[preliminary data - not manually proofread] [SNGON 'GRO'I DPAR GZHI] @001A *, ,'DUS PA'I RTZA RGYUD DANG BDE MCHOG GI SKOR NAS STONG NYID BSTEN TSUL GSAL BAR BYED PA'I SGRON ME ZHES BYA BA BZHUGS SO, , @001B #, ` ,NA MO MANYDZU SHR'I GHO sh'A YA, GDOD NAS RANG BZHIN RNAM DAG CHOS DBYINGS DANG, DBYER MED DPE DON 'OD GSAL LAS 'KHRUNGS PA'I, 'BRAS BU ZUNG 'JUG MI PHYED RDO RJE'I SKU,, BLA MA KHYAB BDAG DANG PO'I MGON LA 'DUD, ,THAR PAR BGROD PA'I ZHI SGO GNYIS MED LAM, ,ZAB DON RTOGS PA'I BLO LAS GZHAN MED PAS, ,DE NYID BDE GSANG RGYUD LAS GSUNGS PA'I TSUL, , DAD DANG RNAM DPYOD NYID KYIS BSHAD PAR BYA, 7 ,DE YANG TING NGE 'DZIN RGYAL PO LAS, GAL TE BDAG MED CHOS LA SO SOR RTOG ,SO SOR DER BRTAGS GANG ZHIG SGOM BYED PA, ,DE NI MYA NGAN 'DAS THOB 'BRAS BU'I RGYU, ,RGYU GANG GIS NI DE NI ZHIR MI 'GYUR, ,ZHES SOGS KYIS MTSON TE MDO SNGAGS KYI GZHUNG DU MA LAS THAR PA DANG THAMS CAD MKHYEN PA THOB PA LA ZAB DON NGES PAR RTOGS DGOS SHING , MA RTOGS NA LAM GZHAN GANG GIS KYANG DE THOB MI NUS SO ZHES BSHAD DE GAL CHE'O, ,ZAB DON 'GREL PA'I RGYA BOD KYI GZHUNG MANG YANG, KLU SGRUB YAB SRAS KYI DGONGS PA RJE NYID KYIS BKRAL BA'I RJES SU 'BRANG NAS 'CHAD CING, DE LA MDO PHYOGS DANG BSTUN NAS ZAB DON 'CHAD PA'I SKOR DU MA ZHIG BDAG GIS GZHAN DU BSHAD ZIN PAS, SKABS 'DIR 'DUS PA'I RTZA RGYUD DANG BDE MCHOG GI SKOR NAS ZAB DON @002A *, ,'CHAD PA'I GZHUNG 'GA' ZHIG LOGS SU BKOD DE DON MCHAN 'GREL SOGS DANG MTHUN PAR CUNG ZAD BRJOD PAR BYA'O, ,SPYIR SNGAGS KYI GZHUNG MANG POR CHOS KUN SH'U N+YA TA DANG SVA BH'A WAS STONG PAR SBYANGS TE STONG NYID KYI DON DRAN PA'I SGO NAS, STONG PA'I NGANG LAS RTEN BRTEN PA BSKYED PA'I TSUL MANG BAS NA, SNGAGS PHYOGS LA STONG NYID KYI DON SHES PA GNAD DU CHE MOD, DA LTA PHAL CHER NI DON MI SEMS PAR TSIG TZAM ZHIG BRJOD PAR BYED DO, ,DES NA 'DIR 'DUS PA DANG BDE MCHOG GI RGYUD GNYIS KYI DANG PO 'DUS PA'I RTZA RGYUD KYI LE'U GZHAN LAS STONG NYID BSTAN PA YOD KYANG, GTZO BO'I DBANG DU BYAS NA LE'U GNYIS PA, DGU PA, BCVO LNGA PA, BCU BDUN PA'O, ,'DI DAG 'CHAD PA LA GNYIS, SPYIR BSTAN PA DANG, RGYUD KYI TSIG DON LTAR BSHAD PA'O, ,DANG PO NI, STONG NYID KYI DON RTOGS PA LA THOG MAR DGAG BYA NGOS ZIN DGOS PA YIN TE , DGAG BYA PHUNG PO BDEN GRUB NGOS MA ZIN NA, DE BKAG PA'I PHUNG PO BDEN STONG NGES MI NUS PA'I PHYIR TE, DPER NA, DGAG BYA BUM PA'I DON SPYI BLO YUL DU MA SHAR BAR DE BKAG PA'I BUM MED NGES MI NUS PA BZHIN YIN PA'I PHYIR TE, SPYOD 'JUG LAS, BTAGS PA'I DNGOS LA MA REG PAR, ,DE YI DNGOS MED 'DZIN MA YIN, ,ZHES GSUNGS PA'I PHYIR, DE'I DON NI SA PHYOGS DER BUM PA MI 'DUG CES THAG CHOD PA LA SNGON DU BUM PA NGO SHES PA ZHIG DGOS KYI, BUM PA MA SHES PAR DER BUM PA MI 'DUG CES THAG GCOD MI NUS PA LTAR, @002B BDEN GRUB DE CI 'DRA ZHIG LA BYED PA MA NGES PAR BDEN MED LEGS PAR NGES MI NUS SO ZHES PA'O, ,DES NA DGAG BYA BDEN GRUB NGOS ZIN PA GAL CHE ZHING, NGOS 'DZIN TSUL LA RANG RGYUD PA MAN CHAD KYI GRUB MTHA' SO SO'I NGOS 'DZIN TSUL MI 'DRA BA 'GA' RE YOD KYANG, 'DIR MGON PO KLU SGRUB KYI LUGS BZHIN RGYAS PAR BRJOD NA MANG DU 'GYUR DOGS NAS SNYING PO BSDUS TE BSHAD NA, CHOS THAMS CAD KYI STENG DU DGAG BYA'I RTZA BA 'GOG PA'I DBANG DU MDZAD DE, DBU MA RTZA BA SHES RAB LAS, GANG PHYIR RTEN 'BYUNG MA YIN PA'I, ,CHOS 'GA' YOD PA MA YIN PA, ,DE PHYIR STONG PA MA YIN PA'I, ,CHOS 'GA' YOD PA MA YIN NO, ,ZHES DANG, BRTEN NAS 'BYUNG BA GANG YIN PA, ,DE NI STONG PA NYID DU BSHAD, ,ZHES DANG, 'PHAGS PA LHAS, BRTEN NAS 'BYUNG BA GANG YIN PA, ,DE NI RANG DBANG MI 'GYUR RO, ,'DI KUN RANG DBANG MED PA STE, ,DES NA BDAG NI YOD MA YIN, ,ZHES DANG, DE'I 'GREL BAR DPAL LDAN ZLA BAS, BDAG CES BYA BA NI GANG ZHIG DNGOS PO RNAMS KYI GZHAN LA RAG MA LAS PA'I NGO BO'I RANG BZHIN TE, DE MED PA NI BDAG MED PA'O,, DE YANG CHOS DANG GANG ZA GI DBYE BAS RNAM PA GNYIS SU RTOGS TE CHOS KYI BDAG MED PA DANG GANG ZAG GI BDAG MED PA ZHES BYA'O, ,ZHES GSUNGS BA LTAR MTSON TZAM BRJOD NA RJE ZHAL SNGA NAS KYI RTEN 'BREL BSTOD PAR, GANG GANG RKYEN LA RAG LAS PA, ,DE DE RANG BZHIN GYIS STONG ZHES, ,GSUNGS PA 'DI LAS YA MTSAN PA'I, ,LEGS 'DOMS TSUL NI CI ZHIG YOD, ,CES GSUNGS PA @003A *, ,LTA BU STE, SPYIR CHOS THAMS CAD NI RANG RANG GI CHA SHAS LA LTOS NAS GRUB PAR 'JOG CING KHYAD PAR DU 'DUS BYAS KYI CHOS RNAMS NI RANG GI CHA SHAS DANG RGYU RKYEN TSOGS PA LA BRTEN NAS GRUB PA'I RAG LAS PA YIN LA, DE DAG LAM LTOS SHING RAG MA LAS PA'I TSUL GYIS MA GRUB BA'I PHYIR RANG DBANG GIS MA GRUB CING, RANG GIS NGO BO NYID KYIS MA GRUB PAS RANG BZHIN GYIS GRUB PA'ANG MA YIN NO, ,DES NA PHUNG SOGS KYI CHOS THAMS CAD KYANG BRTEN NAS GRUB PA DANG, BRTEN NAS BTAGS PA NYID KYIS GRUB PAR 'JOG GI ,RANG GI NGO BO NYID KYIS MA GRUB PAS GZHAN LA RAG MA LAS PA DANG RANG GI NGO BO NYID KYIS GRUB PA DE DGAG BYA'I TSES SO, ,DE LTA NA'ANG BRTEN NAS 'BYUNG BA'I CHOS TZAM LA SGRA DANG RTOG PAS DE DANG DE'O ZHES 'DOGS SO, ,DE LTAR BTAGS PA TZAM GYI RJES SU 'JUG PA'I RTEN 'BREL GYI BYA BYED THAMS CAD 'THAD TSUL SHES PA GNAD DU CHE YANG 'DIR MI BRJOD DE GZHAN DU SHES PAR BYA'O, ,GNYIS PA LA BZHI LAS DANG PO 'DUS PA'I RGYUD KYI LE'U GNYIS PA LAS GSUNGS PA'I TSUL LA GNYIS, DNGOS DANG, DE'I CHED BRJOD DO, ,DANG PO LA DRUG LAS THOG MA RDO RJE 'CHANG GIS GSUNGS BA NI, DNGOS PO MED PAS SGOM PA MED, ,BSGOM BAR BYA BA SGOM PA MIN, ,DE LTAR DNGOS PO DNGOS MED PAS, ,SGOM PA DMIGS SU MED PA'O, ,ZHES SO, ,'DI'I DON TSUL BZHI'I SGO NAS BSHAD DE, YIG DON, SPYI DON, SBAS DON, MTHAR THUG TU BSHAD PA DANG BZHI , @003B DANG PO NI, DE KHO NA NYID KYI DON LA DPYOD PA'I RIGS PAS SNOD BCUD KYI CHOS LA DPYAD PA'I TSE, SNOD BCUD KYI DNGOS PO MA RNYED PA DE SNOD BCUD MED PA'I DON DU BZUNG NAS SGOM PA SNOD BCUD KYI DE KHO NA NYID SGOM PAR 'DOD NA, DE NI MI 'THAD DE, RIG NGO? DER SNOD BCUD KYI DNGOS PO MED KYANG SNOD BCUD MED PA MA YIN PA'I PHYIR TE, SNOD BCUD KYI DNGOS PO GTAN MED NA NI GANG SGOM PAR BYA BA'I DE KHO NA NYI DANG JI LTAR SGOM PA'I TING NGE 'DZIN DANG, GANG GIS SGOM PAR BYED PA'I SGOM PA PO GSUM YANG MED PAR THAL BA'I PHYIR, GAL TE DE LTA BU MIN YANG SNOD BCUD KYI CHOS RANG BZHIN GYIS GRUB PAR SGOM PA DE, DE'I DE KHO NA NYID SGOM PAR 'JOG GO ZHE NA, DE YANG MI 'THAD DE, SNOD BCUD RANG BZHIN GYIS GRUB NA GANG BSGOM PA DANG, JI LTAR SGOM PA DANG, GANG GIS SGOM PAR BYED PA PO GSUM YANG MED PAR 'GYUR BA'I PHYIR TE, RANG BZHIN GYIS YOD NA BSGYUR MI NUS SHING BCOS SU MI RUNG BAS BYA BYED 'THAD PAR MI 'GYUR BA'I PHYIR TE, DBU MA RTZA BA SHES RAB LAS, LAM LA RANG BZHIN YOD NA NI, ,BSGOM PA 'THAD PAR MI 'GYUR RO, ,ZHES DANG, RJES KYANG, RANG BZHIN LDOG PA MED PA'I PHYIR, ,CHOS RNAMS RANG BZHIN 'GA' YOD NA, ,MYA NGAN 'DAS PAR MI RUNG ZHING, ,SPROS KUN LDOG PA MED PAR GSUNGS, ,ZHES DANG, RANG BZHIN BCOS MIN BLTOS MED DANG, ,RTEN 'BREL BLTOS DANG BCOS MA GNYIS, ,JI LTA BUR NA GZHI GCIG LA, ,MI 'GAL 'DU BA NYID DU 'GYUR, ,ZHES GSUNGS PA LTAR RO, ,SNOD @004A *, ,BCUD RANG BZHIN GYIS YOD PA DANG, DE GTAN NAS MED PA'I GZHI 'THUN DU SGOM PA YANG DE KHO NA NYID SGOM PA MIN TE, DE 'DRA BA'I GZHI 'THUN TSAD MAS MA GRUB PA'I PHYIR, DES NA DE 'DRA BA'I GZHI 'THUN RANG BZHIN GYIS GRUB PAR SGOM PA YANG MI 'THAD DE, KHYAD GZHI MED PA'I KHYAD CHOS MI 'THAD PA'I PHYIR, GZHUNG 'DIS SNOD BCUD KYI CHOS RNAMS MTHA' BZHI DANG BRAL BAR BSTAN TE, RKANG PA DANG POS SNOD BCUD LA MED MTHA' BKAG NAS THA SNYAD DU YOD BAR BSTAN, RKANG PA GNYIS PAS SNOD BCUD LA RANG BZHIN GYIS GRUB PA'I YOD MTHA' BKAG ,RKANG PA PHYI MA GNYIS KYIS YOD MED GNYIS KA'I MTHA' DANG BRAL BA DNGOS SU BSTAN NAS SHUGS LA YOD MED GNYIS KA MA YIN PA'I MTHA' DANG BRAL BAR BSTAN PA'I PHYIR RO, ,BLO LA LTOS TE MTHA' BZHIR BSHAD KYANG YOD MED KYI MTHA' GNYIS SU 'DU BA YIN TE, RANG BZHIN GYIS YOD PA DANG THA SNYAD DU MED PA GNYIS SU NGES PA'I PHYIR RO, ,GNYIS PA SPYI'I DON LA , PHUNG PO 'DI CHOS CAN, RANG BZHIN GYIS MED DE, RANG BZHIN GYIS GCIG TU MED CING, RANG BZHIN GYIS DU MA YANG MED PA'I PHYIR, DPER NA, ME LONG NANG GI GZUGS BRNYAN BZHIN RTEN 'BREL DANG CHA BCAS GNAD GCIG PAS RTEN 'BREL RTAGS SU BKOD NAS BSGRUBS KYANG LEGS MOD, GO BDE BA'I CHED DU CHA BCAS KYI RTAGS KYIS BSGRUBS NA, DE CHOS CAN, RANG BZHIN GYIS GCIG TU MA GRUB STE, CHA BCAS YIN PA'I PHYIR, CHA BCAS YIN NA, RANG @004B BZHIN GYIS GCIG TU MA GRUB DGOS TE, DE YIN NA SNANG TSUL NGO BO THA DAD DU SNANG YANG, GNAS TSUL NGO BO GCIG TU YOD DGOS PAS SNANG TSUL DANG GNAS TSUL MI MTHUN DGOS, RANG BZHIN GYI SA GCIG TU GRUB NA SNANG TSUL DANG GNAS TSUL MTHUN DGOS PA'I PHYIR, DANG PO GRUB STE, BUM PA LTA BU RTOG PA LA SNANG PA'I TSE RANG GI MCHU ZHABS SOGS CHA SHES? DANG NGO BO THA DAD DU SNANG LANG, GNAS TSOD LA BUM PA RANG GI CHA SHAS RNAMS DANG NGO BO GCIG YIN PA'I PHYIR, DER THAL , RTOG PA LA CHA CAN BUM PA DANG CHA SHAS BUM PA'I MCHU ZHABS SOGS NGO BO THA DAD LTAR SNANG BA'I PHYIR, DER THAL, BUM PA'I MCHU ZHABS SOGS BUM PAR MI SNANG ZHING, DE DAG BUM PAR MI 'DZIN PA'I PHYIR, DANG PO DER THAL BUM PA'I CHA SHAS THAMS CAD BUM PAR SNANG NA BUM PA GCIG GI STENG DU BUM PA'I CHA SHAS KYI GRANGS DANG MNYAM PA'I BUM PA RE RE SNANG DGOS PAR 'GYUR BA'I PHYIR RO, ,SNANG TSUL DANG GNAS TSUL MI MTHUN PA DE BRDZUN PA'I STOD LUGS LA 'THAD CING MI 'GAL YANG, BDEN PAR GRUB PA'I STOD LUGS LA 'GAL BA YIN TE, BDEN PAR GRUB NA, SNANG TSUL DANG GNAS TSUL MTHUN DGOS SHING, MI MTHUN NA BDEN PAR GRUB PA'I DON MTSANG? BA'I PHYIR, GZHAN YANG, CHA BCAS YIN NA RANG BZHIN GYIS GRUB PA'I GCIG MIN DGOS TE, CHA BCAS YIN NA CHA SHAS RNAMS DANG LHAN CIG TSOGS DGOS PAS DU MA'I BDAG NYID CAN YIN DGOS LA, RANG BZHIN GYIS GCIG TU GRUB NA CHA SHAS LA LTOS MED KYI SGO NAS GCIG TU @005A *, ,YOD DGOS PA'I PHYIR, MED NA BDEN PA'I GCIG YIN PAR 'GAL LO, ,RTZA BA'I RTAGS SGRUB PA NI, PHUNG PO CHOS CAN, CHA BCAS YIN TE, GZHI GRUB, CHA MED SHES BYA PA? MI SRID PA'I PHYIR, MI SRID DE , 'DUS BYAS LA MI SRID, 'DUS MA BYAS LA'ANG MI SRID PA'I PHYIR, DANG PO GRUB STE, GZUGS CAN LA MI SRID CING, SHES PA LA'ANG MI SRID PA'I PHYIR, DANG PO GRUB STE, CHA MED DU KHYOD 'DOD PA'I DBUS RDUL GCIG PHYOGS RDUL DRUG GIS BSKOR BA'I TSE, DBUS RDUL GYI SHAR GYI CHA DE NUB RDUL LA BRTEN NAM MA BRTEN, BRTEN NA MI 'THAD DE, SHAR NUB KYI RDUL GNYIS GO SA 'DRES NAS GCIG TU 'GYUR BA'I PHYIR, 'DOD NA, RDUL PHRAN CI TZAM BSAGS KYANG BOD TSOD CHEN PO 'GYUR MI SRID PAR THAL LO, ,MA BRTEN NA CHA MED DU 'DOD PA'I DBUS RDUL DE CHOS CAN, CHA BCAS SU THAL, KHYOD KYI SHAR RDUL LA BRTEN PA'I CHA DE NUB RDUL LA MA BRTEN PAS, DE LA BRTEN MA BRTEN PA'I CHA GNYIS ? 'DUG PA LTAR, PHYOGS DRUG GI CHA YANG KHAS LEN DGOS PA'I PHYIR RO, ,DE SKAD DU SLOB DPON DBYIG GNYEN GYIS, DRUG GIS CIG CHAR SBYAR BA NA, ,PHRA RAB RDUL CHA DRUG TU 'GYUR, ,DRUG PO DAG KYANG GO GCIG NA, ,GONG BU'ANG RDUL PHRAN TZAM DU 'GYUR, ,ZHES GSUNGS PA LTAR RO, ,GNYIS PA NI, DNGOS RGYU DNGOS 'BRAS SU 'DOD PA'I SHES PA SKAD CIG SNGA PHYI GNYIS KYI BAR DU CHOS GZHAN GYIS CHOD DAM MCHOD, CHOD NA MI 'THAD DE, DNGOS RGYU DNGOS 'BRAS MA @005B YIN PAR 'GYUR BA'I PHYIR, MCHOD NA, BDAG NYID THAMS CAD KYI THAMS CAD DU MCHOD DAM, CHA 'GA' ZHIG GIS CHOD CING CHA 'GA' ZHIG GIS MCHOD PA GANG YIN, DANG PO LTAR NA MI 'THAD DE, SHES PA SKAD CIG SNGA PHYI THAMS CAD DUS 'DRES NAS DUS ? GCIG TU 'GYUR BA'I PHYIR, PHYI MA LTAR NA CHA BCAS SU THAL, DE'I BAR DU CHOD MCHOD MA'I CHA DU MA YOD 'DUG PA'I PHYIR, DON 'DI LA DE GNYIS KYI BAR DU CHOS GZHAN GYIS MCHOD KYANG, CHOD PA'I CHOS GZHAN YOD CES 'DOD DGOS TE, DNGOS RGYU'I CHA SHES ? DANG DNGOS 'BRAS KYI CHA DANG PO ZHIG GIS CHOD DE CUNG DKA' BA'I GNAS SO, ,GZHAN YANG SHES PA LA CHA MED MI SRID DE, SHES PA RNAMS DMIGS PA DANG YID LA BYED PA'I RKYEN GYIS SO SO DANG SNGA PHYIR SKYE PA MTHONG BA'I PHYIR, MI SKYE NA SNGA PHYI BAR GSUM GYI SHES PA THAMS CAD DUS GCIG TU SKYE BAR 'GYUR ZHING RTAG PAR THAL LO, ,GNYIS PA 'DUS MA BYAS LA CHA MED MI SRID DE, 'DUS MA BYAS KYI NAM MKHA' SHAR PHYOGS KYI BUM PA'I KHONG STONG LA KHYAB PA'I CHA DE NUB PHYOGS KYI BUM PA'I KHONG STONG LA KHYAB BAM MA KHYAB, KHYAB NA MI 'THAD DE, DE YIN NA SHAR NUB KYI BUM PA'I KHONG STONG GNYIS GCIG TU 'GYUR ZHING, BUM PA GNYIS KYANG GCIG TU 'GYUR BA'I PHYIR, DANG PO LTAR 'GYUR BAR 'DOD DO ZHE NA MI 'THAD DE, SHAR GYI BUM PA'I NANG CHU SOGS KYIS GANG BA NA NUB KYI BUM PA YANG DE DAG GIS GANG BAR 'GYUR ZHING, PHYOGS GZHAN LA'ANG 'GRE BA'I PHYIR, MA KHYAB NA, NA MKHA' @006A *, ,CHOS CAN, CHA BCAS SU THAL, KHYOD KYI PHYOGS CHA CHOS GZHAN LA KHYAB MA KHYAB PA'I CHA DU MA DANG BCAS PA'I PHYIR, GZHAN YANG NAM MKHA' CHOS CAN, KHYOD CHA DANG BCAS PA YIN TE, KHYOD LA RDUL DANG SPRIN SOGS DANG BCAS MA BCAS KYI CHA DU MA ZHIG YOD PA'I PHYIR, YANG 'DUS MA BYAS KYI CHOS NYID DE CHA MED YIN NO SNYAM NA, MI 'THAD DE, CHOS NYID KA PA'I CHOS NYID LA KHYAB PA'I CHA DE BUM PA'I CHOS NYID LA KHYAB PAM MA KHYAB ,KHYAB NA MI 'THAD DE, KA BUM GNYIS KYI CHOS NYID KYANG GCIG TU 'GYUR BA'I PHYIR, 'DOD DO ZHE NA MI 'THAD DE, DE LTA NA KA BUM GNYIS KYANG GCIG TU 'GYUR ZHING KAB YOD NA BUM PA YOD DGOS PAR THAL BA DANG, KAB BDEN STONG KA BA'I CHOS NYID DANG BUM PA BDEN STONG BUM PA'I CHOS NYID DU 'JOG PA'I RNAM GZHAG DANG 'GAL BA'I PHYIR, MA KHYAB NA, CHOS NYID CHOS CAN, CHA BCAS SU THAL, KHYOD KA BA'I CHOS NYID LA KHYAB PA'I CHAD BUM PA'I CHOS NYID LAM KHYAB PAS KHYAB MA KHYAB BA'I MA ?? DANG BCAS PA'I PHYIR, GZHAN YANG 'DUS MA BYAS LA CHA MED MI SRID DE, CHOS NYID THAMS CAD RANG GI STONG GZHI CHOS CAN SO SO'I STENG NAS 'JOG CING, 'GOG BDEN SPANG BYA PHRA RAGS SPANGS MA SPANGS KYI CHA DU MA DANG BCAS LA, 'DUS MA BYAS KUN BTAGS RNAMS NI SGRA RTOGS SO SOS BTAGS PA'I DBANG GIS 'JOG PA'I CHA DU MA YOD PA'I PHYIR, GONG GI RTAGS GNYIS PA PHUNG PO CHOS CAN, RANG BZHIN GYIS DU MAR MA GRUB STE, RANG BZHIN GYIS @006B GCIG TU GRUB PA MED PA'I PHYIR, KHYAB STE, GCIG BSAGS PA LA BRTEN NAS DU MA 'BYUNG DGOS PA'I PHYIR, KHYAB PA SGRUB PA NI, RANG BZHIN GYIS GRUB PA'I GCIG DANG RANG BZHIN GYIS GRUB PA'I DU MA MED NA RANG BZHIN GYIS MED PAS KHYAB STE, RANG BZHIN GYIS YOD NA DE GANG RUNG DU YOD DGOS PA'I PHYIR, DER THAL, YOD NA GCIG DANG DU MA GANG RUNG DU YOD DGOS PA'I PHYIR, DER THAL, DE GNYIS PHAN TSUN SPANGS 'GAL GYI DNGOS 'GAL YIN PA'I PHYIR, DER THAL, DBU MA SNANG BA LAS, GCIG DANG DU MA MA GTOGS PA'I, ,YOD BAR MI RUNG 'DI NYID NI, ,PHAN TSUN SPANGS TE GNAS PHYIR RO, ,ZHES GSUNGS PA'I PHYIR RO, ,GAL TE 'DUS BYAS DANG 'DUS MA BYAS RANG BZHIN GYIS MED KYANG, DE GNYIS RANG BZHIN GYIS GRUB BAS STONG PA'I STONG NYID DE RANG BZHIN GYIS GRUB PAR SGOM DU RUNG NGO SNYAM NA, DE NI CHOS MI 'THAD DE, DE NI STONG NYID LA BDEN ZHEN GYI LTA BA YIN PAS GSOR MI RUNG BA'I LTA BA YIN PA'I PHYIR TE DPER NA, MA ZHU BA'I GNYEN POR SMAN BTANG BA DE NYID MA ZHU BA'I NANG DU SONG BA BZHIN YIN PA'I PHYIR TE, RTZA SHE LAS, GANG DAG STONG PA NYID LTA BA, DE DAG SGRUB TU MED PAR GSUNGS, ,ZHES DANG, 'DUS BYAS RAB TU MA GRUB PAS, ,'DUS MA BYAS NI JI LTAR GRUB, , ZHES GSUNGS PA LTAR RO, ,GZHAN YANG, 'DUS BYAS RNAMS CHOS CAN, RANG BZHIN GYIS MI SKYE STE, BDAG DANG GZHAN DANG GNYIS KA DANG RGYU MED PA LAS MI SKYE BA'I PHYIR, DANG PO GRUB STE, RGYU DUS SU YOD PA'I SGO NAS MI SKYE BA'I PHYIR , @007A *, ,GNYIS PA GRUB STE, RANG BZHIN GYIS GRUB PA'I RGYU GZHAN LAS MI SKYE BA'I PHYIR, GNYIS KA LAS MI SKYE STE, GANG RUNG RE RE LAS MI SKYE BA'I PHYIR, RGYU MED LAS MI SKYE STE, RGYU RKYEN LAS SKYE BA MTHONG BA'I PHYIR, YANG, RGYUS 'BRAS BU RANG BZHIN GYIS MI BSKYED DE, RGYUS RANG DUS SU YOD PA'I 'BRAS BU MI BSKYED, RANG DUS NA RGYUN MED PA'I 'BRAS BU YANG MI BSKYED RANG DUS SU YOD MED GNYIS KA DANG GNYIS KA MA YIN PA'I 'BRAS BU YANG RANG BZHIN GYIS MI BSKYED PA'I PHYIR, RTAGS DANG PO GRUB STE, RGYU DUS SU 'BRAS BU YOD NA RGYU 'BRAS DUS MNYAM DU 'GYUR BA DANG, BDAG SKYE YOD PAR THAL BA'I PHYIR, GNYIS PA SGRUB STE, RGYU DUS SU RANG GI 'BRAS BU MED KYANG RGYUN YOD PA'I PHYIR GSUM PA GRUB STE, RANG DUS SU YOD MED GNYIS KA YIN PA MI SRID PA'I PHYIR, BZHI PA GRUB STE, RGYU DUS NA RANG GI 'BRAS BU MED CING YOD NA YOD MED GNYIS KA GANG RUNG YIN DGOS PA'I PHYIR, DER THAL, DE'I DUS SU YOD NA YOD DGOS BA'I PHYIR, GAL TE 'BRAS BU RANG GI RGYU'I DUS SU MED NA SKYE BA MI 'THAD DE, DE LTA NA GTAN MED PA'I RI LONG RVA YANG DE LAS SKYE BAR 'GYUR DGOS PA'I PHYIR ZHE NA, MI MTSUNGS TE, 'BRAS BU RANG GI RGYU'I DUS SU MED KYANG DE LAS SKYE BA DANG SKYES ZHES PA NI, RGYU LAS PHYIS 'BYUNG 'GYUR DANG BYUNG BA LA BAS M'A NAS DE LTAR BRJOD PAS MI 'GAL LA, RI BONG RVA LA SKYE BA'I RGYUN YUL DUS GANG LA LTOS NAS MED PAS MI 'DRA BA'I PHYIR RO, ,YANG BSGOM BYA'I CHOS SOGS KYI NGO BO DANG RGYU RANG BZHIN @007B GYIS MED KYANG BSGOM PA'I 'BRAS BU SOGS RANG BZHIN GYIS YOD SNYAM NA, MI 'THAD DO, ,CHOS KYI NGO BO RGYU 'BRAS GSUM GYI NANG GI 'BRAS BU DE YANG RTOG PAS BTAGS PA TZAM LAS GZHAN DU NGO BO NYID KYIS MED PA'I PHYIR TE, BSKYED BYA DANG THOB BYA'I 'BRAS BU GANG LA SMON PA, GANG GIS SMON PA, JI LTAR SMON PA'I 'KHOR GSUM RANG BZHIN GYIS MED PA'I PHYIR TE, DE DAG SEMS KYIS BTAGS PA TZAM GYIS 'JOG PA'I PHYIR RO, ,RTZA BA'I GZHUNG DE DAG GIS RNAM THAR SGO GSUM SGOM PAR BSTAN PA YIN TE, DNGOS PO MED PAS SGOM PA MED CES PAS SPYI DON DU BSHAD PAS 'DUS BYAS KYI CHOS RNAMS KYI NGO BO BDEN PAS STONG PA'I RNAM PAR THAR BA'I SGO STONG PA NYID SGOM PAR BSTAN, BSGOM PAR BYA BA SGOM PA MIN ZHES PAS RGYU BDAN BAS STONG PA'I RNAM PAR THAR PA'I SGO MTSAN MA MED PA BSTAN, RKANG PA PHYI MA GNYIS KYIS 'BRAS BU BDEN PAS STONG PA'I RNAM PAR THAR PA'I SGO SMON PA MED PA BSTAN PA'I PHYIR RO, ,DE LA SPYI DON DU BSHAD PA'I DON YOD DE, DE 'DRA BA'I STONG NYID DE SNGAGS DANG PHAR PHYIN GNYIS KA'I BSGOM BYA THUN MONG BA DANG, RGYUD SDE BZHI DANG, BSKYED RDZOGS GNYIS KA'I BSGOM BYA THUN MONG BA YIN PAS NA DE LTAR DU BRJOD PA'I PHYIR RO, ,GSUM PA SBAS DON NI, 'DIR MTSON TZAM BRJOD NA, DNGOS PO MED PA ZHES SOGS KYI GZHUNG 'DIS SNANG BA SEMS SPAS DANG, KUN RDZOB SGYU MA'I SPAS PA YANG BSTAN TE, SNGAR YI GDON DANG SPYI DON GYI SKABS SU BSHAD P'I PHUNG SOGS KYI DNGOS PO MED PA'I DE KHO NA NYID RTOGS PA'I BDE STONG GI YE SHES TZAM ZHIG @008A *, ,BSGOM PAS MI CHOG GI ,DE'I STENG DU SEMS DBEN DANG RIM PA GSUM PA'I SGYU LUS KYANG BSGOM PAR BYA DGOS PA'I PHYIR, DE LTAR BSGOM PA'I TSE SGYU LUS KYI DNGOS PO DE THA SNYAD DU MED PA DANG RANG BZHIN GYIS YOD PA DANG YOD MED GNYIS KA DANG GNYIS KA MIN PA'I MTHA' GANG DU'ANG BDEN PAR BZUNG NAS MI BSGOM STE, SGOM PA PO DANG SGOM PA DANG BSGOM PAR BYA BA'I CHOS RNAMS RANG BZHIN GYIS MED PA'I PHYIR RO, ,BZHI PA MTHAR THUG NI, BSDU NA, DE'I STENG DU RIM PA GSUM PA'I SGYU LUS BSGOM PA TZAM GYIS KYANG RDZOGS RIM GYI GTZO BO RDZOGS PA MIN TE, DE'I DUS SU RIM PA BZHI PA'I DON GYI 'OD GSAL DANG BDEN GNYIS DBYER MED KYI ZUNG 'JUG MED PAS DE GNYIS KYANG BSGOM DGOS PA'I PHYIR DON GYI 'OD GSAL DANG DAG PA'I SGYU LUS GNYIS ZUNG 'BREL DU 'JUG PAR BSTAN PA NI MTHAR THUG GI DON NO, ,DE NAS RNAM SNANG, MI BSKYOD PA, RIN 'BYUNG, 'OD DPAG MED, DON GRUB DANG LNGAS GSUNGS PA RNAMS DGONGS MIN DU BSHAD DE, GNYIS PA RNAM SNANG GIS GSUNGS PA NI, DNGOS PO THAMS CAD DANG BRAL BA, ,PHUNG PO KHAMS DANG SKYE MCHED DANG, ,GZUNG DANG 'DZIN PA RNAM SPANGS PA, ,CHOS LA BDAG MED MNYAM NYID PAS, ,RANG SEMS GDOD NAS MA SKYES PA, ,STONG PA NYID KYI RANG BZHIN NO, ,ZHES SO, ,SNOD BCUD KYI DNGOS PO THAMS CAD RANG BZHIN GYIS GRUB PA DANG BRAL BA YIN TE, DE YANG GZUGS KYI PHUNG PO DANG, KHAMS BCVO BRGYAD DANG, SKYE MCHED BCU GNYIS @008B TE PHYI GZUNG BA YUL DANG NANG 'DZIN PA YUL CAN RNAMS NI RANG BZHIN GYIS GRUB PA RNAM PAR SPANGS PA'I CHOS BDAG MED PA YUL GYI 'OD GSAL DANG RO GCIG TU ZHUGS PA'I RANG GI SEMS GDOD MA NAS RANG BZHIN GYIS MA SKYES PA STONG PA NYID KYI RANG BZHIN MNGON SUM DU RTOGS PA'I DON GYI 'OD GSAL DANG DAG PA'I SGYU LUS GNYIS ZUNG DU 'JUG BA NI ZUNG 'JUG GI SKU'O, ,GSUM PA MI BSKYOD PAS GSUNGS PA NI ? DNGOS PO 'DI RNAMS MA SKYES PA, ,CHOS DANG CHOS NYID MED PA STE, , NAM MKHA' LHA BUR BDAG MED PA, ,BYANG CHUB TSUL 'DI BRTAN PA'O, ,ZHES SO, ,PHYI NANG GI DNGOS PO 'DI RNAMS CHOS CAN RANG BZHIN GYIS MA SKYAS? PA YIN TE, RANG BZHIN GYIS GRUB PA'I RGYU RKYEN DANG BRAL BA'I PHYIR, PHUNG SOGS KYI CHOS NYID RANG BZHIN GYIS MED PA YIN TE, CHOS CAN PHUNG SOGS RANG BZHIN GYIS MED PA'I PHYIR, KHYAB PA YOD DE, BDEN PA'I RTEN DU BRDZUN PA MI RIGS PA'I PHYIR TE, BDEN PAR GRUB NA RTEN BRDZUN PA DANG 'BREL PA GRUB MI DGOS LA, CHOS NYID DANG CHOS CAN LA RTEN BRTEN PA'I 'BREL PA GRUB PA'I PHYIR RO, ,DE LTA NA'ANG BDAG MED PA'I DON BSGOMS PA LAS LHA SKU 'BYUNG BA MI 'GAL TE, DE LAS NAM MKHA' LTA BU BDAG MED PA RTOGS PA'I DON GYI 'OD GSAL DANG , BYANG CHUB ZUNG 'JUG SGRUB PA'I TSUL 'DI MI LDOG PAS BRTAN PA'O, ,BZHI PA RIN 'BYUNG GIS GSUNGS PA NI, CHOS RNAMS THAMS CAD DNGOS MED CING, ,CHOS KYI MTSAN NYID RNAM PAR SPANGS, ,BDAG MED CHOS LAS KUN TU 'BYUNG, , @009A *, ,BYANG CHUB TSUL 'DI BRTAN BA'O, ,ZHES SO, ,PHYI NANG GI CHOS RNAMS CHOS CAN, RANG BZHIN GYIS GRUB PA'I DNGOS PO MED DE, RANG BZHIN GYIS STONG PA'I PHYIR TE, PHYI NANG GI CHOS RNAMS LA RANG RANG MTSON PAR BYED PA'I MTSAN NYID TSA BAS ME DANG GSHER BAS CHU MTSON PAR BYED PA SOGS NI THA SNYAD DU GRUB MOD, DON DAM PAR CHOS DE RNAMS KYI MTSAN NYID RNAM PAR SPANGS PA'I PHYIR, DE LTA NA'ANG BDAG MED PA'I DON BSGAM PA LAS LHA SKU 'BYUNG BA MI 'GAL TE, BDAG MED PA'I CHOS YUL GYI 'OD GSAL MNGON SUM ROGS PA'I YUL CAN 'OD GSAL LAS KUN TU 'PHAN PA'I DBANG GIS ZUNG 'JUG 'DI 'BYUNG ZHING, BYANG CHUB THOB PAR BYED PA'I TSUL DE BRTAN PA'O, ,LNGA PA 'OD DPAG MED KYIS GSUNGS PA NI, MA SKYES PA YI CHOS RNAMS LA, ,NGO BO MED DE SGOM PA'ANG MED, NAM MKHA'I TSUL DU SBYOR BA YIS, ,DNGOS PO DAG TU RAB TU BSGRAGS, ,ZHES SO, ,PHYI NANG GI CHOS RNAMS CHOS CAN KHYOD LA BSGOM PAR BYA BA NGO BO NYID KYIS MED DE, KHYOD RANG BZHIN GYIS MA SKYES PA'I PHYIR, SGOM PA POR MA ZAD SGOM PA'ANG RANG BZHIN GYIS MED DE, BSGOM PAR BYA BA'I DE KHO NA NYID RANG BZHIN GYIS MED PA'I PHYIR, DE LTA NA'ANG LHA SKU 'GRUB PA MI 'GAL TE, NAM MKHA' LHA BU'I DON GYI 'OD GSAL DANG DAG PA'I SGYU MA'I SLU GNYIS DNGOS PO GCIG TU SBYOR BA NI, ZUNG 'JUG GI DNGOS PO DAG TU RDO RJE 'CHANG GIS RAB TU BSGRAGS PA STE BSHAD PA'I PHYIR RO, ,DRUG PA @009B DON GRUB KYIS GSUNGS PA NI, CHOS RNAMS RANG BZHIN 'OD GSAL BA, ,GDOD NAS DAG PA NAM MKHA' BZHIN, ,BYANG CHUB MED CING MNGON RTOGS MED, ,BYANG CHUB TSUL 'DI BRTAN PA'O, ,ZHES SO, ,BDEN GNYIS KYIS BSDUS PA'I CHOS RNAMS CHOS CAN, GDOD MA NAS RANG BZHIN GYIS DAG PA YIN TE, DANG PO NAS RANG BZHIN GYIS GRUB PAR YOD MA MYONG BA'I PHYIR, DPER NA, NAM MKHA' NI THOGS PA'I REG BYA'I NGO BOR GDOD NAS YOD MA MYONG BA BZHIN NO, ,'ON KYANG LHA SKU 'GRUB PA MI 'GAL TE, MNGON PAR BYANG CHUB PA DON GYI 'OD GSAL DANG MNGON PAR RTOGS PA SGYU LUS GNYIS NGO BO GNYIS SU MED CING, LDOG PA GCIG TU MED PA'I ZUNG 'JUG GI BYANG CHUB KYI THABS TSUL 'DI SLAR MI LDOG PAS NA BRTAN PA'I ZHES PA NI LE'U GNYIS PA NAS GSUNGS PA'I BYANG CHUB KYI SEMS KYI SKABS NAS 'BYUNG BA RNAMS TE, BYANG CHUB KYI SEMS ZHES PA NI, KUN RDZOB BYANG CHUB SEMS MIN GYI, 'OD GSAL, SGYU LUS, ZUNG 'JUG RNAMS LA DE'I MING GIS BRJOD PA'O, 7 ,GNYIS PA LE'U DGU PA NAS 'BYUNG BA NI, GONG DU SROG GCOD SOGS BYA BAR BSHAD PA'I SGRAS ZIN LA 'KHOR RNAMS DOGS NAS DOGS GCOD DANG DE LTAR GSUNGS PA'I DGONGS GZHI GANG YIN DON GYIS ZHUS PA NA, LAN DU RDO RJE 'CHANG NYID KYIS RIGS KYI BU DMAN PA'I 'DU SHES DANG, SMAD PA'I 'DU SHES DE LTA BU YANG MA BSKYED CIG ,DE CI'I PHYIR ZHE NA, RIGS KYI BU SNGAGS KYI SPYOD PA NI SPYOD PA'I MCHOG GO ,'DI LTA STE, SNGAGS KYI @010A *, ,SPYOD PA NI DE BZHIN GSHEGS PA'I SPYOD BA'O, ,RIGS KYI BU 'DI LTA STE, NAM MKHA' NI THAMS CAD KYI RJES SU SONG BA STE, CHOS THAMS CAD KYANG NAM MKHA'I KHAMS SU GTOGS BA'O, ,CHOS DE DAG THAMS CAD KYANG 'DOD PA'I KHAMS LA MI GNAS, GZUGS KYI KHAMS LA MI GNAS, GZUGS MED PA'I KHAMS LA MI GNAS, 'BYUNG BA CHEN PO BZHI LA YANG MI GNAS SO, ,RIGS KYI BU CHOS THAMS CAD DE LTAR RJES SU RIG PAR BYA'O, , DE BZHIN GSHEGS PA RNAMS NI DON GYI DBANG DE LTA BU MKHYEN CING, SEMS CAN RNAMS KYI BSAM PA MKHYEN NAS CHOS 'CHAD PAR MDZAD DO, ,RIGS KYI BU DE LTAR NAM MKHA'I TSIG NGES PAR BRJOD PAS, DE BZHIN GSHEGS PA'I DAM TSIG DE DAG RJES SU RIG PAR BYA'O, ,RIGS KYI BU 'DI LTA STE, DPER NA, GTZUB SHING DANG GTZUB STAN DANG MI'I LAG PA BSKYOD PA'I RKYEN GYIS DU BA 'BYUNG ZHING ME 'BYUNG BAR 'GYUR MOD, ME DE YANG GTZUB SHING LA YANG MI GNAS, GTZUB STAN LA YANG MI GNAS, MI'I LAG PA BSKYOD PA LA YANG MI GNAS SO, ,RIGS KYI BU DE BZHIN DU DE BZHIN GSHEGS PA THAMS CAD KYI RDO RJE'I DAM TSIG 'GRO BA DANG 'OD PA LA SOGS PAR BYA'O ZHES GSUNGS SO, , 'DI RNAMS KYI DON MTSAN 'GREL LTAR BSHAD NA, RIGS KYI BU ZHES BOS NAS KHYED RNAMS KYIS TSIG DE LA DMAN PA DANG, SMAD PA'I 'DU SHES DE LTA BU MA BSKYED CIG ,RGYUD MTSAN NI SNGAGS KYI SPYOD PA MCHOG DANG DE BZHIN GSHEGS @010B PA'I SPYOD PA LTA BU'O ZHES GSUNGS NAS, DPE DON BYE BRAG PA ZHIG LA SBYAR NAS 'CHAD PA NI, DPER NA ZHES PHYI LA SBYAR NA NAM MKHA' STONG PA DE PHYI'I GZUGS CAN GYI SNOD BCUD THAMS CAD LA KHYAB PA DANG, THAMS CAD KYI RJES SU SONG ZHING GO 'BYED DE, CHOS DE RNAMS NAM MKHA'I KHAMS SU GTOGS SHING DER 'DU'O, ,DON DANG SBYAR NA NAM MKHA' RANG BZHIN GYIS GRUB PAS STONG PA DE NYID PHUNG KHAMS SKYE MCHED KYI CHOS THAMS CAD KYI RJES SU SONG ZHING RJES SU 'GRO BA YIN TE , PHUNG SOGS KYI CHOS THAMS CAD KYANG NAM MKHA' RANG BZHIN GYIS GRUB PAS STONG PA DE'I KHONGS SU GTOGS PA'I PHYIR PHUNG SOGS CHOS THAMS CAD DON DAM DPYOD BYED KYI RIGS PAS DPYAD CING BTZAL NA BTAGS NGON MI RNYED PAS RTZA BA MED CING GNAS MED PA YIN TE, CHOS DE THAMS CAD KYANG 'DOD PA'I KHAMS NA YANG RANG BZHIN GYIS GRUB PAR MI GNAS, GZUGS KYI KHAMS NA YANG RANG BZHIN GYIS MI GNAS, GZUGS MED PA'I KHAMS NA YANG RANG BZHIN GYIS MI GNAS BA SOGS 'BYUNG BA CHEN PO BZHI LA YANG RANG BZHIN GYIS GRUB PAR MI GNAS PA'I PHYIR TE, GNAS DANG GNAS PA PO'I RTEN BRTEN PA RNAMS RANG BZHIN GYIS MA GRUB PA'I PHYIR RO, ,RIGS KYI BU DE LTAR PHUNG SOGS KYI CHOS THAMS CAD KYANG NAM MKHA' RANG BZHIN GYIS STONG PA DE LTAR RJES SU RIG PAR BYA'O, ,DE LA RANG BZHIN GYIS MA GRUB PA'I TSUL GONG DU BSHAD PA LTAR SHES PA SNGON DU 'GRO DGOS SO, ,DE BZHIN GSHEGS PA RNAMS KYIS RTEN 'BREL STONG PA'I DON YIN PA'I @011A *, ,DON GYI DBANG DE LTA BU MKHYEN CING SEMS CAN RNAMS KYI BSAM PA'I KHYAD PAR RNAMS MKHYEN NAS CHOS 'CHAD PAR MDZAD DO, ,RIGS KYI BU SNGAR BSHAD PA DE LTAR RANG BZHIN GYIS STONG PA'I TSIG DON NGOM? PAR BRJOD PAS, DE BZHIN GSHEGS PA'I DAM TSIG DANG PHUNG SOGS DE DAG THAMS CAD RANG BZHIN GYIS STONG PA DE'I RJES SU RIG PAR BYA'O, ,STONG NYID KYI DON RTOGS NA SNGAGS KYI SPYOD PA MCHOG 'GYUR BA NI, STONG NYID DE BDE BA CHEN PO'I YE SHES KYIS RTOGS NAS 'OD GSAL DU 'JUG NUS NA DE LTAR 'GYUR BA LA DGONGS SO, ,DE LTA NA'ANG CHOS THAMS CAD RANG BZHIN GYIS STONG PAR RTOGS PA LAS YE SHES KYI SKU MI 'GRUB PA'I SKYON MED DE, RIGS KYI BU 'DI LTA STE, DPER NA, DROD DANG DU BA DANG ME GSUM PO DE DON DAM LA DPYOD PA'I RIG SHES KYI NGO BOR GANG GTZUB PA'I GTZUB SHING LA YANG MI GNAS, GANG LA GTZUB PA'I GTZUB STAN LA YANG MI GNAS, GANG GIS GTZUB PA'I MI'I LAG PA LA YANG MI GNAS MOD KYANG, DE LTAR GTZUB PA'I TSE THA SNYAD DU GTZUB SHING, GTZUB STAN, MI'I LAG PA BSKYOD PA'I RTEN 'BREL GYI RKYEN GYIS DANG POR DROD DANG, DE LA BRTEN NAS DE LAS ME 'BAR BA 'BYUNG BAR 'GYUR RO, ,RIGS KYI BU DE BZHIN DU YUL STONG PA NYID JI LTA BA BZHIN DU YUL CAN YE SHES KYANG GSHEGS PA'I THAMS CAD STONG PA 'OD GSAL DANG, RDO RJE STONG PA DANG, DAM TSIG SHIN TU STONG PA DANG, RJES SU RIG PAR BYA BA STONG PA BZHI RIM GYIS LUGS 'BYUNG DU 'GRO BA @011B DANG, LUGS BZLOG TU 'ONG BA 'BYUNG ZHING LUGS 'BYUNG GI STONG PA 'OD GSAL GYI RLUNG SEMS LAS YE SHES KYI LHA SKU 'GRUB PAR 'GYUR RO ZHES PA'O, ,'DIR GTZUB ZHES PA NI BDAR BA'I DON NO, ,GTZUB SHING SOGS DPER MDZAD PA NI DPE KHYAD PAR CAN LA DGONGS KYI, GZHAN RNGA DANG DBYUG GU DANG MI'I LAG PA BSKYOD PA LAS RNGA SGRA 'BYUNG BA DANG, 'O MA SRUBS SHING MI'I LAG PA BSKYOD PA LAS MAR DANG, ME LCAGS ME RDO MI'I LAG PA BSKYOD PA'I RKYEN GYIS ME 'BYUNG BA SOGS MTSON DPE MANG NGO, ,GZHAN YANG LE'U BDUN PA LAS, DAM TSIG KHU BYUNG CHOG BZHIN, ,ZHES SOGS RKANG PA BZHI DANG, RANG BZHIN GYIS NI 'OD GSAL BA, ,THAMS CAD MA SKYES ZAG PA MED, ,ZHES SOGS BZHI DANG, THAMS CAD RANG BZHIN 'OD GSAL BA, ,ZHES SOGS BZHIS KYANG STONG NYID KYI DON BSTAN TO, 7 ,GSUM PA LE'U BCVO LNGA PA LAS GSUNGS TSUL NI, ,CHOS RNAMS RMI LAM LTA BU STE, ,NGO BO NYID KYIS MA SKYES SHING, ,RANG BZHIN DAG PA DE NYID LA, ,'KHRUL PA'I RDO RJE RAB TU GSUNG, ,ZHES DANG, RANG SEMS RNAMS NI DMIGS PA LA, ,CHOS RNAMS THAMS CAD RAB TU GNAS, ,NAM MKHA' RDO RJE'I RANG SEMS 'DI, ,CHOS MED CHOS NYID MED PA'O, ,ZHES DANG, BCOM LDAN 'DAS CI GANG ZHIG LAGS, ,CHOS RNAMS NGO BO MED PA LA, ,CHOS KYI DE NYID KUN BSHAD PA, ,AE MA'O NGO MTSAR LAS BYUNG BA, ,NAM MKHA' LA NI NAM MKHA' BSGOM, ,ZHES DANG, BCOM LDAN 'DAS DE BZHIN GSHEGS @012A *, ,PA THAMS CAD NAM MKHA' NI CHOS GANG DANG YANG MI LDAN TE, MI LDAN PA YANG MA YIN NO, ,NAM MKHA' DE CHOS THAMS CAD DU GTOGS LA, THAMS CAD KYI RJES SU BLTA'O SNYAM DU MI SEMS SO, ,DE BZHIN DU BCOM LDAN 'DAS DE BZHIN GSHEGS PA THAMS CAD RMI LAM LTA BU DANG, RMI LAM GYI DAM TSIG LAS BYUNG BAR RJES SU RTOGS PAR BYA'O, ,BCOM LDAN 'DAS DE BZHIN GSHEGS PA THAMS CAD 'DI LTA STE, DPER NA, NAM MKHA' BRTAG TU MED CING BLTAR MI SNANG BA THOGS PA MED PA DE BZHIN DU BCOM LDAN 'DAS DE BZHIN GSHEGS PA THAMS CAD 'DI LTA STE, LUS DANG NGAG DANG SEMS DANG CHOS THAMS CAD RDO RJE'I GNAS KYI DAM TSIG NI THAMS CAD KYI RJES SU SONG BA NGO BO NYID GCIG PA'I PHYIR TE, 'DI LTA STE SEMS KYI NGO BO NYID DO, ,LUS DANG NGAG DANG SEMS KYI KHAMS GANG YIN PA DANG NAM MKHA'I KHAMS DE DAG GNYIS SU MED CING GNYIS SU BYAR MED DO, ,BCOM LDAN 'DAS DE BZHIN GSHEGS PA THAMS CAD 'DI LTA STE, DPER NA, SEMS CAN THAMS CAD NAM MKHA'I KHAMS LA GNAS TE, NAM MKHA'I KHAMS DE YANG 'DOD PA'I KHAMS NA GNAS PA YANG MA YIN, GZUGS KYI KHAMS NA GNAS PA YANG MA YIN, GZUGS MED PA'I KHAMS NA GNAS PA YANG MA YIN TE, CHOS GANG KHAMS GSUM NA MI GNAS PA DE NI SKYE BA MED DO, ,GANG LA SKYE BA MED PA DE NI CHOS GANG GIS KYANG BRTAG PAR MI NUS SO, ,DE LAS NA BCOM LDAN 'DAS DE BZHIN GSHEGS PA THAmD @012B CHOS THAMS CAD NGO BO NYID MED BA'O, ,KYE BCOM LDAN 'DAS DE BZHIN GSHEGS PA THAMS CAD 'DI LTA STE, DPER NA, BYANG CHUB KYI SEMS NI DE BZHIN GSHEGS PA THAMS CAD YE SHES 'BYUNG BA RDO RJE'I GNAS BYED PA STE, BYANG CHUB KYI SEMS DE YANG LUS LA MI GNAS NGAG LA MI GNAS SEMS LA MI GNAS SO, ,CHOS GANG KHAMS GSUM NA MI GNAS PA DE LA SKYE BA MED DO, ,'DI NI YE SHES 'BYUNG BA RDO RJE'I GNAS YIN NO, ,KYE BCOM LDAN 'DAS DE BZHIN GSHEGS PA THAMS CAD RMI LAM DE NI BDAG GIS KHAMS GSUM DU RMI LAM MTHONG BAR BYA'O SNYAM DU MI SEMS SO, ,MI YANG BDAG GIS RMI LAM MTHONG NGO SNYAM DU MI SEMS SO, ,KHAMS GSUM GYI BYA BA DE RNAMS KYANG RMI LAM LTA BU, RMI LAM DANG 'DRA BA, RMI LAM LAS BYUNG BA'O, ,DE BZHIN DU BCOM LDAN 'DAS DE BZHIN GSHEGS PA THAMS CAD PHYOGS BCU'I 'JIG RTEN GYI KHAMS KYI SANGS RGYAS DANG BYANG CHUB SEMS DPA' JI SNYED PA DANG, SEMS CAN JI SNYED PA THAMS CAD KYANG RMI LAM LA BDAG MED PA'I RJES SU RTOGS PAR BYA'O, ,BCOM LDAN 'DAS DE BZHIN GSHEGS PA THAMS CAD 'DI LTA STE, DPER NA, YID BZHIN GYI NOR BU RIN PO CHE NI RIN PO CHE THAMS CAD KYI GTZO BO YON TAN THAMS CAD DANG LDAN PA STE, RIN PO CHE THAMS CAD KYI GTZO BO YON TAN THAMS CAD DANG LDAN PA GANG YIN PA DE LA, SEMS CAN GANG DAG GIS GSER RAM RIN PO CHE DNGUL YANG RUNG STE, GANG BSLANGS PA DE DAG THAMS CAD BSAM PA TZAM GYIS 'BYOR BAR BYED DO, ,RIN PO CHE LA @013A *, ,SOGS PA DE DAG KYANG SEMS LA YANG MI GNAS, YID BZHIN GYI NOR BU LA YANG MI GNAS SO, ,DE BZHIN DU BCOM LDAN 'DAS DE BZHIN GSHEGS PA THAMS CAD CHOS THAMS CAD DANG, SANGS RGYAS KYI CHOS THAmD KYANG RJES SU RTOGS PAR BYA'O, ,DE NAS DE BZHIN GSHEGS PA DE DAG THAMS CAD RAB TU DGYES PA'I SPYAN GDANGS NAS, DE BZHIN GSHEGS PA THAMS CAD KYI SKU DANG GSUNG DANG THUGS RDO RJE DE BZHIN GSHEGS PA LA 'DI SKAD CES GSOL TO, ,BCOM LDAN 'DAS GANG NAM MKHA'I KHAMS KYI RJES SU 'BRANG BA'I CHOS THAMS CAD LA SANGS RGYAS KYI CHOS RNAMS RJES SU 'BRANG BA NGO MTSAR TO ZHES DANG, GANG BCOM LDAN 'DAS KHYED KYI SNGAGS THAMS CAD KYI RDO RJE'I DNGOS GRUB MDOR BSDUS TE GSUNGS PA SNGAGS THAMS CAD KYI RDO RJE MDOR BSDUS PA'I DNGOS GRUB DE DAG GANG LA GNAS ZHES DANG, DE BZHIN GSHEGS PA THAMS CAD SNGAGS KYI DNGOS GRUB THAMS CAD KYI SKU DANG GSUNG DANG THUGS LA MI GNAS SO, ,DE CI'I PHYIR ZHE NA, 'ON KYANG BCOM LDAN 'DAS DE BZHIN GSHEGS PA THAMS CAD SNGAGS KYI DNGOS GRUB THAMS CAD DANG, SANGS RGYAS KYI CHOS THAMS CAD NI BDAG GI LUS DANG NGAG DANG SEMS RDO RJE LA NI GNAS SO, ,LUS DANG NGAG DANG SEMS RDO RJE DE DAG KYANG, 'DOD PA'I KHAMS NA MI GNAS GZUGS DANG GZUGS MED PA'I KHAMS NA MI GNAS, SEMS KYANG LUS LA MI GNAS, LUS KYANG SEMS LA MI GNAS, NGAG KYANG SEMS LA MI GNAS, @013B SEMS KYANG NGAG LA MI GNAS SO, ,DE CI'I PHYIR ZHE NA, NAM MKHA' LTAR NGO BO NYID KYIS DAG PA'I PHYIR RO ZHES DANG, BCOM LDAN 'DAS DE BZHIN GSHEGS PA THAMS CAD KYI CHOS GANG NA GNAS, GANG NAS BYUNG, DPAL RDO RJE SEMS DPAS BKA' STZAL PA, RANG GI LUS DANG NGAG DANG SEMS RDO RJE SEMS RDO RJE LAS BYUNG NGO, ,GSOL PA, SEMS GANG NA GNAS, NAM MKHA' LA GNAS SO, ,GSOL PA, NAM MKHA' GANG LA GNAS, BKA' STZAL PA, GANG NA YANG MI GNAS SO ZHES GSUNGS SO, 7 ,'DI DAG GI DON BSDUS TE BSHAD NA, 'DIR DANG PO RMI LAM GYI DPES CHOS THAMS CAD RANG BZHIN MED PAR 'CHAD PA NI, CHOS RNAMS RMI LAM LTA BU STE, ,ZHES SOGS TSIGS BCAD GCIG GI DON LA, PHUNG SOGS KYI CHOS RNAMS CHOS CAN, RANG BZHIN GYIS MA SKYES TE, DE LTAR BSKYED PA'I RGYU MED PA'I PHYIR, DPER NA, RMI LAM GYI KHANG KHYIM LTA BU'O, ,DE LTAR PHUNG SOGS KYI CHOS RNAMS RANG BZHIN GYIS RNAM PAR DAG PA'I STONG PAR GTAN LA PHAB PA LA DGOS PA YOD DE, RANG BZHIN GYIS RNAM PAR DAG PA'I DE KHO NA NYID RTOGS PA'I YE SHES DE LA, 'KHRUL PA'I BDEN 'DZIN 'JOMS PAR BYED PA'I RDO RJE ZHES RAB TU GSUNG PA STE BSHAD PA'I PHYIR, PHUNG SOGS KYI 'DUS BYAS RNAMS CHOS CAN, RANG BZHIN GYIS MA SKYES TE, RGYU RKYEN LA BRTEN NAS SKYES PA'I PHYIR, KHYAB STE, MA DROS PA'I MDO LAS, GANG ZHIG RKYEN LAS SKYES PA DE MA SKYES, ,DE LA SKYE BA'I RANG BZHIN YOD MA YIN, RKYEN LAS @014A *, ,RAG LAS GANG DE STONG BAR BSHAD, ,CES GSUNGS PA'I PHYIR, BCOM LDAN 'DAS KYIS CHOS RNAMS MA SKYES ZHES MANG DU GSUNGS PA'I DGONGS GZHI NI, RANG BZHIN GYIS MA SKYES PA LA DGONGS PA YIN TE, LANGKAR GSHEGS PA LAS, RANG BZHIN GYIS MA SKYES PA LA DGONGS NAS, NGAS CHOS THAMS CAD MA SKYES PAR BSTAN TO ZHES GSUNGS PA'I PHYIR, GNYIS PA RANG SEMS RNAMS KYI DMIGS PA LA, ,ZHES SOGS KYI DON NI, CHOS RNAMS THAmD CHOS CAN, RANG BZHIN GYIS STONG PA LA RAB TU GNAS PA YIN TE, SEMS KYIS BTAGS PA TZAM DU YOD KYI, NGO BOS YOD PA MA YIN PA'I PHYIR, DPER NA, RMI LAM DU RANG GI SEMS LA SNANG BA'I RI KHANG KHYIM LA SOGS PA RNAMS NI SEMS KYIS BTAGS PA TZAM DU DMIGS PA LA GNAS PA BZHIN NO, ,SEMS DE YANG DES BTAGS PA TZAM LAS GZHAN DU MED DE, NAM MKHA' RDO RJE RANG BZHIN STONG PA LA GNAS SHING DE LAS MA 'DAS PA'I PHYIR RO, ,MDOR NA CHOS THAmD RANG BZHIN GYIS MED DE, CHOS CAN RANG BZHIN GYIS MED PAS CHOS NYID KYANG RANG BZHIN MED PA'I PHYIR TE, RTZA SHE LAS, STONG MIN CUNG ZAD YOD MIN NA, ,STONG PA YOD PAR GA LA 'GYUR, ,ZHES GSUNGS PA'I PHYIR, GSUM PA BCOM LDAN 'DAS 'DI CI ZHIG LAGS, ,CHOS RNAMS NGO BO MED PA LA, ,ZHES SOGS KYI DON NI, BCOM LDAN 'DAS DKA' BA'I DON 'DI LTA BU ZHIG LAGS, CHOS RNAMS THAMS CAD RANG BZHIN GYIS GRUB PA'I NGO BO MED PA LA CHOS @014B KYI DE NYID NAM MKHA' LTAR RANG BZHIN GYIS GRUB PAS STONG PA'I RGYU LAS NAM MKHA' LTAR RANG BZHIN GYIS GRUB PAS STONG PA'I 'BRAS BU 'BYUNG BA KUN TU BSHAD PA 'DI NI, AE MA'O NGO MTSAR CHE STE, NAM MKHA' LTA BU'I RGYU STONG PA'I CHOS LAS NAM MKHA' LTA BU'I 'BRAS BU STONG PA'I CHOS 'BYUNG BA'I PHYIR ZHES PA'O, ,'DI NI MGON PO KLU SGRUB KYIS, CHOS RNAMS STONG PA 'DI SHES NAS, ,LAS DANG 'BRAS BU BSTEN PA GANG, ,NGO MTSAR BAS KYANG 'DI NGO MTSAR, ,RMAD BYUNG BAS KYANG 'DI RMAD BYUNG, ,ZHES GSUNGS PA DANG 'DRA'O, ,DON 'DI NI SHIN TU RTOGS DKA' BA'I GNAS YIN TE, RANG BZHIN GYIS GRUB PA RDUL TZAM YANG MED PA LA RGYU 'BRAS KYI BYA BYED 'THAD PAR 'JOG TSUL DE SHIN TU DKA' BA'I PHYIR TE, STON PA NYID KYIS KYANG DON 'DI RTOGS DKA' BAR GSUNGS PA'I PHYIR TE, SDUD PA LAS, 'DREN PA RNAMS KYI CHOS 'DI ZA BA STE MTHONG BA DKA', ,SUS KYANG RTOGS PA MED CING THOB PAR 'GYUR MED PA, ,DE PHYIR PHAN MDZAD BRTZER LDAN BYANG CHUB BRNYES NAS NI, ,SEMS CAN TSOGS SUS SHES SNYAM THUGS KHRAL CHUNG BAR MDZAD, ,CES GSUNGS PA'I PHYIR, BZHI PA NI, BCOM LDAN 'DAS DE BZHIN GSHEGS PA THAMS CAD NAM MKHA'I NI CHOS GANG DANG MI LDAN TE ZHES SOGS MAN CHAD RNAMS TE, DON BSDU NA, 'KHOR RNAMS LA BOS NAS NAM MKHA' THOGS PA'I REG PAS BKAG PA NI, BUM SNAM LA SOGS PA'I CHOS GANG DANG MI LDAN PA STE GCIG MA YIN LA, DE RNAMS DANG MI LDAN PA YANG MA YIN PA STE NGO BO THA DAD KYANG @015A *, ,MA YIN NO, ,GCIG MIN TE, NAM MKHA' NI 'DUS MA BYAS DANG, BUM SNAM NI 'DUS BYAS YIN PA'I PHYIR, NGO BO THA DAD KYANG MA YIN TE, BUM SNAM SOGS NAM MKHA'I KHONGS LAS MA 'DAS PA'I PHYIR DANG, RANG GI GO SAR THOGS PA'I REG PA GZHAN 'BYUNG BA'I GO BKAG PA YANG YIN PA'I PHYIR TE, KA BUM GNYIS LTA BU GO SA 'GOG NUS PA'I PHYIR TE, GCIG GI GO SAR GCIG MI CHUNG PA'I PHYIR RO, ,DPE DE BZHIN DU RMI LAM DANG SAD DUS KYI CHOS THAMS CAD CHOS CAN, RANG BZHIN GYIS GRUB PAS STONG PA DANG GCIG MIN TE, RANG BZHIN GYIS STONG PA 'DUS MA BYAS DANG, CIG SHOS RNAMS 'DUS BYAS YIN PA'I PHYIR, NGO BO THA DAD PA MIN TE, DE THAMS CAD KYANG RANG BZHIN GYIS STONG PA LAS MA 'DAS PA'I PHYIR, KHYAB STE, RANG BZHIN GYIS STONG PA DANG NGO BO THA DAD NA RANG BZHIN GYIS GRUB PAR THAL BA'I PHYIR, NAM MKHA' DANG THOGS PA'I REG PA BKAG PA'I STONG PA DE GZUGS CAN GYI DNGOS PO THAMS CAD LA KHYAB KYANG KHYAB PAR MI MNGON LA, NAM MKHAS NGA NI GZUGS CAN GYI CHOS DE THAMS CAD LA GTOGS SHING, THAMS CAD KYI RJES SU SONG BA'O SNYAM DU MI SEMS SO, ,DE BZHIN DU RANG BZHIN GYIS STONG PA DE RMI LAM DANG SAD DUS KYI CHOS THAMS CAD LA KHYAB KYANG KHYAB PAR MI MNGON ZHING, DES NGA NI CHOS DE RNAMS LA KHYAB CING RJES SU 'GRO'O SNYAM DU MI SEMS SO, ,NAM MKHA' THOGS PA'I REG PA BKAG BDE TSUR MTHONG GI DBANG SHES KYIS @015B MNGON SUM BRTAG TU STE MTHONG BA MED CING BLTAR MI RUNG BA DANG, RTZIG PA SOGS LA THOGS PA MED PA DE BZHIN DU RANG BZHIN GYIS STONG PA'I CHOS NYID DE YANG CHOS CAN RNAMS KYI STENG DU KHYAB KYANG GZHAN GYIS KHYAB PAR MI MNGON NO, ,LUS NGAG YID GSUM GYIS MTSON PA'I BCUD KYI 'JIG RTEN DANG SNOD KYI 'JIG RTEN RNAMS KYANG RANG BZHIN GYIS STONG PA DANG NGO BO GCIG CING NGO BO THA DAD PA'I GNYIS SU MED CING BLOS KYANG GNYIS SU BYAR MED DO, ,MDOR NA CHOS THAMS CAD KYANG RANG GI CHOS NYID DANG NGO BO GCIG YIN TE, DE RNAMS KYI RANG BZHIN STONG PA DE DE RNAMS KYI CHOS NYID YIN ZHING DE RNAMS NI RANG GI RANG BZHIN STONG PA LAS NGO BO THA DAD DU MED PA'I PHYIR TE, DE RNAMS NI RANG BZHIN GYIS STONG PA'I PHYIR RO, ,SEMS CAN THAMS CAD KYANG NAM MKHA'I KHAMS LA BRTEN CING GNAS MOD, NAM MKHA'I KHAMS DE NI 'DOD PA DANG GZUGS DANG GZUGS MED KYI KHAMS NA NGO BO NYID KYIS MI GNAS SO, ,CHOS GANG KHAMS GSUM NA RANG BZHIN GYIS MI GNAS PA DE NI RANG BZHIN GYIS SKYE BA MED DE TSAD MA GANG GIS KYANG DE DAG RANG BZHIN GYIS SKYE BAR BRTAG PAR MI NUS SO, ,DE'I PHYIR CHOS THAMS CAD NGO BO NYID KYIS GRUB PA'I GZHI DANG RTZA BA MED PA YIN NO, ,DE NAS YANG 'KHOR RNAMS LA BOS NAS CHOS THAMS CAD RANG BZHIN GYIS STONG PAR RTOGS PA'I BYANG CHUB KYI SEMS DON GYI 'OD GSAL DE NI, DE BZHIN GSHEGS PA THAMS CAD KYI RDO RJE'I SKU 'BYUNG BA'I GNAS SU BYED PA STE, DE NI LUS NGAG YID GSUM GYIS BSTAN PA'I KHAMS GSUM NA RANG BZHIN @016A *, ,GYIS MI GNAS SO, ,CHOS GANG KHAMS GSUM NA RANG BZHIN GYIS ? GNAS PA DE LA RANG BZHIN GYIS SKYE BA MED DO ZHES PA NI MTSON TZAM STE, 'DUS BYAS KYI CHOS THAMS CAD LA'ANG 'DRA'O, ,RANG BZHIN GYIS MI SKYE YANG THA SNYAD DU SKYE ZHING DE NI DPE DANG RIGS PA NI GONG DU BSTAN PA LTAR TE, GRO NAS SOGS KYI SA BON LA MYU GU SNGON PO DANG 'BRAS BU'I GRO SRAN NAS SOGS DNGOS SU MED KYANG RKYEN TSOGS NA 'BYUNG BA DANG, GTZUB SHING SOGS DANG MI LCAGS SOGS LA ME RANG BZHIN GYIS MED KYANG RKYEN GYIS THA SNYAD DU 'BYUNG ZHING, 'O MA LA MAR DANG RNGA LA RNGA SGRA SOGS RANG BZHIN GYIS GRUB PA MED KYANG THA SNYAD DU SKYE BA BZHIN 'KHOR 'DAS KYI RGYU 'BRAS KUN 'DRA'O, ,YANG 'KHOR LA BOS NAS RMI LAM DE NI BDAG GIS RMI LAM 'DI LTA BU ZHIG MTHONG BAR BYA'O SNYAM DU MI SEMS LA, MI LA SOGS PA'I RMI LAM RMI BA PO YANG, BDAG GIS RMI LAM 'DI 'DRA ZHIG MTHONG BAR BYA'O SNYAM DU BSAM MI DGOS KYANG THA SNYAD DU RMI LAM SNA TSOGS 'BYUNG NGO, ,DPE DE BZHIN DU SANG DUS SU BYAS PA'I LAS DGE MI DGE LAS 'BRAS BU BDE SDUG SNA TSOGS BYED PA PO DON GZHAN ZHIG GIS 'DI LTAR BYED DO SNYAM PA MED PAR THA SNYAD TZAM DU 'BYUNG BA RMI LAM DANG 'DRA'O, ,SANGS RGYAS BYANG SEMS SEMS CAN JI SNYED PA RNAMS RMI LAM DANG 'DRA BAR GSUNGS PA NI, DE RNAMS LA RAGS PA GNAS SKABS? PA'I LUS DANG, PHRA BA GNYUG MA'I LUS GNYIS RE? YOD PA'I PHRA BA'I LUS NI RLUNG SEMS TZAM DU ZAD CING, RMI LAm DU @016B SHAR BA'I PHRA BA'I GANG ZAG DANG 'DRA'O ZHES PA'O, ,YANG 'KHOR LA BOS NAS, YID BZHIN GYI NOR BU RIN PO CHE YON TAN THAMS CAD DANG LDAN PA DE LA SU GANG GIS GSER DNGUL SOGS GANG 'DOD PA DE BSLANGS NA, BSAM PA TZAM GYIS 'BYUNG ZHING 'BYOR BAR BYED DO, ,DE LTAR YIN KYANG RIN PO CHE DE DAG NI SLONG BA PO'I SEMS DANG, YID BZHIN GYI NOR BU LA NGO BO NYID KYIS MI GNAS SO, ,TSUL 'DI NI DPAG BSAM GYI SHING DANG BUM PA BZANG PO BLA MA LA GSOL BA BTAB NA DNGOS GRUB 'BYUNG BA SOGS LA'ANG SBYOR, DE BZHIN DU 'BRAS BU SANGS RGYAS DANG, 'JIG RTEN PA'I DNGOS GRUB KYI CHOS THAMS CAD KYANG DE KHO NA NYID LA DPYOD PA'I RIG SHES KYI NGO BOR MED KYANG THA SNYAD 'BYUNG NGO, ,DE NAS DANG,? NAM MKHA'I KHAMS NI GZUGS CAN THAMS CAD LA KHYAB CING, DER GZUGS CAN RNAMS 'JOG PA DE BZHIN DU CHOS THAMS CAD RANG BZHIN GYIS STONG PA'I 'OD GSAL LAS SGYU LUS DANG, DON GYI 'OD GSAL DANG, ZUNG 'JUG RNAMS 'BYUNG BA NI NGO MTSAR CHE'O ZHES ZHUS SO, ,YANG SNGAGS KYI DNGOS GRUB THAMS CAD MDOR BSDUS TE GSUNGS PA DE DAG GANG LA GNAS ZHES ZHUS PA NA, LAN DU SNGAGS KYI DNGOS GRUB THAMS CAD SGRUB PA PO'I LUS NGAG YID GSUM LA RANG BZHIN GYIS GRUB PAR MI GNAS SO, ,'ON KYANG THA SNYAD DU DNGOS GRUB DE RNAMS NI SGRUB PA PO'I LUS NGAG YID GSUM LA BRTEN CING GNAS TE 'BYUNG NGO, ,DE NI 'DI'I DON GYI GTZO BO'I DBANG DU BYAS KYI, GZHAN 'KHOR 'DAS KYI RGYU 'BRAS RNAMS NI @017A *, ,RGYU'I DUS NA 'BRAS BU MED KYANG DE LA BRTEN NAS 'BYUNG BAR 'JOG PA 'DRA STE RTOGS DKA' BA'I GNAS SO, ,SGRUB PA PO'I LUS NGAG YID GSUM PO DE DAG KYANG KHAMS GSUM NA DON DAM BAR MI GNAS SHING, SEMS LUS DANG LUS SEMS DANG NGAG SEMS DANG SEMS NGAG DANG LUS NGAG DANG NGAG KYANG SEMS LA RANG BZHIN GYIS MI GNAS SO, ,DE CI'I PHYIR NA, RTEN BRTEN PA THAMS CAD NI NGO BO NYID NAM MKHA' LTAR RANG BZHIN GYIS DAG PA'I PHYIR RO, ,YANG DE BZHIN GSHEGS PA THAMS CAD KYI CHOS DRUG PA RDO RJE 'CHANG DE GANG NAS BYUNG ZHING GANG NA GNAS ZHES ZHUS PAR, DE THA SNYAD DU SGRUB PA PO'I SGO GSUM LAS BYUNG ZHING? SANGS RGYAS KYI SA LA GNAS SO ZHES GSUNGS SO, , YANG RDO RJE 'CHANG 'BYUNG BA'I GZHI SEMS DE GANG LA GNAS ZHES ZHUS PA NA, LAN DU SEMS DE NAM MKHA' LTA BU'I RANG BZHIN GYIS STOD PA LA GNAS SO, ,'O NA NAM MKHA' LTA BU'I RANG BZHIN GYIS STONG PA DE GANG LA GNAS ZHES ZHUS PAR, LAN DU STON PAS DE GANG NA YANG RANG BZHIN GYIS GRUB PA'I TSUL DU MI GNAS SO ZHES GSUNGS TE, RANG BZHIN GYIS STONG PA DE RANG BZHIN GYIS STONG PA LAS MA 'DAS PAR GNAS PA'I DON NO, ,BZHI PA LE'U BCU BDUN PA LAS KYANG STONG NYID KYI DON CUNG ZAD BSTAN TE, DE YANG, RANG BZHIN DAG CING BDAG MED PA, ,CHOS KYI DBYINGS NI GNAS PA MED, ,CES SOGS KYI DON CHOS THAMS CAD RANG BZHIN GYIS RNAM PAR DAG CING BDAG MED PA LA RTOG PA RDO RJES RNAM PAR SPRUL PA'I @017B LHA'I DKYIL 'KHOR THA SNYAD DU BYUNG YANG DON DAM PAR SMRA BRJOD LAS 'DAS SO ZHES PA'I DON DANG, DE BZHIN GSHEGS PA THAMS CAD KYI DNGOS GRUB JI LTAR YANG DAG PAR 'JUG GANG NA GNAS ZHES SOGS KYI DON NI SNGAR BSHAD PA 'DRA'O,, 7 ,, GNYIS PA BDE MCHOG GI RTZA BSHAD KYI RGYUD 'GA' ZHIG LAS STONG NYID BSTAN PA'I TSUL MTSON TZAM BRJOD PAR BYA STE, RTZA RGYUD LE'U DANG POR, GSANG BA MCHOG GI DGYES PA NA, ,THAMS CAD BDAG NYID RTAG TU BZHUGS, ,ZHES PAS STONG NYID BSTAN TE, RJE'I DNGOS GRUB SNYE MAR, GSANG BA NI STONG PA NYID YIN LA DER BZHUGS PA NI LHAN SKYES KYI YE SHES SO, ,GSANG BA DE YANG YE SHES MCHOG STE DAM PA'I YUL DANG DE YUL DU BYAS NAS DGYES PA STE BDE BA CHEN PO BSKYED PA DANG, GSANG BA DE YANG THAMS CAD LA KHYAB PA'I BDAG NYID DANG, DER RTAG TU BZHUGS PA NI DE DOR NAS GANG DU YANG MA BZHUD PA'O ZHES DANG, KUN SPYOD LAS, SHR'I NI GNYIS MED YE SHES TE, ,HE NI RGYU SOGS STONG PA YIN, ,RU NI BKOD DANG BRAL BA STE, ,KA NI GANG DU'ANG MI GNAS PA'O, ,ZHES DANG, MKHA' 'GRO RGYA MTSO LAS, AE WAm LA SOGS GNYIS MED PAR, ,SHR'I ZHES BYA BA'I YIG DES BRJOD, ,DE YIG SNYING GA NAS KUN DU, ,HE RU KA SOGS RAB 'KHOR 'GRO, ,SGOM PA KUN GYI 'BYUNG GNAS LA, ,'DZIN PA LA SOGS RNAM BSKYED 'GYUR, ,DE NI RGYU STONG BDAG NYID DANG, ,RGYU'I BDAG NYID DU MI RTOG PA'O, ,RANG BZHIN CHOS BDAG MED PA NYID, ,DE NI STONG PA'I RNAL 'BYOR GNAS, ,BKOD PA GANG ZAG BDAG @018A *, ,MED PA, ,RTOG PA'I DRA BA CHEN PO YIN, ,RU YIG RKYEN GYI BDAG NYID CAN, ,DE NI BDAG GI BKOD BRAL BA'O, ,SLAR BRJOD ? NI MA LUS PA'I, ,BDAG GIS GNYIS BYAR MED SHES GANG, ,GANG PHYIR CI LA'ANG MI GNAS PA, ,DE PHYIR KA ZHES BYA BAR BRJOD, ,CES SO, ,DON BSDU NA GZHUNG DE GNYIS KYIS GANG ZAG GI BDAG MED DANG, THOS KYI BDAG MED GNYIS BSTAN TE, RGYU DANG 'BRAS BU RANG BZHIN GYIS STONG PA CHOS KYI BDAG MED DANG, GANG ZAG RANG BZHIN GYIS MED PA GANG ZAG GI BDAG MED DU BSHAD PA'I PHYIR TE, HE RU KA ZHES PA'I HE YIG GIS RANG GI SEMS KYIS MTSON PA'I PHYI NANG GI RGYU 'BRAS RNAMS RANG BZHIN GYIS STONG PA CHOS KYI BDAG MED DANG, RU YIG GIS RANG GZHAN GYI 'GRO BA KUN RNAM RTOG BDAG 'DZIN GYIS GANG ZAG GI BDAG TU BZUNG ZHING BKOD PA LTAR STONG PA'I GANG ZAG GI BDAG MED DU BSHAD PA'I PHYIR RO, ,RDO RJE MKHA' 'GRO LAS KYANG, THAMS CAD NAM MKHA'I MTSAN NYID DE, ,NAM MKHA' LA NI MTSAN NYID MED, ,KHAMS GSUM PA NI MA LUS PA'I, ,'GRO KUN SGYU MA LTA BU YIN, ,BRTAN PA DANG NI G-YO BA YI, ,'GRO BA DMIGS SU MED PA STE, ,MTHONG BA DANG NI REG PA'I DNGOS, ,THAMS CAD SGYU MA LTA BU YIN, , ZHES GSUNGS TE, DE'I DON NI RJES, DE LA NAM MKHA' NI THOGS PA'I REG BYA BKAG PA TZAM GYI MING TZAM YIN PAS MTSAN NYID GZHAN MED PA BZHIN DU, PHUNG PO LA SOGS PA'I CHOS THAMS CAD KYANG NAM MKHA'I MTSAN NYID DE MI? ? @018B YIN NO, ,'ON KYANG NAM MKHA' DON BYED PA'I NUS PAS STONG PA DANG MI 'DRA BAS KHAMS GSUM MA LUS PA'I 'GRO BA KUN NI BRDZUN PA YIN KYANG, DON BYED PA'I NUS PA DANG LDAN PA'I SGYU MA LTA BU YIN TE, SNOD BCUD KYI 'GRO BA RNAMS LA DE KHO NA NYID LA DPYOD PA'I RIGS PAS DPYAD NA 'GA' YANG DMIGS SU MED LA, 'ON KYANG RANG RANG GI BYA BA BYED PA LA MI SLU BAS MTHONG BA MYONG BA DANG, REG PA SNANG BA THAMS CAD NI SGYU MA JI LTA BA BZHIN DU SHES PAR BYA'O, ,G-YO BA'I 'GRO BA RANG BZHIN MED PA NI GANG ZAG GI BDAG MED DANG, BRTAN PA'I 'GRO BA DANG NANG GI PHUNG SOGS KYI CHOS RANG BZHIN MED PA NI CHOS KYI BDAG MED DE, 'DIR 'GRO BA ZHES PA NI SKAD CIG GIS MI SDOD PAR 'GRO BAR DGONGS SO ZHES GSUNGS PA LTAR RO, ,MNGON BRJOD BLA MA LAS KYANG, RANG BZHIN MED PA'I GNAS GOMS LAS, ,LHA YE SNYING PO SGOM BYED PA, ,DE NI MCHOD PA CHEN PO YIN, ,SANGS RGYAS THAMS CAD RTOGS BYED PA'O, ,ZHES DANG, RANG BZHIN BDAG MED CHOS RNAMS NI, ,NAM MKHA' LTA BUR DRI MA MED, ,STONG NYID YE SHES RDO RJE YIS, ,STONG NYID RTAG TU BSGOM PAR BYA, ,ZHES GSUNGS TE, DANG PO'I DON NI RJES, RANG BZHIN MED PA'I DON SGOM PA NI SANGS RGYAS THAMS CAD RTOGS PA STE SGRUB PAR BYED PA'I MCHOD PA CHEN PO DANG ZHES GSUNGS SHING, PHYI MA'I DON NI BDAG MED PA'I DON DE RTOGS PA'I YE SHES BSKYED NAS BSGOM PAR BYA DGOS PA'I DON NO, ,KUN SPYOD LAS, KHA tVAm KA NI LHA YI SKU, ,SHES @019A *, ,RAB dA MA RU YI SGRA, ,NYIN MO BCOM LDAN DPA' BO STE, ,RNAL 'BYOR MA NI MTSAN MOR BRJOD, ,CES SOGS KYIS KYANG STONG NYID KYI DON BSTAN TE, RDZOGS RIM DANG 'BREL BA'I SGO NAS STONG NYID BSHAD PA'I PHYIR TE, SHES RAB dA MA RU YI SGRA, ,RNAL 'BYOR MA NI MTSAN MOR BRJOD, ,CES PA DANG, MYA NGAN 'DAS BYUNG ZHES PAS STONG NYID RTOGS PA'I DPE DON GYI 'OD GSAL BSTAN PA'I PHYIR, BDE MCHOG SDOM 'BYUNG LAS, DNGOS PO MED PA'I CHOS RNAMS LA; ;BLANG DANG DOR BA GA LA ZHIG ,BLANG BYA DANG NI DOR BYA YI, ,CHOS KUN RMI LAM JI BZHIN NO, ,DGA' BA YONGS SU SHES PA YIS, ,SHES RAB PHA ROL PHYIN PA'I MCHOG ,DGA' BA'I 'BRAS BU LA GNAS PA, ,'DI NI DNGOS MED BYANG CHUB BO, ,ZHES GSUNGS SHING, DE'I DON NI RJES, RANG BZHIN GYIS GRUB PA MED PA'I CHOS RNAMS BLANG DOR RANG BZHIN GYIS STONG YANG DER SNANG BA RMI LAM GYI BLANG DOR BZHIN DU YONGS SU SHES PA'I DGA' BA STE BDE BA CHEN PO NI SHES RAB KYI PHA ROL TU PHYIN PA'O, ,MCHOG NI YUL CAN BDE BA CHEN POS MA BYAS PA'I STONG NYID RTOGS PA LAS KHYAD PAR DU 'PHAGS PA'O, ,DGA' BA BDE CHEN GANG GI DON DU BSKYED PA'I 'BRAS BU STE DGOS PA NI BDAG MED PA'I DE NYID BSGOM PA'I PHYIR YIN PAS BDE CHEN BSKYED NAS DE KHO NA NYID KYI DON LA RTZE GCIG TU GNAS PA'I RTOG PA NI RANG BZHIN MED PA'I DON BSGOM PA'O, ,ZHES GSUNGS PA LTAR RO, ,RDO RJE MKHA' 'GRO LAS, GLOG DANG CHU BUR LTAR SMEN PA, , @019B GANG TSE 'DUS BYAS TSUL RNAMS NI, ,GANG GIS JI LTAR MTHONG GYUR PA, ,DE NI SHES RAB BRTEN PA YIN, ,ME LONG NANG GI GZUGS BRNYAN DANG, ,RMI LAM SGYU MA DRE ZA'I GRONG, ,MIG 'PHRUL 'DRA BA SUS MTHONG BA, ,DE NI MNGA' BDAG TU BSHAD DO, ,ZHES GSUNGS SHING, DON NI RJES, CHOS RNAMS RANG BZHIN GYIS STONG ZHING SNANG LA RANG BZHIN MED PA'I SGYU MA LTA BU STE, DE MA RTOGS NA THAMS CAD MKHYEN PA LTA ZHOG THAR PA TZAM YANG THOB PAR MI NUS PAS DE RTOGS PA'I SHES RAB NI LAM GYI SROG YIN PAS GTZO BO DANG MNGA' BDAG YIN PA'I DON DU GSUNGS SO, ,MDOR NA RJE'I DNGOS GRUB SNYE MA LAS, DE LTAR NA BDE MCHOG GI RTZA BA DANG BSHAD PA'I RGYUD KUN LAS RANG BZHIN MED PA BDAG MED PA'I STONG NYID BSGOM DGOS PA GSUNGS PAS BDE STONG SBYAR BA'I LAM BSGOM PAR 'DOD PAS, BDAG MED PA'I LTA BA PHU THAG CHOD PAR BTZAL BAR BYA'O ZHES DANG, DNGOS PO RNAMS BDEN PAR MA GRUB PA GZUGS BRNYAN DANG SGYU MA LA SOGS PA DANG 'DRA'O SNYAM PA TZAM MA GTOGS SGRUB BYED KYI RIGS PA MED NA TSIG TZAM DU ZAD PAS YANG DAG PA'I LTA BA MI RNYED PAS, SGRUB BYED KYI RIGS PAS LUNG GI DON GTAN LA PHAB PA DGOS SO, ,DE YANG RDO RJE MKHA' 'GRO'I 'GREL PAR GCIG DANG DU BRAL GYI RIGS PAS RGYAS PAR GTAN LA PHAB PAS, GCIG DANG DU BRAL LAM RTEN 'BREL LA SOGS PA'I RIGS PAS GTAN LA PHAB PA STE GZHAN DU RGYAS PAR BSHAD ZIN TO, ,ZHES GSUNGS TE, 'ON KYANG GCIG DANG DU BRAL GYI RIGS PA'I RTZA BA NI @020A *, ,RTEN 'BREL GYI RIGS PA LA THUG GO ,YANG DE NYID LAS, THEG PA 'DI DANG PHAR PHYIN GYI THEG PA GNYIS STONG NYID KYI LTA BA LA MCHOG DMAN MED DO, ,NGES RGYU'I DON GCIG YIN KYANG NGES BYED KYI BLO LA LHAN SKYES KYI BDE BAS STONG NYID NGES PA'I STOBS 'DRA BA YUL CAN GZHAN GANG GIS NGES PA LA MED PAS, STONG PA LA KHYAD PAR MED KYANG THABS BDE BAS KHYAD PAR 'PHAGS PAR GSUNGS SO, ,BDAG MED PA'I STONG NYID PHU THAG CHOD PA MA NGES NA 'KHOR BA LAS MI GROL LO, ,NGES BYED LHAN SKYES KYI BDE BA MA SKYES NA SNGAGS KYI LAM MCHOG GI GNAD MED PAS RE RES MI CHOG GI GNYIS KA DGOS PAR GSUNGS TE ZHES BSHAD PA LTAR RO, ,TSUL 'DI DANG 'DUS PA'I SKABS SU STONG NYID BSGOM PAR BSHAD PA'I DGOS PA GNYIS 'DRA LA, BLA MED KYI BDE STONG SBYOR TSUL NI GZHAN DU BSHAD ZIN PA LTAR SHES DGOS SO, ,GANG GIS DAD PAS TSUL 'DI LA, ,'BAD PA'I DGE DES TSE RABS KUN, ,BDE GSANG RGYUD DON LEGS RTOGS NAS, ,RDO RJE 'CHANG CHEN MYUR THOB SHOG ,CES PA 'DI NI CO NE'I KHRI ZUR GRAGS PA BSHAD SGRUB CES BYA BAS RANG LO BCU PHRAG BDUN DANG GCIG THOG TU DAD PAS SBYAR BA'I YI GE BA NI T'A YI LA LUNG BLO BZANG DON GRUB PO, ,MANG+GA LAm,