[preliminary data - not manually proofread] [SNGON 'GRO'I DPAR GZHI] @001A *, ,L'U HE PA'I BSKYED RIM 'DOD 'JO'I DGONGS PA RAB GSAL ZHES BYA BA BZHUGS SO, , @001B #, ,NA MO MANYDZU SHR'I GHO sh'A YA, SGRIB BRAL LHAN SKYES BDE BA'I YE SHES NYID, ,RAB MDZES AINDRA N'I LA'I LHUN PO BZHIN, ,KUN NAS RAB BRJID ZUNG 'JUG SGYU MA'I SKUR, ,RNAM ROL DPAL LDAN 'KHOR LO SDOM PAR 'DUD, ,NYI 'OD 'BUM GYI RTZE DGA' DANG 'GROGS PA'I, ,RAB DMAR BYU RU'I MDANGS LDAN CHAGS PA'I NYAMS, ,MDZES SDUG LANG TSO'I DPAL MNGA' BCOM LDAN MA, ,RDO RJE PHAG MOS BDE CHEN DNGOS GRUB STZOL, ,DUS KYI MTHA' 'DIR HE RU KA DPAL NYID,, DUR SMRIG GAR ROL GSANG CHEN RGYUD SDE YI, ,DGONGS PA 'GREL MDZAD RGYAL BA GNYIS PAR GRAGS, ,YAB SRAS BRGYUD PAR BCAS LA GUS BTUD NAS, ,GRUB CHEN L'U HI PA YIS BSHAD PA'I SROL, ,'KHOR LO SDOM PA'I RIM PA DANG PO'I GNAD, ,RJE BTZUN BLA MA'I MAN NGAG JI LTA BAR, ,'CHAD PAR 'DOD DO MKHA' 'GROS BRTZE BAS SKYONGS, ,'DIR DPAL 'KHOR LO BDE MCHOG GI BSKYED RIM SGRUB THABS KYI GO RIM DANG MTHUN PAR 'CHAD PA LA GSUM SNGON DU 'GRO BA SPYI'I RNAM GZHAG MDOR BSDUS BSHAD PA DANG, SGRUB THABS KYI GZHUNG DON SO SOR BSHAD PA DANG, 'PHROS DON BSHAD PA'O, DANG PO LA GNYIS, RTZA BSHAD KYI RGYUD NGOS BZUNG PA DANG, DGONGS 'GREL GYI RIM PA @002A #, ,BYON TSUL LO, ,DANG PO NI, BCOM LDAN 'DAS KYIS GDUL BYA'I DON DU MDO SNGAGS KYI PHYOGS GNYIS GSUNGS PA'I NANG NAS BRJOD BYA'I NGOS NAS CHES ZAB PA NI BLA MED KYI RGYUD SNGA RNAMS YIN LA, DE'I NANG NAS KYANG PHA RGYUD THAMS CAD KYI GTZO BO NI DPAL GSANG BA 'DUS PA DANG, MA RGYUD THAMS CAD KYI GTZO BO NI DPAL 'KHOR LO BDE MCHOG GI RGYUD RNAMS YIN NO, ,'DI'I RTZA RGYUD LA NI RGYAS PA SHO LO KA 'BUM PHRAG GSUM PA DANG, 'BRING PO SHO LO KA 'BUM PHRAG GCIG PA, BSDUS PA LE'UR GCIG PA GSUM YOD DE, HE RU KA MNGON 'BYUNG LAS, 'BUM PHRAG 'BUM PHRAG GSUM LAS BYUNG, ,RGYUD KYI SNYING PO BSDUS PA YIN, ,ZHES DANG, MKHA' 'GRO RGYA MTSO LAS, DE LTAR NGES BRJOD 'BUM GSUM LAS, ,BYUNG BA BDE MCHOG NYUNG DU STE, ,ZHES GSUNGS PA'I PHYIR, BSHAD RGYUD LA LNGA YOD DE, RDO RJE MKHA' 'GRO, KUN SPYOD, SDOM 'BYUNG DANG PHAG MO'I MNGON 'BYUNG GNYIS GCIG TU BYAS PA DANG, MNGON BRJOD, KHA SBYOR GYI RGYUD DANG BCAS PA RNAMS SU YOD PA'I PHYIR, PHYOGS MTHUN GYI RGYUD KYANG YOD DE, HE RU KA MNGON 'BYUNG, RNAL 'BYOR MA BZHI ZHAL SBYOR, MKHA' 'GRO RGYA MTSO RNAMS SU YOD PA'I PHYIR, GNYIS PA DGONGS 'GREL GYI RIM PA YOD DE, L'U NAG DRIL @002B GSUM GYIS MDZAD PA'I 'DI'I SKOR GYI GZHUNG THAMS CAD DANG KHYAD PAR L'U HI PAS MDZAD PA'I MNGON RTOGS DANG BCAS PA RNAMS SU YOD PA'I PHYIR, PHYI MA 'DI LA 'GREL BA DU MA YOD DE, LVA BA PA, PRADZNY'A RAKshI TA, BI BHU TI, AA BHYA, JO BOS MDZAD PA'I 'GREL PA SOGS RGYA 'GREL RNAMS DANG, RJES MDZAD PA'I 'DOD 'JO RNAMS SU YOD PA'I PHYIR, GNYIS PA LA GNYIS, SGRUB THABS KYI CHINGS MDOR BSTAN PA DANG, NYAMS SU LEN PA'I RIM PA NYID BSHAD PA'O, ,DANG PO NI, RTZA RGYUD LAS, GOS DANG PHYAG RGYA LNGA LA SOGS, ,SHES RAB YAN LAG PHUR BU GUR, ,A'A LI K'A LI ZHES BRJOD NAS, ,RGYU SOGS STONG PA SNGON 'GRO BA, ,'JUG PA SGRA LA SOGS PA NAS, ,JI SRID BSDUS PA'I SBYOR LDAN PA, ,BDUD RTZI TSIM BYED MYA NGAN 'DAS, ,LAG PA'I MCHOD PA DBANG BSKUR BAS, ,GO CHA CHEN POS YANG DAG BSRUNG, ,SNGAGS RNAMS KUN GYIS MCHOD PAR BYA, ,DE LTAR DE NYID BCU BZHI NI, ,MDOR BSDUS NAS NI BSHAD PA YIN, ,ZHES GSUNGS PA LTAR DE NYID BCU BZHI YOD DE, 'DI NI BSKYED RDZOGS GNYIS KA LA SBYAR BA YOD KYANG, 'DIR BSKYED RIM GYI DBANG DU BYAS NA, GOS SAM GNAS GYI DE NYID ? PHYAG RGYA'I DE NYID, SGRUB GROGS KYI DE NYID, SRUNG 'KHOR GYI DE NYID, A'A LI'I DE NYID, K'A LI'I DE NYID, STONG NYID BSGOM PA RGYU SOGS STONG PA SNGON DU 'GRO BA'I DE NYID, BAR DO MTSON BYED SOGS 'JUG PA SGRA'I DE NYID, DAM LE GNYIS GCIG TU BSRE BA SBYOR BA'I DE NYID, MCHOD PA BZHIS MCHOD PA BDUD RTZIS TSIM PAR BYED PA'I DE NYID, NYER BSDU BYED PA MYANG 'DAS KYI DE NYID, LAG MCHOD KYI DE NYID, DBANG BSKUR BA'I DE NYID, YAB YUM GNYIS LA GO CHA BGO BA'I DE NYID, BZLAS PA DANG SNGAGS MCHOD KYI DE NYID RNAMS SU YOD PA'I PHYIR, DE NYID BCU BZHIR BSHAD PA LA DGOS PA YOD DE, RGYUD DON THAMS CAD @003A *, ,DE NYID BCU BZHIR 'DU BAR SHES PA'I CHED YIN PA'I PHYIR RO, ,GNYIS PA LA GNYIS, THUN GYI NGO BO LA JI LTAR BYA BA DANG, THUN MTSAMS SU JI LTAR BYA BA'O, ,DANG PO LA GSUM, THUN GYI 'GOR JI LTAR BYA BA DANG, DNGOS GZHI LA JI LTAR BYA BA DANG, MJUG TU JI LTAR BYA BA'O, ,DANG PO LA GNYIS, THOG MAR BYA PA'I RIM PA BSHAD PA DANG, SGRUB THABS KYI YAN LAG DNGOS BSHAD PA'O, ,DANG PO LA BZHI, RDOR DRIL DANG NANG MCHOD BYIN BRLAB, SNGON 'GRO'I MCHOD GTOR BYIN BRLAB SOGS DANG, BDAG BSKYED MCHOD PA BYIN BRLAB DANG, RDOR SEMS KYI SGOM BZLAS BYA TSUL LO, ,DANG PO LA BZHI, RDOR DRIL BYIN BRLAB DANG, NANG MCHOD BSANG BA, SBYANG BA, BSKYED CING BYIN GYIS BRLAB PA'O, ,DANG PO NI, THOG MAR SKAD CIG GIS RANG NYID HE RU KA SNGON PO ZHES SOGS KYIS, THA MAL GYI PHUNG PO RANG BZHIN GYIS STONG PAR SBYANGS PA'I STONG PA'I NGANG LAS, SNA TSOGS PADMA DANG NYI MA'I GDAN LA SKAD CIG GIS RANG NYID HE RU KA YAB YUM ZHAL GCIG PHYAG GNYIS PAR BSGOM PAR BYA STE, 'CHAD PAR 'GYUR BA'I MCHOD GTOR SOGS BSANG SBYANGS BSKYED DE BYIN GYIS BRLAB PA NI THA MAL GYI SNANG ZHEN GYIS MI NUS PAS LHA'I NGA RGYAL DANG LDAN PA'I SGO NAS BYED DGOS PA'I PHYIR, DE NAS RDOR DRIL BYIN BRLAB BYA BA NI 'DI'I BSHAD PA PHAL CHER NA MI GSAL YANG, CHO GA'I GZHUNG LAS 'BYUNG BA LTAR CUNG ZAD BRJOD NA SPYI LA GO DON GYI KHYAD CHE BAS, DE JI LTAR BYA BA'I TSUL YOD DE, LAM DANG 'BRAS BU'I SKABS KYI BDE BA CHEN PO'I YE SHES SOGS THABS KYI CHA THAMS CAD RDO RJE DANG, STONG NYID RTOGS PA'I SHES RAB SOGS SHES RAB KYI CHA THAMS CAD DRIL BU'I RNAM PAR SHAR BA'I SGO NAS DRIL BU 'DZIN CING, DE GNYIS KA'ANG BDE STONG DBYER MI PHYED PA'I DON DAM PA BYANG CHUB KYI SEMS KYI RANG BZHIN YIN NO @003B SNYAM DU BSAMS LA, AOm ZHES SOGS BRJOD PA'I SGO NAS BYIN GYIS BRLAB PA YIN PA'I PHYIR, SNGAGS DANG PO 'DI'I DON YOD DE, AOm NI BKRA SHIS PA SOGS DON BDUN LA 'JUG PA DRAN PA'I SGO NAS BRJOD NA PHAN YON CHE BA DANG, SARBA TA TH'A GA TA SIDDHI BADZRA NI, DE BZHIN GSHEGS PA THAMS CAD KYI GRUB PA'I RDO RJE, SA MA YA TIshthA AE shA STVAm DH'A RA YA MI NI DAM TSIG MNOS TE 'DI BDAG GIS BZUNG BAR BGYI'O, ,BADZRA SATVA NI RDO RJE SEMS DPA', HI LNGAS YE SHES LNGA DANG, H'Um GSUM GYIS NI SKU GSUNG THUGS RDO RJE GSUM DBYER MI PHYED PA DE MTSON ZHING, PHAt NI GSAL BA DANG, SV'A H'A NI GZHI TSUGs PA'I DON YIN PA'I PHYIR, DE NAS BADZRA GHAndA H'Um ZHES BRJOD CING 'DI'I DON YOD DE, DRANG DON DU RDO RJE DRIL BU ZHES PA YIN LA, NGES DON DU H'Um GIS YE SHES LNGA DANG CHOS THAMS CAD BDEN STONG DU DRIL NAS RTOGS DGOS PAR MTSON ZHING, DRIL BU'I SGRAS KYANG DON DE SGROG PAR BSAM PAR BYA DGOS PA'I PHYIR, DE NAS RDO RJE SEMS DPA' LA SOGS PA'I SANGS RGYAS THAMS CAD MNYES PAR BYA'O SNYAM ZHING, SEMS CAN RMONGS DANG ZHES SOGS KYI DON LTAR BSAM DGOS TE, DON NI DRANG DON DU MTSON BYED DPE'I RDO RJE LAG GIS GSOR ZHING, DES DON MTSON BYA DON GYI RDO RJE BDE STONG DBYER MED KYI YE SHES DE RANG RGYUD LA GSOR BA'AM BSKYED PA NI MDZES PA'I PHYIR TE, DES SEMS CAN RMONGS PA MA RIG PA DANG BRAL BAR BYAS PA'I SGO NAS 'KHOR BA'I SDUG BSNGAL THAMS CAD LAS RNAM PAR THAR BAR 'GYUR BA'I BYA BA BYED PA'I PHYIR, DE LTAR BYED PA'I RGYU MTSAN YOD DE, YE SHES DES CHOS KYI MCHOG DE KHO NA NYID RTOGS PA'I PHYIR RO, ,DE'I PHYIR SPRO BA DANG BCAS TE PHYI NANG GI RDOR DRIL BZUNG BAR BYA'O, ,H'Um GSUM DANG HO GSUM GYI MTSON DON YANG YOD DE, H'Um GSUM GYIS RDO RJE GSUM DBYER MI PHYED PA DANG, HO GSUM GYIS NI SEMS CAN CHUNG 'BRING CHEN PO GSUM 'KHOR BA @004A *, ,LAS THAR BAR BYED PA DE MTSON PA'I PHYIR, AOm BADZRA DHARM'A RA nI ZHES SOGS KYI DON YANG YOD DE, BADZRA DHARM'A RA nI TA PRA RA nI TA SA MA PRA RA nI TA NI, RDO RJE STE STONG PA NYID KYI CHOS SGRA SGROG RAB TU SGROG KUN TU RAB TU SGROG, ,SARBA BUDDHA KshE tA PRA TZA LI NE NI SANGS RGYAS KYI ZHING THAMS CAD RAB TU G-YO BA; PRADZNY'A P'A RA MI TA N'A DA SVA BH'A WA NI SHES RAB KYI PHA ROL TU PHYIN PA'I SGRA'I RANG BZHIN, BADZRA SATVA HRi DA YA SANTO shA nI ZHES PA NI RDO RJE SEMS DPA'I THUGS KUN DU DGYES PA, H'Um DANG HO NI SNGAR BZHIN DANG, SV'A H'A NI LEGS PA SBYIN PA SOGS KYI DON YIN PA'I PHYIR, GNYIS PA NI, RANG GI SNYING KHA NAS DUM SKYES MA DPAG TU MED PA SPROS TE RDZAS LA GNAS PA'I BGEGS THAMS CAD BSKRAD PAR BSAM PA YIN TE, KHAndA RO HI NI DU MA SKYES MA ZHES PA'I DON YIN PA'I PHYIR, GSUM PA NI, SVA BHA WA'I SNGAGS BRJOD CING NANG MCHOD KYI RDZAS SNOD DANG BCAS PA STONG PAR SBYANGS PA'I TSUL GYIS BDE STONG DBYER MED KYI 'OD GSAL DU 'JUG DGOS PA YIN TE, DE RNAMS LA THA MAL GYI SNANG ZHEN BSAL NAS BDE STONG DBYER MED KYI RNAM ROL TU BLTA DGOS PA'I PHYIR, SVA BH'A WA'I SNGAGS DON KYANG YOD DE, DNGOS ZIN LTAR NA RANG BZHIN KYIS DAG PA'I CHOS THAMS CAD RANG BZHIN GYIS DAG PA DE NGA'O ZHES PA YIN ZHING, DON LA NI DAG PA SNGA PHYI GNYIS RIM PA BZHIN GZUNG BA DANG 'DZIN PAS BSDUS PA'I CHOS THAMS CAD RANG BZHIN GYIS STONG PA'I BDAG NYID DU BLTA DGOS PA'I DON YIN PA'I PHYIR RO, ,BZHI PA LA GNYIS, BSKYED PA DANG BYIN GYIS BRLAB PA'O, ,DANG PO BSKYED TSUL YOD DE, STONG PA'I NGANG LAS YAm DANG RAm LAS RLUNG DANG ME'I DKYIL 'KHOR GYI STENG DU YI GE GSUM DANG, DE LAS MI MGO'I SGYED BU LTA GA PA DBUS SU BSTAN PA GSUM GYI BAR DU A'A LAS THOD PA DUM BU GCIG PA PHYI DKAR LA NANG DMAR BA'I NANG DU SHA @004B LNGA DANG BDUD RTZI LNGA AOm LA SOGS PA RANG RANG GI SA BON LAS BSKYED PA YIN PA'I PHYIR, DE LTAR BYAS PA'I MTSON DON DANG DGOS PA YOD DE, STONG PA'I NGANG LAS BYUNG BA NI DE RNAMS RANG BZHIN GYIS STONG PA'I RNAM 'PHRUL DU BLTA BA DANG, RLUNG ME GNYIS RANG GI SA BON LAS BSKYED PA NI MING RKYANG BTAGS YOD TZAM DU SHES PA DANG, SGYED BU GSUM GYIS NI BDE BA'I RTEN SGRUB PA PO'I SGO GSUM MTSON ZHING, THOD PA BDE SKYONG GI SNOD YIN PAS PHYI DKAR BAS BDE BA DANG NANG DMAR BAS STONG PA DANG, DUM BU GCIG PAS BDE STONG DBYER MED PA DE MTSON PA'I PHYIR, SHA LNGA BDUD RTZI'I RDZAS SU 'JOG PA'I RGYU MTSAN YOD DE, BYIN GYIS BRLABS NAS RANG GIS LONGS SPYOD CING LHA LA PHUL BAS DNGOS GRUB MYUR DU 'GUGS PAS LCAGS KYU DANG GSAL BAR BYED PAS SGRON MA LNGA ZHES BSHAD PA'I PHYIR, DRI CHEN SOGS DE'I RDZAS SU 'JOG PA'I RGYU MTSAN YOD DE, TSUL BZHIN LONGS SPYOD CING PHUL BAS 'CHI MED 'GRUB PAR 'GYUR BA'I SGO NAS YIN PA'I PHYIR, SPYIR SHA LNGA GSHEGS PA LNGA DANG BDUD RTZI LNGA GSHEGS MA LNGA'I SA BON LAS BSKYED PA YOD KYANG 'DIR DE LAS LDOG STE BSKYED CING YI GE DE RNAMS KYIS MTSAN BAR BYAS PA LA DGOS PA YOD DE, SHA LNGA GSHEGS MA LNGA'I NGO BO DANG, BDUD RTZI LNGA GSHEGS PA LNGA'I NGO BOR BYIN GYIS BRLAB PA'I CHED YIN PA'I PHYIR, SA BON GYI YI GE RNAMS G-YAS SKOR DU 'GOD PA'I TSUL YOD KYANG 'DIR DE DANG MI 'DRA STE, PHYOGS KYI YI GE RNAMS G-YON SKOR DANG MTSAMS KYI YI GE G-YAS SKOR DU BYAS NAS 'GOD PA YIN PA'I PHYIR, RDZAS DE RNAMS KYI DBYIBS DANG SDOD LUGS JI LTAR BYA BA'I TSUL YOD DE, SHA RNAMS TSANG MA'AM DUM BUR BTUB PA LTA BU DANG, SHA DANG BDUD RTZI PHAN TSUN GO SA SO SO BA'AM GOS MI 'GOG PA DANG SHA RNAMS BDUD RTZI'I NANG DU BCUG PA CI RIGS SU BSAM PAR BYA BA YIN PA'I @005A *, ,PHYIR, RLUNG ME SOGS KYI MTSON DON KHYAD PAR BA YOD DE, RLUNG GIS ME SBAR TE THOD PA'I RDZAS ZHU BA SOGS KYIS NI RANG RGYUD KYI RLUNG GIS GTUM MO BSKUL NAS BYANG SEMS ZHU STE BDE STONG DBYER MED KYI YE SHES SKYE BA DE MTSON PA'I PHYIR RO, ,'DI NI GSANG 'DUS DANG GSHIN RJE GSHED KYI SGO NAS NANG MCHOD SOGS BYIN BRLAB BYA BA'I TSUL DANG YANG CHOS MTHUN NO, ,GNYIS PA BYIN GYIS BRLAB PA'I TSUL YOD DE, RDZAS KYI STENG DU H'Um LAS THUGS RDO RJE MTSON BYED KYI KHA tV'Am GA BSKYED PA THOD PAR LHUNG NAS ZHU BAS RDZAS RNAMS DNGUL CHU'I MDOG CAN DU BSGYUR? ZHING, STENG DU 'KHOR LO GSUM GYI LHA'I NGO BOR GYUR BA'I DBYANGS GSAL RNAMS BKOD DE YI GE GSUM GYI NGO BOR BSGYUR NAS, DE LAS 'OD ZER 'PHROS PAS RGYA MTSO NA GNAS PA'I BDUD RTZI DANG, SANGS RGYAS BYANG SEMS SOGS KYI THUGS KA NAS YE SHES KYI BDUD RTZI BKUG STE YI GE GSUM LA THIM PAS ZHUN SA THOD PA'I RDZAS RNAMS BYIN GYIS BRLAB PAR BSAM PA YIN PA'I PHYIR, DE YANG DMAR SER DU GYUR ZHES PA YAN GYIS DAM TSIG PA'I RDZAS BSKYED PA DANG DE MAN GYIS YE SHES PA'I RDZAS 'JUG PA YIN TE, LHA DAM TSIG PA LA YE SHES PA 'JUG PA DANG CHOS MTHUN ZHING YE SHES PA'I RDZAS KYIS DAM TSIG PA'I RDZAS RNAMS BYIN GYIS RLOB PAR BYED PA YIN PA'I PHYIR, MJUG TU YI GE GSUM LAN GSUM SOGS BRJOD DGOS PA YIN TE, RDZAS RNAMS RDO RJE GSUM GYI BDAG NYID DU BYIN GYIS BRLAB PA'I CHED YIN PA'I PHYIRO, ,GNYIS PA LA GNYIS, MCHOD GTOR BYIN GYIS BRLAB PA DANG, MGRON SPYAN DRANGS NAS 'BUL BA'I TSUL LO, ,DANG PO YOD DE, MCHOD PA BYIN BRLAB NI 'CHAD PAR 'GYUR ZHING, GTOR MA BYIN BRLAB NI NANG MCHOD LTAR @005B BYA BA YIN PA'I PHYIR RO, ,GNYIS PA LA'ANG GNYIS, SPYAN DRANGS NAS 'BUL BA DANG, 'PHRIN LAS BCOL TE GSHEGS SU GSOL BA'O, ,DANG PO YOD DE, 'BAR BA'I PHYAG RGYA BYAS NAS NGAG TU PHEm ZHES BRJOD CING 'OD ZER GYIS PHYOGS SKYONG SOGS SPYAN DRANGS PA THA MAL GYI SNANG ZHEN SBYONG BA'I CHED DU, 'OD GSAL DU BCUG NAS HE RU KA YUM BCAS SU BSKYED DE LJAGS BYIN GYIS BRLABS NAS SNGAGS KYIS 'BUL BA YIN PA'I PHYIR, SNGAGS LAN GNYIS KYIS 'BUL BA'I RGYU MTSAN YOD DE, PHYOGS DANG MTSAMS KYI 'JIG RTEN PA RNAMS LA SO SOR 'BUL BA'I CHED YIN PA'I PHYIR, SNGAGS DON YOD DO, KHA KHA KH'A HI KH'A HI NI ZO ZO ZO SHIG ZO SHIG ,SARBA YAKshA RAKshA NAS AA PA SM'A RA'I BAR NI GNOD SBYIN THAMS CAD SRIN PO DANG 'BYUNG PO DANG YI DAGS DANG SHA ZA SMYO BYED BRJOD BYED, BADZRA d'A KA NAS YATZTSA NTU'I BAR NI RDO RJE MKHA' 'GRO MKHA' 'GRO MA RNAMS LA STER BAS GTOR MA 'DI BZUNG DU GSOL DAM TSIG BSRUNG BAR GYIS, BDAG LA DNGOS GRUB STZOL, YA THE NAS DZI GHRA THA'I BAR NI JI LTAR 'DOD PA DE LTAR BZA' BA BTUNG BA MYANG BAR GYIS, MA TI KRA MA NAS BHA WANTU'I BAR NI RIM PA LAS MI 'DA' BAR BDAG GI DGOS PA THAMS CAD BDE BA DAM PAS RNAM PAR DAG PA'I GROGS MDZAD DU GSOL ZHES PA'I DON YIN PA'I PHYIR, DE NAS MCHOD PA DANG NANG MCHOD KYANG 'BUL LO, ,GNYIS PA YOD DE, LHA YI TSOGS RNAMS MA LUS DANG, ,ZHES SOGS BRJOD CING 'PHRIN LAS BCOL NAS BADZRA MU: ZHES PAS SE GOL GDAB CING GSHEGS PAR BSAM PA YIN PA'I PHYIR, 'DIR PHYOGS SBYONG? SOGS LA MCHOD GTOR PHUL BA LA DGOS PA YOD DE, SGRUB THABS KYI DNGOS GZHI BSGOM PA LA BAR CHAD MI 'BYUNG BA'I CHAD YIN PA'I PHYIR RO, ,GSUM PA BDAG BSKYED KYI MCHOD PA BYIN BRLAB NI 'OG TU YANG RUNG MOD 'DIR BYED PA LA GNYIS, BSANG SBYANG DANG, BSKYED CING BYIN @006A *, ,GYIS BRLAB PA'O, ,DANG PO NANG MCHOD KYI SKABS LTAR BYA'O, ,GNYIS PA JI LTAR BYA BA'I TSUL YOD DE, STONG PA'I NGANG LAS THOD PA'I MING YIG DANG PO KA LA KLAD KOR BYIN PA'I KAm NGAM A'A:LAS THOD PA RNAMS KYI NANG DU 'DIR BDAG BSKYED LA MCHOD 'GO RANG GI G-YON DANG MDUN BSKYED LTA BU LA DE NYID KYI G-YON NAS 'GO BRTZAMS TE H'Um RE RE, DE YONGS SU GYUR PA LAS MCHOD RDZAS RNAMS NGO BO BDE STONG DBYER MED KYI YE SHES YIN PA LA, RNAM PA MCHOD RDZAS SO SO'I RNAM PA CAN DANG, BYED LAS SAM NUS PA MGRON RNAMS KYI MIG PA LA SOGS PA'I DBANG PO DRUG GI SPYOD YUL DU ZAG MED KYI BDE BA STER BA'I KHYAD CHOS GSUM LDAN DU MOS NAS, AARGHAm SOGS RANG RANG GI MING YI GE GSUM DANG SBEL TE BYIN GYIS BRLABS PAR BYA BA YIN PA'I PHYIR, MCHOD PA RNAMS H'Um GI SA BON LAS BSKYED PA'I RGYU MTSAN YOD DE, H'Um NI SPYIR THUGS RDO RJE MTSON BYED YIN LA 'DIR HE RU KA'I THUGS BDE STONG DBYER MED KYI YE SHES MTSON BYED YIN PAS, DE NYID MCHOD RDZAS SO SO'I RNAM PAR SHAR BAR SHES DGOS PA'I CHED YIN PA'I PHYIR, MCHOD PA YE SHES KYI BDAG NYID DU MOS PA LA DGOS PA KHYAD PAR CAN YOD DE, DE LA LONGS SPYAD PAS RANG RGYUD LA YE SHES DE LTA BU SKYE BA'I BAG CHAGS KHYAD PAR CAN 'JOG PA'I CHED YIN PA'I PHYIR, YI GE GSUM DANG SPEL BA'I RGYU MTSAN YOD DE, MCHOD PA RNAMS RDO RJE GSUM GYI SGO NAS BYIN GYIS BRLAB PA'I CHED YIN PA'I PHYIR RO, ,BZHI PA LA GNYIS, BSKYED PA DANG, BZLAS PA BYA BA'O, DANG PO NI, SPYIR RANG NYID RDOR SEMS SU BSKYED NAS YIG BRGYA BZLAS KYANG RUNG MOD, PHYAG LEN LA RANG GI SPYI BOR BSGOMS NAS BYED PA LTAR BYA BA YIN TE, DE YANG 'DI'I SNGON DU SANGS RGYAS CHOS DANG DGE 'DUN LA, ,ZHES SOGS @006B 'BYUNG BA LTAR SKYABS SEMS BYED PA'AM, GZHAN GYIS KYANG RUNG LA, DE NAS RANG GI SPYI BOR BAm LAS PADMA ZHES SOGS LTAR BSKYED CING YE SHES PA BCUG NAS BZLAS PA LA 'JUG PA YIN PA'I PHYIR, GNYIS PA NI, YIG BRGYA SPYI 'GRO LTAR YANG RUNG LA, 'DIR SA TVA'I DOD LA HE RU KA ZHES 'BYUNG BA LTAR NA 'DI LTAR YIN TE, BADZRA NI RDO RJE, HE RU KA ZHES PA RNAMS DON 'GYUR LA KHRAG 'THUNG YIN ZHING, SA MA YA NI DAM TSIG, MA NU NI RJES SU, P'A LA Y'A NI SKYONG BA, TVE NO PA TIshthA NI NYE BAR GNAS PAR MDZOD, dI dHO NI BRTAN PA, SU TO shYO NI SHINTU DGYES PA, SU PO shYO NI SHIN TU RGYAS PA, AA NU RA TO NI RJES SU CHAGS PA, ME NI BDAG DANG BHA WA RNAMS NI RANG BZHIN DU MDZOD CIG CES PA'AM, DNGOS POR MDZOD CIG ,SARBA SIDDHI ME PRA YATZTSA NI DNGOS GRUB THAMS CAD BDAG LA STZOL CIG, SARBA KARM'A NAS KU RU'I BAR NI LAS KUN LA BDAG GI SEMS KYI DPAL DU MDZOD CIG ,H'Um NI THUGS DANG, HA BZHI DANG HO DANG LNGA NI YE SHES LNGA, BHA GA W'AN NI BCOM LDAN 'DAS, MA ME MUNYTZA NI BDAG LA GROL BAR MDZOD CES PA'AM, MA 'DOR CIG CES PA, MA H'A SA MA YA SA TVA NI DAM TSIG SEMS DPA' CHEN PO, ,A'A:NI GSUNG RDO RJE'I SA BON YIN PA'I PHYIR, H'Um DANG PHAt NI YI GE BRGYA PAR MI THE YANG MJUG TU SBYAR BA YIN LA, YI GE BRGYA BA ZHES PA NI SROG LDAN GYI YI GE'I DBANG DU BYAS PA YIN TE, GZHAN DU NA DE LAS MANG BA'I PHYIR RO, ,MTHAR GSOL BA BTAB NAS RANG LA BSTIM PAS RANG DANG DBYER MED DU GYUR BAR BSAM MO, ,'DI LA STOBS BZHI TSANG BA YIN TE, SKYABS SEMS NI RTEN GYI STOBS, BZLAS PA NI GNYEN PO KUN TU SPYOD PA'I STOBS, BDAG NI MI SHES SOGS NI SUN 'BYIN PA'I STOBS YIN LA, SLAR LDOG PA'I STOBS NI SHUGS @007A *, ,KYIS BSTAN PA'I PHYIR, RDOR SEMS KYI SGOM BZLAS BYAS PA LA DGOS PA YOD DE, DAM TSIG NYAMS PA SOGS KYI NYES LTUNG SBYONG ZHING 'PHEL KHA CHAD PAR 'GYUR BA'I PHYIR TE, DE SKAD DU YANG SNYING PO RGYAN YAS, YI GE BRGYA PA CHO GA BZHIN, , NYI SHU RTZA NI RE RE BZLAS, ,LTUNG SOGS BYIN GYIS BRLABS GYUR NAS, ,'PHEL BAR YANG NI MI 'GYUR ZHES, ,GRUB PA MCHOG RNAMS KYIS BSHAD PA, ,ZHES SOGS GSUNGS PA'I PHYIR RO, ,GNYIS PA LA BZHI, SGO GSUM DAG PAR BYAS NAS TSAD MED BZHI BSGOM PA, PHUNG KHAMS SKYE MCHED BYIN GYIS BRLAB PA, SRUNG 'KHOR BSGOM PA, TSOGS GSOG PA'O, ,DANG PO NI, KUN SPYOD LAS, SHR'I NI GNYIS MED YE SHES TE, ,HE NI RGYU SOGS STONG PA NYID, ,RU NI BKOD DANG BRAL? BA STE, ,KA NI GANG DU'ANG MI GNAS PA'O, ,ZHES 'BYUNG BA LTAR BSGOM PAR BYA BA YIN TE, DE YANG SH'I HE RU KA ZHES BRJOD CING DE'I DON BSAMS PA'I SGO NAS DAG PA GSUM GYI RNAL 'BYOR LA 'JUG PA YIN PA'I PHYIR, YI GE BZHI PO NGES? BRJOD BYA'I DON MTSON TSUL YOD DE, HE YIG GIS NI PHUNG SOGS KYIS BSDUS PA'I CHOS RNAMS RANG BZHIN GYIS GRUB PAS STONG PA'I CHOS KYI BDAG MED PA DANG, RU YIG? GIS GANG ZAG RANG BZHIN GYIS GRUB PAS STONG PA'I GANG ZAG GI BDAG MED PA MTSON PAS GNYIS KAS KYANG YUL GYI BDAG MED MTSON PA YIN LA, KA YIG GIS NI YUL CAN LHAN SKYES KYI BDE BA CHEN PO'I YE SHES MTSON ZHING, SHR'I? YIG GIS YUL YUL CAN GNYIS CHU LA CHU BZHAG PA BZHIN DU GNYIS SU MED PAR SBYOR BA'I BDE STONG DBYER MI PHYED PA'I BDAG NYID CAN GYI CHOS SKU DE NGA'O SNYAM DU NGA RGYAL @007B BZHAG NAS AE WAm GYI DON BSGOM DGOS PAR MTSON PA'I PHYIR RO, ,DE LTAR BSGOMS PA DE LA YID DAG PAR BYED PA'I RNAL 'BYOR DANG, DE LAS LHA'I SKUR LDANG NAS YI GE DE DAG BRJOD PA LA LUS DAG PHAR BYED PA'I RNAL 'BYOR DANG, DE NAS 'GOR AOm DANG, MTHAR H'Um H'Um PHAt SBYAR BA'I DBYANGS GSAL LAN GSUM BRJOD CING RANG GI LTE BA'I PHYOGS SU G-YON DU LAN GSUM BSKOR BA LAS LHA'I TSOGS SPRO BSDU BYED PA LA DAG DAG PAR BYED PA'I RNAL 'BYOR ZHES BYA STE, RANG GI SGO GSUM GYI DRI MA SO SOR DAG PAR BYED PA'I RNAL 'BYOR YIN PA'I PHYIR, DE LTAR BSGOMS PA LA DGOS PA YOD DE, SGRUB PA PO'I SGO GSUM GYI BYA BA THAMS CAD DAG PA GSUM GYI RNAL 'BYOR GYIS ZIN DGOS PAR SHES PA'I CHED YIN PA'I PHYIR RO, DE NAS SEMS CAN THAMS CAD SDUG BSNGAL DANG BRAL BA DANG, BDE BA DANG LDAN PA DANG, THOB ZIN PA'I BDE BA BRTAN PA DANG, YID DE BZHIN NYID LA GNAS PAR GYUR CIG ,GNAS PAR BYA'O SNYAM PA'I SGO NAS TSANGS PA'I GNAS BSGOM DGOS PA YIN TE, 'CHAD PAR 'GYUR BA'I LAM THAMS CAD THEG CHEN GYI NYAMS LEN DU 'GYUR PAR BYA BA'I CHED YIN PA'I PHYIR RO; ;GNYIS PA LA GSUM, PHUNG PO DANG, SKYE MCHED DANG, KHAMS BYIN GYIS BRLAB PA'I TSUL LO, ,DANG PO NI, RANG GI DPRAL BA'I DBUSU BHRUm DKAR PO ZHES SOGS 'BYUNG BA LTAR BYA BA YIN ZHING, DE YANG RNAM SNANG ? DER 'GOD PA'I RGYU MTSAN YOD DE, RNAM SNANG LUS DAG BYED KYI LHA YIN LA ,LUS SAM GZUGs PHUNG GI RTEN KHAMS DKAR PO NI DPRAL BA NA GNAS PA'I PHYIR, RDO RJE NYI MA LTE BAR 'GOD PA YIN TE, DE NI TSOR PHUNG DAG BYED YIN LA, TSOR PHUNG NI GTZO BOR DROD LA BRTEN NAS 'BYUNG BAS DROD KYI GTZO BO GTUM MO LTE BA NA GNAS @008A *, ,PA'I PHYIR, PADMA GAR DBANG NI MGRIN PAR 'GOD PA YIN TE, DE NI 'DU SHES KYI PHUNG PO DAG BYED YIN LA 'DU SHES NI GTZO BOR MGRIN PA NAS BYUNG STE DBANG PO'I SGOR 'JUG PA'I PHYIR, RDO RJE RGYAL PO RKANG BA'I LONG BU'I 'OG TU 'GOD PA YIN TE, DE NI 'DU BYED KYI PHUNG PO DAG BYED YIN LA MTSUNGS LDAN 'DU BYED RTZA NYON DANG NYE NYON RNAMS G-YO BYED KYI RLUNG GI GTZO BO NI RKANG PA'I LONG BU'I PHYOGS NA GNAS PA'I PHYIR, RDOR SEMS SNYING GAR? 'GOD PA YIN TE, DE NI RNAM SHES KYI PHUNG PO DAG BYED YIN LA, RNAM SHES KYI GTZO BO YID KYI RNAM SHES SROG 'DZIN DANG BCAS PA NI SNYING KHA NA GNAS PA'I PHYIR, HE RU KA SPYI BOR 'GOD PA YIN TE, DE NI PHUNG PO LNGA'I DE BZHIN NYID DAG BYED YIN PA DANG, PHUNG PO GZHAN BZHI GZUGS PHU, BRTEN CING GZUGS PHUNG GI GTZO BO BYANG SEMS NI SBYI? BO NA GNAS PA'I PHYIR RO, , JI LTAR BSKYED PA'I TSUL YOD DE, GNAS DE RNAMS SU BHRUm DKAR PO SOGS RANG RANG GI MDOG? DANG MTHUN PA'I SA BON YI GE DRUG LAS BSKYED PA YIN PA'I PHYIR, LHA DE RNAMS NI RIGS DRUG GI NGO BO YIN TE, RIM PA BZHIN RNAM SNANG RIN 'BYUNG 'OD DPAG DON GRUB RDO RJE SEMS DPA' MI BSKYOD PA'I NGO BO YIN PA'I PHYIR, GAL TE HE RU KA MI BSKYOD PA'I NGO BO YIN NA MI 'THAD DE, RIGS NYI TSE BAR 'GYUR BA'I PHYIR ZHE NA, SKYON MED DE, MI BSKYOD PA'I RIGS DANG RIGS DRUG PA MI 'GAL BA'I PHYIR RO, ,'ON KYANG SKABS 'DIR RDO RJE SEMS DPA' NYID RIGS DRUG PAR BYA'O, ,GNYIS PA SKYE MCHED? BYIN GYIS BRLAB BA NI, MIG GNYIS SU AOm DKAR PO ZHES SOGS 'BYUNG BA LTAR BYA BA YIN TE, DE YANG GNAS DE DANG DER SA BON AOm DKAR PO SOGS DRUG LAS GTI MUG RDO RJE SOGS DRUG BSKYED PAR BYA BA YIN PA'I PHYIR, LHA DRUG PO DE @008B SEMS DPA' DRUG GI NGO BO YIN TE, RIM PA BZHIN SA SNYING PHYAG RDOR NAM SNYING 'JIG RTEN DBANG PHYUG SGRIB SEL KUN BZANG RNAMS KYI NGO BO YIN PA'I PHYIR, DE DRUG GNAS DE RNAMS SU 'GOD PA'I RGYU MTSAN YOD DE, RANG GI SBYANG GZHI'I GTZO BO SKYE MCHED RNAMS GNAS DE DAG TU YOD PA'I PHYIR RO, ,GSUM PA KHAMS BYIN GYIS BRLAB PA NI, LTE BA SA LA LAm SER PO ZHES SOGS 'BYUNG BA LTAR BYA BA YIN TE, GNAS DE RNAMS SU LAm SER PO SOGS SA BON LNGA LAS RANG RANG GI MDOG DANG MTHUN PA'I LTUNG BYED MA SOGS LHA LNGA PO DER BSKYED PAR BYA BA'I PHYIR, DE LNGA PO GANG GI NGO BO YIN PA YOD DE, LTUNG BYED MA SPYAN MA'I NGO BO YIN PA NAS PADMA'I DRA BA CAN CHOS DBYINGS RDO RJE MA'I NGO BO YIN PA'I PHYIR, LHA DE RNAMS GNAS DE DANG DER SGOM PA'I RGYU MTSAN YOD DE, SBYONG? BYED LHA RNAMS KYI SBYANG GZHI'I GTZO BO KHAMS RNAMS DE DANG DER GNAS PA'I PHYIR, ,GONG DU BSHAD PA DE RNAMS JI LTAR BSGOM PA'I TSUL YOD DE, LHA DE DAG RANG GI PHUNG PO DANG SKYE MCHED DANG KHAMS RNAMS DANG NGO BO DBYER MED DU BLTA ZHING GNAS DE DANG DER GZUGS BRNYAN SHAR BA BZHIN DU BSAM PA DANG BDE STONG DBYER MED KYI YE SHES LHA DE DANG DE DAG TU SHAR BA'I NGA RGYAL DANG GSAL SNANG LA SLOB PA YIN PA'I PHYIR, DE NAS PRA KRi TA ZHES SOGS BRJOD NAS NGA RGYAL 'DZIN PA YIN TE, SNGAGS DON NI RANG BZHIN GYIS LONGS SU DAG PA'I CHOS THAMS CAD RANG BZHIN GYIS YONGS SU DAG PA DE NGA'O SNYAM DU NGA RGYAL BZUNG BA'I DON YIN PA'I PHYIR RO, ,GSUM PA SRUNG 'KHOR BSGOM TSUL LA GNYIS, BDE MCHOG GI SKOR NAS GSUNGS TSUL MDOR BSDUS DGOD PA DANG, SKABS 'DIR JI LTAR BSGOM PA'I TSUL LO, ,DANG PO NI YOD DE, RTZA RGYUD LAS, RA BA RNAMS NI PHYOGS SU DGOD, ,ZHES SOGS GSUNGs PA'I DON MNGON BRJOD SOGS KYIS SRUNG 'KHOR RGYAS 'BRING BSDUS PA GSUM GYI BSGOM TSUL DU MDZAD LA, DE YANG RGYAS PA NI @009A *, ,RA GUR GYI NANG DU 'KHOR LO RTZIBS BCU PA'I DBUS SU RDOR SEMS DANG PHYOGS MTSAMS RNAMS SU KHRO BO BCU BSGOMS NAS BZLAS PA BYA ZHING 'PHRIN LAS MDZAD PA DANG, 'BRING PO NI 'DIR BSGOM PA LTAR DANG, BSDUS PA NI DRIL BU'I LUGS SU BSGOM PA LTAR, RDO RJE'I SA GZHIR? GUR BLA RE MDA'I DRA BA ME RI DANG BCAS PA BSKYED NAS SNGAGS DRUG GIS BYIN GYIS BRLAB PA YIN PA'I PHYIR RO, ,GNYIS PA LA GNYIS, RA GUR SOGS JI LTAR BYA BA DANG, KHRO MO RNAMS BSKYED NAS BGEGS LA PHUR BUS GDAB PA'I TSUL LO, ,DANG PO JI LTAR BYA BA'I TSUL YOD DE, RANG NYID HE RU KA'I NGA RGYAL GYIS G-YON PA'I MTHEB MDZUB KYIS SE GOL PHYOGS BZHIR GDAB CING, AOm SUM BHA NI ZHES SOGS ZHAL BZHI PA'I SNGAGS BRJOD PA'I TSE SNGAGS 'OD ZER DANG BCAS PA LAS PHYOGS MDOG CAN GYI SNA TSOGS RDO RJE'I RVA BA GRU BZHI PA DANG, 'OG GI SNA TSOGS RDO RJE'I LTE BA'I H'Um GI 'OD ZER LAS SBROS? PA'I RDO RJE'I SA GZHI DANG, RA BA'I MTHAR RDO RJE RTZE LNGA PA'I RNAM PA CAN GYI MDA'I DRA BA ME RAB TU 'BAR BA PHAN TSUN DU RGYUGS PA DANG STENG DU RVA BA'I RGYA DANG MNYAM PA'I DBYIBS GRU BZHI PA RTZE MO RIM GYIS PHRA BA'I RDO RJE'I GUR DANG, DE'I 'OG TU RDO RJE'I BLA RE STE, RDO RJE CHE BA RNAMS KYI KHONG SENG DU RDO RJE CHUNG BA'I RDUL PHRA RAB KYIS BAR MTSAMS MED PA GTAMS PA, THAMS CAD KYANG PHYI ROL DUM BU GCIG TU GYUR PA DANG, DE'I PHYI ROL TU RDO RJE'I ME RAB TU 'BAR BAS BSKOR BAR BSAM PA YIN PA'I PHYIR RO, ,DE NAS AOm ME DE NI ZHES SOGS KYI SNGAGS BRJOD NAS BYIN GYIS BRLAB PAR BYA BA YIN TE ,SNGAGS DANG PO'I DON NI SA GZHI RDO RJE'I RANG BZHIN DU 'CHING BA DANG, GNYIS PA NI RDO RJE 'DRI BA, GSUM PA NI RDO RJE'I GUR, BZHI PA NI RDO RJE'I BLA RE, LNGA PA NI RDO RJE'I MDA'I DRA BA, DRUG BA NI RDO RJE'I NYI MA ME 'BAR BA STE H'Um DANG BCAS PAS DE RNAMS BYIN GYIS BRLOB PA YIN PA'I PHYIR, PAm? GNYIS DANG SAm DANG KHAm RNAMS 'BYUNG BA'I RGYU MTSAN YOD DE @009B RIM PA BZHIN RA BA GUR MDA' DANG BLA RE RNAMS KYI MING YIG DANG PO DANG SA BON YIN PA'I PHYIR RO, ,GNYIS PA JI LTAR BYA BA'I TSUL YOD DE, SUM BHA NI SOGS SNGAGS TSAN BZHI BRJOD DE RA BA'I PHYOGS BZHIR BKOD NAS DE LAS SGOM BZHI DANG, YANG SNGAGS TSAN GNYIS GNYIS MTSAMS BZHIR BKOD PA LAS MTSAMS MA BZHI STE BRGYAD DANG, SHAR NUB KYI SNGAGS GNYIS LAS STENG 'OG TU KHVA GDONG MA DANG KHYI GDONG MA GNYIS PA RE STE BCU SMAD PHUR BU'I RNAM PAR BSKYED CING, DE'I 'OD ZER LAS SPROS PA'I KHRO MO RNAMS KYIS BGEGS 'GUG PA DANG PHUR GDAB BYA BA SOGS YIN PA'I PHYIR, H'Um BCU LAS KHRON PA BCU BSKYED PA'I TSE STENG 'OG GNYIS GANG DU BYA BA'I TSUL YOD DE, STENG GI DOD SHAR GYI SHAR DANG 'OG GI DOD NUB KYI NUB TU BSKYED PA YIN PA'I PHYIR RO, ,PHUR GDAB KYI SNGAGS DON YOD DE, GHA GHA NI GHA TA GHA TA STE GSOD BYED 'KHOD PA DANG, GH'A TA YA GNYIS NI CHOMS SHIG GNYIS, SARBA DUshtAm NI MA RUNGS PA THAMS CAD, PHAt NI GSAL BAR BYED PA, K'I LA YA GNYIS NI PHUR BUS THOB LA MI 'GUL BAR GYIS, SARBA P'A PAm NI SDIG PA'I BSAM PA CAN THAMS CAD, PHAt NI DAGS BA DANG H'Um GSUM NI BSKUL BA, BADZRA K'I LA Y'A NI RDO RJE PHUR BU ZHES BOD PA, BADZRA DH'A RA A'A DZNY'A PA YA TI NI RDO RJE 'CHANG GI BKA' NYON CIG, SARBA DUsht'Am BIGHN'AN K'A YA W'AKTZITTA BADZRA K'I LA YA NI BGEGS GDUG PA CAN RNAMS KYI LUS NGAG YID GSUM LA PHUR BUS THOB CIG ,H'Um DANG PHAt NI BSKUL BA DANG GSAL BA'I DON YIN PA'I PHYIR RO, ,BADZRA MUTGA? RA SOGS KYI DON YANG YOD DE, RDO RJE THO BAS PHUR BU RDUNGS SHIG CES PA'I DON YIN PA'I PHYIR RO, ,DE NAS PHUR GDAB SOGS BYA BA'I TSUL YOD DE, PHYOGS G-YON SKOR DANG MTSAMS G-YAS SKOR DANG STENG 'OG GI BGEGS KYI GTZO BO RNAMS KYI SPYI BO NAS PHUR BU ZUG PA LA KHRO MO RNAMS KYIS THOBS BRDUNG PAS, BGEGS THAMS CAD BDE STOD DBYER MED KYI NGO BOR GYUR, @010A *, ,KHVA GDONG MA SOGS KYIS BGEGS LHAG MA RNAMS RGYANG RING DU BSKRAD NAS, RANG PHYOGS KYI RDO RJE'I RA BA LA THIM PAS CHU LAS CHU BRDABS PAS ZAGS MA PHYIR 'THOR BA BZHIN DU, RA BA LAS 'OD ZER PHYIR 'PHROS PAS RDO RJE DANG PADMA DANG 'KHOR LO'I RA BA ZLUM PO GSUM DUM BU GCIG TU GYUR PA'I PHYI ROL TU RDO RJE'I ME G-YON SKOR DU 'KHYIL ZHING 'BAR BAS PHYOGS THAMS CAD DU KHYAB PAS 'GRO BA THAMS CAD KYANG BGEGS DANG BRAL BAR BSAM PA YIN PA'I PHYIR, 'DIR 'DOD 'JO LAS, RAB ZLUM PO GSUM SNGAR GYI RA BA GRU BZHI PA DANG BAR MTSAMS MED PAR 'GYUR BAR GSUNGs BA LTAR NA, DE'I TSE THAMS CAD KYANG ZLUM POR BYA DGOS PAR SEMS TE, GZHAN DU NA BAR MTSAMS MED PAR 'ONG DKA' BA'I PHYIR RO, ,'KHOR LO DAD? PA DAR YANG DBANG SA MTHO STE, RDOR RA DANG MNYAM DGOS PA'I PHYIR RO, ,BGEGS RNAMS BDE STONG DBYER MED DU BSGOM PA LA DGOS PA YOD DE, DE RNAMS LA PHAN GDAGS PA'I CHED YIN PA'I PHYIR, 'DI'I SRUNG 'KHOR RGYAS PA'I SKABS DANG GZHUNG GZHAN NAS KHUR GDAB BYED MKHAN DANG PHUR BU KHRO BOR BSKYED PAR GSUNGS KYANG, 'DIR KHRO MOS DE BYED PAR BSHAD PA'I DGOS PA YOD DE, BUD MED KYI RNAM PAS 'DUL DGOS PA LA KHRO BO RNAMS LHA MO'I RNAM PAR BSTAN NAS SNA TSOGS PA'I THABS KYIS SEMS CAN GYI DON MDZAD PAR BSHAD PA BZHIN YIN PA'I PHYIR, SRUNG 'KHOR BSGOM PA LA DGOS PA YOD DE, 'GAL RKYEN BAR CHAD KYIS MI TSUGS PA'I CHED YIN PA'I PHYIR, SEMS CAN THAMS CAD BGEGS DANG BRAL BAR BSAM PA LA DGOS PA YOD DE, THEG CHEN THUN MONG MA YIN PA'I SRUNG 'KHOR DU 'GYUR BA'I CHED YIN PA'I PHYIR, 'O NA 'DIR BSHAD PA'I 'BRING PO DE KHO NA LTAR BSGOM PAR BYA 'AM ZHE NA, DER MA NGES TE SRUNG 'KHOR RGYAS 'BRID BSDUS GSUM GYI RNAM GZHAG SHES NAS L'A DRIL BA NAG GSUM GYI SKABS SU'ANG, RGYAS 'BRING BSDU SUm GANG BSGOMS KYANG @010B MI 'GAL BAR BSHAD PA LTAR YIN PA'I PHYIR RO, ,BZHI PA TSOGS GSOG PA LA GNYIS, SBYANG GZHI 'DZAM BU GLING PA'I MI MNGAL SKYES KHAMS DRUG LDAN DU SKYE BA LEN PA'I RGYUR SKYES NAS MYONG 'GYUR? GYI LAS GSOG PA DANG CHOS MTHUN PAR BSOD NAMS KYI TSOGS BSAGS PA DANG, DE'I 'OG TU 'CHI BA 'OD GSAL MNGON DU BYAS PA DANG CHOS MTHUN PAR 'CHI BA CHOS SKUR 'KHYER BA'I LAM 'KHYER YE SHES KYI TSOGS BSAGS PA'O, ,DANG PO LA GNYIS, LHA SPYAN 'DREN PA DANG, MCHOD PA'O, ,DANG PO JI LTAR BYA BA'I TSUL YOD DE, SRUNG 'KHOR GYI DBUS SU RANG NYID HE RU KAR GSAL BA'I THUGS KAR PAm SER PO LAS BYUNG BA'I SNA TSOGS PADMA'I LTE BAR LVA BA PA SOGS KYIS BSHAD PA LTAR AAm LAS BYUNG BA'I ZLA BA'I STENG DU H'Um YIG DNGUL CHU'I MDOG CAN YE SHES LNGA'I RANG BZHIN CAN GYI 'OD ZER GYIS SGO GSUM GYI DRI MA DAG PAR BYAS TE PHYIR 'PHROS PA'I 'OD ZER GYIS TSOGS ZHING RNAMS SPYAN 'DREN PA YIN PA'I PHYIR, H'Um GIS YE SHES LNGA MTSON TSUL YOD DE, AA BYAS, AUS DON GRUB, HAS SNANG MTHA', MGO BOS RIN 'BYUNG, ZLA TSES KYIS RNAM SNANG, THIG LE N'A DA DANG BCAS PAS MI BSKYOD PA MTSON PAR BSHAD PA'I SHUGS KYIS YE SHES LNGA MTSON TSUL YANG GO BA'I PHYIR RO, ,TSOGS ZHING GNAS GANG NAS SPYAN 'DREN PA'I TSUL YOD DE, BDE STONG DBYER MED KYI CHOS SKU LA RANG BZHIN GYI GNAS SU BYAS NAS GZUGS SKU'I RNAM PAR SPYAN 'DREN PA DANG, DANG POR LONGS SKUR SANGS RGYAS PA'I RANG BZHIN GYI GNAS NAS SPRUL SKU'I RNAM PAR SPYAN 'DREN PA DANG 'OG MIN NAS SPYAN 'DREN PA RNAMS LAS 'DIR PHYI MA GNYIS LTAR BYA BA YIN PA'I PHYIR, GANG GI RNAM PAR SPYAN 'DREN PA'I TSUL YOD DE, SANGS RGYAS BYANG SEMS SPYI'I DBANG DU MDZAD PA DANG, BLA MA DANG DKYIL 'KHOR GYI GTZO BO THA MI DAD PA DANG, GTZO BO'I RIGS BDAG GI @011A *, ,TSUL DANG, DKYIL 'KHOR PA'I LHA TSOGS RNAMS DANG DBYER MED KYI TSUL DANG, BLA MA DUR KHROD NA BZHUGS PA'I RNAM PAR SPYAN 'DREN PA SOGS DU MA YOD PA LAS 'DIR BLA MA DANG DKYIL 'KHOR PA'I LHA TSOGS THA DAD PA'I TSUL GYIS SPYAN 'DREN ZHING, DE YANG BLA MA RDO RJE 'CHANG GI RNAM PA CAN DANG, TSOGS ZHING GZHAN RNAMS BSGOM PAR 'GYUR BA'I 'KHOR LO SDOM PA'I LHA TSOGS 'KHOR BCAS KYI RNAM PAR SPYAN 'DREN PA YIN PA'I PHYIR, SPYIR GNAS GANG NAS DANG RNAM PA GANG GIS SPYAN 'DREN PA NI GONG DU BSHAD PA DE RNAMS GANG BYAS KYANG KHYAD PAR SHES NA MI 'GAL TE, TSAD LDAN DUMS BSHAD PA'I PHYIR RO, ,GNYIS PA LA GSUM GYI DANG PO PHYAG 'TSAL BA'I TSUL YOD DE, GANG GI DRIN GYIS ZHES SOGS KYIS BLA MA DANG, HE RU KA? DPAL ZHES SOGS KYIS GTZO BO YAB YUM DANG, GNAS DANG NYE BA'I ZHES SOGS KYIS 'KHOR RNAMS LA PHYAG 'TSAL BA YIN PA'I PHYIR RO, ,GNYIS PA YOD DE, THUGS KA NAS MCHOD PA'I LHA MO RNAMS SPRUL TE SHR'I HE RU KA AARGHAm SOGS KYI SNGAGS BRJOD DE MCHOD NAS SLAR BSDU BA YIN PA'I PHYIR, AARGHAM NAS SHAPTA'I BAR GYI SNGAGS DON YOD DE, MCHOD YON NAS ROL MO'I BAR GYI MING YIN PA'I PHYIR, BADZRA WI NI ZHES SOGS KYI DON YOD DE, RDO RJE PI WANG MA GLING BU MA RDA ZLUM MDZA RNGA MA DANG, RDO RJE BZHAD MA SGEG MO GLU MA GAR MA DANG, RDO RJE ME TOG BDUG SPOS MAR ME DRI CHAB PA? DANG, GZUGS RO REG BYA CHOS DBYINGS RDO RJE MA ZHES PA'I DON YIN PA'I PHYIR, GSUM PA YOD DE, BCOM LDAN DPA' BO DBANG PHYUG ZHES SOGS RKANG BRGYAD KYIS BSTOD CING, DKON MCHOG GSUM LA ZHES SOGS KYIS SKYABS 'GRO SDIG BSHAGS YI RANG SEMS BSKYED CING LAM LA BRTEN PAR DAM 'CHA' BA LUS 'BUL DANG @011B BCAS PA RNAMS BYA BA YIN PA'I PHYIR, RKANG BRGYAD KYI 'GOR AOm DAD? MTHAR H'Um H'Um PHAt 'BYUNG BA'I RGYU MTSAN YOD DE, DE NI RGYA SKAD LA AOm NA MO BHA GA WA TE WI RE SH'A YA H'Um H'Um PHAt ZHES SOGS 'BYUNG BA'I 'GO MJUG GNYIS RANG SOR BZHAG PA YIN PA'I PHYIR, MTHAR TSOGS ZHING RNAMS JI LTAR BYA BA'I TSUL YOD DE, RANG GNAS SU GSHEGS PA DANG MI DMIGS PAR BSAM PA DANG, RANG LA SDUD PA RNAMS LAS, 'DIR YIG BRGYA BRJOD PA'I RJES SU PHYI MA LTAR BYA BA YIN PA'I PHYIR, DE LTAR BYAS PA LA DGOS PA YOD DE, BYIN GYIS BRLAB PA'I CHED YIN PA'I PHYIR, GANG DU THIM PAR BSAM PA'I TSUL YOD DE, SMIN MTSAMS SAM SNYING KAR THIM PAR BSAM PA YIN PA'I PHYIR, TSOGS ZHING MCHOD PA LA DGOS PA YOD DE, BSOD NAMS KYI TSOGS RDZOGS PAR 'GYUR BA'I CHED YIN PA'I PHYIR RO, ,DAG PA GSUM GYI RNAL 'BYOR NAS 'DI'I BAR RJE'I SMON LAM NAS BSTAN TSUL YOD DE, SGO GSUM SPYOD PA DPAL LDAN HE RU KA'I, ,SKU GSUNG THUGS KYI DAG BYED LHA RNAMS KYI, ,BYIN GYIS RLOBS PAS BGEGS KUN BZOG PA DANG, ,RLABS CHEN BSOD NAMS TSOGS NI RDZOGS PAR SHOG ,CES PAS BSTAN PA'I PHYIR RO, , GNYIS PA YE SHES KYI TSOGS GSOG PA LA GNYIS, DNGOS DANG CHOS MTHUN SBYOR TSUL BSHAD PA'O, ,DANG PO JI LTAR BSGOM PA'I TSUL YOD DE, SNGAR BSHAD PA'I MCHOD YUL LHA DANG, MCHOD MKHAN RANG DANG, MCHOD BYA RDZAS KYI 'KHOR GSUM DON DAM PAR MA GRUB PAS, RNAM PAR RIG PA'I SEMS SAM RTOG PAS BTAGS BTZAM? DU BLTA ZHING, RANG GI GNAS GSUM DU HE RU KA ZHES PA'I YI GE GSUM RIM BAR BKOD NAS DES MTSON PA'I CHOS THAMS CAD RANG BZHIN GYIS MED KYANG THA SNYAD TZAM DU BYA BYED 'THAD PA'I SNANG STONG ZUNG DU 'JUG PA SKU? @012A *, ,MA LTA BU'O SNYAM DU BSGOM PAR BYA BA SOGS YIN PA'I PHYIR, DE LTAR YIN KYANG DE MA RTOGS PA'I SEMS CAN RNAMS 'KHOR BA'I SDUG BSNGAL LAS BDAG GIS THAR BAR BYA'O SNYAM DU CHOS LA DMIGS PA'I SNYING RJE CHEN PO BSGOMS NAS RTEN 'BREL GYI SNANG BA TZAM DE YANG SDUD PA YIN TE, AOm SVA BH'A ZHES SOGS KYI DON BSAM PA'I SGO NAS KHAMS GSUM PO RANG BZHIN GYIS STONG PAR BSGOM DGOS PA'I PHYIR, SNGAGS 'DI'I TSIG DON NI SNGAR BSHAD ZIN PA LTAR YIN TE, GZUNG 'DZIN GYIS BSDUS PA'I CHOS THAMS CAD RANG BZHIN GYIS RNAM PAR DAG PA'I TSUL DE NYID BSGOM PAR STON PA'I SKABS YIN PA'I PHYIR, DE NAS JI LTAR BYA BA'I TSUL YOD DE HE RU KA ZHES PA'I YI GE GSUM YONGS SU GYUR PA LAS, SMON LAM GYI DBANG GIS AOm A'A:H'Um GSUM STENG NAS STENG DU BRTZEGS PA LAS SKU GSUNG THUGS KYI LHA TSOGS RNAMS SPROS TE, MTHO RIS SOGS 'KHOR LO GSUM GYI LHA'I NGO BOR BYAS NAS DE RNAMS SNYOMS PAR 'JUG PA SNGON DU 'GRO BAS YI GE GSUM LA THIM, YI GE GSUM RIM GYIS THIM PA'I MTHAR H'Um GI N'A DA YANG SKRA'I RTZE MO BRGYA STONG BSHAGS PA'I TSAD TZAM DU GNAS PAR BSAMS LA, SEMS CAN THAMS CAD KYIS CHOS NYID MA RTOGS PAS BDAG GIS DE? RTOGS PAR BYAS NAS SEMS CAN THAMS CAD 'KHOR BA'I SDUG BSNGAL LAS THAR BAR BYA'O SNYAM DU DMIGS MED KYI SNYING RJE CHEN PO BSGOMS NAS SH'U N+YA TA'I SNGAGS BRJOD DE N'A DA YANG 'OD GSAL DU ZHUGS PAR BSGOM PA YIN PA'I PHYIR, SH'U N+YA TA'I SNGAGS DON YANG YOD DE, SH'U N+YA TA NI STONG PA NYID, DZNY'A NA NI YE SHES, BADZRA NI RDO RJE STE MI PHYED PA, SVA BH'A WA NI RANG BZHIN, AATMA KA NI BDAG NYID, AA HAm NI NGA'O ZHES PA YIN LA, MDOR NA YUL STONG PA NYID DANG YUL CAN BDE BA CHEN PO'I @012B YE SHES DBYER MI PHYED PA'I BDAG NYID DE NGA'O SNYAM DU RGYAL BA'I THUGS CHOS SKU LA NGA RGYAL BZHAG NAS BSGOM PAR BYA BA'I DON YIN PA'I PHYIR RO, ,LAS DANG PO PA'I SKABS SU SNANG NGOR GNYIS SNANG PHRA MO KHEGS PA MI 'ONG YANG MOS PA YID BYED KYIS KHEGS PAR BSAM DGOS PA YIN TE, N'A DA PHRA MO'I SNANG BA SDUD PA'I RGYU MTSAN NI KUN RDZOB KYI SNANG BA PHRA MO YANG SDUD PA'I DON YIN PA'I PHYIR RO, ,'DIR DMIGS MED KYI SNYING RJE BSGOM PAR GSUNGS PA NI SPYI DON GYI SNYING RJE YIN TE, SPYIR SNYING RJE LA THUN MONG BA DANG THUN MONG MA YIN PA GNYIS YOD KYANG, 'DIR SNGA MA YIN LA, MOS PA TZAM GYIS SBYOR BA LA NI SBAS DON DANG MTHAR THUG GI SNYING RJE YANG YOD PAR 'DOD 'JO LAS BSHAD PA'I PHYIR, THUN MONG MA YIN PA'I SNYING RJE YANG YOD DE, BLA MED KYI SKABS SU BDE CHEN GYI YE SHES LA SNYING RJER BSHAD PA YOD PA'I PHYIR RO, ,GNYIS PA LA GNYIS, DGOS PA DANG, CHOS MTHUN SBYOR TSUL DNGOS SO, ,DANG PO NI, 'DIR STONG NYID BSGOM PA LA DGOS PA YOD DE, STONG NYID GSAR DU RTOGS PA DANG, DRAN PA GSO BA DANG, RTOGS ZIN BRTAN PA DANG, YE SHES KYI TSOGS BSAG PA DANG, THA MAL GYI SNANG ZHEN SBYONG BA DANG, BSGOM BYA'I RTEN BRTEN PA RNAMS STONG NYID RTOGS PA'I YE SHES KYI RNAM ROL DU 'CHAR BA DANG, BDEN 'DZIN SPONG BA DANG, SRUNG BA'I MCHOG TU 'GYUR BA SOGS KYI DGOS PA YOD PA'I PHYIR, GNYIS PA SH'U N+YA TA'I SNGAGS DON LTAR STONG NYID BSGOM TSUL 'DI LA 'CHI BA CHOS SKUR 'KHYER BA'I RNAL 'BYOR ZHES BYA STE, SBYANG GZHI 'DZAM BU'I GLING PA'I MI MNGAL SKYES KHAMS DRUG LDAN ZHIG PHUNG SOGS RIM GYIS THIM NAS 'CHI BA 'OD GSAL MNGON DU BYED PA DANG RNAM PA'AM CHOS MTHUN ZHING, RNAL 'BYOR PA RANG NYID LA 'BYUNG 'GYUR GYI 'CHI BA SBYONG BAR BYED, LAM RDZOGS RIM GYI @013A *, ,SKABS SU DPE DANG DON GYI 'OD GSAL DANG RNAM PA MTHUN ZHING, DE 'DRA BA'I RTOGS BA RGYUD LA SKYE BA'I DGE RTZA SMIN BYED KHYAD PAR CAN DU 'GYUR, 'BRAS BU'I SKABS SU RGYAL BA'I THUGS CHOS SKU DANG RNAM PA MTHUN ZHING, DA LTA NAS KYANG 'BRAS BU LAM BYED KYI TSUL DU NGA RGYAL BZHAG NAS BSGOMs PAS, DE MNGON DU 'GYUR BA'I NUS PA KHYAD PAR CAN 'JOG PA'I PHYIR RO, ,DE LTAR BSGOM PA DE SBYANG GZHI LA 'CHI BA 'OD GSAL MNGON DU BYAS PA DANG CHOS MTHUN PA YANG YIN TE, AOm DKAR PO NI 'CHI BA 'OD GSAL DU 'JUG PA'I SNANG BA DKAR LAM PA DANG CHOS MTHUN, DE A'A:DMAR PO LA THIM PA NI SNANG DE MCHED PA DMAR LAM PA LA THIM PA DANG CHOS MTHUN, DE H'Um SNGON PO LA THIM PA NA MCHED PA DE NYER THOB NAG LAM PAR THIM PA DANG CHOS MTHUN, H'Um YIG N'A DA DANG BCAS PA STONG PAR THIM PA NI NYER THOB 'OD GSAL DU THIM PA DANG CHOS SAM RNAM PA MTHUN PA'I PHYIR RO, ,GNYIS PA THUN GYI DNGOS GZHI LA JI LTAR BYA BA LA GSUM, BAR DO LONGS SKUR 'KHYER BA'I RNAL 'BYOR BSHAD PA, GZHAL YAS KHANG GANG LA GNAS PA'I RTEN BSKYED PA, RNAL 'BYOR BZHI BSGOM PA'I TSUL LO, ,DANG PO LA GNYIS, DNGOS DANG CHOS MTHUN SBYOR TSUL LO, ,DANG PO JI LTAR BYA BA'I TSUL YOD DE, DE LTAR SNANG BA THAMS CAD BSDUS PA'I STONG PA NYID KYI NGANG LAS RANG GI SEMS GNYIS SU MED PA'I YE SHES DE NYID NAM MKHAR N'A DA'I GZUGS GYEN DU BGRENG BA SHIN TU PHRA BA DKAR LA DMAR BA'I MDANGS CHAGS PA'I RNAM PAR BZHAG PAR BYA BA YIN PA'I PHYIR RO, ,GNYIS PA LA, DE LTAR BSGOM PA'I TSUL 'DI LA BAR DO LONGS SKUR 'KHYER BA'I RNAL 'BYOR ZHES BYA STE, SBYANG GZHI LA 'CHI BA 'OD GSAL LAS BAR DO'I LUS 'GRUB PA DANG RNAM PA MTHUN ZHING DE SPYOD PAR BYED, RIM PA GNYIS PA'I SKABS SU DAG MA DAG GI SGYU MA'I SKU GNYIS DANG RNAM PA MTHUN ZHING DE 'DRA BA'I RDZOGS RIM GYI RTOGS PA RGYUD LA SKYE BA'I DGE RTZA SMIN BYED KHYAD PAR @013B CAN DU 'GYUR, 'BRAS BU'I SKABS SU LONGS SPYOD RDZOGS PA'I SKU DANG RNAM PA MTHUN ZHING, DA LTA NAS KYANG 'BRAS BU LAM BYED KYI TSUL DU BYAS NAS BSGOMS PAS LONGS SKU DE MYUR DU 'GRUB PAR BYED PA'I BAG CHAGS KHYAD PAR CAN 'JOG PA'I PHYIR RO, ,STONG NYID LAS LANGS MA THAG TU N'A DA NAM MKHAR BZHAG DGOS PA YIN TE, GZHI LA 'CHI BA 'OD GSAL LAS LANGS MA THAG BAR DO 'GRUB PA DANG, LAM DUS SU DPE DON GYI 'OD GSAL LAS LANGS MA THAG DAG MA DAG GI SGYU MA'I SKU GNYIS 'GRUB PA DANG CHOS MTHUN PAR BSGOM PA YIN PA'I PHYIR RO, ,N'A DA DKAR BA'I MDANGS CAN DU BYAS PA LA DGOS PA YOD DE, BAR DO DANG LAM DANG 'BRAS BU'I SGYU LUS KYI SGRUB GZHI SROG 'DZIN GYI RLUNG KHA DOG DKAR PO YIN PA DE MTSON PA'I PHYIR, DMAR BA'I MDANGS CAN DU BYAS PA LA DGOS PA YOD DE, GZHI LA BAR DO DE NYID CHAGS PAS BCINGS PA DANG, LAM DUS KYI SGYU LUS PA'I THUGS BDE CHEN GYIS BCINGS PA DE MTSON PA'I PHYIR, 'DUS PA DANG 'JIGS BYED SOGS LA BAR DO'I MTSON BYED LHA'I RNAM PA CAN DU BSGOM PA YOD KYANG 'DIR DE'I MTSON BYED N'A DA'I GZUGS SU BSGOM PA'I RGYU MTSAN YOD DE, SBYANG GZHI BAR DO'I SEMS CAN LUS KYI DBYIBS TSAD SOGS MI 'DRA BA DU MA 'BYUNG BAS DE MTSON PA'I CHED DU DE LTAR DU BSAM PA YIN PA'I PHYIR RO, ,N'A DA SUM 'KHYOG TU BSGOM PAR BSHAD PA LTAR NA MTSON TSUL YOD DE, BAR DO'I LUS NGAG YID GSUM MTSON PA'I PHYIR, MDOR NA 'DIR N'A DA NAM MKHAR 'JOG PA'I RGYU MTSAN YOD DE, SBYANG GZHI THA MAL GYI BAR DO MTSON PA'I SGO NAS DE SBYONG ZHING LAM 'BRAS KYI SGYU MA'I SKU 'GRUB PA'I RGYU BYED PA'I PHYIR RO, ,GNYIS PA LA GNYIS, 'BYUNG BA RIM BRTZEGS DANG RI RAB BSKYED TSUL, SNA TSOGS PADMA RDO RJE DANG BCAS PA @014A *, ,BSKYED TSUL LO, ,DANG PO LA 'BYUNG BZHI JI LTAR BSKYED PA'I TSUL YOD DE, RTZA RGYUD LAS, GSANG BA MCHOG GI DGYES PA NA, ,THAMS CAD BDAG NYID RTAG TU BZHUGS, ,ZHES DANG, BA LANG GNAS DANG STENG LDING BA, ,LHAG MA RTZA BSKRAMS DE NAS NI, ,DUNG CHEN PO YI RANG BZHIN BYA, ,YANG NA RUS SBAL DAG GI'O, ,ZHES GSUNGS PA'I PHYI MAS SO SOR BSTAN PA LTAR BSKYED PA YIN PA'I PHYIR, DE'I DON YANG YONG DE, BA LANG GNAS NI SA DKYIL DANG, STENG LDING NI CHU DKYIL DANG, LHAG MA BSKAMS NI MA DKYIL DANG, RTZA ZHES PA NI RLUNG DKYIL DANG, RUS SBAL ZHES PAS NI RI RAB BSGOM PAR BSTAN PA YIN PA'I PHYIR, DE YANG RLUNG DKYIL NAS RIM BRTZEGS SU BSKYED PA YIN TE, STONG PA'I NGANG LAS SA BON YAm RAm BAm LAm SUm RNAMS LAS 'BYUNG BZHI DANG RI RAB RNAMS SGRUB THABS SU BSHAD PA LTAR RIM GYIS BSKYED PA YIN PA'I PHYIR, 'BYUNG BZHI'I KHA DOG NI GSAL BA LTAR YIN LA, RI RAB KYI KHA DOG JI LTAR BSGOM PA'I TSUL YOD DE, SHAR SHEL, LHO BEE d'URYA, NUB PADMA R'A GA, BYANG GSER GYI MDOG TU BYA BA SDOM 'BYUNG SOGS NAS BSHAD PA LTAR YIN PA'I PHYIR, LCOG BRGYAD BSGOM TSUL YANG YOD DE, STENG GI PHYOGS MTSAMS BRGYAD DU RI GRU BZHI PA'I RNAM PA CAN JI LTAR 'TSAM PA BRGYAD BSGOM PA YIN PA'I PHYIR, DE RNAMS BSGOM PA LA DGOS PA YOD DE, PHYI DKYIL DANG LUS DKYIL GYI RTEN GYI DON DU DANG, RDZOGS RIM GYI SKABS SU RDO RJE'I LUS KYI GNAS LUGS RTOGS PA'I CHED MIN PA'I PHYIR RO, ,GNYIS PA JI LTAR BSGOM PA'I TSUL YOD DE, RI RAB KYI STENG GI DBUS SU PAm SER PO LAS SNA TSOGS PADMA DANG, DE'I LTE BAR H'Um LAS SNA TSOGS RDO RJE, DE'I STENG DU LTE BA DANG TSAD MNYAM PA'I SNA TSOGS PADMA 'DAB MA BRGYAD PA ZHIG @014B KYANG BSGOM PAR BYA BA YIN PA'I PHYIR RO, ,GSUM PA RNAL 'BYOR BZHI BSGOM PA'I TSUL LA GNYIS, SPYI'I RNAM GZHAG DANG, BSGOM TSUL DNGOS SO, ,DANG PO NI, SPYIR BDE MCHOG GI SKABS 'DIR RTEN BRTEN PA'I DKYIL 'KHOR BSKYED PA'I TSUL LA MI 'DRA BA DU MA ZHIG 'BYUNG BA YIN TE, SDOM 'BYUNG LAS RTEN BRTEN PA GNYIS CIG CAR BSKYED PA'I RNAM GZHAG DANG, BSHAD RGYUD MNGON BRJOD DANG SAm BHU tI NAS RIM CAN DU BSKYED PAR BSHAD PA LTAR, GRUB CHEN NAG PO SPYOD PAS PHYI MA GNYIS KYI RJES SU 'BRANG NAS RIM CAN DU BSKYED LA, L'U HI PAS NI SNGA MA'I RJES SU 'BRANG NAS CIG CAR DU BSKYED PA'I TSUL GNYIS LAS, SPYIR DE GANG BYAS KYANG MI 'GAL YANG 'DIR L'U HI PA'I LUGS LTAR BYA BA YIN PA'I PHYIR, L'U HI PA'I LUGS 'DI SGONG SKYES SPYOD PA LA CHOS MTHUN SBYANG DU YOD KYANG GTZO BO MANG? LA SKYES SPYOD PA LA SBYAR DGOS TE, SDOM 'BYUNG LAS DE LTAR BSHAD PA'I PHYIR RO, ,GNYIS PA LA BZHI, BAR DO GANG DU SKYE BA LEN PA'I KHU KHRAG GI THIG LE DANG RNAM PA MTHUN PAR BSGOM PA RNAL 'BYOR DANG, KHU KHRAG GI DBUS SU NYID MTSAMS SBYAR NAS LUS 'PHEL BA DANG RNAM PA MTHUN PAR BSGOM PA RJES SU RNAL 'BYOR DANG, PHYIR BTZAS PA DANG? RNAM PA MTHUN PAR BSGOM PA SKYE BA SPRUL SKU'I LAM 'KHYER SHIN TU RNAL 'BYOR DANG, RDZOGS RIM RNAL 'BYOR CHEN PO BSGOM PA'I TSUL CUNG ZAD BSHAD PA'O, ,DANG PO JI LTAR BSGOM TSUL YOD DE, RGYUD DANG RGYA GZHUNG GZHAN NAS ZLA BA DANG NYI MA GNYIS KA BSGOM PA SOGS BSHAD PA YOD KYANG, 'DIR L'U HI PA'I SGRUB THABS KYI LUGS LTAR PADMA'I LTE BAR DBYANGS GSAL LUGS 'BYUNG LUGS LDOG TU BKOD PA YONGS SU GYUR PA LAS, DBYANGS GSAL GYI GZUGS BRNYAN DANG LDAN PA'I ZLA BA'I DKYIL 'KHOR DKAR LA DMAR BA'I MDANGS CAN DU BSGOM PA YIN PA'I PHYIR, DBYANGS GSAL GYI MTSON DON YOD DE, DBYANGS @015A *, ,SO GNYIS KYIS MTSAN SO GNYIS DANG, GSAL BYED BRGYAD CUS DPE BYAD BRGYAD CU MTSON PA'I PHYIR, DBYANGS SO GNYIS SU 'BYED PA'I RGYU MTSAN YOD DE, SDOM 'BYUNG LAS, DKAR PO'I TSES GCIG NAS BRTZAMS TE, ,JI SRID ZLA BA RDZOGS PA'I BAR, , DKAR PO'I TSES GCIG LA AA YIG ,RKANG PA'I SOR MOR YI GE LA, ,ZHES PA NAS, NAG PO'I TSES GCIG NAS BRTZAMS TE, ,JI SRID GZHAN NAM DE SRID LA, ,'PHO BA DE BZHIN NYID DU 'GYUR, ,ZHES PA'I BAR GYIS BSTAN PA LTAR ZLA BA YAR NGO MAR NGO'I DBYE BAS LUS KYI THIG LE DKAR PO RKANG PA NAS YAR BRTZEGS PA DAD SPYI BO NAS MAR 'BAB PA'I CHA SO GNYIS DANG SBYOR BA'I CHED YIN PA'I PHYIR, GSAL BYED BRGYAD CUR 'BYED PA'I RGYU MTSAN YOD DE, GSAL BYED RNAMS SA SOGS KHAMS LNGAR BSDUS NAS DGA' BA BZHI BZHI STE NYI SHU, DE RE RER YANG KHAMS DMAR PO'I RDUL RE RE GNAS PAS BZHI BCU, DE LA'ANG THABS SHES GNYIS GNYIS SU PHYE BAS BRGYAD CUR BZHAG PA'I PHYIR RO, ,ZLA BA DANG DBYANGS GSAL GNYIS KYIS YE SHES GANG MTSON PA YANG YOD DE, A'A LI DANG ZLA BA'I DKAR CHAS ME LONG LTA BU'I YE SHES MTSON ZHING DE LAS BYANG CHUB PA DANG, K'A LI DANG ZLA BA'I DMAR CHAS MNYAM PA NYID KYI YE SHES MTSON ZHING DE LAS BYANG CHUB PA YIN PA'I PHYIR RO, ,GSAL BYED KYI YI GE LA LHAG PA BSNON TSUL YOD DE, dA dHA DA DHA YA LA STE DRUG BSNON PAR BYA BA'I PHYIR RO, ,DE LTAR BSGOM PA LA RNAL 'BYOR ZHES BRJOD PA'I RGYU MTSAN YOD DE, DBYANGS GSAL GNYIS ZLA BA GCIG GI NGO BOR SBYOR BA DANG, ZLA BA GCIG NYID YE SHES GNYIS KYI NGO BOR SBYOR BA'I RNAL 'BYOR YIN PAS NA DE LTAR DU BRJOD PA'I PHYIR RO, ,GNYIS PA JI LTAR BSGOM PA'I TSUL YOD DE, RANG NAM MKHA'I N'A DAS ZLA BA DKAR LA DMAR BA'I MDANGS CAN MTHONG BA NA, SANGS RGYAS YAB YUM GYI @015B BYANG SEMS DKAR DMAR GYI DBUS SU SKYE BA BLANG BAR BYA'O SNYAM PA SOGS KYI 'PHEN PAS DE LA ZHUGS PA LAS, RGYU RDO RJE 'DZIN PA'I NGO BO H'Um YIG DKAR LA DMAR BA'I MDANGS CAN ZHIG TU RIM GYIS RDZOGS PAR GYUR PA NI SOR RTOGS YE SHES LAS BYANG CHUB PA YIN LA, DE LAS 'KHOR LO LNGA'I LHA TSOGS KYI SPRO BSDU BYED PA NI BYA GRUB YE SHES LAS BYANG CHUB PA YIN PA'I PHYIR RO, ,YE SHES DE GNYIS LA RJES SU RNAL 'BYOR ZHES BRJOD PA'I RGYU MTSAN YOD DE, SNGAR BSHAD PA'I ZLA BA DE BDE BA CHEN PO'I RGYU YIN PA DE BZHIN DU H'Um YIG 'DI'ANG DE'I RJES SU MTHUN PA'I RGYU YIN PAS NA DE LTAR DU BRJOD PA'I PHYIR RO, ,DE LTA BU'I RIM PA 'DI LA SKYE BA SPRUL SKUR 'KHYER BA'I RNAL 'BYOR ZHES BYA STE, SBYANG GZHI LA BAR DO'I RNAM SHES PHA MA'I KHU KHRAG GI DBUS SU SKYE BA BLANGS PA DANG CHOS MTHUN ZHING SGRUB PA PO RANG NYID KYI SKYE BA SBYONG BAR BYED, LAM RDZOGS RIM GYI SKABS SU DAG MA DAG PA'I SGYU MA'I SKUS RAGS PA'I SPRUL SKU BZUNG BA DANG CHOS MTHUN ZHING DE LTA BU'I RTOGS PA RGYUD LA SKYE BA'I DGE RTZA SMIN BYED KHYAD PAR CAN DU 'GYUR, 'BRAS BU'I SKABS SU LONGS SPYOD RDZOGS PA'I SKUS MDZAD PA BCU GNYIS SOGS MDZAD PA'I SPRUL SKU'I RNAM PA BSTAN PA DANG CHOS MTHUN ZHING, DA LTA NAS KYANG 'BRAS BU LAM BYED KYI TSUL? DU BYAS NAS BSGOMS PAS SPRUL SKU DE MYUR DU 'GRUB PA'I NUS PA KHYAD PAR CAN 'JOG PA'I PHYIR RO, ,DE LTA BU DE SBYANG GZHI DANG YANG CHOS MTHUN PA YIN TE, 'BYUNG BZHI RI RAB DANG BCAS PA NI PHA MA GNYIS KYI LUS SPYI DANG CHOS MTHUN, SNA TSOGS PADMA CHUNG DU NI DE GNYIS KYI RTZA 'KHOR DANG CHOS MTHUN, DBYANGS GSAL DKAR DMAR BA NI DE GNYIS KYI KHAMS DKAR DMAR DANG CHOS MTHUN, DBYANGS GSAL GNYIS 'DRES NAS ZLA BA DKAR LA DMAR BA'I MDANGS CAN DU SONG BA NI KHAMS DKAR DMAR GNYIS MA'I MNGAL DU 'DRES PA DANG CHOS MTHUN, ZLA BA'I DBUS SU N'A DA @016A *, ,ZHUGS PA NI THIG LE'I DBUS SU BAR DO'I RNAM SHES ZHUGS PA DANG CHOS MTHUN, DE NAS H'Um YIG TU RIM GYIS RDZOGS PA NI, MNGAL DU LUS RIM GYIS 'PHEL BA DANG CHOS MTHUN, DE LAS 'BRAS BU HE RU KA'I SKU RDZOGS PAR BSKYED PA NI MNGAL NAS PHYI ROL DU BTZAS PA DANG CHOS MTHUN PA'I PHYIR RO, ,LAM RDZOGS RIM GYI SKABS DANG SBYAR BA'I MTSON DON KHYAD PAR CAN YOD DE, SNA TSOGS PADMAS NI RDZOGS RIM PA'I PHO MO GNYIS KYI RTZA 'KHOR DE MTSON, DBYANGS GSAL GYIS DE GNYIS KYI KHAMS DKAR DMAR DE MTSON, ZLA BA DKAR DMAR GYI KHAMs DKAR DMAR GYI 'DU 'PHROD DE MTSON, DER N'A DA ZHUGS TE H'Um YIG TU GYUR PAS NI 'DU 'PHROD LAS BYUNG BA'I BDE STONG GI YE SHES KHYAD PAR CAN MTSON PA'I PHYIR RO, ,RDZOGS RIM PAS RDO RJE'I LUS LA GNAD DU BSNUN PAS BDE CHEN 'DREN TSUL YANG MTSON PA YIN TE, PADMAS SGRUB PA PO'I RTZA 'KHOR DANG, GSAL BYED KYIS LTE BAR GNAD DU BSNUN PAS GTUM MO SBAR BA DANG, DBYANGS KYIS KHAMs ZHU BA DANG, DE NYID YONGS SU GYUR PA LAS ZLA BA DKAR LA DMAR BA'I MDANGS CAN DU BSKYED PAS NI KHAmS DKAR DMAR GYI 'DU 'PHROD DANG, ZLA BA'I DBUS SU N'A DA ZHUGS PA LAS H'Um YIG TU GYUR PAS NI, 'DU 'PHROD BYAS PA LAS BYUNG BA'I YAS BAB MAS BRTAN GYI LHAN SKYES KHYAD PAR CAN MTSON PA'I PHYIR RO, ,DE NAS SKAD CIG MA'I SNGAGS BRJOD CING DE'I DON BSGOM TSUL YOD DE, CHOS THAMS CAD RANG BZHIN GYIS RNAM PAR DAG PA'I STONG PA NYID DANG DBYER MI PHYED PA'I CHOS KYI SKU'I BDAG NYID DE NGA'O SNYAM DU NGA RGYAL BZUNG NAS BSGOM PA YIN PA'I PHYIR RO, ,DMIGS MED KYI SNYING RJE BSGOM PA NAS 'DI'I BAR RJES SMON LAM NAS BSTAN TSUL YOD DE, SPROS KUN 'OD GSAL GNAS SU SDUD PA DANG, ,ZHES PA NAS, DE 'DRA'I RDZOGS RIM SKYE BA'I SNOD GYUR CIG ,CES BA'I BAR @016B GYIS BSTAN PA'I PHYIR RO, ,GSUm PA LA LNGA, RTEN BRTEN PA BSKYED TSUL MDOR BSTAN PA, GSAL GDAB PA RGYAS PAR BSHAD PA, PHYOGS MTHUN GYI DAG PA DANG LUS DKYIL BSGOM TSUL, GO BGOS TE YE SHES PA BCUG NAS DBANG BSKUR BA, MCHOD BSTOD DANG DAG PA DRAN TSUL LO,, DANG PO JI LTAR BYA BA'I TSUL YOD DE, ZLA BA DBYANGS GSAL H'Um DANG BCAS PA YONGS SU GYUR PA LAS RTEN BRTEN PA'I DKYIL 'KHOR THAMS CAD DUS GCIG TU GRUB PA'I TSUL GYIS CHOS DBYINGS YE SHES LAS BYANG CHUB PA YIN PA'I PHYIR RO, ,KHA CIG TSUL 'DI SKYE BA SPRUL SKU'I? LAM 'KHYER YIN NA SBYANG GZHI LA SNOD BCUD RIM GYIS GRUB CING 'DIR RTEN BRTEN PA CIG CAR DU GRUB PAS CHOS MI MTHUN PAS JI LTAR BYA ZHE NA, SKYON MED DE, DE DANG GO RIM CHOS MTHUN JI LTA BA BZHIN MI SBYOR YANG RTEN GZHAL YAS KHANG BSGOM PA NI GANG DU SKYE BA'I GNAS DANG CHOS MTHUN ZHING, BRTEN PA'I LHA NI SEMS CAN MNGAL DU SKYE BA BLANGS NAS PHYI ROL TU BTZAS PA DANG 'DRA BAS SKYE BA SPRUL SKUR 'KHYER BA'I LAM 'KHYER DU 'JOG PA YIN PA'I PHYIR, DE LTAR BSGOMs PA LA DGOS PA YOD DE, LAM DANG 'BRAS BU'I SKABS SU RTEN BRTEN PA'I DKYIL 'KHOR DUS MNYAM DU GRUB PA DANG RNAM PA MTHUN ZHING, DE 'GRUB PA'I DGE RTZA SMIN BYED DU 'GYUR BA'I PHYIR RO, ,GNYIS PA LA GNYIS, RTEN GSAL GDAB PA DANG, BRTEN PA GSAL GDAB PA'O, ,DANG PO LA GNYIS, DUR KHROD DANG, GZHAL YAS KHANG BSGOM PA'I TSUL LO, ,DANG PO NI, SGRUB THABS LAS GZHAL YAS KHANG GI RTZIG PA SOGS DUR KHROD KYI SNGON DU BYUNG YANG 'DIR DUR KHROD SNGON DU 'CHAD PA YIN TE, GZHAL LAS KHANG GI RNAM GZHAG RNAMS LHAN CIG 'CHAD PAR 'GYUR BA'I PHYIR RO, ,DE LTAR NA DUR KHROD BSGOM PA'I TSUL YOD DE, SHAR DU GTUM DRAG ZHES SOGS SGRUB THABS SU SHIN TU GSAL BA LTAR BSGOM PA'I PHYIR RO, ,DUR KHROD BSGOM TSUL 'DI @017A *, ,RGYAS PA'I DBANG DU BYAS PA YIN GYI, BSDUS TE BSGOM PAR 'DOD NA'ANG RUNG STE, LHA LNGA DANG GSHIN RJE GSHED KYI DUR KHROD LTAR YIN PA'I PHYIR RO, ,DUR KHROD KYI MTSON DON YOD DE, DER RO BDAG MED PA LTAR MI RTAG PA DANG BDAG MED PA DANG YID 'BYUNG BA MTSON PA'I PHYIR RO, ,GNYIS PA LA, DUR KHROD KYI NANG DU RDOR RA ME RI DANG BCAS PA BSGOM DGOS TE, SGRUB THABS DNGOS GZHI BSGOM PA LA BAR CHAD MI 'BYUNG BA'I CHED YIN PA'I PHYIR RO, ,'O NA 'DIR BSGOM PA'I RDOR RA SOGS SNGAR SRUNG 'KHOR GYI SKABS SU BSGOM PA DE YIN NAM, GSAR DU BSKYED PA YIN ZHE NA, GZHAN NAS DE TZAM DU MI GSAL YANG, SNGA MA 'OD GSAL DU BSDUS NAS PHYI MA GSAR DU BSKYED PA YIN TE, RJE'I 'DOD 'JO LAS, DE RNAMS 'OD GSAL DU BSDUS TE GZHAL YAS KHANG GRUB PA'I DUS SU SLAR YANG RDO RJE'I RA BA GRUB PAR BSHAD KYI, GZHAN GNYIS MA BYUNG YANG MOD KYANG CHOG GO ,ZHES GSUNGS PA'I PHYIR, 'DIR SNGA MA 'OD GSAL DU BSDUS NAS PHYI MA BSKYED PA YANG MI 'GAL TE, 'PHAGS LUGS KYI SRUNG 'KHOR THUN MONG MA YIN PA 'OD GSAL DU BSDUS NAS PHYI MA BSKYED PA LTA BU YIN PA'I PHYIR RO, ,DE'I NANG DU SNA TSOGS PADMA'I LTE BAR SNA TSOGS RDO RJE BSGOM DGOS PA YIN TE, SNGA MA PHYI MA'I RTEN GZHI YIN ZHING, GNYIS KA'ANG GZHAL YAS KHANG GI RTEN GZHI YIN PA'I PHYIR, SNA TSOGS RDO RJE'I DBYIBS SOGS JI LTAR BYA BA'I TSUL YOD DE, LTE BA'I DBYIBS GRU BZHI PA BRE LEB KYI RNAM PA CAN, RGYAR SGO TSAD BCU GNYIS, DPANGS SU SGO TSAD LNGA'AM PHYED LNGA, RVA'I GRANGS NI PHYOGS RE RER LNGA LNGA STE NYI SHU PA'AM? GSUM GSUM STE BCU GNYIS, SRID RTA BABS SGO TSAD GSUM MA LA RVA SGO TSAD BZHI DANG, RTA BABS SGO TSAD GCIG MA LA RVA SGO TSAD GNYIS YIN ZHING, MDOG NI RVA KHRA'AM PHYOGS MDOG GANG BYAS KYANG MI 'GAL BA'I PHYIR, GZHAL YAS KHANG GI RTZIG PA SOGS JI LTAR BYA BA'I TSUL YOD DE, PHYOGS SO SO'I LTE BA'I ZAD @017B MTSAMS NAS NANG DU SGO TSAD GNYIS GNYIS DOR BA'I MTSAMS KYI MTHA' NAS DKAR SER DMAR LJANG SNGO BA'I RTZIG PA RIM PA LNGA PA LNGA KA BSDOMS PA'I ZHENG CHA PHRAN GCIG ,DPANGS CHA PHRAN BCU GSUM, DE'I STENG DU BA GU DPANGS CHA PHRAN GCIG DANG ZHENG CHA PHRAN PHYED GNYIS YOD PA'I PHYED PHYIR 'PHAGS PA, DE'I PHYI NGOM SU RIN PO CHE DBYIBS DANG KHA DOG SNA TSOGS PAS SPRAS PA, DE'I STENG DU GSER GYI SKA RAGS SNAM BU LEB MOR BRKYANG BA LTA BU BZHI SO SO'I 'OG GI BAR BAR DU KA CHUNG BRE PHUL DANG BCAS PA BTZUGS PA'I BZHI KA BSDOMS PA'I DPANGS CHA PHRAN GNYIS DANG ZHENG CHA PHRAN GCIG PAS KHOR YUG TU BSKOR BA, DE'I PHYI NGOS SU DRA BA DANG DRA PHYED RNGA YAB DANG BCAS PA; DE'I STENG NGOS SU GZHAL YAS KHANG GI THOG GI PHYI SNE BYA 'DAB 'OG GI 'DOD SNAM DANG MNYAM PAR CHA PHRAN GNYIS PHYIR 'PHAGS PA'I PHYI NGOS SU RIN PO CHE'I SHAR BU THUR DU 'PHYANG BA, DE'I THAD KYI STENG PHYOGS SU MDA' YAB PADMA 'DAB MA PHYED PA'I DBYIBS CAN RGYAR CHA PHRAN GCIG DANG DPANGS CHA PHRAN GCIG GAM PHYED PA DE'I STENG DU RGYAL MTSAN DANG BA DAN SOGS KYIS MDZES PAR BYAS PA YIN PA'I PHYIR, DPANGS TSAD KYANG YOD DE GZHAL YAS KHANG GI NANG GI DPANGS SU CHA PHRAN BCU DRUG YOD PA'I PHYIR RO, ,SGO DANG SGO 'KHYUD SOGS KYI KHYAD PAR YOD DE, RTZA THIG DANG TSANGS THIG 'PHRAD MTSAMS NAS BRGYAD CHA PHYI'I SGO, ,DE NAS CHA PHRAN BZHI PHYIR SONG BAS SGO 'KHYUD, DE NAS CHA PHRAN GNYIS RE G-YAS G-YON DU SONG BAS SGO 'GRAM, DE NAS CHA PHRAN GNYIS RE THAD KAR SONG BAS SGO LOGS SU 'GYUR BA'I PHYIR RO, ,'GRAM LOGS GNYIS SGO DANG MI MNYAM PA'I PHYOGS 'DI LA SGO LOGS KYI GDONG DANG SNA TSOGS RDO RJE'I LTE BA'I ZAD MTSAMS GYI BAR LA CHA PHRAN GCIG YOD PAR BSHAD KYANG, 'GRAM LOGS SGO DANG MNYAM PA LA NI SNGA MA DANG MI 'DRA STE, DE LA NI RDO RJE'I LTE BA'I ZAD MTSAMS DANG RTZIG GDONG GNYIS KHAD CHAD DU YOD PA'I PHYIR RO, ,NANG GI 'KHOR LO THOG DANG BCAS PA JI LTAR BYA BA'I TSUL YOD DE, SKU? 'KHOR GYI RTZIBS RNAMS @018A *, ,KYI BAR STONG NI DAM TSIG GI 'KHOR LO'I LTE BA YIN PAS PHYOGS MDOG DANG, DE BZHIN DU GSUNG DANG THUGS KYI 'KHOR LO'I RTZIBS RNAMS KYI BAR GYI GZHI NI RANG RANG GI 'OG MA'I LTE BA'I MDOG YIN ZHING, BDE CHEN GYI 'KHOR LO YANG THUGS KYI 'KHOR LO'I LTE BA NA YOD PAS SNGA MA DANG MTSUNGS PA'I PHYIR, DAM TSIG GI 'KHOR LO NI 'OG GZHI DANG MNYAM ZHING SKU 'KHOR NAS RIM GYIS MTHO BA YIN TE, 'KHOR LO BZHI NI RIM PA BZHIN CHA PHRAN GNYIS DANG, GCIG DANG, PHYED DANG, CHA PHRAN GCIG GI BZHI CHAS PHYI MA PHYI MA MTHO BA'I PHYIR, 'KHOR LO'I ZHING TSAD KYI KHYAD PAR YOD DE, BDE CHEN GYI 'KHOR LO'I LTE BA LA SGO TSAD GCIG DANG, 'DAB MA DANG 'KHOR LO'I RTZIBS RNAMS LA CHA PHRAN GSUM GSUM, MU KHYUD RNAMS LA CHA PHRAN PHYED? RE YIN PA'I PHYIR, LHA'I DBANG DU BYAS NA MTHO DMAN DU 'GYUR TSUL YOD DE, LHA THAMS CAD KYI SKU'I DPANGS LA SGO TSAD RE RE YIN YANG 'KHOR LO'I DPANGS KYIS DAm TSIG SKU GSUNG THUGS BDE CHEN GYI 'KHOR LO'I LHA RNAMS RIM PA BZHIN GTZO BO'I ZHABS DANG, LTE BA DANG, THUGS KA DANG, MGRIN PA DANG, MDZOD SPU'I THAD KAR SLEB TZAM GYI TSUL DU YOD PA'I PHYIR RO, ,DE LTAR NA SKU 'KHOR GYI LHA'I ZHABS BTZUGS SA NAS CHA PHRAN GCIG GIS MTHO BA'I SA NAS GSUNG 'KHOR GYI LHA RNAMS KYI ZHABS BZHAG PA YIN TE, RIGS PA SNGA MA DE NYID KYIS 'GRUB PA'I PHYIR RO, ,'O NA, 'KHOR RNAMS LA DE LTAR MTHO KHYAD BYUNG BA DE NI 'KHOR LO RNAMS GNAS PA'I GZHI DANG BCAS PA YIN NAM, 'KHOR LO GCIG PU YIN ZHE NA, MKHAS PA PHAL CHER KHYAD PAR MI 'BYED PAR 'KHOR LO NYID YIN PA LA BYED KYANG KHYAD PAR 'BYED DGOS TE, RJE'I 'DOD 'JO LAS, DE LTAR 'OG MA 'OG MA LAS GONG MA GONG MA YAR 'PHAGS PA'ANG 'KHOR @018B LO GANG LA GNAS PA'I GZHI LA BYA DGOS LA, 'KHOR LO'I RTZIBS RNAMS DANG MU KHYUD RNAMS NI TSAD DE LAS MTHO BA MIN PAS NGO MTHONG TZAM DU BYA'O, ,ZHES GSAL BAR BSHAD PA'I PHYIR RO, ,THOG GI RIM PA JI LTAR BYA BA'I TSUL YOD DE, DAM TSIG GI 'KHOR LO'I ZUR GYI THOG NI GDUNG GRU CHOD DU BTANG BA'I TSUL GYIS 'BUBS PA YIN LA, SKU 'KHOR GYI RTZIBS DANG LTE BA'I ZAD MTSAMS NAS KA BA DPANGS CHA PHRAN BCU GSUM BRE PHUL DANG BCAS PA DANG, ZHENG CHA PHRAN GCIG PA PHYOGS RE RER GNYIS GNYIS TE BRGYAD BTZUGS PA'I STENG DU GDUNG ZLUM 'KHOR MAR BTANG BA LA LCAM SNE NANG MA DANG, PHYI MA DAM TSIG GI 'KHOR LO'I THOG CUNG ZAD YOD PA'I KHA GDANGS LA KA CHUNG BRE PHUL DANG BCAS PA BTZUGS PA'I STENG DU GDUNG ZLUM 'KHOR MAR BYAS PA LA BKAL NAS 'BUBS PA YIN PA'I PHYIR, DE BZHIN DU GSUNG DANG THUGS KYI 'KHOR LO GNYIS LA'ANG SBYAR BAR BYA STE, KA BA SNGAR LTAR BTZUGS PA'I STENG DU GDUNG BTANG BA LA LCAM SNE NANG MA DANG, PHYI MA RANG RANG GI 'OG THOG GI MTHA'I STENG DU KA CHUNG SOGS BYAS PA LA BKAL BA'I TSUL GYIS 'BUBS PA DANG, BDE CHEN GYI 'KHOR LO'I PHYOGS MTSAMS KYI PADMA'I 'DAB MA'I BAR MTSAMS KYI THAD PHYI'I MU KHYUD KYI PHYOGS RE RER KA BA GNYIS GNYIS TE BRGYAD KYI STENG DU GDUNG 'KHOR BTANG BA LA PHYOGS BZHIR GDUNG BZHI MIG MANGS RIS SU BRES SHING THOG BYA LA, DBUS KYI RE MIG GI STENG DU RDO RJE NOR BU'I TOG GIS SPRAS PA'I RGYA PHIG GUR RAS MCHOD RTEN LTAR BYA BA YIN PA'I PHYIR RO, ,KA BA RNAMS BSDOMS PA'I GRANGS KYANG YOD DE, RTA BABS KYI KA BA BCU DRUG ,SGO LOGS KYI KA BA BRGYAD, 'KHOR LO BZHI'I KA BA SO GNYIS TE NGA DRUG YOD PA'I PHYIR RO, ,RTA BABS GANG NA GNAS PA DANG SNAM BU'I GRANGS KYANG YOD DE, SGO BZHI SO SO'I MDUN DU STEGS @019A *, ,BU GRU BZHI PA'I STENG DU ZHES SOGS SGRUB THABS NAS 'BYUNG BA LTAR YOD PA'I PHYIR, SNAM BU RNAMS KYI TSAD DBYIBS DANG LHAG MA GZHAN RNAMS 'DIR RE ZHIG MI 'CHAD DE, MANG DU DOGS PAS GZHAN DU SHES PAR BYA DGOS PA'I PHYIR RO, ,DE LTA BU'I GZHAL YAS KHANG BSGOM PA LA DGOS PA YOD DE, SBYANG GZHI RANG NYID LA 'BYUNG 'GYUR GYI MA DAG PA'I SNOD KYI 'JIG RTEN LA LONGS SPYOD DGOS PA'I LAS KYI NUS PA SBYONG, LAM RDZOGS RIM GYI SKABS SU DAG MA DAG GI SGYU LUS PA'I RTEN GZHAL YAS KHANG DNGOS GNAS LA 'GRUB PA'I DGE RTZA SMIN BYED KHYAD PAR CAN DU 'GYUR, 'BRAS BU SANGS RGYAS KYI SA'I YE SHES RANG SNANG LAS GRUB PA'I GZHAL YAS KHANG DANG RNAM PA 'THUN ZHING, DA LTA NAS KYANG 'BRAS BU LAM BYED KYI TSUL DU BYAS NAS BSGOMS PAS DE 'DRA BA MYUR DU 'GRUB PA'I NUS PA KHYAD PAR CAN 'JOG PA'I PHYIR RO, ,GNYIS PA LA GNYIS, GTZO BO YAB YUM GSAL GDAB PA DANG, 'KHOR RNAMS GSAL GDAB PA'O, ,DANG PO NI, DBUS KYI PADMA'I LTE BAR ZHES SOGS 'BYUNG BA LTAR YIN LA, 'DI LA GNYIS, BSHAD TSUL SPYIR BSTAN PA DANG, BYE BRAG TU BSHAD PA'O, ,DANG PO NI, BSHAD RGYUD MNGON BRJOD SOGS NAS BDE MCHOG LA ZHAL PHYAG PHYAG MTSAN SOGS MI 'DRA BA DU MA ZHIG BSHAD PA YOD DE, ZHAL BZHI PHYAG BCU GNYIS PA 'DI LTA BU DANG, ZHAL GSUM PHYAG DRUG PA, ZHAL DRUG PHYAG BCU GNYIS PA, ZHAL BRGYAD PHYAG BCU DRUG PA, ZHAL BCU GNYIS PHYAG NYER BZHI PA DANG, DE LAS KYANG CHES MANG BA SOGS BSHAD PA'I PHYIR, 'ON KYANG DE THAMS CAD NGO BO'AM RGYUD THA DAD PA NI MA YIN TE, CHED DU BYA BA'I GDUL BYA'I DBANG GIS SKU'I RNAM PA MI 'DRA BAR BSTAN PA TZAM YIN PA'I PHYIR RO, ,GNYIS @019B PA NI LUGS 'DIR DANG PO LTAR YIN TE, RTZA RGYUD KYI DGONGS PA 'GREL BA'I BSHAD RGYUD MNGON BRJOD KUN SPYOD SOGS NAS GSUNGS PA LTAR, L'U DRIL NAG GSUM RJES 'BRANG DANG BCAS PA'I GRUB CHEN GYIS KYANG DE LTAR DU BZHED PA'I PHYIR RO, ,YAB YUM GNYIS KYI SKU MDOG PHYAG MTSAN SOGS SGRUB THABS LAS GSAL BA LTAR YIN LA, DE DAG GIS MTSON TSUL GYI KHYAD PAR YOD DE, DE YANG PHYAG DANG PO GNYIS KYIS RDOR DRIL BZUNG NAS YUM LA 'KHYUD PAS NI SHES RAB STONG PA NYID KYIS THABS BDE BA CHEN PO LA 'KHYUD PA MTSON ZHING, RDO RJES BDE BA CHEN PO DANG, RVA LNGAS NI YE SHES LNGA MTSON LA, DRIL BUS STONG PHYOGS KYI SHES RAB MTSON, DE GNYIS BZUNG NAS YAB YUM MNYAM PAR SBYOR BAS NI BDE STONG DBYER MED DU SBYOR BA DE MTSON, ZLA BA DBU'I G-YON DU CUNG ZAD YO BAS NI SPYI BO NAS BYANG SEMS 'BE? PA DE MTSON, MI RUS KYI THAL BAS LUS LA BYUGS PAS NI BYANG SEMS KYIS LUS KYI GNAS RNAMS KHYAB PA DE MTSON, KHA tV'Am KAS NI SEMS LHAN SKYES KYI BDE BA'I NGO BOR SKYES PA DE MTSON, ZHAL BZHIS NI STONG PA NYID DANG MTSAN MA MED PA DANG SMON PA MED PA DANG MNGON PAR 'DU BYA BA MED PA'I RNAM THA SGO BZHI MTSON, DE BZHIN DU GLANG PO CHE'I PAGS PA BSHUS TE GYON PAS NI GTI MUG SPANGS PA DANG, d'A MA RUS NI SANGS RGYAS THAMS CAD KYI THUGS RGYUD BSKUL BA DANG, DGRA STAS NI SGO GSUM GYI SKYON GCOD PA DANG, GRI GUG GIS NI MTHAR 'DZIN GCOD PA DANG, MDUNG RTZES NI KHAMS GSUM GYI NYON MONGS PA RNAMS 'BIGS PA DANG, THOD PAS NI BDE BA CHEN PO DANG, ZHAGS PAS NI BDE BA CHEN POS RANG RGYUD 'CHING BA DANG, TSANGS PA'I MGOS MYA NGAN LAS 'DAS PA'I @020A *, ,GO 'PHANG MNGON DU BYAS PA DANG, RDO RJE RTZE LNGA PAS NI YE SHES LNGA DANG, MGO RLON LNGA BCUS NI BDE CHEN GYI YE SHES THABS SHES KYI BDAG NYID CAN DU SBYOR BA DANG, SPYAN GSUM GYIS NI DUS GSUM GYI CHOS THAMS CAD GZIGS PA DANG, STAG LPAGS KYIS 'DOD CHAGS DANG BRAL BA DANG, ZHAL 'GYUR BAS LEG LTA SPANGS PA DANG, MCHE BA BZHI GTZIGS PAS BDUD BZHI 'JOMS PA DANG, PHYAG BCU GNYIS KYIS RTEN 'BREL BCU GNYIS SBYANGS PA DANG, THOD BSKAM GYIS 'OD GSAL LAS GZUGS SKUR BZHENGS PA DANG, SPYI BO'I SNA TSOGS RDO RJES NI 'PHRIN LAS BZHIS SEMS CAN GYI DON MDZAD PA DANG, MGUL RGYAN GDU? BU RNA RGYAN NOR BU THAL CHEN MCHOD PHYIR THOGS TE, PHYAG RGYA DRUG GIS NI PHYIN DRUG DANG, NYAMS DGUS NI BDE BA CHEN PO'I YE SHES KYI NGO BOR GYUR PA'I ZHI LHAG GNYIS DAG PA DANG, RAL PA GYEN DU BRDZES PAS NI YON TAN GONG DU 'PHEL BA DANG, DRAG PA YUM BCAS MNAN PAS NI RTAG CHAD GNYIS MNAN PA DANG, TSUL DE LAS MI 'DA' BAS NI 'GRO BA KUN ZIL? GYIS MNAN PA DE MTSON PA'I PHYIR RO, ,DE LTAR GTZO BO YAB YUM GSAL BTAB STE GSANG GNAS BYIN GYIS BRLABS NAS GNAS BZHI BYIN GYIS BRLAB PA'I TSUL YOD DE, YAB YUM GNYIS KYI LTE BA LA SOGS PA'I GNAS BZHIR ZLA NYI'I DKYIL 'KHOR ME LONG GYEN DU BSLANG BA LTA BU RE RE BKOD NAS DE'I NGOS SU NYI GDAN LA YAB KYI SNGAGS DANG, ZLA GDAN LA YUM GYI SNGAGS RNAMS 'GOD PAR BSHAD PA LTAR BYAS NAS BYIN GYIS BRLAB PA YIN PA'I PHYIR, DE NAS DGA' BZHI MOS PA YID BYED TSUN CHAD KYIS DRANGS PA LA DGES PA YOD DE, RIM PA DANG PO'I SKABS SU DGA' BZHI? NGOS @020B GNAS LA 'GRUB PA DANG, RTEN BRTEN PA RNAMS BDE STONG GI RNAM ROL TU 'CHAR BA DANG, RDZOGS? RIM GYI BDE STONG DBYER MED KYI YE SHES KHYAD PAR CAN SKYE BA'I RGYUD SMIN BYED DU 'GYUR BA DANG, RTZA RLUNG THIG LE RNAMS BYIN GYIS BRLABS DANG, PHO NYA KHYAD PAR CAN DANG 'DUL RNYED BA'I CHED YIN PA'I PHYIR RO, ,GNYIS PA 'KHOR GYI LHA GSAL GDAB PA LA, THOG MAR BDE CHEN GYI 'KHOR LOR LHA MO BZHI THOD PA DANG BCAS PA 'GOD PA YIN TE, PHYOGS BZHIR SPYAN SOGS LHA MO BZHI'I NGO BOR GYUR PA'I MKHA' 'GRO MA SOGS BZHI DANG MTSAMS BZHIR BDUD RTZI LNGAS GANG BA'I THOD PA BZHI DGOD PA YIN PA'I PHYIR, SPYAN SOGS SKU'I RNAM PA DE LTAR BSTAN PA'I RGYU MTSAN YOD DE, SNGON DRAG PO'I CHUNG MA BZHI 'DUL BA'I TSE HUL? DE LTAR BSTAN CING DE'I RNAM PAS SGRUB PA PO LA DNGOS GRUB STER BA'I CHED YIN PA'I PHYIR, DE NAS 'KHOR LO GSUM GYI LHA RNAMS BSKYED TSUL YOD DE, THUGS KYI 'KHOR LO'I SHAR RTZIBS PULLIR? MA LA YAR KHAndA KA P'A LA DANG RAB GTUM MA GNYIS 'GOD PA NAS, DBANG LDAN GYI RTZIBS M'A LA WAR RDO RJE SKU DANG SHING GRIB MA YAB YUM 'GOD PA DANG, GSUNG GI 'KHOR LO'I SHAR RTZIBS K'A MA R'U BAR MYU GU CAN DANG SA SRUNG MA YAB YUM 'GOD PA NAS, DBANG LDAN GYI RTZIBS LA MIG MI BZANG DANG BYA GDONG MA YAB YUM 'GOD PA DANG, SKU'I 'KHOR LO'I SHAR RTZIBS PRE TA BU RIR STOBS PO CHE DANG 'KHOR LO'I SHUGS CAN MA YAB YUM 'GOD PA NAS, DBANG LDAN GYI RTZIBS LA RDO RJE SEMS DPA' DANG BRTZON 'GRUS CHEN MO YAB YUM 'GOD PA YIN PA'I PHYIR, DE NAS DAM TSIG GI 'KHOR LOR LHA MO BRGYAD 'GOD PA'I TSUL YOD DE, SHAR LA SOGS PA'I SGO BZHIR KHVA GDONG MA SOGS BZHI DANG, ME LA SOGS PA'I MTSAMS BZHIR GSHIN RJE BRTAN MA SOGS BZHI @021A *, ,SGRUB THABS NAS 'BYUNG BA BZHIN 'GOD PA YIN PA'I PHYIR, 'O NA SGO MTSAMS MA BRGYAD PA YAB MED PA CI YIN ZHE NA, DNGOS SU MED KYANG DON GYIS YOD PA YIN TE, SGOM BZHIS YAB RNAMS GDONG BRNYAN GYI TSUL DU SBAS, MTSAMS MA BZHIS YAB RNAMS PHYED GZUGS KYI TSUL DU SBAS PA'I PHYIR RO, ,SKU GSUNG THUGS KYI 'KHOR LO GSUM LA GNAS GSUM GYI MING GIS 'DOGS PA'I RGYU MTSAN YOD DE, SNGON KHAndA KA P'A LA LA SOGS PA'I MING CAN GYI LHA BZHI DANG DRI ZA BZHI NAM MKHA' NAS 'ONGS TE, P'ULLIR MA MA YA LA SOGS PA'I YUL BRGYAD BZUNG BA DANG, MYU GU CAN LA SOGS PA'I MING CAN GYI GNOD SBYIN BZHI DANG SRIN PO BZHI SA STENG NAS 'ONGS TE K'A MA R'U PA LA SOGS PA'I YUL BRGYAD BZUNG BA DANG, STOBS PO CHE LA SOGS PA'I MING CAN GYI KLU BZHI DANG LHA MA YIN BZHI SA 'OG NAS 'ONGS TE PRE TA B'U RI LA SOGS PA'I YUL BRGYAD BZUNG NAS SPYOD PA'I TSE, DE RNAMS RIM PA BZHIN 'KHOR LO GSUM GYI LHA YAB YUM RNAMS KYIS BTUL NAS MING CHA LUGS 'DRA BAR MDZAD PAS 'DUL BYED KYI LHA LA GDUL BYA'I MING DU BTAGS PA YIN PA'I PHYIR, DAM TSIG GI 'KHOR LO'I LHA LA MING DE LTAR 'DOGS PA'I RGYU MTSAN YOD DE, DE DAG GI MING CAN GYI MI'AM CI BZHI DANG PHRA MEN MA BZHIS DUR KHROD BRGYAD DAM, 'THUNG GCOD SOGS BZUNG NAS GNAS PA'I TSE SGO MTSAMS MA BRGYAD KYIS BTUL TE RGYAN MING CHA LUGS DE RNAMS DANG 'DRA BAR MDZAD PAS DE LTAR DU BTAGS PA'I PHYIR RO, ,GDUL BYA DE RNAMS SNGON GANG GI 'KHOR YIN PA YOD DE, DRAG PO DBANG PHYUG CHUNG MA DANG BCAS PA'I 'KHOR YIN PA'I PHYIR, DE RNAMS JI LTAR BTUL BA'I TSUL YOD DE, SNGON STON PA RDO RJE 'CHANG NYID BCOM @021B LDAN 'DAS 'KHOR LO BDE MCHOG GI SKUR BZHENGS NAS DRAG PO CHUNG MA DANG BCAS PA ZHABS 'OG TU MNAN NAS BTUL BA'I TSE, BYANG CHUB SEMS DPA'I KUN TU BZANG PO DANG, 'JAM DPAL DANG, 'JIG RTEN DBANG PHYUG DANG, SA'I SNYING PO DANG, PHYAG NA RDO RJE DANG, BYAMS PA DANG, NAM MKHA'I SNYING PO DANG, NAM MKHA' MDZOD RNAMS DANG, SGRIB SEL DANG, SPOS KYI GLANG PO DANG, BLO GROS MI ZAD PA DANG, YE SHES TOG DANG, SPOBS PA BRTZEGS PA DANG, MYA NGAN DANG MUN PA THAMS CAD NGES PAR SEL BA DANG, NGAN SONG KUN 'DREN DANG, DRA BA CAN GYI 'OD RNAMS DANG, ZLA BA'I 'OD DANG, RIN CHEN 'OD DANG, NYI MA'I 'OD DANG, RDO RJE'I 'OD DANG, NOR BZANG DANG, MTHU CHEN THOB DANG, BLO GROS RGYA MTSO DANG, BZANG SKYONG RNAMS NI RIM PA BZHIN DU KHAndA KA P'A LA LA SOGS PA'I DPA' BO NYER BZHI DANG, RDO RJE PHO NYA MO DANG, SKUL BYED MA DANG, RIN CHEN SGROL MA DANG, RDO RJE 'OD BYED MA DANG, RO LANGS MA DANG, RDO RJE GZHON NU DANG, KAMBO DZI DANG, DBANG PHYUG MA RNAMS DANG, YE SHES SGROL MA DANG, RDO RJE 'JIGS MA DANG, GANDHA RI DANG, RGYAL BA CAN DANG, GZUGS RDO RJE MA LA SOGS PA RNAMS DANG, RGYAL MTSAN RTZE MO'I DPUNG RGYAN DANG, SO SOR 'BRANG MA DANG, RMA BYA CHEN MO DANG, RI KHROD LO MA CAN DANG, RDO RJE LCAGS SGROGS MA DANG, PHYIR ZLOG MA DANG, GTZUG TOR MA DANG, 'JIGS BYED MA RNAMS NI RIM PA BZHIN RAB GTUM MA LA SOGS PA'I DPA' MO NYER BZHIR SPRUL PA DANG, KHRO BO 'JIG RTEN GSUM RGYAL SOGS SGO MTSAMS MA BRGYAD DU SPRUL NAS GDUL BYA DE DAG BTUL BA'I PHYIR RO, ,PHYI'I uYUL NYER BZHI PO RNAMS NI 'DZAMBU'I GLING DU YOD KYANG 'PHAGS YUL KHO NAR MA NGES TE, DRAG PO 'JIGS BYED YAB YUM ?? MA GA DHA NA @022A *, ,GNAS SHING, GZHAN RNAMS 'PHAGS YUL DANG BOD SOGS KYI YUL GZHAN DAG NA'ANG YOD PAR BSHAD PA'I PHYIR RO, ,'O NA KHVA GDONG MA LA SOGS PA'I GDONG BRNYAN BZHI PO DE DBU RIL PO YIN NAM, MIN ZHE NA, PHYI MA LTAR BYA STE, 'DI'I DOGS GCOD LA RJES 'DOD 'JO LAS, BYA ROG GDONG LA SOGS PA NI DBU RIL PO MIN GYI, GDONG GI PHYOGS TZAM ZHIG DE RNAMS KYI GDONG YIN TE, DE LTA MA YIN NA RNA RGYAN SOGS GDAGS SU MI RUNG NGO ZHES BOD KYI BLA MA DAG GSUNG NGO, ,ZHES SNGA MA'I BZHED PA BKOD PA LTAR BYAS CHOG PA'I PHYIR RO, , DE LTA BU'I DPA' BO DANG MKHA' 'GRO RNAMS KYI NGO BO GANG YIN SHES PAR BYAS NAS DE LTAR BSGOMS PA LA DGOS? PA YOD DE, SGRUB PA PO RANG NYID LA BYIN GYIS RLOB PA DANG DNGOS GRUB STER BAR 'GYUR BA'I CHED YIN PA'I PHYIR RO, ,DE LTA BU'I LHA RE GNYIS PA'I SGRUB THABS 'DI NI BDE MCHOG GI SGRUB THABS GZHAN THAMS CAD KYI NANG NAS GTZO BO YIN TE, DKYIL 'KHOR 'DI NI BDE MCHOG GI RTZA BA'I DKYIL 'KHOR DU GSUNGS SHING, RIGS DRUG PA'I DBANG DU BYAS PAR MA ZAD?, RIGS THAMS CAD BSDUS PA'I DBANG DU BYAS PA'I PHYIR TE, 'KHOR GYI LHA THAMS CAD KYANG DPRAL BAR RDO RJE'I 'PHRENG BA 'DZIN PA LA MTSON DON KHYAD PAR CAN YOD PA'I PHYIR RO, ,GSUM PA PHYOGS MTHUN GYI DAG PA BRJOD PA DANG LUS DKYIL BSGOM TSUL LA GNYIS, DAG PA BSGOM TSUL DANG, LUS DKYIL BSGOM TSUL LO, ,DANG PO LA SPYIR DAG PA BSGOM PA NI SKABS 'DI KHO NAR MA NGES TE, BZLAS PA'I MJUG TU BSGOM PA DANG, LUS DKYIL GYI DE MA THAG BSGOM PA DANG, MCHOD BSTOD KYI MJUG TU'ANG BSGOM PAR BSHAD PA LTAR YIN PA'I PHYIR RO, ,BYANG PHYOGS SO BDUN PO @022B 'DI LA THUN MONG BA DANG THUN MONG MA YIN PA GNYIS 'BYUNG BA'I DANG PO YOD DE, SPYI 'GRO LTAR DRAN PA NYER GZHAG BZHI, YANG DAG SPONG BA BZHI, RDZU 'PHRUL GYI RKANG PA BZHI, DBANG PO LNGA, STOBS LNGA, BYANG CHUB KYI YAN LAG BDUN, 'PHAGS LAM YAN LAG BRGYAD DANG BCAS PA RNAMS YIN PA'I PHYIR, GNYIS PA YOD DE, BYANG PHYOGS SO BDUN GYI BYED LAS DANG LDAN PA'I BDE CHEN GYI YE SHES LA LDOG PA'I SGO NAS SNGAR LTAR 'BYED PA YIN PA'I PHYIR, SGRUB PA PO DBANG PO RNO RTUL? GYI SGO NAS BSGOM TSUL YOD DE, DBANG PO RTUL POS SO BDUN LHAR SHAR BA TZAM BSGOM PA DANG, RNON POS NI SO BDUN PO RANG BZHIN MED PAR RTOGS PA'I BDE CHEN GYI YE SHES DE NYID LHA RE GNYIS SU SHAR BA'I TSUL GYIS SGOM PA YIN PA'I PHYIR, GAL TE BYANG CHUB KYI PHYOGS KYI CHOS SO BDUN YOD CING, LHA LA RE GNYIS YOD PAS GRANGS MI MTHUN NO SNYAM NA, DE'I SKYON MED DE, DPA' BO DANG DPA' MO NYER BZHI YAB YUM ZUNG RE GRANGS GCIG TU BYAS PA YIN PA'I PHYIR, DAG PA DPA' MO NYER BZHI DANG SBYAR NAS DPA' BO NYER BZHI DANG DNGOS SU MA SBYAR YANG NYES PA MED DE, YUM GYI DAG PAS YAB RNAMS KYANG DON GYIS GO BAR BYA BA YIN PA'I PHYIR RO, ,SO SOR SBYOR TSUL YOD DE, SGRUB THABS LAS GSAL BA LTAR YIN PA'I PHYIR RO, ,DAG PA 'DI LTAR DRAN PA NI RGYAS PA'I DBANG DU BYAS PA YIN GYI, BSDUS NAS DRAN PAR BYAS KYANG RUNG STE, 'DOD 'JO LAS, LHA RNAMS RE RE NAS SAM, SPYIR BSDUS NAS BLTA BAR BYA STE, CHOS SO BDUN GYI NGO BOR LTA BA'I GTZO BO'I DON DE YIN PA'I PHYIR DANG, ZHES GSUNGS PA'I PHYIR RO, ,DE LTAR BSGOM PAR BSTAN PA LA DGOS PA YOD DE, LAM 'DI'I GDUL BYAS PHAR PHYIN @023A *, ,THEG PA'I LAM RNAMS SHES DGOS PAR BSTAN PA DANG, THEG PA GSUM GYI LAM GYI GNAD THAMS CAD BYED LAS KYI SGO NAS LAM 'DIR 'DUS PAR SHES PA DANG, RIM PA DANG PO'I SKABS SU GZUGS CAN GYI LHA'I SNANG BA TZAM LA ZHEN PA SPANGS NAS BDE CHEN GYI YE SHES KYI GZUNG RNAM LHA'I RNAM PAR SHAR BA SHES PA DANG, RDZOGS RIM DANG 'BRAS BU'I SKABS SU BYANG PHYOGS SO BDUN RANG BZHIN MED PAR MNGON SUM DU RTOGS PA'I BDE CHEN GYI YE SHES DE NYID LHA RE GNYIS KYI SKUR BZHENGS PA'I DGE RTZA SMIN BYED DU 'GYUR BAR SHES PA'I CHED YIN PA'I PHYIR RO, ,GNYIS PA LA GNYIS, LUS DKYIL SPYI'I RNAM GZHAG MDOR BSTAN PA DANG, BSGOM TSUL DNGOS SO, ,DANG PO NI, SPYIR LUS DKYIL BSGOM TSUL LA GO RIM MI 'DRA BA YOD DE, MNGON BRJOD LAS GSUNGS PA'I RJES SU 'BRANG NAS LUS DKYIL SNGON LA BSGOMS NAS PHYI DKYIL RJES SU SGOM PA DANG, LUS DKYIL DANG PHYI DKYIL DUS MNYAM DU SGOM PA DANG, PHYI DKYIL GYI RJES SU LUS DKYIL SGOM PAR BYED PA'I TSUL GSUM LAS 'DIR PHYI MA LTAR BYA BA YIN PA'I PHYIR, DER MA ZAD PHYI DKYIL LOGS SU MI SGOM PAR LUS DKYIL TZAM BSGOM PA'I TSUL YOD DE, DRIL BU BAS DE LTAR DU BSHAD PA'I PHYIR RO, ,GNYIS PA LA GNYIS, LUS RTEN GYI DKYIL 'KHOR DU BSGOM PA DANG, BRTEN PA'I DKYIL 'KHOR DU BSGOM PA'I TSUL LO, ,DANG PO LA, RJES SKYA PA DAG NA RE, SGRUB PA PO'I LUS 'DI LA BDE MCHOG GI RTEN BRTEN PA GDOD NAS GRUB PA GSAL 'DEBS PA YIN NO GSUNG, DE NI 'THAD PA MA YIN TE, LUS CAN RNAMS SANGS RGYAS SU THAL BA DANG, GSAR DU BSKYED MI DGOS PA SOGS SU 'GYUR BA'I PHYIR RO,, @023B BSGOM PA'I TSUL YOD DE, RKANG PA GNYIS BGRAD PA GZHU'I DBYIBS SU YOD PA ZHES SOGS 'BYUNG BA LTAR YIN LA, DE YANG DPER NA, SNAM BU SKAD CIG SNGA MAS NYER LEN DANG RGYA SKYEGS SKAD CIG SNGA MAS LHAN CIG BYED RKYEN BYAS PA LA BRTEN NAS SNAM BU SKAD CIG PHYI MA TSON CAN DU 'GYUR BA DE BZHIN DU, PHYI DKYIL GYI RLUNG DKYIL BSGOMS PA'I RGYUN DANG RANG GI RKANG PA GNYIS BGRAD PA MNYAM DU TSOGS PAS NYER LEN DANG BYED RKYEN BYAS NAS PHYI DKYIL GYI RLUNG DKYIL SKAD CIG PHYI MA LUS DKYIL GYI RLUNG DKYIL DU 'GYUR BA YIN LA, DE BZHIN DU PHYI DKYIL GYI ME SOGS DANG SUM MDO SOGS LUS KYI CHA DE DANG DE 'PHRAD PA LAS LUS DKYIL GYI GZHAL YAS KHANG GI CHA DE DANG DER 'GYUR BAR SGOM PA YIN PA'I PHYIR, LUS KYI CHA DE DANG DE RTEN DANG BRTEN PA DE DANG DER GYUR PAR BSGOMS PA'I TSUL GYIS LUS DKYIL DU 'GRO BA YIN GYI, LUS LA BKOD PA TZAM GYIS NI LUS DKYIL DU MI 'GRO STE, DE NI RGYUD SDE 'OG MA LA YANG YOD PA'I PHYIR RO, ,DES NA GZHAL YAS KHANG GNYIS BRE NANG DU BRE BCUG PA'I TSUL GYIS GNAS PA NI MA YIN TE, PHYI DKYIL GYI RIGS RGYUN NYID LUS DKYIL GYI RTEN GZHAL YAS KHANG DU 'GYUR BA'I PHYIR, DPER NA, 'DUS PA'I LUS DKYIL GYI GZHAL YAS KHANG BZHIN NO, ,DE LTAR BSGOMS PA LA DGOS PA YOD DE, 'BRAS BU'I SKABS SU LUS KYI CHA DE DANG DE LUS DKYIL GYI GZHAL YAS KHANG GI CHA DE DANG DER DNGOS GNAS SU 'GYUR BA'I CHED YIN BA'I PHYIR RO, ,DE BZHIN DU P'U DZA LA SOGS PA YUL NYER BZHI'I MING YIG DANG PO THIG LES BRGYAN PA RNAMS YONGS SU GYUR PA LAS, RTZIBS KHONG STONG RTZIBS SHUN GYI RNAM PA CAN DU BSKYED NAS PHYI'I YUL NYER BZHI'I NGO BOR BSGOMS PA LA DGOS PA YOD DE, @024A *, ,YUL NYER BZHI'I DPA' BO DANG RNAL 'BYOR MA RNAMS KYIS SGRUB PA PO'I RTZA RLUNG THIG LE RNAMS BYIN GYIS RLOB PAR 'GYUR BA'I CHED YIN PA'I PHYIR RO, ,GNYIS PA LA LUS DKYIL 'GOD PA'I GZHI LA MI 'DRA BA YOD DE, NAG PO SPYOD PAS RGYU RDO RJE 'DZIN YAB YUM BSKYED PA ZHU BA LAS BYUNG BA'I 'BRAS BU RDO RJE 'DZIN PA'I LUS LA 'GOD PA DANG, DRIL BU PAS PHYI DKYIL SNGAR MI SGOm PA'I GZHI'I HE RU KA'I LUS LA 'GOD PA YIN LA, L'U HI BAS NI PHYI DKYIL GYI RTEN BRTEN PA RNAMS CIG CAR DU BSKYED PA'I HE RU KA'I LUS LA 'GOD PA YIN PA'I PHYIR RO, ,JI LTAR 'GOD PA'I TSUL YOD DE, SNYING GA CHOS KYI 'KHOR LO'I DBUS KYI DH'U T'I'I NANG GI BYANG SEMS BA MO 'DZAG PA NYUNGS KAR SBOM PO'I TSAD KYI DPYID H'Um YIG YONGS SU GYUR PA LAS GTZO BO DANG, LTE BA'I DMAR CHA GTUM MO'I ME'I GZUGS KYI THIG LE YONGS SU GYUR PA LAS YUM BSKYED DE, DPYID DANG THIG LE GNYIS SNYING GAR 'PHRAD NAS SNYOMS PAR 'JUG PAR MOS PA YIN PA'I PHYIR RO, ,YAB KYI SNYING GA'I MI SHIGS PA'I THIG LE DE LA DPYID CES BRJOD PA'I RGYU MTSAN YOD DE, DPYID DUS DES RTZI SHING SOGS RGYAS PAR BYED CING, GZHAN YID DGA' BAR BYED PA LTAR, THIG LE DES KYANG BAD STONG GI YE SHES BSKYED CING RGYAS PAR BYED PA'I SGO NAS SGRUB PA PO'I YID DGA' BAR BYED PAS NA DE LTAR DU BRJOD PA'I PHYIR RO, , DE NAS 'KHOR RNAMS BSKYED TSUL YOD DE, SNYING GA'I PHYOGS KYI RTZA 'DAB BZHI LAS MKHA' 'GRO MA SOGS BZHI DANG, MTSAMS KYI RTZA 'DAB BZHI LAS THOD PA BZHI DANG, SKRA MTSAMS SOGS LUS KYI GNAS NYER BZHI'I RTZA KHAMS RNAMS LAS DPA' BO @024B DPA' MO RNAMS DANG, LCE'I RTZA BAR GNAS PA'I RTZA SOGS LAS SGO MTSAMS MA RNAMS BSKYED PA YIN PA'I PHYIR, RTZA KHAMS THUN MONG DU LHAR BSKYED PA'AM, KHAMS LAS DPA' BO RNAMS DANG RTZA LAS DPA' MO RNAMS BSKYED PAR YANG RUNG STE, MKHA' 'GRO RGYA MTSOR, NYI SHU RTZA BZHIR DBYE BA YIS, ,SKU GSUNG THUGS KYI 'KHOR LO YIN, ,GNAS RNAMS DAG NI THAMS CAD DU, ,RTZA RNAMS KUN NI YANG DAG BSHAD, ,YUL 'DI RNAMS KYI BU MO GANG, ,RTZA YI GZUGS KYI GNAS SO ZHES, ,ZHES DANG, DRIL BU ZHABS KYIS KYANG, 'DI DAG GNAS SU RNAL 'BYOR MA, ,RTZVA YIN DPA' BO NYI SHU BZHI, ,LUS KYI KHAMS SU BRTAG PAR BYA, ,ZHES GSUNGS PA'I PHYIR RO, ,'KHOR LO'I RNAM PA CAN GYI RTZIBS RNAMS PHYI'I YUL NYER BZHI DNGOS DANG BSKYED PA'I LHA RNAMS YUL DE NA BZHUGS PA'I DPA' BO RNAL 'BYOR MA RNAMS DNGOS GNAS SU MOS NAS BSGOM DGOS PA YIN LA, DE LTAR BSGOMS PA LA DGOS PA YOD DE, GNAS DE DAG GI RTZA RLUNG THIG LE RNAMS DPA' BO RNAL 'BYOR RNAMS KYIS BYIN GYIS BRLABS PA LA BRTEN NAS, LUS KYI RTZA BDUN KHRI NYIS STONG GI RLUNG DANG THIG LE RNAMS GNAS NYER BZHI'I RTZA NAS BRGYUD DE DH'U T'I'I NANG DU 'JUG PA'I RGYUD SMIN BYED DU 'GYUR BA'I CHED YIN PA'I PHYIR RO, ,DBANG PO'I SGO BRGYAD KYI RTZA RNAMS SGO MTSAMS MA BRGYAD DU BSGOMS PA LA DGOS PA YOD DE, GNAS DE DAG GI RTZA RLUNG THIG LE RNAMS DE RNAMS KYIS BYIN GYIS RLABS TE, DBANG PO'I SGO NAS RGYU BA'I LAS RLUNG RNAMS DH'U T'IR 'JUG PA'I RGYUD SMIN BYED DU 'GYUR BA'I CHED YIN PA'I PHYIR, DE LTAR YIN TE, RJES SKABS 'DI'I SMON LAM LAS, SGO MTSAMS MA RNAMS DBANG PO'I @025A *, ,SGOR BSGOMS PAS, ,LAS RLUNG DBANG PO'I SGO NAS LDOG PAR SHOG ,NYER BZHI'I YUL DU DPA' BO DPA' MO RNAMS, ,BSGOMS PAS RLUNG RNAMs NYER BZHI'I RTZAR 'DUS SHOG ,ZHES GSUNGS PA'I PHYIR RO, ,SNYING GA'I PHYOGS MTSAMSU LHA MO BZHI DANG THOD PA BZHI BSGOMS PA YANG TSUL DE LTAR YIN TE, DE NYID LAS, CHOS KYI 'KHOR LO'I 'DAB MAR? BDE CHEN GYI, ,LHA RNAMS BSGOMS PAS SLAR YANG RLUNG RNAMS NI, ,SNYING GA'I PHYOGS DANG MTSAMS KYI RTZA BRGYAD DU, ,'DUS NAS DBUS KYI DH'U T'IR 'JUG PAR SHOG ,ZHES GSUNGS PA'I PHYIR RO, ,SNYING GAR GTZO BO YAB YUM BSGOMS PA'I GNAD KYANG DE LTAR YIN TE, MTHAR RLUNG THAMS CAD SNYING GA'I DH'U T'IR THIM NAS RDZOGS RIM GYI LAM THAMS CAD RDZOGS PAR SKYE BA'I DGE RTZA SMIN BYED DU 'GYUR BA'I CHED YIN PA'I PHYIR TE, DE NYID LAS, NANG GI RJE BTZUN YAB YUM BSGOMS PA LAS, ,DPYID DANG THIG LE PHAN TSUN SNYOMS ZHUGS NAS, ,RDZOGS PA'I RIM PA MCHOG RNAMS SKYE BA YI, ,DGE BA'I RTZA BA YONGS SU SMIN PAR SHOG ,CES GSUNGS PA'I PHYIR RO, ,MDOR NA 'DI LTA BU'I LUS DKYIL BSGOMS PA NI GNAD SHIN TU CHE BA YIN TE, DE NI LUGS 'DI'I THUN MONG MA YIN PA'I KHYAD CHOS SU 'GYUR BA'I PHYIR TE, DE LTAR BSGOMS PAS PHYI'I YUL NYER BZHI NA BZHUGS PA'I DPA' BO DANG RNAL 'BYOR MA RNAMS YID LTAR MGYOGS PA'I SHUGS KYIS BYON NAS, GZIGS PA TZAM GYIS RGYUD BYIN GYIS BRLABS TE RLUNG THIM NAS LHAN SKYES KYI YE SHES SKYE BA'I NUS PA KHYAD PAR CAN 'JOG PAR 'GYUR BA'I PHYIR TE, RTZA RGYUD LAS, DE RNAMS 'DOD PA'I GZUGS CAN TE, ,YID KYI SHUGS KYIS 'JUG PA YIN, ,ZHES DANG, MNGON BRJOD LAS KYANG ,DE RNAMS @025B DGYES NAS DNGOS GRUB MCHOG ,JI LTAR 'DOD BZHIN STZOL BAR MDZAD, ,ZHES GSUNGS PA'I PHYIR, DE LTAR DPA' BO DANG RNAL 'BYOR MA RNAMS KYIS SGRUB PA PO LA BYIN GYIS BRLABS PA LA BRTEN NAS PHO NYA GSUM PO GANG RUNG DANG 'DU BRNYED NAS LHAN SKYES KYI YE SHES KHYAD PAR CAN MNGON DU BYED PAR 'GYUR BA'I TSUL YOD DE, DANG POR SNGAGS SKYES KYI RNAL 'BYOR MA RNAMS DANG 'DU BRNYED, DE NAS ZHING SKYES KYI RNAL 'BYOR MA RNAMS DANG 'DU BRNYED, DE NAS LHAN SKYES KYI RNAL 'BYOR MA RNAMS DANG 'DU BA RNYED CING, DE RNAMS KYIS LAM BGROD PA'I GROGS MDZAD PA LA BRTEN NAS LHAN SKYES KYI BDE BA SKYE ZHING BDE BA DES STONG PA NGES PA'I BDE STONG DBYER MED BSGOMS PA LA BRTEN NAS ZUNG 'JUG GI GO 'PHANG YANG MYUR DU 'THOB PAR 'GYUR BA'I PHYIR TE, MNGON BRJOD LAS, DPAL LDAN RDO RJE RNAL 'BYOR MA, ,RNAM DAG YE SHES CAN RNAMS KYIS, ,RNAL 'BYOR RDO RJE CAN RNAMS GZIGS, ,ZHES PA NAS, DPAL LDAN RDO RJE 'DZIN DNGOS SU, , 'GYUR BA 'DI LA THE TSOM MED, ,CES DANG, RJE'I L'U HI BA'I SHIS BRJOD LAS, THUGS KYI RIGS KYI SNGAGS SKYES ZHING SKYES SOGS, ,PHO NYA'I GROGS DANG MYUR DU 'DUS PA LAS, ,BDE BA'I DGA' STON 'BAR BA'I BKRA SHIS SHOG ,CES DANG, DE BZHIN DU GSUNG DANG BA? SKU LA'ANG SBYAR NAS GSUNGS SHING, RJE'I RGYUD 'GREL SBAS DON KUN GSAL LAS KYANG, KHYAD PAR BDE MCHOG GI LAM LEGS PAR SHES NAS SGRUB PA BYED PA RNAMS LA MKHA' 'GRO MA'I PHO NYA CAN RNAMS KYIS BYIN GYIS RLOB PA DANG, LAM GYI GROGS @026A *, ,MDZAD PAS CHES MYUR BA YIN, ZHES DANG, 'DI RNAMS BSGOMS PAS YUL KHYAD PAR CAN DE RNAMS NA GNAS PA'I DPA' MO RNAMS DANG MYUR DU 'PHRAD LA, DE LA BRTEN NAS LAM TSOGS MED PAR CHES SHIN TU MYUR BAR 'GYUR RO, ,ZHES GSUNGS PA'I PHYIR RO,, 'O NA PHO NYA DE GSUM GYI NGOS 'DZIN DANG, NANG GSES MCHOG DMAN GYI KHYAD PAR JI LTA BU YIN ZHE NA, NGOS 'DZIN TSUL LA 'DOD PA MI 'DRA BA YOD KYANG RJE'I BZHED PA NI 'DI LTAR YIN TE, LHAN SKYES KYI PHO NYA NI RDZOGS RIM GYI DON GYI LHAN SKYES RANG RGYUD LA SKYES PA'I 'JIG RTEN LAS 'DAS PA'I RNAL 'BYOR MA RNAMS YIN LA, ZHING SKYES NI ZHING KHYAD PAR CAN DU SKYES STOBS KYIS RNAL 'BYOR MAR SONG BA DANG, SNGAGS SKYES NI BSKYED RIM LA GNAS PA'I RNAL 'BYOR MA STE, MCHOG DMAN YANG DE GSUM GYI SNGA MA SNGA MA MCHOG YIN PA'I PHYIR TE, RGYUD 'GREL DE NYID LAS, PHO NYA GSUM NGOS 'DZIN LA MI 'DRA BA MANG DU 'DUG NA'ANG, DANG PO NI, DON GYI LHAN SKYES THOB PA YAN CHAD DE 'JIG RTEN LAS 'DAS PA'I MKHA' 'GRO MA'O, ,GNYIS PA NI GNAS SO GNYIS LA SOGS PAR SKYES PA RNAL 'BYOR MAS RJES SU BZUNG BAS RNAL 'BYOR MAR GYUR PA'O, ,GSUM PA NI DBANG LA SOGS PAS RGYUD LEGS PAR SBYANGS PA RIM PA DANG PO'I RNAL 'BYOR LA BYANG BA STE, DE GNYIS NI 'JIG RTEN PA'I RNAL 'BYOR MA'O, ,ZHES BSHAD PA LTAR YIN PA'I PHYIR RO, ,PHYI DKYIL NAS LUS DKYIL GYI BAR SGOM PA 'DI LA NI SKU GSUM GYI SGRUB THABS SU GSUNGS PA'I RGYU MTSAN YOD DE, PHYI DKYIL SGOM PA SPRUL SKU'I RNAL 'BYOR, BYANG PHYOGS SO BDUN GYI DAG PA SGOM PA CHOS SKU'I RNAL 'BYOR, LUS DKYIL SGOM PA LONGS SKU'I RNAL 'BYOR DU 'GYUR BA'I @026B RGYU MTSAN GYIS DE LTAR DU GSUNGS PA'I PHYIR RO, ,DE NI GTZO BO'I DBANG DU BYAS PA YIN GYI, GZHAN DU NA PHYOGS MTHUN SNGAR BSHAD PA'I LAM 'KHYER GSUM PO YANG DE LTAR YIN TE, SH'U N+YA TA'I SNGAGS DON SGOM PA NI CHOS SKU'I RNAL 'BYOR, N'A DA 'JOG PA NI LONGS SKU'I RNAL 'BYOR DE LAS RGYU 'BRAS KYI RDO RJE 'DZIN BSKYED PA NI SPRUL SKU'I RNAL 'BYOR DU 'GYUR BA'I PHYIR RO, ,BZHI PA GO BGOS SHING YE SHES PA BCUG NAS DBANG BSKUR BA LA GNYIS, GO CHA BYA ZHING YE SHES PA GZHUG PA DANG, DBANG BSKUR NAS RGYAS GDAB PA'I TSUL LO, ,DANG PO LA GNYIS, GO CHA BCING BA DANG, YE SHES PA GZHUG PA'O, ,DANG PO NI, SPYIR GO CHA 'GOD PA'I GZHI DE LA BZHED TSUL MI 'DRA BA DU MA YOD DE, DKYIL 'KHOR BA'I LHA THAMS CAD LA 'GOD PA DANG, YAB YUM RE RE KHO NAR 'GOD PA DANG, YAB YUM GNYIS KA LA 'GOD PA'I TSUL GSUM YOD PA'I PHYIR RO, ,'DIR GTZO BO YAB YUM GNYIS KA LA DGOD KYI GZHAN LA NI MA YIN TE, L'U? NAG DRIL GSUM GYI GRUB CHEN GYI GZHUNG LAS DE LTAR DU 'BYUNG ZHING, BSHAD RGYUD MNGON BRJOD LAS KYANG, GO CHA GNYIS PO BGO BAR BYA, ,ZHES YAB YUM GNYIS KYI GO CHA DGOD PA LAS GZHAN MA BSHAD PA'I PHYIR RO, ,JI LTAR BSGOM PA'I TSUL YOD DE, RANG GI SNYING GAR AOm HA DKAR PO YONGS SU GYUR PA LAS ZHES SOGS 'BYUNG BA LTAR YAB KYI GO CHA DRUG DANG, GTZO MO'I LTE BAR AOm BAm DMAR PO ZHES SOGS 'BYUNG BA LTAR YUM GYI GO CHA DRUG 'GOD PAR BYA BA YIN PA'I PHYIR, DE YANG SA BON DRUG TSAN GNYIS LAS LHA DE RNAMS YUM BCAS SU BSKYED PA YIN KYANG KHYAD PAR YOD DE, YAB KYI GO CHA DRUG NI YUM GYIS YAB LA 'KHYUD PA YIN LA, YUM GYI GO CHA DRUG NI YAB YUM GYI PANG NAS TSUR 'KHYUD PA'I TSUL DU BYED DGOS PA'I PHYIR RO, ,LUS KYI GNAS DE RNAMS SU DE DANG DER NGO BO DBYER @027A *, ,MED DU BYAS NAS BSGOM DGOS PA YIN TE, BDE STONG DBYER MED KYI YE SHES KYI CHA DE NYID GNAS DE DANG DE'I NGO BOR ME LONG LA GZUGS BRNYAN SHAR BA BZHIN DU BLTA DGOS PA'I PHYIR RO, ,DE LTAR BSGOM PA NI RGYAS PA'I DBANG DU BYAS PA YIN GYI, BSDU NA AOm HA SOGS KYI YI GE TZAM BKOD NAS LHA DE RNAMS DANG NGO BOR DBYER MED DU MOS PAS KYANG CHOG PA YIN TE, RTZA RGYUD LAS, YA SOGS BRGYAD PA'I SA BON DANG, ,DE BZHIN GUG SKYED BCU GNYIS KYI, ,YI GE BAR MA DOR BYAS PA, ,YAN LAG DRUG HE RU KAR BRJOD, ,DPA' BO DRUG DANG MNYAM SBYOR BA, ,YI GE GCIG TU YANG DAG GNAS, ,AOm NA MA SV'A H'A BOO shAt, ,H'Um H'Um PHAt DANG YANG DAG LDAN ZHES DANG, ,'DOD 'JO LAS KYANG, AOm HA SNYING GAR DGOD LA, RDO RJE SEMS DPA' DANG NGO BO DBYER MED DU BYA BA'AM, YANG NA SNGAGS DE YONGS SU GYUR PA LAS RDOR SEMS SU SNGAR BSHAD PA LTAR BSKYED DE, ZHES GSUNGS PA'I PHYIR RO, ,LUS DBANG LUS KYI CHA THAMS CAD LA KHYAB PAS DE'I NGO BO NI DE THAMS CAD DU SGOM RIGS KYI, DPRAL PAR SGOM PA MI 'THAD DO ZHE NA, SKYON MED DE, LUS DBANG GI GTZO BO DPRAL BA'I PHYOGS NA GNAS PA'I RGYU MTSAN GYIS YIN PA'I PHYIR RO, ,GO CHA ZHES BRJOD PA'I RGYU MTSAN YOD DE, GO CHA BTZAN PO DANG 'DRA BA'I SRUNG BA YIN PAS NA DE LTAR DU BRJOD PA'I PHYIR RO, ,GO CHA BSGOMS PAS DGOS PA YOD DE, BGEGS KYIS MI TSUGS PA'I CHED YIN PA'I PHYIR RO, ,GNYIS PA YE SHES PA NI, 'BAR BA'I PHYAG RGYA DANG SNGAGS KYIS SPYAN 'DREN PA YIN TE, DE YANG MDZUB MO GNYIS MDUD CING GUNG MO GNYIS RTZE MO SBYAR ZHING MTHE BONG GNYIS BRTAN POR SBYAR NAS THUR DU BSTAN LA, MING MED DANG MTHE'U CHUNG RNAMS BRKYANG BA DPRAL BAR BZHAG NAS G-YAS G-YON DU BSKOR ZHING, NGAG TU PHEm ZHES BRJOD DE H'Um GI 'OD ZER GYIS PHYOGS BCU'I 'JIG RTEN GYI KHAMS NA BZHUGS PA'I DPA' BO DANG DPA' MO'I DBANG PHYUG MA LA SOGS PA THAMS CAD MDUN GYI NAM MKHAR SPYAN DRANGS LA, 'OD ZER RANG @027B GI SNYING KHAR THIM PAR BSAM PAR BYA BA YIN PA'I PHYIR, PHEm ZHES BRJOD PA'I RGYU MTSAN YOD DE, DE MKHA' 'GRO BSKUL BA'I SNYING PO YIN PA'I PHYIR RO, ,DE NAS MCHOD PA SOGS BYA DGOS PA YIN TE, AOm BADZRA W'I nI ZHES SOGS BRJOD NAS RIG MA BCU DRUG GIS MCHOD CING, SGO BA BZHI'I SNGAGS KYIS DGUG GZHUG BCINGS MNYES BYA BA YIN PA'I PHYIR, DE LTAR BYAS PA LA DGOS PA YOD DE, RANG DANG YE SHES PA THA DAD DU 'DZIN PA 'GOG PA DANG, YE SHES PA DANG DBYER MED DU BLTA BA DANG, YE SHES PAS BYIN GYIS RLOB PA SOGS KYI CHED YIN PA'I PHYIR RO, ,DE'I BRTAN BYED DU AOm YO GA ZHES SOGS KYI SNGAGS BRJOD DGOS SHING DE'I DON YANG YOD DE, YO GA NI RNAL 'BYOR, SHUDDHA NI DAG PA, SARBA DHARM'A NI CHOS THAMS CAD, YO GA SHUDDHO HAm NI RNAL 'BYOR DAG PA DE NGA'O ZHES PA YIN PA'I PHYIR, DE TSIG GI DON TZAM YIN LA, NGES DON YOD DE, CHOS THAMS CAD RANG BZHIN GYIS YONGS SU DAG PA'I DE KHO NA NYID DANG BDE BA CHEN PO'I YE SHES DBYER MED PA'I BDAG NYID DE NGA'O ZHES PA'I DON YIN ZHING, DAM TSIG PA DANG YE SHES PA GNYIS RO MNYAM DU SBYAR PA NI ZHES SOGS KYI DON YANG DE YIN PA'I PHYIR RO, ,BRTAN BYED DU SARBA B'I RA ZHES SOGS KYI SNGAGS BRJOD CING DE'I DON YANG YOD DE, SARBA NI THAMS CAD, B'I RA NI DPA' BO, ,YO GI N'I NI RNAL 'BYOR MA, K'A YA W'A GA TZITTA NI SKU GSUNG THUGS, SVA BH'A WA SOGS NI RANG BZHIN GYI BDAG NYID DE NGA'O ZHES NGA RGYAL 'DZIN PA'I DON YIN PA'I PHYIR RO, ,DE'I NGA RGYAL DRIL NAS 'DZIN TSUL YOD DE, DPA' BO DANG RNAL 'BYOR MA THAMS CAD KYI SKU GSUNG THUGS RDO RJE'I RANG BZHIN GYI BDAG NYID DE NGA'O SNYAM DU NGA RGYAL 'DZIN DGOS PA'I PHYIR, 'DI LTA BU LA NGA RGYAL ZHES BRJOD PA'I RGYU MTSAN YOD DE, NGA RGYAL DNGOS MIN KYANG NGA RGYAL DE NI SEMS KHENGS PA'I RNAM PA CAN YIN PAS DE DANG RNAM PA PHYOGS 'DRA BAS NA DE LTAR DU BRJOD PA'I PHYIR RO, ,GNYIS PA NI, SNGAR YE SHES PA DANG MNYAM DU SPYAN DRANGS PA'I DBANG LHA RNAMS LA RIG @028A *, ,MA BCU DRUG GIS MCHOD DGOS PA YIN TE, 'DIR MCHOD PA DE DBANG LHA LA YIN PAR RJE'I 'DOD 'JO LAS BSHAD PA'I PHYIR RO, ,DBANG LHA YANG YE SHES PA'I 'KHOR LO DANG LHAN CIG SPYAN 'DREN PA NI MAN NGAG YIN PAR WA WA BAS BSHAD CING, DRIL BU PA YANG DE DANG 'DRA STE, SNYING GA'I H'Um GI SA BON GYIS, ,YE SHES DKYIL 'KHOR DBANG BSKUR LHA, ,SPYAN DRANGS, ZHES GSUNGS PA'I PHYIR RO, ,DE NAS DE BZHIN GSHEGS PA THAMS CAD KYIS BDAG LA MNGON PAR DBANG BSKUR TU GSOL ZHES SOGS 'BYUNG BA LTAR DBANG BZHI BSKUR BA YIN TE, CHU DBANG BSKUR BA LAS BUM PA'I DBANG HE RU KA YAB YUM SNYOMS PAR ZHUGS PA'I BYANG SEMS LCE LA BZHAG PA LAS GSANG DBANG, HE RU KAS PHAG MO PHYAG RGYAR GNANG BA DANG SNYOMS PAR ZHUGS PAS RLUNG THIM PA'I MOS PA BYAS PA LAS SHER DBANG, HE RU KAS DON GYI DBANG BZHI PA DE NYID TSIG GIS BSTEN PA'I DON GO BA LAS DBANG BZHI PAR 'JOG PA YIN PA'I PHYIR, DBANG BZHI PA'I SKABS SU 'BRAS DUS KYI ZUNG 'JUG GI SKU LA NGO SPROD PA YIN TE, 'OD GSAL MTHONG BA YIN NO ZHES PA YAN CHAD KYIS DON DAM 'OD GSAL DANG, KUN RDZOB TU RLUNG SEMS TZAM LAS GRUB PA'I ZHES PA MAN CHAD SGYU MA'I SKU DANG ZUNG 'JUG LA BRDA SGROD PA YIN PA'I PHYIR RO, ,'DI DAG GIS DBANG SNGAR MA THOB PA GSAR DU THOB PA BYED PA MIN KYANG DGOS PA YOD DE, THOB ZIN BRTAN PA DANG, DE DANG DE'I NUS PA KHYAD PAR CAN RE 'JOG PA'I CHED YIN PA'I PHYIR RO, ,LHA RNAMS LA RGYAS 'DEBS DE LTAR BYED PA'I RGYU MTSAN YOD DE, GTZO BO LA MI BSKYOD PAS RGYAS 'DEBS PA DE RGYU LA 'BRAS BU'I RGYAS GDAB PA YIN NO, YUM LA RNAM SNANG GIs RGYAS GDAB PA NI CHOS SKU LA GZUGS SKU'I RGYAS GDAB PA DANG, GZHAN RNAMS NI RIGS CAN LA RIGS KYIs RGYAS GDAB PA YIN PA'I PHYIR TE, MKHA' 'GRO MA SOGS BZHI NI RIN 'BYUNG GI RIGS DANG, 'KHOR LO BZHI'I LHA RNAMS RIM PA @028B BZHIN MI BSKYOD PA DANG, SNANG MTHA' DANG, RNAM SNANG DANG, DON GRUB KYI RIGS SU 'JOG PA'I PHYIR RO, ,DE NAS DBANG LHA RNAMS RANG LA BSTIM ZHING, DE LTAR DBANG BSKUR BA LA DGOS PA KHYAD PAR CAN YOD DE, BGEGS KYIS MI TSUGS PA DANG, SGRIB PA KUN SBYONG BA DANG, SGOM BZLAS KYI SNOD DU RUNG BA DANG, ZHI SOGS KYI LAS 'GRUB SLA BA DANG, BYANG SEMS NYAMS PA GSO BA DANG, DAM TSIG DANG SDOM PA NYAMS PA GSO BA DANG, MA 'ONGS PA NA SANGS RGYAS KYIS DBANG BSKUR BAR 'GYUR BA'I DGOS PA DANG BCAS PA JO BO CHEN POS BSHAD PA LTAR YONG PA'I PHYIR RO, ,LNGA PA MCHOD BSTOD DANG BSGOM ZHING DAG PA DRAN TSUL SOGS NI SNGAR MCHOD PA BYIN RLABS MA BYAS NA 'DIR BYA BA YIN TE, SKABS DE GNYIS GANG DU BYAS KYANG MI 'GAL BA'I PHYIR RO, ,MCHOD PA LA CHU BZHI DANG GSUM DANG GNYIS GANG BYAS KYANG MI 'GAL TE, SDOM 'BYUNG LAS CHU BZHI BSHAD CING, SGRUB THABS TSAD LDAN 'GA' LAS GSUM NGANG GNYIS KYANG BSHAD PA'I PHYIR DANG, L'U HI PA RANG GI SGRUB THABS LAS NI SKABS 'DIR SNGAGS MCHOD TZAM LAS MA BYUNG BA'I PHYIR RO, ,DE NAS CHU BZHI SOGS SNGON DU 'GRO BA'I NYER SPYOD ROL MO 'DOD YON RIG MA BCU DRUG DANG BCAS PA'I PHYI'I MCHOD PA RNAMS BYA BA YIN TE, LHA MO SPROS TE MCHOD BYED KYI SNGAGS NI GZHAN NAM AOm A'A:GU RU BADZRA SHR'I HE RU KA AARGHAm PRA TITZTSA SOGS KYIS MCHOD PA YIN PA'I PHYIR, MCHOD PA'I LHA MO RNAMS KYI SKU MDOG SOGS JI LTAR BYA BA'I TSUL YOD DE, ME TOG MA SOGS KYI SKU MDOG PHYAG MTSAN SOGS RGYAS PAR 'DOD 'JO LAS 'BYUNG BA LTAR YIN PA'I PHYIR, MCHOD PA 'DI RNAMS DBANG BZHI GANG DANG 'BREL BA'I TSUL YOD DE, BUM PA'I DBANG NI, PHYI BUM DBANG DANG 'BREL BA'I MCHOD GNANG MCHOD MYANG BA NI NANG GSANG DBANG DANG 'BREL BA'I MCHOD PA, YAB YUM SNYOMS ZHUGS TE DGA' BZHI DRANGS PA NI DBANG GSUM PA DANG 'BREL @029A *, ,BA'I MCHOD PA, LHAN SKYES KYI DGA' BAS STONG NYID RTOGS PAR MOS PA'AM RTOGS PA'I DE KHO NA NYID KYI MCHOD PA NI DBANG BZHI PA DANG 'BREL BA'I MCHOD PA YIN PA'I PHYIR RO, ,DE NAS NANG MCHOD JI LTAR 'BUL BA'I TSUL YOD DE, MGRON RNAMS KYI LJAGS BYIN GYIS BRLABS NAS AA MRi TA'I SNGAGS DANG, AOm A'A:H'Um GSUM GYIS BYIN GYIS BRLABS LA, DNGOS BRGYUD KYI BLA MA RNAMS KYI MTSAN SNGAGS KYI MTHAR YI GE GSUM BTAGS NAS PHUL BA'I RJES SU, DKYIL 'KHOR BA'I LHA THAMS CAD LA RANG RANG GI SNGAGS KYI MTHAR 'BRU GSUM BTAGS NAS 'BUL ZHING, DE NAS PHYOGS SKYONG SOGS 'JIG RTEN PA RNAMs LA 'BUL BA YIN P'I PHYI RO, DE'I TSE THUGS KA NAS LHA MO RO RDO RJE MA SPROS NAS 'BUL BA YIN TE, DES THOD PA BZUNG NAS BDUD RTZI BCUS TE MGRON RNAMS LA STABS PAS GSOL BAS TSIM PAR BSAM DGOS PA'I PHYIR RO, ,MTHAR AOm AA MRi TA ZHES SOGs BRJOD DE MCHOD PA'I NGA RGYAL 'DZIN DGOS PA YIN TE, AA MRi TA NI 'CHI MED DAM BDUD RTZI, SVA DA NI MNYES PA, SVA BH'A WA NI RANG BZHIN, A'ATMA KA NI BDAG NYID, AA HAm NI NGA'O ZHES PA'I DON YIN PA'I PHYI RO, ,DE NAS GSANG MCHOD DANG DE KHO NA NYID KYI MCHOD PA JI LTAR BYA BA'I TSUL YANG YOD DE, RANG GI SNYING GA'I H'Um LAS BYUNG BA'I RNAL 'BYOR MA BZHI DANG, SGO MTSAMs MA BRGYAD KYIS THOD PA NA GNAS P'I BDUD RTZI LNGAS MCHOD LA, AOm SARBA BADZRA K'A MI NI ZHES SOGs MJUG TU YI GE GSUM BRJOD CING PHUL BA'I RJES SU, GNAS BZHI DANG GSANG GNAS SNGAR BYIN GYIS BRLABs PA DRAN PAR BYAS NAS DGA' BZHI DRANGS PA NI GSANG MCHOD DANG, LHAN SKYES KYI DGA' BAS DE KHO NA NYID DNGOS SU RTOGs PA'AM RTOGS PAR MOS PA NI, DE KHO NA NYID KYI MCHOD PA YIN PA'I PHYIR RO,, RANG GTZO BO YAB YUM GNYIS KYIS DGA' BA MYONG BA'I TSE PHYI DKYIL DANG LUS DKYIL GYI LHA RNAMs KYIS KYANG CIG CAR DU BDE BA CHEN PO NYAM SU MYONG BAR BSAM DGOS PA YIN TE, 'DIR 'KHOR THAMS CAD KYANG GTZO BO DANG RGYUD GCIG CING DE'I CHA SHAS TZAM DU ZAD DO SNYAM DU BLTA DGOS PA'I PHYI RO, ,SPYIR SNGAGS KYI SKAB SU ZAB GSAL @029B GNYIS MED SGOM PA LA LTA BA DGOS SHING, KHYAD PAR CHOS SKU'I LAM 'KHYER DANG, DE KHO NA NYID KYI MCHOD PA DANG, BDE STONG DBYER MED SGOM PA LA BDAG MED RTOGs PA'I LTA BA DRAN PA NI MED MI RUNG GI YAN LAG YIN TE, DE LA THOS BSAM TZAM YANG MED NA NI DGOS DON JI LTA BA BZHIN 'GRUB PAR DKA' BA'I PHYIR RO, ,DE NAS SNGAGS MCHOD JI LTAR BYA BA'I TSUL YANG DE, YAB YUM GYI SNYING PO DANG NYE SNYING, SNYING PO'I RNAL 'BYOR MA BZHI'I SNGAGS, 'KHOR LO GSUM GYI DPA' BO DANG DPA' MO RNAMS KYI SNGAGS, SGO MTSAMS MA BRGYAD DANG YAB YUM GYI RKANG BRGYAD KYI SNGAGS MCHOD RNAMS SGRUB THABS NAS 'BYUNG BA BZHIN RIM PAR BYA BA YIN PA'I PHYIR, SNGAGS DE RNAMS BRJOD PA NI MCHOD PAR 'GYUR BA'I TSUL YOD DE, 'DOD 'JO LAS, RTZA RGYUD LAS, SNGAGS RNAMS KUN GYIS YANG DAG MCHOD, ,CES GSUNGS PAS BSTOD PA'I MCHOD PA'I SNGAGS SO, ,ZHES BSHAD PA LTAR BSTOD CING BSKUL BA'I SGO NAS LHA MNYES PAR BYED PAS NA MCHOD PAR BZHAG PA'I PHYIR RO, ,MCHOD PA'I 'KHOR GSUM THAMS CAD RANG BZHIN MED PAR RTOGS PA'I BDE STONG DBYER MED KYI NGO BOR MOS PA NI SHIN TU GAL CHE BA YIN TE, DES TSOGS GNYIS BDE BLAG TU RDZOGS PAR 'GYUR BAR BSHAD PA'I PHYIR RO, ,DE NAS LHA'I 'KHOR LO BSGOM ZHING DAG PA DRAN PAR BYA BA YIN LA, BSGOM PA'I TSUL YOD DE, RIM PA DANG PO'I SPANG BYA'I GTZO BO NI THA MAL GYI SNAR ZHEN GNYIS YIN LA, DE LA THA MAL GYI SNANG BA'I GNYEN POR LHA'I RNAM PA YA SLOB PA DANG, THA MAL GYI ZHEN PA'I GNYEN POR LHA'I NGA RGYAL LA SLOB PA YIN ZHING, DE DAG GI TSE RNAM PA LHAR GSAL BA LA DMIGS NAS BSGOMS PAS YID NGOR THA MAL GYI SNANG BA 'CHAR BA RE ZHIG BKAG PA'I TSUL GYIS DE'I GNYEN POR 'GYUR LA, DNGOS PO LA LHAR MA SONG YANG LHA'I NGA RGYAL BCOS MIN DU BYAS PAS YID NGOR THA @030A *, ,MAL GYI ZHEN PA RE ZHIG BKAG PA'I TSUL GYIS DE'I GNYEN POR 'GRO BA YIN PA'I PHYIR RO, ,DE'I TSE ZAB GSAL GNYIS SU MED PA'I TSUL GYIS SGOM PAR BYED PA YIN TE, DMIGS PA LHA LA DMIGS NAS RNAM PA RANG BZHIN MED PAR DRAN PA GNYIS ZUNG 'BREL DU SKYONG BA'I ZAB GSAL GNYIS MED KYI RNAL 'BYOR NI SKABS 'DIR NYAMS LEN GYI GTZO BO YIN PA'I PHYIR RO, ,DE NAS DAG PA DRAN TSUL YOD DE, LHA'I DAG BA NI SNGAR PHYI DKYIL DANG LUS DKYIL GYI SKABS SU BSHAD ZIN CING, RGYAN GYI DAG PA DRAN TSUL YANG YOD DE, SNGAGS RNAMS DANG RGYAN DE RNAMS TSOGS PA LAS BYUNG BA'I PHYAG RGYA DRUG DANG THOD SKAM LA SOGS PA YOD NA DNGOS SU BRGYAN PA'AM, MED NA'ANG RGYAN DE RNAMS KYIS BRGYAN PAR BSAM PA YIN ZHING, DAG PA'I DON NI SNGAGS DE RNAMS LAS RGYAN DE DAG BYUNG BAR SGOM PA NYID YIN PA'I PHYIR RO, ,DE NAS KHA tV'Am KA NI LHA YI SKU, ,ZHES SOGs KYI DON YANG YOD DE, KHA tV'Am KA NI HE RU KA'I SKU BDE BA CHEN PO'I NGO BO DANG, d'A MA RU NI RNAL 'BYOR MA STE SHES RAB STONG PA NYID KYI SGRA SGROG PA DANG, HE RU KA NI NYIN MO'I SGRAS BRJOD PA'I DAG PA SGYU MA'I SKU'I RANG BZHIN DANG, PHAG MO NI MTSAN MO'I SGRAS BSTAN PA'I SHES RAB DON DAM 'OD GSAL GYI RANG BZHIN DU BSGOM PAR BYA BA YIN LA, DE 'DRA BA'I HE RU KA NI 'KHOR BA BAG CHAGS DANG BCAS PA SPANGS PA LAS BYUNG BAS NA, MYA NGAN 'DAS BYUNG DPA' BO STE, ,ZHES GSUNGS SHING, DE NYID KYANG SGRUB PA PO RANG NYID KYI RLUNG SEMS TZAM GYI NYER LEN LAS SPRUL PA'I RIGs DRUG PA RDO RJE 'CHANG CHEN PO NYID YIN PAS NA, DRUG PA SEMS KYI SPRUL PA STE, ,ZHES 'BYUNG BA DANG, RDO RJE PHAG MO NI RANG BZHIN GYIS RNAM PAR DAG PA'I CHOS KYI DBYINGS LAS SPRUL PA'I LHA MO'I GZUGS SU BSTAN PAR BSAM PA NI, DAG PA CHOS KYI SPRUL PA NI, ,PHAG MO'I GZUGS SU BSTAN PA YIN,, @030B ZHES PA'I DON YIN LA, LHAG MA'I DON NI GONG DU BSHAD ZIN PA LTAR DRAN PAR BYA DGOS PA'I PHYIR RO, ,PHYI DKYIL GYI DAG PA DRAN PA NAS 'DI'I BAR GYI NYAMS LEN RNAMS KYIS PHAR PHYIN THEG PA'I MKHYEN GSUM GYI LAM GYI GNAD THAMS CAD BSDUS PA YIN TE, GZHI PHUNG KHAMS SKYE MCHED KYI CHOS RNAMS RANG BZHIN MED PAR RTOGS PA'I BDE BA CHEN PO'I YE SHES KYIS BSDUS PA'I CHOS SO BDUN LHA SO BDUN DU SHAR BAR BSGOMS PAS GZHI SHES KYI LAM GYI GNANG DANG, YE SHES DE NYID SA BCUR BZHAG PA LA LUS KYI GNAS DANG NYE BA'I GNAS LA SOGS PAR MOS PA'I LUS DKYIL BSGOMS PAS NI LAM SHES KYI GNAD DANG, RNAL 'BYOR BA RANG GI GZHI LAM KHYAD GZHIR BYAS PA'I STENG NAS KHYAD CHOS GO CHA 'CHING BA SOGS BSGOMS PAS NI RNAM MKHYEN GYI LAM GYI GNAD BSDUS PAR 'DI'I RGYA 'GREL DU MA DANG RJE NYID KYIS KYANG BSHAD PA'I PHYIR RO, ,BZHI PA RDZOGS RIM RNAL 'BYOR CHEN PO CUNG ZAD BSGOM PA'I TSUL YOD DE, DE YANG GTZO BOR BSKYED RIM BSGOM PA'I ZHANG BYUNG GI TSUL DU BYED PA YIN PAS, DBYANGS GSAL NGAG TU BRJOD PA LAS, DBYANGS GSAL GYI 'PHRENG BA 'OD ZER LNGA LDAN 'OD ZER GYI SNE LAS, 'KHOR LO GSUM GYI LHA TSOGS SNA BUG G-YAS PA'I RLUNG DANG 'GROGS NAS SPROS PAS, 'GRO BA RNAMS 'KHOR LO GSUM GYI GO 'PHANG LA BKOD PA SOGS BYAS NAS, RANG GI SNA BUG G-YON NAS ZHUGS TE LTE BAR GNAS PA YONGS SU GYUR PA LAS RIM GYIS HE RU KA DKAR PO YUM PHAG MO DANG BCAS PAR BSKYED PA'I GSANG GNAS BSKYOD PA'I DGA' BA'I SGRAS 'GRO BA RNAMS BKUG STE DUR KHROD LA THIM PA SOGS KYI SDUD RIM BSHAD PA LTAR BYAS PA'I MTHAR N'A DA PHRA MO LA SEMS 'DZIN DE NAS N'A DA YANG MI DMIGS PAR BSAMS TE BDE STONG GI @031A *, ,RNAL 'BYOR SGOM PAR BYED PA YIN PA'I PHYIR RO, ,GSUM PA THUN GYI MJUG TU JI LTAR BYA BA'I TSUL LA GNYIS, BZLAS PA DANG, GTOR MA SOGS KYI RIM PA'O, ,DANG PO LA GNYIS, RDOR BZLAS DANG, NGAG BZLAS SO, ,DANG PO 'DIR BSKYED RIM PA'I RDOR BZLAS JI LTAR BYA BA'I TSUL YOD DE, DE NAS SLAR RTEN BRTEN PA'I DKYIL 'KHOR DU SKAD CIG GIS LDANG NAS RANG GI LTE BAR ZLA BA LA GNAS PA'I H'Um NGAM, N'A DA DKAR LA DMAR PA'I MDANGS CAN LAS RLUNG PHYIR 'BYUNG BA H'Um GI GDANGS KYIS 'KHOR LO LNGA'I LHA TSOGS SBROS TE 'GRO BA'I DON BYAS, AOm GYI GDANGS KYIS NANG DU ZHUGS NAS H'Um NGAM N'A DA LA THIM, A'A:'I GDANGS KYIS GNAS PAR BSAMS TE RLUNG CUNG ZAD 'DZIN PA NYID YIN PA'I PHYIR RO, ,GNYIS PA NGAG BZLAS LA SPYIR BYA TSUL LNGA YOD DE, DAM TSIG GI BZLAS PA, DO LI'I BZLAS PA, KHYOGS KYI BZLAS BA, GONG BU'I BZLAS PA, KHRO BO'I BZLAS PA RNAMS SU YOD PA'I PHYIR RO, ,DE RNAMS GANG BYED KYANG 'PHRENG BA BSKYED CHOG RGYAS PA SNGAGS RIM NAS 'BYUNG BA LTAR RAM, BSDUS PA SKABS 'DIR MNGON RTOGS NAS 'BYUNG BA BZHIN PADMA GANG DBANG DU BSKYED PA LA YE SHES PA BSTIM MCHOD NAS 'PHRENG BAR GYUR PAR BSAMS TE BZLAS PA BYED PA YIN LA, DE'I TSE GTZO 'KHOR DU YOD KYI ZHAL NAS 'DON PAR MOS DGOS PA YIN TE, DE LTAR BZLAS NA DE SNYED KYI GRANGS KYI 'GYUR KHYAD 'BYUNG BA DRIL BU BA SOGS KYIS BSHAD PA'I PHYIR RO, ,DE YANG THUN GYI NGO BO LA LHA'I NGA RGYAL GYIS SEMS MA G-YENG BAR BZLAS PA RNAMS DE'I GRANGS SU GZHUG PAR BYA'I, THUN MTSAMS SU BZLAS PA RNAMS BZLAS PA'I GRANGS SU MI 'DREN YANG BZLA DGOS PA YIN TE, LAS SGRIB SBYONG BA DANG BAR CHAD ZHI BA @031B SOGS KYI CHED DU SPYOD LAM THAMS CAD KYI TSE BZLAS CHOG PAR 'DI'I RGYA 'GREL SOGS DU MA ZHIG LAS BSHAD PA'I PHYIR RO, ,BZLAS BYA'I SNGAGS NI GONG DU BRJOD PA'I SNGAGS RNAMS YIN KYANG, GRANGS DANG BZLA TSUL GYI DBANG DU BYAS NA KHYAD PAR YOD DE, RANG NYID BDAG 'JUG BYED BA DANG, GZHAN LA DBANG BSKUR BA SOGS KYI LAS RUNG DU BYED PA LA, 'DI'I BSNYEN BA RGYAS PA'I DBANG DU BYAS NA, D'A RI KA PA DANG NAG PO BAS BSHAD PA LTAR, GTZO BO YAB YUM LA KHRI PHRAG GSUM GSUM DANG, 'KHOR LO GSUM GYI LHA RE RE LA KHRI PHRAG GNYIS GNYIS, LHA MO GZHAN BCU GNYIS PO RE RE LA STONG PHRAG PHYED DRUG RE BZLA ZHING, 'BRING DANG, BSDUS PA GNYIS LA NI GTZO BO LA 'BUM, 'KHOR RNAMS LA KHRI PHRAG RE, RGYAS BSDUS GNYIS KA LA YE SHES 'BEB SNGAGS KHRI PHRAG GCIG BZLA DGOS PA'I PHYIR RO, ,YAB KYI BZLAS BYA'I SNGAGS NI RTZA SNGAGS RAB YIN LA, DE MIN SNYING PO'I SNGAGS SU GSUNGS PAS YUM LA'ANG MTSON ZHING, YAB YUM GYI RTZA SNGAGS GONG DU BLANGS NAS 'DON PA YOD KYANG DE GTZO BOR MI 'DON NA 'KHOR LO LNGA'I LHA RNAMS KYI SNGAGS BZLAS PA'I MJUG TU CI 'GRUB BZLAS KYANG CHOG STE, TSAD LDAN GYI GZHUNG 'GA' LAS DE LTAR DU 'BYUNG ZHING, RIGS PA GZHAN GYIS KYANG GRUB PA'I PHYIR RO, ,GO CHA'I SNGAGS BZLA BA KHA CIG NAS MI 'BYUNG YANG RTZA SNGAGS KYI MTHAR BZLA BAR BYA STE, RTZA RGYUD LAS, SA STENG 'DI NA RIN CHEN BZHI, ,ZHES BSHAD PA'I BZHI'I YA GYAL YIN PA'I PHYIR RO, ,'ON KYANG BSNYEN PA'I GRANGS SU NGES PAR 'DREN MI DGOS PAR SEMS TE BRTAG LA, RKANG BRGYAD KYI SNGAGS NI BZLAS PA'I GRANGS SU BYAS NAS TON KYANG MI 'GAL ZHING, @032A *, ,DE MA BYAS PAR JI LTAR 'TSAM PA ZHIG BZLA BA'AM MIN KYANG CHOG STE, 'DI BSTOD SNGAGS YIN PAS GDAM PA? CAN DU BSHAD PA'I PHYIR RO, ,BZLAS PA 'BRING BYA TSUL NI BSHAD RGYUD MNGON BRJOD LAS BSHAD DE, DE NYID LAS, SNGON DU BSNYEN PA BYA BA NI, ,CHO GA BZHIN DU 'BUM DU BZLA, ,'KHOR LO'I GSANG SNGAGS 'BUM BZLA ZHING, ,RANG GI LHA YI 'ANG 'BUM DU BZLA, ,GZHAN NI KHRI DU BZLA BAR BYA, ,ZHES DANG, SNGAGS RNAMS SNGON MA'I DBANG DU BYAS NAS, LVA WA PAS KYANG GTZO BO LA 'BUM 'KHOR LA KHRI PHRAG RE BZLA BAR BSHAD LA, YANG D'A RI KA PAS 'BRING PO'I DBANG DU MDZAD NAS DE KHO NA LTAR BSHAD CING, THUN MONG DU YE SHES 'BEBS SNGAGS KHRI DANG, BZLAS PA'I KHA SKONG GI SBYIN BSREG KYANG BYA BAR BSHAD PA LTAR YIN PA'I PHYIR RO, ,'KHOR GYI LHA DRUG CU'I SNGAGS BSDUS PA BYED PA LA TSUL GNYIS YOD KYANG, 'DIR BSHAD RGYUD MNGON BRJOD LAS GSUNGS PA BZHIN BYAN 'DI LTAR YIN TE, GTZO BO YAB YUM GNYIS 'BRING PO LTAR YIN ZHING 'KHOR RNAMS LA NI Ri Li BZHI DANG, MA YIG DOR BA'I KA TZA tA TA BA'I SDE TSAN GYI YI GE NYER BZHI DANG, YA RA LA WA BZHI DANG, SHA shA SA HA BZHI'I MI GOR THIG LE BYIN NAS RE RE'I THOG MAR AOm DANG MTHAR H'Um H'Um PHAt SBYAR BA RNAMS RIM PA BZHIN SNYING PO'I RNAL 'BYOR MA BZHI DANG, 'KHOR LO GSUM GYI LHA ZUNG NYER BA ZHI DANG, SGO MA BZHI DAG MTSAMS MA BZHI'I SNGAGS SU BSHAD PA LTAR RAM Ri SOGS SA BON SO DRUG PO SBREL NAS THOG MTHAR SNGAR BZHIN SBYAR TE BZLAS BAS KYANG CHOG PAR RJE YAB SRAS RJES 'BRANG DANG BCAS PA DU MAS BSHAD PA LTAR YIN PA'I PHYIR RO, ,BZLA BYA'I SNGAGS RNAMS KYI @032B NANG NAS YAB KYI SNYING PO'I SNGAGS DON YOD DE, AOm NI SNGAGS KYI 'GO 'DREN YIN ZHING DE'I AA YUM GSUM GYIS NI SKU GSUNG THUGS MTSON PA DANG SNGAR BSHAD PA LTAR BKRA SHIS PA SOGS LA 'JUG PA YIN LA, SHR'I NI DPAL, BADZRA NI RDO RJE, HE RU KA NI NGES TSIG GIS BSHAD NA THOD KHRAG LA ROL PA'AM KHRAG 'THUNG, d'A K'I N'I NI MKHA' 'GRO MA, SAMBA RAm NI SDOM PA'AM BDE MCHOG ,SV'A H'A NI GZHI TSUGS CES PA'I DON YIN PA'I PHYIR RO, ,NYE SNYING LA BSGYUR RGYU MED KYANG MTSON DON YOD DE, HR'I: LA SOGS PA'I YI GE LNGAS YE SHES LNGA MTSON PA YIN PA'I PHYIR, YUM GYI SNYING PO DANG NYE SNYING GI DON YANG YOD DE, DANG PO NI RDO RJE RNAM PAR SNANG MDZAD CES PA YIN LA, PHYI MA NI SANGS RGYAS THAMS CAD KYI RDO RJE MKHA' 'GRO MA ZHES PAR 'GYUR BA'I PHYIR RO, ,d'A K'I N'I ZHES SOGS BZHI'I DON YOD DE, GZHAN GSUM BSGYUR BA LTAR YIN LA, L'A MA NI MDZES MA ZHES PAR 'GYUR PA'I PHYIR RO, ,KAR KA RA SOGS KYI DON LA DRANG NGOS GNYIS YOD PA'I DRANG DON BSHAD NA DPA' BO'I SNGAGS KYI DON KYANG SHES PAR 'GYUR BAS BSDUS TE BSHAD NA 'DI LTAR DU 'GYUR TE, KA RA GNYIS NI GYIS SHIG GNYIS, KU RU GNYIS NI MDZOD GNYIS, DE BZHIN DU SBYAR TE, BHANDDA 'CHING, TR'A SA YA SKRAG PAR GYIS, KshO BHA YA BSKYOD PAR GYIS, DA HA SREGS, BA TZA TSOS, BHAKshA ZO, ,BA SA ZHAG ,RU DHIR PHRAG ,AANTRA RGYU MA, M'A L'A BA 'PHRENG BA, LAm BI NI 'PHYANG BA, SA BTA BDUN, P'A TA LA SA 'OG ,GA TA GNAS PA, BHU DZAm GAm LAG 'GRO, ,SAR PA B'A SPRUL RNAMS, TA RDZA YA BSDIGS, AA KAt dHYA KHUG CES PA YIN LA, HR'Im HR'Im SOGS PA BSGYUR BA MED KYANG MTSON DON KHYAD PAR CAN YOD TSUL NI 'OG TU 'CHAD PAR 'GYUR BA'I PHYIR RO, ,RTZA SNGAGS KYI NGES DON @033A *, ,SHES PA GAL CHE STE, RTZA RGYUD LE'U DGU PA LAS DE MA SHES NA RTZA SNGAGS KYI DE NYID MI SHES PAS DNGOS GRUB 'GRUB DKA' BAR GSUNGS PA'I PHYIR RO, ,DES NA 'DI'I NGES DON CUNG ZAD CIG BSHAD NA 'DI LTAR YIN TE, DE YANG RGYUD 'GREL NAS 'BYUNG BA LTAR RTZA SNGAGS BTU BA'I NGES DON DANG, BTUS PA'I RTZA SNGAGS KYI DES DON GNYIS YOD PA'I NANG NAS PHYI MA 'CHAD PA LA, KA RA GNYIS NI LAS SGRIB YANG YANG ZAD PAR BYED PA, KU RU NI NYON MONGS YANG YANG ZAD PAR BYED PA, BHANDHA NI LHA'I 'KHOR LO RNAMS RANG BZHIN MED PAR RTOGS PA'AM 'CHING BA, TR'A SA YA NI KUN RDZOB KYI CHOS THAMS CAD SGYU MA LTA BUR RTOGS NAS MI SKRAG PA, KshO BHA YA NI CHOS RNAMS LA DON DAM DPYOD BYED KYI RIGS PAS DPYAD NAS CUNG ZAD KYANG MA RNYED PA'I STONG NYID SGOM PA, HRO LA NI CHA DU MA YOD PA'I NANG NAS RAS SGRUB PA PO'I RDO RJE DER STAR BYAS PAS NI PHYAG RGYA'I PADMA, HAS NI SGRUB PA PO'I BYANG SEMS, DE'I SROG GI AU'AM NA ROS NI PHUNG KHAMS SKYE MCHED 'OD GSAL DU SDUD PA, ZLA TSES KYIS NI SPYI BO NAS BYANG SEMS 'BAB PA, THEG LES NI BDE STONG DBYER MER MTSON, HR'A:'I HAS NI SGRUB PA PO'I BYANG SEMS, RA STAS NI PHYAG RGYA'I KHAMS DMAR PO, ,RNAM BCAD KYIS NI THIG LE GNYIS YUM GYI PADMAR 'DRES PA DE MTSON, PHEm GYI LAS NI ZUNG 'JUG ,ZLA TSES KYIS NI DON DAM 'OD GSAL, THIG LES NI DE GNYIS DBYER MED DU SBYOR BA DE MTSON, PHAt KYIS NI 'OD GSAL GYI YE SHES, DA HAS NI YE SHES DES MTSAN 'DZIN SREG PA, PA TZAS NI ZAG BCAS KYI PHUNG PO CHOS PA, BHAKshAS NI RNAM RTOG DE ZAD PAR BYED PA, BAS NAS LA MBHI'I BAR NI LHA LA BSTONG CING 'BOD PA, BOS NAS GRiHnA DANG TA RDZA YAS NI BSDIGS MTSAR CHOD @033B CIG STE SA BTA NAS SARBAm B'A'I BAR GYIS SBRUL GDUG DANG 'DRA BA'I BDEN 'DZIN GYI RNAM RTOG DE NYID TSAR CHOD CIG ,AA KAtHYAS NI RNAM THAR SGO GSUM GYI RIGS PAS MTSAN 'DZIN THAMS CAD CHOD, HRI LA YI GE'I CHA BZHI YOD PA'I HA SA THABS, RA STAS SHES RAB, AI SA YE SHES BZHI THIG LES DE RNAMS NGO BO DBYER MED DU SBYOR BA DE MTSON, DZnOO LA TSA DU MA YOD PA'I NI DZnAS NI PHUNG KHAMS SOGS BDE STONG DBYER MED KYI NGO BOR 'CHING BA, NA RO GNYIS KYIS NI DBANG PO DANG YUL LNGA, ZLA TSES KYIS KHAMS, THIG LES NI BDE STONG DBYER MED DU BYAD BA DE MTSEN, KshMAm GYIS NI GZUNG 'DZIN GNYIS KYI SNANG BA THAMS CAD 'OD GSAL DU BSDUS NAS NYAMS SU MYONG BA, HAm GIS NI BDE STONG GI NGANG DU RO GCIG PA, HIm GIS NI SOR RTOG YE SHES, H'Um GIS NI CHOS DBYINGS YE SHES, KI LI'I KA LA THIG LE BYIN PA'I KAm GIS NI LHAN SKYES KYI BDE BA DANG, SI WI'I SA DANG AI SA NI BDE STONG DBYER MED DU BSDOMS PA, DHI LAS NI YE SHES DE LA LONGS SPYOD PA MTSON ZHING DE'I NGES DON YIN LA, SNGAGS PHAL CHER LA LAN GNYIS RE ZLOS TE BYUNG BA NI YANG YANG GI DON DU BSHAD PA LTAR YIN PA'I PHYIR RO, ,DPA' BO'I MTSAN GZHAN BOD SKAD DU BSGYUR BA LTAR YIN LA, MA BSGYUR BA LAndA KA P'A LA DANG, MA H'A KANGKA LA DANG, KANGKA LA DANG, SU RA BEE RI n'A ZHES PA RNAMS KYI DON YANG YOD DE, RIM PA BZHIN DU THOD PA'I DUM BU, KENG RUS CHEN MO, ,KENG RUS, CHANG DGRA ZHES PAR 'GYUR BA'I PHYIR RO,, 'KHOR LO GSUM GYI DPA' MO RNAMS KYI SNGAGS DON YOD DE, PRA TZA ntI NI RAB GTUM MA YIN PA NAS MA H'A B'IRYA NI BRTZON 'GRUS CHEN MO'I BAR YIN PA'I PHYIR, SGO MTSAMS MA BRGYAD KYI SNGAGS DON YANG YOD DE, K'A KA SYA NI KHA GDONG MA YIN PA NAS, YA MA MA THA N'I GSHIN @034A *, ,RJE 'JOMS MA'I BAR YIN PA'I PHYIR RO, ,YAB DANG YUM GYI RGANG BRGYAD KYI SNGAGS DON YANG YOD DE, DANG PO NI BCOM LDAN DPA' BO'I DBANG PHYUG LA PHYAG 'TSAL LO, ,ZHES SOGS LTAR YIN LA, PHYI MA NI BCOM LDAN 'DAS MA RDO RJE PHAG MO LA PHYAG 'TSAL LO, ,ZHES SOGS 'BYUNG BA LTAR YIN PA'I PHYIR RO, ,GNYIS PA GTOR MA SOGS JI LTAR BYA BA'I TSUL LA GNYIS, GTOR MA DANG, THUN GYI SNGA PHYI'I BAR SOGS LA JI LTAR BYA BA'O, ,DANG PO NI, BYIN RLABS SNGON 'GRO'I SKABS BA ZHIN BYAS NAS JI LTAR SPYAN 'DREN PA'I TSUL YOD DE, RANG GI THUGS KA'I H'Um GI 'OD ZER GYIS 'DAS MA 'DAS KYI GTOR 'GRON RNAMS LHAN CIG SPYAN 'DREN PA YIN PA'I PHYIR, DE NAS LAG PA BYIN RLOB BYA BA'I TSUL YOD DE, DBYANGS GSAL LAS LAG PA GNYIS ZLA NYI H'Am DANG BCAS PAR BSKYED NAS AOm AA N+YO N+YA ZHES SOGS KYAm SNGAGS BRJOD PA'I SGO NAS LAG PA GNYIS RDO RJE THAL MOR BSGYUR NAS BDEN PA BRJOD CING BYIN GYIS BRLAB PA YIN PA'I PHYIR, SNGAGS DE'I DON YOD DE, AA N+YO N+YA NAS SARBA DHARMMAS:NI, PHAN TSUN RJES SU RAB TU ZHUGS PA'I CHOS THAMS CAD, PAR SPHAR NA SARBA DHARMMA:NI, MCHOG TU SHIN TU RAB TU ZHUGS PA'I CHOS THAMS CAD, AA ? NTA NAS SARBA DHARMMA: NI, DANG POR RAB TU RJES SU GNAS PA'I CHOS THAMS CAD CES PA YIN ZHING, DE YANG LAG PA GNYIS THABS SHES DBYER MED PA'I RDO RJE'I THAL MOR BYIN GYIS RLOB PAR BYED PA'I DON YIN PA'I PHYIR RO, ,LHA MO TSAD MA DAM TSIG TSAD MA DANG, ,ZHES SOGS KYI DON YANG YOD DE, DKYIL 'KHOR PA'I LHA RNAMS NI MI BSLU BA'I YE SHES DANG LDAN PA'I TSAD MA'I SKYES BU YIN PAS, DE'I YE SHES DANG DAM TSIG KYANG MI BSLU @034B BAS NA TSAD MA YIN LA, DE DAG STON PA'I GSUNG DAG KYANG MI BSLU BA'I TSAD MA YIN PA'I BDEN PA DES, KHYED RNAMS LA GTOR MA PHUL BA NI BDAG CAG RJES SU 'DZIN PA'I RGYUR GYUR CIG CES PA YIN PA'I PHYIR RO, ,'DAS PA'I MGRON LA 'BUL BA'I TSUL YOD DE, LJAGS BYIN GYIS BRLABS NAS AOm A'A: BADZRA AA RA LI ZHES SOGS KYI SNGAGS BRJOD DE PHUL NAS MCHOD BSTOD BYA BA YIN PA'I PHYIR, SNGAGS DE'I DON YANG YOD DE, BADZRA AA RA LI HO NI RDO RJE ROL PA, BADZRA d'A KI N+YA NI RDO RJE MKHA' 'GRO, ,SA MA YA STVAm NI DAM TSIG LDAN PA KHYOD, TRI SHYA HO: NI KYE GZIGS SHIG CES PA YIN PA'I PHYIR RO, ,'JIG RTEN PA RNAMS LA 'BUL BA'I TSUL YOD DE, SNGON 'GRO'I SKABS LTAR 'BUL BA SOGS YIN PA'I PHYIR RO, ,MTHAR GSHAGS GSOL BYA BA'I TSUL YOD DE, YIG BRGYA BZLAS NAS AOm YO GA SHUDDHA SARBA DHA RMMA: ZHES SOGS KYI MTHAR AOm BADZRA MU: ZHES BRJOD CING, 'JIG RTEN PA RNAMS RANG GNAS SU GSHEGS SHING, DKYIL 'KHOR GYI 'KHOR LO BDAG NYID LA THIM NAS BYIN GYIS BRLABS PAR BSAM ZHING SMON LAM GDAB PA YIN PA'I PHYIR, YO GA ZHES SOGS KYI DON NI SNGAR BSHAD ZIN LA, BADZRA MU: ZHES PA'I DON YOD DE, NGES TSIG GIS BSHAD NA M'U LA NI RTZA BA'I DON YIN PAS, RTZA BA'AM RANG GNAS SU GSHEGS PA'I DON YIN PA'I PHYIR RO, ,DE NAS NYER BSDU SOGS JI LTAR BYA BA'I TSUL YOD DE, YE SHES SEMS DPA' YAB YUM SNYOMS PAR ZHUGS PA'I RKYEN GYI SA N'A DA'I BAR SDUD RIM BYAS TE, SLAR YANG LHA'I SKUR SKAD CIG GIS NI LDANG NAS GO CHA BGO ZHING, P'U DZA MA SOGS PA'I GNAS NYER BZHI'I MING YIG DANG PO LA THIG LES BRGYAN PA LUS LA BKOD? NAS ZHAL BZHI BA'I SNGAGS BRJOD DE BGEGS @035A *, ,THAMS CAD BSKRAD PAR BYA BA SOGS YIN PA'I PHYIR RO, ,GNYIS PA LA GNYIS, THUN SNGA PHYI'I BAR DANG, THUN BZHI LA RGYAS BSDUS JI LTAR BYA BA'I TSUL LO, ,DANG PO LA GNYIS, SPYI DANG, KHA ZAS KYI RNAL 'BYOR RO, ,DANG PO NI, HE RU KA'I RNAL 'BYOR LA GNAS PA'I SGO NAS 'DOD YON SOGS LA 'JUG DGOS PA YIN TE, LHA'I RNAL 'BYOR DANG MA BRAL NA LUS KYI SGUL BSKYOD DANG NGAG GI SMRA BRJOD BTANG SNYOMS PA RNAMS KYANG TSOGS RDZOGS PA'I YAN LAG TU 'GYUR BA'I PHYIR TE, KUN SPYOD LAS, HE RU KA'I GO 'PHANG GNAS, ,YAN LAG GI NI BSKYOD PA DANG, ,TSIG GI RAB 'BYAMS JI SNYED PA, ,DE SNYED PHYAG RGYA GSANG SNGAGS YIN, ,ZHES GSUNGS PA'I PHYIR RO, ,GNYIS PA KHA ZAS KYI RNAL 'BYOR JI LTAR BYA BA'I TSUL YOD DE, BZA' BTUNG GTOR MA LTAR BYIN GYIS BRLAB PA'AM, YANG NA SDOM 'BYUNG LAS BSHAD PA LTAR, YI GE GSUM DANG HA HO HRI:'I SGO NAS BYIN GYIS BRLABS PA'I PHUNG LHA DANG BLA MA LA PHUL BA'I RJES SU, LUS DKYIL SKAD CIG GIS GSAL BTAB NAS NANG GI SBYIN BSREG GI TSUL DU LONGS SPYAD NA NYES PA SBYONG ZHING BSOD NAMS KYANG 'PHEL BAR 'GYUR BA'I PHYIR TE, GDAN BZHI LAS, GANG ZHIG CUNG ZAD BZA' BTUNG RNAMS, ,BSNGO BA BYAS TE BZA' BYAS NA, ,'DI LTAR SPYOD PA'I RNAL 'BYOR PA, ,BU LON DU YANG MI 'GYUR RO, ,ZHES GSUNGS PA'I PHYIR, DE LTAR MA BYAS PAR SRED PA DANG BCAS PAS SPYAD NA NYES PAR 'GYUR BA YIN TE, SDOM 'BYUNG LAS, GAL TE SRED LDAN 'THUNG GYUR NA, ,DE NI DUG TU 'GYUR BA YIN, ,ZHES GSUNGS PA'I PHYIR RO, ,GNYIS PA THUN BZHI'I SKABS SU RGYAS BSDUS JI LTAR BYA BA'I TSUL YOD DE, THUN DANG PO LA BZA' BTUNG GI BAR BYAS NAS, THUN GZHAN @035B GSUM GYI TSE RGYAS PAR NA DAG PA GSUM NAS BRTZAMS TE SNGA MA DANG 'DRA LA, CUNG ZAD BSDU NA NI 'DOD 'JO LAS, SKAD CIG MA'I SNGAGS GSUM BRJOD NAS RTEN BRTEN PA'I DKYIL 'KHOR SKAD CIG GIS BSKYED NAS GSAL 'DEBS PA MAN GZHAN SNGAR DANG 'DRA BA LA, CHOS SO BDUN GYI DAG PA RGYAS BSDUS CI RIGS BYA BAR BSHAD PA LTAR BYA BA YIN PA'I PHYIR, DES NA THUN PHYI MA GSUM LA DAG PA GSUM NAS TSOGS BSAG PA'I BAR NI BSDU BA'I TSE SPYIR MA BYAS KYANG MI 'GAL TE, 'DI'I RGYA GZHUNG RNAMS NAS DE LTAR BYA BA MA BSHAD CING, RJE NYID KYIS KYANG LAS DANG PO BAS BYAS NA PHUN SUM TSOGS PA'I YAN LAG TU 'GYUR BAR BSHAD KYI, NGES PAR BYA DGOS PAR MI BZHED PA'I PHYIR RO, ,'DIR 'DOD 'JO LAS SNGAGS GSUM BRJOD NAS RTEN BRTEN PA SKAD CIG GIS BSKYED PA 'DI LA MNGON BYANG SNGON MA RNAMS MA MDZAD PAR SEMS TE, 'DI LTAR MDZAD PA NI LVA WA PA DANG DRIL BU ZHABS KYI BZHED PA DANG BSTUN PAR SNANG BAS, DE GNYIS KYIS THUN PAR BA GNYIS KYI SKABS SU H'Um LAS SKAD CIG GIS RTEN BRTEN PA BSKYED PA'I TSUL SNGAGS RIM NAS BSHAD PA LTAR YIN PA'I PHYIR, GZHAN YANG SNGAGS RIM LAS BSDU TSUL MI 'DRA BA 'GA' ZHIG BKOD PA'I RJES SU DE DAG GI DON BSDU BA NA, DE LTAR NA THUN THOG MTHA' GNYIS RGYAS LA, BAR PA GNYIS BSDUS PA'I LUGS GCIG DANG, DANG PO RGYAS LA GZHAN GSUM BSDUS PA NI DAL BREL GYIS MIN GYI, RGYUN PA'I BYED LUGS SO, ,BREL BAS KYANG DANG PO RGYAS LA THA MA GSUM BSDUS TE BYED PA DANG, THUN DANG PO LA'ANG DAL BREL GNYIS KYI DBANG GIS RGYAS BSDUS GNYIS BYED LA, GZHAN GSUM BSDUS TE BYED PA MAN SNYE'I LUGS RNAMS GANG RUNG BYA LA, ZHES GSUNGS PA LTAR BYAR RUNG BA YIN TE, BYED SHES NA NI MKHAS GRUB TSAD @036A *, ,LDAN GYI LUGS YIN PAS SHIN TU YANG MI 'GAL BA'I PHYIR RO, ,DER MA ZAD MAN NGAG GIS RGYAS BSDUS BYED LUGS GZHAN SNANG YANG 'DIR MI 'CHAD DE, SLA CHOS BYED PAR 'GYUR BA'I SKYON 'ONG BA'I PHYIR RO, ,THUN GYI MTHAR NYAL BA DANG LDANG BA'I RNAL 'BYOR JI LTAR BYA BA'I TSUL YOD DE, NYAL BA'I TSE DBYANGS GSAL TSAR GCIG BRJOD DE SDUD RIM BYAS NAS GNYID KYI 'OD GSAL DU 'JUG LA, LDANG BA'I TSE 'OD GSAL LAS LUS DKYIL DANG BCAS PA'I HE RU KA'I SKUR LDANG BAR BYED PA'I PHYIR RO, ,GSUM PA NI, DE LTAR NYAMS SU BLANGS NA PHAN YON RGYA CHEN PO 'THOB PAR 'GYUR BA YIN TE, RTZA RGYUD LAS, MI MCHOG GANG ZHIG KUN SPYOD PA, ,SDIG PA THAMS CAD RNAM DAG BDAG ,DE BZHIN GSHEGS PA'I SA 'THOB CING, ,SKYE DANG SKYE BAR BDE GSHEGS KYI, ,RIGS KYI RGYAL PO CHOS LDAN 'GYUR, ,ZHES PA NAS, DE BZHIN SH'I HE RU KA YI, ,MTSAN GYIS SDIG PA 'JIG PAR 'GYUR, ,BSAM GTAN BSAM PA TZAM GYIS SAM, ,KLOG CING KHA TON BRIS PA YIS, ,MTHO RIS LONGS SPYOD 'THOB 'GYUR BA'AM, ,YANG NA 'KHOR LOS BSGYUR BA 'THOB, ,CES PA'I BAR GSUNGS PA'I PHYIR RO, ,TSUL 'DI LA BSHAR? SGOM BYAS PA TZAM GYIS KYANG PHAN YON GZHAN DANG MI 'DRA BA 'THOB PAR 'GYUR TE, RJE'I GSUNG 'BUM THOR BU LAS, 'DI DAG GI BSHAR SGOM TZAM RE BYED PA LA YANG, LAM GYI LUS YONGS SU RDZOGS PA'I NYAMS LEN GYI GNAD TSANG BA YIN PAS, SA CHOD DANG DGE SBYOR GYI BYED TSUL GTAN MI 'DRA'O, ,ZHES GSUNGS PA'I PHYIR RO, ,KHYAD PAR DU 'DI SKOR LA LEGS PAR SBYANGS PA'I @036B SGO NAS NYAMS LEN BYAS NA PHAN YON LHAG PAR CHE BAR NGES TE, DE NYID LAS, DES NA DPAL 'KHOR LO BDE MCHOG GI SKOR LA MKHAS PAR BYAS SHING RGYUD LA SKYE DGOS TE, ZHES PA NAS, DE YANG LHUN PO'I RTZE LA DNGOS SU BZHUGS TE BYIN RLABS MYUR BA'O, ,ZHES GSUNGS PA'I PHYIR RO, ,GAL TE, SBYANGS MA SBYANGS LAM BLTOS PA 'DON PA'I BRTZON 'GRUS BYAS NA 'DRA'O SNYAM NA DE NI MI 'DRA STE, DON SHES MI SHES PA'I DBANG GIS DKYIL 'KHOR SGRUB CING MCHOD PA LTA BU LA'ANG MCHOG DMAN GYI KHYAD PAR YOD PA'I PHYIR TE, 'DOD 'JO LAS, DKYIL 'KHOR SAR LTAR BSGRUBS NAS MCHOD NA NI, DE 'DRA BA'I GO BA MED PAR DKYIL 'KHOR MCHOD PA LAS CHES MCHOG TU 'GYUR BA YIN, ZHES GSUNGS PA'I PHYIR RO, ,'DIR SMRAS PA, RNAL 'BYOR MA RGYUD DUNG 'PHYUR? GCIG DANG NI, ,BYE BA DRUG GSUNGS DE YI NANG NAS KYANG, ,RAB DANG PHUL BYUNG 'KHOR LO SDOM PA'I RGYUD, ,JI BZHIN 'GREL MDZAD KUN MKHYEN BTZONG KHA PA, ,GANG DE'I BZHED GZHUNG DGONGS DON KUNDA'I TSAL, ,SNGON BYON MKHAS PA'I LEGS BSHAD 'OD DKAR GYIS, ,GSAL BAR PHYE MOD LAM 'DI'I 'CHAD NYAN RGYUN, ,YUN RING GNAS DANG 'PHEL PHYIR 'DI NYID BGYIS, ,DE YANG RGYAL BA'I BSTAN PA SPYI DANG NI, ,RJE BTZUN BLA MA'I MDO SNGAGS DAM PA'I CHOS, ,DUS MTHAR PHYOGS 'DIR 'DZIN PA'I SMON 'GRUB PA, ,DE YI BSKUL LAS YIN GYI GZHAN MA YIN, ,RJE BTZUN BLA MA'I DGONGS ZAB DPAG DKA' BAS, ,TSUL 'DIR MA RTOGS LOG BSHAD NYES PA GANG, ,SNYING NAS CHAGS SO @037A *, ,LEGS PAR BSHAD PA'I DGE ,'KHOR LO SDOM PA'I BSTAN PA RGYAS PHYIR BSNGO, ,CES DPAL 'KHOR LO BDE MCHOG L'U HI PA'I BSKYED RIM 'DOD 'JO'I DGONGS PA RAB GSAL ZHES BYA BA 'DI YANG, BSTAN PA'I MNGA' BDAG CO NE'I KO'U SHRI NANG SOS SMON LAM DANG THUGS BSKYED ZUNG DU 'BREL BA'I RNAM DPYOD KYIS PHYOGS 'DIR RGYUD KYI BSHAD GRVA GSAR DU BTZUGS SHING, KHYAD PAR DU 'KHOR LO BDE MCHOG GI 'CHAD NYAN 'DZUG PA'I TSE DE'I RGYUN LA PHAN PAR DGONGS NAS GNANG SBYIN DANG BCAS 'DI'I BSKYED RIM ZHIG GYIS SHIG CES BSKUL BA LA BRTEN NAS, SLOB DPON RDO RJE 'CHANG BLO GROS RGYA MTSO LA SOGS PA'I BSHES GNYEN DU MA'I BKA' DRIN GYIS LAM 'DI LA THOS BSAM CUNG ZAD BYAS SHING MOS PA'I SH'AKYA'I DGE SLONG GRAGS PA BSHAD SGRUB CES BYA BAS 'DI SKOR GYI GZHUNG DU MA LA RING DU 'DRIS BAR BYAS NAS, CO NE'I MKHAN SA DANG, RGYUD PA'I 'CHAD NYAN GYI BLA MA'I GO SAR GNAS PA'I TSE SBYAR BA STE, 'DIS KYANG RGYAL BA'I BSTAN PA LA PHAN THOGS PAR GYUR CIG ,BKRA SHIS,, ,, @037B [BLANK PAGE]