[སྔོན་འགྲོའི་དཔར་གཞི།]་
@001A ༄༅། yc+།མགོན་ཆོས་སོགས་ཀྱི་གཏོར?་འབུལ?་བསྐང?་གཟོ་དང་བཅས་པ་བཞུགས་སོ།།-yc་
@001B ༄༅༅། །ན་མོ་བཛྲ་བྷཻ་ར་ཝ་ཡེ། yc+འདིར་ཆོས་སྐྱོད་འགའ་ཞིག་གི་གཏོར་འབུལ་འཁྱེར་བདེ་བར་བརྗོད་པ་ལ། ལྷའི་རྣལ་འབྱོར་སྔར་བསྒོམས་པ་ཡོད་ན་དེའི་ངང་ནས་སམ། ཡང་ན་གསང་བདེ་འཇིགས་གསུམ་གང་རུང་དུ་སྐད་ཅིག་གིས་བསྐྱེད་ནས་བྱིན་བརླབས་རང་རང་གི་ཡུགས་ལྟར་
རྣམ། བསྡུས་པ་འདོང?་ན?་སོགས་སུ་བཀོད་པ་ཡང་རུང་ལ་དེ་ནས་ཡུལ་སྤྱན་དྲངས་པ་ཡོད་ན་དེ་དང་བསྟུན་ཅིང༌། མེད་ན་འདི་ལྟར།-yc་ཛཿ རང་གི་ཐུགས་ཀའི་ཧཱུཾ་ལས་འོད་འཕྲོས་པས། །བསིལ་བའི་ཚལ་དང་གཤིན་རྗེའི་གྲོང་ཁྱེར་ནས། །ཡེ་ཤེས་མགོན་པོ་དམ་ཅན་ཆོས་ཀྱི་རྒྱལ། །
འཁོར་བཅས་སྤྱན་དྲངས་མདུན་གྱི་ནམ་མཁར་བྱོན། །མུ་ལི་གཏིང་དང་ལྕང་ལོ་ཅན་སོགས་ནས། །འདོད་ཁམས་དབང་ཕྱུག་རྒྱལ་ཆེན་རྣམ་ཐོས་སྲས། །རྟ་བདག་བརྒྱད་དང་ཐ་འོག་ཆོས་རྒྱལ་སོགས། །འཁོར་བཅས་སྤྱན་དྲངས་འདིར་གཤེགས་རྟེན་
ལ་བཞུགས། །བདེ་སྟོང་དབྱེར་མེད་རོལ་པ་ལས་བྱུང་བའི། །མཆོད་ཡོན་ཞབས་བསིལ་ཉེར་སྤྱོད་རྣམ་པ་ལྔ། །འདོད་ཡོན་རྒྱལ་སྲིད་རྟག་ལ་གཡུག་བྱ་ཁྱི། །གླིང་བཞི་ཉི་ཟླ་རི་རབ་བཅས་ཏེ་འབུལ། །ཁྱད་བར་རབ་ཡངས་ཐོད་པར་འབྲུ་བཅུད་དང༌། །
དགྲ་བགེགས་ཤ་ཁྲག་རུས་གསུམ་ལས་བྱུང་བའི། །ཟག་མེད་བདུད་རྩིའི་གཏོར་མའི་རྒྱ་མཚོ་འདི། །ཆོས་སྐྱོང་འཁོར་བཅས་འབུལ་གྱིས་བཞེས་སུ་གསོལ། །ཐུགས་མཆོག་ཞི་བའི་དབྱིངས་ལས་མ་གཡོས་ཀྱང༌། །སྣ་ཚོགས་སྤྲུལ་པའི་
གར་མཛད་ཡེ་ཤེས་མགོན། །ཆོས་ཀྱི་རྒྱལ་བོ་དམག་ཟོར་རྒྱལ་མོ་དང༌། །རྣམ་སྲས་ཐ་འོག་ཆོས་རྒྱལ་འཁོར་བཅས་བསྟོད། །ཁྱེད་རྣམས་མཆོད་ཅིང་བསྟོད་བསྐུལ་གསོལ་བཏབ་པས། །རྣལ་འབྱོར་སྦྱིན་བདག་འདུས་སྡེ་དགོན་གནས་ཀྱི། །
@002A ༄༅། །མི་གཡོ་འོག་མིན་ཆོས་ཀྱི་ཕོ་བྲང་ནས། །རྡོ་རྗེ་ནག་པོ་བྱ་རོག་མཚན་ཅན་ནི། །ལེགས་ལྡན་བྱ་གདོང་གསུམ་དང་ཙཎྜི་ཀ༌།མ་མོ་བརྒྱད་དང་བཅས་ཏེ་གཤེགས་སུ་གསོལ། །པོ་ཏ་ལ་དང་ཏི་སེ་གངས་སོགས་ནས། །ནག་པོ་ཆེན་པོ་ཞལ་བཞི་ཕྱག་བཞི་པ། །
ཡུམ་བཞི་ཞིང་སྐྱོང་སྡེ་བརྒྱད་ཚོགས་དང་བཅས། །ཐོགས་པ་མེད་པར་གནས་འདིར་ད་ཚུར་གཤེགས། །ཨུ་རྒྱན་ཡུལ་གྱི་དུར་ཁྲོད་ཆེན་པོ་ནས། །ཧེ་རུ་ཀ་ཡི་ཐུགས་སྤྲུལ་མཐུ་རྩལ་ཅན། །དཔལ་ལྡན་དུར་ཁྲོད་བདག་པོ་ཡབ་ཡུམ་བཅས། །རྒྱལ་བའི་བསྟན་པ་བགྲུང་
ཕྱིར་གཤེགས་སུ་གསོལ། །འཇིགས་རུང་ཧ་ཧ་རྒོད་པའི་དུར་ཁྲོད་ནས། །དཔལ་ལྡན་མགོན་པོ་བྲམ་ཟེ་དཔའ་བོའི་གཟུགས། །ཡུམ་ཆེན་བཞི་སོགས་འཁོར་གྱི་ཚོགས་དང་བཅས། །རྣལ་འབྱོར་འཕྲིན་ལས་བསྒྲུབ་ཕྱིར་སྤྱན་འདྲེན་ནོ། །དུས་གསུམ་རྒྱལ་བའི་མཐུ་
སྟོབས་ནུས་པ་རྣམས། །འཇིགས་རུང་སྲིན་པོ་ཁྲོས་པའི་སྐུར་བཞེངས་པ། །བདེ་ཆེན་ལྕམ་དྲལ་འཁོར་དང་བཅས་པ་ཀུན། །སྣ་ཚོགས་ཆོ་འཕྲུལ་དང་བཅས་གནས་འདིར་གཤེགས། །བྱང་ཕྱོགས་ལྕང་ལོ་ཅན་གྱི་ཕོ་བྲང་ནས། །མཐུ་སྟོབས་བདག་པོ་སྤྲུལ་པའི་གར་
མཛད་པ། །འདོད་རྒུའི་མཆོག་སྟེར་རྒྱལ་ཆེན་རྣམ་ཐོས་སྲས། །གནོད་སྦྱིན་ཚོགས་དང་བཅས་ཏེ་གཤེགས་སུ་གསོལ། །བྱང་ཤར་མ་རུ་རྩེ་ཡི་དུར་ཁྲོད་ནས། །དྲེགས་པའི་སྡེ་དཔོན་ལྕམ་སྲིང་ཆེན་པོ་ནི། །ཡུམ་ཆེན་སྲིད་པའི་ལྷ་མོ་སྲོག་བདག་དམར། །གྲི་ཐོགས་བཤན་པའི་
ཚོགས་བཅས་གཤེགས་སུ་གསོལ། །རྡོ་རྗེ་འཆང་དང་པདྨ་ཐོད་འཕྲེང་གི །སྤྱན་སྔར་བསྟན་བསྲུང་བར་ཞལ་བཞེས་པའི། །ཐ་འོག་ཆོས་རྒྱལ་ལ་སོགས་སྲུང་མའི་ཚོགས། །འདིར་གཤེགས་དགྱེས་པའི་རྟེན་དང་དབྱེར་མེད་གྱུར། །མཆོད་པ་དང་བསྐང་རྫས་སོགས་སྔར་བྱིན་གྱིས་མ་བརླབས་
@002B ན་འདིར་བརླབ་པ་འམ། མོས་པས་ཀྱང་རུང་སྟེ། འབུལ་བ་ནི། ཧཱུཾ༑ ཡི་དམ་བསྟན་སྲུང་རྒྱ་མཚོལ་yc+བོར་བཅས་ལ། །སྒོ་གསུམ་མི་ཕྱེད་དད་པས་གུས་ཕྱག་འཚལ། །དམ་ཚིག་ཉམས་ཆགས་ཐམས་ཅད་སོ་སོར་བཤགས། །ཇི་སྙེད་ཕྱི་ནང་གསང་བའི་མཆོད་ཚོགས་དང༌། །ཁྲག་དང་བདུད་རྩིའི་མཆོད་ཡོན་མཚོ་
ལྟར་འཁྱིལ།-yc༌།མཛེས་པའི་མེ་ཏོག་ས་དང་པར་སྣང་གང༌། །ཤ་ཆེན་གུ་གུལ་སྤོས་ཀྱི་དུད་སྤྲིན་འཁྲིགས༑ །ཞུན་ཆེན་མར་མེའི་སྣང་བ་ཉི་ལྟར་གསལ། །ཙན་དན་ག་བུ་ར་དད་ལྡང་དྲི་ཆབ་དང༌། །རོ་བརྒྱ་བདའ་བའི་ཞལ་ཟས་དྲི་ལྟར་སྤུངས། །སྙན་བརྗིད་རོལ་མོའི་སྒྲ་དབྱངས་སྣ་ཚོགས་ཀྱིས། །ཡི་དམ་
བསྟན་སྲུང་རྒྱ་མཚོ་འཁོར་བཅས་མཆོད། །འཕྲུལ་ལྡན་རྟན་ག་གཡག་རོག་ཞོལ་ཆེན་དང༌། །འདོད་འཇོའི་བ་དང་ར་སྐྱེས་སྤྱི་དཀར་ལུག །མཁའ་ལྡིང་བྱ་དང་དོམ་འདྲའི་ཁྱི་ནག་དང༌། །རིན་ཆེན་བདུན་དང་འདོད་ཡོན་རྣམ་པ་ལྔ། །སྲ་བཙན་གོ་ཁྲབ་རྣོ་བའི་མཚོན་ཆའི་ཚོགས། །ཁྱད་པར་
ཟག་མེད་དམ་རྫས་གཏོར་མ་ནི། །གླིང་བཞི་རི་རབ་ཀུན་བཟང་མཆོད་སྤྲིན་བཅས། །ཡི་དམ་བསྟན་སྲུང་ཚོགས་ལ་འབུལ་བར་བགྱི། །བ་ཞེས་ནས་དམ་སྐོང་བར་ཅད་ཞི་བ་དང༌། །མཆོག་དང་ཐུན་མོང་དངོས་གྲུབ་མ་ལུས་སྩོལ། yc+།གཏོར་མ་སྒེར་དུ་འབུལ་ན།-yc་ཡི་དམ་བསྟན་སྲུང་འཁོར་
དང་བཅས་པའི་ལྗགས་yc+ནས-yc་གསོལ་བར་གྱུར་པར་བསམས་ལ། ཨོཾ་ཡ་མཱ་ནྟ་ཀ་སརྦ་དྷརྨ་པཱ་ལ་ས་པ་རི་ཝཱ་ར་ཨི་དཾ་yc+སོགས་ཀྱིས་ལན་གསུམ་མམ་བདུན་གྱིས་འབུལ་ཞིང་ཨརྒྷཾ་སོགས་ཀྱིས་མཆོད་དམ་མིན་ཀྱང་རུང་ལ། ནང་མཆོད་ཡོད་ན་འབུལ། དེ་ནས་བསྟོད་པ་ནི། ཧཱུཾ།-yc་མཁྱེན་རབ་དབང་ཕྱུག་འཇམ་
དཔལ་གཤིན་རྗེའི་གཤེད། །སྤྱན་རས་གཟིགས་དབང་ཕྱག་དྲུག་ཡེ་ཤེས་མགོན། །རེ་མ་ཏི་དང་གནོད་སྦྱིན་ཆེན་པོ་བཞི། །འཁོར་ཚོགས་དམ་ཅན་རྒྱ་མཚོར་བཅས་ལ་བསྟོད། །གང་ཞིག་ཡིད་ལ་དྲན་པ་ཙམ་གྱིས་ཀྱང༌། །མཆོག་དང་ཐུན་མོང་དངོས་གྲུབ་མ་ལུས་པ། །དཔག་བསམ་
@003A ༄༅། །ཤིང་བཞིན་འདོད་རྒུའི་ཆར་འབེབས་པ། །མགོན་དཀར་ཡིད་བཞིན་ནོར་ལ་གུས་པས་བསྟོད། །འཇམ་དཔལ་གཤིན་རྗེ་གཤེད་ཀྱི་བཀའ་ཉན་མཆོག །དགེ་སྡིག་ཤན་འགྱེད་ཆོས་ཀྱི་རྒྱལ་པོ་ཞེས། །བློ་བཟང་རྒྱལ་བའི་བསྟན་པ་ཀུན་སྲུང་བ། །ལས་ཀྱི་གཤིན་
རྗེ་འཁོར་དང་བཅས་ལ་བསྟོད། །རྒྱལ་པ་ཀུན་གྱི་འཕྲིན་ལས་མ་ལུས་པ། །གཅིག་བསྡུས་འཇིགས་རུང་སྲིན་མོ་ཁྲོས་པའི་གཟུགས། །དཔལ་ལྡན་དམག་དང་ཟོར་གྱི་རྒྱལ་མོ་ལ། །རྩེ་གཅིག་གུས་པ་ཆེན་པོས་ཕྱག་འཚལ་བསྟོད། །དུས་གསུམ་རྒྱལ་བའི་བསྟན་སྲུང་ཀུན་གྱི་གཙོ། །
གདུག་པ་ཚར་གཅོད་སྲིན་པོ་ཁྲོས་པའི་སྐུ། མིའུ་ཐུང་གུར་མགོན་ལྕམ་དྲལ་འཁོར་བཅས་ལ། །སྒོ་གསུམ་གུས་པའི་ཡིད་ཀྱིས་བསྟོད་པར་བགྱི། །བསྟན་དང་བསྟན་འཛིན་ཚོགས་རྣམས་རྟག་སྲུང་ཞིང༌། །འཇིགས་བྱེད་བཟོད་པར་དཀའ་བའི་ཤུགས་དང་ལྡན། །རྔམ་པའི་སྟོབས་
ཀྱིས་བདུད་དཔུང་ཚར་གཅོད་པའི། །མགོན་པོ་བྱ་རོག་མཚན་ཅན་ཁྱོད་ལ་བསྟོད། །ཡེ་ཤེས་མེ་དཔུང་འབར་བའི་ཀློང་དཀྱིལ་ན། །མཐིང་ནག་ཞལ་བཞི་འཇིགས་རུང་ཁྲོས་པའི་སྐུ། །ཡུམ་ཆེན་བཞི་སོགས་སྤྲུལ་པའི་འཁོར་ཀྱིས་བསྐོར། །བསྟན་སྲུང་ཀུན་གྱི་གཙོ་བོ་ཁྱོད་ལ་
བསྟོད། །བདེ་ཆེན་ལྷན་ཅིག་སྐྱེས་པའི་ཡེ་ཤེས་དངོས། །ཤིན་ཏུ་ཁྲོས་པའི་ཀེང་རུས་གཟུགས་འཛིན་པ། །མ་མོ་མཁའ་འགྲོའི་ཚོགས་ཀྱིས་ཡོངས་བསྐོང་བའི། །དུར་ཁྲོད་བདག་པོ་ཡབ་ཡུམ་བཅས་ལ་བསྟོད། །ཧེ་རུ་ཀ་ཡེ་སྤྲུལ་པའི་ཟློས་གར་ཉིད། །སྐུ་མདོག་སྔོན་པོ་
ཞལ་གཅིག་ཕྱག་གཉིས་པ། །རྐང་གླིང་འབུད་ཅིང་མཁའ་འགྲོ་དབང་དུ་སྡུད། །བྲམ་ཟེའི་གཟུགས་ཅན་དཔའ་བོ་ཁྱོད་ལ་བསྟོད། །སྔོན་ཚེ་རྡོ་རྗེ་འཆང་གི་སྤྱན་སྔ་རུ། །རྒྱལ་བའི་བསྟན་དང་བསྟན་འཛིན་སྐྱེས་བུ་ཀུན། །མ་གཡེལ་བུ་བཞིན་སྐྱོང་བ་ཞལ་བཞེས་པ། །བདེ་ཆེན་
@003B ལྕམ་དྲལ་འཁོར་བཅས་བདག་གིས་བསྟོད། །རབ་འཇིགས་གདོང་ལྔའི་དབང་པོ་འགྱིང་པའི་སྟེང༌། །རབ་མཛེས་གསེར་གྱི་རི་སོ་བརྩེགས་པ་བཞིན། །རབ་བརྗིད་ཉི་མ་འབུམ་གྱི་གཟི་ལྡན་པ། །དྲང་སྲོང་རྣམ་མང་ཐོས་པའི་སྲས་
ལ་བསྟོད། །གཏུམ་ཞིང་དྲག་ལ་མྱུར་བའི་མཐུ་རྩལ་གྱིས། །དྲག་པོའི་འཕྲིན་ལས་སྒྲུབ་ལ་ཐོགས་མེད་པ། །སྒྲོལ་གྱིང་དྲག་པོ་སྲོག་བདག་དམར་པོ་ལ། །སྒོ་གསུམ་མི་ཕྱེད་དང་བའི་ཡིད་ཀྱིས་བསྟོད། །བཤད་སྒྲུབ་བསྟན་པ་སྲུང་བའི་
མཐུ་རྩལ་ཅན། །གནོད་སྦྱིན་ཆེན་པོ་ཐ་འོག་ཆོས་རྒྱལ་སོགས། །དམ་ཅན་ཆོས་སྐྱོང་སྲུང་མའི་ཚོགས་རྣམས་ལ། །མཆོད་ཅིང་གུས་པ་ཆེན་པོས་རྟག་ཏུ་བསྟོད། །མཐུ་ལྡན་ཆོས་སྐྱོང་སྲུང་མ་འཁོར་བཅས་ལ། །མཆོད་བསྟོད་གསོལ་བས་
རྣལ་འབྱོར་བདག་ཅག་གི །འགལ་རྐྱེན་བར་ཆད་ཉེ་འཚེ་ཞི་བ་དང༌། །འདོད་དོན་ཐམས་ཅད་ཡིད་བཞིན་འགྲུབ་པར་མཛོད། །རྟེན་ཡོད་ན་བདག་དང་འགྲོ་ལ་སོགས་ཀྱིས་བརྟན་བཞུགས་དང༌། མེད་ན། ཉེས་བྱས་བཟོད་བཞེས་རང་བཞིན་གནས་སུ་གཤེགས།།
སླར་ཡང་བྱོན་ནས་མཆོག་ཐུན་དངོས་གྲུབ་སྩོལ། །དམ་ཆོས་སྒྲུབ་པའི་འགལ་རྐྱེན་ཞི་བ་དང༌། །དུས་རྣམས་ཀུན་དུ་དགེ་ལེགས་འཕེལ་བར་མཛོད། yc+།ཅེས་པ་འདི་ནི་ཤཱཀྱའི་དགེ་སློང་བཤད་སྒྲུབ་མིང་ཅན-yc་གྱིས། །རྗེ་དགེ་འདུན་རྒྱ་མཚོ་དང༌། པཎ་ཆེན་གོང་མ་
གཉིས་ཀྱི་མན་ངག་ལ་བརྟེན་ནས་གཞན་ཕན་གྱི་བསམ་པས་སྦྱར་བ་སྟེ། རྣམ་པ་གཉིས་ཀ་ལྟར་ནའང་འདི་ལྟར་བྱེད་པ་བྱུང་ན་གཏོར་འབུལ་ཙམ་དུ་མ་ཟད། བསྐང་གསོ་བསྡུས་པ་བྱས་པར་འགྱུར་བ་ཡིན་ནོ།། །།བཀྲ་ཤིས། ཤུ་བཾ༌།
@004A ༄༅། །ན་མོ་བཛྲ་པཱ་ཎི་ཡེ། yc+འདིར་རྒྱལ་ཆེན་རྣམ་སྲས་འཁོར་བཅས་ལ་གཏོར་འབུལ་དང༌། བསང་མཆོད་སོགས་བྱེད་ཚུལ་མདོར་བསྡུས་ཞིག་འཆད་པ་ལ། སྐྱབས་སེམས་སོགས་སྔོན་དུ་བཏང་ནས།-yc་རང་ཉིད་སྐད་ཅིག་གིས་དཔལ་ཕྱག་ན་རྡོ་རྗེ་ཞལ་གཅིག་ཕྱག་གཉིས་པར་གསལ་
བར་གྱུར་yc+པར་བསམས་ལ། མཆོད་གཏོར་བསང་མཆོད་རྣམས་བྱིན་བརླབ་བྱ་ཚུལ་ལ་རྒྱས་བསྡུས་གཉིས་ལས། རྒྱས་བ་ནི་བྱིན་རླབས་སོ་སོར་བྱ་བ་ཡིན་ནའང༌། འདིར་བསྡུ་ན།-yc་ཨོཾ་བཛྲ་ཨ་མྲྀ་ཏ་ཀུཎྜ་ལི་ཧ་ན་ཧ་ན་ཧཱུཾ་ཕཊ། ཨོཾ་སྭ་བྷཱ་ཝ་ཤུདྡྷ་སརྦ་དྷརྨཿ སྭ་བྷཱ་ཝ་ཤུདྡྷོ(NYHAm)། སྟོང་པ་ཉིད་དུ་གྱུར། སྟོང་པའི་ངང་ལས་
ཨོཾ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་རང་རང་གི་མིང་ཡིག་དང་པོ་ཐིག་ལེས་བརྒྱན་པ་ཞུ་བ་ལས་བྱུང་བའི་ལྷ་རྫས་ལས་གྲུབ་པའི་མཆོད་གཏོར་དང་བསང་ཆེན་གྱི་རི་བོས་ས་དང་བར་སྣང་གི་ཁྱོན་ཐམས་ཅད་གང་ཞིང་མགྲོན་རྣམས་ཀྱི་དབང་པོ་དྲུག་གི་སྤྱོད་
ཡུལ་དུ་ཟག་མེད་ཀྱི་བདེ་བ་ཁྱད་པར་ཅན་བསྐྱེད་པར་བྱེད་པའི་ནུས་ལྡན་དུ་གྱུར། ཨོཾ་ཨཱཿ ཧཱུཾ། yc+ལན་གསུམ། གཏོར་མ་དང་བསང་གཉིས་ལས་གང་རུང་ཞིག་ཡིན་ན། དེའི་ཚིག་སྦྱོར་བྱ། དེ་ནས།-yc་རང་གི་ཐུགས་ཀའི་ཧཱུཾ་ལས་འོད་འཕྲོས་ཏེ། །བྱང་ཕྱོགས་ལྕང་ལོ་ཅན་གྱི་ཕོ་བྲང་ནས། །རྒྱལ་
ཆེན་རྣམ་སྲས་ནོར་ལྷའི་ཚོགས་དང་བཅས། །སྤྱན་དྲངས་མདུན་གྱི་ནམ་མཁར་བཞུགས་པར་གྱུར། །གསེར་གྱི་རི་དབང་ལྟ་བུར་བརྗིད་ཆགས་ཤིང༌། །ཉི་མ་འབུམ་གྱི་གཟི་བྱིན་རབ་ཏུ་འབར། །ཡོ་བྱད་ནམ་མཁའ་མཛོད་ལ་དབང་བསྒྱུར་བ། །རྒྱལ་ཆེན་རྣམ་སྲས་
འཁོར་དང་བཅས་ལ་འདུད། yc+།མཆོད་འབུལ་ནི།-yc༌།ཆུ་གཉིས་ཉེར་སྤྱོད་རོལ་མོ་འདོད་ཡོན་ལྔ། །རིན་ཆེན་བདུན་དང་བཀྲ་ཤིས་རྫས་བརྒྱད་དང༌། །གླིང་བཞི་རི་རབ་བདག་ལུས་ལོངས་སྤྱོད་བཅས། །རྒྱལ་ཆེན་རྣམ་སྲས་འཁོར་དང་བཅས་ལ་འབུལ། yc+།གཏོར་འབུལ་ནི།-yc་དཀར་
@004B གསུམ་མངར་གསུམ་འབྲུ་བཅུད་དང་སྦྱར་བའི། །ཟག་མེད་བདུད་རྩིའི་གཏོར་མའི་རྒྱ་མཚོ་འདི། །རྒྱལ་ཆེན་རྣམ་སྲས་འཁོར་བཅས་ལ་འབུལ་གྱིས། །བཞེས་ནས་འདོད་རྒུའི་དངོས་གྲུབ་ཆར་ལྟར་ཕོབ། yc+།བསང་མཆོད་ནི།-yc་དྲི་ལྡན་བཟང་སྨན་ཤིང་སྣ་བསྲེགས་པ་ལས།།
བྱུང་བའི་བསང་ཆེན་དུད་པ་ཆུ་འཛིན་བཞིན། །ནམ་མཁའི་ཁམས་ཀུན་ཡོངས་སུ་ཁྱབ་བྱས་ཏེ། །རྒྱ་ཆེན་རྣམ་སྲས་འཁོར་བཅས་མཆོད་པར་བགྱི། yc+།ཁྱད་པར་གྱི་མཆོད་པ་ནི།-yc་གཞན་ཡང་དགོས་འདོད་ནོར་དང་དཔག་བསམ་ཤིང༌། །རིན་ཆེན་ལྗོན་ཤིང་གཏེར་
བུམ་བཟང་པོ་དང༌། །འདོད་འཇོའི་བ་དང་རྫིང་བུ་བཟང་པོ་སོགས། །རྒྱལ་ཆེན་རྣམ་སྲས་འཁོར་བཅས་མཉེས་ཕྱིར་འབུལ། །གོས་སྔོན་ལུང་ཐང་ཕྲེང་བ་ནེའུ་ལེ་དང༌། །མི་འཇིགས་སེངྒེ་རྒྱལ་མཚན་ཉི་མ་ཟླ། །འབྲུ་སྨན་རིན་ཆེན་སྙིང་པོ་ལྔ་ལ་སོགས། །རྒྱལ་ཆེན་རྣམ་སྲས་འཁོར་བཅས་
མཉེས་ཕྱིར་འབུལ། །སྦྱིན་གཏོར་རྒྱ་མཚོའི་དགེ་ལ་གོམས་བྱས་པས། །མི་འཛད་གཏེར་གྱི་དཔལ་ལ་དབང་བསྒྱུར་ཞིང༌། །ཕོངས་པ་ཀུན་ལ་འདོད་རྒུའི་མཆོག་སྟེར་བ། །རྒྱལ་ཆེན་རྣམ་སྲས་འཁོར་དང་བཅས་ལ་བསྟོད། །ཁྱེད་ལ་མཆོད་ཅིང་གུས་པས་བསྟོད་བྱས་པས། །
མི་འདོད་དབུལ་བའི་རྒུད་པ་སེལ་བྱེད་ཅིང༌། །འདོད་པའི་དངོས་གྲུབ་མ་ལུས་སྩོལ་བ་དང༌། །རྟག་ཏུ་སྲུང་ཞིང་སྐྱོབ་པའི་འཕྲིན་ལས་མཛོད། yc+།རྟེན་ཡོད་ན།-yc་འདིར་ནི་རྟེན་དང་ལྷན་ཅིག་ཏུ། yc+།ཞེས་སོགས་དང༌། མེད་ན།-yc་བཛྲ་མུཿ མགྲོན་རྣམ་པར་གནས་སུ་གཤེགས་པར་གྱུར། །
yc+ཅེས་བརྗོད་ཅིང་བསམ་མོ། ཅེས་པ་འདི་ཡང་དག་དང་རྣམ་དཔྱོད་ལྡན་པའི་བརྩོན་འགྲུས་ཕུན་ཚོགས་ཞེས་བགྱི་བས། རྣམ་སྲས་རང་གི་བརྟེན་བའི་ལྷར་བབ་པས་མཆོད་ཚུལ་འདི་ལྟ་བུ་ཞིག་དགོས་ཞེས་བསྐུལ་བ་ལྟར་བཤད་སྒྲུབ་མིང་ཅན་གྱི་སྦྱར་བའོ།།-yc༌།།བཀྲ་ཤིས༌།