senA ca pRtanA pRtanA dazavAhinI 22  vAhinI pRtanA senA dhvajinI sAdinI camUH  akSauhiNIti paryAyair niruktAtha varUthinI  evaM vyUDhAny anIkAni kauraveyeNa dhImatA 23  akSauhiNyo dazaikA ca saMkhyAtAH sapta caiva ha  akSauhiNyas tu saptaiva pANDavAnAm abhUd balam  akSauhiNyo dazaikA ca kauravANAm abhUd balam 24  narANAM paJca paJcAzad eSA pattir vidhIyate  senAmukhaM ca tisras tA gulma ity abhisaMjJitaH 25  daza gulmA gaNas tv AsId gaNAs tv ayutazo 'bhavan  duryodhanasya senAsu yotsyamAnAH prahAriNaH 26  tatra duryodhano rAjA zUrAn buddhimato narAn  prasamIkSya mahAbAhuz cakre senApatIMs tadA 27  pRthag akSauhiNInAM ca praNetRRn narasattamAn  vidhipUrvaM samAnIya pArthivAn abhyaSecayat 28  kRpaM droNaM ca zalyaM ca saindhavaM ca mahAratham  sudakSiNaM ca kAmbojaM kRtavarmANam eva ca 29  droNaputraM ca karNaM ca bhUrizravasam eva ca  zakuniM saubalaM caiva bAhlIkaM ca mahAratham 30  divase divase teSAM prativelaM ca bhArata  cakre sa vividhAH saMjJAH pratyakSaM ca punaH punaH 31  tathA viniyatAH sarve ye ca teSAM padAnugAH  babhUvuH sainikA rAjan rAjJaH priyacikIrSavaH   |



|  1   [v]  tataH zAMtanavaM bhISmaM prAJjalir dhRtarASTrajaH  saha sarvair mahIpAlair idaM vacanam abravIt 2  Rte senA praNetAraM pRtanA sumahaty api  dIryate yuddham AsAdya pipIlika puTaM yathA 3  na hi jAtu dvayor buddhiH samA bhavati karhi cit  zauryaM ca nAma netRRNAM spardhate ca parasparam 4  zrUyate ca mahAprAjJa haihayAn amitaujasaH  abhyayur brAhmaNAH sarve samucchritakuzadhvajAH 5  tAn anvayus tadA vaizyAH zUdrAz caiva pitAmaha  ekatas tu trayo varNA ekataH kSatriyarSabhAH 6  te sma yuddheSv abhajyanta trayo varNAH punaH punaH  kSatriyAs tu jayanty eva bahulaM caikato balam 7  tatas te kSatriyAn eva papracchur dvijasattamAH  tebhyaH zazaMsur dharmajJA yAthAtathyaM pitAmaha 8  vayam ekasya zRNumo mahAbuddhimato raNe  bhavantas tu pRthak sarve svabuddhivazavartinaH 9  tatas te brAhmaNAz cakrur ekaM senApatiM dvijam  nayeSu kuzalaM zUram ajayan kSatriyAMs tataH 10  evaM ye kuzalaM zUlaM hite sthitam akalmaSam  senApatiM prakurvanti te jayanti raNe ripUn 11  bhavAn uzanasA tulyo hitaiSI ca sadA mama  asaMhAryaH sthito dharme sa naH senApatir bhava 12  razmIvatAm ivAdityo vIrudhAm iva candramAH  kubera iva yakSANAM marutAm iva vAsavaH 13  parvatAnAM yathA meruH suparNaH patatAm iva  kumAra iva bhUtAnAM vasUnAm iva havyavAT 14  bhavatA hi vayaM guptAH zakreNeva divaukasaH  anAdhRSyA bhaviSyAmas tridazAnAm api dhruvam 15  prayAtu no bhavAn agre devAnAm iva pAvakiH  vayaM tvAm anuyAsyAmaH saurabheyA ivarSabham 16  evam etan mahAbAho yathA vadasi bhArata  yathaiva hi bhavanto me tathaiva mama pANDavAH 17  api caiva maya zreyo vAcyaM teSAM narAdhipa  yoddhavyaM tu tavArthAya yathA sa samayaH kRtaH 18  na tu pazyAmi yoddhAram AtmanaH sadRzaM bhuvi  Rte tasmAn naravyAghrAt kuntIputrAd dhanaMjayAt 19  sa hi veda mahAbAhur divyAny astrANi sarvazaH  na tu mAM vivRto yuddhe jAtu yudhyeta pANDavaH 20  ahaM sa ca kSaNenaiva nirmanuSyam idaM jagat  kuryAM zastrabalenaiva sasurAsurarAkSasam 21  na tv evotsAdanIyA me pANDoH putrA narAdhipa  tasmAd yodhAn haniSyAmi prayogeNAyutaM sadA 22  evam eSAM kariSyAmi nidhanaM kurunandana  na cet te mAM haniSyanti pUrvam eva samAgame 23  senApatis tv ahaM rAjan samayenApareNa te  bhaviSyAmi yathAkAmaM tan me zrotum ihArhasi 24  karNo vA yudhyatAM pUrvam ahaM vA pRthivIpate  spardhate hi sadAtyarthaM sUtaputro mayA raNe 25  nAhaM jIvati gAGgeye yotsye rAjan kathaM cana  hate bhISme tu yotsyAmi saha gANDIvadhanvanA 26  tataH senApatiM cakre vidhivad bhUridakSiNam  dhRtarASTrAtmajo bhISmaM so 'bhiSikto vyarocata 27  tato bherIz ca zaGkhAMz ca zatazaz caiva puSkarAn  vadayAm Asur avyagrAH puruSA rAjazAsanAt 28  siMhanAzAz ca vividhA vAhanAnAM canisvanAH  prAdurAsann anabhre ca varSaM rudhirakardamam 29  nirghAtAH pRthivI kampA gajabRMhita nisvanAH  AsaMz ca sarvayodhAnAM pAtayanto manAMsy uta 30  vAcaz cApy azarIriNyo divaz colkAH prapedire  zivAz ca bhayavedinyo nedur dIptasvarA bhRzam 31  senApatye yadA rAjA gAGgeyam abhiSiktavAn  tadaitAny ugrarUpANi abhavaJ zatazo nRpa 32  tataH senApatiM kRtvA bhISmaM parabalArdanam  vAcayitvA dvijazreSThAn niSkair gobhiz ca bhUrizaH 33  vardhamAno jayAzIrbhir niryayau sainikair vRtaH  ApageyaM puraskRtya bhrAtRbhiH sahitas tadA  skandhAvAreNa mahatA kurukSetraM jagAma ha 34  parikramya kurukSetraM karNena saha kauravaH  zibiraM mApayAm Asa same deze narAdhipaH 35  madhurAnUSare deze prabhUtayavasendhane  yathaiva hAstinapuraM tadvac chibiram Ababhau   |



|  1   [j]  ApageyaM mahAtmAnaM bhISmaM zastrabhRtAM varam  pitAmahaM bhAratAnAM dhvajaM sarvamahIkSitAm 2  bRhaspatisamaM buddhyA kSamayA pRthivIsamam  samudram iva gAmbhIrye himavantam iva sthitam 3  prajApatim ivaudArye tejasA bhAskaropamam  mahendram iva zatrUNAM dhvaMsanaM zaravRSTibhiH 4  raNayajJe pratibhaye svAbhIle lomaharSaNe  dIkSitaM cirarAtrAya zrutA rAjA yudhiSThiraH 5  kim abravIn mahAbAhuH sarvadharmavizAradaH  bhImasenArjunau vApi kRSNo vA pratyapadyata 6  Apad dharmArthakuzalo mahAbuddhir yudhiSThiraH  sarvAn bhrAtRRn samAnIya vAsudevaM ca sAtvatam  uvAca vadatAM zreSThaH sAntvapUrvam idaM vacaH 7  paryAkrAmata sainyAni yat tAs tiSThata daMzitAH  pitAmahena vo yuddhaM pUrvam eva bhaviSyati  tasmAt saptasu senAsu praNetRRn mama pazyata 8  yathArhati bhavAn vaktum asmin kAla upasthite  tathedam arthavad vAkyam uktaM te bharatarSabha 9  rocate me mahAbAho kriyatAM yad anantaram  nAyakAs tava senAyAm abhiSicyantu sapta vai 10  tato drupadam AnAyya virATaM zinipuMgavam  dhRSTadyumnaM ca pAJcAlyaM dhRSTaketuM ca pArthivam  zikhaNDinaM ca pAJcAlyaM sahadevaM ca mAgadham 11  etAn sapta mahaiSvAsAn vIrAn yuddhAbhinandinaH  senA praNetRRn vidhivad abhyaSiJcad yudhiSThiraH 12  sarvasenApatiM cAtra dhRSTadyumnam upAdizat  droNAnta hetor utpanno ya iddhAJ jAtavedasaH 13  sarveSAm eva teSAM tu samastAnAM mahAtmanAm  senApatipatiM cakre guDAkezaM dhanaMjayam 14  arjunasyApi netA ca saMyantA cava vAjinAm  saMkarSaNAnujaH zrImAn mahAbuddhir janArdanaH 15  tad dRSTvopasthitaM yuddhaM samAsannaM mahAtyayam  prAvizad bhavanaM rAjJaH pANDavasya halAyudhaH 16  sahAkrUraprabhRtibhir gada sAmbolmukAdibhiH  raukmiNeyAhuka sutaiz cArudeSNa purogamaiH 17  vRSNimukhyair abhigatair vyAghrair iva balotkaTaiH  abhigupto mahAbAhur marudbhir iva vAsavaH 18  nIlakauzeya vasanaH kaulAsa zikharopamaH  siMhakhela gatiH zrImAn madaraktAnta locanaH 19  taM dRSTvA dharmarAjaz ca kezavaz ca mahAdyutiH  udatiSThat tadA pArtho bhImakarmA vRkodaraH 20  gANDIvadhanvA ye cAnye rAjAnas tatra ke cana  pUjayAM cakrur abhyetya te sma sarve halAyudham 21  tatas taM pANDavo rAjA kare pasparza pANinA  vAsudeva purogAs tu sarva evAbhyavAdayan 22  virATadrupadau vRddhAv abhivAdya halAyudhaH  yudhiSThireNa sahita upAvizad ariMdamaH 23  tatas teSUpaviSTeSu pArthiveSu samantataH  vAsudevam abhiprekSya rauhiNeyo 'bhyabhASata 24  bhavitAyaM mahAraudro dAruNaH puruSakSayaH  diSTam etad dhruvaM manye na zakyam ativartitum 25  asmAd yuddhAt samuttIrNAn api vaH sasuhRjjanAn  arogAn akSatair dehaiH pazyeyam iti me matiH 26  sametaM pArthivaM kSatraM kAlapakvam asaMzayam  vimardaH sumahAn bhAvI mAMsazoNitakardamaH 27  ukto mayA vAsudevaH punaH punar upahvare  saMbandhiSu samAM vRttiM vartasva madhusUdana 28  pANDavA hi yathAsmAkaM tathA duryodhano nRpaH  tasyApi kriyatAM yuktyA saparyeti punaH punaH 29  tac ca me nAkarod vAkyaM tvadarthe madhusUdanaH  niviSTaH sarvabhAvena dhanaMjayam avekSya ca 30  dhruvo jayaH pANDavAnAm iti me nizcitA matiH  tathA hy abhinivezo 'yaM vAsudevasya bhArata 31  na cAham utsahe kRSNam Rte lokam udIkSitum  tato 'ham anuvartAmi keSavasya cikIrSitam 32  ubhau ziSyau hi me vIrau gadAyuddhavizAradau  tulyasneho 'smy ato bhIme tathA duryodhane nRpe 33  tasmAd yAsyAmi tIrthAni sarasvatyAniSevitum  na hi zakSyAmi kauravyAn nazyamAnAn upekSitum 34  evam uktvA mahAbAhur anujJAtaz ca pANDavaiH  tIrthayAtrAM yayau rAmo nivartya madhusUdanam   |



|  1   [v]  etasminn eva kAle tu bhISmakasya mahAtmanaH  hiraNyalomno nRpateH sAkSAd indra sakhasya vai 2  AhRtInAm adhipater bhojasyAtiyazasvinaH  dAkSiNAtya pateH putro dikSu rukmIti vizrutaH 3  yaH kiMpuruSa siMhasya gandhamAdanavAsinaH  ziSyaH kRtsnaM dhanurvedaM catuSpAdam avAptavAn 4  yo mAhendraM dhanur lebhe tulyaM gANDIvatejasA  zArGgeNa ca mahAbAhuH saMmitaM divyam akSayam 5  trINy evaitAni divyAni dhanUMSi divi cAriNAm  vAruNaM gANDivaM tatra mAhendraM vijayaM dhanuH 6  zArGgaM tu vaiSNavaM prAhur divyaM tejomayaM dhanuH  dhArayAm Asa yat kRSNaH parasenA bhayAvaham 7  gANDIvaM pAvakAl lebhe khANDave pAkazAsaniH  drumAd rukmI mahAtejA vijayaM pratyapadyata 8  saMchidya mauravAn pAzAn nihatya muram ojasA  nirjitya narakaM bhaumam AhRtya paNi kuNDale 9  SoDaza strIsahasrANi ratnAni vividhAni ca  pratipede hRSIkezaH zArGgaM ca dhanur uttamam 10  rukmI tu vijayaM labdhvA dhanur meghasamasvanam  vibhISayann iva jagat pANDavAn abhyavartata 11  nAmRSyata purA yo 'sau svabAhubaladarpitaH  rukmiNyA haraNaM vIro vAsudevena dhImatA 12  kRtvA pratijJAM nAhatvA nivartiSyAmi kezavam  tato 'nvadhAvad vArSNeyaM sarvazastrabhRtAM varam 13  senayA caturaGgiNyA mahatyA dUrapAtayA  vicitrAyudha varmiNyA gaGgayeva pravRddhayA 14  sa samAsAdya vArSNeyaM gonAnAm IzvaraM prabhum  vyaMsito vrIDito rAjann AjagAma sa kuNDinam 15  yatraiva kRSNena raNe nirjitaH paravIrahA  tatra bhojakaTaM nAma cakre nagaram uttamam 16  sainyena mahatA tena prabhUtagajavAjinA  puraM tad bhuvi vikhyAtma nAmna bhojakaTaM nRpa 17  sa bhojarAjaH sainyena mahatA parivAritaH  akSauhiNyA mahAvIryaH pANDavAn samupAgamat 18  tataH sa kavacI khaDgI zarI dhanvI talI rathI  dhvajenAditya varNena praviveza mahAcamUm 19  viditaH pANDaveyAnAM vAsudeva priyepsayA  yudhiSThiras tu taM rAjA pratyudgamyAbhyapUjayat 20  sa pUjitaH pANDusutair yathAnyAyaM susatkRtaH  pratipUjya ca tAn sarvAn vizrAntaH saha sainikaH  uvAca madhye vIrANAM kuntIputraM dhanaMjayam 21  sahAyo 'smi sthito yuddhe yadi bhIto 'si pANDava  kariSyAmi raNe sAhyam asahyaM tava zatrubhiH 22  na hi me vikrame tulyaH pumAn astIha kaz cana  nihatya samare zatrUMs tava dAsyAmi phalguna 23  ity ukto dharmarAjasya kezavasya ca saMnidhau  zRNvatAM pArthivendrANAm anyeSAM caiva sarvazaH 24  vAsudevam abhiprekSya dharmarAjaM ca pANDavam  uvAca dhImAn kaunteyaH prahasya sakhipUrvakam 25  yudhyamAnasya me vIra gandharvaiH sumahAbalaiH  sahAyo ghoSayAtrAyAM kas tadAsIt sakhA mama 26  tathA pratibhaye tasmin devadAnava saMkule  khANDave yudhyamAnasya kaH sahAyas tadAbhavat 27  nivAtakavacair yuddhe kAlakeyaiz ca dAnavaiH  tatra me yudhyamAnasya kaH sahAyas tadAbhavat 28  tathA virATanagare kurubhiH saha saMgare  yudhyato bahubhis tAta kaH sahAyo 'bhavan mama 29  upajIvya raNe rudraM zakraM vaizvaraNaM yamam  varuNaM pAvakaM caiva kRpaM droNaM ca mAdhavam 30  dhArayan gANDivaM divyaM dhanus tejomayaM dRDham  akSayya zarasaMyukto divyAstraparibRMhitaH 31  kauravANAM kule jAtaH pANDoH putro vizeSataH  droNaM vyapadizaJ ziSyo vAsudevasahAyavAn 32  katham asmadvidho brUyAd bhIto 'stIty ayazaskaram  vacanaM narazArdUla vajrAyudham api svayam 33  nAsmi bhIto mahAbAho sahAyArthaz ca nAsti me  yathAkAmaM yathAyogaM gaccha vAnyatra tiSTha vA 34  vinivartya tato rukmI senAM sAgarasaMnibhAm  duryodhanam upAgacchat tathaiva bharatarSabha 35  tathaiva cAbhigamyainam uvAca sa narAdhipaH  pratyAkhyAtaz ca tenApi sa tadA zUramAninA 36  dvAv eva tu mahArAja tasmAd yuddhAd vyapeyatuH  rauhiNeyaz ca vArSNeyo rukmI ca vasudhAdhipaH 37  gate rAme tIrthayAtrAM bhISmakasya sute tathA  upAvizan pANDaveyA mantrAya punar eva hi 38  samitir dharmarAjasya sA pArthiva samAkulA  zuzubhe tArakA citrA dyauz candreNeva bhArata   |



|  1   [j]  tathA vyUDheSv anIkeSu kurukSetre dvijarSabha  kim akurvanta kuravaH kAlenAbhipracoditAH 2  tathA vyUDheSv anIkeSu yat teSu bharatarSabha  dhRtarASTro mahArAja saMjayaM vAkyam abravIt 3  ehi saMjaya me sarvam AcakSvAnavazeSataH  senAniveze yadvRttaM kurupANDavasenayoH 4  diSTam eva paraM manye pauruSaM cApy anarthakam  yad ahaM jAnamAno 'pi yuddhadoSAn kSayodayAn 5  tathApi nikRtiprajJaM putraM durdyUta devinam  na zaknomi niyantuM vA kartuM vA hitam AtmanaH 6  bhavaty eva hi me sUta buddhir doSAnudarzinI  duryodhanaM samAsAdya punaH sA parivartate 7  evaMgate vai yad bhAvi tad bhaviSyati saMjaya  kSatradharmaH kila raNe tanutyAgo 'bhipUjitaH 8  tvad yukto 'yam anuprazno mahArAja yathArhasi  na tu duryodhane doSam imam Asaktum arhasi  zRNuSvAnavazeSeNa vadato mama pArthiva 9  ya Atmano duzcaritAd azubhaM prApnuyAn naraH  enasA na sa daivaM vA kAlaM vA gantum arhati 10  mahArAja manuSyeSu nindyaM yaH sarvam Acaret  sa vadhyaH sarvalokasya ninditAni samAcaran 11  nikArA manujazreSTha pANDavais tvatpratIkSayA  anubhUtAH sahAmAtyair nikRtair adhidevane 12  hayAnAM ca gajAnAM ca rAjJAM cAmitatejasAm  vaizasaM samare vRttaM yat tan me zRNu sarvazaH 13  sthiro bhUtvA mahArAja sarvalokakSayodayam  yathA bhUtaM mahAyuddhe zrutvA mA vimanA bhava 14  na hy eva kartA puruSaH karmaNoH zubhapApayoH  asvatantro hi puruSaH kAryate dAru yantravat 15  ke cid Izvara nirdiSTAH ke cid eva yadRcchayA  pUrvakarmabhir apy anye traidham etad vikRSyate   |



 |  1   [s]  hiraNvatyAM niviSTeSu pANDaveSu mahAtmasu  duryodhano mahArAja karNena saha bhArata 2  saubalena ca rAjendra tathA duHzAsanena ca  AhUyopahvare rAjann ulUkam idam abravIt 3  ulUka gaccha kaitavya pANDavAn saha somakAn  gatvA mama vaco brUhi vAsudevasya zRNvataH 4  idaM tat samanuprAptaM varSapUgAbhicintitam  pANDavAnAM kurUNAM ca yuddhaM lokabhayaMkaram 5  yad etat katthanA vAkyaM saMjayo mahad abravIt  madhye kurUNAM kaunteya tasya kAlo 'yam AgataH  yathA vaH saMpratijJAtaM tat sarvaM kriyatAm iti 6  amarSaM rAjyaharaNaM vanavAsaM ca pANDava  draupadyAz ca pariklezaM saMsmaran puruSo bhava 7  yadarthaM kSatriyA sUte garbhaM tad idam Agatam  balaM vIryaM ca zauryaM ca paraM cApy astralAghavam  pauruSaM darzayan yuddhe kopasya kuru niSkRtim 8  parikliSTasya dInasya dIrghakAloSitasya ca  na sphuTed dhRdayaM kasya aizvaryAd bhraMzitasya ca 9  kule jAtasya zUrasya paravitteSu gRdhyataH  AcchinnaM rAjyam Akramya kopaM kasya na dIpayet 10  yat tad uktaM mahad vAkyaM karmaNA tad vibhAvyatAm  akarmaNA katthitena santaH kupuruSaM viduH 11  amitrANAM vaze sthAnaM rAjyasya ca punar bhavaH  dvAv arthau yudhyamAnasya tasmAt kuruta pauruSam 12  asmAn vA tvaM parAjitya prazAdhi pRthivIm imAm  atha vA nihato 'smAbhir vIralokaM gamiSyasi 13  rASTrAt pravrAjanaM klezaM vanavAsaM ca pANDava  kRSNAyAz ca pariklezaM saMsmaran puruSo bhava 14  apriyANAM ca vacane pravrajatsu punaH punaH  amarSaM darzayAdya tvam amarSo hy eva pauruSam 15  krodho balaM tathA vIryaM jJAnayogo 'stralAghavam  iha te pArtha dRzyantAM saMgrAme puruSo bhava 16  taM ca tUbarakam mUDhaM bahv Azinam avidyakam  ulUka madvaco brUyA asakRd bhImasenakam 17  azaktenaiva yac chaptaM sabhAmadhye vRkodara  duHzAsanasya rudhiraM pIyatAM yadi zakyate 18  lohAbhihAro nirvRttaH kurukSetram akardamam  puSTAs te 'zvA bhRtA yodhAH zvo yudhyasva sakezavaH   |



|  1   [s]  senAnivezaM saMprApya kaitavyaH pANDavasya ha  samAgataH pANDaveyair yudhiSThiram abhASata 2  abhijJo dUtavAkyAnAM yathoktaM bruvato mama  duryodhana samAdezaM zrutvA na kroddhum arhasi 3  ulUka na bhayaM te 'sti brUhi tvaM vigatajvaraH  yan mataM dhArtarASTrasya lubdhasyAdIrgha darzinaH 4  tato dyutimatAM madhye pANDavAnAM mahAtmanAm  sRJjayAnAM ca sarveSAM kRSNasya ca yazasvinaH 5  drupadasya saputrasya virATasya ca saMnidhau  bhUmipAnAM ca sarveSAM madhye vAkyaM jagAda ha 6  idaM tvAm abravId rAjA dhArtarASTro mahAmanAH  zRNvatAM kuruvIrANAM tan nibodha narAdhipa 7  parAjito 'si dyUtena kRSNA cAnAyitA sabhAm  zakyo 'marSo manuSyeNa kartuM puruSamAninA 8  dvAdazaiva tu varSANi vane dhiSNyAd vivAsitAH  saMvatsaraM virATasya dAsyam AsthAya coSitAH 9  amarSaM rAjyaharaNaM vanavAsaM ca pANDava  draupadyAz ca pariklezaM saMsmaran puruSo bhava 10  azaktena ca yac chaptaM bhImasenena pANDava  duHzAsanasya rudhiraM pIyatAM yadi zakyate 11  lohAbhihAro nirvRttaH kurukSetram akardamam  samaH panthA bhRtA yodhAH zvo yudhyasva sakezavaH 12  asamAgamya bhISmeNa saMyuge kiM vikatthase  ArurukSur yathA mandaH parvataM gandhamAdanam 13  droNaM ca yudhyatAM zreSThaM zacIpatisamaM yudhi  ajitvA saMyuge pArtha rAjyaM katham