[preliminary data - not manually proofread] [SNGON 'GRO'I DPAR GZHI] @001A *, (,GSANG BDE 'JIGS GSUM GYI BLA MA'I RNAL 'BYOR BZHUGS SO, ,) @001B #, (,NA MO GU RU BADZRA DH'A RA YE, GANG ZHIG BSTEN NA MCHOG THUN GYI, ,DNGOS GRUB BDE BLAG STER MDZAD PA'I, ,BLA MA RDO RJE 'CHANG CHEN ZHABS, ,GUS MCHOD BLA MA'I RNAL 'BYOR BSHAD, (,SKAL BA DANG LDAN PA'I GDUL BYA RNAMS KYIS NYAMS SU BLANG BAR BYA BA'I RIM PA MANG YANG, CHES MCHOG TU GYUR BA NI RNAL 'BYOR BLA MED KYI RIM GNYIS YIN LA, DE'I NANG NAS KYANG GSANG BA DE 'JIGS GSUM GYI RIM PA GNYIS NYAMS SU LEN DGOS PAR BSHAD PAS, 'DIR DE DAG GI YANG SNYING BLA MA DANG YI DAM THA MI DAD PA'I RNAL 'BYOR JI LTAR NYAMS SU LEN TSUL CUNG ZAD RGYAS PA'I DBANG DU BYAS PA RJE YAB SRAS KYI MAN NGAG PAn CHEN GONG MA SOGS KYI GSUNGS LAS 'BYUNG BA BZHIN, RGYUN GYI NYAMS LEN DU 'KHYER BDER DGOD PA LA GSUM, GSANG 'DUS, BDE MCHOG ,'JIGS BYED GYI BLA MA'I RNAL 'BYOR RO, ,DANG PO NI, DBANG BSKUR THOB CING DAM TSIG DANG LDAN PAS SKYABS 'GRO SEMS BSKYED TSAD MED RNAMS RGYAS BSDUS CI RIGS SNGON DU BTANG NAS, RANG NYID SKAD CIG GIS ZHE SDANG RDO RJE ZHAL GSUM PHYAG DRUG PA YUM DANG BCAS PA'I SKUR BZHENGS PAR GYUR BAR BSAMS LA, NANG MCHOD DANG MCHOD PA RNAMS DNGOS SU YOD NA PHUN SUM 'TSOGS PA YIN PAS, BYIN RLABS CHO GA'I GZHUNG LTAR RAM, BSDU NA, BIGH'NA TA KRi TA KYIS BSANGS? SVA BH'A WAS SBYANGS, STONG BA'I NGANG LAS A'A: LAS BYUNG BA'I THOD PA YANGS SHING RGYA CHE BA RNAMS KYI NANG DU RANG RANG GI MING YIG DANG PO THIG LES BRGYAN PA ZHU BA LAS BYUNG BA'I MCHOD PA RNAMS RANG BZHIN STONG PA, RNAM PA MCHOD RDZAS, BYED LAS DBANG PO DRUG GI SPYOD YUL DU THAG PA MED PA'I BDE BA KHYAD PAR CAN BSKYED PAR GYUR, AOm A'A: H'Um, (LAN GSUM GYIS BRLAB,) RANG GI SPYI BO 'AM, MDUN GYI NAM MKHAR SNA TSOGS PADMA 'DAB MA STONG DANG LDAN PA'I LTE BAR SE GES BTEG PA'I RIN PO CHE'I KHRI'I STENG DU PADMA DANG ZLA BA NYI MA'I DKYIL 'KHOR GYI @002A *, ,GDAN LA, RTZA BA'I BLA MA DE NYID RNAM PA RGYAL BA RDO RJE 'CHANG KU MDOG SNGON PO MI BSKYOD PA'I DBU RGYAN CAN, SNGO DKAR DMAR BA'I ZHAL GSUM PHYAG DRUG GI GSAL RDO RJE 'KHOR LO PADMA, G-YON DRIL BU RIN CHEN RAL GRI 'DZIN PA, DBU SKRA RAL PA'I THOR TSUGS CAN , MTSAN BZANG PO SUM CU RTZA GNYIS DANG DPE BYAD BZANG PO BRGYAD CUS BRGYAN PA, YUM REG BYA RDO RJES SNGON MO MI BSKYOD BA'I DBU RGYAN CAN, SNGO DKAR NAS RAL GRI 'DZIN PA, DBU SKRA RAL BA BYED BCINGS SU BYAS PA, SHIN TU SGEG CING BZHIN 'DZUM PA DANG LDAN PA, ZUR GYIS LTA BA LA SOGS PA'I RNAM 'GYUR GYIS MDZES PA, LANG TSO DAR LA BAB CING 'DOD YON LNGA'I DGA' BAS ROL BA, YAB YUM GNYIS KA'I PHYAG DANG PO GNYIS KYIS PHAN TSUN DU LA BYUNG PA, GNYIS KA'ANG NAS, SHAM THABS 'BYAR BA, 'OD KYI DKYIL 'KHOR GYIS BSKOR BA'I DBUS NA YAB SEMS DPA'I SKYIL MO KRUNG GIS BZHUGS PAR GYUR, DE'I THUGS KAR MI BSKYOD PA, SPYI BOR RNAM PAR SNANG MDZAD, MGRIN BAR 'OD DPAG MED, LHE BAR RIN CHEN 'BYUNG LDAN, BRLA'I RTZA BAR DON YOD GRUB PA, LTE BAR SPYAN MA, SNYING GAR M'A MA KI, MGRIN PAR GOS DKAR MO,, SPYI GTZUG TU SGOL MA, MIG TU SA'I SNYING PO,, RNA BAR PHYAG NA RDO RJE , SNAR NAM MKHA'I SNYING PO,, LCER 'JIG RTEN DBANG PHYUG, SNYING GAR 'JAM DPAL, GSANG GNAS SU SGRIB BA RNAM SEL, TSIGS RNAMS LA KUN TU BZANG PO,, SPYI GTZUG TU BYAMS PA, MIG GI SGOR GZUGS RDO RJES, RNA BA'I SGOR SGRA RDO RJES, SNA'I SGOR DRI RDO RJE MA, KHA'I SGOR RO RDO RJE MA, RDO RJE'I SGOR REG BYA RDO RJE MA, LAG PA G-YAS LA GSHIN RJE'I GSHED, LAG PA G-YON LA GZHAN GYIS MI THUB PA, KHA LA RTA MGRIN, RDO RJE LA BDUD RTZI 'KHYIL PA, DBUNG BA G-YAS BA'I RTZA BAR MI G-YO BA,, DBUNG BA G-YON PA'I RTZA BAR 'DOD PA'I RGYAL PO,, PUS MO G-YAS LA DBYUG SNGON CAN, PUS MO G-YON LA @002B STOBS PO CHE, SPYI GTZUG TU GTZUG TOR 'KHOR LOS BSGYUR BA, RKANG MTHIL GNYIS SU GNOD MDZES RGYAL PO, ,DE'I MTHAR RTZA BRGYUD KYI BLA MA RNAMS DANG, YI DAM DKYIL 'KHOR GYI LHA TSOGS, SANGS RGYAS BYANG SEMS DPA' BO MKHA' 'GRO CHOS SKYONG SRUNG MA'I TSOGS RNAMS KYIS BSKOR NAS BZHUGS PA, SO SO'I MDUN DU RANG RANG GI LUNG GI DAM PA'I CHOS RNAMS GSUNG RAB PO TI'I RNAM PA CAN DU 'KHOD PAR GYUR, GTZO 'KHOR THAMS CAD KYI SPYI BOR SKU RDO RJE'I NGO BO AOm DKAR PO, ,MGRIN PAR GSUNG RDO RJE'I NGO BO A'A: DMAR PO, ,THUGS KAR THUGS RDO RJE'I NGO BO H'Um SNGON POS MTSAN PAR GYUR , RANG NYID MI BSKYOD RDO RJES GSAL BA'I THUGS KAR SNA TSOGS PADMA DANG NYI MA LA GNAS PA'I H'Um SNGON PO'I 'OD ZER LCAGS KYU'I RNAM PA CAN GYIS RANG BZHIN GYI GNAS NAS BLA MA DANG GNYIS SU MED PA'I MI BSKYOD PA'I DKYIL 'KHOR LA BLA MA RGYAL BA SRAS BCAS KYIS BSKOR BA MDUN GYI NAM MKHAR SPYAN DRANGS, MA LUS 'GRO BA'I RANG BZHIN MNGON DU MDZAD, (,ZHES SOGS TSIGS BCAD GCIG GI MTHAR,) AOm BADZRA SA M'A YA DZA: DZA: DZA: H'Um BAm HO:, DAM TSIG PA DANG GNYIS SU MED PAR GYUR, LHA SO SO'I RIGS BDAG ZHAL GCIG PHYAG GNYIS PA YAB YUM GYIS BYANG CHUB KYI SEMS KYIS LHA SO SO LA DBANG BSKUR BAR GYUR, GANG GI DRIN GYI BDE CHEN GNAS, (,ZHES SOGS DANG,) RMAD BYUNG MTSAN DPE'I DPAL 'BAR (SOGS TSIGS BCAD GCIG DANG,) GANG ZHIG GZUGS DANG TSOR BA BDUD SHES 'DU BYED DANG, (,ZHES PA NAS,) RMONGS DANG ZHE SDANG 'DOD CHAGS SGRIB PA RDO RJE STE, ,BYANG CHUB SEMS 'DRA RGYA CHEN DE LA PHYAG 'TSAL LO, ,PHYAG BYANG 'OS LA SOGS KYIS (PHYAG BYA, DE NAS,) RANG GI SNYING GA'I H'Um LAS BYUNG BA'I MCHOD PA'I LHA MO RNAMS KYIS MCHOD PAR GYUR, AOm SARBA TA TH'A GA TA AARGHAm P'U DZA ME GHA NAS, SPA DSHA P'U DZA YE LHANGS MU DRA SPHA RA nA SA MA YE SHR'I YE A'A: H'Um DANG, ZHING 'DI RIN CHEN SNA BDUN GYIS, (,SOGS DANG,) BDAG GZHAN LUS NGAG YID GSUM (SOGS KYIS) @003A *, (,MAndAL DANG BCAS PA'I GYI MCHOD DANG,) AOm GU RU SARBA BUDDHA BO DHI SATVA SA PA RI W'A RA AOm A'A: H'Um (GIS NANG MCHOD DANG,) BLA MA YAB YUM SNYOMS PAR ZHUGS PAS BYANG CHUB KYI SEMS ZHU BAS LHAN SKYES KYI DGA' BA NYAMS SU MYONG ZHING, BDE BAS STONG PA NGES PA'I BDE STONG DBYER MED DU SBYAR BAS , GSANG BA DANG DE KHO NA NYID KYI MCHOD PAS MNYES PAR GYUR PAR BSAM, (DE NAS BLA MA RDOR 'DZIN MA SO SHAS BSHAGS PA CI RIGS DANG,) GANG ZHIG THOG MED SRID PA'I CHU KLUNG DU, (,ZHES PA NAS,) BYANG CHUB TU NI YONGS SU BSNGO BAR BGYI, (,ZHES PA'I BAR DANG,) YID KYI ROL PA DRI MED ZLA 'DRAS BSGRUBS, (,NAS,) YANG DAG NYID DU DA NI GNAS PAR BGYI, (,ZHES PA'I BAR DANG, SPRO NA RIGS LNGA'I SDOM BZUNG KYANG BYA BAR GSUNG, DE NAS BLA MA RDO RJE 'CHANG DE NYID MCHOG GSUM KUN 'DUS KYI BDAG NYID DU MOS LA,) BLA MA KUN 'DUS KYI NGO BO BLA MA RIN PO CHE LA GSOL BA 'DEBS SO, ,YI DAM KUN 'DUS X, SANGS RGYAS KUN 'DUS X, DAM CHOS KUN 'DUS X, 'PHAGS TSOGS KUN 'DUS X, SKYABS GNAS KUN 'DUS X, DNGOS GRUB KUN GYI 'BYUNG GNAS BLA MA RIN PO CHE LA GSOL BA 'DEBS SO, ,ZHES SNYING THAG PA NAS CI NUS BRJOD BA'I MTHAR, BDAG GI BLO CHOS SU 'GRO BAR BYIN GYIS BRLOB TU GSOL, ,BSHES GNYEN LA MA DAD PA DANG LOG PAR LTA BA DANG DUG GSUM LA SOGS PA PHYIN CI LOG GI BLO SNA MTHA' DAG 'GAG PAR BYIN GYIS BRLOB TU GSOL, DAD PA DANG NGES 'BYUNG DANG BYAMS SNYING RJE BYANG CHUB KYI SEMS YANG DAG PA'I LTA BA LAM RIM PA GNYIS LA SOGS PA PHYIN CI MA LOG PA'I RTOG PA MTHA' DAG MYUR DU RGYUD LA SKYE BAR BYIN GYIS BRLOB TU GSOL, (ZHES LAN GSUM SOGS KYIS BYIN RLABS ZHU,) DE LTAR GSOL BA BTAB PAS, BLA MA LHA TSOGS RNAMS KYI SKU'I CHA LAS BDUD RTZI 'OD ZER LNGA DANG 'DRES PA'I RGYUN DPAG TU MED PA BYUNG, RANG DANG SEMS CAN THAMS CAD KYI SPYI BO NAS ZHUGS PAS NAD GNOD SDIG SGRIB THAMS CAD SBYANGS, TSE DPAL BSOD @003B NAMS DRANG LUNG RTOGS KYI YON TAN THAMS CAD 'PHEL ZHING RGYAS PAR BYAS NAS, BLA MA RDO RJE 'CHANG GI SKUR GYUR, SLAR YANG 'OD DANG BDUD RTZI'I TSOGS SPROS TE, SNOD KYI MA DAG PA SBYANGS NAS DAG PA'I ZHING DU BSGYUR BAS SNOD THAMS CAD DAG PA'I ZHING DANG BCUD KYI SEMS CAN THAMS CAD LHA DANG LHA MO'I RNAM ROL TU GYUR PAR BSAMS LA MNYAM PAR 'JOG ,DE NAS, BYANG CHUB RDO RJES SANGS RGYAS LA, ,MCHOD CHEN JI LTAR STZAL BA LTAR, ,BDAG KYANG RAB TU BSGRAL BA'I PHYIR, ,NAM MKHA'I RDO RJES DENG BDAG STZOL, (,ZHES LAN GSUM MAM GCIG GIS GSOL BA GDAB,) BLA MA DANG GTZO BO THA MI DAD PA'I THUGS KA'I H'Um GI 'OD ZER GYIS RGYAL BA SRAS BCAS THAMS CAD 'DUS PA'I LHA SO GNYIS KYI DKYIL 'KHOR BA'I RNAM PAR SPYAN DRANGS, DBANG BSKUR RDO RJE CHEN PO STE, ,KHAMS GSUM PA YIS PHYAG BYAS PA, ,SANGS RGYAS KUN GYI GSANG GSUM PA'I, ,GNAS LAS BYUNG BAR SBYIN PAR BYA, ,AOm A'A: SARBA TA TH'A GA TA AA BHI shE KA TA SA MA YA SHR'I YE H'Um, ZHES GSUNGS SHING BDUD RTZI'I CHU RGYUN GYIS SPYI BO NAS DBANG BSKUR BAS LUS THAMS CAD GANG, BDE BA CHEN PO MYONG, DRI MA THAMS CAD DAG ,CHU LHAG MA SPYI GTZUG TU GNAS PA YONGS SU GYUR PA LAS MI BSKYOD PAS DBU BRGYAN PAR GYUR, DES BUM PA'I DBANG THOB, LUS KYI DRI MA DAG , LAM BSKYED RIM BSGOM PA LA DBANG BAR BYAS, 'BRAS BU SPRUL SKU 'GRUB PA'I NUS PA KHYAD PAR CAN BZHAG ,BLA MA YAB YUM GYI SBYOR MTSAMS NAS SPROS PA'I 'OD ZER GYIS PHYOGS BCU'I RGYAL BA THAMS CAD SPYAN DRANGS TE, ,SKU LA ZHUGS PAS CHAGS PA CHEN PO'I MES ZHU BA'I BYANG CHUB KYI SEMS SU GYUR, ,AOm A'A: BADZRA DHRi KA H'Um, ZHES GSUNGS TE, BLA MA YAB YUM GYI BYANG SEMS RANG GI LCE'I STENG DU BZHAG BA MYANG BAS BDE STONG DBYER MED KYI YE SHES SKYES GSANG BA'I DBANG THOB, NGAG GI DRI MA DAG, SGYU MA'I SKU BSGOM PA LA DBANG BAR BYAS, 'BRAS BU LONGS SPYOD RDZOGS PA'I SKU 'GRUB PA'I NUS PA KHYAD @004A *, ,BAR CAN BZHAG ,BLA MA DANG GTZO BO THA MI DAD PA'I YUM LAS REG BYA RDO RJE MA GNYIS PA ZHIG CHAD NAS RANG GI YUM LA THIM, DE DANG SNYOMS PAR ZHUGS PAS BDE STONG DBYER MED KYI LHAN CIG SKYES PA'I YE SHES RGYUD LA SKYES SHES RAB YE SHES KYI DBANG THOB, YID KYI DRI MA DAG DON DAM 'OD GSAL BSGOM PA LA DBANG BAR BYAS, 'BRAS BU CHOS KYI SKU 'GRUB PA'I NUS PA KHYAD PAR CAN BZHAG ,DE NAS BLA MA DANG GTZO BO THA MI DAD PAS, KHYOD KYIS DBANG GSUM PA THOB PA'I SKABS SU RANG DANG RIG MA GNYIS KYI LUS 'DOD LHA YAB YUM DU SNANG BZHIN BA'I DUS NA SEMS LHAN SKYES KYI DGA' BAS DE KHO NA NYID KYI DON NGES PA GNYIS MNYAM DU YOD PA LTAR, MTHAR RLUNG SEMS TZAM LAS GRUB PA'I YONGS SPYOD RDZOGS PA'I SKU DANG, THUGS LHAN SKYES KYI DGA' BAS STONG PA NYID MNGON DU BYAS PA'I YE SHES GNYIS NGO BO DBYER MI PHYED PA'I ZUNG 'JUG GI GO 'PHANG 'GRUB PAR BYED DE, DE NI THOB BYA DON GYI DBANG BZHI PA YIN NO ZHES GSUNG, DES DBANG BZHI PA THOB, SGO GSUM GYI DRI MA DAG ,ZUNG 'JUG BSGOM PA LA DBANG BAR BYAS, 'BRAS BU RDO RJE 'CHANG GI SKU 'GRUB PA'I NUS PA KHYAD PAR CAN BZHAG GO (,DBANG BZHI BSDU NA, BLA MA'I GNAS GSUM GYI YI GE GSUM LAS TING NGE 'DZIN GYI DBANG BZHI LEN PAR GSUNGS TE; DE YANG BYANG CHUB RDO RJE ZHES SOGS KYI RKANG PA BZHI PA'I MTHAR,) BLA MA'I SPYI BO'I AOm LAS 'OD DANG BDUD RTZI DKAR PO'I TSOGS BYUNG, RANG GI SPYI BOR ZHUGS NAS LUS KYI DRI MA DAG ,BUM PA'I DBANG THOB SOGS SNGAR BZHIN DANG, BLA MA'I MGRIN PA'I A'A: LAS 'OD DANG BDUD RTZI DMAR PO'I TSOGS BYUNG, RANG GI MGRIN PAR ZHUGS NGAG GI DRI MA DAG (SOGS DANG,) BLA MA'I THUGS KA'I H'Um LAS 'OD DANG BDUD RTZI SNGON PO'I TSOGS BYUNG, ,RANG GI SNYING KAR ZHUGS, YID KYI DRI MA DAG ,SHES RAB YE SHES KYI DBANG THOB (SOGS DANG,) BLA MA'I GNAS GSUM GYI YI GE GSUM LAS 'OD DANG BDUD RTZI DKAR DMAR MTHING GSUM BYUNG, RANG GI SPYI BO @004B MGRIN PA SNYING KA GSUM DU ZHUGS PAS, SGO GSUM GYI DRI MA DAG DBANG BZHI PA THOB (SOGS SNGAR BZHIN BYA'O, ,SLAR YANG,) SKYABS GNAS KUN 'DUS KYI BDAG NYID BLA MA RIN PO CHE GSOL BA 'DEBS SO, ,KHYED RNAMS KYIS BDAG GI RGYUD LA PHYIN CI LOG GI BLO SNA 'GAG PA DANG, PHYIN CI MA LOG PA'I BLO SNA MTHA' DAG SKYE BAR BYIN GYIS BRLOB TU GSOL, (ZHES CI NUS BRJOD PA'I MTHAR,) ZHES GSOL BA BTAB PAS, BLA MA 'KHOR DANG BCAS PA'I SKU LAS 'OD DANG BDUD RTZI'I TSOGS DPAG TU MED BA BYUNG STE, RANG DANG SNOD BCUD THAMS CAD LA 'PHOG PAS DE RNAMS KYI SKYON THAMS CAD SBYANGS, SNOD THAMS CAD DAG PA'I ZHING DANG, BCUD THAMS CAD RDO RJE 'CHANG GI SKUR GYUR, BLA MA'I THUGS KA'I H'Um GI 'OD ZER GYIS MTHA' SKOR GYI RGYAL BA SRAS BCAS THAMS CAD BKUG NAS BLA MA YAB YUM GYI SKU LA ZHUGS, DE GNYIS KYANG DGYES BZHIN DU RANG GI SPYI BO NAS ZHUGS TE DBU MA'I LAM BRGYUD, SNYING GA CHOS KYI 'KHOR LO'I DBUS SU PADMA'I GDAN LA BZHUGS PA DANG, RANG ZHE SDANG RDO RJE SEMS DPA' SUM BRTZEGS CAN DU GYUR (PAR BSAMS LA H'Um YIG SNGAGS 'PHRENG DANG BCAS PA LA DMIGS NAS,) AOm A'A: BADZRA DHRi KA H'Um H'Um, ZHES CI NUS BZLA ZHING, MJUG TU, DGE BA 'DI YIS MYUR DU BDAG (,ZHES SOGS TSIGS BCAD GNYIS DANG, SKYE BA KUN DU YANG DAG BLA MA DANG, ,ZHES SOGS KYIS BSNGO SMON BYA'O,, (,,GNYIS PA BDE MCHOG GI BLA MA'I RNAL 'BYOR NI, 'DI LTAR,) BLA MA 'KHOR LO SDOM PA SOGS, ,MCHOG GSUM RNAMS LA GUS PHYAG 'TSAL, ,SEMS CAN KUN GYI DON GYI PHYIR, ,BDAG GIS BYANG CHUB SEMS BSKYED DO, (,ZHES SKYABS SEMS LAN GSUM DANG,) SEMS CAN THAMS CAD SDUG BSNGAL THAMS CAD DANG BRAL BAR GYUR CIG ,SEMS CAN THAMS CAD BDE BA THAMS CAD DANG LDAN PAR GYUR CIG ,SEMS CAN THAMS CAD THOB ZIN PA'I BDE BA BRTAN PAR GYUR CIG ,SEMS CAN THAMS CAD YID DE BZHIN NYID LA RO GCIG TU GNAS PAR GYUR CIG (,CES TSAD MED BZHI BSGOM, DE NAS) SHR'I HE RU KA, HE NI @005A *, ,KUN GYI 'GYUNG GNAS SU GYUR PA'I SEMS TE, RGYU'I BDAG NYID DU BRTAGS PAR BYA BAS STONG PA'I CHOS KYI BDAG MED PA DANG, RU NI GANG ZAG GI BDAG TU 'DZIN PA'I RNAM RTOG GI DRA BAS BKOD PA'I BDAG DANG BRAL BA'I GANG ZAG GI BDAG MED PA DANG, KA NI DE KHO NA NYID KYI YUL YUL CAN GNYIS MI MTHUN PAR SO SOR GNYIS SU MI GNAS PA DANG SHR'I NI YUL STONG PHA NYID JI 'DRA BA DE BZHIN DU RJES SU ZHUGS PA'I GNYIS SU MED PA'I YE SHES AE WAm GYI DON NO, ,STONG PA'I NGANG LAS SKAD CIG GI RANG NYID HE RU KA SNGON PO ZHAL GCIG PHYAG GNYIS KYI RDO RJE DANG DRIL BU 'DZIN PA G-YAS BRKYANG GIS BZHUGS PA, YUM RDO RJE PHAG MO DMAR MO ZHAL GCIG PHYAG GNYIS KYIS RDO RJE DANG THOD PA 'DZIN PAS 'KHYUD BAR GYUR, SHR'I HE RU KONYRA HAm, (LAN GSUM DANG,) AOm AA A'A, (NAS,) SA HA KshA H'Um H'Um PHAt (,GSUM,) RANG GI LTE BA'I PHYOGS SU SNGAGS 'PHRENG 'OD ZER LNGA DANG BCAS PA G-YON BSKOR GYIS LAN GSUM DU BSKOR NAS GNAS PA LAS, 'KHOR LO GSUM GYI LHA'I TSOGS 'PHROS PAS SNA BUG GA LAS PA NAS THON TE PHYIR 'PHROS PAS BGEGS THAMS CAD BSKRAD DE, SLAR BYON RANG GI SNA BUG G-YON PA NAS ZHUGS TE LTE BA'I SNGAGS 'PHRENG LA THIM PAR GYUR PAR BSAM, MCHOD PA MED NA MOS BAS KYANG RUNG MOD, YOD NA NANG MCHOD GZHUNG LTAR RAM, BSDU NA, AOm A'A: H'Um HA HO HR'I:, LAN GSUM DANG, MCHOD PA GZHAN RNAMS, KHAndA RO HI SA GSANGS, SVA BH'A WAS SBYANGS, STONG PA'I NGANG LAS KAm LAS BYUNG BA'I THOD PA YANGS SHING RGYA CHE BA RNAMS KYI NANG DU H'Um H'Um ZHU BA LAS BYUNG BA'I MCHOD YON, ZHABS SIL, ME TOG, BDUG SPOS, SNANG GSAL, DRI CHAB, ZHAL ZAS, ROL MO LA SOGS MA RNAMS NGANG BZHIN BDE STONG, RNAM PA MCHOD RDZAS, BYED LAS DBANG PO DRUG GI SPYOD YUL DU ZAG PA MED PA'I BDE BA KHYAD PAR CAN BSKYED PAR GYUR, AOm AARGHAm A'A: H'Um, (NAS,) SPARSHA A'A: H'Um (GIS BYIN BRLAB BYA,) @005B DE NAS, RANG GI MDUN GYI NAM MKHA'I GNAS SU SNA TSOGS PADMA 'DAB MA STONG LDAN GYI LTE BAR SENG GE CHEN PO BRGYAD KYIS BTEG PA'I RIN PO CHE'I KHRI'I STENG DU SNA TSOGS PADMA DANG ZLA BA DANG NYI MA'I DKYIL 'KHOR GYI GDAN LA, DRIN CAN RTZA BA'I BLA MA DANG NGO BO DBYER MI PHYED PA'I BCOM LDAN 'DAS DPAL HE RU KA SKU MDOG MTHING NAG GZHAL BZHI PA'I RTZA ZHAL NAG ,G-YON ZHAL LJANG, RGYAB ZHAL DMAR, G-YAS ZHAL SER, ZHAL RE RE YANG SPYAN GSUM PA, PHYAG BCU GNYIS PA, DPRAL BAR RDO RJE RTZE LNGA PA'I 'PHRENG BA 'DZIN CING, ZHABS G-YAS BRKYANG PAS 'JIGS BYED NAG PO LAG PA BZHI PA'I DANG PO GNYIS THAL MO SBYAR BA, LHAG MA G-YAS dA MA RU DANG G-YON RAL GRI 'DZIN PA'I MGO BO MNAN CING, G-YON BSKUMS PAS DUS MTSAN MA DMAR MO LAG PA BZHI PA'I DANG PO GNYIS THAL MO SBYAR BA, LHAG MA GNYIS THOD PA DANG KHA tV'Am GA 'DZIN PA'I NU MA MNAN PA, GDAN GNYIS KA'ANG GDONG GCIG PA, MIG GSUM PA, PHYAG RGYA LNGAS BRGYAN PA'O, ,DANG PO GNYIS KYIS RDOR DRIL BZUNG NAS YUM LA 'KHYUD CING, DE'I 'OG MA GNYIS KYIS SDIGS MDZUB DANG BCAS PAS GLANG PO CHE'I PAGS PA RLON PA BRGYANGS TE 'DZIN PA, GA LAS GSUM PA NA dA MA RU, BZHI PA NA DGRA STA, LNGA PA NA GRI GUG ,DRUG PA NA MDUNG RTZE GSUM PA, G-YON GSUM PA NA RDO RJES MTSAN PA'I KHA tV'Am GA ,BZHI PA NA KHRAG GIS GANG BA'I THOD PA, LNGA PA NA RDO RJE'I ZHAGS PA, DRUG PA NA TSANGS PA'I MGO 'O GDONG BZHI PA BSNAMS SHING, SNA TSOGS RDO RJES MTSAN PA'I RAL PA'I THOR COG CAN, DBU RE RE LA'ANG THOD PA BSKAM PO LNGA LNGA'I PHRENG BAS BRGYAN CING, DBU'I G-YON DU CUNG ZAD YO BA'I ZLA BA PHYED PA 'CHANG BA, ZHAL RNAM PAR 'GYUR ZHING MCHE BA BZHI BZHI GTZIGS PA 'JIGS SU RUNG BA, SGEG PA DPA' BA MI SDUG PA LA SOGS PA GAR DGU'I NYAMS DANG LDAN PA, STAG GI PAGS PA'I SHAM THABS CAN, MGO RLON LNGA BCUS 'PHRENG BA BYAS SHING, PHYAG RGYA DRUG @006A *, ,GIS RGYAS BTAB PA, MI RUS KYI THAL BAS LUS THAMS CAD LA BYUGS PA'O, ,BCOM LDAN 'DAS LA MNGON DU PHYOGS PAR YUM RDO RJE PHAG MO SKU MDOG DMAR MO, ,ZHAL GCIG PHYAG GNYIS PA, GCER MO SKRA GROL BA, THOD PA'I DUM BUS BRGYAN PA'I 'OG PAG CAN, G-YON PAS YAB KYI MGUL NAS 'KHYUD PA'I PHYAG NAS KHRAG GIS BKANG BA'I THOD PA BSNAMS NAS YAB KYI ZHAL DU STOB PA, G-YAS PAS GDUG PA CAN KUN LA RDO RJE DANG BCAS PA'I SDIGS 'DZUB KYIS SDIGS PAR MDZAD PA, SPYAN GSUM DMAR ZHING ME LTAR 'BAR BA NYI MA'I GZI BRJID CAN, BYIN PA GNYIS KYIS YAB KYI BRLA'I STENG DU LEGS PAR 'KHRIL BA, THUGS RJE'I BDAG NYID CAN, PHYAG RGYA LNGAS BRGYAN PA, MI MGO BSGAM PO LNGA'I THOD DANG, BSKAM PO LNGA BCU'I DO SHAL CAN NO, ,PHYOGS BZHI'I 'DAB MA LA SHAR DU MKHA' 'GRO MA NAG MO, ,BYANG DU L'A MA LJANG KHU, NUB DU KHAndA RO HI MA DMAR MO, ,LHOR GZUGS CAN MA SER MO, ,THAMS CAD KYANG ZHAL GCIG PHYAG BZHI'I DANG PO GNYIS KYIS GRI GUG DANG THOD PA THUGS KAR 'DZIN CING, 'OG MA GNYIS KYIS dA MA RU DANG KHA tV'Am KA BSNAMS PA, SPYAN GSUM DANG LDAN ZHING MCHE BA RNAM PAR GTZIGS PA, GCER MO SKRA GROL ZHING PHYAG RGYA LNGAS BRGYAN PA, THOD BSKAM LNGA'I DBU RGYAN DANG, LNGA BCU'I DO SHAL CAN, MTSAMS BZHIR ZLA GDAN LA BDUD RTZIS GANG BA'I THOD PA BZHI'O, ,DE'I MTHA' SKOR GYI 'DAB MA RNAMS LA RIM PA BZHIN DU 'KHOR LO GSUM GYI LHA TSOGS RNAMS TE, DE YANG KHAndA KA P'A LA DANG RAB GTUM MA LA SOGS PA THUGS KYI 'KHOR LO'I LHA RNAMS SNGON PO, ,MYU GU CAN DANG SA SRUNG MA LA SOGS PA GSUNG GI 'KHOR LO'I LHA RNAMS DMAR PO, ,STOBS PO CHE DANG 'KHOR LO'I SHUGS CAN MA LA SOGS PA SKU'I 'KHOR LO'I LHA RNAMS DKAR PO'O, ,DPA' BO NYER BZHI PO THAMS CAD KYANG ZHAL GCIG PHYAG BZHI PA SPYAN GSUM PA, PHYAG DANG PO GNYIS KYIS RDOR DRIL GZUNG NAS @006B SUM? LA 'KHYUD PA, 'OG MA GNYIS KYIS dA MA RU DANG KHA tV'Am KA 'DZIN PA, DPA' BO'I CHAS KYIS BRGYAN CING, G-YAS BRKYANG GIS BZHUGS PA, DPA' MO NYER BZHI PO THAMS CAD ZHAL GCIG PHYAG GNYIS MA, SPYAN GSUM PA, YAB LA 'KHYUD PA'I PHYAG GNYIS KYIS GRI THOD 'DZIN CING, DPA' MO'I CHAS KYIS BRGYAN ?PA'O, ,DE DAG GI PHYI ROL DU DAM TSIG GI 'KHOR LO'I LHA KHA GDONG MA LA SOGS PA SGO MTSAMS MA BRGYAD DE, THAMS CAD KYANG ZHAL GCIG PHYAG BZHI'I DANG PO GNYIS KYIS GRI THONG THUGS KAR 'DZIN CING, 'OG MA GNYIS KYIS dA MA RU DANG KHA tV'Am KA BSNAMS PA, RANG RANG GI PHYOGS KYI MDOG CAN, DPA' MO'I CHAS KYIS BRGYAN CING, RO'I GDAN LA G-YAS BRKYANG GIS BZHUGS PA'O, ,DE DAG GI MTHA' SKOR DU YI DAM LHA TSOGS SANGS RGYAS BYANG SEMS DPA' PO MKHA' 'GRO CHOS SKYONG SRUNG MA'I TSOGS DPAG TU MED PA RNAMS KYIS BSKOR BA, STENG GI CHA LA RDO RJE 'CHANG LA DNGOS BRGYUD KYI BLA MA RNAMS KYIS BSKOR NAS BZHUGS PA'I LHA RNAMS KYI SPYI BOR ZLA BA LA AOm DKAR PO, ,MGRIN PAR PADMA LA A'A? DMAR PO, ,THUGS KAR NYI MA LA H'Um SNGON PO, ,RANG NYID HE RU KAR GSAL BA'I THUGS KAR PAm SER PO LAS BYUNG BA'I SNA TSOGS PADMA'I LTE BAR AAm LAS ZLA BA'I DKYIL 'KHOR LA GNAS PA'I H'Um YIG RDO RJE 'DZIN PA'I RANG BZHIN DBUS SNGO LA MTHA' SKYA BA YE SHES LNGA'I RANG BZHIN CAN GYI 'OD ZER GYIS RANG GI SPYI BO NAS RKANG PA'I BAR DU GANG, THOG MA MED PA NAS BGYIS PA'I SGO GSUM GYI DRI MA RNAMS SBYANGS, LUS SHEL GONG LTAR DAG PAR GYUR TE, BA SPU'I SGO NAS PHYIR 'BROS PA'I 'OD ZER GYIS 'OG MIN NAS BLA MA RDO RJE 'CHANG GI RNAM PA CAN DANG, 'KHOR LO SDOM PA'I DKYIL 'KHOR PA'I LHA TSOGS DANG, GZHAN YANG SANGS RGYAS DANG BYANG CHUB SEMS DPA' DANG LHA DANG LHA MO DANG KHRO BO'I TSOGS DBANG LHA'I DKYIL 'KHOR BA DANG BCAS PA NAM MKHA'I KHAMS THAMS CAD TIL GYI GANG BU LTAR GANG BA MDUN GYI NAM MKHAR SPYAN DRANGS, 'OD ZER RANG GI SNYING KHAR THIM, DZA: H'Um BAm HO:, @007A *, ,YE SHES PA RNAMS DAM TSIG PA SO SO LA THIM PAS GNYIS SU MED PAR GYUR, DBANG GI LHA RNAMS KYIS BDUD RTZI'I CHUS SPYI BO NAS DBANG BSKUR, SKU GANG, CHU LHAG MA LAR LUD PA LAS, MI BSKYOD PAS DBU BRGYAN PAR GYUR, GANG GI DRIN GYI BDE CHEN GNAS, (,SOGS TSIGS BCAD GCIG GI MJUG TU,) HE RU KA DPAL DPA' BO CHE, ,RNAM DAG RDO RJE'I DBANG PHYUG DANG, ,RJES CHAGS CHAGS PA CHE RNAMS KYI, ,RDO RJE PHAG MO DE LA 'DUD, ,GNAS DANG NYE BA'I GNAS DANG ZHING, ,'DU DANG DUR KHROD GNAS PA YI, ,DPA' BO DPA' MO DBANG PHYUG MA, ,KUN LA BDAG NI GUS PHYAG 'TSAL, ,RANG GI SNYING GA'I H'Um LAS BYUNG BA'I MCHOD PA'I LHA MO RNAMS KYIS MCHOD PAR GYUR (PAR BSAMS LA,) AOm SARBA TA TH'A GA AARGHAm PRA T'I TZTSA H'Um SV'A H'A, (NAS,) SHAPTA PRA T'ITZTSA H'Um SV'A H'A, AOm BADZRA W'I NI HUm H'Um PHAt, AOm BADZRA BAm SHE HUm H'Um PHAt, AOm BADZRA MRi TAm HUm H'Um PHAt, AOm BADZRA MU RA DZE HUm H'Um PHAt, AOm BADZRA H'A SYA HUm H'Um PHAt, AOm BADZRA L'A SYA HUm H'Um PHAt, AOm BADZRA G'I TAm HUm H'Um PHAt, AOm BADZRA NRi TYA HUm H'Um PHAt, AOm BADZRA PUshPE HUm H'Um PHAt, AOm BADZRA DH'U PE HUm H'Um PHAt, AOm BADZRA D'I BE HUm H'Um PHAt, AOm BADZRA GANDHE HUm H'Um PHAt, AOm R'U PA BADZR'I H'Um H'Um PHAt, AOm R'A SA BADZR'I HUm H'Um PHAt, AOm SPARSHA BADZRA HUm H'Um PHAt, AOm DHARM'A DH'A TU BADZR'I H'Um H'Um PHAt, (GYIS MCHOD,) AOm HR'Am: HA HA HUm H'Um PHAt, AOm A'A: H'Um, (GIS NANG MCHOD 'BUL,) RANG GI SNYING GA'I H'Um LAS BYUNG BA'I SNYING PO'I RNAL 'BYOR MA BZHI DANG SGO MTSAMS MA BRGYAD KYIS THOD PA NA GNAS PA'I BDUD RTZI LNGAS MCHOD, AOm SARBA K'A MI NI SARBA BHAKshAm SHO DHA LA GU HYA BADZRI nI SV'A H'A, AOm A'A: H'Um, YAB YUM GYI SPYI BO LA SOGS PA GNAS BZHI DANG GSANG GNAS BYIN GYIS BRLABS PAS DE GNYIS SNYOMS PAR ZHUGS PA'I BYANG CHUB KYI SEMS ZHU BA, SPYI BO NAS MGRIN PAR SLEBS PA NA DGA' BA, MGRIN PA NAS SNYING GAR SLEBS PA NA MCHOG DGA', SNYING GA NAS LTE BAR SLEBS PA NA KHYAD PAR GYI DGA' BA, LTE BA NAS NOR BU'I RTZER SLEBS PA NA LHAN CIG SKYES PA'I @007B ??? SKYES SU MYONG BAS, LHA THAMS CAD KYIS KYANG LHAN CIG SKYES PA'I DGA' BA MYONG, BDE BA CHEN PO DANG DE KHO NA NYID DBYER MI PHYED PA'I TING NGE 'DZIN LA SNYOMS PAR ZHUGS PAS GSANG BA DANG DE KHO NA NYID KYI MCHOD PAS MNYES PAR GYUR, AOm BCOM LDAN DPA' BO'I DBANG PHYUG LA PHYAG 'TSAL ???, AOm? BSKAL PA CHEN PO'I ME DANG MNYAM PA'I 'OD HUm H'Um PHAt, AOm RAL BA'I COD PAN MI BZAD PA DANG LDAN HUm H'Um PHAt, AOm MCHE RNAM PAR GTZIGS PA 'JIGS PA'I ZHAL HUm H'Um PHAt, AOm STONG PHRAG PHYAG NI 'BAR BA'I 'OD ZER CAN HUm H'Um PHAt, AOm DGRA STA ZHAGS GDENGS MDUNG DANG KHA tV'Am 'DZIN HUm H'Um PHAt , AOm? STAG? GI PAGS PA'I NA ?BZA' 'DZIN PA CAN HUm H'Um PHAt, AOm SKU CHEN DUD KHA BGEGS MTHAR MDZAD LA 'DUD HUm H'Um PHAt, DPAL LDAN (RDO RJE MKHA' 'GRO MA, ,MKHA' 'GRO MA YI 'KHOR LOS BSGYUR, ,YE SHES LNGA DANG SKU GSUM NYID, ,'GRO BA SKYOB LA PHYAG 'TSAL LO, ,JI SNYED RDO RJE MKHA' 'GRO MA, ,KUN TU RTOG PA'I 'CHING GCOD CING, ,'JIG RTEN BYA BA LA 'JUG MA, ,DE SNYED RNAMS LA PHYAG 'TSAL LO, (,ZHES BSTOD,) BGROD DKA' SRID PA'I RGYA MTSO LAS, ,BDAG GIS ('GRO) RNAMS BSKRAL BA'I PHYIR, RANG GI BDAG NYID SKAD CIG MA, ,SANGS RGYAS RNAMS LA DBUL BAR BGYI, (,ZHES BAS BDAG NYID 'BUL,) DKON MCHOG GSUM LA BDAG SKYABS MCHI, (,SOGS RKANG BA BZHI LAN GSUM BRJOD DE BYANG SEMS KYI SDOM PA DANG,) SANGS RGYAS BYANG CHUB SEMS DPA' KUN, (,ZHES SOGS LAN GSUM MAM GCIG GIS SNGAGS SDOM YANG 'DZIN, DE NAS,) CHOS BDEN BDAG NYID BSAM MI KHYAB, ,BDAG LA DBANG NI BSKUR BAR MDZOD, ,CES GSOL BA BTAB PAS; SGO MTSAMS MA BRGYAD KYIS BGEGS BSKYAD, ,DPA' BO RNAMS KYIS SHIS PA BRJOD, DPA' BO RNAMS KYIS RDO RJE'I KLU LEN, GTZO BOS DBANG BSKUR BA'I DGONGS PA MDZAD, YUM BZHI DANG PHAG MO DANG LNGAS PHYAG G-YON PA'I BDUD RTZIS GANG BA'I THOD PA CUNG ZAD YO BAR BYAS TE, AOm SARBA TA TH'A GA TA @008A *, ,AA BHI shE KA TA SA MA YA SHR'I YE H'Um, ZHES GSUNG ZHING SPYI BO NAS DBANG BSKUR BAS LUS THAMS CAD GANG, BDE BA CHEN PO MYONG, DRI MA THAMS CAD DAG ,CHU LHAG MA YAR LUD PA LAS MI BSKYOD PAS DBU BRGYAN PAR GYUR, DES BUM PA'I DBANG THOB, SNYING PO'I RNAL 'BYOR MA BZHI PHAG MO LA THIM, DE DANG HE RU KA SNYOMS PA BZHUGS PAS BYANG CHUB KYI SEMS ZHU BA RANG GI LCE LA BZHAG PA MYANG BA LAS BDE BA SKYES PAS GSANG BA'I DBANG THOB, DE NAS HE RU KA SA PHAG MO GNYIS PA ZHIG PHYAG RGYANG GNANG BA RANG GI YUM LA THIM, DE DANG SNYOMS PAR ZHUGS PAR, RLUNG THIM PA LAS LHAN SKYES KYI BDE BA MYONG BAS SHES RAB YE SHES KYI DBANG THOB, HE RU KA SA RIGS KYI BU KHYOD KYIS PHYAG RGYA DANG SBYAR BA LA BRTEN NAS THOB PA'I SNANG BA THOB PA'I YE SHES DE 'OD GSAL BAR SGOMS SHIG ,'OD GSAL DE NI SNANG MCHED THOB GSUM GYI RNAM SHES RNAM PAR DAG PA SHER PHYIN GYI NGO BO YIN LA, DON DAM PA'I BDEN PA DE NI MTHONG BA GZHAN GYI YUL LAS 'DAS PA STE, SHES RAB DANG YE SHES KYI MIG GIS LTOS SHIG ,DE LTAR GZHAN GANG GIS KYANG RANG BZHIN DU MA MTHONG BA DE 'OD GSAL BA MTHONG BA YIN NO, ,DE'I NGO NA RGYU 'BRAS GANG YANG MI SNANG MOD KYI, 'ON KYANG KUN RDZOB TU RLUNG SEMS TZAM LAS GRUB PA'I LHA RNAMS GZUGS BRNYAN LTAR GSAL LA RDZOGS PA, 'JA' TSON LTAR KHA DOG MA 'DRES PAR SO SOR SNANG BA, CHU ZLA LTAR SGRO SKUR DANG BRAL BAR LTOS SHIG ,DE 'DRA BA'I KUN RDZOB DANG DON DAM 'OD GSAL GNYIS DBYER MI PHYED PAR ZUNG DU 'JUG PA NI, BYANG CHUB KYI SEMS CHEN PO STE DBANG BZHI PA'O, (,ZHES GSUNG BAR MOS TE DBANG BZHI LEN, DE NAS,) MTHA' SKOR GYI RGYAL BA ZHI KHRO THAMS CAD BCOM LDAN 'DAS YAB YUM LA THIM, DE GNYIS RANG GI SPYI BOR AOm BADZRAS MA DZA:, SKYABS GNAS KUN 'DUS KYI NGO BO BLA MA 'KHOR LO SNGOM PA YAB YUM LA PHYAG 'TSAL ZHING SKYABS SU MCHI'O, ,GSOL BA 'DEBS SO, ,BDAG GI RGYUD LA NGES 'BYUNG BYANG SEMS @008B YANG DAG PA'I LTA BA SOGS?, MDO SNGAGS KYI LAM GYI RIM PA MTHA' DAG SKYE BAR BYIN GYIS RLOB TU GSOL, (ZHES CI NUS GSOL BA GDA', MTHAR,) BCOM LDAN 'DAS YAB YUM GYI SKU'I CHA DANG SBYOR (MTSAMS NAS) BYANG CHUB KYI SEMS KYI NGO BO BDUD RTZA'I RGYUN DKAR CHIL GYIS BABS PAS LUS KYI NANG THAMS CAD GANG , YAB YUM GNYIS KA'ANG RANG GI SPYI BO NAS ZHUGS DBU MA'I LAM BRGYUD DE, SNYING GAR RTZA 'DAB BRGYAD PA'I DBUS SU MI BSHIG PA'I THIG LE DANG NGO BO DBYER MED DU BZHUGS PAR (GYUR BAR BSAMS LA MNYAM PAR 'JOG, DE NAS, GTZO 'KHOR THAMS CAD KYI BZLAS PA SGRUB THABS BZHIN BYA BA'AM, BSDU NA,) AOm SHR'I BADZRA HE HE RU RU KAm H'Um H'Um PHAt, d'A KI N'I DZ'A LA SHAm BA RAm SV'A H'A, (ZHES YAB KYI SNYING PO DANG,) AOm HR'I: HA HA H'Um H'Um PHAt, (NYE SNYING,) AOm BADZRA BEE RO TZA N'E YE H'Um H'Um PHAt SV'A H'A, (YUM GYI SNYING PO DANG,) AOm BADZRA BUDDHA d'A GI N'I YE BADZRA WARnnA N'I YE H'Um H'Um PHAt SV'A H'A, (NYE SNYING STE BZHI BZLA, YANG NA, SNYING PO GNYIS TZAM MAM, LTA DRUG CU'I SNGAGS SHIN DU BSDUS PA BYED NA,) AOm RAm R'Am, Lim Li'm, KAm KHAm GAm NGAm TZAm TSAm DZAm DZHAm NYAm tAm thAm dAm thAm nAm TAm THAm DAm GHAm NAm PAm PHAm BAm BHAm YAm RAm LAm LLAm SHAm shAm SAm HAm HUm H'Um PHAt, (CES BZLAS CHO GA PAR RJE NYID KYIS BSHAD PAS DE LTAR BYA'O, ,MJUG DU,) SRID PA GSUM 'BAR SKU NI RJES CHAGS DUL BAR LDAN, ,'OD ZER SNGON PO STONG LDAN NYI MA BRGYA STONG LDAN, ,RNAM MANG SKU DANG CHA LUGS RJES CHAGS SEMS DPAR LDAN, ,HE RU KA DPAL DE DANG LHAN CIG GAR BYED SHOG ,DGE BA 'DI YIS MYUR DU BDAG ,HE RU KA DPAL 'GRUB GYUR NAS, (,ZHES SOGS KYIS BSNGO SMON BYA, THUN DU BCAD NAS BSGOM PA'I TSE, GTOR MA SGRUB THABS BZHIN 'BUL BAR BYA'O, ,SGRUB THABS RGYAS PA MA LCOGS PA'I TSE DE'I DON DU'ANG 'DI BZHIN BYAS NA SHIN TU LEGS PA YIN NO,, ,,GSUM PA 'JIGS BYED KYI BLA MA'I RNAL 'BYOR NI, SKU DANG MCHOD PA SOGS BCOD NA LTA GON BYAS TE, SKYABS SEMS TSAD MED BZHI SNGON DU BTANG NAS,) RANG NYID SKAD CIG GIS DPAL RDO RJE 'JIGS BYED, (NAS,) YUM DANG BCAS PA'I SKUR BZHENGS PAR GYUR (PAR BSAMS ,) @009A *, ,(MCHOD PA BCU GSUM MA LTAR BYIN GYIS BRLAB PA'AM, BSDU NA,) AOm A'A: H'Um HA HO HR'Am:, (LAN GSUM, DE NAS,) RANG GI MDUN GYI NAM MKHAR PAm LAS SNA TSOGS PADMA'I LTE BAR ZLA BA DANG NYI MA'I GDAN LA H'Um LAS RDO RJE H'Um GYIS MTSAN PA, DE LAS 'OD 'PHROS, 'DUS YONGS SU GYUR PA LAS RTZA BA'I BLA MA DANG NGO BO DBYER MI PHYED PA'I BCOM LDAN 'DAS DPAL RDO RJE 'JIGS BYED CHEN PO SKU MDOG MTHING NAG ZHAL DGU, PHYAG SO BZHI, ZHABS BCU DRUG PA G-YAS BSKUM ZHING G-YON BRGYANG PA'I STABS KYIS, (ZHES SOGS SGRUB THABS BZHIN SEMS DPA' SUM BRTZEGS YUM BCAS BSPYAD PA'AM, BSDU NA,) G-YON BRKYANG PA'I STA PAS KYIS YE SHES KYI ME RAB TU 'BAR BA'I DBUS NA BZHUGS PA YUM DANG BCAS PA'I SKUR BZHENGS PAR GYUR, DE'I THUGS KAR ZLA GDAN LA 'JAM DPAL YE SHES SEMS DPA', DE'I THUGS KAR NYI GDAN LA TING NGE 'DZIN SEMS DPA' H'Um YIG STE, SEMS DPA' GSUM GYI BDAG NYID CAN NO, , DE'I MTHA' BSKOR DU BLA MA YID DAM MCHOG GSUM DPA' BO MKHA' 'GRO CHOS SKYONG SRUNG MA'I TSOGS RNAMS KYIS BSKOR NAS BZHUGS PA'I SPYI BOR 'JIGS BYED DKAR PO, ,MGRIN PAR 'JIGS BYED DMAR PO, ,THUGS KAR 'JIGS BYED SNGON PO, ,LTE BAR 'JIGS BYED SER PO, ,GSANG GNAS SU 'JIGS BYED LJANG KHU RNAMS ZHAL GCIG PHYAG GNYIS KYIS GRI THOD BZUNG NAS YUM LA 'KHYUD PA, MA HE'I GDONG PA CAN, PAD NYI'I GDAN LA G-YON BRKYANG GIS BZHUGS PA'O, ,DE RNAMS KYI SPYI BOR AOm DKAR PO, ,MGRIN PAR A'A: DMAR PO, ,THUGS KAR H'Um SNGON PO, ,THUGS KA'I H'Um LAS 'OD ZER 'PHROS PAS, RANG BZHIN GYI GNAS NAS RTZA BA'I BLA MA DANG DPAL RDO RJE 'JIGS BYED RIGS LNGA LA BRGYUD PA'I BLA MA RNAMS DANG, PHYOGS BCU'I SANGS RGYAS BYANG SEMS ZHI KHRO RAB 'BYAMS THAMS CAD KYIS BSKOR BA SPYAN DRANGS, AOm HR'I: HA BHO (SOGS KYI MTHAR,) DZA: H'Um BAm HO:, DAM TSIG PA DANG GNYIS SU MED PAR GYUR, SLAR YANG THUGS KA'I H'Um LAS @009B 'OD ZER 'PHROS, DBANG GI LHA RIGS LNGA 'KHOR BCAS SPYAN DRANGS, KHYED RNAMS KYIS MNGON PAR DBANG BSKUR TU GSOL, ZHES GSOL BA BTAB PAS, DE RNAMS KYIS SPROS PA'I LHA MO RNAMS KYIS YE SHES KYI BDUD RTZIS GANG PA'I BUM PA THOGS NAS, AOm SARBA (NAS,) H'Um, ZHES DBANG BSKUR, (NAS) MI BSKYOD PAS DBU BRGYAN PAR GYUR (PAR BSAM,) GANG GI DRIN GYIS BDE CHEN GNAS, (,ZHES SOGS DANG,) GZUGS MCHOG MCHOG TU (SOGS DANG,) SANGS RGYAS KUN GYA DNGOS PO (SOGS DANG,) PHYAG BYAR 'OS PA (SOGS CI RIGS KYIS PHYAG 'TSAL, DE NAS MCHOD PA RNAMS TSIGS BCAD SNGAGS DANG BCAS PAS SAM, BSDU NA,) RANG GI SNYING GA'I H'Um LAS BYUNG BA'I MCHOD? PA'I LHA MO RNAMS KYIS MCHOD PAR GYUR (PAR BSAMS LA,) AOm YA M'ANTA KA SA P'A RI WA RA AARGHAm PRA TITZTSA H'Um SV'A H'A, (NAS,) SPARSHA ('I BAR DANG,) TZAKRA RATnA (NAS,) KHANGGA RA (TnA'I BAR DANG,) BDAG GZHAN LUS NGAG (SOGS KYIS MAndAL DANG NANG MCHOD KYANG 'BUL ZHING, DE NAS) BLA MA YAB YUM SNYOMS PAR ZHUGS PAS LHAN SKYES KYI BDE PAS STONG PA DES PA'I BDE STONG DBYER MED KYI YE SHES SKYES PAS GSANG BA DANG DE KHO NA NYID KYI MCHOD PAS MNYES PAR GYUR (CES BRJOD CING BSAM,) SLAR YANG, PHYOGS BCU'I RAB 'BYAMS ZHING NA MCHIS PA YI, ,JI SNYED PHYI NANG GSANG BA'I MCHOD TSOGS 'BUL, ,THOG MED DUS NAS MA RIG DBANG GYUR PA'I, ,SGO GSUM NYES PA'I TSOGS RNAMS SO SOR BSHAGS, ,'KHOR 'DAS KUN GYI RNAM DKAR DGE BA'I TSOGS, ,JI SNYED MCHIS PA KUN LA RJES YI RANG, ,SLU MED SKYABS KYI DAM PA KHYED RNAMS LA, ,ZA BA DANG RGYA CHE'I CHOS 'KHOR BSKOR BAR BSKUL, ,THUGS RJE CHE LDAN BLA MA LHA TSOGS RNAMS, ,BSKAL BRGYAR 'GRO BA'I DON DU BZHUGS SU GSOL,, 'DI LTAR BGYIS PA'I DGE TSOGS CI MCHIS PA, ,'GRO BA'I DON DU BYANG CHUB THOB PHYIR BSNGO, ,DKON MCHOG GSUM LA SKYABS SU 'GRO, (,ZHES SOGS KYI RKANG PA BZHIS BYANG SDOM LEN CING,) SPRO NA, (REGS LNGA'I SDOM BZUNG KYANG BYA'O, ,DE NAS,) MTHA' SKOR GYI RGYAL BA ZHI KHRO THAMS CAD GTZO BO LA THIM PAS SKYABS GNAS KUN 'DUS KYI @010A *, ,BDAG NYID DU GYUR (BAR MOS LA,) BLA MA KUN 'DUS KYI NGO BO BLA MA RDO RJE 'JIGS BYED LA GSOL BA 'DEBS SO, (,DE BZHIN DU?,) YI DAM X, SANGS RGYAS X, DAM CHOS X, DGE 'DUN X, MKHA' 'GRO X, CHOS SKYONG X, SKYABS GNAS KUN 'DUS KYI NGO BO BLA MA RDO RJE 'JIGS BYED LA GSOL BA 'DEBS SO, ,THUGS RJES GZUNG TU GSOL, BYIN GYIS RLOB TU GSOL, (CES CI NUS SAM, BSDU NA, PHYI MA TZAM ZHIG GIS BYA,) ZHES GSOL BA BTAB PAS BLA MA'I SKU'I CHA LAS 'OD DANG BDUD RTZI'I RGYUN DPAG TU MED PA BYUNG STE RANG GZHAN SEMS CAN THAMS CAD KYI SDIG SGRIB NAD GDON DANG BCAS PA THAMS CAD SBYANG, TSE DANG BSOD NAMS DANG LUNG RTOGS KYI YON TAN RNAMS RGYAS PAR BYAS, BLA MA LHA'I SKU GSUNG THUGS KYI BYIN RLABS MTHA' DAG RGYUD LA ZHUGS PAS MCHOG THUN GYI DNGOS GRUB MA LUS PA SGRUB PA'I SKAL PA CAN DU GYUR (PAR BSAM, DE NAS,) BLA MA RGYAL BA KUN 'DUS KYIS, ,BDAG LA DBANG BZHI BSKUR DU GSOL, ,ZHES GSOL BA BTAB PAS, BLA MA'I THUGS KA NAS SPROS PA'I DBANG GI LHA RNAMS KYIS BDUD RTZIS GANG BA'I BUM PA THOGS NAS, AOm SARBA (NAS,) H'Um, ZHES GSUNG ZHING SPYI BO NAS DBANG BSKUR BAS LUS KYI NANG THAMS CAD GANG BAS DE'I SGRIB PA SBYANGS, BUM PA'I DBANG THOB, BSKYED RIM BSGOM PA LA DBANG BAR BYAS, SPRUL SKU 'GRUB PA'I NUS PA KHYAD PAR CAN BZHAG ,BLA MA YAB YUM SNYOMS PAR ZHUGS PA'I SBYOR MTSAMS NAS BYANG SEMS DKAR DMAR BYUNG BA, RANG GI LCE LA MYANG BAS NGAG GI SGRIB PA DAG ,GSANG BA'I DBANG THOB, SGYU LUS BSGOM PA LA DBANG BAR BYAS, LONGS SKU 'GRUB PA'I NUS PA KHYAD PAR CAN BZHAG ,BLA MA DANG GTZO BO THA MI DAD PA'I YUM LAS YUM GNYIS PA ZHIG CHAD NAS RANG GI YUM LA THIM, DE DANG MNYAM PAR SBYAR PAS DGA' BA GSUM DANG, KHYAD PAR LHAN CIG SKYES PA'I DGA' BA NYAMS SU MYONG, BDE BAS STONG PA NGES PA'I BDE STONG DBYER MED DU @010B ? BAS YID KYI SGRIB PA SBYANGS, SHES RAB YE SHES KYI DBANG THOB, DON DAM 'OD GSAL BSGOM PA LA DBANG BAR BYAS, CHOS KYI SKU 'GRUB PA'I NUS PA KHYAD PAR CAN BZHAG ,BLA MA YAB YUM LAS RANG 'DRA GNYIS PA ZHIG CHAD NAS RANG LA THIM PAS, LUS NGAG YID GSUM GYI SGRIB PA SBYANGS, DBANG ? ZHI PA THOB, ZUNG 'JUG BSGOM PA LA DBANG BAR BYAS, 'BRAS BU RDO RJE 'CHANG GI SKU 'GRUB PA'I NUS PA KHYAD PAR CAN BZHAG GO (,DE NAS,) BLA MA YAB YUM RANG GI SPYI BOR BYON PAR GYUR (BAR BSAMS LA, SLAR YANG,) SKYABS GNAS KUN 'DUS KYI BDAG NYID BLA MA RDO RJE 'JIGS BYED CHEN PO GSOL BA 'DEBS SO, ,BDAG LA BYIN GYIS RLOB TU GSOL, ZHES (LAN BDUN NAM NYER GCIG SOGS BYA,) GSOL BA BTAB PAS BLA MA YAB YUM RANG GI SPYI BO'I TSANGS BU GNAS SNYING KAR ZHUGS PAS, RANG NYID DPAL RDO RJE 'JIGS BYED ZHAL GCIG PHYAG GNYIS GRI GUG DANG THOD PA 'DZIN PA YUM DANG BCAS PA'I SKUR GSAL BAR GYUR, RANG GI THUGS KA'I H'Um LAS 'OD ZER 'PHROS, SNOD BCUD THAMS CAD LA 'PHOG PAS, DE DAG GI SKYON THAMS CAD SBYANGS, SNOD THAMS CAD GZHAL YAS KHANG DANG, BCUD THAMS CAD RDO RJE 'JIGS BYED KYI SKUR GYUR (PAR BSAMS LA, SNGAGS GSUM CI 'GRUB BZLA'O, MTHAR YIG BRGYA BRJOD DA,) SKYE BA KUN DU ('AM,) DGE BA 'DI YIS MYUR DU BDAG ,'JAM DPAL ZHI KHRO 'GRUB GYUR NAS, (,ZHES SOGS BSNGO SMON BYA'O, DE LTAR THUN BZHI'AM, GSUM MAM, GNYIS SAM, GCIG TU NYAMS SU BLANGS NA NI PHAN YON DPAG TU MED PA 'BYUNG NGO ZHES RGYAL BA DBEN SA BAS BSHAD DO, ,'DI DAG GANG NYAMS SU LEN) YANG DBANG THOB PA SNGON DU 'GRO DGOS LA , (DE THOB NAS GSANG BDE 'JIGS GSUM LTA BU'I BLA MED KYI BSKYED RDZOGS GNYIS KA'AM, GANG RUNG RGYAS PAR NYAMS LEN DU BYED BZHIN PA YIN NA SHIN TU LEGS MOD, DE DAG RGYAS PAR MA LCOGS PA'I TSE 'DI BZHIN BYAS NA'ANG LEGS PA YIN NO, ,DES NA BLO GROS CAN SKAL BA DANG LDAN PA SU DAG BLA MED KYI LAM DU ZHUGS NAS 'DI LTA BU'I NYAMS LEN GYI PHYOGS RE TZAM @011A *, ,MED NA, PHYIS SANGS RGYAS DANG 'DRA BA'I LAM BZANG PO DANG 'PHRAD PA'I SKAL BA DANG BRAL BAR 'GYUR PAS, 'DI LTA BU'I NYAMS LEN GYI PHYOGS LA CI NUS SU 'BAD PAR BYA ZHING,) DAM PA DON MED PAR MI BYA'O, ,DE LTA NA'ANG SHIN TU SNYIGS MA LNGA BDO BA'I DUS 'DIR NI, LAM GYI RTOGS PA MCHOG RNAMS RANG CAG LTA BU'I RGYUD LA SKYE DGA' YANG, PHYOGS MTHUN GYI BAG CHAGS BZANG PO RE 'JOG PAR GNAD CHE MA, DE YANG,) GSANG BA DE SOGS KYI BSKYED RDZOGS NYID 'GANGS CHE BA TZAM GYIS MI CHOG GI) ,RANG GI BLO TSOD DANG BSTUN NAS RGYUD THOG TU KHEL BAR BYED NUS (MI NUS LA THUG PAS, RANG GI BLO DANG MI 'TSAMS PA'I CHO GA RGYAS PA TZAM LA NI DGA' BAR MI BYA BAR BSHAD DO,, SMRAS PA,) RGYUD KYI MTHAR THUG G-YANG BA DE 'JIGS GSUM GYI, ,BRJOD BYA MTHAR THUG RIM GNYIS NYAMS LEN TE, ,SNYING PO MTHAR THUG BLA MA'I RNAL 'BYOR NYID, ,MAN NGAG MTHAR THUG YIN NAM SNYAM NAS BRIS,, (,ZHES PA 'DI'ANG, SH'AKYA'I DGE SLONG RAB 'BYAMS SMRA BA GRAGS PA BSHAD SGRUB KYIS, PAn CHEN GONG MA SOGS DAM PA SNGA MA'I MAN NGAG LA BRTEN NAS GZHAN LA PHAN PAR GYUR NA CI MA RUNG SNYAM PA'I 'DUN PA) KHO NAS SBYAR BA STE, 'DIS KYANG RJE BLA MA'I BSTAN PA LA PHAN THOGS PAR GYUR CIG,, ,,BKRA SHIS, , @011B [BLANK PAGE]